رواية فتاه الملجا الفصل الاخير بقلم الكاتبه هويدا زغلول حصريه وجديده على مدونة افكارنا
 |
رواية فتاه الملجا الفصل الاخير بقلم الكاتبه هويدا زغلول حصريه وجديده على مدونة افكارنا
صفية برعب وخوف...
حححح ححح حاضر حاضر مش هسال...
رسلان...
اخرجي يا صفيه من هنا واعملي حسابك ان الوقت ده وقت محرم عليك تدخلي فيه عند مريم.... وفجاه بيغمى على صفيه... بتفوقها مريم وبتفوق صفيه لكن بتكون نسيت كل حاجه...
صفية...
هو ايه اللي حصل ولا ايه اللي جابني هنا...
مريم...
ما فيش حاجه انا هشيلك دلوقتي واوديكي الاوضه بتاعتك..
صفية...
تشيليني ازاي يا مريم ده انا قد وزنك خمس مرات يا بنتي...
مريم...
انا هتصرف... وفجاه مريم بتشيل صفيه اللي كانت مش مصدقه...
صفية...
انتي ... انتي مين ؟
مريم...
انا مريم يا خاله صفيه ... هو انتي بتنسيني ولا ايه..
صفية بخوف...
بس ده مش صوت مريم صوت مريم انعم من كده....
مريم بتبحلق فيها
قلتلك انا مريم... ولما اقول لك ان انا مريم يبقى انا مريم فاهمه ولا لا...
صفية بصراخ...
خلاص انتي مريم مريم مريم... في الوقت ده الباب بيتفتح على صفيه وبتدخل مريم
مريم...
مالك يا خالة صفية بتصرخي ليه...
صفية برعب...
انتي ازاي يا مريم بقيتي اتنين..
مريم...
اتنين ازاي بس يا خاله صفيه ما فيش حد غيري انا وانت هنا في الاوضه الف سلامه عليكي...
صفية...
لا انت دلوقتي موجوده وادي مريم كمان موجودة مين فيكم مريم بالظبط مين فيكم مريم بالظبط اااااااه... وبيغمي تاني على صفيه وبتحاول مريم تفوقها....
بعد مرور 5 سنين كمان وبيبقي عمري مريم 15 سنه..
رسلان...
انا كان نفسي اظهرلك بصورتي الحقيقيه مش صورة بشر بس انتي لو شفتيني ممكن تروحي فيها...
مريم...
انت عايز مني ايه بالظبط بقى لك 15 سنه معايا لغايه دلوقتي ما فهمتش سر وجودك وكل ما اسالك تقول لي لسه ما آنش الاوان ولما افكر مجرد تفكير اني اكلم حد او اقول له على اللي بشوفه الاقي حد كتم صوتي..
رسلان...
لو اي حد بشري يعرف السر وعرف حكايتك هيروح فيها في الحال عشان كده من مصلحته ما يعرفش حاجه
مريم...
انا عايز اعرف الحقيقه واعرف ايه حكايتي..
رسلان...
لسه مش دلوقتي باقي تلات سنين الا يوم والحقيقه هتبان كلها قدامك ويا اما تبقي ملكة من ملوك العالم التاني، او ان نهايتك تتكتب الى الابد
شهاب...
ها ها ها ها اكيد مريم هتبقى ملكه بس عند سوبعه هو الوحيد اللي هيقدر يتوجك بتاج الخلود..
رسلان...
اوعي تصدقوا كلامه يا مريم ده شر العالم الثاني وشيطان كل هدفه انه يدمر الكون ولو ساعدتيهم انهم يوصلوا للكرسي يبقى حكمتي على العالم ده كله بأنه ينتهي
رسلان...
العالم ده لازم يرجع كله للجن والبشريه لازم تتمحي من على الوجود والسيطره تكون لينا احنا بس وننزل الارض ونعمرها من تاني..
رسلان...
الخير هو اللي هينتصر والبشر والجن هيعيشوا بسلام مع بعض والعاصي منهم هتكون نهايته مؤلمه وصعبه وهيبقى عبره للجميع...
شهاب بضحكة كلها شر...
ها ها ها ها.... البشر هم اكثر شر موجود ولو قدرنا نمحيهم يبقى كده قدمنا اكتر خدمه للكون...... في الوقت ده صوت الاذان بدا
المؤذن لصلاة الفجر...
الله اكبر الله اكبر
الله اكبر الله اكبر
شهاب بيحط أيده علي ودنه...
حد يسكت الصوت ده مش قادر يستحمل صوت الاذان حد يسكت الصوت ده...
المؤذن...
اشهد ان لا اله الا الله
اشهد ان لا اله الا الله
اشهد ان محمدا رسول الله
اشهد ان محمد رسول الله
شهاب بصراخ...
