قصة عريس الهنا يا سعدي انا كامله بقلم هويدا زغلول حصريه وجديده علي مدونة عالم الروايات والمعلومات
عريس الهنا يا سعدي انا
حسام _ عيب كده يا انسه سها اقعدي
خليني اكمل كلامي لو سمحت اقعدي بطلي اللي بتعمليه ده ميصحش كده
سها _ اسمع يا واد انت انا استحمتلك كتير انت
خلاص بقيت خطيبي ومن حقي تعملي
كل اللي بقولك عليه
وقبل ما نبدا الحكايه اعرفكم بنفسي أنا
حسام راجع من امريكا ورجع بيت مامته
الام _ حسام بجد انت جيت مش قادره اصدق
يا ابني ان شوفتك تاني
حسام _ هو فيه اي يا ماما اتصلتي بيا كذه
مره وقولتي انك عايزني ضروري فيه اي يا حبيتي
واي اللبس اللي انتي لابسه ده وبعدين هو
انتي ليه هنا في مطبخ الفيلا
الام $ جدك الله يسامحه حب يعاقبني علشان
كنت بزعله وكتب كل حاجه لبنات عمك سليمان .الله يرحمه
حسام _ اي ده هو عم سليمان الله يرحمه ا اتجوز أمتي انا مسافر وبعدها بكام شهر
الام _ مش طلع كان متجوز قبل ما يروح
وعندو عيال من مراته
 |
ولا اي علشان يتعامل معانا بالطريقه
دي اوعي كده وبعدها دخلت روحيه
ست فلاحه وقالت
روحيه _ هو مين ان شاء الله اللي صوته عالي كده انا مش قولت مش عايزه اسمع دوشه في ام الفيلا دي ولا ايه
الام _ معلش احنا اسفين ليكي يا مدام روحيه بس ابني لسه راجع من السفر
وفرحان أنه شافني بس
روحيه _ يا الف اهلا ويا الف اهلا الحمد لله على السلامه يا حسام ما تعرفش جدك بيشكر لي فيك ازاي بيقول انك العاقل بتاع العيله
حسام _ هي مين دي يا ماما اللي بتكلمني بالطريقه دي
الام _ ماهي دي مرات ابنك وبعدها دخلت
بنت جميله اوي وقالت
سما _ ماما جدو قالي ان انزل اقولك ان هو عايزك ضروري فوق
حسام قرب لمامته وقال _ معلش هو انا بس عايزه افهم دي تبقى مامتها ازاي
الام _ اسكت خالص مش عايز اسمع صوتك بعدين نبقى نتكلم
روحيه _ ماشي اطلعي انتي اوضتك وانا هروح اشوف جدك عايز ايه وبعدها خرجوا
والام بصت ل ابنها وقالت
الام _ حبيبتي يا حسام البنت عجبتك مش
كده اي رايك لو تروح تخطبها
حسام _اه هي عجباني بس مش لدرجه اني اروح واخطبها يعني انتي جاباني من برا علشان
اتجوز صح
الام _ اسمع بس مش يمكن لما تتجوزها جدك يخف علينا شويه انت ما تعرفش جدك ناوي يعمل معانا ايه
حسام $ يعمل معاكوا انتوا انا خلاص مسافر
وفي الوقت ده نزل الجد وقال
الجد _ عايز تسافر يبقى تسافر بفلوسك ما فيش سفر بفلوسي تاني. خلاص مافيش فلوس
في البنك ليك من هنا ورايح
حسام _ اخص عليك يا جدو هي دي كلمه حمد لله على السلامه اللي اول ما تشوفني المفروض تقولهالي
الجد _ طول عمركم مدلعين وانا ساكت انما لحد كده وخلاص اي حد عايز يعمل حاجه يكون من فلوسه هو هات الفيزا اللي معاك
حسام _ طيب وانا هصرف منين لما
انت تخدها
الجد _ انزل اشتغل واعتمد على نفسك
هات الحاجه وبعدها اخد الحاجه وخرج
الام $ مش قولتلك جدك مبقاش زي الاول شفت عمل فينا ايه الله يرحم ابوك
حسام _ طيب وانا هتصرف ازاي دلوقتي دخلت كل حاجه كده واكيد هياخد مني مفاتيح العربيه كمان
الام _ قولتلك ان الحل في ايد روحيه روح وقول لها انك بتحب بنتها وخليها هي بقي تتصرف
معاه جدك
حسام _ وهي عبيطه هي علشان لما اروح اقولها ان انا معجب ببنتك هتوافق كده على
طول
الام _ دي ماهتصدق وبعدها خرج .وكانت
روحيه قاعده بتقطف ملوخيه
حسام _ هو انت بتعملي ايه يا طنط هو ده نوع زرع جديد وحضرتك بتعمليه ولا ايه
روحيه _ الله يرحم امك هي امك ما عملتلكش ملوخيه قبل كده ولا ايه يا ولد
