رواية عشقت جبروت الرعد الفصل العاشر والحادى عشر والثاني عشر بقلم اسماعيل موسي حصريه وجديده على مدونة أفكارنا
 |
رواية عشقت جبروت الرعد الفصل العاشر والحادى عشر والثاني عشر بقلم اسماعيل موسي حصريه وجديده على مدونة أفكارنا
فتحت فنجانى
الجد ضرغام قاعد قدام البيت بشرود، قسمات وجهه إلى اكله الزمن حزينه
مرآة ابنه قربت منه، فيه ايه يا أبا شايفاك حزين النهرده؟
ضرغام بنبره تعيسه، قلبى واكلنى على سادين، احنا جبناها من الدار للنار
شاهنده مش سهله، انا حلمت حلم بشع النهرده!!
بسيطه يا ابا ناخد زياره ونروحلها
الجد ضرغام، عندك حق، احنا لازم نزور سادين، حضرو زياره معتبره وخلى حمد يجهز العربيه
وصلت العربيه فيلا اكرم ضرغام، سندس طارت على شاهنده توصلها الخبر
شاهنده طول عمرها بتكرهه ضرغام وبتخاف منه، رغم جبروتها كانت بتخشى ضرغام
وصل ضرغام باب الفيلا بيسند على عكازه، استقبلته شاهنده ورعد
بص مشفشى سادين
امال فين بنتى سادين؟
شاهنده، فى غرفتها يا جد مش بتحب تنزل تحت خالص، كل وقتها فى الغرفه
ضرغام وهو بيرمى جسده المتهالك على الانتريه، سادين طول عمرها بتعشق الوحده
مفيش انسان عاقل يلاقى راحته بين البشر وغوغائيتهم
هاتولى سادين انا مستعجل ولازم ارجع قبل الليل
طلعت الخادمه هند جرى على غرفة سادين، ست سادين
جدك ضرغام تحت منتظرك
غيرت سادين هدومها ببطىء ، تعمدت تتأخر شويه، نزلت فى هدوم أنيقه وجميله
ضرغام بص عليها وهى نازله بنقابها وابتسم، هى دى بنتى سادين
سادين قربت من جدها باست ايده واطمنت عليه
ها قوليلى الولد دا عامل معاكى ايه؟
سادين وهى بتبص على شاهنده، كويس جدا يا جدى
راجل بجد انت عرفت تختار
رعد حس الكلمه قسمته نصفين
يعنى مفيش حد مزعلك؟
لا ابدا، انا مرتاحه هنا جدا
طيب الحمد لله اطمنت عليكى الحق ارجع بقا
شاهنده خليك يا جد ضرغام اتغدى معانا؟
ضرغام وهو بيرمق شاهنده بثبات، لا مش هينفع مش عايز اتأخر
انا راجل كبير وصحتى على قدى
شاهنده فى سرها موت بقا وريحنا
ودعهم الجد ضرغام ومشى، سادين رجعت غرفتها
شاهنده لرعد، شايف البنت، ومكرها وقذارتها، بتحاول تغظنى، يعنى مفيش حاجه فارقه معاها
عامله نفسها ست البيت قدام ضرغام
رعد الصراحه يا ماما سادين مغلطتش فى حاجه!!
شاهنده شدت رغد من ايده، انت مالك كده سلبى وخرع؟ انا عايزاك راجل زى والدك
انا مش عارف ارضيكى ازاى الصراحه يا ماما
ترضينى انك تعمل إلى انا عايزاه، فاهم؟
رعد بضيق، فاهم
اخبار الشركه ايه؟
رعد بحزن زفت يا امى كل يوم فى النازل، كل ما اقول الدنيا هتتصلح ترجع اسواء من الأول
شاهنده فكرت شويه بعد كده طلعت غيرت هدومها وراحت على معاذ الشمرى
الشمرى عايزه ايه يا شاهنده؟
شاهنده انت وعدتتنى تشوف حل لشركة رعد؟
معاذ الشمرى وهو بيتمشى فى الحديقه وشاهنده ماشيه جنبه
اه، نسيت، معلهش انتى عارفه الدنيا كلها مشاغل
شاهنده فهمت، معاذ الشمرى بيقرص ودنها، انا عندى حاجه حلوه ليك الليله يا معاذ
بص معاذ الشمرى على شاهنده، ابعتيها الليله لما نشوف
شاهنده خرجت من عند معاذ الشمرى، كلمة كل معارفها لحد ما جمعت بنت جديده، جهزتها لمعاذ الشمرى، بعدها قعدت فى البيت مستنيه
مفيش ربع ساعه ومعاذ الشمرى كلمها فى التليفون بانزعاج، ايه دة يا شاهنده؟
احنا اتفقنا على حاجه معينه انتى نسيتى ولا ايه؟
انا طردت البنت من عندى
شاهنده بعتت بنت ورا بنت ومعاذ الشمرى يرفضهم كلهم، اخر واحده شاهنده بعتتها كانت نفس المواصفات رغم كده معاذ الشمرى رفضها
شاهنده معاذ انا بتعلك إلى انت عايزه
ايه الى حصل بقا؟
انتى قولتى فتاه مثقفه، فيها تشوهه ومتكتشفتش على انسان قبلى!!!
