رواية حب مهدد بالإعدام الفصل الأول والثاني بقلم زهرة الربيع حصريه وجديده على مدونة أفكارنا
 |
رواية حب مهدد بالإعدام الفصل الأول والثاني بقلم زهرة الربيع حصريه وجديده على مدونة أفكارنا
ناس يا خلق اللحقوووني جوزي بيخوني جوووزي جايب واحده في سريري و
بس حط ايده على بقها وقال بزهول …يا بت اتكتمي فضحتي اللي خلفوني والله ما اعرفها جيت لقتها في سريري
عضت ايده وبصتلو بغضب وقالت بزعيق…..لا واللله خش في عبي يلا خش…قال هصدقك كده يا رمرام يا وسخ بقى لسه معملناش الفرح وبتلعب بديلك كان معاه حق ابويا مكانش لازم امنلك واكتب الكتاب كان المفروض استنى ليوم الفرح
قال بغضب….يادي ابوكي اللي هيشلني يا بت ما الفرح اليله هنستنى ايه تاني هنكتب بعد ما نخلف و
بس قطع كلامو لما سمعو صوت واحده بتبكي جامد اتنهد وقال بضيق….عاجبك كده كان لازم تضربيها يعني كانت هتموت في ايدك لسه بتبكي لحد دلوقتي روحي راضيها بقى لتعملنا مشكله
زعقت فيه وقالت….. يا حنييين …صعبانه عليك استنى عليا يا اكرامي مبقاش خلود بنت عبد الموجود لو ما زفيتك انت وهيه زفه بلدي
وطلعت بغضب وهو جري وراها بقلق
بره كانت فيه ست في الاربعين حاضنه بنتها اللي كانت بتبكي جامد وقالت..كده يا نعمات ده استقبالك لينا ده احنا جاين نحضر فرح ابنك تسيبيهم يفضحو البنت كده والمجنونه خطيبة ابنك تضربها بالشكل ده
نعمات قالت بتوتر …. اهدي بس يا نبيله خلود متقصدش يا اختي قدري موقفها دي لقتها في سريره اكرامي مش بس خطيبها دول كاتبين كتابهم يعني جوزها
نبيله لسه هترد طلعت خلود وقالت…جوز مين مفيش جواز خلاص ده حالا يرمي عليا اليمين والحمد لله اني متورطتش معاه
رد راجل في الخمسين بغيظ وقال…..نعم يا عن امك… متورطتيش متورطتيش ازاي ده انتي دخلتك الليله هبله يا بت عايزه تفضحينا اكتر من كده ما انا ياما قولتلك بلاش ده بذات خسيس زي اللي خلفه
اكرامي قال بخنقه..مش وقت البنزين يا حمايا الدنيا ولعه لوحدها
ابوها قعد بضيق وقال….اللي ما يسمع كلام كبيره يستاهل….اصلا واضح انو تعلب حتى اسمو بيستعبط اكرامي ..يعني لا طايل اكرم ولا رامي
اكرامي مسح على وشو بخنقه وقال..وبعدين بقى مش هنخلص …ايه رايك يا خلود لو ما مشيتي قدامي لكوون مطلقك بجد علشان جبت اخري
خلود قالت بردح….. وهتعمل ايه اكتر من كده الهانم كانت في سريرك بقميص النوم وانت يا عيني حران وحتى قميصك مش طايقو خلاص يا باشا مبقاش فيه حاجه تعملها اكتر
ابوها مسك ايدها وقال… معاكي حق ان تصل متأخرا خيرا من ان لا تصل…. كويس انك عقلتي يلا معايا وخلاص كده بارك الله في ما رزق
ولسه هيمشي بيها
اكرامي وقف قدامو وقال بزهول…. يعني ايه..انت هتطاوعها في الهبل اللي بتقولو…ده انهارده دخلتنا
ابوها قال بغضب…مفيش دخل خلصنا ولو على الناس كلها عرفت بفضحتك مع الهانم بنت خالتك اللي اتظبطت في سريرك بنتي مش مضطره تكمل معاك
واخدها من ايدها ومشي بيها بس قبل ما يطلعو من الباب اكرامي قالل بغضب..لا مضطره يا عمي وانت كمان مضطر…وبنتك عارفه كويس هيه ليه مضطره
ابوها بصلو باستفهام واكرامي قرب منهم وقال بسخريه ما تقوليلو يا لولو…فهمي بابا
