رواية مهرة النعمان الفصل السابع عشر والثامن عشر بقلم فريده الحلواني حصريه وجديده على مدونة أفكارنا

 رواية مهرة النعمان الفصل السابع عشر والثامن عشر بقلم فريده الحلواني حصريه وجديده على مدونة أفكارنا 

رواية مهرة النعمان الفصل السابع عشر والثامن عشر بقلم فريده الحلواني حصريه وجديده على مدونة أفكارنا 

كانت النساء والفتيات يجلسن في منزل النعمان وقد انضم اليهم ايضا الجده ناديه جده سليم هي و امه

وكانت حاله من القلق والبكاء تسود المنزل بعد ان سمعو صوت المعركه وتيقنو انها شديده ومن المؤكد ستقع اصابات

وحين هدات الاصوات فجاءه و لم يرجع احد من رجال النعمان  لم تستطع الجده الانتظار اكثر وضربت بتحزيرات بدر عرض الحاءط

اتجهت الي الشرفه المطله علي الشارع وجدت عدد لا باس به من اصدقاء احفادها يقفون امام باب المنزل وحينما لمحت ديجو  قالت : واااااد يا ديجو 

ديجو : ايوه يا ستي محتاجه حاجه

الجده : هي العركه خلصت انا مش سامعه صوت و محدش رجع من العيال ليه عشان يطمني ( تقصد احفادها )

ديجو وقد اختلق كذبه حتي لا يقلقها : اه خلصت يا ستي وكله تمام متقلقيش و جدي و عم عادل و بدر ومصطفي قاعدين مع الرجاله بره عالشارع واحمد وعم ياسر راحو القسم عشان البوكس اخد عاطل مع باطل هيجيبو العيال الي اتاخدت من عندنا و يقفلو المحضر و يرجعو علي طول

الجده : طب يابني ريحتني الهي يريح قلبك يارب

ثم دلفت الي الداخل و قصت عليهم ما قيل لها 

ولكن مهره رفضت ان تصدق حرفا مما قيل و اردفت : كل ده كدب الولا ده بيحور علينا انا قلبي حاسس ان بدر جراله حاجه

فاطمه : فال الله ولا فالك يابنتي انتي بس عشان قلقانه

مهره بتصميم وهي تحاول الصمود فهي ما يميزها انها في المواقف العصيبه تكون متماسكه لابعد حد الي ان يمر  الموقف وقتها تسمح لنفسها بالانهيار : انا قلبي عمره ما كدب عليا يا طنط انا حاسه ان في ايد ماسكه قلبي بتعصر فيه

ريهام رغم احساسها بنفس شعور مهره علي ولدها ولكن حاولت طمانتها : ياختي انا اهو امه ومش حاسه بحاجه لو بعيد الشر كان في حاجه كنت حسيت اهدي يابنتي وان شاء الله يرجعو لينا سالمين غانمين يارب

امن الجميع وراءها فيما قامت

مهره متجهه الي الداخل وهي تقول : انا هروح اتوضي و اصلي ركعتين لله وادعيلو ينجيه من كل سوء يمكن قلبي يرتاح شويه

في المشفي بعد مرور اكثر من ساعتين علي وجود بدر في غرفه العمليات خرج اخيرا ليضعوه في العنايه المركزه حتي يكملو له نقل الدم و تتم افاقته 

امسك سليم يد وليد قبل ان يدلف مع بدر الي العنايه وقال : طمني يابني عمل ايه

وليد وهو بزيح يده سريعا ليدلف الي بدر : الحمد لله بس سيبني ادخل اعلقله الدم و هطلع اطمنكو

قال هذا و اختفي خلف باب العنايه

بعد ان هرب عبد الحميد من المعركه بعد ان حقق اهدافه من وراءها فتلك المعركه ما هي الا خطه وضعها هو و عابد السيوفي لدس المخدرات في المحل الخاص بعادل النعمان ولكن عبد الحميد اقترح عليه ان يستاجرو قاتل محترف يندس وسط المعركه و يطعن بدر

ذهب سريعا الي عابد السيوفي ليعلم ما هي الخطوه القادمه

دخل عليه المكتب بعد ان استاذن رحب به عابد وقال بلهفه : ها طمني سبع ولا ضبع 

عبدالحميد : عيب عليك اباشا اسد طبعا عادل اتاخد تلبس و بدر حاله صعبه في المستشفي

عابد بفرحه : عفارم عليك يا عبدو هو ده الكلام يومين و نبدا في الخطه الجديده

عبدالحميد بخوف : طب مانهدي شويه يا باشا و بعدين انا الي في وش المدفع

عابد : حلاوتها في حموتها يا عبدو انا عايزهم في ظرف اسبوع يكونو عندي بيطلبو العفو و السماح

عبدالحميد : دانا كنت جاي اقولك اني هختفي كام يوم لحد ما الدنيا تهدي

عابد بحده : انت اتهبلت ولا جري لمخك حاجه اذا كان وجودك والي متوقعينو انهم هيعملوه معاك هو اساس خطتنا اعقل كده وجمد قلبك ماهو الي هتاخدو بعد ما يحصل المراد مش قليل و  هيعوضك اضعاف الخساير الي هتحصلك ولا ايه

وافقه عبدالحميد الراي مرغما فهو من وضع نفسه في تلك اللعبه ولكن انسحابه منها ليس بيده

في قسم الشرطه دخل اللواء رشدي مدير الامن مع حراسته وهو يتجه الي مكتب المامور بغضب 