حست شاهنده نفسها فى ورطه، لكن على طول خلصت نفسها بالكلام المعسول
_______________
فى أثناء غياب شاهنده، هند الخادمه واميره كانو بيخدمو سادين
بيطلعولها قهوه واكل، سندس كانت عارفه رغم كده كانت عامله نفسها مش واخده بالها
لكن شاهنده عرفت بالصدفه واحده من الخدم بلغتها فى السر، واشيه حقيره
سندس صرخت شاهنده، انتى عارفه إلى بيحصل من ورا ضهرى؟
سندس معرفش يا هانم، حصل ايه
هتيلى هند واميره
وصلت هند واميره قدام شاهنده، شاهنده ببرود وهى بتدخن سيجاره
انتو مرفودين من هنا، مش عايزه اشوف وشكم تانى
اطلعو برا غورو من وشى
هند واميره اجرجرو بره الفيلا حتى من غير ما ياخدو حسابهم
________
اسامه ___ جاهز للضريه الكبيره يا فهد؟
فهد انا من رأى ننتظر شويه، الشرطه لسه عنيها مفتحه وبتراقب المكان؟
اسامه متقلقش انا جاتلى معلومه ان مفيش خطر، حد كبير شكله عايزنا نقضى على رعد
احسن حاجه الضرب على الحديد وهو سخن
فهد انت ضامن العمليه دى؟
اسامه كله مترتب جدا متقلقش
فهد بتوتر، بس انا عندى خطه تانيه، ليه نحرق البضاعه اذا كان ممكن نستغلها
اسامه تقصد ايه يا فهد؟
قصدى خساره صغيره ممكن تجبلنا مكاسب مهوله
اسامه، انا مش فاهم حاجه يا فهد
فهد بنبره كلها تصميم، عايز كل السيارات تكون مليانه ببضايع تالفه نفس ماركة البضايع إلى عند رعد فاهم؟
اجمعها من الروببكيا، الشوارع، لكن بتكلفه قليله جدا
اسامه دانت دماغك شم يا فهد
اسامه نفذ التعليمات، فى ليله مترتبه، تم السطو على كل مخازن رعد المتبقيه
البضاعه استبدلت وتم إشعال النار فيها، حريق كبير حرق كل حاجه
البضاعه السليمه اتنقلت عند فهد فى مخازن بعيده مهجوره
______
سادين كانت خلاص استقرت على المشروع الى هتبداء بيه حياتها بعد دراسه طويله استمرت لشهور
مسبتش ولا نقطه من غير مراجعه، مشتريات، مبيعات، صيانه
كل حاجه اتعملت بدقه كبيره
#ال ١١
الذين يبحثون عن المثاليه يتورطون فى علاقه ممله
الحياه تحتاج بعض الجنون
___الو؟ مصيبه يا رعد بيه، المخازن كلها اتحرقت !
رعد __بتقول ايه يا حمار انت؟
المخازن اتحرقت كلها يا بيه كل البضاعه اتحرقت!
استند رعد على الأريكه الزهريه، احس بدوار فى رأسه، وضع يده على رأسه وسقط على الأرض
صرخت سندس، رعد بيه، رعد بيه!؟
نزلت شاهنده تجرى من غرفتها مرتديه تيشرت احمر وهوت شورت
اترمت على رعد
رعد، رعد، فوق يا ابنى!
