رواية لهيب عشقه أحرقني جنون سايكو 🔥 قصص إدمان سيما .. Sima jarisse H. Y الجزء 8 🔥 البدايات 🥀🍷
 |
رواية لهيب عشقه أحرقني جنون سايكو 🔥 قصص إدمان سيما .. Sima jarisse H. Y الجزء 8 🔥 البدايات 🥀🍷
خرج جدي هاز السبحة عيط واااش كاين هي بدات تبكي قاتلو ولله يا بابا غير ما قتلها والو غير علاه ضربتي خوك كلاتني قتلها مرت خااالي وشبيك نتي لي بديتي منبعد تحصلي قالي جدي امشي منا قتلو بصح قالي رااااني نهدر خبطت رجلي حكمت سامي نكركر فيه من تركيو دخلت للكوزينة لقيت جدة تعجن قاتلي واش صرا هذا حتى تعيطو قتلها كريمة اللفعة قاتلي اخطيك منها قتلها جدة كشما ناكل قاتلي شوفي في الفريجدار سخني وكولي سامي قالي انا ثاني ناكل قتلو كون مشي شوي ولله ما تذوقها ديجااا وينهم ماما ولخرين درت لجدة قاتلي راحو يجيبو القش من داركم قتلها اوو ولبنات مزال ما جاو ( بنات خوالي عندي ربعة ولخرين كامل ذكورة ) قاتلي سلوى وصبرينة يباتو في الاقامة وعبير وخلود راح خالك يجيبهم قتلها ااا اوكي سخنت الشربة وكليت غسلت طبسيا وروحت للتاقة لي مقابلة الطريق ديركت كأنو اليوم عمري عشر سنين وقت كل يوم نجي هنا ونبقى نشوف لهذيك الدار البعيدة لي مداورين عليها النخل وصورها كبير قتلها جدة قاتلي انعم قتلها هذيك الدار تاعهم ياك قاتلي اممم هزيتلها راسي وخرجت من الباب زيرت على البيجامة من البرد مزيا المطر حبست قطعت الطريق وكملت لفوق دار وحدها في وسط مساحات كبيرة وعندها طريق خاصة تدي ليها بسيف باه وصلت خزرت لتحت نشوف في ديار الناس يبانو بعاااد وصغار قد كف يدي اول مرة نوقف هنا حاسة بإحساس غريب تملكني مشي موالف نحس هكا كان باب كبير ( بورطاي ) جاي احمر ولاصونات مغطية توالو هزيت يدي نصوني ونعاود نصوني ونعاود حتى سمعت من ثما كي قالت حبسوو راني جاية حبست نستنى الباب يتحل مع تحل قابلتني مرا تكون في الثلاثين مدايرة نص خمار وشعرها اصفر حكمتني لحظة ادراك انو خرجت بلقلمونة برك قاتلي شكون انتي ختي قتلها الياس هنا ؟؟ قاتلي انعم شكون نتي بصح مهدرتش معاها ودخلت وهي تقولي استناي نشوف للخير تاعهم لي كان مغطيه الصور جاردا مدايرة الدوبل الدوبل على دارنا توالها بيسين قلبي حبس جامي شفت حاجة هكا وشفت بيسين توال عيني حكمتني من يدي قاتلي استناي يا ختي قتلها عيطي لالياس سمعت صوت ورايا قاتلي ونتي كيفاه جيتي خزرت فيها سعيدة لابسة روبة موف تاع دار شعرها اصفر والذهوبات في يدها قتلها يرجعلي صوالحي قاتلي سمعنا بلي داركم غرقت قتلها وينو إلياس حلتلي الطريق قاتلي لفوق اطلعي لفوق خزرت فيها تاع منيتك قاتلها سااامية طلعيها لفوق لدارو بلعت ريقي قتلها عيطيلو هنا وين نطلع ليه بقات تشوف فيا من الفوق لتحت قاتلي نتي خت مرتو المستقبلية مالا اطلعي هو كيف باباك متحشميش منو درت يدي في جيبي ودخلت قابلني هول كبيييير معمر فوتيات وهذاك خوه وحيد متكسل مداير الكاسك ويلعب في لاتيلي البلاي الظاهر مش سامع بينا كامل صونا تلفوني في يدي وهذيك سامية تقولي اطلعي من هذي الجيهة طلعت وانا خايفة نرجف دورج شغل مدورين مشي كيما لي موالف نشوفهم وصلتني لفوق وتلفون يصوني حليم مبغاش يحبس نكوبي عليه يعاود قاتلي هذي دارو طبطبي ضك يحل عليك هبطت وخلاتني وانا مديت يدي نطبطب كل ما نقرب نعاود نرجع لور حتى درت الكوراج وطبطبت ولا نقول خبطت الباب عاودت مرة خلاف كي عيط شكوووووووون هذاااااا دورت الباص ودخلت نحوس عليه مش باغي ينوض يحل عليا شرعت عيني كي قابلني ايطاج كامل كيما راه ما فيه لا باب لا شومبرات جاي مشروح (سويت ) أبيض كامل كل جيهة واش فيها لمحت الصاك تاع البوكس معلق وملهيه فوتيات وجيهة الحيط مكتبة معمرة كتب شي 300 كتاب صوتو لي عيط خلاني نفيق وااااااااااش ديري انتي هنا شفتو كان راقد فوق السرير طار من بلاصتو لابس سيرفات رمادية قالي انتي واش ديري هنا حسيتو مشوكي لحق عندي وقف توالي صونا تلفون كوبيت قتلو اسمع اعطيني الخاتم تاعي ضك مهوش ليا راه تاع الراجل دار يديه ورا ظهرو قالي جيتي هكا ؟؟ طيرلي القلمونة من فوق راسي طبعني حتى طحت في لرض عيط جيتيييييييي هكااااااااااااا قتلو رجعلي خااااااتمي واش دخلك وزيد راه عندي صوالحك لي طاحو قالي تتمسخري قتلو ولله هات الخاتم نمدلك البراسلي تاعك قالي وينهاااا سمعت صوت طفل ورانا قالو بابا درت بلخف وهو راح مشي ليه قالو وليدي اخرج ضك نجي قالو شكون هذي الطفلة قالو مكاش روح خرجو برا وغلق الباب بلمفتاح ثما انا خفت نضت قتلو صاي بعد خليني نخرج رجعني عندو قالي وشنو هذي الكونفيونص لي عندك باه تقدري تجي هنا وتدخلي لشمبرتي وشنو هذي الثقة الكبييير لي تخليك ديري هكا شكون علملك هذا الشي يهدر وانا نرجع اللور عيط عليا اهدريييييييي قتلو بسبتك الخاتم مشي تاعي قالي مدام خطبوك معانها تاعك قتلو بعد ومدلي الخاتم قالي هاتي البراسلي قتلو الخاتم هو الاول قالي جيبي البراسلي قتلو منمدش نحيها من يدي بلخف خبيتها في صدري قالي زعما مراحش نحيهالك ؟؟ جبدني ليه عيطت لاااااااااا المهبول كان راح يديرها صح قالي جيبي خيرمن نديه وحدي قتلو تعيييش مدلي الخاتم راه السيد لي خطبني هذا وراثة من عايلتو تخنزر فيا ومشى قرب للكوافوز حل الدرج وجبدو رماهلي
❤️🌺🌹❤️🌺🌹❤️🌺🌹❤️🌺🌹❤️🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