دلف الي الداخل وجد كلا من النعمان وولديه عادل وياسر وحفيده احمد ويجلس معهم مامور القسم والظابط  حسام نظر لهم وجد الجميع في وضع تحفذ فقد نشب خلاف شديد بين احمد وحسام لان الاخير كان يريد ان يضع عادل في الحجز ولكن مع تهجم احمد عليه و تدخل المامور حينها حضر النعمان واكراما له طلب  المامور الجميع التوجه الي مكتبه لحين بدا التحقيق مما اقلق حسام واشعره انا ما خطط له قد يفشل

وقف الجميع مرحبا باللواء ثم جلس خلف مكتب المامور بعد ان تركه له وقال : ايه التجمهر الي بره القسم ده ينفع كده يا حج 

حسام متسرعا : ماهو ده الي بقوله يا فندم ماينفعش كده لازم نفضه ولو بالقوه يا نعملهم قضيه اثاره شغب

اللواء رشدي : هو ده الحل الي وصلتله يا حضره الظابط لا برافو عليك 

كاد ان يتحدث حسام لكن اللواء اسكته بحده : انت تسكت خالص لحد ما نعرف نحل المصيبه الي عملتها وحسابك بعدين

ثم نظر الي النعمان و اردف : ها ياحج ينفع تمشي الناس الي بره دي و بعدين نتفاهم 

نظره له الجد نظره خطره و رد بكلمتان فقط : نتكلم لوحدنا

وعلي اثرها امر اللواء المامور وقال : خدهم يا سياده المامور واقعدو قي مكتب احمد لحد ما نخلص وانت يا حسام علي مكتبك متتحركش منه لحد مابعتلك

بالفعل غادر الجميع مغلقين الباب خلفهم 

اللواء رشدي : ينفع كده يا حج مكنش العشم اشحال ماحنا بنعتمد عليك في استتباب الامن في المنطقه 

الجد بحده : اهو انت الي قولت بنفسك انا طول عمري في ظهركم من ايام الثوره لما اخدت الظباط المهددين بالاغتيال و خبتهم عندي لحد ما الداخليه رجعت تقف علي رجليها ولا من اول ما احفادي مسكو خمس خلايا ارهابيه كانو متاويين في المنطقه و جبتهوملك تحت رجليك متعبيين في زكايب ولا المنطقه الي نضفتهالك من البلطجيه والشمامين وحاجات تانيه كتيييير انا معنديش وقت احكيها بس انت اكيد عارفها كويس

و قصاد ده كله عمرررري شوف عمري ما طلبت حاجه ليه او لاولادي منكم يبقي بعد ده كله ابني يبات في القسم ده علي جستي

انت عارف كويس ان عابد السيوفي ده حشره افعصه برجلي بس عشان الي وراه كبار وانت عايزهم بردو قولت اخدمك و اهو بجملت الجمايل بس يوم ما الموضوع ده يكون سبب في ازيه حد من ولادي يبقي متلومنيش عالي هعمله

هنا قد ادرك اللواء انه اذا ما نفذ طلبات النعمان سيحدث مالا يحد عقباه فهو صديقه من سنوات منذ ان كان عقيد و يعرفه حق المعرفه 

وايضا هو بحاجه له للقبض علي ذلك التشكيل العصابي الخطير

فنطق بكلمه واحده : طلباتك

الجد : في خلال ساعتين يكون المعمل الجناءي اخد عينه و حللها و طلع تقرير انها سكر مطحون هوصل لحد المستشفي اطمن علي بدر وارجعلك تسلمني ابني وكل الرجاله الي اتمسكت في العركه الي يخصونا بس طبعا

اللواء : تمام يا حج في اقل من ساعتين كله هيكون خالص انا اصلا بعد ما قفلت معاك كلمت المعمل الجناءي و زمانه علي وصول

وانا مش هقولك زعلان منك بس هنتعاتب بعدين يا صاحبي 

الجد : تمام سلامو عليكم 

خرج الجد و مر علي مكتب احمد ليبلغهم لذهابه الي المشفي وامر ياسر ان يخرج للجلوس مع الرجال المتجمهرين بدلا من مصطفي ابنه لانه سياخذه معه

و في طريق خروجهم قابلو عبدالرحمن زوج نوال ياتي مهرولا فهو كان مقيم في بلدهم سوهاج منذ ثلاثه اشهر لافتتاح فرع جديد لهم هناك

الجد : عبدو ايه الي جابك يابني ولحقت تيجي ازاي

عبدالرحمن : كنت بكلم عوض المحاسب اساله علي حاجه وقت ما العاركه بدات وهو حكالي قفلت معاه جريت عالمطار من حسن حظي لقيت طياره فضلها نص ساعه حجزت فيها واول ما وصلت جيت مالمطار علي هنا 

الجد حسين : طب خذ نفسك يابني براحه متقلقش

النعمان : تعالي معانا نطمن علي بدر علي ما حسن المحامي واحمد يخلصو مع عادل و في الطريق هنحكيلك الي حصل

وصلو جميعا الي المشفي ووجدو  امامها حشدا لا يقل عن الذي تركوه امام قسم الشرطه شكروهم جميعا وصعدا الي حيث غرفه بدر التي انتقل اليها بعد ان انهو له نقل ثلاث اكياس من الدم واطمانو علي استقرار حالته وها هم في انتظار افاقته

حينما ىصلا امام الغرفه وجدو بعض الشباب مع سليم منتظرين خروج وليد ليطلعهم علي اذا ما افاق ام لا