حسام _ بصي بصراحه كده انا راجع السفر نفسي اتجوز ولسه بتكلم مع ماما في الموضوع ده قالت لي عمر ما يكون ليك حما لروحيه فانا عايزه اتجوز بنتك
روحيه _ لولولوي الف نهار مبروك يا بني كتب
الكتاب الخميس الجاي وبعدها طلعت
وخرجت الام
الام _ هو في ايه اللي حصل بالظبط معقوله وافقت بسرعه قوي كده ده انا سامعاها بتزغرت من وانا جوه
حسام _ انتي قولتي ان هو واقعه بس مش واقعه قوي كده ده ما صدقت ده انا لسه بقولها عايزه اتجوز بنتك سها زغرطت وطلعت فوق
الام _ يا نهارك ابيض هو انا قولتلك سهى احنا مش متفقين على سما
حسام _ هي بنتها اسمها سما انا ما خدتش بالي طب وفيها ايه مشكله لخبطت باسمها بس الست وافقت مقلتش حاجه يعني
الام _ هتشوف بقى هناك انت عملت في نفسك ايه دلوقتي وبعدها نزلت سهي وهي عامله
تقول
سهي $ بقولك ايه يا حاجه امي قالتلي ان دي عريس مستنين هنا ولا هو فين اشطا
عليك يا برنس شكلك انت العريس مش كده
حسام _ ماما ما تقوليليش ان هي عندها بنت كمان اسمها سهى وهي دي سهى
الام _ ايوه هي دي امال انا عامله اقولك اي انت
اللي جبته لنفسك بقي روحيه عمرها ما هترجع
ف كلامها ، ونزل الجد
الجد _ الف مبروك يا ولد اعرف لو كنت اخترت سما وتقول انك طمعان فيهم بس طلما
انت اخترت سهي يبقي انت عايز
تتجوز وتعقل
حسام _ اه يا حوستي السودا يا انا ياما
انا اي اللي جابني بس من امريكا
وتاني يوم صحي حسام وكانو البنات
عاملين يعلقوا زينه
حسام _ ايه ده صباح الخير هو في ايه انتم عمالين تعلقوا الزينه دي عيد ميلاد حد
سما _ لا مش النهارده خطوبتك على سهى فقلنا كده نعمل جو يعني علشان نحس أن
فيه فرحه وكده
حسام _ فرحه تعلقوا زينه
سهي _ انا بقولك ايه يا حس هو مش المفروض انت تنزل تجيبلي فستان ولا ايه
حسام _انتي ايديكي مش فيكي ولا عينيكغ مش فيكي يعني علشان خاطر انزل ان انا اجيبلك الفستان اقصد يعني حبيبتي مش ده فستانك انت وانتي المفروض تنزلي
سهي_قشطه برنس طيب استناني كده دقيقه واحده هدخل البس واخرلك على طول عشان ننزل نجيب الفستان اشطا وبعدها
دخلت
حسام _ معلش بس يا انسه انا عايزه اسالك شويه هو انت اخت سهي ازاي يعني انا بحس ان هي واخده شخصيه الولد اكثر يعني
سما _ المفروض ان بابا كان متجوز ماما من غير ما ابو يعرف كان بيجيلنا يومين بس في الشهر
اختي سهى الكبيره في ماما كانت بتخليها تتعامل انها ولد علشان خاطر تخلي بالها مننا
حسام _ انتي صغيره باين عليكي جدا بس انت الواجبه شخصيه بنت قوي وبعدين شكلك
حلو اوي
سما _ هو في ايه بس سعات بقلب لشخصيه سها بحس كده اللي قدام مني بيقول لي كلام مش عاجبني
حسام _ اعذريني يعني مش عارف اخبي الكلام
الجميل قصاد الجمال ده
سما _ طيب بعد اذنك بقي وبعدها خرجت سها
سها _ انا خلاص جهزت يا برنس هينزل عشان نجيب الفستان ولا ايه وجيته بيقولك ان هو هيجيب الجواهرجي هنا عشان ننقي الدهب
حسام _ ننقي الدهب طيب
اتفضلي قدامي يلا وبعدها مشيوا
ورجعوا من برا ايد حسام متجبسه
الجد _ خبر ابيض هو ايه اللي حصله يا بنتي ماله مين اللي عمل فيه كده
سها _اسكت يا جدي ضعيف خلع قوي انا لسه بهزر معايا بس لقيته راح تحت العربيه
الجد _ في حد يعرف الهزار ده في يوم خطوبته برده
حسام _ صعبت عليك مش كده ارجوك
اديني الباسبور والحاجه وخليني اسافر وحيات
عيالك
سها _ خلاص بعد كده هخلي بالي احنا
كده اجلنا الفرح مش كده
الجد _ علشان بعد كده تتعاملي تهزري
براحه
سها _ اشطا طيب هطلغ اللعب ماتش كوره
بقي ليك في البلايستيشن شكلك
ملكش اطلع انا
حسام بعياط _ انت ليه بتعمل فينا ارجوك ارجوك
