رواية علاقه مع مجهول بقلم الكاتب عادل الصعيدي حصريه وجديده وكامله جميع الفصول على مدونة أفكارنا
 |
رواية علاقه مع مجهول بقلم الكاتب عادل الصعيدي حصريه وجديده وكامله جميع الفصول على مدونة أفكارنا
دخل المستشفى بخطوات سريعه وهو في حالة ارتباك وخوف
وقلق كبير بيسأل عن زوجته اللي عملت حادثه كبيره
وصل الاستقبال ونبرات صوته عليها الألم والحسره
لو سمحتي الاوضه اللي فيها حادثه المقطم فين
موظفه الاستقبال//
قصد حضرتك الحادثه بتاعت مدام شيماء
شريف // ايوه انا جوزها شريف
موظفة الاستقبال//
رقم الغرفه 201 الدور الثالث يمين
شريف جري علي الاسانسير وكان مشغول
طلع بسرعه يجري علي السلم
وعلامات الخوف والقلق تسيطر عليه
وصل الاوضه وكان والد ووالدة شيماء هناك
وعليهم علامات الحزن والاسي
شريف // اي يا عموا اللي حصل لشيماء
والد شيماء ::
عملت حادثه يا بني
وبيقول عربيه كبيره نقل دخلت عليهم
الا معاها مات وهيا بين الحياه والموت .
شريف // اللي معاها !!
مين اللي كان معاها
والد شيماء// معرفش يا بني لسه
بس تلاقيه حد مش زمايلها بشركه او عميل عندها ..
خرج الدكتور من اوضة شيماء وعليه وشه علامات الضيق والحزن
والد شيماء جري عليه
خير يا دكتور طمني
بنتي عامله اي
الدكتور // ادعولها . مخبيش عليكم حالتها خطره جدااا
وعندها نزيف داخلي بالمخ
وكسور داخليه
وهنعملها جراحه مستعجله ادعهولها هيا محتاجه دعواتكم
اتصدمت والدة شيماء
وراحة في نوبة بكاء شديد ومش قادره تتمالك اعصابها وان حياة بنتها علي المحك..
في اللحظه دخل النقيب عادل رئيس مباحث الهرم
عادل // السلام عليكم انا النقيب عادل رئيس مباحث الهرم
شريف // اهلا بحضرتك
عادل // طبعا اكيد في حد قريب مدام شيماء
شريف / انا جوزها ودي والدتها ووالدها
عادل باندهاش وتعجب
حضرتك جوزها !!
شريف // ايوه يا فندم
مستغرب ليه . انا جوزها
عادل // طيب . ممكن بعد اذنك كلمتين علي انفراد
عادل اخد شريف وبعد لآخر صاله الانتظار ..
في اللحظه دي عادل بيبص علي شريف وبيتنهد تنهيده طويله
عادل /
انا فاهم ومقدر الا انت فيه يا استاذ شريف
وبعرف الوقت مش مناسب
بس انا عندي شويه اسئله او استفسارات وعايز حضرتك تجاوبني عليها .
شريف // تحت امرك اتفضل ..
عادل / حضرتك عارف ان المدام وقت الحادث مكنتش لوحدها
وان كان في شخص معاها في العربيه واتوفي متاثر بالحادث
شريف/ ايوه عرفت والد شيماء قالي الموضوع دي . واكيد الا كان معاها حد من زمايلها بالشغل
عادل / جايز !!
بس الا متعرفهوش ان
الشخص دي جوزها !!
شريف بضيق /
جوزها !! جوزها ازاي يا فندم ؟!!
انا جوزها واقف قدامك
عادل بصله بعدم تصديق
عادل // طيب خد شوف الورقه دي كانت في العربيه
شريف مش مصدق ان الورقه الا في ايده ورقة جواز عرفي
شريف // مش معقول الكلام دي .
العقد دي مزور
انا مراتي عارفها كويس
لا يمكن تعمل حاجه زي دي !! مستحيل يحصل دي..
عادل // شريف بيه حاول تتمالك اعصابك
احنا الكلام بنقوله ليك دي نتيجة تحريات
والا حضرتك متعرفهوش
اثناء معاينة الحادث
اتضح ان
كانت مدام شيماء والا معاها عريانيين
وكانوا في حالة سكر
وزجاج الخمر لقيوه بالعربيه ومثبوت في المحضر ..
شريف باندهاش وغضب شديد
شريف // حاسب علي كلامك لو سمحت
مراتي عمرها ما شربت خمره ولا تعرف شكلها ايه ..
وكمان بتصلي الفرض بفرض وبتقرأ قرآن
يستحيل اصدق كلام التخريف دي ابداااا. !!!!
عادل بغضب // لو سمحت يا استاذ
حاول تتمالك اعصابك
انا بكلمك بصفتي رئيس مباحث وجاي أحقق في الحادث . مش افتراء عليك او كذب
شريف بهدوء //
طب . ازاااي ؟؟
طيب وحضرتك متأكد من المعلومات دي اووي ازاي !!!
عادل / دي تحريات يا استاذ عادل وشغلنا دي ..
شريف / مش معقول . مش معقول ومستحيل
عادل // صدقني احنا مقدرين موقفك والا انت فيه .
بس دي حقيقه
وعايزه تفسير !!!!
شريف بيضرب كف علي كف وف حالة ذهول تام من الا بيسمعه
والا عرفه عن مراته شيماء
وبقي في حالة انفصام عقلي
مش قادر يصدق ولا قادر يكذب
عادل / شريف عندك اولاد
شريف / طبعا يا فندم عندي بنت وولد بسمه ومحمد
عادل طيب ممكن تقرأ الورقه دي بهدوء
لقيناها في السياره
مع العقد الجواز العرفي
شريف مسك الورقه وبدا يقرأ
بدأت ايديه ترتعش وعلامات الاستياء والغضب علي ملامحه
وبيبلع ريقه ويتنهد
شريف بغضب //
لا لا مستحيل !!! مستحيل . مستحيل ابدا يحصل دي
دول ولادي من صلبي ولحمي
عادل // للاسف دي اعتراف خطي من الراجل الا كان بسياره معاها
ونفس توقيعه علي عقد الجواز ...
شريف // مستحيل . مستحيل
شريف بيطلع جري علي اوضة شيماء وساب ضابط الشرطه
بيحاول يدخل اوضة شيماء وبتمنعه الممرضه
يدفعها بقوه
توقع علي الارض من قوة دفعته ...