الجد : طمني يابني فاق ولا لسه

وقبل ان يرد عليه سليم كان وليد يخرج مهللا و يبشرهم بافاقته

هرولو جميعا الي الداخل حتي اصبحت الغرفه لا يوجد بها موضع قدم فارغ اقترب الجد من حفيده الغالي الاخير يحاول الاعتدال

الجد بلهفه : لالا خليك يابني بركه انك بخير يا خليفه النعمان ثم نزلت منه دمعه محاها سريعا ولكن لاحظها بدر فامسك كف جده وقبله وهو يقول باجهاد متقلقش يا جدي انا كويس بس ابويا و اعقب قوله بمحاوله قيامه 

ولكن جري عليه وليد وهو ينهره : انت اجننت عايز تروح فين انت مش هتتحرك قبل اسبوع

بدر بعصبيه : انا مش هقعد دقيقه واحده هنا وابويا محبوس سااااااامع

وليد وقد انهار تماما و تذكر ماحدث له داخل غرفه العمليات حينما وقف القلب نتيجه لفقدان جسده كميه كبيره من الدماء و حاولو انعاشه بالصدمات الكهرباءيه حتي استعادو النبض وقتها انهار وليد من البكاء وحاولو من معه تهداته وايضا لان الضربه كانت قريبه من القلب من جهه الظهر فكانت كما يقولون ضربه في مقتل

عندما تذكر كل هذا صرخ به : مش بمزاجك سااااامع انت مش ملك نفسك عشان تعمل فينا كده انت كنت بتموت يا غبي وقلبك وقف في العمليه قولي لو جرالك حاجه احنا هنعمل ايه من غيرك انت عارف ان كلنا برغم سننا مقارب لبعض بس احنا بنعتبرك كبيرنا وكلنا بنعتمد عليك واي واحد فينا لما بيعمل مصيبه ولا بيقع في مشكله بنجري عليك يبقي عايز تسبني لمين ااااااااانطق 

كان يقول كل ذلك و دموعه تنهمر منه والجميع وقف متاثرا من هيبه الموقف

استند بدر علي عمه ياسر حتي توجهه الي وليد واخذه تحت زراعه السليم وهو يهدءه بمزاح ولكنه تاثر بشده مما سمع : خلااااص يااااض رجاله النعمان مش بتعيط انشف كده انا كويس والله ثم مال علي اذنه وهمس ده انت الي طلعت بسكوته مش لميس ما جمع الا اما وفق الصراحه

ضحك وليد واحتضنه وهو يدعي من صميم قلبه : ربنا يديمك سند في حياتنا يا بدر انا عارف انك اخويا و غالي عندي بس مكنتش متخيل اني هحس بالي حسيته لو جرالك حاجه

فصل الجد هذا العناق حينما خاف علي احفاده من نظره الموجودين لهم وقال : خلاص بقي يا وليد سيبه يرجع يرتاح في سريره هو مش هيخرج انا شويه ورايح اجبلك ابوك لحد عندك ونظر لبدر نظره مفادها سافهمك لاحقا

ازعن بدر لامر الجد ومثل الارهاق حتي يرحل من بالغرفه و يتثني له الانفراد بالجد ليعرف منه ما الت اليه الامور

تولي ياسر و سليم و عبد الرحمن شكر الجميع علي وقوفهم جانبهم واصرو عليهم بالذهاب فلا داعي لبقاءهم في الشارع 

وبالفعل انصرف الجميع وبقي في الغرفه رجال النعمان فقط و معهم الجد حسين 

وقد سرد الجد لبدر كل ما حدث في غيابه لم يفوت حرف

بدر : طب والراجل الي انت رابطه في المخزن ده هتعمل بيه ايه

الجد : اكيد ليه عوزه امال انا حابستو ليه 

مصطفي : طب والحل يا جدي كده الموضوع وسع اوي

بدر : ماحنا كنا متوقعين حركاته الوسخه و الحمد لله اننا كنا عاملين حسابنا عالعموم اخرج بس و هنهي الموضوع ده مش هخليه يطول زي ما كنا مرتبين عشان اتجوز ببال رايق

ضحك الكل عليه و اردف ياسر ممازحا : الله يحرقك يا شيخ اتهد بقي انت في ايه ولا في ايه

بدر بقهر : والله انا مقهور قهره السنين كنت هاخد البت اجبلها شبكتها انهارده مكانش قادر ياجل الفيلم ده لبكره ابن الكلب ده بس و ديني لانفخه 

الكل ههههههههههه

بص يا ليدو بما انك طلعت دكتور بجد مش جزار زي ما عمي ياسر بيقولك فانت زي الشاطر كده اكتبلي علي خروج و كمل علاجي في البيت

وليد : يابني مينفعش انت اخد ٢٥ غرزه لازم راحه وانت  لو روحت مش بعيد تنزل تاني يوم الشغل

الجد : لو ينفع يكمل علاجه في البيت يبقي اكتبله خروج وانا اضمنلك اني مش هخليه يعتب باب البيت ده من ناحيتي ده غير مهره الي مش هتخليه ينزل من عالسرير اساسا 

سليم : يكون احسن لان متنساش ان الجماعه في البيت ميعرفوش الي حصل ولو عرفو هيقلبوها مندبه و هنضطر نجيبهم يطمنو عليك وانا مرجحش خروجهم في الظروف دي ادام وصلت للقتل يبقي الي جاي اصعب

و بالفعل بعد مرور عده ساعات 

كان اللواء رشدي قد نفذ وعده للنعمان وقد طلب احمد من الجد انتظاره في المشفي فلا داعي لان يذهب الي القسم فهو سياتي لهم هو وابيه

