رواية مهرة النعمان الفصل الثاني والثالث بقلم فريده الحلواني حصريه وجديده على مدونة أفكارنا

رواية مهرة النعمان الفصل الثاني والثالث بقلم فريده الحلواني حصريه وجديده على مدونة أفكارنا 

رواية مهرة النعمان الفصل الثاني والثالث بقلم فريده الحلواني حصريه وجديده على مدونة أفكارنا 

في منزل النعمان 

كانت تجلس الجده في صاله المنزل وقت الظهيره تسبح علي مسبحتها بينما كانت كل من ريهام وفاطمه زوجتا ابنيها ومعهم نوال ابنتها يقفون داخل المطبخ يحضرو وجبه الغداء التي تضم داءما جميع العاءله 

دلف عليهم كل من بدر وسليم فالباب داءما مفتوح نظرا لان العماره كامله تخصهم ولا يوجد بها غيرهم وايضا لان باب البيت من اسفل مغلق ببوابه حديديه كبيره

بدر : سلامو عليكو وتوجه الي الجده والتقط كف يدها ليقبله وهو يداعبها 

ايه القمر ده يا نعناعه انتي كل يوم الصبح تحلوي اكتر

الجده بضحك : بس يا واد يا بكاش انت ...تعالي يا سليم عامل ايه بقالي كام يوم مش بشوفك يا واطي هو اكمن ما خلصت الكليه انت وبدر ومبقاش فيه مزاكره هتقطع بينا كده

سليم بخضه وهو يقبل يدها : لالا والله ابدا يا ستي انا مقدرش استغني عنكم بس والله غصب عني حتي

اسالي بدر احني بقالنا كام يوم مفحوتين في الشغل مش عارفين نريح خمس دقايق 

حتي دلوقتي كنا بنحمل طلبيه ولولا ان قميص بدر اتقطع كنا كملنا بس لما لاقيته جاي يغير قولت اجي معاه اطمن عليكم

الجده : خلاص سماح المره دي بس متغبش تاني انت عارف انك عندي زي العيال دي بالظبط

بدر : خلاص يا حاجه سيبي الواد في حاله ثم نادي علي من في المطبخ

اما يا ريهام انتي يا حجه انتي وهي اي واحده فيكو تعملنا كوبيتين شاي عالسريع علي ما اغير هدومي

خرجت له عمته نوال وهي معصبه وتمسك بيدها ملعقه خشبيه تقلب بها الطعام 

مالك يا ولا داخل بزعابيبك كده ليه انت لو مكنتش تجعر وتسمع الناس بينا مترتحش ماتطلب الي عايزه بالراحه

بدر : خلصتي روحي بقي يا نونه اعملي.....

وقبل ان يكمل دخل عليهم اعصار مكون من

مصطفي يمسك في كل من يديه فتاه يعلقها من ملابسها من الخلف ومجرد ما وصل منتصف الصاله قذفهم ناحيه بدر وهو يصرخ بهم

خد بقي البلاوي دول واياك حد يقولي روح هاتهم مالمدرسه تاني فااااااهمين

بدر ببرود : هادي اعصابك يا شبح بس وقولي في ايه

نوال : اكيد عملو مصيبه زي عوايدهم

احدي الفتاتان ببكاء مرير : والله ما عملت حاجه يا عمتو دي مهره عورت الولد وخر دم من دماغه

نظرت لها تلك الشيطانه الصغيره وهي تقول ببلطجه وغيظ من بكاء ابنه عمها : ما خلااااص بقي يا بسكوته طول الطريق وانتي عماله تعيطي علي حته خربوش

لميس بصراخ : يا سلام ده الولد نزل دم كتير وقال هايودينا للشرطه

مهره : انتي عبيطه يا بت ولا يقدر يعملنا حاجه دا احنا بنات النعمان 

صرخت بهم الجده ليصمتو حتي تفهم ماذا حدث بعد ان وجدت كل من كنتاها وابنتها وبدر وسليم ومصطفي يتبادلون النظر للفتاتان ببلاهه علهم يفهمون ما حدث