ويدخل جوه عند شيماء
شيماء غرقانه في الدم والجروح في جسمها بكل مكان
وبتاخد نفسها بالعافيه
بصت لقيت شريف جمبها
شيماء // ششريف
شريف / ايوه يا شريف يا شيماء
كويس ان لسه فيكي النفس
ومموتيش
شريف اللي عمره ما حب حد زيك ولا كان في يوم من الايام يصدق اللي عملتيه يا خاينه
شيماء بتصارع الموت وجسمها بيرتعش
شريف اووعي تموتي دلوقتي قبل ما تقوليلي الحقيقه
مين اللي كان معاكي يوم الحادثه
يا سافله .. ومحمد وبسمه دول ولادي والا لا
اعترفي يا خاينه ..
شيماء بتعب // وانت صدقت الكلام دي يا شريف
شريف / ايوه الكلام حقيقي . انتي وبتموتي لسه هتمثلي دور البريئه والشريفه تاني
اعترفي يلا
قولي الحقيقه يا سافله
شيماء بدموع /
حاضر .. هقول الحقيقه
ويا تري هتصدقني والا لا ؟؟ !!!
شريف //
اصدق والا مصدقش.
مبقتش تفرق معايا
المهم عرفتك علي حقيقتك
انجس واقذر انسانه علي وجه الارض ..
وفجاه يدخل الطيب ويشوف شريف بيعلي صوته عليها
الطبيب // انت دخلت هنا ازاي
المريضه بين الحياه والموت .
اتفضل اطلع بره
شريف غاضب //
لا مش هطلع قبل ما تعترف بالحقيقه السافله
الطيب / انت بتقول ايه .
طلعوه بره طلعوه بره بسرعه
ويدخل أفراد الأمن ويسحبوا شريف بره
الاوضه ....
وخدو شيماء للعمليات ....
يا تري شيماء هتعيش تاني وشريف هيعرف الحقيقه ام
ايه اللي يحصل بعد كدا
الجزء الثاني
علاقه مع مجهول
__________
قاعده في مكتبها
وعلامة الضيق والضجر
تسيطر علي ملامحها
وفجاه
تدخل صاحبتها الانتيم ساره
شهد انتي فين ؟!!
اللحظه دي تشهد ترفع وشها من علي ملف كانت بتقرأ فيه
شهد / انا هنا يا ساره هروح فين
ساره // ازاي هنا !!
انا من امبارح بيرن عليكي مش بتردي علي تليفوناتي ليه .
شهد ببرود / طلما مردتش يبقي مشغوله يا حبيبتي .
ساره //
شوفتي اللي حصل لشيماء !!
شهد / شيماء . شيماء مين ؟!!
ساره // لااا . هو انتي مش بتقري اخبار والا ايه !!
شهد / ومالها الاخبار
هيا هيا اخبار كل يوم مفيش جديد
ساره // طيب . فاكره
البت شيماء مراد الا كانت معانا في هندسه وبتطلع اول الدفعه كل سنه فاكرها
شهد بصتلها بغيظ
خير مالها دي كمان !!
ساره // عملت حادثه في المقطم والصحافه بتنشر عنها
شهد // طيب . الله يرحمها . بس كدا
ساره بضيق //
حرام عليكي . لسه في العمليات
ربنا يكتبلها السلامه عشان ولادها .
شهد / هيا عندها اولاد كمان
ساره باستغراب /
اي يا شهد مالك . انا حاسه بتتكلمي معايا ببرود اووي . فيه اي
شهد بتحاول تبتسم بتصنع /
لا برود ولا حاجه يا حبيبتي بس كنت مشغوله بديكور كدا ومحتاره فيه مش عارفه اظبطه
ساره // معقوله تحتاري ومعاكي صاحبتك ساره اكبر مهندسه ديكور !!!
فين بقي الملف والصور وانا هظبطلك كل حاجه
شهد // لا لا خلاص
انا هعمله
انتي رايحه فين كدا
واي فكرك بيا بعد الغيبه دي .
شهد // معلش . كنت مشغوله بتجهيز . شقتي
ودلوقتي فاضيه . وكنت عايزاكي . تروحي معايا نشوف شيماء
شهد // معلش يا حبيبيتي يا ساره
مش هقدر اروح
عندي شغل هخلصه وابقي اروح انا لوحدي ..
ساره فهمت ان شهد مالهاش مزاج تروح
وقررت تمشي
ساره / خلاص ماشي
انا هروح عشان اتأخرت. سلام
خرجت ساره من مكتب
شهد
شويه ودخل عم علي الفراش عليها ..
علي // ست شهد
في واحد بره عايز يدخل بالعافيه اسمه جابر بوقفه بره مش راضي .
سمعت الاسم شهد وارتبكت وقامت من مكتبها ولسه هتخرج
كان جابر قدامها في المكتب
بصتله شهد بغيظ وضيق
وشاورت لعم علي يطلع
طلع علي بره
شهد // انت ايه الا جابك هنا . انا مش قولتلك لما احتاجك هجيلك لعندك
جابر / يا ست هانم برن عليكي مش بتردي ولا بتعبريني هي اي الحكايه
شهد بغضب //
اسمع يا زفت انت
اطلع دلوقتي والفلوس هتكون عندك
واعمل حسابك دي اخر مره تاخد فيها فلوس
امشي دلوقتي بسرعه قبل ما حد يشوفك
اخلص ..
طلع جابر
وشهد قفلت المكتب علي نفسها
وبيتكلم مع نفسها
وبعدين يا شهد الحكايه مش هتخلص كدا
جابر مش هيسبني في حالي
وخايفه يتكلم
وهتبقي دي المصيبه ....
____
في المستشفي
من غرفة العمليات الاطباء بيعملوا عملية جراحه خطيره في المخ
لشيماء
عدي وقت كبير وبعدها يخرج احد الاطباء
والدة شيماء لطبيب
خير يا دكتور شيماء بقيت بخير
الطبيب // ادعولها تبقي بخير
اللي بأيدينا عملناه والباقي علي ربنا
هيا في العنايه دلوقتي
وربنا يشفيها .
