رواية الاميره والمغترب البارت 91/92/93/94/95/96 بقلم الكاتبه آلاء اسماعيل البشري حصريه وجديده على مدونة النجم المتوهج
 |
إبارت 91 🔥 الجزء الاول
كانت حنان مستلقية في أحضان بدر بسعادة غامرة
-تصدقي بالله !!
ردت حنان و هي مغمضة عينيها بينما تحتضنه بحب :
- لا إله إلا الله
بدر : أنا لوهلة حسيت إني هأخسرك هناك قدام المستشفى .. قلبي كان هيتخلع من مكانه ...كمية وجع رهيبة حسيتها لمجرد اني اتخيلت الفكرة بس
حنان : بعد الشر على قلبك
بدر : بس كلامك هناك حسسني بالفخر ...حسيت نفسي أخذت أوسكار في التربية 😂
حنان بزعل :بس ده ما يمنعش ان أنا زعلت اوي لانك خبيت عليا 😔
بدر: حبيبي انتي نفسة اقولك ازاي حاجة زي دي ! كنت ناوي أقولك بس بعد ما تخفي ...
-بجد !!
-اه و الله..مستحيل اخبي عنك حاجة ...إحنا واحد يا روحي
شددت حنان من حضنه و قالت بإمتنان: على فكرة اللي عملته من شوية ده خلاني اسامحك و مش بس كدة ..انا حسيت بأني أكثر ست محظوظة في الدنيا كلها
أخذ يدها بلطف يقبلها : انتي استحقيتي كل ده وأكثر. أنتِ مليتي حياتي حب و سعادة بوجود سيف وسامي ..ما اقدرش أتصور حياتي من غيرك
في تلك اللحظة رن هاتفه
انتفضت حنان و تساءل بدر
_مين اللي هيتصل بيا دلوقت ؟؟
اخذ هاتفه و تفاجأ لرؤيته الإسم فقد كانت هناء !!
نظر الى حنان المندهشة و التي قالت ما أن رأت الاسم : عايزة اي دي دلوقت ؟؟🤔
بدر :هأرد عليها اشوف عايزة اي
وضعت حنان الهاتف جانبا و هو تحتضنه :مش عايزة حد يقطع علينا اللحظة الحلوة دي
عاد الهاتف للرنين مرة أخرى
بدر : غريبة... من لما طلقتها ما اتصلتش!؟ هتكون عايزة يعني؟
حنان : يمكن عايزة تباركلك و بالمرة تعملها حجة و تحاول ترجع الود القديم
بدر : حجة اي بس و ود اي ما انا فهمتها و فهمت امة اني مستحيل اردها
حنان : أقولك حاجة ! هات أرد عليها أنا
فتحت الاسبيكر و اجابتها فردت هذه الاخيرة بذعر
-ألو بدر 😰
حنان : لا يا هناء انا حنان
هناء بمقاطعة : ارجوكي يا حنان عايزة اكلم بدر ضروري 😓
نظرت حنان الى بدر و هي تقول:الساعة عدت عشرة و نص بالليل ايه الضرو...
قاطعتها هناء بحدة ممتزجة مع هلع: يا حنان حياة التوأم في خطر ارجوكي اديني بدر بسرررعة بقووولك😰
دخلت فاطمة تحمل كوب الشاي الى الشرفة بينما يقرأ كتابا
-تسلم ايدك يا فاطمة تقدري تروحي تنامي انا هأخلص قراية اللي في إيدي الأول
جلست فاطمة بجانبه و هي تقول : لا انا كمان مش جاي لي نوم و جاية اتكلم معاك
رجب بتعجب: تتكلمي ف اي بقولك بأقرأ كتاب !
فاطمة بحدة: لا رحب مش متحركة من هنا الا لما اعرف اللي بيحصل ده
وضع رجب الكتاب من يده قائلا بتذمر : بخصوص اي 😏
فاطمة: ما قلتش ليه ان فاتن و صالح رجعوا مصر؟؟
رجب بتعجب -مين اللي قالك ؟
-مش مهم مين ! ما قلتليش ليه؟
رجب بلامبالاة بينما يحتسي الشاي
مجاتش فرصة بس 🙄.
فاطمة: طب و جوزها...اي علاقتك بجوزها !! اوعة تنكر انا شفتكم مع بعض الصبح !
رجب يعلم كم ان فاطمة شديدة الإصرار و لن تتركه بحاله
إلا إذا أخبرها الحقيقة
تنهد بإستسلام و وضع كوب الشاي و هو يقول
-صالح طلق أختك يا فاطمة
ضربت فاطمة صدرها بصدمة: يا مصيبتي !! 😱 معقولة يطلقها بعد العشرة دي كلها !! طب ليه ؟؟
رجب : مالناش دعوة يا فاطمة...المهم فيه حاجة تانية لازم تعرفيها
سقط الهاتف من يد حنان و صرخت بذعر: ولادي !! 😱
أمسك بدر الهاتف و هو يقول بخوف: خطر اي يا هناء ؟؟
هناء : الحق يا بدر !! سنية رايحة المستشفى اللي فيها الولاد و الظاهر ناوية لهم على شر...
بدر و هو ينتفض مسرعا من مكانه : اي اللي حصل احكيلي هناء : مفيش وقت ارجوك...انت أتصل بالشرطة و الحقها قبل ما تعمل حاجة و انا هأحكيلك كل حاجة في الطريق
ارتدى بدر ملابسه مسرعا وسط صراخ حنان و بكاءها
امسكها من يديها و نظر الى عينيها: بصيلي هنا .. هيكونو بخير ...مفيش حاجة هتحصلهم ...اوعدك
خرج مسرعا و تصادف ذلك وصول والدته الخائفة و هي تصعد الدرج
بدر اي اللي بيحصل هي حنان بتصرخ ليه ؟؟
بدر و هو ينزل راكضا: بعدين يامة..المهم خليكي معاها ما تسيبيهاش
غادر بدر و ما كادت ان تصعد حتى تصادفت مع حنان و هي تنزل بتعب بعد ان ارتدت طرحتها
-رايحة فين كدة يا بنتي انتي عاملة عملية .
حنان و هي ترتجف بخوف: هروح معاه.. ولادي في خطر ...هتقت"ل لي ولادي يا ماما سيبيني ارجوووكي😭😱😰
شهقت هنادي بخوف : يا مصيبتي 😱 مين دي ؟؟؟
حنان بذعر: سنية . سنية يا ماما .. سنية عايزة تق"تل لي ولااااادي !!! 😭
امسكتها بينما تصرخ بشكل هستيري و ادخلتها الى غرفتها و هي تقول
-بدر هيتصرف انتي تعالي ادخلي اوضتك عشان ترتاحي و انا هأخلي مرسي يروح معاه .. ما تقلقيش يا بنتي هيكونوا بخير
دخلت سلمى مسرعة : اي الحكاية يا ماما
هنادي بخوف ؛ روحي نادي والدك...قوليله يلحق بدر عالمستشفى حالا ... بتقول سنية عايزة تقت"ل التوأم
شهقت سلمى : يا خبر !!! 😰
-يالا يا سلمى اعملي اللي قولتك عليه
إقتربت من الحاضنة الزجاجية و رفعت احدى الحقن نحو أنبوب السائل المغذي المتوجه الى احد الصغيرين و فجأة فتح الباب بقوة ..و دخلت الشرطة و من خلفها بدر المذعور و حوصر المكان فورا
الشرطي: حطي الحقنة من ايدك حالا يا مدام المكان محاصر بالكامل
تجمدت سنية في مكانها تنظر إلى الشرطة بعيون مليئة بالذعر ..ثم الى بدر بعينين مليئتين بالغضب و الألم
تحاول أن تتراجع ببطء، حين تقدم الشرطي نحوها بحذر
فأمسكت الأنبوب و هددت برفع الحقنة نحوه
الشرطي الثاني بصوت هادئ : سنية حطي الحقنة أحسن لك عشان نقدر نساعدك
-محدش هيقدر يساعدني ...أنا حياتي و حياة بناتي اتدمرت بسبب الولاد دول ..فاهمين يعني اي اتدمرت😤
بدر : سنية الولاد ملهمش ذنب ارجوكي سيبيهم و خلينا نتفاهم
صرخت بصوت متهدج : مش هنتفاهم طول ما هوما موجودين انت السبب في كل ده...ايوة انت السبب يا بدر ..انا بكرهك و مش مسامحاك أبدا ...
نظرت إلى الحقنة في يدها، ثم الى بدر فجأة رفعتها نحو وريدها و هي تقول له بغِلٌ : هتعيش مع الذنب ده طول عمرك يا بدر 😤
الشرطي : مدام سنية احنا متفهمين دوافعك و نوعدك هنساعدك في ان الحكم هيتخفف عنك
نظرت الى الشرطة و أكملت بإنكسار : قلتلكم محدش هيقدر يساعدني.ولا يفهمني.. حتى لو اتخفف الحكم... الألم اللي جوايا مش هيتخفف...انا ما اقدرش أعيش مع حنان و ولادها يا إما يموتو هوما يا إما أنا..
بدر: سنية ارجوكي ما تعمليش كدة بناتك لسة صغيرين و محتاجينك
نظرت لبدر ثانية بكره و قالت: بناتي مسيرهم يكبروا و يعرفوا انكم السبب انت و ولادك و مراتك ...يا رب تتحر"قوا كلكوو فنار جهنم يا بدر 😤
قبل أن يتمكن أحد من التدخل، تغرز الحقنة في ذراعها و تفرغها لتسقط على الأرض فورا
تحول المكان إلى فوضى فورا
حيث تقدم أحد الشرطيين نحوها بينما صرخ الآخر بصوت مذعور-دكتور حاااالا !!
نظرت سنية إلى الشرطي الي ركض نحوهاا بعينين مليئتين بالدموع، و هي تهمس بصوت مكسور: “قولوا لبناتي أنني حبيتهم أكثر من أي حاجة و اني عملت كل ده عشانهم هما
ركض الطبيب مسرعا الى المكان رفقة ممرضة بعد أن اخذ فكرة من الشرطي عن الحالة
وصل بسرعة و هو يقول للممرضة و هو يفحص سنية التي كانت تختنق :بسرعة ع الاستعجالات يمكن نقدر نمنع الهوا أنه يوصل للقلب على الله بس الحقنة متكونش جت في الوريد بما أنها كانت مستعجلة
نظر إليها بدر بحزن و قال له
كانت ممرضة لثمان سنين يا دكتور ما اعتقدش هتغلط في الوريد 😮💨
بعد مدة في الاستعجالات
حاول الطبيب اسعافها لكن دون جدوى ... انتشر الهواء في دمها و سد مجرى الد"م و ما هي إلا لحظات حتى خرج الطبيب من الغرفة و هو يقول بأسف
-البقية في حياتك يا بدر بيه
بدر بصدمة: ما"تت ؟؟
وصل مرسي في تلك اللحظة مسرعا
-طمنني يا ابني !!
بدر بحزن: الولاد بخير يابا
مرسي بشك: اومال مالك وشك مخطوف ؟؟
بدر: سنية انت"حرت يابا
مرسي بصدمة: الله اكبر !!
بدر : تلفوني خلص شحن يا ريت تديني اكلم امة عشان اطمنهم
كانت حنان تكاد تموت من الرعب و لم تستطع هنادي تهدئتها بأي شكل من الأشكال خصوصا و انهم لا يستطيعون الوصول الى بدر فمن المؤكد ان شحنه قد نفذ
تركت هنادي سلمى معها تحاول تهدئتها و خرجت و هي لتتصل بهناء
-الو هناء ازيك يا بنتي
-خالتي! الحمد لله انا بخير طمنيني هو بدر رجع ؟
-لا لسة .. قوليلي يا هناء اي اللي حصل ؟؟ و عرفتي منين ان سنية هتقت'ل الولاد؟
هناء: سنية اتصلت بيا تقول محتاجة حد يقعد مع البنات عشان تسافر طنطا عند بنت عمها هند عشان عندها حفل طهور ابنها و اديني جيت البيت و قاعدة مع البنات
-ها و بعدين ؟؟
-يا دوب وصلت انا طلعت مستعجلة لدرجة أنها خذت شنطتها و نسيت تلفونها اللي كان تحت الشنطة
طلعت وراها عشان اديهولها لقيتها بتقول للسواق اسم مستشفى راس البر و مشيوا على طول
استغربت طبعا قمت اتصلت بهند لقيتها بتقولي لا عندها حفل ولا غيره و ان طهور ابنها اتعمل من سننتين لما اتولد
هنادي: يعني كانت جاية المستشفى مخصوص عشانهم!
-ايوة يا خالتي ...ربنا يستر بس و ما تلحقش تأذيهم
في تلك اللحظة وردها اتصال من مرسي فقالت هنادي ؛ يا رب...طب اقفلي مرسي بيتصل أكيد عنده خبر
هنادي بقلق -الو ايوة يا مرسي
-ابو يمة انا بدر
-بدر يا بني فينك سبتنا في رعب. . ها طمننا ؟؟
بدر : الولاد بخير يمة ما تقلقيش و طمني حنان عارف انها منهارة دلوقت
هنادي بقلق : يعني لحقتوها ؟ هي فين طيب؟
بدر بحزن: سنية تعيشي انتي يمة 😮💨😥
شهقت هنادي بصدمة: ما'تت؟؟ ازااااي 😳!!
بدر : انت"حرت يمة ...
هنادي بحزن:الكره و الغل خلاها تنسى انها أم كمان ..يالا ربنا يرحمها ...انا هروح اطمن حنان
بدر: و انا كمان نص ساعة و هنكون في البيت .
في الصباح
حصل خالد على اذن الخروج و كان يهم بدخول الغرفة حين اتصلت سحر
-حياتي صباح الخير
-اهلا يا خالد 😓
-اي اللي حصل مال صوتك يا سحورة
-خالد انا مش عارفة اقولك اي 😮💨
كان خالد يعلم كل الموضوع لكن لم يرد احراجها بالبدء فيه
-خير يا قلبي في حاجة ؟؟؟
سحر بضيق: بابا طلق ماما يا خالد 😥..و الوضع متلخبط خالص هنا 😓
خالد بتصنع الدهشة: يا خبر !! معقولة يطلقها بالبساطة دي!!
-اهو اللي حصل بقى😓 ..
-ربنا يصلح الاحوال ..ما تزعليش يا قلبي
-انا زعلانة على بابا ...حالته صعبة
-ربنا يصلح ما بينهم ..أكيد سوء تفاهم بسيط مش كدة و الا ما يرجعوا لبعض
ارادت سحر تغيير الموضوع فهي تعلم أن والدها لن يتراجع عن قراره فقالت :ألا صحيح هو صاحبك عامل اي
-الحمد لله ..هيطلع بعد شوية و راجعين هو و أميرة عالقصر
-الحمد لله ربنا جمع شملهم تاني ..
-عقبالنا عن قريب يا حبيبتي 😊
سحر بتذمر: احنا ف اي ولا ف اي يا خالد؟! 😤
-ليه هو انا قلت اي ؟؟ مش احنا مكتوب كتابنا و مسيرنا نتجوز ؟؟
-أيوة بس مش في الظروف دي !!بقولك بابا طلق ماما ! 😤
خالد بضيق يحاول اخفاءه ؛ طب يا قلبي لو محتاجاني في أي حاجة انا موجود ...اوكي؟
سحر: ماشي ...يالا انا هأقفل و ابقى سلم لي على اميرة و خالتي ام أحمد
خالد : ماشي. . باي يا روحي
اقفل الخط و هو ينفخ بضيق هامسا: يخرب بيت ابوكي يا فاتن ... خربتي بيتك و عاوزة تخربي بيتي انا كمان ! 😤
دخل غرفة ياسين و هو يقول : اذن الخروج جاهز
كانت اميرة تساعد ياسين على الاستعداد بينما امسكت ام أحمد الحقيبة و هي تقول
ام أحمد : كل حاجة جاهزة يا ابني....يلبس بس الجاكت و هنمشي على طول😊
نظر ياسين الى خالد بقلق: مش متأكد اني هأقدر اعملها يا خالد 😥
خالد بمزاح: اومال هنسافر مصر ازاي ؟؟ بالسفر عبر الزمن ؟؟ ثم همس له وهو يغمز بعبث: لو انت مش مستعجل عشان تتجوز انا مستعجل و عايز اتجوز امبارح قبل النهاردة
أميرة: بتتوشوشو على أي مش يالا بينا؟
خالد : قوليله...قال اي مش عايز يسافر بالطيارة 🙄
أميرة: ايه الكلام ده! انت عامل عملية معقولة هنسافر بالعربية و طيارتك موجودة؟؟
أم أحمد : معاهم حق يا ابني .. انت عارف ان اهلك الله يرحمهم ما"توا بسبب غدر....خلي. ايمانك في ربنا كبير
ياسين : و نعم بالله . أكيد يا خالتي انا مؤمن بالقضاء انت بس مش بأرتاح لحكاية الطيارة دي
-مفيش حل غيرها عشان ما تتعبش في المشوار
ياسين بإستسلام؛ مفيش مهرب منكم...ماشي ..يالا بينا 😟
في منزل بدر
هناء تكلم خالتها في الصالة بينما تنام الفتيات في غرفتهن
هناء بصدمة: بتقولي انت"حرت !!! ليه يا سنية !!! لييه ضيعتي نفسك ليه؟! طب و البنات دول ذنبهم اي بس !! 😰
هنادي: راحت و راح شرها معاها ريحت الناس منها ربنا يرحمها بقى
هناء : ربنا يرحمها...انا مش صعبان عليا غير بناتها دول. . مش حرام يتيتموا في السن ده!! انا عارفة الاحساس ده يا خالتي ...ماما ماتت و انا في نفس سن كوثر أو اكبر منها بسنة...الموضوع هيكون صعب عليها جدا 🥺
هنادي: ما تقوليش حاجة ... ابوهم هيجيلهم و يتكلم معاهم بنفسه
هناء : طب و لو البنات سألوا عنها هقولهم اي ؟
-ما تقوليش حاجة.. حاولي تشغليهم لحد ما نخلص من الموضوع ده
هناء : لحد امتى يا خالتي ؟ ماهوما مسيرهم يعرفوا ان مكانش النهاردة يبقى بكرة ...يعني معقولة أمهم تندفن من غير ما يشوفوها و يودعوها؟
-نعرف اي يا خالتي ... و مين دي اللي هتندفن؟ 😰🥺
هناء بصدمة: كوثر !! 😰
بارت 91 🔥 تابع
هناء بصدمة كوثر!!
سمعت كوثر جزءًا من المحادثة فوقفت بصدمة و هي تنظر الى هناء بعيون واسعة.
و فورا أمسكت هناء الهاتف بقلق و هي تقول:طب يا خالتي انا هسيبك دلوقت
هنادي:سمعتك مش كدة ! ما تقلقيش بدر جاي في السكة
اقفلت الخط و توجهت نحوها قائلة بحب
كوثر ..انتي مش نايمة مع اخواتك ليه؟
-خالتي هناء ...هي مين اللي ما"تت 🥺
هناء بلجلجة : مفيش يا روحي ...دي وحدة قرايبنا
تحاول هناء تغيير الموضوع بسرعة، لكن كوثر لماحة جدا و كانت ترى الحقيقة في عيون هناء فقالت بصوت متهدج
-انتي كنتي بتتكلمي عن ماما مش كدة ! 😥🥺
هناء صوت هادئ و مليء بالحزن كوثر، تعالي هنا، حبيبتي 😔 تعالي عندي يا قلب خالتك 😥
تتجمد كوثر في مكانها و قد بدأت دموعها في الانهمار فورا
كوثر: يعني بجد أمي ماتت؟ 😳😱
تقترب منها هناء و تضع يديها على كلتا كتفي كوثر قائلة بحنان و حزن
هناء: حبيبتي انتي أكبر اخواتك و من حقك تعرفي ...أمك اتوفت ربنا يرحمها يعني راحت لرحمة ربنا و كرمه ... البقية في حياتك 😭
كوثر بصدمة : لاااا! انتي كذاااابة ..ماما مستحيل تسيبنا !! 🥺😭
هناء ببكاء: للأسف يا قلبي دي الحقيقة ... عارفة ان الموضوع صعب جدًا، لإني مريت بنفس الظرف بس انا هنا معا.....
انتفضت كوثر من بين يديها و ابتعدت للخلف و هي تصرخ بهستيرية: لااااا ....انا مش عايزة حد معاياااا ...انا عايزة مامااااااا !!! قوليلها ترجع بلاش هزااار باااايخ ...انا عارفة انها زعلانة مني لاني قلتلها اني بحب اخواتي.... بس هي أكيد مستحيل تمشي و تسيبني عشان كدة...لاااا .....مامااا بتحبنا .... ماما مستحيل تموووت و تسيبنا يا خالتي هناء مستحييييل 😭😭
إقتربت منها هناء و حاولت السيطرة عليها قائلة : كوثر حبيبتي اخواتك صغيرين كدة هترعبيهم انتي المفروض اكبر وحدة فيهم يعني دلوقت بقو في مسؤوليتك ...اذا كنتي انتي الكبيرة العاقلة بتقولي كدة ! اومال مين هيسند اخواتك الصغيرين!
-مليش دعوة بكل مع انا عايزة مامااااااا 😭😭
تتصل فاطمة بفاتن التي كانت تنام بعمق و لا كأنه حدث شيء
استيقظت بتكاسل و هي تنفخ: مين اللي هيتصل بيا دلوقت ؟؟
اخذت الهاتف وغمغمت بملل: اووف عايزة اي دي عالصبح
-الو 😏
-صباح الخير يا فاتن ازيك يا اختي
فاتن : صباح النور ..الحمد لله...و انتي اخبارك اي
فاطمة بزعل: كدة يا اختي تجي مصر و ما تقوليش ! كنت على الأقل استقبلناكي في المطار !
فاتن : الموضوع أصلا جيه مستعجل أعتقد انتي سمعتي ان حنان ولدت..
فاطمة: ايوة و اتصلت باركتلهم
فاتن : في آخر لحظة حجزنا و اتلخمت مع الشنط و ما كانش عندي وقت أتصل بحد
فاطمة بحزن: حد مين ! انا اختك الوحيدة يعني المفروض ما اعرفش اخبارك من الغريب 😔
فاتن : حاضر ..تاني مرة هأبقى ابلغك
فاطمة: و اي حكاية الطلاق اللي قالي عليها رجب دي ؟؟هو انتو بجد اتطلقتو يا فاتن؟؟
فاتن بضجر: و هو رجب عرف منين ! 😒ماشاء الله لسة البلد زي ما هو ..الاخبار فيه بتتنقل بسرعة الصاروخ 🙄
فاطمة: .مش مهم عرفنا منين ...هو الخبر بجد !!
-أيوة ... على آخر عمري ضربت في دماغه يطلقني الراجل العرة
فاطمة بتعجب: كدة من غير سبب !!
فاتن بلامبالاة: يا اختي انا اشعرفني ف اسبابه.. تلاقيه لافف على وحدة و عايز يخلص مني عشان يتجوزها الناقص 🙄
فاطمة : ليه هو الموضوع سايب؟! انتي تقدري ترفعي قضية و ترفضي تتطلقي ! ده بيتك ازاي تسمحي أنه يتخرب بالسهولة دي !!
فاتن بتغيير الموضوع : مش عايزاه و لا عايزة منه حاجة انا قر"فت منه و من عيلته كلها..
فاطمة بشك : فاتن ؟؟ مش انتي اللي تتنازلي عن حاجة تخصك بسهولة.. هو انتي عملتي حاجة تخليه يطلقك ؟ 🤔
فاتن بتذمر: يووووه بقى !! هو انتي بقيتي الوصية عليا دلوقت ؟؟
فاطمة : فاتن انا صحيح أصغر منك بسنتين بس معتبرة نفسي مسؤولة عنك و انا اكثر حد يعرف مصلحتك فين
فاتن : انا مش عيلة و اعرف مصلحتي كويس .. المهم انا هقوم دلوقت و هأبقى أعدي عليكي أول ما أرتاح من السفر
اقفلت الخط و هي تنفخ بتذمر: يا سااااتر ...هو انتي هتفضلي ورايا كدة لحد ما اموت!! ما تحلي عن سمايا بقى 😤
تجلس هناء في غرفة المعيشة، تحاول تهدئة كوثر التي انهارت بعد معرفتها بوفاة والدتها
كان الجو مشحون بالحزن والقلق، وكوثر تبكي بحرقة. هناء بحزن : حبيبتي أرجوكِ اهدئي مش كدة 😥
كوثر: بصراخ): لا . مش عايزة اهدى انا عايزة اعرف الحقيقة! ازاي ما"تت أمي ؟ و هي امبارح بس كانت معانا و بتوصينا نكون عاقلين...ازااااي تمووووت؟؟😭😱
-هقولك يا حبيبتي ...أهدي بس و انا اقولك كل حاجة
قالها بدر بحزن وقلق فور دخوله إلى الغرفة سماعه الصراخ
-باباااا 😭.
بدر: “كوثر، حبيبتي، تعالي هنا
تتجه كوثر نحو والدها، تبكي بحرقة في حضنه
:بابا هي ماما ما"تت بسبب حنان وأولادها؟😭
بدر يتنهد بعمق، يمسح دموع كوثر: حبيبتي اخواتك صغيرين عمرهم ما كانوا سبب في حاجة... الأمور معقدة مش هتفهميها دلوقت ... كل الي لازم تعرفيه ان مامتك حاولت تحميكِي انتي و أخواتكِ، بس الأمور خرجت عن السيطرة......امك كانت تعبانة نفسيا و سيطر عليها الغضب و الكر"ه لطنط حنان و لولادها و عمى على عينيها....احنا دلوقت هندعيلها بالرحمة و أن ربنا يسامحها و يغفرلها .
كوثر: (تبكي) طب و احنا يا بابا ؟؟
بدر : يا حبيبتي و انا رحت فين!! انا مش هأسيبكم أبدا
تستمر كوثر في البكاء، بينما يحتضنها والدها بقوة.
