رواية مأساة حوريه الفصل الرابع والثلاثون بقلم الكاتبه فريده أحمد حصريه وجديده على مدونة أفكارنا
 |
رواية مأساة حوريه الفصل الرابع والثلاثون بقلم الكاتبه فريده أحمد حصريه وجديده على مدونة أفكارنا
دفع الباب بقوة ليقف مكانه متصنم
مراته واخوه مع بعض في السرير.... بس كانو... ما،، تو في حضن بعض قبل ماهو يوصل
قرب عليهم ليتفاجأ بأنهم فارقو الحياة
دخلت حورية بسرعة الشقة وهي بتنهج و اللي كان كل همها تلحقه.. بمجرد ما شافت المسد، س في ايده وبصت لاقيتهم كده بقت واقفة علي الباب متجمدة
اتمالكت نفسها اخيرا وقربت عليه بسرعة وهو واقف في دنيا تانية،، صرخت فيه بجنون وهي بتقول.... قتـ لتهم.. ليييه. لييييه يا امجد لييييه
وهي بتهز فيه بجنون وتصرخ وتقول.... عملت كده ليييه
سابته وهي عمالة بتأنب في نفسها وتقول بانهيار. انا السب انا. السبب . يارتني ما قولتلك. يارتني ما قولتلك
بصتله وبصريخ... ارتحت لما عملت كدااااا
ليقاطعها صوت امجد وهو بيقول بضياع ... ملحقتش.. بصلها وكمل.... للاسف ملحقتش اقتـ لهم
بصتله بدون فهم فقال وهو ببشاور علي الدفاية.... تقريبا من الدفاية
كانت الاوضة كلها دخان بس هي مكانتش مركزة من الصدمة
وده اللي حصل بالفعل،، محمد ورشا ما،، تو اثر استنشاقهم لغاز اول اكسيد الكربون اللي اتسرب من الدفاية الكهربائية اثناء نومهم فاختنقو وفا، رقو الحياة في ابشع وضح وهما بيفعلو الفاحشة
.......
قدرية كانت راحة جاية بقلق وهي بتحاول تتصل ب رشا اللي اتأخرت لكن بدون فايدة
قدرية في نفسها بقلق.... هتكون راحت فين
شهقت لما افتكرتها سابت البيت بسبب جواز امجد وقالت... لتكون سابت البيت ومشيت غضبانة
كملت بحيرة.... بس هتروح لمين دا بقالها زمن مارحتش لابوها من بعد ماتجوز بعد امها .. وحتي بردو لو مشيت غضبانة مش هترد عليا ليه. ولا هتسيب العيال ليه
طردت الفكرة من راسها وقالت... لا لا كانت هترد عليا علي الاقل
رجعت تاني لحيرتها... ياتري روحتي فين يارشا.. الساعة بقت 12
وبقلق... لتكون جرالها حاجة..استر يارب
وبقت قلقانة جدا عليها وبتضرب اخماس في اسداس
وبعد ما كانت خايفة تطلب امجد وتعرفه بغياب رشا خوف عليها منه لا يكسر، لها دمغاها،، مكانش قدامها حل غير انها تلجأ ليه وتعرفه علشان يشوفها،،، وبقت تحاول تكلمه ،، لكن للاسف هو كمان مكانش بيرد
....
فتح عماد باب شقته اللي متجوز فيها سهي ودخل بهدوء
كانت سهي قاعدة في الكنبة بمجرد ماشافته قامت قربت ليه بلهفة وهي بتقول ببتسامة.. حبيببي وحشتني اوي
وراحت تحضنه لكن هو مسكها من شعرها و بعدها عنه بعنف
وقالها بغضب... فضلتي لما عملتي بردو اللي فدماغك. بس تمام.ا..