خليني امشي
الجد _ اجمد با بطل مينفعش كده
انت لسه شوفت حاجه
وفي اوضه ام حسام طلع
الام _ كويس انك انا عايزه اول ما تخطب البنت اللي اسمها سها دي تخليها تمضيلك على الورقه دي
حسام _ هو انت مش شايفه اي حاجه غريبه في شكلي ولا ايه يا ماما
الام _ انا صحيح من اللي عمل فيك كده المهم عايزاك تركز معايا بس الورقه دي لو بنت مضت عليه احنا هيكون لينا في الفيلا زي ما هما ليهم بالظبط
حسام _ عرفتي ليه يا ماما جدو كتب كل حاجه اليوم هما علشان انتى بتعملي ده كل اللي يهمك الفلوس وبس
الام _ وهو انا بعمل كل ده ليه مش علشان خاطرك انت واخواتك يعني مش عايزاكم تعيشوا في مستوى اقل من المستوى اللي انتم عايشين فيه
حسام _ وانا مش عايز حاجه يا ماما
الام _ مش بمزاجك انت لو فضلت قاعد هنا جدك هيمشي هنا من الفيلا دي وهيخليك تعتمد على نفسك وتشتغل
حسام _ انا تعبان جدا يا ماما مش قادره اقول انا داخل انام وبعدها خرج من الاوضه وشاف روحيه
روحيه _يا خبر ابيض يا حبيبي هو مين اللي عمل فيك كده تعالي اقعد ارتاح
حسام_ بنتك يا طنط انا لسه بهزر معايا روحت وقعت قدام العربيه
روحيه _ مش بيعيش ليها رجاله ابدا الله يسامحها اللي هي بتعمله فينا
حسام _ اذا طنط مش فاهم هو مش انا العريس الاول ولا ايه هو في حد اتجرأ وخطب اللي اسمها سهى دي قبل كده
روحيه _سيبك سيبك تعالى اما انا عامله شويه محشي ان انا ايه هيعجبوك قوي
حسام _ ربنا يخليكي يا طنط بس انا ما ليش نفس
روحيه _ وربنا ما يحصل هو انا هسيبك تنام كده من غير اكل تعالى تعالى انا عارفه انك انت زعلان اكيد علشان الخطوبه اتاجلت بس ما تقلقش يا حبيبتي شويه وهنعملها على طول وبعدها
نزل كل وهو طالع شاف سما
قاعده في جنينه الفيلا
وخرج وسما اول لما شافته
سما _ ههههه اكيد سهي اللي عملت فيك كده بص يا ابني انا هقولك نصيحه لوجه الله اوعى تقول لها نكته او افيه فيها او اي حاجه عشان هيحصلك اللي بيحصل ده
حسام _ بصراحه هزرها تقيل اوي
سما _ ما تقولي الحقيقه يا حسام هو انت ليه خطبت مع انك ما كنتش شوفتها اصلا
حسام $ بجد انا كان نفسي حد يسالني سؤال ده علشان ارد عليه الحقيقه يا ستي
حسام _
الحقيقه اني ااا..
_شاف جده واقف ورا الباب فعرف انها خطه من سما عشان تكشفه، فبصلها بخبث وقال..
حسام _
الحقيقه اني وانا داخل الفيلا لامحتها في الشباك، وعيني حبيتها اووي بقي وقولت هي دي وكملت معايا لما عرفت انها بنت عمي من لحمي ودمي يعني..
سما بغيظ _
انت بتكدب ده مش الحقيقه..
حسام _
انا والله قولت كل اللي جوايا ناحية سهي وربنا يقدرني واسعدها يا سما، ادعيلنا انتي بس ربنا يتمملنا علي خير...
دخل الجد وقال _
برافو عليك يا حسام طلعت جدع وراجل بجد، وانتي يا سما اطمنتي علي اختك لما سمعتي كلامه...
سما بضيق _
لا يا جدو ما ارتحتش ولا هرتاح غير لما اشوف اختي متجوزه ومبسوطه..
حسام بصوت واطي _
موعدكيش والله..
سما _
انت قولت ايه هاا سمعني كده؟..
حسام بخبث _
بقول ان سهي وحشتني الا هي فينها بقي...
سما _
بتلعب كوره مع الشباب في النادي اللي في الكمبونت ايه رئيك نروح نتفرج. ولا اقولك روح العب معاها احسن مش المفروض خطيبتك وتشاركها في كل حاجه
استغرب حسام وسألها _
استني هوو انتي اتلغبطي ولا انا سمعت غلط، هي بتلعب كوره مع مين...
سما بهدوء ردت عليه _
مع الشباب في النادي هاا هتروح تتفرج...
حسام بغيظ _
اومال هو في حد يشوف خيبته بتلعب كوره وميروحش يتفرج عليها...
الجد _
بتقول حاجه يا حسام يا ابني..