تقف هناء بجانبهما و هي تمسح دموعها وتهمس بكلمات مطمئنة : احنا هنكون دايمًا معاكم ،اكيد مش هنسيبكم
نظر بدر الى هناء و قال : هناء من فضلك تصحي البنات و تلبسيهم و انا هأفضل مع كوثر ...هآخذهم معاي عند الحجة هنادي
وصل ياسين و أميرة الى القصر
-نورتي بيتك با بنتي
-تسلمي يا ماما
أمسك خالد بالحقائب و طلب من بيتر إرسال أحدهم لأخذها
اقترب بيتر و الباقون مسرعين نحوه بقلق
بيتر -سيدي تسرنا عودتك سالما ...و انت كذلك سيدتي
اومأ ياسين و قالت أميرة : شكرا لك بينر
وزير : الحمد لله انك رجعتلنا بخير يا بيه..حمد لله على السلامة انت و الهانم
-شكرا لكم جميعا
أميرة : السيد مريض اسمحوا لنا
ابتعد الجميع و دخل ياسين رفقة خالد و أميرة و أم أحمد
ام أحمد: انا قلتلهم يجهزوا الجناح اللي تحت عشان تبقى قريب من الجنينة اتفضل يا ابني
ياسين : لا انا بس نرتاح من الطريق و بعدها هأنتقل الجناح بتاعي اول ما يجهز
ام أحمد : اللي يريحك يا ابني
ياسين ؛ نانسي جاية مكان شوية خليكي معاها لحد ما تخلص
-حاضر يا ابني
دخل رفقة أميرة التي كانت تسنده الى ان اجلسته على السرير برفق
و فجأة وجدته ينظر إليها مطولا
ضحكت أميرة قائلة : اي مالك !! بتبصلي كدة ليه كإنك أول مرة تشوفني !!
-المفروض ادخلك و انا شايلك بين ايديا مش العكس
أميرة بضحكة: يا سيدي مسيرك هتشيلني المهم بس تخف
قالتها و هي تنزع عنه سترته ثم نزلت لتنزع حذاءه
كانت ستقف فتقابلت نظراتهم العاشقة
-نورتي قصرك يا اميرتي 🥰
-صدقني منور بوجودك انت... من غيرك ما كنت شايفاه قصر أصلا
التفتت خلفها و هي تبحث عن حقيبتها
-يالا عشان تتمدد على ما اغير هدومي و اروح اجيبلك لقمة
كانت تهم بالمغادرة حين امسكها قائلا : لا ارجوكي ما تمشيش
نظرت إليه بتعجب: بقولك رايحة أغير بس و اشوف في أي اكل اجيبلك تتغدى عشان الدوا ! 😕
ياسين و هو يقربها منه بحب ؛ مش عايز حاجة. . .المهم تفضلي معاي ...عايز اشبع منك ما صدقت اننا بقينا لوحدنا
تمددت أميرة بجانبه و احتضنها بحب فقالت له بمزاح : لوحدنا اي لو ما طلعتش أم أحمد هتجي و معاها الاكل ...بقى سيبني اروح انا احسن !
ياسين و هو يغمض عينيه : لا ام أحمد مش هتجي الا لما اناديها
-ايش معنى!!🙄🤔
-واضحة🙄 واحد و مراته عرسان جداد لوحدهم في اوضة نومهم
ضحكت أميرة و التفتت اليه قائلة : عرسان اي بس حرام عليك انت طلعت من عملية من اربع ايام بس !! 😂
-حرلم عليكي انتي انا مشتاقلك بقالي ست اشهر مستني اللحظة دي
أميرة و هي تخرج من حضنه و تمسك يديه بحب
-تعدي المرحلة دي بس و الدكتور يقول انك كويس و انا تحت امرك ...انا وعدتك اني هأعوضك...يعني هانت 😊
قبل يديها و هو يقول بإستسلام : ماشي ..
أميرة بحب : مش هأتاخر عنك ...اوعدك ☺️
خرجت من الغرفة و هو ينظر الى اثرها و يهمس
-و بعدين ؟ مش هتقولها ؟؟
-لا اقولها ايه و هي خايفة عليا كإني عيل صغير
لا مش هقولها دلوقت أخاف ترفض ...انا احسن حل احطها قدام الامر الواقع
في مصر
اتصلت فاتن بسحر
سحر : الو...ايوة يا ماما
-يا اختي الناس بتقول صباح الخير
سحر: ماما لو محتاجة حاجة قوليلي احسن عندي شغل كثير
فاتن : لا بس اتصلت اسأل مش المحروس ابوكي قال جاي الصبح!؟ و ادينا بقينا الظهر هو فين ؟ عايزين نخلص من الموضوع ده كله
سحر بحزن: مستعجلة للدرجة دي ! 😏
فاتن : ورايا حاجات تانية أهم منه ..فاكر اني هاقعد اعيط عليه .. ده بعينه ابن حسنات النكدي
سحر بحزن ؛ متأكدة انك هتندمي يا ماما ...انتي خسرتي ابوي اللي بيحبك ...هتلاقي نفسك لوحدك صدقيني
فاتن: يا اختي يشبع بالحب بتاعه اللي ما يأكلش عيش حاف... محدش هيندم غيره و هأبقى أفكرك ...المهم هو فين😏
سحر: هوما في دفنة سنية اول ما يخلصوا هيجوا لعندك
فاتن بدهشة: سنية ما"تت !!! ازاي 😳
سحر: ده موضوع طويل هنبقى نتكلم بعدين يا ماما
اقفلت الخط و قالت فاتن بدهشة: ماتت ازاي دي زي القردة
فكرت قليلا ثم قالت : مديحة. .. مفيش غيرها تقولي اللي حصل
منزل بدر
تجمعت مجموعة من النساء في بناء المنزل الواسع بعضهن من عائلة سنية وبعضهن من عائلة بدر و الباقيات من الجيران في جو ملؤه الحزن والصدمة، والهمسات تتردد بينهن...بعضهن يبكين والبعض الآخر يتحدثن بصوت منخفض.
المرأة الأولى: (بصوت حزين) سنية طول عمرها ست قوية يا ختي مين قال انها تمو"ت بالشكل ده ! 😔
المرأة الثانية: (بهمس) سمعت أنها حاولت تق"تل ولاد ضرتها ..ازاي تقدر أم تعمل كدة؟😮💨
المرأة الثالثة:هوس الانتقام عمى عينيها ما قدرتش تتحمل تشوف بدر سعيد و عنده ولاد من غيرها ...ربنا يرحمها بقى
المرأة الرابعة: (بهدوء) هي صحيح كانت ضحية لظروفها بس ده ما يبررلهاش اللي عملته
-يالا ربنا يرحمها و يغفرلها
نظرت احداهن حولها ثم قالت : مش شايفة البنات يعني هيكونوا فين؟؟
اخرى : سمعت أنهم أخذوهم لبيت العيلة هيفضلوا عند عمتهم و مرات ابوهم لحد ما تعدي الدفنة
-المسكينات هتبقى صدمة عمرهم لما يكبروا و يعرفوا الحقيقة
نظرت الجدة حسنات الى النسوة المتشدقات ثم الى هنادي و هي تقول بصوت متهدج: شايفة يا هنادي ...شايفة فض"حتنا و فض"حت نفسها وسط الخلق كلهم ازاي ...مين كان يتصور أنها كانت شايلة كل الحقد ده في قلبها؟؟ معقول في أم تفكر تق"تل أطفال أبرياء؟
هنادي و هي تمسح دموعها : انا مش حا"رق قلبي غير بناتها دول ...معقولة تضحي بنفسها و تقبل بناتها يتيتموا عشان مش قادرة تتحمل وجود ولاد بدر و امهم؟
مديحة و هي تنظر إلى الأرض بحزن: طب و بناتها لما يكبروا ؟؟ ازاي هيستوعبوا أن أمهم كانت قادرة تعمل حاجة زي دي ؟
هناء بصوت مختنق بالبكاء: كنت عارفة ان سنية كانت عايزة تنت"قم من بدر بأي طريقة ، بس مكنتش أتصور أن الأمور هتوصل بيها للجنان ده ... انتحارها كان صدمة لينا كلنا ..هيحصل اي في البنات دول 🥺😭
وضعت هنادي يدها على كتف هناء : ما تنسيش ان دول بنات الراوي يا هناء سنية سابتهم أمانة في رقبتنا احنا هنربيهم و نوعيهم الصح من الغلط
رن هاتف مديحة فتبتعد قليلا و تجيب
-ايوة يا فاتن
-اي اللي انا سمعته ده صحيح سنية ما"تت ؟!
-ايو. يا فاتن ... انت"حرت
فاتن بدهشة: يا نهار اسود ! ليه ؟؟
مديحة: مش كانت رايحة تمو"ت التوأم ؟! اتمسكت هناك و لما ما عرفتش تنفذ اللي في دماغها مو"تت نفسها
فاتن بقلق: يا مصيبتي ! كانت هتمو"ت الولاد !!
-الولاد بخير ما لحقتش تعمل حاجة ..الحمد لله ربنا لطف
تنتهي الجنازة و يعود الجميع إلى منزل العائلة في موكب مهيب يسوده الحزن من اجل البنات و مصيرهم طبعا فقد كانوا ضحية لح"قد والدتهم و انانيتها
الجدة : ربنا يرحمها و يغفر لها
مرسي : الحمد لله ان المعلم سيد ساب لنا البنات
بدر بحزن: معاكي حق يامة مكنتش شايل غير همهم
هنادي ؛ و هوما يعني كانوا هيرفضوا ليه ؟ مراته الله يرحمها و بنته كمان ...أكيد حضانة البنات هترجع لينا
ثم همست لنفسها: اهو على الأقل نضمن انهم ما يتربوش زي امهم عالكر"ه و الانتقام
في تلك اللحظة دخل صالح بتعب وهو يقول :ما تنساش معادنا يا مرسي ... اتأخرنا يا اخوي
نظر مرسي الى بدر و قال : انت جاي يا بدر ؟
بدر : أيوة يابا جاي معاكم
نظر بدر الى والدته قائلا : البنات بأمانتك يمة
سحر : و انا كمان هاجي معاكم يا بابا
بعد مدة في بيت فاتن
يجلس صالح برفقة بدر ومرسي و المأذون و كذا رجب الذي جاء بناءا على طلب من صالح
و فاتن و معها سحر من الجهة الاخرى
بعد أن وقع كل منهما على الطلاق قال المأذون : ارمي اليمين ثانية
صالح : انتي طالق طالق طالق
الماذون: لقد تم الاتفاق على كل شيء يا سيد صالح ...و قد وقع الطلاق ..نستطيع الذهاب
صالح : لا يا مولانا لسة
نظر الى فاتن الجالسة بخزي وسط نظرات الاحتقار من طرفهم
-ترجعيلي الفلوس اللي انتي سرقتيها
فاتن : مش كفاية اتنازلت عن المؤخر و النفقة ! ما عنديش حاجة تانية و اعمل اللي تقدر عليه 🙄
صالح : يبقى في الحالة دي أنا هأقدم الاوراق اللي عندي للبوليس و هتدخلي السجن
فاتن :اوراق اي و سجن اي !!
صالح : الورقة الي انتي مضيتيها في المطار دي مش تصريح روتيني منك..لا . .ده شيك بالمبلغ اللي انتي اخذتيه مني ...عشر إلاف دولار . يا اما ترجعي كل اللي سرقتيه مني يا اما اسلمها للنياية و معاها كل الأدلة التانية و وريني هنطلعي منها ازاي .. معاكي مهلة شهر بعد كدة انتي حرة
شهقت بصدمة فأكمل : على فكرة انا نسيت اقولك . ..
انا ما اخذتش اجازة من الشغل .. انا استقلت من الشغل يعني مش راجع كندا تاني ...و اتنازلت عن الجنسية قبل ما اجي يعني انتي كمان مش هتقدري ترجعي كندا لان جنسيتك تسقط آليا لما انا طلبت اتخلى عنها .
فاتن بصدمة: لا مستحيل !! مستحيل تعملها!!
سحر بصدمة: اتنازلت عن الجنسية و قدمت استقالتك ؟! و انا يا بابا؟؟ انت نسيت ان عندي جامعة هناك؟!
-انتي هتتجوزي و ترجعي مع جوزك الأسبوع الجاي يا سحر
سحر بدهشة: بتقول اي يا بابا
صالح : لينا بيت نتكلم فيه يا بنتي ...يالا بينا
غادر الجميع بينما لا تزال فاتن على صدمتها
آخر ما توقعته كان هذا !! الآن لن تستطيع العودة الى كندا كما كانت تنوي .. اذن عليها تدبر امر المال هنا في مصر
سرعان ما خطرت لها فكرة و هي تقول : أظن جيهة الوقت المناسب ليكم
فتحت هاتفها و اخذت صورا لللوحتين و البيضة ثم توجهت الى فيسبوك و وضعت منشورا في احد المجموعات الخاصة التي انضمت إليها حديثا حيث يتجمع هناك هواة جمع التحف والأعمال الفنية. و غالبًا ما تكون مليئة بالأشخاص المهتمين بشراء وبيع القطع النادرة.
وضعت الصور ثم ارسلت المنشور و هي تقول : فاكر نفسك انتصرت كدة... فاكرني هبكي عليك يا صالح الز"فت...هنشوف مين هيضحك في الاخر .
سرعان ما وصلتها اشعارات و نصحها البعض بالاتصال بالوسطاء المتخصصين في بيع التحف الفنية الذين غالبًا ما يكون لديهم شبكة من المشترين المحتملين ويمكنهم تسهيل عملية البيع بسرية لكن عمولتهم ستكون كبيرة .
و البعض نصحها بالأسواق السوداء: إذا كانت تبحث عن بيع سريع ودون الكثير من الأسئلة،
كما اكد لها البعض أنه يمكنها اللجوء إلى الأسواق السوداء عبر الإنترنت فمكسلها أعلى ولكن حذروها أن هذا الخيار يحمل مخاطر كبيرة.
لكنها قررت خوض هذا الاخير و طلبت روابط لهذه المواقع
في القصر
بعد العشاء
ياسين يتمدد في اريكته بإرتياح و يقابله خالد بينما تساعد ام أحمد أميرة في ترتيب الجناح العلوي
خالد : ألا مفيش خبر عن موضوعنا؟؟
ياسين : لسة...مستني خبر من إدوارد قل لي أنت اي الاخبار في مصر ؟
خالد : زمانهم خلصوا اجراءات الطلاق دلوقت ...سحر كلمتني قبل نص ساعة قالت انهم وصلوا
ياسين : أكيد هتتصدم لما يقولها ابوها بالخبر
خالد : تفتكر هترفض اقتراح ابوها ؟!
ياسين -ترفض اي ؟! و جامعتها ؟ دي عندها اجازة عشرين يوم بس يعني لازم نرجع على هنا
-مش عارف ...انا رأيي أكلمها الاول عشان ما تتصدمش بالرفض.
ياسين : ده رأيي برضو...
خالد بتهكم: يا اخي قول الكلام ده لنفسك !
ياسين و هو ينظر الى الأعلى : هسس يخربيتك! الحق عليا اني وافقتك على فكرتك المجنونة!
خالد بمزاح:مجنونة اي مش انت كمان عايز تتجوز النهاردة قبل بكرة !!🙄😁
-ايوة ..بس خليني امهد الموضوع الاول ...
خالد : حاضر يا عم ...بس مالك اتخطف لونك كدة؟!
ياسين بهمس: مش عايز الليلة تتقلب بزعل تاني.
خالد بغمزة: ايوة يا عم ربنا يسهلوو 😉😁
-هسسس ...يا ساتر من قرك !! قل اوذ برب الفلق 😤
ضحك خالد و كان سيتكلم لكن هاتف ياسين رن
نظر الى الرقم و ابتسم
-مين ؟؟
-احزر
-مادمت بتبتسم يبقى الخبر اللي انت مستنيه مش كدة؟! 😉
ضحك ياسين و فتح الخط قائلا : إدوارد صديقي ... مادمت تتصل في هذا الوقت فهذا يعني ان لديك اخبار طازجة
إدوارد : اجل صديقي. ...لقد وقعت الفأرة في المصيدة أخيرا 😁
بارت 92 🔥
دخل ياسين الغرفة و سرعان ما توقف في مكانه مذهولاً. فقد كانت الغرفة مضاءة بأضواء خافتة، والشموع تضيء الزوايا برقة، زهور بيضاء تزين الطاولات، ورائحة العطر الفاخر تملأ الأجواء و تلك الستائر الحريرية تتمايل برفق مع نسيم الليل
ياسين بإنبهار : اي ده كله !! هو انا دخلت اوضة غلط ؟؟
خرجت أميرة و هي ترتدي روب جميل ابيض من الساتان المطرز بالحرير و تسرح شعرها الحريري الطويل بطريقة رائعة مع لمسة خفيفة جدا من الميكب
أميرة بابتسامة دافئة:الحمد لله على السلامة نورت اوضتك 😊
اقترب منها ثم أمسك يديها بحب : ده انتي اللي نورتي حياتي كلها ...حياتي مكانش ليها طعم الا بوجودك فيها..ربنا يخليك ليا
احتضنها بحذر بسبب الجرح قائلا
-وحشتيني اووووي و وحشني حضنك الدافيء اكثر
-انت كمان وحشتتي..صدقني الشهور اللي فاتت عدت عليا صعبة و طويلة كأنها سنين
أخرجها من حضنه و هو ينظر الى عينيها
بس احنا دلوقت مع بعض ..مش هنسمح لأي حاجة تفرق ما بينما بعد كدة ...اوعدك ☺️
أميرة تقترب منه أكثر، تضع رأسها على صدره بحذر و تغمض عينيها و هي تقول -و أنا كمان أوعدك اني مستحيل ابعد عنك تاني ...الوجع اللي حسيت بيه خلاني اتعلمت الدرس كويس
قبل جبينها بشغف ثم تفحص هيئتها برغبة و قال بعبث : بس اي الحلاوة دي كلها !مش حرام عليكي اللي يتعمليه فيا ده !!
أميرة بتصنع البلاهة: ليه عملت اي ؟؟🙄🤨
-ما انتي عارفة اني طالع من عملية و لسة ما شلتش القطب حتى ...هأقدر استحمل ازاي انا دلوقت و الحلاوة دي كلها بين ايديا ؟؟
ابتعدت أميرة قليلا و قالت بحمحمة : معاك حق .. انا بس كنت عايزة الليلة دي تكون مميزة ...لإنها بجد مميزة بالنسبة لي احم ..عموما لو يريحك انا هأنام في الاوضة الصغيرة و انت نام هنا
اقترب منها ثانية و هو يفتح الروب بينما ينظر الى عينيها بحب: ده في احلامك... مش دلوقت كنا بنقول مفيش حاجة هتبعدنا عن بعض ؟! واكيد مش عملية هايفة زي دي هتخليك تنامي في مكان تاني غير حضني
ازاح الروب بلطف ليظهر ذلك القميص المثير الذي اختارته نانسي بعناية و الذي يبرز بسخاء انوثتها الطاغية
ابتلعت أميرة ريقها و قالت بتوتر : ياسين ..انت تعبان اوعة تفكر في حاجة ..
أمسك ياسين يديها و توجه نحو سريرهما و هو يقول
-حبيبتي مالك خفتي اوي كدة و اتوترتي فجأة ما احنا كنا كويسين ؟
أميرة برجفة : لا انا بس ..خايفة عليك ..مش اكثر 😥
اجلسها على السرير و قال بطمئنة : بصي يا روحي ...انا سبق و قلت لك اني مش متجوزك عشان رغباتي ...انتي أميرة قلبي
فاهمة معنى الكلام ده اي ؟ معناه اني مستحيل هأذيكي و مفيش حاجة هتحصل الا اذا كنت انتي مستعدة و عايزة كدة ...حتى لو مكنتش عامل العملية ..مكنتش هأجبرك على حاجة اتطمني
احتضنها ثانية و قال :انا بس عايز اكون قريب منك ...أحضنك و احس بدفء حبك ...كفايانا بعد بقى !!
أميرة و هي تغمض عينيها: ياسين !
-قلب ياسين , ☺️
-انا بحبك اوي
-و انا بعشقك يا روحي انتي .. بقى خلينا نستمتع باللحظة من غير أي ضغوط ...فكري فينا احنا و في حبنا بس و انسي اي حاجة تانية
استسلمت لحضنه بعد ان اشعرتها كلماتها الراحة و بقيا على تلك الحالة الحميمية لفترة من الزمن ، كانت تشعر فيها بالدفء و الحنان و الأمان كأن العالم كله قد اختفى ولم يبقَ سوى حبهما الذي يضيء الليل.
في غرفة خالد بالقصر
-اي اللي بيحصل ده يا خالد ؟؟ هو انت كنت عارف بالموضوع ؟؟
خالد بتصنع البلادة : موضوع اي ؟؟🙄🤨
سحر: موضوع طلاق اهلي 🤔
خالد : لا طبعا ..ابوكي كلمني بس في موضوع استقالته و تخليه عن الجنسية قبل ما يسافر بس مكنتش أعرف السبب اللي خلاه يعمل كدة 🙄
سحر بغضب: و ما قلتليش ليه طيب؟؟ 😤
خالد : الموضوع ما يخصنيش انا يا سحر . . أبوكي طلب مني اساعده في موضوع التنازل عن الجنسية التانية و لما سألته ليه قال أنه موضوع شخصي و كل اللي عرفته هو أنه هيستقيل و يستقر في مصر على طول و طلب ان الموضوع يتم بسرية محدش يشم خبر ولا حتى انتي و أنا وعدته
سحر بتهكم : يا سلام !! يعني عايز تفهمني ان فضولك مخلاكش تسأل عن السبب الي خلاه يقرر قرار خطير زي ده !! 🤔
خالد : فضولي ليه حدود يا سحر ...مش مع حماي ...هو قال أنه شخصي يبقى خلاص ...فضولي هيقف هنا. .
المهم اني عملت اتصالاتي و تممت الاجراءات اللي كان طلبها في اسرع وقت
سحر بتذمر: طيب طيب مصدقاك ...طب اي موضوع الجواز اللي طلع لي بيه ده !! هو انت موافق عالحكاية دي ؟؟
خالد : ما وافقش ليه 🙄 !! انتي عارفة اني مستني اليوم ده على نار 😍
سحر : خااالد ...فكر بالعقل مش بالقلب. .. جواز اي اللي هنتجوزه بعد اسبوع من طلاق اهلي !! انت شايف الظروف مناسبة لجوازنا؟؟
همس خالد في سره قائلا : طلاق اي بس!! اومال لو تعرفي اللي هيحصل لأمك . . أكيد هتفسخي الخطوبة 🙄😮💨
-خالد !! رحت فين؟؟
خالد - لا انا هنا ... و الله انا قلتله كدة ....بس أبوكي عارف مصلحتك فين...ما تنسيش انك بتدرسي و لازم ترجعي
-ايوة يعني فين المشكلة ؟ 🤨
-هو اي اللي فين المشكلة !! هترجعي تقعدي لوحدك ؟؟
سحر بتفكر : اه صحيح افتكرت !! هي اي الحكاية !! هي بجد ماما ما تقدرش ترجع كندا بعد ما طلقها ؟؟
تردد خالد قليلا ثم قال : بصراحة ...لا ...الجنسية ما تسقطش لمجرد الطلاق و حتى انتي مادمتي بتدرسي و معاكي جنسيتك و عديتي السن القانوني فليكي حق ترجعي كندا بعد الطلاق
-اومال قالها ليه كدة !! و اي لزمتها الفة دي كلها ؟؟ ما ارجع مع ماما يعني لازم نتجوز عشان أقدر ارجع ؟؟ و بعدين هنبقى نتجوز براحتنا
خالد :لا ما هو قالها كدة بس عشان ما تفكرش تسافر
-ما تسافرش ليه يعني ؟؟
خالد بدون تفكير: عشان نكسب وقت كمان
-وقت اي اللي تكسبوه ؟؟ و بعدين انتو مين ؟؟
خالد بتلعثم : وقت !! اه فكرتيني وقت النوم انا لازم اصحى بدري عشان مسافر اوتاوا
سحر بمقاطعة: مش هتقفل قبل ما تفهمن..!
-تصبحي على خير يا قلبي
-قلتلك است......هو قفل في وشي بجد !! 😤
اتصلت ثانية فوجدت الخط في متاح
-كدة يا يا خالد !! طيب ...انا هأعرف انت مخبي اي بنفسي و ابقى قابلني ان كان فيه فرح يا ابن إيلينا !!
اقفل خالد الخط و هو يتنفس براحة و هو يقول :
يخربيتك يا خالد كنت هتبوظ كل حاجة
وضع الهاتف من يده و هو يتذكر مكالمته مع صالح
فلاش
-بقولك اي يا خالد .انا كنت عايزك في خدمة
-اؤمرني يا عمي
-انا استقلت من شغلي و كنت محتاج اقدم طلب تخلي عن الجنسية الكندية لو تقدر تضبطلي الموضوع ده في يومين قبل ما نسافر
خالد بصدمة: لا يا عمي بالراحة عليا افهم ..دي معلومات كثير في ثانيتين !! هو انا سمعت صح !! قلت عايز تتخلى عن الجنسية عشان استقلت و هتسافروا في يومين !؟؟
-ايوة يا ابني هو كدة
-استقلت ليه و ازاي ؟؟ و انتو مين اللي هتسافروا أنا مش فاهم حاجة !! 🤔🤨
صالح : ليه ده موضوع يطول شرحه...المهم انا قدمت استقالتي و عايز استقر في مصر بعد كدة و عايزك تساعدني اخلص الموضوع ده بسرية و سرعة لاننا هنسافر كلنا بعد يومين على مصر
-طب و سحر !! و كليتها ؟
-انا اتخذت قراري و خلاص يا ابني .. سحر مراتك دلوقت أكيد مش هترجع لوحدها . ..أمها هتكون معاها و انت مش هتسيبهم لوحدهم
فكر خالد قليلا ثم تذكر ما قاله له ياسين بخصوص اللوحات فهمس في نفسه : مادام ما قدرتش تتصرف فيهم طول الفترة اللي فاتت دي هنا يبقى أكيد اول ما هتسافر مصر هتحاول تبيع اللوحات هناك
-خالد!! انت لسة عالخط يا ابني ؟؟
افاق خالد من شروده: اه ...ايوة معاك ..بقولك اي يا عمي
انا اقدر اضبطلك الموضوع ده بكل سهولة بس عايزك تبقى صريح معايا عشان اكون صريح معاك
-خير يا ابني ؟؟..تكون صريح معايا ف ايه
-هأجاوبك على سؤالك بعد ما تجاوبني انت : هو انت هتطلق حماتي !؟؟
صالح بتلعثم : اي اللي انت بتقوله ده!😥
خالد : عمي اوعدك الموضوع هيفضل ما بينا ..سحر مش هتعرف كلمة واحدة حتى من اللي هنقوله ده !!
