رواية رعشة جيلي الفصل الاول بقلم الكاتبه حنان حسن حصريه وجديده على مدونة أفكارنا
 |
رواية رعشة جيلي الفصل الاول بقلم الكاتبه حنان حسن حصريه وجديده على مدونة أفكارنا
1/الطم علي وشي...؟
بقولك البت بنتي جسمها مش مث&ير.. ولا... مغ&رية
ولا حتي وصلت لسن البلوغ
دي عمرها كلة ٩سنين
يعني لسة طفلة
يبقي ازاي يا دكتور بتقولي انها حامل ؟
ومين دا الي است&غل براءة طفلة في التاسعة من عمرها وعاش&رها معاش&رة الازواج؟
دا السؤال الي وجهتة للطبيب الي كشف علي طفلتي وص&دمني بخبر حملها
لكن...للاسف الطبيب مردش با اجابة تهديني
بالعكس دا رجع يأكدلي علي الخبر الصادم
ويقولي... يا مدام انا كشفت علي بنتك ومتأكد ان بنتك حامل
شوفي انتي بقي مين الي ممكن يكون عمل فيها كدا
الجزء الاول
رعشة جيلي
للكاتبة...حنان حسن
ماخوذة عن
( قصة حقيقية)
المهم
فضلت اهرتل بالكلام من شدة الصدمة
واقولة..
يلهوي...؟
دا لو كلامك دا حقيقي ..
تبقي مص&يبة ..وكار&ثةطبلت علي دماغي ودماغ عيلتي كلها
لا..لا..لا
اكيد انت غلطان يا دكتور... واكيد تشخيصك هيطلع غلط في الاخر
رد الدكتور بنبرة مليئة بالثقة
وقالي...
انا واثق من تشخيصي يا مدام
وعموما ..لو عندك شك في تشخيصي...
انا ممكن اسحب عينة دم من بنتك ..
و اعملها تحليل حمل عشان تتاكدي
فا بصتلة وانا عنيا مليانة بالدموع
وقلتلة...ايوه
انا عايزة اعمل لبنتي تحليل حمل... وحالا
وبالفعل اخد الطبيب عينة من دم بنتي
وارسلها لمعمل التحاليل المجاور لعيادتة
وقبل ما اقولكم نتيجة التحليل
هعرفكم بنفسي
انا اسمي ..عزة
عايشة في القاهرة
اتجوزت مرتين
الزواج الاول عيشت فيه تجربة صعبة واتطلقت اخيرا
لكن.. عزائ الوحيد في التجربة دي
اني خرجت منه ببنتين زي القمر
بناتي الاتنين مازالوا اطفال اسامي بناتي ...
ريهام تسع سنين..ومي سبعة
بناتي الاتنين من طليقي
انما الزوج التاني
فا اسمة ...مؤمن
ودا لسة ربنا مرزقنيش منه با اطفال
لكن عايشة معاه في منتهي السعادة
مؤمن كان عوض من ربنا
لدرجة انه قدر ينسيني المعاناه الي كنت عايشاها في زواجي الاول
وكنت فاكره ان الدنيا ضحكتلي اخيرا
لكن ..للاسف صحيت في يوم
لقيت بنتي مي.. جاية بتصرخ وبتقولي ان اختها ريهام اغمي عليها..فا اخدتها ورحت علي الدكتور
الي صدم&ني و قالي انها حامل...
لكن انا شاكة في التشخيص
ومتأكدة ان تحليل الدم هيكدب كلام الدكتور
واهو دلوقتي الممرض رجع
بنتيجة التحليل
والطبيب اتطلع علي التقرير
لكن للاسف
بعدما الدكتور شاف التقرير
بصلي وقالي..
وادي كمان التحليل بيأكد ان بنتك حامل
وبصلي الدكتور باسف
وقالي..
