رواية قوة الحب الفصل الرابع والخامس والسادس بقلم مروه السيد حصريه وجديده على مدونة أفكارنا
 |
رواية قوة الحب الفصل الرابع والخامس والسادس بقلم مروه السيد حصريه وجديده على مدونة أفكارنا
محمد ... قصدك يكون دا اللى حاول يقتل سامح
مالك ... مش بعيد والوحيده اللى تعرف شكله هى مراتك يا محمد
محمد ... ايوه بس اكيد مش هدخل مراتى فى حاجه
مالك .... مقولتش تدخلها احنا هنصوره ونوريها الصوره وهى هتقول هو ولا لا
محمد .... تمام
سامح .... بس اخويا يعمل فيا ليه كدا
مالك .... ماهو بيقولك خاطب مراتك وهيتجوزها فأكيد عشان كدا ولو فى ورث ممكن يبقى كدا فى ناس تموت ابوها عشان خاطر الورث الأخ مش هيقتل اخوه
محمد .... طيب احنا بنتكلم ومش متأكدين مراته ولا لا احنا شكينا لمجرد ان نفس الفتره اللى اختفى فيها جوزها هى الفتره اللى سامح كان معانا فيها
سامح .... لا واحساسى كمان ما تنساش هو اللى خلانا نسأل انا بس كل ما بحاول افتكر حاجه بصدع جامد
مالك ... يبقى نروح للدكتور بكره عشان نشوف حكايه الصداع دا
سامح ... مش مستاهله يمكن عشان بضغط على نفسى
مالك ... نطمن برضو
محمد ... خلاص هستاذن انا عشان زوجتى بترن من بدرى ووجعت دماغى
سامح ... روح بدل ما تضرب
محمد ... اضرب ايه يا جدع استنوني هرجعلكم على طول ويضحكو كلهم
فى الصباح عند سلمى
ميرفت ... اللى يشوفك وانتى اخر شياكه كدا على الصبح مايشوفكيش بعد الضهر وانتى عامله زى الراجل
سلمى بضحك .... الشغل بيحكم الصبح شغاله مشرفه باص فى مدرسه انترناشونال اهم حاجه المظهر وبعد الضهر سواقه لازم إبان انى مش سهله عشان رجاله كتير بتستهبل
ميرفت ... وايه جابرك على كدا بعد شغل المدرسه حلو وبيتبقى من المرتب كمان وفلوس الشقه اللى متأجره بتدفع للجمعيه عايزه العربيه فى ايه بقا
سلمى .... بتاعت احمد يا ماما ومش هسيبها ابدا وبعدين هما ساعتين مابقيتش بتاخر يعنى يلا هنزل انا عشان متاخرش
ميرفت .... ربنا يسهلك الحال يارب اللى شغال ع العربيه الصبح هو اللى هيودى خديجه الحضانه
سلمى .... اه الساعه ٨ هيكون هنا وتمشى
سلمى واقفه مستنيه الباص
... انتى مرات احمد صح
سلمى ببعض الامل .... ايوه فى حاجه
ماجد .... انا صاحبه من زمان وكنت عايزك فى موضوع
سلمى .... تعرف هو فين
ماجد .... بصى مش هعرف اتكلم هنا عشان شويه وهلاقى وليد قدامنا حاولى نتقابل بعيد عن المنطقه خالص ويمد ايديه بورقه دا رقمى كلميني بس ضرورى سلام ويمشى قبل ما ترد
سلمى .... ايه دا وياترى مش عايز وليد يعرف ليه يلا بعد الشغل هفهم كل حاجه وتركب الباص
عند المدرسه
... مدام ممكن تيجى معايا
سلمى .... نعم اجى معاك فين
.... معلش معنديش اوامر غير انى اوصلك وبس مش هقدر اقولك فين
سلمى ... والمفروض امشى معاك عادى كدا صح بعد اذنك عندى شغل ولسه هتمشى
.... مطلوب منى اوصلك لشخص معين بالذوق او العافيه فبلاش شوشرة واتفضلى
تبصله ولسه هتخش المدرسه
يمسكها من ايديها ويقرب من ودنها يقولها الموضوع يخص
البارت ٥
الشخص .... يمسك سلمى من ايديها ويقرب من ودنها يقولها الموضوع يخص زوجك ها هتيجى ولا لا
سلمى ... وانا ايه اللى يخليكى أصدق بقا
