رواية قدري انت الفصل الثالث بقلمي نيفين بكر حصريه وجديده على مدونة أفكارنا
 |
رواية قدري انت الفصل الثالث بقلمي نيفين بكر حصريه وجديده على مدونة أفكارنا
في سرايا المنشاويه
الحجة فردوس كانت تتحدث مع ابنتها
يلل ي بت همي لجل مانتأخروش عل الناس
حاضر ي اما اها جربت اخلص
طب انا هستناكي تحت ولو حد سالك ماتجوليش غير احنا ريحين مشوار
حاضر ي اما حاضر جولتيها ميت مرة
طيب ي غلبويه همي
نزلت الحجة فردوس الي اسفل ووجدت قدري
قدري خلصتوا ي حجة
ايوة ي ولدي بس اختك لساتها بتلبس
كدا هتتاخروا عل الناس
نزلت حنين انا اها لا هنتاخروا ولا حاجة انا جاهزة
جاءت عليهم هنام
عل فين ان شاالله
فردوس ..ان شاء الله رايحين مشوار ومش هنتاخروا
يلا ي بت ي حنين
حنين .... حاضر ي اما
واسرعنا الي خارج السراي
مشوار ايه ده ال مش راضين يجولو عليه
نادت عل الخادمة بت ي ورد انتي ي زفته الطين
ايوة ي ستنا اامريني
ماتعرفيش الحجة وبتها رايحين فين
لا والله ي ستنا مااعرف
طيب روحي انجري شوفي ال وراكي
ي خبر بفلوس بكرة يبجي ببلاش
💢💢💢💢💢💢💢💢💢💢
وقفت السيارة التي تقل الحجة فردوس وابنتها
امام السراي
نزلت من السيارة هي وابنتها وكان في استقبالهم
هنيه وصباح ورسميه
هنيه ...نورتي ي حجة اتفضلي
الحجة نورك ي هنيه كيفك وكيف اولادك
بخير ي حجة والله طول ماانتي بخير
رسميه اتفضلوا لجوا
دخلوا جميعا للداخل وجلسوا في غرفه الجلوس
هنيه ل حنين ...ازيك ي بتي بقيتي زي الجمر
حنين الله يخليكي
حنين ...اومال فين العروسه
ثواني وانادي عليها هي فوج مع البنات
ونادت عل احدي الخادمات ليكي تصعد ل عليا لتخبرها بالحضور
بعد دقائق كانت تنزل عل استحياء تقدمت منهم والقت السلام
ردو السلام وقالت الحجة فردوس
بسم الله ماشاء الله زي القمر تعالي اجعدي جاري اهنيه
نفذت علياء الكلام
حنين ..عندك كام سنة ي عروسه
علياء 20 وبدرس في طب
الحجة فردوس ...ماشاء الله عليكي ادب وجمال وعلم
بستأذن منكم عوزة اجول للعروسه كلمتين
هنيه اه ومالو تعالي ي رسميه انتي وصباح نشوفوا البنات ف المطبخ جهزوا الحاجة ولا لاه
ذهبت هنيه ومن معها
بصي ي بتي انا خابره انك مش لادد عليكي الجوازة دي
بس هجولك انتي هتبجي زي بتي تمام
وان شاء الله هتبجي مبسوطة وسطينا
اطمئنت علياء قليل وارتاحت لهذة السيدة الحنون
حنين ...انا ماليش اخوات بنات وانتي بأذن الله هتبجي اختي
علياء ..اكيد دا شئ يشرفني
ظلت تحكي معها في اشياء عديدة ولكن لم تخبرها بان قدري هو العريس
يلا احنا بخي عشان مانتأخروش
لسه بدري ي طنط
فردوس اييه طنط دي انتي تجوليلي ي اما
ابتسمت علياء وقالت ..حاضر ي ماما
فردوس تسلملي كلمت ماما طالعة زي الشهد من بوجك
يلا ي حنين
حنين حاضر ي اما اها ثم تابعت
الجعدة معاكي ما يتشبعش منيها وان شاء الله الاسبوع الجاي تنور بيتنا وماهملكيش ابدا
واحتضنتها وسلمت عليها هي وامها
فردوس...يلا بجي نستأذن وني هاجي بكرة عل كتب الكتاب بأذن الله هيكون عشيه
