رواية سر_شقة_الاسكندرية الفصل الرابع والخامس والاخير بقلم الكاتبه نور محمد حصريه وجديده على مدونة أفكارنا
 |
رواية سر_شقة_الاسكندرية الفصل الرابع والخامس والاخير بقلم الكاتبه نور محمد حصريه وجديده على مدونة أفكارنا
وبعد نص الليل صحيت فجأه على صوت شخص بيحاول فتح باب الاوضه بتاعتي فبصيت قدامي بصدمه وانا شايفه الظل نفسه من خارج الغرفه هو بيحاول يفتحها
بس الصدمه الاكبر كانت انه كان بيحاول يفتحها بستخدام مفتاح بعد ماتأكد طبعا انها مقفوله كويس بس السر هنا هو جاب مفتاح اوضه نومي منين اصلا وياترى عاوز يدخل الاوضه تاني ليه؟!!
فضلت مكاني والخوف بياكل فيا حرفيا بس اخدت نفس بعمق وقربت من الباب بتردد وحظر وقولت بصوت مرتعش: مين هنا انت مين وعاوز ايه؟!
خلصت كلامي من هنا وفجأه لقيت الصمت عم المكان حولي وحتي الظل خارج الاوضه اختفى تمام وانا في وقتها فتحت الباب بسرعه وخرجت اللتفت في الشقه بترقب وخوف بس كان مفيش حد تاني غيري في المكان كله
فبلعت ريقي ورجعت لغرفتي تاني وانا بفكر في اللي حصل ده وبقول بضيق: غبيه ضيعت عليا فرصه كبير كنت دلوقتي قدرت اعرف مين ده بس اهو طار من هنا خلاص بس بكره لازم اخد حظري اكتر علشان اوقعه اه لازم اعمل كده
فكرت في دماغي على خطه حلوه علشان اكشفه بيها بكره بأذن الله ورجعت للنوم تاني
وعلى الجهه الاخرى خارج شقتي
كان الاستاذ محمد ماسك معتز بقوه وهو بيقول: انت كنت هناك بتعمل ايه رد عليا يامجنون انت عاوزه يمو*تك والا ايه؟!
سحب معتز ايده منه بقوه وقال: كنت عاوز اشوفها ياعم اصل البت دي طالعه من عيني وبصراحه بقيت همو*ت عليها و
قاطعه محمد بغضب وخوف وهو بيقول: بس بس اسكت الله يخرب بيتك انت عاوزه يمو*تك والا ايه انت نسيت هو قالك ايه لو دخلت عندها تاني خلاص كفايه كده يامعتز احنا مش قده وانت شوفت بعينك هو يقدر يعمل ايه
معتز بصله بضيق وقال: يعني هيعمل ايه تاني ماهو كمان معانا في الجر*يمه دي والا انت ناسي ان الفكره كلها في الاساس بتاعته يبقى مش هيقدر يعمل معايا حاجه وانا هاخدها يعني هاخدها وانت عارف طبعي كويس يامحمد
محمد بصله بصدمه وخوف بس معتز سابه وهو بينفخ بضيق وزهق لان خطته فشلت بسبب خوف محمد عليه
وفي صباح اليوم التالي
صحيت زي العاده وانا مصدعه من كتر التفكير في حل الجر*يمه دي بس فجأه سمعت صوت فوني فرديت عليه وقولت بنعاس: صباح النور يااحمد عامل ايه
رد احمد عليا وقال: صباح الفل ياعبير انا الحمد لله كويس بس حابب اقابلك دلوقتي حالا في الكافيه اللي عند الشغل عندي ليكي اخبار مهمه
تحمست اوي لما سمعت كلامه وقولت بسرعه وحماسه: بجد يااحمد طيب ربع ساعه بس وهكون عندك تمام
احمد ببسمه: تمام انا في انتظارك
قفلت معاه واخدت شور سريع ولبست اشيك طقم عندي ونزلت من الشقه بسرعه علشان متأخرش عليه
بس قبل مااخرج من العماره قابلت المستفز معتز قدامي اللي قال ببسمه مقر*فه: صباح الجمال والحلاوه ياانسه عبير ايه الاخبار
بصيت عليه بضيق وقولت بستعجال: تمام تمام ياستاذ معتز بس عن ازنك مستعجله اوي
معتز بص في اثري بخبث وقال: ماشي ياجميل كله في وقته حلو برضو
وصلت بعد وقت للكافيه ودخلت بسرعه وانا بتلفت حوليا على احمد اللي لقيته في نهايه الكافيه قاعد بزهق فقربت منه ببسمه وقولت: صباح الورد يااحمد متأخرتش عليك صح
احمد بصلي ببتسامه زي عادته وقال: صباح النور لا طبعا متأخرتيش اقعدي هطلب لنا نفطر سوى
قعدت قدامه ببسمه وبعد مافطرنا سوى قولت بحماسه: ها قولتلي عندك اخبار مهمه ايه هي بقى
احمد طلع ورق من جيبه وقال: خدي انا جبت ده كمان من الطب الشر*عي بس بتاع الشاب اللي كان ساكن في الشقه قبل سنتين وهنا مكتوب ان المريض تعر*ض لنوبه اغماء بسبب كميه المخد*رات الكتير اللي كان بيشر*بها وتم نقله بعدها للمستشفي وهناك المريض اختفي وقالوا انه مات بس ازاي هو متمش دفن جثـ"ـه اصلا؟!