تنهد صالح قائلا : هقولك اي بس يا ابني 😔😮💨
خالد بتفكير : ما دمت بتقول انك هتستقر في مصر و هي هترجع مع سحر على كندا يبقى هتتطلقوا مفيش تفسير تاني للموضوع!
صالح بإحراج : أيوة يا خالد .. انا هاطلقها اول ما انزل مصر
تذكر جملته قبل قليل فقال : طب انت قلتلي انك هتصارحني؟ ب ايه ؟؟؟
خالد بإحراج : بصراحة يا عمي ...حماتي سرقت لوحات من قصر ياسين يساووا ملايين
صالح بصدمة: بتقول اي ؟؟! الواااا'طية الحرامية يعني ما سرقتش مني انا و بس !!
خالد بضيق : زي ما بقولك ...و ما دمت بتقول انك هتطلقها فأنا هقولك على السر ده
صالح بإهتمام : سرك ف بير يا ابني
خالد : الكاميرات جوة القصر لقطتها و هي بتسرقهم و اخذتهم معاها يوم ما مشيتوا .. ياسين كان مستني انها تبيعهم هنا بس هي أكيد خافت تنكشف ... بس مادمت بتقول انكم مسافرين يبقى أكيد هتبيعهم هناك
صالح : يا بنت الحرامية !! طب ناوي يعمل معاها اي ؟؟؟
-ياسين مش بيسمح لحد يستغفله ...أكيد هيربيها
صالح بغل ممتزج بشماتة : يا رييييت !!
انتبه لنفسه فاخفض صوته قائلا ؛: تستاهل ما دامت مدت ايدها للحرام و همس في نفسه : يا ريت يوديها ف داهية اهو يفش غلي فيها و يعمل اللي ما قدرتش انا اعمله
أكمى خالد :بص يا عمي ...عمليا هي هتحاول تخفيهم عشان تطلعهم ...انا هأسهل لها العملية و مش هنتفتش في المطار ...و هنسيبها تدخلهم مصر ...انت كل اللي عليك انك تمنعها ترجع كندا فورا
-امنعها ازاي يعني ؟! ما انا قلتلك هأطلقها يعني مش هنبقى ليا سلطة عليها !!
خالد ؛ عارف. .بس هي أكيد اول ما هتطلقها هتبيع اللوحات و تحاول ترجع على هنا ماهي أصلا مالهاش حد هناك و هتعمل حجة بسحر و ترجع
صالح : بس هي عندها عدة هترجع ازاي !!
خالد بتهكم: يعني فكرك هي هتستنى العدة لما تخلص عشان تطلع من البيت !!
ثم همس في نفسه : و النبي انت على نياتك يا عمي ..يعني اللي خات"نك و سرقت و هببت كل ده هتمسكها عدة!!
صالح : معاك حق يا ابني ... دي ولية قادرة .. طب اي المطلوب مني ؟
فكر خالد قليلا ثم قال
-انت هتقولها مثلا انها مش هتقدر تسافر لان الجنسية سقطت منها بالطلاق .... و على ما تسأل و تعرف الحقيقة هيكون ياسين صحي و موضوع اللوحات ظهر و ساعتها هو هيتصرف ... ادعي له أنه ما يطولش في الغيبوية بس
-يا رب يا ابني ...طب انا كنت عايز اطلب منك طلب اخير
-طلب اي يا عمي
صالح بإحراج شديد : الحرامية كانت واخذة مني مبلغ و لما احصيته كله طلع عشر إلاف دولار...لو تقدر تضبطلي الموضوع ده عايزها تمضيلي شيك بالمبلغ
خالد : حاضر يا عمي اتفقنا ...هشوفلك الموضوع ده كمان المهم ما تنساش اللي اتفقنا عليه
-طب يفضل موضوع اخير
خالد : اللي هو !؟؟
-سحر. هتبقى لوحدها في الحالة دي
خالد بتفكر: ايوة صح نسيتها! 😱
-عشان كدة انا عايزك تتجوزها و ترجع بيها على كندا مش عايزها تقعد لوحدها
-جواز اي بس يا عمي !! الجو هيبقى متلخبط عالاخر
صالح : ما تقلقش انا هأقنعها
عودة من الفلاش
-ربنا يستر و يقدر يقنعها و الا هيتخرب بيتي زي ما اتخرب بيت ابوها بسبب أمها الگلبة
خرجت سحر بغضب نحو غرفة والدها و هي تقول : بقى بتخبي عني انا يا خالد ! طيب انا هوريكم . .. أكيد بابا عنده علم بالموضوع و الا مكانش جاب سيرة الجواز دي
وصلت الى الغرفة و طرقت الباب برفق : بابا ... انت هنا؟
صالح : ايوة يا بنتي ادخلي ..
دخلت سحر لتجده يستلقي بحزن
-بتعمل اي في اوضتك الوقت ده !! مش قاعد برة ليه مع اعمامي أكيد وحشتهم القعدة معاك
صالح بضيق: اقابل اعمامك بأي وش يا سحر ...امك كس"رتني يا سحر ...محدش هيشوفني راجل بعد كدة 😓
إقتربت منه سحر و ضمته إليها بحب قائلة : ما تقولش كدة يا بابا ...انت سيد الرجالة ...هي اللي خسرتك و محدش يقدر يوطيلك راسك ...هي الوحيدة اللي حقها توطي ..ارجوك أنا مش متعودة اشوفك مهزوم بالشكل ده 😥
صالح: انا حياتي كلها اتدمرت في غمضة عين يا سحر .. عايزاني اكون قوي ازاي و انا شايف كل اللي بنيته سنين طويلة بيتهد قصاد عيني 😓😰
اطرقت سحر بإحراج و ضيق فهي تعلم جيدا مدى صعوبة الامر عليه و تدرك جيدا مدى الألم الذي يشعر به الان
سحر: هتعدي يا بابا ..احنا جنبك و عيلتك كلها معاك
حاولت أن تخرجه من الجو الكئيب الذي ينغلق على نفسه فيه فقالت بمزاح و هي تضحك
و بعدين انت لسة في عز شبابك اهو و الف وحدة تتمناك و بالعند في ماما انا هابتدي ادور من بكرة و هأخطبلك وحدة احلى و اصغر منها و هتخلف الولد اللي نفسك فيه كمان قلت ايه ؟ 😁
ابتسم صالح بإنكسار و هو يقول : لا يا بنتي جواز ايه و ولاد اي انا مبقيتش عايز حاجة .. كفاية اشوفكم انتم مبسوطين مع اجوازكم و اشوف ولادكم
سحر بتذكر: اه من حق ...في سيرة الجواز ...هو اي اللي انت قلته هناك ده ؟؟
صالح : قلت اي ؟؟
سحر: بتقول هأتجوز عشان ارجع مع جوزي. .. ما ارجعش مع ماما ليه ؟!
صالح بتفكير : و هي مامتك هتعملك ايه في بلاد غربة ؟!
سحر : لا بس انت قلت ان الجنسية هتسقط منها و انت عارف ان ده مش صحيح ...قلت كدة ليه يا بابا ؟؟🤨
فكر صالح ثم قال : انا قلت كدة عشان انتي توافقي تتجوزي ما تفضليش لوحدك معاها
انتي محتاجة ظل راجل معاكي ...عشان كدة انا اللي اقترحت على خالد تتجوزو ... حتى أنه رفض و قالي ان انتي كمان هترفضي.
بس انا عارف ان حبيبة بابا مش ممكن ترد طلبه الوحيد منها اللي يخليه سعيد بجد
سحر : يا بابا طلبك على عيني و راسي بس انت شايف ان ده الوقت المناسب يعني ؟؟ 😥
-ده انسب وقت صدقيني
سحر بشك: يعني مفيش حاجة تانية انت مخبيها عليا !!!
صالح بتصنع الدهشة: حاجة اي دي
سحر: مش عارفة....حاجة تخص ماما مثلا !! و محدش عارفها غيركم انت و خالد !!
وقف صالح و هو يحاول الهروب منها : معنديش حاجة اخبيها عنك و معاكي حق ... مفيش حاجة تستاهل استخبى عشانها .. انا طالع أقعد مع اهلي
خرج مسرعا و تركها تنظر الى اثره بقلق
-لاااا .. ده الموضوع شكله كبير اوي !!
في الخارج
تجلس الجدة حسنات و الى جانبها ولديها مرسي و شاهين و زوجاتهما هنادي و مديحة
تقدم صالح نحوهم و هو يلقي السلام
فرد الجميع السلام و تهلل وجهها و هي تقول بلهفة : ابن حلال يا صالح . لسة كنا بنجيب في سيرتك يا ابني
جلس صالح و هو ينظر إليهم بينما يبتسم الجميع
-خير يمة!؟
حسنات: كل خير يا ضنايا ...انت عارف ان نصيبك من ارض ابوك و من البهايم فضل معايا طول السنين دي
صالح بتعجب: ايوة عارف
حسنات و هي تنظر الى مرسي: احنا اتكلمنا عن الموضوع ده مع اخواتك و أظن جيه الوقت ان الحق يرجع لاصحابه
من بكرة تروح عند المحامي انت و اخواتك عشان تتكتب حصتك بإسمك و كمان عشان تحصي نصيبك من البهايم
صالح بتعب -مش عايز حاجة يمة ... انا اتحرمت منك سنين طويلة و من اللمة دي ....كل اللي انا عاوزه هو رضاكي عني
أمسك يدخل يقبلها بندم
-رضبانة انك يا ابني . مادمت خلصت من الجوازة العرة إياها انا رضيانة عنك لحد ما أقابل رب كريم
صالح -بعد الشر عنك يمة
مرسي -ما تقوليش كدة يمة ربنا يطول لنا في عمرك
حسنات: يا ابني الموت حق مش شر ...و انت لازم تستلم ورثك ده حقك و شرع ربنا ..انا بس كنت عارفة مراتك و عارفة معدنها الخب"يث عشان كدة رفضت تمسكه هي .... مكانتش هتخلي لك جنيه واحد .. الصنف ده انا عارفاه كويس عشان كدة كنت رافضة جوازك منها . .لو كنت من الاول سمعت كلامي و خطبت اختها مكانش كل ده حصل
-يمة نصيبي كان كدة 😓
-معلش يا ابني و ادينا بنتعلم من أخطائنا...ما تزعلش نفسك بس بكرة اجوزك ست ستها
نظر الى الباقين بإحراج و قال و هو يخفض رأسه: هو اي الموضوع يمة انتي تقولي اجوزك و سحر بتقول اجوزك ! هو انتي شايفاني لسة شباب ؟؟ لا انا مش عاوز جواز تاني .. كفاية اني اتطمنت على بناتي
مرسي : كلام اي ده يا اخوي انت عندك خمسة و خمسين مش عجوز عشان تقول مش عاوز جواز !
شاهين: مادام الحجة قالت تتجوز يبقى تتجوز مفيش نقاش
في تلك اللحظة دخل بدر و هو يقول : مين ده اللي هيتجوز
شاهين: بدر ! تعال يا ابن اخوي
بدر: سلام عليكم
رد الجميع السلام و قال مرسي:الحاجة عايزة تجوز صالح
جلس بدر و قال بتنهيدة: ربنا يسهلها...عمي صالح يستاهل كل خير .
وقف شاهين قائلا : يالا استأذن انا يمة
مديحة : و انا كمان
صالح : انا كمان عندي شغل الحق اخلصه و ارجع سلام عليكم
غادر ثلاثتهم و بقي بدر ينظر الى الأسفل بشرود
نظرت هنادي الى مرسي و اومأت له فقال
: ألا قل لي يا بدر
-ايوة يابا
-هو انت مش ناوي ترجع أرضك با ولدي ؟؟
بدر: ارجع ازاي ؟! ما انت شايف الظروف اللي انا فيها يابا و أظن احنا اتكلمنا قبل كدة
مرسي : احنا سبق و اتكلمنا و قلتلي انك ما تقدرش تأجر بيت عشان المصاريف هتبقى كثيرة عليك ...بس الوضع اتغير يا بدر ..أم بناتك ربنا يرحمها ...و انت دلوك بقيت مسؤول على ست ولاد يعني محتاج كل قرش ...مش تدي شقاك للغريب و تأخذ قرشين ما يوكلوش عيش حاف
نظر بدر إليهم بتعجب: قصدك اي يابا ؟؟
حسنات: ابوك قصده ترجع بيتك و تلم ولادك حواليك و تخدم أرضك بنفسك يا ولدي
بدر بدهشة: ارجع بيتي ازاي !! هي حنان هتقدر على خدمة ولادها اللي لسة لحمة حمرا لما هتراعي معاهم اربع بنات ؟؟
نظرت حسنات الى هنادي التي قالت
-لا طبعا مش هتقدر عشان اكدة احنا عندنا ليك اقتراح تاني يا بدر
بدر بشك: اقتراح اي يمة؟؟ 😕
هنادي و هي تنظر اليهم ثم اليه بتردد: احنا بنقول لو ترد بنت خالتك ...
بدر بصدمة: عتقولي اي يمة!! ارجع هناء !!! 😔
هنادي: و فيها اي يا ولدي ؟؟ منها تساعد حنان في الولاد و انت عارف البنات قد اي بتحبها ...و منها تكسب فيها ثواب يا ابني الولية حالتها بقت تصعب عالكافر دي حتى خست خمسطاشر كيلو من لما طلقتها
مرسي: انا شايف ان أمك معاها حق يا ولدي ...مش عشان بنت اختها .. عشان دي الطريقة الوحيدة اللي تقدر تلم ولادك بيها ف بيت واحد.
بدر: يمة انتي بتطليي مني ارجع اللي حاولت تس"مم لي مراتي
حسنات : هناء عب'يطة ايوة بس مش مجر"مة يا ولدي ... سنية غررت بيها و اهي اتعلمت من غلطتها و مستعدة تخدمكم من غير ما تعوز حاجة .. بقالها مدة و هي بتتحايل علينا عشان نقنعك ترجعها بس كنا رافضين ... بس الوضع اتغير يا ولدي و امك معاها حق ... البنات مش هتتقبل حنان بسهولة ...بس هتقبل هناء لانها هي اللي مربياهم .
مرسي : مش عنقولك اتجوزها بكرة ...بس فكر في الموضوع
بعد شهرين يطلعوا ولادك من الحضانة .. و امك ما تقدرش تشيل مسؤولية ست ولاد يا بدر
بدر بتفكير -طب ما ناخذ شيماء مع التوأم و نسيب الثلاثة الباقيين هنا ؟
حسنات : غلط يا ولدي .. البنات فقدوا امهم...مش هتفصلهم عن بعض كمان ...البنات لازم تفضل مع بعضيها و كمان لازم يفضلوا مع الولاد .. عشان يكبروا سوا و يحبوا بعض و محدش هيقدر يفرقهم لما يكبروا ...
مرسي : ولادك لازم يبقوا تحت جناحك يا بدر .. فكر في كلامنا زين يا ولدي .. كلها سنين و عيبقوا رجالة و بنات .. مش عايزين الماضي يفرق بينهم
اومأ بدر بضيق و هو يقوم قائلا : الكلام مع سابق لأوانه يابا ...
أم البنات اندفنت النهاردة بس ...
هنادي -ربنا يرحمها بس الحي ابقى من الميت
بدر :لمهم ربنا يسهلها ...انا رايح اقعد مع البنات
نظر الى امه و سأل : هوما فين اومال
هنادي بحزن: فوق السطوح مع سلمى بيلعبوا مع الحمام و كوثر في اوضتي
في منزل فاتن
تبدأ فاتن فورا في الاتصال بالمشترين المحتملين للوحاتها بعد ان تواصلت معهم عبر موقع السوق السوداء و هاهي تجري اتصالا هاتفيا مع احدهم الذي يبدو أنه مهتم جدا باللوحتين و خاصة شتاء كئيب التي قال أنه بحث عنها طويلا و لم يعرف من اشتراها حتى يزايد عليه و يأخذها منه
الرجل الغامض-كيف لي ان أتأكد انها اللوحات الأصلية ؟!
فاتن -انا متأكدة بأنها أصلية و هذا يكفي
الرجل الغامض-هل يمكن أن اعرف لمن تعود؟؟
فاتن-ماذا يهمك انت ؟! هل تريد أن تشتري أم لا
الرجل الغامض -بالتأكيد .... لكن يجب ان أراها فأنا لا أثق في الصور ..قد تكون مفبركة
فكرت قليلا ثم قالت : نستطيع أن نتقابل لكن أنا لا أستطيع السفر الآن.
-سأتي اليك انا اذن
-متى !؟ أحتاج المال في أسرع وقت
-سأكون في مصر غدا اذن و معي المال سنتم الصفقة ما أن أتأكد بأن اللوحات أصلية
-و البيضة ؟؟
-لا تهمني كثيرا كل ما أريده هو اللوحات الزيتية
-حسنا و كيف سنتقابل؟!
-سأخبرك حين أصل الى هناك
اقفلت الخط و هي تفكر : يا رب تتم الصفقة في هدوء و الآقي كمان مشتري للبيضة..
تذكرت صالح فجزت على أسنانها بغضب و هي تهمس من بين أسنانها : هتشوف اذا كنت هأندم عليك يا صالح الگلب ولا لا
هيبقى عندي ملايين و ساعتها هأجيلك و ارميلك العشر إلاف بتوعك في وشك و أتف عليه كمان .😤
نظرت الى هاتفها و تذكرت جون فقالت : اوووف الوقت متأخر ..هتكون الساعة ثلاثة الصبح .. زمانه نام دلوقت 😮💨
يالا هأبقى أكلمه الصبح ...فكرت قليلا ثم أرسلت اليه رسالة
-عزيزي لقد تم الطلاق اليوم و تخلصت من سيطرته أخيرا
فكرت قليلا ثم كتبت :
لكن عندي خبر غير سار ٫ الغب'ي يقول انني لا أستطيع السفر لاني لم اعد أملك الجنسية الكندية .. عليك تدبر هذا الامر من اجلي ارجوك .
وضعت الهاتف جانبا و راحت إلى المطبخ لتحضر شيئا تأكله
بعد قليل وصلتها رسالة نصية ...ثم توالت الرسائل لكنها كانت تضع الهاتف على الوضع الصامت لذا لم يصدر اي صوت .
بعد مدة عادت فاتن الى سريرها و نامت و هي تستعد ليوم جديد و تحلم بأن تتبدل حياتها بدءا من الغد الى أن غطت في النوم .
غرفة نوم حنان وبدر
حنان جالسة على السرير، تبدو عليها علامات الصدمة و الحزن يدخل بدر ويجلس بجانبها بهدوء
حنان، حبيبتي، آسف سبتك لوحدك طول اليوم عارف ان الوضع كان صعب عليكي انتي كمان
حنان بصوت مكسور : مش قادرة أصدق اللي حصل لحد دلوقت يا بدر سنية...ازاي قدرت تعمل كدة ؟ ازاي جالها قلب تفكر تقت"ل ولدين لسة ما طلعوش من الحضانة 😓
ازاي قدرت تتخلى عن بناتها بسبب كر"هها لينا ؟؟ طب ..طب انا هأبص في عينين بناتها ازاي بعد كدة !! و هقولهم ايه؟؟😰
احتضنها بدر بحب قائلا : ما تفكريش انتي في الموضوع ده انا هأعرف أحتوي بناتي دلوقت ازاي ...ما تنسيش انك لسة نفسة يا قلبي ... اهتمي بصحتك عشان العيال و عشان البنات كمان ...احنا لازم نكون أقوياء عشان هما بحاجتنا أكثر من أي وقت
حنان بضيق: طب انا هأقدر ارعاهم ازاي انا حاسة اني بأتقطع من جوايا بسبب اللي حصل خايفة ما اقدرش حتى ارعى ولادي لما يطلعوا 😭
تبدأ بالبكاء فيحتضنها بدر بحنان و هو يقول : لا يا قلبي احنا مش لازم ننهار دلوقت ... بنات سنية يبقوا بناتي يعني بقوم بناتك انتي من النهاردة يا حنان و لو ما وقفتيش انتي جنبي مين هيقف معايا ؟؟
حنان بتوتر وهي تمسح دموعها : خائفة يا بدر...خايفة ما اقدرش أكون الأم الي هوما محتاجينها ..خايفة ما يتقبلونيش في حياتهم انت عارف ان انا بأقدر اتفاهم مع شيماء بس
الثلاثة الباقيين مش بيحبوني من لما كنت عندهم ..تفتكر اي اللي هيتغير دلوفت ؟؟
بدر : ما تفكريش كدة يا روحي ...احنا هنكون عيلة واحدة، و هنديهم الحب والدعم . أنتِ قوية و انا هكون معاكي هتحاولي تحتويهم عشاني مش كدة ؟
حنان بإستسلام بينما تحتضنه :حاضر ..هأحاول عشانك و عشانهم
بدر و هو يشدد من حضنها؛ و انا مش عايز اكثر من كدة
في الصباح
استيقظ ياسين قبل أميرة و في الواقع لم ينم سوى ساعة او اقل لكنه كان ينتظر مكالمة مهمة في الصباح الباكر لذا تسلل الى الأسفل و كان سيتوجه الى مكتبه حين قابل خالد
-صباح الخير يا لودة
-صباح النور ...صباحية مباركة يا عريس 😁
ياسين بضحك : صباحية اي بس يا لودة انت نسيت ان انا عامل عملية و طالع من غيبوبة !!
خالد : يا شيخ اتلهي و بطل حجح فاضية ...معقولة تجيلك الفرصة مرتين و ما تعملش حاجة ؟! 🙄
ياسين :حجج اي بس يا شيخ حرام عليك ده انا لسة ما شلتش القطب حتى !!
خالد :يا عم بلا قطب بلا خط الاستوا لو انا مكانك كنت تممت الجواز حتى لو كنت متحنط🙄😂
ياسين :بس انا مش انت و يالا اتيسر شوف رايح فين؟؟
خالد : لا بجد اي الحكاية ؟؟
ياسين بهدوء: مفيش حكاية ...كل الموضوع انها مش مستعدة...و انا مش حيوان عشان اغصبها على حاجة هي خايفة منها يا لودة
خالد و هو يمسك في خده بتصنع الألم : ااااخ ...وقعتني بالقاضية يا تايزون ...في دي معاك حق ...يالا انا مسافر مش محتاج مني حاجة ؟!
ياسين : لا ربنا ييسرلك و توصل بالسلامة
-و انت هتتعمل اي مع صاحبتنا
-هتعرف قريب 😁
فجأة رن هاتف ياسين فنظر اليه و قال له : هنبقى على تواصل اوكي ؟؟
خالد و هو يغادر : اوك ..مع السلامة
أمسك ياسين الهاتف و دخل المكتب و هو يجيب : هنري صديقي كيف حالك ؟؟
-سيد ياسين !! مضى وقت طويل كيف حالك ؟؟
-بخير حاليا ...هل اخبرك إدوارد بالأمر ؟
-اجل و نحن في الخدمة في أي وقت فقط اريد معرفة التفاصيل منك
استيقظت فاتن و امسكت هاتفها لمعرفة الساعة لتتفاجأ بكم الرسائل التي ارسلها
فتحتها و راحت تقرأ بذهول :
إذا كانت الزوجة قد حصلت على الجنسية الكندية بناءً على إقامة زوجها وعمله، فإنها لا تزال تحتفظ بجنسيتها الكندية حتى بعد الطلاق.
الجنسية الكندية لا تُسحب تلقائيًا بسبب الطلاق أو تخلي الزوج عن جنسيته.
و هذا يعني انك لا تزالين قادرة على السفر و العودة الى هنا عزيزتي
انتظر اتصالا منك ما إن تستيقظي
يجب أن نتفق في أقرب وقت بخصوص بيع اللوحات
سنصبح اغنياء عزيزتي .. و بما انك اصبحت حرة فليس هناك ما يمنع وجودنا مع بعضنا ...أحبك "
امسكت الهاتف و اتصلت : الو جون سيباستيان
-حبيبيتي ..أخيرا تلقيت رسائلي !!
-اجل لقد رأيتهم للتو..هل انت متأكد بخصوص موضوع الجنسية؟؟
-اجل متأكد . يمكنك التأكد ايضا ...اسألي اي محام سيخبرك عن الامر
فاتن بهمس: غريبة ! اومال قالي كدة ليه؟؟
جون: المهم ..عزيزتي ماذا بشأن اللوحات؟
فاتن : لقد وجدت مشتر..و سيحضر اليوم
جون بطمع: حقا !!
فاتن : اجل ...سيتم عقد الصفقة اليوم و سأقبض مالي
-اذن ستعودين فورا اليس كذلك ؟؟
-لا تزال هناك البيضة ..يجب ان اجد لها مشتر هنا أولا ...هناك اخاف أن يتعقبها ياسين و يعرف بأني من أخذها
-لكني اشتاق اليك كثيرا
-لك يتبق الكثير ....سأعود اليك
-حاولي العودة بأسرع وقت ...ارجوكي
سمعت طرقا على الباب فقالت
-حسنا عزيزي هناك من بالباب ..نتكلم لاحقا
فتحت الباب بتوجس و وقفت تنتظر ذلك الواقف أمام الباب و هو يقول : انتي مدام فاتن رضوان عبد الحي ؟
فاتن بتوجس: أيوة انا 😕
-اتفضلي وقعي هنا عشان تستلمي الورقة. دي
فاتن بتعجب: ورقة اي دي !!
