رواية سيدة نفسي بقلم سارة العلي حصريه وجديده وكامله جميع الفصول علي مدونة افكارنا
 |
رواية سيدة نفسي بقلم سارة العلي حصريه وجديده وكامله جميع الفصول علي مدونة افكارنا
بغرفة فيها كتير من العاب البنات و"الباربي" واشياء كتير بللون الزهري،كان في تلت بنوتات صغار،،يادوب بعمر السبع سنين
وكانت صاحبة الغرفة(تالا)فرحانة كتير بوجود قريباتها عندها ليلعبو سوا، (تولين)و(تالين)بكونو بنات عم وتالا بتكون بنت عمتهن
تالا وهية ماسكة الباربي الخاصة فيها:ليكو هي الباربي تالا،هية رايحة علجامعة لحتى تدرس
تالين:ههههه لك شو بدك بلدراسة هلأ،جيبيها لتشرب قهوة مع الباربي تولين والباربي تالين
تولين:لا انا مو فاضية ليكو بدي نضف القصر للباربي تالين قبل مايجو ولادها
تالا وتولين ماعاد قدرو يسكتو من الضحك
تالا بضحكة طفولية جداً:لك مجنونة انتي،اي ولاد؟😂المفروض لسا بيدرسو
تولين:لا هية ماعاد بدها تدرس تزوجت وعم تربي ولادها
وقفت تالين وراحت اعدت جنب تولين وقالت:وانا كمان متل تولين،رح ازوج الباربي وخليها تنضف البيت
وصارت تضحك تولين
تالا سرحت بكلامن وتدايقت،كان بدها الباربيات كلهن يروحو سوا علجامعة ويدرسو
خلص اليوم وراحو الضيوف من بيت تالا واعدت ترتب غرفتا وهية سارحة بلباربيات بتدخل أمها
هدى:حبيبتي تالا لسا ماخلصتي ياماما؟
تالا:أي خلصت
هدى:طيب ليش هيك لسا ماسكة اللعوبات يلا لازم تجهزي حالك للنوم
تالا:ماما ممكن سؤال؟
هدى:اكيد ياعيون الماما
تالا:ليش لازم الباربي تبطل تدرس وتروح تربي ولاد وتنضف بيت
هدى:مين حكالك هيك؟
تالا:انا هيك فهمت،ليكي حتى انتي مابتدرسي وبتهتمي فينا وبلبيت،واليوم ونحن عم نلعب تولين حكت انها بدا باربيتها تتزوج وتالين كلعادة راحت تعمل متلها
هدى:أول شي ياعمري انا كان في عندي ظروف حتى ماكفيت تعليمي،بس هلأ مستحيل اتركك ماتكفي متلي،لأنو مافي شي بيمنعك صح؟تاني شي ممكن هنن عم يلعبو مو اكتر،لذلك انتي حاولي تنبهين علصح وبطريقة حلوة،اتفقنا؟
هزت راسا تالا بإيجاب،وباست خد امها وراحت تجهز نفسا لتنام
مرت ٨ سنين وهلبنات التلاتة مابيقدرو يفارقو بعض،محبة كبيرة بقلوبن،وعم تزيد الصداقة وتقوة،تقريباً صارو بعمر ال ١٥
#
وهلمرة كانو مجموعين ببيت تولين
تالين:لك وين رايحة
تولين:انتظروني رح جيب شي نتسلا فيه
وهية راجعة عغرفتا بتسمع أمها ووالموجودات عم يحكو عن صبية بتقربهن
أم تولين:يييي ياحرام عنَّست البنت
....:أي والله هيك سمعت،الله يكون بعون اهلها
هدى:لك شبكن ياجماعة هدو شو هي عانس ماعانس لسا البنت ماطبقت ال ٢٥
أم تولين:لاا خلصتا وفاتت بل ٢٦
ركدت تولين لتخبر البنات شو سمعت
تالين:لك أي والله أمس سمعت بهلكلمة ياترى شو يعني
تولين:متل مافهمتلكن،أنو هاد مرض،،مرض خطير وبيجي بنص العشرينات
تالا مصدومة:ياحرااام أنا مرة شفتا لهلبنت،والله حوينتا لسا صبية
تولين وتالين😔
رجعو علبيت،وكلعادة اسئلة تالا مابتخلص (مو غلط انو الأم تكون بيت اسرار بنتها وتحاول تصير اقرب لعمر بنتها ببعض الاوقات وتكون صديقتها،بلعكس الأم يلي بتعطي بناتها هيك فرصة،بتكون أعظم أم)
تالا:ماما☺
هدى بابتسامة:يلا تالا خانم احكيلي شو حابة تستفسري
تالا بضحكة:ههههه لك خليلي يلي بيفهم علي من نبرة صوتي
،،ماما مو أنا والله يلي سمعتكن،يعني بلصدفة...صدفة ها..سمعتكن تولين وانتو عم تحكو عن قرايبتنا يلي صابها مرض مو منيح
هدى😳:شو؟؟
تالا:أمي هي البنت يلي صارت بنص العشرين وصابها مرض الشو اسمو🤔مابعرف شو قالت تولين،قالت عانس
هدى فرطت ضحك:😂لك هاد مو مرض،الله يهديكن شو هلتفكير...
تالا:لكن شو هو😳
هدى:يابنتي هاد مصطلح خاطأ بيحكوه النسوان بين بعضهن عن أي بنت وصلت لعمر معين وماتزوجت
تالا:ليش البنت ضروري تتزوج يعني وبسن معين كمان
هدى:مو قصة ضروري أو لا،بس المفروض البنت تخلص دراستها وتبقا عم تعمل الاشيا يلي بتحب تعملا بحياتا،واذا اجاها الشخص المناسب بيرتبطو وبيتزوجو،ومو شرط يكون بعمر محدد
تالا:ماما أنا بدي كمل كل دراستي واعمل كلشي بخططلو،يعني اذا ماتزوجت بسرعة رح يصيرو يقولو عني هيك
هدى:خليلي بنتي الفهيمة،لاياقلبي..حتى لو قالولك هيك نحن مو قلنا كلام الناس مابهمنا،طول مانحن ماعم نغلط..ماحدا خصو فينا
تالا:أوك☺
باست امها وركدت عغرفتا...
كانت تالا تقريباً الوحيدة لأنو أخوها الأكبر سافر ليكفي دراستو برا البلد
حاولت تالا ترجع العلاقة بيناتن،بس المشكلة تولين ماعم تنسا وبين الفترة والتانية بترجع بتسمعا كلام
ووقت الامتحانات،نست تالا كلشي وركزت بدراستها وبس،لتقدر تحقق يلي ببالها
وتالين كانت تحاول تلاقي فرصة تدرس فيها،بعيد عن صريخ أمها وعصبية ابوها،وطوشة اخوتها الصغار
أما تولين..كان اذا درست بليوم ساعة بكفي وكتير بلنسبة الها
وهيك لحتى خلصو
تالا:ياالله بتصدقو وقت الامتحان بصير معي حالة نفسية،كتير بتوتر مع انو بحاول ادرس طول الوقت
تولين:وهاد اكبر غلط😂ليش لتضغطي عحالك واعصابك والله حرام عليكي
تالين:لك اااخ لو انا بقدر ادرس طول الوقت لادرس بس أمي بتضلا بتطلب مني اعمل اشيا بلبيت ومابعود بلحق كلشي
تالا:ياقلبي انتي،بس اطمني مابينخاف عليكي،ماشالله انتي ذكية وبتلقطي الفكرة من وقت الانسة عم تشرح
تولين:احم،،يعني نحن الاغبياء انسة تالا😂
تالا بضحك:لك لا والله انتي كمان ذكية،بس ذكاءك طاقة كامنة
تولين بتمثل بمزح:ااخ راسي،هسسس ولا حرف رح تلعي نفسي اوعك ترجعي تذكري شي عن الدراسة قال طاقة كامنة قال
وتالا وتالين صارو يضحكو عليها
وبعد فترة،فتحت تالا لتحاكيهن عكروبن الخاص(ثلاثي المرح)
تالا:كيفكن صبايا وين غاطين
تالين:هون لسا عايشة انا😂
تولين:وانا كمان،لسا مامتت من ريحة المنظفات،والشغل يلي مابيخلص
تالين
تالا:هلأ سمعوني،كيف تجهيزاتكن لبكرا؟
تولين:انتي ليش بتحبي تجيبيلنا الجلطة بأحاديثك،ليش عطول مصممة تذكريني
تالين:ههههه عأساس يعني نسيتي انو بكرا النتائج
تولين:خلص انا رايحة سكر وانتو كملو احاديثكن النكدة
تالا:😂 وتاني يوم متجهزة تالا،فرحانة وبنفس الوقت متوترة
هدى:طيب ليش ياقلبي كل هلتوتر؟انتي مو واثقة انو قدمتي كلشي عندك
تالا:اي،،بس خايفة يروح تعبي
هدى:لا تالا،بنتي لازم تكوني قوية،وواثقة من نفسك،المهم يكون المخ عم يستوعب ويفهم والمعلومات عم تثبت،والعلامات شي ثانوي
باست امها وركدت طيران لتاخد بنات خالها وتروح تستلم النتيجة
(اغلب الاوقات بيلتهي الانسان عن اولوية الأمور وبيفكر بلشي الثانوي،لذلك لازم نركز علمواضيع الاهم والاشيا التانية لحالا بتجي)
وبعد وقت...
تالا بفرحة شافت تالين وركدت لعندا
تالا:تالين لك تامة مو منقصة ولا علامة ياالله شو فرحانة
بتضما تالين وبصيرو يبرمو:هههه لك وانا ناقصني بس ٥ علامات،كتير منيح عدراستي😂
بتوقف تالين وتسرح بشي،بتلتفت تالا لتشوف وين عم تتطلع،بلاقو تولين وهية متدايقة كتير وراسا بلارض
#
ركدو لعندها
تالا:شبك تولين حبيبتي؟ليش هيك متدايقة
تالين:ليكون...
رفعت عيونا عليهن:أي أنا رسبت😏
تالا:...
تالين:ييي ياعمري انتي لاتزعلي
تولين:مو زعلانة بس يخسارة الكم ساعة يلي درستن😒
تالا مسكت نفسا بلويل لحتى ماتتنائر معها:طيب لاتزعلي بتعوضيها السنة الجاي
تولين:نعم؟؟سنة جاي مين،،أنا ماعاد ادرس لهون وبس
تالا🤨:انتي صاير شي بعقلك؟بعدين انتي قلتي للبكلوريا رح تدرسي
تولين:اي هاد الحكي قبل ماارسب،وهلأ اكيد امي مارح تخليني كمل اذا شافت هلعلامات😅
تالين:هلأ ممكن افهم شغلة؟ليش كنتي متدايقة وعيونك بلأرض
تولين:لك لا مو متدايقة،بس علامتي بلعربي عالية،وكنت مستغربة من وين جبتا😂
تالين:😂اذا هيك حقك
رجعو علبيت وأول ماوصلو... عند تالا:مامااا،،ياأمي..تعي تعي هدى😎رفعي راسك جبتلك الأولى علمدرسة
هدى:ييي ياعيون هدى انتي الف مبروك وعقبال البكالوريا،لك يخليلي ياكي ومايحرمني منك يااحلى بنت بلكون،بس وليك شو هي جبتلك ماجبتلك،يابنتي انتي عم تدرسي لنفسك،مو النا او مشان ترضينا وبس
تالا:صح ماما،بس هيك من فرحتي حبيت فرحك
هدى:طمنيني عن نتيجة تالين وتولين
تالا😔:الحمدلله تالين نجحت بس..تولين رسبت
هدى:لاحول ولا قوة الا بلله😔هلبنت ذكية بس عم تروح ذكاها بطياشتها
تالا:وغير هيك أمي هية بدا توقف وماتعيد سنة الجاي،وانا كتير متدايقة ومتأكدة تالين رح تعمل متلا
هدى:لا لا أنا رح احكي مع خوالك ونسوانن،مستحيل لازم يكملو اقل شي للبكلوريا
أما عند تالين
تالين بفرحة:ماما أنا نجحت
أم تالين:ايه ياسعدي ويافرحتي😒شو اعملك يعني منيح مالك جايبتيلي الشهادات العليا،هية حادي عشر
تالين بغصة:عكل حال الله يبارك فيكي
أم تالين:وليك عم تردي بوجهي😳،بعدين تعي لهون بنت عمك شو صار معا،وبنت عمتك كمان
تالين:ياحرام تولين رسبت
أم تالين:هه خلي بقا أمها تزوجا احسن من روحة وجية وبلآخر رسبت
تالين:بس ماشالله تالا جابت الاولى عكل المدرسة😍
أم تالين:وفرحانة يابعدي وجاية بدك هنيكي وافرحلك،شو عندا زيادة لحتى تجيب اعلى..ولا صح اكيد عندها مخ وانتي ماعندك،بكرا عمتك بتجاكرنا ببنتا وبتجي بتسمعنا كم كلمة على الترباية وعلاقة الاهل بولادن،قال يعني عم تطور مع تطور الزمن😏
وقفت الدمعة بطرف عينها وراحت عغرفتا،لتبدا تداوي بجرح جديد من أمها
(الأم هية يلي بتربي وبتعلم..وبتأسس،بس هلأ هلأم دمرت شخصية،وحبطت بنت عم تبني حالها،كرهتها بلدراسة..اصعب شي عند البني آدم مقارنتو بغيرو بهي الطريقة🥀)
#
فاتت عبيتها،محتارة كيف رح تكون ردة فعل أمها
تولين:احم...☺كيفك نبع الحنان
بتطلع فيها أمها وكأنو قلبها حسسها:والله النبع نشف،مابقي لا نبع ولا حنان،تعي قربي لهون
تولين:😍يي خليلي قلبك شتقتيلي
أم تولين:ولك تعي عطيني هلنتيجة لنشوف
تولين:مافي داعي،شو نسيتي انك بشرتيني فيها من بضع أيام🤗
أم تولين:قلتيلي بضع مو هيك،والله لخليكي متل الضبع
تولين:لك روءي ام لؤي،خلص لعيونك رح اكنس وامسح واجلي وكلشي شغل بلبيت رح يكون على كاهلي من هون ورايح
أم تولين:بلله،ليش فكرك في غير هلشي رح يصير
ستمر النقاش لعدة دقائق،وانتهى متل ماكانت مخططتلو تولين،يعني كانت متوقعة هلشي ومالها متدايقة بنوب
وبعد كم يوم،عزمتهن هدى ماقدرت تعملها فرحة لبنتها لأنو بنت اخوها رسبت،لذلك خلتها جمعة عادية
ومن بين الاحاديث،فاتت هدى بسيرة الدراسة متل ماوعدت بنتها
هدى:أنا برأيي تبدي دراسة من هلأ ياتولين،وبلأخص المعلومات موجودة لسا،وهيك بس يجي الامتحان رح تقدمي وتكوني الاولى انا متأكدة
تولين:هههه ياعمة..