وصلت سيارة الإسعاف ونقلت رعد للمشفى
ابنك تعرض لصدمه نفسيه عنيفه لكن مفيش قلق هيتعافى منها فى اسرع وقت
يعنى هو كويس يا دكتور؟
ابنك حالتك مستقره وهيفوق فى أقرب فرصه
ركضت ممرضه نحيله أنيقه، وشها متغرق بالميك اب تمتلك نظرة هره لطيفه، المريض فاق يا دكتور ودخل فى نوبة غضب عاتيه
وصل الدكتور مع شاهنده غرفة رعد
رعد اول ما شاف والدته كل حاجه راحت يا والدتى، الشركه ضاعت
المخازن اتحرقت
أطلقت شاهنده صرخه مسلوعه رقيقه تشبه عزفة هربت من اوركستر مضبوطه.
____________
كان فهد فى ميناء الاسكندريه، يشاهد السفينه التى حملت البضائع للخارج
فهد تنهد بارتياح، كده كله تمام، الموضوع مات
نظر لاسامه إلى واقف جنبه، بص على حسابك يا اس!؟
اسامه طلع موبايله وفتح تطبيق البنك، تمام يا فهد طول عمرك راجل وبتوفى بكلمتك
على فكره رعد فى المستشفى هو ووالدته
فهد وعلى وشه ابتسامه ساخره، ربنا يشفيهم، المرض مش سايب حد يا اخى
لازم نزورهم ونقوم بالواجب
اسامه باستغراب وعيون منفجله، انا بدأت اخاف منك يا فهد
دماغك محدش يعرف يتوقعها
فهد بغموض، تصدق ايه رعد مهما حصل صديقى ولا يمكن اتخلى عنه فى شدته
خدو العربيه، طلعو على المستشفى، فهد خد معاه بوكيه ورد وكان لابس بدله شيك جدا
سلم عليهم، دخل على رغد حضنه قبل ما رعد ياخد بالله
الف سلامه عليكى يا طنط شاهنده، وانت يا رعد اجمد بقا
مش معنى أن المخازن حرقوها شوية لصوص مجرمين انك تقع كده؟
متسمحش لحد يشمت فيك
رعد وهو بياكل فى نفسه هو فيه حد هيشمت فيه اكتر منك؟
اسمع يا فهد انا مستعد اسلفك الفلوس إلى انت عايزها ومن غير وصل امانه وترجعهم وقت ما تحب
شاهنده، ابن أصول والله يا فهد
فهد، بص على شاهنده، رمقها كلها حته حته، نظره طويله عميقه كلها رغبه
الواحد لو موقفش جنب صديقه فى شدته ميبقاش راجل
رعد بعصبيه، لا شكرا، انا هقدر اتعافى مره واحده، والكلاب إلى حرقو المخازن هجيبهم حتى لو كانو ورا الشمس
شاهنده بعتاب، رعد، انت فى مصيبه، اشكر فهد انه هيقف جنبك!؟
رعد متشكر يا فهد
فهد حط ايده على ايد شاهنده وضغط عليها جامد، انا تحت امرك يا رعد فى اى حاجه؟
اى حاجه ماشى؟
رعد ماشى
فهد وهو بيضغط على ايد شاهنده اكتر، هستناك لما تتعافى من مرضك نقعد مع بعض شويه
رعد ان شاء الله
فهد قرب من رعد، شد حيلك انا عايزك تحضر خطوبتى على تلا
بعد كده قال بسرعه انا لازم أمشى دولقتى، عايزه حاجه يا شاهنده هانم
شاهنده متشكر يا فهد
_________
رجع رعد من المستشفى مع شاهنده، سادين مرحتش تزورهم فى المشفى عشان كده رعد سأل عليها
سندس، ست سادين خرجت
رغد فى سره، غريبه، سادين عمرها ما سابت غرفتها
شاهنده! راحت فين الزفت ديه؟
سندس كبيرة الخدم معرفش يا هانم
رعد انا طالع غرفتى يا ماما عايزه حاجه؟
طلع رعد غرفته وشاهنده قعدت فى الرواق تفكر، معقوله يكون معاذ الشمرى عملها؟
الموضوع فيه سر لازم اعرفه، مش معقول كل ده يحصل صدفه
خرجت الهاتف بتاعها وعملت مكالمه
ياه ولا زمان يا شاهنده هانم، عمر كامل مر، انا مكنتش متوقع انك هتتصلى بينا تانى
شاهنده! ازيك يا جعفر عامل ايه؟
الحمد لله يا هانم بخير
شاهنده، لسه بكامل لياقتك ولا عجزت؟
جعفر طول عمره فى الخدمه يا شاهنده هانم
شاهنده عارفه وعشان كده كلمتك، انا عايزه اقابلك ضرورى
جعفر بفرحه، قول للزمان ارجع يا زمان، ايوه كده يا هانم
___________
ازيك يا ست سادين عامله ايه؟
سادين الحمد لله يا هند بخير، ازيك يا أميره
ها عملتو ايه؟
اميره كل حاجه تمام يا سادين هانم، استأجرنا المكان واتفرش على زؤقك
المكاتب كلها جاهزه، انا افتكرتك نسيتينا والله لحد ما وصلتنى مكالمتك
انا مش ممكن انسى انتم عملتو ايه عشانى ولا شاهنده عملت فيكم ايه يا اميره
من دلوقتى انا أسمى سادين بس وانتم موظفين هنا!!