وبالفعل وصلو الي المشفي و بعد الاطمانان علي جرح بدر اخذوه و ذهبو جميعا الي المنزل 

حينما دلفو الي المنزل استقبلو صدمه النساء بما حدث و تحملو عتابهم لهم ثم كثيرا من الاساله عن السبب التي انهاها الجد بقوله : خلاص بقي ما قولنا غيره تجار و كانو قاصدين يحطو السكر ده كانه بودره عشان يشوشرو علي سمعتنا بس الحمد لله الكل عارف احنا مين واهو ربنا ستر يلا بقي كل واحد علي بيته خلي الولد يدخل يرتاح عشان الجرح ميشدش عليه

كل هذا حدث تحت سكون مهره المريب التي لا تصدق تلك القصه المختلقه و حدثها ينباها ان الامر له ابعاد اخري خطيره لذلك يتوجب عليها الوقوف بجانب بدرها في تلك الايام العصيبه حتي تمر  وان لم يخبرها الحقيقه يكفي ان تشعره بوجودها جانبه داءما

ذهب كلا الي مسكنه بعد ان ساعد الشباب بدر علي التسطح داخل فراشه مع توصيه مهره بالاتصال اذا ما اصابه شىء

فهي استاذنت من الجد بالجلوس بجانبه لمراقبه المحلول المعلق بيده واعطاءه خافض للحراره اذا ما ارتفعت

ووافق الجد فهي فالاخير زوجته و الاولي برعايته وايضا لشعوره بحاجه حفيده لوجودها بجانبه

اغلقت مهره الباب بعد ان انصرف الجميع وظلت واقفه مكانها مستنده علي الباب وهي تنظر له

فهم عليها بدر وقد عرف ان وقت انهيارها قد حان

مد زراعه له وهو يقول : تعالي ....و فقط

لم تنتظر هرولت اليه جالسه بجانبه السليم ومالت براسها حتي اسندتها علي صدره و حاوطها هو بزراعه وماهي الا لحظه واجهشت في بكاء مرير اخذ يمسد علي ظهرها دون ان يتفوه بحرف حتي تخرج كل ما بداخلها 

مر بعض الوقت حتي هدات تماما الا من بعض الشهقات اثر البكاء

اعتدلت في جلستها حتي لا تضغط عليه وتالمه

قال لها : كل ده ليه بس يا حبيبي مانا كويس قدامك اهو 

امسكت مهره يده وقبلتها تحت دهشته من فعلتها وقالت : حمدالله علي سلامتك يا قلب حبيبك و عمره و دنيته

كده يا بدر انا مش موصياك تاخد بالك من نفسك عشاني مفكرتش فيه هعمل ايه من غيرك وبكت انا كان قلبي حاسس و قولتلهم انك جرالك حاجه بس محدش صدقتي

اقترب منها بدر علي مهل وسحبها بزراعه السليم من خصرها و اخذ...  قبله رقيقه حتي يبث داخلها الامان و يطمانها انه ما زال معها

❤️🌺🌹❤️🌺🌹❤️🌺🌹❤️🌺🌹❤️

فصل القبله و قال بحنان : حقك علي قلبي بس والله غصب عني انا الاول مكانش بيهمني و بدخل اي عركه بقلب ميت يمكن عشان كنت بتمني الموت لاني مش قادر اطولك بس لاول مره اتعارك وانا عامل الف حساب ان متصبش بخدش واحد يخليكي تقلقي عليا بس اعمل ايه الله غالب واتاخدت غدر

مهره بتعقل : انا مش هسالك عن سبب الي حصل لاني مش مقتنعه بالفيلم الي حكيتوه بره و متاكده ان الموضوع اكبر من كده بكتير و واثقه ان لو كان ينفع تحكيلي كنت عمرك ما هتخبي عني بس الي بطلبه منك لحد ما ييجي الوقت الي ينفع تحكيلي فيه تاخد بالك من نفسك عشاني 

خليك دايما حاطط في دماغك ان في واحده بتعشقك و ملهاش غيرك ولا تعرف تعيش من غيرك بتكون قاعده في بيتك مستنياك ترجعلها بالسلامه

بدر : حاضر حاضر يا عمر بدر الي جاي والي راح

تعالي بقي قلعيني التي شرت ده مش مستحمل حاجه علي جسمي

مهره بهزار : طب ليه الاغراء ده بقي

بدر وهو يقرصها في احدي.. : عشان تدوقي شويه من الي عملتيه فيا 

مالت عليه بدلال وهي تخلع عنه قميصه.. في صدره مكان قلبه ثم وزعت بعض.. علي باقي صدره صعودا الي رقبته ابتعدت قليلا وهي تقول : وحشني حضنك اوي يا قمري

خطفها.. ساحقه و بعد مده فصلها وهو ينهج و يقول : مش اكتر مني هموت عليكي انا مش عارف هتنام جنبي ازاي انهارده من غير ماقدر المسك اقسم بالله لو ماكنت متاكد ان جدك و ستك هيعمله دوريات علينا وكل ساعه هيفتحو الباب حتي من غير ما يخبطو قال ايه بيطمنو عليا لكنت نمت معاكي للصبح ولا يهمني جرح ولا غيره

ضحكت مهره وقالت وهي تبتعد : لالالا علي ايه خلينا باحترامنا بدل ما نتقفش في وضع مخلل بالاداب علي راي خلتي فرنسا 

ثم تحركت وهي تقول : انا هروح اجيب فوطه و طبق فيه ميه دافيه عشان امسحلك جسمك وتعرف تنام مرتاح 

لحظات و رجعت مره اخري وهي تحمل ما جلبته 

بدر : الميه دي ريحتها شبهك

مهره : اه مانا حطيت فيها زيت عطري بستخدمه لما باخد شور

شاكسها بدر وهو يمد يده داخل.. وهو يقول : ااااخ امتي بقي ناخد شور سوي و نتزفلط في الزيت ده مع بعض 

وفجاءه فتخ الباب و............