قاطعته بسرعة وقالت.... وغلاوتك ما قولتلها. هي جاتلي وهي عارفة
قربت ليه وبقت تحرك ايدها على وشه وقالت محاولة منها لامتصاص غضبه منها .. انت تصدق بردو ان انا اعمل كده وخالف كلامك. وبعدين انت من ساعت ماوعدتني انك هتعلن جوازنا انا صدقتك ف ليه هعمل كده
عماد... امال عرفت ازاي
سهي... معرفش
بعدت وهي بتقوله بضيق... وبعدين انت زعلان ليه. ماهي كانت هتعرف كده كده
بصتله بشك وقالت... ولا مكنتش ناوي توفي بوعدك معايا وتفضل متجوزني في السر علشان خايف علي مشاعر الهانم... مش كفاية رضيت بالوضع ده ووافقت اتجوزتك في السر
عماد.... فين الجواز اللي في السر ده. ما الكل عارف. اهلك وكل الناس
سهي...لا مش كل الناس عارفين. هي مكانتش تعرف. جبتني هنا اخر الدنيا وسكنتني في محافظة تانية علشان الهانم متعرفش وانا سكت ورضيت علشان بحبك.. بعدين ماهو كان هييجي وقت وتعرف وولادك لازم يعرفو ان هيبقي ليهم اخ ولا ناسي اني حامل
..................
اما عند نورا فاستنت لما طارق وعاليا طلعو شقتهم ينامو
وبهدوء اخدت الولاد ونزلت تتسحب لحد ما خرجت بيهم من البيت و راحت لبيت اهلها
...................
تاني يوم
في المستشفى كانو واقفين كلهم مستنيين الدكتور يخرج يطمنهم علي قدرية اللي بمجرد ما عرفت الخبر مستحملتش ووقعت من طولها
كانو كلهم واقفين في حالة يرثي لها مابين قلقهم علي قدرية اللي مش عارفين هتقوم منها ولا لا ومابين مو، ت محمد ورشا اللي افجعهم
خرج الدكتور اخيرا ،،كلهم قربو عليه بلهفة
نزل الدكتور راسه باسف وقال ..للاسف مقدرناش نعمل حاجة.. جالها جلطة اثرت علي نصفها السفلي. وجمبها الشمال
سمر ببكاء... يعني ايه. يعني امي اتشلـ ت يادكتور
الدكتور... للاسف
سمر بانهيار.... لا يادكتور ابوس ايدك اعمل اي حاجة خلي امي تقوم.. والنبي اعمل اي حاجة والنبي
وبقت تبكي بانهيار وتترجي الدكتور
مرات عمها اخدتها في حضنها باشفاق عليها وهي بتقول... اهدي ياحبيبتي. اهدي
لكن سمر انهيارها كان بيزيد وهي عمالة بتصرخ وتقول.. امي واخويا في يوم واحد لييه يارب ليييه
بهيرة وهي واخدها في حضنها وبتهدي فيها... اهدي ياحبيبتي. دا قدر ربنا ومينفعش تعترضي وتقولي كدا حرام ياحبيبتي
اما امجد كان واقف بضياع مش قادر يستوعب الصدمات اللي ورا بعضها حرفيا كان واقف علي رجله بالعافية
وكريم كمان كان وقف في حالة يرثي لها مش قادر يستوعب كل اللي حصلهم ده في يوم وليلة!!
دا غير انه مكانش فاهم ايه حاجة ولا يعرف ما،، تو ازاي
حس بإيد علي كتفه وكان عاصم اللي قالو بمواساه.... شد حيلك
اما هنا ف كانت قاعدة في الارض ضامة رجليها وبتعيط وهي بتترعش بخوف ومزعورة مش قادرة تستوعب هي كمان
ابوها قرب عليها بسرعة لما شاف حالتها لان هنا من طبعها ما بتستحملش
قومها زكريا وهو بيقول.. قومي ياحبيبتي
واخدها وقعدها علي الكرسي وهو بيحاول يهديها وهو بيمسح علي شعرها ويقول... اهدي ياقلب ابوكي. اهدي
هنا بدموع بصتله وقالت... هو ايه اللي بيحصل يابابا. ايه اللي حصلنا ده
وهي بتقول بشهقات... محمد ورشا. ومرات عمي. ايه اللي حصل لنا ده يابابا. هما. هما ما، تو بجد
وبقت تبكي اوي
ضمها زكريا ليه وهو بيقول ... ده قدر ربنا ياحبيبتي
......................
