رواية قوة الحب البارت الاول والثاني والثالث بقلم مروه السيد حصريه وجديده على مدونة أفكارنا
 |
رواية قوة الحب البارت الاول والثاني والثالث بقلم مروه السيد حصريه وجديده على مدونة أفكارنا
يابنتى حرام عليكى بقا بقالنا ٣ سنين على الحوار دا
سلمى... انا بقولكم احمد عايش
وليد ... احمد مات خلاص ارضى بقا بالأمر الواقع وعيشى حياتك
سلمى ....لو مات فين جثته هاتها وانا اقتنع وحتى لو مات انا مش هتجوز غيره
ابراهيم .... بصى بقا انا صابر عليكى ٣ سنين اهوه وسبتك تشتغلي وتامنى مستقبل عيالك كفايه كدا هتتجوزى وليد واهو ابن عم جوزك يعنى فى مقام اخوه وهيراعى عياله وانسى الشغل بقا خلاص كدا
سلمى .... انا يستحيل أوافق على كدا حتى لو هاخد عيالى وامشي من هنا اانا مش هتجوز غير احمد
استوب
انا سلمى عندى ٢٨ سنه وجوزى اختفى من ٣ سنين مش عارفين عنه حاجه بس انا حاسه انه عايش ودول عم جوزى وابنه بقالهم ٣ سنين بيحاولوا معايا عشان اتجوز وليد دا بس ازاى اتجوز وانا متجوزه وبحب جوزى وعندى امل فى ربنا إنه يطلع عايش
فلاش باك
ميرفت ام احمد .... يابنتى رنى على جوزك اتأخر اوى
سلمى .... والله بقالى ساعتين برن مقفول
ميرفت ... انا قلقانه اوى عليه اول مره يتأخر كدا دا احنا الفجر
سلمى بقلق حاولت أن تخفيه قدام حماتها.... إن شاء الله خير يمكن تليفونه فصل وهو فى طلب ولا حاجه
ميرفت ... كل دا دا نازل من الصبح يجي يريح شويه هالك نفسه اوى
سلمى .... ما انتى عارفه يا ماما انه عايز يسد أقساط العربيه وكمان لازم يطلع ايراد لعمه متنسيش ان عمه محمود شريك معاه لازم يطلعله فلوس عشان كدا بيشتغل طول اليوم
ميرفت ... ربنا يقويه ويرزقه برزقكم يارب
سلمى ... أمين
بعد مرور يومين
سلمى .... يعنى ايه مالوش اثر ولاقيتو العربيه بس هيكون راح فين يعنى
وليد ... العربيه كانت فى الجراج اساسا وسايب فيها كمان حاجته خدى اهم التليفون والمحفظه والمفاتيح
سلمى اكيد فى حاجه غلط انا هدور عليه وهلاقيه
محمود عم احمد وشريكه فى العربيه ... هتدورى فين بس بقالنا يومين وسالنا ف المستشفيات والأقسام مفيش اثر له
باك
سلمى دموعها نزلت لما افتكرت اللى حصل
هتكون فين بس يا احمد ارجعلي بقا انا تعبت من غيرك
ميرفت بعد ما سلمى طلعت من عند عم جوزها ابراهيم .... مالك يا بنتى هو ابراهيم قالك حاجه ضايقتك
سلمى... مصمم انى اتجوز ابنه واسيب شغلى كمان انتى عارفه انا تعبت قد ايه عشان اوصل للى احنا فيه دا انا كنت ببعد عن عيالى طول اليوم
ميرفت .... طيب ما توافقى ياسلمى عدى ٣ سنين ومفيش اثر ليه مش معقول عايش وبعيد عننا كل دا
سلمى .... يستحيل يستحيل احمد عايش وحتى لو هفضل على ذكراه واربى عيال وبس
المهم فاكره الشقه اللى كنت اشتريتها لما بابا اتوفى واخد ورثى
ميرفت .... اه مالها
سلمى .... انا هكلم الناس اللى ماجراها تسيبها عشان هننقل فيها
ميرفت .... ليه بس كدا طيب والجمعيه اللى دخلاها بفلوس الإيجار دى هتعملى فيها ايه
سلمى .... انا الحمد لله كاسره فلوس على جمب ومرتبى كويس بجانب شغل العربيه دا انا حتى هخلص الجمعيه دى واعمل واحده تانيه عشان نشترى شقه كمان ادعيلي بس
ميرفت .... الصراحه انا كنت عايزاكى بقا تسيبك من شغل العربيه دى وتكتفى بشغلك ف المدرسه وزى ما قولتى مرتبك ماشاء الله جميل
سلمى .... مش هقدر اسيب العربيه لحد غريب محدش هيحافظ على حاجه مش بتاعته وعمى محمود مش هيقدر يشتغل عليها طول اليوم كفايه عليه كدا
وبعدين مش عايزه اقصر نهائى مع العيال كفايه غياب ابوهم عنهم
ميرفت .... كل دا وتقصرى ربنا يباركلك فى صحتك ولا مقصره مع العيال ولا حتى معايا
خديجه بنتها الكبيره فى كى جى 2 بتعيط
سلمى .... مالك يا حبيبتى
خديجه ...