كفايه مش قادر اسمع تاني حد يقوله يسكت حد يسكته ، صوته هيخليني انفجر
رسلان...
صدقت يا مريم ان ده شيطان لكن رجيم مش عايز الخير للبشر ولا الخير للجن وبس حتى مش قادر يسمع صوت الاذان تفتكري هيقدر يحكم العالم ازاي اكيد هيكون حكمه كله شر.
مريم...
اعوذ بالله من الشيطان الرجيم اعوذ بالله من الشيطان الرجيم
شهاب بصراخ....
لاااااااااا ... وبعد شويه
مريم...
هو خلاص كده مش هيجي تاني
رسلان...
للاسف الحرب اللي بيني وبينه لسه منتهتش وكل يوم هيكون موجود معاكي من غير ما تحسي بيه... لكن هو لو سمع صوت الاذان هيختفي من قدامك ...
مريم بدموع...
ك انا تعبت ومش قادر استحمل تاني ومش عارفه الوضع ده هيستمر لغايه امتى
رسلان...
انا لازم امشي دلوقتي قبل ما تشرق عليا شمس البشريه لازم اكون في المملكه حالا انا هكون جنبك من غير ما تحسي واول ما احس انك في خطر هظهرلك في الوقت المناسب...
في اليوم التاني...
مريم...
بس انتي مش متعوده تدخلي الاوضه بتاعتي وتنضفيها ، دي عمرها ما حصلت يا خاله صفيه
صفية...
ما تشغليش بالك انت يا مريم انا هبقى انظف معاك الاوضه بتاعتك عشان في حاجات كده مش عايزاها تكون موجوده عندك..
مريم...
حاجات... حاجات زي اي يعني ؟
صفية...
اي حاجات ملهاش لازمه بدل ما عملالك زحمة في الأوضة نتخلص منها أحسن...
مريم...
امممم مع ان الاوضه فاضيه ما فيش فيها اي حاجه غير سرير ودولاب بس براحتك شوفي انت ايه بقى شايفاه ما لوش لازمه وتخلصي منه..
صفية...
بقولك ايه يا مريم هو انتي عايزه المصحف ده...
مريم...
اهو المصحف ده بقي اهم حاجة في الأوضة واهم مني انا شخصيا...
صفية...
بس انا شايفه انه ما لوش لازمه يعني هنا وخصوصا ان مش بشوفك بتمسكيه ولا بتقري فيه...
مريم...
مين قالك اني مش بمسكه ولا بقرا فيه تحبي افتحه دلوقتي قدامك واقرا سورة الكرسي...
صفية بصراخ...
لا لا لا خلاص خلاص انا مصدقاك مصدقاك امسكي المصحف بتاعك... في الوقت ده الباب عندي مريم بيخبط بتفتح
صفية...
مالك يا مريم يا حبيبتي كنتي بتكلمي مين...
مريم بصدمة....
ها لا ما كنتش بكلم حد...
صفية...
طيب يلا يا حبيبتي روقي الاوضه بتاعتك وتعالي عشان نفطر مع بعض... وبعد ما بتمشي صفيه
مريم...
يبقى انت مش صفيه انت الشيطان الرجيم عشان كده كنت عايزني اتخلص من المصحف...
صفية ( اللي هو الشيطان شهاب )...
قريب هتتخلصي من كل حاجه وهتتخلصي من حبك للبشر والبشريه..
مريم...
احنا اللي هننتصر لاننا خير والخير هو اللي بينتصر على الشر...
شهاب...
ها ها ها ها.... الكلام ده في الافلام وبس لكن في الحقيقه احنا اللي هننتصر عشان الارض دي ملكنا احنا ودلوقتي جه الوقت المناسب عشان نرجع لها تاني...
مريم...
ما فيش اي بشري في الدنيا هيسمح للشيطان الرجيم اللي كله شر انه هيعيش وسطينا...
شهاب...
احنا عايشين وسطيكم في كل مكان... بس انتوا اللي مش بتشوفونا ، احنا اللي بنفرق بين الراجل ومراته احنا اللي بنخلي الاخ يسيب اخوه ، احنا اللي بنخليكم تقطعوا صله الرحم واحنا اللي هنعمل كل حاجه عشان نمحيكم
مريم...
البشريه هتفضل موجوده لقيام الساعه
شهاب...
اللي هيفضل من البشر هيكون خدام وتابع لابليس واعوان ولازم يقدم فروض الطاعه والولاء حتى لو هيبقي حليف للشيطان الرجيم ...
مريم...
اخرج منها فانك رجيم وعليك اللعنه الى يوم الدين
شهاب بصراخ....
لا لا لاااااااا
مريم...