علياء...بأذن الله
جاءت هنيه ورسميه وصباح عليهم
اييه ده احنا مالحقنلش نجعدوا ومعاكو
فردوس ...معلش بكرة نقعدوا كتير
هنيه ..ان شاء الله ي حجة
حنين هجيلك بكرة من العصاري عشان اجعد وياكي
علياء.... بأذن الله حبيبتي تنورينا
فردوس نورك ي جمر يلا بقي بالاذن
والقت السلام عليكم وغادرت هي وابنتها
💢💢💢💢💢💢💢💢💢💢
في اليوم التالي
كان قدري يحدث صديقه
قدري ..زي ما بجولك اكده عوزك ضروري
خالد...لييه ف اييه
عشيه بأذن الله هكتب كتابي
خالد اييه كتب كتابك ازاي وعل مين
قدري ...عل بنت صدجي
خالد ليه الحال اتغير ليه مش كان هاشم
قدري ايوة ي سيدي مهو سافر من يومها وانا خابر مش هيرجع الا بعد الجواز
خالد وانت ذنبك اييه
قدري ...ذنبي اني الكبير ي خالد يلا اسيبك دلوك ما تتاخرش علي
خاضر بإذن الله
💢💢💢💢💢💢💢💢💢💢
بعد ما انهي مكالمته مع صديقه سمع بكاء وصوت عالي توجه اليهم وجد امه وحنين يهدئون في صابرين
اكده ي مرت عمي يتجوز عاوزة قدري يتجوز وانا ال كل ما حد يتقدملي ااقوله لاه
يتدخل قدري ...صابرين
تلتفت صبرين لها وهي تجهش بالبكاء
صابرين ...هنت عليك ي واد عمي تعمل فيا اكده
قدري وهو عاقد كفيه بخلف ظهرة
انا ما وعدتكيش بحاجة وكتير جولتلك انتي زيك زي حنين اختي
بس اني مش اختك انا بت عمك
تاتي اليهم هانم في اييه حصل ايه خليكي تبكي اكده
الحجيني ي اما قدري هيكتب كتابه عل بنت صدجي
وااه كيف ده يحصل
انت ي كبيرنا هتتجوز بنت قتال القتله
قدري ...مفيش جدامي غير اكده وانتي خابرة بعملت ولدك ال من وجتها وهو فص ملح وداب
تجوم تتزوجها انت
قدري ...عنديكي حل تاني
تدخلت الحجة فردوس ..بكفياكم بجي يلا انت هم ي ولدي وراك حاجات كتير
قدري ...حاضر ي حجة وتركهم وغادر....
هانم ..شيفاكي فرحانه ي حجة
الحجة فردوس ..هانم ولدي ماعملش حاجة عفشه بالعكس هو اكده عمل الصالح للكل
صابرين ...صالح انه يقهرني يتجوز البنت ال ابوها يتمني
يعني ابوها يتني من ابويا وكمان خدت واد عمي مني
تتقرب منها حنين ..اهدي ي حبيبتي انتي كنت قدامه ولو كان عايزك ماكنش حد هيمانع احنا كلنا نتمني
انتوا بتتمنوا وهو لاه بقلمي نيفين بكر
فردوس ...ي حبيبتي هو جالك انك اختك في اخ برديك بيتزوج اخته
انتي ست البنات والف مين يتمناك بس انتي تشاوري
مسحت صابرين دموعها وقالت ... صوح كلامك ي مرت عمي انا صابرين بنت المشاويه ال الف مين يتمناني
بالاذن
حنين.. مش هتحضري معاي كتب الكتاب
صابرين...لاه ي حنين مصدعه شوي
حنين...طيب ي حبيبتي مش هتجل عليكي والف سلامة
تركتهم صابرين ووصعدت
هانم ..الف مبروك ي حجة انا طالعة لبتي
فردوس... وانتي كمان مش هتحضري
لاه ي حجة مش هقهر بتي اسيبك اني والف مبروك مرة تانيه
تركتهم وصعدت لغرفه صابرين
حنين...اما صابرين صعبانه علي جوي
فردوس..واني ي بتي بس هنعملوا ايه دا قدر ونصيب
وبعدين يا ما جولتلها قدري شايفك اخته وهي ال ميبسه دماغها
طيب ي اما هحضر نفسي عشان اروح ل عروسه اخوي
ماشي ي بتي ....