بعد وقت في اخر الليل.. كان امجد واقف في مكان لوحده منعزل عنهم رافع راسه للسما وهو مغمض عينه بحزن وتعب
حس بإيد علي كتفه، لف وكان عمه اللي قال... شد حيلك يابني
بصله امجد بعيونه الحمرا اثر الزعل وقال.... عملت ايه ياعمي. طلعت تصريح الد، فن
هز زكريا راسه وقال بحزن .... طلع وهند، فنهم بكرا
امجد.... مش عاوز حد يعرف اللي حصل ياعمي. مش عاوز حد يعرف ما، تو ازاي. حتي اخواتي
طبطب زكريا علي كتفه وقال... اتطمن. متقلقش. محدش هيعرف حاجه. انا مش هسمح ان حد يجيب سريتنا بحاجة وحشة ولا سمعتنا تبقي في الارض.. احنا ممكن نقول حا، دثة وكانو مع بعض بالصدفة.او اي حاجة.متقلقش هتصرف..
امجد بحزن وندم ... مكانش لازم امي تعرف
زكريا... واحنا كنا هنعرف منين بس انها هتسمعنا.. دي قسمة ربنا يابني ودا نصيب. المهم دلوقتي تشد حيلك يابني.. انا عارف ان اللي حصل صعب وعليك انت بالذات. بس لازم تشد حيلك علشان اخواتك اللي واقفين تايهين دول وعيالك اللي ربنا يتولاهم..اجمد يابني اجمد
...
قدام اوضة الكشف
بصت هنا لكريم اللي كان واقف بحزن شديد وقالت ببكاء
هما ما، تو ازاي ياكريم.. ايه اللي حصل. انا مش فاهمة حاجة
اتنهد كريم وهو بيمسح علي وشه وبيقول بتعب ....انا كمان مش فاهم ومش عارف.. لسه مش عارف
...
عند حورية كانت عمالة بتبكي في حضن بيري وهي بتترعش من المنظر الرهيب اللي شافته وهي بتقول.. ما،، تو يابيري ما،، تو. ما،، تو
وكانت بيري بطبطب عليها وهي بتحاول تهديها وتقول... دا قدر ربنا ونصيبهم. اهدي
حورية... ا انا مكانش قصدي والله ان يحصلهم حاجة. حتي جريت ورا امجد الحقه والله ما كان قصدي
بيري.... انتي مالكيش ذنب ياحورية. مالكيش اي ذنب. دا ربنا عمل علشان هما كانو عارفين ان اللي بيعملوه كبيرة من الكبائر وفضلو مكملين . هما اخدو جزاءهم. انتي مالكيش اي ذنب
.......
تاني يوم كان تم دفن جثمانهم بعد ما المعمل الجنائي طلع تقريره بسبب وفاتهم اللي اكد انه بسبب اختناقهم من غاز المدفأة الكهربائية اللي اتسرب اثناء نومهم
..
وبعد اسبوع وبعد ما العزاء انتهي وكان يعتبر الكل علم سبب وفاتهم بإنها حادثة وده اللي زكريا صرح بيه وخبي الحقيقة علشان سمعتهم والفضيـ حة
..
كانت لسه قدرية في المستشفى
امجد وكريم واقفين بيطمنو علي حالتها من الدكتور،، فجأة قاطعهم وقوع سمر علي الارض واللي كان واضح جدا عليها التعب من اول اليوم
صرخت هنا اللي كانت واقفة معاها وهي بتقول... سمررر
جري كريم بسرعة شالها وهو بيقول.. الحقها يادكتور
الدكتور شاورله علي غرفة فاضية وقال... دخلها هنا
دخلها كريم بسرعة ودخل الدكتور يكشف عليها
بعد دقايق خرج،، كلهم بلهفة... مالها يادكتور
ليتفاجؤ برد الدكتور اللي قال بكل بساطة... لا متقلقوش، اتطمنو. هو اول الحمل بيحصل كده دوخة واغماء.