بعد اذنكم مين شريف
شريف بيجري نحو الطبيب /
انا شريف يا دكتور
الطبيب // ممكن تيجي معايا مكتبي
شريف // طبعا تحت امرك
شريف راح مع الطبيب ودخلوا مكتبه
الطبيب // اتفضل اقعد يا استاذ شريف
بص عشان مطولش عليك انا بعرف الظروف الا انتوا فيها. بس عايز اسئلك علي حاجه
شريف // اتفضل يا دكتور ..
في حد قريبكم في العيله اسمها ساره
شريف باستغراب //
لا ؟!! بس ليه السوال دي ..
الطبيب //
غريبه اصل مدام شيماء
واحنا بنعملها جراحه في المخ
طول الوقت بتردد جمله كدا
عملتي فيا كدا ليه يا ساره
ففكرت انها تكون ضرتها او حد فيه مشاكل بينهم في العيله
شريف // بصراحه اول مره اسمع الاسم دي .
الدكتور لسه هيكمل كلامه
وفجاه ...
الفصل الثالث
علاقه مع مجهول
الكاتب عادل الصعيدي
________
الممرضه بتدخل علي الطبيب ومعاه شريف
وبخوف واستعجال
الممرضه / اللحقني يا دكتور اللحقني مدام شيماء نبضها وقف
طلع الدكتور يجري
وشريف اعصابه سابت
وشعر بالحزن والضيق
وبيجري بقوه قدام الدكتور
وبسرعه فتح الاوضه علي شيماء
وعمال يهز في جسمها
شيماء حرام عليكي اوووعي تموتي اووعي يا شيماء قبل ما تقوليلي الحقيقه !! شيمااااااء
ارجوكي فقوقي فقوقي
دخل الدكتور وراه لقيه بيهز جمسها
الدكتور بعد ايده بقوه عنها
الدكتور / انت بتعمل ايه يا مجنووون
طلعوه بره
الممرضين سحبوه للخارج
والدكتور بيحاول بجلسات علي قلبها اللي توقف نهائيا..
دقايق وخرج الدكتور
وبلغهم بوفاة شيماء
والدتها ووالدها
انهارت اعصابهم
وانهمرو في موجة بكاء شديده
شريف واقف مش بيتكلم . الصدمه كانت شديده عليه
ماتت شيماء قبل ما تقول الحقيقه
رحلت وتركت شريف يواجه مصير المجهول
وازاي هيقدر يعرف الحقيقه ...
......
في كافيه علي البحر
مجتمعين ساره وصاحبتها جيهان
ساره : اخيرا شوفتك . اي يا بنتي دي مكنش عيش وملح بينا
جيهان : معلش يا ساره .بصراحه مش هخبي عليكي من بعد ما اتخرجت وفتحت مكتب الهندسه بتاعي والوضع صفر ولحد دلوقتي . وقريب هقفله
ساره : يلهوي تقفلي ايه . بسرعه كدا
جيهان : ايوه بجد مش قادره حتي ادفع ايجار الشقه الا فيها المكتب
ساره : مش معقوله .ليه كدا مفيش شغل خالص
جيهان : لا وبصراحه بفكر اشوف شهد اشتغل معاها . عرفت انها واخده عقود شغل كتير
واكيد مش هترفض يعني
ساره : مش عارفه اقولك اي . بس شهد اتغيرت اووي . مش شهد بتاعت الكليه الا كنا نعرفها
جيهان :: مفيش غيرها قدامي هعمل ايه
......
شريف داخل الفيلا بتاعه ولمح من بعيد محمد وبسمه بيلعبوا في الحديقه
وقف من بعيد وبيتكلم مع نفسه .
ليه عملتي كدا يا شيماء
معقوله بعد السنين دي والحب الا حبتهولك تعملي فيا كدا
حتي ولادي مبقتش عارف هما ولادي والا لا
سبتيني اعيش مدي حياتي انسان مكسور ومش عارف يعيش ازاي بعد الفضيحه دي ..
فاق علي صوت التليفون بتاعه
وبيرد علي المكالمه ..
شريف / الووو
النقيب عادل / ايوه يا استاذ شريف انا النقيب عادل
شريف / اهلا بحضرتك
عادل / ممكن تشرفني في مكتبي بعد اذنك ضروري
شريف / حاضر . مسافة السكه
شريف بيرجع تاني ويخرج بره الفيلا ويركب عربيته ويمشي ..
في مكتب النقيب عادل بقسم الهرم
عادل / اتفضل اقعد يا استاذ شريف واقف ليه !!!
شريف / حاضر
عادل / طمني مفيش اخبار جديده عرفتها من شيماء قبل ما تموت
شريف بحزن وقهر / للاسف لا يا فندم
عادل / بس التحريات الا وصلتني بتقول غير كدا
شريف / يعني اي !!؟
عادل / يعني بتقول ان مدام شيماء اثناء العمليه
كانت بتردد جمله وهي
ساره عملتي فيا ليه يا ساره
انت تعرف حد بالاسم دي او في ساره بالعيله
عادل / ايوه افتكرت الدكتور قالي . بس للاسف ملهاش صحاب اسمها ساره ولا حد في العيله اسمه كدا
عادل / طيب يا استاذ
انت تعرف مكان الحادثه بالظبط
شريف / بصراحه. لا هما اتصلوا بيا وقالولي انها بالمقطم بس
عادل / الحادثه يا شريف كانت في المقطم فعلا بس في طريق الصحراوي الشرقي
شريف بضيق / وهتفرق اي الشرقي من الغربي ممكن توضح
عادل / هوضح ليك
يعني الصحراوي اغلب الا بيقصده بيكون مسافرين بعيد
والحاجه التانيه ان الأماكن دي احيانا بيرتادها الناس الا بتسكر او بيعملوا حاجات تاني بعيد عن عيون الناس
وخصوصا الصحراوي في استراحات مشبوه
شريف / لو سمحت ادخل في الموضوع عايز تقول اي
عادل / مفيش انا بس باكدلك المعلومات اللي في التحريات
ان مدام شيماء ومعاذ فهمي كانوا في وضع سكر
واخر تحريات وصلنا ليها ان الحادث بفعل فاعل
شريف بضيق /
ومين يا تري ليه يد يعمل فيهم كدا
عادل / دي بقي الا بنحاول نعرفه مع الوقت
شريف وقف من مكانه
طيب ممكن استاذن منك وامشي
عادل/ اه طبعا . بس ياريت لو وصلت لحاجه تبلغني ضروري
شريف / حاضر . بعد اذنك
خرج من مكتب النقيب عادل وطلع بره
ركب العربيه ولسه هيتحرك
تليفونه رن من شخص مجهول ..
