بنت الخياط قصه حقيقيه بقلم جمانه السعيدي حصريه وجديده وكامله جميع الفصول على مدونة أفكارنا
 |
بنت الخياط قصه حقيقيه بقلم جمانه السعيدي حصريه وجديده وكامله جميع الفصول على مدونة أفكارنا
اني فاطمه مواليد ٨٨
مااعرف منيين ابدي قصتي
لان شفت انواع العذاب والضلم وماكنت اعرف
اني اتعرضت الهذا الضلم بفعل فاعل
كنت احسب كلشي مقدر ومكتوب عليه
الحد ما قبل فتره عرفت كلشي صار وياي بفعل فاعل
الشخص الي اذاني اعترف وهو على فراش الموت
اعترف بكلشي
لمن حس نفسه قرب اجله وراح يموت يله حس بلندم
وقرر يحجيلي كلشي
ويطلب مني اسامحه
بس اني مجاي اكدر اسامحه مستحيل اسامحه
ضاع عمري كله بسببه
راح احجيلكم قصتي وخليكم بمكاني تكدرون تسامحون شخص اذاكم الهلدرجه
تعالو وياي احجيلكم قصتي
جمانه السعيدي
اني فاطمه ابوي خياط
اني افتخر بعمل ابوي واتباها بي هلكد ما احب ابوي
واحب شغله تعلمت خياطه
احنا ٣ بنات ماعدنا اخ
ابوي انسان متدين ومحترم ومحبوب بين الناس
امي ربت بيت انسانه فقيره ومتدينه ومستوه
من احنا زغار علمونا على الحرام والحلال والصح والغلط
اني وخواتي من صف سادس ابتدائي لبسنا حجاب
ونصلي ونصوم من احنا زغار
اني ازغر وحده بلعائله
خواتي اتخرجن وزوجن ثنيبنهن
فرق العمر بين كل وحده والثانيه ٣ سنوات
حياتنا كلش زينه مستوانا المادي فوك المتوسط
لان ابوي خياط قديم وعنده زباين
المحل الي يشتغل بي بي ٣ عمال غيره وبي اربع مكاين خياطه كلها مكاين اصليه
وحديثا جاب واحد علمود الكوي وجاب اوتي جبير
هذا الي يشتغلون بي الاوتجيه
علمود يكوي الملابس الي يخيطها ابوي اسطه مضبوط بلخياط
وضعنا المادي كلش محترم
دائما ابوي يتصدق بااخر الشهر
للناس الفقراء بمكان قصاصات القماش الي توكع
هو سئل بااكثر من مكان عن حرمة هذا القماش الي يوكع
أثناء الفصال والخياط
وكل الشيوخ والساده الي استشرع عدهم اكدوله
القماش الي ما ممكن يستفادون منه اهله
مو حرام القصاصات الزغيره كلوش
بس اذا بقت قطعة قماش جبيره يرجعها الصاحب القماش
كل السوك والناس الي تبيع محلاتها قريبه علي
تشهد باامانته وصدقه
مع ذالك هو يتصدق للفقراء كل شهر حتى لا يحصل حرام بسبب عمله ورب العالمين يباركله بي
فعلا احنا جنا عايشين بلخير بسبب عمل بابا
احنا البنات اتلاثتنا كبرنا ووصلنا بلدارسه الحد ما كل وحده بينا تخرجت وزوجت
وما نقص علينا شي
ابوي كان هالك نفسه بلشغل علمودنا
بقيت بس اني اني ازغر وحده واحلى وحده بخواتي
هواي اتقدمولي ناس بس ابوي يريد انسان محترم
يكول انتي امانه
اني ما متعاجز منج بلكت تجي قسمه زينه
اني طولي ١٦٧ بيضه عيوني لونها كلش حلو رمادي على زيتوني حواجبي ثخان وجهي دائري ابتسامتي حلوه
جسمي كلش حلو ومثالي عبالك ولا غلطه
شعري حلو سرح وواصل الحد اسفل ضهري
هاي الموصفات كانت تسببلي التحرش بكل مكان اروحله
رغم اني لبسي محتشم
ولا بسه حجاب
شكد تجي عليه ناس
ابوي مايفكر غني لو فقير اهم شي عنده انسان اخلاق وسمعته طيبه
دائما يكول الرسول محمد ص يكول
زوجو بناتكم من ترضون خلقه ودينه
المهم الحد مااجا صديق بابا يخطبني الابنه بعد ما تخرجت بست اشهر
جمانه السعيدي
خل نحجي عن عيالي شويه وبعدين نرجع الموضوع الخطبه
عيالي ناس كلش اغنياء
عائلتهم تتكون من ولد ثنيين وبنات ثنيين
تسلسلهم
عمار الجبير ٨٢
مها الثانيه ٨٤
قصي. الثالث ٨٦
نها. الاخيره ٩٠
يشتغلون عدهم مجمعات وبيوت وفلوسهم تشتغل خير من الله
البنات ثنيبنهن مزوجات وبعد الولد ما مزوجين
عمي قرر يخطب الهم ثنيينهم ويزوجهم بنفس اليوم
عمي.... اني اريد افرح بيكم ثنيينكم سوا
اريد اشوف جهالكم
عمار.. خير انشاء الله اني اريد وحده بت ناس واصلين
مثلنا كون وحده بت خير وشبعانه
عدهم فلوس مو وحده تجيني حافيه
وحده استفاد من أصله وفصله
اريد خوال جهالي كون ناس واصلين وعدهم خير من الله
عمي...بس انت بيش محتاج فلوس الناس الي راح تناسبهم احنا عدنا خير من الله
عمار...ولو زيادة الخير خيرين
اما قصي..ماكان عنده اي طلبات المهم تكون انسانه أخلاقه حلوه
عمي...اني عندي ثنيين اصدقاء محترمين واعتز بصداقتهم
وواحد تاجر وواصل ومعروف وعدهم املاك وفلوس
اطم عين الشمس
اذا اطلب ايد بنته مستحيل يرفض
والثاني خياط بس انسان نزيه والناس كلها تحلف بااخلاقه عرفت عنده بنيه اني عاجبني اناسبه
عمار...اني اريد بت التاجر حتى بدون مااشوفها
هي هاي الي ادور عليها حسب ونسب
شسوي بت الخياط فكر بت فكر
ابو عمار....وانت قصي شنو رائيك
قصي...اذا هاي بت الخياط خوش بنيه واخلاقها حلوه
اني موافق بس اشوفها بلاول
ابو عمار...اتفقنا
بلنسبه العمار الجبير كان موافق يخطب بت التاجر
وما يهمه شكله اهم شي فلوس اهلها ومنصبهم
اما قصي كان مصمم يشوف بت الخياط
لان هاي راح تكون شريكة عمره لازم يقتنع بيها
راح ابو عمار وفتح الموضوع وياا اهل البنيه الي يريد يخطبها العمار اسمها ندى
كان اكو موافقه مبدئيه من اهل البنيه لان ابو عمار رجال معروف واله سمعته
البنيه طلبت تشوفه
كشخ عمار على اخر حبايه وراح يشوفها هو وامه
بعد مادخلو وسلمو اكيد اهل العروس عدهم معرفه مسبقه بجيت عمار وامه
ام عمار طلعت هي وأم العروس
وبقا عمار هو وياها وحدهم
البنيه مستوا جماله متوسطه يعني شكله عادي
بس هي علمود هاي المقابله رايحه للصالون
ومجهزه نفسها على اخر حبايه مكياج وشعر ومشتريه فستان قصير ابيض ربع ردن وسابحه بلعطر
ولا بسه اكثر من كيلو ذهب
طالعه كل قوته حتى تعجبه
بس هو كل هذا مو بعينه هو كان يشوف كومة فلوس
كدامه يشوف عقارات واملاك
حتلو تشبه القرد هو يريدها ومصمم عليها
#البارت__2
#بنت_الخياط
#البارت الثاني
جمانه السعيدي
فاطمه....من طلب ايدي ابو عمار
اجا ابوي حتى ياخذ رائيي
بابا...اليوم اجو على فاطمه خطابه
امي...بس كون خوش ناس ولله هلفاطمه انوكل كلبي عليها كل ساعه جايني احد عليه
بيت ابو أمير اليوم اجو عليها ذوله جيرانه
الولد خريج ويشتغل بمطعم بس اني كتلهم يجي ابوها ويصير خير
وامس بيت ابو محمد الولد خوش ولد بس ابوهم يشرب
اني ادري بيك مراح توافق
بابا. لا هلمره خوش ناس محترمين بيت ابو عمار يردوها
الابنهم الزغير قصي
امي...ياا بيت ابو عمار ذوله بلشارع ورانا
بابا...لا ابو عمار ذيج المره رحنا للعمره اني ويااا
كلش ناس محترمين وخاصه هذا الولد الزغير دره مال الله شوفي فاطمه اذا تقبل حتى يجي الولد تشوفه ويشوفها
امي.. اذا ناس زينين فاطمه ماعدها مانع
بابا.. ميخالف اسئليها
فاطمه اول مااامي فتحت وياي الموضوع احس كلبي انشرح
حسيت اني مطمئنه
رغم اني ماشايفه الولد واول مره اسمع اسمه
فاطمه...اذا بابا يكول خوش ناس ماعندي مانع بس اشوف الولد بلاول
امي... اي ابوج هم هيج كال
فاطمه...حددنا الرؤيه الشرعيه بعد يومين
اني مخيطة ثوب اليه كلش حلو مرتب ومحتشم
ثوب محجبات وعندي شال ويااا
بدلت وخليت مكياج كلش خفيف اني اصلا حلوه بدون مكياج وعطر هادء
اندكت الباب بابا طلع استقبلهم جمانه السعيدي
اجا قصي هو وامه دخلو جوا امي راحت سلمت عليهم
شويه وامي اجت كالت تعاي سلمي عليهم
دخلت ام عمار وكفت وقصي وكف وياها حتى يسلم عليه
سلمت على ام عمار وبستها
التفت علي
فاطمه...مساء الخير
قصي...مساء النور
ابد ابد ماابالغ اذا اكول هاي النضره الاولى البسيطه
خلتني اوكع بحبه
لحد يكول شلون عبالك اعرفه من زمان
اكو تناغم صار بين روحي وروحه
حسيته دخل كلبي وكعد وتربع بي
كعدت كبالهم كنت محرجه على فرحانه على مرتبكه
رفعت راسي لكيته يباوع عليه مو نضره عاديه
لا نضره تعجب وانبهار
وكانما ما مصدك اني هلكد حلوه
بهاي اللحظه ام عمار كانت تحجي بموضوع القسمه والنصيب
ام عمار....كلشي قسمه ونصيب احنا هواي بنات رشحنا
الهاي الزواجه بس اني ابد ما بطلت ادعي رب العالمين
ينطي قصي على نيته
قصي كلبه طيب وحنيين واريد رب العالمين ينطي وحده على كلبه كون مثله حنيينه وبت اصول
هو الحمد لله صار سنتين من تخرج ويشتغل وياا ابو
التفتت على قصي وكالت هااا يمه قصي شنو رائيك
قصي.. كان مركز عليه ما مصدك اني كاعده كباله
رد على امه.. ....هااا شنو
ام عمار....يااا شبيك ووين بالك
فاطمه...اني ابتسمت ودنكت
هو راسا ابتسم
قصي....اعذريني بالي مو يمج سرحت شويه
ام عمار....يمه اني حبيت فاطمه وحبيت اهلها انت شتكول
قصي....مابعد كلامج كلام اني موافق
ام فاطمه....تسلمين عيوني انتي الاحسن رحمله والديج
قصي...انت فاطمه موافقه
فاطمه.. خجلت من سؤاله هذا شبي هيج يسئلني كدام ابوي
راسا كمت وطلعت برا
ابوي... اتشرفنا بيكم نسئل البنيه ونرجعلكم خبر
قصي....من رخصتك عمي ممكن تسئلها هسه
ابوي...ليش مستعجل مثل ما كالت خالتك كلشي قسمه ونصيب
قصي...يعني مابيها مجال تسئلوها هسه لان مااكدر انتضر
ابوي ضحك ورد علي بضحك
ابوي.. .عمي روح اليه كلام وياا ابوك انت شنو تريد تأخذها وياك هسه
قصي.. ياريت
الكل كام يضحك امي وابوي وخاله ام عمار واني هم ضحكت لان كنت اسمع كلامهم برا
ابوي ودعهم ابوي طلع وياهم راح الشغله
وامي دخلت عليه تضحك جمانه السعيدي
هذا الولد شبي اتهستر يكل الابوج اخذها هسه
فاطمه.....ضحكت ودخلت غرفتي
الصراحه حبيته وحبيت طريقته بلكلام واسلوبه
يمكن هو هذا الحب من أول نضره
ورا المغرب رجع ابوي للبيت تعشينا وكاعدين نشرب جاي رن تليفون ابوي
ابوي.. هله هله ابو عمار شلونك
ابو عمار....تسلم الله يحفظك انت شلونك
ابوي...تمام الحمد لله
ابو عمار علمود موضوع الخطبه ترا قصي ثبرني ثبيره
من رجع الهسه يلح عليه
انشاء الله ماعدكم مانع
ابوي....بعدني ما سئلت فاطمه اسئلها وارجعلكم خبر
ابو عمار...يصير خير انشاء الله
بس لا تتأخرون علينا لان احنا مجهزين كلشي
بس تصير الموافقه انشاء الله ازوجهم ثنيبنهم
هو وعمار بنفس اليوم
ابوي....لا ما نتأخر عليكم
ابو عمار... اسمع اسمع قصي شيكول مايصير تسئلها هسه
هذا الولد ملكوف مدري شبي ماعنده صبر
ابوي.. لا باجر ارجعلكم خبر
ابو عمار.. في امان الله
ابوي. الله وياك
قاطمه كنت سعيده بردت فعل قصي والحاحه عليه وكانما متمسك بيه ويخاف يفقدني
ابوي....هاا بابا شنو رائيج
فاطمه....انت تعرف أكثر مني اذا تعرفهم خوش ناس ماعندي مانع
امي.. اني حبيتهم حتى امهم مبينه خوش مره
ابوي. خلاص على خيرة الله باجر ارجعلهم الخبر
قصي...يارب يوافقون هاي البنيه سحرتني بشكلها
عمار...اثكل شويه فوك ما فكر متمسك بيها وراح يذبح نفسه عليها
قصي.. حقك ما شفتها شكد حلوه
عمار... وشراح تسوي بجمالها افهم هاي راح ترجعك ليوره تخلص فلوسك
اخذ وحده تستثمر حياتك وياها عينها مليانه
تنطيك مو تاخذ منك
قصي...ترا هما مو فكر بيتهم يخبل وحالتهم الماديه
زينه والبنيه محتشمه وحلوه
عمار.. انت ماتفتهم هي كوه يولي اطفر
شوفلك وحده ثانيه اهلها شباعنيين اهلها تجار
عينهم مليانه
قصي.. اهووو انت شنو دخلك اني عاجبتني واريدها
