رواية احضان ممنوعه الجزء الحادي عشر حصريه وجديده وكامله جميع الفصول على مدونة أفكارنا
 |
رواية احضان ممنوعه الجزء الحادي عشر حصريه وجديده وكامله جميع الفصول على مدونة أفكارنا
بعدما.. اكتشفت ان ام دعاء المنقبة هي ام هاني
واتاكدت كمان ان هاني وهشام شخص
واحد
واكتشفت كمان بان اختي سارة محتجزة في شقة ام دعاء
وبيخططوا لقتلها
واختطافي في اقرب فرصة...
واخذت الاوراق التي كانت بخزنة هشام
وفي الصباح
دخلت الحمام واخذت معي تلك الاوراق
لاتفحصها...
وكانت المفاجاءة عندما تفحصت تلك الاوراق
لاني لقيت فيها عقدين
..واحد منهم عقد زواج
باسم ابويا وزوجتة هي.. تمارا حسنين
الي هي تبقي(ام دعاء)
لاني شوفت صورتها بالعقد
والعقد التاني عقد طلاق
باسم ابويا..
وام دعاء ايضا
وكانت مدة الزواج ستة اشهر فقط
مما يعني ان ابويا
كان متزوج ام دعاء لمدة ستة اشهر وطلقها بعدها
ودهشت لتلك
المفاجاءة
وسالت نفسي..
يعني ابويا كان متزوج من ام دعاء؟
طيب عرفها امتي وازاي؟
وياتري طلقها ليه؟
ثم اخذت افر في باقي الاوراق
ولقيت بعض قصاصات الجرائد
التي تشترك جميعا في خبر واحد
وهو مقتل شخص يدعي مصطفي الضمراني
ولما قرات عن ملابسات الحادث في مقتل ذلك الشخص ..
فهمت ان ذلك الرجل
قتل في ظروف غامضة
حيث وجدوه مقتولا في بيتة
ولفت نظري ان ذلك الحادث تم قبل مقتل ابويا وامي باقل من شهر واحد..
وكنت ساترك ذلك الخبر
وابحث في الاوراق
الاخري
لولا.. ان لفت نظري
وجود باسبور (جواز سفر)
عليه صورة هشام..
والجواز باسم هاني مصطفي الضمراني..
مما يعني ان هاني ده ابن القتيل
الذي يحتفظ هاني بخبر مقتلة في صفحات اخبار الحوادث
ولم تكشف الاوراق عن تلك المفاجاءات فقط
بل وجدت شيك بمليون جنية ..
كاتبة ابويا ..لهاني مصطفي الضمراني
وسالت نفسي في دهشة
قلت..يعني هاني ابوه
اتقتل ؟
وبعدها امة تزوجت من ابويا انا لمدة ستة اشهر وطلقها بعدها؟
وابويا كتب لهاني شيك بمليون جنية قبل ان مقتلة هو وامي مباشرة ؟
طيب ليه؟
واخذت افكر وانا اسال نفسي واقول..
طيب ليه كده بقي اللفة الي توهتني دي؟
واخذت افر في باقي الورق..
ولقيت ورقة فكت كل الطلاسم والالغاز
وفهمت منها الحدوتة كلها..
والورقة عبارة عن...
اعتراف مكتوب وعليه امضاء ابويا
بانه هو من قتل مصطفي الضمراني
وكان بتلك الورقة اعتراف من ابويا
بانه هو من قتل مصطفي الضمراني
لان مصطفي كان يحاول ان يقتلة اولا
وذلك عندما اكتشف مصطفي واقعة زنا بين ابويا وام دعاء
المهم كل الاوراق الي انا قراتها استخلصت منها
الاتي
وهو ان ابويا كان علي علاقة غير بريئة
مع ام دعاء..
وهي متزوجة من مصطفي الضمراني
والد
هشام
واكتشف تلك العلاقة زوجها
مصطفي الضمراني
حينما دخل عليهم وضبطهم في واقعة زنا في منزلة ..
فحاول مصطفي الضمراني قتل ابي
دفاعا عن شرفة
ولكن ابويا قد تغلب عليه وقتلة
وبعدها علم هشام او هاني بطريقة ما
بان من قتل ابوه هو عشيق امة ..
