رواية نفوس محطمه الجزء الاول حصريه وجديده على مدونة أفكارنا

رواية نفوس محطمه الجزء الاول حصريه وجديده على مدونة أفكارنا 

رواية نفوس محطمه الجزء الاول حصريه وجديده على مدونة أفكارنا 

 

⏳️قاعدة ف الكرسي يدي على خدي ودموع ينزلو بالساكت حالتي حالة منتمناها لحت ولية  شعور قاسي مخلط مع القهر تحسي روحك تخرج بالعقل شوية هكذا وشفتو من بعيد هو تان في حالة لا تقل على حالتي  فقط انا حرقة قلبي تترجم بالدموع اما حرقة تاعه  او الموقف لي تحط فيه ممكن أقسى من حالتي بكثييير   ........ لكن يااااريت كان حلم ولا هاد الواقع المر  لي تحطينا فيه ......  ⏳️

انا  صفية ولا صفاء  بيسك الاغلبية يسموني بهاد الاسم شغل جاي خفيف على صفية  عمري الآن 30سنة انا البنت الوحيدة بين خاوتي وانا الصغيرة وخاوتي كامل متزوجين جاية متوسطة الطول  لكن منيش قصيرة لاطاي تاعي مليحة عندي اللازم بشرتي بيضاء ناصعة عينيا عسلي لكن لون تاعهم ف شمس يولي أصفر شكل عيناي جاي مجبودين شوي  نشبه بزاااف ل( نيهان تع حب أعمى) ديما نسا خاوتي يشبهوني ليها وانا من كثرت يحكيو عل هاد مسلسل خطرة قلت والله نشوفو درت ف يوتيب وصح لقيت شبه بزااااف بيني وبينها لكن أنا فمي جاي أصغر من فمها شفافي جاين منفوخين شغل دايرة فيلر  ....  الصراحة معندوش مخصني من ناحية الخلق ولا الأخلاق جاية من النوع لي نهدر بكل عفوية ومعنديش مقدمات ولا أختار الكلمات داخلة في الشخصية  صحابات عندي وحدة لي هي قريبة ليا بزاااف ....(حورية ولا حوحو) 

عايشة مع ماما وخويا الكبير وخاوتي زوج اخربن يسكنو ف ديارهم كل واحد وحدو  بابا متوفي من زمان خلاني في عمر الزهور .حالتنا المادية لباس علينا حاجة مي خاصتنا خويا الكبير خدمتو طالع هابط لطاليان كومارسي   والوسطاني يخدم ف لابوسط  والصغير أستاذ تع رياضيات  علاقتي بيهم مليحة جامي سمعت منهم كلام ضرني ولا بالعكس حت نساهم مشاء الله عليهم ديرتهم هم خواتي لي معنديش ..........

1 حتى 4

قبل عامين ......

مكسلة رجليا للشمس ف الحوش حاطتهم عل الطابلة و  كيتمان في وذنيي مقابلتني مرت خويا وماما يفركو ف الجلبانة كنا نستناو ف خويا اليوم جاي من السفر توحشناه هذا خويا الكبير (حسان)  كان ف طاليان كان عندو مدة ملي طلع  ..شوية و عيط لمرتو قالها راني وصلت اني مع فلان ف الطريق نص ساعة نوصل. قاعدين نستناو فيه انا منكدبش خويا هذا مقلشني وش نحتاج يحضر دايرني كما بنتو خاصة كي نبقى من وراه وش جيبلي ووش جيبلي من هيه وهو حاجة ميخليها ف بالي وحت مرتو تان قايم بيها ههههه اصلا انا وياها نفس العقلية نحبو نبانو شوي نحبو نلبسو نحطو عكس نسا خاوتي لوخرين جاين من النوع لي سامبل اصلا دايرين جلابيب خاوتي لوخرين عقليتهم تع بلادنا سيرتو الصغير متشدد نوعا ما  بصح حنان ويحبو نساهم وانا تان يبغوني بصح مش كما خويا الكبير شغل ملي توفا بابا دارني من مسؤوليتو وخاصة كي راني المازوزية ميحبش يردلي أي طلب ربي يخليهم ليا هما السند تاعي ف هاد الحياة .....

وصل خويا هذا عشا وهذا تحلية وهذا ديسار   ههههه هو يحب الماكلة بصحتو وحت مريم مرت خويا فنانة ف الطبخ ستفنا هذيك الطابلة قعد خويا وجات ماما وبنت خويا أروى هي الوحيدة تاعهم عندها 12 سنة  تشبهني خرجت ليا جابونية المهم تعشينا نحنا تعاونا ف ماعين كلمناهم ستفناهم

وصلت اللحظة لي نحبوها ههههه وقت لي يفتحلنا فاليزات ونشوف وش جابلنا انا ومرتو ووبنتو نولو نرجفو هههههه ماما تولي تضحك علينا  ياااااا حي ع اللفعات وانا نقول اليوم علاه ناشطات وترا نتوم تقارعو غي ف صوالحكم مهم خيرات ربي يجيبلنا من كلشي قش مكياج روايح وحت شواكل أشكال وأنواع كي العادة .....وحت حق نسا خوتي يجيبلهم مينس

2

غدوة من داك عيطت لراضية وسمية هادو نسا خاوتي عيطتلهم خويا قالي عيطيلهم يجو يدو حوايجهم وحتا خاوتي تان كي سمعو بيه جا حبو يجيو ..مهم فات نهار هذاك قصرة وضحك راحو خاوتي ونساهم بعد متعشاو غسلت المواعين انا ورؤيا  مريم فرزت الحالة كملنا وتجمعنا ف الصالو  مع ماما وخويا  نطق ليا خويا قالي صفاء راه خطبني فيك واحد هو ف الحق ولد عم صاحبي يعني نعرفو من بعيد برك بصح صاحبي راه غير يشكر فيه هو خدام يسكن مع يماه وعندهم بخيرهم يعني وش تقولي؟ ...أنا سكت ضربة وحدة حشمت اول مرة نطيح ف هاد موقف صح كانو يخطبوني من قبل بصح من برا لبرا هدرة تع رجال واصلا كنت نقرأ  وموحال كنت نقبل كانت قرايتي هي كلشي صراحة مالقيتش وش نهدر ونجاوبو نطقت ماما قاتلو يا حسان الا  كان خدام وولد فاميلية علاه لالا ديجا صفاء راهي كبرت دك ووقتها تتزوج بكري كنا نقولو مع قرايتها بصح دك وقت زواج معندها متتشرط -يماااا وش الهدرة هاذي وقيل حابة تليكيديني ياخي راني نوكل ونشرب وش خصني-اسكتي ياللفعة سكتلك هاد سنين درتي رايك عليا- ماماااا- نطق حسان خلاااص اسكتوا انا حكيت وانتم بديتو كي عوايدكم نطقت مريم والله الشور شور صفاء الا قبلت هي هذاك هو واحنا راينا زايد ناقص تبسمتلها الوحيدة لي تفهمني هي ..

نطقت قتلو خويا انا إلا كان عجبك انت انا معندي حت رأي بعد لي تقولو انت وعلابالي مش راح تضرني بحت قرار لي تقولو انت هذاك هو تبسملي وقالي والله ياختي لعزيزة لوكان منبحثش عليه ونسقسي عليه مليح  والله منمدك ليه يا لوكان يكون ولد السبع المهم فيها خير انشاء الله - تفرقنا كل واحد راح لبيتو وانا مخي مع حكاية الزواج هذا لي ضهرلي فجأة من ناحية المنطق يعني هذاك هو انا راني ف 28سنة وقت نتزوج وندير دار قرايتي وكملتها والخدمة مزال مكتبتش برك بصح والله مدريت يعني بهاد السرعة وزيد هذا شكون هو لي راح نكون معاه بففففف الله يجيب الخير وخلاص جبدت تلفوني نكوناكتي حكيت شوي مع صاحبتي مبعد غفيت ليه ليه ....

3

غدوة صباح نضت انا عادتي نتأخر ف النوم نوض ف عقلي ماما دايما عقابي على هاد المنوض تع 10 هههه اصلا كيما نوض نلقا نص شغل مخدوم-صباح لخير يالالة وقيل بتي تنومي ف العريس-هههههه قودي نتي بديتيني ع الصباح ديجا اصلا نسيت هذا الموضوع خلاص- اووو قيييييو -مرييييم خلاص بركاي-هههههه نوضي يا فنيانة الغدا قريب يطيب اممممم متقوليش درتي دوارة ياااااااااا قتلكم منحبش الريحة تاعها نطقت ماما من هيه اغسلي وجهك مبعد اهدري يا خي جيل -صباح الخير ما صبحي علينا قبل -راهي 12يا وش من صباح اوووو ما راهي غي 10 برك علاه تكبري فيها -نوضي نوضي شمبرتك هذيك راح يدير فيها المدييتي ....

نضت نتكسل شربت قهوتي وصليت رحت توال مريم لقيتها تفرز ف خزانتها هاااااا تفاهمتو عليا اليوم وقيل بش نبات بلا غدا - احكي مع خوك هو لي جابها ع عين صبح قالي حاب نتغداها بففففف ياخي حسان متقول حياتو راحت ف طاليان مزال غي الدوارة منساهاش ...دخلت لشمبرتي ولا نقول لخردة ههههه يا يما وش راح يفرزها اليوم هاذي بصح  لازم ندير القلب ونوض ليها والله تبهدل .... عيطتلي حوحو ( صاحبتي نبدع فيها هك) - صباح الخير  يالالة- او مساء الخير باين عليك هذا وين نضتي-ههه ودي عايزة كلام -نو معايزاش حبيبتي وش راكي ديري-اني مع شمبرتي مالقيت منين نبداها راهي كوري -ااا مالا نخليك كي تخلصي نحكيو انشاء الله -ايه الا خلصتها مهم باي لعشية انشاء الله- كوبيت وبديت نطبق ف قشي  ومبعد جبدت كامل  القش  من الخزانة شفت شفت معاه هذا عندي عامين وانا نلبس فيه والله ميزيد يدور هنا حكمت طيش طيش خليت غير لمليح والجديد لميتهم ف كابة نمدهم لبنت جارتنا مسكينة زوالية وتستاهل خير منطيشهم  كملت مسحت الغبرة واخيرا سيقتها فتحت تاقة كانت الربيع والعصافير تزقزق والشمس هاذيك الضوء داخل لشمبرة ضربت قريب 3سوايع وانا معاها وأخيرا كملتها جيت ف الباب ونشوف ليها هههههه (كامل ديرو هاد اللقطة مع اللخر)

4

وصل وقت الغدا هما تلمو ع الطابلة وانا واقفة مع المقلة نقلي فريت وسكالووب نطق حسان-صفاء ارواحي دوقي معانا وش هاد العقلية (يلعبلي ع المورال) -حسان خربلي ف كلشي مدورش غير بليسطومة تاعي -ناض يضحك -ديجا منعرف علاه متبدلش ميزاجور تاعك يا خويا  نورمالمو راك تضرب غي ف سباقيتي وبيتزا نابوليتانو ووووو-والله كل واحد والڤو تاعو انا نموت عل ماكلة بلادي وكلشي ف بلادي ويشوف ف مرتو ويغمز ههههه- ديجا انا لوكان زوجتوني لتم ننساكم كامل طرطقو بالضحك- قالي والله هادي لي خايف منها عليها محبيتش نمدك لتم بزاااف لي حبو يناسبوني-يا حسان علاه وش درتلك يعني علاه تغبني هنا قالولك عليا نموت ع ب لاد ولا  - والله ياختي عندنا غي نتي ونزيد نغربك  بزززاف علينا -ايه ايه قنعتني - حكمت بلاصتي بديت ناكل هما كانو شبعو لقيت اروى جات توالي - عمتي انا نوكل معاك - شفتو لي خرجت لعمتها -نطق حسان وانا نقول علاه طبسي تاعها مزال كما راه  وهي تشوف معاك اي خرجت ليك - كولي عمتي كولي مديريش عليهم  ....كملنا الغدا غسلت الماعن ف الحق عندنا لافيسال بصح لا انا لا مرت خويا نحبو نغسلو فيها ميقنعناش غسيل تاعها لازم تلمي فيها كلشي ويكونو مشللين من المراقي بش تشعلي عليها وهاد الوقت كامل نكونو غسلناهم بيدينا وكملنا ديجا يضل يعاير فينا كيفاش الناس متمنية فيسال ف الدار وانتم تتكبرو عليها........

نفوس محطمة 

5 حتى 9 

فاتو ايام وخوييا معادش جبدلي عل الخطبة قلت بلاك سقسا عليه ومعجبوش عليها محبش يزيد يهدر عليه المهم حياتي ف الدار كاي بنت عازبة نخرج وقت لي تنفحلي وحدي ولا مع مرت خويا ولا صحبتي ماما متقدرش تمشي تحب طومبيل وانا نحب نزنق برا وهي متساعدهاش 

وحد النهار صونا تلفون خويا حسان وهو كان خرج ونساه ف الدار جابتو مريم ف يدها قاتلي حسان خرج وخلا تلفون وراه يعيطلو هذا صاحبو بزااف وقيل كشما احتاج شفت معاها خلي ل كان يزيد يعاود  نمدو لماما ترد عليه -ايه خير وخير زاد عاود ديتو لماما لقيتها تصلي وخاشعة وماما متحبش لي يقطعها ف صلاتها وش ندير قلت نهز عليه وخلاص -الووو-ااا حسان -لا حسان مش ف الدار نسا تلفونو هنا ورديت كي لقيتك تعيط بزاااف -ااا معليش ختي سمحيني ستحقيتو برك المهم صحا كي يدخل قوليلو يعاودي-كوبيت عليه شفت اسمو((عماد)) نطقت مريم هذا صاحبو لي يطلع معاه لطاليان ااا تعرفيه ايه نعرفو غير من اسمو برك بيسك يضل يحكي عليه انسان مشاء الله اااا ايه هاكي تلفون كي يجي خويا قوليلوط يعاودلو-ايه ...

بعد ساعة هكذا رجع خويا قاتلو مرتو بلي عيطلك صاحبك -شكون -صاحبك عماد -اااهاتي تلفوني جاباتولو-الووو-اهلا عماد والله سامحني خويا هذا وين دخلت للدار وتلفون نسيتو -اااا ايه خير -....-معليه خويا اني خارج دك نتلاقاو صحا- خرج خويا ومرتو قاتلي اني حاسة بلي امر يخص هذا لي جا يخطبك- اووو هذا راه عندو شهر مبان عليه والو مشكيتش-   لليل جا خويا وككما قالت مرتو  جات ليا -صفاء وجدي روحك  راهم جاين يخطبوك -وين عرفتي-هذا وين قالي حسان -ايه الا فيه الخير مرحبا بيه- انشاء الله ختي والله نديرلك جهاز مداتو  بنت يماها -انشاء الله كي يكون الهنا هذاك هو الصح - يا عمري وانتي كاين م أطيب منك ف الدنيا هاذي اكيد مكتوبك يكون ولد ناس ويخاف ربي فيك -ايه انشاء الله مريم وحسان وين راه -راح يصلي دك قالي نزيد ندي موافقتها ولي فيها الخير ربي يجيبها 

الغدوة جا عيطلي قالي راهم يقولو الجمعة هاذي يجيو يشوفو -ايه انشاء الله والله حشمت وحت في مخي زواج هذا جا هكذا برك وف عقلي مزال مستوعبتش مليح مديت رأيي بدون حت منخمم بلاك كي شفت عمري وتاني ماما ضل تالب فيا ....وانا مع أفكاري عيطتلي حوحو خبرتها فرحتلي هيا تاني قتلها ارواحي نهار الجمعة لازم تعاونيني وكذا هي تاني عازبة بلا زواج كي حالتي بصح مناش معقد

6

وصل نهار الجمعة اليوم صبحت بكري على غير عادتي  لازم عليا ويا ربي نكمل حوحو جاتني صبااح ونسا خاوتي تاني كل وحدة حاكمة خدمة ومريم مع الغدا حوحو ( إسمها حورية) شريت روبة طويلة سامبل وكلاس ف البلو سيال جاية ستيل صواري بصح مستورة شعري خدمتو ف الدار ومكياج خفيف برك حنا عاداتنا ف الشوفة منغنجقوش رواحنا لازم كلشي سامبل المهم ع الساعتين وصلو جاو زوج عجايز لي هما يماه ومرت عمو ووحدة مرت خوه وختو وبنت عمو وطفلة صغيرة معاهم المهم استقبلناهم ع الكيف حطينا من كل خيرات ربي هما صح والله يبانو ناس ملاح وحت باين عليهم ناس تع عز يعني دخلت انا ومريم سلمت عليهم سقساتني يماه حت مرت عمو وختو المهم ارتحتلهم ف الحقيقة اكل حت جا خويا الصغير قالي العريس حاب يشوف  -مهم دخلت انا لولى مبعد شوي دخل معه خويا وخرج خلانا ف الحقيقة من شكلو يبان واعر صح  باهي وطويل  قالي سلام عليكم -وعليكم سلام وشراكي سفا -لباس وانت - حمد لله -قالي اسمو رياض  تعارفنا شوي روماركيتو شوي حاسب روحو مهم لا علينا كي عاد خارج مدلي سوارد تبسم معايا قالي فيها خير انشاء الله تبسمت معاه وحطيت راسي وخرج هو وزدت انا رحت توالهم -نطقت اختو وشي تفاهمتو نطقت ليها مريم  على حساب سوارد ف يدها باين عجبتو هههه وعلاه صفاء تاعنا وش يخصها وناضو يضحكو .....زادو شوية مبعد راحو واحنا لمينا الحالة لي تفرز ولي تلم ف صوالح القهوة وانا رحت نحيت لاروب حكمت شعري طمطامة ومسحت مكياجي ورحت جمعت معاهم كلمة من وحدة من هيه نسا خوتي تان بقاو معانا دارو العشا وانا باقية نخمم ف حياتي هاذي لي جاية ومع الإنسان هذا لي راح ندخل معاه منعرج جديد ف حياتي .....

7

 تعشينا جاو خاوتي لوخربن اكل تلمينا شيخنا شوي صاحبتي روحت محبتش تقعد للعشا انا كنت من التوتر تاعي مقدرتش نقعد.معاهم بزاااف رحت لشمبرتي شوية هكذا جا لعندي خويا الوسطاني قالي صفاء لباس -والله حمد لله خويا -وش عجبك العريس هه( هذا خويا تاني من نوع لي يضحك بشوش مش زي الصغير متشدد) -حشمت بقينا نحكيو شوي وقالي ايا نخليك ختي كشما تحتاجي راني هنا -ربي يخليكم ليا انشاء الله - ايه هذاهو انا لازم نروح غدوة نصبح خدام- ....هبط لتحت هز مرتو وراحو وانا بقيت ف بلاصتي طبطبت مريم صفا رقدتي-اممم-ايه فهمت تصبحي بخير-تلقاي الخير -طفات عليا الضوء حكمت تلفون نكوناكتي طالعة هابطة مبعد قلت ف نفسي هذا لي جا خطبني كيفاش ممدليش نومرو تاعو  خلي بلاك نلقا فايس تاعه مبعد تفكرت منعرفش اللقب تاعم كيفاش راح نلقاه  بقيت نشوف ف تصاوري تع اليوم عجبتني حالي. زدت شوي طفيت تلفوني ورقدت نضت على حس تع نسا خاوتي مريم باينة وسمية بيسك راضية روحت البارح  نضت تكسلت وحد التكسيلة تع شابعة نوم  شفت ساعة ف تلفون لقيتها 9:30  -مليح نسخايب فيها 12 هههه رحت غسلت وجهي ورحت توالهم للكوزينة هما كانو ينصبو ف الغدا ويشايخو -صباح الخير -هيييه صباح الخير ا لالة- ها بكرتي اليوم-تحوسي نولي نرقد معنديش مشكل- نعرفك ديريها-ديجا وشبيه قسامكم علاه تتعايطو انا قلت راكم تتهاوشو جيت نفك ضهرتو تشايخو- روحي من لا نوض ليك وسمية غي تتبسم هي جاية من النوع الساكوتي بصح كي تجمع مع مريم متخليهاش في عقلها اما راضية متهدرش خلاص ساعات حت نقولو زعفانة بصح نحبهم هما خياتي لي معنديش نلقاهم وقت الشدة ونتكل عليهم حتا ماما تحبهم اكثر مني ديما تقولي هما ياخدولي الراي وانتي فيك تاغانانت معايا لي نقولها تعكسيهالي .. رحت صبيت حليب وشربت وبقيت معاهم نشارك ف النقاش حت لحق وقت الغدا

8

وجد الغدا تغدينا انا ومريم وسمية ماما مكانش داها خويا للرونديفو تاعها تع طبيب (عندها لارتروز) واحنا نتغدا نطقت مريم قاتلي خطيبك عيطلك حكيتو؟-منين يعيطلي وانا نومرو معنديش -من نيتك علاه مطلبتيهش فيه كي كنتو تحكو -خليني مريم عيشك ديجا هذا عريس الغفلة انا والله مني مرتاحتلو نطقت سمية بركاي متتوسوسي كاين لي يجو هكذا زعما انتي خوك نهار خطبني كان يحكي معايا والله محكينا حت فتحنا --ايه عندك الحق بصح اوموا جاست هكذا حاسة روحي منعرف كيفاش الله يجيب الخير .. كملنا الغدا انا غسلت الماعن وسيقت الكوزينة مهما يكون لازم نفهم روحي الا هما عسل انا منكثرش عليهم يكثر خيرهم يخدمو وميحاسبوش خلاص لي يلقاوها يرفدوها عليها ماما تحبهم اكثر مني عندها الحق .. كي كملت شغلي رحت لشمبرتي فرزتها  صح منديرش الشغل بزاااف بصح شمبرتي انا لي نفرزها ونعدلها جامي خليتها لنساء خاوتي ولا حتي كي نكون عيانة نخليها كما راهي حت نفضى. نرتبها كاين خصوصيات منحبش حت واحد يدنالي ليهم ....

شفت الساعة كانت 13:30 جات ف بالي نخرج نروح نتمشى شوي عيطت لصاحبتي قاتلي منقدرش عندهم ضياف قلت خلي نهمل وحدي مبعد تفكرت قلت ندي بنت خويا معايا متقراش اليوم ..لبست سروال سليم ف نوار ومعاه بيل خفيف طويل للركبة ف نوار مع فاست خفيفة ف الباج  مع باسكات بيضة  شعري ليسيتو وطلقتو هزيت ساكي فشفشت روحي ب بارفان(libre)  عيطت لأروىاااا هيا خفي -ني جاية عمتو .خرجنا مشينا شوي حكمنا طرام حت وصلنا بقينا ندورو كل مرة تعجبنا حاجة نهزوها رحنا للمول دخلنا وين كاين لي صاك حبيت نشري وحد موديل ووصيت عليه يكون جابهولي مول الماڤازان دخلنا رحت ديراكت ليه وأروى-ااا عمتي عيييت -ها بركاي حبيتي تخرجي مع عمتك وتستراحي مالا هخفي نعتلك منا وجاي متزيدي تخرجي معايا -كركرتها مسكينة غاضتني صغيرة ههه-دخلنا شريت وخلصت واحنا خارجين من المول حت نطقت أروى هاااا عموو وراحت سلمت على واحد بقيت نشوف فيها كان مع مرا  وقيل مرتو سلمت عليهم وهما يضحكو معاها مبعد شافت معايا ديك المرا باينة شايفة روحها شوي مطلسة وجها بكيلو مكياج  وانا واقفة مامبا مسلمتش عليا  حت انا مش من النوع لي نزدم ديراكت  كنت واقفة  توالهم جبدت على جهة وبقيت نشوف ف خلق ربي منين خرج هادا عمو لي راحت تجري ليه زدت شوي وعيطتلها-اروىاا -دقيقة عمتي-استغفرت  حت جات -نتي شكون هادا لي رحتي توالو -هذا عمو عماد صاحب بابا موالفة نشوفو مع بابا بزاااف وتان كنت صغيرة يشريلي الحلوة  وهاديك طاطا سلمى مرتو -يا وخدتي ع اطفلة هبلت وعلاه نتي بقيتي صغيرة ياخي حالة هيا امشي قدامي شفت ورايا لقيتهم راحو بصح والله يبان حطة تع لهيه سقسيتها-اروى هذا يخدم مع باباك -ايه هذا تاني يروح للطاليان معاه -آآآآآآه خلاص عرفتو هو هذاك لي ديك نهار عيط لخويا اييه تفكرت ومريم قاتلي وسمو عماد ايه .....زدنا شوي ركبنا وطلعنا للدار كانت 5 وصلنا قابلتني يما الحنانة -اهلا ميمتي الزينة من البارح مشفتكش-وين كنتي يا مو زنق اااا ومهملة معاك الطفلة صغيرة-هاما بركاي بديتينا من الباب ديجا منتنفسوش ولا .....