اني احبها
عمار. .... هههههه يحبها كعد بيتهم ربع ساعه يكول احبها طبعا انت حتى بلجمال ماتعرف
تلكيها تشبهك روح بابا نشوف منو الي راح يفوز بلاخير
قصي....يارب خلي هاي البنيه من قسمتي ونصيبي
اني حبيتها وتعلقت بيها
فاطمه اليله كله صورة قصي كبالي وهو يباوع عليه وردة فعله من شافني
من الصبح رن تليفون امي
امي منو يتصل علينا هسه الساعه تسعه
امي....الووو و
ام عمار.. صباح الخير عيوني ام فاطمه اني ام عمار
امي.. اهلا وسهلا هله ومرحبا جمانه السعيدي صباح العافيه عليكم
ام عمار... اعرف اني حاي اتصل من الصبح بس ولله قصي
اكل راسي
مبدل واكف على راسي مايقبل يطلع للشغل اله اتصل
عليكم واعرف وافقتو
قصي وهو واكف بصف امه خاله صباح الخير
امي.. صباح الخير
قصي ..... خاله فدوه العينج البارحه ما نمت ليش تشلعون كلبي
امي...ههههه ليش مستعجل
قصي....من شفتها تخبلت خاله فدوه هااا موافقين
امي.. اي موافقين اتصلو على ابوها حتى تتفقون على باقي التفاصيل
قصي... الف رحمه على والديج
ام عمار... شكرا ماقصرتو الف شكر
فاطمه....يااا هذا شيبي هههههه
امي...ايكول تخبلت عليها
اتصل ابو عمار وحددو المهر بعد اسبوع واحد
الأربعاء مهر عمار وندى والخميس المهر اني وقصي
دزولي فلوس حسب الاتفاق بين ابوي وابو عمار حتى اشتري ذهب واحجز صالون واشتري فستان للمهر
رحنا اني وامي اشترينا ذهب واشتريت فستان سماكي
فصال السمجه
ضيك وطويل ومن اسفل عريض كتفه مفتوح على شكل
حلك السمجه يعني مو دلع من الصدر
بس الدلع طالع منه الاكتاف
ردن ضيكه وطويله شعري سرحت وعافته مفترح
كذله حلوه مكياج هادء
فعلن طلعت باربي اخبل وياي عرايس ثنيبن بلصالون
اني غطيت عليهن
حتى اني تفاجئت بشكلي
طبعا اني مارحت المهر عمار وندى رغم همه عزموني
بس مارحت
كنت مشغوله اجهز للمهر مالتي
وبعدني ما متعرفه على ندى انحرجت اروح بعد المهر اتعرف عليها لان عزمتها بمهري
عن طريق خاله ام عمار
بيوم المهر اجت ندى وامها وأخوات عمار وكرايبهم
والجوارين البيت انترس ناس
من هذا اليوم عرفت ندى شكد حقيره وانانيه ومغروره
بس سمعت اني حلوه وخالتي تمدح بجمالي كدامها
شمسويه بنفسها لان سامعه من عيالي يكولن عليه حلوه مبالغين بمدح جمالي كدامها جمانه السعيدي
اجت للمهر مالتي حايره شمسويه حتى تبين احلى مني
واغنى مني واحسن مني شكد اني ضاغطتها وهي بعدها ما متعرفه عليه
تريد تبين هي احلى مني
طبعا مو غرور ولا تكبر بس اني طالعه احلى منها هواي
هي نفسها من شافتني كلش صاجت
سلمت عليه من ورا خشمها
ماقريت باسنني اول ماشافتني
ندى....شلونج ماابوسج اخاف على مكياجي
هذا المكياج مكلفين هواي
دارت وجها عني دخلت جوووا
.اني وين اكعود اخاف فستاني يخرب انتم ماتعرفون هذا الفستان شكد غالي
سعرا أغلى من حفلتكم هاي كلها ههههههه
امي...براحتج وين ما ؤهجبج اكعدي البيت بيتج
كعدت ونفخت نفسها نفخ عود شوفوني
فاطمه....اني ماضجت بس استغربت من طريقتها بلكلام
شنو هذا التكبر على شنو شايله نفسها
#البارت__3
#بنت_الخياط
#البارت الثالث
جمانه السعيدي
فاطمه....كعدت ندى وتباوعلي صفح عود ما عاجبتها
المهم الحفله بدت وكل اهلي وناسي موجودين وياي
امي وخواتي وجهالهن من البارحه خواتي عدنا علمود ترتيبات المهر
واجا الشيخ عقدلي
شويه وعقدو القصي كبت الهلاهل
كالو قصي يريد يدخل يم العروس يلبسها الذهب
البنات كهن كعدن ولبسن حجاباتهن
اله ندى فستانها فاضح وكاعده خاله رجل على رجل
دخل قصي من الباب والضحكه تارسه الوجه ونظرات الإعجاب فاضحاته
وصل يمي كال مبروك حضني وباستي براسي
بعدين بخدودي البنات كامن يضحكن وخاله ام عمار تهلهل
دنك عليه وهمس بااذني لو ابوج رافضني جان خطفتج
انتي اليه من اول ساعه شفتج انتي اليه
شكد طالعه حلوه
احلى ماشافت عيوني
اني مدنكه مستحيه من كلامه ومن عيون الناس الي راح تاكلنا
ندى ماعجبه الوضع أحضان وبوس وحجي همس
ندى...شدعوه هيج حاضنها مراح اطير
راسا قصي حضني حيل والتفت عليها على عنادج
مو بس احضنها اضمها بكلبي اني ماصدكت حصلتها
بدا يلبسني الذهب كل ما يلبسني قطعه يبوسني
وهي تخبلت كتلتها الغيره
ندى...مايصير هيج منا بنات واكفات جمانه السعيدي
قصي...خل يطلعن البنات اني وحبيبتي شعدكم تباوعون
الكل كام يضحك اله هي مات من الغيره
طلعت تليفونه وتصلت على عمار
ندى...عمار تعال ناخذ صور وياا العرسان
طبعا هي ماكاتلته الصور تريد عمار يحضنها كدام البنات
عود شوفن اني هم خطيبي ميت عليه
فاطمه...اني ملتهيه وياا قصي سوالفه وحده احلى من وحده مامصدك حاضني خال ايده على خصري وكاعد
يسولف ويضحك عبالك المكان مابي احد غيرنا بس اني ويااا
مااحس غير عمار داخل علينا اني ملابسه حجاب
لان بس بنات ما متوقعه يدخل علينا
مااحس غير واكف كبالي وبباوع عليه
فاطمه...يااا حجابي هذا منو ماما اريد حجابي حجابي
راسا قصي كال....هذا عمار اخوي الجبير
فاطمه...وليش يدخل هنا
ندى.. تعال حبيبي ناخذ صور حرامات هاي الكشخه كلها تروح
فاطمه...صرت ورا قصي اضم نفسي شعري وصدري طالع
امي طلعت جابتلي شال لبسته وغطيت شعري وصدري
هو جان واكف ياخذ صور وياا ندى
هي خبصته خبص تعال احضني تعال بوسني قرب عليه حتى تاخذ وياا صور
طبعا باقي البنات كعدن كلهن وخلن الحجبات على شعرهن
من لبست شال عمار عاف ندى واجا يباركلي
عمار... مبروك الف مبروك
فاطمه.. الله يبارك بيك اعذرني بس اتفاجئت بيك
عمار... ندى اتصلت عليه ودخلت كبل
فاطمه.. اهلا وسهلا
عمار غمز القصي واشرله اوكي عود حلوه تستاهل
تلح علمودها
خلصت الحفله والكل طلع اله قصي مايقبل يروح البيتهم
ام عمار.... يله قصي خلصت الحفله
قصي...شتردون كاعد يم زوجتي مااروح وياكم
ام عمار....يااا زحمه امشي
قصي....روحي امي اني هسه مااجي وياكم اريد اتعرف على عروستي اكثر
فاطمه......طلعت ام عمار اريد اوصلها للباب سحبني قصي
خلاني ورا
قصي.....الله وياج امي
طبك باب الاستقبال
فاطمه....يااا خل اوصلها للباب
قصي...امج راحت توصلها
فاطمه.. عيب مايصير
قصي...العيب عليه مو عليج تعاي اكعدي خل نحجي
كعد وكعدني كباله على نفس القنفه
قصي....شلونج
فاطمه.....هههههه زينه
قصي...ليش اضحكين
فاطمه.....ماكو شي هههه
قصي..لا اضحكين ممنوع
فاطمه...ليش
قصي....اني بليه ضحك كوه مسيطر على نفسي
فاطمه... خليت ايدي على حلكي
قصي...ليش
فاطمه...حتى لا اضحك لان تصرفاتك كلها اضحك
قصي...احبج
فاطمه...ابتسمت
قصي...وانتي تحبيني
فاطمه....مااعرف افكر
قصي....ولله العظيم ازعل شنو تفكرين كولي اي احبك
من زمان من جنت ابطن امك
فاطمه....يااا اني جنت بعدني ما موجوده بلدنيا
حتى برحم امي ماصايره
قصي...ميخالف كولي هيج
فاطمه...اجذب
قصي...يعني انتي ما تحبيني الله عليج اني ماانحب
فاطمه....لا طبعا تنحب
قصي....اي احجي مو دمرتيني
فاطمه....ياااا ليش دمرتك
قصي... انتي ما تعرفين اني شكد احبج من اول مره شفتج حسيت اجيتي ومشيتي وياا الدم داخل الشرايبن
واحتليتي روحي واستقريت هنا 👈 ❤
أشر على كلبه 😍
فاطمه....هيج من أول نضره
قصي. هذا مفعول دعاء امي امي دعائه بلمكان دعتلي
وانتي طلعتي كدامي
فاطمه....هسه اني اشكر خالتي لان دعت النا ننخطب
لو اشكر كلبك الي حبني
قصي....ثنيبنهم اشكريهم اكلج يصير ابات عدكم
فاطمه....فتحت عيوني حيل ياااا ووين تبات
قصي...بيتكم حتلو هنا بس انتي وياي لو انتي تعاي ويااي البيتنا اذا انتم ما ترحبون بلضيف
فاطمه....انت جاي تدلل روح البيتكم اني اريد ابدل وارتاح تعبت
قصي...ما ما مااروح اني اريد ابقى هنا
فاطمه...تتعشى وتروح بيتكم
قصي....اشوف
فاطمه... عيب من بابا كاعدين بس اني وياك والباب مسدوده اروح ابدل وارجعلك جمانه السعيدي
قصي....ابوج شعنده وياي قابل ماخذ مراته مرته عنده
خل يسد الباب عليها
واني اريد مريتي انتي مو مريتي
فاطمه....الحد يوم العرس يله اصير مريتك
قصي....لا شنو يوم العرس انتي حسب عقد الشيخ مرتي
فاطمه.....اي مرتك بس ممنوع اللمس الحد يوم العرس
فاطمه...اني احجي وهو يباوع على وجهي
قصي... انتي من زمان هيج حلوه
فاطمه...شلون يعني
قصي....لان اني ماشايف بنيه هيج حلوه كل عمري
فاطمه... من شفتك صرت حلوه عيونك حلوه وتشوفني حلوه
قصي....احبج واموت على ربج
فاطمه....اني هم احبك انتضر ابدل وارجع
فتحت الباب وطلعت
فاطمه...ماما وين ابوي
امي...من شاف قصي بقا عدنا راح يجيب عشى جاهز
العصر انخبصنا بلحفله وماحضرت اكل
فاطمه.....وين البنات خواتي ووين
امي....راحن البيوتهن
فاطمه...ليش مستعجلات مابقن للعشى
امي....زينب الليله زوجها يلتحق وتريد تروح اتحضر جنطته
ورقيه ابنها مصخن وتخاف من زوجها يضل يحجي عليها
بس يتمرض اخذته وراحت للصيدليه اجيبله علاج
ومناك تروح البيتها
فاطمه...شنو من خوات بهذا اليوم يعوفن اختهن ويرحن
امي.... ملتهيات هسه بس تزوجين تلتهي مثلهن
فاطمه دخلت غيرت ملابسي لبست تراك بنفسجي
كلش حلو ربع ردن وصدره تول شلت المكياج
ورجعت على قصي لكيته يحجي وياا امه بلتليفون
انتضرت لمن كمل مكالمه
فاطمه...اتصلي
قصي...اي
فاطمه....يله تعال اتوضا اني هم اريد اصلي
قصي....هاي شطالعه انتي شنو اكو احد يختارلج ملابسج
لو شنو عبالك مفصلات عليج
فاطمه... اني اخيط ملابسي
قصي....بشرفي شتلبسين يخبل عليج
فاطمه....يله نصلي ونتعشى
قصي...ووين عمي
فاطمه...هسه يجي شويه
طلعنا برا يم المغسله
اتوضا واني واكفه لا زمتله المنشفه وواكفه
من كمل وضوء شمر عليه مي
فاطمه...هاي ليش مو راح تصلي
قصي...اريد اشوفج حقيقيه لو حلم
فاطمه....الله يهديك
قصي....راح اصلي صلاة شكر الرب العالمين على هاي النعمه
فاطمه...ادعيلي وياك
قصي....ادعي رب العالمين يحفضلي هاي النعمه ويديمها اليه
دخل يصلي واني رحت صليت بغرفتي اجا بابا دخل لكا قصي يصلي توضا وكعد يصلي يمه
جهزنا العشى اني وامي ودخلنا عليهم
بما ان احنا اربعه وقليلين كعدنا نتعشى سوا كلنا
بعد العشى كعدنا نسولف تقريبا ساعه
خاله ام عمار كل شويه تتصل علي تريده يرجع للبيت
تكول زحمه كاعد على كلوب الناس
بس هو مايقبل يروح الاهله
للساعه عشره يله طلع من بيتنا
اني رحت انضف المطبخ من كملت لكيت ٢٠ مكالمه
جمانه السعيدي
فاطمه....هااا شكو
قصي...وين جنتي
فاطمه. انضف المطبخ شكو
قصي...اشتاقيتلج
فاطمه....ستوك طلعت من ببتنا
قصي... غير انتم طردتوني ما تقبلون ابات يمكم
فاطمه....كافي دلع عيب شنو تبات يمنا
انت منو اني مااعرفك هههه
قصي.. بس اني اعرفج وحافظ انفاسج واموت على عيونج
فاطمه....هيج مو خوش راح نخرب هذا الغزل يموت
قصي..... هذا شي قليل من احساس الحب الي احسه
اتجاهج
فاطمه....شكرا خالتي حجت عليك
قصي....لا ماحجت بس عمار وندى متعاركين بسببنا
فاطمه.. احنا شكووو ليش بسببنا
قصي....ندى متعاركه وياا عمار تكله انت ما كنت متلهف عليه مثل قصي متلهف على فاطمه
