رواية لست من نسلي الجزء الثاني الفصل الاول بقلم سوارا حصريه وجديده
 |
يعني اييييييه؟؟؟... يعني خطـ..ـفتي ابن اخوكي وحر.. متي ام من ابنها 21 سنه يا نور!!
نور ببكاء : ارجوك افهمني انـ. ن.
مالك بعصبيه : مفيش حاجه تقوليها عشان تبرري انا هعرف أكرم ونادر الحقيقه
نور بتوسل : لالالا ارجوك متعرفهومش ده ابني ده ابني انا انا اللي ربيته انا اللي اول واحده قالي ماما!!
مالك وهو بيرفع سبابته بغضب : وانا مش هساعدك في ده ولا هدعمك وهعرف الولد طريق أهله!!
كنت واقف ورا الباب وانا سامع الحوار ده وانا مش قادر استوعب حاجه وجوايا اسئله كتير
هل في اخت تعمل كده في اخوها؟؟
واهلي محاولوش يوصلولي؟؟.. أو يعرفوا طريقي؟؟
ويا ترى بعد كل السنين دي هيكونوا عايزيني وهيتقبلوني؟؟ ويا ترى عندي اخوات وعيله كبيره؟؟؟
فوقت من سرحاني على الراجل اللي قابلته و بيتخانق مع أمي وهو بيندهلي فطلعت ليهم
نور بتوسل : ارجوووك متقولوش ارجوووك!!
مالك بعصبيه : نادر المرا دي مش امك دي تبقي عمتك وخطـ
نادر بهدوء : سمعت كل حاجه وعرفت الحقيقه
مالك وهو بيمسح على شعره برفق : انا هخيرك انت عايز تبقى مع المرا اللي خطـ..ـفتك من أهلك وحسر.. تهم عليك 21 سنه!!.... ولا عايز اهلك اللي عيونهم كل يوم بتبكي بدل الدموع د*م!!
نادر بتردد وهو بيبص على نور : بصراحه... وبيتنهد... انا عايز اهلي مش. هعيش في كدبه اكتر من كده بس يمكن اهلي ميتقبلونيش
وهنا سمعت نور صوت تكسـ.. ـير قلبها لأول مره
مالك وهو بيبتسم له وبيربت على كتفه : متخافش أمك انسانه كويسه جدعه قلبها ابيض وفي نفس الوقت قويه لو الكل متقبلوش فهي هتبقى عندك بالكل
نادر بلهفه : وابويا؟؟؟
مالك بابتسامه وهو بيمسك ايده : ابوك مستحيل يتخلى عنك ويسيبك ابوك راجل الكل بيشهد برجولته هوا اسمه زياد معتز المالكي عندهم قصر كبير في القاهرة قصر عيله المالكي... يلا نمشي
كانوا ماشيين باتجاه الباب بس وقفهم صوتها وهي بتجري وراهم بالسكيـ*ـن
نور ببكاء : لو مش هتبقى ابني مش هخليك تبقى ابن نهر!!
مالك بيبص لها بصدمه وبيحاول يشد منها السكيـ*ـنه بس هي كانت بتحركها عشوائي: اهر*ب يا نادر اهر*ب بسرعه دي اتجننت خالص!!.. وكمل بابتسامه.. وسلملي على امك وقولها اخوكي سداد!!
اخدت جواز سفري والفيزا بتاعتي و طلعت على برا جري وانا بتجه نحو المطار وفي أول طياره تقابلني قررت انزل مصر اللي كانت أمي أو نور بالأصح طول عمرها رافضه رفض نهائي ننزل لها!!
تصرفاتها كانت غريبه بالنسبالي كنت حاسس انها مش امي بل إنها بتحاول تتملكني كنت بشتكي لبابا أكرم كتير كان بيخا.. نقها وبرضو مينفعش ويقولي انت عشان ابنها الوحيد وجيت بعد صعوبه...كانت ما بتخلينيش أواجه مشاكلي وانا كنت عايز اواجهها لأني مكنتش عايز اكون شخصيه ضعيفه... أما جدتي عمرها ما حبتني وكانت بتعاملني بقسوه محستش معاهم بشعور العائله!!
وصلت المطار في وقت قياسي ولحسن حظي كان في طياره خلاص هتقلع ركبت وانا بفتكر أحداث اليوم ده لحد اللحظه دي
فلاش باك
كنت داخل السوبر ماركت بجيب الحاجات اللي امي طلبتها صدمت في واحد بالغلط
نادر بتأسف : انا اسف حقك علـ.. فتحت عيوني بصدمه لما شوفت وشه
مالك بيبص عليه بصدمه : اييييييييييه ده انت شبهي اوي!!
نادر بصدمه من لهجته : انت مصري كمان زيي!!
مالك بابتسامه : ايوه اكيد هكون مصري هوا انت اسمك ايه؟؟
نادر بفرحه لأنه اول مره يلاقي مصري في البلد دي : اسمي نادر
مالك وهو بيملس على شعره بحنان : ماشاءالله ربنا يبارك لأهلك فيك انا زمان كان عندي طفل كان المفروض يكون بعمرك دلوقتي بس ما.. ت انا متأكد لو كان عايش مكنش هيكون شبهي زيك كده
نادر بحزن : ربنا يرحمه يا عمو طب معندكش اولاد غيره؟؟
مالك بحزن : لا اتطلقت بعدها هي أساساً كانت اجنبيه من هنا وتصرفاتها مكنتش تناسبني فطلقتها
نادر بابتسامة حزن : ربنا يعوضك يا عمو
مالك بابتسامة : تصدق انت فيك شبه من اخويا اكتر مني فكرتني فيه ومستحيل يكون صدفه عاديه لأنه نفس الوش مفيش اختلاف وفيك ملامح من مراته !!
نادر بضحكه : انت شبهي اوي فلو على اخوك يبقى توأمي
مالك بشك من أن زياد يكون سافر لهنا وقاعد : طب مين ابوك يمكن حد من معارفي أو صحابي المصريين هنا
نادر : ابويا اسمه أكرم احمد أكرم شغال مهندس كهرباء في شركه هنا
مالك بصدمه : ايييييييييييه؟؟؟
نادر باستغراب : هوا في ايه؟؟
مالك بصدمه وهو بيهزه بقوه: بسرعه قولي امك اسمها نور معتز المالكي؟؟؟
نادر بتفاجؤ : ايوووووه هوا انت تعرفها؟!!
ممالك بيمسكه من ايده وبيسحبه على برا جري : الله يخر.. بيتك يا نور بسرعه خدني لامك!!
نادر بيأخده على البيت وهو مش فاهم حاجه خالص!! ونور بتفتح الباب
نور بصدمه وتوتر : مالك!!!
وبتبص على نادر بخوف : نادر ادخل على جوه بسرعه!!
فاق من سرحانه على إعلان وصول الطائره واخيرا وصل مصر
نادر بابتسامه : وأخيراً جيتلك يا مصر!!..
يتبع
تتوقعوا نادر هيلاقي أمه وابوه بعد السنين دي كلها