حسام بضيق _
مش بقول يا جدو يا حبيبي وبعدها دمع وقال
حسبي الله ونعم الوكيل انا اي اللي جابني بس
ما كنت قاعد مكاني وبعدها مشي وورا سما
_بعد شويه كان حسام وسما وسهي راجعين من النادي وحسام كان متعصب جدا.، وسالته سهي..
سهي _
قولي يا حوس انت احمر ولا ابيض...
رد عليها وقال _
علي اساس ان انا بيض اه اقصدك لوني يعني انا قمحاوي
ضحكت سما وهي زعقت فيه وقالت _
انت عبيط هو انا بسالك علي بشرتك ليه، انا قصدي بأحمر او ابيض يعني اهلاوي ولا زملكاوي..
اتنهد حسام ورد عليها بنفاد صبر وقال _
ماليش في الكوره يا سهي ولا بطيق اللي بيتكلمو فيها...
سما بقلق _
انت كده غلطت فيها هي مش في الكوره..
شدته سهي من هدومه وقالت بعصبيه _
قولت ايه يا خفيف كده سمعني تاني...
خاف حسام ورد عليها بسرعه وقال _
والله العظيم ما قصدي اقول مش طايقك والله..
سهي بعصبيه _
ما شالله عند اهلك ما طيقتني، بص تغلط فيا اعديلك تغلط في سما اختي ماشي تغلط في العيله كلها نقول عيل وغلط، انما تغلط في الكوره هعلقك من رجليك.يا أبا فوق لنفسك
يلا
حسام بخوف _
لا وانا اقدر ده انا عشقي الكوره ده انتي لو فتحتي قلبي هتلاقيه كوره مدوره من جوه..
سهي _
ايوه كده اتعدل، انا رايحه اخد شاور وانام
بقولك اي خلي ماما تكسر ليا بيضتين ف كوبيا لين
حسام _
هو انتي ناويه تعملي كيكه قبل ما تنامي ولا اي بقولك اي ممكن اطلب من طلب يا سهي..
سهي بملل _
ارغي... يا أبا عايزه اطلع انام وقتك خلص معايا
حسام بغيظ _
خاطب معلم قهوه ولا بنت انا...
سهي _
انجز وقول عايز ايه مش فضيالك...
حسام بتوتر _
ممكن بس بعد اذنك يعني لو مفيهاش اساءت ادب متلعبيش كوره مع ولاد تاني...
سهي بهدوء ردت عليه _
حقك برضو...
سما _
حقه ايه بتاع ايه هو يتحكم فيكي...
سهي بهدوء _
يا بت حقه الراجل حمش وبيغير علي اهل بيته
عجبك العيال التوتو بتوع اليومين دول
بص حسام لسما وقالها بشماته _
اكتمي بقي ومسمعش صوتك تاني..
قربت منه سهي وقالت _
بس هاتلي بنات بيعرفو يلعبو كوره يكونو في نفس موهبة الشباب وانا هبطل العب مع شباب...
ضحكت سما وقالت _
دورلها بقي يا حلو هاهاهاهاهاي
زعق حسام في سهي وقال _
من الاخر كده يا سما انا مش هسمح لمراتي تلعب كوره..
وعقت فيه سهي هي كمان وقالت _
ما شالله عنك ما سمحت انت هتهددني، وبعدين انت بتعلي صوتك علي مين يالا
استخبي حسام ورا سما وقال _
حوشيها يا يما عشان متغباش عليها...
سما وهي بتبعد سهي عن حسام وقالت _
خلاص بقي يا سهي لسه ميعرفكيش كويس..
سهي بحده _
يبقي ما يلوكش كتير معايا انا خولقي يدوبك..
حسام _
ما اي؟...
ردت عليه سما وهي كاتمه ضحكتها _
متلوكيش يمعني ما تتكلمش..
ــــــــــــــــــــــــــــــــــــــــ
_بعد كام يوم كان حسام طالع من الحمام بعد ما اخد شاور والباب بتاع اوضته خبط.، هو فكرها مامته وقال...
حسام _
ادخلي..
فتحت سهي الباب ولقيته مش لابس حاجه من فوق فصرخت وقالت..
سهي _
الله يخربيت اهلك استر نفسك بسرعه..
حسام بأحراج _
انتي ايه اللي دخلك كده علي طول يا بت انتي...
سهي بغيظ _
انت اللي قولتلي خشي...
حسام بنفاد صبر _
وانتي اي حد يقولك خشي، قصدي ادخلي تدخلي علي طول...
سهي بحده _
وانت ملبستش هدومك ليه في الحمام، ومدام مش لابس هدومك بتقولي ليه ادخلي...
لبس حسام التيشرت بتاعه وقالها _
كنت فاكرك ماما المهم عايزه ايه، وبوصيلي انا لبست..
سهي بكسوف _
لا مش هبص مش واثقه فيك بصراحه...
راح هو ووقف قدامها واول ما شاف وشها الاحمر ضحك وقال بخبث...