وقبل لا تكمل بتجاوب أمها:لا خلص تولين مارح تكمل،رح تقعد بلبيت احسن،ليطلع نصيبها
هدى:شو عم تقولي ياأم تولين،ونصيب البنت من التعليم؟
أم تولين:بظن أخدت نصيبها وزيادة مافي داعي لسنة زيادة
هدى بتلتفت عتولين:طيب بتحبي حدا يساعدك بلدراسة؟انتي متل بنتي ومستحيل اقبل تتركي دراستك من هلأ
أم تولين:الله يخليلك بنتك،ماشالله مافي متل بنتك،اهتمي بتعليما وبكفيكي هلقد
نحرجت هدى كتير،تمنت أخوها يحكي كلمة أو يكون ألو رأيي،بس الظاهر مو مهتم بلسيرة بنوب،وكلعادة تارك كلشي عرأي مرتو
أم تالين:أي والله أنا رأيي من رأيك ياأم تولين،لسا بروحو وبجو عهلمدارس،ودخيلك آخرتهن عشغل البيت والخلفة،شو بدن من الدراسة
تدايقت تالا وقالت:إذا متل ماعم تقولو وبلفعل آخرتهن هيك،أقل شي بتقدر تدرس ولادها ومابتحتاج حدا يدرسلها ياهن،وتاني شي إذا انتو ماقدرتو تتعلمو وبقيتو هيك مابصير تخلوهن مجرد نسخة عنكم
تطلعو فيها الأمهات منزعجين،بس أمها ماتدايقت من كلاما،مافيها شي إذا عم تناقش الكل بحدود..لازم تتعلم لأنو رح يجي يوم وتبقى وحدها بمجتمع مابتعرف عنو شي
أم تولين:إيوااا،،يعني هيك بدك ياهدى يعلموهم بلمدارس؟والله شي حلو
أم تالين بهمس بس تقصدت تسمّع هدى:والله لو بنتي يلي حاكيتا لخرسها بطريقتي
تالا نحرجت وراحت عغرفتها ولحقوها البنات
تالين:شفتي كيف أنا بقلك خلينا نأعد لحالنا احسن
تالا:....
تولين:خلص غيرو السيرة
بعدو البنات عن تالا نوعاً ما،بسبب امهاتن،لأنو بنظرن تالا رح تخلين يتعلمو منها
تالا حاولت تلهي نفسا بلدراسة وبديت تجهز للباكلوريا قبل ماتبدا المدرسة
أجا اخوها الكبير اجازة كم يوم،اسمو(تيم)فرحت تالا كتير بوجودو،اخيراً رح يتغير شوي روتين حياتا
بتحبو كتير وهو بحبا وتجمعت العيلة من جديد،حتى أبوها اوقات بسافر واوقات بيلتهي بلشغل بس بجيت تيم تجمعو سوا
وبعد يومين اتصلت هدى بأخوتها ليجو ويشوفو ابنها قبل مايرجع يسافر
وبلسهرة كانت تالا كتير متحفظة وماعاد فاتت باحاديث معن،وبما أنو كل مرة بكونو خوال تالا ساكتين هلمرة تيم ماخلاهم يسكتو،ويحكي معهم بقصص ومواضيع وبطريقتو المتحضرة والمثقفة،تالا كتير فرحانة بأخوها وصار يكبر حلمها وقت تسمعو بدا تصير هيك متل اخوها
وبطرف تاني كمان كان في نظرات اعجاب من صبية ناعمة وهادية كتير
تالين بهمس:ماشالله عليه ليكي كيف خلا بابا وعمي ينطقو مع انو بلعادة طول الوقت ساكتين او علتلفزيون
تولين:هه شو عجبك يعني🙄اصلاً بيشبه عمتي كتير سمعتي عهلكلام،وتالا صايرة متلن بيعاملونا بفوقية
تالين:بشو😳لك سكتي سكتي
تالا:شو عم تتهامسو انتو التنتين،تعالو معي علمطبخ لنعمل قهوة
بلمطبخ
تالا:يعني ماغيرتو رأيكن
تالين:اا..
تولين مسكتا من ايدا:لأ ماغيرنا،خلص نحن عنا مشاريع تانية
تالين:ماما عم تندهلي ثواني وبرجع
تالا بحزن:تولين بترجاكي تركي تالين تختار بنفسا،لاتدمريلا مستقبلا والله رح تندمو
تولين😒.... وهية راجعة لعندن علمطبخ،متدايقة من كلمات امها وهية عم تنبها من تالا مشان مايسمعولا
تالين بتهمس لحالا:تالين لاتحكي تالين لاتعملي تالين وتالين
تيم بيبتسم:شو😅شبها تالين
تالين بخجل وجها صار احمر:ولا شي كنت عم احكي مع...
تيم:مع مين
تالين:معي..🙂
تيم اجتو الضحكة وتالين صارت تطلع فيه عضحكتو الغريبة😅
تولين طبت عليهن:احم...تعي تالين بدي ياكي
راحو عجنب:شو كنتو عم تحكو
تالين:ولا شي لك...امي كانت عم تقلي نروح نأعد معن ومانبقا مع تالا لحالنا يلا تعي
وبعد يومين سافر تيم ورجعت تالا غاصت بدراستها
ومر الزمن عهلحالة وتالا جابت مجموع بيقبل اي شي بتختارو،بس هية ختارت حقوق عبالها تصير محامية
أما عند الصبايا تولين وتالين كانو مقضينها بلبيت وزيارات بين اقاربهن،ناطرين الفارس يلي رح يجي ياخدهن عحصانو الابيض🤦🏻♀️
#سيدة_نفسي
#سارة_العلي
#الجزء_الثاني
مرت السنين وصار عمرهن ٢٨
ولسا ناطرين الارتباط،بس ماكانت تظبط،وكل مايجي شخص لوحدة منهن مايصير نصيب بسبب رفض من احد الطرفين
أما تالا كان نصيبا من العرسان أقل شي،لأنو كانت محددة شروط للزواج
وبحديث من احاديث البنات بلكروب
تولين:ثلاثي العوانس😭
تالين:لك تضربي مين هيك قال
تالا:🤣لك موتيني ضحك،بس والله كتير حلو
تولين:عم تضحكي مو هيك،لك نحن خلص خلصت مدتنا وراحت علينااا😭
تالا:ياعمري ليش نحن معلبات بسوبر ماركت
تولين:لك انتي رح تطققي عقلي،لك يابنتي ماعم نعرف نحب ولا نرتبط ولا نتزوج لك ولا شي،انا مليت من اهلي مو معقول صرلي ٢٨ سنة معهن
تالين:قصدك هني يلي ملو منك🤣أنا برأيي خلص لازم نتأقلم علوضع😔
تولين:بدك تتأقلمي؟عشو؟على انك عانس؟ولا على تسميع وتلطيش أمك كل يوم،،ولا ولا...
تالا:أنا بدي كون شديدة معكن،ليكو لو سمعتو كلمتي ورحتو كملتو تعليم،ماكنتو حكيتو هلحكي
تولين:بلله..بدك تقنعيني لو درسنا وطلعنا كنا لاقينا هلمغضوب،هي حضرتك لهلأ ماتفركشتي فيه
تالا:لك ماقصدي هيك؛قصدي كنتو غيرتو شي بحياتكن،ليكو انا مو هاممني هلموضوع،عم اعمل اشيا بتعجبني اكتر،ومقتنعة وقت رح يصير وقتو الله رح يبعتلي ابن الحلال
سكرو علسيرة كلعادة،كل ماتالا تقلن علتعليم كانو يتدايقو منها ويحسو أنها عم تجاكرن لأنها صارت محامية... تالا كملت بجامعتا وعملت كتير اختصاصات بتعجبا،ودخلت معاهد متنوعة،وكانت عم تدرب بمكتب محاماة بس خلصت وتقريباً جاهزة لتكون محامية مستقلة بذاتها
وبعد كم يوم اتفقو يطلعو يفطرو برا تلاتتهن
تولين:وشو صار معك ماخلصتي تفكير
تالين:لا ماخلصت،محتارة وخايفة وكلشي
تالا:احم..نحنُ هنا..شو عم تحكو
تولين:تعي احكيلك🤣ياستي تالين اجاها عريس واخيراً رح تنحل هلعقدة..
تالا بفرح:حلو😍مين وشو عمرو وشو دارس احكو كلشي،معقول مخبيين عني هلموضوع😔
تالين:ياعمري لاتزعلي بس لأنو الموضوع مو كتير جدي،انا خايفة من هلورطة
تولين:ورطة شووو لك الشب عأصلو،وعأساس عندك خيارات كتيرة حتى مترددة
تالين:تالا هو مطلق،عندو 3 اولاد ورح نسكن ومعنا أمو كرمال تشوف معاملتي للولاد
تالا😳
تالين:شو رأيك؟
تالا:بلفعل متل ماقلتي،ورطة..لك كمان يعني ياريت مرتو متوفية هي عايشة وبصير تزعجك وتعملك مشاكل،اديش عمرو؟؟
تالين:٣٥،هو تزوج كتير صغير وبنتو بعمر ال١٣ الكبيرة،وصبيين اصغر،ماكانو متفقين هو ومرتو وكان متحملا كرمال ولادو بس بلآخر هية طلبت الطلاق
تالا:تالين انت مستوعبة شو يلي عم تقولي؟معقول توافقي
تولين:أي وليش ماتوافق؟عم تقلك مطلقين ومو متفاهمين شو رح يرجعا؟؟
تالا:أي بترجع مشان ولادا او الغيرة او اي شي،،تالين لازم تعرفي سبب الطلاق
تولين:هلأ تعو سمعو يلي عندي تركونا من تالين
تالا:تفضلي شو عاملة انتي كمان
تولين🤗:أجاني عريس
تالين وتالا صارو يضحكو عشكلا
تالين:يلا احكي كلشي عنو
تولين:عندو فيلا😍وسيارة😍وعندو كتير مصرات وشافني صدفة وحبني كتير🤗
تالا:ايوا معناها هو من عيلة منيحة وابوه عاطي كلشي لحتى ملحق يعمل كل هدول
تولين:احم🙄
تالين:متزوج؟؟اديش عمرو
تولين:ههههه لك مرتو ميتة..شو رأيك تالا هيك اضمن صح😁
تالا:أي نوعاً ما...اديش عمرو
تولين:هو كبير شوي،بس مو مهم،،بلعكس هيك بتدلل عليه وبيعملي كلشي بريدو،خلص هو ناضج بشكل كبير ورح يتفهمني وننبسط كتير سوا
تالين:اديش عمرووو🙄
تولين:يعني بحيطان الاربعين
تالا وتالين:شووووو😳😨 تولين:لك شبكن،،شواية تشويكن
تالا:احكي اديش عمروو بلظبط
تولين: ٤٨ حاجتكن تحقيق يلا تالين تأخرنا
ووقفت لتهرب منهن
تالا:لك انتي مجنونة شي؟كيف بدك تتزوجي رجال بعمر ابوكي
تولين:لك لااا اصغر منو
تالا:تولين حبيبتي مابصير هيك حرام عليكي والله رح تندمي
تولين بعصبية:لك انتي وبعدين معك،الصغير ماعجبك والكبير ماعجبك،شو بدك مننا،ولا لأنو حضرتك ماحدا بيدق بابك وخايفة تصفي عانس لحالك صار مابدك نتزوج
تالين مسكت تولين من ايدا وشدت كرمال تسكتا
وتالا نجرحت كتير من كلامها،وقفت مسكت غراضها
وقالتلن:اسفة صبايا،انا بعتبركن خواتي وغاليين عليي لهيك عم انصحكن من خوفي عليكن،بس اذا رح تفهمو النصيحة غيرة انا بطلت انصحكن
تولين:بكون احسن لو بتعرفي تنصحي كنتي نصحي حالك بلأول ولاقيلك شخص يتزوجك ليكون سندك،فهمنا دارسة ومثقة بس مو.... تالا ماقدرت تسمع باقي كلامها تركتن ومشت
تالين:ليش هيك عملتي
تولين:ولا حرف ها،من ايمتى انتي بتعترضي عشي بحكيه،لذلك بتسمعي الكلام وبتوافقي علزلمة حاجتنا رح نصير بلتلاتين ولساتنا اعدين
عند تالا فاتت علبيت وهية متدايقة كتير
هدى:شبك ياعمري،مين زاعجك
وكأنو تالا كانت ناطرة كلمة لحتى تبكي
تالا ودموعا عخدا:طول عمري بتمنالن الخير اكتر من حالي،لك هدول رفقات عمري،ليش بحياتن مافهموني صح،أنا ماعاد اتدخل فين بحياتي،ورح ابعد عنهن كمان
هدى:ياقلبي انتي لا تدايقي حالك،بلعكس يابنتي هاد الموقف لازم يعلمك درس،أوعك تزعلي هلأ،بدي منك اي ضربة بتجيكي من قريب او غريب...تقويكي..تعلمك درس ماتنسي طول حياتك... تالا:أنا قوية أمي...وبوعدك رح كون قوية عطول..بس أوقات هيك بحس حالي ضعيفة وبوعدك مارح يكون الضعف غير قدامك انتي...الضعف كتير حلو بحضنك
ضمتها لحضنا وبعد شوي
تالا:ماما..قالولي بدهن سند..يعني اذا تزوجو رح يلاقو السند!!
