رواية لهيب عشقه أحرقني جنون سايكو 🔥 قصص إدمان سيما .. Sima jarisse H. Y الجزء 6 🔥 البدايات 🥀🍷
 |
رواية لهيب عشقه أحرقني جنون سايكو 🔥 قصص إدمان سيما .. Sima jarisse H. Y الجزء 6 🔥 البدايات 🥀🍷
وجهي دار قعدت نستوعب بلي هو ضربني حسيت الوجع يمشي من خدي لضروسي ووصل للساني لي عضيتو فجأة درت ليه نرمش مقدرتش نجاوب اول مرة واحد براني يهز يدو عليا اول واحد يضربني هكا بابا مدراهاش قالي شكون نتي حتى تقولي منقبلش كون عيني فيك تقبلي بسيف وتعيشي معايا بسيف عليك فهمتي بعدت وفقت على روحي عيطت عيطة حيووااااااااااااااااااان خبطت صدرو شكوووووووووون نتاااااااا حتى تضربني شكون نتا حتى تمد يدك عليا يا قليل التربية انا قلت هكا وهو زادني كف خلاف ضربتو لصدرو وليت نبكي قتلو بعدددددددد بعددددد قالي شكون هذا قليل التربية زدت ضربتو لصدرو سيييت نلحق لوجهو نردلو الضربة بصح مقدرتش حاكملي يديا هو بقى غير يشوف معايا وساكت قتلو بعد نحي يدك رجعت نفرفط حتى طلقني وهبطت من الطومبيل هزيت الحجرة ونخبط الزجاج تاع الكارو الناس لي كانو ثما حبسو يشوفو فيا وهو لداخل خفت لا نكون قتلتو بصح مهمني والو غير نرجع ضربتي ونبرد قلبي بابا الله يرحمو جامي مد يدو عليا يجي هذا الكلب يديرها مفقتش بخماري كي طاح وهو هبط بلخف قالي ارواحي هنا يا بنت $#$ ليوم نوريلك الطيارة تاعك وين توصلك شرع عينيه قالي خمااااااااارك طار عندي لبسولي وزيرو والجيران يشوفو معانا وحنا تحت المطر القطرة طاحت من جبهتو وصلت لخشمو وفاتت على شواربو رجفت حبسنا في نقطة وحدة هو يشوف فيا وانا نشوف فيه معلابليش كيفاه ندير دمعت عيني قتلو جامي ضربني واحد ونتا درتها قربني ليه قالي اطلعي يالله نوصلك قتلو بعددد معندك وين توصلني حليت الباب الكرسي معمر زجاج جبدت تلفوني والكارد وجيت مروحة مخلايتو وهو يشوف معايا طريق كومبلي وانا نبكي حالتي مبهدلة دارنا معرف وينهم هزيت تلفون نعيط على خالي بسيف باه حكمتو قالي اطلعي رانا الفوق جيت مولي ليك كوبيت وكملت طلعت ورا الباطيمات لي مقابلين ديارنا لتحت شفت خالي يروشلي بيدو وصلت ليهم وركبت بدات مرت بابا تحضن فيا وتقولي خفنا عليك مهدرتش معاها بدا خالي يسقسي فيا وشبيا قتلو ما بيا والو ديماري وشعل السخان تاع طومبيل راني بردت قالي هااا هي رجعت عيشة راجل تاع بكري تخنزرت فيه وكملت انا من بكري كنت نروح لدار جدي نلعب مع لولاد وديما قبيحة نضربهم يضلو يشتكو لجدي تحكمني ماما تشبعني سوط حتى نقول خلاص كبرت بصح نقصت فيا هذا العقلية وليت هادية بزاف حنا هكاك جينا مروحين شفت الطومبيل تاع الكلب هذاك طالعة حبس عندنا وهبط حل على خالي الباب قالو اهلا لباس قالو لباس الحمد ونتا قالو يخي مكان والو راكم ملاح قالو اواه ملاح دورت وجهي ليه نلقاه مركز معايا قتلو واش تخزر نزيد نكسرلك الكارو لوخر باه يبرد قلبك ياك ماما عيطت عليا وخالي نفس الشي هذاك خبط الباب وجا حل عليا جبدني من ذراعي توجعت حتى عيطت هبطت ماما وخالي يسلكو وخياتي خايفين قالي شوفي يا فرخة ندفنك هنا نجبد قلبك ونعفس عليه طبعني على طومبيل قتلو نحيييي يدك متزيدش تقيسني طاحلي الخاتم طار هزو قتلو هاااات لاحو في جيبو شرعت عيني قتلو هات واش دير قالي امشي طيري من قدامي فرخة قالو خالي صاااي إلياس تخنزر فيه قالو روح نتا ثاني منيش معاك ربي هذي الفرخة كيفاه تهدر منبعد ساهل قتلو