الشخص .... انتى حره بس زوجك عاوز يشوفك ولو مجتيش معايا هيجيلك هو وكدا هتبقى عرضى حياته للخطر
سلمى بتفكير ... مش قادره أصدق الصراحه عن اذنك بقا عندى شغل
الشخص ... انا اسف بقا ويشاور لعربيه تقرب منهم ورش بنج ع وشها من غير ماحد ياخد باله ف لحظه حطها فى العربيه بس فى طالب شافها وجرى بسرعه عند المديره يبلغها
محمد ومالك وسامح فى المكتب مستنين وصول سلمى الباب يخبط سامح يقوم مستنى دخولها
يدخل شخص .... انا اسف يا افندم بس المدام كنا رايحين ليها ولقينا شخص حطها فى عربيه ومشى بيها
مالك ... وانت ازاى تسيبها ياغبى
الشخص .... لا طبعا انا مشيت وراهم وعرفت مكانها بس كان فى ٤ رجاله ومعرفش فى كام بره فخوفت تتاذى بسبب وانا لوحدى مكنتش هقدر عليهم انا عرفت المكان وجيت أبلغكم نبلغ البوليس ولا اخد ناس واروح اجيبها
سامح .... يلا بينا انا جاى معاك
محمد ... هتروح فين بس استنى نبلغ احسن
سامح ... بلغ انت انا مش هستني
مالك ... محمد بلغ الشرطه واحناهنروح نلحقها على ما يوصلوا عشان ما يعملوش لها حاجه ع مانوصل
محمد ... استنو هاجى معاكم ونبلغ واحنا ف السكه قولى المكان بالظبط يابنى
ويروحوا كلهم العنوان اللى قالهم عليهم بعد ما بلغوا
عندى سلمى ... انا عايزه امشى حرام عليكم عندى عيال
الشخص ... معلش بقا للزم الباشا يوصل وهو اللى يقرر
سلمى .... باشا مين وعايز منى ايه بس
الشخص .... قرب يوصل اهوه وهتعرفى كل حاجه ومتقلقيش مش هياذيكى دا منبه علينا ناخد بالنا منك اوى ومحدش يحاول ياذيكى
سلمى .... ياااارب ساعدني يارب فاللحظه دى تدخل الشرطه بعد ما وصلت ف نفس الوقت اللى وصل فيها سامح ومالك ومحمد الظابط لو سمحتوا استنوا ف العربيه عشان محدش يتأذى
سامح ... بس يا افندم دى مراتى
الظابط انا مقدر بس معلش استنى ف العربيه وان شاء الله هنخرج بيها سليمه بس استنوا لو سمحتم
عسكرى خليكم معاهم متخليش حد يتحرك من هنا
مالك .... خلاص اصبر يا سامح وان شاء الله خير
سامح قلقان
بعد هجوم الشرطه
اللى كانوا بيحرسوا سلمى حاولوا يهربوا لكن مالحقوش الا اللى كان بيكلمها نط من الشباك بس مالك وسامح قدروا يمسكوه
محمد استلم سلمى من الظابط
الظابط .... المدام اهيه بس لازم نروح القسم عشان المحضر
محمد ... طبعا طبعا يا افندم وراك على طول يأتى سامح ومالك معاهم الشخص دا ويسلموه للظابط
سلمى شافت سامح ومتنحه مش قادره تنطق
فى المدرسه
الطالب بيعيط عند المديره ميس سلمى ناس اخدوها ف عربيه من قدام المدرسه
المديره .... ازاى يا حبيبى والباص بيدخلكم المدرسه جوه هى ايه طلعها بره بس هتلاقيها عن الباص ما تقلقش
الطالب ... لا انا شوفتها انا متأكد
المديره .... طيب روح عند على الكلاس وانا هتصرف يلا يمشى الولد المديره تكلم سواق الباص
محمد الاستاذ سلمى فين
محمد ... قالت هتطلع تشترى حاجه وتيجى بسرعه بس لسه مجاتش
المديره .... تمام وتقفل
لنفسها طيب اعمل ايه دالوقت أبلغ طيب سمعه المدرسه وكمان سلمى كويسه واتخطفت من عند المدرسه مش هقدر اسيبها لازم اعمل حاجه ايوه انا هكلم اللواء معتز واطلب منه من غير شوشرة
وتكلمه