حاضنها وكانما محصل كنز انت بس لبستي الذهب انهزمت والنوب سائلته عليه وعرفت اني بعدني بيتكم
مارجعت
متخبله بلزايد
فاطمه.... ليش متخبله ليش تقارن حياتها بينا
بعدنا بلبدايه بسم الله الرحمن الرحيم
الصراحه ندى لا تطاق متكبره وشايله نفسها مااعرف عمار سنو عاجبه بيها
قصي.... عمار مابهمه الشكل ميت على فلوس ابوها
على الورث الي راح تحصله
فاطمه....ياستار عدكم خير من الله شنو فلوس ابوها
قصي.. هو عمار هيج تفكيره
فاطمه....الله يصلح حالهم شعلينا بيهم
فاطمه...مر شهر قبل زواجنا واحنا عايشين حالة حب مالها مثيل تقريبا كل النهار لو هو بيتنا لو نحجي بلتليفون
تعلقت بي بشكل مو معقول مااشوف غيره بهاي الدنيا
وهو طاير بيه
ما تتخيلون شلون يعاملني وشلون يهتم بيه
علاقتنا وصلت أخبارها الندى الي ماطلت تقارن حياتها بحياتنا وتخلق مشاكل وياا عمار
بسبب الغيره
#البارت__4
#بنت_الخياط
#البارت الرابع
جمانه السعيدي
فاطمه...كلشي مر علينا حلو
كل لحظه حلوه كل كلمه حجيناها سوا انحفرت بلكلبي
كلشي اختارينا اني ويااا اختارينا بحب وقناعه
منا لمن وصلنا للعرس
يوم الحنه اجا هو للبيت حنه اديه
احتفلنا اني وياا بلحنه بس اني وياا ماعزمت احد
بس خواتي كانن موجودات وخاله ام عمار
حفله بسيطه بس كلش حلوه
حلوه لان كانت بسيطه تصرفنا بعفويه
بدون تمثيل او هوسه مالها معنى أخذنا صور بلتليفون قصي
اما ندى سوت حفله جبيره وجابت فرقه وجابت اكثر من بدله لبستهن وكادر تصوير للحفله
طبعا هي بقت تسئل لمن عرفت اني مراح اسوي حفلة
لذالك من سوت حفله
اتصلت عليه وفتحت كامرا حتى اشوف حفلته وتحرك كلبي
ياربي شكد عقلها زغير ليش تحرك كلبي اني اكدر اسوي مثل هاي الحفله لو طالبه من قصي جان ما قصر
بس اني مااريد
اريد شي بسيط بس اني وياا
المهم ساعه كامله وهي فاتحه الكامرا حتى اشوف حفلتها
اخير شي كتلها اريد اجهز شغلاتي علمود العرس وقفلت التليفون
شنو هلغوه هاي شكد تافه ياربي
اجا يوم العرس قصي كعدني الصبح بلعشره جابلي ريوك واجا
كعدنا بغرفتي اتريكنا اني ويااا
بعدين انتضرني لمن سبحت واخذني للصالون
وهو راج حتى يحضر نفسه جمانه السعيدي
منا لمن خلصت
بقيت منتضره ندى تخلص هي مو نفس الصالون
حجزت أرقى صالون اني هم صالون راقي
بس هي على اساس أرقى مني
ماقبلت اني وياها نفس الصالون لان حسب فهمه اني مستواي اقل منها
ساعه اني منتضره لمن خلصت ندى
بدت تحضيرات الزفه
كل هذا الوقت اني وقصي نسولف
منا لمن اجت الزفه زفونا للفندق اني وقصي
وندى وعمار نفس الفندق
وصولنا الاهل وراحو كلمن صعد الغرفته كانت ليله حلوه
اني وقصي للصبح بقينا كاعدين بعدين نمنا
ماكعدنا اله الساعه وحده الضهر
اتصل علينا عمار ضايج
قصي....هااا خير عريسنا شكو
عمار....يمعود هاي تتحجج وكل شويه تزعل ضوجتني
قصي...طول بالك شويه بعدكم اول ليله
عمار... تعال ابقى تغزل بيه وكلي كلام حب لا تنام
وتعوفني لمن انام يله تنام
اني راسي صاير طبل من الهوسه وهي تريد واحد
خالي وباله فارغ
قصي...شكو بيها كول كلام حب غير زوجتك
عمار...اي غير كلت ما تقبل تكول لا تسكت ابقى كول
كلام
كله غزل وحب جمانه السعيدي
ولله مااعرف هاي البنات وين عقلهن يدرن هذا الكلام كله جذب ومصممات علي
قصي...ليش جذب اني اموت على فطومه
ودي هاي الايام ما تخلص
عمار.. فاطمه عاقله مو مثل هاي الي عندي على شنو شايفه نفسها هسه لو بجمال فاطمه
جان كلت تستاهل
قصي.. شو تتغزل بزوجتي كدامي
عمار...مو قصدي بس ولله ضجت منها
قصي...لا اضوج ننزل نتغدا
عمار...اي راح انزل احجز طاوله حتى نتغدا كلنا سوا
قصي...يله حبيبي غيري ملابسج ننزل ناكل جوا
احنا وعمار وندى
فاطمه...اي خمس دقايق واكون حاهزه
قصي...اني هم راح احضر نفسي
فاطمه....خلال عشر دقايق بدلنا ونزلتا لكينا عمار كاعد وحده
قصي.. هلو عموري مبروك
عمار...مبروك عليكم مبروك فاطمه
فاطمه...الله يبارك بيك وين ندى
عمار...هسه تنزل
فاطمه...بقينا كاعدين اكثر من عشرين دقيقه يله نزلت
كاشخه كل قوتها ولاطمه بامكياج لطم
والعطر ترس اامكان
ندى....هلووووو
قصي...هلو ندى مبروك
فاطمه..مبروك
ندى.. الله يبارك بيكم
طلبنا اكل كلمن طلب الشي الي يريده
قصي...مابطل يسولف ويضحك وكل شويه يخلي شي بحلكي
قصي....هااا حبيبي عجبك الاكل لو اجيبلج غيره
فاطمه...طيب
وكع شويه صوص على ردن قميصي
جاب كلنس وكعد يمسحلي الردن
وندى وعمار ثنيينهم عينهم علينا
تصرفاتهم ماتشبه تصرفاتنه ابد عبالك مغصوبين وواحد على الثاني مو عرسان جدد
فاطمه...اروح اغسل واجي
قصي...براحتج حبيبتي
ندى ...ندست عمار شوف الحب
عمار....انتي ترديني بحجت الحب ابقى اتوسل بيج
واركض وراج بابا الحب يكون مشاعر متبادله
مو عبد وسيد انتي مغروره وشايله نفسج ترديني اركض وراج
واني هذا الوضع ما يعجبني ابد
لو تغيرين اسلوبه وياي لو كلمن يروح بطريقه
ندى. .اني تحجي وياي هيج
قصي....على كيفكم مو هيج
عمار... انتي كل شويه وكلشي اني اني
شنو انتي ابوج احسن من ابوي لو عدكم فلوس أكثر منا
لو دكتوره واني ومااعرف
كافي تحملت هواي
ندى...رجعني الاهلي
عمار....الله وياج
فاطمه رجعت لكيت الهوسه والعرك
..ياستار شكو
قصي...فاطمه اخذي ندى الغرفته خل تهدأ واني اروح ورا عمار
فاطمه.....راسا ندى مشت قبلي بسرعه وصعدت بلمصعد
كوه لحكت بيها
كامت تبجي
وصلنا للغرفه دخلت وكامت تبجي
فاطمه....ليش هاي العصبيه على كيفج
ندى....انسان ما محترم ولا عنده اسلوب
فاطمه...على كيفج اهدي مايصير هيج عركه من اول يوم زواج
عمار كلبه طيب هسه يجي يصالحج
ندى...مااريده بعد راح ارجع البيت اهلي
فاطمه...شتكول عليكم الناس انتي شراح بكون موقفج
راجعه الاهلج ثاني يوم العرس
هسه اني وقصي نجيب عمار يعتذر منج وانتي هم غيري اسلوبك شويه وياااا
عفتها بلغرفه ورحت لكيت عمار كاعد بس قصي ماكو رايح يجيب كهوه
فاطمه... تعال عمار لازم تصالح ندى
عمار...اني مازعلتها حتى اصالحها
فاطمه....لازم تصالحها بعدها عروس وتريد ترجع البيت اهلها
عمار...خليها ترجع
فاطمه...عيب بحقك وحقها تعال صالحها الخاطري
عمار....ممكن تكعدين تحجين وياها
فاطمه...اني
عمار...اي بلكت تصير مثلج عاقله وفاهمه وتعرف تتصرف
مو هذا قصي طاير من الفرح والسعاده وياج
شمعنا اني طحت بندى
فاطمه.. صار اني احجي وياها بسيطه بس تعال صالحها
وطول بالك وياها شويه لحد ما تتعودون واحد على الثاني
انت حيل متشنج صير لين وياها وهي تحبك
اجا قصي...وهاي القهوه
فاطمه...عمار اخذ كهوتك وروح صالحها
عمار.. الخاطرج هلمره اروح اصالحها
عمار رجع الغرفته واني وقصي طلعنا نتمشى
رجعنا بليل حتى تعشينا برا
مقارنت حياتهم بحياتنا اسوء شي صار وياي
اني وقصي نختلف عبالك روح وحده
كلش متفاهمين يعني احس بي ويحس بيه
كتاب مفتوح اني ويااا
كلشي احجيله وهو هم يحجيلي كل تفاصيل يومه
حياتنا حيل حلوه ابد ما ينطيني مجال ازعل علي
ماكو بي شي موحلو
دائما يحسسني اني أعظم انجاز حصل علي بحياته
يومين ورجعنا البيت عمي
عمار وندى عبالك محد طايق الثاني وكانما مجبورين واحد على الثاني
عكسنا تماما اني وقصي
بيت عمي جبير الطابق الثاني مقسوم بلنص
كل واحد اله قسم قصي نص وعمار نص
كل قسم بي غرفه جبيره عليها مثل الهول وصحيات
وبلكونه جبيره
ماثث احلى اثاث
اني بس وصلت للبيت صعدت جنطتي بدلت نزلت
لكينا جايهم خطار
وخالتي كاعده اجهز الاكل
كمنا انحضر اني وياها طبعا الاكل جاهز بس بعض الترتيبات
عمار وقصي نزلو يم الخطار وندى ما نزلت ابد
اني كملت كلشي وخليت الجاي على النار
قصي كل شويه رايح جاي للمطبخ
لو يحضني لو يتشاقى وياي لو يبوسني لو ياخذ ايدي يعضها
كل تصرفاتنه وضحكنا كان عمار مركز ويانه من بعيد
من غرفة الخطار كان يباوع علينا
عايف الخطار ومركز بتصرفاتنه
المشكله عقله جاي يقارن بين علاقتنا اني وقصي
وعلاقته بزوجته
وهذا اكثر شي دمر حياتي عمار اناني وطماع يريد كلشي
يريد الجمال والحب والفلوس والثروه
يريد كل الأشياء الزينه اله
اني وقصي ماكنا حاسين باي شي عايشين حياتنا مثل ما نحب مثل ما نحس مثل مانريد
هذا الشي تعب عمار وندى
اصعب شي المقارنه
اني وقصي كل يوم حبنا يكبر اكثر واكثر ويتعلق واحد بلثاني اكثر
عمار كان دائما يحاول يجسس على حياتنا اني وقصي
من بعيد يحسدنا على سعادتنا على حياتنا
يريد يعرف شنو سر هاي السعاده والحب
وليش هو ماعنده نفس هذا الاحساس
ليش اني ماصرت من نصيبه مو من نصيب قصي
ليش هو موسعيد وقصي سعيد
لان مركز بحياتنا اكثر من حياته هو وندى
المشاكل بينهم هو وزوجته كانت كل يوم تكبر وتكثر
بحيث يبقون حتى شهر ما يحجون واحد وياا الثاني
عادي عدهم الزعل
عادي البعد بينما اني وقصي غير
اني مااكدر اكل واشرب وانام اله قصي موجود
ابقى انتضره يم الباب مثل الاطفال
بوقت جيته اول مايدخل يحضني ويبوسني عبالك صار شهر ما شايفني
جمانه السعيدي
مره قصي بليل طلع من غرفتنا نزل يجيب مي
اني كنت لابسه سيت نوم وكاعده اخلي مكياج وعطر
مااحس اله باب غرفتي انفتح عليه توقعت قصي
اتفاجئت عمار واكف وبباوع عليه
انصدمت لان فتح الباب بدون مايدكه او يستاذن
تخبلت طفرت من مكاني سحبت الجرجف مال الجربايه ولفيت نفسي
فاطمه.. شتريد ليش مادكيت الباب
طبعا هو متعمد يدخل الغرفه لان شاف قصي نزل
عرفته متعمد يشوفني بهذا المنضر
لان مادك الباب ومن شافني بهذا المنضر مارجع طلع وطبك الباب
بقى واكف بمكانه ويباوع عليه
فاطمه.. شتريد قصي نزل
عمار. ...هااا توقعته هنا
طلع وطبك الباب ورا اني هلكد ما نهبطت جسمي كله كام يرجف كعدت على الجربايه لافه نفسي بلجرجف
دخل قصي شافني بهذا الوضع
قصي....شبيج شكو
فاطمه.. ... عمار فتح عليه الباب
قصي.. شيربد
فاطمه مااعرف بس اني خفت من شفته كدامي واني بهذا المنضر
قصي... اكيد مايقصد
فاطمه....مادك الباب كبل دخل
قصي....ايجوز ما نتبه يله حبيبي ميخالف
#البارت__5
#بنت_الخياط
#البارت الخامس
جمانه السعيدي
قصي.... اروح اشوف عمار ليش يدور عليه
طلع قصي شويه ورجع
فاطمه....هااا شو رجعت
قصي....لكيته كاعد بلحديقه جوه يكول هيج ضايج
وردت احجي وياك شويه خليها على باجر
فاطمه....ليش ما بقيت كاعد يمه يجوز عنده مشكله
قصي...ما قبل كال ماكو شي
فاطمه....مسكين عمار ابد ما مرتاح بزواجه
قصي...هذا اختياره هو تخبل عليها لان اهلها شبعانيين
فاطمه....الله يهديه اله ويصلح حالهم
طبعا شغل البيت كله عليه وخاله ام عمار عليها الطبخ
اما ندى ابد ما تشتغل ولا تلزم شي
ملابسها هي وزوجها بلغساله
وكل يومين تكنس غرفته بلمكنسه الكهربائيه
واذا عدها فراش تخابر شركة تنضيف تجي تأخذ الفراش تغسله
اذا ما عجبها اكلنا ادز اكل من برا
كل الوقت كاعده بغرفتها
فاطمه...اني انزل الصبح وياا قصي احضر الريوك الهم
هو وعمي وعمار يتركون ويطلعون
بعدين انضف بيتنا زين ما يتوصخ كلش
لان احنا كلنا كبار ماكو جهال بلبيت