تري ماذا حدث

سنري

انتظروووووني

الفصل 18

اقتحمت الجده غرفه بدر فسحب يده سريعا ولحسن الحظ ان مهره كانت ظهرها للباب

بدر : ايه يا ستي دخلت المخبرين دي

الجده : ماهو ده الي ينفع معاك ياعديم الربايه كان قلبي حاسس انك هتستفرد بالبت

بدر : وانتي شوفتيني عملت حاجه ماحنا لسه بهدومنا اهو

شهقت الجده و قالت : هاااااا لهو انت كنت ناوي علي ايه يا صايع يا ضايع يلي ملاتش حد يربيك اسمع يا ولا انت انت  تلم هدومك و تروح عند امك ملكش قعاد هنا تاتي انت متضمنش

بدر : لما يطلع المشمش الي من غير بذر ابقي امشي من هنا ليه شيفاني حرمه قدامك عشان اروح لامي قال لم هدومك قال

الجده :  طب هنشوف كلام مين الي هيمشي و هقول لجدك

بدر بوقاحه : اه والنبي يا ستي قوليله انك قفشتينا عشان يستر علينا و يلم الفضيحه بسرعه

اخذا يتمازحون تحت ضحكات مهره و خجلها من ردوده الوقحه 

حتي انتهي من الجده ووجه كلامه لها قاءلا : وانتي يام فشه عايمه خلصنا خلاص تعالي اقلبيتي علي باطني عشان اعرف انام و اتلقحي جانبي من غير صوت والله و دار عليك الزمن يا بدر و هتنام جنب حتت القشطه دي زي اختها يا غلبك يابدر و مرارك الطافح

ازعنت لطلبه وهي لا تستطيع التحكم في ضحكاتها و خروج الجده الذي صاحبه كثيرا من السباب علي حفيدها الوقح

في فيلا عابد كان يجتمع مع حسام وهو يكاد ان يجن لفشل خطته فهو كان  ينوي مساومه بدر علي سجن ابيه هو يخرجه مقابل موافقه بدر علي تهريب الاثار ولكنه لم يتوقع ان نفوذ هذه العاءله وجبروتهم يصل الي حد ان مدير الامن شخصيا يبدل المخدرات بمسحوق سكر واخذ يخرج غضبه في القابع امامه

عابد : انا عايز افهم سبتهم ليه يعملو كده هو انت الي بتلهفو شويه ااااانطق

حسام : طب وانا كان بايدي ايه اعملو اكتر من الي عملته كفايه البهدله الي اخدتها من مدير الامن

عابد : كان ممكن تعمل كتيييير كنت  فتحت المحضر اول ما وصلت  و كنت احتفظت بالحرز في مكتبك مكنوش قدرو يبدلو ه

حسام : اصلك مشوفتش الي حصل دا كان شارع القسم متغربل ناس ملهاش اول من اخر واول مادخلنا القسم لسه بقول للعسكري ياخدو عالحجز احمد افندي مسك فيه و المامور ادخل وخدنا كلنا علي مكتبه مافتش ساعه و مدير الامن وصل والدنيا اتقلبت غير البهدله الي بهدلهالي

عابد بغيظ : اه ياخويا ماهو صاحب النعمان من زمن لازم يجاملو

بس محلوله الي جاي ولا رءيس الجمهوريه نفسه هيقدر عليه

حسام : يعني ايه ماترسيني عالدور 

عابد : هاقولك .......

مرت اربعه ايام سريعا علي تلك الاحداث لم يحدث فيها شىء يذكر غير ان بدر التزم الفراش تحت تعليمات مهره المشدده التي لم تفارقه لحظه حتي انها امتنعت عن الذهاب لدروسها مع الفتيات و اكتفت بالدراسه اون لين عبر الانترنت و قوبل هذا برفض قاطع من بدر الا انه مع اصرارها وافق بلا حيله و قد كانت تحضر دروسها عبر اللاب توب خاصتها وهي جالسه معه في غرفته حتي انها نقلت جميع كتبها الدراسيه معها و كان هو كثيرا ما يساعدها في دراستها و لكنه وقت الراحه او تناول الوجبات الغذاءيه كان يتدلل عليها كثيرا و يجعلها تطعمه بيديها ولا تخلو هذه الاوقات من وقاحته معها حتي انهم تم الامساك بهم وهم يتبادلون القبل اكثر من مره ولكنه حقا لم يهتم وايضا كان يقابل اسنتنكار من يراهم بهذا الوضع بكثير من الوقاحه والتبجح حتي في مره من المرات كانت عمته هي من شاهدته وحينما عنفته ووجدت منه لا مبالاه و سمعت منه كلمات افحمتها قالت له بقله حيله : اقول عليك ايه وانت فيك كل العبر فوضت امري اليك يارب الحمد لله ان قعدتك مش هطول لان اكتر من كده البت هتطلع حامل 