9

دخلت للدار نحيت قشي غسلت وجهي وتكيت ف الصالون  زادت جات نبع الحنان تكمل ف كاسيطة تع دعاءات تاعها علاه خرجتي ومقلتيش  وعلاه تلبسي هكذاك ووووو طرشتني قلت نروح للشمبرة ونسكر على روحي ، بقيت نفرز ف القش لي شريتو نقيس ونشوف مع روحي شريت سروال شوميز وروب ساك وشريت لبنت خويا تان حوايج  الدورو لي هزيتو مدخلش معايا فلس منو  انا هكذا منحملش سوارد يضلو ف ساكي لازم نفرغو بش نحس بالخطر  هههههه نحب شوبيكنغ وغي الحبة الغالية  سواردي راحو ف القش  وهذا سباب المناوشات مع ماما تعرف عقليتي الا خرجت نخليها  كملت عدلتهم ف خزانتي مزية لي فرغتها دك عاد فيها ليستاع شوي   وحد الساعة عيطولي للعشا رحت تعشيت كنت ميتة بالشر غسلتلهم الماعن  وفت ديراكت عدلت فراشي وتكيت هايمة مع الفايس وانستغرام طالعة هابطة مليت طفيتو شعلت تلفزيون كشما نلقا فيلم ولا مسلسل حت صونا تلفوني لقيتو نومرو مش مريجيستري جا في بالي ديراكت رياض هزيت-ألو-الو سلام عليكم -وعليكم السلام -شكون معايا معرفتكش- ايه انا رياض -اااا سمحلي والله معرفت صوتك - معليش وشراكي-لباس  سمعت الحس توالو مبعد قالي بلي مديرونجي  -مهم انا منطولش عليك حبيت نعيطلك بش تحكمني نومىو تاعي برك نسيت داك نهار بش نمدولك- اوكي -حقا عندك فيسبوك- ايه عندي -مالا ابعتيلي انفيتاسيون-اوكي - اكتبي إسمي برك دك يخرجلك -بصح منعرفش لافامي تاعك -اااا أكتبي رياض##### دك يخرجلك -ااا اوكي  - ايا تصبحي بخير -وانت من اهل الخير بون نوي ....كوبيت و كما قالي بعتلو انفيتاسيون بصح ماكسابتاش بلاك مش حال ولا ..بقيت ف الفايس مبعد مليت دورتها افلام ف يوتيب قاعدة نتفرج وانا نثاوب وحد الفيلم عجبني بصح منيش قادرة نكملو النعاسسس يدي فيا وعين مغمضة ووحدة محلولة زدت شوي وطفيت وغفيت في عالم النوم .

الجميع #نفوس_محطمة

الحلقة 10...18

نفوس محطمة 

10 حتى 13

صباح جديد فطنت على خبيط فروطوار ف الأرض  هاذي باينة أروى كي تبدأ تسيق تولي تصرفق ف الارض .نضت نتكسل شفت الساعة لقيتها 9 ايا مليح راني عدت نبكر نضت نتمايل كي السكران شعري طالع ف سما شوشو معلق جنب وذني وانا نحوس عليه كنت لابسة بيجامة ف النوار جهة هابطه وجهة طالعة للفخد شفت ف روحي عجزت حت نعدلها وخرجت قابلتني لالة مولاتي أروى مع الفروطوار- صباح الخير- صباح خير عمتو - وش راكي ديري متقوليش راكي تصوري مع  فروطوار - هههه نحطها ستوري- اوييليييي نتي وقيل هبلتي ستوري مع فروطوار ياخي جيل اني نشوف فيك طيرتي شوي ديجا دك نهدر مع حسان يريقلك - اوووو عمتي وش تحكي انتي - بركاي متبلقي ف عينيك فيا نوضتيني علا جال ستوري تاعك - طارت من توالي هههه اصلا والفوني هكذا لي نصبح عليه لازم يسلكها -اسمعيييي  اروىىىىى -ها عمتي وشنو-وين راهم الدار فارغة السكاااات -ايه ماما راحت مع ماني دير تحاليل ،راحو مع papa-اممممم خلاص فهمت اسمعي متقوليش انتي رح تسيقي -لا ماما قاتلي كي تنوض عمتك تعاونو وسيقو -ههههه راهي تحلم خلينا منها الدار تبان نظيفة ديجا نقلك دك نفطرو ونخرجو حنا تان نعتلها هاذي تع نتعاونو نسيقو-اييييي عمتي نحبك دك نلبس ونجي -هاااااا غلطو لي قالو طفلة تخرج لمها لالا هادي خرجت ليا .....رحت غسلت وجهي وفت للكوزينة حمد لله ماعين مغسولين صبيت الحليب شربت شوي برك مبعد رحت لشمبرتي فتحت التاقة قابلني وحد الشيخ هذا مين نفتح تاقة يتوله يغمزلي  وقيل كلاه حالو اليوم نعرشلو هذا لازملو ترباية من جديد الخانز تففووووخماج..

لا علينا عدلت سريري فوق فوق شفت مع شعري مزال مسرح بصح طالع شوي جوزت عليه ليسور خفوفي عدلتو مليح لبست روب ف الماغو لي شريت البارح ميش طويلة جيست تحت ركبة وزدت فاست كوير من فوق مارو تاني وبوت نوار من تحت واصل لحد لاروب مع ليبا شعر حكمت نص فوقاني وخليته مطلوق من لور فشفشت بارفان هزيت ساكي المفضل تع Lv ف الماغون شفت سوارد رحت لخزانة ماما هزيت وش لقيت  اليوم معولة على خلاها 🤣  عاودت  رحت لشمبرتي سكرت التاقة هزيت تلفوني وخرجت ......

11

خرجنا انا وأروى مبعد تفكرت حوحو عيطتلها -الو صباح الخير-صباح نور صوفي -او ملخر الا حابة تخرجي انا راني ف الباب البسي دك نفوت توالك-ايييي والله جيتي ف وقتك ا حلوفة نلبس برك ونخرج حت انا مخي دار من الغاشي راهم ضياف دنيا -اييي حوحو خفي اني جاية كوبيت عليها شفت ف أروى لابسة روب ميني وفوقها بيل مهم مخلطة مره نضت فيها اروىىىى من نيتك وش هاد خالوطة ادخلي ادخلي والله متخرجي معايا هكذا  زحي -عمتييي خليني هكذا تعجبني هاد روب - ادخلي هيااا قتلك بدليها - دخلت رحت لخزانتها والله سي حسان طاليان اكل منقلها ب القش وهي لابسة درابل هادو خيرتلها جيب ف الڤري تريكو ف نوار وفاست خفيفة ف قري خرجو سواسوا شغل انصومبل زدتها باسكات ف نوار مع بوشات شعرها كان معدول ...هكذا ديجا كي نجيو دك نفرزلك هاد خزانة القش تع دزاير اكل نطيشولك   وهي غي تشوف مسكينة ماي فاهمة والو ....خرجنا مشينا شوي لقيت لالا حوحو واقفة كي بوليسي توال لاري تع طرام -شافتنا ناضت تبتسم ف هاديك الابتسامة لي مهيش مليحة خلاااص( معقدتها بابتسامة تاعها) وصلنا توالها سلمت عليها -ياخي قتلك متزيديش تبتسمي-شوفي صوفي متلعبيليش ع مورال صباح ربي ديجا بايتة البارح راقدة توال كراع جدة -هههههه والله ضحكتيني يا مصيبة -شفتي انا كيفاش نضحكك وانتي جايبتها من ورايا ديجا عقدتيني-خلاص خلاص وشبيكم اليوم لي نهدر معاها تشنف-شوفتي نتي 

-اسكتي ديجا راه جا طرام يالله...طلعنا حكمنا بلايصنا شوي هكذا وجا كونترول يااااا ربي ربي ربي اليوم ياخضنا -وشبيك تندبي- نسيييت نشري تيكي -يااااااا وخدتي اليوم يعرشلنا-اسكتي وقيل ميفيقش -من نيتك وهو جاي ديراكت لهنا راه يشوف فينا شوفي حوحو اهدري معاه نتي تعرفي تتسيتي انا فمي خاطيني ديراكت نطيح لو -افففف يا حصلة وحصلنا فيها ديجا منا م الغاشي -جا وقف فوق راسي تبسمتلو تبسيمة صفرا -مدام تيكي زاد شاف مع حوحو شفنا فيه تع معندناش وهو فهمها -والله نسيناه -كيفاش تنسوه هاد القوالب راهم قدام ياللة ملقيت منجاوب- هاتي هنا 20الف وانتي تاني- ايه مكنش مشكل خير من فضيحة -اففف بالسيف مليح مناضش يعيط موالفين يديرو سينما...

12

 وحد عشرة دقايق هبطنا وأحنا مزالنا نشايخو صونا تلفوني لقيتو مون فيونسي ديجا تفكرت بلي راني مخطوبة شافت فيا حوحو وشي ميسيو عيط - كيفاش عرفتي -باينة عليك  قتلها اسكتي نهز عليه -الووو-الو صباح الخير -صباح النور لباس-والله بخير وشراكي نتي-حمد لله-وش هاد الحس راكي برا-اا ايه اني برا-ااااا داكوور مهم حبيت برك نصبح عليك دك عندي خدمة لعشوة نعاودلك -اوكي ..كوبيت شافت فيا حوحو-وش قالك ومتحمسة تعرف مسكينة-قتلها والو عيط يقولي صباح الخير هدرتها بوحد لافاسون هكذا-تبانيلي مهوش عاجبك صوفي-تحبي الصح والله مني نحس بوالو معاه- كيفاش-كما قتلك شغل مزال متقبلتوش ملي جا وشافني هدرت معاه زوج جمل برك حت ف تلفون ميحلبش ديما مشغول  خلينا منو وين نروحو اليوم- نروحو لوين قتلك ديك المرة جابو قش يهبل غير الماركة مبعد نروحو ناكلو-ايه دك نتبعك اليوم يا لالة ونشوفوها- سقسيت أروى وبن حابة تروح قاتلي نتبعكم وين تروحو وخلاص مليح يسما نحوس ع قوسطويا .....مشينا وحوسنا كلينا ديت أروى تلعب شوي ف البارك  هبلتني من هادي لهادي حت دخت حوحو كي لجايحة تتبهلل معاها وميتة عليهم ضحك هههه خصني غي نلعب انا تان غي هاذي متصراش   كانت الربيع جو مشمش بصح ميش سخون حنا هنا عندنا البرد يقتل حت يخلاص ماي  ....واخيرا شرفتو وش صرالكم هي صغيرة وانتي علاه تتبهليي معاها-اسكتي عيشك الطائر الحزين-والله انا وليت هكذا -هيه من قبيل وانت قاعدة ف طابلة زي هاذيك هجالة لي هرب عليها راجلها ههه-بلعي حق متشكريني قاعدة نعسلك ف صاك وشكاير هادو وليتي تضحكي عليا ياختي انا منلعبش راني شارفة ميش صغيرة ديجا ايا تروحي ما تكون قلبت الدار - صوووفيي حابة نزيد شوي -طيري من وقيل رجعلك روتور داج يخي بهلولة.....

وصلنا للدار حوحو دخلت لدارهم هي تسكن ف الكارطي لي قبلنا مش بعيدة بصح عندنا نفس الطريق  .. وانا ف الباب صونا تلفوني ف الصاك محبيتش نشوف شكون قلت ندخل ويرحمها ربي فتحت الباب أروى هازة شكاير  دخلت شميت ريحة الدخان هاذو ميكونو غي خاوتي هنا هما لي يتكي فو حسان متيكفش طلعت دروج سمعت الهدرة عرفتهم هنا ..

13

السلام عليكم - وعليكم سلام  رحت سلمت على خويا نطقت ماما وين كنتو - بالعقل عليا نتنفس -غير هنا برك وين ريحة نروح ا ما- وعلاه مقلتيش اني خارجة جينا لقينا الدار فارغة -مااا عيشك متبدايش هاي أروى قتلها خبري ماماك وانا تلفوني مفيهش الهدرة... نطق خويا الصغير نتي مزلتي تخرجي هكذا وين راح الحجاب -بعقلي مزال مش دك حت نديرو من رايي -والله ناض يحمر في عينيه فيا كما العادة هو جاي شوي مزير وهاذ لي يخليني نتحسس من كلامو يحب يفرض رايو -خويا. تعيش راني كبيرة ونعرف صلاحي وتعرف تربيتي مشي الحجاب هو لي يقيم أخلاقي صح حاجة فرضها ربي علينا بصح كلشي يجي ب الرضى ولا - نطق حسان قالو انت وش همك فيها راهي تقولك حابة ندير بقناعة  هاذي راهي تحت جناحي انا وعارف وش ربيت هي وش قلت عندك الحق وانا تان متمني اليوم قبل غدوة تتحجب بصح مراحش نفرض عليها بالسيف راهي كبيرة وتعرف صلاحها ودينها مليح - اك قلت راهي كبيرة وديجا راهي مخطوبة كيفش حبيت يقولو علينا اك تشوف انا مرتي ب جلباب وكن نصيب الضوء متشوفوش -ايه احكم فيها وخلي ختي عليا -والله راني نشوف ف الرخف تاعك هذا والدلال هما لي خلا ها هكذا - حشموني وهما يهدرو هكذا حسيت روحي غالطة من  ساسي لراسي نضت وخليتهم -شوي وجات مريم توالي هي قلبها بارد قاتلي خوك مين  تكون القعدة وتحلا المشايخ ينوض يفسدها علينا -هو عندو الحق بصح منحبش الإحراج زحييي -خلينا منهم وش شريتي هاتي نشوف-مشريت ولو برك بنتك ا عمتي اشريلي هاذي وزيدي هاذي دورو مبقاش -نعرفها المغلوثة - ها قوليلي رياض راهو يعيطلك- شبحت فيها وجهي علاه كشما قالك حسان- وش يهدرلي انا نسقسي فيك وانتي تقولي حسان -عيطلي الصباح برك سقسا عليا مينبا دقيقة وقالي مشغول- ايه وانتي تاني ساعة على ساعة عيطي وسقسي عليه -شفت فيها والله هاذي مليحة بش يقول راهي ميتة عليا خلينا منو حب يعيط حب يقعد - ههه والله يا نتي قلبك بارد جامي شفت وحدة مخطوبة باردة كما نتي وقيل مزال خاصك شوي دروس ف العاطفة ههههه- مريم تعيشي خليني حالي مهدود وعيااانة حابة نرقد وديرو كش حاجة بنينة للعشا - نورمالمو انتي لي تنعتيلنا حنة يديك رايحة تزوجي وقيل مخلوق تقوتليه ب الفريت حتى يتكونستيبا -الا عول عيا يحكمو كولون مش غي يتكونستيبا - مهبولة نتي والله اني رايحة على سعد سعدي  - عمرييي مريومة نحبك تعرفيني راني ختتك- علابالي سينو راني دك عرشتلك-ههه والله ي مرت خويا مقالولكش تهدري بزاااف-ويااا الحلوفة معليش هاو وجهي لا زدت هدرت معاك لالة انا ماكلة همها وهي وش تقول -مريم سكري الباب وراك .....

تكملة تع 13 

بعد ديك الغفية نضت على ريحة تع النصيب امممم يا ربي وتكون كش حاجة تتكل قتلوني ب العجاجن بفففف- رحت للكوزينة نصيب ف لالاة تفور ف العيش - يا إلاهييي مرييييم ناعل بو راصة تع جدك علابالك منوكلش هاد الماكل- ههههههه يماك لي حبت مدخلنيش انا - يمااااا علاه يعني والله متحشمو وش ناكل انا دك -جات ما وش تعيطي وش صرالك خلعتيني -والو .....خلاصت عليا نتعشا فيه وساكتة محتمة فوق قلبي .... ف الليل عيطلي سعادة الخطيب حكينا شوي برك سقسا عليا وكوبا حكمت شكارة شيبس ودرت مسلسل نتفرج حت عفيت للصباح.....

نفوس محطمة 

14 حتى 18

 تسريع للأحداث شوي .....

فاتت شهرين على يوم خطبتي تعرفت شوي على خطيبي لي والفت دك بعقليتو هو داير كما هاك من النوع الغامض شوي لكن يبان حنين تلاقينا انا وياه خطرتين خطرة رحنا للجاردان غي شايخنا برك وقالي بلي هو مضغوط ف خدمتو ومعنديش الوقت المهم قدر يقنعني وحت انا تقبلتو يعني والخطرة الثانية عرضني على غذا اكيد بالتخبية على خوتي والله يقتلوني ميحبوش سير تو كي مزال مفتحناش يعني منيش مرتو شرعا مجرد خطوبة واكم تعرفو العقلية عرضني ف ريستورو كلاس غالي ويا دلالي وانا نموت ع برستيج  ضربت حطة الله الله لبست سروال نوار كلاسيك  وشوميز ف الغوز فوشيا جاية بالكول ودرعين دونتال وسندال عالية شوي برك وصاك نوار شعري هزيتو ديل الحصان ماكياج غي خفيف برك المهم جيت فام دو كلاس نعتلو الحطة لماليها ههههه هزني من توال الدار كان خويا مكنش عندو شغل وبعيد  سي نو والله ميفوتهالي  ركبت طومبيل وقلع بيا حكينا شوي ليه ليه وصلنا للريسطو كان فخم باين يجو ليه غير لي عندهم العط (سوارد) المهم تغدينا وفات الحال خبرني بلي مبقاش ع العرس توترت ف الاول مبعد قلت معليش دك يسهلها ربي  

زاد فاتو شهر لحق الوقت وكان هو عندو شغل ف الخارج قعد تم وحد عشرين يوم كي جا ديراكت درنا العقد كانت لافان تع جويليا هي صح كامل هاد الشهور نقدر نقول كملت جهازي بالمساعدة مع نسا خاوتي هما يعرفو شريت الفراش الكوسمتيك كلشي جابهالي خويا من هيه وبالزايد تاني غي لي مارك المخيرين والروايح والتصديرة خيطتها عند واحد هنا ف البلاد درت قفطان روايال كاراكو بلوزة سواري قبايلي تصديرتي برك سقامتلي 40 مليون والذهب كان عندي من قبل حنا لازم السنتورة والمسايس وكرافاش ( مشي زوخ بصح لي عندها متبخلش ولي معندهاش الله غالب عليها مشي بالسيف ) وزدت شوي خويا حسان زاد شرالي بارير وخاوتي الزوج لخرين متكلفين بالعرس وأموراتو ولاصال  مع جهازي نسا خاوتي كل وحدة وش مدتلي يكثر خيرهم  يعني جهازي كان كامل مكمل ...

15

لحق نهار العقد نضت الصباح دوشت جبدت شعري وكسلتو بليسور درت مكياج لبست اونصومبل باهية ف بلون كاسي تعمدت نلبس هاد اللون اليوم يعبر عن الفرحة شعري حكمت نص فوقاني وخليت طايح من لور كنت سامبل وانيقة ف نفس الوقت وطالون من تحت صاك راح معايا خويا الكبير والوسطاني وماما ركبنا ف طمبيل رحنا ديراكت للبلدية لقيناهم تم يستناو فينا  شفتو هو الأول ههههه لابس شوميز ف بلو وسروال جينز بلو وفاست من فوق كلاسيك ف الباج باسكات ف البلون ومعاه واحد شغل شايفاتو من قبل ويشبهلو شوي يبان تركي الطول كور وديكور وقيل لافامي تاعهم اكل بقلاوات وانا تايهة قرصتني ما من ذراعي وشبيك تايهة هيا ارواحي نروحو توالهم رحنا  جبدنا علي جيهة ماما سلمت عليهم وانا جا توالي سلم عليا  هادوك تع فاميلتو جبدو شوي من هيه وخويا شفتو يشايخ معاهم شوية ولحقت دالتنا دخلنا انا وخويا وهو وهذاك زوج لي جاو معاه و  و احد آخر  بدأت إجراءات كما تعرفو سنيينا وكي لحق إمضاء ولي الأمر تفكرت بابا ربي يرحمو  نطق خويا قالو انا وكيل أمرها وزادو الشهود كملنا باركولنا زغرتت ماما قلبت البلدية حسيت وحد الإحساس جديد شغل تربطت دك وسنييت على حياتي ههههههه علابالي اكل صرالكم هكذا  مبعد خرجنا مدلي بوكي فلووور والكارني داه هو  شوية و جا قدم ليا هذاك الجان باركلي قالي انا عماد ولد عمو ( ااااااا هذا وين تفكرتو وانا نقول وين شايفاتو ) المهم شايخنا شوي انا وخطيبي مبعد قال لخويا معليش تخلينيا هنا ف طمبيل نتفاهمو شوي عندنا هدرة خويا شغل جاتو ثقيلة بصح محبش يحرم ههه  رحت معاه لطمبيل   تفاهمنا على يوم الفاتحة بلي يكون سمانة قبل العرس يعني مبقالوش بزاااف وحد 10 ايام برك  مطولناش ربع ساعة وقالي اهبطي خوك او يستنى  .... وصلنا  للدار لاقاوني نسا خاوتي وصحبتي هزو الدار ب زغاريتت -ايييي بالعقل

16

يوووووووه يووووووووي-ههههه خلاص صرعتولي وذني-مبروك عليك ربي يتمملك بخير انشاء الله-مبروك لكبيدة -مبروووووك- مهم كلمة مبروك سمعتها اليوم الف مرة هههههه فرحولي نساء خاوتي لقيت الحالة تقول عرس ريحة النصيب والماكلة واللحم تشميها من الباب  من الباب حوحو دايرة الغنا ف تلفون وتشطح وحدها ههههه -دك انتم متبعدوش من الباب ها خليوني نقعد شوي تعبت من الطالون -دخلو خاوتي معاهم لاتارت على حسب قولهم العريس هو لي شراها هاذي من عاداتنا ندخلو بحاجة حلوة ف العقد المهم حالة وخلاص  شوية وزاد لحق خويا الصغير  باركلي وجازت أجواء عالكيف انا بدلت قشي لبست جبة ف الغوز صابو معاها حكمت شعري ماكياج خليتو يا خي عروسة اليوم ههههه ماما دخلت ديراكت للكوزينة تريح ف بربوشة  شوية هكذا ودخلت خالتي وعمتي عرضهم خويا للغدا  ..وصل وقت الغدا حطو تغدينا  انا رفدت روحي ورحت لشمبرتي قاعدة نفرز ف قشي مبعد عيطلي رياض شايخنا وحد نص ساعة ودخلت حوحو وزاد نسا خاوتي كانو كملو شغلهم بداو يسقسيو ويقرعجو شكون جا وووووو ..فات هذاك النهار لليل راحو يروحو عمتي وخالتي ( حقا انا معنديش عمي بابا هو الوحيد وعندي زوج عماتي وحدة راجلها طبيب ووحدة راجلها يخدم كومارس  وخالتي وحدة وزوج خوالي واحد ف الخارج  محضرش  وواحد ميت ) 

وصل الليل من التعب رقدت وخليتهم فوق راسي يشايخو كانت 20:30  فطنت نص ليل ميتة بالجوع بيسك متعشيتش نضت مدوخة حوحو كانت راقدة معايا مشفتهاش ف الضلمة قريب عفستها هههه- رحت للكوزينة فتحت فريجيدار لقيتو معمر ب ماكلة هزيت بورت منجي لقيت فيه مثوم  سخنتو حطيت نوكل كليت حت تنفخت الجوع تع ليل واااعر كملت طفيت الضوء و رجعت لبلاصتي بسيف جاني النوم حت غفيت ....