متربييييية جبدني خالي طبعني داخل الطومبيل وانا نخبط ونعيط نقولو خاتمي راح هو ركب وجا خالي يسب فيا قتلو خاااااااتمي ياو تاع السيد تاع عايلتهم قولووو يجيبو قالي بلعي بلعي درتيلي مشكل وماما ناضت تسب كي العادة قلقت صح وليت نصك وحدي معليش يا البياري الكلب انا انا ونتا نتا نشوفو شكون يربح ديمارا خالي طول طريق وهو يهدر مع ماما ويقولها على القش وصاي هذيك الدار معادش وين تقعدو حتى يرجع الصيف قاتلو ولله مصيبة وطاحت علينا موالف يصرا هكا بصح مشي كيما اليوم مدة نص ساعة باه وصلنا لدار جدي يعني حنا نسكنو في السونطر تاع الولاية اما هوما يسكنو في البلديات القريبة ليها جايين كامل بنيان بكري بطوب والحجر قليل لي باني وزيد دار جدي. مشي ناس مرفهين ناس قيسهم قيس رواحهم وعايشين خوالي في رحبة مع ولادهم والضيق ياكل فيهم هبطنا وانا مزالني لابسة الروبة نشوف لكاميليا مشي مليحة مفهمتش وشبيها طبطبت في الباب حلتلي جدة كنت نرجف قاتلي جيييتووو يا ربي تقلقت عليكم حضنتني وزادت حكمت كاميليا تسقسي فيها انا روحت طول توال الفورنو نسخن روحي حاسة الحمى طالعتلي جا جدي يسقسي فيا قالي وشنو هذا لي في يدك قتلو الكادر تاع بابا قالي ربي يرحمو حسيت بوجع مش طبيعي في خدي معندوش يدين هذا عندو فاس تقول رشقولي فكي لتحت يوجع ويدي نفس الشي كي زير عليا نحيت خماري سمعتهم دخلو للصالو ويهدرو جات كاميليا قتلها واش صرا وشبيك قاتلي أسامة معرف وينو مزال ما بان قتلها باين راه مليح وشبيك نتي ثاني قاتلي واش صرا بينك وبين إلياس ؟ قتلها ضربني قاتلي وااااش قتلها ضربني بكف بصح انا كسرتلو الكارو تاع طومبيل قالتي احكي احكي قتلها ضك الحيوان معرف واش طاحلو في الدار وجا يندب عليا جاتو لحظة ادراك بلي رفضتو ايا قالي شكون نتي حتى ترفضيني كون عيني فيك ندير وبلا بلا بلا قاتلي يحوس على هذي هزتها براسلي تاع مرا مكتوب فيها Z قتلها تاعمن هذي زعما ؟؟
لهيب عشقه أحرقني ✨
جنون سايكو 🔥 ...
قصص إدمان سيما .. Sima jarisse H. Y
الجزء 7 🔥 : البدايات 🥀🍷
قاتلي ولله معرف انا كي ناض لمحتها هزيتها كنت راح نقولو عليها مي نسيت وخرج قتلها هاتيها قاتلي لاا نرجعهالو قتلها دالي الخاتم تاع حليم هاتيها باه يرجعلي الخاتم اكاميليا قاتلي علااه داه قتلها مهبول سااااايكو مش في عقلو خطفتها من يدها وهي تقولي هاتي تاع الراجل قتلها دالي خاتمي تعيشي ولله نمدهالو بشرط يرجعلي خاتمي تخنزرت فيا قتلها ولله يا ختي قاتلي وشبيك من يدك بصح هذا وين تولهت فيها الدم جامد قتلها تجرحت بيه هزت الفوطو تاع بابا قاتلي كنتي تحوسي عليها مقدرتيش تخرجي بلا بيها ياك ؟؟ قتلها امم (ادعولو برحما وجميع موتى المسلمين ) حضنتني قاتلي توحشتو بزااف قتلها كون تشوفي انا يا ختي سمعت صوت ورانا لقيتو بلال وليد خالي هذا الكبير فيهم عمرو 29 ولا 30 سنة يخدم عسكري من بكري انا وهو منتفاهموش وزداها كي. خطرة طلب نميرو من عندي محبيتش وموليتش نجي هنا بزاف غير على جالو صافحنا انا وكامي قالي واش راكي اكرام قتلو لباس ونتا قالي لباس حمد لله هذي غيبة وسمعت واش صرا ضك يا سلامات قتلو امم سلامات يا خويا روحت وخليتو ورايا حاصل فيها اصلا هذا الجور يجي حلاب وخلاطين وانا غير لافامي لي منخربش فيهم دخلت للكوزينة نحيت خماري لي مبلول وتحتو شعري اكثر للحظة تفكرت كيفاه كان وضعنا تحت المطر وكيفاه القطرة تاع الما