بس بتعرفي مو لأنو بنت لازم يكون في مين يسندني..أنا رح كون السند لنفسي ولغيري،رح اسند اي شخص ضعيف ويكون بحاجتي
هدى فرحت ببنتا كتير،كل يوم عم تلاقي نتيجة التعب يلي عاشتو لتربي ولادها...وتأكدت من الكلمة يلي كانت تسمعا من امها..انو الانسان متل مابيزرع بيحصد...وهية زرعت بولادها الخير وهلأ عم تلاقيه
أما عند تالن وتولين..فاتو عبيت تالين
تولين:كيفك مرت عمو
أم تالين:اهلين لعادة رجعتو ماتأخرتو
تالين:اي ماما ملينا
تولين:ليش عم تقولي هيك،احكيلا شو صار
أم تالين:شو صار احكي انتي،مابتعرفي بنت عمك مابتحكيلي شي
تولين:هههه ياستي أول ماحكينالا لتالا.....
(وحكتلا كلشي صار..) أم تالين:هه مابستغرب يعني شو بدو يطلع من بنت هدى غير الغيرة والكره
تالين:ليش انتو هيك بتفكرو البنت ماهيك قصدها
تطلعو فيها تنيناتن لتسكت...
تولين:اصلاً الحق عليكن يامرت عمو،لو انتي وامي خلفتو قبلنا شبين حلوين مرتبين..كانو هلأ نجبرو فينا وتزوجونا🤣
أم تالين:بلله..هي عمتك عندها شب ليش مانجبر فيكي مثلاً
تالين اجتها متل نخذة بقلبها من الحديث
تولين:ييي مالاقيتي غير هاد،بدك عيش مع شخص متل عمتي بنفس البيت و٢٤ ساعة🤣بعدين لاتنسي هاد دارس ومثقف😏مارح يقبل بوحدة متلي او متل تالين
بتسرح بكلامهن تالين بعد شوي بتتركن وبتروح عغرفتا
وبتلحقا تولين
بغرفة تالين
تولين:لك شبك ليش تكهربتي اول مااجت سيرتو
تالين:سيرة مين؟؟
تولين:لاتعملي حالك مو فهمانة عليي...تالين فهمي يلي ببالك مستحيل يصير،انتي بمكان وهو بمكان،هو الو حياتو وانتي بعيدة عن حياتو
تالين:لاتكفي،مية مرة قلتلك ورح ارجع قلك مافي شي من يلي عم تفكري فيه
تولين:اثبتيلي هلكلام.. تالين:كيف يعني؟
تولين:وافقي عزواجك من الزلمة يلي متقدملك وهيك بتأكد أنو مافي مشاعر تجاه شخص تاني
تالين:طيب....أنا رح وافق..بس مو فوراً زواج
تولين:مو مشكلة انا رح اتزوج قبلك😜
تالين:مبسوطة؟؟
تولين:كتير...مابتصدقي اديش فرحانة،بكرا خلص رح تتغير كل حياتي،ويصير يدللني ويقلي أمري وانا بنفذلك
تالين:ايه نشالله
نكشتا تولين عكتفها وصارت تضحك
أما عند تالا،،بديت بشغلها الجديد،والمكتب جاهز
وصارت تستلم القضايا يلي بتناسبا فقط
وتولين،حددت موعد كتب الكتاب مع(عادل)
ومقضيتها دلع عليه وهو فرحان فيها عم يجدد شبابو😏
تولين بدلع:بس لازم تخبرهم ممكن يدايقونا أو يكرهوني بزيادة
عادل:مافي داعي بعد الزواج رح يعرفو،هنن عندن علم اني رح اتزوج بس ماخبرتهم اي وقت
تولين:طيب خلينا نعمل حفلة بليييز
عادل:لا بلاها...يعني مو حلوة
تولين:شو يلي مو حلو،هي فرحة عمري😔عدولة يلا قول اي
عادل:لك ياقلب وروح عدولة طيب رح اعملك حفلة بس الك ولاقاربك انا ماعندي معازيم
تولين:لك تؤبر قلبي ريتك
عادل بحب:بعيد الشر عن قلبك حبي
بمكان تاني
أم تالين بعصبية:لا اله الا الله،،اكيد رح تجننيني انتي خلص الجماعة بدهن خبر ولسا بتقولي ماتخذتي القرار
تالين:ياامي فهمي عليي...
الأم:خلصنا..ولا حرف زايد،أول مايتصل الزلمة بأبوكي رح يحددو أقرب موعد
تالين بحزن:حاضر
وصار موعد حفلة تولين،كانت بمكان مناسب صغير عقد المعازيم،حفلة عادية مجرد لبست الفستان وفرحت مع صديقاتها...بس طبعاً عادل ماقبل يفوت لأنو مو مستعد يسمع أي مدايقات
تالا قربت لعندها:مبروك حبيبتي،عقبال..(وماعاد عرفت تقلا عقبال شو)
تولين:ههه الله يبارك فيكي حبي عقبال عندك
تالين:تعالو نرقص سوا يلا تعوو
صارو يرقصو ويغنو،حاولت تالا تتناسا القصص وترجع تفرح متل قبل كم سنة،مع بنات خالها يلي بتحبن كتير
فاتت علفيلا معو..فجأة حست بشي غريب
خلص هية صارت عندو القصة مو لعبة،وبديت تتأقلم عحياتا معو،وهو كان كتير لطيف معها،وحاببها بلفعل
وتالين تقابلت مع زوجها المستقبلي(غسان)
كان لطيف معها،شرحلها كتير تفاصيل عن حياتو،وحكالها انو رح يحاول عطول يسعدها بس اهم شي انو تتفهمو وتحب ولادو
وتالين بطبيعتا بنت لطيفة ومؤدبة،يعني ماقاطعتو وكانت عم تسمعلو بهدوء..وبديت ترتحلو نوعاً ما
ومرت الأيام وتحدد موعد زواج تالين
أما بفيلا عادل بيك
كانو الصبح ونايمين،بيصحو عصوت ضجة
بينزلو لتحت ليشوفو مين هيك عم يصرخ،عادل بيشوف ابنو
شب وعمرو تقريباً ٢٣ معصب علخدم يلي عم يخبرو انو عادل نايم وهو الا بدو يشوفو
عادل:هاااي شبك شبك،وين مفكر حالك فايت انت مارح تتعلم الأدب
كانت نازلة وراه تولين بس حاولت تبقا بعيدة شوي
بيتطلع فيهن ابنو(نهاد)بيقلو:مبروك يااا...أبي سمعنا أنك تزوجت
عادل:أي نعم،وين الجديد ماأنا مخبركم الك ولاختك(نهال)أنو رح اتزوج
نهاد:والله؟وبنت بعمرنا كمان،لك شو تركت لهيبتك بهلعملة
عادل بعصبية:ولاك انتبه عحالك،أنا ابوك استحي
نهاد بيقرب عليه:ومسكنها بفيلا..اكيد ليش معقول تقبل بواحد قد ابوها غير إذا رح يقدملا كلشي بيملكو
رفع ايدو وضربو،تولين نصدمت بحياتا مافكرت عادل يكون عصبي هيك
نهاد نكسر بزيادة بيتطلع بطرف عينو بأبوه،بعدا بيتطلع بتولين بقهر وكره...بيترك المكان وبروح
طالع عادل عغرفتو وبيمرء من جنبها..
تولين:عادل ليش هيك عملت
عادل بكمل طريقو:موشغلك... بمكان تاني،عند تالين
تالين:ألو كيفك توتة
تالا:تمام حبيبتي وانتي
تالين:بخير،شو بدي قلك انا تحدد موعد كتب كتابي،ومارح يكون في عرس قلتلو مافي داعي..لذلك بدي تكوني جنبي مجرد جمعة صغيرة بين العيلتين...ورح خبر تولين لتجي
تالا:اكيد ياقلبي،رح كون جنبك مابتركك
تالين:يخليلي ياكي
سكرو التلفون...أما تالا جواتها متدايقة،ماكان عاجبها الوضع وخايفة كتير عليها
وبعد كم يوم جتمعو ونكتب الكتاب...وبعد ماجهزت ليمشو
وهنن بلسيارة مع أمو وتولين وولادو
غسان:رح وصلك علبيت انتي والولاد،يومين ورح ارجع
الأم:رح تتركنا يومين؟يعني شو معناها تروحو علفندق
غسان:أمي شو حكينا،خلص يومين ومنرجع
بيمسك ايد امو يلي اعدة حدو وببوسا،ومأعدة عاروسة ابنها ورا جنب الولاد
تالين ماكانت منتبهة شو معنى هيك تفاصيل..
وبعد ماوصل أمو والولاد قلها:تعالي نزلي لجنبي،بعتذر بس يعني تقديراً لأمي لازم تأعد جنبي
تالين بابتسامة ناعمة:عادي ولا يهمك
غسان فرح بتالين،وتمنا تبقا هيك هادية عطول كان خايف يفشل مرة تانية بلاختيار
نزلوا علفندق،كان عم يعاملها بحنية وهداوة،وهاد الشي خلاها تحس بشي اسمو أمان،بحياتا ماتعاملت بهداوة من أمها او ابوها،بس هيك لحظات حلوة بتمرء فوراً وصار موعد رجعتها علبيت
غسان:بتمنى ماتدايقي من أمي شو ماحكت،وبدي ياكي تحبيها،هية قلبها طيب كتير بس شوي عصبية بسبب الولاد
تالين:الله يقدرني لاسعدكن كلكن...
فاتو علبيت،كانو الولاد لسا مو نايمين مع أنو الوقت متأخر،والدنيا مكركبة وأمو اعدة بتتابع تلفزيون وبتصرخ عهاد وهاد.. غسان بيروح عند امو وببوس ايدها:كيفك أمي
بيسحب تالين وراه وكأنو عم يقلها تعمل يلي عملو
بتقرب وبتبوس ايد حماتها
تالين:كيفك مرت عمي
الأم:ماشي الحال،لك ابني الله يصلحك بتعرف هلولاد بجننوني اذا انت مابهدلتن كل يوم بليل،برضاية عليك لاعاد تتركلي ياهن هيك
تالين:بتأمري مرت عمي ماعاد تتكرر،وبأذن الله رح حاول اتقرب منن وغير كلشي
مريم(بنت غسان):ليش شبنا حتى بدك تغيرينا،شو قالولك مجانين
❤️🌺🌹❤️🌺🌹❤️🌺🌹❤️🌺🌹❤️غسان:عيب بابا شو هلحكي،خالتك ماقصدت هيك،هية بس قصدا رح تتساعدو سوا لتغيرو الاشياء الغلط،وبعدين ليش لهلأ صاحيين خدي اخوتك ويلا علنوم
راحت البنت،فاتت تالين بدلت واعدو مع حماتها،كانت سارحة طول الوقت،بلشت تحس بشي تاني...متل الخوف من يلي جاية،إذا هيك كان الاستقبال شو رح يصير بكرا،البنت كرهانتا وشي واضح
تاني يوم راح غسان وتالين فطرت الولاد،ونضفت البيت وبس خلصت
تالين:مرت عمي شو رأيك أعمل اكلة علغدا من يلي موجود بلبيت
الحماية بتطلع بجنب عينها:ليش بتعرفي تطبخي😒
تالين:يعني وسط😊رح اطبخ وبتعطيني رأيك علغدا
#سيدة_نفسي
#سارة_العلي
#الجزء_الثالث
وبعد كم ساعة سمعت صريخ مريم على اخوتها،ركدت وبدها تخلص بيناتهن
مريم:وانتي شو خصك؟هدول اخوتي وانا عم ربيهم
تالين:ماشي ياعمري معك حق انتي اختهم الكبيرة وبتموني بس مو هيك،ليكي انا رح حاكيهم وانتي روحي شوفي دراستك
مر وقت وكانت تالين كل هما تتقرب من الاولاد وأم زوجها..