(هنا تعمدت نشرح شوي على عادات ولايتي 

17

نضت الصباح مدڤدڤة مره كانت 11 اوووو رقدت بزاااف سمعت حسهم  راسي يوجع نضت بالعقل شفت تلفوني لقيتو طفى فرزت شمبرتي وخرجت غسلت وجهي وتوضيت صليت  دخلت عليهم كانو مع الغدا لقيت ماما ومريم وراضية برك  صباح الخير عليكم -صباح النو -وين راهو لخرين-روحو وصاحبتك عيطولها من دارهم روحت صباح -اممم -شربت حليبي منفرطش فيه لاشتة قريب 12 ..تجمعنا ف الشمبرة تفاهمنا على المعاريض والحلوى وكلشي بيسك مبقاش للعرس بزاااف نضت كان تلفوني شارجا شوي عيطت لصحبتي مهزتش تقلقت عليها شوي وعاودتلي-صباح الخير ي كشرودة وين رحتي وخليتيني-وانتي شكارة النوم محبيتيش تنوضي اليوم يما عندها رونديفو عند طبيب ملقاتش شكون يديها عيطتلي بش نروح معاها -وينك دك -مزال راني عند طبيب الغاشي بزاااف- ااا معليش ربي يجيب الشفا كي تكملو عيطيلي نحتاجك -اوكي .... دخلت دوشت نحيت عليا داك التعب سشورت شعري  وصليت حكمت تلفون لقيت وحدة معيطتلي وهو كان سلونس هاذي الحفافة لي متفاهمة معاها تخدملي نهار عرسي  هزيت عليها قاتلي لازم جي نشوف شعرك ونتفاهمو كيفاش تحبي نخدملك هاذي تقرب لمريم جارتهم بكري وكي عادت معريفة حبت تحكمني بيسك خدمتها روعة  بيسك منا ومنا لازم رونديفو ب شهرين قبل  وانا هاد الأمور كنت في غنى عنهم لوكان مولهونيش مزية لي لقيت هاذي وسهل ربي  هو تقريبا كلشي واجد جهازي مطبق في شمبرة خويا كانت فارغة بعدما رحل مستف كلشي حت لي سيري تع لي فاليز مخدومين بالحاشية سلل تع ماكياج وصبابط زرابا كلشي بقات غير الحلوى مزال موجدتش لاغوب خيرت وحدة  ستيل سيران منحبش دوك لي منفوخين حبيت نجي مميزة شوي  وخفيفة (كل وحدى وذوقها)  عيطتلي خت رياض سقساتني وش خصني ووش مزال قتلها حمد لله وجدت كلشي قاتلي بلي نهار الفاتحة يجو يدو القش وفاليزة الجهاز تفكرت لي مزال موجدتهاش تفاهمنا كوبيت عليها رحت نجري لماما ومريم وراضية قتلهم انتم نسيتو فاليزة الجهاز -كيفاش ننساها يا لالة هي الصح رانا نتفاهمو وش نحطو فيها- ايه ماما  لازم كلشي يجي بالطبع تعرفوني منحبش نشعات تع الغاشي -ايه ارتبي برك دك جي سمية ونخيرولك وش نحطو فيها ...

للعشية مجمعين حنا هنا في عاداتنا لازم نحطو فيها بنوار تع تقاليدنا وقفطان يكون ثقيل اونصوبل تع خرجة مع صاكها وصباطها  جلابة مع بوشات وبالغين  سورتي دو بان

18

 لحق نهار الفاتحة نضنا الصباح بكري وجدنا الغدا بالطبع بيسك راحو خاوتي وراجل عمتي وولاد خالتي وخو مرت خويا مريم جات حوحو ويماها وجات عمتي وحدة برك وخالتي وعروستها تعاونو كامل كلو وحدة شادة خدمة سيقنا الدار وفرزناها مليح الغدا كان يطيب خوينا الصالو من القش بش يتغدا فيه الرجال بعد ميجو من الجامع ...شوية هكذا وعيطلي رياض قالي مبروك علينا رانا قرينا المعروف وعدتي مرتي وحلالي على سنة الله ورسولو فرحت وسمعت زغاريت تع ماما من الكوزينة بلاك عيطلها خويا  حكينا شوي ورحت توالهم  باركولي وزغرتو كامل  شوية هكذا ودخلو الرجال للصالو (فاميلتي لي حضر و للفاتحة وخو رياض )  وجاو نسا من فاميلتو زوج وحدة مرت خوه وختو  رحبنا بيهم دخلناهم لشمبرة جات حوحو قاتلي روحي اعدلي روحك شوي راكي عروس اييي والله نسيت مره لبست روبة ف الموف عدلت شعري درت شوي مكياج وصابو ففشفشت ريحة  ودخلت لعندهم  حشمت وهما فرحو بيا بقينا نحكيو شوي كل وحدة تحكي على عاداتهم وتاعنا بيسك هما اصلهم مش من ولايتي برك ساكنين هنا .... خاوتي واقفين على   الغدا  تع الرجال ستفو طوابل  نطقت ماما قاتلهم راني وجدت مترد تع بربوشة ادوه للجامع داه خويا وصلو وجا كملو الرجال غداهم بداو يخرجو ف القش حت كملوه  وجات دالت النسا انا عاونتهم مهما يكون  حطيت الغدا للنساء تاعهم لي جاو تغداو مطولوش قالو حنا نروحو داو معاهم فاليزة الجهاز وراحو تحت زغاريت طبعا وحطينا تغدينا حنا تع الدار   كملو غسلو المواعين وسيقو انا مدرت والو قتلهم أفهمو رواحكم راني عروس هههههه مع العشية كان لازم نروح  رونديفو تع الحفافة رحت ليها انا وحوحو شافت شعري قاتلي نصيحتي مديريش ليماش ميخرجش عليك نتي جاية ستيل جابوناز يخرج عليك نوار  ف الأخير لقيت عندها حق محبيتش نغير فيه تفاهمنا على المشطة  نتواؤاج دو بو وكلشي  روحنا للدار ماما قاتلي كيفاش مديريش ليماش هذا متبانيش عروس قتلها ماما كل وحدة ووش يوالمها مريم وراضية تان قالولي كن غير دريهم غي سمية وحوحو جاو ف معايا قالولي عندها الحق الحفافة نوار خير يخرج عليك مع مكياج ومشطة تولي تسخفي....لا علينا مجيت نقنع ماما حت عرقت  حت كي عرفت ب غوب بلون كيفاش خيرتها معجبهاش الحال كيفاش تخيري هاديك جاية كي مونش فروطوار ههههه قتلتني بالضحك.........

الجميع #نفوس_محطمة

الحلقة 19...28

نفوس محطمة 

19 حتى 23 

اليوم ما قبل العرس كنا وجدنا رواحنا انا نضت بكري بش نروح للحمام خلينا الدار معمرة عجايز وأحنا اكل رحنا للحمام 3سوابع وهما يكسلو فيا نحاو مني 3كيلو خرجت حمرا زي طوماطيشة جينا روحنا كل وحدة لاتية بحاجة ستفنا القاطو لي نديه معايا ولي درنا للمعاريض وفاليل لازم نروحو للاصال خاوتي لاتيين مع امورات العرس الطباخ وهاودك الأمور  وصل الليل راحو نسا خاوتي انا قعدت ف الدار مع خالتي وبنت خويا وبزاز ولاد خاوتي صغار صرعوني ب البكا وهما اكل راحو وجدو تم  وغدوة يزيدو يبكرو  انا راسي نحس فيه زوج من التوتر والحس والغاشي وقلة النوم رياض منحكيش معاه غي خطرة ف اليوم برك هو تان مشغول بحالو واموراتو 

جاو ف الليل انا هربت لشمبرتي هههههه لحقتني حوحو شايخنا شوي جات مرت خويا فهمتني شوي على ليلة الدخلة حت حشموني صرعوني وهما قرقرقرقرقر فوق راسي ويضحكو عليا حت خرجتهم من الشمبرة -بن عمييييي الواحد حشمان وزادو عليه قلال الحيا هادو -رقدت بكري طفيت الضوء غدوة يوم شاق وطويل .....

نوضوني على الفجر الراسة المرة  نضت لقيتهم لابسين وخارجين قعدت غير سمية معايا وصاحبتي والدار فرغت شربت الحليب طلت الضو تع شمس دوشت خفوفي برك فرزت أموراتي مليح بش مننسا حت حاجة فاليزة لي فيها تصديرتي وصبابطي وكلشي وصلت 10خرجنا ركبت مع خويا وصلنا للحفافة كانت عندها عروس وحدة خلاف تكورجت بيها ههههه وصلت دالتي خدمتلي وكملتلي الحقيقة معرفتش روحي والله تبدلت كامل  عجبتني روحي حوحو تان جات تسخف بنت خويا تان خدمتلها جينا نتشابهو   كانت الساعتين طولنا شوي من ثم روحت ديراكت للاصال لقيتها مقلبة بالغاشي دخلت ديراكت لاشومبر بدلت جاو عرشو فوق راسي بزغاريت عجبتهم كامل ....شوية هكذا جابولي نتغدا كرشي تقرقر من الجوه كليت شوي كبدة برك محبيتش نوكل بزااف من توتر ..

20

شوية هكذا لحقت ديجي وفوطوغراف سطالات ماتريال تاعها وبدأت الحالة تتهول شطيح وغنا  تبراح ههههه حنا هنا الهول ..لحق وقت نبدأ تصديرتي عاونوني  حت كملتها (كنت شرحت من قبل وش درت تصديرة) كملت واخيرا رجليا فشلو جازت أجواء تهبل ف العرس معرضناش بزاااف غير الازم فاللازم برك   ختمت تصديرتي بلاغوب بلونش هههه جاو خاوتي تصورو معايا درنا صورة عائلية كامل مع بعضنا لحق وقت الحنة تاعي لبست قدورة محرجة وفتحنا فاليزة الجهاز وكمل العرس بدات لاصال تفرغ بقاو غير مقربين كانت 12 تع ليل انا رحت نحيت ديك قندورة توزن قنطار لبست بيجامة وزدت فوقها عباية ورحت للدار مع خويا لحقوني هنا  حت كملو شغلهم تم لحقت كاو للدار للنوم بدون نقاش حت رياض باقي يعيط والله مهزيت عليه كتفيت بميساج قتلو راني كااااااااو  رقدت رقدة مني حاسة بوالو حت ل7 تع صباح ومشبعتش نوووم مدوخة يا رب وفوتها بسهل  فطروني عيطت للحفافة جاتني للدار كما تفاهمنا عاودت عدتلتني مليح مشطتلي سااااامبل خلاص مع مكياج خرجت نهبل لبست لا غوب ف الحقيقة انا وغرت من روحي  باقيين يزغرتو ويصورو فيا انا بديت نتحسس جاني البكا بصح شديت ف روحي شوي  ماما شفتها كانت تبكي ومحبتش تدخل توالي حسيت بيها نسا خاوتي دمعا وخنونة بنت خويا شادة فيا تقول رح نهرب ههههه خاوتي مدخلوش خلاص خاصة حسان علابالي مقدرش يشوفني هو حنين بزاااف يااا رب وسهل حوحو الوحيدة لي كوراج فيهم باقية معايا مدتلي مصحف قاتلي اقرأي مليح ليك من العين  شوية هكذا ووصلت اللحظة الحاسمة عيطلي هو قالي رانا قريب نوصلو عدت نرجف كي الجاجة حت صفرت دخلت ماما عنقتها ونبكي خلاص مقدرتش نزيد نحكم في روحي دخل حسان عينيه مدمعين زادو خوتي لوخرين اكل باين عليهم تأثر  تصورنا سمعنا لاصونات والبارود عرفت بلي خلاص وصلو  دخلو زوج نسا وهو حاكم بوكي ورد  مدلي وسلم عليا عاود هبطلي فوال انا ويدان في عينيا حت وليت منشوفش كما كان الحال خرجت جا خويا دارلي يدو ف الباب خرجت تحتو تفكرت بابا  وصاه خويا عليا قالو هاذي بنتي مشي ختي تهلا فيها بزاااف  ماما مسكينة هبطتلها لاطونسيو بقيت متحيرة عليها  ركبنا انا وياه هو لي يسوق  تولهت ليه شوية مقلق ويشوف لتلفون مفهمتش وشبيه مبعد شاف فيا قالي معرفتكش بدلوك وقيل تبسمت معاه وانا حاشمة يسوق بالزربة حت خلعني قتلو حبس راح تطيشنا ف كاش واد ناض يضحك قالي خلعتي عاود حبس السرعة وتلفون تاعو محبش يحبس قتلو هز شكون راه يعيط هز عليهم شفت وجهو تبدل قال الله اكبر انا قلبي حبس  

.....

21 

حبس طومبيل فريناها بوحد الطريقة  قريب خبطت ف الكارو - يااااا بالعقلللل- رياااااض خلعتني وش صرا عيشك قولي وهو والو ساكت ويديه على وجهو يستغفر يستغفر شاف فيا بوحد النظرة عجزت نفسرها وش صرا -خويا ويما دارو اكسيدون طمبيل تقلبت -كيفاااااااش يا ربي وش راهم دك-معلابالييييييييش اسكتيييييييي -ر رياض بالعقل برك اتكالما انشاء الله ميكون غير الخير -عاود ديمارا لوكان نقلكم صاروخ نحس ف الرود كيفاش يحرقو ف الطريق قلت اليوم نزيد حنا تان تتقلب بينا  خلعت تع الصح تخلطت عليا من كل جهة وهو وجهو ميتفسرش قلقان وانا تايهة فيه كيفاش يدير لقيت روحي قدام سبيطار اييييه ف يوم عرسي انا حطوني ف سبيطار لوكان نقلكم مفهمت والو جاية رايحة نهبط من وراه ف آخر دقيقة تولهت لعمري بلي راني عروس عاودت ركحت ف بلاصتي  وليت نبكي شي من الخوف والخلعة غاضوني كشما يصرالهم  بقيت تايهة طمبيل محلولة يديا فشلو مقدرتش حت نمد يدي ونسكرها كي هبط خلاها هكذاك  نشوف فيه رايح جاي يهدر بتلفون حت سمعت لومبلونس قارات راح يجري توالها بقيت نتبع غي بعينيا فيهم حبيت نخرج بصح مقدرتش حالتي متسمحش نخرج تامنوني غي نسيت بلي راني عروس تلفوني يصوني نسمع فيه بصح تايهة شغل منيش جايبة خبر صونا حت حبس غير نشوف برك ونرجف مبعد فقت مع روحي هزيت تلفون لقيتها مريم هزيت عليها وعينيا معاهم كيفاش كانو يهبطو فيهم هي تقولي الو صفاء وينكم ختي -اا مريم اني توال سبيطار خلاص ختي رانا لاحقين راهي صرات كارثة ف كورتاج قريب رحنا فيها كامل -كش مصرالكم انتم تاني -لا والو برك تقاست طمبيل برك متخلعيش-مريم اهدري كشما صرا تاني اصلا حالتي راني ك مهبولة راني وحدي ف طمبيل- ياعمريييي اتهدني دك نلحقو رانا قريب كوبيت عليها -شفت طمبيل ڤارات بالصوت شفتو هذاك عماد هابط مقلق طيارة راح دخل وراهم جبت وحد ربع ساعة وانا هكذاك لي تم باقيين غير يشوفو معايا  مفهمو والو  طمبيل تع عروس مقاريا توال سبيطار  انا من قوة الأحاسيس لي كانو داخلي تكيت على كارو وغمضت عيني نبكي ساكتة مزية لي لاروب مهيش ڤونفلي مديىونجيتش فيها بزاااف  ، شوية هكذاو سمعت واحد  يطبطب ف الكارو  عند راسي طلعت شفت فيه كنت مطلعة لي فوال بش نتنفس وعينيا مدمعين شفت فيه لقيتو داك عماد دارلي بيدو هبطي كارو بقيت تايهة فيه حت عاودلي بش فهمت وش يقول هبطت -قالي لباس-ايه لباس وش صرا فهمني -والو متقلقيش روحك ختي جا يهدر صونالو تلفون  بعد شوي وهز عليه كان رياض قالو كيفاش الله اكبر إنا لله وإنا إليه راجعون -فشلت كي سمعت هاد الجملة شاف فيا يبان مشوكي قالي طلعي الكارو جا من جهتي فتح الباب هز مفاتح قتلو ش شكون مات -ختي ابقاي هنا دك نجي شوي برك وراح- شغل فهمت ومافهمت عيطت لرياض محبش يهز زاوجة هز عليا زمان بش نطق هاد جملة مننساهاش (( ياوجه النحس يما يماااا ماتت ماااااااتتتت ))وكوبا عليا سطل ماء وتكب عليا .....

22

وانا مصدومة من هاذيك جملة نصي حزين مالخبر لي سمعتو غاضتني وغاضني هو ونصي مشوكي كيفاش قالي  نضت نندب وحدي كي مهبولة تلفوني محبش يحبس والله والو شغل منيش نسمع فيه مره وانا هكذاك غامة وجهي بيديا حت حسيت بواحد.طلع وديمارا هزيت راسي لقيتو هذاك عماد قالي اختي مرت عمي الله يرحمها ورياض كنت معاه كان مصدوم ومهوش في حالو جيت بش نديك منا للدار متبقايش هنا الناس اكل تشوف فيك نسمع وساكتة والله مقدرت نهدر ديماريا بينا  طول طريق وهو يشوف للقدام والله ماشوف فيا حسيتو تحرج عيطولو رفد عليهم نسمع فيه يقولو حسان راني نسوق متقلقش ايه راني قريب نوصلو ايه انشاء الله  نطقت انا قتلو وين ،ح تديني أستغرب من كلامي -لدار راجلك وين يعني -ايه كيفاش ندخل انا دك وين راه رياض علاش مجاش -ياختي هو راه ف حالة هبطلو سكر ميقدرش يسوق  شوية ووصلنا الغاشي دود اكل يشوفو للطمبيل دخل بيا للقاراج  هبط شفتو يهدر مع واحد يشبهلو مبعد جات وحدة شفيت عليها بيسك جات نهار الشوفة هاذي بنت عمو تع رياض يسما خت هادا  جات تبان كانت تبكي هازة ف يدها وحد الحايك دخلت سلمت عليا وغمتني بيه حكمتني دخلتني من القاراج لفوق طالعة ومغمومة منشوف ف والو كاين دروج طلعتهم مبعد فتحتلي وحد الباب شغل حوش مبعد زاد.دخلنا حت صبت روحي في شمبرة نحاتلي الحايك شافتني قاتلي اسمحيلنا محبيتش ندخلك مين الغاشي اكي تشوفي الحالة من عرس ولات جنازة ومحبيتش الناس كشما يقول خويا عماد لي قالي هكذا-ايه يكثر خيركم حضنتني قاتلي مبروك عليك والله ماتستاهل يصرالكم هكذا قعدت عل سرير راحت جابتلي كأس حليب قاتلي اشربيه كنت موجدتو ليكم كي تدخلو بصح راكي تشوفي  والله سقسيتها قتلها ختي تبسمت قاتلي واسمي  وهيبة قتلها وش صرا -قاتلي كارثة يا ختي مرت عمي ربي يرحمها وهشام ولد عمي راه كوما  حنا هذا وين سمعنا الحالة تقلبت بكا وعياط ختو حيلها مهدود تغاشات مهيش جايبة خبر لحالها ومرت هشام كيف كيف بقيت غير انا معاهم عيطلي عماد وحكالي بلي هو لي جابك قالي شوفي كيفاش طلعيها  -يكثر خيركم اختي ووليت نبكي قاتلي خلاص لحبيبة قدر الله ومشاء فعل باقية تصبر فيا حت دخلو  نسا خاوتي بقاو يكورجو فيا ويصبرو فيا وهذاك ملي حطني توال سبيطار مزاد سقسا على حالتي ....

23

غفيت شوي من كثرة البكا لي بكيت نضت شفتهم فوق راسي  عاد فقت بواش صرا نضت قلت لمريم مديلي نبدل هاد الروبة المنحوسة-شافت فيا متقوليش هكذا صفاء هذا قضاء ربي هكذا مكتبك ربي  مرديتش عليها نضت لهاذيك خزانة فتحتها لقيت فاليزة فتحتها جبدت منها روبة ف نوار  ايييه نلبس نوار وقليل فيا جات مريم نحاتهالي من يدي وشبيك ملقيتي وش تلبسي غير هاد اللون هي تجبد وانا نجبد فالاخر غلبتني لبستني وحدة ف بلو لبستها نحيت هاذوك لي بروش ف راسي سلكتلولي حكمتو لفوق رحت غسلت وجهي مليح  شفت فيهم علاه تبكيو ولا حبيتو نبقا مزوقة وعجوزتي كليتلها راسها من نهار الاول اااا انطقو انا وجه نحس ايه عندو الحق كي قالي هكذا -وشكون هذا لي قالك هكذا -راااجلي قالي نتي وجه نحس عليا وعندو الحق  -علاه هذا جهل وشبيه ياك مكيش نتي لي قتلتيهالو -مىيم عيطي لحسان -علاه -عيطيلو قولو قاتلك أرواح تديني من -نتي هبلتي استهدي بالله وشبيك بقات تقرالي ف القرآن حت دخلت عليا وهيبة جابتلي نوكل  ومنييين تدخلي الماكلة ياختي منيين قالولي كولي انتي معندك حت ذنب فواش صرا مكتوب ربي تموت ليوم حنا مومنين هبطو هما قالولي نروحو نعظملهم الأجر عيب خرجو وانا تكتيك ف بلاصتي نعيطلو ميهزش مبعد.بعتىو ميساج (( رياض عظم الله اجركم وربي يصبرك وربي يشفي خوك انشاء الله )) ملقيت غير هاد الكلمات نكتبهم  بعت ميساج عل اساس كي يقرأه يعاودلي ولا والوووو كانت 6تع العشية ماكلة لي جابوها مقدرتش ناكل حت لقمة خليتها كما جابوها ...شوية نسمع ف الحس قوا والبكا قشعرت فريستي قدمت للباب نسمع كنت رايحة نهبط قلت ندير خمار على راسي ونهبط حت لقيت الباب تحل شفتو هو رياض دخل حالتو حالة وخلاص متتوصفش عينيه حمورا متقول هذاك لي كان صباح لابس ومحطحط شاف معايا جريت ليه قلت نحضنو جبد روحو عليا نشعني بصح مدرتش عليه قلت مهوش عارف وش يدير شديتو من يدو قتلو رياض ربي يصبرك انشاء الله والله منطق معايا مدخل راسو ف خزانة جبد قش وراح للدوش بدل وخرج خسر عليا كلمة (( تخرجي من هاد شمبرة نقبرك وايااااك إياك تهبطي لتحت)) وخبط الباب وخرج طحت من طولي نبكي على زهري المسود بالصوت علاه انا وش درت علاه يعامل فيا هكذا زعما وش دنبي من فوق مفسدلي فرحي ويزيد عليا  الله يلعن زهري  حت دخلو عليا مخلوعين جات صاحبتي تحضن فيا وتواسي نسا خوتي قالولي حنا نروحو وغدوة انشاء الله نوليو للجنازة تفكرت ماما قتلها ماما سمعت قاتلي مقلنلهاش حت نروحو -ايا تهلا ف روحك واني وصيت وهيبة عليك إلا حتاجتي كش حاجة قوليلها..... هما رايحين وخلاوني هنا محبوسة  واحد مطلع شافني منهم غير هاذي وهيبة يكثر خيرها  راحو مقدرتش نقعد وحدي وسط هاد الجو تع الحزن .....