كان لازم تصدقي يا مدام ان تشخيصي صح من الاول
للاسف البنت حامل... وكملت شهرها الثاني كمان
بعد ما اتأكدت من الحقيقة
الي الطبيب فاجئني بيها
اخدت بنتي وخرجت من العيادة
وفضلت ماشية في طريقي للبيت
وانا مش عارفة هقولهم ايه لما هروح البيت
ولا هعمل ايه مع بنتي.. ولا هتصرف ازاي مع المص&يبة الي في بطنها
كل الي كنت بعملة
هو اني كنت ببص لبطن بنتي وانا مذهولة
وفي دماغي مية سؤال بيتصارعوا في راسي بدون رحمة
زي مثلا..
هي بنتي كبرت امتي ؟
وانا ازاي مخدتش بالي انها كبرت؟
وازاي مخدتش بالي من تصرفاتها والتغيرات الي طرأت عليها
وازي بنتي تحمل في السن دا
اصلا
هي البنت ممكن تبلغ قبل ما تتم تسع سنين؟
وحملت من مين ؟
وقابلت ابو الجنين امتي ؟وفين؟
يكونش الي عمل معاها كده
هو مؤمن؟
( جوزي الي اتجوزتة بعد طلاقي من ابوها )؟
ينهار مش فايت
دا لو طلع جوزي الي عمل كدا في بنتي تبقي مصيبة تانية
لا لا لا
استحالة مؤمن جوزي يطلع بالاخلاق دي
امال مين الي عملها؟
يكونش البنت اتعرفت علي شخص من علي النت الي قاعدة عليه ليل نهار؟
ولا يكون اخو حد من صحباتها؟
ولا يكون ولد من ولاد الجيران ؟
يلهوي علي المتاهة الي انا فيها
دا انا كده هشك في كل الرجالة الي حواليا
وحتي لو عرفت الشخص الي عمل كده مع بنتي
هعمل ايه في الحمل الي في بطنها ..وهيكون مصيره ايه؟
وهقول ايه لابوها (طليقي)
الي سايبها في حضانتي؟
ولو اتعرفت المصيبة دي
هنواجه الناس بالعار دا ازاي؟
و.......؟........؟..........؟
مليون سؤال ومفيش ولا اجابة
لكن ازي مفيش اجابة؟
اكيد البنت عارفة مين الي عمل معاها كده
يعني الاجابة موجودة مع ريهام بنتي
لكن...
عشان اقدر اعرف من بنتي الحقيقة كاملة
لازم
اتحول من الام الحنونة اللينة...لام في منتهي الق&سوة والحده
عشان انت&زع منها الاعتراف
وبالفعل اقتربت من ريهام بنتي الي كانت بتتابعني بترقب
و مسكت ذراعها وانا ببصلها بغضب
وقلتلها... اعترفي حالا
مين الي عمل معاكي كده؟
فا ردت ريهام بنتي
وقالتلي...محدش عمل معايا حاجة
فا زاد غضبي وغيظي
وكررت السؤال وانا بضغت علي ذراعها بقوة
وقلتلها..
بت انتي... ؟
بطلي كدب
انطقي وقولي الحقيقة كاملة
بدل ما اطلع جن&اني عليكي و......
وقبل ما اكمل تهديدي ووعيدي
انكمشت ريهام في نفسها
وبدات تعيط
وقالتلي... انتي بتتكلمي عن ايه يا ماما...
انا مش فاهمة حاجة
فا سالتها السؤال بطريقة تانية
وقلتلها
الدكتور كشف عليكي
وعرفني ان في شخص خلاكي تقلعي هدومك .....و.....
م الاخر
انا عرفت كل حاجة
ودلوقتي لازم تصارحيني بالحقيقة بدل ما اقت...لك بايدي
ردي يا بت
مين الي قل&عك هدومك ؟
فا ردت ريهام بتردد
وقالتلي...الي قل&عني هدومي هو ...(جيلي)
فا سالتها تاني
وقلتلها.. يطلع مين جيلي دا؟
وساكن فين ؟
تعالي وصليني لمكان بيتة حالا
فا ردت ريهام وهي بتبصلي بهلع
وقالتلي...جيلي ملوش بيت
ومعرفش اوصلة
فا سالتها تاني
وقلتلها...افهم من كده انه هو الي كان بيجيلك؟
وطبعا كنتي بتفتحيلة الباب لما بتكوني لوحدك يا سف&لة؟
فا ردت ريهام بسرعة
وقالتلي..لا يا ماما انا عمري ما فتحتلة لا باب ولا شباك
فسالتها تاني بغضب
وقلتلها...امال كان بيوصلك من انهي مص&يبة ؟
فا ردت ريهام وهي مرعوبة
وقالتلي...