هند بضحك ،حاضر يا سادين، انت صوتك حلو على فكره ينفع تغنى
سادين بهزار انتى موظفه هنا يا هند وانا مديرتك وممكن اطلع عينك، استخدمت نبرة شاهنده المرعبه
اميره احنا قدمنا العروض زى ما طلبتى ولسه مستنين رد العملاء
لحد دلوقتى محدش اتصل بينا!
سادين احنا نعمل إلى علينا والباقى على ربنا
_____________
شاهنده غيرت هدومها وكلمت فهد
فهد ازيك شاهنده هانم عامله ايه؟
انا كويسه يا فهد، انت كويس؟
فهد بنبره تقيله، جدا يا هانم
شاهنده انت فين انا عايزه اقابلك؟
فهد انا فى شقتى يا شاهنده هانم، عارفاها؟
شاهنده وهعرفها ليه؟
فهد بسخريه لازم تعرفيها، دى شقه جميله بتبص على النيل
شاهنده بخبث متشكره انا هقابلك فى النادى!؟
فهد بثبات، هتقابلينى هنا يا شاهنده وبص فى ساعته، بعد نص ساعه بالضبط
شاهنده بارتباك انت بتقول ايه؟
فهد بقول إلى سمعتيه بعد نص ساعه تكونى هنا وقفل الخط
شاهنده سمعت قفلت الخط فى ودنها، اول مره يحصل معاها كده، طول حياتها بتأمر تطاع
النغمه دى جديده عليها خلت جسمها مش على بعضه، الغضب عندها وصل نهايته
هتكونى هنا بعد نص ساعه، الكلمه رنت فى دماغها تانى وتالت
انا شاهنده الشرباشى يتقالى كده؟
رجاله بشنبات تتمنى تبوس ايدى هو فاكر نفسه ايه!
هخليك توطى على رجلى تبوسها عشان اسامحك
اتصلت بمعاذ الشمرى اكتر من مره لكنه مردش عليها، بنظرات مضطربه
حطت حقيبتها الجلديه على كتفها وخدت العربيه وطلعت على شقة فهد
يتبع تفاعلوووا جامد
#ال12
ركبت شاهنده عربيتها وطلعت على شقة فهد، طلعت السلم وخبطت على الباب، مره، مرتين لحد ما سمعت خطوات ماشيه ناحيتها
الباب انفتح وطل منه فهد، اتفضلى شاهنده
شاهنده هانم يا فهد متنساش نفسك
فهد بتنهيده طويله ادخلى يا شاهنده وشدها من ايدها جوه الشقه
انت اجننت!؟ صرخت شاهنده وهى بتزق فهد فى صدره لكنها محركتهوش خطوه
فهد سابها ودخل المطبخ تشربى ايه؟
مش هشرب حاجه انا نازله، انت انسان قذر!
خرج فهد من المطبخ على وشه ابتسامه مقيته وفى ايده مسدس
اترزعى هنا!!