نفوس محطمة 

24 حتى 28 

 رقدت هاديك الليلة وانا ف هاذيك الحالة الحس البكا وانا محبش يخليني نهبط ع الاقل نعضملهم الأجر مهما يكون تبقى هاذي عجوزي بصح هو منع عليا نخرج تقلقت نضت رحت للدوش دوشت صليت ودعيتلها بالرحمة ودعيت ربي يصبرهم ودعيت لروحي ينورلي طريقي هاذي لي منيش عارفة وين مديتني خلاص قريت شوي قرآن لبست بيجامة ورقدت شوية نسمع ف البكا شغل وحدة تبكي طالعة ف الدروج حت شفت باب تحلت كانت خت رياض تبكي نضت ف هاذيك الحالة شعلت عليا الضو جيت نوض نسلم عليها طبعتني قاتلي راكي هنا والله لا راكي راقدة ومتهنية -قتلها سعاد عظم الله اجركم ختي وربي يصبركم-وقتاش جيتي وشكون جابك -جيت نجاوبها قاتلي يما ماااتت ماااتت جريت حضنتها بالسيف بش قدرت نهديها قعدتها فوق السرير قتلها ديري ربي في قلبك قضاء الله وقدرو واحد مكان حاسبلها هاكذا جات وش نديرو بالسيف حت هذات نوضتها غسلتلها وجها ف الدوش قتلها ريحي هنا سمحولي مقدرتش نهبط رياض مخلانيش واني راني ف حالة كيفي كيفكم دخلت علينا وهيبة وهاذيك مرت هشام وقيل هذا وين جاهم الخبر بلي راني هنا دخلت هي كانت تبكي عظمتلها الأجر هي ماقالت والو قعدو شوي وهبطو عاودت. وليت لبلاصتي توضيت ورفدت مصحف لقيتو تم ونقرأ نقرأ حت أدن الفجر نضت صليت ودعيت بقا بالي مع رياض جاتو من جهتين يماه وامو والله بزاااف ربي يصبرهم جاتني الغفية وحسيت بالجوع وانا كي نجوع منقدرش نحتم بقيت رايحة جاية  وحاكمة في كرشي حت طلع النهار جابتلي وهيبة الفطور  فطرت كانت 8 قاتلي الا تهبطي لتحت كامل راهم يحوسو قتلها رياض محبش قالي تهبطي متفراش شوية ودخلت وحد العجوز هي مرت عمو جات ليا حظنتني قاتلي يا بنتي سمحيني البارح كنت راقدة هبطلي السكر كي سمعت ب حليمة ماتت قتلها اخاه انا لي سمحولي مقدرتش نهبط قاتلي مديري والو ف بالك وكي قعدتي هنا خير متهبطيش تعرفي العرب تاعنا فامهم حاميين وكش ميسمعولك خاصة عماتو وخالاتو راهم لتحت محبوش حتا يطلعو هنا قتلها معليش خالتي ربي يصبركم كامل قعدو شوي معايا  وهبطو ...

25

كانت 12  هكداك سمعتهم يبكيو قوا العياط عرفتهم بلي جابوها طليت شوي من التاقة مو. الريدو شفتهم مهبطينها غاضتني دمعو عينيا ربي يرحمها ملحقتش تفرح ببنها شفت رياض و لد عمو هازينها ورجال خلاف دخلوها رحت هزيت خمار من الخزانة درتو على راسي وهبطت لتحت معرفونيش عندهم الحق اصلا منباش بلي انا هي العروس شفتهم معرشين فوقها ويبكيو بنتها ومرت بنها وهيبة ويماها  نسا خلاف بقيت غير نشوف ونبكي مزية وحدة معرفتني شوية برك وهزوها جا دخل رياض وعماد وزوج خلاف دنيت لهيه خفت يشوفني هزوها وخرجو شفت نسا خوتي وماما محبيتش نروح توالهم بش منتعرفش وقيل هاد وين. صلو  زربت طلعت لفوق نحيت خماري كان أدن الظهر توضيت وصليت دخلو عليا كانت ماما جريت حضنتها ونبكي وهي تهدن فيا قعدو شوي  مبعد راحو ... وحد ساعة دخل عليا كي بركان هايج حرت فيه طول عطاني كف ميلني شديت ف باب الخزانة  حت رعفني -بقيت نشوف فيه قتلك ولا مقتلكش -ووش -علاه هبطتي ااا قولي -يا ربي شافني -كيفاش حبيت منهبطش وش درت ياك هبطت نشوفها علاه انا غريبة ولا -اسسسكتي درتي لي ف راسك معليش خرج وخبط الباب .وشبيه هذا دك قد محاولت نحكم ف اعصابي وهو جايبها غي مورايا فهمنا بلي متأثر وغايضاتو بصح علاه ولا ضدي كأنو يلوم فيا شفت وجهي ف المرايا دم يهبط من نيفي رحت غسلت كانت أول مرة نتضرب بكف طول عمري وانا صفاء شعرة متتهزش مني يفكرو الف مرة قبل ميقيسوني واليوم نتضرب بلا سبب  معليش نشوفو ها لوين راح توصل  حاليا راني مسالمة مع الوضع ومقدرة الحالة مليح بيسك راني إنسانة ونفهم ونقدر .....شفت مع قشي تفكرت كيفاش كنت نجهز فيه وفرحانة  واليوم حالي مكسور شي من حزن شي من القهر شي من الخوف من المستقبل تاعي وكيفا راح تخلص عليا إذا من اليوم الأول صرالي هكذا وش مزال يزيد يصرا  ستغفرت ونضت نظمت الشمبرة شوي وعقلي وتفكيري مشتتين تلفوني مهزيتو محوست عليه دخلت للدوش زدت نظمتو شفتو معلق كوستيم تاعو لي نحاه البارح كان مكرفص في حالة عاوت عدلتو علقتو ف الخزانة وروبتي نسيتها كامل لقيت مرت خويا معلقتها .....كانت 15:00 تع العشية من قلت النوم راسي وجعني حوست على كاشي مالقيتش تم عصبت راسي ورقدت ...

26 

رقدت منعرف شحال من ساعة المهم كي فطنت شفت الشمبرة مظلمة نضت حكت تلفون لقيتها 20:30 اوووو رقدت هاد وقت كااامل والله محسيت دك انا نقعد هنا مسكرة على روحي حكمتني ضيقة فتحت تاقة عاللخر بش يدخل الهوا خفت نخرج للبالكو ويشوفني  عيطتلو هز عليا -انعم وش تحتاجي -كيفاش وش نحتاج وش هاد لافاصو لي تحكي بيها معايا -....كوبا عليا  والله ربحت معليه تفكرت عيطت لوهيبة جات لعندي قتلها ختي راني ميتة بالجوع قاتلي سمحيني نسيناك رانا مع الغاشي قتلها انتم سمحولي زدت عليكم شغل قتلها حبيت نهبط بصح منقدرش حشمانة منهم قاتلي مديريهمش ف راسك الهدرة باطل الا تحبي تهبطي ارواحي توالنا لتحت اصلا مبقاش الغاشي غير مقربين برك  خممت ف هدرتها قتلها دقيقة ندير خمار عل راسي ونهبط معاك لتحت لوقتاش نبقا هنا مخبية ياك مدرت حت حاجة خايبة قتلو ف قلبي دز معاهم انت اتشنف عليا وانا نسمطك  هبط داتني لوحد شمبرة كانت ختو تم راقدة ومرت خوه دخلت عندهم حالتهم حالة سقسيتها هلى راجلها قاتلي رانا ندعيولو يسلك منها قتلها بربي انشاء الله يشفا قاتلي انشاء الله مبعد دخلت وحدة شغل شايفتها نطقت اااا العروس راهي هنا بالسيف هبطتي بقيت مشوكية فيها تهدر وتعيط نطقت ليها مرت هشام قاتلها وشبيك تعيطي اهدري بالعقل قدمت ليا سلمت عليا وقاتلي ((معرفت نبارك ولا نعضملك الأجر )) وتعوج في فمها قتلها كما تحبي حت انا جاوبتها بنفس النبرة شفت ف مرت هشام تبان متطيقهاش  قاتلي انا سلمى مرت ولد عم راجلك- متشرفين -ايييه هادا زهر عندك ولا خلي --مكاتيب ربي -ايه عندك الحق رياض مسكين  شڤلي قلبي معرفش حت يفرح كي نتاجو ربي يكون معاه مش ساهلة خلااااص-شفت فيها بنص عين قلبي قالي نوضي ليها كرفسيها شافت فيا مرت هشام تع مديريش عليها - سكت مجوبتهاش فهمت روحها دخلت وهيبة شافت فيها اييي انتي راجلك راهو حرڤ تلفون يحوس عليك روحي اهدري معاه يحتاجك باين بلي ميتفاهموش  نشعتها خرجت بففففف - جات ليا كش مقالتك -والو غير تهدر برك خليها -كلبة صباح شافتك كي هبطتي هي لي خبرت رياض -حليت عينيا فيها - قاتلي هكذا دايرة تع مشاكل -قتلها ف قلبي مهيش عارفة معامن راهي تخلط خليها لليام نعتلها مليح شكون انا لوكان تبقى دور بيا راسة كلبة ....

27

بقيت قاعدة معاهم ختو راااقدة ولا دايخة منعرف جاو توالها بناتها عندها زوج بنات قاعدين فوق راسها ماما ماما وهي والو تقول ميتة مرت هشام حاطة راسها تبان مسكينة مقلقة ومخلوعة ملقيت وش نحكي معاهم هما في عالمهم الخاص وزيد راني مزلت جديدة بيناتهم الكلام وهربلي كي شفت في ختو هكذاك غاضوني بناتها جبتهم لعندي يبانو توأم يتشابهو حضنتهم بقاو غير يشوفو معايا طاطا انتي مرت خالي جديدة -ايه انا هي وسمي صفاء -ايه مليح اسمك يسخف طاطا ضحكت-وانتم تاني تسخفو وش اسمك وحدة قاتلي انفال ولخرى ابرار  عجبتهم بقيت معاهم شوية ودخلو زوج نسا معرفتهش كبارات يبانو ف 60 هكءاك ويتشابهو دخلت معاهم وهيبة - هاذي  عروستنا عمتي -دخلو سلمو عليا نطقت هاذو عماتي وهاي عروستنا صفاء -ايه الله يبارك ب زيان السعد وحدة نورمال تحكي معايا ولخرى كلي معجبتهاش ولا تبان مزعفة مدرتش عليها اصلا راهم في جو تع حزن متفرقي بين لي راه مليح ولا لي حزين  شايخو شوي على المرحومة حت جابو العشا تعشينا كامل كما رانا في ديك شمبرة  دخلو طابلة كبيرة ستفوها من كل خير كلينا واخيرا عمرت كرشي يا يما كلشي ولا نكون جيعانة منقدرش هكذا جاية . شبعت عجبوني كي ياكلو ميهدروش وانا وش نحب نكنسنتري ف ماكلتي مبعد نطلق العنان للساني  ..حمد لله نضنا كل وحدة حكمت بلاصتها غير وهيبة طايحة نايضة على سعدها نضت نعاون فيها -يخاه روحي اقعدي والله ميجو في يدك  -كيفاش هذا راني نشوف فيك غير نتي لي راكي تجري خليني نعاونك-قتلك أقعدي برك راكي عروس وشبيك -ميهمنيش وهيبة ف الضرف لي رانا فيه مكن ني عروس ني عجوز قتلك نعاونك خليني تعيشي اصلا ضاقت روحي وانا قاعدة منيش موالفة هاد روتين بقيت نهز معاها ف ماعين وهاذوك يشوفو معايا كملنا  خرجت ديك طابلة حت للهول مقدرتلهاش خليتها تم ودخلت لكوزنتهم يايما شحال كبيرة الله يبارك هاذي تشعل كلشي فيها مخدوم ليكس برك معمرة ماعين رحت شمرت الجبة وخماري دايراتو في جال الضرف كي عادت جنازة برك عصبت بيه راسي وقدمت توالها فرزنا المواعين قبل والبرم وحدهم هي دارت باسينة وحدها وانا وحدي حطيناهم ف الارض وبدينا شبهت روحي للفيلم تع دار سبيطار وانا ف هاديك الحالة  نغسلو ونشايخو جبة مطلعتها لفخادي هكذا عوايدي وانا مطابسة معاهم  وهيبة خرجت للحوش منعرف وش راهي تفرز تم ..نسمع ف واحد ذخل يسخايب ني تاعهم جا يهدر معايا كي شافني طلعت راسي رجع للور مسكين تخلع فيا وحشم -اا سمحيلي مدام حسبتك ختي -ايه هذا انت في قلبي راني نتلاقا بيك كثر من راجلي كان عماد ولد عمو ليه ليه خرج دخلت ختو قاتلي شكون كان يهدر قتلها خوك كان يحوس عليك ....

28

كملنا رغويناهم تالمو بزاااف جبنا ساعة وأحنا معاهم زدنا شللناهم ولينا نقطرو ب الماء جبب لسقو علينا مزيا كانت السخانة وأحنا هكذاك نسمع العياط ف الهول خرجت هي بقات تهدي فيهم نسمعو يقوللها وانتي متفهميش روحك ولا كيفاش قاعدة حاطا رجل على رجل هنا ونسا لهيه غارقين مع ماعن روحي شوفيهم  ولا فحلة غير في فمك امشي قدامي للكوزينة نتي تكمليهم وهي تقولو علاه راك تعرف عندي حساسية من إيزيس كي نكثر عليه -والله قتلك امشي دك تكملي معاهم والله متحشمي عروس جديدة راهي لداخل تغسل وانتي هنا دوري -دخلت مشنفة -ايييي كن قلتولي انا والله مشفتكم جاوبتها وهيبة انتي متفهميش روحك خلاص -خلااااص هاتو نشلل هنا نطقت ليها قتلها دك نكملوهم غي ريحي زيدي تتشمخي نتي تان  كملنا ستفنا الحالة جبنا طوابل وحطينا فوقهم بقا تسياق الحالة عايمة خلاااص طاقتي خلصت وهيبة تاني في زوج ميتين لخرى هزت زوج طباسا وخرجت زعما تنشعت منا كي محبيناش نخلوها تتلاح  شوية وجاو عماتو دوك يطلو علينا -يعطيكم الصحة يا بنات والله كملتوهم  دخل معاهم رياض ف الاول معرفنيش كنت معصبة وحالتي حالة كي تولهلي بلي انا شعل عينيه فيا شافتنا وهيبة قالتي روحي لحقيه وقيل يحتاجك قتلها في قلبي اليوم تخلص علينا وواحد ق اتل لوخر غاضتني نخليها مع داك الماء عايم بالسيف بش قنعتني طلعت وانا نقطر حت دخلت شفتو فوق السرير عاقد حواجبو مقيمتوش اصلا راني للتوب منو ومن كلامو رحت هزيت وش نلبس دخلت للدوش دوشت مليح ونسمط زكارة فيه نشفت ولبست  بيجامة وفوطة على شعري خرجت شفتو يتكيف ف البالكو قعدت ننشف في شعري ولا عالبالي  عاود دخل جا ورايا دار صبعو في راسي -انتي متفهميش ولا تلعبيها-انعم خير وش درت تاني-كيفاش وش درتي ياك قتلك متهبطيش لتحت-وقيل راك حاسبني صنم عندك علاه منهبطش اكل كانو يحوسو عليا يشوفوني علاه نقعد هنا مسكرة على روحي-قدم لعندي تبانيلي متفهميش ب الهدرة لازمك حاجة خرى تولي وش نقول تنفدي طلعلي الغاز من هدرتو وليت نغلي -اسمع راني ساكتة ومقدرة وضعك وحاشمة  برك -ا هيييه كملي كملي-رياض كلام لي قلتلي البارح مزال يدور في مخي وجامي ننساه غير بعدني راني شادة روحي بالسيف منيش انا لي نتهان ولا نتضرب فهمت- جا حكمني من شعري وزير عليا -اططلللق وش بيك هبلت بعدد عليا ديجا دك نعيط لخويا بجي يديني انت شكيت مهبول وهاذا وين بانو الأعراض تاعك هاج كي قتلو هكذا جا يهز يدو عليا نضت هربتلو حكمني شوفي فيا آخر مرة نلقاك لتحت قبل منسمحلك انا أوكي ودمرني ح الحيط وخرج شوية وعاود.دخل هز مفاتحو وتلفونو وخرج -  والله غاضتني روحي علاه وشبيه ولا هكذا وش درتلو انا يعني ف دقيقة هاديك ضعفت كنت رايحة نعيط لخويا لوكان يسمع كيفاش يتعامل معايا يجي يهرسو يردو فيونداشي مبعد استغفرت رحت كملت نشفت شعري طفيت ضوء وحكمت بلاصتي .........

الجميع #نفوس_محطمة

الحلقة 29...38

نفوس محطمة 

29 حتى 33 

ف نص ليل حكمتني وحد الحالة نحس في روحي  مسخنة ونرجف ف نفس الوقت نضت تقعدت هو مكنش اصلا الله لا يجيبو كرهتو عرفت روحي بلي تسخنت من تشماخ تع ماعن وانا اصلا زيرو مناعة بقيت نشوف ف الضلمة دك انا كيفاش ىح نهبط لتحت لازمني تيزانة ولا باراسيتامول بصح مكنش جاتني البكية من حالتي كيفاش كنت وكيفا ش وليت بقيت مع راسي نهبط منهبطش اصلا راهي 4تع صباح والناس راقدة عاودت وليت رقدت على زهري وخلاص وش ندير مقدرتش نضت للدوش غسلت وجهي ورقبتي بلاك تهبطلي والو زادت اكثر نعاس هرب مني اكم تعرفو حالة هاذيك حت طلع الضوء من برا بقيت نتصنت شكون ينوض أوموا نهبط كش منلقا تزانة ولا يمدولي دوا وهذاك يا درا وين راه وين راه يبات  ..سمعتهم لتحت هدرة العجايز دوك عرفتهم ناضو بدلت لبست جبة وهبطت ماشية ونرجف حاكمة ف الحيط حت دخلت للكوزينة شميت ريحة القهوة اممممم مليحلي كأس نصحصح بيه دخلت صبحت عليهم كانو غي عماتو تم ومرت هشام معاهم واقفة مع بوطاجي طيب ف الحليب شافتني تخلعت -ا صفاء وش بيك وجهك مزندر راكي مريضة- ايه ختي عندك براسيتامول -ايه أقعدي هنا دك نجيبلك قعدت نطقت عمتو يا بنتي راكي تسخنتي من الحالة تع البارح شفتك كنتي تقطري -والله يا عمتي انا هكذا مين نتشمخ نتسخن اشربي بنتي تيزانة تزول عليك -لوخرة نطقت نتي راجلك وين راهو -علاه مجابلكش دوا- ملقيت وش نجاوبها حاسبينا وقيل عرسان وحنا رانا عديان- سكت جات مرت هشام مدتلي شربت حبة جيت نايضة حلفتني حت نشرب الحليب قعدت فطرت معاهم وهما يشايخو فهمت بلي رايحين لسبيطار يطلو على راجلها قتلها ربي يشفيه ختي كي اليوم تصيبيه هنا واقف معاكم -ايه انشاء الله ختي نضنا تفرقنا لميت هادوك الفناجل غسلتهم وحطيت ترامز وفناجن وستفت طابلة حطيت كروكي كان تم قلت لي ينوض يصيبها واجدة  سمعت الهدرة جاية من الصالو تاعهم خفت يكون رياض وهو متحلف فيا طلعت نجري للشمبرة منيش ناقصة كلام يجرح ولا مناوشات معاه حالتي متسمحش .

30 

من كليت دوا خفت عليا الحالة شوي  اليوم كان ثالث شوية هكذا نسمع ف الهدرة لتحت بزاااف طبطب الباب دخلت ختو سعاد صبحت عليها قاتلي صفاء وشبيك راكي مليحة -حمد لله دك شوية ريحت -قاتلي مرت هشام كنتي في حالة الصباح تحيرت عليك -والله يا ختي صبحت ف حالة وحت دوا مالقيتش هنا -وعلاه منوضتيش رياض راح جابلك -سكت مبعد قلت والله نقولها ياك خوها -ختي سعاد خوك منعرف وش بيه ملي جيت هنا وهو عقابي ب الكلام يقولي نتي وجه نحس ونضت نبكي -ياخاه وش تقولي صح-ايه والله نهدر ونبكي فرغتلها كلشي حشمت مسكينة ملقاتش وش تحكي -خلاص اسكتي دك انا نهدر معاه ساعفيه شوي راه مش ف حالو كانت ما الله يرحمها مدللتو بزاااف وزاد خويا كي راه مطايش ف سبيطار  قتلها والله راني متفهماتو يا ختي حتا انا يتيمة وتربيت بلا اب ونعرف قيمة كي تفقدي واحد من والديك حضنتني هي تبكي وانا نبكي مبعد ناضت قاتلي خلاص يزي من البكا ربي يرحمهم واليوم نهار الثالث تع ماما ورانا دايرين صدقة والغاشي تلم لتحت قتلها دك نهبط نعاونكم -مكان لاه أقعدي هنا لا يزبد يجي يحط فيك ويستبب عليك رياض ونعرفو حت يهدأ لي فيه بش يولي زي العباد -وكيفاش نبقى هنا وغي انتم لي تجرو لتحت بزاااف عليكم - متقلقيش روحك اليوم جبنا طباخ لي راح يطيب اصلا يجي الغاشي ف العشا -ايه مالا ربي يعاونك وربي يجعلها صدقة مقبولة على المرحومة - صفاء مديريش عليه خليه وحدو دك يهدا مزال راه ف الضغط واكي عارفة من عرس ولا قرح - الله يجيب الخير -هبطت هي وانا رتحت شوي كي فرغت كنت رح نترتق  فرزت الشمبرة بدلت الفراش فتحت تاقة وبالكو  كنت ريحت شوي مسحت برك لبست جبة مستورة عيطولي تع الدار حكيت معاهم شوي محبيتش نقلقهم وزدت مع ماما توحشتها بزاااف انا كوبيت عليهم زادت عيطتلي صحبتي كيف كيف غير نطمن فيهم ....شعلت تلفزيون درت قناة تع قرآن وخليتو عاودت سكرت تاقة وبالكو طفيت ضوء خليت غير ضو لاتيلي حكمت بلاصتي نلقاه دخل عليا اليوم يبان كالم دخل دار دوش وخرج  يشوف معايا ويحقق انا حطيت راسي ف تلفون جا قعد مقابلني كش متحتاجي -نطقت ليه  لا مانحتاج والو تهنى-صفاء ريقلي هدرتك متجاوبنيش بهاد النبرة نكرها -هزيتلو براسي تع ايه برك -نسف وناض خرج ...

31 

فات داك النهار دارو عشا جاهم غاشي احمر هكذا كانو يحكيو انا مهبطتش خلاص الغدا والعشاء عيطولي محبيتش نهبط مبعد جابتلي ختو ووهيبة للشمبرة بقاو ياكلو معايا  وزادت دخلت علينا ديك مصفارة تع سلمى محبناش نحلبوها لعبناها نوكلو راحت خرجت معندهاش زوق خلاص تزدم برك وهما دايرينها مسخرة عندهم قالك متحشمش وتلعبها فاهمة وواحدة متتوصلها بصح هي كافية بقيت نضحك والله عندهم الحق كملنا العشا والله كي نكون معاهم منحسش بالوقت يهدرو بعفوية وسعاد اليوم تبان مليحة شغل تكالمات شوي  حت بناتها جاو لعدني بقاو يلعبو ب ماكياج ااااااا وانا نقطة ضعفي واحد يخربلي في دو الصوالح نحب النظام  معليه خليتهم على راحمتهم  عيب نحيلهم  ....

جازت سمانتين من بعد  الدار فرغت غي انا ومرت هشام ندورو فيها خاوية تخلع سعاد راحت لدارها جي  صباح طل وتروح العشوة وهيبة تان  روحت  عماتو ووحدة من خالاتو بقاو معانا سمانة وروحو بقات معانا مرت عمو وحد المرا  كي العسل تدخل ف القلب حنينة   تقريبا دك تعرفت عليهم كامل خوه هشام خرج من كوما  بصح مزال تم ف سبيطار مرتو تروح تطل عليه من فترة لفترة سمعت منهم قالك قلب عليهم سبيطار ب البكا كي سمع بلي يماه توفاة غاضاتو للخر بسيف بش هدنوه اييييه صعيب تنوضي يقولولك مك ماتت غير لي مجربها لي يحس ...رياض تهدن شوي مبقاش هايج كما ياماات لولين نحكيو غير اللازم مع بعضنا مخليته على راحتو مزال تحت الصدمة انا عدت نهبط لتحت عادي نتعاونو انا ومرت خوه ساعة طياب ساعة تسياق دارنا جاو نهار تع الثالث وروحو زادت جاتني مريم وخويا حسان محبش يدخل لقاتني غي انا  ومرت عمو ف الدار ستقبلتها وقمت بيها طلعتها لشمبرتي هي وبنت خويا مرت عمو قاتلي طلعيها لفوق واحكي براحتكم يل بناتي راني هنا لتحت هههه والله هايلة دي المرا مريم  سقساتني على حالتنا كيفاش قصدها انا ورياض حكيتلها بصح فوق فوق  قاتلي دك لازم تتممو زواجكم علاه لوقتاش تبقاو هكذا مجرد مخممت وش راهي تحكي تقلقت باقية تقنع فيا منا ومنا قتلها في قلبي كي يرضى سعادتو قبل قلبي وبرد قبل ما يسخن   بقات معايا للعصر وروحت خلاوني غي انا وحدي ....أنا هاد روتين جديد.عليا موالفة لي ف راسي نديرو بصح هنا راني مقيدة وتحت تهديد ههههههه تاني  دك انا وش ندير كلام لي قاتولي وترني شغل وش صرا معانا هاد.ليام عاود.رجعني خطوة للوراء من الاول مكنتش متقبلاتو ولا حاسة بشي من جيهتو برك والفتو وزيد مع هاد معاملة مشكيتش انا وهو نتفاهمو لااااازززم نخمم مليح قبل ميصرا داك الشي مزال عندي الوقت .....