الجده : بااااااس يا مقصوفه الرقبه منك ليها 

في ايه يا مصطفي

مصطفي : ابدا يا سيتي روحت اجيب الهوانم من المدرسه لقيتهم عند المدير ومعاهم ولد سايح في دمه قال ايه عاكسهم قامت البلطجيه الي ربنا ابتلانا بيها حدفته بطوبه فتحت دماغه واتخيطت خمس غرز

والهانم كمان مش عاجبها

لميس : والله يا تيتا ماعملت حاجه انا وزينه قولنلها نمشي بس هي مرديتش

ريهام بطيبه : بس يا حببتي بطلي عياط واخذتها في حضنها

مهره : ماتنشفي شويه يا بت ده ايه ده

نوال وهي تتحرك لكي تضربها غيظا من كلامها ولكن مهره سريعا وقفت خلف بدر حتي لا يطالها شبشب عمتها

والله انا ملاقيه كلام اقوله اوعي يا بدر خليني اربيها 

بدر : اييييه يا حاجه تربي مين انا  الي هربيها محدش له دعوه بيها

نوال بغيظ : اذا كنت انت اصلا مش متربي وادي النتيجه يعني انتو الاتنين عايزين الي يربيكو

فاطمه بهدوء : استني بس يا نوال خلو العيال تقعد وتفهمنا ايه الي حصل يمكن الولد يستاهل

سحب بدر مهره من خلفه وجلس علي احدي المقاعد واوقفها امامه وبهدوء قال لها : ها ارغي وقولي ايه الي حصل من غير تحوير 

مهره : كده يا بدور وانا عمري حورت عليك قالتها ببراءه لا تمت لها بصله

نوال : شوف البت بريءه ازاي

مهره : اهدي يا ماما خليني اركز اااااقصدي احكي

بص يا بدر انا كنت واقفه انا و زينه و لميس عند باب المدرسه من جوه زي مانت منبه عليا لقيت ال........

قاطعها بدر بصراخ 

نهااااااار الي جابوكي اسود وجزبها من ملابسها وقال 

انتي يابت روحتي المدرسه وشعرك مفرود فين الكااااااااااب 

صرخت نوال باهتياج : حرااااااام عليك سايب المصيبه الي هببتها وماسك في شعرها المفرود هتجلطني

بدر : بس يا حجه انتو حسابكو معايه بعدين 

مهره سريعا ؛ اهدي يا بدوري انا هافهمك الي حصل

بدر : ارغي 

مهره ببراءه مصطنعه : الصبح ماما نوال كانت تعبانه شويه فامش قدرت تلملي شعري فاتيتا هي الي سرحتهولي وسابته مفرود قولتلها لا يا تيتا بدر هيزعل مني و يزعقلي قالتلي ميقدرش يعملك حاجه طول مانا موجوده وصممت انزل بيه مفرود زي البنات وانا كنت مدايقه بس مقدرش اكسر كلامها بس كده هو ده الي حصل ثم غمزت لجدتها في الخفاء حتي تؤيد قصتها (هي قالت ان جدتها من فعل ذلك لانها متاكده ان بدر لا يستطيع ان يراجع جدته في اي امر) 

ذهلت النسوه الواقفه تستمع الي كذب تلك الشيطانه وبراعه تمثيلها حتي انهن صدقن ما قالته رغم انه بعيد كل البعد عن الحقيه

فلاش باك صباحا

__________//////////

مهره : بالله عليكي يا مامتي خليه مفرود وبلاش الكاب انهارده 

نوال : بس يابت بلاش خوته انا مش ناقصه قله ادب مالي مربيكي ييجي يفتحلي صوته بسببك

مهره بدموع ذاءفه لاستعطافها : عشان خاطري يا ماما هو انا مش زي البنات يعني اشمعني انا الي دايما لبسي كله زي الولاد نفسي ابقي زي البنات مره