وعمي والولد كل النهار برا ندى بغرفتها ماتنزل
بس اني وعمتي بلبيت
التنظيف سهل مو صعب بسرعه اكمل شغلي
واصعد انضف غرفتي واسبح وابقى منتضره قصي
كل ساعه اتصل على قصي لو هو يتصل عليه
من الصبح لليل تقريبا عشر مكالمات او اكثر
ماكو شي بس واحد يشتاق للثاني
هاي المكالمات إدمان كل شويه اتصل علي
هاااا شكاعد تسوي
وهو هم يتصل عليه هااا شنو الغده شكاعد تسووين
امي ووين جمانه السعيدي
شعندج بعد شغل كله كلام بسيط بس حتى يبقى تواصل ببنا طول النهار
بلنسبه العمار كان مراقب حياتنا اني وقصي ويحسدنا
على حياتنا
من اتصل على قصي كم مره سمعت عمار يحجي على
قصي
عمار....شنو كل خمس دقايق مكالمه مو ورانا شغل
فاطمه ماعدها شغل وعمل وكل شويه متصله عليك الصبح مو جنت يمها شنو اشتاقتلك
فاطمه....عدكم شغل واني جاي اتصل
قصي....لا كلشي ماعدنا بس هو عصبي مااعرف شبي
يمكن البارحه متعارك هو وندى معليج بي
بس اريد أوضح شي مهم اني وقصي ما نعرف عمار
يضوج من علاقتنا ومستحيل تجي هيج فكره
ابالنا ابد
نتعامل وياا عادي جدا
المهم خالتي وعمي وقصي حيل راضين عليه
خالتي تسمعني كلام حلو
طول النهار واني اشتغل ماكو على السانه غير
الله يرضا عليج الله يحفظج الله يرزقج
انتي ذهب قصي حظه من السما وكع بوحده مثلج
حتى عمي اغسل ملابسه واكويهن والمع الحذاء
واحضرله الاكل والجاي
اذا قصي جاب حلويات وكرزات
اقسمهن بلنص بيني وبيت خالتي
ندى من تشوف تصرفاتي وياا خالتي وعمي تكول انتي لوكيه بت الخياط لوكيه
ابقي أمسحي اجتاف حتى يرضون عنج
من تسمع عمتي تمدحني علمود التنظيف
تكول اي هي هذا مستواها خدامه ماتكدر تعيش راقيه
تحب حياة الخدم
اني ماارد عليها مو لان مااعرف ارد
بس لان اني عاقله وراقيه هي تريد تستفزني حتى ابطل اشتغل بلبيت
واصير مثله حتى لا تحس اني احسن منها والي تقدير
يم خالتي وعمي اكثر منها
غيرته من حب عمي وخالتي تخليه تستفزني بكلامها
بس اني ابد ولا كانما اسمع
خالتي دائما تسمعه تحجي عليه تكول معليج بيها
خليه مثل الجلبه تنبح وتسكت
اني ادري ابو عمار هاي وين لكاها حظ عمار اغبر وكعه بهاي الحيه
ا فاطمه.....اني اصلا مااشوفها بلبيت اله بلصدفه لو تنزل علمود طلبيه اكل
لو تريد تروح الاهلها يله اشوفها
مالي شغل بيها
بعد ٣ اشهر من زواجنا واني جاي انزل من الدرج الصبح دخت من شميت ريحة الطبخ نفسي لعبت
خالتي حست بيه
خالتي ...اليوم تعبانه شبيج
فاطمه... مااعرف راسي يوجعني ونفسي تلعب
خالتي...يالله بلكت حامل
فاطمه...انشاء الله
خالتي ...اروح اجيب اختبار منزلي ونشوف
طلعت خالتي واني بقيت ارتب بلبيت
جابتلي الفحص دخلت جربته طلعت حامل
خالتي...صلاوات صلاوات للللوووووش اي هسه ارتاح كلبي
على صوت الهلال نزلت ندى
ندى....شكو سمعت صوت هلاهل
خالتي...فاطمه حامل
فاطمه...راسا ملامح وجه ندى كلها تغيرت دارت وجها ورجعت صعدت فوك
حتى كلمة مبروك ماكوووو
خالتي...ومرض هاي شبيها حتى بلعافيه ماكو
فاطمه...ميخالف جمانه السعيدي
خالتي...نتصل بقصي نبشره
فاطمه...لا لمن يجي اريد اشوف الفرحه بعيونه
بيومها خالتي ماقبلت اشتغل تخاف عليه
صعدت رتبت غرفتي وسبحت وبدلت وتعطرت
من قرب موعد جية قصي نزلت انتضره جوه
سمعت صوت السياره وكفت بلباب
اول واحد دخل للبيت قصي شافني لابسه نفنوف احمر
ومكيجه ومعطره
ابتسم الله الله شنو هذا كله اكو شي
فاطمه....اي
قصي... مبين شي حلو مثل هذا الوجه الحلو نزل العلاليك
وقرب عليه
أشرت على بطني
قصي....يعني شنو
فاطمه.....رجعت أشرت على بطني وكتله جاينا ضيف بعد تسع اشهر
قصي....تحجين صدك ولله راسا شالني وكام يكمز
دخل عمي وعمار وخالتي طلعت من المطبخ
خالتي...نزلها موزين عليها لا تكمز نزلها
فاطمه.. اني انحرجت لان الموقف صار كدام عمي وعمار
عمي...خير شكووو
خالتي.. فاطمه حامل
عمي...يالله يالله مبروك
قرب عليه عمي وباسني من راسي من ورا الحجاب
رفعت عيني عمار صافن عليه
فاطمه...شكرا عمو الله يحفظك ويبارك بيك
عمي...اي هذا الخبر الحلو
فاطمه....عمار دخل لا باركلي ولا حجه كلمه وحده
دخل وصعد الغرفته كبل
قصي انخبص خبص كل شويه وباسني كدام عمي وخالتي اااشرله عيب
قصي...شنو العيب اني راح اصير اب واخيرا
فاطمه...شنو اخيرا هنا ٣ اشهر مو عشر سنوات
قصي...ولو اناخرتي عليه اني ردت ازوج
فاطمه... هااا تزوج قسما بلله اذبحك
قصي....انتي تخافين من الدجاجه شلون اذبحيني
فاطمه....كلشي اله انت مااقبل اي احد يشاركني بيك
شوف هذا الي ابطني اذا تحبه اكثر مني اموته
قصي... تموتين ابنج
فاطمه.. اي احد يشاركني ببك اموته خلاص
قصي.... هو اني مااكدر احب اي احد بلدنيا هاي غيرج
راسا سمعنا عمار وندى تعاركو فوك كبت العيطه بس شنو السبب محد.يعرف
كل العائله ما تدخل من كد ما يتعاركون كل يوم
الكل يسمع ويسكت مشاكلهم ما تخلص
صعد قصي الغرفتنا بدل ملابسه ونزل
خالتي صاحت على عمار
ما قبل ينزل ياكل
خالتي كلش ضايجه على عمار تحس هو مضلوم بهاي الزواجه
من بعد ما طلعت حامل بدت ندى تحاول تحسن علاقتها بعمار وتراجع لان تريد اطفال
شلون فاطمه حبلت وهي لا لا زم تسوي المستحيل حتى تحبل
خالتي جابتلي هديه كلاده ذهب اية الكرسي على شكل مربع كلش حلوه
من شافت الهديه ندى سوته يوم اسود علينا
شلون خالتي تشتري كلاده ذهب الفاطمه واني لا
خالتي من سمعته تصيح طك كلبها
صعدت الهم للغرفه
خالتي. شبيج ليش اصيحين
ندى.. انتي تفرقين ليش تشترين الفاطمي واني لا
خالتي...بكيفي فلوسي حلالي انت مشاركتني اني اسئلج
شنو تشترين منو تهدين هدايه
شنو نوع الهدايه
بعدين فاطمه خادمتنا وما مقصره ويانه مو مثلج
كاعده بغرفتج اربعه وعشرين ساعه
حتى طولج محد شايفه
ندى....اي لوكيه تتلوك الكم
خالتي...اتلوكي مثلها اشتغلي نص شغلها حامل وشايله البيت شيل
حتى حذاء عمه تمسحها
ندى....لا ولله لا يكون جايبيني هنا خدامه واني ماادري
خالتي...اسم الله عليج احنا الخدم مو انتي
نزلت خالتي عصبيه من فوك جمانه السعيدي
فاطمه....خاله اخذيها الكلاده مااريدها اني عندي ذهب عرسي موجود اني ماريد مشاكل
خالتي....ازعل عليج اني جبتلج سورة الكرسي حتى تحفظج انتي وابنج اخاف عليكم من عيون الحساد
ندى وامثالها
قصي.. اني اريد بنيه تشبهج بس من تكبر ماازوجها
فاطمه...ههههه ليش مازوجها
قصي...هاي بنتي محد يستاهلها
فاطمه....اذا خطبها واحد مثل مواصفاتك ازوجها
قصي....حتلو مثلي مازوجها
فاطمه....ليش مازوجها خطيه
قصي... خاف تحب زوجها اكثر مني
فاطمه....ياااا شني هاي الغيره
قصي.. بكيفي بنتي واني حره بيها
فاطمه...واذا ولد
قصي....اذا ولد مالي شغل بي اني اربد بنيه اني احب البنات بس بشرط تشبهج
فاطمه....اوكف ادز طلبك للمصنع
قصي...خل اكتب على بطنج بنيه حلوه مثل امها بلشكل والطبع
فاطمه....الله يحفظك اليه والبنتك ونعيش عمر طويل
لان اني مجاي اشبع من حبك
قصي....انتي الي روحي وحياتي وماكو منج ابد
نسخه وحده رب العالمين خلقه اليه
فاطمه....من دخلت بشهر الثامن يله ندى طلعت حامل
اني الصراحه ماشفت نفس الفرحه بعيون خالتي وعمي
من سمعو اني حامل خالتي وعمي فرحولي من كل كلبهم
بس خبر حمل ندى مر عادي عليهم
اخذت ملابسها ندى وراحت بيت اهلها حتى تعدي اشهر الحمل الاولى تخاف على نفسها
خالتي....عمار وين راحت زوجتك
عمار.. بيت اهلها
خالتي...ليش
عمار...ترتاح تخاف على نفسها
خالتي.. اي خطيه مو جانت شايله البيت شيل على راسها
مو هاي فاطمه حامل وتشتغل كل الوقت
عمار... فاطمه وياا ندى فاطمه ووين وندى وين
فرق السما عن الكاع
فاطمه ماكو منها غير ابنج حظه ذهب وكع بفاطمه
مو مثل حظي امداني وامده حظي على هاي القسمه
السوده
#البارت__6
#بنت الخياط
#البارت السادس
جمانه السعيدي
فاطمه...جبت ولد عمي سما محمد
يخبل شكله كلش حلو
اما ندى طول ٣ اشهر الاولى من الحمل بقت بيت اهلها
وهاي الفتره عمار جان يتعمد يطلب مني انضف غرفته
لو اغسل ملابسه
اني ما متعاجزه عادي مثل مااغسل ملابس قصي
اغسل ملابسه
بس هو كان يسمعني مديح بغزل وكانما يشكرني
بس هو كان يتغزل بيه
اني مااخذت ابالي حسيت هذا نوع من الشكر
لان جاي انضف غرفته واغسل ملابسه
مثلا من الكلام الي كان يكول اليه
....تروحلج فدوه الكاعده بيت اهلها يقصد ندى
...ياريت كل البنات مثلج
...انت جوهره ياحظ قصي بيج
...هذا قميصي محتاج لمسة حنان من اديج الحلوه
فاطمه...كنت حاسه اكو شي يحاول يوصله البه بس اطنش
مااريد تصير مشاكل بسبيي
يكولون فاطمه دخلت للبيت وفرقت الاخوان
هسه زوجته ترجع وبعد مالي شغل بي
الي اني ماحاسبه حسابه حملت مره ثانيه لان مااخذت احتياطاتي
بعد٣ اشهر طلعت حامل مره ثانيه
فاطمه....ياا فدوه قصي الحكلي طلعت حامل شلون
قصي...اي همزين هلمره صدك اريد بنيه
فاطمه...اي مو انت لا حامل ولا اجيب
مو حمودي بعده زغير
قصي....معليج امي تساعدج
فاطمه....لا مو هيج ردت اكبره شويه يله
نزلت جوا
فاطمه...خاله الحكي عليه طلعت حامل
خالتي....نعمه رزق رب العالمين هلمره من اجيبين وتكومين بلسلامه اخذي احتياطاتج
فاطمه...مو هذا بعده زغير
خالتي.. نعمه من الله خير وبركه
بعد ما عرفت اني حامل بيومين اجانا خبر موحلو
ندى كان حملها مهدد بلاسقاط
عنق الرحم مفتوح بس دخلت بلشهر الرابع صار عدها اسقاط
كل الي بلبيت ضاجو وأولهم اني
خطيه شكد جانت فرحانه بحملها هذا
طول هاي الفتره هي بيت اهلها حتى تحافظ على حملها
تالي يروح منها بكل سهوله
بليل كلنا اتجمعنا ورحنا عليها
اني وصيتهم محد يحجي بموضوع حملي خطيه خاف اضوج
لكيناها نايمه ماخذه مسكن ونايمه
امها تكول بس تبجي من صار عدها اسقاط الحد هاي اللحظه منهاره فد مره
ماكعدت ولا حجت ويانه كلمه
كعدنا شويه ورجعنا للبيت
ثاني يوم رجعنا عليه اني وعمتي اخنالها هدايا ورحنا حتى نواسيها
استقبلتنا من ورا خشمها عبالك احنا قتلنا ابنها
بلبدايه اني ضجت لان احنا بيتهم على الاقل استقبال حلو
بس بعدين عذرتها خطيه ما مصدكه الصدمه
رجعنا للبيت حتى عمار ضايج على ابنه
اخذ ملابسه وراح الاربيل يغير جو
كل الي بلبيت مو راضين علي كان لازم يكعد يواسي زوجته
يخفف عنها الالم شويه
ياخذها ويسافر حتى تتحسن نفسيتها
شكد اناني الخاطر الله
جمانه السعيدي
بقا اسبوعين هناك ورجع رجع واحد ثاني يضحك ويسولف ولا عبالك صاير شي
خالتي وعمي بقو يلحون علي لازم يرجع زوجته
راح بليل جابها واجا دخلت سلمت علينا سلام بارد
وصعدت الغرفتها
عادي احنا متعودين عليها وعلى اسلوبها هذا
اني الصراحه ماردتها تعرف اني حامل مو اخاف من الحسد
بس خفت عليها خاف اضوج
فاطمه...فدوه عمه لاتكولين كدام ندى اني حامل
خالتي...ليش بايكه خوما بايكه
فاطمه.....لا خطيه منا لمن تكبر بطني بلكت تطلع حامل مره ثانيه
من رجعت ندى خلصت من مضايقات عمار
لان زوجته موجوده اني ابد مااقرب على غرفته ولا اغسل ملابسه يله ابني والبيت