سمعت كلامه كله بتركيز وانتباه وبعدها قولت بصدمه وزهول: يعني انت قصدك ان الشاب ده ممكن يكون لسه عايش بس هو متخبي كده ليه ياترى؟!
احمد بصلي وفرك دقنه بتفكير وقال: مش يمكن هو نفسه المجر*م ولما رجع شقته زمان مقلش لحد انه لسه عايش لاني كمان سمعت من سكان العماره ان الشاب ده كان متخانق مع معتز ابن صاحب العماره بسبب المخد*رات ومعتز هدده بالقـ"ـتل فاهو قال اقعد في الشقه متخبي من معتز واهو قاعد ببلاش برضو لغايه ماسكن الشقه دي التلت بنات واكيد هو اللي عمل فيهم كده والا انتي رأيك ايه ياعبير؟!
بصتله بتفكير واقتناع لان كلامه مقنع بجد وكده كل شئ بقى واضح فقولت: تصدق كلامك مقنع اوي بس هنعرف اذا كان حقيقي او لا ازاي ومن استنتاجي من كلامك ان الشاب ده اكيد هو نفسه الظل اللي بشوفه في الشقه باليل بس احنا لازم نتأكد ونعرف هو متخبي فين في الشقه؟!
احمد بتفكير: ايوه عندك حق لازم نمسكه بس ازاي؟!
فكرت كتير قدامه وبعدها خطرت ليا فكره فقولت: اه لقيتها ايوه مفيش غيرها الخطه دي هتنجح معانا
احمد سمعني وقال بسعاده وسرعه: تمام قولي ايه هي بقى
بصتله بفخر وانا بلقي عليه اغظم خططي حتي الان وكملت بعدها: وبس كده وقتها اكيد هقدر اشوفه وتأكد من وجوده وبعدها نطلب الشرطه ونفتش الشقه عليه ايه رأيك
احمد بصلي وقال بترتر وخوف: بس كده هيكون في خطر عليكي ياعبير ولو شافك ممكن يقـ"ـتلك كمان
حطيت ايدي على ايده بطمئنان وقولت: لا متقلقش عليا انا هعرف اظبط اموري كويس بس انت ادعيلي انجح في الخطه دي
احمد ببسمه: ربنا معاكي وان شاء الله هتنجي لاني وثق انك شاطره اوي في شغلك
ابتسمت له بسعاده وقولت: تسلم يارب انت بجد مصدر الدعم بتاعي يااحمد
وقعدنا بعدها نظبط سوى في الخطه دي لغايه ماالدنيا ليلت علينا وقولتله اني لازم ارجع دلوقتي وفعلا رجعت الشقه وانا كلي نشاط وحماسه للمهمه دي
وظبطت كل حاجه زي كل يوم وكمان سبت الباب الاوضه مفتوح زي العاده علشان يدخل النهاردا ورشيت عطر قوي في اوضتي دي علشان تجزبه ليها وشغلت اغاني هاديه
وبعد ماخلصت خطيت مخده مكاني على السرير وستخبيت في الدولاب علشان اقدر اشوفه من بعيد شويه وهو داخل وكل حاجه بقت تمام وانا فضلت مكاني في الانتظار
لغايه نص الليل وعلى نفس المعاد لقيت نفس الظل قرب من الاوضه وانا قافله النور طبعا علشان مايخدش باله مني وفجأه لقيته دخل بهدووء وهو بيتسحب على مهله خالص لغايه ماوصل عند السرير ووقف مكانه وانا حاولت اركز في ملامحه لان الاوضه كانت ظلمه اوي بس للاسف مقدرتش الاحظ منه حاجه ابدا
ولسوء حظي اني نسيت فوني مفتوح ومعملتوش صامت فرن برقم امي والرنه كانت عاليه لدرجه اني شوفته ارتعب وجرى زي المجنون خارج الاوضه بس قبل مايخرج وقع منه حاجه على الارض كانت بتلمع اوي
فطلعت من الدولاب بس ماتأكدت انه اختفي خالص وشغلت النور تاني وبصيت على الارض بسرعه وهنا كانت الصدمه الحقيقيه بجد؟!!