تاثرت نوال بحديثها كثيرا وضمتها الي حضنها وقالت : خلاص يا نن عيني ولا تزعلي هسيبو مفرود وهتبقي احلي من كل البنات ...ثم سكتت ثواني واكملت بقلق بس هنعمل ايه في هولاكو لو شافك ده يكلنا 

ردت مهره سريعا : متخفيش هو عنده شغل كتير انهارده ومصطفي الي هيجبنا ولو حصل وشفني انا هتصرف يلا بقي يا مامتي

بااااك

______/////

نوال في سرها : يخرب بيتك دانا صدقتك

بدر وهو يحاول التحكم في غضبه : ليه كده يا ستي انتي مش شايفه شعرها عامل ازاي دانا بلبسها هدوم صبيان و مش خالص مابال بقي لم تنزل كده 

الجده : خلاص يابني مجراش حاجه من مره المهم خليها تقول الي حصل عشان نشوف المصيبه الي هببتها

نظره بدر لمهره بغيظ بمعني حسابنا فيما بعد وقال كملي ياختي

مهره : كنا واقفين لقينا الولد ده جاي ياعكس لميس طلبت منه  براحه يبعد مسمعش الكلام ومسك شعري

بدر بصريخ : اااااايه يا روح امك مسك ايه

مهره سريعا : كان كان هيمسكه بس انا بعدت بسرعه وجبت طوبه حدفته بيها واتعور خربوش صغير خاااالص يا بدوري بس هو ده الي حصل

مصطفي بعيظ : يابت ده انا شايف الولد متغرق دم منك لله يا شيخه وانا كمان مني لله لو فكرت اروح معاكي مكان

بدر بحده طفيفه : خلاص يا مصطفي هي مش غلطانه يعني عايزه يعاكسهم وتسكت انا هروح بكره المدرسه وهطلع ميتين امه عشان يحرم يبص لبنات النعمان

مصطفي : لا ياخويا ماتتعبش نفسك هو جاي لجدك هو وابوه عشان يشتكيلو قابل بقي يا عم يلا انا ماشي سلام

وخرج سريعا قبل ان يرد عليه اي احد

بداخل سنتر للدروس الخصوصيه 

نجد فتاتان منتظرين وصول وليد ليقلهم الي المنزل فبنات النعمان يعاملن كالاميرات كل طلباتهن مجابه وداءما يجب علي احد شباب العاءله توصيلهن من والي المدرسه او اي مكان حتي يحميهن من اي شخص تسول له نفسه الاقتراب منهن

لوجي بضجر : ايه يا ست موها رني علي اخوكي شوفيه اتاخر ليه عايزه انااااام

مها : خلاص لسه مكلماه من شويه زمانه داخل علينا اهدي شويه ماهو لو كان سولي كان زمان النوم طار من عينك

ههههههههه

لوجي : هاهاها خفه يابت اما نشوف ياختي لما حظابط يرجع من الكليه بتعته هتعملي ايه

مها : هييييييح ظبوطه قلبي ده يرجع بس ده وحشني اووووي المره دي

لوجي : هانت خلاص اهو قرب يتخرج وان شاء الله يجيلو التعيين في اسكندريه يلا وليد وصل اهو

قامت الفتاتان وتوجهن الي سياره وليد اخو مها وابن عمته لوجي

ركبت مها بجانب اخيه ولوجي في الخلف

لوجي بمرح : اذيك يا دكتره ايه اخبارك طمني علي الجسس بتوعك

ضحك وليد عليها وقال : عارفه يا لوجي لولا خوفي من اخوكي هولاكو كان زماني حططلك جسه محروقه في حضنك وانتي نايمه عشان تحرمي تتريقي عليهم

مها بضحك : يااالهوي هو بدر علي طول كده عامل رعب للكبير والصغير

ضحكن جميعا واكملو الطريق حتي المنزل

بعد صلاه العصر كان يجتمع كلا من الجد النعمان وابنه ياسر والحاج حسين ومعهم مصطفي وبدر وسليم ووليد يتناقشون في بعض امور العمل