ضحك بدر و فرح كثيرا وهو يطالبها بالدعاء لحدوث ذلك سريعا

اليوم قد تحرر بدر اخيرا من الاقامه الجبريه التي فرضتها عليه مهرته مما اثار استغراب الجميع انه لم يعترض فهو يكره الجلوس في المنزل لوقت طويل فقد صدق الجد حينما وعد وليد انه سيلتزم بتعليماته لانه كان متاكد من استسلامه لطلب مهرته بالراحه حتي تمام شفاءه و قد كان

بعد ان ادي النعمان صلاه العصر في المسجد المقابل لمحله هو و جميع احفاده وولداه و عبدالرحمن زوج ابنته و معهم سليم ووالده وجده 

خرجو جميعا وجدو  ديجو و معه بعض الاصدقاء في انتظارهم بناء علي طلب من بدر

رحب الشباب باصدقاءهم ثم استاذن منهم بدر واتجه هو والجد فقط داخل المحل و اغلقو الباب خلفهم ليحظو بخصوصيه اكثر 

اخرج الجد هاتفه من جيب جلبابه و طلب رقم ما وانتظر الرد

كان يجلس عابد مع الرجل الكبير و يدعي عاصم المصري يتباحثون فيما بينهم في ما حدث و يحيكون مكاءد جديده اكثر حقاره لاجبار بدر علي الرضوخ لهم

رن هاتف عابد مقاطعا الحديث و حينما راي اسم المتصل اصابته الدهشه والذهول وايضا الخوف

نظر الي عاصم وقال : ده النعمان بنفسه هو الي بيتصل

قال عاصم سريعا : رد بسرعه و افتح الاسبيكر

حينما فتح عابد الهاتف علي اخر رنه قبل انقطاعه قبل ان يلفظ حرف كان النعمان يتحدث بنبره حازمه و....مرعبه ايضا وبقول : بعد المغرب هستناك في بيتي يا عابد

نظر عابد الي عاصم بذهول ولكن استجمع رباطه جاشه ورد : ليه هو انا غبي عشان اجيلك لحد عندك وتغدر بيه

الجد بغضب : الغدر والخيانه دول طبعك انت الي اتعلمته من الصهاينه الي بتتعامل معاهم يا عابد اوعي تفتكر اني مقدرش اجيلك في قلب مكانك وافعصك برجلي بس ادام احمدالسيد النعمان بيقولك تعالي بيته يبقي بيديك الامان مع ان واحد ذيك مايستحقهوش بس انا عارف انك كلب سيدك قصره انا في انتظارك عشان نخلص من الليله دي ولو مجتش يبقي انت الي عايزها حرب ....هستناك

و.........فقط اغلق الهاتف

عابد : اعمل ايه ياباشا 

عصام : روحله ومتخفش النعمان ادام ادالك الامان عمره ما يعملك حاجه في بيته لازم تروح شوف طلباته ايه يمكن تعجبني

عابد : طب والي اتفقت عليه مع عبدالحميد

عصام : لالالا وقف كل حاجه لحد مانشوف النعمان الاول 

عابد : تمام يا باشا هقابله واقولك 

خرج بدر بعد انتهاء المكالمه حاملا علي كتفه الكثير من العصي الغليظه ( شومه يعني )

حينما رؤه الشباب اسرعو اليه لياخذ كل واحد منهم واحده وحينما همو بالذهاب نادي الجد علي بدر يوصيه

بدررررر مش عايز دم

شاور له بدر بمعني تمام وانطلق هو واخوته واصدقاءهم الي وجهتهم تحت انظار الماره التي وقفت علي جانبي الطريق كما لو انهم يشاهدون موكب ملكي

علي بعد شارعين من شارع النعمان كان يجلس عبدالحميد امام احدي محلاته التي كانت بجانب بعضها 

انتفض من مكانه حينما سمع صرخه بدر باسمه

بدر : عبدالحمييييييد يا نجااااااار انا جايلك منطقتك و في قلب مكانك اخد حقي بدراعي مش بشويه بلطجيه

عبد الحميد برعب حاول يداريه بعد ان التف حوله بعض رجاله الذي هو متاكد انهم لم يستطيعو صد هذا الهجوم : عيب ياا معلم بدر الي بتعمله ده ولو فكرت تلمس حاجه تخصني يبقي متلومش الا نفسك

بدر : هو ده تمامك اللوكلك زي النسوان بس انا هوريك شغل الرجاله يا عرس

ثم وجهه كلامه لمن معه مش عااااااايز حته سليمه في اي دكان والي مستغني عن عمره يفكر يدخل في الي هيحصل يلاااااااا

وها قد بدا الهجوم تحت ذهول الحاضرين ولا احد استطاع التدخل بعد هذا التهديد الصريح انتشر الشباب كل مجموعه استلمت محل وقامو بتكسير محتوياته حتي الحواءط لم تسلم منهم في ذلك الوقت كان عبدالحميد يقف بعيدا يشاهد الخراب الذي يخدث في محلاته الاربعه وهو يمسك هاتفه يحاول محادثه عابد ولكنه لم يجيب عليه 

حتي وجد الشباب قد خرجت من المحلات بعد ان تركوها حطاما 

وجد بدر يتقدم اليه وحينما وقف امامه قال بعلو صوته : دي قرصه ودن بس  عشان  قبل ما اي حد عقله يوزه انه يعادينا يفكر الف مره فالي هيجراله بعدها

و نصيحه مني ليك يا عبدو الرجاله مبتضربش حد في ضهره و عشان انت خول كبير لازم اسيبلك بصمتتي 

اردف قوله هذا باحتضانه لعبدالحميد مكبلا اياه بقوه وهو يغرز المطواه الممسك بها في مؤخره عبد الحميد وهو يقول : كده انا علمت عليك