بس ماقدرت تتقرب غير من الطفلين الصغار،لأنو مريم بنوب مو طايقتا،والحماي كذلك الأمر..وتالين مابتقدر تحكي أي شي لزوجها خايفة تعمل مشاكل
أما عند تولين،المشاكل عم تزيد مع ولاد زوجها،غير المدايقات يلي بتوصلها منهم،وراحت حكت كلشي لزوجها
تولين:يعني أنا مابسمحلن بنوب يهينوني هيك،أنا بكون مرتك عيب عليهن يحاكوني بهي الطريقة
عادل بعصبية:خلصنا تولين مو شايفة كيف ليل نهار عم اخانقهن،بس هنن ماعم يستحوا
تولين بدلع وتمثيل الحزن:عدولتي والله مشانك هنن لازم يحترموك،وشو بدن مننا يعني واذا تزوجنا،لازم تلاقي طريقة لتحلوها
عادل هدي شوي:معك حق،كرمال هيك أنا خبرت أخي(فادي) ليجي اليوم ونتفق عشي حل،هو بيفهم عليهم ومقرب الهم
تولين:طيب حبيبي ع خير،لكن لجهز كم شغلة لجيتو.. وطبعاً بسبب مشاغل الحياة،تفرقوا تماماً عن بعضهم،البنوتات الصغار يلي كانو مايفارقوا بعض هلأ كل وحدة صرلها حياتها الخاصة
أما تالا..كانت مستمتعة بحياتا وهية عم تحقق طموحاتا،وكل قضية بتستلما بتاخد عهد عحالا انها تنجح فيها لأنو واثقة أنها ختارت القضية الصح،وبتسعا عطول لتحقق العدالة
كان في كتير اصدقاء حوليها يحاولو يتقربو منها،بس هية تاركة مسافة بينها وبين الكل،حتى صداقات بنات ماعندها كتير،بلنسبة الها صداقتها لقريباتها يلي خربت درس كتير منيح لتبطل تعمل اي صداقة
وبيوم عند تالين
غسان:يسلم ايديكي الاكل طيب كتير
تالين بابتسامة:الله يسلمك صحة
مريم بتدايق:أنا فايتة عغرفتي... وتالين بتاخد الاولاد لتنيمهم
الأم:نشالله مرتاح معاها
غسان:انا مو مهم،المهم انتي والولاد،كيفها معكم طمنيني؟
الأم:يعني،وسط..حالياً جديدة مابتقدر تحكم عليها لتطالع وجها الحقيقي
غسان:لا امي مابظن علاغلب هية هيك طبيعتها،صدقيني طيوبة كتير
الأم:هه رجعنا عنفس الموال،شو نسيت أنو هاد نفس الكلام يلي قلتو عن مرتك الاولى... كانت تالين رايحة تجيب مي للولاد،وسمعت هلكلام وحاولت تهدي حالا ورجعت
أما مريم،كانت عم تحكي بلتلفون مع أمها..وخبرتا كلشي صار
كانت يومياً تحاكيها وتوصلها نشرة كاملة عن يومهم،والأم تبدا تعلمها كيف تتعامل مع تالين
#
بفيلا عادل..
فادي:مساالخير كيفكم؟
عادل:اهلا وسهلا أخي تفضل
اعدو فادي ومعو خطيبتو،نزلت تولين بكامل أناقتا وسلمت علضيوف واعدت جنب عادل
كانت نظرات فادي وخطيبتو شوي غريبة،واكيد عرفت السبب،تولين مع أنو عمرها ٢٨ باينة اصغر من هيك كمان،وعادل باين عليه انو اكبر من عمرو..يعني الفرق واضح وكبير
وبعد احاديث بين فادي وعادل راحت تولين لتجهز السفرة..وقت تجمعو كلهم علطاولة...نتبهت تولين لشي تاني،كان التناغم بين فادي وخطيبتو شي مختلف كتير عن علاقتا بعادل...بغض النظر أنو عادل بحبها بس هو عنجد بعاملا كأنها صغيرة..أما فادي وخطيبتو شي تاني شخصين ناضجين ولابقين لبعض كتير...غصت وماقدرت تكمل الأكل
وبعد شوي كانت بلمطبخ مع الصبية
تولين:ليش اديش في فرق بينك وبينو
البنت:سنة وحدة أنا عمري ٣٥ وهو ٣٦
تولين باحراج بس الفضول ماعم يخليا تسكت:يعني انتي... متزوجة من قبل أو شي...اسفة بس انو لهلأ انتي ماتزوجتي؟
البنت:هههه لا..أنا مارتبطت لهلأ..تعرفت ع فادي من فترة
تولين:😳يعني كنتي عانس
البنت:احم..شوو
تولين:هههه الله يوفقكم سوا..تعالي نفوت لعندن
وبراس تولين الافكار عم تتخابط،،يعني معقول في بنات كتير بتأخرو لهلوقت ليتزوجو..وعادي يعني بيلاقو عريس ومن عمرن كمان،،لك ااااخ من حظي
وبعد ماراحو
تولين:وانشالله لاقيتو حل؟
عادل:اي طبعاً أخي فادي انسان متفهم وواعي،بيقدر يتعامل معهم
تولين:بس ابنك عينو قوية ووعنيد
عادل:خلصينا سكري علسيرة شو بدك انتي..قومي نروح نتسطح،سبقيني لاحقك
تولين:طيب
بيطالع من جيبتو حبة بياخدها وبيروح وراها
أما عند تالا..
فاتت علبيت تعبانة كتير ومو عطبيعتا..بتأعد علكنبة وبتتنهد
هدى:اوف،كل هي؟؟شو صاير معك بنتي
تالا:ولاشي بس هيك قضية آخدة تفكيري
هدى:الله يحميكي يابنتي ويقويكي عفعل الخير
تالا:آمين.. فاتت عغرفتا،ولسا غايصة بأفكارها..شو يلي عم يصير ياترى صح يلي عم تعملو ولا فيه غلط... وبآخر الليل..بفيلا عادل
بيصحا وهو حاطت ايدو عصدرو وعم ياخد نفسو بلويل..
بيصحي تولين
تولين بقلق:شبك حبيبي شو صار
عادل عم يحكي ونفسو دايق:تو..لين..هاتي..هات.ي...مي
ركدت وعطتو مي وبعد دقايق.. #
وبعد دقايق بيهدا وبترجع انفاسو بتركز
تولين بخوف:عادل لازم تشوف دكتور،ليكون صاير شي معك لا سمح الله
عادل:لا لا عادي مرأت عخير مافي شي
تولين:حبيبي هلمرة مرأت مرة التانية مابتعرف شو ممكن يصير،العمر ألو حقو لازم تعمل فحوصات...
عادل بينظرلا نظرة قاسية:شو قلتي؟شو قصدك أني ختيرت؟ليكي تولين أوعك ترجعي تحكي هلكلام عم تفهمي
تولين:بعتذر مو هيك قصدي...عادل وين رايح
عادل:بدي انزل علحديقة..شم هوا
تولين بنفسا تدايقت لأنو حاكتو هيك،بس هية عنجد خايفة عليه
أما عند تالا..وبهيك وقت متأخر بيرن تلفونا..وصلتا رسالة
مجهول:معقول لسا عم تفكري؟إذا بتفهمي وانسانة واعية متل مو سمعان عنك بتتركي هلقضية..ماشي
تالا قالت بنفسا:هاد اكيد مجنون،اكيد تهديداتو مافي منن نتيجة يعني مامعقول كرمال قضية طلاق يصير تهديد..بلأخص الطرفين موافقين...ياربي شو يلي عم يصير
وتاني يوم الصبح،بتتصل بموكلتها وبتطلب تشوفا بلمكتب،وبلفعل بتجي لعندها
تالا:احكيلي بلتفصيل،انا بدي اعرف كلشي حتى لو موضوع بنظرك تافه
ريما:بسيطة كتير،أنا بدي انفصل عن زوجي،بس في عندي بنت ومستحيل اتخلا عنها
تالا:هية اكيد صغيرة والحضانة ألك
ريما:بس زوجي كمان بدو البنت متل مابتعرفي،وممكن يوكل محامي وياخدا مني
تالا:وثقي فيني،صدقيني مستحيل خليهم ياخدو بنتك من حضنك،بس سؤال صغير...يعني في حدا من العيلة رافض الطلاق
ريما بأحراج:بصراحة أي..العيلتين رافضين
تالا:طيب اسفة بدي اعرف ليش
ريما:هو زواجنا كان باتفاق بين أبي ووالد زوجي،كرمال الشغل وهيك..يعني اذا صار رابط بين العيليتن بنظرن بيصيرو ضامنين شغلن سوا اكتر وماحدا بيغدر بلتاني
تالا:وشو بيشتغلو
ريما:مابظن هلشي مهم بلقضية،عكل حال هنن عندهم شركة تجارة متلهم متل اي شركة تانية
ماعاد تقدر تسألها اكتر،لأنو البنت عم تسكر البواب بوجها وبعد شوي مشت
وبمكان تاني..تحديداً ببيت غسان
تالين:صدقيني مرت عمي أنا ماحكيتا هيك
مريم:ليكي أنا مابكذب،وتيتا بتعرفني منيح..انتي صرختي عليي وقلتي بدك تاخدي بابا مننا(صارت تمثل البكي وراحت عغرفتا)
تالين:مرت عمي...
الحماية:ولا كلمة،تالين انا بعرف مرت الأب بتكره ولاد زوجها بس أوعك تفكري ممكن اسمحلك تأذيهم،هاد البيت بيتهم وانتي الدخيلة علينا،يعني اذا بتفكري تعملي شي ماتلومي الا نفسك..وابني تزوجك لسبب واحد وهو ولادو،فلا تفكري ممكن تاخدي منهم
تالين احتراماً لحماتا سمعت كل التجريح والبهادل...او يمكن ضعف مو احترام وبس...ولما خلصت حماتا راحت عغرفتا واعدت تبكي
# (شي طبيعي بنت تعلمت وتربت انو تكون ضعيفة وتستقبل التوبيخ من الكل..يكون هيك ردت فعلا،هية حتى ماقدرت تدافع عن نفسا بحرف)
وبيجي آخر شي غسان علبيت
غسان:كيفك أمي
الام:من الله بخير
غسان:خير شو صاير؟
الام:ولاشي،بس المشاكل عم تزيد ياابني ومرتك ماعم تراعي ولادك منيح،وعم تتنائر مع مريم
غسان:كيف وقدامي بتكون معهم كتير حنونة
الام:مابعرف،انت نبهها وخبرها انو اهم شي عندك هني الاولاد
بتركها وبيفوت..بتكون عم تبكي
غسان:ليش عم تبكي
تالين:هه..اهلا غسان ايمتى رجعت
غسان:ليش عم تبكي...شو صاير؟
تالين:ولا شي،هيك نفسيتي شوي تعبانة مو اكتر
غسان:كرمال هيك عم تطلعي خلقك ع مريم
تالين مستغربة:كيف؟؟
غسان بشد عكلامو:ليكي تالين حكيتها من قبل وبرجع بحكيها،انا خبرتك اهم شي الاولاد،وبس كنتي منيحة معهم رح شيلك عكفوف الراحة
تالين:اا...
غسان:احكي..ليش سكتي،ليش عم تبكي؟
تالين:حاضر،رح انتبه عليهن اكتر وماعاد زعلهن بنوب
غسان بهداوة:الله يرضى عليكي ياتالين،بعرف ممكن تلاقي صعب عليكي،بس بتاخدي ثواب فيهم،ومكانتك بقلبي بتزيد
بتطلع فيه،وبتشوف الحنية بعيونو بترجع بتسكت وبيضما
تاني يوم..
عادل بيروح ليعمل تحاليل،لانو مو اول مرة بيصير هيك معو،بس مارح يخبر تولين بلموضوع
وبعد فحوصات ووقت طويل
الدكتور:انت ممنوع تاخد اي ادوية بدون وصفة
عادل:دكتور،انا لسا مادخلت بل ٥٠ حتى
الدكتور:ماخص،انت قلبك ضعيف مابيتحمل ابداً ولازم تنتبه منيح عحالك
عادل:كيف يعني دكتور؟
الدكتور:يعني غير ضعف القلب عندك كتير قصص تانية،لذلك رح اكتبلك ع حمية غذائية انت عندك السكري بتعرف هلشي،وكمان الضغط وهدول التنين بيدمرو الانسان اذا مانتظمو،ولازم تاخد العلاج بانتظام..واكيد مافي داعي للادوية يلي حكينا عنها قبل
عادل بينزل راسو بلأرض بيأس:طيب دكتور.. بيرجع عبيتو متدايق ومهموم..
تولين:شبك ياقلبي
عادل:ولا شي،اتصلي بأخي فادي بدي ياه يجي لعندي لنشوف شو صار كرمال الولاد،بلكي بيقبلو يجو يعيشو معنا
تولين:شووو😳
عادل بيتطلع فيها:هدول ولادي ياتولين،بدي شوفهم قدام عيوني
تولين راحت واتصلت ع فادي ليجي..وبعد كم ساعة بجي وبيحكي مع اخو بغرفتو ومابتقدر تسمع منهم شي،هو خبر اخوه بيلي صار معو عند الدكتور..وبس طلع شاف تولين اعدة ومتدايقة.. قرب لعندها:كيفك
تولين بابتسامة خفيفة:تمام بخير
#
فادي:احم،يمكن تدايقتي من فكرة انو يجو ولاد اخي ويسكنو معكم،بس صدقيني مارح جيبهم لحتى اتأكد انو مارح يدايقوكي بحرف
تولين:شكراً الك بس...
فادي قرب واعد علكنبة التانية:بس شو؟قولي أنا متل..اخوكي
تولين:بصراحة فادي لما عادل حكالي انو بدو ولادو يكونو جنبو،اجت ببالي افكار بتوجع كتير
فادي:متل شو؟
تولين:يعني هو معو حق،بس وانا؟انا كمان ايمتى بدي شوف ولادي
فادي بيتطلع فيها نظرة مابتعرف شو معناها:احم..يعني..انتو مو حاكيين بهلقصص قبل
تولين:كلشي صار بسرعة وانا ماكنت مفكرة بلموضوع لاحكي فيه،وهلأ بخاف افتح السيرة ويتدايق مني
فادي:لا..خليها للزمن،انا رح امشي..انتبهي ع عادل هو بحبك كتير
تولين:وانا بحبو
فادي رجع تطلع فيها ذات النظرة..وتركها ومشي
بتمرء الأيام،وبيقبلو نهال ونهاد يرجعو عند ابوهم،والكره مالي قلوبهم تجاه تولين،ومابيتعاملو مع بعض بنوب،حتى مع ابوهم العلاقة مو زيادة
أما عند تالين،مريم ماعم تتركها بحالها وسمعتا مرة بتحاكي أمها وكان حديثهم كلو شر تجاها
ويوما اندق الباب راحت لتفتح،بتطلعلا وحدة مظبطة حالها كتير منيح وريحة عطرها لأخر المنطقة.. غصون بقرف:زيحي هيك..لسا واقفة بوجهي
تالين مصدومة وعم تطلع هيك😳
بتفوت وراها وبتوقف بس عم تتابع يلي عم يصير
غصون:خالتي أم غسان،لك تؤبري قلبي شو شتقتلك
الحماية😒:اهلين غصون،بلاقيكي عنا،خير
غصون:خير يصيبك،والله جاية لشوف الولاد
بتفوت مريم:ماما حبيبتي(بتركد وبتضما)
وبعد شوي بروحو عغرفة مريم وبسكرو الباب،الحماية شافت تالين متدايقة،بس ماحكت شي..لأنو هية اصلاً مو طايقة التنتين
وبتمرء ساعة وتنين وتلاتة وهي لسا عندن،يعني تالين بنت هادية كتير بس انو الغيرة لا بد منها..معقول رح يجي غسان ويشوف هديك بهلمنظر..وتالين بتياب البيت ودوبها بتلحق تنضف وتدرّس وتشتغل
وبلفعل بيجي غسان بسلم ع أمو،وبيتطلع مبتسم بوجه تالين
غسان:كيفك ياعمري
تالين وقبل مايجي غيرت تيابها وظبطت نفسا شوي وحطت عطر ناعم وقالتلو بخجل:مشتقتلك وانت كيفك؟
وفجأة بيطلع صوت بيقاطعهم
غصون:كيفك غسان.. غسان بيفتح عيونو😳بيلتفت بيلاقهيا بوجهو وبيسرح...