جيلي كان بيطلعلي..
( من تحت الارض)
بعدما سمعت الجملة الاخيرة
اتاكدت ان بنتي كبرت فعلا
لدرجة انها بقت بارعة في الكدب والحوارات
وكان واضح ان البنت بتسرح بيا
وطبعا كل دا
عشان متوصلنيش للمجرم
فا زاد غضبي عليها
وفضلت اعن&فها واض&ربها عشان تعترفلي باسمة الحقيقي وعنوانة
لكن توقفت عن ضرب&ها
لما سمعتها بتقولي..
خلاص يا ماما
انا هعترفلك بكل الي حصل
تعالي معايا وانا هعرفك علي مكان جيلي
في اللحظة دي
رفعت ايدي من عليها
وروحت معاها عشان ترشدني لبيت المج&رم ...
المهم..
فضلنا ماشيين لغاية ما وصلنا للجنينة الي تحت بيتنا
وفي اخر الجنينة كان فيه شجرة كبيرة
باين منها جزء صغير فقط وباقي الشجرة مغطيها الظلام
لاننا كنا باليل
وفضلت ريهام تمشي ناحية الشجرة
وبدانا ندخل في الظلمة اكتر
لغاية ما وصلنا لتحت الشجرة
وفجاءة توقفت ريهام عن المشي
ولقيتها بتقولي..
هنا بيت جيلي
فا بصيت حواليا ملقتش غير صور الجنينة ومكنش فيه لابيت ... ولا كشك حتي
فا سالتها بغيظ
وقلتلها..فين بيتة دا يا بت
انتي هترجعي تكدبي تاني؟
في اللخظة دي
بدات ريهام
تحكيلي عن الي حصل معاها
وقالتلي.. والله يا ماما دا بيت جيلي
واول مره قابلتة كانت هنا
فا بصيت حواليا
وقلتلها.. وهو فين سي زفت؟
انا عايزة بيتة مش عايزة الشجرة الي بيقعد تحتها
فا ردت ريهام
وقالتلي...
استني هفهمك كل حاجة
وبدات تسردلي الحقيقة
وقالت
في اليلة الي قابلت فيها جيلي
... كنا بنلعب انا جنا صحبتي مع بنات من سننا ساكنين معانا في العمارة
ولما لعبنا لعبة الاستغماية
دخلت انا وجنا تحت الشجرة هنا عشان نستخبي
وبمجرد ما دخلنا واستخبينا في الضلمة
فجاءة لقينا الارض بتتشق وبيخرج منها راجل طويل ومخيف
ساعتها انا وجنا اتفزعنا من شكلة لان شكلة كان غريب
ولما جنا خافت منه خرجت من تحت الشجرة بسرعة وهربت
وقالتلي اجري يا ريهام
فا حاولت اخرج واهرب من المكان انا كمان
لكن هو مسكني
وقالي انه هيعاقبني لاني دخلت بيتة بدون اذنة
فا اترعبت وكنت هصرخ لكن هو فضل كاتم نفسي لغاية ما اغمي عليا وفقدت الوعي
وبعد ما فوقت تاني
لقيتة لسة قاعد جنبي
لكن
لقيتني مش لابسة اي هدوم
وكمان لقيتة قاصص الضفرتين الي في شعري
فا قعدت اعيط
وانا ماسكة ضفايري
وقلتلة انت ليه قصيت شعري
وفين هدومي؟
قالي ..انا عاقبتك عشان دخلتي بيتي بدون اذني
فا رجعت اعيط تاني
وقلتلة...
ماما هتعاقبني لو شافت شعري كدا
وكمان هتعاقبني لو عرفت اني قلعت هدومي
في اللحظة دي
لقيت جيلي بصلي شوية
بدون ما يتكلم
وبعدها لقيتة بيمدلي ايده بالهدوم بتاعتي
وقالي...