الووو يا شريف بيه
شريف / ايووه مين معاي
المجهول / مش مهم مين معاك
اول ما هتوصل فيلاتك هتلاقي مع فرد الأمن
حاجه تهمك اووي بخصوص مدام شيماء
ولو عايز تعرف مين الا عمل كدا
هتصل بيك ونتفق
وقفل السكه
شريف بيحاول يرن عليه لكن الخط مغلق
وافتكر انه قاله سبتلك حاجه بالفيلا
شغل عربيته بسرعه
وطلع بيها وبيسوق بسرعه جنونيه
وفجاه ...
يا تري اي حصل ؟!!!
واي الحاجه الا تخص شيماء ومين وراء الا بيحصل دي ؟؟!!
الفصل الرابع
علاقه مع مجهول
__________________ عادل الصعيدي
شريف
بيوصل الفيلا بسرعه .
وأشار لبتاع الأمن الا وقف بره الفيلا
بتاع الأمن عطاله كيس
شريف اخده الكيس ودخل الفيلا بسرعه .
دخل اوضته ويفتح الكيس
ويلاقي فجاه قدامه هدوم شيماء الا خرجت بيها قبل الحادثه
سيطر الضيق والغضب علي ملامح شريف
وبيتمتم مع نفسه
شريف : الواطيه الخاينه
يبقي الا قاله النقيب عادل حقيقي كانت جوه العربيه عريانه هي والكلب الا معاها . عمري ما فكرت انها تطلع بالوساخه دي ...
شريف الدم جري في عروقه وسيطرت عليه حالة غضب شديده
وبصوت عالي نادي علي الداده امينه ..
شريف :: اميينه يا امينه
بسرعه طلعت امينه لفوق لاوضه شريف
الداده : ايوه يا شريف
تحت امرك
شريف بضيق : الولاد فين ؟؟!!!
الداده :: في اوضتهم يا بيه
شريف : اندهيلهم بسرعه . بسرعه
طلعت تجري امينه وندهت للولاد . وشكلهم خايفين من الزعيق والصوت بتاع شريف
محمد وبسمه في صوت واحد ...
نعم يا بابا ،
جهزوا نفسكم في دقيقه هنروح نزور ماما في المقابر
دقايق جهزت الداده الاولاد
وركبوا مع شريف عربيته وطلعوا بره الفيلا .
شريف بيقود السياره بدون وعي وسرعه
الولاد خايفين ومرعوبين من جواهم ..
محمد : براحه يا بابا الطريق زحمه
شريف بصله بغضب : خايف تموت
عادي . مش لازم تعيش .الا عملته مامتك يخليك تقبل الموت ولا تعيش بفضيحه
محمد بيبص لبسمه ومش فاهم هيا مامته عملت اي عشان يقول عليه كدا ..
وصلوا المقابر وفتحلهم الحارس بوابة المقابر ودخلوا
شريف قرب من قبر شيماء ::
اوعي تفتكري انا جايه هنا عشان اترحم عليكي
انا هنا عشان اقولك مش طايقك ولا طايق ولادك
خديهم عندك وارحمينا من الفضيحه دي
انا كنت مغفل لما عطيتك الأمان وخليت واحده زيك تحمل اسمي
عدت ربع ساعه وشريف بيتكلم مع القبر بتاع شيماء
ومحمد وبسمه بعدو عنه وهما خايفين منه
محمد : هو ايه الا حصل لبابا عمره ما كان كدا . دلوقتي مش طايق يشوفنا وبيقول لماما كدا
بسمه : مش عارفه يا محمد انا بدأت اخاف من بابا
قام شريف من قدام قبر شيماء
واشار للولاد يركبوا العربيه
وهو خارج من المقبر نادي علي الحارس واعطاه فلوس
وساله : مين بيجي القبر لشيماء هنا
الحارس : مفيش غير واحده اسمها ساره ليها يومين بتيجي تقعد شويه وتمشي
شريف استغرب
وبيقول لنفسه : هيا اي حكاية ساره دي ومين هيا
ساره دي اكيد معاها حل اللغز بتاع شيماء وانا لازم اعرفها هيا مين
كتب رقم تليفونه للحارس واعطاه فلوس
شريف : اسمعني كويس
لو ساره دي جات هنا متخلهاش تمشي واتصل عليا ضروري فهمت
الحارس : حاضر يا سعت البيه ...
.....
شهد بتتكلم في تليفونها
شهد : ساره انتي فين
ساره : اهلا يا شهد انا في مكتبي بخلص شوية شغل
شهد : شغل اي . تعالي عايزاكي ضروري
ساره : حاضر . يا شهد
شوية وصلت ساره مكتب شهد
اخدتها شهد وركبت عربيتها..
ساره مش تقولي رايحين فين
شهد : هههههه مالك خايفه من اي
ساره : واخاف من اي . بسأل بس
شهد : مفيش . حاسه اني مخنوقه وقلت اطلع شويه مكان هادي فكرت في حد ملقتش غيرك
ساره : ااه . قولي كدا
عشان تعرفي بس ملكيش غيري وبلاش الوش الخشب دي تاني الا شوفته منك المره الا فاتت
شهد : يلهووي . لا انتي زعلانه بقي
ساره : لا خلاص . مسمحاكي انا برضوا بقدر ..
ساره شافت شهد غيرت الطريق ودخلت في طريق كله صحراء
ساره : اي يا بنتي رايحه فين . واي المكان دي
شهد : اهدي . بس في استراحه بحب اقعد فيها هاديه مش بعيده قربنا خلاص
ساره لما اشوف اخرتها. ايه .
وصلوا استراحة مسافرين في في طريق الصحراوي
ونزلت شهد وساره وقعد في ركن هناك ..
دخل عليهم الراجل الا بيقدم الطلبات
الشخص : اتفضلوا يا هوانم . هتشربوا والا تاكلوا
شهد : هنشرب الاول وبعدين نتغدا
بقولك اي .
الشخص : اتفضلي يا هانم
شهد : هو مش في واحد هنا بيشتغل اسمه جابر
الشخص :
ايوه كان بس للاسف
جابر لقيوه مقتول من يومين في استراحه هناك كان بيبات فيها .