32

جا وقت العشا وانا ف الكوزينة نخمم دخلت مرت هشام تبان فرحانة مسكينة لي فات عليها صعيب بزاااف لقاتني واقفة قاتلي سمحيلي خليتك اليوم وحدك وين راهي مرت عمي قتلها راهي ف شمبرة -شكون جا ليوم -جات مرت خويا برك -اااا معليش حقا غدوة يخرج هشام-اااا حمد لله والله محنة وجازت -بصح مهوش كامل مليح حازن على مو وميهدرش -معليش ختي بالعقل دك يتقبل فراقها قتلها في قلبي لي عندي مهوش قليل على خوه داخل في إكتآب - ايه نروح ندوش ونجي كش منعاونك -لا ختي راكي عيانة ريحي اصلا كلشي راه يطيب -يعطيك الصحة بقيت واقفة فوق الكوكوت سكرتها ورحت قعدت مع مرت عمهم  نشايخو تحكيلي على المرحومة يماه بلي كانت فرحانة بززاااف قتلها الله يرحمها كي جات وخرجتني شفتها كيفاش فرحانة وآخر مرة نشوفها فيها سبحان الله -ايه حليمة مسكينة وش سفرات مع ولادها وبدأت تحكيلي عليهم بكري وين كانو عايشين وكيفاش كانت حالتهم عرفت بزااف حوايج عليهم حت وصلت لعند رياض قاتلي رياض كي نزاد طلقت من وراه عامين بش ردها راجلها  كان شوي مزير سلفي هذا  الله يرحمو ويغفرلو مبعد شيخ حلف فيه يردها وكما كان جات وزادت موراه ختو سعاد  ومات باباه خلاهم صغار في زوج -جاتني دمعة وهي تحكي تفكرت صغري كي توفا بابا وخلاني ف 12سنة من عمري وأحنا نشايخو دخل علينا سلم على راسها وشاف فيا قالي وش درتو عشا قتلو درت زيتون وكاين مطلوع  قالي انا منوكلش زيتون شفت فيه -وش تحب تاكل -قالي ديريلي كش حاجة خلاف -نضت على سعدي للكوزينة لقيت كاين جاج جاتني فكرة نمارينيهم ونديرهم روتي ونقلي شوي فريت ونزيدو  ولي يحب يوكل درت كما خممت وحطيتو ف كيس شواء زدت قليت فريت كان هذاك هو وقت العشا وجدت طابلة  زيتون كان طاب وجد زدت حطيت الفريت ونستنا ف روتي يكمل  ....تجمعنا فوق الطابلة صونا الباب راح يفتح جا وليد عمو حكمو يتعشا معانا انا حشمت قتلو نحطلكم ف الصالو قالي علاه خلي ياكل هنا معانا  يااااا وشبيه هذا من نيتو انا نحشم بففففف يا ربي وانا لابسة هكذا  روبة شوي عريانة من فوق مالڤري منيش متحجبة بصح العرا خاطيني توترت دخل لاح علينا السلام حشم مسكين كي شافني وانا كثر رياض موش سامع مره متقول انا مرتو قلقتني هاد.جاست منو كنت نتوقع ردة فعل خلاف ضهر مش من نوع لي يغير خلاص صبيتلهم ويدي ترجف بيسك هذا راه صاحب خويا من زمان ودك ولد عم راجلي حطيتلهم كلاو عجبتهم الماكلة مرت عمو تشكر وتعاود رياض ميحلبش عماد هذاك قالي يعطيك الصحة مدام  ..شوية هكذا وناضو  يماه لبست غي رداء من فوق قاتلي تهلا ي يا بنتي فيهم وغدوة نولي قتلها خاتلي نسيتي حجابك قاتلي راني نسكن غي هنا ي بنتي جنب الدار وياااااا والله معلابالي بلي يسكنو حدا بعضاهم راحو خرجو مرت هشام غسلت الماعن وانا معاها قتلها بيت عمهم يسكنو هنا قاتلي هيه ارواحي للحوش تشوفي دارهم خرجت صح لقيت بلي حوش تاعهم لاصق ف تاعنا وبيناتهم باب انا ملي جيت محاولت نخرج ولا نقرعج من كوزينة للشمبرة ...

33

بعد ما روحو بيت عمو وكملنا شغلنا كل وحدة طلعت لبيتها هي معندهاش ولاد على حسب قولهم عندهم 3سنين زواج وفارقت زوج مرات ومزال مكتبلهمش ربي ..دخلت لشمبرتي لقيتو تم متكسل لابس شورت وتريكو ويخرب ف تلفون شاف معايا هربت بعينيا منو هزيت وش نلبس ودخلت للدوش درت تشليلة وخرجت لابسة بيجامة خفيفة شعري محبيتش نشمخو قعدت فوق كوافاز وهو يشوف فيا نطق قالي غدوة إنشاء الله يخرج هشام وبعدها نروحو نقعدو يامات وحدنا فتحت عينيا فيه بلا منهدر مبعد.حطيت راسي فهمت وش يقصد -أنطقي علاه ساكتة -ااا وش نقولك خفت نهدر مبعد نتناشعو كي العادة- علاه تشوفي فيا غول ولا تخافي مني عاد يضحك ههههه مبعد اختفت الإبتسامة تاعو فجأة ولا قالي ولا مكيش حابة قولي هزيت عينيا فيه -الله يهديك (في قلبي قتلو والله لا جبتها قدقد منيش حاملاتك كامل كن غير قعدت جابد روحك عليا )  سبحان الله خواطري ليه ليه نفروه وانا من نوع ميزاجية لي يخرب فيا ويحاول يستفزني نديرلو quitte  من حياتي  وهذا ف الاول كنت متقبلاتو وكان يبان إنسان هادي ومتفهم ف فترة خطوبتنا هكذا كان يبانلي لكن ضهرلي العكس بالرغم من ضرف تع موت أمو لكن مهوش سبب مقنع ليا خلاص بالعكس هو خلق هاد الثغرة بيناتنا انا من جيهتي كنت مستعدة نوقف معاه ونكون ليه سند وحت نمسحلو دموعو راني تيتمت قبل منو بصح هو لا حط عليا اللوم وجرحني وزيد الكف لي عطاني وانا عروسة مزال يحرق في قلبي برك راني ب الكوراج ومدايرة قدر ليا ولأهلي بالتالي نصد هذاك النهار وخلي لي يصير يصير .نفضت هاد الأفكار من راسي ورحت تلاحت ف الفراش معاه وش ندير معندي حت مهرب خليها جي كما جات جات ربي مكتبلي هكذا وقابلة نعيش مكتوبي جبدني ليه بقى يثبت في وجهي توترت يا خوتي جابها على غفلة حب يبوسني غمضت عينيا متهربة زعما بصح جبد روحو وباقي يتمتم انا وش صرالي ومفهمتش صح هو راجلي مي مقدرتش بلاك مهيئنيش من قبل ولا مزل خاطري مجروح ولا الحاجة لي نعرفها هي أني انا ومنيش فاهمة روحي خلاااص دارلي بضهرو طفا الضوء وانا تاني هربت للنوم وحد الساعة بش غفيت  فطنت ف اليل ميتة عطشانة حوست على قرعة ما كانت من هيه من جيهتو رحت نهزها نشوف في تلفونو شاعل شغل ميساجات يلحقو بصح كان سيلونس وانا تالمو نعسانة هزيت قرعة شربت منها بلا كأس حطيتها ورجعت لبلاصتي كملت رقادي .........

نفوس محطمة 

34 حتى 38 

الصباح نضنا كيف كيف صباح الخير -صباح نور -روحي ديريلي كأس قهوة راسي راح يترتق -ايه معليه راني هابطة خرجت ب البيجامة طيبت حليب وزدت قهوة وعيطتلو هبط فطر وفطرت انا تان زادت هبطت مرت خوه فطرت خليتها لتحت وطلعت لفوق فرزت شمبرتي هويتها توضيت صليت وهبطت لتحت سمعت الهدرة كانت ختو جات سلمت عليها كانت تحكي مع خوها بلاك ف الظهر يخرجوه باقيين نتفاهمو وش ننصببو قاتلي دك يخرج تتعمر الدار يجو يطلو عليه تفاهمنا قتلها لازم نديرو قاطو نخطوه مع الضيافة قاتلي راني كمنديت متقلقيش فرحت بيسك انا منعرفش نديرو خاطيني ...وصلت الوحدة كانو راحو للسبيطار رياض ومع مرت خوه وانا وختو ف الدار مع شغل من هادي لهاذي كملنا معاهم قدقد دخلوه ديراكت لشمبرتو انا اول مرة نتلاقا بيه لبست جبة مستورة وطلعت مع مرتو لعندو سلمت عليه قتلو على سلامتك خويا وسلامة راسك -تبسم معايا قالي الله يسلمك ختي يبان مسكين حزين بقيت كان رياض لداخل قالو خويا كش متحتاج قالهم حاب نرقد خليناه مع مرتو وخرجنا هبطت قتلهم وجد الغدا سعاد دات بلاطو لخوها دارتلو غذاه وانا ستفت طابلة غي هبطو تغدينا غسلت ماعن بداو يجيو الناس كي سمعو بيه جات مرت عمهم  وبنها وعروستها وعماتو وخالتو ووحد نسا خلاف تع فاميلتهم  ومعاهم رجال معرفتهمش المهم صالو تعمر ع الآخر رايحة جاية ندي ف ضيافة وصلت الخمسة  تع العشوة وانا آلي روتور عيييت بزاااف وزيد وقت العشا ومزال  هم هنا عيطت لسعاد قتلها وش نديرو عشا بدأت تنعتلي وتكيلي انا مالفة ننصب مين داك بصح بكونتيتي قليلة اول مرة نتحط ف هاد الموقف جبنا برمة كبيرة للشربة  عاونتني مرت هشام  وسعاد  نصبت البربوشة كملنا ليه ليه زدت وجدت سلايط دخلت علينا ديك سلمى -كش منعاونكم -لا ختي يكثر خيرك رانا كملنا  باقية معانا تم زعما حت هي راهي تعاون علابالي بلي راجلها لي غمزها من هيه بش جات توالنا -حت نطقت ليا حقا  تهنيتو نتي ورياض ؟عقدتوحواجبي فيها -وش تقصدي بتهنينا مفهمتكش-قصدي تممتو زواجكم ولا مزال- فهمت وش تقصد سمعتها سعاد من هيه قاتلها نتي علاه راكي تسقسي -ااا مقلت والو برك سقسيت ياخي عادي رانا نسا في بعضنا-قتلها تهناي رانا تهنينا يا حصراااه -يوو مبروك مبروك وجها صفار مفهمتش وش بيها وراحت جات توالي سعاد قاتلي صح ؟؟؟ قتلها مزال ختي فهمتني بيسك علابالها وش صرا بيناتنا قاتلي هاذي متزيديش تعطيها الصح راهي متتامنش -علاه-والو  انساي خلينا منها  سمعنا الهدرة عند الباب كانو زوج نسا مروحين حلفنالهم حت يتعشاو وخرجت للحوش نشم شوي هوا كانت بدات نسمة الخريف تدخل تكسلت فوق كرسي تم  حت نسمع ف الهدرة ف الكوزينة كان صوت رياض يهدر  ف تلفون يقول (( بركايني منيش في حوالي ومتزيديش تعيطيلي وانا ف الدار !!!)) بقيت نسمع ومبعد راح مكنش عارف بلي رانت تم ف الحوش ...زعما شكون هاذي لي كان يحكي معاها يا حاي نندب ....

35

دخلت وانا نرجف للكوزينة دخلت سعاد شافت فيا وشبيك صفاء -اا والو برك عندي سطر وقيل راح تهبطلي -اااا روحي اتكاي شوي دك يخف عليك  ديجا كلشي واجد  روحي اطلعي راكي عييتي ووجهك أصفر طلعت لفوق مخي يدي ويجيب يا عقوبتي ويكون عندو وحدة في حياتو اهاااا بلاك متزوج لالا ميديرهاش نووو اوواااه سيد مش عاجبني سير بلي كاين وحدة اااااه استغفر الله استغفر الله نوووو بلاك مسمعتش مليح دك يطلع ونواجهو ايه لازم نواجهو اهاااا خلي مش دك  بففففف تقلقت تعرفو كنت نهدر وحدي دخلت للدوش غسلت شوي بدلت الجبة تكسلت شوي قلت نهبط منخلهمش وحدهم هبطت تلاقيت بيه ف الهول بغيت نتلاح عليه ب بوكس لوجهو معليش مع ليام وتبان  دخلت بدينا نعشيو رجال وحدهم ونسا كملو وتعشينا حنا كليت شوي برك شهيتي تسكرت  بقيت نخمم ف المواعين حت جات مرت هشام قاتلي انا نغسلهم خلي انتم عييتو يكثر خيركم  معطانيش قلبي نخليها وحدها تعاونا فيهم وكملناهم روحو الضياف واخيرا فرزت صالو وطلعت لفوق لقيتو يحكي ف بالكون شافني دار وكوبا وانا نشوف معاه بشك على شعرة كنت رح نواجهو بواش سمعت بصح قلت منتسرعش ممكن راني غالطة في تفكيري قالي وشبيك خير وجهك راه أصفر كي القارس-اا والو برك عييت هذا مكان -ايه وجدي فاليزة ليا وليك بعد يومين  نروحو نقعدو يامات وحدنا -ايه انشاء الله (من البارح وهو يعاود ف الهدرة) ..خفت كي قالي هكذا وبعد وش سمعت ليوم  كيفاش ندير دك  كنت رايحة نعيط لمريم ونحكيلها مبعد قلت لالا هاذي حياتي شخصية لوقتاش نبقا نشاركها مع الناس  توضيت وصليت دعيت ربي ييسرلي اموري معنديش من غير ربي لي يعاوني  ....هو دخل للدوش وانا جاتني فكرة شيطانية في راسي هزيت تلفونو بقيت نفتش فيه كش منلقى ولا مبعد تفكرت ميساجات تع ليلة البارح دخلت لداخل ملقيت والو  كلشي ريقلي حطيتو وحكمت بلاصتي خرج من الدوش جا توالي قالي تباني مقلقة غي الخير -والو قتلك راني غي عيانة برك -نتي دايرة هكذا توجورو مشنفة ولا غي معايا -شفت فيه وانت وش تقول -انا راني نشوف فيك معاهم ڤسرة وضحكة ومعايا انا قالبة خليقتك-في ميزك علاه ندير معاك هكذا-منعرف قولي نتي-رت

اك عارف مليح بلا منهدر-الا ع الكلام لي قلتولك مزال حاكمة الغل في قلبك عليا -ايه ملخر علاه هذاك كلام ينقال في يوم فرحي -مديريش عليا كنت مقلق ومشوكي-ايه مش غير نتا لي مشوكي حت انا مشوكية  -والله -ملخر الا حاب ترضيني بزوج كلمات غير تهنى انا قلبي حڤودي  ونحكم السخون منيش ساهلة ايه نشوفوها يا لالة ....رياض -اممم وشي-معامم كنت تحكي قبيل ف كوزينة ؟-دارلي بسرعة البرق -كيفاش مفهمتش -راك فاهم مليح-وش نفهم نتي وشبيك اليوم-مبيا والو شكون لي كنت تحكي معاها قبيل سمعتك كنت ف الحوش -سيد حل عينيه يتسما نتي على هاذي قالبة خليقتك فيا وانا نقول المرا صفرا -جاوبني -وش نجاوبك مخك راح بعيد غير ابردي ونحي توسويس من راسك - ردة فعلو كانت باردة زادت عليا ...

36

غدوة فات يوم عادي روتيني  ورياض مبانش خلاااص ضياف جاونا سعاد معايا مراحتش ..لليل جا كنت حاكمة بلاصتي دخل مدلي وحد شكارة حطهالي توالي فتحتها لقيت فيها وحد كوفر فتحتو لقيتها بارفان فرحت بصح مبينتش قتلو ماغسي-جا قدم عندي قالي مرتي الغيورة- شفت فيه -ارواحي لعندي -جا هو حضني قالي خلاااص سمحيلي وراني جيتك طالب سماح ونوعدك من اليوم نبدأ صفحة جديدة وانساي ليام لي فاتت علينا صح نستعرف بروحي غلطت معاك ومدابيك انسايهم بش ميبقاش مأثرين على علاقتنا ...الحقيقة تعجبت تقول نحاو عبد وحطو عبد في بلاصتو متقول هذاك الغول لي كان بقيت نشوف فيه مدرت حت ڤريماس نطق هو -والله راكي باردة على القطب الشمالي -ضحكت والله جات هكذاك  شافني نضحك  هو تان عاد يضحك  نطقت ليه -علابالك قريب معرفتكش وش سر التغيير هذا اليوم -وقيل معجبتكش هكذا -لا هكذا خير -هيه يالالة وجدتي الفاليزة -ايه واجدة-اوكي غدوة إنشاء الله نروحو ..

صباح جديد نضنا فطرنا خملت الشمبرة وكملتها زدت دوشت مليح نشفت شعري وهو خرج انا بقيت مع حالتي هبطت لتحت لقيت سعاد تنصب ف الغدا خبرتها بلي رانا رايحين فرحت قاتلي خير وخير بعدو منا بلاك ترتاح نفسيتكم  شوي  عيطت لماما ونسا خاوتي خبرتهم عاودت فيريفيت كلشي واجد  دخل هو كانت 11  سلمت عليهم وخرجنا وهما يوصيو ف الباب عيطيلنا متنسايش خرجت وانا نضحك عليهم  ركبت وديمارا مشينا وحد الساعة مبعد حبس هبط جابلنا الغدا قالي تهبطي قتلو لا جبلي نوكل لداخل كانت سخانة تقتل جابلي كليت وهو تان  وكملنا مشينا زدنا 3سوايع بش وصلنا للمكان المقصود  حبس توال وحد الدار تهبل جاية صغيرة مش كبيرة دخلنا لداخل كلشي نظيف ومرتب 

دخلت فاليزات 

بسم الله سطاليت كلشي ف بلاصتو القش خرجتو من فاليزة وعلقتو وقشو تانيت  الارض كانت نقية هو خرج يدخل طمبيل للقاراج  وانا بقيت ندور بين شنابر ونقرعج الحقيقة روعة شحال عندهم دوق ف الديكور دخلت دوشت فحفحت روحي لبست روب قصيرة ف روج وانا بيضة طلعت شعري طوماطيشة قلت نروح كوزينة نشوف لقيت فريجيدار معمر مليح هكذا خير كانت 17:00 حبيت نشرب حليب لقيت كاين طيبت جبت حبات قاطو معايا من الدار  وانا نشرب دخل هو صبيتلو شرب تان قالي لعشية نخرجو نتعشاو برا فرحت  سمعت تلفوني يصوني رحت هزيت كانت ماما حكيت معاها شوي تكيت كنت عيانة  وانا في داخلي منيش عارفة هاد الخطوة لي درتها هي الصح ولا يجي نهار ونندم عليها .....

37

خرجنا تعشينا غي تم برك قريب من الدار ورجعنا قلبي بدا يدق للألف حكمني وحد السطر في كرشي مش نورمال حسبت كش مكليت ومساعدنيش زاد قوا اكثر علابالي كي نقلق ونطلع جيني هاد الحالة رحت نجري لتوالات وهو حاير فيا اييييي لقيت روحي عايمة من تحت ب🩸  كيفاش نسيتها راه وقتها يا ربي وش نقولو دك خرجت وجهي أصفر هزيت قشي ودخلت للدوش غسلت وبدلت  كيفاش دك نخبرو جا ليا وشبيك -والو كرشي وجعتني -اااا كش مكليتي ولا خايفة-لا مش هكذا برك مجيت ننطقها تلونت كي حرباء -وش بيك انطقي- راني مريضة -هيه أشري دوا راه كاين هنا تع كرش -اها مشي قصدي راني مريضة ب حشمت متفهمش نتا -عقد حواجبو -وعلاه مقلتيش من قبل ولا مكيش جايبة خبر لعمرك-وشبيك تعيط -خرج وخبط الباب ولا لعادتو هذا وشبيه ليه ليه يتقلب -قعدت فوق سرير وسطر قتلني لازم حت نشرب دوا بش نتكالما عيطتلو محبش يهز عليا تفوووو جامي لقيتك وقت نحتاجك اييييي ربي رح نموت رحت كركرت روحي للكوزينة لقيت كاين تزانة ف كرتونة غليت وشربتها بصح والو بقيت هكذاك نتقلب في بلاصتي وحد ساعتين بش بدا يخف شوي برك بقيت نخمم يعني عندو الحق كيفاش انا محسبتش لهاد اليوم كيفاش نسيت ولا مدرتش حسابي عندو الحق يزعف انا الغالطة المرة هاذي ...لا علينا تكيت كشما نغفا شوي ومخي عندو وين راه راهي 12 ومزال مدخلش خفت كي عدت وحدي منيش موالفة حت دخل اففف ولات فيا الروح سمعتو سكر الباب دخل طول بش جا توالي كنت مشعلة فيوزة دخل يتمايل ف الاول منتبهتش مبعد شميت فيه ريحة قلبي دار منها  تخطفت من بلاصتي شعلت عليه الضوء عينيه حمورا دايخ مره منعرف كيفاش عرف الدار عفتو ف هاديك الدقيقة -رياض اك ش ارب-  والو مهدرش معايا عاود.خرج يا ربي وش هاذا آخر حاجة توقعتها منو اني نشوفو ف هاد الحالة سمعت تقربيع ف كوزينة منعرف وش راه يدير تم خفت منو سكرت شمبرتي والله مترقدها هنا معايا يا سكر ان الله ينعلك خم اا ج كلشي الا هاد الحالة ينعل زهري المعوج خلي غدوة يفطن ونهدر معاه هذا جابلي ربي مزال يجيي بلا من وراه حكمت بلاصتي ورقدت بش ننسى المنظر تاعو وهو ف هاذيك الحالة ...

38

شميت ريحة القهوة ف الليل عرفتو طيبها بش يصحا  والله في موقف كما هذا وسيرتو انا منيش موالفة عائلتي طول حياتهم محافظين يعني هذا ش راب خط أحمر عندهم  لوكان يسمعو خاوتي بيه والله ميخلوني معاه كلشي ولا هاذ الشي  دك بقيت نندب على زهري كان الليل وراني بعيدة عليهم بزااااف حسيت اول مرة بلي وحيدة موالفة بخوتي الله يبارك عليهم كي سبوعا في كتافي طول عمري ريح ميهزنيش بصح وش ندير جات كما هكذا الحاجة الوحيدة لي قررتها في هاذيك الدقيقة وانا تحت تأثير الصدمة منو هي أني نهز قشي ونصد ياااريت كنت قريبة للدار والله نهربلو ف الليل خفت منو يا ربي هو كي يكون صاحي ويخوف فمابالك وهو طافي قادر يزدم عليا وانا في حالتي هاذي يدخلني لسبيطار   والله نعاس هربلي جاني فضول رحت مور باب نتصنت عليه سمعتو يتمتم ولا يهدر ولا منعرف منيش نفرزلو يتخد  غير يبعدني برك يدير لي حب عليه سي بون هذا موحال نبقى معاه اليوم جاني س ككران وغدوة منعرف وش نزيد نتفاجىء معاه ......