صدمة. صدمة. صدمة.صدمة لجمتهم كلهم
ليتابع الدكتور ويقول. والمدام كمان شكلها كان مرهق وواضح انها مش متغزية كويس. انا علقتلها محاليل وهتكون كويسة اتطمنو
ولسه هيتحرك فاق امجد من صدمته اخيرا وقال...لحظة يادكتور
وباستفهام... حامل ازاي!!!!
الدكتور.... حامل زي الناس. كل الاعراض بتقول انها حامل
امجد... حامل ازاي لا مؤاخدة
وبجنان... انت متأكد انها حامل يادكتور
الدكتور يا استاذ.... كل الاعراض اللي عندها بتثبت انها حامل. ولما كشفت عليها اتاكدت
زكريا.... يادكتور اكشف عليها تاني الله يرضي عليك. يمكن اتلخبطت او في حاجة غلط
الدكتور اتنهد بقلة حيلة وهو مستغربهم ودخل يكشف عليها،
وهما واقفين مستنيين يخلص وهما بيبصولو بترقب
بصلهم الدكتور وقال بعد ما انتهي من الكشف عليها لتاني مرة... المدام حامل يا جماعة
وقبل مايتكلمو كتبلهم علي تحاليل وقال.. ممكن تتاكدو بالتحاليل دي كمان. عن اذنكم
كريم بزهول ... يعني ايه البت طلعت مدوراها من ورانا. ماشية علي خل شعرها واحنا متغفلين
وبغضب... قسما بربي لاغسل لاقتلها واغسل عارها بإيدي
واتجه بجنون للاوضة اللي نايمة فيها سمر
وزكريا جري وراه بسرعة يلحقه
....
اما في غرفة قدرية كانت بتحاول تنادي علي الممرضة اللي بتتابع حالتها
دخلت الممرضة وهي بتقول... محتاجة حاجة يا حاجة. انتي كويسة؟
قدرية بتعب وهي بتقطع في الكلام اثر الجلطة ... في فين و ولا لادي. في فين بن بنتي الل الي كا كانت مـ معايا هـ هنا. هـ هما را حو في فين
الممرضة... هما بره كلهم بس انشغلو مع بنت حضرتك. اصلها تعبت شوية
وقبل ما قدرية تتخض كملت الممرضة بسرعة وقالت ظنا منها انها تفرحها... لا متتخضيش هي كويسة بس اصلها طلعت حامل.
وببتسامة... الف مبروك
قدرية بصدمة .... انت انتي بـ بتقو لي اا ايه. مـ مـ ين اللي ح حامل
الممرضة... بنت حضرتك اللي اسمها سمر تقريبا
قدرية... ق قصدك. ه هنا
الممرضة بتصحيح... لا سمر اللي بتفضل هنا معاكي دايما
قدرية بصدمة.... اييه. ب بنت ي انا
وبقت تشهق جامد وفجأة طبت ساكتة
يتبع....
محمد ورشا حبيت اعمل دي نهايتهم علشان يكونو عبرة لاي حد يفكر يز، ني عموما مش انه يخو، ن اخوه او واحدة تخو، ن جوزها
بالنسبة ان امجد محبش يفضحهم،، انا شايفة ملهاش لزوم الفضيـ حة كفاية موتتهم البشعة
كمان محبيتش افضـ حهم علشان خاطر عيالها ذنبهم ايه سمعة امهم تفضل ملاحقاهم، وشكل امجد نفسه قدام الناس. كانت هتبقي صعبة عليه جدا لما يتقال دي مراته واخوه خا، نوه مع بعض
مكانش لازم حد يعرف كمان علشان شكل اخواته والعيلة مكانش ينفع سمعتهم تضيع علشان فيها اتنين قذ،، رين زي دول،، ربنا يعافينا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