-امر من المحكمة بإخلاء البيت لصاحبته
فاتن بدهشة : اخلاء ايه اللي بتتكلم عليه ؟؟ أنا صاحبة البيت ده !!
المحضر القضائي : اللي مكتوب هنا ان البيت متسجل بإسم فاطمة رضوان عبد الحي...
فاتن بصدمة : مكتوب بإسم فاطمة !! 😳😳
بارت 93 🔥
-انت بتقول اي يا راجل انت ؟؟ بيت اي اللي مكتوب بإسم فاطمة ؟؟
-من فضلك يا مدام وقعي بإستلام اشعار الاخلاء و بعدين تقدري تشوفي المسألة دي مع محامي المدعية
اخذت فاتن الورقة و عيناها تنفثان نارا من شدة الغضب و هي تتوعد: بتبعثيلي اشعار بالإخلاء من بيت ابويا يا فاطمة!! طيب انا هوريكي 😠
في بيت رجب
فاطمة : يالا يا رجب انا جاهزة
رجب و هو ينظر الى كل تلك الأكياس
-اي ده كله يا ولية ؟! اي الاسبتة دي كلها !! هو انتي مفضية بيت المونة ولا اي؟!احنا رايحين نعمل واجب الجنازة بس ! 😕
فاطمة: واجب جنازة اي يا رجب انت ناسي ان بنت اختي نفسة ولا أي ؟؟يعنس عايز اهل جوزها ياكلو وشها و يقولولها اهلك بخلاء؟
رجب بضحك : ماهوما كمان اهلها..عموما يالا مش خسارة .. بدر جدع و بيستاهل كل خير ...الحمد لله ان ربنا عوضه بدل الولد اللي كان مستنيه بولدين
حمل الأشياء و هو هو ينظر حوله قائلا بتساؤل
-هي ندى راحت عند عمها؟؟
-لا راحت عند جارتنا ست سوسن
رجب بتذمر: اي الكلام ده يا فاطمة ! معقولة تسيب بيت عمها و تروح تقعد عند ناس غرب ؟؟
-ست سوسن مش غريبة دي ست سكرة و بتحب ندى اوي و من لما اتجوزت بنتها و هي حاسة بالوحدة و ما بتصدق لما حد يقعد معاها ..
-ايوة بس مهما كانت غريبة .
-يا خوي و هو القريب طلع منه اي ! مش اتحر"قت و هو مكلفش نفسه حتى ياخذها مستشفى خاص ؟! 🙄😒
رجب بضيق : ده كان قضاء و قدر يا فاطمة و اهو ربنا لطف
-الحرق قضا ...بس اللي عمله اخوك اسمه بخل ...ولا اللي عملته مراته ! لما تطلب من عيلة تحمر البطاطس ده اسمه استغلال ...لا و فوق كدة الب"جحة بتكذب البت في وشها و بتقولي هي اللي اصرت تساعدني في المطبخ!😤
آخر كلام عندي يا رجب .. انا مكنتش بأخلف بنات عشان يروحو يخدمو مرات اخوك 😏 ولو مش موافق على قعدتها عند الست سوسن انا هآخذ بنتي معايا المشوار ده🙄😒
نفخ رجب بضيق قائلا ؛ خلاص يا فاطمة...خلاص سيبيها مع الست سوسن و خلينا نمشي بس...يالا اتأخرنا...زمان التاكسي اللي طلبته وصل 😮💨
في القصر
ياسين مع أم أحمد في الحديقة يحتسيان الشاي بعد الغداء بينما دخلت أميرة تأخذ حماما
ياسين : مش عارف افاتحها في الموضوع ازاي يا ماما 😔
أم أحمد : تحب أكلمها انا ؟؟
ياسين : لا انا مش خايف من المواجهة ... انا بس محبتش أفتح الموضوع لاني متأكد انها هترفض بحجة اني عامل عملية ..
ام احمد : طب ما تستنى كمان شهر تكون خفيت!!
ياسين : اعمل اي يا ستي خالد مُصِر يسافر الأسبوع الجاي
ام أحمد بتفكير : بصراحة !!حسب ما قلتلي ما اعتقدش سحر هتوافق تتجوز بالسهولة دي مع كل الظروف اللي حصلت و اللي هتحصل لسة...لو عايز تأخذ رأيي .. انت كلم صاحبك الاول و خليه يتراجع عن قراره....
-كإنك ما تعرفيش خالد ...ده لو عليه كان سافر النهاردة و اتجوز بكرة
-عارفة... بس قرار التسرع ده مش في مصلحته و هيخلق شرخ في علاقتهم.. اساس العلاقة هو التفاهم يا ابني .. ان مكانش يفهمها و يقف جنبها و يدعمها في ظرف زي ده.. . هتثق فيه ازاي و هتأمنله ازاي على نفسها بعد كدة؟!
-كلامك منطقي يا ماما
أم أحمد بتأكيد : يا ابني اللي بتتكلمو عنها دي حتى لو كانت قت"الة ق"تلة مش بس حرامية ..بس في الاخير تبقى امها يعني اتطلقت بعد عشرة 26 سنة و مش عارفين هيحصل اي ف قضية اللوحات المسروقة و البيت اللي بتقول أنه ملك اختها... كل ده مش هين على البنت يا ابني ..تلاقيها دلوقت مصدومة صدمة عمرها و مقهورة من جواها على امها و الحال اللي وصلت ليه يعني هتكون محتاجة وقت طويل على ما تتعافى من الصدمة و أكيد هتحتاج دعمنا و وقفتنا جنبها في المحنة دي. .. مش بدل ما نعمل كدة نطلب منها تفرح و تتجوز و تهيص و لا كإن في حاجة حصلت !!
ياسين : معاكي حق في كل كلمة يا ماما ...انا هافهم خالد و مش هأجيب سيرة لأميرة بالمرة بخصوص كل ده
خلينا نأجل موضوع السفر ده على الأقل شهر
و همس في سره بتعب: يعني هتفضل كدة تتعذب شهر بحاله يا ياسين !! ربنا يعينك و يصبر قلبك بس 😮💨😓
- سفر اي ده يا ياسين ؟ 🤨
كان هذا صوت أميرة القادمة من بعيد و هي تنظر إليهما بتساؤل و شك
التفت ياسين و ام أحمد في وقت واحد و نظرت هذه الأخيرة اليه فقال بتساؤل
-مش احنا كنا ناويين نسافر مصر عشان نتجوز ؟؟
أميرة بدهشة : نسافر اي و نتجوز اي و انت عامل عملية انت اتجننت؟؟
نظر ياسين إلى أم أحمد و اكمل بتأكيد : اهو ده نفس الكلام اللي كنت بقوله لأم أحمد دلوقت ! تخيلي بتقولي هنفرح بيكم امتى..
نظر الى أم أحمد المندهشة و اكمل : قلتلها تفرحي اي بس مش لما أخف الاول!! و بعدين حتى لو وافقت انا أميرة مش هتوافق
أسافر و انا في الوضع ده ... عشان كدة يا ريت نأجل موضوع السفر ده على الأقل شهر 🙄
أميرة : ايوة طبعا ده أقل شيء. ..انا بقول نخليها شهرين احسن نكون اتأكدنا اكثر انك هتقدر على المشوار الطويل ده كله .. دي 12 ساعة بالطيارة مش لعبة!
ابتلع ريقه بضيق و همس في سره: شهرين ؟؟ ربنا عالظالم المفتري
ثم نظر الى أم أحمد قائلا :احم انا داخل اتمدد يا ماما تعبت من القعدة 😮💨😟
ام أحمد : اتفضل يا ابني 😊
أميرة : إستنى هاساعدك
كانت تهم بمسك يده لكنه قال و هو ينظر الى أم أحمد و يومأ لها بإشارة لم ترها أميرة : لا خليكي مع أم أحمد انا مش محتاج مساعدة
غادر ياسين و هو يمسك عكازا بحذر و بقيت أميرة مع أم أحمد
أم أحمد بصوت هادئ : أميرة، يا بنتي، تعالي اقعدي جنبي عايزة اتكلم معاك ف موضوع مهم.
وصلت فاتن الى منزل رجب و طرقت الباب بعنف و الشرار يتطاير من عينيها من شدة الغضب و هي تصرخ بأعلى صوتها: فاااطمة ...رجب !! افتحوا الباب ده حااالا 😤
مش عايزين تفتحوا ليه يا جبناااا ..😤
افتحي يا فاطمة يا مية من تحت تبن😠
فخرجت في تلك الأثناء جارتها سوسن قائلة بتعجب
سوسن: خير يا ست انتي عايزة اي ؟؟ و اي الدوشة اللي انتي عاملاها دي؟؟🤨
-انتي مالك يا حشرية انا جاية عند اختي ؟! براحتي !!
خرجت ندى و رأت خالتها فانطلقت نحوها ببراءة طفولية قائلة : خالتي فاتن !😍
كانت ستحتضنها بسعادة لكنها دفعتها عنها بغضب قائلة : اوعي كدة يعني العقربة امك تطردني من بيت ابوي و انتي جايالي بالاحضان ! امك فين انطقي! 😡
انكمشت على نفسها بزعل و قد اغرورقت عيناها فورا بالدموع فإقتربت سوسن منها بغضب بينما تحتضن ندى بحنان و هي تقول لفاتن: بالراحة عالبت دي عيلة....ذنبها اي عشان تعامليها بالشكل ده! روحي ارمي غلك في مكان تاني يالا امشي من هنا!؟😡
-ملكيش دعوة انتي ابعدي من وشي 😤
كانت ستتوجه ثانية نحو ندى لتسألها عن مكان والديها لكن هذه الأخيرة إختبأت بخوف خلف سوسن و هي ترتعش بينما وقفت سوسن امام وجهها بتحد و قالت بحدة: كلمة زيادة و هأتصل بالبوليس..اختك سابت ندى في امانتي و راحت راس البر عند بنتك تهنيها ..اي تصرف منك هتلاقي نفسك في السجن فاهمة 😠
نفخت فاتن بغضب وهي تنظر إليهما ثم انطلقت من حينها و هي تتوعد و تتربص بهم شرا
سوسن : تعالي يا حبيبتي ما تخافيش محدش هيقدر يأذيكي انتي معايا...
ندى و قد انهارت بالبكاء : هي خالتي مالها كانت بتزعق ليه هو انا عملتلها اي دي حتى كانت واحشاني ! 😭
-انتى معملتيش حاجة يا روحي هي اللي ربنا يهديها بقى يالا ندخل الدنيا برة برد عليكي و انتي لابسة هدوم خفيفة يالا يا قلبي بطلي عياط بقى و تعالي زمان الرز بلبن اللي عملناه من شوية برد مش انتي بتحبيه؟
اومأت ندى ايجابا و هي تمسح دموعها .
دخلت رفقة سوسن التي كانت تهمس في نفسها : كان معاها حق فاطمة في كل الي قالته عن اختها و اللي عملته في أميرة ...اذا كانت ما رحمتش حتى عيلة صغيرة ! ربنا يهدك... ولية جبروت بصحيح ..😠
في منزل عائلة الراوي
مرسي : أهلا و سهلا اتفضل يا حج رجب ..اتفضل من هنا
هنادي: خطوة عزيزة و الله يا ست فاطمة البيت نور النهاردة بوجودكم
فاطمة : منور بأصحابه يا ست هنادي ...ألف مبروك عليكم فرحنا لبدر من قلبنا
-الله يبارك فيكي يا ست فاطمة اصيلة يا اختي
رجب:يتربوا في عزكم و عز ابوهم يا مرسي و البقية في حياتكم في أم البنات
-تسلم يا اخوي
ثم نظر الى كل تلك الزيارة و قال : مكلفين نفسيكم ليه يا حج رجب احنا اهل مفيش بيننا تكاليف زي دي
رجب: تكليف اي يا مرسي اخوي ...ده أقل من واجبكم
هنادي: اتفضلي من هنا يا فاطمة يا اختي على ما انادي الحجة حسنات
رجب: اومال بدر فين عشان نقدم له واجب العزاء و بالمرة نباركله على الولدين
مرسي : راح المستشفى اخذ الرضعة للولاد زمانه جاي في أي لحظة
نادت هنادي بأعلى صوتها : سلمى !! بت يا سلمى
-ايوة يمة
اتصلي ببدر شوفيه فين و قولي لحنان ان خالتها هنا على ما انادي ستك
-حاضر يمة
خرجت سحر على صوتها قائلة بلهفة : الله ! هي خالتي هنا بجد !!
هنادي: ايوة يا بنتي وصلوا من شوية و دخلتهم اوضة الضيوف
سحر بفرحة: طب انا رايحة أقول لبابا و نروحلهم حالا ☺️
في قصر ياسين
أميرة بتردد :خير يا ماما كنتي عاوزاني ف ايه ؟
أم أحمد : بصي يا بنتي ..انتي شفتي ظروف ياسين كان شكلها اي من لما اتجوزتيه لحد دلوقت و مقدرة كل اللي هو مر بيه مش كدة ؟
أميرة بتأكيد : ايوة يا خالتي ...اللي مر عليه مش قليل
أم أحمد : صدقيني اللي مر عليه من قبل ما يعرفك كان اكثر و أصعب بكثير ...عارفة ليه ؟؟
اومأت أميرة بتساؤل فأكملت أم أحمد بهدوء : لإنه كان وحيد في مواجهة كل ده .. مش سهل تقاومي اي صعوبات و انتي حاسة نفسك وحيدة ...بيجي عليكي وقت تفكري تستسلمي ... بس من لما عرفك و هو رجع يقاوم بكل قوته ...لانه بقى ليه هدف تاني في الحياة و هو انتي ...هو أنه يكون قوي عشان يحميكي ..عشان يعيش معاكي اللي فاضل من عمره في سلام و سعادة
أميرة بشك : ايوة يا ماما عارفة كل ده ...بس بتقولي الكلام ده ليه دلوقت !!هو ياسين اشتكالك من حاجة ؟ 🤔
أم أحمد : ياسين مش محتاج يشتكي ولا حتى انتي ...انا شايفة كل حاجة و فاهمة كل اللي بيحصل حواليا وما دمت معتبرة نفسي امكم انتو الإثنين فأنا من واجبي اخاف عليكم انتو الإثنين و انصحكم انتو الإثنين و لما أشوف واحد منكم غلطان اوريله غلطته و اوجهه و أعرفه الصح من الغلط
أميرة بتوتر و قد بدأت تفهم قصدها
- صح اي و غلط اي يا ماما ما توضحي قصدك ؟🙄
ام أحمد : يا بنتي انا عارفة ان حالة ياسين الصحية كانت صعبة، وأنكِ كنتِي جنبه...و عارفة كمان قد اي انتي بتحبيه و خايفة عليه بدليل ما اتخلتيش عنه لحظة وحدة من لما حصل اللي حصل
بس يا بنتي الجواز مش بس مشاركة في الأوقات الصعبة، هو مشاركة في الفرح والسعادة كمان
اطرقت أميرة برأسها بضيق قائلة : تقصدي جوازنا اللي لسة عالورق مش كدة ؟ هو لمح بحاجة ؟ 😮💨
*أم أحمد و هي تضع يدها على يد أميرة
يا أميرة يا حبيبتي هو مش محتاج يلمح لإنه واضح في عينيه ، ياسين بيحبك و عايز يكون معاكِي ..هو صحيح محترم رغبتك و سايبك براحتك بس ما تنسيش حاجة مهمة
أميرة : حاجة اي يا ماما ؟
أم أحمد : مهما بين لك أنه مش فارقة معاه و أنه مستعد يستناكي العمر كله لكن هو في الاخير راجل عازب عدى الثلاثة و ثلاثين و ليه احتياجاته المُلِحة ، يعني مستحيل يقدر تحمل الوضع ده لفترة أطول.
قاطعتها أميرة بضيق : بس هو قال لي ....
أم أحمد : مش مهم قالك اي يا بنتي ....المفروض انك بتحبيه يعني بتفهميه و بتحسي بيه من غير ما يقول ...يا أميرة أنتو عايشين في اوضة واحدة ، صدقيني الموضوع ده مش سهل عليه و لو قدر يستحمل اسبوع كمان عالحال ده يبقى حطم الرقم القياسي في الصبر
اميرة بلجلجة: بس الموضوع مش في إيدي ...هو تعبان دلوقت و انا خايفة عليه مش اكثر ... هنستنى رأي الدكتور عشان كدة انا بقول مادام كدة كدة مش هيقدر يعمل حاجة يبقى نستنى لحد ما نسافر
-و افرضي موضوع السفر ده طال اكثر من كدة!!
أميرة بضياع : بصراحة ..مش عارفة يا ماما ...مش مستعدة و لا بافكر في الموضوع أصلا
أم أحمد:(بصوت أكثر جدية) يا بنتي الجواز هو التزام و بيتطلب تضحيات... ياسين محتاجلكِ جنبه بصفتك مراته بجد مش عالورق و بس و لو استمر الوضع ده اكثر من كدة ممكن يتسبب ما بينكم في مشاكل لا سمح الله
أميرة بخوف : مشاكل اي يعني ؟؟
أم أحمد بتأكيد : ياسين صبر كثير يا أميرة بس لكل شخص حدود للصبر مهما كان حبه كبير لو ما اتخذتيش قرارك بسرعة ممكن تخسريه
-أخسره ازاي يعني ؟ ياسين مش ممكن يسيبني عشان موضوع تافه زي ده
ام أحمد : أولا موضوع العلاقة عمره ما كان تافه بالعكس ده مشكلة اغلب المتجوزين و سبب النكد و الطلاق و الخيانات و حاجات كثير بس محدش بيصرح بانه السبب الحقيقي و بيفضلوا يستخبوا ورا اسباب تانية هايفة لان محدش عنده الشجاعة الكافية يواجه المجتمع و يقول أنه مش مرتاح في العلاقة ..
أميرة بدهشة : يا خبر !! 😳
اكملت ام احمد : و ثانيا يا بنتي انا لما قلت انك ممكن تخسريه ما قصدتش المعنى الحرفي ...يعني هو أكيد مش هيطلقك مثلا لانك منعتيه عن حقه الشرعي .. انا قصدت المعنى الاعمق : أنه ممكن يتغير ...ما يبقاش ياسين اللي انتي عرفتيه و الي حبك...ما هي القلوب بتتغير يا بنتي
أميرة : لا طبعا ..ياسبن مش ممكن يتغير معاي مهما حصل ؛! ده ..ده ضحى بنفسه عشاني ! 😓.
أم أحمد : الزمن و الظروف اللي بنعيشها هي اللي بتجبرنا نتغير يا بنتي ...بتخلي قلوبنا تقسى و تتلون و ممكن تكره حتى ...
نظرت إليها أميرة بدهشة فقالت : ما تستغربيش اوي كدة !! اومال اللي بيطلقوا دول اتجوزوا في الاول ليه ؟ مش لانهم حبوا بعض في يوم من الايام ! و كل واحد فيهم مضى قسيمة الجواز و هو حاسس نفسه اسعد انسان في الكون ؟؟
طب نروح بعيد ليه ؟؟ مش خالتك و جوزها متجوزين عن حب ؟؟ اي اللي يخليه يطلقها بعد 26 سنة جواز !؟! أكيد حصلت حاجات خلت قلبه يتغير ...يبطل يحبها ...و السبب افعالها
اميرة ببكاء : يا نهار ابيض ؟؟انا ازاي مفكرتش في كدة !! انا كنت انانية و فكرت في نفسي بس ...و فكرت أنه ممكن يستحملني لأبعد حدود بس لأنه بيحبني 😥
-زي ما قلتلك ... الصبر ليه حدود ...
ضحكت أم أحمد و هي تكمل : ماهو انتي لو كنتي لاحظتي تعابير وشه لما قلتي خليها شهرين كنتي فهمتي قصدي كويس 🙄😂
أميرة بدموع في عينيها : ماما قوليلي اعمل اي ارجوكي ..أنا مش عايزة اخسره، انا بس خايفة ...مش اكثر
أم أحمد بينما تحتضن أميرة المرتعبة : الخوف طبيعي يا بنتي بس الحب الحقيقي بيتغلب على كل حاجة
و انتي لازم تكوني قوية و تواجهي مخاوفكِ. ياسين محتاجكِ، وأنتِ كمان محتاجاله .. ما تحرميهش منك بسبب الناس و كلامها محدش حس بمعاناتكم او اتعذب مكانك انتي و هو طول الشهور دي ...
أميرة بضيق : بس ....
أم أحمد : انا عارفة انك عايزة تثبتي الكل انك شريفة ...بس انتي غلطانة ...يكفي ان جوزك يكون عارف ده
قامت و هي تقول دون ان تلتفت إليها
و على فكرة حتى لو سافرتو مصر محدش هيعرف اللي هيحصل ما بينكم لان ياسين هيعمل فرح في افخر أوتيل و هتقضوا الليلة هناك في افخر جناح... يعني أكيد مش يعمل دخلة بلدي بس عشان جيرانكم يعرفوا انك كنتي محافظة على شرفك !
وقفت أميرة خلفها بلجلجة: انتي شايفة اي يا ماما ؟
أم أحمد: انا شايفة انكم اتعذبتو كثير اوي انتو الإثنين ..كفاية لحد كدة ...من حقكم تفرحوا مش عايزاكي تحرمي نفسك و جوزك و تأجلي سعادتكم عشان خايفة من كلام الناس ..افرضي الحادث كان بجد و هو كان جوة العربية الي اتحر"قت ؟!بلاش الحادث
افرضي الرصاصة دي جات في قلبه ؟ كان ينفعك اي خوفك من كلام الناس ساعتها ؟؟
شهقت أميرة بخوف و أكملت أم أحمد بهدوء بينما تغادر
فكري في كلامي كويس و لو عايزة رأي ست عجوز ليها خبرتها في الدنيا دي انا من رأيي الحاجات دي هتبقى ليها ذكرى احلى و نكهة مميزة و حميمية اكثر و هتفتكروها ما بينكم لما تكون هنا في بيتكم مش في اوضة أوتيل
تركتها تفكر مليا و غادرت الحديقة
في منزل عائلة الراوي
كان الجميع يجلسون مع بعضهم رفقة رجب و فاطمة
النسوة تجلسن من جهة و بدر و مرسي و صالح من الجهة الاخرى و قد امتلأت الطاولات بكل ما لذ و طاب من واجب الضيافة
مرسي : اعمل حسابك يا رجب مش هتطلعوا من هنا الا لما تتعشوا
رجب : صاحب واجب يا مرسي يا اخوي بس احنا ما نقدرش نتأخر أكثر من كدة
بدر : كلام اي ده يا عمي الذبيحة اتذبحت أصلا ..انا مش هأقبل بالرفض ما تنساش اني جيت بيتك و اخذت واجبي كامل
رجب: الجايات كثير يا بدر يا بني أكيد مش هتبقى آخر مرة
حنان : بس ما لحقناش نقعد معاكي يا خالتي
سحر بزعل: اي و الله حنان معاها حق ما شبعتش منك يا خالتي
فاطمة: يبقى تعالي زوريني في أي وقت بيتي مفتوح لك😊
حسنات: يعني تدلوا من طنطا لهني و ما تاخذوش واجب الضيافة كامل و مكمل ؟؟ يقولوا علينا اي الناس ؟؟
فاطمة: واجبكم وصل و زيادة يا حجة ربنا يجعله عامر بحس اصحابه بس احنا سايبين بنتنا الصغيرة عند الجيران منقدرش نسيبها عندهم كل ده
هنادي: طب ما جبتوهاش معاكم ليه بدل الصربعة يا ست فاطمة
فاطمة: معلش يا هنادي هنبقى نجيبها في سبوع الولاد ان شاء الله
بدر: ان شاء الله يا خالتي
كان رجب سيقوم حين سمع الجميع طرقا عنيفا على الباب و صوت صراخ بأتي من الخارج
-افتحوووا البااااب هي فين السهتاااانة!!! اطلعيلي هنا و واجهيني يا فااااطمة !!!
نظرت سحر الى حنان و قالت بصدمة: ده صوت ماما !!! 😳
خرج الجميع لرؤية ما يحدث و معرفة سبب الضوضاء
خرج مرسي أولا و من خلفهم باقي الرجال بينما بقيت النساء في فناء المنزل الواسع ينظرن بترقب و اقتربت فاطمة و سحر و حنان
مرسي : دستوووور يا ست انتي ازاي جاية تتهجمي على بيتنا بالطريقة الهمجية دي !؟
فاتن بغضب: انا مش جاية عشانكم انتو انا جاية عشان اختي المحترمة اللي طعنتني في ظهري و اخوك الناقص اللي عمل عليا فيلم قبل ما يطلقني 😤
-عليا النعمة ما حد ناقص غيرك يا قليلة الرباية....قالتها حسنات
خرج صالح في تلك اللحظة و كان بصدد أن يجيبها لكنه تفاجأ بوالدته تشير له بعكازها بأن ينتظر قائلة جملتها بغضب ممتزج بإحتقار بينما ترمقها من الأعلى الى الأسفل
فاتن بوقا"حة : سبنالكم التربية ليكم يا حسنات .. يا كبيرة عيلة الراوي اللي قر"فتو عيشتي بيها سنين طويلة ...انا عايزة أقولك ان ابنك ده مش بس ناقص. ..لا و كمان جبان
رايح يتفق مع اختي و جوزها عشان ياخذو مني البيت اللي حيلتي
رجب: ما تحترمي نفسك يا ولية هو محدش مالي عينك هنا و لا ايه ؟!
فاتن بغضب: مش دي الحقيقة يا جوز اختي المحترم ؟!
في تلك اللحظة خرجت فاطمة المذهولة
-فاتن !! اي اللي بيحصل ده و مال صوتك عالي كدة!!