الشخص اللى كان طالب بخطفها يصل ويشوف عربيه الشرطه بيعرف ان كدا سلمى مش موجوده ويدخل المكان اللى كانت فيه سلمى عباره عن اوضه وصاله فى مكان منعزل ويفضل يكسر فيه زى المجنون
ازاى ازاى بالسرعه دى انا كل ما اقرر انها خلاص ليا تضيع بسرعه كل مره ليه كدا بس لا انا مش هسيبها سلمى ليا ليا انا وبس انا قتلت جوزها عشان اتجوزها بس حتى وهو ميت برضو مش عارف اتجوزها عملها ايه عشان ترفض تتجوز غيره كدا بس انا مش هسيبها هفضل وراها لحد ما توافق
عند سلمى ف العربيه
سلمى .... انتم مين وتعرفونى منين
مالك .... انتى متعرفيش دا ويشاور ع سامح
سلمى ....بتحاول تسيطر على نفسها وهو يعرفني عشان انا اعرف
سامح ... بصى انا فاقد الذاكره وكنت شوفتك فى مطعم فحسيت انى اعرفك وكمان جالى تخيلات وانا وانتى وطفله صغيره مع بعض
بس افتكرت انك هتعرفينى اجنا اسفين هنروح القسم نخلص المحضر وهنوصلك للبيت
بزعل لمالك ومحمد رجعت تانى بعد ماكان عندى امل انى هوصل لاهلى
سلمى ...
البارت٦
سامح.... بصى انا فاقد الذاكره وكنت شوفتك فى مطعم فحسيت انى اعرفك وكمان جالى تخيلات انا وانتى وطفله صغيره مع بعض بس افتكرت انك هتعرفينى احنا اسفين هنروح القسم نخلص المحضر. وهنوصلك للبيت يمكن ربنا عمل كدا عشان ننقذك النهارده
بزعل لمالك ومحمد رجعت تانى بعد ماكان عندى امل اوصل لاهلى
سلمى بزعل ... يعنى انت مش فاكر حاجه خالص
سامح... للاسف ناس حاولوا يقتلوني ومحمد انقذنى واعتبرني هو ومالك انى اخوهم لانى من ساعتها فاقد الذاكره بقالى ٣ سنين
سلمى والدموع فى عينيها .... انا اسفه بس كنت زعلانه انك سبتنى اعانى لوحدى مكنتش اعرف انك فاقد الذاكره انا سلمى مراتك والطفله اللى شوفتها ف خيالك دى خديجه عندها دالوقت ٥ سنين ولما انت اختفيت انا كنت حامل عرفت بعد ما انت اختفيت جبت يونس و يارا سميته يونس عشان انا وانت كان نفسنا فى الاسم دا وانت اسمك احمد ومامتك قاعده معايا وليك اخت بس مسافره مع جوزها فى الإمارات
سامح .... بيسمعها وبيجيله تخيلات بس الصور مشوشه وبيصدع بيمسك دماغه
مالك .... كفايه يا مدام سامح بدء يتعب نكمل بعدين
سامح .... لا سيبها تكمل انا عايز افتكر
مالك .... يبقى نروح للدكتور الأول عشان ماتتعبش
محمد بمرح.... للتغير شويه شوفت طلع اسمه احمد يعنى لو كنت سبتنى اختار الاسم كنت سميته على اسمه الحقيقي
احمد .... التفاهه ليها ناسها
مالك .... عندك حق والله وضحوا وسلمى فى عالم تانى باصه على احمد وسرحانه
احمد ... مالك سرحانه ف ايه
سلمى .... حاجات كتير حقيقى متلخبطه ومش عارفه اعمل ايه وبفكر مين اللى حاول يقتلك وممكن يكون ليه علاقه بخطفى النهارده ولا ايه بدءت اخاف على العيال وتفتكر حاجه
انا نسيت
احمد .... ايه
سلمى .... واحد الصبح قالى انه صاحبك وانه عايز يتكلم معايا بخصوصك وعطاني رقمه
احمد.... فين الرقم يمكن عنده معلومه
سلمى ..... شنطتى فى المدرسه هى الساعه كام
مالك .... ٥
سلمى .... اوباااا زمان ماما قلقانه عليا انا تليفونى ف الشنطه فى المدرسه ممكن تليفون اطمنها
احمد .... يديها تليفون ويقولها بلاش تقوليلها حاجه دالوقت لحد ما نتكلم سوا
سلمى .... حاضر
وتكلمها