فات غسان عغرفتو ونادا لتالين
غسان:هي شو عم تعمل هون
تالين:قال جاية تشوف ولادا
راحت غصون وراحت أيام معاها،بس المشاكل عم تزيد وتالين عم تنهان ومو قادرة تحكي،وصلت لمرحلة مريم صارت تغلط عليها لذلك ماقدرت تتحمل وحكتلو لغسان،وهو بلمقابل راح وبهدل بنتو
وتاني يوم وقت طلع من البيت،نادت الحماية لتالين وبديت تبهدل فيها،وسمعتا اسوء الكلمات وهددتا إذا بترجع بتحكي شي لغسان رح تخلي يطلقا
كانت تالين خايفة يطلقا،لأنو كلمة مطلقة متل ماحكتلا امها اصعب بمية مرة من كلمة عانس
بس شي زاد عن حدو وتالين بقيت تخبر غسان
غسان:لك خلصنا،انا تعبت تعبت
تالين بحزن:غسان والله مابريد تعبك بس عنجد شي مابينحمل أنت تزوجتني لكون خادمة ومربية وبس؟؟
غسان:لاحول ولاقوة الا بلله،لك كرهتوني فوت علبيت انتي وامي..بتعرفي انا تاركلكن البيت وماشي
بتنقهر تالين وبتبكي
أما بفيلا عادل
الوضع عم يسوء وحالة عادل عم تدهور،لأنو نفسيتو لعبت دور عصحتو لذلك ماعاد يقدر يقوم من تختو حتى
وتولين صارت تساعدو بكل شي،ويومها كانت تولين مطالعة العشا علغرفة وعم تاكل هية وياه
تغيرت معاملتو كتير صاير عصبي زيادة،والدكتور عم يقول انو عضلة القلب عم تتعب اكتر
تركتو ونزلت لتحت بتطلع بوجها نهال
نهال:هه شايفة كيف مختطاتك كلها فشلت،الله جاذاكي،عرفتي هلأ انو بابا تزوجك لتكوني ممرضة وخادمة بس
تولين:نهال،انتبهي عكلامك منيح لانو مو ناقصتك
نهال:والله؟يعني شو ممكن تعملي،لكن انتي لهلأ مو عارفة حالك شو..انتي#@%$ وتزوجها بابا بس ليغير شوي من حياتو لاتكبري بحالك زيادة
هون تولين ماعادت متحملة وضربتها كف قوي لنهال
كانو التنتين مصدومات لثواني وبيكون نهاد صار بوجهن
بيمسك عأيد تولين وبيشد لدرجة بتحس رح يكسرا
نهاد:ليكي سمعيني منيح،إذا بترجعي وبتفكري مجرد تفكير تمدي ايدك ع أختي..بكسرا وبرميكي برا هلبيت عم تفهمي..ولاعاد تشدي ضهرك بأبي..لأنو ماعاد رح يقدر يحميكي مني
بتركد علحديقة وبتصير تبكي..
وين السند؟؟وين يلي كانت عم تحلم فيه..وينو عادل يلي رح يعيشها سعادة ابدية..
للأسف كان كلو مجرد وهم وتفكير غلط وصلها للهاوية
#سيدة_نفسي
#سارة_العلي
#الجزء_الرابع
أما عند ناس تانية،الطمع مالي قلوبهم
آعد رجال لابس اسود بأسود وواقفين قدامو رجالو
...:أي يامعلم،مع كل التهديدات يلي وصلولها ولسا مستمرة بلطلاق وبكرا أول جلسة بيناتهم
الرجال:لعما مااقوى عينها،لك أنا ماحدا بيوقف بوجهي،واذا بيتم الطلاق رح ينهدم كلشي فوق راسي،وننفصل عن شركة ابو ريما وبلمقابل منخسر خسارة كبيرة
....:طيب ليش ماتحاول مع محامي الطرف التاني يلي رح يكون ضد تالا
الرجال:لا هاد (غيث)محامي شاطر وعنيد كمان،وبس سمع بلتهديد رح يخلص من القضية اسرع،وممكن كمان يحاول يكشفنا لأنو عندو اصدقاء بلأمن،أما تالا عضما طري وبس سمعت بلقتل رح تهرب
....:رح نقتلها؟؟
الرجال:مابعرف،هية يلي رح تقرر إذا بتستغني عن روحا أو روح حدا من عيلتها
تاني يوم..بلمحكمة بتوقف ريما وجنبها تالا منتظرين موعد المحاكمة
طبعاً اصرار ريما لتعرف النتيجة انو البنت مع مين رح تبقا بعد الانفصال خلاهم يشتغلو عهلموضوع قبل،وبيبقا الطلاق شغلتو بسيطة.. غيث:مرحبا،أنا غيث المحامي لسيد(كمال)
تالا بنظرات قوة:اهلا،الاستاذة تالا..يلي رح تاخد القضية هلأ وتمشي
غيث بيتطلع فيها بسخرية وبيفوت لأنو رح تبدا الجلسة
وحكو للقاضي أنو الطرفين بدهن البنت بعد الطلاق،حكت تالا أنو البنت صغيرة لذلك الافضل تكون بحضانة الأم
أما غيث،حكا أنو ريما مو أهل لانو تربي بنت،لأنو بتشتغل بشركة وبتسهر كل يوم مع اصدقائها أما كمال رح يهتم فيها ويأعدها عند امو واختو
وبعد مناقشات ومحاولات القاضي لمنع الطلاق،قرر يأجل القرار لحتى يبحثو منيح بموضوع الحضانة
تالا بتطلع معصبة كتير وريما بتروح لتحكي مع كمال
تالا بتقول لغيث:لك انت ماعندك قلب؟كيف بتحكي هلكلام جوا؟انت بتعرف اذا البنت بعدت عن امها شو ممكن يصير
غيث ببرود:هه انتي فهمانة القصة غلط يااستاذة،البنت ابدا مارح تكون بخير مع أم مهملة
تالا بعصبية:ولك انت شو عرف....(ولسا ماكملت بيوصلها هلمرة اتصال من مجهول)بتتلبك وبترد
تالا:ألو
....:أي ياحلوة،نحن قلنا عنك فهمانة وعقلك كبير،وبتفهمي من رسالتين تهديد،بس طلعتي غير هيك
تالا:يلي وصلك هلحكي عني مابيعرفني منيح،ليك أنا وقت بحط شي براسي رح اعملو لو شو ماكان
...:هههههه يعني على موتك
تالا بتسكت شوي وبتطلع بعيون غيث،بتبعد عنو:أي على موتي
...:بتموتي مشان طلاق؟!طيب ممكن الموت مايكون ألك
تالا:شش..شوو قصدك؟
...:ههههه خليكي مكملة،والأيام رح تخبرك شو قصدي
بتسكر التلفون
#
بكون وراها غيث وبيسمع يلي حكتو
غيث:استاذة تالا
بتنأز وبتلتفت عليه:احم..خير في شي
غيث:لا بس انتي قولي..في شي؟
تالا:بلله؟لك شو خصك اف ياه
بتتركو وبتمشي
ولسا يادوب بتطلع من المكان وغيث بيكون وراها كمان بدو يطلع بيكون في شوية تجمع علبوابة..وفجأة بتصرخ تالا
غيث بكون قريب بيمسكا:شو صار
هية بتكون ماسكة ايدا وشوية دمع بعينها وعن تتلفت هون وهون لتشوف مين عمل هيك بس مابلاقو حدا مو طبيعي
بيمسك ايدها بلاقي دم:لك مين هيك عمل(وبيشد عايدها كرمال ماتنزف)
تالا:بسيطة ماصار شي،خدش سطحي
غيث:في دم ليكي..خليني اخدك علمستوصف بعدا منجي منشوف كميرات المراقبة
تالا:لا لا ماصار شي بكون بلغلط..مابدي تكبر القصة
غيث:طيب تعي وصلك
تالا:لك انت هلأ عدوي،كيف بدك اطلع معك
غيث:عدو شو؟يعني اذا كنا ضد بعض بلمحاكم رح نكون اعداء
تالا:هيك شي...عن اذنك
بتروح عبيتها بتوصلا رسالة:هي كانت شدت ادن متل مابقولو،بس صدقيني لسا ماشفتي شي
تالا:شو بدكن مني؟
...:توقفي الطلاق وبس،وهيك منتركك بحالك
تالا:هي قضية وانا مسكتا،قولولي السبب لحتى فكر
..... وماعاد وصلها رد
تالا بشخصيتا القوية صار بدها تخلص من القضية اسرع،وغضت النظر عم التهديدات كلها،وبعد كم يوم وقت الجلسة التانية
وقبل مايفوتو بتجي مكالمة لكمال
كمال:ألو...شو..ايمتى هيك صار؟طيب بأي مشفى؟يلا جاية بسرعة
بتركد لعندو ريما:كمال شوفي
كمال:البنت رتفعت حرارتها كتير وهنن بلمشفى...عم يقولو حالتها خطرة
بيركد وريما بتلحقو
غيث:لك..هدول وين راحو
تالا:شو رح نعمل هلأ
غيث:رح نحضر بغيابهم
وبعد وقت قصير،قرر القاضي تكون البنت للأب وباقي الطلاق بس لازم بحضور الزوج والزوجة..لذلك تأجل الطلاق
بتطلع تالا معصبة كتير:انت اسوء انسان بشوفو عوجه الارض
غيث:عفواً؟؟
تالا:لك انت محامي انت؟عنجد انك بلا قلب والبنت رح تدعي عليك كتير هية وامها....بتمشي تالا وهي معصبة
بيلحقا لأنو زعجتو كتير بس مابترد عليه..بتطلع من البوابة وبتبعد لتروح تاخد سيارة وترجع عبيتها..بس بتجي سيارة مسرعة تجاها..وهية بنص الشارع وبيطلع صوت مكابح عالي
بتمرء لحظات كلشي اسود بعينها..بس لسا سامعة وحاسة بكلشي،بتفتح جنب عينها بتلاقي حالها بحضن غيث بتتفاجأ وبتبعدو
تالا:لك...
غيث:كيف هيك مابتنتبهي كنتي رحتي فيها
تالا:كيف هيك صار انا ماشفت السيارة وفجأة...لك كانت مسرعة كتير
غيث:تالا انتي لازم تحكيلي كلشي،واضح كتير انو هي كانت محاولة قتل،أو تهديد...
تالا:بسبب قضية ريما
غيث:شو؟؟تعالي نفوت علكافيه القريبة من هون وبتحكيلي كلشي
وبعد وقت قصير حكتلو كلشي
غيث:لك انتي كيف هيك بتستمري بلقضية بدون ماتخبري الشرطة أو تعملي اي شي
تالا:أنا مابخاف من شي،وبظن وحدة متلي دخلت هيك مجال رح تتعرض لكتير قصص فما معقول من أول مشكلة استسلم
بيتطلع فيها وبيسرح بعيونها يلي واضح فيهن القوة،مع أنو قبل دقايق كانت رح تموت
غيث:أنا رح شوف المضوع و... رن تلفونها..غيث:فتحي وسمعيني شو رح يقولو
بتفتح الموبايل
...:ههههه لك الحمدلله علسلامة،شفتي كيف نحن منحبك ولسا عاطينك فرصة..وبلمناسبة سلميلي عأستاذ غيث،بيباااي
بتطلع فيه،غيث:فيكي تنسي القصة نهائياً أنا رح اتصرف
تالا:بس..
غيث:وثقي فيني أنا عندي معارف ورح نكشف القصة ببساطة،بس خليني اتصل بكمال لنطمن علبنت...