البارت ٢
خديجه بعياط ... عمو وليد زعقلى وقالى ما اطلعش تانى من البيت من غير استأذن منه عشان هو هيكون بابا
سلمى .... شوفتى يا ماما احنا لازم نمشى من هنا فى أقرب وقت حتى لو هأجر شقه بس مش هسمح لحد يزعل حد من عيالى ابدا روحى يا حبيبتى العبى مع اخواتك
انا نازله يا ماما
ميرفت ... هتروحى فين مش قولتى هتقضى اليوم معانا النهارده
سلمى ... مخنوقه اقولك تعالو نخرج كلنا نغير جو يلا اجهزى وانا هدخل اجهز العيال
فى مكان آخر
...انا نفسى اعرف انا مين وليا اهل ولا لا
مالك ... انت زهقت مننا ولا ايه يا عم سامح دا انا حتى اعتبرتك اخويا ومش هقدر ابعد عنك تانى
سامح .... لا ابدا والله بس نفسى اعرف انا مين مش اكتر لو ليا اهل زمانهم زعلانين عليا بس اكيد مش هسيبك وهبقى معاك دايما
مالك..... عارف لو بعد ما ترجعلك الذاكره اتخليت عنى هعمل فيك ايه دا حتى كل اللى فى الشركه بيحبوك
سامح .... انا حاسس انى تعبان ما تيجى نخرج بما ان النهارده الجمعه مفيش شركه واجازه بقا بقالنا كتير ما خرجناش سوا
مالك ....طيب يلا بينا ونتصل كمان بمحمد اخويا نشوفه فين ويجى معانا
سامح .... اشطا
عند سلمى
سلمى ايه رايك يا ماما نروح لعمتو سهير
ميرفت .... تعالى احمد ابنى كان بيحبها اوى وهى كمان روحها فيه
سلمى ... تمام ويركبو العربيه
عند سهير عمه احمد .... تفتح الباب يا حبايبى وحشتونى اوى تعالو تعالو
سلمى وميرفت وانتى كمان وحشتينا عامله ايه
سهير.... الحمد لله يا حبايبى بخير المهم انتم
سلمى. ... الحمد لله
سهير.... تعالى يا ديجا عامله ايه
تروح لها خديجه ... الحمد لله يا تيتا
سهير .... وعامله ايه فى الحضانه بقا
خديجه .... اسمها كى جى يا تيتا مش حضانه
سهير ....هههههههه معلش اصل على ايامى كانت حضانه يا ديجا
خديجه.....ماشى يا تيتا هروح العب مع يونس ويارا
سهير .... روحى يا حبيبتى
مالك ياسلمى وشك بيقول انك زعلانه
سلمى .... مفيش يا عمتو إرهاق بس
ميرفت ... لا فى دى سهير يعنى اجدع واحده فى العيله هى ومحمود
سهير .... فى ايه ايه اللى حصل
سلمى ... ياماما بلاش تقلق وخلاص بقا انا هتصرف
ميرفت.... لا هقول اخوكى ابراهيم وابنه بدءوا يضايقوا فى سلمى لدرجه ان ابراهيم اخد قرار انها هتتجوز وليد ومفيش شغل تانى دا غير وليد زعق لخديجه
سهير .... هو اتهبل يزعق للبت دى حتى بحسها هاديه وغلبانه دايما بس انتى ليه يا سلمى رافضه الجواز انتى لسه صغيره وبهدلتى نفسك الصراحه مش شرط من وليد اى حد انتى جالك عرسان كتير
سلمى .... انا بحبك احمد لدرجه محدش يتخيلها وعندى يقين انه عايشه وحتى لو لقدر الله مات هيفضل الذكريات معاه وبعدين انا مبسوطه باللى بعمله عشان اما يرجع يعرف انى حافظت على عياله
سهير ... انا بتكلم عشانك بس مش عايزاكى تزعلى انتى بتحاولى تكونى اب وام وابنه لميرفت بجانب شغلك لما يكون فى راجل هترتاحى انتى وتتفرغى لعيال وحماتك بس
ميرفت .... الصراحه سلمى ما قصرتش خلال ال ٣ سنين اللى فاتو ولا معايا ولا مع العيال وكمان اثبتت نفسها ف الشغل عرفت تقسم يومها علينا وعلى الشغل بس نسيت نفسها خالص
سهير .... ربنا يقويها ويكرمها وهتعملى ايه مع وليد وابراهيم