وعشان هاني انسان سلوكة منحرف اصلا..
استغل ان ابويا غني وابتزة .. وهدده
وجعلة يكتب له شيك بمليون جنيه
في مقابل سكاتة..
لكن طبعا هاني لم يستطيع صرف الشيك
لان ابويا سحب كل ارصدتة من البنوك
وباع جميع املاكة..
وهاني لقي نفسة انه معاه شيك بدون رصيد
وطبعا دلوقتي عرفت ليه ابويا صفي كل املاكة
لكن بردوا مش فاهمه ازاي انا شوفت ابويا مقتول جنب امي في المنزل؟
وفي نفس الوقت لقيتة هنا في البيت ده ؟
وعايش مع زوجتة وابنة محمود ودليلة ابنته؟
واشياء اخري كتير لم استطع ان استوعبها ولا افسرها
مثل..ازاي وهشام عارف ان ابويا هو الي قتل ابوه
يوافق ان امه تتزوج من ابويا لمدة ستة اشهر ؟
وبصراحة كان عندي اسالة كتير محتاجة اجابة
عشان كده.. قرات تلك الورقة التي يعترف ابويا فيها بالقتل..واطبقتها ووضعتها بجيبي
لاني من خلال تلك الورقة ساعرف
باقي الامور الخفية والاسرار الدفينة
واتصلت بمحمود وانا بالحمام..
وطلبت منه ان ياتي بالقرب من الحمام
لاعطي له بعض الورق
وسالني محمود
ورق ايه ؟
قلت..ورق به كثيرا من المعلومات المهمة
رد محمود قائلا
طيب قوليلي نبذة عن المعلومات دي بسرعة
فا اخذت اشرح لمحمود..بطريقة مختصرة
ليعرف اهم المعلومات التي توصلت اليها
من خلال تلك الاوراق
قلت..هشام يبقي ابن ام دعاء
وللاسف ابويا كان علي علاقة غير شريفة
بام دعاء
وعشان كده.. زوجها كان عايز يقتلة
لكن ابويا قتلة
وهشام عرف ان ابويا هو الي قتل ابوه
وكان بيبتز ابويا
و عشان ابويا هو الي قتل ابوه
فا بينتقم مننا كلنا
وكمان هشام هو الي محتجز سارة في بيت ام دعاء
وسالني محمود
قال..انتي عرفتي المعلومات دي كلها ازاي؟
قلت..معايا اوراق اخدتها من خزنة هشام من وراه تعالي خدها حالا
رد محمود متسائلا
وانتي وصلتي لخزنة محمود ازاي؟
قلت..مفيش وقت للشرح تعالي حالا شوف الورق الي معايا وانت هتفهم
رد محمود قائلا
انا جاي حالا
وبالفعل ..بعد شوية طرق محمود علي باب الحمام
وخرجت سريعا واعطيتة تلك الاوراق
وخباءها محمود سريعا بملابسة
ومشيت انا بسرعة
بعدما احتفظت بتلك الورقة معي
وطلعت لغرفتي..وجلست في سريري
وانا افكر ماذا سافعل لانقذ اختي
وانتقم من هشام لكل ما فعله بنا
واخذت افكر بهدو لارتب افكاري...
ولقيت الباب عندي
بيخبط
ولما فتحت لقيت ام محمود
تصرخ بوجهي وهي تقول...
هو انا مش قولتلك تيجي تحضري معايا الفطار؟
قلت..منا كنت جاية بس بغير هدومي
ردت ام محمود ساخرة
قالت..طيب يلا يا شملولة
عشان ام دعاء
هي وبناتها قاعدين بره
و هيفطروا معانا...
ثمراضافت قائلة..
انا رايحة اقعد معاهم وادخلي مع دليلة وساعديها في تجهيز الفطار
قلت..حاضر
وخرجت سريعا خلف ام محمود
بعدما خرجت من الغرفة
لاتاكد من ان ام دعاء
هي وبناتها موجودين بالفعل مع ام محمود
وطبعا ده معناه ان الشقة عند ام دعاء فاضية
ومفيش فيها غير هاني فقط
وده الوقت المناسب الي ممكن استعيد اختي واحررها منهم
وبعدها هاخد اختي واهرب واترك لهم البلد
وكنت ..انوي ان ادخل من خلال الدولاب ولكنني وجدت مكالمة
من محمود ..