الجد : ها يا وليد حملت طلبيه الحاج عبدالحميد

وليد ايوه يا جدي وقفت علي ايدهم لحد مالعربيه اتحركت قبل ما اروح اجيب البنات من الدرس

حسين : طب ابقي هاتلي الفواتير عشان اخلي المحاسب يايدها اول باول

وليد : حاضر يا جدي

اثناء ذلك دخل عليهم رجلان وشاب وطفل صغير

محمد والد الطفل : سلامو عليكم

الجميع : وعليكم السلام ورحمه الله 

الجد اتفضلو 

مال مصطفي علي بدر وقال : قابل يا عم اهو هيتعمل قاعده بسبب فرستك 

زجره بدر بحده فسكت مصطفي سريعا خوفا من بطشه

والد الطفل : انا ليا حق عنك يا حاج نعمان وجاي اخده

ياسر بهدوء : اقعد بس خد واجبك وبعدين قولنا انت مين وحق ايه الي ليك عند الحج

سليم نادي علي حمص(عامل المقهي)قوله طقم شاي وعصير للصغنن ده في السريع

سليم عنيا يا حج

عم الطفل بعصبيه : ملوش  لزوم احنا مش جايين نضايف 

تجهم بدر وقال بحده : ابلع ريقك بس يا شبح واعرف انت واقف فين وبتكلم مع مين 

في شكوه عندك قولها بادب ثم ربت علي كتف الرجل بقوه وهو يقول اااامين يا شبح

خاف الرجل كثيرا وازدرد ريقه بتوتر ونظر للنعمان وقال

يرضيك يا حج حفيدتك تضرب ابن اخويا وتفتحله دماغه خمس غرز

نغز سليم بدر في الخفاء ومال عليه مقلدا مهره وهي تقول 

خربوش صغير يا بدوووري

زجره بدر بحده وهم بالرد علي ذلك الرجل ولكن عمه ياسر سبقه

ياسر : طب يعني بنتنا هتعوره مالباب للطاق ولا لازم يكون ابنكم عمل حاجه وحاجه كبيره كمان عشان يبقي رد فعلها كده اسال ابنك الاول وبعدين اشتكي ولا ايه

نظر الرجل الي الطفل ونهره وقال : انطق ياض ايه الي حصل

خاف الطفل واطرق وجهه ناظرا في الارض خاصتا خوفا من هذا الوحش الذي منذ دخولهم وهو ينظر له بطريقه ارعبته حقا

بدر : اقولك انا ينفع ابنك المحترم يعاكس بنات لا وكمان عايز يمد ايده علي واحده فيهم

والدوالطفل : ايه الكلام ده يا استاذ دول اطفال وابني لا يمكن يعمل كده

مصطفي : اهو ابنك قدامك اساله

عم الطفل : ماتنطق ياض الكلام ده صح

سكت الطفل ونكس راسه في خزي

الجد : خلاص يا استاذ محصلش حاجه بس قبل ما تسمع كلام عيل اتاكد الاول قبل ما تحط نفسك في موقف وحش قدام الرجاله ولا ايه

بدر : يا ريت تربي ابنكم وعلموه الرجوله من صغره وان الي هيعمله مع بنات الناس هيتعمل في اخواته

اعتزر الرجلان منهم واخذو الطفل بغضب وخرجو من المحل وهم يسرخون علي الطفل الذي وضعهم في موقف محزي

وليد : هو ايه الي حصل انا مش فاهم حاجه

بدر : تعالي بس وانا هفهمك بعد اذنك يا جدي 

الجد : هتروح محل الازاريطه دلوقت ولا بعد ما ترجع مالمخزن

بدر : لا هعدي عليه الاول سلامو عليكم

يلا يا سليم 

إزالة الشباب من المحل ووقفو في جانب غالبا

بدر : بقولكم ايه انا عايزكم في موضوع ضروري

سليم : خير يارب 

بدر : لا مش هاينفع دلوقت احمد زمانه علي وصول ان شاء الله بالليل هنتجمع كلنا عالسطح وقولكم الي فيها