شاهنده شافت المسدس وجسمها ارتعش، انت هتعمل ايه؟
قعد فهد على المقعد، خرج سيجاره ولعها، اقعدى، أمرها فهد وهو بيلوح بالمسدس
رمى القداحه على الأرض قدام شاهنده، ولعيلى! ؟
_____________
رعد كان مستنى سادين فى الحديقه لحد ما رجعت، كنتى فين يا سادين لحد دلوقتى؟ على فكره انا زعلان منك، بقى اكون فى المشفى ومتفكريش تبصى عليا؟
سادين والدتك سدت كل طرق الود ما بينا، انا عمرى ما هاكون قريبه منكم والدتك رفعت ايدها عليا من غير ذنب وحضرتك؟ معملتش حاجه
بطلى كدب بقا، صرخ رعد بقرف، والدتى عمرها ما تعمل كده ولا عملت كده
هى قالتلى انك حاولتى تضرببها رغم كده انا متكلمتش معاكى ولا لومتك
سادين بعد صمت والدتك قالت كده؟
رعد ايوه
سادين، والدتك عمرها ما تكدب معاك حق، بص بقا يا سيدى، انا فتحت شركه جديده، وكل يوم هروح الشغل
اظن مفيش حاجه فى الاتفاق ما بينا تمنع كده !؟
رعد لا مفيش، شركة ابه بقا؟
سادين وهى ماشيه، مش مهم، مش لازم تعرف
__________________
رجعت شاهنده على الفيلا، كانت حالتها ملخبطه جدا، لقيت رعد قاعد فى الجنينه، قعدت جنبه
رعد شوفتى يا ماما اخر خبر؟ سادين فتحت شركه جديده
شاهنده وانت ازاى وافقت على كده؟
رعد، عادى يا ماما، الآتفاق ما بينا كان على الطلاق بس
مفيش فايده فيك يا رعد هتفضل سلبى زى والدك الله يرحمه
اما بقا الست سادين تبقى تورينى بقا هتشغل الشركه بتاعتها ازاى؟
كل يوم كانت سادين بتروح الشركه ومفيش ولا عميل دخل عندهم رغم ان عروضهم كويسه سادين درست كل حاجه بدقه
اميره هنعمل ايه بقا؟ كل العملاء رفضو عروضنا، حتى الناس إلى وافقت وكانت فرحانه اعتذرت فى اخر لحظه
سادين بعد تفكير، هنقلل السعر شويه
اميره لكن كده هنخسر؟
سادين خساره محدده لحد ما نثبت نفسنا بعد كده هنبيع براحتنا
مفيش شخص عاقل هيرفض مكسب مضمون، بعد كده هما الى هيجرو ورانا
_________
شاهنده وهى بتضحك، مفيش ولا عميل دخل عندها؟ ها ها ها
ايوه كده، استمر على التعليمات دى مش عايزاها تعمل اى صفقه حتى لو كانت بسيطه
لازم انتقم منها زى ما انتقمت من والدها الله يحرقه، شاهنده مش بتنسى حقها ابدا
رن تليفون شاهنده، بصت على الرقم، اتلفتت حواليها وردت
عايزه ايه؟
عايزك تكونى عندى بعد ساعه!
شاهنده، مش كنا خلصنا من الموضوع ده؟
الصوت، انا الى اقرر امتى وليه فاهمه
شاهنده فاهمه، هتدى الفلوس لرعد امتى؟
الصوت، لما يطلبها منى، سلام
يا ابن ال.......
سندس رعد بيه فين؟
فى غرفته يا هانم
بلغيه انى عايزاه ضرورى
نزل رعد بسرعه، خير يا ماما
انت كلمت فهد زى ما طلبت منك؟
رعد لا، مش عايز، فهد شمتان فيا وانا مش هديه الفرصه يسخر منى
شاهنده، رعد حبيبى، انت لازم تكلم فهد وتقابله بسرعه عشان خاطرى
انا اعرف مصلحتك اكتر منك
رعد حاضر يا ماما
________________
معاذ الشمرى والفون على ودنه، ها عملت ايه؟ شاهنده عايزه قرصت ودن
واضح انها نسيت نفسها
تعليماتك بتتنفذ بالحرف يا باشا، مجرد ايام وهتجيلك راكعه تحت رجليك
معاذ الشمرى، مش عايز تأخير، انت عارف انى بكره الأنتظار
حاضر يا باشا
__________
هند، دا اول عميل يدخل عندنا
سادين، المهم اننا عملنا الصفقه
هند بحزن لكن خسرانين فيها؟
سادين مش مهم، اوعدك خسارتنا تتعوض قبل نهاية السنه
انا عايزه اخبار الصفقه دى توصل كل العملاء إلى رفضو يتعاملو معانا
لازم يحسو بحجم الخساره لرفضهم عروضنا
اميره حاضر يا سادين، حالا الكل هيعرف
سادين وهى قاعده على المكتب بتفكر، الشخص إلى بيحاول يوقعنا لازم يعرف اننا مش لقمه طريه
كانت بتتذكر كلام العميل إلى ابرم الصفقه معاهم لما قال ان فيه ناس كتير نصحته ميتعاملش معاها
يتبع
الفصل الثاني عشر والثالث عشر والرابع عشر من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