طبعا ندى نفس طبعه القديم واكثر
حاقده علينا عبالك احنا السبب ابد ما تنزل من غرفتها
عازله نفسها عن الكل
اني كلش مبتعده عنها وعن رجلها
مااريد اي مشاكل بسببي مادام زوجي وخالتي وعمي زينيين شعليه بعمار وندى
بسبب الحمل جسمي بده يسمن والاشياء تكبر بسبب الحمل
ملابسي شبه صارن ضيكات عليه
اكثر من مره انتبه عمار عينه عليه من انتبه علي
يدير وجها عني
فاطمه... قصي اريد ملابس عريضه استحي من ملابسي
ذني
قصي...انطيج فلوس ترحين تشترين
فاطمه.. لا مااكدر اطلع ابني وبطني والبيت
قصي...اني اجيبلج
من رجع جابلي علاكه ملابس
قصي.. هاي الملابس الج وهذا الثوب اشتريته البنتي
الحلوه قررت اسميها اريج
راسا نزلت ندى وسمعت كلام قصي
ندى... فاطمه انتي حامل
فاطمه...هااا اي
ندى...وليش ماكلتي خاف احسدج اي مو اني مايصير عندي وانتي أرنب واحد فوك الثاني
فاطمه...لا مو قصدي
ندى...اش قصدج ولا موقصدج انتي حظج كاعد هي كوه
الرجال على كلبج ويتمنى ترضين علي
والحمل فوكه فوكه مثل حظي
عافتنا وصعدت فوك
قصي. هاي شبيها ليش مضغوطه هيج
فاطمه...شفت الحسد عيني عينك الله يستر من الجاي
هواي كانت ندى اضايقني بكلامه وتحاول تقلل من قيمتي
واني اسكت
وابد ماكنت اخلص من نضرات عمار اليه
وخصوصا بلحمل صرت عبالك بطه حتى خدودي نازلات منا ومنا وجسمي مليان
حلفت بس اجيب بعد كافي مااريد جهال
جمانه السعيدي
اما ندى بقت تراجع لمن صار الها سنه وماكو حمل
واني هلمره جبت بنيه قصي طاير بيها من الفرح
وكانما بس هو عنده بنيه بهاي الدنيا
اخذت كل احتياطاتي اريد اشوف دربي
تعبت وخاصه طفل على طفل عبالك توم ثنيبنهم يبجون سوا الله ينطي خالتي تاخذ حمودي يمها حتى انام شويه
وقصي يكعد بليل مرتين هيج علمود البنيه
ومرات ياخذ حمودي وينزل جوا ينام هو ويااا لان بس يبجي من الغيره تخبل من اخته
بس يبجي بسببها
شفتو اشسويت بنفسي مصيبه مابعدها مصيبه
كل هاي الفتره وعمار يحفر النا اني وقصي
متخبل منا بس مايعرف شلون يخلص منا ماعندا فكره
ووجود عمي وخالتي مخلي مايكدر يسوي شي
الحد ماوكع عمي مريض بلفراش
متت قهر علي عمي حنيبن وطيب ماكو مثله ابد
يعاملني مثل ماابوي يعاملني ابد مايفرقني
عن بناته
على فكره بناتهم مزوجات بعيد وحده بكركوك ووحده بسليمانيه
كل سنه يجن مره اسبوع ويرجعن بس اكو تواصل بينا بلتليفون طبعن هنا مشغولات بحياتهن الخاصه
ومايدخلن بحياتنا ابد يتصلن على كد السؤال وبس
دائما يوصني على عمي وخالتي
يحبني ثنيينهن لان خالتي تمدحني كدامهن دائما
خطيه من سمعن ابوهن مريض اجن كعدن عدنا
هنا وجهالهن
اسبوع بقا عمي بلعنايه المركزه
اخير شي عبالك يعرف نفسه راح يموت
جمع ولده وبناته وزوجته
عمي... أوصيكم بخواتكم ديرو بالكم عليهن اني
طلعت حصة كل وحده بيهن وسجلتها بااسمها
والولد عمار وقصي بقا حلالهم سوا
بويه عمار لا تعوف اخوك ترا مالكم غير بعض خليكم سند واحد للثاني
جمانه السعيدي
فاطمه ...بعد هاي الوصيه بومين عمي مات
اسوء شي صار وياي من يوم ازوجت لليوم هذا لخبر
شكد بجيت علي
انهاريت ابد مااكدر انسى حنيته علينا وخاصه اني
شكد يحبني ويحب جهالي
قصي كان متأثر على عمي اكثر من عمار
يبجي ليل نهار
شكد متأثر لموت عمي حتى مايقبل يطلع للشغل
عمار طلع من رابع يوم للشغل
وقصي معتكف بلبيت مايقبل يطلع عشرين يوم يله
طلع من البيت
عيونه حمر لحيته شطولها يمشي مكسور وتعبان
ماله واهس ابد
بالاربعين من رحنا القبر عمي حاضن القبر ويبجي
مثل الطفل الزغير شكد متأثر على فقدان ابو
بقت ندى تراجع وتروح مراكز طبيه تريد طفل ماكووو
مل منها عمار ومن اسلوبها
اغلب الايام مايبات بلبيت يبات برا قصي يكول عنده شقه اشتراها ورا وفاة عمي
بس يرجع يتعاركون هو وياها
هي تتهمه بلخيانه وهو يتهمها بلتقصير
الحد مازعلت وراحت بيت اهلها وبدت اطالب بلطلاك
وهو معاند وياها بس حتى يحرك كلبها
هي كاتبه على مؤخر ٥٠ مليون طالبه بيهن
وهو معاند مايقبل يطلك
بيتنا صار حجيم بسبب مشاكلهم
#البارت__7
#بنت_الخياط
#البارت السابع
جمانه السعيدي
فاطمه....بدا عمار يفتعل مشاكل داخل البيت
ويتحجج هو شايل كل المسؤليه دائما يحجي على قصي
بس قصي كلبه طيب
بسرعه ينسى ويروح يحجي ويااا
يكول اخوي الوحيد لازم اتحمله علي صغوطات بسبب الشغل ومرته من جهه لازم اتحمله ازمه وتعدي
الحد ما فات سنه على وفاة عمي
صار عمر ابني سنتين ونص والبنيه سنه وسبع اشهر
بس بعدني تعبانه منهم
يغارون واحد من الثاني حيل متعبيني
خالتي تاخذ حمودي ينام يمها بليل من مات عمي لليوم
تكول يرد ال حشه عليه
فاطمه..نمت بليل شفت حلم موزين كعدت وياا صلاة الفجر كلش ضايجه وكلبي مقبوض حيل
المشكله مجاي اذكر الحلم شنو
بس كلبي مقبوض ومنزعجه حيل اتعوذت من الشيطان
صليت ودعيت الله يستر حالنا
ويكفينا الشر
بيومها اجا عمار يحجي بعرس ناس كرايبهم من بعيد
بس ناس شيوخ
والهم فضل عليهم
عمار...اني وقصي نروح للعرس بعد يومين
قصي...اني وياك ليش ثنيبنه نروح والشغل روح وحدك
اني مالي خلك اروح
عمار...لا عيب شلون لازم ثنيينه نروح اني وياك
زحمه منهم من زمان ماصايره عدهم مناسبه
قصي...اني مااروح تريد روح انت حتى تبات عدهم
عمار...مااروح اله رجلي على رجلك
اني منتضر هيج مناسبه من زمان واجت على الله
انت حقك ماشايف عرس الشيوخ
غير يخبل عرس حقيقي
فاطمه....سكت قصي بس ما مقتنع ابد مايريد يروح
هذني اليومين عمار اكل راس قصي
بس يقنع بي لازم تروح لازم تروح اني وياك نروح عليهم
جمانه السعيدي
بليل من نمنا قصي كان ضايج
فاطمه...ليش ضايج
قصي...مااريد اروح للعرس عمار حيل يلح عليه مااريد اروح اني مالي خلك الاعراس
بعدني ابجي على ابوي ما نسيته ومالي مزاج اروح اي عرس
فاطمه....ميخالف روح غير جو انت من مات عمي الله يرحمه وانت حالك كله تغير
قصي....انتي عاجبج وضعنا بيتنا كله تغير حاله
اني من ادخل للبيت واشوف مكان ابوي كلبي ينقبض
فاطمه....الله يرحمه ويغفرله
ثاني يوم عمار دك الباب علينا بعدنا نايمين
عمار...يله قصي اكعد ورانا طريق لازم نوصل قبل الغده
كعد قصي بس بلكوه يمشي يسحل بنفسه سحل
فتح الباب
عمار...صباح الخير يله اسبح حتى تتنشط
قصي....اي هسه اسبح وانزل
فاطمه...نزلت اني وبتي حتى احضرلهم الريوك
غسلت للبنيه وخليتها يم خالتي وحضرت الريوك
نزل عمار مبدل وبيده جنطه زغيره
خالتي...شبيها جنطتك
عمار...كامرا حتى اصور العرس كانت الجنطه بيها شي
بس مامبين شنو
شويه ونزل قصي بس وجها ما يكصه الموس
صبح على خالتي
اكل لكمتين وكام رادو يطلعون
وصل للباب ورجع عليه حضني وباسني وباس الجهال
قصي...ديري بالج عليهم
فاطمه... انشاء الله مو تتأخر بس بخلص العرس ارجع بسرعه معليك بعمار خاف يريد ببات
اني مااعرف انام اذا مو على ريحتك
قصي....انشاء الله ديري بالج على الجهال
جمانه السعيدي
طلعو ثنيينهم بسيارة عمار
اني رجعت ريكت جهالي وبديت انضف خليت الملابس بلغساله
صعدت نضفت غرفتي وغرفة عمار
نزلت طبخت غده سبحت الجهال وغديتهم ونامو
كعدنا نتغدا اني وعمتي اتصلت على قصي
كال كاعد نتغدا بس نخلص نروح نجيب العروس
واحاول ارجع من وكت
فاطمه...لا تتأخر اشتاقيتلك
قصي...اصلا كوه متحمل اني هذا المشوار كله ماعاجبتي
كلما اشوف رجال جبير اذكر ابوي
بس تجي الزفه ارجع للبيت حتلو ااجر تكسي على حسابي
فاطمه...دير بالك ياروحي انت
قفلت التليفون صعدت اني وبتي انام بغرفتي
وحمودي نام بحضن بيبته
نمت تقريبا ساعه ونص كعدت على صوت التليفون يرن
استغربت عمار يتصل عليه ليش
عمار...الو فاطمه وينج قصي اصوب
فاطمه... شنو مافهمت شنو اتصوب ليش
راسا بتي كعدت على صوتي وكامت تبجي
فاطمه فهمني عمار قصي شبي
عمار...راح ناخذه للمستشفى قفل التليفون
رجعت اتصلت مايرد عليه
اتصل على تليفون قصي يطلع مغلق
شلت بتي ونزلت اجيت اوكع من الدرج عثرت مرتين
زين ما وكعنا اني وبتي
فاطمه. ....خاله الحكي عمار يكول قصي اتصوب
خالتي...شنو اتصوب شلون صارت عركه شلون
فاطمه. ماادري ولله ماادري كلبي كام يوجعني
خالتي..اتصلي مره ثانيه
فاطمه.. رجعت اتصلت محد يرد عليه
ياربي شلون جسمي كله كام يرجف بتي تبجي مااكدر اشيله
فاطمه...خاله انتي تعرفين هما وين خل ناخذ تكسي ونروح وراهم
خالتي...اي ماكو غيرها بدلي انتي والجهال خل نروح وراهم
فاطمه...صعدت بدلت للجهال واني بدلت
مااعرف شلبست والجهال مااعرف شلون غيرت ملابسهم
خليت تراكات وحفاضات الجهال بجنطه ونزلت
خالتي...خابرت على وليد يجي يوصلنا
وليد هذا سايق جان يشتغل عد الحجي
ربع ساعه ووصلت السياره
من ساعة ماصعدنا بلسياره واني لزمت التليفون
اتصل على عمار وارجع اتصل على قصي محد يرد عليه
اتخبلت ياربي سترك
هو ماجان عاجبه يروح عمار بقى يلح علي
خالتي تقرأ ايات واني احس كلبي راح يوكف من الخوف
حلكي يبس كمت مااكدر ابلع ريكي
فكره اجيبني وفكره توديني
كلبي حيل خايف حاسه اكو شي موزين صار
خالتي....وليد أخذنا كبل للمستشفى الرئيسي اكيد اذا اتصوب اخذو للمستشفى
يارب دخيلك الطف بحالنا يارب
جمانه السعيدي
ساعتين تمشي بينا للسياره واني مابطلت اتصل بعمار وقصي اريد اي خبر يبرد كلبي
وصلنا للمستشفى لكينا الناس طالعه برا
والسيارات ساده الشارع
اكثر الوافين لابسين عكل انريد نوصل للمستشفى من لسيارات ماكوو
كوه قربنا على المستشفى
وكفت الناس هاي مو وكفه طبيعيه الناس الي بلعرس
كله عايفه العرس وجايه واكفه باب المستشفى
وكفت السياره نزلنا اني وعمتي ووصيت وليد على الجهال يبقون يمه بلسياره
مشينا اني وخالتي اسمع الزلم يكولون
الله يرحمه ولله شاب بعده زغير
فاطمه....كلبي يكول كاعد يحجون عن قصي
واني مااريد اصدك شنو قصي مات لا موقصي
جاي يحجون عن واحد غيره
دخلنا للمستشفى من جههة الطوارء ادور على عمار ماكو
هواي زلم واكفين
كوه دخلنا اني وخالتي من الازدحام
ادور على عمار ماكو كلبي انقبض كمت ابجي
ابجي قبل لا اسمع اي شي
مسحت دموعي خايفه خايفه لا بكون قصي راح وعافني
مالكيت عمار
وكفت ولد ممرض
فاطمه....من رخصتك اكو ولد اجا هنا متصوب قبل ساعتين
الممرض. متصوب مااعرف بس اكو ولد اجا هنا مقتول
اخذو الغرفة الثلاجه
فاطمه....لا اسم الله لا مو مقتول هو متصوب
من سمعت كلام الممرض احس حيلي كله باد احس رجليه صارن اثكال ماتكدر امشي
ووين اروح مااريد اروح الغرفة الثلاجه يمه اسم الله
هو ايجوز مصوب هنا
خالتي حالته اسوء من حالتي كامت ماتكدر تمشي
فاطمه....اكعدي خاله هنا اني هسه اشوف الغرفه الي هما بيها وارجع عليج
كعدت خالتي ورحت اسئل
كل الي اسئله يكول ماكو ولد مصوب اكو ولد مقتول
اجا هنا
من اجت الزفه الناس كامت ترمي وكعت بي رصاصه ومات
محد يعرف منو الي رما هاي الرصاصه
كلهم جذابين قصي مامات قصي مايموت ويعوفني
اني هسه الكا بوحده من ذني الغرف
امشي وشفت عمار واكف منتجي على الحايط