حسام _
طيب ما انتي حلوه اهو وبتتكسغي زي البنات مسترجله عليا ليه، ده انا محتاج دلع..
_بعد شويه طلعت العيله كلها فوق بعد ما سمعو صوت صويت حسام ولقيو حسام قاعد فوق الدولاب وخايف جدا...
ام حسام بخوف _
يا حبيبي با ابني هي عملت فيك ايه المفتريه دي؟..
سهي بحده _
اتلمي يا وليه، وانت لو راجل انزلي...
حسام بغيظ رد عليها _
انا راجل غصب عنك بس كل الحكايه مش عايز انزل وامد ايدي علي وحده بنت زيك..
سهي بعصبيه _
مين دي اللي وحده بنت يااه ده انا ارجل منك ياااه...
الجد بقلق _
عملك ايه بس قوليلي...
ردت عليه سهي وقالك _
الواطي الحيوان عاكسني وكان هه هيبوسني يا جدو يرضيك كده..
_خلصت كلامها ووشها احمر والكل فضل يضحك عليهم، وهو اتغاظ من انها فضحته قدام الكل...
حسام بحده _
فضحتيني وارتاحتي يا بنت العبيطه...
سهي بعصبيه _
طيب وربنا لانا طلعالك وهرنك علقه معتبره...
حسام بخوف _
امسكوها والنبي متخلوهاش تطلع..
سما بسخريه _
اخيي بجد علي الرجاله...
مسك الجد سهي وزعق فيها وقال _
اتهدي بقي يا بت انتي وفيها ايه اما خطيبك يقولك كلام حلو ولو كان علي البوسه يا ستي فا هو هيأجلها لحد يوم الفرح اللي هو بكره..
سهي بعصبيه _
وحتي لو اتجوزنا هو مش من حقه يقولي كده ولا يبوسني السافل اللي مترباش ده..
حسام بغيظ _
لييي متجوز واحد صاحبي ولا اختي في الرضاعه ان شاء الله...
سهي بغيظ _
سيبوني اطلعله وانا هعلمه الادب...
روحيه _
خلاص بقي يا بت وروحي علي اوضتك ارتاحي عشان الفرح بكره...
_مشيت سهي وهي متغاظه ومتعصبه جدا، ونزلت روحيه وام حسام لتحت وقعدت سما والجد مع حسام..
نزل حسام من علي الدولاب وقالهم بعصبيه _
بقي دي بنت او دي عروسه ده انا لو قربت منها بكره هتلبسني قضية اداب...
الجد بجديه _
لا مش هتحصل حاجه زي كده، بس بالهداوه متبقاش غشيم معاها..
حسام بغيظ _
قولها هي الكلام ده، دي كانت هتفرمني دلوقتي..
ردت عليه سما وقالت _
عشان هي خام اوووي زي ما بيقولو ولا تعرف السما من العمي...
حسام بسخريه قالها _
احنا هنستهبل بقي بقينا في 2023 وعايزه تفهميني ان في بنت معرفتش ولاد ولا كان ليها علاقات قبل كده..
ردت عليه سما وقالت _
ايوه في بنات كتير بس انت مشوفتش غير اللي شبهك، علي العموم سهي عمرها ما ارتبطت بحد ولا صاحبت كل معرفتها عن الجواز نهم اتنين بينامو في اوضه وحده وهيخلفو اولاد...
ضحك حسام وقال _
انتي بتهزري، سهي كده فعلا اومال عامله شبح في نفسها ليه؟..
الجد بهدوء _
لو عايز تفهم سهي كويس يبقي اعرفها من اختك الصغيره سما فاهم يا حسام...
_سابهم الجد ونزل وطلعت سما ومعاها حسام وقعدو في الصاله وردت سما علي سؤال حسام وقالت..
سما _
سهي ديما بتحب تبان انها فاهمه كل حاجه وجامده وشبح زي ما بتقول بس هي اطيب من كده بكتير، وبأقل كلمتين حلوين ممكن تضحي بعمرها عشانك...
حسام _
يا شيخه قولي كلام غير ده انا يا دوب بهزر معاها رمتني قدام عربيه، من دقيقتين اهو حاولت الطف معاها كانت خالفه تحدفني من الشباك..
ضحكت سما وقالتله _
لا مش زي ما انت فاهم هي طيبه وحنينه بس مش زي باقي البنات هي هتصدق كلامك وهتحبه لما تثق فيك يا حسام، وعلي فكره سهي اجمل مني واجمل من اي بنت شوفتها في حياتك انت تعرف هي عنيها زرقا وبسبب انها بتتعاكس عشانهم لبست لانسيز لونه اسود...
حسام بأهتمام _
انتي كأنك بتتكلمي عن وحده تانيه غير سهي خطيبتي...
سما _
مسيرك تشوف كل ده بنفسك يا حسام...
بصلها حسام وابتسم وقال _
طيب نتفق وقت ما اكون عايز اعرف حاجه عن سهي يبقي تقوليها انتي ليا تمام...