سلمى .... هشوف شقه ايجار او لو فى قسط معايا مقدم ادفعه واقسط الباقى
سهير .... طيب فى واحده فى العماره اللى جمبى دى هشوف صاحبها كدا واحاول معاه تاخديها قسط ايه رايك
سلمى .... ياريت طبعا تبقى عملتى معايا احلى واجب
سهير .... تمام بس هتعملى ايه معاهم برضو دا مش حل ماهما هيجم ليكى
سلمى .... مش عارفه سبيها على ربنا المهم هنمشى احنا بقا
سهير ... مش قبل ما نتغدا لأول
سلمى .... لا طيب يونس ويارا مش فاهمين خديجه تفضحنى عشان وعدها تتغدا بره تعالى انتى معانا نتغدا سوا
سهير .... لا مقدرش عمك محمد زمانه راجع من الشغل لازم اتغدا معاه
سلمى ... ربنا يحميكم لبعض يارب
يلا عايزه حاجه
سهير.... سلامتكم ما تتاخروش عليا كدا وانا هشوف موضوع الشقه واكلمك
سلمى .... ماشى يلا سلام
فى العربيه
ها بقا تحبوا تتغدوا فين
خديجه .... طبعا بيتزا
ميرفت .... بتقول فين مش ايه
سلمى.... عيونى يبقى بيتزا من احلى مكان لأجل عيون ديجا وانتى يا ماما
ميرفت .... يا حبيبتى اى حاجه رضا الحمد لله
سلمى الحمد لله طبعا على كل حاجه بس انا قبض امبارح والنهارده يومكم شاورى بس
ميرفت ... ربنا يراضيكى دايما يابنتى خلاص يبقى بيتزا زى ديجا
سلمى ... اشطا يبقى بيتزا
وتروح على المطعم وهما بيغدوا انا هقوم اغسل ليونس ايده احسن بهدل الدنيا خالص واجى
ميرفت... ماشى يا حبيبتى وتروح سلمى الحمام
عند سامح ومالك ومحمد
محمد ...نفسى اعرف ايه حبك فى البيتزا مش بتزهق منها ياعم
سامح .... تصدق انا كمان مش عارف
مالك .... طيب يلا عشان نمشى مش هنفضل هنا خلونا نروح نتمشى ع البحر شويه
سامح .... تمام هروح الحمام لأول ونمشى
محمد .... استنى هاجى معاك
مالك ... طيب هحاسب واستناكم ويروحوا الحمام
محمد .... سامح مالك
سامح ... بص
البارت ٣
سامح ... بص اللى معاها طفل دى
محمد ... مالها
سامح .... مش عارف حاسس انى اعرفها بس مش قادر افتكر فين قلبى بيقولى اروح ليها وبيجيلى تخيلات وانا بتكلم معاها وفى طفله بتكون معانا
محمد ... ماهى معاها طفل فعلا
سامح .... لا طفله بنت مش ولد اه نفس السن الطفل دا بس كانت بنت وفيها شبهه منى
محمد .... تفتكر تكون مراتك
سامح .... مش عارف انا صدعت جامد بص انا هروح لها وزى ما تيجى لو تعرفنى اكيد اول ما تشوفني هتقول
محمد. ... استنى بس انا هعرفلك دى مين وهجيبلك أخبارها كلها روح انت مع مالك وانا هتصرف ولو فعلا قريبتك هنعرف بدل ما نعمل فضايح هنا
سامح .... تمام ويروح لمالك
مالك .... لسه كنت مع بنوته فيها شبه منك لو بنتك مش هيبقى كدا
سامح .... بسرحان شبهى انا
مالك .... اه عرفت منين انت قابلتها ولا ايه
سامح .... لا بس دا الاسم اللى افتكرته خديجه تفتكر تكون بنتى بقولك ايه انا مش هستني اخوك انا هروح يمكن يطلعو أهلى
مالك .... استنى بس انا مش فاهم حاجه تروح لمين
سامح..... البنت فين
مالك .... اهيه ويشاور على الطربيزه بس بتكون فاضيه
اكيد مشيوا
سامح .... اووووه يارب محمد يعرف يوصلهم
عند سلمى فى العربيه ... مبسوطه يا ديجا
خديجه .... اوى يا ماما انا بحبك اوى
ميرفت .... ايه دا بتحبى ماما بس طيب وتيتا
