 |
نور البدر
البارت الاول والتاني
بقلم سلمي محمد
كامله وحصريه علي مدونة عالم التقنيه والمعلومات
كريمه بزعيق: قومى ي زفته ايه هتفضلى نايمه طول اليوم اصحى يلا شوفى شغلك
نور:اووووف عاوزه ايه ي طنط على الصبح هو كل يوم كدا سيبينى بقى انام شويه
كريمه بغضب وهى بتضربها برجلها:طنط فى عينك فزى يبت قومى جهزى الفطار لابوكى
نور قامت بوجع:حاضر قايمه
كريمه:ماكان من الاول يختى لازم اتعصب عليكى متجيش غير بالضرب انجرى قومى جهزى الفطار علشان تنضفى البيت يلا
خرجت كريمه ونور قامت بتعب غسلت وشها وبدأت تحضر الفطار وحطته على السفره وكلهم قعدوا ياكلوا
مصطفى والد نور:ايه ي كريمه البت دى مزعلاكى فى حاجه مالك متعصبه ليه على الصبح
كريمه:اه يخويا دى بت ناقصه ربايه بتغلط فيا وتبجح ومش بترضا تعمل حاجه وعاوزانى خدامه ليها يرضيك كدا
مصطفى:بت ي نور انا كام مره قولتلك تسمعى كلام كريمه ومتشتكيش منك انتى ايه يبت مبتسمعيش الكلام ليه وانتى فقر زى امك كدا
نور بحزن:متجبش سيره امى امى كانت احسن منك ومن مراتك دى بكتير وانت السبب فى موتها هى معملتلكش حاجه
مصطفى وهو يشدها من شعرها:انتى ليكى عين تتكلمى دا انا مستحمل قرفك وسايبك عايشه معانا فى البيت وكمان تبجحى امك كانت فقر زيك مشوفتش معاها يوم عدل واهى غارت فى داهيه بس بلتنى بيكى لو سمعت انك ضايقتى كريمه تانى أو مسمعتيش كلامها انا هقتلك فاهمه الكلام يتسمع ويتنفذ من غير نقاش غورى من وشى
مصطفى زقها وقعت على الأرض جامد وهى بتعيط وسابها ونزل وكريمه واقفه بتضحك عليها بشماته
كريمه:تستاهلى علشان تسمعى الكلام بعد كدا يلا اتفضلى قومى نضفى البيت وجهزى الغدا
نور بدموع:هو انتى ممكن تسيبينى اذاكر شويه وهعملك اللى انتى عاوزه
كريمه:خلصى اللى قولتلك عليه وبعدين اتنيلى اعملى اللى انتى عاوزه على أساس هتفلحى اوى يلا قومى
قامت نور بسرعه تنضف البيت وتجهز الغدا وكريمه قاعده هانم بتتفرج على التلفزيون اكتر مجهود بتعمله أنها ترفع رجلها علشان نور تنضف تحتها وبعد وقت
نور بتعب:انا خلصت كل اللى حضرتك طلبتيه ممكن بقى ادخل اوضتى اذاكر شويه
كريمه:ادخلى يختى بس اعملى حسابك لما ابوكى يرجع هتطلعى تجهزيله الاكل
نور:حاضر
دخلت نور اوضتها وهى تعبانه وحزينه وبدأت تذاكر هى حلمها تدخل طب وتخلص من الهم اللى هى عايشه فيه دا بس طبعا كريمه مش سايباها تروح دروس هى بتذاكر لوحدها وبتروح المدرسه على الامتحانات بعد فتره من المذاكره كانت خلاص تعبت وعاوزه تنام سمعت صوت ابوها وصوت كريمه وهى بتنادى عليها خرجت بسرعه حضرتله الغدا ودخلت تانى على اوضتها من غير كلام تكمل مذاكره
باليل ونور بتذاكر تلفونها رن
نور:الو مين
المتصل:*******
ياترى مين اللى اتصل بنور وهى هتفضل فى الحياه دى ولا ظروفها هتتعدل تفاعل كتير علشان انزل اللى بعده
نور البدر
البارت التانى