ولقيتة بيحذرني
وبيقولي ...
اخرجي من عندك بسرعة
يا مي
قلت..لا مش هخرج غير لما اجيب اختي..
رد محمود قائلا...
اسمعي الكلام يا مي
هشام حاطط متفجرات في شقتة
وناوي يفجر البيت كله بمجرد بعد ما يمشي
قلت..لا طبعا الكلام مش صح
لان ام هشام وبناتها جايين يفطروا عندنا دلوقتي
رد محمود محذرا
قال..لا ام دعاء مش جاية تفطر
دي بتستعد هي وبناتها للرحيل
لكن بطريقة طبيعية عشان محدش يشك فيها..
وبعد دقايق هتلاقيها افتعلت بان وراها مشوار هي وبناتها وهختفتي
قلت..وانت ايه الي عرفك بموضوع المتفجرات ده
يا محمود؟
رد محمود بتوتر
مش وقتة دلوقتي
يا مي
قولتلك امشي من عندك بسرعة
هشام شغل قنبلة موقوتة وهيفجرها بريموت كنترول عن بعد بمجرد ما يترك المكان
وممكن يكون خرج فعلا
اخرجي من عندك علي ما اروح اخرج اختي وامي من البيت
صرخت بمحمود
وانا اقول..
كل همك امك واختك ؟
وبتطلب مني اهرب ؟
طيب وسارة الطفلة الصغيرة اليتيمة؟
هنمشي كلنا ونتركها؟
انت اناني يا محمود
وانا مش عايزة اعرفك تاني
اتفضل روح انقذ امك واختك
لكن انا مش همشي غير لما ادخل اجيب اختي
واغلقت الخط بوجة محمود وانا اقول ..يانهار اسود..
حتي انت يا محمود؟
طلعت مع هشام وعصابتة؟
ولم يهمني تحذير محمود ولا كلامة
عن قنبلة هشام
وكل ما ماكان يشغل بالي هو اني انقذ اختي
باي ثمن
ودخلت بسرعة من خلال الدولاب
وكانت الغرفة مظلمة كما كانت البارحة
ودخلت بسرعة ابحث عن اختي قبل ان تنفجر القنبلة..
وبمجرد ما دخلت الغرفة..
لقيت الموبيل بتاعي بيرن
ولكنه رقم غريب
فا كنسلت
وكتمت الصوت
الذي كان عاليا..
وقلت مش وقت رد علي موبيلات
عشان الحق اختي
ولكن الموبيل ظل يرن بنفس الرقم باصرار
واخيرا ارسل نفس الرقم رسالة
وعندما فتحت
الرسالة
تفاجاءت بذلك النص من الرسالة
افتحي عليا يا مي
انا بابا
اخذت اقراء الرسالة وانا غير مصدقة
نعم؟ بابا ازاي؟
بابا ده ميت مرتين لغاية دلوقتي؟
ولقيت الموبيل بيرن مره اخري
علي نفس الرقم ..
فا فتحت بسرعة الموبيل..
قلت..الوووه
رد صوت بابا وهو يقول
الوو يا مي انا بابا
اخذت ابكي بهستيريا وانا
اقول في نفسي..
ايوه هو بابا
ودي نبرات صوته
الي عمري ما اتوه عنها الحمد لله
واخذت اسالة في لهفة؟
قلت..بابا..انت بجد لسه عايش؟
رد ابي قائلا
ايوه يا مي يا حبيبتي انا معاكي
ظللت ابكي وانا اقول..
ايوه فعلا انت بابا وده صوتك
امال ليه قالوا انك مت ؟
واخذت استغيث بابي واقول..
الحقني يا بابا انا وسارة
احنا في خطر لان...
وقبل ان اكمل اتفاجاءت ب..........
لو عايز توصل للجزء الاخير
ضع عشر ملصقات مع متابعة صفحتي الشخصية
مع تحياتي
الجزء الثاني عشر والاخير من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