-ايوة يا اختي اعمليهم عليا اعملييييهم !! عمالة تتسهتني و عاملة لي نفسك طيبة و القط بياكل عشاكي و انتي نار من تحت تبن ...صدق المثل : تحت السواهي دواهي 😤
فاطمة بصدمة: دواهي اي و نار اي ؟؟
نظرت الى زوجها بصدمة و قالت : بتتكلم عن اي يا رجب!
-بلاش تعملي نفسك مصدومة انتي عارفة كويس انا باتكلم عن اي
-لا و الله مش فاهمة حاجة ولا عارفة حاجة !!
حد يفهمني اي اللي بيحصل !! رجب ؟! ما تتكلم ؟؟
رجب بغضب: حرام عليك اختك عيانة اقصري الشر و امشي نتكلم في بيتنا
-يحرم عليا بيتكم و لو شفتني عتبته ابقى رشني بمية نااار و مش متحركة من هنا قبل ما اخذ حقي منكم بالجزمة القديمة
صالح : اتفضلي روحي للمحامي و هو يفهمك بلاش فضايح الناس بتتفرج
فاتن : انا مش متحركة من هنا الا لما افهم ايه المسرحية الرخيصة اللي عملتوها مع المحامي
فاطمة بتعجب: يا اختي ما تفهميني في اي سيبتي ركبي
-طيب يا ست فاطمة انا هقولك عشان تبطلي كهن و تشيلي قناع الطيبة لأنكم انكشفتو على حقيقتكم خلاااااص ....
نظرت الى الجميع و قالت بغضب
أنا وصلني اشعار بإخلاء البيت قبل ما اجي على هنا عشان كدة انا رحت عند محامي بابا الأستاذ عزت عبد المجيد و سألته عن عقد البيت هناك عرفت انكم رحتو لعنده عشان تقسمو البيت و كل واحد ياخذ حقه.... لقيته بيقولي ان بابا كان سايب وصية مع محامي عيلة مراته و بعدها مش فاهمة ازاي يطلع البيت مكتوب بإسمك انتي و يوصلني اشعار بالإخلاء منك ...فهميني ازاي ؟؟؟ هاااا
-أنا هأفهمك ازاي
قالها صالح و هو يتقدم بهدوء
-و ليك عين تتكلم يا و"اطي!!انا بأكلم اختي مش عايزة اسمع صوتك 😤
-انا لحد دلوقت عامل حساب لبناتي و لعشرتنا و ما قلتش حاجة بقى أخرسي و اسمعيني احسن ما اخلي اللي ما يشتري يتفرج فيكي يا خا"ينة يا عديمة الأصل
صمتت فاتن و بقيت تنظر اليه بغل فقال : انا من قبل ما اطلقك كنت ناوي ارجع الحق لأصحابه ...مش عدل ناخذ بيت كبير زي ده لوحدنا ..حتى لو صاحبة الحق راضية انا قلبي ما طاوعنيش اكون ظالم زيك و نستغلها بالشكل البشع ده .. عشان كدة اتصلت برجب و رحنا فعلا عند محامي ابوكي الاستاذ عزت عبد المجيد عشان كنا فاكرين ان عقد البيت كان عنده و طلبنا منه يحضرلنا اجراءات تقسيم البيت و نصيب كل واحد يطلع كام عشان ادفعلهم حقه و نحتفظ بالبيت
فلاش
-انتو اتأخرتو كثير يا استاذ رجب. .انا كنت مستني الزيارة دي من زمان
رجب : و الله حصلت ظروف خلت المدام تتنازل عن نصيبها في البيت لاختها بس مكانش فيه اي اجراء رسمي ...دلوقت الظروف اتغيرت و قررنا ان كل واحد ياخذ نصيبه بما يرضي الله
المحامي: و هو كذلك. ...في الحالة دي أنا هديكم كارت المحامي سعيد عبد الناصر
رجب بتعحب: مش ده محامي عيلة النحاس؟؟
المحامي: ايوة يا استاذ رجب...لما رضوان بيه اتوفى محامي عيلة النحاس أتصل بيا و قال ان عقد البيت معاه و ان المرحوم رضوان سايب وصية عنده
رجب : وصية اي!!
المحامي : خذو الكارت بتاعه روحوا لعنده و انتو تعرفوا
عودة من الفلاش
اكمل صالح كلامه بهدوء: من غير ما نقول لأختك فاطمة رحنا عند محامي عيلة النحاس لقينا ابوكي سايب وصية
رجب :بيقول فيها ان البيت ملك لعيلة النحاس كتبه سيد النحاس لبنته نجلاء قبل ما تتجوز رضوان و هي كتبته بإسم رضوان بعد الجواز
بعد ما رضوان ابوكي تعب و كان في آخر ايامه شاف ان أقل حاجة يقدر يعملها عشان يكفر عن ذنبه في حقها هي أنه يرجع البيت بإسمها هي ...
فاتن بغضب : يعني اي ؟؟
صالح : يعني المحامي بيقول إن البيت من قبل ما ابوكي يتوفى كان مكتوب بإسم السيدة نجلاء السيد النحاس و بعد وفاتها هي طبيعي البيت يرجع لوريثتها الشرعية الوحيدة :
فاطمة رضوان عبد الحي
اكمل رجب : .يعني اختك بجد متعرفش حاجة...لو كانت تعرف أكيد كانت رفضت لانها طيبة و ما تستاهلش يكون ليها اخت طماعة زيك
بقي الجميع يتساءلون و كثر الهمس لكن امتنع الجميع عن التدخل بما أنها مسألة تخص فاتن و فاطمة
فاتن بضياع : انتو بتقولو اي!! انا مش فاهمة حاجة !! اي الحكاية اللي طلعتولي بيها دي .. دي لعبة منكم أكيد ! انتو كلكووو كذاابين
رجب -تقدري تروحي عند المحامي و هناك هتلاقي العقد الاصلي ..
فاتن بصدمة: لااااا ...مستحيل ....ابوي مستحيل يعمل فيا كدة !!! هي حصلت يحرمني من الميراث !! يرجع البيت بإسم مراته عشان انا ما اورثش منه حاجة !!
صالح : ده العدل ..ابوكي عمل اللي شافه صح ...البيت في الأصل ملك والدة فاطمة..و وريثتها الشرعية أكيد هي بنتها
فاتن بصراخ هستيري - ااااه الوريثة الشرعية قلتلي !!
طبعا مش بنت الست نجلاء السيد النحاس !! بنت الحسب و النسب !! أطلع مين انا عشان اورث معاها ..ما انا اوصمة العار ...غلطة عمره ...البنت اللي جايبها في الحرام مش كدة !! 😤
شهق الجميع بصدمة و صعقت سحر و هي تنظر الى حنان التي كادت ان تقع من شدة الصدمة قائلة : بنت حرام !!! 😱
يتبع بقلمي آلاء إسماعيل البشري 🔥
صدمة مش كدة !! البارت الجاي هتعرفوا حقيقة فاتن و ماضيها و ليه بقت كدة و استنوا فرحة لياسين و أميرة
بارت 94🔥
-ده العدل ..ابوكي عمل اللي شافه صح ...البيت في الأصل ملك والدة فاطمة..و وريثتها الشرعية أكيد هي بنتها الوحيدة
فاتن بصراخ هستيري - ااااه الوريثة الشرعية قلتلي !!
طبعااااا !!! مش بنت الست نجلاء السيد النحاس 😤 !! بنت الحسب و النسب !! أطلع مين انا عشان اورث معاها ..ما انا اوصمة العار ...غلطة عمره ...البنت اللي جايبها في الحرام مش كدة !! 😤
شهق الجميع بصدمة و صعقت سحر و هي تنظر الى حنان التي كادت ان تقع من شدة الصدمة قائلة : بنت حرام !!! 😱
أمسكها بدر بقلق : حنان حبيبتي انتي نفسة تعالي ندخل
ابعدت يده بضيق و هي تقول : لا استنى افهم الحكاية !
إقتربت فاطمة منها و قالت بتوتر و احراج بينما تنظر للباقين : فاتن ارجوكي الموضوع ده ما بينا ما يصح....😰
قاطعتها فاتن بغضب : هو اي اللي ما يصحش؟ مش دي الحقيقة اللي خلتوني كر"هت نفسي بسببها؟؟؟ هااا 😡
نظرت الى حسنات و أكملت بغل : مش دي اللي خلت كبيرة عيلة الراوي تحت"قرني و ترفض تعترف بيا كمرات ابن ليها طول السنين اللي فاتت دي؟!
نظرت إليها ثانية و أكملت :مش كانت عايزاكي انتي كنة ليها لانك سليلة الحسب و الأصل !!
فاطمة بضيق : لا مش صحيح يا فاتن ارجوكي بلاش فضا"يح🤫
نظرت فاتن إلى حسنات بكره: مش مصدقة ان دي الحقيقة ....قوليلها ان انتي من الاول كان عينك عليها و عمرك ما حبتيني ولا اعتبرتيني كنة تشرف عيلة الراوي ...قوووليلها 😤
حسنات بتهكم: و هي تنظر إليها بإزدراء : و كان عندي حق بصراحة .. ما العرق بيمد لسابع جد 🙄
بصي لتربية أختك و بصي على تربيتك مع ان نفس الست الطيبة مربياكم بس ظهر معدن وفاء في الاخر 🙄😏
نظرت الى صالح و أكملت : فهمت سبب اعتراضي دلوقت !
همست سحر لنفسها : بقى هي دي الحقيقة !! مش عشان خلفة البنات بس!! معقولة مفهمانا طول المدة دي أنها كانت عايزة تجوز ابوي بوحدة تانية عشان امها مخلفة بنتين و خايفة تطلع زيها أم بنات؟؟ اتاريها مش امها أصلا !! 😱
كانت حنان ستسقط أرضا من شدة الانهيار لم تستطع الصمود أمام تلك الصدمة فأمسكها بدر وادخلها بينما أكملت فاتن بغضب و هي تنظر الى فاطمة :
شايفة المقارنات الغبية اللي أنا مضطرة اتحملها طول عمري بسببك 😤!! انتي بنت الست نجلاء بنت الباشوات و انا بنت البطة السودااا ...انتي الطيبة و انا الوحشة.😡 انتي الملاك اللي نازل من السما و انا الشي"طانة بنت إبلي"س
...طول عمرك كنتي المفضلة عند الناس كلها مش عند بابا بس !! طب ليه ؟؟ انتي احسن مني ف ايه يعني !؟ 😤
نظرت فاطمة إليها بحزن و قالت : يا فاتن كل ده في اوهامك انا و الله بحبك و حتى ماما عمرها ما فرقت بيننا 🥺😥
-ايوة ..بس فرقت بين بابا و ماما 😤..حرمتني من حنان ابوي و اني اتربى في حضنه زي اي بنت في سني ...
.كان خايف يخسرها و يخسر معاها البيت و الشغل و العز اللي كان عايش فيه بفضلها هي و عيلتها... عشان كدة رفض يتجوز ماما ..كان طول عمره شايفها غلطة عمره ..الست اللي لعبت بعقله و خلته يخو"ن مراته و اضطرته يتجوز عليها عرفي...عشان كدة فضلت عايشة في السر لحد ما ما"تت بقهرتها بسببكم....أبوي ضحى بينا احنا عشان يرضي أمك و عيلتها .....عشان كدة انا بكر"هك .. و بأگره أمك و بأكر"ه سهتنكم و كهنكم ده.. و ما بطيقش طيبتكم المقر"فة انتي و هي😤 ...و مش مسامحاكم أبدا على اللي حصل فيا و في أمي بسببكم😡
نظر صالح الى رجب و كان سيتكلم لكن رجب أشار له بالنفي و منعه من التدخل بإشارة رجاء فتراجع على مضض
حسنات بإشمئزاز : أما انك و"قحة بجد ...ده جزات الست الطيبة اللي ربتك مع بنتها بعد ما اتيتمتي و نسيت المسكينة انك بنت الست اللي لفت على جوزها و وقعته في الغلط....وحدة تانية كانت رمتك انتي و هو بس هي ست اصيلة و عملت بأصلها ...الدور و الباقي عاللي ربت في قلبك كل الكر"ه و الحق"د ده ليها مع انها هي الغلطانة من الأول ..محدش ضربها على ايدها و قالها روحي لفي على واحد متجوز بس نرجع و نقول : كل واحد يعمل بأصله 🙄😒
انتفضت بغضب و هي تقول :اخرسي ما تجيبيش سيرة أمي على لسانك !! 😡
رجب : و الله اللي انا شايفه ان أمك الله يرحمها ربنا توفاها و سترها و انتي اللي فض"حتيها وجبتي سيرتها قدام الناس كلها ..ربنا يهديكي بس
فاتن بغضب : و انا عملت كل ده ليه؟؟ مش عشان اخذتو مني البيت و طردتوني في الشارع !!😤
رجب : البيت بإسم اختك و مسير الحق يرجع لاصحابه ان مكانش النهاردة يبقى بكرة بقى اعملي حسابك تروحي فين من هنا لوقتها...
فاتن بقهر -بس هي كانت اتنازلت لي عنه بقى اي لزمتها حركات النذالة دي !؟ فتحتو الملفات القديمة ليه و رجعتو في كلامكم بعد ما ادتوني كلمة ليه ؟؟ 😠
رجب : صاحبة البيت الي هي اختك تبقى مراتي و كرامتها من كرامتي و مالها هو مالي طبيعي أحافظلها على حقها و املاكها ...اه اختك من طيبتها اتنازلتلك عليه بس انتي واقفة بكل بجا'حة و قلة أدب تقوليلها كلام يسم البدن... معنى كدة انك ما تستاهليش اخت زيها و لا تستاهلي يتعامل الواحد معاكي بالذوق
فاتن:كدة!! ده آخر كلام عندكم؟؟
رجب : ايوة كدة ..معنديش كلام تاني
فاتن : ماشي يا رجب ..هتندمو كلكم صدقووووني ...هأفكرك في اليوم ده يا فاطمة يا بنت نجلااااء ..مش هأعدي اللي انتو عملتوه فيا انتي و جوزك ده بالساهل ...هتعرفي قريب اوي مين هي بنت وفاء 😡
رجب بتحد: أعلى ما في خيلك اركبيه يا ...بنت وفاء 😒
مرسي:و دلوقت لو خلصتي اللي عندك اطلعي برة بيتنا...قبل ما غلك يحر"قنا كلنا 😤
أمسكت حسنات بيد فاطمة المنهارة و ادخلتها وسط دهشة الباقين و همهماتهم من الموقف المحرج
دخلت سحر مسرعة الى غرفتها ثم توجهت الى الحمام و اغلقت الباب على نفسها و هي تجلس خلفه و هي تمسك رأسها من شدة الصدمة و قد بدأت دموعها في الانهمار كالسيل
خرجت فاتن و هي تشتعل غضبا وركبت سيارة اجرة لتعود الى المنزل بينما ترسل منشورا اخرا علها تجد مشتريا للبيضة..؛
انا ما بقاش ليا مكان هنا ..يشبعوا ببيتهم جاتهم القر"ف ..يا رب الاقي مشتري تاني عشان اخلص من أم الموضوع ده كله و اسيبلهم البلد باللي فيه
بعد مدة رن هاتفها
-الو ..نعم
-أنا في مصر ..سنتقابل بعد ساعة ...
-اين!؟
-سأرسل لك العنوان
فاتن : حسنا ...نلتقي بعد ساعة ..
اقفلت الخط و هي تقول بغل:هتشوفوا فاتن اللي انتو مستقلين بيها هتبقى ايه ...اوعدكم اني هأدوسكم زي الحشرات يا جر"بانين
في القصر
صعد ياسين الى جناحه و دخل الى شرفته يراقبهما من بعيد و هو يهمس بحزن: يا رب تسمع كلامك يا ماما
دخل الى غرفته و أمسك هاتفه يتصل بخالد
-اي الاخبار يا لودة
-أهلا يا عريس مع وقف التنفيذ 😁
ياسين: و النبي ما تبتدي نريقة مش فايقلك أصلا 😒
خالد : لا خلاص مش هقول حاجة لانك لسة طالع من عملية هأستنى لما تخف و بعدين هأمسح بكرامتك الارض يا فا"ضحنا...🙄😂
ياسين : و بعدين معاك الله !! و انا اللي اتصلت اقولك لو نأجل موضوع جوازك انت كمان !!😤
خالد : لا و الله !! نأجله ليه ان شاء الله شايفني خيبة زيك يعني !!
-لا يا خالد ..بس الموضوع معقد حبتين ...انا بقولك لو تفكر تاني
-افكر ف ايه يا جدع انت؟؟🤔
-بص يا لودة ...انا كنت بأتكلم مع ام أحمد بخصوص موضوع جوازكم و بصراحة اقتنعت بكلامها و شايف ان عندها حق في كل كلمة
خالد : ااااه.... قلتلي أم أحمد مش كدة !! هات احكيلي يا سيدي ..عندها حق ف اي بالضبط 🤔؟
في منزل عائلة الراوي
فاطمة تجلس بتعب و الى جانبها هنادي و حسنات لتهدئتها
فاطمة بإنهيار :
معقولة مخبية الكره ده كله في قلبها ليا 😥!؟! ليه بس🥺؟ ده انا بحبها و بأخاف عليها زي بناتي😓 !! ما تتخيليش فرحتي كانت قد اي لما عرفت أن ليا اخت كبيرة 😭
هنادي: ما تزعليش نفسك يا اختي ..المشكلة فيها مش فيكي ..
حسنات :للأسف امها ملت قلبها سواد من ناحيتكم.. ما تنسيش كان عندها 7سنين لما م"اتت وفاء يعني ماكانتش صغيرة للدرجة دي و كانت واعية لكل حاجة و مخزنة كل ذكريات الكره دي
فاطمة بحزن : أمي اول ما عرفت الحقيقة من أبوي صحيح زعلت و انقهرت و اتصدمت صدمة عمرها !! ازاي عاشت مخدوعة سنين ... بس بعدين رضيت بالأمر الواقع خصوصا بعد ما ما"تت و سابت بنتها يتيمة ... استقبلتها و حنت عليها عشان ما تحسش باليتم ...دي حتى كانت بتضطر تعاملها أحسن مني عشان بس تبطل تقارن ما بيننا في كل حركة و كل حاجة تعملها أمي معاي 😭
تجي بعد العمر ده كله ترمي في وشي كل الكلام الس"م ده ! طب احلف لكم ب ايه اني مكانش عندي خبر بحاجة و ان رجب و صالح اتصرفوا لوحدهم !😭
حسنات : اهدي يا بنتي انتي عيانة... عمرك ما تق"هري نفسك على حد بايعك ...فكري في اللي شاريكي : جوزك و بناتك محتاجينك هيحصل لهم اي لو جرالك حاجة؟
هنادي: الحجة معاها حق يالا يا ست فاطمة قومي معاي تغسلي وشك
في تلك اللحظة نادى مرسي بصوت عال
-هنادي
خرجت هنادي مسرعة : ايوة يا حج
-الحج رجب بيقول التاكسي برة
هنادي :هتروح ازاي في الوضع ده ما تسيبها ترتاح الاول
-لا معلش يا ست هنادي انا كويسة ...بالإذن يا حجة حسنات و آسفين على اللي حصل 😓
حسنات : اذنك معاكي يا بنتي و ما تتأسفيش اللي حصل ده انتي ملكيش يد فيه...مش ذنبك ان اختك وحدة قليلة أصل
في قصر ياسين
ياسين: المهم اديني فهمتك وجهة نظر أم أحمد و قبل ما تبتدي تتفلسف لي عايزك تحكيلي انت دلوقت موضوع حماتك ده ؟!
خالد : اسكت ...حماتي دي طلعت حكايتها بنت لذينة...تخيل عمي صالح راح عند المحامي على اساس يقسموا البيت و كل وحدة تأخذ نصيبها لقوا البيت أصلا مكتوب بإسم فاطمة و ابوهم سايب وصية عند المحامي
-ازاي يبقى البيت بإسم اختها؟؟
خالد : قال يا سيدي رضوان ابوهم زمان كان عايز ولد بس نجلاء ام فاطمة اتأخرت في الحمل ..بعد سنة و نص من جوازهم اتعرف على وفاء ..لفت عليه بطريقة خب"يثة و وقعته في شباكها و خلته يغلط معاها و المشكلة حملت فورا عشان يضطر يتجوزها غصب عنه...بس اللي حصل غير كدة..رضوان عرف غلطته و محبش يغرق في الغلط اكثر
-ايش معنى ! 🤔
خالد : قال عيلة النحاس افضالها كانت مغرقاه ...بأي عين كان هيروح يقولهم انا خن"ت بنتكم ! قام مكتم عالخبر و أخذها بعيد عنهم و متجوزها عرفي لحد ما ولدت و فضلوا على كدة لحد ما نجلاء ولدت فاطمة....ساعتها انكشفت الحكاية !!
ياسين : حصل اي ؟؟
خالد :وفاء كانت بتزن اكثر و اكثر عليه في موضوع الجواز و هو مكانش مستعد يخرب بيته و يخسر مراته اللي كانت قايدة له صوابعها العشرة ...عشان كدة قررت تروح لهم بنفسها و تكشف عن علاقتها بيه قال يعني تحطهم قدام الامر الواقع بس اللي حصل العكس ...
رضوان عمل المستحيل عشان نجلاء تسامحه و ترجع المية لمجاريها ما بينهم و طبعا قطع علاقته خالص بوفاء بعدها
وبعد اربع سنين وصله خبر انها اتوفت و بدل ما البنت تترمي في ملجأ ...طلب من نجلاء تربيها مع بنتها و تعوضها عن حنان الام اللي اتحرمت منه حتى لما كانت امها عايشة ...بس للأسف ما طمرش فيها الخس"يسة
ياسين بتعجب: بس ازاي يرمي بنته و ما يسألش فيها كل السنين دي انا الموضوع ده أصلا ما دخلت دماغي يا خالد ؟
هو في راجل عنده ذرة مروءة يعمل كدة ؟؟ دي مهما كان بنته و هو اللي غلط مفروض يتحمل نتيجة غلطته و على الأقل يصرف عليها ! مش يخاف على مشاعر مراته و عيلتها و يقاطعهم !!
خالد : هو انت شايفني خلصت كلامي ؟؟ 😏
ياسين بدهشة : ليه هو الموضوع لية ما خلصش ؟؟؟ 🤔🤔
خالد : لا طبعا ...اومال هو سايب وصية بتاع ايه؟؟
ياسين بفضول:اه قلتلي وصية !! وصية اي دي ؟!
خالد : عمي صالح بيقول المحامي قرأ الوصية ليهم هوما الإثنين بس و هو و عمي رجب اتكتموا عالخبر بس عمي صالح صارحني و انا مش متعود اخبي عنك حاجة ... بس خلي بالك الموضوع ده محدش يعرفه غيرنا احنا الاربعة
ياسين : اخصة عليك يا خالد ..انت تعرفني ليا مين غيرك احكيله أصلا !!هاا قول ؟؟ مكتوب اي في الوصية ؟؟
مصر
في مقهى صغير في المدينة
فاتن تجلس في زاوية المقهى، تنتظر شخصًا ما.
فجأة يدخل رجل غامض يرتدي معطفًا طويلًا و يضع قبعة تخفي معظم ملامحه و يغطي عينيه بنظارات سوداء
يجلس أمامها بهدوء : سيدة فاتن ؟
اومأت فاتن بتوجس: نعم انا هي
الرجل الغامض: هل أحضرت اللوحات؟
فاتن (بثقة): إنها في مكان آمن.... هل أحضرت المال؟”
أخرج الرجل حقيبة صغيرة ويضعها على الطاولة.
فتحها ثم رفع الغطاء قليلا فقط حتى لا يثير الريية لتذهل فاتن برؤيتها اياها مليئة بالنقود من فئة الدولار الأمريكي
كانت ستمد يدها إليها لكنه اغلقها و أعاد سحبها إلى جانبه قائلا : “أريد أن أرى لوحاتي أولاً.”
-انها في المنزل ...لا يمكنني أن اتجول بلوحات كهذه في الشارع !
-ستذهين لجلبها اذن و سنلتقي ثانية و تحصلين على مالك
فاتن :أين سنلتقي؟
الرجل الغامض ؛ سأرسل إليك الموقع ... تذهبين أولا و تحضرين اللوحات و سيلحق بك رجالي ثم تتجهين الى الموقع المتفق عليه و هم خلفكِ
فاتن بترقب: و ما فائدتهم ؟؟ أستطيع العودة لجلب اللوحات و موافاتك الى الموقع المتفق عليه
الرجل الغامض : هذا أفضل ... لضمان وصول امانتي
وقفت و هي توميء له بالإيجاب
خرجت و هي تنظر حولها لتجد رجلين واقفين عند مدخل المقهى مظهرهما مثير للريبة يلحقان بها
لاحظ توترها فقال : لا داعي للقلق ...هؤلاء رجالي ...و سنختفي من هنا ما إن تتم الصفقة
ركبت سيارة اجرة و لحق بها الرجلان بسيارة اخرى و من خلفهم الرجل الغامض بسيارة ثالثة و قد ترك بينه و بينهم مسافة ثم غير مساره بعد فترة
عند خالد و ياسين
خالد : يا سيدي الراجل كان سايب رسالة مفصلة يقول فيها سره و يشرح اللي ما قدرش يقوله لحد و هو عايش و في نفس الوقت كانت بمثابة وصية طلب لما يمو"ت تتنفذ بالحرف الواحد
ياسين بدهشة : سره !!
خالد : ايوة ...السر اللي اكتشفه بعد ثلاث سنين من جوازه العرفي يعني بعد ما وفاء راحت لعيلة النحاس و واجهتهم بحكايتها معاه
ياسين بإهتمام : حصل اي ؟؟
خالد : راح عندها البيت اللي كان مأجرهولها عشان يحطوا النقاط على الحروف : كان ناوي يصلح غلطته و بتجوزها رسمي و يديها مبلغ محترم و بعدين يطلقها وياخذ بنته يربيها هو ...و ده كان شرط نجلاء عشان تسامحه
ياسين : ها ..وحصل اي بعدها؟؟
خالد : بيقول أنه كان متعود يتصل دايما قبل ما يروح لها بس لما حصل اللي حصل راح لها من غير معاد و بالصدفة لقى عندها واحد ..مسك اعصابه و استخبى لحد ما يفهم الحكاية و ساعتها اكتشف مخططها من البداية ...