مصطفي : ادام فيه سهره عالسطح يبقي ربنا يستر

تركهم بدر دون ان يير حديثهم ادني الاهتمام واستعد الي سائق وانطلق بها حتى يتابع اعماله وهو متاكد انه ما ان يامرهم بشىء وجب عليهم التنفيذ

يا تري ماذا يريد هذا البدر منهم

سنري

انتظروووووني

بقلمي / فريده الحلواني

الفصل الثالث

وصل احمد منزله في اجازه قصيره من كليه الشرطه فهو اخيرا سيتخرج هذا العام منها 

دلف وهو يصرخ

انااااا جيت يا بشر

خرجت امه ريهام سريعا من المطبخ تستقبل ولدها الغالي بعد غيابه اكثر من شهران

وجدته يقبل يد جدته ويحضنها بحب

ريهام : حبيبي يابني حمدالله علي سلامتك واحتضنته وهي تبكي وتقول كده برده ياحمد تغيب عني ده كله كان لازمتها ايه كليه الشرطه ووجع القلب ده كنت دخلت اي كليه مع اخواتك وخلاص

ضحك احمد وهو يقول : ايوه ايوه هما نفس الكلمتين بتوع كل اجازه خلاص بقي يا ربمو بقالك اربع سنين بتقوليهم

ريهام : اخس عليك كده برده ماهو غصب عني انا ماتحملش غياب حد فيكم عن عيني

قبلها من جبهتها وقال : خلاص يا ست الناس اهو هانت كلها شهرين باذن الله واتخرج وابقي جنبك علي طول

الجده : تعالي يا حبيبي اقعد ارتاح احسن لو فضلت واقف مش هتخلص من امك دي ما بتصدق تفتح في العياط

ريهام : الله ياما مش ابني وكان واحشني 

الجده : خلاص ياختي اهو قالك هانت ويبقي جنبك قومي حضريله لقمه ياكلها الواد جاي هفتان 

احمد : لا يا ستي مش هاقدر انا نازل لجدي وهبقي اكل معاكم عالغده

انا بس هقوم اخد دش واغير وانزل علي طول

جاء وقت الغداء المقدس لدي عاءله النعمان فلا يستطيع احد التغيب عنه الا لعزر قهري

اجتمعت العاءله حول طاوله الطعام في جو ملىء بالحب والدفىء

الجد : عادل  في حاجه ناقصه لافتتاح فرع جليم 

عادل : لا ياحج كله تمام وياسر وزع الدعوات

حتي اعضاء مجلس الشعب عزمهم

بدر : اه خليهم ييجو ياخدو صورتين مع الحج عشان يضمنو اصوات الدايره فجبهم

مصطغي : اه والله عندك حق ماهم عارفين ان الي جدي يديله صوته يبقي الحي كله هيديهولو وبعد ما ينجحو محدش بيشوف وشهم

ياسر : هنشوفهم ليه ما خلاص بقي نجحو 

احمد : ده النايب محمد العراقي لسه مقابلني وانا راجع 

وقف يسلم عليا وقال ايه يقولي يلا يا بطل انا موصي عليك عشان اول ماتتخرج تمسك قسم العطارين وتبقي جنبنا

وليد : ده اهبل ده ولا ايه هو حفيد النعمان محتاج وسطه ده جدي خيره عالكل

مهره : انزل اديلو بوكسين في وشه يا بدوري عشان يحرم يعمل نمره علي قفانا

نوال بغلب : يااااالهوي ياما هو انتي يابت امتي هتكلمي زي البنات اشق هدومي منك تموتي فالمصايب

بدر بحده طفيفه : عمتتي الله لا يسىءك ملكيش دعوه بيها انتي عايزاها تبقي تتمايص زي البنات المايعه ولا ايه

فاطمه : يابني هي يا تبقي زي الولد البلطجي يا تبقي بت مايعه خير الامور الوسط حتي تبقي زي اخواتها البنات

مهره : انتي عيزاني ابقي بسكوته زي لميس ولا مسهوكه زي لوجي ولا دلوعه زي مها وزينه لا يا مرات عمي انا عجباني كده وبدر صح في كل حاجه والي يقولي عليه هعمله