خلود بصتلو بغضب وضيق واكرامي ميل على ابوها وقال بهمس عند ودنه…انا دخلت على بنتك يا عمي…خلود مبقتش تنفع لغيري خلاص
خلود كانت هتقع من طولها وابوها بصلها بزهول وووووو
#الثاني انا دخلت على بنتك يا عمي...خلود مبقتش تنفع لغيري خلاص
خلود كانت هتقع من طولها وابوها بصلها بزهول شديد وهيه كانت مصدومه اكتر وبتبص لاكرامي بزهول ومش مصدقه اللي قاله ولسه هتتكلم
ابوها مسكها من دراعها بغضب وقال... اللي بيقولوا ده صحيح .....بجد سمحتي للكلب ده انو يلمسك انطقي يا بت
خلود اتنهدت بخنقه وقالت.. ده بيحور يا بابا ما تصدقهوش بيقول كده علشان يخوفك مش اكتر ولا لمس شعر مني ولا يقدر
ابوها لسه هيرد اكرامي ضحك وقال ....طب اثبتي بقى الكلام ده ...لما يكون فرحك اتلغى قبل ميعاده بساعات الناس هتقول ايه...واوعي تقولي لي بقى ان الليله اللي عملتيها دي هتفرق مع حد لاني هزفك زفه اكبر منها وشوفي بقى الناس هتصدقني ولا لا
ابوها مسكه من هدومه وقال بغضب...هو لوي دراع يلا... يعني يا تتجوزك يا تفضحها وتفتري عليها قال
اكرامي قال بسرعه... بالظبط هو ده اللي هيحصل مبقاش عندي حل تاني انا مش هسيبها لجنانها ده
خلود بصت له بغضب شديد وقالت.... انت لو اتجوزتني هتبقى بتجني على نفسك مش هوريك دقيقه واحده راحه هلففك حوالين نفسك وانت عارفني يا اكرامي اتقي شري احسن لك ومتجنيش على نفسك
بقلم زهرة الربيع
اكرامي بصلها بتحدي وقال ....انا جاهز اجني على نفسي انا اصلا جنيت عليها من زمان من اول ما سبتها تغرق في حبك للدرجه دي
خلود لسه هترد ابوها قال بغضب... انت بتسبلها قدامي يلااا
اكرامي اتنهد بضيق وقال... والنبي يا حمايا تتركن على جنب انت عشان ما حدش كبر الموضوع غيرك
خلود قالت بغضب.... لا يا حبيبي هو الموضوع كبير لوحده انا داخله لاقياك نايم جنب الهانم بنت خالتك بهدوم النوم في اوضتنا اللي المفروض بنجهزها لفرحنا عايزني استنى اولادكم عشان اتاكد من خيانتك
بنت خالتو وقفت بدموع و قالت ...انتي قليله الادب كفايه فضايح بقى قلت لك ما كنتش اعرف انها اوضيتكم
خلود بصتلها و شهقت بردح وقالت....متعرفيش اوضة العرسان اللي متجهزه ومتزينه معرفتهاش ونمتي فيها ...خشي في عبي يا اختي ما تخشي يا بت
اكرامي قال بسرعه ....اخش انا ...فاضي وهموت واخش
ابوها مسكوا من هدومه وقال بغضب.... ما تلم نفسك يلا عمال تقل ادبك قدامي
اكرامي قال بسرعه... يا عمي دي مراتي انا كاتب كتابي عليها فيه ايه
خلود بصتلو بغيظ وقالت.... وانا قلت لك هنطلق
اكرامي قال بغضب وحده ....وانا قلت لك لو اتطلقنا هخلي سيرتك على كل لسان عشان اضمن ان محدش هتجوزك غيري بقيه عمرك يا خلود وجربيني لو حابه
خلود لسه هتتكلم ابوها شدها وقال... تعالي معايا يا خلود تعالي هنتفاهم
واخذها ومشي بيها وهي بتزعق وبتقول.... مش هعديها لك يا اكرامي ومش هتجوزك وهتشوف انت والحربايه دي
ابوها اخذها على شقتهم في نفس العماره واول ما دخلو قال ....ما خلاص بقى بطلي جنان واهدي... شوفي يا خلود انا صحيح ما بطقش الواد ده ما كنتش موافقه على جوازتكم من الاساس بس يا بنتي الليله فرحكم والمداعي بيجوا واحد ورا الثاني انتوا لازم تتجوزوا حتى لو هتطلقوا بعدها