ألو كيفك كمال،طمني شو صار...أها..ماشي سلامتا يارب،الله يحفظا..ليك كمال(بيتطلع بعيون تالا وبكمل)القاضي قال البنت رح تكون ألك في حال تم الطلاق
تالا بتنزعج وبدها تقوم،بيمسك أيدها وكأنو عم يقلا ستني،هية بتطلع بأيديهم مستغربة
غيث:كيف يعني تأجلو الموضوع؟..طيب بس شوفك منكمل
(وبسكر التلفون)
تالا:خير؟؟ممكن تترك ايدي
غيث:اعدي شوي،سمعي كمال بدو يأجلو الطلاق
تالا:طيب كيفا البنت
غيث:عم يقول انها احسن،بتعرفي بتمنى هلموقف يصلح يلي بيناتهم وترجع العلاقة اقوى
تالا:ليك..عم فكر بشي،ريما قالتلي أنو العيلتين رافضين الطلاق..معقول حدا منهم ورا التهديد
بيسرح غيث لثواني:هه لك اكيد..وهلأ صار كلشي واضح رح شوف الموضوع وبحاكيكي
وبيعطيها موبايلو..بتقلو:شو؟
غيث:يلا كتبي رقمك مشان اذا استجد شي خبرك
بتبتسم وبتاخد بتكتبلو الرقم
بترجع علبيت تعبانة بتفتح الباب،بتشوف شخص وبتنصدم بتثبت بأرضها
#
تالا لسا متفاجأة:تيم😍
بتركد وبتضمو بقوة وهو بشد عليها
تيم:وليك آاخ شو شتقتلك
بيبعدا شوي..وبقلا:لك كبرانة،نشالله يكون يلي جوات هلراس كبران كمان
تالا:لك طبعاً،لكن كيف بدي حل قضايا الناس
بيضحكو وبيفوتو بيقعدو كلهم سوا
أما بفيلا عادل
تولين بخوف:عادل،بترجاك خود نفس لك عادل
كان بين ايديها ومو قادر ياخد نفس بنوب،بتحاول تحطلو الاوكسجين عأنفو وبتنزل بتصير تصرخ بهستيريا
تولين:نهاااد،لك يانهاد طلوب الاسعاف بسرعة
نهاد:لك شبك شو صار
تولين:ابوك..ابوك مو قادر ياخد نفس
بترجع لعندو ونهال وراها بيقعدو معو عم يبكو ويحاولو يساعدو،ونهاد اتصل بلاسعاف
هية دقايق،وهدي عادل تماماً...بس ماكان الهدوء يلي تمنوه
كان الهدوء الأخير،سحب آخر نفس بصعوبة ويمكن ماقدر ياخدو..وثبت بعدها ماتحرك
وكمان نهال وتولين جمدو معو،نهاد قرب منو يناديلو بس مافي ولا حركة..ولا نفس..ولا حتى نبض
نهارت نهال بلبكي وتولين عم تحاول تهديا،ونهاد اعد بأرضو ودفن راسو بإيديه
وقت قصير وبتكون اجت الاسعاف،بس خلص الوقت
بيجي فادي وبيوقف جنب ولاد أخوه،عم يحاول يكون السند ألهم،أما تولين...مالقت غير الجدار يسندها..وصارت تفكر وتفكر لحتى نهارت بأرضها
منروح عبيت غسان،وبعد الأيام الأخيرة لاحظت تالين تغير كبير بعلاقتا معو..كان أوقات يسمعا ويهديا،يفرحا بكم كلمة،بس هلأ تغير كتير اكيد في سبب تاني بس مو قادرة تعرف شو هو
لكن أيام قليلة وانكشفت القصة
تالين بقهر:لك انت شو عم تقول؟كيف يعني ترجع تتزوجا
غسان:هي نفصلت عن زوجا التاني بسرعة،فهميني تالين أنا رح اعمل هلشي بس كرمال الولاد..
تالين:لا تكمل،لك انت تزوجتني مشان الولاد،شو بدك منها هية
غسان:وهية امهن ورح تعرف تتعامل معهن اكتر
تالين:اكيد حاكيين مع بعض صح،اكيد هية غيرتلك عقلك ودخلت هلفكرة براسك
غسان:لك تالين أنا رجال،عم تفهمي..وقراري من راسي وماحدا بيدخل شي لراسي (بعد أيام طويلة من الصمت،والاهانات يلي توجهتلا في بركان جواتها وتفجر هلأ،وقت لقت نفسا رح تنكسر علخالص)
تالين ببرود والدمع بعيونا:لا غلطان،يلي بياخد الاوامر من أمو لو كانت عغلط وبيقبل اهانة زوجتو،وبدو يرجع الزوجة السابقة يلي اهانت شرفو،بحياتو ماكان رجال
وفجأة بيجيها ضربة عوجها بترميها علأرض
#
رفعت عيونها مصدومة،والدموع ماخلوها تشوف شي بس شايفة خيال...وهم كانت شايفتو سند
في شي قوي دفعا لتترك البيت وتمشي،بس اكيد مو عبيت اهلها لأنو بتعرف مارح يستقبلوها بهلوضع،لذلك ختارت المكان الآمن الها
أما عند تولين،وبعد وفاة زوجها..نهاد قوي اكتر وصار يهينا اكتر فتركت الفيلا ومشت لأنو مافي اي سبب لوجودا هلأ
فاتت عبيت اهلا مكسورة،احساس غريب جواتها ماعم تعرف شو هو..أو يمكن الندم وكبريائها مانعا تعترف،ورح تقضي المدة منعزلة عن الناس
أما عند تالا،بيندق الباب بتفتح تالا وبتكون تالين واقفة وعم تبكي بتسحبا لجوا وبتضما بقوة لتهدا...
تالين:وينا عمتي
تالا:فوتي ياعمري هي بغرفتا رح ناديلك ياها
بتفوت تالين...بتتفاجأ برجال واقف قدامها..
(رجل)؟؟صارت تقول براسا ليش في رجال بهلدنيا..😓
بعدا ستوعبت الوضع وقالت بصوت شبه مسموع:هاد تيم ابن عمتي😳
تيم بابتسامة خفيفة:لساكي بتحكي مع حالك😅
نزلت عيونها بلأرض خجلت وبنفس الوقت هية تعبانة وجاية لتشوف عمتا وبس،وبتسمع صوتها
هدى:حبيبتي تالين نور البيت
بتلتفت الها:عمتي...بتروح بتضمها بترجع بتبكي
تيم بيطلع من البيت لترتاح اكتر تالين،وبتحكي لتالا وعمتها كلشي عاشتو
هدى:ياقلبي عليكي ياتالين
تالا:والله كنت خايفة من هاد الشي،خبرتك انو لازم تفكري منيح،بعرفك اديش قلبك طيب وعاقلة ليكي شو صار فيكي
هدى:بس ياتالا،الذنب الاكبر عأهلها
تالين:المفروض انو صرت بعمر كون فيه واعية،واختياري لازم يكون صحيح بسس...
هدى:يابنتي انتي ضعيفة كتير،هشة..والدنيا بدها قلب قوي يواجه كلشي،مابعرف شو قلك حسبي الله ونعم الوكيل بس
تالا:لاتقوليلا شي انا رح قول،وحياتك رح طلقك منو وبوقت كتير قصير
تالين بحزن:مطلقة؟؟رح صير مطلقة ياتالا
تالا:لك اااخ رح تجننوني،قبل بفترة عم تقولو عانس وهلأ مطلقة،ليش بتخافو من هيك كلمات..لك مافي شي اسمو مطلقة..في شي اسمو كل انسان بيغلط وانتي هلأ رح تصلحي غلطك وتكملي حياتك
تالين:بهلبساطة؟ليش عيلتي رح يستقبلوني؟
هدى:ومااحلاهم مايستقبلوكي،ليش انتي شو عملتي لك بنتي،هنن يلي غلطو وقت زوجوكي بهي الطريقة بدون ماحتى يسألو عن الرجال،الذنب ذنبهم،بس بدي منك تكوني اقوى من هيك،وعديني ياتالين تواجهي كلشي بقوة وماتبقي هيك،وانا وتالا رح نبقا جنبك
بتضم عمتها:الله يخليلي ياكي ومايحرمني منك ياسندي
سحبتها تالا وقالتلا:لك تالين على عيني وراسي امي رح تساعدك بس لاتقولي سند،الله يديما فوق راسنا بس انتي لازم تكوني سند حالك،عم تفهمي
بتنزل عيونها بلأرض وبتسكت😔
بقي تيم برا البيت لأنو تالين نامت عندهم
#
وبيوم بتصحا تالا عمكالمة من رقم غريب
تالا مع نفسا:لا حول ولاقوة الا بلله،وبعدين معهن هدول
وبترد بنشافة:الو
غيث:يسعد صباحك
تالا:😳مم.مين
غيث:انا غيث،كيفك تالا،بقصد استاذة تالا
تالا:تمام
غيث:لازم شوفك ضروري،كرمال القضية
اتفقت تالا لتقابل غيث
غيث:يعني خلص صرتي بأمان ان شاء الله،بس مين كان متخيل أبو كمال يعمل كل هلتهديدات بس لحتى مايخسر شغلو مع ابو ريما
تالا:يعني شو صار هلأ؟
غيث:للأسف رح ينسحب علتحقيق لأنو تم الكشف عن شغل مو نضيف عم يشتغلو
تالا:لا بقصد عن ريما وكمال
غيث:هههه الظاهر انا وانتي خسرنا بلقضية،ألف الحمدلله بعد ماصار هلموقف مع بنتهم ووصلت للموت،قررو يبقو جنبها ومايتخلو عن بعض..
تالا بفرح:ألف الحمدلله كتير فرحتلهم والله،لأنو البنت هية يلي رح تتأذى بلأخير والحمدلله الأهل وعيو عحالهم قبل مايرتكبو جريمة بحق بنتهم وحق نفسهم..أما ابو كمال الله يجازيه علي عملو فيني
غيث:يعني مارح تشتكي؟
تالا:بس كرامة لكمال وريما مارح اشتكي،يعني بما انو رح ينحال علتحقيق مافي داعي ادخل بهلقصص انا كمان،اهم شي رح ياخد عقابو
غيث:بتعرفي تالا،كل يوم عم اعجب بطريقة تفكيرك وشخصيتك اكتر
تالا:احم..يمكن انا تأخرت لازم استأذن
ضحك غيث بينو وبين حالو،أول مرة بشوف بنت قوية بنفس الوقت خجولة
غسان حاول يتصل بتالين،بس بعتتلو رسالة وخبرتو أنو هية بحاجة لوقت تبقا بعيدة عنو لتقرر شو رح تعمل
وبعد هيك اتصلت فيها تالا لتجهز حالا ويروحو عند تولين يشوفوها
ببيت تولين،فاتو الصبايا..كانت ام تولين مختلفة كتير،ياترى شو يلي صاير فيها..لهلدرجة الندم بيكسر الانسان،كان الحزن واضح كتير عوجها..أو يمكن خجلانة من يلي عملتو ببنتا
بفوتو عغرفة تولين
تالا:كيفك حبيبتي
تولين وقفت وركدت عليهن وضمتهن:ياالله شو شتقتلكن
تالين:ونحن شتقنالك ياقلبي..كيفك؟
تولين بحزن:ااخ يابنات..مابعرف كيفني،مابعرف شو حاسة أنا ماعم اقدر حدد شو صاير جواتي
تالا:اهدي تولين لاتتعبي حالك هلأ فترة وبتمرء
تولين:بتعرفي ياتالا،كلامك ماعم يروح من بالي،كل حرف كنتي تقوليلنا ياه والنصايح يلي حضرتي ولا هتميت فيهن،اديشني غبية دمرت حالي بأيدي
تالين:والله وانا كمان بقول ياريت سمعت كلام عمتي وتالا
تالا:طولو بالكن صبايا،بتفرج
تولين:ليش شو صاير معك انتي كمان
حكتلا تالين يلي صار فيها،وتولين نقهرت كتير حملت حالا سبب يلي صار ببنت عمها،لأنو دفعتا لتقبل بهلزواج (كتير أوقات بيتخذ الانسان القرار الخطأ،وبعد هيك بصيبو من الندم الكتير..بس هلأ المفروض أنو يواجهو اغلاطهن ويدفعو التمن بقوة لحتى يصلحو شوي من يلي عملو بنفسن)
#سيدة_نفسي
#سارة_العلي
#الجزء_الخامس_والاخير
تالا:يعني خلص ابدا بمعاملة الطلاق
تالين:اي توكلي ع الله
هدى:واليوم رح كون معك وقت نروح عند اهلك،ومارح اسمح لحدا يوقف بوجهك او يقلك كلمة
تالين:الله لايحرمني منكم
فتحت تالا الباب لاخوها
تيم:كيفكن
هدى:اهلين ابني،منيح جيت ستنا رح نجهز حالنا ونروح عبيت خالك ابو تالين
فات تيم واعد وكانت تالين لحالها وقامت لتفوت عغرفة تالا
تيم:تالين..هو اذاكي شي؟
تالين:كيف؟
تيم:بقصد زوجك..مد ايدو عليكي؟
تالين نزلت راسها بلأرض
تيم:شو واطي،لك كيف بيقدر يرفع ايدو بوجه انثى ضعيفة
تالين تفاجأت شوي بكلامو يعني معقول في رجال هيك بفكر:انا غلطت عليه كمان بكلامي
تيم:حتى ولو
تالين:يعني بفهم من كلامك،مستحيل ترفع ايدك بوجه بنت
تيم:اكيد مستحيل،مابيعمل هيك إلا الذكور،يلي مابيعرفو شي عن الرجولة
كلماتو صارت تتكرر براسها..لحتى نادتلها تالا وعيت عحالا وراحت تضب اغراضا
كانت اعدة بسيارة تيم من ورا وجنبها تالا بتخفف عنها،هية متوترة كتير من ردة فعل اهلا..لأنو لسا ماعرفو انها عند عمتا من يومين حتى غسان مفكرها عند اهلا
كان تيم عم يتطلع بعيونها الحزينة من مراية السيارة ويقول براسو:معقول هلبنت ماشافت يوم حلو من وقت ماتركتها،نظرتها لسا حزينة وزاد عليهن القهر
بيوصلو وبتنزل من السيارة وللأسف بتصادف غسان جوا العمارة بيتطلع فيها مصدوم،ووقت بيلمحو تيم بينزل من سيارتو وبيقرب لعندهم
غسان:ليش وين كنتي حضرتك هليومين؟
هدى:عندي،انا عمتها عندك اي اعتراض؟
غسان بيتطلع بتيم بغيظ،بعدا بيقلا لتالين:والله شي بيرفع الراس ياخانم،كاينة ببيت فيو شب غريب وانا مفكرك عند اهلك،لك انتي مافيكي حيا
تيم:انبته عألفاظك يااستاذ،نحن عيلة محترمة ومامنسمح بهيك اتهامات ابداً
هدى:اهدا ياتيم..وانت سماع لو كنت خايف عمرتك أول شي ماكنت تركتها تطلع من بيتك مكسورة،وتاني شي ماتركتها تروح لحالها..وهلأ مالك حق بنوب تحاسبها،ونحن ولاد اصل ومنعرف شو مربيين،البيت ماكان فيو حدا غير انا وبنتي
تالا:لك آعدين عم تبررولو كمان،روح استعرض عضلاتك بعيد من هون،بلا مانعلمك الرجولة ياا...استاذ غسان
تالين بتطلع هيك😳
غسان بعصبية بيقول لهدى:لا واضح منيح انك عرفانة تربي
وكأنو تيم كان منتظرو يغلط بحرف واحد ليطالع قهرو فيه،ضربو اول بوكس ولحقو بلتاني
تالين بتقرب عغسان وبتسندو
هدى بعصبية:لك تيم بعد عنو..امشي
بيتطلع بأمو بقهر
هدى:عم قلك امشي من هون😠
#
بينقهر تيم وبيمشي كرمال ماتوقع المصيبة براس تالين اكتر
غسان بيتطلع بتالين نظرة غضب بتمسكا من ايدا تالا وبيطلعو لفوق
وبتبدا الاحاديث،بيحكو كلشي عندن وهدى بتنبه عتالا ماتدّخل بلكلام..حكا غسان كتير وبرر كل تصرفاتو وسبب زواجو من طليقتو السابقة
أم تالين مصدومة وساكتة نادت لبنتا علمطبخ
الام:انتي مستوعبة يلي رح يصير؟انتي رح تصيري مطلقة بعنادك وتيبيس راسك،ولسا بتسمعي كلام عمتك
تالين:بدك اسمع كلامك مثلاً؟ليكي وين وصلت..انا بدي احكي قدامو(بتمشي تالين بترجع بتسحبا امها)
الام:بدك ترجعي تغلطي عليه؟شو علمتك عمتك كمان احكي
تالين:لك بكفي أمي،لايمتا رح تبقي هيك..حطي حالك محلي لو شوي،رح تقدري تتحملي اهانات صبح وليل من كبير وصغير..رح تقدري تشوفي زوجك مع انسان تانية؟جاوبي
بتسكت الأم..وكأنو شوي ستوعبت الوضع وحست بلألم يلي كانت عم تعاني منو بنتها،بترجع تالين لجوا وقدام الكل وابوها موجود
تالين:انا بدي الطلاق
غسان:تالين مافي اي سبب..
