رواية حب مهدد بالاعدام البارت الثالت بقلم الكاتبه زهرة الربيع حصريه وجديده على مدونة أفكارنا
 |
رواية حب مهدد بالاعدام البارت الثالت بقلم الكاتبه زهرة الربيع حصريه وجديده على مدونة أفكارنا
سحبت الدبوس من شعرها وشكته بيه في جنبه سابها بسرعه وصرخ وقال... ااااه الله يخرب بيتك ايه اللي عملتيه ده يا مجنونه
خلود قالت بغضب شديد... انا مش قلت لك ما تقربليش ولا السمع بعافيه ...اوعى تفتكر اني علشان اتجوزتك هقول معلش بقى قدري واللي حصل حصل استنى عليا انت والحربايه اللي بره دي لو ماعرفتها مقامها ما بقاش انا خلود بنت عبد الموجود هعرفها كويس يعني ايه تيجي على حاجه من حقي
ولسه هتمشي شدها ليه وبص لعيونها وقال... طب حقك اهو بيقول لك حقك عليا اعمل ايه اكتر من كده
خلود دفعته وقالت بغضب.... لا انت ما تعملش حاجه انت اقف بس واتفرج
واخذت هدوم وراحت على الحمام
اكرامي اتنهد وقعد على السرير بخنقه وقلع الكرافت والبدله بتاعته وقال.... الله يخرب بيت الجواز على اللي يتجوزوا على اللي فكروا فيه..ياربي انا لحقت اجرب النكد ده انا لسه مقلعتش بدلتي امال بعد سنه هيحصلي ايه
وعلى صوته قاصد يسمعها وقال ...ربنا على الظالم والمفتري
خلود قالت بصوت اعلى ....ما تدعيش على نفسك سبلي انا الطلعه دي
اكرامي نفخ بغيظ وفضل مستنيها
بعد شويه خرجت من الحمام ولابسه لبس نوم خفيف جدا ووقفت تسرح شعرها قدام المرايه
اكرامي وقف متجمد من منظرها وبقى يبصلها باعجاب شديد وابتسم لانه متاكد انها قاصده تلعب باعصابه
قرب منها و ضمها ليه وقال كنت متاكد ان الجميل هيرضى عليا ومش ههون عليك
خلود بعدت من بين ايديه وقالت بضيق....ليه كنت متخيل اني هفضل نايمه بهدومي عشان اثبت لك اني زعلانه منك خليك بعيد عني وعدي ليلتك على خير
ولسه هتمشي مسك ايدها واتنهد وقال.....خلود احنا صدقنا ما اتجوزنا ما تحرمنيش منك في اليوم اللي اتمنيته طول عمري
خلود اتنهدت بوجع والتفتت له وكانت اول مره يشوف الدموع في عيونها قرب منها وباس جبينها وقال.... انا اسف قوي اسف اني السبب في الدموع اللي اول مره اشوفها في عيونك دي اسف اني وجعتك للدرجه دي
خلود مسحت دموعها بسرعه وقالت.... انا عمره ما حد قدر يبكينيي ولا حتى انت تقدر
وقبل ما تتحرك شدها من اديها لحضنه وضمها بحنيه شديده
خلود حاولت تبعد من بين ايديه بس ما قدرتش وانهارت قوتها ونزلت دموعها بغزاره وبقت تبكي بين ايديه
اكرامي ابتسم برضى انها اخيرا طلعت اللي في قلبها وبقى يمشي ايده على شعرها وقال....دلوقتي هترتاحي خليكي في حضني وهتهدي خالص
بقلم زهرة الربيع
خلود مسكت فيه وفضلت بين ايديه شويه بس انتبهت على ايده بتتجرأ عليها بصت له بزهول وقالت.... انت خنزير يلا ما عندكش دم خالص
اكرامي شدد من مسكته ليها وقال.... ما هو المشكله انه فيه دن... وبيغلي وانتي مستغله انك زي القمر النهارده وعماله تهزأي فيا.... بس حقك قميصك مقوي قلبك
خلود كانت عايزه تضجك على كلامو بس اصتنعت الجديه وقالت ...احم..كفايه رغي انا عايزه انام..ويلا شوف لك حته تنام فيها عشان انا هنام على السرير ده
اكرامي ضحك بخفه وراح اخذ هدوم من الدولاب وهو بيقول ....من رحمه ربنا عليا يا خلود اني مش بركز مع كلامك من يوم ما عرفتك لولا كده كان زمان يا اتجننت يا قتلتك
خلود قالت بغيظ.. ليه مجنونه قدامك
اكرامي بدأ يبدل هدوم وقال ...والله المجانين على الاقل معذورين بنلاقي لهم عذر ونقول مجانين وعقلهم مش معاهم المشكله في اللي عايشين معانا على ارض الواقع على اساس انهم عاقلين وما يعرفوش حاجه عن المخ غير انه بيتاكل