😲😲
#سر_شقه_الاسكندرية
#الفصل_الاخير
#بقلمي_نور_محمد
لغايه نص الليل وعلى نفس المعاد لقيت نفس الظل قرب من الاوضه وانا قافله النور طبعا علشان مايخدش باله مني وفجأه لقيته دخل بهدووء وهو بيتسحب على مهله خالص لغايه ماوصل عند السرير ووقف مكانه وانا حاولت اركز في ملامحه لان الاوضه كانت ظلمه اوي بس للاسف مقدرتش الاحظ منه حاجه ابدا
ولسوء حظي اني نسيت فوني مفتوح ومعملتوش صامت فرن برقم امي والرنه كانت عاليه لدرجه اني شوفته ارتعب وجرى زي المجنون خارج الاوضه بس قبل مايخرج وقع منه حاجه على الارض كانت بتلمع اوي
فطلعت من الدولاب بس ماتأكدت انه اختفي خالص وشغلت النور تاني وبصيت على الارض بسرعه وهنا كانت الصدمه الحقيقيه بجد؟!!
بلعت ريقي بصدمه وزهول وانا حامله بين ايديا دبله فضه منقوش عليها اسم شخص انا اعرفه عز المعرفه فقولت بصدمه وزهول كبير: لا مستحيل يكون ده المجر*م الحقيقي ازاي انا بجد مش مصدقه نفسي
فضلت مكاني والصدمه لسه مسيطره عليا لغايه مامر الوقت وطلع النهار فقومت من مكاني وانا بحاول اتمالك نفسي وقولت باصرار وتصميم: كده انا عرفت مين هو المجر*م بس فاضل اعرف مين كان معاه وقت الجر*يمه دي لانه مستحيل لوحده يعمل كده في ثلاث بنات وانا عارفه هوقعهم كلهم ازاي
وفعلا بدأت افكر في خطه محكمه للقبض عليهم كلهم مع بعض وبعد مااخدت وقتي الكافي في التخطيط وصلت للطريقه المناسبه في القبض عليهم وبدأت تنفيذ فيها كمان
وبعد مرور اسبوع في شقتي اللي حصلت فيها الجر*يمه
دخل اول مشتبه بيه اللي كان الاستاذ محمد الشقه وهو بيبص حوله بتوتر وخوف بس انصدم لما لقى معتز قاعد قدامه في الصالون بارتياح فقرب منه محمد بصدمه وقال: معتز انت بتعمل ايه هنا؟!
معتز سمعه ووقف قدامه بصدمه مشابهه وزهول وقال: محمد انت بتعمل ايه هنا؟
محمد بصدمه: انا احمد بعت ليا رساله وقالي اجي هنا ضروري لان فيه حاجه مهمه بخصوص الجر*يمه بتاعتنا وانه كمان مشى عبير من الشقه علشان كده انا جيت اشوفه بس انت بتعمل ايه هنا كمان؟!
معتز عنيه وسعت بصدمه وزهول وقال:انا هنا لنفس السبب ده
محمد: يعني انت كمان احمد بعت لك رساله
معتز بتأكيد: ايوه باظبط كده بس هو ليه جمعنا سوى هنا بازات يعني هو اجنن الجدع ده والا ايه
محمد بصله بقلق وخوف ولسه هيرد عليه سمعوا سوى صوت احمد اللي قرب منهم بصدمه وقال: معتز ومحمد انتو بتعملوا ايه هنا؟!
معتز ومحمد سمعوا صوته وبصوله بصدمه وزهول كبير ومعتز قرب منه بغضب وصدمه وقال: انت بتقول ايه ياجدع انت مش اللي بعت لنا رسايل بخصوص حاجه مهم في الز*فت الجر*يمه اللي عملناها سوى هنا
احمد سمعه وبصله بصدمه كبيره وقال: انا بعت لكم رسايل امتي الكلام ده حصل؟!
معتز بصله بضيق ومحمد قرب منه بخوف وقال: امبارح باليل بعت لنا الرسايل وقولت ان لازم نحضر ضروري كمان افتكر يااحمد ابوس ايدك انا قلبي هيقف من الخوف لوحده
احمد بصله برفض وقال: ياعم انا بقولكم مابعتش لكم حاجه هو انا هكذب عليكم ليه يعني
محمد بعد عنه بتوتر وخوف ومعتز قرب منه بغضب وقال: انت بتعمل معانا كده ليه فاكر انك كده هتخوفنا منك لا فوق ومتنساش ان فكره قـ*ـتل البنات دول كانت فكرتك انت مش احنا يعني انت اول واحد هيـ*ـتلف حبل المشـ*ـنقه على رقبته قبلنا فاهم
احمد بص لمعتز بغضب ومعتز قرب منه عاوز يضربه بس محمد وقف في النص بينهم وقال بخوف: بااس اهدوا مش وقته الكلام ده احنا لازم نعرف ايه اللي بيحصل هنا الاول
معتز كان مركز نظره على احمد بضيق وغضب واحمد كان بيبادله نفس النظرات لغايه ماكمل محمد هو موجه نظره لاحمد بستفهام وقال: احمد لو انت فعلا مش بعت لنا حاجه امبارح امال انت جيت هنا دلوقتي ليه؟!