خديجه وانتى كمان يا تيتا طبعا
ميرفت .... حبيبه تيتا انتى يلا خدى بالك من اخواتك لحد ما نوصل يابنوتى الجميله
خديجه .... حاضر وتلاعب التؤام
سلمى .... ماما
ميرفت ... نعم
سلمى .... وانا طالعه من الحمام حسيت بوجود احمد بس للاسف معرفتش اوصل له
ميرفت. ... يا حبيبتى طبعا بتمنى يكون عايش بس انتى ليه متأكده كدا من وجوده يمكن مجرد احساس ما هو لو عايش هيسيبنا كل دا ليه بس
سلمى .... تعالى نحطله اعذار مثلا فى غيبوبه لحد دالوقت او فاقد الذاكره او محبوس وانا مش عارفين نوصل للمكان المحبوس فيه
ميرفت .... يارب يابنتى نلاقيه ويطلع احساسك دا صح
سلمى ... يارب يلا هطلعكم وانزل الف شويه بالعربيه يمكن القى شغل لو ما لاقيتش هرجع ع طول
ميرفت .... لا هتطلعى تكملى اليوم معانا ريحي نفسك يوم بقا كملى اليوم للآخر احنا الحمد لله يعنى لو سبتى شغل العربيه كمان هترتاحى وهنفضل عايشين فى مستوى كويس متقلقيش
سلمى .... هكمل اليوم معاكم ماشى بس مش هسيب. العربيه دى عربيه احمد وتعب لحد ما جابها يلا بينا يا ديجا
خديجه ... سيبى يونس اشيله يا ماما
سلمى.... لا يا حبيبتى عشان ما تقعوش معلش امسكى انتى تيتا وانا هشيلهم الاتنين يلا
فى جانب اخر
محمد كان ماشى وراهم لحد ما عرف عنوانها بعد ما طلعوا شقتهم نزل من العربيه يسأل عليهم
شخص ما .... ام يونس وحماتها بتسأل عليهم ليه
محمد .... اصل اخويا عايز يخطب الاستاذه اللى كانت شايله طفلين دى سمعت انها ارمله دا بجد
الشخص .... هو اختفى من ٣ سنين واللى سمعته انها رافضه الجواز بتربى عيالها وبتاخد بالها من ام زوجها
محمد .... انا متشكر جدا
وليد .... انت بتسأل عن مراتى ليه
محمد .... انت جوزها طيب ازاى والحاج قالى انه مختفى
وليد .... انا اخو جوزها وهتجوها قريب ابعد عنها بقا احسن ليك
محمد .... طيب هتتجوزها ازاى مش يمكن جوزها دا عايش
وليد .... لا مات امشى بقا مالكش دعوه
محمد يبصله بقرف ويركب عربيته ويمشى
بعد ما يوصل
سامح .... ها عرفت حاجه عنها
محمد ... لا
سامح ... ليه كدا بس مش كنت سبتنى اروح ليها احسن اهى ضاعت كدا
محمد بضحك .... طيب تدفع كام وانا اتكلم
سامح يضربه فى كتفه .... انت بارد يلا اخلص قول
محمد .... عرفت عنوانها وسألت عليها كمان طلع جوزها مختفى من ٣ سنين وهى شايله كل حاجه حماتها وعيالها والمصاريف معاها عربيه سوزوكى ممكن تكون شغاله عليها هجيبلك باقى المعلومات عنها بكره انا كلمت واحد هيجيبلى كل حاجه بتشتغل فين وخطواتها كلها بس فى حاجه
سامح .... حاجه ايه انطق
محمد .... واحد سمعنى وانا بسأل عنها وقاله انه اخو جوزها وقريب هيبقى جوزها وبيتكلم بثقه ان جوزها مات
سامح .... انا لازم اقابلها متعرفش اسمها ايه
محمد.... لا للاسف بيقولوا ليها ام يونس اكيد دا اللى انت شوفته معاها
سامح ... حاول تجبهالى باى طريقه او وديني انا ليها
مالك .... لا هاتها الشركه ومن غير ما حد يعرف لما تروح شغلها خصوصا اللى قال انه اخو جوزها دا عشان دا وراه قصه ولازم نعرفها
محمد .... قصدك يكون دا
الفصل الرابع والخامس والسادس من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