رواية فتاة الملجأ والشيطان الحلقه الاولي بقلم هويدا زغلول حصريه وجديده على مدونة أفكارنا
 |
رواية فتاة الملجأ والشيطان الحلقه الاولي بقلم هويدا زغلول حصريه وجديده على مدونة أفكارنا
مريم بنت عندها دلوقتي 18 سنة فتحت عينيها علي الدنيا لقيت نفسها في ملجأ اطفال ، لكن مريم كانت بتسمع وتشوف حاجات محدش كان بيسمعها ولا يشوفها غيرها ، حكاية مريم بدأت من 18 سنة لما....
فلاش باااااك...
في مملكة الجن...
امير الجان...
البنت اللي هتورث المملكة اتولدت النهاردة واحنا لازم نفضل معاها لغايه ما تكمل 18 سنه...
رسلان...
انا هكون معاها ولازم احافظ عليها واحميها من شر زوبعة... بس انا عايز اعرف انت ازاي عرفت انها اتولدت النهارده
امير الجان...
النهارده ظهر النجم المريومي في السما وهيستمر لمده اربع ايام ومش هيظهر ثاني غير بعد 18 سنه... وقت ما يظهر لازم البنت تكون موجوده هنا
رسلان...
يبقى اكيد زوجها عرف انها اتولدت النهارده لانه اكيد عارف ومتابع ومراقب النجم المريومي
امير الجان...
الاسطوره بتقول هتتولد بنت بنفس المواصفات اللي اتولدت بيها البنت مريم واول يوم ولاده ليها هيظهر نجمع عملاق في السما وبعد 18 سنة هيكون أمر المملكة دي بايدها
رسلان...
انا هفضل معاها من دلوقتي لغايه ما تكمل 18 سنه...
امير الجان...
المهم ازاي نحافظ عليها من ذوبها وازاي كمان نقنعها تيجي هنا المملكه وتحكمها...
رسلان...
بالخوف كل الخوف من ان زوجها يسيطر عليها وياخدها لمملكه الشر وبكده يبقى مملكتنا انتهت للابد...
أمير الجان...
مهمتك هتبدا من النهارده يا رسلان والمهمة بتاعتك مش هتكون سهلة ، لان زوجها هيبعت حد يراقب البنت ويكون متحكم في كل تصرفاتها...
رسلان...
اديني الاذن يا مولاي وانا هظهر في صوره بشري وهكون قريب منها
امير الجان...
منحتك الاذن انك تتحول بشري بس لازم تعرف اني مستقبل المملكه كله بين ايديك يا اما البنت دي ترجع وتحكم المملكه او تدينا تفويض وحكمها للابد او ان زوبعه هيقدر يسيطر على البنت دي وتنتهي مملكتنا للابد...
رسلان...
اطمني يا مولاي هعمل كل اللي هقدر عليه...
امير الجان...
الام والاب هيسيبوا البنت وهيجوا هنا لانهم من عالم الجان واحنا عايزين حد يربي البنت..
شهاب...
مستحيل يا مولاي يسيبه البنت وهي طفله وعمرها يوم واحد
امير الجان...
مهمتهم في الحياه البشريه تنتهي لما تتولد مريم... الاسطوره بتقول ان البنت اللي عايزين تتربى مع البشر ويكون امها وابوها من الجيهان وجدها وجدتها بشريين... والاسطوره اتحققت مش باقي غير انها تكمل 18 سنه...
شهاب...
الامر والطاعه المولاي أمير مملكه الجان اسمح لي بالانصراف يا مولاي وابدا في مهمه...
امير الجان...
لك الاذن والسماح يا رسلان...
علي باب الملجأ صوت بكا لطفلة عمرها يوم واحد بتلاقيها صفية
مشرفة الدار..
صفية...
لا حول ولا قوه الا بالله يا ربي البنت لسه حته لحمة حمرا معقول أهلها مابقاش فيهم اي رحمه في قلوبهم..
رقية رئيسة الدار...
لا حول ولا قوه الا بالله ذنبها ايه الطفل المسكينه تعيش باقي حياتها متربية في دار وتكون نتيجه اختيار زواج خاطئ او استغفر الله العظيم نتيجه علاقه حرام..
صفية...
انا اول مره في حياتي اشوف بنت بالجمال ده ...
رقية...
انا هسميها جميله ويبقى اسم على مسمى
صفية بدهشة...
بصي يا ست رقيه مكتوب على ايدها مريم يبقي نسميها مريم...
رقية...
خلاص يا صفيه هنسميها مريم... وبعد ما بيختاروا اسمها مريم بيبصوا على ايد البنت بيلاقوا الاسم اختفى من عليها
صفية...