وقبل مايكمل قالت تالين:ماعندي كلام تاني واذا عندك شوية كرامة بتطلقني لحالك ومابتحيجني اخلعك..بلاذن
بتفوت عغرفة تانية وبتلحقا تالا،وغسان بينصدم بكلامها وبيطلع من البيت بدون ولا كلمة
تالا بتفرح كتير بجرئة تالين وبتهنيها عليها
(أوقات الانسان بعد صمت طويل،وضعف وانكسار..لازم يسترد شوي من كرامتو ويقوا..مو يبقى ضعيف ويتقوقع عنفسو اكتر)
أما عند هدى واخوها ومرتو
هدى:انتو بتتذكرو منيح وقت حاولت اتدخل بدراسة البنات وبزواجهن كيف منعتوني،بطريقة مهينة جداً..بس بما انو بعتبرن بناتي أنا رح اتحمل وانسا يلي مضى،ويلي بيقرب عتالين او بيوجهلا كلمة وحدة مايلوم الا نفسو..ولسبب واحد انا جبتها لهون،هو وجود ابني بلبيت ولا كان ماتحلمو اتركلكن تدمرو باقي حياتها للبنت
ام تالين:اا...
الاب بيقول لمرتو:لك خلصنا،ولا حرف ماعاد تدخلي ببنتك ولا بحياتا،كنتي تقوليلي انتي بتعرفي الصح وتسكتيني وتمنعيني وليكي شو لاقينا من عمايلك...(بيتطلع بأختو وبيقلا):الله يجزيكي الخير ياهدى ماقصرتي،والك وعد مني انو ماحدا يدايقا ولا بحرف
هدى:الله يديمكن فوق راسا،بتبقو اهلها بس راعوها بعد كل هلانكسار
بتروح تالا وهدى علبيت
تيم:يعني بدك اسمعو غلط واسكتلو
هدى:بس انت بحياتك ماكنت هيك ياتيم،بلاخص انك عايش برا
تيم:يعني اذا عشت برا مابيبقا عندي نخوة
بتطلع فيه هدى،بتفرح بابنها بس مابتخليه يحس مشان مايكرر عملتو
#
بتبتسم تالا،بتعرف انو اخوها انسان واعي،وكان هلتصرف لسبب تاني غير النخوة،كان سبب خاص بتالين
بيوصلها مسج
غيث:مساء الخير
تالا:مساء النور
غيث: يكتب...
بقي تلت دقايق عهلحالة توقعت يكون كاتب جريدة بلآخر بيوصلها
غيث:كيفك
تالا بتجيها الضحكة غصب🤣انو بعد كل هلكتابة مافي غير كيفك
تالا:تمام بخير وانت
غيث:بخير..شو بدي قلك،عندي قضية شو رأيك تستلميا
تالا:وليش ماانت تستلما
غيث:امم..خليني شوفك بكرا بشي مكان ومنحكي
بيتفقو وبيلتقو تاني يوم
(كتير اوقات منحس بكلام كتير جواتنا،بس مامنقدر نحكيه لسبب ما،او يمكن لازم مانستبق الاحداث فوراً ونهدي شوي)
بلكافيه
تالا:طيب وليش ماانت تستلما؟
غيث بيتطلع بعيونها:بصراحة..صاحبتا بنت حلوة كتير،وانا ضعيف قدام الجمال
تالا😳بتهمس بدون مايسمع(لعما مااوقحو)
غيث:قلتي شي؟
تالا:بظن هاد الشي مو منيح بلنسبة لشخصية محامي محترم
غيث:بس المحامي انسان وعندو مشاعر كمان
تالا:صح،بس لازم يعرف وين يوجهها،وطريقتك كتير غلط
غيث وعامل حالو انو بلفعل عم يسمع لنصيحتا:طيب وشو بتنصحيني بهي الحالة؟كيف فيني اتعالج
تالا مستغربة:تتعالج من شو😳
غيث:من العادة يلي فيني،لك مابتحمل شوف بنت حلوة قدامي وو..
تالا بتتوتر وبدها تقوم بيمسكا من ايدا وبيضحك
تالا:لو سمحت تريك ايدي،انا اجيت بموعد عمل مو لنحكي بخصوصياتنا
غيث:لك شبك ههههه ليكي والله عم امزح بس شايفك متدايقة قلت بغير جو،بعدين انتي مانتبهتي اول ماحكينا خبرتك انو صاحب القضية شب مو صبية
بتطلع فيه🙄صح بلفعل كان شب..لك ليش كل هاد تدايقت،كملو اعدتهم وحديثهم بس لساتا مشغولة بشي تاني،هية ليش تدايقت هلقد؟؟ وهيك بتمرء الايام،وبيبقا غيث معاها اغلب الوقت،وبيجبلها قضايا بتخليها ترفع مستوى خبرتها ومستمتعة كتير بلموضوع
وطبعاً تالين تطلقت ونعزلت عن الدنيا لتقضي مدتها متل حال تولين..
وكانت تالا تزورهن عطول،وتيم كان عطول يسألها ع تالين،بحجة انو زعل عليها لانها انظلمت كتير🤗
أما تالا عم تتخبط بمشاعر غريبة تجاه غيث،بحياتا ماحست فيهن وبتحاول تحدد المعنى ومو قادرة بسبب قلة تجاربها مع الشباب،او الافضل نقول عدم وجود اي تجارب سابقة بحياتا
#
أما غيث،كان عم يخطط لشي تاني..بدو تالا تغير نظرتا الجدية للحياة،وتتقبل حقيقة انها معجبة فيو،او يعني في مشاعر خاصة تجاهو،لذلك كان بتصرفاتو معها شوي يسحبها بقوة لعندو ويرجع يبعدها كتير.. بالقصر العدلي
تالا:كيفك
غيث مشغول بلاوراق:منيح منيح
تالا جواتا عم تقول:لك حتى ماتطلع بخلقتي😒
تالا:احم..تشرب شي
غيث:مابقول لا..المنيحة مابدها سؤال
بتروح بتجيب تنين من القهوة الخاصة فيه
بيمسكا ولسا عامل حالو مو مهتملا وبيشرب
غيث مستمتع بلقهوة:اممم..(بيتطلع فجأة بعيونا وهية كانت غرقانة فيه للحظة بتنزل عيونها)
بيبتسم😄:يسلمو اجت بوقتها بس..!؟
تالا:شو؟
غيث:انتي كيف عرفتي انو هي قهوتي المفضلة
تالا:عادي اديش صرلك بتشربها هون لذلك عرفت
بيرجع لأوراقو..وهية بترجع بتسرح فيه،يعني عأساس بنظراتا ألو رح تقدر تحلل مشاعرا تجاهو🤣
أما عند تولين كانت بتحاكي تالين
تولين:فادي ابن حمايي الله يجزي الخير،بعتلي المجوهرات يلي كان شاريهن الي المرحوم،يعني ماراد يتركني بلا شي بعد هلعذاب
تالين:ياقلبي انتي..بعرف كلامي مو مناسب بس..ليكون رايدك الزلمة
تولين:لك لا شو هلحكي بعدين هو مرتبط،بس لأنو ولاد اخو رفضو يعطوني اي شي،قرر يتركلي المجوهرات
تالين:انا فكرت هيك لانك حكيتيلي انو وقف جنبك كتير
تولين:اي بلفعل،بس خلص ياتالين انا ماعاد عندي اي استعداد ارجع ارتبط،بدي اعمل شي تاني بحياتي وابعد عن كل رجال الدنيا
تالين:وانا بدي اعمل متل...
وقبل ماتكمل بتقاطعا تولين:لا ياتالين،مامليتي من هلجملة؟مامليتي تلحقيني باختياراتي الخاطئة..انا بعرف هلمرة اختياري صحيح بس مو معناه يكون صحيح الك كمان،انتي شي وانا شي..انا بس يخلصو هلكم شهر رح اشتغل
تالين:بشو؟
تولين:مابعرف اي شي المهم يكون شغل محترم
تالين:بس الشغل المحترم لاتواخذيني يعني...بدو شهادات ومتل مابتعرفي انتي وانا ماعنا شي
تولين بتسرح بكلامها،وبتسكت.. بعد ماتنهي المكالمة بتفكر..يلي عملتو بنفسا مو قليل بنوب،دمرت حالها بايدها،وبنت عمها كمان..وشو الحل؟؟ (الندم مابفيد،ومتل ماكانو يقولو بعمرها كلمة ياريت ماعمّرت بيت..ليش لنتخذ قرارات مصيريرة تدمر حياتنا؟ليش مو من البداية نترك كلشي يمشي متل ماهو لازم؟لو فكرنا شوي كمان كان ماوقعنا بكتير اخطاء)
#ولسبب بخص الشغل عند تالا،تعرفت عشخص جديد وصارت تلتهي معو لوقت طويل وهاد الشي مو بس دايق غيث،كان رح يخليه ينجلط الا شوي
تالا صارت تنتبه عتصرفاتو وكرهو لهاد الشب(الدخيل)🤣لذلك حبت الموضوع،عجبها كتير...بس..ليش؟ليييش
عم تسأل نفسا بلآخر قالت جواتا:يعني بلا غباء..كلن هيك بيحكو عنو..بلمسلسلات والكتب..يمكن هاد هو بس انا ماعم اقدر واجهو...اكيد هو الحب
صارت تدايقو اكتر لغيث بوجودا مع هلزلمة وقدام عيونو،،كانت هية وغيث افكارهم متشابهة لدرجة اتبعو مع بعض نفس الطريقة لواحد من بيناتهم يعترف بمشاعرو
بس طبعاً بلنهاية الرجل مابيقدر يتمالك نفسو لما يشوف انسانة بتخصو مع شخص تاني..وبنفس الوقت تالا كبريائها مانعها تعترف لغيث
وبيومها،كانت واقفة بحديقة المحكمة عم تتشكرو للرجال لانو انتهى العمل بيناتهم
...:تعالي نتغدا برا،يعني منعتبرو آخر لقاء مع انو مابتمنى هلشي
تالا:شكراً ألك استاذ مابظن الها داعي،بعتذر عندي أمور تانية
...:صدقيني مارح اخد من وقتك كتير
تالا نحرجت:بس استاذ انا بجد بعتذر مافيني اطلع عأي مكان مع انسان غريب عني،وبتعرف كانت كل مقابلاتنا بحدود مكان العمل و...
بيقاطعها:آها..طيب وبلنسبة لاستاذ غيث،بظن ألو استثناء خاص صح؟
تالا بتوتر:عفواً؟؟
بيحط ايدوا عكتفها:بتمنى تدليني علطريق يلي قدر يعمل فيه هلاستثناء
بترميلو ايدو بغضب:لك احترم حالك
ومن وين بيطلعها غيث ماعرفت،والظاهر كان مراقبهم من البداية،بيمسكو من قميصو وبيشدو لعندو بصير يبهدلو بأسوء الكلمات
تالا:بترجاك غيث تركو،كرمال سمعتي هون.. غيث تطلع فيني
بيلتفت عليها بيتطلع بعيونها وبتقلو:كرمالي... بيبعدو بقوة عنهم وبيرفع اصبعو بوجهو وبنبرة تهديد:إذا برجع وبلاقيك عم تطلع بس فيها..صدقني مارح ارحمك
بيمشي الرجال متدايق كتير..