شهد قلبها وقف من الصدمه وعروقها اتجمدت لما سمعت بوفاة جابر
وفجاه ....
الجزء الخامس( قمة الاثاره )
علاقه مع مجهول
_______ الكاتب عادل الصعيدي
.....
اتجمدت عروقها واعصابها سابت وبلحظه ملامح وشها اتغيرت لما عرفت جابر مات مقتول
ساره لاحظت شهد وهيا مش قادره تتمالك اعصابها والخوف اتسرب ليها زي الدم في الوريد
بصتلها ساره مستغربه :
شهد في ايه مالك ؟! ومين جابر دي ؟!
شهد تنحت ومش مركزه مع ساره : جابر مين !!
لا . اه مفيش حاجه انا كويسه
ساره : بقولك مين جابر دي
نفخت بزهق شهد : مفيش دي جابر موظف هنا غلبان باخد قعدتي هنا وانا ماشيه بعطيه حاجه لله . بس كدا
هزت رأسه ساره :: لا انا فكرت يكون حد معرفتك يعني .
طب ومات مقتول ليه
شهد بنرفزه :: يووه يا ساره خلاص بقي . احنا مالنا . اتقتل او مات لوحده مش مشكلتنا..
وصل الراجل اللا بينزل الطلبات وحط قدامهم العصير
وكانت نظرات شهد ليه غريبه
شهد : ساره هدخل الحمام وراجعه اشربي العصير بتاعك.
دخل جوه شهد وساره مستغربه تصرفاتها المفاجاه دي .
شهد اخد الراجل علي جنب
شهد : بقولك إيه. انت اسمك ايه
الراجل دي اسمه رجب
رجب : خدامك رجب يا هانم
شهد طلعت رزمة فلوس
واعطتها لرجب
رجب :: ايه دي كله يا ست يا هانم
شهد بخوف : خد بس واسمع هقولك ايه
رجب : حاضر . تسلمي يا ست هانم
شهد : بقولك يا رجب . انا ليا حاجه اخدها مني جابر وعايزاك تخدني المكان الا بينام فيه . جايز تكون هناك . حاجه تخصني يعني ..
رجب بص للفلوس وحطها بجيبه: تحت امرك يا ست تعالي معايا
رجب ماشي قدامها وشهد وراء منه
وصلوا الاستراحه القديمه الا جابر كان يبات فيها
دخلت شهد ومكنتش طايقه الريحه المعفنه الا بالاوضه
الاوضه قديمه وكراسي عليها تراب
حطت ايدها علي مناخيرها وفضلت تقلب في كل مكان بدور ومش لاقيه حاجه
شويه ومشيت هيا ورجب رايحين الاستراحه الا قاعده فيها ساره
شهد متوتره وبتكلم نفسها
الله يخربيتك يا جابر وديت الكيس فين ومين اللي قتلك . معقوله حد عرف حاجه. دي هتبقي مصيبه كبيره
شهد بصت ناحية رجب : قولي يارب
رجب : نعم يا ست هانم
شهد : متعرفش مين الا قتل جابر ومعقوله ليه اعداء
رجب : معرفش يا ست هانم والبوليس لسه بيدور علي القاتل ..
شهد طلعت فلوس تاني ووقفت مع رجب وتكلموا مع بعض
طلعت شهد عند ساره واخدتها ومشيت ..
ساره :: شهد مالك وشك اتغير فجأه ليه كدا
شهد بسخريه : يعني بقي لونه اي هههههه
ساره : مش بهزر . بتكلم جد . اتكلمي يا شهد
شهد :: مفيش يا بنتي . بس حسيت بطني وجعاني . دخلت الحمام لقيت اللي بالي بالك جاتني ..
ساره بضحك : معقوله هههههه هيا معادها النهارده
شهد بتعب ; ايوه شفتي بقي . حظك حلو ازاي
ساره : وانا مالي بقي هههههه ظروفك كدا
خلاص روحي استريحي في بيتك .
شهد : الاول هروح الشركه اخلص المناقصة الا دخلاها وبعدين همشي. هوصلك دلوقتي واروح مكتبي ...
............
النقيب عادل داخل علي الاستراحه بتاعت المسافرين هو وقوه العساكر
عادل قعد الكرسي بأول الاستراحه ونادي علي رجب
عادل : انتي يا زفت يا اللي اسمك رجب
رجب طلع يجري مم جوه
رجب : نعم يا سعت البيه ،
عادل : مفيش من قرايب جابر سأل عليه
رجب : لا محدش من قرايبه جانا هنا
عادل :: ولا اي حد تاني سألك عنه
رجب : في زباين كتير سألتني عليه طبعا متعودين ينزلوا هنا .
بس في واحده اول مره اعرفها امبارح جات وسألت عليه برضوا
عادل :: طيب . ممكن تكون نفس الناس الا بتنزل هنا والا ايه ؟!!
رجب :: بصراحه معرفش يا بيه
رجب :: طيب مقالتش اسمها ايه !!
رجب لا قالتلي لما يجي جابر قوله ساره بتسلم عليك
عادل اتفاجا بالاسم واستغرب:: ساره
رجب :: ايوه اسمها ساره . اصل انا الا بيسالني علي جابر بقوله مسافر
عادل بينه وبين نفسه
هيا اي حكايه ساره دي هو انا كل ما امسك قضيه يطلعلي فيها ساره
مش معقول كدا ،
رجب :: في حاجه تاني سعتك .
عادل :: لا غور انت دلوقتي ..
.....
شهد بتتصل بجيهان صاحبتها في مكتبها
شهد : ايوه يا جيهان انتي لسه في المكتب والا روحتي
جيهان : لسه قدامي شويه اخلص ورق المناقصة بتاعتك وهمشي
شهد : طب . كويس
اسمعي ادخلي مكتبي وافتحي اخر درج
هتلاقي ملف المناقصة
صوري الورقه اللي فيها
المبلغ المكتوب عشان مش متأكده المبلغ كام
جيهان حاضر . حالا هدخل واصوره وابعتهولك
دخلت جيهان مكتب شهد وفتحت اخر درج وطلعت ملف المناقصة
وهيا بترفع الملف وقعت ورقه من الملف
واول ما فتحت الورقه عشان تقري الا فيها
وكانت المفاجاه..........
الجزء السادس
علاقه مع مجهول
......