هو ايه اللي بيحصل ده الاسم اختفى من على ايد البنت..
رقية...
يمكن انت مسحتيه من غير ما تاخدي بالك..
صفية...
كان مدقوق على ايدها زي الوشم يعني صعب اني امسحه...
رقية...
خلاص بقى اللي حصل يا صفيه احنا هنختار ليها اسم مريم زي ما كان مكتوب على ايديها وربنا يجعل فيها البركه زي ستنا مريم...
في مملكة الجن...
زوبعة...
خلاص الحلم اللي بقى لي اكتر من 10000 سنه مستنيه بدا يتحقق ، ومش باقي غير 18 سنه بس وكل المملكه دي تبقى تحت امري...
شهاب...
انا شايف مولاي زوبعة فرحان اتمنى يكون سمع خبر كويس...
زوبعة...
الأميرة اللي هترجعلي كرسي المملكة اتولدت خلاص ، الكرسي اللي غايب عني بقى له اكتر 10000 سنة... خلاص هانت كلها سنين قليله والمملكه وكل اللي فيها يبقى تحت امري وملكي...
شهاب...
يبقى خلاص يا مولاي احنا هنخطف البنت دي ونشوفها هي موجوده في اي مملكه وتبقى معانا هنا لغايه ما تكمل 18 سنه...
زوبعة...
مش هينفع نخطف البنت دي غير لما تكمل 18 سنه وتيجي هنا بارادتها ويبقى معاها تفويض ليا أن المملكة تكون بتاعتي....
شهاب...
خلاص يا مولاي اديني الامر وانا افضل جنبها 18 بس اعرف هي في اي مملكه بالظبط...
زوبعة...
البنت بشريه ابوها وامها من الجان وجدتها وجدتها من البشر... بعد ما تتولد بيهم واحد بس الاب والام هيسيب وسط البشر وهم هيرجعوا هنا المملكه...
شهاب...
انا سمعت الاسطوره دي يا مولاي كتير زمان بس كنت فاكرها اسطوره وعمرها ما هتتحقق...
زوبعة...
بص في السماء شايف النجم اللي ظاهر هناك ده
شهاب...
ايوه يا مولاي شايفه وانا اول مره اشوف نجم بالشكل ده واول مره اشوفه اصلا...
زوبعة...
ده اسم النجم المريومي الاسطوره بتقول انه هيظهر في اول يوم تتولد فيه البنت ويفضل ظاهر اربع ايام في النهار والليل..
شهاب...
واشمعنى اربع ايام يا مولاي
زوبعة...
لان مريم من اربع حروف وكل حرف من اسمها هيظهر قصاده النجم يوم في السماء وفي اليوم الخامس هيختفي ومش هيظهر غير بعد 18 سنه في اخر يوم من السنه 17 ويفضل موجود اربع ايام....
شهاب...
طيب والحل ايه يا مولاي
زوبعة...
الحل ان البنت دي في اخر يوم في السنه 17 ليها ومع بدايه اليوم الاول للسنه ال 18 لازم تكون هنا في المملكه لان في اليوم الرابع لو ما جتش واختفي النجم فى هنفضل نستنى 10000 سنه تاني لغايه ما تتولد بنتك جديدة بنفس المواصفات..
شهاب...
اديني الامر يا مولاي اني اظهر في الحياه البشريه واكون جنب مريم لغايه ما تكمل 18 سنه...
زوبعة...
ليك الاذن والسماح بس اعمل حسابك لو مقدرتش تجيب البنت هتتحرق..
شهاب...
ايوه بس ازاي يا مولاي ده انا خادمك المقرب..
زوبعة...
قضي الامر يا شهاب وسمحت لك الان بالظهور في الحياه البشريه
...
في الملجأ...
صفية...
مستغربه قوي يا ست رقيه بقى لنا سنه من ساعه ما جات مريم الدار واحنا بنشوف حاجات غريبه
رقية...
معاكي حق يا صفيه ساعات كنا بندور على اكل مش بنلاقيه وثاني يوم لو دخلنا المطبخ نلاقي الاكل موجود...
صفية...
ده غير ان البنت بقى لها سنه ما فيش مره سمعتها بتبكي ده غيرني اوقات بدخل القعاها بتضحك لان في حد بيلاعبها...
رقية...
ده غير ان البنت بترفض اي حد يشيلها غيرك يا صفيه ، مش عارفه انا اول مره في حياتي اشوف طفله زي دي...
صفية...
دي انا هقول لك على سر كبير يا ست رقيه ومريم بتتغير يعني في النهار بتبقى سوداء وبالليل بتبقى عسل والبنت مش بتعرف تنام غير لو فتت مركزه في السقف وكان في حد بيلاعبها ..