خلود ابتسمت بسخريه وقالت ....والله على الاقل طيبين وعلى نياتهم مش زي ناس خبثه و خاينين
اكرامي اتنهد وقال..تاني بتقولي عني خاين يا بت ما انا شرحتلك
ولسه هيكمل بس قاطعتو و قالت بزهول ....انت بتغير قدامك قدامي ازاي... مفيش ادب خالص
اكرامي ضحك بخفه وقال ...لا ما فيش.... واوعي تقوليها لي انك مكسوفه يا اعني اقلق عليكي
خلود بصتلو بضيق ونامت بغيظ وهو لبس هدوم وراح قاعد جنبها وقال...دودو...بت يا دودو
يعني هنفضل كده لامتى يا بنت ده انا بحبك وانتي عارفه ني عاشقك ودايب ليه بتتعبيني معاكي كده..ده انا عمري كله اتمنى اليوم اللي هتبقى فيه جمبي وفي حضني... بلاش تمنعينا من بعض وتوجعي قلبي اكتر من كده
خلود اتنهدت ومردتش وهو قال بسرعه...طب والله ولا عمري حتى شوفتها ولا اتكلمت معاها كلمه حتى يا دوب دخلت وقعدت على السرير بفتح النور لقيتها قدامي لسه هسالها ازاي دخلت هنا انتي دخلتي طب ان شاء الله حتى لو كنت كذبت عربيه محمله زلط سريعه على الدائري تفرم محسن ابن عمك ما تخلي في حته سليمه ....او لو كنت صادق يا رب في الحالتين افرمو
خلود ضحكت وهزت راسها بياس وقالت.... نام يا اكرامي..نام ربنا يهديك
اكرامي ابتسم وقال..... لا انام ايه ...ضحكت يعني قلبها ماله وهنجيب عيال قوه بين ايديه وخاب معاها في اجمل لحظات حياته وبدت كل رفضها بين ايديه
اما دينا كانت في الاوضه ورايحه جايه بغضب وقالت... انا اتضرب بالشكل ده انا اتبهدل كده..طيب ان ما خليت الايام اللي جايه عليها خل ما بقاش انا
امها قالت بضيق.....ايام ايه االي جايه احنا هنمشي بكره كفايه اهانه كده
دينا قالت بسرعه....ما ما انتي مش كنتس اعدتيني انك هتجوزهوني وقلتي لي ده ابن خالتك وهجوزهو لك
امها قالت بسرعه.... وانتي اللي ما رضيتيش يا اختي وقولت لي ازاي اتجوز واحد عمري ما شفته اهي واحده غيرك شقطته ايه اللي مضايقك بقى دلوقتي ورايحه تنامي في اوضتهم فضحتينا
دينا قالت بخبث ابدا قولت اضايق العروسه شويه...اصلي الصارحه بعد ما شوفت ابن اختك ندمت اني رفضت لما كلمتيني...على العموم بما اننا قريب ال العريس وجايين له من سفر مفيش مانع ناخد لنا يومين ثلاثه هنا
امها قالت بستغراب....ايوه يعني انت عايزه تعملي ايه بالظبط
دينا وقفت وابتسمت وقالت... ولا حاجه بس هتسلى وارد اللي اتعمل فيا من الشرشوحه دي
في صباح يوم جديد خلود قامت من النوم ما لقيتش اكرامي جنبها بقت تبص باستغراب
افتكرته نزل بس سمعت صوت الميه في الحمام اتنهدت وابتسمت وبكسوف وهيه بتفتكر ليله امبارح وقربو منها
بعد شويه خرج هو بينشف شعره وقال ابتسامه... صباحيه مباركه يا دودو
خلود قالت بضيق مصطنع..احم اهو صباح زي اي صباح
اكرامي ابتسم بمشاكسه وقرب منها وقال ....زي اي صباح ازاي بس ده احلى واطعم صباح عدي عليا ولا ليله امبارح يا خرابي اجمل ليالي العمر.... اجمل ليالي العمر ده ايه ...دي العمر كله ولا انتي ايه رايك
خلود قالت بتوتر ...احم عادي يعني انا اصلا مكنتش موافق انت عملت كده غصب عني
اكرامي ضحك جامد وقال ...حلوه غصب عنك دي...عسل والله بس بتحصل انا اعرف واحده خلفت ثلاث مرات غصب عنها المره الرابعه كان غصب عنها قوي يعني جابت توام
وضحك جامد
خلود مسكت المخده وحذفتها عليه بغيظ وقالت.... اصلا سافل وواطي
اكرامي ضحك وقرب منها وضمها لحضنه وقال.... بنكشك يا دودو يا عسل فيه ايه.... يا بنت ده انا بموت فيك يا قمر انت يلا بقى وريني الغمازات الحلوين الاهي لو ما ضحكتي دلوقتي يجيني شلل في رجلين وادين محسن ابن عمك