جيهان اللحظه الا بترفع فيها الملف من جوه درج المكتب بتاع شهد . وقعت ورقه علي الارض
نزلت تجيبها من الارض
ومسكتها
واول ما فتحت الورقه وقرت الا فيها صدمت
وفضلت تتمتم مع نفسها
يا مصيبتي ازاي دي
معاذ ماهر جوز شهد
وكمان مجوزها عرفي
ازاي شهد وافقت عليه
دي الوحيد الا كانت في الكليه مش بطيقه
ولا عمرها كانت تكلمه
دي حتي لو شافته ماشي . بتكشر في وشه
انا عقلي هيطير مني . طيب ولما هيا وافقت تجوزه اتجوزته عرفي ليه ؟!!
اكيد في سر بينهم
بسرعه حطت الورقه مكانها . وصورت ملف المناقصة وبعتته لشهد.
وطلعت من مكتبها ...
...
شريف في مكتب النقيب عادل ..
عادل : معلش يا شريف تاعبك معايا . بس التحقيقات كدا . مضطر كل ما يظهر جديد تشرفنا حضرتك
شريف بتنهيده:: وليهمك يا عادل بيه تحت امرك
عادل : وصلنا تقرير خبير الخطوط واتضح ان الخط الا بعقد الزواج العرفي الا لقيناه بعربية مدام شهد مزور وغير مطابق لامضة مدام شهد
شريف : بس ازاي مش مطابق
عادل بستغراب :: قصدك ايه
شريف :: اسف بقصد يعني حد مزور امضتها
عادل:: بالظبط كدا .
ومتقلقش قربنا نوصل لحاجات هتعرفنا مين الفاعل المجهول بالقضيه
شريف بتوتر :: شكرا لحضرتك. واتمني نخلص من الموضوع دي . بسرعه ..
عادل :: بنحاول يا شريف . واسف لعتبك معايا
شريف ابتسم بقلق : وليهمك . بعد اذنك
شريف خرج من مكتب عادل .
النقيب عادل قعد علي مكتبه وبسال نفسه
غريب شريف دي يعني ملاحظتش اي علامة للفرح لما قلتله الخبر وحسيته مش طبيعي ..
.......
ساره وجيهان في كافيه وبيتكلموا مع بعض
ساره في حالة ذهول ومش مستوعبه والا مصدقه الا بتقوله جيهان
ساره : معاذ فهمي انتي متأكده يا جيهان
جيهان بتهز بنعم :
ايوه ومتاكده اووي كمان
وزيك كدا اتصدمت لما عرفت. ولسان حالي بيقول معقول اقنعت نفسها بمعاذ بعد ما كانت تطيق العمي ولا تطيقه
ساره : انسانه غريبه بشكل . انا مبقتش فاهمه شهد دماغها دي ايه جواها . اغلب الوقت بحسها صحبتي اووي ومرات احسها انسانه بارده وشكلي الله اعلم هكتشف شكل تاني ليها
حقيقي مش عارفه دماغها فيها ايه بالظبط
جيهان : بقولك إيه. انا اتاخرت . هروح اشوف بيتي وبعدين لو في جديد هنتكلم فيه
ساره :: وانا كمان تعبان هروح اريح شويه . يلا بينا
طلعوا الاتنين بره الكافيه وركبوا سيارتهم وميشوا...
.....
في الاستراحه القديمه المكان الا بيسكن فيه جابر ..
رجب : انت هتفضل مستخبي هنا كتير يا جابر
جابر : امال عايزني اموت يا رجب . دول هددوني لو حد عرف اني لسه عايش هموت
انا لازم . أظهر الحقيقه
والا هموت وعيالي يتيتموا من بعدي
جابر : طيب اصبر شويه
نعملنا قرشين من ورا ست شهد بتاعتك دي
وهو كمان نقلب قرشين من ورا شريف بيه
وكلها مصلحه واحده
جابر : وبعدين يا رجب
انا مش مستحمل العيشه دي لازم اعترف
واخلص تعبت يا اخي تعبت
الجزء السابع ..
علاقه مع مجهول
........
الكاتب عادل الصعيدي
شريف قاعد باوضته وقافل علي نفسه الباب
وسارح
اللحظه دي فاق علي رنين صوت تليفونه ...
شريف بص بتليفونه ولقيه رقم غريب ..
شريف بتعجب : ايه الرقم دي ؟!! اول مره اشوفه ؟ يا تري مين دي !!
شريف فتح الخط
_ ايووه انا شريف بيه . مين انت
الشخص : مش مهم مين انا يا شريف بيه . لأنك شكلك نسيتني ولا فاكر حاجه اصلا
شريف باستغراب : طيب قول عايز .
الشخص : انا عايز حقي . والا هقول كل الا اعرفه عن حادثة مدام شيماء ..
قفل الشخص المكالمه وشريف بيحاول يتصل بيه بس مفيش رد
شريف رمي الفون جمب منه علي السرير وحط ايده علي راسه وبينفخ بغل وغضب
وبيتكلم مع نفسه :
كلوا منها الغبيه. دمرت حياتي بغبائها. وياما حظرتها بلاش الا هتعمله دي بلاش . غبييه ...
......
جيهان مع ساره في مكتبها وبيتكلموا مع بعض
جيهان: انا اللي عايزه اعرفه دلوقتي . معاذ ماهر كان مع شيماء بيعمل يوم الحادثه . وصحيح الكلام الا عرفناه من الصحف انهم كانوا سكرانين ومن غير ملابس .
ساره بتنفخ بضيق : مش عارفه بصراحه ، انا لحظت بس اخر الايام في الكليه كانت شيماء ومعاذ دايما مع بعض بس الفتره الاخير
ولما تخرجنا من الكليه
وقتها شيماء قالت لمعظم البنات ان والد معاذ عنده مكتب هندسه كبير والا حابب يتدرب وكمان ياخد راتب يقدم هناك . بس كدا
جيهان بتعجب : غريبه انا اول مره اسمع منك الكلام مع اني كنت معاكم في الدفعه ومحدش قلي الكلام دي
ساره : معرفش بقي .
اللي مستغربه ليه . ايه لم شهد علي معاذ. الموضوع هنا في لغز محير ...
اللحظه دي افتكرت ساره لما كانت مع شهد في الاستراحه وكان شكلها ايه لما عرفت جابر مات مقتول .