يارب عديها عل خير
💢💢💢💢💢💢💢💢
في غرفه صابرين
هانم...بكفياكي بجي هتفضلي ف النواح داا كتير
جولتلك كتير ماسمعتيش كلامي
اتقدملك ناس ياما وانتي مش شايفة غير قدري
اهو سابك وهيتزوج وانتي خليكي للبكا
صابرين...وانا ف ايدي اعمل ايه يا اما جوليلي
انا فتحت عنيا عليه معرفتش حد غيره انا مقهورة اوي ي اما حاسه قلبي هيقف
اسم الله عليكي ي بتي والله في سماه لاخليهم يندموا كلياتهم وهتشوفي
وانا هيفدني بايه الندم دااا
اصبري لما المعدوله تدخل عندينا وحياتك لاخرجها من اهنيه بفضيحة ومش بس اكده واخته ال طالع بيها الجلعه ان ماخلتهم يندموا مابجاش اني هانم بنت الطراشنا
هتعملي ايه ي اما وبلاش حنين هي مالها
حنين دي ال هتخلي راسهم ف الطين ومش هتجوم لهم جومة وبكرة تجولي امي جالت
لا ي اما بلاش حنين هي ماعملتش حاجة اني بحبها
بس ي بت انتي بهبلك ده انا هروح لخالك وهتحدتت معاه
وهنشوفوا هنعملوا اييه
وانتي جومي امسحي دموعك دي مش عاوزة حد يشمت فيكي
مسحت صابرين دموعها وقالت حاضر ي اما
هتيجي معاي ولا لاه
لاه ي اما انا مليش مزاج اروح ف حته
ماشي وبطلي بكا وحياتك ليبكوا هما بدل الدموع دم
قالتها توعد
💢💢💢💢💢💢💢💢💢💢
عند سرايا العزايزة
كان العمل هناك عل قدم وثاق
ف حريم الدار منشغلون في تجهيزات
وصلت حنين
اومال فينها عروستنا
هنيه اهلا ي بتي تعالي ي حبيبتي اتفضلي لما اطلعك عنديها
صعدت حنين وطرقوا الباب عليها ودخلوا
قامت الفتيات وسلمت عل حنين
كانت علياء تتجهز فلما راتها حنين قالت
ايه الحلاوة دي ي عروسه بقلمي نيفين بكر
علياء بخجل انتي ال اجمل ي حبيبتي
حنين ..شوفتي ي ستي امي بعتالك ايه
اييه داا مالوش لزوم
حنين ...كيف يعني ملوش لزوم دي هديه الحجة ولا انتي عوزاها تزعل
علياء...لا تزعل اييه انا مااقدرش عل زعلها
اخذت منها الحقيبه فكان يوجد بداخلها عباءة مطرزة
باليد تطريز رقيق وجميل
علياء..الله دي جميله اوي
طبعا لازما تبجي جميله دي عمايل ايد الحجة
هنيه ..سلم ايد الحجة وعمايلها
تسلمي ي خاله
يلا ي عليا البسيها عشان تحضري بيها كتب الكتاب
حنين ..بجولك اييه انتي تلبسي حجاب العريس عيغير موووت
علياء انا اصلا محجبه
طيب خير ي حبيبتي امي بعتت العبايه بطرحتها
هي يلا عشان اساعدك
حاضر واتجهو لغرفه اخري كي تتجهز بها علياء
بعد ان خرجوا
هنيه ...عيغير كيف ده هاشم بتاع الرجصات الفاشل
ي عيني عليكي ي عليا ي بتي
نوارة ..انتي مش ملاحظة ي اما ان ال جه لحد دلوك حنين والحجة يعني ام العريس فينها ولا اخته
شكلهم اكده مش موافجين
مالناش صالح المهم كتب الكتاب يخلص وافجوا ولا لاه
هي هتبجي مرت ولادهم
انا صعبان علي علياء البت مؤدبه وجميله ومتعلمه
يلا ي بتي مقدر ومكتوب
بعد مدة دخلت عليهم عياء فكانت ايه في الجمال
هنيه اول ما راتها ...الله اكبر عليكي ي بتي هروح اجيب البخور ابخرك
حنين ممكن ي خاله اجي معاكي اشوفك بتحضريه كيف
تعالي ي بتي
كانت علياء تجلس حزينه فهي بعد ساعات قليله ستكون زوجة احدهم لا تعلم عنه شيئ
نوارة مالك ي عليا حزينه اكده ليه
ماانتيش عارفة ي نوارة انا المفروض اعمل ايه
قالتها والدمع يتراقص في عينيها
اصبري ماتعرفيش بكرة في ايه .