ضحك الكل عليها وغضبت الفتيات الصغار علي الالقاب التي تطلقها عليهن

نوال بصوات : هتجلطني والله هتجلط عاجبك كده ياسي بدر بوظت البت وارتحت

بدر ببرود : ااااه ارتحت بنتي وانا حر فيها اربيها بالطريقه الي تعجبني

مهره بسهوكه : اي حاجه منك حلوه يا بدوري سيبك منهم 

وليد : ايه ده طب مانت بتعرف تتكلم زي البنات اهو يا برعي امال بتخن صوتك علينا احنا ليه

قذفه بدر بالملعقه وهو يصرخ به بسسس يااااض هقوملك

وليد بخوف ؛ حاضر ياكبير احنا اسفين ياريس

انفجر الجميع في الضحك فتلك المناوشات داءما ماتحدث بينهم

في المساء اجتمع الشباب فوق سطح المنزل كما طلب منهم بدر 

فهم اعدو سطح المنزل للسهرات او الرياضه

فهو لكبر مساحته قسموه الي عده اجزاء

جزء بني فيه غرفه واسعه تضم جميع الالات الرياضيه لتصبح جيم ليمارس بيه الشباب التمارين الرياضيه

وجزء زرع فيه بعض الورود وايضا بعض الخضراوات لاستخدامهم في الطهي

وجزء يوجد به قاعده عربي وبعض الكراسي واريكه كبيره يجلسون بهذا الجزء وقت سهراتهم سويا

واخر جزء بعيدا الي حدا ما بني غرفه يوجد بها سرير صغير واريكه وخزانه ملابس صغيره و منضده ويوجد ايضا مرحاض صغير بداخلها

هذه الغرفه مخصصه لبدر ولا يسمح لاحد الدلوف فيها فهي خلوته الخاصه ولا احد يعرف ما بداخلها

جلس الشباب علي القاعده العربي ارضا منتظرين تحدث بدر عن الامر الهام

مصطفي : خير بقي يا بدر ادينا كلنا متجمعين قول بقي انا قلقان من الصبح

بدر : مفيش قلق من حاجه انا عايزكم في شغل

احمد : شغل ايه ده

بدر : هافهمكم في واحده صحبتي كانت معايه في الجامعه ابوها يبقي صلاح الشيخ اكبر مصدر انتيكات في مصر كانت فاتحتني كذه مره ان اشاركها في مصنع لتصنيع الانتيك وابوها هياخد كل شغلنا ويصدره

انا عاجبني الموضوع بس رفضت اشاركها بس قولتلها ان هدرس الموضوع ولو عجبني هفتح ورشه ابتدي بيها مع اخواتي ونكبرها واحده واحده

وفعلا درست الموضوع وطلع مربح جدا

مصطفي :  طب ليه منفتحش مصنع علي طول

بدر : عشان الشغل ده علي قد ما مكسبه حلو بس صعب لازم نتودك (يعني يتقنه) فيه الاول ونكبره واحده واحده

سليم : طب انت ليه متصدرش لبره علي طول هو لازم وسيط

بدر : اولا لان صلاح الشيخ واكل السوق بقاله سنين وصعب ننافسه واحنا لسه بداين وثانيا علي ما نكبر الورشه وتبقي مصنع باذن الله هنكون عملنا اسم في سوق الانتيك وعرفنا دهاليزو ( مخابءه) كويس وقتها نبدا نصدر باسمنا

وليد ؛ ده انت دارس الموضوع جامد مش سايب حاجه

بدر : طبعا امال هندخل حاجه مش فاهمنها 

المهم هي مش هتبقي ورشه بالمعني لا هتبقي مصنع صغير كده لحد ما الدنيا تمشي

نيجي بقي للمهم

انتظر قليلا ثم اكمل

احنا هنعمل المشروع ده لوحدنا من غير ما ندخل الكبار فيه

يعني كل واحد فينا هيطلع الفلوس الي محوشها ونشترك كلنا سوا قولتو ايه

احمد بهزار : منين ياااافرج ده انا بشحت

اصدر بدر صوتا غليظا من فمه دليلا علي اعتراضه ثم قال : احاااااا جري ايه يا عرس منك له ده احنا دفنينو سواه