وقميصه كله دم
قربت علي بس شافني اتفاجئ
عمار. فاطمه منو جابج
فاطمه....قصي ووين قصي
راسا دنك
فاطمه....شبيك مو احجي وياك ووين قصي
عمار. الله يرحمه الطلقه اجت براسه ومالحكنا ننقله للمستشفى
فاطمه....اني احجي على قصي ووينه
عمار....اسمعيني افتهمي مالحكنا علي مات
فاطمه....انت شنو تخبلت قصي مايموت انت بس دليني علي اني اريد احجي ويااا
عمار....بلثلاجه يردون يشرحون الجثه حتى يحددون اسباب الوفاه
فاطمه قصي قصي جثه يشرحونه قصي
انت متاكد
راسا غبت عن الوعي من قوة الصدمه
مستحيل اكدر اتحمل هيج خبر نزل على روحي مثل الصاعقه
فتحت عيوني مااشوف زين مثل الضباب على عيوني
وشبه ناسيه كلشي
باوعت لكيت خالتي وجهالي كاعدين يمي خالتي تبجي
فاطمه...خاله خاله ليش تبجين ووين قصي
كامت تبجي اكثر
فاطمه....وين قصي اريد اشوفه حتلو ميت اريد اودعه
اني ماودعته
نزلت من الجربايه وطلعت برا حجابي مفتوح
امشي ماادري بنفسي
امشي واصيح قصي قصي حبيبي وينك قصي
ليش ماترد عليه
بهاي الأثناء قصي جان بغرفة التشريح
واني افتر ادور علي بلمستشفى
عمار...انت شلون طالعه هبج ووين حجابج
فاطمه...ياا حجاب عمار ووين قصي
عمار...قصي مات افتهمي لبسني عمار الحجاب ورجعني
للغرفه الي بيها خالتي وجهالي
بس شفت خالتي تبجي طفرت على عمار
فاطمه. انت قتلته انت قتلته انت صمتت تاخذه وياك
هو ماقبل يروح
وكفت على راسه من الصبح لمن اخذته ورحت
انت قتلته اربد حق قصي منك
انت مجرم عمار انت مجرم قصي ماراد يروح للعرس
انت اخذته
احجي واتهدد علي اريد اضربه
هو كامش اديه ثنيينهن
عمار. اني شنو علاقتي بلموضوع اجت الزفه وصار إطلاق نار اجته طلقه وكتلته اني شعليه
فاطمه...كعدت بلكاع وكمت اعيط واملخ بشعري
املخ بجسمي
جهالي خافو وكامو يبجون خالتي ووكعت من البجي
الله ينتقم من الي كان السبب
#البارت__8
#بنت_الخياط
#البارت الثامن
جمانه السعيدي
فاطمه....كل الاهل والأقارب اجو ورانا للمستشفى
حتى امي وابوي
بس شفتهم انفجرت بلبجي
خاصتا اهلي احسهم اكثر ناس يعرفون اني شكد احب قصي
اني ما مصدكه قصي مات
اتاخرت الاجراءات بلمستشفى والشرطه اجت تحقق
منو الي كان يحمل سلاح بلعرس
بدو يحققون وياهم واخذو اربعه منهم للتحقيق
بلتشريح كدرو يعرفون نوع السلاح من الطلقه الي طلعوها
من رأس قصي
النذل ضاربه براسه وكانما متعمد يقتله
بس ولا واحد منهم كان يحمل سلاح الجريمه المسدس الي انقتل بي قصي ماكان موجود وياا الاسلحه الي تصادرت
الشرطه صادرت الاسلحه كلها حتى الاسلحه الي كانت موجوده بيت العريس
بقا قصي هذا اليوم لليل بلمستشفى متحفظين على الجثه
الحد ما يكمل التحقيق
خالتي نقلناها للطوارء كل شويه تفقد من الصدمه
امي حايره بجهالي يبجون وخايفين
واني حتى مااكدر اوكف على حيلي
اريد اموت ليش قصي عافني ولله تونا تونا ازوجنا
تونا عرفنا واحد الثاني
اذا هو ناوي يعفوني ليش خلاني اتعلق بي
ووين اروح اني وجهالي
منو النا من بعد عينه بهاي الدنيا تعبت تعبت من البعد
وهو بعدا بلمستشفى شلون لو اخذو يدفنونه
جمانه السعيدي
ثاني يوم بعد ما سجنو كل واحد يحمل سلاح بلعرس
اخذو قصي حتى يدفنونه
عمار ما قبل اني وخالتي نروح وياهم
رجعنا وياا وليد ويانا ابوي وامي
وصلت للبيت هذا البيت الي شهد على حبنا اني وقصي
رجعتله وحدي
قصي عافني وعاف جهاله وراح
مااريد اكعد بهذا البيت اريد اروح مكان مابي ذكرى من قصي اريد احس هو مسافر وراح يرجعلي
فاطمه....مااريد ابقى هنا اريد اروح بيت اهلي
مااكدر اتحمل اكعد هنا طلعوني منا مااكدر
امي....شلون تعوفين خالتج وحدها وترحين ما تشوفين حالتها شلون تاخذين جهال قصي منها
اكعدي على الاقل خل تخلص الفاتحه
خلي خالتج اصير احسن
فاطمه... محد يحس بيه اني جاي اتهدم على فراك قصي
مااكدر اتحمل
روحي مشتعله نار ياناس اني فاركت روحي
شلون راح اكمل بدون روحي مااكدر
منا لمن خلصت الفاتحه كل يوم اموت الف مره
واني اسمع صوت العياط بلبيت
ابد ماصعدت الغرفتي مااكدر ادخل بيها
شلون ادخل الغرفه وحدي وقصي ماكوووو
امي كانت تبات وياي بيت عمي حتى تصبرني على الفراك
وحتى أدير بالها على جهالي
بلكوه بقيت الحد السبعه
جمانه السعيدي
عمار جان ملتهي بلقضيه كل يوم يستدعونه الشرطه
كل المتهمين الشرطه طلعتهم
لان ولا واحد منهم يحمل السلاح الي انقتل بي قصي
وأهل العريس جابو مشيه واجو علينا
يردون ياخذون عطوه ويفصلونا
عمار ماقبل بلفصل لان ما متعمدين يقتلو قصي انقتل
بلغلط والشرطه ما حددت القاتل ليش يتحملون المسؤليه هم مالهم دخل بقتل قصي
بعدين هما اهلنا وزوحمه يدفعون فصل
على هيج شغله صارت بلعلط
عمار خلص الكعده بالتراضي بين كل الاطراف
وسحب الدعوه من الشرطه
القضيه اتقيدت ضد مجهول
ضاع دم قصي محد عرف منو قتله
فاطمه....من شفت كل هاي الاحداث اخذت جهالي ورحت بيت اهلي
زوجي مات ودمه ضاع واني اتفرج لا حول ولا قوه
اهلي محتارين بيه اني وجهالي
خطيه ابوي مخبوص بينا خبص اني والجهال
من جان قصي موجود اني مااجي الاهلي وابقى نهار عدهم
لان خطيه خالتي تبقى وحدها بلبيت
قصي جان يجيبني بليل ابقه يمهم ساعه وارجع
ابد ما شبعانيين من جهالي
هسه ابوي فرحان بيهم وحاير شيجيبلهم
وامي توكل وتلبس وتغسل
بيتهم جان فارغ وخاصه اني وخواتي كلنا ازوجنا وطلعنا من البيت ينتضرون اي وحده ازورهم حتى البيت يصير بي حس
عشت ايام سود مجاي اكدر اتخطى
مجاي اكدر اعيش طبيعيه مثل قبل معقوله
هاي هيه حياتي وياا قصي
خلصت خلاص شكد عمر حبنا كصير
شبسرعه صار الوداع شبسرعه خلصت العشره
شلون راح اكدر اكمل حياتي من دونه
كل يوم ابقى ابجي لمن ينفجر راسي من البجي
واسكت ياريت الدمع يرجع الاحباب هيج هاي الدموع بس حركت كلب
الجهال ابوي كل يومين ياخذهم اتشوفهم خالتي ويرجعهم
اليه ولله ولا هاين عليه اعوفها وحدها بلبيت
وخاصه بناتها بعد السبعه كلمن رجعت البيتها
بس مااكدر اعيش بذاك البيت بعد
كلشي بي يذكرني بقصي
كل يوم اتصل على خالتي ونبقى نبجي اني وياها
خطيه خالتي بعد سنه من وفاة عمي فقدت ابنها شكد هاي الدنيا قاسيه عليها
عمار جابله عامله تنضف وتطبخ لان بعد خالتي ماتكدر
مثل قبل الضيم دكه دك
بعد خمس اشهر من وفاة قصي اتصلت عليه خالتي كالت اني اليوم كلش مريضه اريد اشوف الجهال جيبيهم وتعاي
طبعا كل هاي الفتره اني ما طالبت باي مصرف للجهال
ابوي يصرف عليهم مدللهم دلال مو طبيعي
عمار كلشي مادز الهم بس الله يسلم ابوي يصرف عليهم مامخلي ناقصهم شي
رحنا اني والجهال اخذني ابوي عليهم
بس دست عتبت الباب شميت ريحة قصي بلبيت
هنا جنت اوكف انتضره من يرجع من الشغل
هنا جنا نضحك ونسولف ازاحمت الذكريات بعقلي ونزلن دموعي بس رمشن عيوني
دخلت بس شافتني خالتي فتحت اديها وحضنتني
الجهال كل واحد حاضنها من رجل
دنكت تبوس بيهم وتمسح بدموعها
كعدنا اني وياها نسولف ونتذكر كل الايام الحلوه
صعدت الغرفتي مثل ماهيه
ملابس قصي بعدهن معلكات احس كل ذكريات الفرح مخزونه هنا بهاي الغرفه
حتى أنفاس قصي بعدهن هنا موجودات
طلعت قميص من قمصانه وحضنته وكمت اشم بي
ياحبيبي لو تعرف اني شكد اشتاقيتلك
صعدو الجهال وراي تمددنا كلنا على الجربايه
حمودي يذكر ابو بس دخل للغرفه كال ماما وين بابا
فاطمه....بابا راح وعافنا الله يرحمه استعجل
يمكن مايحبنا بكد مااحنا نحبه جمانه السعيدي
ليش عافنا بهلسرعه
نزلنا جوا كعدنا يم خالتي اجا عمار
مااعرف ليش من اشوفه اضوج واحس نفسي تنسد
عمار...هلووو اليوم الغالين عدنا
هلو حبايبي شلونكم دنك بأس الجهال
شلونج فاطمه
فاطمه.. الحمد لله
عمار... اي توه البيت نور شكد مشتاق للجهال
فاطمه....يمتى ماتحبون تعالو اخذوهم
عمار...وانتي ماتجين وياهم ترا انتي شمعة البيت
فاطمه... البيت هذا شمعته قصي
من يوم راح قصي انطفا هذا الييت
عمار...اي ولله صدك
بقينا بيت عمي لليل من ردت اطلع
فاطمه...خاله اربد احجي وياج بموضوع بس محرجه
خالتي....يااا ليش محرجه كولي
فاطمه...من مات قصي الله يرحمه لليوم وابوي شايل مسؤلية الجهال
ابد ما مقصر وياهم ولا يوم كال الحمل ثقيل عليه
اني اريد مصرف للجهال منا لمن عمار يصفي كلشي
اريد اعرف راسي من رجليه
هذوله الجهال امانه عندي ومااريد اقصر وياهم بشي
هاي فلوس ابوهم
خل عمار يشوف شلون يحدد حصتهم حتى اكدر
ارتب اموري واشوف شلون اتصرف
خالتي...عمار مجاي ايدز لكم مصرف كل هذا الوقت
تحجين صدك
فاطمه....اي كلشي مايدز للجهال ابوي شايل مسؤليتهم
وما يقبل احجي بهذا الموضوع ابد
يكول عيب تحجين بلفلوس قابل اني مقصر وياكم
خالتي....يااا ليش هذا خير ابوهم وجدهم كله وابوج يصرف عليهم
اني سئلته كال ما ناسيهم
فاطمه....هو الموضوع مو كلش مهم بس جهال قصي
لازم يعيشون بخير ابوهم وجدهم
اني بس اريده يحدد الهم راتب شهري من حصة ابوهم
منا لمن يعزل حصة قصي
اني مو احجي هيج لان ماعندي ثقه بي
بس مااريد اي احد يمن عليهم وهما اصحاب خير
خالتي... اني احجي وياااا اعذريني اني مريضه وحزينه
وما انتبهت الهيج شغلات ابد
يايمه موتت قصي هدت حيلي
فاطمه....الله يساعدج ويصبر كلبج ويصبرني وياج
اتصلت على ابوي اجا رجعنا للبيت
خالتي بقت منتضره عمار لان زعلت علي ليش مايدز مصرف الجهال قصي
بس رجع للبيت لكها كاعده منتضرته
عمار... اليوم كاعده شعجب
خالتي....منتضرتك
عمار...خير انشاء الله
خالتي....ليش كل هذا الوقت مادزيت مصرف الجهال اخوك
عايف الرجال المسكين مكسور ضهره على المكينه يصرف عليهم ليش واحنا عدنا خير من الله
ووين حصة ابوهم
عمار.. منو كالج مجاي ادز مصرف فاطمه
خالتي....حقها فلوس زوجها وابو جهاله صرت بنص هدومي من سمعتها اطالب بمصرف جهالها
عمار....اي اني مادز الهم فلوس لان فاطمه مو امينه عليهم
اني اريد احافظ على فلوسهم الهم منا لمن يكبرون
خالتي....شلون حجي هذا لعد منيين يصرفون
عمار...مشكلتها مو اخذتهم وطلعت من البيت خلي تحير بيهم
بعدين اكو شي محد يعرفه غيري
قصي اتنازل عن حصته اليه وعندي أوراق تثبت هذا الشي قصي ماله شي يمي
خالتي...انت شكاعد تكول شلون اتنازل عن حصته الك ويمتى
عمار....عندي أوراق تثبت هذا الشي قصي كلشي ماله عندي كلشي بااسمي وباوراق قانونيه
بس عندي مقترح اذا تريدني اصرف عليها وعلى جهالها
تزوجني
خالتي...يااا اخوك توا مات وتريد تاخذ مرته
عمار...اني اريد احافظ على جهاله من الضياع اريد اربيهم اني احسن مايربوهم ناس غريبه
فاطمه حلوه وزغيره كم شهر وراح تلكينها مزوجه
وجهال اخوي يعيشون وياا رجال غريب
اني ازوجها واربي جهال اخوي اني المن اريد هذا الخير
كله شوفت عينج لا عندي زوجه ولا اطفال
وندى راح انفصل عنها بأقرب وقت
اني ازوج فاطمه واربي جهالها واذا ما يعجبها هذا الشي
فلس ما تحصل مني خل تحير بزمانها
هذا اخر كلام عندي
#البارت__9
#بنت_الخياط
#البارت التاسع
جمانه السعيدي