سحبها سريعا مع خروج 

صرخه الم من الاخير تلاها وقوعه ارضا مع انسحاب بدر و من معه وهم يضحكون ويفتخرون بنا فعلوه

رجع الشباب الي شارع النعمان  و قد سردو للجد و عادل و ياسر والجد حسين ما حدث

وانطلقت الصحكات الرجوليه علي ما فعله بدر بمؤخره عبدالحميد و اخذو يطلقون النكات البذيءه عليه

ختي اسكتهم الجد وهو يقول : تتعب انت يا بدر لو محطتش علامه الجوده بتاعتك صح انا مش منبه عليك ياااض مش عايز دم

رد بدر بوقاحه : طب مانا مضربتهوش في حته تجيب دم يا جدي دي اكيد هتن........وضع مصطفي يده سريعا علي فم بدر حينما استشف ما سيقوله وهو ينهره : بااااااااس الله يحرقك ده جدك مش واحد مننا

ضحك الجميع ثم قامو بعد استاذانهم من الجد ليذهب كلا الي عمله

انقضي باقي اليوم لا جديد به 

وقد حان موعد مقابله عابد التي حددها الجد

نبه مصطفي علي نساء المنزل بعدم الخروج من شقه الجد وايضا اغلاق الباب الذي داءما يترك مفتوح لوجود اشخاص غرباء مع الجد في الاسفل

وصل عابد في المعاد المحدد وجد وليد في انتظاره علي اول الشارع ليقوده الي منزل

فهو لاول مره ياتي اليه وكان يصطحب معه سيارتان دفع رباعي بها ثماني  رجال من الحرس الخاص به 

نظر له وليد باستخفاف وقال له : مش محتاج الزفه الي انت جاي بيها دي كلها انت هنا في امان يا ...ياباشا

عابد بتعالي : ده العادي بتاعي علي فكره مش بروح حته من غيرهم

ثم تحركو سويا متجهين الي المنزل

عند النساء 

كان يقفن وهن يحضرون مشروبات الضيافه التي ينتظرها سليم واحمد حتي سالت الجده : واد ياحمد هو مين الناس الي مع جدك تحت دول شكلهم اغراب وهو مقاليش ان في قعده صلح

احمد بهروب : بالك انتي يا ستي لو حد مالعساكر سمعك وانتي  بتقولي واد ياحمد دي هتضيعي الهيبه خالص والله

نوال : بطل لف و دوران ياولا و قول مين دول

احمد : اتا ولا بلف ولا بدور ابي اسالي ابوكي لو عايزه تعرفي و خلصونه بقي الناس وصلت اهه

فاطمه وهي تعطيه صينيه مليءه باكواب العصير و تناول سليم اخري وهي تقول : خد يابني وروح شوف ضيوفكم احنا عارفين مش هناخد منكم حق ولا باطل

احمد وهو يتحرك للاسفل : شطوره يا بطه فاهميهم بقي ينوبك ثواب

بالاسفل كان يجلس النعمان واحفاده و اولاده ومعهم سليم بعد ان قامو بتقديم واجب الضيافه لعابد وايضا اخرجو بعضها للحرس المرابط امام الباب الخارجي

بدا عابد الحديث : ها ياحج اديني جيت لحد عندك في مكانك خير

الجد : كل خير يا عابد من غير لف ولا دوران ايه الي ينهي الي احنا فيه ده عشان انا مبحبش المشاكل بس لو خبطت علي بابي يبقي يا مرحب بالمعارك

عابد : والله ياحج لو حفيدك وافق علي طلباتنا الي هو عارفها يبقي كل حاجه هتنتهي لا و فوقيها ٣ مليون بوسه ها ايه رايك

بدر : بس احنا مش ناقصنا فلوس لا وكمان حرام

الجد : انت عارف انها مش سكتنا انت بقي تاخد كام و تنهيها بمعرفتك لان  الدم الي نزل من حفيدي يخليني افديه بكل ما املك

عابد : وانا بردو بقولك انا مش محتاج فلوس و حفيدك عارف ان صحاب الحاجه اكبر مني بكتييير وهما الي اختاروه يبقي واجهه ليهم وانا عبد المامور ياحج 

نصيحه مني خليه يعملهم الي عايزينو لانهم مش ناويين علي خير

بعد مداولات كتيره و شد و جزب بين الحاضرين و عابد وقد تعمد الجد اطاله المناقشه ما بين الشده و اللين والرفض والتفكير حتي يصل الي هدفه وبعد اكثر من ثلاث ساعات قال الجد كلمته الفاصله

الجد : اخر القول يا عابد الي انا الي هقوم بالموضوع ده بنفسي بس مش هتعامل معاك انت صحاب الحاجه هما بنفسهم الي هيسلموهالي وانا هسلمها لحفيدي هو يحطها وسط الشحنه بمعرفته

عابد : بس دول عمرهم ما قابلو حد يا حج واستحاله يوافقو

الجد : ده اخر كلام عندي الكبير مش هيتعامل غير مع الكبير الي زيه وعشان اطمنك اكتر هيكون مكان المقابله في شاليه الساحل بتاعي بعيد عن العين وكمان لو عايز تاخد مفتاحه من دلوقت عشان تروحو تامنو المكان و تتاكدو ان مفيش غدر من ناحيتي انا موافق بيتهيالي مفيش اكتر من كده بدر طلع المفتاح واديهولو

عابد بتشتت : لالالالا استني بس انا مش هاخد حاجه دلوقت انا قولتلك انا عبد المامور انا هعرض عليهم كلامك وهما يقررو بس حتي لو ماوفقوش انتو مضطرين تنفزو طلابتهم