-مخطط اي ؟؟
خالد : اتاري الراجل ده يبقى عش"يقها الاولاني و لما حملت منه خلع و سابها و رضوان هو اللي شال الليلة كلها و كان فاكر بجد انها حامل منه ..
ياسين بصدمة : يا نهار مش فايت...مش بنته!! 😳
في سيارة الاجرة
تمسك فاتن هاتفها بتوجس و هي تنظر الى الخلف لترى تلك السيارة تلحق بها ثم كتبت رسالة
-لقد تم. الامر ..تقابلت مع الرجل و أحضر المال ...
-عظيم حياتي ! هل تم الامر ؟؟
-ليس بعد ...سأكون في المنزل بعد أقل من نصف ساعة سآخذ الامانة و اوافيه الى مستودع ما ليأخذ لوحاته و آخذ مالي ...
صمتت قليلا فكتب : ما الأمر؟ لماذا صمتتِ؟؟
ترددت قليلا ثم كتبت : لا اعلم جون ...
-هل تشكين أنك ملاحقة ؟
-لا ليس هذا جون... لكن ينتابني شعور سيء ..أرى أن اخذ هذا المال و اسافر فورا
-و ماذا عن البيضة ؟؟
-اخشى ان يطول امرها أفضل أن اسافر ثم ننظر في موضوع البيضة لاحقا ! 😥
جون : ما بك فاتن ؟ هل انت خائفة؟؟
-ليس تماما .. اشعر بالتوتر قليلا 😥
جون : عزيزتي ...ستصبحين سيدة اعمال.. و كما قلنا سابقا في مجال الأعمال يجب ان تكون لديك الشجاعة الكافية و القلب الحديدي. لا مجال للتوتر او التردد او الخوف ... عليك تدبر امر البيضة حتى يكون لدينا رأس مال كاف لبدء عملنا الخاص عزيزتي !
-جون أعتقد أن مبلغ خمسة ملايين دولار مقابل لوحتين هو أكثر من كاف لدخول عالم الأعمال 😥
كتب جون بتذمر :لقد خدعك الرجل ... لا تنسي ان ثمن لوحة شتاء كئيب لوحدها يتجاوز خمس ملايين دولار ..اي أنه اخذ الاخرى مجانا 😒
فاتن : لا تنس انت انني قد سرقتها و لم اشترها ! هذا يعني اني رابحة في كل الاحوال و خمس ملايين هي اكثر مما كنت احلم
جون بتساؤل -و ماذا عن المنزل ؟؟ ألم تقولي انك ستبيعينه و تستقرين معي في كندا بعد ان طلقك الغب'ي ؟؟
فاتن بضيق : اه ..بخصوص المنزل ..😰
جون بعلامة تعجب: ما به ؟؟
كتبت فاتن : اكتشفت اليوم أنه مكتوب بإسم اختي و قد ارسلت الي اشعار اخلاء من المحكمة لهذا افكر في العودة الى كندا فورا ...
جون بايموجي غضب: لم افهم كيف هو مسجل بإسمك اختك ؟ 😤
فاتن : حكاية طويلة 😮💨
نظرت امامها و كتبت : لقد وصلت الى المنزل سأخبرك حين تتم الصفقة
عند ياسين و خالد
ياسين -يا سااااتر !! 😱
خالد : مش بس كدة .. السا"فل لما عرف بعلاقتها هي و رضوان رجع لها و بكل و"قاحة خطط هو و هي انهم يعملوا عليه الفيلم ده و يطلعوا بقرشين محترمين من ورا عيلة النحاس ..
طبعا رضوان راجل عاقل ما قدرش يتهور ساعتها لأنه فكر في مستقبله و سمعة بنته عشان كدة قرر أنه احسن حل ما يرجعش ليها تاني ... و ما قالش لحد عن الموضوع ده ولا حتى مراته ...بس ساب وصية يقول فيها انه نقل البيت بإسم مراته تاني لأنه حقها و حق بنته الوحيدة . .كفاية أنه ستر على وفاء و خلى فاتن على اسمه عشان محدش يعايرها و فوق كدة رباها زي بنته و فضل مخبى الموضوع ده حتى عن مراته عشان ما ترفضش تربيها .. بس الحق هو الحق و ملهاش حق تشارك بنته ف حاجة لانها مش من صلبه .
ياسين : يااااه!! دي حكاية اعجب من العجب بجد يا لودة 😱!
خالد : لا و بعد كل اللي عمله عشانها الوا"طية كانت مفهمة بنتها طول السنين اللي عاشتها معاها أن ابوها رماها بسبب نجلاء و بنتها ... رغم كل الكر"ه و الغل اللي كان شايفه منها في تعاملها مع مراته و بنته كل ما كانت بتكبر بس عمره ما قالها أنه مش ابوها ولا صحح لها المفاهيم اللي امها كانت مالية دماغها بيها عشان ما يجرحهاش و لا يحسسها بالنقص ...الناقصة 😤
ياسين بتعجب: ياااااااااه !! و انا اللي كنت فاكره ناقص و قليل مروة!! ده طلع راجل حقيقي !! 😤
خالد : معاك حق ...اللي يعيش ياما يشوف .. المهم ... تتصور اي اللي هيحصل بعد كدة مع فاتن ؟؟ أكيد مش هتسكت مش كدة؟؟
ياسين : و الله ما انا عارف يا لودة كل شيء وارد ... حكاية البيت دي حكاية صعبة اوي يعني هتلاقي نفسها في الشارع بين يوم و ليلة و ما تتخيلش حماتك ممكن تفكر ف ايه ساعتها و كمان الصدمة اللي جايالها بعد ما تحاول تبيع اللوحات...انا من رأيي زي ما قالت أم أحمد ...اقف جنب مراتك و خليك سند ليها في ازمتها هتلاقيها بعد كدة في ظهرك و هتفضل فاكرة موقفك الرجولي ده .. ما تزودش همها و تخليها تكره اليوم اللي عرفتك فيه
خالد بتذمر: بس انا اتفقت مع عمي صالح و هو موافق 🥺
ياسين : يا خالد افهم بقى !!! عمك صالح جوز مخدوع ..كرامته مجروحة و وجعه شديد ..أكيد مش هيفكر في مشاعر حماتك و احساسها بالعكس ...هو عايز ين"تقم لكرامته بأي شكل و عشان كدة فكر يجوز بنته و يفرحوا في عز ما طليقته مقهورة و واقعة في كل المصائب دي ..عشان بس يبين لها انها مش فارقة معاه
انما سحر !! سحر دي بنتها...يعني أكيد هتصعب عليها الحالة اللي امها وصلت ليها ...انت ممكن تخسرها لو مشيت ورا كلام عمك يا خالد ..انت مش رقعة شطرنج الناس تلعب بيك عشان توصل لهدفها ... فكر في مشاعر مراتك قبل اي حاجة ...نروح بعيد ليه ؟؟ ما انا قدامك ... رغم شوقي ليها اللي ملوش حدود بس ملتزم بإتفاقنا و محترم رغبتها و لو على حساب رغبتي ...انت فاكر سهل عليا اقاوم شوقي المم"يت ليها و هي بين ايديا !! انا طبعا اقدر اخذ حقي الشرعي منها بس في الحالة دي ممكن اخسرها ...اخسر ثقتها فيا ...كله الا دي يا خالد ...أفضل اموت الاول .... انا عندي راحتها قبل اي حاجة حتى لو كنت بأتقطع من جوايا ...لإن الرجولة الحقيقية تكمن هنا يا خالد ...في انك تقدر تحتويها و تخليها تثق فيك و تحس انها تقدر تسند عليك ...مش تغصبها على حاجة هي مش مرتاحة ليها ...اوعة تغلط الغلطة دي يا لودة
خالد : صح يا اخوي ...معاك حق في كل كلمة ...انا حقيقي كل يوم بأتعلم منك حاجة جديدة ...قول لأم أحمد تسلم افكارك...يالا انا هأكلم عمي صالح و نشوف هنعمل اي في الموضوع ده ...
ياسين : ماشي يا صاحبي ابقى كلمني لو في أي جديد
اقفل ياسين الخط و لم يعلم بتلك الواقفة خلف الباب و دموعها تنهمر بصمت لما سمعت و هي تهمس بضيق
-كان معاكي حق يا ماما ..الظاهر انانيتي عمتني عن اني اشوف كل الحقيقة .. و خلتني أشوف اللي انا عايزاه و بس 😓🥺
في منزل الراوي
دخل صالح الى غرفة سحر المحاذية لغرفته كي يبحث عنها فلم يجدها و في تلك اللحظة رن هاتفه و كان خالد
جلس على طرف السرير بتعب قائلا
-ألو ...ازيك يا خالد
خالد : الحمد لله با عمي ...ها اي الأخبار هناك ؟
صالح بتعب: الامور اتلخبطت عالآخر يا ابني 😔
خالد :اي اللي حصل ؟!
صالح : فاتن وصلها الإشعار و جات هنا عملت فض"يحة لرب السماء ..
خالد بدهشة: يعني سحر عرفت بالموضوع ؟!
صالح بتعب: الناس كلها عرفت مش بس سحر 😓...الحمد لله انها ما سألتش عن موضوع الوصية و الا كانت الحكاية كلها اتكشفت
خالد : ربنا يستر بس . ....بقولك اي يا عمي
صالح : خير يا ابني ؟؟
خالد : انا بقول لو نأجل موضوع الجواز ده الظروف مش مناسبة خالص سحر هتكون منهارة دلوقت
صالح : بس يا ابني احنا اتفقنا عالموضوع ده .. الأجازة بتاعتها كلها اسبوعين و تخلص يعني لو حكاية اللوحات اتعرفت ...أمها أكيد هتتمنع من السفر يعني هي كدة هترجع لوحدها على كندا!!! انا ما اقدرش اسيبها تسافر لوحدها خصوصا ان هي في مونتريال و انت في اوتاوا
خالد : هنبقى نلاقي حل وقتها يا عمي
-لوحات ايه اللي بتتكلمو عنها دي يا بابا ؟؟ !! 😳
قالتها سحر الواقفة بجانب باب الحمام بصدمة
وصلت فاتن الى منزلها و من خلفها الرجلان المثيران للريبة و اللذان بقيا يراقبان الأرجاء ما إن نزلت من السيارة
دخلت فاتن أولا و تفقد الرجلان الارجاء مليا ثم جلسا ينتظرانها من بعيد
دخلت إلى غرفتها ثم عادت و هي تمسك باللوحتين و معهما البيضة و هي تهمس بأمل: هأخذها هي كمان معايا و هأحاول معاه لآخر مرة يمكن ربنا يهديه و ياخذها مني ان شاء الله حتى يدفعلي فيها ألف دولار عشان أخلص من أم الحكاية دي كلها و ترجع كندا بكرة
كانت تهم بالخروج حين سمعت طرقا شديدا على الباب
فتحت بتوجس لتجد بعض رجال الشرطة يحيطون بالمنزل و قد اقتحم البعض الآخر المكان في لمح البصر و انتشروا في كل ارجاء المنزل بينما بقي احدهم يمسك بهاتفه و يصور ما يحدث صوتا و صورة
فاتن بغضب: اي اللي بيحصل ده انتو مين و جايين تقتحموا بيتي بتاع اي !؟؟
الشرطي : معانا مذكرة بتفتيش البيت
قدم لها مذكرة التفتيش بينما توجه احد الرجال الى الطاولة و تفحص اللوحتين و البيضة ثم قارنها مع صورة كان يحملها و هو يقول للضابط بالإنجليزية : هناك تطابق مع الصورة سيدي ...انها المسروقات التي نبحث عنها
فاتن بتوتر تحاول أن تخفيه: م..مسروقات ؟ عن أي مسروقات تتحدثون؟! 😥
كان يجلس في غرفته بإستمتاع ينظر الى هاتفه و هو يقول : الصورة جيدة هنري...لكني أريدك ان تركز على ملامح وجهها يا صديقي 😁
عمري : لك ذلك يا صاح 🙂😉
الشرطي:هل انت السيدة فاتن عبد الحي؟
فاتن بخوف : نعم ؟؟😥
الشرطي : شرطة الانتربول .. يجب أن تأتي معنا حالا
فاتن بذعر:انتربول ؟ لماذا ؟! ماذا فعلت ؟! 🥺😰
الشرطي :أنتِ متهمة بتهر"يب آثار قومية كندية و المتاجرة فيها .
فاتن (بصدمة): “ماذا؟ تهر"يب آثار قومية !!! 😱
يتبع بقلمي آلاء إسماعيل البشري 🔥
يا ترى اي حكاية الآثار القومية دي ؟ ياسين افكاره ما بتخلصش 😁
الجزء 95🔥
-سيدة فاتن انت متهمة بتهريب أثار قومية كندية و المتاجرة فيها
-عن اي أثار قومية تتحدث!!! 😟
-ستعرفين كل شيء في مكتب الانتربول هنا..هيا معنا
خرجت مندهشة و مذعورة برفقة مجموعة رجال الشرطة بينما نظر الرجلين إليها من بعيد و انصرفا و هما بنظران لبعضهما و يتحدث أحدهما عبر الهاتف
-لوحات ايه اللي بتتكلمو عنها دي يا بابا ؟؟ !! 😳
قالتها سحر الواقفة بجانب باب الحمام بصدمة
صالح بصدمة: سحر !! 😳
وقف بلجلجة و هو يمسك بهاتفه: هو انتي جيتي امتى!!،😟
سحر: انا هنا من لما دخلت تدور عليا ...
همس في سره بخوف: يا نهار أبيض سمعت كل المكالمة؟؟😱
سحر بضيق : جاوبني على سؤالي ..كنتو بتخططو لإيه انت و هو من ورا ظهري هااا ؟؟
اقفل الخط و هو يقترب منها بضيق قائلا : سحر حبيبتي أهدي انا هأفهمك كل حاجة
سحر: انت اللي اتفقت معاه عشان يتجوزني دي فهمتها ...فهمني بقى ليه ماما ما تقدرش ترجع معاي كندا ؟؟؟🤔
جلس صالح بضيق و قال بإستسلام ؛ طيب يا بنتي ...تعالي اقعدي بس و انا هقولك كل حاجة
سحر بتساؤل: مش عايزة اقعد يا بابا ..هات ناويين تعملوا اي بالضبط 🤔
صالح : سحر ارجوكي يا حبيبتي من غير عصببة حاولي تفهمي الموضوع الأول بعدين قولي اللي انتي عايزاه
سحر : و ايه الموضوع طيب ؟؟😒
صالح بإحراج : مش ياسين كان عنده كاميرات مراقبة في القصر ؟؟
سحر بشك: أيوة ! ليه؟؟ 😕
تنهد صالح قائلا: امك سرقت من عنده لوحات و بيضة و هربتهم على هنا عشان تبيعهم ...و ياسين مش بيتسامح مع اي حد بيسنغفله
شهقت سحر بصدمة: يعني طلعتهم من القصر بجد ؟؟
صالح بدهشة: هو انتي كنتي عارفة الموضوع ؟؟😟
سحر: إلا كنت عارفة !! احنا حتى اتخانقنا بسبب الموضوع ده و طلبت منها ترجعهم و قبل ما نمشي قالتلي انها فكرت في كلامي و رجعتهم و خلص الموضوع
صالح بضيق: لا ما خلصش ولا حاجة و جابتهم فعلا 😓
سحر: مستحيل ...انا فتشت شنطتها كويس اوي مكانش فيها حاجة
صالح : وانا كمان شنطتي مكانش فيها حاجة
فكرت سحر قليلا ثم ضربت رأسها بدهشة : ااااخ😤 كانوا ف شنطتي انا !! هي الي جهزت الشنطة لاننا كنا مستعجلين بس مش فاهمة ازاي ما لقيتهمش؟؟
صالح : لانها عملت نفسها عيانة مش انتي نزل تجيبي لها دوا يوميها؟؟
سحر: صح !!
صالح : تبقى خبتهم فورا قبل ما ترجعي و فضلت مخبياهم طول المدة دي مستنية تتصرف فيهم و اول ما وصلنا مصر لقتلهم مشتري
فكرت سحر ثم قالت بذعر : طب انتو ناويين لها على ايه؟؟ معقولة هتسجنها يا بابا ؟؟ 😱 و خالد مشترك في كدة !! يعني محدش فيكم فكر فيا ؟؟! 😰
صالح : لالا الموضوع مش كدة خالص صبرك عليا هقولك كل حاجة
عند خالد
اقفل الخط و هو ينفخ بضيق : يخرب بيتك يا فاتن الگلبة كدة بيتي انا كمان هيتخرب .... البت عندية زي أمها متأكد انها مش هتعدي الموضوع ده بالساهل 😰...هتسامح صالح لأنه في الاخير ابوها انما انا العبد الغلبان !! متأكد انها هتطلع عين اللي جابوني😓
اووف يا ريتني ما سمعت كلامك يا ياسين .. انا مالي و مال خططك الز"فت اهي كل حاجة هتقع فوق دماغي في الاخر 😓
تذكر قليلا ثم قال بتفكر: ياااسين !! هو اللي هيحلها !
أمسك هاتفه و أتصل
في مكتب الانتربول بمصر
تجلس فاتن في غرفة غريبة ليس بها سوى طاولة واحدة و نفس الشخص يقف بجانبها يصور ما يحدث
-اللوحتين و هذه البيضة هي عبارة عن تحف كندية
فاتن بمحاولة تصنع الثبات : لا سيدي هناك خطأ أكيد .. هذه الأشياء هي هدية لي من احدهم ..
الشرطي: المعلومات الموجودة عندي تقول غير ذلك
هذه البيضة هي عبارة عن بيضة حقيقية مطلية بطبقة من الذهب الخالص و هي في الأصل آخر بيضة لطائر الدودو المنقرض منذ أربعة مائة سنة و هي ملك للمتحف الملكي بأونتاريو ...و اللوحات كذلك
فاتن بصدمة: المتحف الملكي !! مستحييييل 😱
-دينا كل الوثائق التي تثبت ذلك ..اللوحتين و البيضة كانتا ملك لرجل اعمال كندي و قد تبرع بها للمتحف الملكي بتاريخ #. .. بعد ذلك قدم المتحف بلاغا بأنها سرقت من منزل الرجل قبل أن يتسنى للمتحف استلامها .. و بما أن تاريخ السرقة كان بعد تاريخ تحويل ملكيتها الى المتحف فهذا يعني أن سرقتها تعتبر جر"يمة فيدرالية ناهيك عن اخراجها خارج البلاد...ذلك يدعى تهريب يا سيدة ...و هذا يعني انك في ورطة حقيقية
نظرت حولها بضياع و هي تقول : ملك للمتحف الملكي!! و تهريب!!
كان يجلس في شرفته يراقب عبر هاتفه و هو يبتسم متذكرا مخططه و هو يقول : فاكرة نفسك ذكية مش كدة
فلاش
خالد بتذمر :شايف الوا'طية بتعمل اي ؟؟
ياسين بهدوء و هو يراها عبر تطبيق الكاميرا : عادي سيبها يا خالد
خالد باندفاع: اسيبها ازاي دي سرقت شتاء كئيب و بيضة طائر الدودو الذهبية كمااان !! و مش بعيد تكون واخذة حاجات تانية ..أكيد كله متوثق في الكاميرات ..
ياسين : قلتلك سيبها براحتها .. حلال عليها ☺️
خالد بغضب: لا بقى افهم !! انت عمرك ما كنت بتسمح لأي حد أنه يستغفلك اشمعنى دلو...
توقف خالد فجأة و هو يرى ابتسامة ياسين الماكرة فتراجع عن جملته و قال بفرحة: قل لي و النبي انك ناوي لها على مصيبة تخلصني من ابو نكدها !! كدة تبقى صاحبي بجد 😁
ياسين : عيب عليك يا صاحبي ... دي حماتك برضو و هتبقى جدة ولادك 🙄😂
ضحك خالد ثم توقف فجأة و هو يقول: يا عم جدة ولادي اي! دي داهية متحركة...ها قل لي ناوي تعمل اي معاها ؟
ياسين (بابتسامة ماكرة): هأتبرع باللوحات و البيضة لمتحف أونتاريو الملكي 😁
خالد : يا ابن اللعييييبة !!! يعني هتبقى ساعتها سرقت املاك و كنوز كندية مش مجرد سرقة ممتلكات خاصة ...
ياسين : بالضبط كدة
خالد بشماتة:وقعتك مطينة مع الحكومة الكندية يا فاتن 🙄😂
فكر قليلا ثم قال :بس دي ثروة يا عم ياسين حرام عليك بعزقة الفلوس دي كلها ...فاتن و الله ما تستاهل
ياسين بضحك : مش خسارة في حماتك الطماعة...اعتبرها هدية مني ليك بمناسبة جوازك
خالد : اي دخل ده في جوازي !؟
ياسين : هي مش أم مراتك ؟؟ يعنى بعد الجواز هتقرف عيشتك. خليني ابعدها عن سكتنا احنا الإثنين من دلوقت
خالد : منطق برضو .. طب ناوي تعمل اي ؟!
ياسين بتفكير : لما نشوف الاول هي ناوية على ايه و بعدين هنبقى نلاعبها بلعبتها
خالد : يا سلام !! يعني هنفضل مستنيين لحد امتى من غير هدف !
-مين قال من غير هدف ! اانا نظريا عارف هي هتفكر ازاي
خالد : لا يا شيخ ؟ و سايبني على عمايا ؟ ما تنورني معاك ؟؟
ياسين : هي مجرد تنبؤات بحركاتها
-اه يعني فكرك هتتحرك ازاي 🤔
- دلوقت اول ما يظهر لها اني عايش هتخاف تتصرف فيها جوة كندا لانها هتبقى خايفة اني اكشفها عشان كدة هتستنى اول فرصة تسافر فيها و هي فاكرة انها لما تبعد عن كندا هتبقى في امان
-يعني ايه؟؟
فكر قليلا ثم قال -يعني مثلا لو ولدت بنتها مش هتسافر لها مصر ؟
خالد بتفكر : أكيد 🤨
ياسين : يبقى أكيد لو سافرت هتفكر تتخلص منهم هناك قبل ما ترجع...انت بقى هتسهل لها تطلعهم برة البلد و ساعتها هتلاقي الانتربول بيدور عليها بتهمة سرقة كنوز وطنية
-يا ابن الجنية !!! بجد مش فاهم بتعمل كدة ازاي !! الغربية في كل مرة احتمالاتك بتطلع صح !!😕😱
ياسين بضحك :انت ناسي الكورسات اللي أنا اخذتها في علم النفس الجنائي و اني اتخصصت في علم الجر"يمة مدة سنة ما بين الدراسة المتقدمة لطرق ونظريات علم الجر"يمة والبحوث الجنا"ئية؟؟
خالد : اه افتكرت يا شرلوك هولمز...ما انت بتمو"ت في الجوسسة و الحاجات دي ..مش عارف كنت بتدرسها مع ادارة الاعمال ليه ؟
ياسين : جرالك اي يا لودة!! انا مش تاجر قماش بيتعامل مع تجار هواة ..انا رجل اعمال بأتعامل مع كل الفئات في صفقاتي مش كلهم رجال اعمال نزيهين ... فيه منهم مجر"مين و زعماء العصابات و أعضاء جر"يمة منظمة و منهم نصابين...أكيد لازم اتعرف على كل واحد منهم بيفكر ازاي و هيعمل ايه عشان اتعامل معاه و افكر بداله و بالتالي أعرف أحسب خطواتي بدقة معاه ..اومال بقيت ناجح ليه بدراستي لإدارة الأعمال مثلا ؟؟
خالد بأعجاب: كل يوم بأحبك اكثر من اللي قبليه ..بس انت عارف ده طبعا ..
ياسين بضحك : ايوة عارف ...المهم انت تطلع من هنا على طول تروح تسجل عقود اللوحات و البيضة بإسم المتحف الكندي بعدين تقابل مدير المتحف وتديله الوثائق و تشرح له الوضع...هو دلوقت فاهم اني ميت فإنت هتضبطلي الموضوع كويس هتديله العقود المتسجلة بتاريخ قبل النهاردة و هتفهمه انك كنت ناوي بعد الجنازة تجيبله الامانة بس اللي حصل انها اتسرقت يوم الدفنة و تطلب منه يستنى لحد ما انت تديله الضوء الاخضر أنه يقدم بلاغ للبوليس و لو سألك عن السبب تقوله احنا عندنا مصادرنا و عايزين نلاقيها من غير شوشرة بس لو ما عرفناش نلاقي السارق ساعتها هتبلغ البوليس و هو يتصرف
خالد : اها و في الوقت ده نستنى ست فاتن هتعمل ايه بيها
ياسين : ايوة ...هنستنى بقى عشان نعرف احنا هنعمل اي بالضبط 😁
عودة من الفلاش
ياسين يتابع التحقيقات و هو يبتسم متذكرا كلامه مع خالد و هو يقول : مادمتي اخترتي انك تبيعيها في مصر يبقى اتحملي اللي يحصل لك يا فاتن هانم
في تلك اللحظة أتصل خالد ثانية
-خير بتتصل تاني ليه ؟؟
-حصلت المصيبة اللي انا خايف منها 😓..سحر عرفت بالموضوع
-ما تقلقش اكيد صالح هيفهمها
خالد بضيق: يفهمها اي بس انا اتخرب بيتي بسببكم انت و هو ! كسبت اي انا دلوقت ؟؟ البنت مش هتبص ف خلقتي بعد كدة ...خصوصا لو اتحاكمت امها ؟
ياسين بهدوء : مين قال اني هأسمح بإنها تتحاكم أصلا ؟؟
خالد بدهشة: لا بقى !! افهم !! اومال كنت بتعمل كل الحكاية دي ليه؟؟
ياسين : مش انا قلتلك لما نشوف الاول هيحصل اي وبعدين اقرر ؟؟
خالد: ايوة !