طلع الصباح واخيرا معرفتش روحي كيفاش غفيت وقتاش نضت عينيا منفوخين مزيا لي سكرت الباب 

فتحتها بالعقل لازم نروح للدوش نغسل ونبدل مشيت حفيانة فت على صالون شفتو مطلوق على طولو فوق فوتاي زربت دخلت للدوش كي كملت سكرت عليه باب الصالو ورحت للكوزينة درت حليب فطرت مليح غي كرشي منفرطش فيها زربت رجعت للشمبرة لقيتهم تلفون حرڤوه ب العياط هاذو وشبيهم اكل يعيطو وش صرا خلعوني -هزيت الو -ألو صباحية مباركة يا عروس-ايووواااا هذا وين فهمت نسيت مره في قلبي بايتة عاسة كي العساس مشي عروسة كانت سعاد لي عيطتلي فهمتها بحالتي طبعا محكيتلهاش على خوها قاتلي معليش براحتكم وزادو تع دارنا حشمت وش رح نقول دك انا يا ربي وش درت لعمري هزيت على مرت خويا قتلها مخليتهاش تزيد تفهم كثر كوبيت عادو دموع يهبطو وحدهم اييه اكيد على حالتي من نهار لول وانا من كابوس لخوه مسحت دموعي معرفتش نتصرف قلت خلي يفطن ونهدرو جمعت فوق سرير تايهة نتفكر في حياتي كي كانت وكي ولات ..........

الجميع #نفوس_محطمة

الحلقة 39...48

نفوس محطمة 

39 حتى 43

 ناض مولاي السلطان يمشي ويبان مس شابع نوم كنت ف كوزينة قاعدة كان ماشي لتولات شافني وقف شاف شاف وراح بلا مينطق وزاد دخل للدوش خرج بسربيتة وقلبي يفور منو راح لبس ودخل جاي كأنه مصرا والو  ضرب كرسي برجلو وقعد مقابلني عينيه حمر جمر عقد حواجبو فيا  شوفو هو تبلاني كنت نايضة نسخن الحليب بصح وش قالي وش بيك تشوفي فيا هكذا  نوضي حطيلي الحليب وكثري فيه القهوة يالله  حسيت ب الإهانة وقتها نضت وخليتو و رحت نسمع فيه يعيط -أسمعيييي -والو مرديتش -صفااااااء-سكرت باب شمبرتي علابالي اليوم رح تصرا حرب بصح خلي تخلى- دمر الباب قريب كسرو-وشبيك نتي متسمعيش ولا طرشتي-عندك يديك سخن وشرب وحدك -ايي هيييييه تطورنا  ايااا نوووضي سخني الحليب-سمطت -جا حكمني من كول تع بيجامتي جابني واقفة -وش بيك نحي يدك عليا منسخنش روح بعدني -حكمني وجهي بيديه وشبيك نتي وش تحوسي دك انطقي -نحوس تبعدني كما جبتني كما ردني لدارنا دقيقة منزيدهاش معاك-هههههههههه يضحك بإستفزاز وعلاه يا لالة -لي عندي قلتو-ضرب كرسي تع كوافوز برجلو راح على زوج خلعني عرفتو تحول تكمشت نكدب نقول مخفتش بصح كن نسكتلو على حاجة كما هاذي نعيا ونندم  - شوفي نحسب منا ل 3 تنوضي تسخني راح نفوتهالك  متنوضيش اليوم نكرفس جدك -حسابلك خفت منك وقيل ولا كي صحيت دك لاعبها راجل عليا -تلاح ليا بكف كثر من تع خطرة لي فاتت بقيت حاكمة خدي حت هبطولي دموع وذني صونات -هذا وش تعرف تضرب وتأمر زعما تترجل عليا -مزلتي تهدري جاي يزيدني واحد هربتلو للكوانة غلبوني دموعي مهما يكون نبقى أنثى دموعنا هما سلاحنا -كلبة كما نتي تردلي الهدرة رخيسة -الله يلعنك -منا وجاي راح نعاودلك التربية حابة تسترجلي عليا . وليت نعيط عليه اخرج عليا منشوفكش الله يلعنك ويلعن النهار لي عرفتك فيه واحد مهبول فوق مجاي البارح س كران وطافي نورمالمون تحشم على حالتك هاذيك -وانتي هذا وش وجعك علاه جامي شفتي واحد س كران نتي تربيتي في الجنة وقيل -حاشاك تربيت مع سبوعا مشي مع سكارا  -مزلتي مكيش حابة تسكتي معليش رح نفوتها اليوم تزيد تعاودي هاد ليجاست نقبرك تسمعييييي خرج نسمع فيه خرج طمبيل من القاراج بكيت بكيت حت تنفخو عينيا نضت ديراكت عيطت لمريم قلت هي دبر عليا وش ندير خير منعيط لحسان علابالي دك يجي طيارة والله تصرا مجزرة ونخاف خويا يروح جرة بسبابو ..هزيت تلفون خلاص مبقاش فيا عقل -الو -من ألو لولى طرتقت ب البكا حكيتلها ...

40 

كملت نسمعلها باقية تهدن فيا قاتلي 

 أتهدني وخممي مليح مليح دك راكي زعفانة وأي قرار على زعاف يندم مولاه مبعد-وش راكي تقولي مريم راه ضربني زوج خطرات وش راح نزيد نستنى منو حت يقتلني -بعيد الشر علاه نتي مقطوعة ولا كن نقول لحسان دك يفريهالك ع البلاصة  تعشي مطلقة تعرفيه وهذا زواج مشي لعبة مزلتو جدد ومتعرفتوش على بعضاكم وقيل الضروف عكستكم منيش ندافع عليه بصح يا صفاء ختي كي حكيتيلي نتي علاه ترديلو الهدرة  وش خضاك -كيفاه حبيتيني ندير-واجباتك اخدميهم وعلاه لوكان سخنتيلو الحليب ميصراش هاذ الشي  أتهذني ختي وحطي عقلك في رأسك والا على هذاك شي  مزال عندكم وقت -شوفي مريم كما جيت كما نروح والله منخليه يمسني -استغفري علاه تحلفي -اني قتلك  اصلا مني نبادلو حت شعور وحياتو غامضة يبان إنسان وحد آخر خلاف ديجا راني نعاود في سيناريو من نهار عرفتو لليوم انا برك كنت غبية ولا يائسة من حياتي -راكي تهدري برك كما وصيتك اتهذني مليح العقل -اييه اسمعي بلاكي تخبري ماما -بلا متوصي وتلفون بيناتنا كشما يكون عيطيلي -اوكي سالي على ماما قوليلها توحشتك منيش حابة نهدر معاها بحالتي هاذي علابالي تفيقلي وتتقلق - كوبيت عليها رحت للمرايا شفت وجهي يدو مطراسي فيه الحلوف ...

خرج مولاش تهنيت منو درت غدا تغديت  غسلت ماعن ورحت للدوش غسلت بدلت لبست بيجامة مستورة انا علاه راني نعريلو خرجت ملقيت وش ندير وحدي تلفون كرهتو تلفزيون عندهم واحد هنا شعلتو مكنش سينيال عاودت طفيتو خرجت للبالكو نشوف لي طالع ولي هابط لي كوبل كيفاش يضحكو مع بعضهم وانا في عز شهل العسل ولا شهر البصل ندي ف الكفوف اييييه يا دنيا منعرف بقيت نخمم من نهار كيفاش تعارفنا صراحة ملقيت حت ذكرى تصلح اصلا مكناش نتلاقاو ولا نهدرو هي من الاول باينة انا برك كنت غبية  تفكرت نهار خارجة عروس وخويا يوصي فيه فجأة جا في بالي ولد عمو هذاك كيفاش لقاني ف سبيطار وجابني لدار كيفاش محبش الناس تشوفني هكذاك ونهار نشع مرتو كي شافني وانا متمحنة ونغسل ف ماعين واسلوبو ف الهدرة يبان إنسان محترم وكاريزما حت الهدرة يحكي بأذب عكس هذا الثور لي عندي سبحان الله  -نفضت الأفكار الغبية من راسي وش صرالي أنا وين ومخي وين يحوس بلاك الكف تع رياض خلخلي لي باراماتر أستغفرك يا رب هو متزوج وعندو عايلة ربي يهنيه في حياتو مالڤري ديك مصفارة تع مرتو والله متستاهلو بصح تبقى مرتو وشريكة حياتو  ومعنديش الحق حت نخمم ولا نقارن  وانا غارقة مع تخمامي شفت وحد الشيخ يتبلا ف وحد الطفلة جي ف العشرين بوحد الطريقة مت بالضحك تفكرت جارنا هذاك يااا ربي الشيب والعيب ضحكت ونسيت الكف مؤقتا ...

41

عڤبت داك نهار وحدي حت لحقت العشرة تع ليل زادت عيطتلي ختو تطمن قاتلي بلي ميهزش عليها ملقيت وش نكذب قتلها انا تان ميهزش عليا تلاعبت بالهدرة معاها ....دخلت للفيس نشايخ شوي مع حوحو نسيتها هاد ليام وأحنا في نص الڤصرة قاتلي بلي كاين واحد يحب يخطبها وراهي مترددة شوية  قتلها حوحو ملخر حوسي وشارشي عليه قبل متوقعي ف الفخ لي طحت فيه رجال ميتامنوش عندهم بزاااف وجوه وكي تتزوجي يعطوك وحد الوجه جامي شفتيه الا من رحم ربك يعني الا حابة تدي العبرة مني  قاتلي بلا متهدري اصلا راهي غي هدرة برك مزال مكان حت رسمي  -اييه حوحو بون نوي نعست كوبينا وديراكت رقدت من كثرة الأرق لي كان حكمني....

 فاتو 4أيام على هاذ الحال ف اليوم الخامس كنت ندوش الحس تع رشاش مسمعتوش كي دخل  كانت 11 غير خرجت لافة على روحي غي سربيتة خفيفة ورحت ماشية للشمبرة سمعتو يحكي بالعقل فاتح البالكون لدرجة مقدرتش نسمعو شفت في روحي هكداك مشيت على صوابعي جبدت وش نلبس وهربت للدوش لبستهم وخرجت لبست كلاكات نمشي وندير ف الحس  بش يسمعني بلي ني داخلة  .دخلت لقيتو كمل هدرتو ولا كي سمعني كوبا كان يبان هادي نعرفلو كي يكون منارفي ولا لا بيسك.يبان من عينيه يولو حومر  دخلت معبرتوش خلاص نشفت شعري  هو راح دوش ولبس وخرج حاط الحطة فحفح روحو ب بارفان وخرج مجاش حت لليل وقيل محوس انا لي نراضيه ولا بصح هاذي يحلم بيها اصلا راه عاجبني الحال يبعدني أحسن حاجة يديرها انا خلاص قرار وخديتو راني نستنا غي وقتاش نروحو مبعد ربي يدير حل إنشاء الله موحال نبقى معاه ...الليلة هاذيك.كي ذخل شميت فيه.نفس ريحة تع🥃 بصح صاحي مهوش طافي دخل زعما في بالو انا راني نسيت نطق قالي -ودك كيفاش نبقاو هكذا-وش تحوس من عندي-نحوس حقي متفهميش نتي-اسمع انا راني إنسانة بصح الشي لي عاملتني بيه من نهارنا لول لدك الحيوان ميقبلوش ضرب إهانات أوامر ودك جاي تطلب في حقك جاتك عادي وقيل ولا متفهمش في دو الأمور انت وديجا وش هادي الريحة لي خارجة منك في بالك جاي للبار هاذي دار فهمت وديجا نقولهالك ملخر غدوة رجعني نروح ولا نعيط لخويا يجي يديني معندي حتى حياة معاك  انت ماك معبرني ماك دايرلي حت قيمة عندك -اسمعييي هادو القوالب فايتين عليا بلاك تشوفي فيا منفيقش -بقيت نشوف فيه مفهمتش وش يقصد -واش راكي تشوفي فيا اليوم ندي حقي بالرضا ولا بالقوة -معندك حت حق عندي مدام منيش راح نبقى معاك خليني كما جبتني احسن ليا -انا قلتلو هكذا وهو هاج عليا -بعددد متمسنيش بععععدد -ريحتك تعيف اخطيني مقدرتلوش شكلي يديا بيد وحدة -اني رايح ندوش بش متبقايش تتسببي  ونجي وجدي روحك وطلقني راح للدوش ...

42

 بقيت نرجف غي هاذي مكنتش متوقعتها في بالي مدرتلهاش حساب بقيت مكمشة وهدرتو تتعاود في راسي ((وجدي روحك)) علاه وش راح نوجد مثلا  اني جثة بلا روح لهاذ درجة قلبو قاسح وانا هاكذاك دخل لاف سربيتة برك من تحت عفتو كي شفتو -مزلتي مشوكية معليش نتي لي حبيتي طفا الضوء ودخل عليا كي ثور الهايج وأنا نقاوم فيه مع اللخر عضيتو  لكتفو بكل غل بكل كره نكررررررهههههك ناض عليا  خسرت عليه كلمة وحدة (رخيس) علابلكم زاد عطاني كف ايييه كف رقم 3 -تزيدي تنطي دي الكلمة نخرج فيك العيوب السبعة يا كلبة العضة هاذيك حسيتها وجعتو  ماشي ويمس فيها شعل الضوء وانا غطيت روحي وليت ف هيستيريا نبكي تحت درا  زاد جا نحالي درا نحا لاسنتير من سروالو ضببو عينيا كي شفتو هازها ويحكمني لفخاضي زوج ضربات والثاثة قاست شوي من وجهي -  مصيبة جبتها لراسي مكيش مرا نتي - في قلبي معليش مهم مديتش وش حاب والله يا ضربات محسيتلهم بلاك كنت مخدرة  المهم سلكت روحي خرج بقيت كما راني حسيت لاطنسيو هبطتلي  نحس ف تنميل ف رجليا ويطلع الكور تاعي اكل ينمل جيت نوض مقدرتش بصح حاولت ندير جهد غير حطيت رجلي ف الارض دارت بيا ونجي طايحة بصح مدختش بقيت فاطنة رحت كما راني شادة ف الحيط سكرت الباب وحمت بلاصتي روليت روحي بدرا وحد الساعتين وانا هكذاك حت هديت شوي كي تأكدت بلي يكون رقد  رحت دخلت للدوش طلقت على روحي الماء بلا شمبوان بلا والو غي الماء يهبط لقيت فوطة لفيتها وخرجت فت على الصالو شفتو مستلقي مع  قرعة خضرة توالووو اععععق  دار قلبي منو مشيت نجري وسكرت باب الشمبرة  لبست شعري رقدت بيه مشمخ  وخلدت للنوم 

 الصباح فطنت نسمع فيه يطبطب ف الباب -حلي - مجيت نوض نفتحو حت قريب كسرو مشيت فتحتو  دخل فات للخزانة جبد وش يلبس  -يالله  لمي القش دك ساعة نقلعو كن نقلكم والله غي فرحت مالقري منيش مليحة وحاسة بالتعب بصح قلت خلي نروح  وكي نوصل ندير حل لعمري  لميت فاليزات خبيت كلشي عدلت الشمبرة رحت لكوزينة مزية ماعين غسلتهم بارح زدت دخلت للصالو شفت ديك قرعة محبيتش نتوشيها خليتها تم رحت لبست قشي مفطرت موالو قلبي يدور علابالي من لاطنسيو جا هو هز فاليزات وانا ركبت من اللور تكسلت جبدت تلفوني بعت ميساج لمريم قتلها (( راني جاية وقريب نلحق  كي نوصل نعيطلك )) ...

وصلنا كانت 4  بعد مجبنا وقت طويييل ف الطريق حبست طمبيل خرج هو يفتح ف باب القاراج لمحت عماد هو تاني مڤاري تم نازل  كي شافو جا توالو يسلم عليه كنت خرجت نتمايل شافني بهاديك الحالة بقا مخلوع يشوف فيا مفهمتش علاه انا حشمت دخلت لداخل ....

43

دخلت كانت الدار فارغة مكنش هنا طلعت لشمبرتي تكيت شوي تتنحالي دوخة مبعد حكمت تلفون عيطت لمريم مرة لولى مهزتش زاوجة ريبوندات الو -الو صفاء-مر ...ويطير تلفون من يدي دورت لقيتو ورا ظهري وش يا لالة حسابلك لعبة راكي تلعبي فيها -هات تلفون-مكش تلفون -قتلك هات تلفوني وشبيك- انتي بديتي ف اللعب ودك انا لي نكمل فيه -رياض هات تلفوني -خرج داه معاه يااااربي وش ندير دك بقيت رايحة جاية ف شمبرة درت للمرايا تخلعت في وجهي -يايما هذا وين شفتو فيه طراس تع سانتور وانا متولهتش مشفت في المرايا عليها كان يشوف فيا ولد عمو ومشوكي  -الله يعطيك كسرة ليديك درت فوقها فوندوتا و هبطت لتحت للكوزينة كليت ياوورت بش تحبس كرشي وخرجت للحوش هذاك فيه نعناع قطفت شوي نشم فيه شفت واحد في البالكو بصح كان داير لهيه يهدر بتلفون  ...يااااربي  منيش حابة يوصل الليل مجرد.منتفكر اني نرقدو في نفس الشمبرة تحكمني ماس في كرشي من الخلعة جبدت على جيهة وحكمت كرسي قاعدة فيه ونخمم وندعي جي مرت هشام دك تعطيني تلفونها نعيط بيه وانا سارحة شفتو دخل للكوزينة يحوس عليا خرج للحوش شافني قرب مني -علاه قاعدة هنا ولا راكي تتهربي مني -شفت فيه بكل كره -معندك وين تحسبي نفوتلك تع البارح -روح بعدني انت معندكش كرامة ولا بعدني -حكمني من شعري وزير -زيدي عاودي تشوف -نحييي يدك دير شوي كرامة لعمرك منيش باغياتك افهم - شفتو  تحول جيت نهرب شدني من شوميز جيت نحيلو يدو تقطعت طاروا كامل لي بوتون تفتحتلي  -وليت نعيط بصوتي راح نهز كرسي نخبطو بيه دارلي الأعصاب الله غالب هو فايتني ف بنية جسدية  كي علا صواتنا نسمع في واحد يعيط رييااااااض- شاف هو فيه مدارش عليه-دمرني يالله فضحتينا يا كلبة هو يدز وانا مسمرة في بلاصتي  زاد عيط عليه ريااااض -شفت فيه انا لقيتو عماد اييييه  هو كان يشوف فينا مفهم والو  نطقت انا بدون وعي -خويا تعيش عيط لحسان تعيش جا هبط يجري دخل من الباب هاديك لي بين لحواش حكمو على جيه وهذا يقولو مدخلش روحك روح ولاخر حاكمو ويجبد فيه عليا وشبيكم علاه تضرب فيها -وش دخلك -وشبيك رياض كيفاش وش دخلنا راني شفتك كيفاش تدمر فيها وتعيط -هيه مرتي -علابالنا بصح مش هكذا -روح قتلك متخلينيش نبدأ نكفر عليك هو صح رياض طويل ومخدوم كور تاعو بصح قدام عماد ميبانش هذاك تقول ممثل تركي ولا طول وكور فايتو شوي شاف فيا غضتو وأنا نبكي وغالقة شوميز بيدي كي شفتو رايح  خفت يدور عليا هذا الغول زدت عيطتلو خويا تعيش عيط لحسان يجي يديني مجيت نكمل كلامي ويطير عليا ب كوتبي الرخيس لوخر كي شافو ضربني ويتلاح عليه دخلو للحوش تاعهم منعرف وش دارلو بلاك خرجو لبرا مهم مزادش بان دخلت للكوزينة نشرب الماء سمعت  واحد يطبطب ف باب تع الحوش خرجت راسي شفتو عماد.............

نفوس محطمة 

44 حتى 48

 قالي ختي صافا - قتلو عيطلي لحسان برك -خلاص اختي اتهدني متخافيش وانا نرجف في ديك الحالة دموعي ويدان شعري لاسق في خدودي بقى يشوف معايا مبعد ولا يسب فيه وانا حاطة راسي من جهة حشمت تبهدلت تفضحت مكنتش حابة توصل هكذا بصح الله غالب مدلي تلفون هزيتو ونرجف حت طاحلي قالي بالعقل ختي اتهدني قبل ارواحي أقعدي هنا جابلي كرسي قالي اهدري راني خارج وراح  خرج سمعتو يعيط على يماه شوي وجات دخلت للحوش شافتني جرات ليا يا وخدي البنية وشبيك وش صرا وعماد يقولها مكان والو يا ما ابقاي معاها -عماد بني وش كاين علاه طفلة حالتها هكذا -ملقا ميقولها -حشمت حشمت قتلها خالتي ساعفيني لشمبرتي متخلينيش وحدي مسكينة مفهمت والو .. عيطت لحسان ف الاول يحساب فيه عماد الو -وي عماد -حسان انا صفاء -صفاء!!!  -حسان أرواح تديني خويا ماتخلينيش هنا عيشك ونضت نبكي -وش كاين مرديتش يسمع غير ف البكا-راني جاي كوبيت ومرت عمو مسكينة تستغفر وتمسحلي على ضهري ..بديت نحس في تنميل في الكور تاعي والفشلة والبرود تطلع فجسمي ميلت راسي  خلاص نسمع فيها تعيط عمااد ي أولدي اجري الطفلة داخت وانا سي بون حسيت بواحد جا حكمني من اللور ويضرب في وجهي بكفوف خفاف -ختي راكي تسمعي فيا -يما روحي جيبيلها كأس ماء -هذا وش سمعت كي ماتجاوبتش هزني ومن تم فقدت الوعي ....

فطنت على حس فوق راسي والهدرة كاين لي يعيط كاين لي يهدر بتلفون فتحت عيني قابلتني مريم شافتني -صفاء ياعمري فطنتي -مريم جيتي -ايه ي عمري راني هنا -سمعني حسان قرب لعندي صفاء لباس -درتلو براسي -تقعدت شفت روحي لابسة جبة  بالعقل بديت نفطن مليح جا قدم توالي خويا قالي احكي وش كاين علاه راكي ف هاذي الحالة  ملقيت منين نبدأ ووش نهدر قتلو خويا اديني نروح منقعدش هنا عقد حواجبو -فهميني قاتلو مريم بلاك تهاوشوا هي ورياض شاف فيها -وعلاش مهدرتيش من قبيل وانا نسقسي وش بيها -قتلو حسان خلاص هي مكانتش علابالها هيه انتي وش دارلك -حطيت راسي قتلو ملي جيت وهو يهين فيا ويضربني -فتح عينيه وناض كيفاااااش-وأنا علاه مسمعتش -مرتو ناضت ترجف واليوم زاد ضربك تان عليها كنتي تبكي ياك -حطيت راسي -مريم لميلها قشها يالله- وين راه الكلب هذاك وهبط -اففففف جبل ونزاح فوق ضهري... بصح معلابليش بلي راح يقلب الحكاية لصالحو ..

45

لبستلي غي عباية برك خملت فاليزة لميت ذهبي جا طلع حسان وجهو ميتفسرش منعرف وين كان خرجنا لتحت لقينا هشام ومرتو داخلين ف الباب تعجبو نطق هشام قالي صفاء لباس سلمت على مرتو بقات تغمز تع وش كاين ووجها تخطف كي شافتني باين عليا منيش مليحة بقا يهدر حسان معاه منعرف وش قالو مسكين ملقا وش يجاوب غير يحاول يهدي في الوضع لا علاقة بخوه وزيد حالتو حالة مزال يمشي ب عكاز  خرجنا ركبت اففففف واخيراااا  غير وصلت للدار لقيت ماما مسكينة قاعدة ف الدروج تستنا غي دخلت تحضنتها توحشتها طلعتني لفوق دخلت لشمبرتي يااااااي ينعل بو زواج تحيا العزوبية  دخلت أروى عمتييييي يا عمري وش توحشتكم  حسان ملي حطنا مبانش سير بلي راه يحوس عليه وش يسلكو منو اليوم  رحت درت دوش الله الله لبست بيجامة نشفت شعري حسيت ب الراحة نفسية إفتقدتها هاد الايام لي فاتت عليا بدا  تلفون يصوني لقيتها ختو  علابالي سمعت وحابة تفهم مساكن والله ماعندهم حت ذنب مشفت منهم غي الخير زهري معوج برك محبيتش نهز عيطت بزااف  وش ندير انا راني مزال في الصدمة ونخاف كشما نغلط ونهدر  جات ماما العزيزة قاتلي ارواحي تتعشي رحت كنت ميتة بالشر نهار كامل مكليتش تعشيت ونضت مبعد لحقوني بداو ف الأسئلة تاعهم  وليت حكيتلهم من نهار الاول حت لليوم برك ليلة البارح حشمت نهدرها  توال ماما مريم علابالها بلي مزلت مخبية حاجة بقات طلعلي في حواجبها-وش -وتغمزلي- وما تقولي يا بنتي وعلاش مهدرتيش هذا مدينالو وردة رجعك هكذا وش يحساب في روحو -هدرو هدرو حت وجعني راسي رقدت وهما مزال يهدرو -مرييييم  روحو ترقدو مشبعتوش هدرة ولا  راحو وطفاو عليا الضوء رقدت وبايتة نوم غي ف كوابيس ونتقلب شفت بزاف منامات مزعجة فطنت على الخمسة تع صباح راحلي نوم  نضت توضيت وصليت قريت شوي قرآن حت طلع نهار جاني النشاط رحت طيبت الحليب شربت ورجعت لبلاصتي نكونكتي حت سمعت الهدرة ف الهول عرفتهم ناضو نضت فتحت التاقة توحشت حومتي نتنفس اممممم ...