نور:الو مين
المتصل:ايه ي نيمو مش مسجله رقمى لا ازعل
نور بدهشه:مالك وحشتنى اوى
مالك:شطوره عرفتى صوتى انتى اكتر يحبيبتى عامله ايه
نور بحزن:مش كويسه انا محتاجاك اوى انتى هترجع امتى
مالك:فى ايه بس يحبيبتى مالك ايه اللى حصل
نور بدموع:بابا ي مالك هو ومراته مش سايبنى فى حالى انا تعبت كل يوم ضرب واهانه مبقتش قادره استحمل تعالى خدنى من هنا
مالك:نور أهدى يروحى انا هرجع واخدك ونعيش سوا بعيد عن كل دا بس اصبرى انتى عارفه أن مينفعش ارجع دلوقتى لازم اظبط امورى الاول وكمان متنسيش أن ابوكى طردنى يعنى حتى مينفعش ارجع اشوفك
نور بعياط:ماليش دعوه انا مش عاوزه افضل هنا انت قولتلى قبل كدا مش هتسبنى واديك سبتنى ونسيتنى
مالك:محصلش مقدرش انساكى انتى اللى فضلالى ي نور بس بابا طردنى بسبب مراته الحربايه وانا لازم اظبط نفسى واعرف اثبت فى مكان علشان ارجع واخدك اصبرى انتى مش بتثقى فيا
نور:بثق فيك بس انا خايفه وتعبانه
مالك:أنا عارف انك خايفه بس والله وحياتك عندى وغلاوتك هرجع واخدك منهم ومحدش هيقدر يمنعنى بس عاوز ابقى قادر أحافظ عليكى الاول نيمو متنسيش انتى وصيه امى قبل ما تكونى بنتى مش اختى بس متقلقيش اتفقنا هتبقى قويه وتستحملى لحد ما ارجع
نور:اتفقنا بس اتصل بيا متنسنيش
مالك:حاضر كل ما اقدر هتصل بس انتى خالى بالك من نفسك ومن مذاكرتك عاوزينك اشطر دكتوره
نور:أن شاءالله انا بحاول على قد ماقدر اذاكر لما كريمه بتسيبنى فى حالى ومتطلبش منى حاجه
مالك:معلش ي نونو استحملى بس شويه بصى انا لازم اقفل هكلمك تانى سلام
نور:سلام
قفلت نور مع مالك ونامت علشان عارفه أن كريمه هتصحيها بدرى زى كل يوم
وفى مكان تانى نلاقى البطل بتاعنا قاعد فى بار صغير عامله فى الفيلا بتاعته وبيسكر بيدخل عليه صاحب عمره
مروان:ايه ي بدر دا انت مش هتبطل بقى فوق يبنى بقالك كتير غايب
بدر بسكر:عاوز ايه ي مروان سيبنى فى حالى
مروان:اسيبك ازاى الشركه مبقتش تروحها ولا بتخرج اخرك بتشتغل من البيت انت ايه يشيخ هتضيع تعب السنين وشغلنا كله علشان واحده زباله
بدر بغضب:متجبش سيرتها مش عاوز اسمع عنها حاجه لا هى ولا اى ست تانيه كلهم زى بعض
مروان:ماشى ي بدر بس لازم تفوق وتنزل الشركه انا مش هشتغل لوحدى انت المدير فوق متضيعش كل حاجه فى ساعه حزن
بدر قام وهو بيتطوح وساب مروان وطلع اوضته
مروان بحزن على صاحبه:ربنا يهديك ي صحبى وتفوق قبل ما كل حاجه تضيع مننا
مشى مروان رجع بيته وبدر نام وعدا اليوم على ابطالنا تانى يوم الصبح بيقوم بدر على صوت تلفونه
بدر وهو ماسك دماغه من الصداع:الو
مروان:ايه يعم فوق يلا وتعالى عندنا اجتماع مهم ولازم تحضر كفايه كدا ي بدر انت ريحت كتير تعالى بقى شيل عنى شويه
بدر بتعب:ماشى ي مروان هجهز واجى قال كلامه وقفل السكه فى وشه وقام اخد شاور ولبس بدلته السوده ونزل ركب عربيته واتجه للشركه دخل بهيبته المعروفه وكله وقف احترام وخوف منه