ياسين : يبقى انا عملت اللي شفته مناسب في الحالة دي ..بالإتفاق مع حماك.
خالد : اتفقت مع حمايا ؟ يعني انت كنت على تواصل معاه من الاول ؟ ما قلتليش ليه؟
ياسين : ايوة ...هو كان محرج منك و وعدني ما اجيبلكش سيرة في الاول
-عرف منين طيب انك تعرف موضوع جون ؟
-لان الوا'طي جون بعثلها رسالة جاب فيها اسمي
انت فاكر طبعا لما قلتلك انها بتخو"نه مع واحد صايع هنا اسمه جون و انا دفعتله فلوس عشان كنت فاكر بجد أنه بيبتزها ؟!
-ايوة
-يا سيدي الظاهر الموضوع كان جاي على هواها و هي خافت في الاول بعدين رجعت لعلاقتها معاه...و لما حماك عرف بالموضوع طلب مني معلومات و حلفني بأغلى ما عندي اني اصارحه و انا حكيتله الموضوع كله..طبعا هو كان ناوي يطلقها بس انا طلبت منه يصبر لحد ما نشوف الموضوع يرسي على أي و وعدته اساعده
خالد : طب ما قلتلوش انها سرقت لوحاتك ليه ؟!
ياسين : انت عارف الموضوع كان فيه احراج قد اي عشان كدة مقدرتش اقوله على اللوحات قلت خليك انت تقوله عالموضوع احسن ...المهم انا اللي طلبت منه يطلقها في مصر مش هنا عشان يقدر يرجع حقه منها و عشان نكمل خطتنا التانية
-اللي هي ؟؟
ياسين : نمنعها ترجع كندا تاني
خالد : اه نسيت انها متهمة بتهريب كنوز كندية. . فكر قليلا ثم قال بس انت كدة توهتني عالاخر !! قلتلي انك مش هتسمح انها تتحاكم !!
ياسين بضحك: اكيد مش هأدخلها السجن انا كنت عايز بس نخلص من ابو نكدها و قرها... 😁
أميرة : هي مين دي اللي تخلصو منها ؟؟
التفت خلفه ليجدها تقف ممسكة صينية بها عدة التمريض
ياسين : لا مفيش حاجة
-مفيش ازاي انا سمعتك بتتكلم عن وحدة😕
أمسك هاتفه و قال : طب يا خالد هسيبك دلوقت
خالد : اوبا ...أكيد البوليس مسكك...ربنا يكون في عونك انت كمان خلاص انا دلوقت اتطمنت اننا في الهوا سوا و بيتنا كلنا اتخرب بإذن الله 😁🙄..
اقفل ياسين الخط و قال : أميرة تعالي انا هقولك
وضعت تلك الصينية و اقتربت منه بدهشة و هي تقول : -هات ...مين دي اللي عايزين تخلصو منها
ياسين بهدوء : فاتن 🙄
- اي اللي انت بتقوله ده ؟؟؟خالتي !!
ياسين : أهدي مالك اترعبتي كدة...انا كنت بأهزر مع خالد ده كل الموضوع
-بس انت اللي قلت هتخلصو منها ! 😥
-ايوة انا قصدي بعد ما اتطلقت حصلت حاجات تانية هتمنعها من السفر تاني لكندا يعني هنبقى نشوفها في الاجازات بس ..فهمتي دلوقت ؟
أميرة بصدمة: حاجات زي اي يعني ؟!
ياسين : موضوع طويل و ما يخصناش ...
أميرة بغضب ما يخصناش ازاي دي خالتي 😤 !!
ياسين بهدوء : ما يخصناش لأنه حساس و خاص و مش عايز ادخل في تفاصيل اكثر ..عندك سحر اسأليها لو عايزة تعرفي ...انا داخل أغير هدومي
أميرة بحدة: بس انا عايزة اعرف منك
ياسين : و انا معنديش حاجة تانية اقولها
قالها ببرود دون ان يلتفت و دخل و تركها في حيرة
-اتطلقت و فهمناها ...طب حصل اي كمان ؟؟ معاه حق انا لازم أتصل بسحر
صالح و سحر
صالح : فهمتي الحكاية دلوقت ؟؟ ياسين قصده يربيها مش اكثر و وعد خالد أنه هيطلعها من الموضوع بس بشرط مش عايزها في كندا تاني
سحر بضيق : يا بابا كدة انا اللي هأبقى لوحدي...😥
صالح بصرامة : سحر انتي هتكوني مع جوزك مش محتاجة حد معاكي غيره .... و بعدين امك غلطت كثير و لازم تتحمل شوية نتيجة اخطائها ...الراجل كثر خيره اكتفى بانه يمنعها تسافر عشان خاطركم انتي و أميرة
واحد غيره كان خلاها تعفن في السجن ...انتي عارفة الحاجات اللي سرقتها دي تساوي كام؟؟
سحر بتذمر -ايوة بس هي اتعاقبت كفاية يا بابا 😓 ..انت طلقتها و البيت إتاخذ منها و ما عندهاش حتة تتاويها هنا
بقى يمنعها تسافر ليه 😰؟!
صالح بهدوء -عشان عارف انها وحدة حسودة و عينها فارغة و مش هتسلموا من نكدها و لا هتبطل تحشر مناخيرها فيكم وفي حياتكم ....البيت كان ايجار يعني افرضي رجعت هتقعد فين ؟؟ معاكم انتي و جوزك؟ مش هنخليكي تكملي معاه سنة جواز صدقيني 🙄..
-هأجرلها بيت قريب مني
صالح : سحورة حبيبتي انتي طيبة و خالد ابن حلال و تستاهلوا تعيشوا السعادة اللي تستاهليها انتي و هو يا بنتي
سحر بحزن : معاك حق ..بس انا صعبانة عليا اوي...هنا مش هيبقى ليها حد ! 😟
صالح :ده لمصلحتها يا سحر ...امك عيارها فلت هناك كان عندها نعم كثير بيت و جوز بيحبها و بنات بس هي اتبترت عالنعمة و رفستها برجلها بقى خليها تعيش عيشة اهلها هنا يمكن تتربى و تندم عاللي عملته و تعرف قيمتنا و تتوب لربنا...و بعدين مين قال انها وحيدة ؟
سحر : قصدك ايه؟ لو قصدك حنان فإنت عارف ...
صالح بمقاطعة: حنان في بيت جوزها ربنا يسعدها و يخليها بعيدة عنها.. أصلا هي السبب ف اللي اختك وصلت ليه قبل كدة
الحمد لله اني لحقتها في الوقت المناسب و انقذتها ..
و بصراحة انا السبب من البداية ف كل ده
تنهد بحزن ثم اكمل : لو مكنتش رحت كندا مكانش كل ده حصل 😥
نظر الى ساعته و قال : انا عندي مكالمة ضرورية يا بنتي هنكمل كلامنا بعدين المهم بلاش تمسكي في خناق جوزك لأنه ملوش يد في الموضوع فاهمة؟
مكتب الانتربول
قرأ الشرطي قليلا في ذلك الملف قد رفع رأسه قائلا
-في الحالات المشابهة لحالتك كنت سأنصحك بأن توكلي محاميا جيدا رغم انني لا أعتقد أنه سيفيدك كثيرا لان كل الأدلة تدينك و هذا يعني انك ستكونين في مواجهة عقوبات قانونية صارمة
بالتحقيقات التي تجريها السلطات الكندية حول تهر"يب الآثار.. و بعد جمع الأدلة، يمكن أن تُحاكمين في محكمة كندية. يمكن أن تشمل المحاكمة شهادات خبراء في الآثار، وشهادات شهود عيان، عرض الأدلة المادية ،مراجعة قانونية وتقديم الأدلة التي تثبت تورطك في الجر"يمة.
همست فاتن بصدمة : يا خراب بيتك با فاتن !! معقولة كل ده يحصل فيكي ؟؟
الشرطي : عقوبة هذا الامر هي السجن من عشر سنوات الى 15 سنة إضافة الى غرامة مالية تصل الى مليون دولار و سيتم رفع عدد سنوات السجن الى الضعف في حال عدم تمكنك من دفع الغرامة
ابتلعت فاتن ريقها بصعوبة و أكملت بخوف: ماذا ؟؟
فأكمل الرجل بهدوء: لكنك محظوظة ...فقد سحب المتحف الشكوى ضد السارق و اكتفى بإسترداد المسروقات فقط
فاتن بدهشة : ماذا يعني هذا ؟؟
الشرطي : لن تعرضي على العدالة و لن تحاكمي بتهمة السرقة و التهر"يب لكن بالمقابل ستخسرين امتيازاتك كمواطنة كندية
فاتن بضياع : لم افهم
الشرطي :في جرائم خطيرة مثل تهر"يب الآثار القومية الكندية والمتاجرة فيها فإن القانون الكندي يسمح بسحب الجنسية لأنك تُعتبرين تهديدًا للأمن القومي و هذا يعني انك الان حرة إلا اذا حاولتِ العودة الى كندا فحينها ستحاكمين و تواجهين العقوبات القانونية لإن إسمك مسجل في سجل القائمة السوداء بكل مطارات كندا
وقعت فاتن في صراع داخلي بين رغبتها في الحفاظ على جنسيتها الكندية وحياتها في كندا وبين مواجهة العقوبات القانونية...
ثم تنهدت بضيق قائلة :حسنا لا أريد العودة الى كندا هل هذا سينقذني من السجن و الغرامة😓
الشرطي : أظن ذلك. .
فاتن : اذن هل أستطيع الذهاب الآن؟؟
-ليس بهذه السهولة ...هناك اجراءات قانونية كثيرة تتطلب استكمالها قبل اطلاق سراحك المشروط
فاتن : اطلاق سراحك مشروط ؟
-ستبقين تحت الرقابة لبعض الوقت حتى بعد تسريحك ..لا تعتقدين اننا سنتركك ترحلين بهذه السهولة
شهقت فاتن بصدمة: يا مصيبتي 😱
-تفضلي وقعي على اقوالك مؤقتا للتذهبي إلى الزنزانة
تتمدد سحر في مكانها بحزن تفكر في كل ما يحدث و ما قال والدها فجأة يرن هاتفها و كانت أميرة
أميرة : سحورة حبيبتي ازيك عاملة اي ؟؟
سحر بحزن : أهلا أميرة ...هكون عاملة ازاي مثلا و انا الصدمات عمالة تقع فوق دماغي صدمة ورا الثانية ؟ 😮💨
أميرة بتساؤل: ليه بس ؟! حصل اي ؟؟
تنهدت سحر و حكت لها كل ما حدث
خرج صالح و هو يتصل بخالد
-ألو ايوة يا خالد ...لا ما تقلقش انا وضحتلها الموضوع ...ما اعتقدش هتزعل منك ..امها الغلطانة مش انت يا ابني ..المهم طمني في اخبار ؟؟ بجد !! طيب انا هأبلغها خليها تهدأ الأول ...الصدمات مش قليلة
حاضر هأبقى أكلم رجب و أخليه يروح عند اللي اسمه مصطفى ده او يكلمه في التلفون ..
أقفلت أميرة الخط و هي تشعر بالإحراج الشديد منه
كيف ستواجهه بعدما فعلته خالتها ؟
-معقولة يطلع منك كل ده يا خالتي ؟! حرام عليكي ده انا كنت فاكراكي قاعدة معايا تصبريني و تقفي جنبي في محنتي تقومي تسرقي الراجل !! ده كثر خيره أنه ما سجنكيش !! اعمل ايه دلوقت ؟ تلاقيه اتضايق أكيد
فكرت قليلا ثم نفخت بضيق : يوووه يا أميرة ! يعني مش كفاية مانعة الراجل عن حقه و هو صابر و ساكت كمان رايحة تتبجحي في وشه و تدافعي عن خالتك و هي مطينة الدنيا كلها ! 😓
نزلت الى الأسفل تبحث عن ام أحمد
-خير يا بنتي محتاجة حاجة !؟
-أيوة يا ماما حضريلي الأكل هأطلعله يتعشى فوق
ام أحمد بقلق: ليه يا بنتي هو موجوع لا سمح الله ؟
أميرة بإحراج : لا يا ماما انا بس عايزة ناكل سوا فوق براحتنا
أم أحمد : اااه براحتكم قلتيلي ! 😊
أميرة بضيق : الموضوع مش زي ما انتي فاهمة ..أصلي سمعتهم بيتكلمو عن خالتي و فهمت غلط و هبيت في وشه 😓
اطرقت برأسها قليلا ثم أكملت : عايزة اصالحه
أم أحمد : فهمت ...طيب يا بنتي ثواني و يكون الاكل جاهز
كانت ستدخل المطبخ لكن أميرة اوقفتها
-ماما هو انتي معاكي رقم نانسي ؟؟
أم أحمد بتعجب: أعتقد ايوة معايا !
أميرة بإحراج : ممكن بعد اذنك تديهوني ؟
أم أحمد : تلفوني اهو فوق الطربيزة
دخلت أم أحمد بينما امسكت أميرة الهاتف و سجلت رقم نانسي و اتصلت و هي تنظر هنا و هناك
-الو من معي
-نانسي هذه انا ...أميرة احتاجك في امر ضروري
في منزل رجب
كان سيدخل حين أتصل صالح و اخبره بالموضوع
فكر رجب قليلا ثم أتصل بدوره بشخص ما
رجب: الو عمي مصطفى ؟
-ايوة يا ابني
رجب: الموضوع اللي كلمتك عنه تم ...تقدر بكرة تتصرف
مصطفى : تمام ...شكرا يا ابني و بلغ شكري لصالح كمان
رجب : يوصل يا عمي هأبعثلك التفاصيل في رسالة ..عن اذنك
اقفل الخط و دخل الى منزله ليجدها تجلس في غرفة الجلوس بضيق
-سلام. عليكم
: عليكم السلام
قالتها فاطمة ببرود
-لو فيه شاي يا ريت تجيبيلي كوباية
قالها رجب بينما يجلس بجانبها فقامت بضيق: مفيش و لو عايز شاي اعمل لنفسك ...انا داخلة أنام
كانت ستذهب لكنه أمسك يدها و قام وهو يحتضنها لمنعها من الذهاب : لسة زعلانة مني ؟ انتي عارفة اني ما اقدرش على زعلك يا روحي
فاطمة بضيق : لو كان يهمك زعلي مكنتش هببت اللي هببته ده 😓
قال رجب بقلة حيلة و هو ينظر في عينيها : يا فاطمة مش عايزة تفهمي موقفي ليه بس ؟؟
فاطمة: افهم اي يا رجب!! دي اختي الوحيدة ... انت ازاي تتصرف من غير علمي؟؟و تتخذ قرار مصيري زي ده لوحدك 😤
-لانك كنتي هترفضي
-طبعا ارفض ...يعني عاجبك ان انا اتحط في الموقف الز"بالة ده قدام اهل جوزها؟
رجب : طليقها يا فاطمة 🙄
-طلبقها جوزها ما يهمنيش .. المهم أن سيرتنا بقت على كل لسان
رجب:سيرتها هي انتي مالك ؟؟
فاطمة: مالي ازاي مش اختي ؟! هيقولوا عننا اي الناس !! اننا كنا قليلين أصل و طردناها من بيت ابوها ؟؟
رجب: اذا كان ابوها نفسه حرمها من البيت لأنه ملك أمك
-بس أنا مش هأقبل اختي تتشرد في الشارع على اخر عمرها 😒
رجب بحيرة: انتي طيبة اوي و على نياتك يا فاطمة...لو كانت مكانك مكانتش فكرت فيكي ولا همها يحصل فيكي اي
فاطمة : عارفة .. بس انا مش هي و مهما كانت تفضل اختي انا هأكلمها و اصالحها يمكن تسامحني
-بعد كل اللي قالته ليكي قدام الناس !!دي مسحت بكرامتنا الأرض يا فاطمة انتي عب'يطة ولا مهزقة ولا أي حكايتك ؟!
ما تخلي عندك كرامة !!!
-كرامة اي دي اختي هتتشرد في الشارع من يومها 😰
رجب بإستسلام : انا غلبت معاكي و مش عارف أقولك اي كمان . طب اي رأيك ان اختك اتقبض عليها النهاردة ؟
ضربت على صدرها بصدمة : يا مصيبتي 😱!!!! بتقول اتقبض عليها ؟؟؟! لييييه؟؟
رجب بإحراج : سرقت حاجات من قصر جوز بنتك تساوي ملايين
فاطمة بصدمة:بتقول سرقت ؟؟؟ 😱 ليه بس يا فاتن ...ليه؟😓
أبدل ملابسه و كان يهم بالنزول لكنه تفاجأ بها تضع سفرة جميلة في غرفة الجلوس وسط الجناح
-اي ده احنا مش هنتعشى تحت مع أم أحمد ؟
أميرة بحب -أم أحمد اتعشت و دخلت تنام ...انا جبتلك الاكل هنا عشان نتعشى سوا و بعدين اغيرلك الضمادة
نظر إليها بدهشة من هذا التحول المفاجيء ثم جلس
-طيب... مادمتي شايفة كدة
جلس و هو يتفحص السفرة المرصوصة بعناية و قال : تسلم ايدك
أميرة : على ايه ...ام أحمد اللي طبخت أصلا
أمسك الشوكة و بدأ الأكل
ترددت قليلا ثم قالت : انا اسفة بجد
ياسين بهدوء بينما يضع لقمة في فمه: على ايه 🙄
أميرة بإحراج : انا عرفت من سحر اللي حصل ... احم مكانش لازم اتكلم بالطريقة دي قبل ما افهم الموضوع
ياسين : حصل خير ...أهم حاجة تكوني مرتاحة و ما تضايقيش نفسك بحاجة
بعد مدة
انتهى الطعام و قامت أميرة تمسك تلك الصينية قائلة
-يالا هأغيرلك الضمادة
-ما تتعبيش نفسك انا هأبقى انادي ممرض الصبح و اهو يشيل الغرز بالمرة
اميرة بإصرار : لا طبعا ...الدكتور قال لازم الجرح يتنظف و الضمادة تتغير يوم بيوم مش هأستنى لبكرة اخاف يلتهب
امام اصرارها قال بإستسلام : تمام
نزع قميصه لتظهر عضلات يديه و قوامه الرياضي المتناسق
اطرقت بخجل ثم تمالكت أعصابها قائلة : خجل اي يا أميرة ده جوزك سمعتي أم أحمد قالت ايه!! عايزة تخسريه بسبب غباءك
تحلت ببعض الشجاعة ثم نزعت عنه تلك الضمادة برفق و اخذت قطنا بللته بالمطهر ثم راحت تمسح على الجرح بحنان و هي تقول : هو بيوجعك؟
اومأ إليها بالنفي بدون كلام ..لم يكن يريد لأي شيء أن يقطع عليه تلك اللحظة اللذيذة
كانت لمسة يدها لوحدها كفيلة بشفاءه
أغمض عينيه بإستمتاع بينما تتحرك اصابعها الرقيقة فوق صدره الى إن انتهت
أعادت وضع ضمادة جديدة و ثبتتها بحذر و هي تقول بإبتسامة
-انا انتهيت ...☺️
☺️
فتح عينيه و قال و هو ينظر إلى عينيها بهيام : خسارة
أميرة بخجل و هي تحاول أن تبتعد : احم شكل الجرح خف أصلا الحمد لله انه مش كبير اوي 🙂
كانت ستذهب لكنه امسكها مسكة خاطفة و قربها اليه بينما ينظر الى شفاهها برغبة قائلا : طب و جرحي التاني ؟
اومأت برأسها بتساؤل : جرح ايه؟؟🤔
أمسك يدها بحذر و وضعها بلطف على قلبه قائلا : ده
أميرة بخجل : ماله ؟؟
-موجوع اكثر
أميرة : سلامة قلبك يا روحي ..بس انت طالع من عملية... لما تخف نبقى نتكلم ماشي ؟
احتضنها اكثر و اقترب من شفاهها اكثر قائلا
-مين قال اني عايز اتكلم؟؟
-ياسين ارجو...
أكملت كلمتها داخل جوفه في قبلة طالت بينهما اخذها فيها الى عالم اخر لدرجة انها نسيت جرحه تماما
في وسط اندماجهما بتلك القبلة الشغوفة و المشاعر العاصفة بشوق ليس له نظير وضعت يدها على صدره و ضغطت عليه دون وعي ليتأوه بألم
ابتعدت قليلا بذعر و قالت بندم: حبيبي انا اسفة بيوجعك اوي !! شفت انا ليه مكنتش عايزة اقرب منك من الاول .😓
أعاد احتضانها و هو يقول بأنفاس متسارعة
-هسسس .. ما حصلش حاجة ...خلاص اهدي
-بس الجرح ...😰
-قلنا خلاااص ...يالا عشان تنامي
-و انت مش هتنام؟ 😥
ياسين : شوية و احصلك..محتاج شوية هوا
قالها و هو يمسك قميصه ليرتديه و توجه الى شرفته بينما توجهت الى غرفة تبديل الملابس بضيق : غبية يا أميرة .. غبية ...حتى اللحظات الحلوة اللي بيستناها ما بينكم بتضيعيها بغباوتك اووف
غيرت ملابسها و خرجت ترتدي روب النوم
كانت ستتوجه الى السرير لكنها تراجعت عن الفكرة و لحقته الى الشرفة
كان يدخن سيجارة و ينفخ دخانها بتعب
-ايه ده انت بتدخن و انت تعبان!حرام عليك !!
ياسين : دي سيجارة بس مش ق"نبلة 😮💨
أميرة بضيق: انت مش بتدخن الا لما تكون متضايق 😥
ياسين بهدوء: لا انا مش متضايق . ادخلي انتي بس نامي
أميرة بحزن: لا مش رايحة الا لما تجي تنام...
ياسين بهدوء: أميرة ارجوكي محتاج أشم هوا بس
إقتربت منه و احتضنته من الخلف بحب قائلة
-مااقدرش أنام و انت متضايق ...
رمى عقب السيجارة و التفت إليها
-خلاص حبيبي يالا ننام
احتضنها بحب و دخلا معا
في الصباح
انتهت الاجراءات القانونية الضرورية و تم إطلاق سراح فاتن التي خرجت بخزي تنظر حولها و لا تدري أين تذهب بعدما تخرج من منزل فاطمة ...فجأة سمعت صوت احدهم من بعيد
:-فاتن !
نظرت الى مصدر الصوت لتجد رجلا في منتصف السبعينات يبدو التعب و كبر السن جليا على تقاسيم وجهه
اقترب منها بهدوء بينما ابتعدت بتوجس و هي تقول : انت مين ؟؟
-أنا أبوكي يا بنتي🥺
بارت 96 🔥
-ابوي مين يا راجل انت😕 ابوي مات من عشر سنين !😤
-يا بنتي اللي مات ده يبقى اللي رباك إنما ابوكي يبقى أنا
فاتن بحدة : بقولك اي يا جدع انت!! انا لحد دلوقت محترمة سنك بقى اوعة من سكتي احسن لك ...
تمتمت بتذمر: ناقصني عاهات في حياتي انا 😒
تجاوزته و كانت ستغادر حين أوقفها صوته قائلا :
مواليد 14 يونيو 72 ، شولة و عندك شامة في جنبك الشمال ،كان عندك عروسة اسمها ليلى لازم تنيميها جنبك قبل ما تنامي ..و كل ما تغنيلك امك أغنية قبل النوم حبيبة امها تقوليلها غني لليلى كمان ...و تخليها تعيدها لها هي كمان, في مرة ضاعت منكم و قعدتي تعيطي طول الليل و خايفة لتاكلها وحوش الليل و فضلت وفاء تدور في الشقة كلها من غير فايدة و اتاريكي نسيتيها في الملاهي ،اول ما النهار طلع اخذتك و طلعتو على اول محل اشتريتي وحدة تانية و سميتيها برضو ليلى
وقفت بصدمة و هي تلتفت إليه قائلة : انت ...انت مين و تعرف الحاجات دي كلها ازاي !!! 😳
نظر إليها بعينين متعبتين قائلا :قلتلك ... رضوان ده الراجل اللي رباكي و اداكي اسمه..بس انا أبوكي الحقيقي يا فاتن 😞
في القصر
في الجناح السفلي
نزع الممرض كل الغرز و عقم الجرح ثم وظب عدته بينما يكلم ياسين الطبيب الذي استدعاه معه
-وضعك جيد سيد ياسين 🙂..الجرح نظيف و لا أثر لأي إلتهاب او تعفن ...
كتب في الوصفة ثم اعطاه إياها : تضع فقط من هذا المرهم يوميا و لن تبقى هناك أثر للندبة.
ياسين : هل هذا يعني انه بإمكاني السفر ؟!
الطبيب : بالتأكيد ..لا يوجد اي مانع من السفر
سأل ياسين بصوت خافت لا يصل سوى للطبيب
-حسنا أردت ان اسأل ايضا بخصوص إمكانية ممارسة حياتي الزوجية ..انت تفهم قصدي ..أنا مقبل على الزواج ولا أعلم متى يمكنني ذلك
الطبيب : اه طبعا يمكنك ممارسة حياتك الزوجية بشكل طبيعي مادام الجرح ملتئما فقد مر اكثر من أسبوع على العملية ...لكن أنت ادرى بنفسك ...عليك بتوخي الحذر فقط و لو أحسست بألم في الصدر أثناء عملية التنفس توقف فورا لا تنس ان العملية مست الرئة
ياسين : حسنا شكرا لك
الطبيب : العفو ...عن اذنك ☺️
خرج الطبيب رفقة الممرض و رافقهما ياسين الى الخارج ثم عاد الى الداخل و كانت أم أحمد تهم بوضع سفرة الغداء
أم أحمد : خلصت في الوقت المناسب .. اومال أميرة فين يا ابني ا؟؟
ياسين : سايبها فوق
أم أحمد : طب اتفضل انت اقعد انا هأطلع اناديها
ياسين بهدوء: لا خليكي هأطلع انا و بالمرة أغير هدومي
كان سيصعد حين اتصلت نانسي فأومأ لأم أحمد كي تصعد و توجه نحو المكتب :نانسي !!