سما بحماس _
طبعا موافقه جدا...
حسام _
وبما ان الفرح بكرا فاسف علي لي تصرف مش كويس صدر مني ليكي، ومن النهارده اتمني تقبلي انك تبقي اختي الصغيره...
سما_
موافقه يا حسام، انا لاول مره من لما عرفتك اطمن علي اختي معاك...
حسام _
لا اطمني انا مستحيل اعملها حاجه توجعها..
_بعد شويه مشيت سما وجات ام حسام وقالت بعصبيه..
ام. حسام _
ايه اللي انا سمعته ده يا حسام؟...
حسام بضيق _
ايه يا ماما انا هتجوز بكره وبحاول افهم البنت اللي هتكون مراتي وام عيالي..
ام حسام بسخريه _
نعم نعم ام ايه، لا تكون فاكر نفسك هتفضل كدمتجوزها لحد ما تخلف منها كمان، احنا اخرنا الورق ده وكل واحد يروح لحاله...
حسام بضيق _
لا يا ماما دول بنات عمي وانا مش ندل عشان اعمل فيهم كده، انا احميهم واحافظ عليهم مش هخدعهم، وسهي هتبقي مراتي ومستحيل اعمل حاجه تخليني اقل في نظرها...
ام حسام _
يعني ايه كده خلاص هنفضل عايشين عندهم وتحت رحمتهم..
حسام ـ
انتي حد دايقك حد منهم قالك حاجه تزعلك يا ماما..
سمتت ام حسام، فقعد هو جنبها وقال _
ممكن تفرحي لابنك اللي خلاص قرر يتجوز وبدأ يعجب بوحده..
ام حسام _
طيب كانت سنا اولي بيك مش سهي اللي ارجل منك...
حسام بغيظ _
منك اله يا سهي علي قلة القيمه اللي بقيت فيها دي بسببك..
ــــــــــــــــــــــــــــــــــــــــ
_تاني يوم عملو الفرح ودخل حسام وسهي اوضتهم وهو من اول ما شاف سهي بالميكآب والفستان وهو مش قادر يبعد عينيه عنها خالص...
سهي بغيظ _
يادي النيله يا ابني انت في حاجه ضايعه منك في خلقتي ما تبص قدامك ومتقرفناش في ام اليوم...
حسام _
انتي حلوه اووي يا سهي...
سهي بغيظ _
هتنحنح تاني وربنا المره دي هعلقك في السقف من رحليك واخليك للصبح..
حسام _
لا خلاص المهم طنط روحيه سيبالك قميص نوم حوه البسيه و....
شدته سهي من هدومه وزعقت فيه وقالت _
ااا ايه يا عينيا البس ايه؟..
حسام بقلق رد عليها _
البسيه يا سهي هي مش العروسه بتلبس الحاجات دي...
سهي _
معرفش بس انا مش هلبس الحاجات دي...
حسام بغيظ _
اومال حضرتك هتلبسي ايه جلابيه...
سهي _
اي ده انت عرفت منين..
حسام بغيظ _
لا متهزريش يا سهي انا بقالي تلاتين سنه مستني اليوم ده...
سهي _
بص قميص النوم ده انا هشيله اديه لامك في عيد الام هي بتحب الحاجات دي، انا بقي هلبس العبايه السودا وانام بيها انا مبعرفش انام غير بيها...
حسام بخبث _
انتي تعرفي ايه عن الجواز يا سهي...
سهي بتوتر _
يوه بقي متكسفنيش يا حوس...
حسام _
لا احنا بقينا اهل خلاص ها ردي عليا..
سهي _
هنام جنب بعض..
حسام بصدمه _
بس؟...
سهي بكسوف _
هو في اي اكتر من كده؟...
حسام بخبث _
والله اتكسفتي من دي تعالي احكيلك حاجه كده هتعجبك...
سهي _
طبب اغير هدومي واتعشي..
حسام _
بعدين بعدين...
ــــــــــــــــــــــــــــــــــــــــ
_تاني يوم كانت سما قاعده مع سهي اللي كانت بتاكل وهي جعانه اووي...
سما _
يا بنتي علي مهلك مش كده، هو انت كنت مجوعها بالليل يا حسام ولا ايه؟...
ضحك حسام ورد عليها وقال _
مجوعها ايه دي نسفت الاكل كله مخلتليش غير ورك فرخه...
سهي بغيظ _
بصلي في اللقمه بقي وعدها عليا...
ضحك حسام وباس راسها وقال _
لا يا حبيبتي بالهنا والشفا، هنزل انا اقعد مع جدو شويه...
نزل حسام وسما قالت لسهي _
هو ايه اللي حصل انتو اتغيرتو ازاي كده حبيبتي وباسك ومتكلمتيش...
اتكسفت سهي اووي وردت عليها _
اسكتي يا سما ده الجواز طلع غير ما كنت فاهمه...
ضحكت سما وقالتلها _
بس حسام كويس وطيب صح؟..