مشات معااه ستغفرت وشبييك بركا ما تخممي فيه هو راح يرجع راجل اختك سمعتي راجل اختك انا هكاك نحكي مع روحي دخلت مرت خالي سلمت عليها وخرجت سمعت جدي يعيطلي دخلت عندهم للصالو قالي راح تقعدو هنا وتعيشو هنا حتى يلحق الصيف ويعملها ربي تاويل قتلو بصح قشنا كامل ثما قالي تنقص النو وروحو جيبو كلش خصكم ها هي الشمبرة لي توال الصالو ادوها نتوما قتلو ايه كيما تحب جدو ناضو كامل جات ماما دخلتنا للشمبرة ومرت بابا تشيح في سامي مسكين غاضني يادرا عائشة كيفاه حوالها في دقيقة حكمتني ماما من شعري مع كان مبلول حسيتو يخرج من جلدة راسي قاتلي احكي واش صرا مع عبد المجيب قتلها مااا صراااا والو قاتلي احكييييييي قتلها هو ضربني كسرتلو الكارو اطلقيني وقيل نسكتلو طلقتني قاتلي اسمعيني هنا تزيدي دوري بيه لحمك ناكلو هذا راه كبير عليك وقريب يولي راجل اختك تحترميه يا فيروز قتلها هو يضربني وقييييل ونسكت قاتلي وعلاااه ضربك قتلها بسك مريض مهبول نحيت الروبة باقية بلبيجامة حكمت بلاصة وقعدت جابتلي مرت بابا الفوطة نشيح شعري حتى خلصت تكيت فوق السرير نخزر للبراسلي زعما شكون Z مرتو ولا حبيبتو ؟ بصح هو كبير مزال يدور بهذا الشي ومدام مطلق ولا مرتو ميتة وعندو طفل ؟ اووف واش دخلني في حياتو انا تفكرت هذاك النهار لي جا للسبيطار منكذبش انو عندو شخصية تعشق فيه اي طفلة طويل وخشين عينيه فمو خشمو كلش فيه منحوت سبحان الخالق لي أحسن الخلق مام في عمرو ميبانش كبير وانا قلت كيفاه واحد صغير زي هذا يعيطولو الشاف الظاهر قديم في الخدمة تاعو وكبير بزاف تبسمت كي كسرتلو طومبيل تاعو مي راحت التبسيمة الخاتم تاعي راه عندو ولازم نجيبو مدام حليم مدولي امانة وعلى سيرتو عيط هو طرت بلخف هزيت عليه يقولي حبيبي وشراكي وهذا وين سمعت بلحكاية حطوها في الفيس وراو جيهتكم قتلو كل عام هكا بصح هذي المرة بزااف قالي وينك انتي ضك قتلو دار جدي قالي خلاص اقعدو ثما وغدوة تجي تخدمي ياك قتلو وي باينة قالي خلاص مالا دار جدك وين جاية قتلو في البلاصة الفلانية قالي نفوت عليك نديك قتلو لااا نجي وحدي حليم خلي غدوة ونتلقاو دخلتني دوزيام ابال من رانيا هزيت عليها نفس الشي تسقسي فيا كوبيت عليها كي خلصنا وتكيت ريحة البارفا تاعو مزالت لاسقة فيا ..قصص إدمان سيما .. حسيت بواحد يهدر عند راسي ووجع مش طبيعي حاكمني الظاهر مرضت حليت عيني خويا سامي مع بلال طرت من بلاصتي قتلو واش دير هنا منيتك قالي سمحيلي بصح سامي قالي فيروز راهي سخونة بزاف جيت نطمن عليك قتلو لا راني لاباس متزديش تدخل هكا تعيش بلال قالي اووكي سمحيلي خرج هو وانا حكمت سامي قتلو تزيد دخل واحد وانا راقدة نوريلك بدا يبكي ويعافر فيا خبطتو بكف قتلو زيد اضربني امشي طير تشوف راح خرج وانا نضت الدوخة حاكمتني درت القلمونة تاع البيجامة هزيت تلفوني لبست بليغتي وخرجت نرجف من السخانة حكمتني البرودة قابلتني مرت خالي حاكمة سامي قاتلي لاه تضربي فيه ؟؟ قتلها كيفاه لاه خويا وضربتو قاتلي متزديش تضربيه سمعتي قتلها كريمة تعيشي راكي مرت خالي خلي الاحترام ناضت دارت يديها على جنابها تشريلي فيها قاتلي ولله فقصتي من البيضة ووليتي تهدري غير البارح كنتي تريقي على روحك قتلها وعلاااااااه هذا الكلام ضك مامااااااااااا وينك شدي مرت خووووك عليااااااا
❤️🌺🌹❤️🌺🌹❤️🌺🌹❤️🌺🌹❤️🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