الجد بتهديد و هو يقف : لو رفضو هتبقي خراب عالكل واولهم انت  مصطفي وريله الفيديو

استغرب عابد من كلام اللجد ولكن ما هي الا لحظات و قد خل مكان الاستغراب حاله من الرعب لم يستطع مدارتها حينما شاهد الرجل الذي طعن بدر يعترف عليه بانه هو من حرضه علي قتل بدر وحكي الخطه كامله مع تسجيل صوتي لعابد وهو يامره بالتنفيذ كان موجود علي هاتف الرجل فهو من قام بالتسجيل لعابد حتي يؤمن نفسه اذا باعه

بهت عابد وقال : طب انا بايدي ايه اعمله

النعمان : لا كتيييير يا عابد انت عارف كويس هتدخل للناس دي منين عشان تقنعهم بالي قولته 

عابد : مالاخر يا حج انت ناوي علي ايه

الجد : ناوي عالي قولتلك عليه عشان اخلص بقي بس خلي بالك هي المره دي و خلصنا عشان تبقي علي نور

ثم وقف وهو يقول : شرفت يا عابد بكره بالكتير يكون وصلني ردك

خرج عابد وهو يكاد لا يري امامه لا يعرف كيف وصل الي سيارته ومتي انطلق الساءق به حتي وصل امام الفيلا القاطن بها فهو اجل جميع مواعيده وقرر الاختلاء بنفسه حتي يفكر جيدا فيما سيفعل

صعد رجال النعمان الي الاعلي و مجرد ما جلسو فاجاهم بدر عندما وجد امه و عمته يهمون بالقيام لتحضير الطعام منعهم وهو يقول : استني ياما انتي و عمتي متعملوش حاجه 

استغرب الجميع مما يقول 

ولكنه لم يبالي لاحد واتجه لجده و جلس بجاتبه وهو يلتقط كفه يقبله و يقول باستعطاف : بالله عليك ياحج و حيات ام عادل عندك توافق عالي هقوله

الجد بشك : طب قول الاول وانا اشوف

بدر : ننزل كلنا كده بربطه المعلم نشتري شبكه مهره و نطلع نتعشي بره 

هللت الفتيات فرحا باقتراحه ولكن اسكتهم الجد وهو يقول بتعقل : يابني الساعه داخله علي عشره  يعني عشان البنات تلبس فيها ساعه  علي ما نوصل هتكون الصاغه قفلت خليك بكره

بدر : لالالا متقلقش انا كلمت محمد القاضي يستناني مش هيقفل لحد ما نروحله يعني علي ما البنات يلبسو نكون احنا صلينا العشا الي راحت علينا بسبب ابن المحروقه ده و بعدين  بين العطارين والمنشيه خمس دقايق مش بعيد و كمان انا اتصلت بمطعم ابو شقره الي في بحري حاجز عنده ٤ ترابيزات و مفهمو ان هيبقي عالمتاخر وهما اصلا بيسهرو لصبح

قال مصطفي بزهول : انت لحقت عملت كل ده امتي يابني انت كنت في ايه ولا في ايه انت دماغك دي ايه

ردت مهره كالعاده مدافعه عنه قالت وهي ترفع يدها الاثنان في وجه مصطفي : الله اكبر خمسه في عينك وانا اقول الي بيجراله ده مش من شويه اتاري من عينك المدوره والله لاروح عند ابو ماضي العطار اجيب منو بخور جاوي وعين العافريت وابخره من كل عين شافته ولا صلتش عالنبي

ضحك الجميع وهم يقولون اللهم صلي عليك يا نبي

عندما راي الجد نظره التوسل في عين بدر وفرحه مهره قال :  شوفت بقي لما ريحت قلبك بالك راق ازاي و بقيت بتدور الدنيا كلها من مكانك الله اكبر عليك عشان الست مهره متخمسش في وشي انا كمان

الكل هههههههههههه

اكمل الجد : والله ما هكسر بخاطركو يلا ياولاد روحو البسو بسرعه السهره بره صباحي النهارده لجل عيون الغاليين

هلل الجميع و اطلق الشباب صافرات تحيه للجد 

ثم قال الجد مقاطعا اياهم : يلا بقي عشان منعطلوش الراجل الي هيفضل فاتح محله اكراما لينا انتو عارفين بتوع الدهب في شارع فرنسا اخرهم ١١ هرولت الفتيات والنساء لتبديل ملابسهم بينما قام الرجال لتاديه الصلاه ثم قام عادل بالاتصال بالجد حسين حتي ياتي هو و عاءلته معهم 

و بالفعل بعد مرور اقل من ساعه كانو الجميع يقسمون انفسهم مجموعات حتي لا ياخذون سيارات كثيره لتسهل  الحركه وفي اقل من ربع ساعه كانو يجلسون داخل محل مجوهرات شهير يحاولون انتقاء طاقم من الذهب ولكن كل ما عرض عليهم كان راءع فاحتارت مهره  كثيرا حتي وقع اختيارها اخيرا علي احدهم وحين انتهت و انتقت ايضا الدبل لها ولبدر تفاجءو جميعا ببدر وهو يقول : ......

تري ماذا قال هذا البدر

الفصل التاسع عشر والعشرين من هنا

بداية الروايه من هنا

🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺

اتفضلوا حضراتكم كملوا معنا هنا 👇 ❤️ 👇 

روايات كامله وحصريه من هنا

وكمان اروع الروايات هنا 👇

روايات جديده وكامله من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