اخرج منها فانك رجيم وعليك اللعنه الى يوم الدين..
اخرج منها فانك رجيم وعليك اللعنه الى يوم الدين...
شهاب...
لاااااااااا..
عدت سنتين ودلوقتي مريم عندها 17 سنه...
في مملكة الجن...
امير الجان...
باقي 364 يوم يا رسلان وفي الفتره اللي باقيه دي زوبعة واعوانه هيزودوا حصارهم على مريم...
رسلان...
انا كان عندي طلب يا أمير الجان...
امير الجان...
لك كل الطلبات والصلاحيات اللي انت عايزها..
رسلان...
بالفتره اللي باقيه دي انا عايز يكون معايا الامير راكان قائد الجيوش الاعظم عشان يقدر يقف ضد شهاب واعوانه..
امير الجان لقائد الحرس...
انا عايز الامير راكان يحضر هنا في الحال
قائد الحرس...
الامر والطاعه يا مولانا وفي خلال اللحظات كان بيحضر راكان..
راكان...
سمعا وطاعه يا مولاي
امير الجان...
انت من النهارده ولمده 364 يوم هتاخد اوامرك مباشره من الأمير رسلان وكل اوامره واجب الطاعة والنفاذ...
راكان...
وانا تحت امر مولاي وامر الامير رسلان...
رسلان...
مهمتك يا راكان هتكون الحفاظ على حياة مريم ، لانهم لو ما قدروش يقنعوها تبقى معاهم ممكن يخلصوا عليها...
راكان...
مافيش حد هيقدر يقرب منها واللي هيفكر انه يقرب هيبقى حكم على نفسه بالهلاك...
عند زوبعة...
زوبعة...
لغايه دلوقتي يا شهاب مش قادر تسيطر على مريم وخسرت كل الجوالات اللي بينك وبينها وبين رسلان...
شهاب...
شهاب مستحيل يخسر ابدا ولسة باقي 364 يوم وهما دول اللي هيكونوا الفيصل في معركه انتصارنا على امير الجان واعوانه...
زوبعة...
رسلان مش هيسمح لك تقرب منها ولا انك تفرض سيطرتك عليها ، رسلان قدر يحصنها منك وانت كنت بتتفرج...
شهاب...
مولاي دي فرصتي الاخيره عشان اكون قائد الجيوش الاعلى لمولاي زوبعة....
زوبعة...
انا هبعت معاك المارد النعماني عشان يساعدك في المهمه اللي هتفشل فيها
المارد النعماني...
وانا تحت امر جلالتك يا مولاي زوبعه..
زوبعة ...
انت هتكون تابع لشهاب ومهمتك تساعده في أنه يفرض سيطرته على مريم.... وفي الوقت ده بيدخل قائد الحرس على زوبعه
قائد الحرس...
مولاي زوبعه مولاي زوبعه مصيبه يا مولاي مصيبه عظمى يا مولاي
زوبعة...
اتكلم قول ايه اللي حصل
قائد الحرس...
الامير راكان القائد الاعظم لجيوش امير الجان انضم لرسلان عشان يحافظوا على مريم من اي سيطره تبعيه من جنبكم...
زوبعة بيقعد علي الكرسي...
راكان...انت متاكد ؟
قائد الحرس...
ايوه يا مولاي انا متاكد والاخبار جاتلي بالمصادر موثوق منها...
زوبعة...
دخول راكان لعالم البشريه بيهدد وجودنا وبيحد من سيطرتنا على مريم...
المارد النعماني...
انا هتكفل بالقائد راكان وهقدر افرض سيطرتي عليه
زوبعة ...
ما فيش اي مارد ولا جن سفلي قدر يسيطر على ركان لانه القائد الاعظم لكل جيوش امريكا وما اتهزمش في اي معركه قبل كده...
شهاب...
الحل يا مولاي أننا نخطف الأميرة زمردة والأمير تاج والد ووالدة مريم...
زوبعة...
كل ده انا فكرت فيه لكن لقيت المهمه شبه مستحيله ، لو اي حد او اي مارد فكر يقرب من القصر المرجاني هيتحرق في الحال...
شهاب...
ممكن نستخدم التعويذه السحريه ونقدر من خلالها نخش القصر المرجاني من غير ما حد يعرف..
زوبعة...
القصر متحصن بالتحويزه السحريه وتحسن ضد اي تعويذه تانية ، ولو حد قدر يدخل القصر يبقى مستحيل يخرج منه ، الحل الوحيد اننا نخلص على راكان... والامر ده في يدك انت يا نعماني..
المارد النعماني...
هو انا بكره هطلب مواجهه الامير راكان يا اما اخلص عليه او يخلص عليه.... وفعلا بيتم مواجهة راكان مع المارد النعماني لكن راكان بيقدر ينتصر عليه ....