46 

ف النهار جاوني خاوتي ونساهم حبو يستفسرو حكاتلهم ماما دارو ما دارو كيفاش مقالتش وعلاه سكتت لنهار هذا وبزاااف هدرة وحسان يكالمي فيهم على حسب وش فهمت حوس عليه وملقاهش منعرف وين راح  مبعد صونا تلفون قالو الو وي عماد -إيه اني جاي  وخرج انا بقيت بيناتهم ناضو بالواحد خرجو  وحد الساعة جا دخل حسان يعيط على مريم  راحت توالو بقاو يهدرو منعرف واش  شوية وجات ليا سكرت الباب قاتلي نتي كشما راكي مخبية -وش نخبي مفهمتش-كيفاش وخوك قالي تلاقيت براجلك وقالو مضربتهاش بلا سبة هي وسكتت نبعد كملت -وش قال-قالو بلي محبتش تخليني قولي صفاء صح علاه نتي هبلتي وش وصيتك ياك راجلك وانتي مرتو  -مريم هو راه يكذب صح مخليتوش بصح راه يدخل يومي سكران يا عباد ربي  وش حبيتوني ندير خلوني اخرجو عليا واحد ماهو حاس وش حسيت انا  إيه مخليتوش ومنخلهيش دخلت ماما وش كاين حكاتلها مربم ودور ليا يا هجالة وانا نقول نتي حبيتي تفضحينا ولا كيفاش ااااا وتعيط وش راكي تقولي ماما كيفاش نفضحكم مفهمتش دك هو حاب حقو وانتي هنا تتسيتي قال ضربني قال علاه مالا لاه تزوجتي علاه فضحتي روحك هكذا  ينعل تربيتي فيك  لي قدك راهم بولادهم وانتي تترجلي وزدتي ديتي عقليتك معاك  ف الاول قلت هذا حقرها بصح ضهرتي نتي الظالمة -ها دك وش يقولو خاوتك درتي الشك في عمرك تفوووو -وليت نرجف غي هاذي مكنتش حاسبتها  علاه يعني انا والله هو لي جايبها مورايا وزيد داخل عليا وريحة الس كر فيه انتم ترضاوها يعني ااااا وحدة  فيكم مترضاها  من لول مكنتش ناوية فيه وزيد وش شافت عيني كرهتو  نطقت راضية من هيه خلااص خلوها بالعقل عليها  خلي تريح يامات تعرف راسها مبعد ربي يدير حل -خرجو وخلاوني الله يذلك يا موسخ كي ملقا بش يسلك روحو من خاوتي جبدلي حقو زعما بدا يعيط محبيتش نهز عليه ولا يبعت ف ليميساج ويهدد نتم هذا عبد ولا واشي فوق ماراهو غالط من ساسو لراسو ومزال يهدد ...

فاتت عشرين يوم وانا في دارنا جات سلفتي وهدرت معايا جا هو خطرة مامبا مخرجتش لعندو وديما يعيط لخاوتي خويا حسان طلع لطاليان وراح يطول شوي هاذ المرة وهو ستغل هاد الفرصة وجا يحكي مع ماما حت قدر يقنعها جات ليا -يالله لمي قشك راجل جا ليك يا بنتي كبري مخك وخليها تفوت مكنش زواج بلا مشاكل هو راه طلب مني السماح وحلف ميزيد يهز يدو عليك -ماما منرجعش ليه ولوكان نروح راح يزيد ماكثر نعرفو ماما ديجا راه مغلغل عليا هاد مرة يبعتني ميتة -روحي لعندو راه ف الصالو واحكي وبردي غشك فيه مشي فيا يالله خرجت ليه قاعد ومكسل  قعدت مقابلاتو- مزل مرجعلكش العقل وقيل -شوف رياض لي صرا انت تعرفو وانا تان  وديجا حكاية ديك علاه تجبد فيها -وش حبيتيني نقول خلاص جابها شيطان ي الله ارجعي لدارك ونوعدك مراحش نقرب منك حت ترضاي انا تان منيش حاب نتفضحو ...... نلم في قشي ودمعتي قريب تهبط تقول مديني للمقصلة قلت معليش نشوفو ترا هاذ الوعود الا صح ولا مجرد كذب .....

47

رجعت بعد ما كنت حلفت وقررت بصح للقدر كلام آخر- داخلة رجل للقدام ورجل للور لاقاتني مرت سلفي سلمت عليها وطلعت لبيتي لقيتها مرونة كان وقت المغرب بديت نفرز فيها كلشي فيها نسيتو وبدلتو دخل هو مورايا قالي جاو ضياف درتلو براسي كي كملت هبطت لقيت مرت عمو وكنتها  باقيين يسقسيو فيا محبيتش نمد الصح مهما يكون تبقا أسرار خاصة .زادت لحقت وهيبة ايييه توحشتها بزاااف من نهارات جنازة مزدت تلاقيت بيها  حكينا كانت مرت هشام دارت العشا  تعشينا كامل في الصالو والماعن قتلهم انا نغسل معليش جات هاذيك زعما تغسل معايا خليتها على هواها تغسل وطل من تاقة لي جاية للحوش كملنا ستفناهم هي تحاول تهدر وتجبد فيا ونجاوب بكلمة وقص مبعد سكتت جيت نسيق الكوزينة حلفتني -خلي انا نسيقها- شفت معاها بتعجب خليتها في قلبي هنيتيني اي ليك خرجت رحت توالهم وقعدت قاتلي مرت عمو بنتي جبلي الماء نشرب درتو ماكلة مالحة اليوم عطشت رحت نحيبلها نشوفلك ف رغاوي ومخلوقة مكنش طليت عليها وش نشوفهالك واقفة مع رياض وتحكي  بقيت واقفة ف الباب  مشي غيرة ولا اصلا منيش سامعة بيه  بصح وش عندها هدرة معاه زعما وليت  نخبط ف بوطاجي بش يتولهو  تخطفت جات ليا شفت فيها ورقدت عينيا- وين كنتي  درت روحي مشفتهمش- ااا كنت ف الحوش رميت لابوبال- خليتها وخرجت رحت ديتلها تشرب بقيت نخمم  مبعد قلت  بلاك عندها مشكل مع راجلها وحابة يتوسطلهم محبيتش نزيد تخمام على روحي كرهت ...روحو وأحنا كل وحدة حكمت شمبرتها في قلبي يااا ربي وميجيش توالي يرقد في كش شمبرة خلاف بصح خاب ضني جا حكم بلاصتو عطاني بالظهر ورقد ...

نضت عطشانة ف الليل نشرب مالقيتش ماء شفت قرعة من جهتو رحت نشرب نشوفلك تلفونو يشعل ويطفا شغل مساجات يلحقو وهو سيلونس مدرتش عليه وليت حكمت بلاصتي وكملت رقادي ...

48  

فات شهر ونصف  تبدل فيها معايا كليا ويحاول يكسب فيا  حت معدش يجي ف ديك الحالة قلت بلاك فترة وفاتت عليه يعني الحقيقة صح مشاعري اتجاهو مزال فيها خوف وتردد  وزيد خممت قلت راني نغضب في ربي مهما  يكون نبقى مرتو وعلى اسمو لازم ندير خطوة ونخليها على ربي ..بديت نحاول نتقبلو وهو كي شافني هكذا مقالش لالا كل يوم وش يجيبلي وانا منيش تع مادة فقط كنت نراقب فيه ونحاول منزيدش نغلط جا نهار لي قالي صفاء لازم نتتمو زواجنا عطيتك وقتك وبالزيادة وراني كنت عند وعدي ولا مرة جربت نغصبك مالڤري حقي الشرعي وبلا مزيتك برك كي صراو ديك مشاكل وانا تماديت معاك قلت في حقها تزعف وتاخد.مني موقف  صح علاقتنا مكنتش من الأول مليحة وزدت انا عميتها معاك جاب وحد السمانة وهو يحاول ف الحق غاضني وزيد هدرة ماما ونسا خاوتي زادو عليا ف الأخير  خممت في كلامو ملقيت حت حجة  قلت معليش ياك حلالي وهو هذا وش طالب ف الأخير راني متزوجة وخاصة كي قالي نديك نروحو عمرة فرحت قلت جات فرصة بش نتحجب ونروح لتم حلم حياتي  عرف كيفاش يجبدني  حت صار لي صار ودا حقو كما يقول سييت ماكسيما نكون معاه كما أي مرا وراجلها خاصة اول مره نخوض التجربة حسبتو شغل مقنعش لكن تفهمني تعرفو هاد العلاقات تحتاج للراحة النفسية ويكون عندك قبل إتجاه الطرف الآخر بش تقدر تعطيه وش يحب  منكذبش بعد ديك الليلة ارتاح ضميري من اللوم والأسئلة لي كثرت عليا من كل طرف وهو من نهار هذاك خلااااص شغل ربح ف كش مسابقة ولا حسيتو وصل وين حاب قلت كأي راجل ....مرت الايام عادي بيناتنا كاي متزوجين  خويا حسان رجع من السفر وطول هاد المرة بزاااف كنت نروح لدارنا مرة على مرة منطولش بزااااف  سلفي هشام أرتاح دك عاد نورمال ولا يروح لخدمتو  علاقتي بيهم مليحة .. 

 الحمل معنديش كنت دايرة حسابي محكيت لحت وحدة بلي نشرب بيليل  بش ميشبعونيش هدرة   وحت رياض مكنش علابالو قلت نزيد نشوف نكمل عام قبل ويرحمها ربي ........

الجميع #نفوس_محطمة

الحلقات الاخيرة من الجزء الاول 49...58

نفوس محطمة 

49 حتى 53

 ناض مولاي السلطان يمشي ويبان مس شابع نوم كنت ف كوزينة قاعدة كان ماشي لتولات شافني وقف شاف شاف وراح بلا مينطق وزاد دخل للدوش خرج بسربيتة وقلبي يفور منو راح لبس ودخل جاي كأنه مصرا والو  ضرب كرسي برجلو وقعد مقابلني عينيه حمر جمر عقد حواجبو فيا  شوفو هو تبلاني كنت نايضة نسخن الحليب بصح وش قالي وش بيك تشوفي فيا هكذا  نوضي حطيلي الحليب وكثري فيه القهوة يالله  حسيت ب الإهانة وقتها نضت وخليتو و رحت نسمع فيه يعيط -أسمعيييي -والو مرديتش -صفااااااء-سكرت باب شمبرتي علابالي اليوم رح تصرا حرب بصح خلي تخلى- دمر الباب قريب كسرو-وشبيك نتي متسمعيش ولا طرشتي-عندك يديك سخن وشرب وحدك -ايي هيييييه تطورنا  ايااا نوووضي سخني الحليب-سمطت -جا حكمني من كول تع بيجامتي جابني واقفة -وش بيك نحي يدك عليا منسخنش روح بعدني -حكمني وجهي بيديه وشبيك نتي وش تحوسي دك انطقي -نحوس تبعدني كما جبتني كما ردني لدارنا دقيقة منزيدهاش معاك-هههههههههه يضحك بإستفزاز وعلاه يا لالة -لي عندي قلتو-ضرب كرسي تع كوافوز برجلو راح على زوج خلعني عرفتو تحول تكمشت نكدب نقول مخفتش بصح كن نسكتلو على حاجة كما هاذي نعيا ونندم  - شوفي نحسب منا ل 3 تنوضي تسخني راح نفوتهالك  متنوضيش اليوم نكرفس جدك -حسابلك خفت منك وقيل ولا كي صحيت دك لاعبها راجل عليا -تلاح ليا بكف كثر من تع خطرة لي فاتت بقيت حاكمة خدي حت هبطولي دموع وذني صونات -هذا وش تعرف تضرب وتأمر زعما تترجل عليا -مزلتي تهدري جاي يزيدني واحد هربتلو للكوانة غلبوني دموعي مهما يكون نبقى أنثى دموعنا هما سلاحنا -كلبة كما نتي تردلي الهدرة رخيسة -الله يلعنك -منا وجاي راح نعاودلك التربية حابة تسترجلي عليا . وليت نعيط عليه اخرج عليا منشوفكش الله يلعنك ويلعن النهار لي عرفتك فيه واحد مهبول فوق مجاي البارح س كران وطافي نورمالمون تحشم على حالتك هاذيك -وانتي هذا وش وجعك علاه جامي شفتي واحد س كران نتي تربيتي في الجنة وقيل -حاشاك تربيت مع سبوعا مشي مع سكارا  -مزلتي مكيش حابة تسكتي معليش رح نفوتها اليوم تزيد تعاودي هاد ليجاست نقبرك تسمعييييي خرج نسمع فيه خرج طمبيل من القاراج بكيت بكيت حت تنفخو عينيا نضت ديراكت عيطت لمريم قلت هي دبر عليا وش ندير خير منعيط لحسان علابالي دك يجي طيارة والله تصرا مجزرة ونخاف خويا يروح جرة بسبابو ..هزيت تلفون خلاص مبقاش فيا عقل -الو -من ألو لولى طرتقت ب البكا حكيتلها ...

50 

كملت نسمعلها باقية تهدن فيا قاتلي 

 أتهدني وخممي مليح مليح دك راكي زعفانة وأي قرار على زعاف يندم مولاه مبعد-وش راكي تقولي مريم راه ضربني زوج خطرات وش راح نزيد نستنى منو حت يقتلني -بعيد الشر علاه نتي مقطوعة ولا كن نقول لحسان دك يفريهالك ع البلاصة  تعشي مطلقة تعرفيه وهذا زواج مشي لعبة مزلتو جدد ومتعرفتوش على بعضاكم وقيل الضروف عكستكم منيش ندافع عليه بصح يا صفاء ختي كي حكيتيلي نتي علاه ترديلو الهدرة  وش خضاك -كيفاه حبيتيني ندير-واجباتك اخدميهم وعلاه لوكان سخنتيلو الحليب ميصراش هاذ الشي  أتهذني ختي وحطي عقلك في رأسك والا على هذاك شي  مزال عندكم وقت -شوفي مريم كما جيت كما نروح والله منخليه يمسني -استغفري علاه تحلفي -اني قتلك  اصلا مني نبادلو حت شعور وحياتو غامضة يبان إنسان وحد آخر خلاف ديجا راني نعاود في سيناريو من نهار عرفتو لليوم انا برك كنت غبية ولا يائسة من حياتي -راكي تهدري برك كما وصيتك اتهذني مليح العقل -اييه اسمعي بلاكي تخبري ماما -بلا متوصي وتلفون بيناتنا كشما يكون عيطيلي -اوكي سالي على ماما قوليلها توحشتك منيش حابة نهدر معاها بحالتي هاذي علابالي تفيقلي وتتقلق - كوبيت عليها رحت للمرايا شفت وجهي يدو مطراسي فيه الحلوف ...

خرج مولاش تهنيت منو درت غدا تغديت  غسلت ماعن ورحت للدوش غسلت بدلت لبست بيجامة مستورة انا علاه راني نعريلو خرجت ملقيت وش ندير وحدي تلفون كرهتو تلفزيون عندهم واحد هنا شعلتو مكنش سينيال عاودت طفيتو خرجت للبالكو نشوف لي طالع ولي هابط لي كوبل كيفاش يضحكو مع بعضهم وانا في عز شهل العسل ولا شهر البصل ندي ف الكفوف اييييه يا دنيا منعرف بقيت نخمم من نهار كيفاش تعارفنا صراحة ملقيت حت ذكرى تصلح اصلا مكناش نتلاقاو ولا نهدرو هي من الاول باينة انا برك كنت غبية  تفكرت نهار خارجة عروس وخويا يوصي فيه فجأة جا في بالي ولد عمو هذاك كيفاش لقاني ف سبيطار وجابني لدار كيفاش محبش الناس تشوفني هكذاك ونهار نشع مرتو كي شافني وانا متمحنة ونغسل ف ماعين واسلوبو ف الهدرة يبان إنسان محترم وكاريزما حت الهدرة يحكي بأذب عكس هذا الثور لي عندي سبحان الله  -نفضت الأفكار الغبية من راسي وش صرالي أنا وين ومخي وين يحوس بلاك الكف تع رياض خلخلي لي باراماتر أستغفرك يا رب هو متزوج وعندو عايلة ربي يهنيه في حياتو مالڤري ديك مصفارة تع مرتو والله متستاهلو بصح تبقى مرتو وشريكة حياتو  ومعنديش الحق حت نخمم ولا نقارن  وانا غارقة مع تخمامي شفت وحد الشيخ يتبلا ف وحد الطفلة جي ف العشرين بوحد الطريقة مت بالضحك تفكرت جارنا هذاك يااا ربي الشيب والعيب ضحكت ونسيت الكف مؤقتا ...

51

عڤبت داك نهار وحدي حت لحقت العشرة تع ليل زادت عيطتلي ختو تطمن قاتلي بلي ميهزش عليها ملقيت وش نكذب قتلها انا تان ميهزش عليا تلاعبت بالهدرة معاها ....دخلت للفيس نشايخ شوي مع حوحو نسيتها هاد ليام وأحنا في نص الڤصرة قاتلي بلي كاين واحد يحب يخطبها وراهي مترددة شوية  قتلها حوحو ملخر حوسي وشارشي عليه قبل متوقعي ف الفخ لي طحت فيه رجال ميتامنوش عندهم بزاااف وجوه وكي تتزوجي يعطوك وحد الوجه جامي شفتيه الا من رحم ربك يعني الا حابة تدي العبرة مني  قاتلي بلا متهدري اصلا راهي غي هدرة برك مزال مكان حت رسمي  -اييه حوحو بون نوي نعست كوبينا وديراكت رقدت من كثرة الأرق لي كان حكمني....

 فاتو 4أيام على هاذ الحال ف اليوم الخامس كنت ندوش الحس تع رشاش مسمعتوش كي دخل  كانت 11 غير خرجت لافة على روحي غي سربيتة خفيفة ورحت ماشية للشمبرة سمعتو يحكي بالعقل فاتح البالكون لدرجة مقدرتش نسمعو شفت في روحي هكداك مشيت على صوابعي جبدت وش نلبس وهربت للدوش لبستهم وخرجت لبست كلاكات نمشي وندير ف الحس  بش يسمعني بلي ني داخلة  .دخلت لقيتو كمل هدرتو ولا كي سمعني كوبا كان يبان هادي نعرفلو كي يكون منارفي ولا لا بيسك.يبان من عينيه يولو حومر  دخلت معبرتوش خلاص نشفت شعري  هو راح دوش ولبس وخرج حاط الحطة فحفح روحو ب بارفان وخرج مجاش حت لليل وقيل محوس انا لي نراضيه ولا بصح هاذي يحلم بيها اصلا راه عاجبني الحال يبعدني أحسن حاجة يديرها انا خلاص قرار وخديتو راني نستنا غي وقتاش نروحو مبعد ربي يدير حل إنشاء الله موحال نبقى معاه ...الليلة هاذيك.كي ذخل شميت فيه.نفس ريحة تع🥃 بصح صاحي مهوش طافي دخل زعما في بالو انا راني نسيت نطق قالي -ودك كيفاش نبقاو هكذا-وش تحوس من عندي-نحوس حقي متفهميش نتي-اسمع انا راني إنسانة بصح الشي لي عاملتني بيه من نهارنا لول لدك الحيوان ميقبلوش ضرب إهانات أوامر ودك جاي تطلب في حقك جاتك عادي وقيل ولا متفهمش في دو الأمور انت وديجا وش هادي الريحة لي خارجة منك في بالك جاي للبار هاذي دار فهمت وديجا نقولهالك ملخر غدوة رجعني نروح ولا نعيط لخويا يجي يديني معندي حتى حياة معاك  انت ماك معبرني ماك دايرلي حت قيمة عندك -اسمعييي هادو القوالب فايتين عليا بلاك تشوفي فيا منفيقش -بقيت نشوف فيه مفهمتش وش يقصد -واش راكي تشوفي فيا اليوم ندي حقي بالرضا ولا بالقوة -معندك حت حق عندي مدام منيش راح نبقى معاك خليني كما جبتني احسن ليا -انا قلتلو هكذا وهو هاج عليا -بعددد متمسنيش بععععدد -ريحتك تعيف اخطيني مقدرتلوش شكلي يديا بيد وحدة -اني رايح ندوش بش متبقايش تتسببي  ونجي وجدي روحك وطلقني راح للدوش ...

52

 بقيت نرجف غي هاذي مكنتش متوقعتها في بالي مدرتلهاش حساب بقيت مكمشة وهدرتو تتعاود في راسي ((وجدي روحك)) علاه وش راح نوجد مثلا  اني جثة بلا روح لهاذ درجة قلبو قاسح وانا هاكذاك دخل لاف سربيتة برك من تحت عفتو كي شفتو -مزلتي مشوكية معليش نتي لي حبيتي طفا الضوء ودخل عليا كي ثور الهايج وأنا نقاوم فيه مع اللخر عضيتو  لكتفو بكل غل بكل كره نكررررررهههههك ناض عليا  خسرت عليه كلمة وحدة (رخيس) علابلكم زاد عطاني كف ايييه كف رقم 3 -تزيدي تنطي دي الكلمة نخرج فيك العيوب السبعة يا كلبة العضة هاذيك حسيتها وجعتو  ماشي ويمس فيها شعل الضوء وانا غطيت روحي وليت ف هيستيريا نبكي تحت درا  زاد جا نحالي درا نحا لاسنتير من سروالو ضببو عينيا كي شفتو هازها ويحكمني لفخاضي زوج ضربات والثاثة قاست شوي من وجهي -  مصيبة جبتها لراسي مكيش مرا نتي - في قلبي معليش مهم مديتش وش حاب والله يا ضربات محسيتلهم بلاك كنت مخدرة  المهم سلكت روحي خرج بقيت كما راني حسيت لاطنسيو هبطتلي  نحس ف تنميل ف رجليا ويطلع الكور تاعي اكل ينمل جيت نوض مقدرتش بصح حاولت ندير جهد غير حطيت رجلي ف الارض دارت بيا ونجي طايحة بصح مدختش بقيت فاطنة رحت كما راني شادة ف الحيط سكرت الباب وحمت بلاصتي روليت روحي بدرا وحد الساعتين وانا هكذاك حت هديت شوي كي تأكدت بلي يكون رقد  رحت دخلت للدوش طلقت على روحي الماء بلا شمبوان بلا والو غي الماء يهبط لقيت فوطة لفيتها وخرجت فت على الصالو شفتو مستلقي مع  قرعة خضرة توالووو اععععق  دار قلبي منو مشيت نجري وسكرت باب الشمبرة  لبست شعري رقدت بيه مشمخ  وخلدت للنوم 

 الصباح فطنت نسمع فيه يطبطب ف الباب -حلي - مجيت نوض نفتحو حت قريب كسرو مشيت فتحتو  دخل فات للخزانة جبد وش يلبس  -يالله  لمي القش دك ساعة نقلعو كن نقلكم والله غي فرحت مالقري منيش مليحة وحاسة بالتعب بصح قلت خلي نروح  وكي نوصل ندير حل لعمري  لميت فاليزات خبيت كلشي عدلت الشمبرة رحت لكوزينة مزية ماعين غسلتهم بارح زدت دخلت للصالو شفت ديك قرعة محبيتش نتوشيها خليتها تم رحت لبست قشي مفطرت موالو قلبي يدور علابالي من لاطنسيو جا هو هز فاليزات وانا ركبت من اللور تكسلت جبدت تلفوني بعت ميساج لمريم قتلها (( راني جاية وقريب نلحق  كي نوصل نعيطلك )) ...