تالا بدا تكسر هلصمت،محرجة كتير بس مو هية يلي بتنحرج قدام حدا:انت بتعرف بعملتك هي كنت اذيت سمعتي
غيث:فشر يلي رح يمس سمعتك بحرف
تالا بتسكت وبتخجل فوق ماتتشكرو يعني،بتطلع بلأرض
غيث:تالا رفعي عيونك
مابترد...:لك رفعيهن مافيني المس وجهك وارفعو قدام الناس
بتتلبك لذلك بترفع عيونها بخجل كبير بحياتها ماحست فيه لدرجة بديت تحس بحرارة الجو
بيسرح بعيونها وبلحظة...بيقلها:
#
بيسرح بعيونها وبلحظة بيقلها:..تالا انا بحبك
ولا إرادياً عيونها بنفتحو هيك😳
غيث:وبعشقك،وبغار عليكي ويلي رح يقرب منك خطوة رح يكون عم يقرب عقبرو
تلبكت وصارت تتئتئ بلكلام
غيث:هسسس ولا حرف،فكري منيح وبكرا منحكي
تركها ومشي ولسا هية واقفة متل الهبلة عم تطلع علمكان يلي كان واقف فيه
مرت الايام والشهور..
كانت علاقة غيث وتالا غير أي علاقة ممكن نسمع فيها،لأنو أول شي تكللت بلحب الحلال..يعني نخطبو،غير هيك كانت علاقة ناضجة لابعد الحدود،عقولهم ناضجة ومتفهمة وقريبين من تفكير بعض
يعني بعد صبر من الطرفين ماكان في احلى من هيك،لتقو ببعضهم ليستمرو بحياتهم يلي بديو فيها،بطريقتهم وافكارهم المختلفة عن الناس ومشاكلهم،ورح يستمرو ليحققو سوا الاحلام يلي كانو راسمينها لنفسهم
أما عند تولين،كانت عم تبحث ع عمل يناسب وضعها،كانت مستعدة لأي شي يكون محترم،حتى لو مربية اطفال..بس حتى مربية الاطفال المفروض تكون متعلمة ودارسة،هيك بنظر اهالي هلاطفال،أنو بأمنو عولادهم اكتر اذا كانو مع انسانة مثقفة
هاد الشي كان يوجعها كتير،كل مكان تروح عليه اول كلمة يسألوها:شو معك شهادات؟؟
ويزيد الندم جواتها لأنها ماكفت تعليمها لو شهادة الثانوية
بس تالا كانت واقفة معاها،وتقوي ارادتها وماخلتا تضعف بنوب
وببيت تالا
تيم:يعني صار فينا نشوفها
هدى:لمين
تيم:لتالين شبك أمي
هدى:وليش بدك تشوفها ياافندي
تيم:آه..لك مو انا،قصدي انتو
هدى:بس نحن من قبل عم نشوفها،لك شو قصتك ماعم تعرف تحكي كلمتين
بتنط تالا:ياأم تيم،يعني ليش ماعم تفهمي عليه والله حرام،انا شفقت عليه
بيتطلع تيم بأمو وبيمثل الزعل وبينزل راسو😔
هدى:ليكو انتو الجوز اذا جايين تشتغلو فيني روحو عغرفكم مالي فاضيتلكم ها
بيضحكو تيم وتالا وبيركدو لجوا،بعدا بيسحبا من بلوزتها
تيم:وليك تعي لهون،انتي شو قصدك يعني بكلامك
تالا بتغمزو:يلي حضرتك قاصدو😉
تيم:خففي صوتك...(بيبعدها شوي عم المطبخ لحتى ماتسمع أمو) وبيكمل:يعني قولك ماما بتوافق
هدى:وعشو بدي وافق؟
تيم:بصراحة ماما انا رايد اطلب بنت خالي تالين
هدى:آها..تفضل اعود يااستاذ تيم لنحكي كلمتين
بيتطلع بأختو بتوتر،تالا بتعملو🤷🏻♀️ هدى:أول شي خبرني ليش خايف ارفض؟
تيم:يعني..ممكن لأنها مطلقة وأنا..لسا أول مرة رح اتزوج
هدى:هيك ياابني؟معقول انت بتفكرني بهي العقلية
تالا:ماما هو قصدو لأنك أم وكل أم بتتمنا لابنها..
وقبل ماتكمل بتقول هدى:
#
تالا:ماما هو قصدو لأنك أم وكل أم بتتمنا لابنها..
وقبل ماتكمل بتقول هدى:بنت حلال،وأنا مارح لاقي بنت متل تالين بكل الدنيا لتصون ابني وبيتو،اوعك تفكر بهلطريقة،مابسمحلكن بنوب لا انت ولا غيرك يعامل تالين انها غير بس لانو نفصلت عن زوجها،وهلأ رح اسألك سؤال تاني،وكون صريح معي لأبعد الحدود،ابني انت بدك تتزوجها بدافع الشفقة او اي شي من هلقصص؟
تيم بجاوب بسرعة:لا امي مستحيل،صدقيني دافع وحيد وغير كل هلكلام
هدى:شو هو؟
تيم:أني بحبا..أمي أنا بحب تالين من زمان،وقت كانو هدول التلاتة فصعين صغار..كنت اتمنى كون جنبها بكل لحظة لحتى عينها ماتدمع بنوب..لأنو كل مرة بشوفا بلاقي عيونها مدمعين،وحتى بعد كل هلسنين رجعت ولاقيت الدمع لسا بعيونا..ومكسورة اكتر،لذلك انا ماعاد اقدر اتحمل شوفها هيك اكتر..
هدى عم تطلع بعيون ابنها ونزلت دمعة من عيونها،دمعة فرح،لابنها ولتالين يلي بتعتبرا كمان بنتها.. وفجأة بتقطع تالا هللحظة وبتصرخ:االللله اي شو هاد شو هاااد يااستاذ تيم(بتصير تصفق)عنجد ترفع لك القبعة ماشالله طلعت شاعر ومالي خبر
بتحمل المخدة يلي جنبها وبترميها عليه:لك وأنا وقت بدي افتح سيرة غيث ماساعدتني بحرف واحد،عنجد انك اخ وسند
بيركد لعندا وبيحملا بتصير تصرخ:لك نزلنيي
الأم بتضحك عليهم
تيم:مارح نزلك،بتقطعي لحظات الفرح وبتتمسخري انا بفرجيكي
الأم بتتركهم وبترجع علمطبخ
تيم:لك...خليتيها تهرب مننا(بيرميها علكنبة)
تالا بتمثل الوجع:لك اااخ كسرتلي عضاميي
بيركد عأمو وبيبدا ينق لحتى تتصل تاخد موعد،وبعد ماحددو الزيارة،راحت وفتحو السيرة قدام تالين..
تفاجأت تطلعت بتيم،هو كان فرحان وعم يتطلع فيها مبتسم،وكان ناطر فرحة بعيونها بس بلعكس شاف دمعة وبلحظة اختفت من قدام عيونو... بتلحقا تالا..:لك شبك تالين حبيبتي
تالين ببكا:تالا،ليش؟ليش بدو يتزوجني؟هو شفقان عليي صح؟
تالا:لك يامجنونة هو بحبك
تالين:انا خايفة،خايفة من كل الرجال..بعدين هو انسان متعلم ودارس شو بدو بوحدة جاهلة متلي،وغير هيك مطلقة
تيم واقف علباب برا:تالين..تالين بترجاكي سمعيني لازم احكيكي ضروري
تالا بتسحبا وبتطالعا لبرا الغرفة ويتتركهم وبتمشي
تيم:مستحيل اسمحلك تقللي من نفسك اكتر،سمعيني منيح تالين،ممكن لسبب من الاسباب ماقدرتي تكفي تعليم،بس هاد مابيمنع انو عندك اخلاق وأدب اكتر من أي بنت متعلمة..تالين انا بحبك..من سنين وانا عم حبك وماكنت اعرف شو يلي يذكرني فيكي الا وقت شفتك اول مرة ببيتنا من كم شهر بعد سنين غياب،عرفت انو كنت كل هلوقت عشقانك
تالين وعيونها بلارض ولسا بتبكي:بس ياتيم انت شو بتحب فيني واصلا مابتعرفني
#
تيم:انا بعرفك اكتر من حالك،نظرة وحدة سرقتا من عيونك من سنين،خلتك تعلقي بقلبي وتمنعي اي انسانة تفوت عليه،حنيتك وطيبتك..انتي بتمتلكي كتير اشياء اكتر من اي بنت تانية،وبموضوع التعليم،فيكي تفوتي معهد لأي شي بتحبيه لو حتى بدون شهادة..الاهم تزيدي ثقتك بحالك
تشجعت ورفعت عيونها وسرحت بعيونو..للحظة ولأول مرة يمكن بحياتها بيتجسد الأمان قدامها،بعيون هلانسان
وهو طبعاً صار بعالم تاني وقت شاف نظرتها (كتير اشخاص بيستخفو بحالهم،بيفكرو أنو ماعندهم شي مميز..بس بتتفاجأي كتير وقت بيجي شخص،بيعشقك لتفصيل صغير فيكي لدرجة ماكنتي شايفتي بنفسك..بس هو سحرو وعلقو فيكي)
وتمت الخطبة بفرح وسعادة
وبيوم بتتصل تالا بتولين
تولين:هلا تالا كيفك حبيبتي
تالا:مشتاقة ليكي الك عندي خبر بكومة مصرات🤣
تولين:لعما شو صايرة طماعة،بس ستني للاقي شغل بعدا بدفعلك
تالا:هههه اطمني مشان هيك بدي مصاري،انا لاقيتلك شغل
تولين:عم تمزحي،قولي والله تالا
تالا:لك والله،وكتير منيح ومناسب،وأول راتب الي ها
تولين:لك عيوني الك،خليلي قلبك ياتالا والله مابعرف كيف ردلك جمايلك..انا مو هاممني المصرات قد مو هاممني اطلع وغير حياتي
تالا:ليكي هو معمل خياطة كتير محترم وقسم خاص للنساء رح تنبسطي كتير فيه واطمنت من كل النواحي
تولين:الله لايحرمني منك
تالا:ولا منك ياقلبي
وبعد فترة..تحدد الزواج وقررو يتزوجو تالا وتالين بنفس اليوم..طبعاً متدايقين كرمال تولين وهي حست بهاد الشي
تولين:لك شبكن انتو الجوز،في عروسات بيكونو مكشرين هيك،ليكو صدقوني انا هيك مبسوطة اكتر بكتير من أنو كون متزوجة..هيك أنا حرة نفسي راضية بيلي الله كتبلي ياه وواثقة انو هاد الخير بحقي.. ضمو بعضهم مبسوطين ورتبتلن تولين الطرحات لحتى ينزلو لعند عرسانهم
كانت نظرات الحب طاغية بهلحظات،غيث كان بلنسبة ألو ملك الدنيا بهللحظة،وتيم مو قادر يصدق أنو قدر يحصل عهيك جوهرة
تيم بيهمسلا:لك بتجنني يابنت..بوعدك خليكي هيك ضاوية كل عمرك
تالين:هههه بس بلآخر رح ختير
تيم:القلب يلي بيحب بصدق بحياتو مابختير،رح تبقي جوهرتي الضاوية طول العمر
بطرف التاني
غيث:هاتي ايدك لاسندك
تالا:انا بسند حالي..لاتنسا انا ببقا سيدة نفسي🤗
غيث بنظرة اعجاب:بحبك وانتي قوية،بحبك بكبريائك،بحبك بكل حالاتك..بس وقت منكون بمكان لحالنا،وتكوني بحضني مستحيل تكوني غير سيدتي ألي..وكون سندك يلي مابينحني
تالا:انت قوتي وسعادتي وسندي،الله يخليلي ياك
#سيدة_نفسي👸🏻
#الخاتمة
وهيك ممكن تكون بلنسبة ألنا نتهت القصة...
بس بلنسبة ألهم بديت قصتهم بهلوقت،بعد ماكل شخص اختار الطريق الصحيح يلي يكمل فيه حياتو
أنا حبيت نبه ع كتير نقط مهمة بلحياة،وحسيت أنو الاغلبية نتبهو
بغض النظر عن كلشي،صح أنو ترباية الأهل الها اثر كبير عشخصيتنا،بس الله خلقلنا عقل براسنا..لحتى نفكر منيح ونعرف الصح من الغلط
لازم نحاول نبني شخصيتنا بلطريقة يلي منشوفها صحيحة،وأي مدايقات أو انتقادات من القريبين مننا مايزيدنا إلا قوة وثقة
والنقطة الأهم يلي حبيت نبه عليها،التعليم💙
بلاقي كتير بنات متكرهين بلدراسة،طيب ليش؟
بيقلولك بصحى الصبح،وواجبات وتعب و...الخ
طيب شوفي احلى من هيك،انك تصحي بكير ويكون حياتك الها نظام،انك تطلعي كل يوم من البيت وتشوفي الناس ورفقاتك،وانو بآخر اليوم تكتبي واجبات صدقيني متعة أنا شخصياً نحرمت منها...
لذلك كل شخص بيقدر يكفي تعليمو مايقصر،ويحاول بكل جهدو ولو الظروف منعتو
الشهادة والثقافة والمخ يلي فيه كمية معلومات منيحة،اغلى من الدهب
مابدي طول اكتر من هيك...حققو يلي ببالكم بس قبل هيك تأكدو انو يكون حلمكم بلفعل شي صحيح،بلفعل يكون بيستاهل،عطول نظرتكم تكون بعيدة شوي مو بس لليوم او بكرا...فكرو بلمستقبل بطريقة صحيحة
ومن هلأ،ابدو اكتبو امنياتكم واسعوا لتحقيقها(امنيات مفيدة ها مو شي تاني🙄)
وآخر شي بدي قولو..عنجد الشهادة سلاح للبنت
كوني سيدة نفسك صديقتي💙
انتهت
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