-سيد ياسين كيف حالك
- ! بخير و انت نانسي ما الاخبار ؟
-كل شيء بخير سيدي ...آسفة على الازعاج اعلم انك في فترة نقاهة لكن هناك بعض الأمور العالقة التي أحتاج منك معالجتها
ياسين : في هذا الوقت ؟؟
-سيدي انت تعلم اني بصدد نقل أعمالنا من اونتاريو الى هنا من جديد و اعمل الى وقت متأخر خاصة في غيابك
-و ماذا عن منذر؟؟
-أنا أعلم انك خرجت للتو من عملية لكن أعمالنا كلها متوقفة على هذه المعاملات و هناك أمور تقنية لا يمكن لغيرك حلها
تنهد بتعب قائلا : حسنا نانسي .. أراك بعد قليل
كان يهم بالصعود بينما تنزل أم أحمد رفقة أميرة
أم أحمد : خير يا ابني مستعجل ليه ؟
ياسين : اتصلت نانسي بتقول محتاجاني في شغل مستعجل اتغدوا انتو ما تستنونيش
أم أحمد : ايه الكلام العبيط ده هو ايه اللي هيحصل لو اتغديت يعني ؟؟و بعدين ما تنساش انك محتاج تتغذى كويس
أميرة : ماما معاها حق الشغل مش هيهرب
ياسين بإستسلام : طيب طيب هأغير هدومي و جاي على طول
جلست أميرة على السفرة و دخلت أم أحمد الى المطبخ و هي تقول : نسيت الصلصة
نظرت أميرة الى اثرها و اتصلت : الو نانسي ...هل فعلت ما طلبت منك ؟!
نانسي : أجل ..ستحضر خبيرة التجميل بعد قليل و كذلك خبيرة الديكور و معها كل المطلوب
أميرة :شكرا جزيلا لك ..لن انسى خدمتك هذه
نانسي : العفو عزيزتي... المهم أن تبعثي رسالة فور انتهائك حتى اطلق سراحه 🙄😉
أميرة بضحكة: حسنا سأخبرك ..هاي نانسي !! لا تتعبيه كثيرا !!
نانسي بعبث : لا تقلقي ...امضاءات متأخرة و بعض المشاكل العالقة لن يقوم بأي مجهود 😉
كانت أم أحمد قادمة فقالت أميرة : حسنا الى اللقاء
أم أحمد : انتي من الصبح مش على بعضك هو اي الموضوع يا بنت؟!🤔
أميرة و قد تورد وجهها بخجل: موضوع ايه؟! لا مفيش
أم أحمد : عليا انا !!!🤔🤨
كانت اميرة ستتكلم لكنها رأت ياسين ينزل من بعيد فأومات لها بهمس: هقولك بعدين
في مصر
بأحد الكافيتيريات
يتسلل الضوء الدافئ عبر النوافذ الكبيرة، ويلقي ظلالاً لطيفة على الطاولات الخشبية. تجلس فاتن على طاولة في الزاوية، ويداها ملفوفتان بإحكام حول فنجان قهوة ساخن. تتجه عيناها نحو ذلك الغريب الجالس أمامها و الناظر إليها بعيون لطيفة رغم تعبها وابتسامة مترددة
تنظر بقلق إلى ساعتها و بداخلها زوبعة من العواطف المتناقضة والارتباك، كلما التقت أعينهم
-اديني وافقت أسمعك ..هات فهمني ...ابوي ازاي بقى؟
-بس ارجوكي يا بن ..
فاتن بحدة:ما تقولش بنتي !! هات احكي اللي عندك سامعاك
مصطفى بحزن:طيب ارجوكي سيبيني اخلص كلامي و بعدين عاتبيني ...عايز اقولك كل اللي عندي الاول
فاتن بقلة صبر: اتفضل سامعة 🙄
مصطفى بندم واضح في صوته: كنت يا دوب 25 سنة و ما حيلتيش حاجة ..ولا مستعد أفتح بيت...واحد جبان و مش قادر يتحمل مسؤولية أفعاله...أول ما عرفت أن وفاء حامل مني جريت و سبتها...قطعت اي تواصل ما بيننا و سافرت الأردن
هي بعدين اتعرفت على رضوان و بعد مدة قصيرة اوهمته انها حملت منه
كانت فاكرة أنه هيتجوزها أول ما يعرف...بس هو كمان مكانش قادر يخسر اهل مراته اللي ادوله كل حاجة ..و خاف يلاقي نفسه بين يوم و ليلة مرمي في الشارع ...قام اتجوزها عرفي و خباها بعيد عنهم ...و فضل يماطل لها في موضوع الجواز لحد ما بقى عندك 3 سنين ساعتها انا رجعت البلد و سألت عن اخبارها و عرفت اللي حصل
كانت فاتن تنصت بإهتمام و قد عادت الى ذاكرتها ذكريات الطفولة و أسى الماضي بينما اكمل مصطفى بتعب و إحراج
عيلة النحاس معروفين في البلد و فكرت يمكن نطلع من وراهم بقرشين محترمين قمت وصلت لسكة وفاء تاني..هي كانت بتحبني يعني مكانش عندي مشكلة اخليها ترجع الود ما بيننا من تاني
أ
قنعتها تضغط على رضوان يا اما يتجوزها يا اما يطلقها و يديها مبلغ محترم تبتدي بيه حياتها و تجيب بيت بدل البيت الإيجار يا اما تقول لعيلة مراته على علاقتهم
و طبعا كنا فاكرين أنه هيختار الحل الثاني لأنه مستحيل يخاطر و يتجوزها رسمي و كمان مش هيقبل أن مراته تعرف بعلاقته مع وفاء و بكدة نكون كسبنا البيت و الفلوس و نتجوز انا و هي
-بس هو رفض طبعا مش كدة😒
-ما رفضش على طول بس طلب مهلة عشان يفكر يعمل ايه و هي من غير ما ترجعلي راحت هبت في دماغها تقول لعيلة النحاس و فعلا اخذتك و راحت لهم و حصلت الف"ضيحة
بعدها عرفت منها أنه جيه عندها و عرف صدفة بعلاقتنا و مش بس كدة لا كمان عرف إنك مش بنته...عمل معاها اتفاق يفضل مديكي اسمه بشرط ملهاش دعوة بيه و لا تطلب منه مصاريف ولا فلوس ايجار ولا أي حاجة و هددها لو ما بعدتش عنه وعن عيلته هيشيل اسمه من شهادة ميلادك ...هي طبعا لجأت ليا و طلبت اني اعترف بيكي بدل المرمطة اللي هي فيها و قالت لي انها مش عايزة غير نكون سوا احنا وبنتنا لا عايزة منه فلوس ولا أي حاجة
اطرق مصطفى برأسه خجلا و ندما بينما انهمرت دموع فاتن بشدة
-بس أنا كالعادة كنت جبان و هربت تاني و سبتها تواجه قدرها لوحدها 😮💨😞
كنت خايف مادام عرف انا مين يوصلي.. قمت سافرت تاني
طبعا هي في الحالة دي رضيت تبعد عنه بدون اي مقابل ولا شروط المهم يبقى ليكي اسم و محدش يعايرك لما تكبري 😓
في القصر
غادر ياسين و انتهت أميرة و ام أحمد من الطعام و في تلك اللحظة دخل بيتر يقول : هناك سيدة تدعى ايميلي تقول ان نانسي. ارسلتها
كانت أم أحمد ستتكلم لكن أميرة قاطعتها مسرعة
-دعها تدخل بيتر انا انتظرها
خرج بيتر و نظرت أم أحمد بتعجب: مين ايميلي دي؟؟
أميرة بإحراج : دي ..احم...خبيرة تجميل طلبتها من نانسي عشان تعملي .. ترطيب و تنظيف بشرة و حمامات زيت و كدة 😌
أم أحمد بإبتسامة ماكرة: اااه...ما تقولي كدة !!
في تلك اللحظة دخلت سيدة شقراء في الاربعينات تحمل حقيبة كبيرة
فأشارت إليها أميرة : تفضلي من هنا
ثم اقتربت من أم أحمد و قالت بهمس؛ هأطلب منك حاجة
اومأت أم أحمد فأكملت أميرة : عايزة احضر عشاء لطيف و سهرة و حاجات كدة
أم أحمد : أؤمريني يا بنتي ...ده يوم المنى أشوفكم عرسان
ابتسمت أميرة بإحراج : شوية و هتجي خبيرة ديكور هاتيها و حصليني و انا هقولك تعملي ايه بالضبط
في الكافيتيريا
بعد ثمان سنين رجعت من الاردن و معايا قرشين محترمين و نسيتكم خالص ...اشتريت بيت و اتجوزت وحدة اختارتها أمي ...قعدت معايا سنتين و ما خلفتش طلقتها مع انها حلفتلي ألف يمين انها حللت و طلعت مافيهاش حاجة تمنع الخلفة، بعدها اتجوزت وحدة اخترتها انا ...حملت بعد سنة وكنت طاير من فرحتي بالولد و بيها لحد ما بقى عنده خمس سنين لقيت مراتي الاولانية بالصدفة و معاها ولدين
استغربت بس قلت مكانش ليها نصيب تحمل مني..بس بعدها مراتي حملت تاني و خلفت ولد برضو ...و ابتديت ألاحظ حاجات غريبة مكنتش ملاحظها قبل كدة....الولدين بيشبهوا بعض جدا بس لا بيشبهوني و لا بيشبهوا أمهم ...ابتديت أشك و ضربت في دماغي أعمل تحليل DNA و اكتشفت انهم مش ولادي و مش بس كدة .. اكتشفت اني أصبت بالعقم من سنين ...من قبل ما اتجوز الاولانية
راقبتها و عرفت اللي كانت بتخو'ني معاه و فعلا الولاد كانوا نسخة طبق الأصل منه
افتكرت ساعتها وفاء و اللي عملته فيها ....رميتكم و اتخليت عنك و عنها ..
بدأ ببكاء مرير: ربنا عاقبني بالعقم عشان رميت لحمي في الشارع 😭
فاتن ببكاء : ما جيتش ليه تدور علينا مادمت بتقول انك افتكرتنا؟! ما فكرتش تصلح غلطتك ليه ؟!
مصطفى : لاني كنت في السجن يا بنتي 😓
في منزل الراوي
حنان و بدر يهمان بالذهاب الى المستشفى من اجل رضاعة التوأم
حنان تضع آخر اللمسات على طرحتها في المرأة
يأتي بدر من الخلف و يحتضنها و هو يضع وجنته بملامسة وجنتها و هو يتحسس شفاهها بأصابعه
-ايه الحلاوة دي كلها ؟ لا انا كدة مش هأقدر أسيبك تطلعي معايا
حنان : حلاوة ايه حرام عليك ده انا طالعة من عملية و نفسة !
بدر و هو يديرها لينظر إليها بوله قائلا : يا ناس عمركم شفتو نفسة وشها منور كدة ؟ بسم الله ماشاء الله قمر ...اللي يشوفك يقول عروسة يوم صباحيتك 😍
اطرقت برأسها حين قال جملته فتذكر ان موضوع زواجهم بتلك الطريقة و كذا ليلة دخلتها لا يزال يشعرها بالحزن من داخلها ...
لم يشأ ان يثير حزنها اكثر و قرر تغيير الموضوع فسأل بجدية و هو يعدل مظهره : ها يا ستي قوليلي اي سبب الفرحة اللي في عينيكي دي ؟؟
نسيت حنان الامر فورا و قالت بسعادة: عشان رايحة اشوف الولاد طبعا هيكون ايه غير كدة 🥰
وضع بدر برفان ثم استدار إليها رافعا حاجبه: ااه قلتيلي إقترب منها و همس بالقرب من اذنها: على فكرة انا ابتديت اغير منهم
-حرام عليك تغير من ولادك ؟؟
قال بتصنع الزعل -حاسس انهم هياخذوكي مني😮💨
كانت تهم بالخروج و هي تقول : يا عم بطل هبل قال ياخذو...
فجأة أمسك يدها و سحبها لتجد نفسها بين احضانه ثانية
حنان : اااه!؛ بتعمل اي يا مجنون !! هنتأخر على رضعة الولاد !!
-اهو ...شفتي ازاااي؟؟
نظرت حنان الى عينيه بحب و قالت : طب انت عايز ايه؟!
-دووول
قالها بدر بهيام بينما ينظر الى عينيها تارة و الى شفاهها تارة اخرى ..
اقترب ليقبلها لكنهما سمعا طرقا بالباب فابتعدت عنه و قالت بضحك : مييين !!😂
بينما همس بتذمر و هو يهمس : توقييييت ز"باااالة 😤
دخلت سلمى بفرحة: انا جاهزة عشان نروح سوا بس انا كنت عايزة اطلب منك طلب يا بدر
بدر بتذمر: خير ؟؟
سلمى : يا ريت لو تقول لكوثر تجي معانا اصلها مش راضية تطلع من الاوضة أبدا من لما ما"تت امها
نظر بدر الى حنان فأومأت بلطف: اه و الله فكرة و اهو تتعود علي و على الولاد 🙂
فقال بدر لسلمى: طيب شوية و جايين
خرجت سلمى و هي تغمز لحنان دون ان يلاحظ بدر و قد فهمت انها قاطعت شيئا ما
سرعان ما عاد بدر لاحتضانها قائلا برغبة: كنا بنقول ايه؟
حنان بعبث وهي تنفلت من بين يديه : كنا بنقول نروح نقنع بنتك تروح معانا...يالا يا روميو العيال مستنيين الرضعة
خرجت و هي تضحك بينما نفخ بضيق قائلا : اوووف 😤يخربيت كدة 😠 من لما ولدت مش عارف اتلم عليها في مكان لوحدينا
اشي أمي قاعدة عندها و اشي تعبانة و نايمة سيبها ترتاح ...و اشي جايين ضيوف يباركولها و اشي جايين يعزوا 😮💨اوووف
فجأة سمع صوت سلمى من الخارج : يا بدر !! فينك !!!
بدر بضيق: حااااضر جاااي 😏
عند فاتن و مصطفى
-قلتلي كنت في السجن ؟؟
مصطفى بتعب: مش كل الناس عندها صبر و برودة اعصاب زي رضوان ...أنا اول ما عرفت أن الولاد مش ولادي عملت نفسي مسافر و انا متأكد إن الوا'طية ما هتصدق ...طبيت عليهم فجأة ...قت"لتهم هي و هو و رحت سلمت نفسي ...طبعا تهمة
القت"ل بدافع الشرف"عشان كدة أخذت عقوبة مخففة عشر سنين ...بس انا استحق اكثر من كدة😓
وضع يديه على رأسه و قال بندم شديد : انا اللي استحق الق"تل لاني عملتها قبل كدة .. عشان كدة ربنا عاقبني بزوجة خا"ينة ...انا رميت بنتي اللي من صلبي عشان تتربى بإسم راجل تاني عشان كدة ربنا حرمني من الاولاد و بقيت عقيم و فوق كدة خلاني ربيت اولاد راجل تاني انا كمان 😭
لو كنت اتجوزت وفاء و ربيتك في حضني مكانش حصلي كل اللي حصل ..
فاتن ببكاء: عايز ايه دلوقت ؟؟ جاي بعد السنين دي كلها
تحكيلي الحكايات دي ليه ؟! ولا انت ما افتكرتنيش و لا عرفت انك غلطت في حقي الا بعد ما بقيت جدة ؟؟
مصطفى بحزن: لا يا بنتي انا دورت عليكي كثير ...من لما طلعت من السجن و انا بأدور عليكي ...إنا مليش غيرك يا بنتي انتي عيلتي الوحيدة بس للأسف رجعت متأخر اوي ...سألت و عرفت أن وفاء ماتت و فقدت اي أثر ليكي ...
حاولت أوصل لرضوان بس كان مات هو كمان 😮💨
ملقتش حد يدلني على سكتك عشان كدة فضلت عايش وحيد من وقتها. ..فضلت عايش على أمل اني الاقيكي و اطلب منك تسامحيني ...عارف اني فقدت الحق في اني اكون ابوكي من زمان ..بس انا طمعان في كرم ربنا و رحمته و أنه مش هيسمح لي أعيش آخر ايامي وحيد ... فضلت ادعي ربنا كثير لحد ما لقيت رجب جاي يدور عليا و بيقول لي ان رضوان كاتب في وصيته اسمي و عنواني
و بيقول أنه كان عارف طريقي بس مكانش عايزني اظهر في حياة بنته لاني ما استاهلش اكون أب ليها
بكى بحرقة قائلا : معاه حق ...مفيش أب يعمل اللي انا عملته 😭
وقفت فاتن و هي تقول بتصنع البرود بعد ان مسحت دموعها
: لو خلصت اللي عندك انا عايزة امشي
كانت ستذهب لكنه اوقفها قائلا برجاء: تمشي تروحي فين يا بنتي ؟!
فاتن ببرود : ملكش دعوة
- أنا عارف انك ملكيش مكان تروحيله..رجب قالي على كل حاجة ... عشان كدة جيت لك
-مش فاهمة 😏
وقف بتعب قائلا : أنا كتبتلك كل حاجة املكها بإسمك ...فيلتي من النهاردة ملكك لو مش عايزاني اقعد معاكي فيها تحت امرك بس ارجوكي ما توجعيش قلبي عليكي اكثر
مش هأقدر اشوفك متشردة بعد العمر ده ... انا بقالي سنين باتعذب ...انا عايز اعوضك و لو واحد من المئة من انانيتي و قسوتي معاكي انتي و امك
نظرت إليه مطولا ثم قالت و هي تحمل حقيبتها: هأفكر و أرد عليك بكرة
غادرت المكان و تركته يقف خلفها بضياع و هو يقول : ربنا يحنن قلبك على ابوكي العجوز الغلبان ده يا بنتي ... مش عايز حاجة من الدنيا دي غير اني أعيش الايام اللي فاضلة من عمري معاكي و اموت في حضتك 😮💨🥺
كانت سلمى تقف امام غرفتها رفقة حنان بينما تنتظرانه تقدم نحوهما قائلا : هي فين؟
حنان : جوة في اوضة سلمى ادخل انت الاول
بدر: لا خلينا ندخل سوا
حنان بتردد : بس يا بدر
أمسك يدها قائلا : مليش انتي هتبقي في مقام امها يالا
نظرت الى سلمى فأومأت لها : بدر معاه حق ...خليها تتعود عليكي
نفخت بإستسلام و دخلت برفقته
كانت كوثر تجلس على سرير سلمى و هي تنظر الى اللاشيء
بدر بحب :حبيبتي بتعمل ايه ؟؟
كوثر : لا رد
حنان بلطف : كوثر حبيبتي اي رأيك تجي معانا نشوف التوأم؟؟ أكيد مشتاقة لسامي مش كدة ؟
كوثر : لا رد
وضعت يدها على كتفها : كوثر يا رو....
انتفضت كوثر كأنما لمسها عفريت قائلة بفظاظة و هي تبكي) لا، مش عايزة اشوووف حد و لا مشتاااقة لحد ....سيبوووني لوحدي بس ! 😭😭
اقترب منها بدر بهدوء،
كوثر، حبيبتي إحنا عارفين إن الفترة دي صعبة عليكي. فقدان مامتك مش سهل و كان صدمة لينا كلنا مش ليكي و بس ... بس دي سنة الحياة يا بنتي ...الدنيا بتستمر مش بتقف عند حد ...أمك أكيد مكانتش عايزاكي تفضلي في الحالة دي ...كانت عايزاكي تبقي اقوى عشان اخواتك محتاجينلك اكثر من اي وقت ...
حنان بحب : يالا بقى عشان نروح نشوف اخواتك ؟!
كوثر تبكي بغضب مكبوت: ماما كان معاها حق .... هوما السبب في كل ده. ..لو ما كانوش جوم في حياتنا، ماما ما كانتش ما"تت هوما السبب في حرماني منها!😤
في القصر
جرت التحضيرات على قدم و ساق و ساق و انتهت في وقت قياسي و امسكت أميرة بهاتفها و ارسلت الرسالة و هي تنظر الى نفسها في المرآة
لقد كانت فاتنة زكية الرائحة و شهية كقطعة حلوى زادها اللون الأبيض براءة و نقاءا
تنهدت بعمق قائلة : انتي جاهزة يا أميرة ...اوعي تتلبكي اول ما تشوفيه و تبوظي كل اللي انتي عملتيه ده ...اوعي
نفخت بتوتر و نزلت الى الجناح السفلي
عند بدر
بدر و هو يقترب من كوثر و يجلس على ركبتيه لتكون في مستوى نظره : اي الكلام ده يا كوثر ؟ هو احنا مش حكينا في الموضوع ده قبل كدة؟؟؟ اخواتك صغيرين ملهمش ذنب امك كان عندها مشكلة معاهم لو فكرت فيكم و لو شوية ماكانتش عملت اللي عملته...
اطرقت بحزن و هي تبكي بس هي وحشتني اوي يا بابا و عايزاها معايا
بدر: (يمسك بيديها برفق) انتي عارفة انها راحت عند ربنا و مش هتقدر ترجع يا حبيبتي لما انتي تنهاري كدة اومال الصغيرين يعملوا ايه ؟؟
-غصب عني يا بابا 😭😭
بدر : حبيبتي عارف إنك حاسة بألم و غضب كبير بس إحنا عيلتك دلوقتي، وهنكون دايمًا جنبك. عايزك تعرفي إننا معاكي عمرنا ما هنتخلى عنكم لا انتي و لا اخواتك
حنان: (بابتسامة دافئة بينما تمسك بيدها) إحنا عيلة واحدة يا كوثر. وجودك معانا مهم، التوأم محتاجين يشوفوا اختهم الكبيرة..هيزعلوا اوي لو رحنا من غيرك
ترفع رأسها ببطء و هي تتنهد) حاضر، هاجي معاك 😞
وصل ياسين متعبا الى القصر و كانت أم أحمد تهم بالذهاب الى غرفتها بعدما انتهى عملها و اتفقت مع أميرة على كل شيء
ياسين : مساء الخير يا ماما
-مساء النور يا ابني
كان سيصعد الى الأعلى و هو يقول : هي أميرة فوق ؟؟
قاطعه صوتها قائلة :لا هي محضرة العشاء و مستنياك في الجنينة
ياسين بتعجب :لسة فاضل ساعة على معاد العشاء ..طب اغير و الحقها
كان سيصعد حين قاطعته أم أحمد : يا ابني تغير ايه ما انت زي الفل اهو شوف مراتك ما تخلهاش تستناك !!
كان ياسين يشعر بأن هناك خطب ما، و مادامت مصرة على عدم توجهه الى الأعلى فهذا يعني انها تخطط لأمر ما
ياسين بإرتياب: هو اي اللي بيحصل يا ماما؟؟
أم أحمد : محدش يقدر يفاجئك أبدا !! مراتك عاملة لك سهرة في الجنينة مش حلوة تسيبها برة لوحدها
اومأ بإستسلام : طيب تمام رايح الجنينة
توجه نحو الحديقة و بقيت تنظر اليه بحب و تدعو الله في سرها: ربنا يسعدكم و يهدي سركم يا ابني 😊
انخفضت الشمس في الأفق، وألقت وهجًا ذهبيًا دافئًا على الأزهار مترامية الأطراف التي تصطف على جانبي الحديقة. رفرفت بتلاتها الرقيقة بلطف في النسيم، مما خلق بيئة جميلة وهادئة
اقترب ياسين بدهشة و هو يرى تلك التعديلات و الزينة و علامات التعجب بادية عليه بوضوح ؛ هو اي اللي بيحصل ؟؟ و مين اللي عمل كدة؟؟ معقولة وزير؟؟ لالا ده مش شغل وزير 🙄😕
كان السرادق مزينا باللون الأبيض بطريقة تحمل لمسة أنثوية أنيقة و راقية جدا ممتزجة بالبساطة و وسطه وضعت سفرة فاخرة زينتها من الوسط ورود بيضاء
فقال بتساؤل : و بعدين مش قالت انها في الجنينة ؟ نظر حوله قائلا : اومال هي فين؟؟
مع حلول الشفق، تحولت الحديقة إلى مشهد من الألوان الوردية والبنفسجية الناعمة، و عبٌق الهواء برائحة الأزهار المتفتحة
جلس ياسين على مقعد رخامي بالقرب من السرادق ، وكان نسيم لطيف يداعب شعره، وعلى الرغم من بعض الألم الذي يشعر به في صدره حاول التركيز على الجمال من حوله فقط
فقد كان يشعر بداخله بأن هذه الليلة مميزة،..
لا يدر لماذا تذكر فجأة وعد الحب الذي كان معلقًا في الهواء!
اقتربت أميرة وعيناها تتلألأ في الضوء الخافت وشعرها الطويل يلتقط الضوء، ويحيط وجهها كالهالة
كانت ترتدي فستانًا منسدلًا أبيضا جذابا يتراقص حول كاحليها مثل البتلات الرقيقة التي تحوم حولهما تضع لمسات ساحرة من التبرج و قد برعت خبيرة التجميل في ابراز كل خطوط وجهها بطريقة تخطف الأبصار
تسارعت دقات قلبها وهي تقترب خلسة و ما أن اصبحت خلفه حتى اغلقت عينيه بيديها الرقيقتين بينما يمتزج القلق و الحب في صدرها
-حبيبتي !
قالها بحب و هو يستدير نحوها
ليشهق من ذلك الجمال الساحر
-ايه المفاجأة الجميلة دي !! 😍
قالها و هو يقف ممسكا بيديها و يتفحصها بإنبهار
أميرة بخجل بينما تنظر حولها وكان صوتها بالكاد أعلى من الهمس بقليل.
-عجبتك القعدة ؟؟ 🥰
احتضنها بحب وهو يهمس: عاجباني صاحبة القعدة اكثر !🥰
يتبع بقلمي آلاء إسماعيل البشري 🔥
كل سنة و انتو طيبين 🥰❤️
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