رواية الصفوه بقلم الكاتبه نسرين خالد الفصل الثالث عشر حصريه وجديده علي مدونة عالم الروايات والمعلومات
رواية الصفوه بقلم الكاتبه نسرين خالد البارت الثالث عشر حصريه وجديده علي مدونة عالم الروايات والمعلومات
رواية الصفوه بقلم الكاتبه نسرين خالد الجزء الثالث عشر حصريه وجديده علي مدونة عالم الروايات والمعلومات
 |
وهم راجعين فى طريقهم للمعسكر قدرو يأسرو خمسه من مرتزقة الدواعش.. قابلوهم صدفه.. و كانت الصدفه دى هديه لهم ف كتفوهم (لانهم كانو مخمورين) و غمو عيونهم و رجعو بيهم مع الناس ال كانو اسرى و حرروهم الى معسكر الفدائين... و هناك كانت مستنياهم مفاجئه
دخل الادهم و الزهراء و ال معاهم من ال اتحررو و كمان ال اسروهم من معسكر الارهابين.. و طبعاً دخلو ب كل فخرو انتصار و كان فى انتظارهم قائد المقاومه
....... : حمدالله على سلامتكو يا ابطال.... انا شايف انكم ما شاء الله راجعين منتصرين و كمان معاكم ناس... شكل العمليه كانت متيسره
(على قائد المقاومه فى 36من عمره قوى الشخصيه صاحب عضلات شعره اسود و بشرته خمريه و عيونه رمادى ترعب ال يبصلها(
الادهم : الحمدلله ربنا تمم علينا العمليه دى بالنجاح و كمان حررنا ٦٤اسير كان زمانهم اموات لولا ربنا اراد لهم الحياه
الزهراء : و عشان انت قائدنا و اخونا حبينا نهاديك فى عيد ميلادك و جبنالك معانا هديه يارب تعجبك 😉😉😉
بص القائد علي ل الزهراء و الادهم ب استغراب خصوصاً انهم بيضحكو و بعد شويه سلمه الادهم الاسرى الخمسه
الادهم : إيه يا قائد مش هاتفتح هديتك ولا مش عجباك🤔🤔
علي قعد يضحك جامد لدرجة ان وشه احمر
علي : هديه مقبوله منكم و هفتحها ادامكم😉😉😉
ابتدا علي يشيل الغمايم من على عيون الاسرى الخمسه و بمجرد ما بصلهم اندهش و ذهل بمجرد ما شافهم كويس من المفاجئه العظيمه ..... و ده ال خلى الادهم و الزهراء يبصو لبعضهم ب استغراب و حيره و بعد شويه
علي : يا نهار ابيض انتو عارفين دول مين؟؟؟ انتو عارفين انتو اسرتم مين؟؟؟؟؟ 🤔🤔🤔
الادهم : فى إيه يا قائد مين دول؟ فى حاجه غلط ولا إيه فهمنا؟؟؟
على : غلط😅غلط إيه بس انتو مش عارفين انتو اسرتم مين!!!... انتو عملتو ال بنحاول فيه من مده.. عايزين تعرفو دول مين؟؟ دول قاده مهمين فى التنظيم.... لا دول الاهم فى التنظيم .... دول اقرب قاده من الامير و بيعتبرهم وزراءه
اتخرس الادهم و زهراء من صدمة المفاجئه من كلام قائدهم و ماكانوش مصدقين ال سمعوه ب العكس دول حسو انهم بيتخيلو او بيحلمو لحد ما فوقهم صوت علي من سرحانهم ده
على ب ابتسامه : هديه مقبوله يا ابطال و عقبال الهديه الجايه بس مش هتنازل عن راس الامير هههه و بعدين بص لهم بجديه
على : الادهم... الزهراء... اتفضلو انتوو ابعتو الناس ال حررتوهم دول ل (مهاب و ياسمين) عشان يحققو معاهم و يشوفو لو يعرفو حاجه و بعد كده يوزعوهم على الثكنات لحد ما يرجعو ل اهاليهم و بعد كده ارجعولى هنا تانى
وبص على الاسرى(قيادى التنظيم)
علي : عشان هنبدأ استجوابهم إلا لو عايزين ترتاحو
الادهم و الزهراء فى نفس واحد : حالاً... حالاً هندويهم ل مهاب و ياسمين و نرجع حالاً
و راحو عشان ينفذو ال امرهم بيه علي و بعد ما وصلو ال اتحررو ل مهاب و ياسمين و رجعو تانى ل القائد علي عشان يبدءو استجواب و استخلاص المعلومات من قيادى التنظيم
و نسيبهم دلوقتى شويه عشان يستجوبوهم😈😈😈😈😈
و نرجع تانى ل مكان معسكر الدواعش الارهابيين .. و هناك نسمع حد بيشتم و يسب و يهين فى كل الموجودين
...... : يعنى إيه الخمسه مختفين؟ هيكونو راحو فين؟؟ اتبخرو ولا إيه😡.. و ازاى الفدائين يدهلو المعسكر و يخرجو عادى منه!!! إاايه كانو لابسين طاقية الاخفى ولا انتو كنتو نايمين؟؟؟ 😡😡😡
(الامير راجل فى اواخر الخمسينات بيلبس قناع معظم الوقت و محدش يعرف شكله إلا زوجته الوحيده و وزراءه الخمسه و اسمه مجهول محدش يعرفه و لكنه ملقب نفسه ب ابو ليث نسبة ل ابنه الكبير ليث
احد جنوده : سيدى الامير احنا حاولنا نأسرهم و لكنهم كانو بيقتلو اى حد يحاول يوصلهم او حتى يقرب منهم
الامير : ليه؟؟ هم الفدائين باعتينلى المره دى كتيبة جيش ولا إيه!!!