خلود قالت بغضب ...مش هتجوزه يا بابا بقول لك كان بيخوني امال بعد الفرح هيعمل فيا ايه
ابوها اتنهد وقال .....يا بت بقول لك مش هينفع لازم نعمل الفرح خلينا نلم الموضوع البلد كلها عمال تتكلم تحت... يخلص الفرح وطلاق هيحصل متقلقيش.. كده كده مش هسيبك على ذمته انا من الاساس مش عايزه هطلقك منه وعريسك مستني على احر من الجمر
خلود نفخت بغيظ شديد وقالت... يوووه....يا بابا انا في ايه ولا في ايه حرام عليكم بقى عمالين تشدوا فيا زي ما تكون حته مطاط ارحموني بقى
وراحت على اوضتها بغضب وحزن شديد و قفلت الباب وبقت تفكر وقت ما دخلت لقيته جنبها على السرير وهي كانت بلبس النوم حست بالدم بيغلي في عروقها ونزلت دمعه على خدها مسحتها بسرعه وقالت... ماشي الصبر طيب يا اكرامي
عند اكرامي بص لبنت خالتو بغضب شديد وقال.... بطلي بكا بقى صدعتيني انتي تستاهلي كل اللي حصل فيكي محدش ظلمك
البنت بصتلو بغضب وزهول وخالته قالت بحده ....فيه ايه يا اكرامي... ده اللي طلع معاك...مش كفايه خطيبتك المجنونه ضربتها وكسرت عظمها كمان انت بتيجي عليها
اكرامي بصلها بغضب وقال ....خلود مش خطيبتي احنا كاتبين كتابنا يعني مراتي.. ولما تدخل تلاقي واحده مع جوزها في الاوضه بلبس النوم فدي اقل حاجه ممكن تعملها...وبص للبنت وقال....تقدري تقولي لي ليه سبتي كل اوض البيت ورايحه تنامي في الاوضه بتاعتنا ما حدش قال لك ان دي اوضه العرسان
امه قالت بسرعه ...والله يا ابني انا قلت لها الاوضه الثالثه على الشمال
قالت بتوتر ودموع .....فيه ايه غلطت يعني مكفرتش....قالتلي الثالثه على الشمال دخلت الثانيه اموت نفسي علشان نسيت
امه اتنهدت وقالت.... يا جماعه ما فيش فايده من كل....وانت يا اكرامي روح يبني حاول تصالحها وتقول لها كده واحده واحده ...دلوقتي اكيد هتكون هديت شويه
اكرامي اتنهد بضيق وقال ...يا ماما مفيش فايده مش هتصدق اني اصلك مشوفتيش الوضع... انا دخلت وتعبان جدا وعايزه انام ونور الاوضه كان مقفول ومشفتهاش على السرير قلعت القميص بتاعي ونمت جنبها اول ما حسيت ان في حد جنبي بفتح النور اللي على السرير ولسه هسالها هي مين وايه اللي جابها اوضتي لقيت خلود دخلت كانت جايه تحط بقيه حاجتها الوضع ما كانش لطيف خالص اقنعها ازاي اقولها كدبي عيونك وصدقيني شافتنا احنا الاتنين على السرير ما فيش واحده تقدر تحط نفسها مكانها
امه اتنهدت بحزن وقالت .....معلش يا ابني واحده واحده هتنسى وانت احكي لها الموضوع زي ما قولته لي كده وان شاء الله تصدق... عشان خاطري خلاص بقى نبيله اختي واول مره تزورنا ودينا بنتها اتبهدلت لم الموضوع علشان خاطري
اكرامي اتنهد وقال لخنقه ...امرك يا ماما ماما اصلا ضيوفك هما ضيوفي.... نورتونا يا خالتي نورتونا زياده عن اللزوم
قال كده ودخل على اوضتو ونبيله قالت.... ما تزعليش مني يا نعمات يا حببتي بس الغلط من ابنك ده اختيار يختاره...واحده شرشوحه بهدلت البنت وفضحت الدنيا من غير ما تفهم السبب
...لو عايزين رأيي انتو ربنا بيحبكم وجابها لكم نجده من السما علشان تخلعوا
نعمات اتنهدت وقالت...خلاص ب٣ى يا نبيله ربنا يهديكي