عدى 362 يوم ومريم دلوقتي بقا عندها 18 سنة إلا يومين...
باااااااك...
في الملجأ في اوضة مريم...
رسلان...
وقت يا مريم جه الوقت عشان اقولك الحقيقة اللي استنيت 18 سنة عشان تعرفيها.... وبدا رسلان يحكي ليها كل القصه بالتفصيل وبعد ما اخلص كلامه
مريم...
انت بتقول ايه انا مستحيل اصدق حاجه زي كده يعني ازاي ماما وبابا لسه عايشين ازاي
رسلان...
ايوه عايشين وانت لازم تيجي معايا عشان تلبسي تاج الخلود وبعد كده لو مش عايزة تعيشي معانا تقدري تدي التاج ده لاي حد تاني...
شهاب...
اوعي تصدقيه يا مريم بعد ما تروحي هناك وتلبسي التاج هيخلص عليك وعلى امك وعلى ابوك... تعالي معايا وهنلبسك التاج وهتعيشي معانا وهتكوني اميرة مخلدة وهناك كانت قبل مامتك وباباك وهتكملي معاهم الحياه الابديه
رسلان...
اوعي تصدقي ايه يا مريم ده شيطان رجيم عايز يفرض عليكي سيطرته مش هو لوحده وكمان معاه الأمير زوبعة امير مملكه الشر
شهاب بغضب...
اسكت... اسكت سيبك منه يا مريم وتعالي معايا....
رسلان...
مريم مش باقي غير خمس ايام وبعدها تتحرمي من مامتك هو باقي العمر كله بايدك ترجعيهم تاني الحياة البشرية وبايدك تتحرمي منهم....
مريم...
انا خلاص قررت اجي معاك يا رسلان
شهاب....
لاااااااا الخير مش ممكن ينتصر على الشر احنا اللي هننتصر احنا اللي هننتصر....
رسلان...
اللي عايزه تجهزي معايا النهارده الفجر وقبل الشروق اول شعاع للشمس هتكوني في مملكه الجان...
في اليوم التاني في مملكه الجان بيظهر النجم المريمي زي الأسطورة ما قالت بالظبط
زوبعة...
انت خلاص يا شهاب انا حكمت عليك وعلى قبيلتك بالهلاك وهتفضلوا محشورين في القصر المسكون..
شهاب بصراخ
لا يا مولاي لا يا مولاي انا طول عمري كنت مقدملك فروض الطاعه والولاء
زوبعة...
انا بسببك خسرت القائد النعماني اكبر قائد في جيوشي، بسببك خسرت المارد الأعظم.... عليك الهلاك عليك الهلاك الان...
عند أمير الجان كان هناك حفل اسطوري ومن بعيد كانت جايه مريم على حصان طائر...
امير الجان...
ودلوقتي يا مريم انا هلبسك تاج الخلود عشان تبقي اميره على المملكه
مريم...
بس انا حبيت الحياه البشريه وعايزة ارجعلها تاني... وكمان عايزه ماما وبابا يكونوا معايا
امير الجان...
كل طلباتك مجابه بس لازم حد يلبس تاج الخلود
مريم...
وانا بمنحك يا امير تاج الخلود طالما هتخدم بيه الخير... ويبقي بعيد عن الحروب والهلاك
امير الجان...
احضروا الاميره زمرده والامير تاج..
زمردة بفرحة...
مريم بنتي حبيبتي اخيرا اتجمعنا بيكي تاني
مريم...
انت اللي كنت بتجيلي في الحلم انتي اللي كنتي بتزوريني انا كنت حاسه انك ماما..
تاج...
ايوه يا حبيبتي هي مامتك وانا باباكي واحنا هنرجع معاكي الحياه البشريه ، طالما أنتي عايزة كدة
في اليوم التاني...
زمردة...
مريم اصحي يا مريم كفايه نام يا حبيبتي احنا بقينا الظهر
مريم...
ماما هو انا فين... وفين الملجا وفين طنط صفيه
زمردة...
انت هنا في بيتك يا حبيبتي مع ماما وبابا انتي هنا في حياتك الجديده.
تاج...
كل ده نوم يا ست مريم ده انت اللي يشوفك كده يقول بقالك سنه ما نمتيش..
مريم...
انا أول مرة في حياتي انام بالطريقة دي ، المهم انا جعانه قوي قوي يا ماما عايزه افطر بسرعه
زمردة...
فطار ايه يا حبيبتي احنا بقينا العصر ، يلا بقى عشان عملتلك كل الاكل اللي بتحبيه واللي نفسك فيه كمان..
مريم...
هقوم اخد شاور واصلي فروضي وبعدين اتغدي براحتي...
وخلصت الحكايه
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