انتي تعرفي جحاجة عن هاشم دا
ها لاه هعرف منين اني انا هجوم عشان اجهز حالي
وتركتها وذهبت جاءت عليها هناء بنت عمها مرعي
هي حنين فين وفين نوارة مش كانو معاكي
علياء راحت مع عمتي هنيه تحت ونوارة راحت تجهز
ونوارة طيب اجوم اني كمان اجهز
علياء...ممكن سؤال
ايوة اتفضلي
انتوا تعرفوا العريس
اها في حد ميعرفش هاشم المنشاوي
طيب تعرفوا ايه عنه اخلاقه شغله تعليمه
والله ال انا هجولهولك ده ممكن يجطع رجبتي
بس انا هجولك
بصي ي ستي هاشم ده واد فلاتي بتاع نسوان ورقصات
فاشل ومش بيشتغل عايش عاله عل ابن عمه ال شايل كل حاجة عل كتافه
علياء كانت مصدومة وهي تستمع ل هناء
اهذا الفاشل من سيصبح زوجها
دخلت هنيه بالبخور هي وحنين
وبخروها وهي ماذالت مصدومة
بعد فترة سمعوا اصوات بالاسفل
حنين ..العريس جه و معاه المأذون
رفعت عنيها الدامعه وذادت ضربات قلبها وهي لا تنطق بكلمه
حنين... مالك ي حبيبتي فيكي ايه
علياء وهي تبكي ...مفيش واجهشت في البكاء
بعد فترة صعد اليها عمها واستاذن ودخل
عسران ..المأذون تحت ي بتي تعالي معاي هيكتبو كتابك
قامت علياء وكانها مسحوبه الارادة وضعت هنيه طرحة بيضاء غطتت وجهه علياء بها
ونزلت مع عمها فوجدت اخيها امامها ينظر لها جرت عليه وارتمت ف حضنه وظلت تبكي
علياء ...حبيبتي قولي لا وتعالي نمشي من هنا
عسران معادش ينفع ي ولدي راح اوانه الحديت ده
يلا ي بتي المؤذون مستني
دخلت غرفه وجلست بها وحيدة ثم بعد فترة دخل عليها عمها ومعه دفتر ورجل تابع للمأذون كي يأخذ منه الموافقه
مضت علياء عل الدفتر وقالت انا موافقه
اخذ عسران الدفتر وذهب به للمأذون
عند المأذون كان يجلس قدري ومرعي وفواز بجابب بعض
والجانب الاخر قدري وخالد والشيخ جاد....
مرعي... اومال فين العريس ي قدري بييه
قدري اني العريس ي مرعي بيه
الصدمة الجمتهم جميعا بما فيهم عسران الذي دخل عليهم وهو حامل الدفتر
المأذون في حاجة اكمل ولا لييه
مرعي اها كمل ي شيخ كمل
وقد تم كتب الكتاب
قام عسران تحب تشوف عروستك ي قدري بيه
قدري لا مالوش لزوم اشوفها ليله الفرح
بالاذن اني
لا ي قدري بيه ما يصحش اكده
معلش ورايا مصلحة إكدة هقضيها
مرعي ماشي ي قدري بيه والف مبروك
نهض هو وخالد وتركهم
💢💢💢💢💢💢💢💢💢💢💢
وبعد فتره دخلت عليها حنين والحجة فردوس
مبروك ي بتي الف مبروك تعالي اهنه
نفذت علياء كلامها
رفعت عنها طرحتها وقالت بسم الله ماشاء الله
ووضعت علبه بها طقم ذهب ثم قالت دي بجي شبكتك
وخلعت عنها كردانها والبسته ل علياء ودي بجي هديتي
وكما فعلت فردوس فعلت حنين خلعت عنها بعضا من الاساور والبستها ل علياء بقلمي نيفين بكر
علياء دا كتير ي ماما
لاه والله ما يكتر حاجة في الدنيا عل مرات ولدي الغالي
لم تستوعب علياء الكلام فهي تعلم ان العريس ابن سلفت الحجة فردوس
مالك ي بتي وجك عامل اكده لييه انتي كنتي عتبكي
علياء لا ي ماما ماكنتش ببكي ...