وصلنا كانت 4  بعد مجبنا وقت طويييل ف الطريق حبست طمبيل خرج هو يفتح ف باب القاراج لمحت عماد هو تاني مڤاري تم نازل  كي شافو جا توالو يسلم عليه كنت خرجت نتمايل شافني بهاديك الحالة بقا مخلوع يشوف فيا مفهمتش علاه انا حشمت دخلت لداخل ....

53

دخلت كانت الدار فارغة مكنش هنا طلعت لشمبرتي تكيت شوي تتنحالي دوخة مبعد حكمت تلفون عيطت لمريم مرة لولى مهزتش زاوجة ريبوندات الو -الو صفاء-مر ...ويطير تلفون من يدي دورت لقيتو ورا ظهري وش يا لالة حسابلك لعبة راكي تلعبي فيها -هات تلفون-مكش تلفون -قتلك هات تلفوني وشبيك- انتي بديتي ف اللعب ودك انا لي نكمل فيه -رياض هات تلفوني -خرج داه معاه يااااربي وش ندير دك بقيت رايحة جاية ف شمبرة درت للمرايا تخلعت في وجهي -يايما هذا وين شفتو فيه طراس تع سانتور وانا متولهتش مشفت في المرايا عليها كان يشوف فيا ولد عمو ومشوكي  -الله يعطيك كسرة ليديك درت فوقها فوندوتا و هبطت لتحت للكوزينة كليت ياوورت بش تحبس كرشي وخرجت للحوش هذاك فيه نعناع قطفت شوي نشم فيه شفت واحد في البالكو بصح كان داير لهيه يهدر بتلفون  ...يااااربي  منيش حابة يوصل الليل مجرد.منتفكر اني نرقدو في نفس الشمبرة تحكمني ماس في كرشي من الخلعة جبدت على جيهة وحكمت كرسي قاعدة فيه ونخمم وندعي جي مرت هشام دك تعطيني تلفونها نعيط بيه وانا سارحة شفتو دخل للكوزينة يحوس عليا خرج للحوش شافني قرب مني -علاه قاعدة هنا ولا راكي تتهربي مني -شفت فيه بكل كره -معندك وين تحسبي نفوتلك تع البارح -روح بعدني انت معندكش كرامة ولا بعدني -حكمني من شعري وزير -زيدي عاودي تشوف -نحييي يدك دير شوي كرامة لعمرك منيش باغياتك افهم - شفتو  تحول جيت نهرب شدني من شوميز جيت نحيلو يدو تقطعت طاروا كامل لي بوتون تفتحتلي  -وليت نعيط بصوتي راح نهز كرسي نخبطو بيه دارلي الأعصاب الله غالب هو فايتني ف بنية جسدية  كي علا صواتنا نسمع في واحد يعيط رييااااااض- شاف هو فيه مدارش عليه-دمرني يالله فضحتينا يا كلبة هو يدز وانا مسمرة في بلاصتي  زاد عيط عليه ريااااض -شفت فيه انا لقيتو عماد اييييه  هو كان يشوف فينا مفهم والو  نطقت انا بدون وعي -خويا تعيش عيط لحسان تعيش جا هبط يجري دخل من الباب هاديك لي بين لحواش حكمو على جيه وهذا يقولو مدخلش روحك روح ولاخر حاكمو ويجبد فيه عليا وشبيكم علاه تضرب فيها -وش دخلك -وشبيك رياض كيفاش وش دخلنا راني شفتك كيفاش تدمر فيها وتعيط -هيه مرتي -علابالنا بصح مش هكذا -روح قتلك متخلينيش نبدأ نكفر عليك هو صح رياض طويل ومخدوم كور تاعو بصح قدام عماد ميبانش هذاك تقول ممثل تركي ولا طول وكور فايتو شوي شاف فيا غضتو وأنا نبكي وغالقة شوميز بيدي كي شفتو رايح  خفت يدور عليا هذا الغول زدت عيطتلو خويا تعيش عيط لحسان يجي يديني مجيت نكمل كلامي ويطير عليا ب كوتبي الرخيس لوخر كي شافو ضربني ويتلاح عليه دخلو للحوش تاعهم منعرف وش دارلو بلاك خرجو لبرا مهم مزادش بان دخلت للكوزينة نشرب الماء سمعت  واحد يطبطب ف باب تع الحوش خرجت راسي شفتو عماد.............

نفوس محطمة 

54 حتى 58 نهاية الجزء الاول 

نحس في يد تمسد على ظهري طلعت راسي شفتها وهيبة نسيت اصلا وين راني زادت جات مرت هشام قاتلي هيا تروحي حكمتني داتني واحد ماهو قادر ينطق بكلمة دخلت طلعت للشمبرة طحت من طولي وهي معايا -خلاص صفاء مديريش ف روحك هكذا -هزيت تلفوني خسرت عليه ميساج  (( رخيس اكثر منك مشفتش في حياتي  الله يذلك بصح خمد لله لي كشفني فيك   )) هذا وش قدرت نكتب راحولي كلمات كانت الساعتين تع الليل جيت نعيط لخويا يجيني مخالتنيش مرت هشام قاتلي -صفاء خلي يطلع الصباح ويرحمها ربي متخلعيهمش- درت كما قاتلي راحت وخلاتني ستغليت الوقت حكمت لميت قشي قيس وش تهز فاليزة برك وذهبي والباقي ميهمنيش ورقدت وحد ساعة ولا برك وطلع النهار...

الصباح نضت وانا نلبس جات طلعت لعندي سعاد -وش راكي دير صفاء- كما راكي تشوفي- بركاي اصبري نفهمو قبل وش صرا -وش راح نزيد نفهم يا سعاد ختي -صفاء اني حاسة بيك - سعاد ختي البارح انا متشوكيتش من خوك بصح تشوكيت من ديك الخام جة-علاه-خوك كنت عارفة بلي يخلط كنت برك نستنا نحكم عليه دليل  والبارح كفا ووفا -صفا علابالي قلبك محروق بصح -ني بصح ني والو فض المكتوب يا سعاد ختي واسمحولي انا من جيهتي مشفت منكم غير الخير كما راكم -ناضت تبكي غاضتني ملقاوش وش يبررو - حضنتني سمحيلنا -وش راكي تقولي وانتي علاه -بصح منيش سعاد الا مبردتش فيها غشي -خليك منها مراح يتبدل والو -خرجت راحت عيطت لخويا مهزش عليا -هبطت لتحت جيت ف كوزينة وقاعدة كنت لابسة قشي وكلشي سمعت الهدرة ف الحوش طليت لقيت مرت هشام تم مع وهيبة جاو توالي كي شافوني هكذاك بقاو يهدرو كي شافوني سكتوا علابالي حشموني مني حركتهم راسي تع يعني كملو  وش بقا اصلا يتخبى نطقت هي والله يا صفاء مكنت حابة نحكيلك   معليش اهدري راه تفضح كلشي  ( دخل عماد لشمبرتو لقاها  تحكي و تضحك دايرة كاميرا وتهدر خطفلها تلفون شافها معامن تحكي لقاه رياض  والمشكل لقاها لابسة معري عاود فتش ف تلفونها فايس خلاف كي دخل شاف ميساجات وتصاور  تشوكا والباقي اكم تعرفوه ومشكل كي سقساها منكرتش مفهمتش الراسة تاعها كيفاش تخمم قاتلو وحد كلام خلاه يجن  عليها فضحها بيناتنا  ) اااااااه وشكون قالكم هاد كلام عماد حكمتو يما حبت تفهم بسيفىباش حكالها راه كما المهبول بايت يتحل رانا خايفين كش ميصرا يا ربي وسلكها على خير في سبة وحدة رخيسة طيحت بين زوج خاوة نطقت ليها وهيبة رياض تاني مش راجل ملخر -علابالي ختي بصح راني متأكدة هي لي طايحة عليه من لول فايقة بيها بصح مضنيتهاش توصل هنا -كك كيفاش وهيبة -وشبيكم -عاودي نتي علابالك بيها دور بيه- اسمعو سلمى كانت مع رياض من قبل ماتعرف على خويا انا كنت علابالي وحت سعاد علابالها بصح عندها وقت  وملي تعرفت على عماد حنا قلنا خلاص راهي ستعقلت بصح دك ضهرلي كان ف راسها حساب آخر وعماد غي سبة بش تتقرب لهنا رياض داك الوقت كان ف فرنسا حت كي جا كان عماد متزوج  وسعاد مرة قاتلي رياض ملي جا وسمع بعماد تزوج بيها  راهي ضاقتلو  بصح مبين والو ولا كان يبن قدامنا منيش عارفة والله  المهم في زوج ميحشموش - هي تهدر وانا يابسة توالها  وش هاد الناس يااااربي رياض الله يذلك  وش خليت في روحك المو ت وقليل فيك وانا مشوكية سونا تلفوني لقيتو خويا عاودلي قتلو أرواح تديني حب يفهم علاه قتلو كي جي نهدرو كوبيت طلعت هبطت فاليزتي وهما كانو يشوفو معايا جاو تحضنوني ...اييييه يا دنيا داخليا راني مرتاحة بيسك متفاجأتش خرجت بأقل الأضرار اما بالنسبة للطرف الآخر ربي يكون معاه هذا وش نقول ...

55

جا خويا طلعت ركبت بقا يسقسي فيا اصلا وجهي ميتفسرش  كي شافني منيش هادرة سكت شوية ووصلنا للدار مكنش قالهم فاجأتهم على صباح ربي دخلت شافوني جراو ليا فرحو  يسخايبو فيا جيت زايرة. أنا في قلبي جيتكم هاربة وصادة  دخلت نحيت قشي وهما يسقسيو فيا عادي لبست بيجامة كان البرد نطقت -مريييم ختي جيبيلي حليب نشرب مت ب الشر -جات توالي صفاء لباس؟-روحي جيبيلي حليب مبعد يرحمها ربي تكيت حت جابتلي تقعدت نشرب وتايهة منين نبدأ وهي مركزة معايا وش رايحة نهدر كملت -ها انطقي -مريم عيطي اما ولحسان عندي هدرة نقولها منيش قادرة نهدر ونعاود لكل واحد قلبي واجعني....

بديت نحكي مخليت والو كانت غي مريم وما برك  ماما مسكينة تدعي وتضرب ف فخاضها ااه يا ربي بنتي وين طيشتها ياااربي بنتي رميتها للي ميسواش هذا مشي راجل هذا كيفاش قدر يديرها بخوه الله يدلك يا رخيس -هي تدعي وانا نبكي على عمري كيفاش حت وصلت بيا هنا انا لي كنت نقول ميديني غي لي يستاهلون صح ووصلت ل ~28سنة وانا لعريس لي يجي نروفزو ونعيب هذا مبخدمش هذا باشع هذا تع فاميلا منديهش هذا يبان معقد المهم عيوب ربي اكل بعدت بيهم الخطابة ف الأخر نطيح في لي ميسواش خلاص واحد ميخاف ربي ميخاف العباد عايش ف الحرام  حطيت راسي بين يديا -قتلكم قتلكم منولييييش قتلكم منحبوش-قتلكم يجي سكران بصح انتم واششش وقفتو معاه ايه وقفتو مع لي ميسماش حت رخسنا اكل مش غي انا انا وفاميلتو وفاميلتي اكل رخسنا علابلكم  بصح والو أنت دك مكمش حاسين ونزيد نقلكم كنت عارفة بيه من قبل مش غي البارح )-كيفاااش- ايه عندي اكثر من شهر ملي فقالو بصح مكنش علابالي بلي لي متسواش راهي غي تم برك  - كن شفتو راجلها البارح كيفاش عاد ف ديك الحالة  قسملي قلبي -وانتي علاه مهدرتيش-وش نهدر ااااا وااااش نهدر  ياخي ملول وانا نعايب فيه قدامكم بصح انتم جاتكم عيب  لعبهالكم وجابكم ضدي قال قال انا مانعتو على حقو - علاه راكي تعيطي- نعيط وخلوني نعيط بردتو درك  هاااا رجعتلكم من الباب الضيق دك  هااا اتفرجوا فيا مليح راح نولي مطلقة  راني داخلة ف 29 سنة  ايييه اما انطقي علاه ساكتة -يا بنتي وش حنقولك وانا صبتها هو جا خطبك فينا كي الناس وقلتي قابلة وزوجناك كما البنات بشانك وانا علاه تلومي فيا -ايه عندك الحق وين راه حسان -خرج -بففففف صونا تلفون مشفتش فيه منعرف شكون قتلهم اخرجو عليا دك راكم عرفتو وسكرو الباب خليوني وحدي واحد ميدخل -راحو سكرت عينيا ونعاود ف المشاهد تع البارح وحد ساعة وانا هاكداك طبطب الباب -شكووون-انا صفاء سمعتو كان حسان علابالي سمع تقعدت دخل هو زادت دخلو معاه ياااربي منيش قادرة نزيد نهدر ف هاد سوجي-اسمعي صفا ختي راكي كي بكري كي درك وهذا الرخيس حسابو معايا والله ميزيد يشوف شعرة منك ولوكان نطمع نبيع لي تحتي ولي فوقي ونطلقك منو اليوم قبل غدوة -فرحتني هدرتو هذا وش قالي وخرج شفت معاهم نطقت مريم يضهرلي صاحبو لي حكالو بيسك كي جا هذا وين ديراكت دخل عندك -شكون صاحبو-عماد شكون اييييه نسيت خلاص مسكين كيفاش حالتو دك بقات صورتو بين عينيا المهبولة موسخة تع مرتو كيفاش قدرت تفرط ف سبع كما هذاك هاذي فري مقودة تع صح متستاهلوش ربي يعوضو ماغير منها ..

56

فات داك نهار وانا مقلقة في ديك الحالة لي يهدر معايا نوض فيه وهما ميديروش عليا لليل لحقت لي كيب لوخرى خاوتي جاو بيسك عيطتلهم ما وخبرتهم خويا الصغير جن جنونو بغا يطير هو اصلا منارفي شوي ولوخر باقي يهدن فيا محبوش يقعدو للعشا راحو روحو مقلقين حسان طول مجاش رقدت وخليتو مزال ماجا . 

الصباح نضت راسي قد.الارض يوجع بزااااف علابالي من زعاف وقلة النوم والقلقة  شربت الحليب درت دوش خفيف ورجعت قعدت معاهم بلا منهدر حاطة راسي مع تلفون -مريم حسان البارح طول مجاش وين كان- جا ع 12 -اووو-خير علاه- كان ف سبيطار-وشبيييه خلعتني -والو كان مع صاحبو قالك يماه طلعتها لاطونسيو حت هزوها تم قالو قريب ماتت -يا يما مسكينة خالتي والله متستاهل  ووش راهي دك -وانا دريت منعرف قالي كانو تم كامل معاها حالتها متعجبش-ياااربي غاضتني -مريم عيشك عيطي لحسان وسقسيه عليها بلاك كش ميكون عرف- وانا وش رايحة نقولو -عيطي ولا هاتي نعيط-دبري راسك -عيطت لخويا سقسيتو عليها قالي والله مزالت صح فاطنة بصح مكان مكان زاد خلعني عليها -حسان خويا عيشك كي تبغي تروح اديني معاك نطل عليها -وانتي علاه تروحي لتم -حسان عيشك قتلك اديني نطل عليها -اففف معليش منبعد شوي - نطقت ماما -وانتي مزلتي دوري مع الراسة تاعهم -استغفري ما وشبيك هي  وش دخلها واصلا راهي ف الحالة هاذي بسبة لي ميسماش راجلي الط حان خليني نروح بنتها ملي رحت وهيا دايرتني كما ختها بلا منحكي عليها هي ناس نشاء الله مشفت منهم غي الخير -ماما محبتنيش نزيد نروح بصح مقدرتليش قتلها نروح يعني نروح -عيطت لوهيبة لقيتها في حالة تبكي -ختي تعيشي حبسي بكا وادعولها انشاء الله ميكون غي الخير -يا صفا ختي لوكان كشما يصرالها خايفة على خويا مسكين كن تشوفيه يبكي كي طفلة عليها -علابالي مشي ساهلة عليه -اسمعي راني جاية مع خويا -يعيشك ختي كوبيت نضت نبكي انا تان غاضتني وجدت روحي لبست مونطو وسروال جا حسان رحنا كانت وقت زيارة لقيناهم اكل تم رحت توال وهيبة نواسي فيها -ها كيفاش وصلت لهنا -اييه شفتي بارح كي خرجتي نتي -ايه جا عماد مقلق دخل للكوزينة جبد م وس وخارج كي شافاتو طاحت تقولك راح يق تل و -جرينا ليها كانت خلاص غمضت عينيها -هزيناها لهنا ديراكت دخلت كومة -يااااربي وش هاذا  ورياض مبانش -كيفاش مبانش لقاه خوه هشام وعماد كان يتبع فيهم ضربو قريب قتلو لوخر ما سكت وعماد زاد جن  قالو الا كنت راجل أرواح نتلاقاو وحدنا  وووو اكي تعرفي دبزة رجال - متقلقيش روحك انشاء الله أزمة وتفوت -في عود انا لي يصبروني لقيت روحي انا لي نواسي  كي حكاتلي زدت حقدت عليه تمنيت يدڤدڤدوه توالي ونستشفا فيه -سعاد شافتنا نحكيو جات توالي -صفاء لباس -شوية ختي والله  ملقيت وش نهدر  ..شفت عماد جاي من هيه مع خويا عينيه حومر يبان كان يبكي والله ماهي ساهلة عليه جاتو من جهتين  خويا محبش نطول ليه ليه قالي ايا تروحي تباتي هنا سلمت عليهم كنت راح ننطق لعماد ملقيت وش نقولو وحشمت من خويا شافني دارلي براسو وخرجنا روحنا ..

57

فاتت سمانة على داك ليلة المشئومة  رياض حرق تلفون بالعياط ف اللخر درتو روجوتي وخليتو  

مرت عمو كل يوم نعيط نسقسي عليها وحمد لله بعد يومين تحسنت شوي وخرجوها فرحت بزاااف لدرجة قلت لما نروح نزورها مخلاتنيش قاتلي غير هادي متعاوديهاش مريم قالتها نورمال وش فيها نروح معاها راهي يمات عماد وصاحب حسان كيفاش هذا عيب منروحوش  بالسيف قنعناها وحسان معارضش رحنا توالهم انا ومريم  ماما محبتش سنطحت خليناها على هواها  دخلنا استقبلونا  كانت غير وهيبة وهاديك ڤاورية تم  دخلت شافتني فرحت -اهلا بنتي-خالتي أقعدي متحركيش هبطت ليها سلمت عليها شياانت مسكينة من سبيطار شايخنا شوي معاها تحسنت شوي جبدت عل الموضوع تحكي فيه حت ولات تبكي غاضتها من رياض كيفاش قاتلي ربيتهم كيف لخاوة منعرف وش صرا  قالتها وهيبة ما لفعة لي كانت هنا هي السبة وحت رياض خرج قليل اصل - سقسيتهم اسكو جا للدار قالولي رجع وملقاكش قلب الدار حت تحاكمو هو وخوه مخلالوش زاد سمع بيه خويا راح ليه تبعهم منير بسيف لا فكوهم ف اللخر قالو من اليوم طريق لي نمشي عليها انت عافها -قتلها يقلب الدار ولا يحرقها انا والله ميزيد يشوفني تم -قالولي عندك الحق وش من بنة بقات -قتلها حنا نروحو وسلامة راسك يا الحاجة-  وهيبة بيناتنا تلفون-ايه عيطت مريم لحسان قالتو رانا خارجين قالها هيا -خرجنا كان واقف مع بنها تع كندا ركبنا حت نلقاو داك المرخس خرج من بابهم يبان مش ف حالو جاي توال طمبيل  علابالي شافني - ياااا هذا وجهو بواش غاسلو - شافو حسان كان راح يديماري  عاود خرج ليه ويعطيه بدماغ لوخر يقولي بعد عندي هدرة مع  مرتي -هههه مرتك انت متحشمش ولا مزال عندك وجه وتقابل بيه تحاماو فيه هو ومنير وعينيه يقطرو شر جيت راح نخرج ليه نقولو زوج كلمات حشمت برك  كثرت عياطاتهم شوية هكذا ويجي سي عماد ڤارا بقوة  حت دار الصوت راح ليه كي البرق ويطيح عليه محبش يفهم حسان يشوف معانا ويزيد يولي يفك مقدروش يبعدوه عليه حت سمعت الهدرة شفت وهيبة تعيط عمااااد بش ناض عليه هزو داك منير ودخلو للدار جا عماد يمشي ويلهث شافنا راكبين بش ستوعب جات عيني في عينو باقي يمسح ف العرق من وجهو ويتمتم منعرف وش حكا معاه حسان وجا ديمارا بينا للدار ومريم تقولي يا ربي وش هادا البنادم -انا جات على قلبي كي العسل ....وصلنا للدار دخلنا حكات لماما وناضت ياااا موهجيل وش داك قتلك مروحيش لتم وانتي وش داك لعند راستهم-ماااا بركاي خلاااص بالسيف لا تكالمات... كي شفتو دا ديك الطريحة قدام عيني بردت شوي الله يذلك كثر ماراك مذلول روح دك لعند ديك زباله تلمك وتلمو بعضكم  ..

ف الليل حكيت مع خويا يشوفلي محامي شاطر نحطو في قضية تع طلاق نديرلو خلع ميهمنيش وش نخسر ولا مهم نتفك منو حت هو وافقني قالي يعرف واحد شاطر ...قررت نوقف على  روحي ونبدا من جديد  بصح هاد المرة راح نخمم مليح لحياتي هاذي وبزاااااف أمور راني نخمم فيهم وإنشاء الله ربي يسهلي أموري ويبعد.عليا ولاد الحرام خاصة وكلمة مطلقة في بلادنا مترحمش وكلمة قاسية شوي بصح معليش كل واحد يعيش مكتوبو وميقنطش من رحمة ربي ....

58

 فاتو 4اشهر  وفات رمضان وانا مع دارنا عايشة عادي صح موليتش كما وقت فات عدت نتقلق ليه ليه وخفيفة بلاك تأثرت شوي من هاد التجربة الفاشلة ف حياتي رياض صعبها علينا شوي بصح متستسلمتش كل ميكسر القضية نزيد انا حت غلبتو وعاونا بزااااف وحد الإنسان  بش قدرت نطلق منو واخيرا تهنيت هذاك نهار كان يوم ولادتي من جديد فرحت  ..نشوفلك في نسا تم ف المحكمة خارجين دمعة وخنونة بلاك مظلومين بلاك تطلقو فورصي اما بالنسبة ليا العكس تماما  ..

رياااض صفحة وتطوات من حياتي كانت تجربة فاشلة بأتم معنى الكلمة والحياة هاذي مشي غي زواج برك  بالنسبة ليا زواج دك حطيتو اكوتي راني نخمم ندخل نخدم ونبني روحي بيدي منتكل على حت واحد ....كانت الصيف في بدايتها رحنا فواياج لتونس قعدنا 10 ايام ماما مرضت شوي تحتمت جينا نروحو مريم زاد رزقها ربي بعد 12سنة من لي جابت بنتها فرحنالها بزاااف وهي ميتة ب سعادة خوتي عادي هما هما .....

خلصت الصيف دخلت الخريف والدخول المدرسي لقيت خدمة ف البنك حسب التخصص تاعي فرحت بزاااف كرهت الجو تع الدار  حاولت نركز على خدمتي وبس حت هما متفهميني ومن هنا راح نزيد  نعيش تجربة  خلاف   ( نخليها للجزء الثاني ونحكيو عليها ..) 

إلى هنا وينتهي هاد الجزىء الاول من حكاية صفاء نلتقي في الجزء الثان

🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺

اتفضلوا حضراتكم كملوا معنا هنا 👇 ❤️ 👇 

روايات كامله وحصريه من هنا

وكمان اروع الروايات هنا 👇

روايات جديده وكامله من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