بدر:منى قولى لمروان يجيلى
منى السكرتيره:حاضر ي مستر بدر
دخل بدر مكتبه وبعد دقايق مروان دخل عليه من غير ما يخبط
مروان:ايوا يعم كدا تيجى تنور مكتبك تانى عاوزين نشتغل بقى
بدر بجديه:انا هقول كام مره خبط قبل ما تدخل
مروان:اه احنا رجعنا بجد طيب المهم الاجتماع كمان ربع ساعه هتحضر ولا نأجله
بدر:هحضر بس هاتلى الاول الاوراق بتاعت المده اللى غبتها كلها وتعالى قولى ايه اللى حصل فى غيابى
مروان بفرحه:تمام قول لمنى تجيب الورق وانا هعرفك كل حاجه
بدر داس على الزرار:منى عاوزك
منى بعد ماخبطت ودخلت:نعم ي مستر
بدر:هاتيلى الاوراق بتاعت الفتره اللى فاتت كلها بسرعه
منى:حاضر ي فندم
خرجت منى وبعد دقايق رجعت ومعاها كل الاوراق وحطتها قدام بدر على المكتب وخرجت بهدؤء بدأ مروان يشرح لبدر كل اللى حصل وهو غايب لحد معاد الاجتماع وقاموا هما الاتنين راحوا اوضه الاجتماعات
وفى نفس الوقت عند نور
كريمه وهى بتشدها من شعرها:انتى ي بت ال**** انا كام مره لازم اقول الحاجه علشان تنفذيها مبتسمعيش الكلام ليه
نور بوجع: اااااااه ابعدى عنى خلاص ونبى سيبينى
كريمه وهى بتضربها:اسيبك ايه يبت ال*** مبتسمعيش الكلام انا زهقت منك عارفه يبت لو متظبطيش هخلى ابوكى يرميكى فى الشارع زى ما عمل مع اخوكى الزفت
نور بعياط ووجع:سيبنى مش هغسل رجلك انا مش خدامه عندك سيبينى فى حالى
كريمه بغضب:ماشى تعالى بقى فضلت تضرب فيها وهى بتصرخ لحد ما أغمى عليها ووشها بقى كله دم كريمه سابتها مرميه على الأرض وراحت قعدت ولا كأنها عملت حاجه
مصطفى:السلام عليكم ايه دا الزفته دى مالها
كريمه بدموع تماسيح:فضلت تبجح فيا يخويا وزقتنى كانت عاوزه تموتنى فضربتها مش انت قولتلى اكسرى رقبتها يرضيك اللى عملته فيا
مصطفى بغضب:ازاى يعنى تعمل فيكى كدا انا هجبلك حقك هاتى مايه
جابت كريمه مايه ومصطفى كبها على نور وهى قامت مخضوضه وهى بتعيط وخايفه
مصطفى:بقى انتى يبت ال**** عاوزه تموتى مراتى تعاليلى مسكها من شعرها وهى بتعيط وتصرخ ونزل فيها ضرب
نور بعياط ووجع:ي بابا والله معملت حاجه ونبى خلاص انا جسمى كله واجعنى كفايه
مصطفى مكنش عنده رحمه وفضل يضرب فيها وبعدين اخدها رماها فى اوضه ضالمه وهى بتصرخ
نور بخوف:بابا لا ونبى متسبنيش هنا انا بخاف من الضالمه خرجنى من هنا وهعمل اللى انتو عاوزينه
مصطفى:البت دى متخرجش ولا تيجى جمبها لا اكل ولا مايه تدخلها فاهمه خليها تتربه
كريمه بفرحه وشماته فى نور:حاضر اللى تامر بيه
راح مصطفى ينام وساب المسكينه فى الاوضه وفضلت تعيط وتنادى عليه لحد ما أغمى عليها من الخوف والوجع
ياترى ايه اللى هيحصل لنور وايه حكايه بدر وايه اللى حصله
لمزيد من الروايات الحصريه الكامله مش هتلاقوا غير هنا أدخلوا وشاهدوا وحملو التطبيق لو عجبكم👇👇👇👇👇👇