خلاص اسكتي متعيطيش
وخدي البسي هدومك
.. وان كان علي شعرك
فا انا ...
هارجعلك شعرك تاني
لكن بشرط واحد
قلتله..ايه الشرط ده؟
قالي..
انك توافقي اننا نبقي اصحاب
وابقي سرك الي محدش يعرف عنه حاجة
يعني متقوليش لاي حد عني حاجة
والا..... هرجع اعاقبك تاني
فا لبست هدومي بسرعة
وبعدها بصتلة
و قلتلة...
ماشي موافقة نبقي اصحاب بس رجعلي شعري زي ما كان
فا قالي...حاضر
هرجعلك ضفاير شعرك مكانها حالا
وفعلا
بمجرد ما جيلي مد ايده ولمس ضفاير شعري المقصوصة
رجعت الضفاير زي ما كانت تاني
وبعدها عرفني علي اسمة
وقالي انه اسمة جيلي
وعايش في بيتة الي تحت الارض
والارض مزروع عليها الشجرة بتاعته
وبعدما عرفني علي نفسة
وعدني انه هيفضل صديقي طول العمر
و هيحميني ويساعدني لو احتجتلة
فا ابتسمت وشكرتة
وبعدها سيبتة وخرجت عشان انضم لصحباتي
ومن يومها مشوفتش جيلي تاني
بس كده
ودي كل حكايتي مع جيلي
والله يا ماما
بعدما ما سمعت رواية ريهام الي مكنتش بتخضع لاي منطق
ولا اي عقل يقبل يصدقها
لقيت نفسي مخرجتش من روايتها غير بمعلومة
جديدة عن بنتي
وهي ان خيالها بقي خصب
وبتعرف تألف روايات خيالية
في اللحظة دي
لقيتني بصرخ فيها
وبقولها...انتي ك&دابة
وانا خلاص قررت اضرب فيكي لغاية ما اخلص عليكي
وبصيت حواليا علي عص&اية
تخليها تخاف وتعرف اني هقسي عليها
يمكن دا يضطرها انها تعترفلي بالحقيقة
وفعلا لقيت غصن شجرة ناشف مرمي جنب سور الجنينة
فا خرجت من تحت الشجرة
وروحت جيبت العصاية
لكن الغريبة
اني لما رجعت تحت الشجرة
ملقتش ريهام
فا فضلت اتلفت حواليا
وانا بنادي عليها
واقولها..بت يا ريهام..انتي روحتي فين؟
بت يا ريهام ردي عليا
وفضلت ادور في الجنينة كلها
زي المجنونة
لكن للاسف ملقتهاش
فا قلت يمكن تكون خافت مني ورجعت علي البيت
فا رجعت البيت اشوفها لكن برضوا ملقتهاش
يعني ايه؟
بنتي راحت مني كده خلاص؟
وقلت لنفسي يمكن تكون خرجت علي الشارع؟
بس ازاي هتخرج علي الشارع وانا كنت بجيب العصاية من جنب البوابة بتاعة الجنينة
يعني لو خرجت كنت هشوفها
طب يعني امال راحت فين؟
الارض اتشقت وبلعتها يعني ولا ايه؟
لحظة تاني معلش
الارض اتشقت وبلعتها..؟؟؟
في اللحظة دي بس
بدات افكر تاني في الرواية الي قالتهالي ريهام
وافتكرت قصة جيلي الي خرج من تحت الارض
لكن....
ازاي اصدق الرواية الوهمية الي سردتهالي؟
وقلت لنفسي
بنتي لو كانت بتكدب مكنتش هتقول ان جنا صاحبتها كانت معاها
ودا لانها عارفة اني هسأل جنا
ايوه هي جنا...
الي هتدلني علي الحقيقة
وهتأكدلي
ان كانت بنتي بتالف رواية وهمية ولا كانت بتقولي الحقيقة
وفعلا روحت لجنا صاحبتها
وسالتها
لكن...رد جنا كان صادم للاسف
لان جنا قالتلي....؟
يتبع
لو عايزين باقي احداث الرواية صلي علي رسول الله وطبعا مش هننسي نضع عشر ملصقات مع متابعة صفحتي الشخصية
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