خلود ضحكت بخفه وقالت....وبغدين الراجل معملكش حاجه علشان تدعي عليه كل دقيقه
اكرامي قال بضيق.... بالنسبه لك ما عملش حاجه بالنسبه لي كان هياخدك مني...كان هياخد مني عمري وحياتي في حاجه اغلى من كده
خلود ابتسمت لنظره الحنان اللي في عيونه وصدقه الواضح وقالت بحزن....قلبي اتحرق امبارح.... اتحرق قوي لما شوفتها بالمنظر ده جنبك... انت كنت لسه ما شوفتنيش انا بالشكل ده ازاي تشوف واحده غيري
اكرامي حضن خدودها بايديه وقال ....وحياتك عندي ما لحقت حتى خدت بالي لشكلها ولا لبسها انتي لسه ما تعرفيش انا مجنون بيك ازاي ما بقاش يحلالي اي جمال الا جمال عيونك صحيح قلبك اتحرق بس الوجع كان في قلبي انا وكاني انا اللي بتحرق مش انت بس لانك زعلتي انا مقدرش على زعلك
خلود قربت منه وضمته بحنيه وقالت.... ربنا ما يوجعني فيك ابدا انا عايزاك جنبي وبس كل اللي بعمله من غيرتي مش عايزه حد ياخدك مني
اكرامي ابتسم وضمها لقلبه وقال ..ولا عشره زيها يقدروا ياخدوني منك انا ليكي وبس يا بت ومليش غيرك
خلود ابتسمت وقالت... طيب عشان الكلام الحلو ده هعدي لك اللي حصل هروح استحمى واجي نفطر سوا ...فل
ابتسم بسعاده وقال....ده انت اللي فل وياسمين مستنيكي
خلود ابتسمت و راحت الحمام وهو اتنهد بارتياح شديد وقال ....الحمد لله يا رب
بعد شويه خرجت وكانت لابسه بيجامه رقيقه وشكلها قمر قوي
اكرامي بقى يبصلها باعجاب و قرب منها وقال..... ايه يا بنت العسل ده مش قلت هنفطر
خلود ضحكت وقالت..... انا بقيت عسل عشان فطار بقى وكده
اكرامي ابتسم بيأس وقال ...ايه يا بت خفه الدم دي فصلتيني بصي متهزريش تاني
خلود ضحكت وقالت ....طب يلا علشان نفطر جعانه قوي بقى
اكرامي قرب منها قوي وقال...بس انا في مسكن لازم اخده قبل الفطار
خلود بصتلو بزهول وقالت...ايه مسكن مالك فيه حاجه وجعاك ولا ايه
اكرامي مسك ايدها وحطهاعلى قلبه وقال...قلبي ...قلبي واجعني قوي وشفايفك اقوى مسكن ليه
خلود عضت على شفتها بخجل ولسه هتبعد قربها منه جامد في لحظه جميله كلها اشتياق ومشاعر متبادله
بس قطع لحظتهم صوت خبط جامد على الباب بعدو عن بعض بسرعع و خضه
اكرامي قال باستغراب...فيه ايه...مين بيخبط خبط المخبرين ده
وراح يفتح وكانت والدته
اكرامي قال باستغراب...خير يا ماما
امه قالت بتوتر...احم صباحيه مباركه يا ابني..... حماك تحت وعايز يسلم على بنته
اكرامي ضحك وقال باستغراب .....طب وماله يا ماما في ايه خليه يطلع لها هنا مالك متوتره ليه
امه قالت بالتوتر ....ها....لا معلش خليها هي تنزل احسن لانو...لانو معاه ضيوف هو مش لوحده
اكرامي قال باستغراب ...ضيوف ضيوف مين يعني
امه قالت بتوتر....واحد يا حبيبي
كرامي قال باستفهام...ايوه يعني مين يا ماما
امه نزلت عيونها في الارض بخوف
وهو احتدت عنيه وقال ..... اوعى يكون اللي في بالي
امه بلعت ريقها وقالت.... وانبي ما تعمل مشاكل تاني يا ...
بس ما كملتش جملتها ونزل بسرعه بقت تنادي عليه بس ما ردش
خلود لبست راحت لها وقالت باستغراب....هو في ايه يا طنط
امه قالت بخوف....البسي هدومك وانزلي معايا والنبي ابوكي جه وجايب معاه محسن ابن عمك
خلود لطمت على خدها ووووو
تفاعل يا بنات الصفحه بقت في الارض بحاول اتفهمكم انكم ومش بتدعموني فيها طب واللي بنزله بارتات ده علشان عيونكم مفيش دعم خالص البارت ده لو مجابش تفاعل ولقيتو زي اللي قبلو هوقفها متزعلوش مني بس بجد زعلتوني 🥺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