اومال وشك احمر و ماليان دموع اكده لحاله
بصي ي بتي مش عوزاكي تجلجي ابدا انا حبيتك و هبقي ام ليكي مش حماتك وزي ماانتي واعيه حنين بتي هي كمان حبتك اما بجي عريسك فا دي في يدك
هزت علياء راسها وقالت ان شاء الله ي ماما
دخلوا عليا مرتات اعمامها وبناتهم مبروك ي علياء
ردت عليهم المباركه
نظرت رسميه بغيظ للذهب التي اهدته لها الحجة وابتها
ليه كل دا ي حجة دا كتير
مفيش حاجة كتير عل مرت ولدي دي حاجة بسيطة
وان شاء الله هنلبسوها زيهم في الدخله
هنيه ان شاء الله واحنا بردك هنلبسوها وهنصيغوها مهي بنت العزايزة بردك
معلوم ي هنيه معلوم اسيبكوا اني واقتربت من علياء وقالت
لو عوزتي حاجة شيعيلي بس ويكون طلبك مجاب
علياء ...ربنا يخليكي ي ماما
ذهب الحجة وحنين وسط زهول رسميه
رسميه...عرفتي مين العريس
هنيه ايوة عرفت وفرحت جوي الحمد لله حظها حلو
رسميه ...دا من حظنا المجندل بجي شيعنلها عشان تكون هي كبش الفدا جوم تتجوز كبيرهم لا دا كبير البلد كلتها
مكانش تبجي بت من بناتنا ال هتتنعم في العز دا كله
هنيه جصري حديتك ده وتعالي نجف مع علياء
طيب ي ام جلب حنين
هنيه ..الف مبروك ي حبيبتي
رسميه و ه ي تتظاهر بالفرحة ...سيبيني اباركلها
الف مبروك ي بتي الف مبروك
زمت هنيه شفتيها فهي تعلم جيدا رسميه
💢💢💢💢💢💢💢💢💢💢💢💢💢
في بيت اخر اول مرة نزوره
بيت اهل هانم عائله كبيرة ايضا
هانم شوفت ي خوي هيجوزا قدري لبت قتال القتله
وهيقهروا بتي
لييه يعني يقهروها ابني رايدها وكتير اتقدمولها وهي ال ميبسه راسها
اعمل ايه هي معاوزاش واني مش هجبرها تتجوز غصب عنيها
خلاص انتي حرة المهم ان جصه التار خلصت
كيف يعني خلصت انا لسة ناري جايدة وزادت بقهر بتي
ومش هسيبهم في حالهم لا بنت العزايزة ولا حتي عيله المنشاويه وابجي جول اختي جالت
ناويه عل لييه
عوزاك تساعدني
اساعدك كيف يعني جولي وانا معاكي
عوزة البت دي تطلع بفضيحة وكمان نكسروا شوكه قدري
عوزاه مزلول عوزة امه جلبها يتحرق عليه وعل اخته
باااه كنك اتجنيتي عوزة نجتلوا دا بجي ال هيخلي البلد بحور دم بحق وحقيق
لا مش هنكتلوا احنا هنخلي راسه في الطين
طيب سيبيني اجلبها في دماغي كده وهرود عليكي
طيب في اجرب وقت مش عوزاهم يتهنوا دقيقة
💢💢💢💢💢💢💢💢💢💢💢💢💢
وصل قدري وامه وخالد صديقه
ادخل ي خالد ي ولدي عقبال ما نفرحو بيك
تعيشي ي حجة كان يقولها وخو ينظر ل حنين التي لم تأخذ بالها فهي يعشقها ولكنه خائف بأن يفاتح اخيها فيرفض فيخسر صديقه ويخصر تتطلعه اليها حتي ولو كانت دقائق معدودة
اما هي فلا تعلم عن شعوره هذا
حنين انا هطلع ل صابرين اطمن عليها
الحجة ماشي ي بتي
وادارت وجهها ل قدري وقالت ..ليه ي ولدي ما جيتشي تسلم عل عروستك
تنهد وقال عادي ي حجة بكرة نشوفوها
طيب ي ولدي هتجيب العفش الجديد امتي
عفش جديد لييه ي حجة
اباه عشانك عريس ي ولدي ولا هتدخل عل عفش قديم
لا ي حجة مش هجيب حاجة كدا معدن