رقية...
بس برده بصراحه من اول ما البنت دي ما جات الدار والخير والتبرعات زادت بطريقه كبيره جدا لدرجه اننا بقينا نوزع فلوس على باقي الديار...
صفية...
سامعه يا ست رقيه ضحكها كان في حد بيلاعبها...
بعد مرور 5 سنين كمان مريم بقا عمرها 6 سنين...
صفية...
يلا...يلا يا مريم عشان أعلمك إزاي تقري وتكتبي...
مريم...
لا...
صفية...
لا ليه يا حبيبتي انتي عايزه تتعلمي عشان تبقي شاطره في المدرسه وتدخلي الجامعه..
مريم...
مش عايزه ادخل الجامعه انا بعرف اقرا واكتب اي حاجه لوحدي
صفية بابتسامة علي كلامها..
انا عارفه ان مريم شطوره بتسمع الكلام ولما اعلمك هتبقي تعرفي تقري وتكتبي كل حاجه لوحدك
مريم...
انا بعرف اقرا واكتب كل حاجه لوحدي...
صفية...
امممم شكلك هتغلبيني يا مريم طيب تعرفي الصوره دي صوره ايه
مريم...
دي صوره اهرامات الجيزه ولا الهرم خوفو وده خفرع وده منقرع
صفية بصدمة... وتوتر
اااا ااااا انت انتي عرفتيهم من فين انت لسه صغيره عشان تعرفيهم يا مريم وبعدين ما فيش حد علمك ولا قال لك اي حاجه
مريم ...
انا اعرف كل حاجة اعرف كل حاجة اعرف كل حاجة...
صفية...
خلاص خلاص يا حبيبتي انا عارفه انك بتعرفي كل حاجه طيب مين اللي علمك كل حاجه زي ما بتقولي
مريم...
صاحبي رسلان هو اللي علمني كل حاجه...
صفية...
بس احنا ما عندناش حد هنا اسمه رسلان يا مريم عشان يجي ويعلمك كل حاجه..
مريم...
صاحبي رسلان كان بيجي لي كل يوم ويعلمني وخلاني اعرف كل حاجه واي حاجه
صفية...
مش معقول ده يكون كلام طفل عندها ست سنين انا حاسه كده ان عندك 16 سنه.... طيب تقدري تقولي لي يا مريم يا حبيبتي والصوره دي صوره ايه...
مريم...
ده نهر النيل وهو شريان الحياه في مصر...
صفية بذهول...
ايوا يا مريم انا انا مش عارفة اقول اي.... طيب بصي السؤال المره دي صعب يبقى انت فعلا بتعرفي كل حاجه... شايفه الصوره الكبيره اللي مرسومه على الحيطه دي تقدري تقولي الصوره دي صوره ايه...
مريم...
دي صوره الموناليزا او الجيوكاندا هو اللي رسمها الرسام العالمي ليوناردو دافنشي...
صفية بصراخ...
يا ست رقيه يا ست رقيه
رقية...
مالك يا صفيه بتصرخي ليه كان في مصيبه حصلت في الدار
صفية...
مريم يا ست رقية ..
رقية...
مالها مريم ما هي كويسه اهه ...
صفية...
مريم طلعت بتعرف تقرا وتكتب وعارفه كل حاجه..
رقية...
هو احنا ما بقاش لينا سيره في الدار غير مريم مريم ، بنت لسه مكن بالتشي ست سنين ولا راحت مدرسه ولا تعلمت ازاي هتعرف تقرا وتكتب
صفية...
انا عارفه انك مش صدقيني بس شوفي كده... مريم يا حبيبتي قولي لماما رقيه الصوره اللي على الحيطه دي اللي انت لسه قايلاههالي دي تبقي صورة أي...
مريم حاطة صباعها في بوقها ومش بترد..
صفية...
قولي يا مريم سكت ليه ما انت لسه كنت بتتكلمي يا حبيبتي
رقية...
تقول ايه بس انت الظاهر كده جرى في عقلك حاجه بقا طفلة صغيره عايزاها تعرف لوحه الموناليزا..
صفية...
ده لسه قايلاها دلوقتي وقالت لي اكتر منها كمان بس انا مش عارفه ليه مش عايزه تتكلم
رقية...
انا هعتبر نفسي ما سمعتش حاجه والمهزله اللي حصلت دلوقتي مش عايزاها هتتكرر انت فاهمه ولا لا... وبعد ما بتمشي رقيه
صفية...
ليه بتحطيني في الموقف ده يا مريم مش انت لسه يا حبيبتي قايله على اسم الصوره...