سهي بضيق _
بس هو ايه اللي خلاه يتجوزني، ده لحد امبارح كان بيتعامل معايا علي اني ولد...
سما بخبث _
يمكن بدأ يحبك مثلا، زي ما انتي بدأتي كده...
سهي بتوتر _
هو باين عليا اووي كده؟
_قبل ما ترد عليها سما، سمعو صوت بنت بتزعق تحت ولما نزلو لقيو بنت حلوه اووي واقفه قدام حسام وبتقوله..
البنت _
كده تتجوز وتسيبني...
حسام بقلق _
انا سيبتك من سنه لما خونتيني، اي اللي جابك دلوقتي...
حطت البت ايدها علي كتف حسام وقالت _
والله يا بيبي ما خنتك انت فاهم غلط وكنت فاكراك هترجعلي..
سهي بحده _
ومرجعش وانتي اللي جيتي، وسع بقي كده يا ابو حسام واتفرق علي الايد اللي اتمدت ولمست جوزي...
_بعد شويه كان الجد بيكلم حد في التليفون وهو متعصب وبيقوله...
الجد _
تمام يا باشا نجمالك في الافراح..
قفل وبص لسهي وقال _
ده شكل البنت يخربيتك كانو هيقبضو عليكي...
حسام بفرحه كبيره _
دي غيره يا جدو، مراتي حبيبتي بتغير عليا...
سهي بغيظ _
انت بقي حسابك لسه مجااش مقولتليش ليه علي البت الهشكه دي...
حسام _
هقولك هاي كل حاجه بس الصبر،احنا لسه العمر طويل قدامنا ...
_تاني يوم الصبح كانت سهي لسه صاحيه وملقيتش حسام جنبها وجات تقوم لقيت ام حسام في وشها..
سهي _
سلام قولا من رب رحيم، ايه يا حماتي قعدالي كده ليه..
حطت ام حسام قدامها ورقه قلم وقالت _
امضي...
سهي _
ايه ده يا طنط..
ام حسام _
ده عقد تنازل عن نصيبك من الورث لحسام، لتكوني فاكره انه اتجوزك عشان بيحبك هو اتحوزك عشان تمضي علي العقد ده واظن ده رد الجميل...
سهي بدموع _
جميل ايه بالظبط...
ردت عليها ام حسام _
انه اتجوزك، هو كان مين هيبصلك فااتجوزك قبل ما تبوري...
_نزلت دموع سهي ومسكت الورقه ومضت عليها وطلعت ام حسام وهي مبسوطه جدا، وقامت سهي ولمت حاجتها كلها في الشنط وغيرت هدومها ونزلت واول ما نزلت لقيت حسام في وشها وسألها..
حسام _
رايحه فين كده؟..
سهي بحده _
انت مالك ابعد عني...
مسكها من دراعها جامد وقال _
ايه اده مالها دي، اتكلمي كويس وقولي رايحه فين هي وكاله من غير بواب...
الجد._
يا بنتي هو زعلك في حاجه طيب..
سهي _
انا محدش يقدر يزعلني والجميل اترد يا استاذ حسام عقد التنازل عن نصيبي في الورث مع مامتك وشكرا انك اتجوزتني قبل ما ابور..
حسام _
متصدقيش ماما يا سهي انا بحبك...
زعقت سهي فيه وقالت _
كداب، وانا اصلا مش بحب حد وبكرهكم كلكم وهمشي من هنا وهقعد لوحدي وانت تطلقني فاهم ولا لا؟..