بجي اني ولدي كبير البلد يدخل عل قديم الله في سماه ما تجصل ابدااا
خالد ..الحجة عندها حق ي قدري
خلاص ي حجة ال تشوفيه
ماشي ي ولدي انا ال هتولي كل حاجة مفيش وقت من بكرة بأذن الله هبداء في الجهيزات
بأذن الله
خالد هقوم انا ي حجة
الحجة لا والله لازما تتعشي معانا
لا مالهوش لزوم ابدا
طيب استني انا جاي معاك
رايح فين ي ولدي
هتمشي شويه وراجع ي حاجة تأمرني بحاجة
مايأمر عليك ظالم ابدا ي ولدي
قبل يدها وذهب هو وخالد الي المكان الذي يجلسون فيه دوما
كان قدري يتكلم ولكن خالد لم يكن معه فقد كان سارحا في حنينه فهي احبها منذ ان كانت صغيرة
ولكن حبس حبه بداخله ل فرق السن الكبير الذي بينهم
انتي ي ابني مش بتكلم معاك
ها بتقول حاجة
ايوة بتكلم معاك من وقت ما جينا وانت ولا هنا سرحان في ايه بجي
بردك فيها
تنهد خالد ..ايوة ي صاحبي
قدري انت بتحبها اكده اتجدم لها
خايف ي صاحبي اخسرها برفضها او برفض عيلتها
ليه وانت تترفض دا انت مال وعيله ونسب انت بتجلل من جيمتك ليه
والسن نسيت اني كبير
كبير دا اييه انت ف سني يعني لنا كبير اني كمان
لا طبعا مش القصد
بص انا بعد ... وسكت يعني بعد جوزي هنروحوا معاك نجوزهالك جولت اييه
خالد ....جولت يا مسهل
💢💢💢💢💢💢💢💢💢💢
مرت الايام بين تجهيزات وفرش فقد تولت الحجة فردوس فرش جناح العرايس
وكانت تنتقي افضل واجمل ما يمكن
كانت حنين تساعدها
اما عن صابرين فكانت تتاكل من الحزن والقهر
اما هانم فكانت تبين لهم بانها نست التار ورضيت بالامر الواقع
اما عند العزايزة فقد تكلمت علياء مع عبد الرحمن
بان يجهز نفسه للسفر اول ما تتزوج
وبداءت في شراء بعض المستلزمات الخاصة بها
علياء ..ل مرعي .عمي حضرتك ماردتيش عليا في موضوع الورث
مرعي ..ان شاء الله اخوكي هيسافر وهنصرفوا عليه
واي حاجة هيحتاجها هنشيعهالوا
اما انتي هنجهزوكي كيف ما بدك جهاز يلق ببنت العزايزة
عمي حضرتك فاهم قصدي
انا عاوزة ورثي في الارض والمال مش عوزة احس اننا بيتصرف علينا صدقه انا واخويا بقلمي نيفين بكر
جز مرعي عل اسنانه وقال بصي ي بتي
انتي واخوكي لسه قاصر مش هينفع تديروا اموالكم هي مش جليله وبعدين الارض عوزة حد بيفهم فيها
وانتوا ماهتفهموش ان شاء الله لما تبلغي السن القانوني
انتي واخوكي هتاخدوا حققوا جلت اييه
قولت لا اله الا الله ماشي ي عمي
ذهبت ل هنيه مرات عمها
هي ي حبيبتي تعالي شوفي جبتلك الحجات دي من اسكندريه ومن مصر شوفي اييه رايك
علياء حلوه ي عمتي
مالك ي بتي ايه ال مزعلك
مفيش حاجة بس عبد الرحمن صعبان عليا هو اول مرة يقعد لواحده
خلاص يقعد معانا اهنه ويحول ل جامعه اسيوط وهو يبجي جارك وما يبعدش عنيكي ابدا جولتي اييه
علياء ..فعلا هو دا الحل انا هروح ااقوله
وتركتها وذهبت ل اخيها الذي وافق عل رايها
💢💢💢💢💢💢💢💢💢💢💢💢
تم الفصل ايه رايكم توقعتكم اييه
محدش يبخل بالتصويت عل الفصل
ولا برأيه ❤❤❤❤❤
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