نبيرله بصتلها بضيق وقالت....يلا يا دنيا ياحبيبتي تعالي عشان تنامي انتي تعبانه من السفر وملحقتيش تتهني بالنومه ربنا يجازي اللي كان السبب
و مشيت هيه ودينا اللي كانت بتتالم من كتر ما خلود ضربتها
والدته اتنهدت وقالت .....ربنا يعدي اليوم ده على خير يا رب
بالليل اتعمل الفرح وحرفيا مشي بالعافيه لان خلود كانت على اخرها ورفضت تتكلم مع اكرامي او ترقص معاه او حتى تبص له طول الفرح
طلعو على اوضتهم واول ما دخلت ورمت الطرحه بغضب وبقت تفك دبابيس الشعر بتاعتها بعصبيه
اكرامي بص لها بغيظ شديد وقال ....بقى ده فرحنا اللي بقى لنا سنه نحضر له.... ده الفرح اللي اتمنيناه كده كسفتيني قدام كل اصحابي ده انتي حتي مكنتيش تردي عليا
خلود بصيت له وقالت بغيظ ....معلش غلطانه في حقك بقى ايه يعني الاقيك يوم فرحي مع بنت خالتك وفي سريرنا كمان حاجه مش مستاهله ولما اقول لك مش عايزين نكمل تهددني انك هتفضحني وتشهر بيا حاجات بسيطه انا مكبره الموضوع انا عارفه
اكرامي اتنهد ومسح على وشه بخنقه وقال ....يا خلود انا عملت كده وقلت الكلام ده لاني عايز نكمل سوا انتي عارفه هدفي من الموضوع
خلود قالت بغضب شديد.... انا كل اللي اعرفه ان يستاهل ضرب الجزمه لاني ما سمعتش كلام ابويا من الاول
ولسه هتمشي شدها من ذراعها بقوه بقت بين ايديه وقال بغضب.... يادي ابوكي ما انت عارفه من الاول ان ابوك ده مش طايقني وعارفه كمان مش طايقني ليه ولا انسيتي انو كان هيموت ويجوزك لمحسن ابن اخوه عشان هيدفع اكتر
خلود قالت بغضب.... هيدفع اكتر هيدفع اقل احسن منك بيموت في التراب اللي بمشي عليه وعمره ما كان هيهني زي ما انت عملت..بس انا اللي غبيه و بعت الغالي بالرخيص
شدد من قبضته ليها وقال.... هو غالي وانا اللي رخيص.... دلوقتي بقيت انا الرخيص يا خلود
خلود قالت بغضب..... ايوه وسيبني بقى
اكرامي اتنهد وبص لعيونها جامد وقال.... طيب .....خلينا ننسى كل ده....ماشي انا هعمل نفسي ما سمعتش الكلام اللي قولتيه ده لاني عارف انه من ورا قلبك خلينا نبدا من اللحظه دي اكيد مش هنضيع كل اللي بينا عشان سوء تفاهم
خلود قالت بغضب شديد ...بس اللي انا شوفته مش هقدر انساه واعمل اني ما شفتوش لاني ما اعرفش اذا كنت تقصده ولا لا
اكرامي اتنهد وقال....يعني انتي من عقلك مصدقه ان انا ممكن اخونك
خلود قالت بسرعه... وما تخونيش ليه يا حبيبي راجل وواحده قاعده لك بقميص النوم اوعى تقول لي قلت لها اصون نفسي
اكرامي ضحك بخفه وقربها ليه قوي وقال..... انا كنت لسه ما لحقتش اقول حاجه بس حتى لو لحقت انا مش عايز غير المهلبيه اللي بين ايديا دلوقتي دي هي دي الاكله اللي كنت هموت واكلها...همووووت جعان اوي يا بت
خلود بصت له بدهشه و قالت بسرعه.... يا اكرامي لو عملت اللي في بالك انا ها...
بس ما كملتش جملتها في لحظه جميله تتمناها من زمان تبعد وكانت بتضربه بايديها بس مش قادره عليه سحبت الدبوس من شعرها وشكته بيه في جنبه ووو
يلاااا تفاعل يا حلوات مبتتفاعلوش ليه مش اهيه بارتات زي ما عايزين يلااا بقى وروني التفاعل علشان الصفحه حبيباتي❤️❤️
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