وبعدها مشي وطلع حسام اوضه أمه
الام _ خلاص يا قلب امك لو عايز تطلقها
خالص طلقها انا اخد اللي انا عايزه
حسام _ هو انا اي بالنسبه ليكي حرام
عليكي مين قالك ان عايز أطلق سهي عرفتي
ليه كان جدو مانع عنا كل حاجه
الام _ انت ازاي يا واد انت تكلمني بالطريقه
دي وبعدين ده حقنا يا حبيبي وخلاص
اخدنا
حسام _ ملناش اي حقوق بابا راح
قبل جدو يبقي ملناش حاجه في الورث انتي
سامعه ولا لا
الام _ بقولك اي يا واد انت سافر انا هديك
فلوس علشان تمشي من هنا انما انا مش هرجع
حاجه لجدك ودخل الجد
وقالها
الجد _ خلاص ماشي افرحي بالورقه اللي معاكي
مبقاش ليها لازمه خلاص انا اصلا مكنتش
كاتب حاجه ب اسماء البنات
الام _ اي الكلام اللي انت بتقولوا يعني
اي لعبه من العيبك مش كده
الجد _ انا عايزه اعرف هو انتي عايشه معانا هنا في الفيلا ازاي وانتي خلاص اتجوزتي وبعدها حسام انصدم من كلام جدته قاله ايه ده هو انت ما تعرفش ان امك يتجوزت
حسام _ اتجوزت امتى وازاي ما تردي يا ماما الكلام ده حصل امتى
الام _ والله انا معملتش حاجه غلط انا اتجوزت من سنه الله ورسوله وبعدين لو الموضوع مضايقك قوي كده اعتبر أن مليش ورث
ابني ده حقه فين
حسام _ وانا مش عايز اي حقوق انا اشوف سهى فين وهرجعلها وهاخدها وهسافر
الام _ انت عبيط يا بني انا اتجوزت ابوك
علشان يامن مستقلبي وبعدين
راح من قبل ما يعمل ليا حاجه وانت
جاي تضيع حقك
الجد $ خلاص امشي اطلعي بره وسيبي حفيدي معايا وانا عمري ما هضيع حق حفيدي
وبعدها مشيت
حسام $انا مش قادره اصدق يا جدو ان دي ماما معقوله تتجوز بعد بابا الله يرحمه
الجد _ اكتر حاجه مبسوط منها ان انت ماخذتش طبعه وانك بجد اتغيرت واخذ طبع ابوك الله يرحمه
حسام _ كل اللي بفكر فيه دلوقتي يا جدو ان انا ارجع سهى بجد ما تعرفش انا حبيتها ازاي
الجد _سهى هتلاقيها بيتها القديم اللي باب الشعريه روح رجعها وتعالى
حسام _ ماشي وخرج حسام من عند
جدو ودخل اوضه سما مسكها من أيدها وقال
حسام _ يلا بسرعه تعالي وريني بيتكم فين الباب الشعريه علشان سها راحت هناك وانا لازم اروح اجيبها
سما _ في ايه سيب ايدي انت مالك خدت اسلوب سهي ليه كده الكلام براحه
حسام _ ما فيش وقت انا لازم اصالحها وارجعها البيت دلوقتي
سما _ تمام ماشي وبعدها راحوا ومش
لقوا سهي في البيت
وسما شافت جارتهم وقالت
سما ' الا بقولك ايه يا ام عبده ما شفتيش سها اختي كانت جات النهارده الصبح بس مش موجوده في الشقه فوق
ام عبدو _ اه يا حبيبتي موجوده في مركز الشباب اللي على اول الحاره الا مين اللافندي اللي بيلمع
اللي معاكي ده
سما _ جوز وبعدي عنه عشان انت عارفه لسانها هيكون عامل ازاي
ام عبدو _ هو انا قولت حاجه انا كنت عايزه استفسر بس وبعدها حسام قرب منها وقال
حسام _هو يعني ايه مركز شباب واختك هناك بتعمل ايه مع الشباب
سما _ مركز الشباب ده زي نادي عندكم كده
بس علي صغير يلا بينا وبعدها راحوا
سهي _ شوط يلا والله ب طلع عينيك
بعد ما تخلص وبعدها شافتهم
سما _ انت هنا احنا رحنا ليكي البيت مش لقيناك حسام عايز يتكلم معاكي شويه
سهي _ امشي يالا من هنا بدل ما اخلي كل الموجودين يجروا وراك
حسام _ بقولك ايه يا بنت انتي انا بحبك ومش هبعد عنك انتي فاهمه ولا لا وانا مليش دعوه باللي عملته ماما
سهي _ ودي اكيد لعبه جديده بعد ما عرفت ان جدو مش كاتب لينا حاجه مش كده
انا على فكره كنت عارفه ان جدو مش كاتب حاجه علشان كده مضيت لامك على الورقه
حسام _ والله انا حبيتك بجد وحابب فيكي شقاوتك ومليش دعوه بموضوع الميراث ده ومش عايزه اي حاجه انا عايزك انتي وبس
سهي_ خلصت اللي عندك اتكل على الله بقى مش ناقصاك
حسام _ بقولك ايه يا بنت انا عماله معدي ليك اللي انتي عامله تعمليه لا لا اكون فاكراني عيل توتو وبعدها شالها وراح بيها
علي الفيلا
الجد_ في يا حسام انت مالك شايلها انتي عملتي له ايه يا سهى
سهي _وانا عملتله حاجه يا جدو ما انت شايفه هو اللي شايل نزلني يلا لا يومك مش هيعدي
حسام _اسمعي انتي مش هتمشي من هنا وهتفضلي مراتي انتي سامعه ولا لا
الجد _ الواد بيحبك اوي وملوش في اللي
حصل ده
سما _ دي حقيقه
حسام _ هو انتو لسه هتتكلموا اوعوا
كده وبعدها شالها وطلع بيها
الاوضه وفضل عايش معاها بسعاده
وهنا وبعدها جدهم قسم عليهم الورث
وسما بعدها اتجوزت وعاشت معاهم
في نفس الفيلا
تمت
الروايات الأكثر قراءه 👇👇
🌹🌺🌹🌺🌹🌺🌹🌺🌹🌺🌹🌺🌹🌺
🌹🌺🌹🌺🌹🌺🌹🌺🌹🌺🌹🌺🌹🌺
حماتي عاوزه تجاوز