الجندى بخوف : لا... لا ياسيدى الامير 😨.... الحقيقه هم كانو اتنين بس
الامير : كاااااام ٢بس... ٢يقلبو المعسكر ب الشكل ده؟؟؟ ليه🤔حد من الفدائين المعروفين؟؟؟
الجندى برعب مميت : ايوه يا سمو الامير .... كانو 😰الادهم و الزهراء يا سيدى
صرخ الامير بجنون و قتل الجندى ال كان بيتكلمبيتكلم و ٢كمان كانو جنود واقفين مستنين لاى اوامر الامير و قعد يهذى ب اسماء الادهم و الزهراء... و بعد شويه نده واحد من الجنود عشان ياخد جثث اصحابه و يرميهم للحيوانات المفترسه... و بعد كده يرجع تانى الجندى عشان يدور على وزراء الامير الخمسه و يشوف مكانهم فين و يجبهم ليه حالاً
نرجع بقى مره تانيه ل معسكر الفدائين....... مكان استجواب خنازير الارهاب
علي بيبتسم ابتسامة شر مافيهاش اى دليل على خير 😈
على : واضح ان محدش فيكم ناوى انه يتكلم.. حيث كده بقى ما بقاش ادامى إلا انى ارجعكم مكان حجزكم 😏.... الزهراء.... الادهم
الادهم و الزهراء فى نفس واحد : افندم🤨🤨🤨
علي : خدوهم الاوضه المعزوله و ممنوع عنهم اكتر من ربع رغيف و شوية ميه.... اكتر من كده ممنوع
(الغرفه المعزوله.. دى اوضه مافيهاش اى شباك او اى فتحة تهويه إلابابها فقط عازله للصوت و فيها انوار وامضه و متحاوطه ب مواسير تصدر اصوات بتبوظ الاعصاب كمان ممكن تكون فرن او تلاجه و بتتغير درجه الحراره فيها كل ساعتين)
نسيب بقى الارهابين يستوو شويه فى غرفة العزل😈😈😈........ و نروح ل النحيه التانيه من معسكر الفدائين... و بنشوف شغل كتير و الكل شغال عشان ينتهو من ترتيبات حفلة زواج (حسام و منار) دول بقى اتنين دكاتره من انقى القلوب و اشجعها و مع انهم بيناضلو ل سبيل الحريه و انهم ينهو تقدم خنازير الارهاب إلا أنهم قررو يتوجو عشقهم ب الجواز❤❤❤و كانت هدية جوازهم خبر رجوع الزهراء و الادهم و بطولتهم و كمان خبر القبض على الخنازير الخمسه...... و بعد ساعات الليل نور ب انوار الفرح و السعاده فى كل حته فى المعسكرو راح الكل نحية العريس و العروسه عشان يهنوهم و يدعولهم ب السعاده و الخير و كان مفاجئة الفرح رجوع (حسن) و غنائه🎙
(حسن شاب فى الثلاثينات من عمره يشبه فى صوته و استايله الفنان محمد منير) و غنالهم اغنية حارة السقاين لكن ب كليمات مختلفه و مميزه
حسن بيغنى : 🎼بقى فينا حورينى يا كيكا... بقى فينا لف و دوران... مابقاش فى وقت ياروحى للقسوه و الهجران... ليكماضى كله اماثل فى البطوله و الاقدام... و انا عايزه فدائي حنين مش فدائى و السلام.. ده انا عمرى لا احب الخاين ولا احب الغدارين متجيش تبيع الميه فى معسكر الفدائين آآه
و لكن فجأه وقف الفرح بسبب....
ده ال هايتعرف الفصل الجاااى😉
اراح الله قلوبكم و اراح ارواحكم و رحم موتاكم و رزقكم ما تشتهون