فاطمه....من رجعت للبيت غسلت للجهال ونامو دخلت سبحت من طلعت مشطت شعري
وتمددت يم جهالي اليوم اني حيل مشتاقه القصي
من رحت وشفت بيت عمي
مشاعري اتحركت ورجعت الايام الحب والغرام بيني وبين قصي
اني ما نسيته ابد ولا لحظه تمر عليه مااذكره
بس اليوم من شفت غرفتي رجع كلبي يوجعني من الفراك
ماكدرت انام انعاد كلشي مر عليه من يوم شفت قصي
اول مره من اجا يشوفني قبل الخطبه
ويوم المهر والعرس وكل لحظه حلوه انعادت عليه
شلون جاي اشوف فلم كدامي ضحكته الحلوه
عيونه شعره كلشي كلشي
احس نفسي جاي انتضره يرجع
لو يرجع بيه الزمن مااخلي يروح وياا عمار بذاك اليوم الاكشر
راسا اجتني رساله
باوعت الساعه ١٢ ونص اني كل يوم هيج وكت نايمه
بس اليوم مجاي تاخذ عيني نوم
فتحت التليفون
....هلو فاطمه اني عمار عندي موضوع اريد احجي وياج بي
فاطمه....خير خالتي بيها شي
عمار....لا مابيها شي اني عندي موضوع وياج
فاطمه...اي تفضل
عمار... علمود موضوع مصرف الجهال
فاطمه...اي طالبت بحقهم من حصة ابوهم
عمار.... اريد اكلج شي مهم قصي تنازل عن حصته اليه قبل لايموت
فاطمه....لا مو صحيح هذا الكلام قصي مجان يضم عليه لا زغيره ولا جبيره وهذا الكلام موصحيح
عمار...عندي أوراق قانونيه تثبت كلامي
فاطمه...مستحيل
عمار... تكدرين تمرين عليه حتى تشوفين هاي الأوراق وتكدرين تعرضينها على اكبر محامي
قصي ماله يم شي تنازل عن كلشي بارادته
فاطمه.. انت حرامي تعرف شنو حرامي اكيد هاي الأوراق مزوره
انت جاي تلعب عليه اني راح اشتكي عليك
عمار....باعي انتي ماتخوفيني حتلو تردين تشتكين ماعندي
مشكله راح اتعبين وتخلصين فلوس ابوج ابلاش
كلشي ماتحصلين
بس اني عندي حل يرضي كل الاطراف
نزوج اني وياج
فاطمه.. انت صاحي لو شارب شي
عمار....جهال اخوي اني اولى واحد بتربيتهم ومستحيل
راح اعوفج تزوجين ويربيهم واحد غيري
اذا تردين مصلحتهم وافقي على هذا الزواج
واني مراح انقص عليكم شي
جمانه السعيدي
فاطمه....لا ياناقص اخوك صار خمس اشهر من مات
بمكان ماادور على القاتل وتأخذ ثاره
تريد تزوج زوجته انت شكد ناقص الخاطر الله
عمار.. اسمعيني زين عوفي هذا الحجي الي ما يوكل خبز
فكري زين اذا تردين مصلحت جهالج
ويعيشون بلخير وما ينقص عليهم شي وافقي
فاطمه...ماكدرت ارد علي هذا حيوان ماكو عنده مشاعر
ما يفتهم طلعت الرقم وانطيته حضر
كمت افور من القهر هذا شبي تخبل
لو يبقى اخر واحد بهاي الدنيا مستحيل ازوجه
اني بعد ما يحلى بعيني رجال بعد قصي اني زوجت قصي
مااصير زوجة واحد غيره
اني راح ابقى زوجت قصي للموت
هذا عمار شنو من بشر ما يملك ذرة احساس
ولا عنده مشاعر ولا يفهم الاصول
اني بعدني منتضره قصي يرجع
وهو يريد يزوجني شكد حيوان الخاطر الله
صدك طار النوم من عيني هلكد ما انقهرت من كلام عمار
اني متأكده قصي ما تنازل عن شي
هاي الأوراق شلون لعب بيها عمار مااعرف
قصي كان صديقي قبل لا يكون زوجي ابد مايضم عليه لا جبيره ولا زغيره
عمار لعب لعبه واخذ الفلوس الله لا يهني بيهن
فلوس الايتام ذني يصيرن نار ويحركنه
بقيت كاعده واتكلب بلفراش عقلي مجاي يصدك
عمار شلون يحجي هيج
صليت الصبح يله كدرت انام
كعدت الضهر من النوم لكيت امي مطلعه الجهال برا
وعايفتني نايمه
جمانه السعيدي
بس فتحت عيوني اخذت التليفون واتصلت على خالتي
فاطمه...شلونج خاله
ام عمار.. هله بفاطنه هله بنيتي
فاطمه.. خاله انتي تعرفين اني شكد اعزج واحبج
ام عمار.. خير شكووو
فاطمه.. عمار لعب لعبته واخذ حصة جهالي اني متاكده قصي مستحيل يكون اتنازل عن خصته
قصي كلشي مايضم عليه
ولا تعس من سالفة الفلوس يريد يزوجني خاله جاي اسمعيني
يريد يزوجني اني بعد دمعتي ما نشفت
على قصي
صدكي احلفلج بكلشي اني بعدني منتضره قصي يرجع
اني مااكدر اصدك قصي عافني وبعد مايرجع
وعمار يريد يزوجني هم شايفه هيج بشر
خالتي...اي البارحه حجالي نفس هذا الحجي اني ماراضيه على شغلت الفلوس بس
فاطمه...بس شنو
خالتي...اني موافقه على هاي الزواجه حتى جهال اخو يصيرون جوه عينه
مااريدهم يتربون بعيد عن هذا البيت
فاطمه....لا ما اصدك خاله اني زوجت قصي اني
مااصير الغيره
بعمري مراح ازوج لو ارتبط باي واحد بهاي الدنيا هذا جسمي محد راح يقرب علي ويلمسه منا لمن اموت
واذا على الفلوس خليهن اله خل يشبع بيهن
خل يحترك بيهن
هم حرام وهم فلوس أيتام وين يروح من عذاب رب العالمين خليهن اله
الله يحفظلي ابوي ما مقصر وياي باي شي
حتلو اني اشتغل ونعيش بس ماازوج عمار لو اموت من الجوع
وصليله هذا الخبر ترا اني اعرف نوايا من زمان
وراح ابقى ادعي علي لمن تطلع حوبة جهالي منه
خالتي....لا يمه انتي كلبج طيب اني ما بقالي غير عمار
بهاي الدنيا لا تدعين علي الله يوفقج
فاطمه.سديت التليفون ضجت بلزايد حتى خالتي تريدني ازوج عمار
اكيد مستحيل هذا الشي يصير
انتضرت ابوي من رجع من الشغل كعدنا نتغدا
فاطمه....عمار مزور أوراق الملكيه ومسجل كلشي باسمه
ما يقبل ينطي الجهال حصتهم
اله ازوجه
ابوي... لا يانذل ليش هيج
امي.. اني ابد ماارتاح العمار من زمان
فاطمه..حيوان نذل
ابوي....خلي الفلوس على كلبه اني موجود مايمر على خشمج بس الهوا
تعيشين انتي وجهالج احسن عيشه
الله الي يرزق البشر الرزق مو على الناس الرزق على الله
مادام اني سالم واشم الهوى
محد يمر عليج انتي وجهالج
خلي يشبع بفلوس الايتام
جمانه السعيدي
بعدها بااسبوع اجا علينا محامي عمي
استاذ حميد كلش خوش انسان رجال جبير ومحترم
بس دخل طلب اكعد اني ويااا
فاطمه.. ابوي يكون موجود هو وامي لان اني مااضم عليهم شي
استاذ حميد...ماكو مشكله اليوم. عمار دزني عليكم يريد يجي يطلب ايد
فاطمه يريد يربي جهال اخو قصي الله يرحمه
ويكول مستعد ارجع حصة قصي باسم جهاله
اذا فاطمه وافقت على طلبي
فاطمه....جيتك على عيني وراسي بس هذا الطلب مرفوض
اني ماازوج عمار لو يبقى اخر واحد بهاي الدنيا
وجهالي رزقهم على الله
ابو فاطمه....جهال قصي اني راح اشتغل واعيشهم
ما محتاجين فلوسه
هو قبل على نفسه الحرام خل يعيش ويصرف من الفلوس الحرام
انقله هذا الكلام مثل ما سمعته
فاطمه.. واذا يردون يشوفون جهال قصي يمتى مايحبون خل يجون ياخذوهم اني مراح احرمهم من جهالهم ابد
بليل اجتني رساله من رقم غريب
عمار....ابقي على عنادج وراح نشوف منو الي يربح بلاخير
ابوج مراح يدوملج
عايفه كل هذا الخير وعايشه ثكل على ابوج الي كسرت ضهره مكينه الخياط
راح تتندمين وكولي عمار كال
فاطمه....مارديت علي لان هذا مجاي يفهم كلامي
بعد شهر رجع دز عليه المحامي حتى يجدد طلب الزواج
اكيد رفضت طلبه اني بعد ماازوج لا عمار ولاغيره
رجع اتصل عليه بس سمعت صوته كبل انطيته حضر
دز خالتي تخطبني لان يعرف اني احبها واحترمها
فاطمه... اذا تردين المحبه تبقى بينا بعد لا تفتحين هذا الموضوع اريد عمار يعرف اني عايشه بنص الخير
الله يحفظلي ابوي ويطول عمره
ما محتاجه لا عمار ولا فلوسه
طلعت خالتي زعلانه لان رفضت عمار
خالتي ترديني ارجع للبيت اني وجهالي
بس اني مستحيل ارجع هناك
واذا اكو شي اصعب من المستحيل نفسه هو زواجي من عمار
هلمره من رفضت عمار واتأكد شبه مستحيل اقبل بي
دزلي رساله مكتوب بيها
عمار....اذا ما خليتج تتندمين اني مو عمار
اله اخليج تجين تبوسين رجلي حتى اقبل ازوجج
اصبري عليه
فات شهر على هذا التهديد وعمار ما سوه شي
اصلا اني ماخايفه منه كلشي مايكدر يسوي
الصبح الساعه سته ونص الفجر
كعدنا على تليفون اجا البابا
الحك المحل احترك
كلشي بي احترك القماش ومكاين الخياطه كلشي صار فحم
كلشي ما طلع من محل الخياطه سليم
النار اكلت كلشي
#البارت__10
#بنت_الخياط
#البارت العاشر
جمانه السعيدي
فاطمه...من سمعنا الخبر ابوي تخربط
يريد يوكف مايكدر اني وامي لزمنا لا يوكع
امي... فدوه الك فدوه عيوني انت
فاطمه....شلون احترك
ابوي ما حجه ولا كلمه دخل غير ملابسه وطلع
يمشي ويتخربط
اني راسا بدلت وطلعت ورا امي بقت يم الجهال لان بعدهم نايمين
طلعت ورا لحكت علي بعدا براس الشارع أجرنا تكسي ورحنا للسوك
لكينا الإطفاء واكفه اطفي الحريق والناس كلها مجنعه
ابوي راد يدخل بلمحل
بس الناس ما قبلو المحل اضلم وبعده حار ومتروس دخان ماكدر يتحمل الموقف
بس شاف كلشي محترك شغله وعمله وتعب السنيين
مكاين الخياطه كلها الاصليه القديمه
كلها صايره فحم ماكدر يسيطر على نفسه وكع من طوله
اني كمشته وكمت اعيط
فاطمه....بابا عيوني بابا فدوه الك كلشي
بس هو وكع ساكت كمت اعيط الناس تجمعت عليه
نقلنا للمستشفى
اتصلت على امي لان اني مااعرف شسوي بهيج حاله
اني من الصدمه تخربطت مو بس هو
اصحاب المحلات القريبه كلهم راحو وياي
دخلو للطوارء ماكدرت اسيطر على نفسي كمت ابجي
الناس اتهدء بيه بس مااكدر
اخاف افقد ابوي منو اليه اذا راح مني
منو السند بعده
وصلت امي وشافتني ابجي
امي....هااا ولج ابوج مات
فاطمه...اسم الله الدكتور جاي يشوفه جوه يمه شلون بينا
اذا راح ابوي منو النا بعد
امي.....يارب رحمتك يالله
الدكتور طلع كال جلطه ضاربه الدماغ
لازم تعدي ٧٢ ساعه يله نكدر نقرر وضعه مستقر لو لا
دخلنا اني امي
فاطمه...بابا عيوني احجي وياي فدوه الك كلشي
ميخالف كلشي يتعوض بس صحتك عدنا بلدنيا
فدوه شد حياك علمودنا جمانه السعيدي
اني منو اليه اني وجهالي
ابد مايرد عليه ولا كلمه مثل الي دخل بغيبوبه
فاقد ما يدري بنفسه
حقه هاي الصدمه جبيره علي ماكدر يتحمله
شغل عمره كله راح منه بلحظه
طول النهار وهو ابد ما فتح عينه ولا حجه ويانه
بس المغذي بايده لا اكل ولا شرب ابد
لليل واني وامي وجهالي وخواتي ثنيبنهن كلنا كاعدين بلمستشفى
ننتضر رحمة الله تنزل علينا
راسا دخل علينا عمار وخالتي
مسوي نفسه مسكين وخايف على ابوي
خالتي... هااا شلون صار
امي....نفس الشي شلون بينا الدكتور يكول جلطه بلدماغ
باجر اذا ما تحسنت حالته يسون مفراز للدماغ
يتأكدون اذا اكو شرايين ضربته الجلطه
عمار....سلامته الف سلامه اني مستعد الاي مساعده
واذا تردون ناخذ مستشفى اهلي ماعندي مانع
لا تشغلكم شغلت الفلوس ابد
فاطمه....اطلع من حياتنا واحنا نشوف الخير كله
روح مالك شغل بينا
يريد يصرف علينا من فلوسه الحرام
امي...فاطمه عيب من خالتج
فاطمه...خالتي على عيني وراسي بس عمار مااريده هنا
خل يطلع منا احسن اله والنا
عمار...مراح ازعل منج عادي اعرف الضرف الي انتي بي
ومقدر وضعج زين
فاطمه....مااريدك تقدر اي شي روح الله وياك هاي سوالفك ما تعبر علينا اني متاكده انت جاي تتشمت بينا
وكف وخزرني
عمار....انتي شببج تخبلتي حتى الاصول ما تعرفيها
خل ابوج يطلع من هاي الازمه وبعدين احجي بكيفج
طلع فلوس انطاهن الخالتي حتى تنطيهن الامي
خالتي اخذتهن وقربت على امي واني طفرت عليه
رجعي فلوس عمار
كلشي مانريد منه رب العالمين ساتره علينا بلحلال
بلحلال مو بلحرام
رجع فلوسك مامحتاجين اي مساعده منك
ضاج عمار من كلامي عاف خالتي وطلع برا