مريم...
الحقي الست رقيه بسرعه انبوبه الغاز مفتوحه الحقيها بسرعه...
صفية...
خليكي معايا يا حبيبتي واسيبك من الست رقيه انت ليه ما رضيتيش تتكلمي قدامها
مريم...
الحقي الست رقيه بسرعه الحقي بسرعه ما فيش وقت الانبوبه مفتوحه ... وبعد دقيقة.... صوت انفجار عالي جاي من المطبخ.....
بعدها بيتم نقل رقيه المستشفى هو اللي بتموت في الحال بمجرد وصولها المستشفى...
بعد مرور اربع سنين كمان مريم دلوقتي بيكون عندها 10 سنين
في مملكة الجن...
زوبعة ...
انت الظاهر كده هتفشل في المهمه بتاعتك...
شهاب...
انا بعمل كل اللي اقدر عليه عشان ارجع مريم المملكه هنا
زوبعة...
في كل جوله من الجوالات اللي بتدخلها مع رسلان هو اللي بيكسبها وبينتصر فيها
شهاب...
مش مهم مين يا مولاي اللي يكسب الجوله المهم اللي يكسب الحرب...
زوبعة...
انا ما عنديش اي استعداد اني استنى 10000 سنه كمان لو مش قادر تكمل في المهمه تقول من دلوقتي وانا اجيب سلطان يكمل بداله
شهاب...
لا يا مولاي دي فرصتي الوحيده عشان اقدر اثبتلك ان الخادم المطيع ليك...
زوبعة...
هاجي ثمان سنين وبعدها يا إما تطير بمريم لغايه هنا يا اما رقبتك هي اللي هتطير... والغايه ده ما يحصل اهلك مش هيخرجوا من قصر السجان...
شهاب....
بلاش اهلي يا مولاي يتحطوا في قصر السجان...
زوبعة...
قصر السجان هيكون نهايه ليك ولاهلك وكل القبيله بتاعتك وكل عشيرتك لو المهمه اللي كلفتك بيها ما نجحتش... انصرف من قدامي انصرف
في قصر المرجان بمملكة الجن...
تاج...
كلها تمن سنين يظلم الرضا ونشوف بنتنا ونتجمع بيها تاني...
زمردة...
انا مش مصدقة نفسي ان بنتي هتكون معايا انا ما شفتهاش غير يوم واحد بس يا تاج
تاج...
اللي مستني بنتك عظمة وجاه وسلطان ما لهاش اول من الاخر... والحمد لله ان الامير بيسمح لنا كل سنه نروح نشوفها ونطمن عليها
زمردة...
المشاكل والصراعات بتحوم حوالين بنتي يا تاج وانا خايفة في الاخر هي اللي تدفع الثمن بتاع الصراعات...
تاج...
ما فيش حد هيقدر يمسها لان اي حد هيفكر يعمل كده هيبقى هلاك ليه... البنت خلاص باقي ليها ثمان سنين الا يوم والنجم بتاعها هيظهر ثاني وبعدها هتكتب لنفسها اسطوره الخلود.....وهيتخلد اسمها في سماء المجد العالي ....
زمردة...
هو انا اللي بايدي هلبسها التاج... تاج الخلود....
في الملجأ...
صفية...
كنت بتتكلمي مع مين يا مريم
مريم...
ما كنتش بتكلم مع حد انتي بس اللي بيتهيا لك حاجات غريبه..
صفية...
اللي بيحصل ده فعلا غريب بس دي انت بتقولي على اي حاجه وبعدها بتحصل على طول..
مريم...
كل دي تخمينات ووارد ان ما فيش اي حاجه تحصل والتخمينات بتبقى صدف...
صفية...
اللي حصل ده مستحيل يكون صدفه دي حاجه كانه مترتب ليها بالظبط من اول الانبوبه والمطر اللي غرقت المكان كله والسفينه اللي هتغرق في البحر... حتي الطيارة اللي اختفت من شهر كنتي عارفة مكانها فين من قبل ما يعلنوا عن اكتشافها في نشرات الاخبار.... انت وراكي سر كبير وانا مش هرتاح غير لما اعرف السر ده..
رسلان...
يبقى هتفضلي تعبانه العمر كله هتفضلي تعبانه العمر كله يا صفيه..
صفية بخوف...
ممممم مين مين اللي بيتكلم...
رسلان...
اوعي تسالي عن حاجات لو عرفتيها هتندمي وهتدمرك خليك في حالك واي حاجه تشوفيها ما تحكيش عنها لاي حد لانه ما فيش حد هيصدقك يا صفيه
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