ساره : علي فكره شهد وراها مصيبه كبيره. وركزي في الا بقوله دي . حاولي تخلي بالك من نفسك . شهد انا دي انا مبقتش مطمنه ليها زي الاول ..
جيهان بقلق : ربنا يستر . انا بعمل شغلي بس ..
ودي باخد عليه اجر. ومعرفش حاجه تاني عنها ..
.......
شهد خلصت شغل ولسه خارجه من مكتبها
لقيت في وشها جابر
شهد باصه لجابر ونبضات قلبها زادت سرعتها وبلحظه اتوترت ووشها اتغير ... جابر
جابر : ايوه جابر يا مدام شهد . انتي مفكره اني موت بحق وحقيقه صح
شهد كشرت بغيظ : يعني انت كنت عامل نفسك ميت وبتخوفنا
جابر : لا يا ست هانم. انا في ناس بتهددني وعايزه تقتلني. وعايزاني اعترف بالحقيقه ..
شهد بقلق وخوف : حقيقة ان شاء الله. انت واخد فلوس كتير . ومعتش اقدر اديك تاني انت فاهم
جابر بتكشيره .. يبقي خلاص يا ست هانم . انا هاخد فلوس من الناس التانيه . واقولهم علي الا بعرفه ..
شهد بضيق ونرفزه:: اسمع يا زفت انت . انا عطيتك كتير . بس مش معني كدا تهددني وكل يوم عايز فلوس .
خليك فاكر . انت اللي قتلت مش انا . ويكون في علمك انا طلبت منك أعملهم فضيحه
ومقلتش اقتل . فاهم
وفي اللحظه كانت المفاجاه
الا محدش اتوقعها فيهم .....
الجزء الأخير.
علاقه مع مجهول
،،،،،،،،،،،،،،،،،،،؛
شهد في مكتبها بتقرأ ملفات الشغل معاها بقرف وخنقه . وعندها شعور بالملل .
قفلت الملفات ورمت جسمها لورا علي الكرسي
وباصه بعيونها لفوق . وحاسه باحساس ندم او ذنب من جواها . شعور متلخبط جواها ومش لاقيه ليه تفسير . وبتتكلم مع نفسها ::
معقوله يا شهد توصل بيكي الحاله لكدا . انا مش عارفه اخرت الا عملته دي صح والا غلط حاسه اني كنت انسانه انانيه في تصرفي مع شيماء ومعقوله شريف يتخلي عني تاني بعد الا حصل
لالا مظنش شريف وعدني انه يتجوزني ونعيش مع بعض تاني . مش عارفه هيحصل والا لا !!
وخصوصا شريف اتغير لما بابا الله يرحمه رفضه انه يجوزني . واتجوز شيماء صاحبتي .
بس انا الا عملته دي كان بموافقة بينا احنا الاتنين .
(( فلاش باااك ))
شريف وشهد قاعدين كافييه في المقطم وبيتناقشوا .
شريف بخوف : انا قلقان من جوايا . وخايف الحكايه دي متعديش علي خير .
شهد بثقه في كلامها : متقلقش يا حبيبي . انا زي مقولتلك. الحكايه كلها هنصورها هيا ومعاذ في العربيه وهما من غير هدوم . وقتها اهلك وأهلها هيعرفوا باللي حصل وبعدها تطلقها ونجوز انا وانت .
شريف القلق مسيطر عليه وعنده احساس انه الحكايه مش هتعدي بالساهل كدا : مش عارف بصراحه مش عارفه يا شهد . انا عايز اجوزك وبحبك . بس الحكايه دي مش داخله دماغي .
شهد بغضب : بقولك يا حبيبي متقلقش انا مدبره كل حاجه. يا شريف انت عارف اننا بنحب بعض من ايام الكليه . وانت. مدتنيش فرصه اتكلم مع بابا الله يرحمه . اتجوزت شيماء بعدها بكام يوم
وعملت كدا لأنك عارف انا مش بطيق شيماء من ايام الكليه وحاسه انها بتسرق مني كل حاجه
والا نسيت الا عملته فيا شيماء وخلت الجامعه كلها تشمت فيا . لو كنت ناسي انا عمري ما راح انسي وراح يفضل كرهي لشيماء طول العمر .
شريف : اهدي طيب يا شهد . انا خايف عليكي . تحصل حاجه كبيره ووقتها . لا انا ولا غيري
هيقدر يعمل حاجه ..
شهد بفرح : معقوله خايف عليا يا شريف
شريف بابتسامه مصطنعه : طبعا . طبعا يا روحي .
شهد : خلاص متخفش عليا . اوعدك مفيش حاجه هتحصلها غير كدا وانا بعيد . محدش هيعرف عني حاجه
شريف : هز رأسه بضيق من غير كلام ..
انتبهت شهد لصوت خبط علي الباب ورجل حد داخل المكتب ولسه هتقوم من مكانها لقيت
جابر في وشها ..
شهد باصه لجابر ونبضات قلبها زادت سرعتها وبلحظه اتوترت ووشها اتغير ... جابر
جابر : ايوه جابر يا مدام شهد . انتي مفكره اني موت بحق وحقيقه صح
شهد كشرت بغيظ : يعني انت كنت عامل نفسك ميت وبتخوفنا
جابر : لا يا ست هانم. انا في ناس بتهددني وعايزه تقتلني. وعايزاني اعترف بالحقيقه ..
شهد بقلق وخوف : حقيقة ان شاء الله. انت واخد فلوس كتير . ومعتش اقدر اديك تاني انت فاهم
جابر بتكشيره .. يبقي خلاص يا ست هانم . انا هاخد فلوس من الناس التانيه . واقولهم علي الا بعرفه ..
شهد بضيق ونرفزه:: اسمع يا زفت انت . انا عطيتك كتير . بس مش معني كدا تهددني وكل يوم عايز فلوس .
خليك فاكر . انت اللي قتلت مش انا . ويكون في علمك انا طلبت منك أعملهم فضيحه
ومقلتش اقتل .
.......
في مكان آخر
......
النقيب عادل جوه مكتب في قسم المقطم ومايل علي كرسيه بيدخن وينفخ سجارته لفوق بتنهيده
فجأه باب مكتبه خبط
اتعدل من مكان وسمح بدخول وكان الملازم هشام ..