هي مش امهاتنا بتعمل لينا جمعيات والي بييجي عليه الدور ويقبض ميقدرش يصرف جني منها وكل ما تخلص جمعيه يعيدوها وفلوسها تتحط علي قبلها 

يعني احنا الخامسه معانه قد بعض صح ولا انا غلطان

سليم : ايوه يا بدر مقولناش حاجه بس انا كنت متفق مع مصطفي نفتح مكتب هندسي صغير علي قدنا 

بدر : وليه يبقي مكتب صغير مايبقي شركه مقاولات كبيره

مصطفي ؛ ازاي بس 

بدر : انا في دماغي ان لو ربنا سهل معانا في شغل الانتيكات  كبيرها تلت سنين ان شاء الله ونكون فتحنا مصنع كبير وبدانا نصدر

ومن مكسبه هنفتح شركه مقاولات كبيره لان شغل المقاولات بالذات لازم تبدا فيه كبير عشان تاخد وضعك في السوق بسرعه

ها ايه رايكم

الكل تمام معاك طبعا

احمد : طب الي معانا هيكفي ولا كل واحد هيكمل من ابوه ولا ايه

بدر : والله عيب علينا لما نبقي شحطه وكل واحد فينا قد درفه الباب وياخد من ابوه فلوس

عالعموم انا عامل دراسه جدوي الي معانه هيكفي هينقص بس حاجه بسيطه تدبر بعدين متقلقش

ضحك وليد وقال : كده تمام بس بعد شركه المقاولات تفتحولي مستشفي خاص بس احمد هنعمل فيه ايه هنفتحله قسم شرطه خاص برده

الكل هههههههههههه

بدر : قول يارب المهم ان احنا هنبقي شركاء في كل ده

احمد : احلي حاجه ان هدفع فلوس ومش هشتغل هقبض عالجاهز

بدر : لا يا روح امك يوم اجازتك هتنزل تتفحت معانا ويوم ما تطلع من شغلك بدري هتيجي تساعدنا و انت يا وليد  زيه كده

مصطفي : طب وشغلنا مع جدك هنعمل ايه

بدر : هنقسم نفسنا كل واحد فينا يمسك المصنع يوم والباقي هيكون زي ما هو في شغله مع جدي احنا هنتعب في الاول بس صدقوني ربنا هيكرمنا بعدين

وليد : طب جدك وابهاتنا هايوافقو ان يبقي لينا شغل خاص

بدر : دول اصلا هيفرحو انهم ربو رجاله عايزه تعتمد علي نفسها مش علي فلوس اهلها

يلا نقرا الفاتحه

وبالفعل قراو الفاتحه تاكيدا علي وحدتهم واتفاقهم

و قد كان

________________

بعد مرور ثماني سنوات

تغير فيهم الكثير والكثير 

قد نجح مشروع الشباب واصبح لديهم مصنع كبير لتصنيع الانتيكات والتحف واصبحو يصدرو للخارج لعده دول ولكن اكثرها بلجيكا وفرنسا والمانيا

تخرج احمد وتلقي العديد من الترقيات لما يبذله من جهد في تحقيق العداله

تخرج وليد وها هو اصبح جراح قلب شهير رغم صغر سنه

دخلت مها و لوجي كليه فنون جميله 

واصبحت مهره ولميس وزينه في الصف الثالث الثانوي

من هنا تبدا قصتنا مع مغامرات ابطالنا

دعونا نري ماذا سيحدث وكيف ستكون حياتهم

ياتري فلنري

الفصل الرابع والخامس من هنا

بداية الروايه من هنا

🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺

اتفضلوا حضراتكم كملوا معنا هنا 👇 ❤️ 👇 

روايات كامله وحصريه من هنا

وكمان اروع الروايات هنا 👇

روايات جديده وكامله من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