احمد بصله بصله يضيق وقال: انا هنا علشان عبير هي بعتت ليا رساله وقالتلي اجي حالا لانها في مشكله كبيره و
قاطعه صوت معتز اللي قال بصدمه: اييه انت قولت عبير؟!
احمد بتأكيد: ايوه قولت عبير في ايه انتو مالكم النهاردا في ايه؟!
محمد بلع ريقه وفضل يبص حوله بتوتر وخوف وقال: احنا وقعنا في الفخ ياجماعه البت عبير لعبت بينا كلنا ووقعتنا في فخها
احمد سمعه واخيرا اخد باله من الموضوع كله وقال: ياخبر ابيض احنا ازاي بقينا اغبياء كده البت ضحكت علينا كلنا
معتز بصله بخوف وقلق وقال: يعني ايه قصدكم ان عبير هي اللي جمعتنا كلنا سوى هنا علشان
سكت معتز وعلى صوتي وانا خارجه قدامه من اوضه النوم وبقول: علشان اكشفكم سوى يامجر*مين ياولاد الـ***
كلهم صوبوا نظرهم عليا بصدمه كبير وانا ابتسمت لهم بخبث وقولت: لقد وقعتم في الفخ ياجماعه تعيشوا وتاخدوا غيرها ها حد نفسه في حاجه قبل مايتقـ*ـبض عليكم سوى هنا
محمد كان واقف مثل الصنم من الصدمه في مكانه واحمد كان بيبصلي بصدمه كبير ومعتز كان بيبصلي بغل وانتقام ولسه هيقرب مني بغضب بس احمد وقف قدامه بسرعه وقال: انت رايح فين خليك مكانك ومتقربش منها
معتز بصله بغضب وضيق وقال: ابعد يااحمد من قدامي انا هخلص عليها بت الكــــ*لب دي اللي عاوزه تضيعنا كلنا
احمد سمعه بس وقف ثابت مكانه وقال باصرار وصرامه: انا قولت متقربش منها يامعتز عبير خط. احمر انت فاهم
معتز كان عاوز يهجم عليه بغل وغضب بس وقف على صوتي وانا بقول بسخريه: لا فعلا انت جنتل مان اوي ياستاذ احمد انت بجد اكتر واحد انا انصدمت فيه في حياتي كلها
احمد لف وبصلي بحزن وقال: عبير انا هفهمك كل حاجه والله انا
قاطعته بغضب وحده وانا بقول: انت انت ايه ياحيو*ان ياز*باله ولك عين كمان لسه تتكلم معايا يامجر*م ياحقـ*ـير انت احـ*ـقر انسان انا شوفته في حياتي كلها يااحمد
احمد بصلي بصدمه ودموع ولسه هيتكلم لقى معتز قرب مني بغضب وهو بيقول: وديني لامو*تها قبل ماامو*ت انا مش هسيبك ياعبير الكـ*ـلب قبل ماامو*تك قبلي و
قاطعه احمد اللي مسكه بقوه وهو ببقول بتوعد وغضب: انا قولتلك متقربش منها يامعتز احسن انا اللي امو*تك هنا ودلوقتي حالا كمان
معتز مسك فيه كمان ومحمد فضل متسمر مكانه هو مشلول الحركه واحمد ومعتز كانوا بيتخا*نقوا قدامي وانا طبعا كنت مستمتعه بالمشهد ده لغايه ماتوصل الشرطه هنا
وفعلا بعد وقت معدود وصلت الشرطه بسرعه بعد. مابعت لهم الفديو الاعتراف اللي سجلته لهم وافتحموا الشقه وتم القبض عليهم كلهم واولهم كان احمد اللي بصتله بقرف وشمئزاز وانا بقول: اتمني انك تتعـ*ـفن في السجن حياتك كلها ياحقـ*ـير
احمد بصلي بحزن ودموع والظابط سحبه بعنف لخارج الشقه وانا تنفست اخيرا براحه كبيره قبل مااطلع صوره لبنت جميله اوي وبجنبها صديقاتها الاتنين
وابتسمت لصوره وانا بقول: اخيرا قدرت اخد حقك انتي وصحباتك ياصديقه عمري ربنا يرحمكم جميعا ويجعل مسواكم الجنه مع الشهداء اللهم امين يارب
وبكده تكون قصتي خلصت بعد ماقبضت على المجرمين وحققت العداله كمان واتمني تكون عجبتكم مثلي ودمتم سالمين اجمعين
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