هشام قرب من عادل وبيحضنه بشده :: عادل بيه وحشتني اوووي اووووي اوووي
عادل وهو بحضنه بيطبطب علي ضهره وبيضحك : وبتشد علي اووي كدا ليه يا هشام
وانت وحشتني كمان
قعد عادل علي كرسيه وهشام قصاده
هشام : لا بجد فقدتك يا عادل بيه
عادل بضحك : هههههه اي يا بني دول مكنوش اسبوعين في مأمورية
اي يا هشام بيه
الملازم هشام بضحك : هههههه طبعا . بس وحشتني بردو
عادل بحماس : طب قولي بسرعه ، اخبار المهمه ايه ؟!!! سبع والا ضبع
هشام : عيب يا باشا، انا تلميذك . انا جبتلك نهاية القضيه خلاص . الملف دي فيه كل كبيره وصغيره ..
عادل نفخ بضيق : اي يا بني هو انا لسه هقرا ملفات . انا زهقت من القضيه دي . وعايز اخلص
لخصها وقولي .....
هشام اتمحمح : بصي يا باشا الموضوع كان متخطط ليه صح اووي
المهندسه شهد هيا بقي لغز الموضوع دبرت وخططت والا ساعدها بكدا جابر العامل بتاع الاستراحه
اما صاحبك شريف بيه كان ضيف شرف كان عايز الموضوع يخلص في هدوء بس للاسف الموضوع كبر منهم ..
اما بخصوص ساره انا بالأول شكيت فيها
بس بعد اعتراف
الواد رجب بتاع الاستراحه انه شهد قالتله تقول كدا . بدأت افهم اللعبه وكمان
الحارس بتاع المقابر لما شاف صورت ساره صاحبة شيماء وشهد انكر معرفتها
يعني ساره كانت مجرد غطا. للي كانت عايزه تعمله شهد بس للاسف انكشف موضوع ساره بسرعه
عادل ، تمام كدا . الله ينور . الملف دي طبعا فيه كل حاجه
هشام ، طبعا وبالتفاصيل حضرتك .
عادل : حلو . اووي . اشرب قهوتك خمسه وراجعلك
هشام: علي فين يا باشا
عادل : قولتلك خمسه هجيب إذن النيابه وجايلك ...
خرج عادل من مكتبه ورايح مكتب وكيل النيابه ومعاه ملف القضيه ....
............
مكتب شهد
....
اللحظه الا واقفه فيها شهد مع جابر وملامحها كلها غضب وضيق من ابتزاز جابر ليها كل شويه
دخل شريف عليهم فجأه
شهد ومكنتش متوقعه
مفاجأت شريف
شريف وقف بينهم وشهد لسه مفقتش من اللي شيفاه قدامها
بصلها شريف وهز راسه
وملامحه مكشره كلها
شريف : شوفتي اخرت عمايلك اي . بقيت مهدد ومش عارف اعيش حياتي . وكل شويه مكالمه من حد . لحد ما اعصابي تعبت . يارتيني مكنت قربت منك .وعرفتك من الأساس.
شهد اتضايقت وحست انها عملت ذنب كبير ومن جواها بتأنب نفسها علي اللي حصل لصاحبتها شيماء :: يا شريف انا . انا اسفه مكنش قصدي يحصل دي كله
الغبي دي السبب
شريف بص ناحية جابر ووشه وحواجبها اترفع وكشر بغل : مين دي !!
دخل في الكلام جابر وجواه قلق وتوتر : انا جابر يا بيه . انا معملتش حاجه هيا قلتلي اعمل كدا
شيماء بغضب : انا يا حيوان مقلتش اقتلها . انتي الا لعبت في فرامل العربيه وخليتهم عملوا الحادثه ..
شريف قرب ناحية جابر وملامحه كلها شر وغيظ
ومسك جابر من لياقة القميص وشد عليه اووي
لدرجة انه هيتخنق :: دمرت حياتي يا حيوان . وتلاقيك انت الا بتتصل بيا وخليت اعصابي مدمره . انطق لعبت في الفرامل ليه .
جابر مش قادر يتكلم ووشه جاب اللوان ومش قادر يا خد نفس .
شهد شافته مش قادر يتنفس بسرعه راحت ليد شريف بتشد فيه :: شريف حاسب يا شريف هيموت في ايديك
هنروح في داهيه سيبه سيبه ارجوك..
شريف بدأ يرخي ايده وبيبص عليه بغضب
قولي : ازاي لعبت في الفرامل بتاع العربيه . وليه عملت كدا
جابر بياخد نفس بالعافيه وبيتنهد : كنت عايز فلوس يا بيه كنت عايز فلوس . والمدام الا واقفه قدامك قالتلي خلص وهعطيك فلوس كتير . والشيطان غواني وقلت اموتهم . عشان اخد فلوس اكتر..
في اللحظه كان النقيب عادل وهشام والعساكر في الموعد ودخلوا عليهم هما واقفين ..
عادل : زي ما انتوا محدش يتحرك .
وقرب من شريف : يااه يا شريف بيه . تصدق انت الوحيد اللي مكنتش محل شك بالقضيه . بس تصدق طلعت اذكي مني لدرجة متوقعتش انها تيجي منك انت .
شريف بتوتر وخوف : انت بتقول ايه يا عادل بيه انا معملتش حاجه. اللي قدامك دول هما السبب
وقرب ناحية شهد : معقوله مهندسه زيك وصيتها مسمع بين كبار رجال الأعمال عقلك وشيطانك يخليكي تعملي كدا في أعز صحباتك...
شهد بدأت دموعها تنزل وبصوت منخفض : انااا انااا معملتش حاجه
عادل بص ناحيت العساكر.
خدوهم كلهم علي العربيه بسرعه يلا
شريف : وانا تهمتي ايه يا عادل بيه ..
عادل :: في القسم هقولك يا شريف بيه
يلا خدوهم ...
العساكر اخدهم ونزلوا كلهم رايحين المركز ..
عدت ثلاث شهور كامله علي أحداث القضيه وكتبت عنها الصحف واصبحت اكتر القضايا تداولا بين الناس
جابر اتحكم عليه بالإعدام بعد ما اعترف بارتكابه الجريمه وشهد اتحبست ١٠ سنوات
وشريف ثلاث سنوات
وبالنهايه ظهرت عدالة السماء ورد الحق لاصحابه...
تمت..
دمتم بخير
تابعونا بقصص جديده مميزه
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