سلمى .... قبل اى حاجه انا سلمى معلش الوقت سرح بيا كان فى مشكله ف المدرسه ومااخدش بالى من الوقت معلش أن شاء الله ساعتين واكون عندك
ميرفت .... كدا يا سلمى ماشى لما تيجى المهم طمنيني انتى كويسه
سلمى .... اه الحمد لله معلش لما اجى هحكيلك كل حاجه سلام وتقفل
يخشوا القسم وتحكي اللى حصل معاها ويتعمل محضر وتروح تجيب شنطتها من المدرسه
ازيك يا عم محمد
عم محمد البواب ... انتى فين يا استاذ سلمى المديره جوه ومعاه لواء عشان بيقولوا اتخطفتى
سلمى .... ومين اللى قالكم
عم محمد .... طالب شافك وفى لواء جوه مع المديره
سلمى .... طيب انا هخش ليهم
احمد .... هخش معاكى مش هسيبك
سلمى .... يلا ويروحوا ع المديره تخبط وتدخل
المديره .... سلمى كنتى فين كل دا وايه اللى حصل
سلمى .... ناس خطفتني والأستاذ واخواته بلغوا البوليس وانقذونى الحمد لله
اللواء ... مين اللى عمل كدا وهما عرفوا منين
احمد .... كنا عند المدرسه ومشينا وراهم لما عرفنا المكان بلغنا الشرطه وهما حاليا فى قسم ...
اللواء .... تمام انا هروح وهتابع المحضر بنفسى وهبلغ المدام بالاخبار عن اذنكم انا
احمد وسلمى .... تمام شكرا يا افندم
سلمى .... معلش كنت سايبه شنطتى ف الباص
المديره .... اهيه انا اخدها شيلتها
سلمى ... تمام شكرا وانا اسفه على اللى حصل النهارده
المديره ... المهم انك بخير واعتبرى نفسك بكره اجازه ريحي
سلمى .... لا انا تمام هنزل بإذن الله
المديره ... اسمعى الكلام اكيد أعصابك باظت
احمد قبل ما سلمى تعترض ... تمام يلا بينا ياسلمى انتى فعلا محتاجه ترتاحي وياخدها ويمشى
سلمى .... ايه دا انا عايزه انزل شغلى ليه قولت كدا
احمد .... اهدى بس انا عايز اقضى معاكى وقت وتحكيلى عن حياتنا سوا يمكن افتكر حاجه
سلمى .... ماشى بس ليا طلب نروح بكره للدكتور عشان الصداع اللى بيجيلك ممكن
احمد .... اتفقنا يلا طلعى الرقم واتصلى بقا
سلمى... حاضر
وتتصل
الو انا مرات احمد اللى سبتلها رقمك الصبح
ماجد ... ايوه ايوه ممكن نتقابل امتى
سلمى ... حاضرتك فين وانا اجيلك
ماجد ... بصى انا قريب من (..)
سلمى ... تمام فى كافيه عندك هقابلك فيه
ماجد .... تمام سلام
سلمى .... سلام
احمد.... ها هنروح فين
سلمى... هو انتم هتيجم معايا
احمد .... طبعا
سلمى .... بس دا عارفك مش هينفع يشوفك مينفعش حد يشوفك اساسا لحد مانعرفش مين اللى حاول يقتلك
مالك ... هى صح انا هبقى معاها فى الكافيه وانت ومحمد ف العربيه وتقفلوا الازاز عشان محدش يشوفك
سلمى .... وانت هتبقى معايا بصفتك ايه
مالك .... هبقى ع طربيزه قريبه منك امان بس
احمد. ... دا اسلم حل أو انا اجى معاكى اختارى
سلمى .... تمام هاخد الاستاذ يلا
ويوصلوا المكان
سلمى تدخل تلاقى ماجد مستنيها
سلمى ... السلام عليكم
ماجد ... وعليكم السلام
سلمى ... ممكن تقول فى ايه عشان مينفعش اتأخر
ماجد .... طيب تشربى ايه لأول
سلمى.... شكرا معلش اتاخرت علل العيال
ماجد .... تمام الوحيد اللى كان مع احمد اخر واحد وكان قدامى خلاه يسيب الحاجه بتاعته والعربيه فى الجراج وكمان تانى يوم نبه عليا وهددنى بابنى الوحيده انى مقولش انه كان معاه هو ....
يتبع
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