خالتي زعلت على زعله كالت من رخصتكم وطلعت ورا
امي....ليش هيج عيب من خالتج انحرجت من كلامح
فاطمه...وهي ليش جايبه هذا الحيوان وياها
لو جايه وحدها جان خليتها بعبوني
مو بعيد جاي يتشمت بينا تعلميني بعمار
جمانه السعيدي
بقا ابوي ٣ ايام بلمستشفى بس ما صار عنده اي تحسن
بلعكس كل يوم تنزل حالته اكثر
اليوم الرابع من الصبح
مات ابوي ماكدر يتحمل الصدمه
شبيها الدنيا وياي بس تلطم بيه من مصيبه المصيبه
بعدني ما مصدكه فاركت قصي
النوب ابوي ورا قبل لا ادور سنة قصي فقدت ابوي
ملخت نفسي تملخ ابوي السند اليه والجهالي
شلون يعوفني
ولكم حتى ماعدنا رجال يوكف بلفاتحه
كلنا نسوان الجوارين والا قارب همه الي شالو الفاتحه
اني فعلا انتهيت مابقا براسي عقل
مات وعاف نسوان ثنيين واطفال ثنيين
مالنا احد بهاي الدنيا
أثر موت ابوي كلبي كام يوجعني بي نغزه على طول
كلبي ينغزني وكلشي مااكدر اسوي
البيت اضلم وموحش
حتى الجهال يبجون علي
شغل ابوي كان مصدر الرزق الوحيد الي كنا عايشين منه
اني وجهالي
ضعنا اني وياهم بعد منو النا شلون راح نعيش من بعده
ابوي خيمتنا وسندنا وعزوتنا بهاي الدنيا
خالتي كل ايام الفاتحه عدنا
تجي من الصبح تبقى لليل عدنا
عمار حاول يستغل هذا الموقف ويوكف بلفاتحه
ويااا ولد عمي وحاول يبين هو زين ومحترم ويفكر بينا ويريد مصلحتنا
دز مبلغ بيد خالتي الامي
خالتي.. هذا المبلغ دزه عمار ويكول لا تشيلون هم العيشه
اني راح اتكفل بكلشي
اني راح اشيل المسؤليه بمكان عمي
فاطمه....اخذت المبلغ ورجعته على خالتي
فاطمه....عمار خل ينسانا وبعد لا يقرب علينا
احنا نكدر نعيش وحدنا ما محتاجين فلوسه
اني راح اشتغل اعيش امي وجهالي
جمانه السعيدي
خل يطلع عمار من حياتنا للابد اذا رجع قرب علينا اني راح اشتكي علي
هلمره خالتي صدك طلعت زعلانه حتى اتصال كامت ما تتصل عليه ولا على الجهال
هي تريدني ازوج عمار وجاي تشجعه يقرب عليه
وعلى جهالي بس لو يبقى اخر واحد بلدنيا مااريده
المحامي يجي كل يوم جمعه ياخذ الجهال البيت جدهم
يبقون عدهم طول النهار
وبليل يرجعهم اليه
طبعا من يرحون بيت جدهم عمار يحفظهم كم كلمه
..... سلمولي على امكم
.....اني اريدكم تعيشون هنا وراح اشتريلكم كلشي
....اني احبكم واحب امكم
....اذا تجون هنا كل يوم اخذكم مدينة الالعاب
....امكم تعاند ماتريدكم ترجعون هنا بيتنا
...اني وبيبي نحبكم امكم ماتريدنا
كلام من هذا الشكل كلمايرحون بيت جدهم
يريدهم ياثرون عليه
بعد الأربعين قررت اشتغل لازم اشتغل لان منيين نعيش
ضروف الحياة صعبه
اني اعرف اخيط
طلعت قطعة ذهب من ذهب عرسي واشتريت مكينه
وشغلات خياط
كم قطعة قماش خيطتهم للعرض
وبديت اوصي الجوارين الي عدها خياط اني اخيط الها
اول خمس اشهر كلش قليل الخياط
لان محد يعرفني اخيط
صحيح احنا معروفين بلمنطقه بيت الخياط
على سمعة ابوي الله يرحمه
بس اني ما جنت اخيط قبل
سويت صفحه وكمت انشر خياط بيها وحاولت اشتغل بأسعار مناسبه
حتى احصل زباين
للشهر السادس واني شغلي مايرد ربع المصاريف الي نصرفها
كمت ابيع قطع من ذهب عرسي
حتى اكدر أسد العيشه
امي بعد فراك ابوي تمرضت
ضغط وسكر تحتاج علاج وأكل خاص
بعد مابيها حيل مثل قبل
رجع اجاني المحامي دزه عمار عليه
استاذ حميد.... عمار يكول ليش هيج مصعبه الأمور عليه وعليها وكاسره ضهرها على المكينه
والحهال حسره عليهم كلشي
ليش تعاند اني بعدني منتضره اذا تقبل حتى امها
خل اجيبها وياها
واني مستعد اتكفل بكل مصاريف علاجها
فاطمه.....اجدي بلشارع اشتغل عماله اشتغل بلطين
اموت جوع ماازوج عمار
ليش هو ما يفهم اني ماازوج اي احد
خلاص اني شغلة الزواج انتهت بلنسبه اليه
خل ينساني ويعيش حياته
#البارت__11_الاخيررررر
#بنت الخياط
#البارت الحادي عشر #والاخير
جمانه السعيدي
فاطمه..... خمس سنوات واني مكسور ضهري على المكينه
اخيط حتى نعيش ونصرف ومانحتاج احد
بلبدايه اكو كم خياطه حاربني
لان اني خياط حلو واخيط بأسعار ارخص منهن
خياط كلش حلو ومرتب بشكل
بس من اول ما بديت انشر فصالات على الصفحه
بدن يحجن عليه
.......هذا مو خياطها تبوك خياط من النت وتنشر
.......تضحك على النسوان
.......تتفق وياج على سعر وتأخذ غير سعر
مااعرف ليش حاربني مع ان الرزق على رب العالمين
كلمن ياكل رزقه
جهالي وصلو للمدرسه لازم اقريهم واكتبهم واغسل ملابسهم وإداري امي لان حالتها تعبانه
اكعد بليل اخيط حتى الحك على الخياط
خمس سنوات ضهري انكسر من الخياط والعيشه كلها بركبتي اصبر نفسي اكول ميخالف مادام الله ساترنا
وناكل لكمتنا بلحلال
الحمد لله هاي هي
بليل احجي وياا قصي اتخيله كاعد كبالي ويواسيني على وضعي ويصبر بيه
اما عمار بعد ماتعب وهو يلح عليه
وشاف ماكو اي فايده حتى بعيشتي حاربني بس كلشي ما حصل مني
بيوم اتفاجئت المحامي جايني اتوقعت ياخذ الجهال مثل كل مره لان صار شهرين خالتي ابد مادزت على الجهال
اني توقعت تكون تعبانه او لان الجهال عدهم مدارس
جمانه السعيدي
فتحت الباب سلمت علي كتله دقيقه يبدلون حتى تاخذهم
استاذ حميد...اني جاي عليج
فاطمه...رجعنا الهاي السالفه مره ثانيه
استاذ حميد....لا هلمره شغله ثانيه
فاطمه...خير انشاء الله
استاذ حميد....عمار صار فتره مريض ويراجع حتى طلع الايران بس حالته ميئوس منها كل الدكاتره أكدو
حالته خطره وماكو اي علاج يفيده
جسمه جاي يتعفن أثر فايروس خبيث ضرب المنطقه الحساسه ريحة العفن طالعه برا جسمه جاي يتئاكل
اخذ أشكال العلاجات بس ماكو اي فايده الفايروس جاي ينتشر استغفر الله أثر العلاقات المحرمه الي كان يمارسها هذا مرض خبيث نادر يصيب واحد بين كل ٣٠٠ واحد احنا هنا بالعراق ماعدنا اي علاج اله
حتى من طلع الايران نفس الشي حتى دز التقارير
للهند نفس الشي الله يبعد عنكم الشر
جاي ينتشر بجسمه بسرعه والريحه لا تطاق بلمستشفى
رفضو يبقى عدهم بس اكو مستشفى خاص واحد قبل يستقبله وياخذون أجر مضاعف منه الله يكفيكم الشر
فاطمه....شنو المطلوب مني بلضبط
استاذ حميد...يريد يشوفج يكول عندي كلام مهم وياها
اتمنى تسمعني للمره الاخيره
فاطمه....طبعا لا اني شنو علاقتي بي
استاذ حميد....اترجاج لازم تجين وياي
بقا استاذ حميد يلح وامي هم صممت اروح واشوف شيريد
مني..
رحت وياا استاذ حميد بس مااخذت الجهال لان خفت عليهم وصلت للمستشفى رغم ريحة اامعقمات والديتول
بس من دخلت للغرفه ريحة العفن واصله للباب
دخيلك ربي
دخلت علي بس شافني نزلن دموعه استغربت ليش يبجي من شافني
عمار...همزين اجيتي اريد احجي وياج بموضوع كلش مهم
اتمنى اسمعيني للاخير
اعرف الريحه هنا لا تطاق بس لازم تتحملين ولو عشر دقايق
اريد اعترف اعتراف احجيلج كلشي صار وياي هاي حوبتج انتي وجهالج وحوبت قصي الي قتلته بايدي بدم بارد
جمانه السعيدي
فاطمه....فتحت عيوني حيل ياا انت قتلته
عمار....اي من ازوج قصي اني تخبلت اخذ وحده حلوه
وتحبه اخر انسجام هو وياها رغم اني كنت اكول بت الخياط الغكر
كتلتني الغيره وكنت كلما اشوفج وياا اتمنى اني وياج
كنت اراقبج من بعيد واتخيلج زوجتي
احس انتي هواي على قصي ومحد يستحقج غيري
شكد جنت احجي عليج كدام قصي اريده يكرهج بس بدون فايده قصي كان يحبج بجنون بشكل مو معقول
مالكيت اي طريقه حتى ابعدكم شكد حاولت أقرب عليج
بس ماكو فايده الحد ما مات ابوي
وبقا الحلال سوا اني وقصي كلشي النا سوا طمعت
بحصة قصي مثل ما طمعت بيج سنه كامله واني افكر شلون اخلص من قصي واخذ كلشي اليه وحدي
رتبت أوراق خاصه بلشغل وخليته يوقع عليهن بدون مايشوف شنو مكتوب ببهن هو هم مادقق لان عنده ثقه بيه
بعد ما وقع على التنازل
خليت ثنيين ولد جماعتي يوقعون على التنازل بصفة شهود
هبج حصلت الفلوس بعد شلون احصل فاطمه
فكرت بالف طريقه اقتله بيها بدون محد يشك بيه
مالكيتي اي فكره تناسبني الحد مااجا العرس معروف
هيج أعراس يصير بيها إطلاق نار للاحتفال
حضرت المسدس واخذته وياي بعد ما صممت قصي يروح وياي للعرس من رفض بلبدايه تخبلت اذا ضاعت مني هيج فرصه شلون راح اتخلص منه بعد
بقيت مصمم اله أخذه وانفذ الخطه من وصلنا هناك
بقيت احفز بلشباب حتى كلمن يحضر اسلاحه بس توصل الزفه نبدي نطلق نار نحتفل بوصول العروس
اني وكفت بمكان بعيد عنهم
شفت قصي واكف بلاخير مو بنص الرمي والهوسات
اخر واحد هو واكف مبين منزعج من العرس وهوسته
اني صرت ورا
بس بدو الشباب يرمون طلقات من اسلحتهم الخاصه
اني نيشنت على رأس قصي وانطيته الطلقه براسه
بلبدايه محد انتبه قصي وكع بلكاع لان صوت الطلق عالي والناس مخبوصه اني بس شفته وكع رجعت ليوره وشمرت المسدس بلنهر حتى محد يشك بيه
رجعت لكيتهم ملتمين على قصي وخايفين لان ميت
اني راسا حضنته وكمت اصيح اخوي اخوي
شسويت بيه من مصيبه
فاطمه....الله لا يغفرلك ولا يرحمك تقتل اخوك انت اكيد مو بشر انت شيطان
جمانه السعيدي
عمار....حقج كلشي تحجين حقج كنت متوقع بس يموت قصي اني اكدر ازوجج بحجة الجهال يتربون بيت عمهم
بس انتي عاندتي واخذتي الجهال ورحتي بيت اهلج
قررت افجر المفاجئه واكول قصي اتنازل عن كلشي
حتى تقبلين بهذا الزواج
بس انتي عاندتي بلزايد كلت هسه تتعب وتقبل
من شفت ابوج دك صدره وكال اني اتكفل بعيشها هي وجهاله
قررت احرك المحل بعد ماعدكم مصدر رزق وترجعين عليه
بس ماكنت متوقع ابوج يموت من الهبطه
فاطمه.....يااا انت الشيطان يتعلم منك الله يبتليك بمرض اصعب من هذا المرض
الله ياخذك ياحقير ابوي شنو ذنبه مات بسبك
عمار....اني استاهل اكثر من هذا هذا المرض نادر
وماله علاج شفتي رب العالمين شلون اخذ حقكم مني
فاطمه....مااعرف شحجي وياك
عمار....اني تنازلت عن كل الاملاك الجهال قصي
امي امانه عدكم اعرف كلبج طيب ومراح تعوفينها وحدها
اربد طلب اخير منج
سامحيني قبل لا اموت
سامحيني بلكت رب العالمين يخفف عني العذاب
سامحيني فاطمه انتي كلبج طيب
فاطمه....مراح اكدر اسامحك اني بسبلك فقدت زوجي وابوي
وعشت الضيم والتعب والقهر
شلون اسامحك مااكدر اسامحك ابد
عفته وطلعت امشي وابجي ابجي من هاي الحقيقه المره الي اكتشفتها متأخر حيل
شلون عقلي يصدك اخ يقتل اخو الوحيد
بعد شهرين من هذا الحادث مات عمار
ومحد قبل يغسله كلها تخاف من هذا الفايروس
والريحه المو طبيعيه الي تطلع من جسمه
لفو بلجفن ودفنو بدون تغسيل
بعد الفاتحه كلنا رحنا عشنا بيت عمي حتى امي اخذتها وياي بيت اهلي بعته
وقسمت الفلوس بين خواتي كل وحده اشترت بيت زغير وكعدت بي
عمتي حيل مريضه وتعبانه حتى ماتكوم من الفراش
بس اني ابد ماعفتها
المشرف على الاملاك استاذ حميد المحل الجبير
سدبنا والبقيه تجينا منهن ايجارات
وعايشين بخير ولله الحمد
الحد مايكبر محمد ويلزم شغل اهله من جديد
سؤال اخير لو انتم بمكاني تسامحونه
على هاي المصايب لو لا
دمتم سالمين
تمت
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