رواية تزوجت بكماء الفصل الاول حتى الفصل الثاني عشر حصريه وجديده على مدونة أفكارنا
 |
مجمعين كامل في الصالو مقصرين مع بعض هوما يهدروا و انا نتفرج فيهم برك عجوزتي كل مرة دورلي تسقسيني نفس السؤال اكي مليحة؟ مليتي؟ حابة حاجة بنيتي؟ و انا في كل مرة نجاوبها بنفس الحركات و نديرلها براسي لالا محاوطيني ولادي في جنبي راقدين على فخذي و حاكمين تلفوني يلعبو بيه و انا نمسح على شعورهم و هوما عاجبهم الحال مالغري عندي سمانتين برك ملي عرفتهم بصح من اول دقيقة شفتهم فيها درتهم ولادي و تعلقت بيهم ناضت نرجس خزرت فيا ماما جعت درتلها براسي و نوضتها معايا باه نروح نمدلها تاكل ما كلات والو ناضت العشية ديراكت جات هنا مع خوها و قعدو يتفرجو نضت جيت خارجة حبسني صوت سلفتي كي قالت اموا قولي اسمحولي بالسلامة خارجة هكا درتلها حتى غمزتها سلفتي الاخرى حداها قالتلي اه حقا نسيت بلي راكي بكوشة هههه اسمحيلي خيتي و ولاو... صفحة رسمية The Best Family يضحكو هي و سلفاتي دمعتي هبطت و خرجت ديراكت حكملي فادي في روبتي و دارلي بيدو جاست تاع مهبولة على مرت عمو ضحكت و مسحت دمعتي حكمتهم و دخلتهم للكوزينة نسمع في سلفي يتضارب مع مرتو قالها بكوشة و محترمة و صاينة روحها احسن منك و ضربها خرجت تبكي و عجوزتي تقولو والله و مازالت تلحق براءة و لا تهدر حتى معاها غير نحاوز جدها و ما نسال عليك ولا عليها ماشي الطفلة مازالت عروسة جديدة لا راجل جا لعندها لا عاشت حياتها كي الناس مسكينة تكمل عليها المكلوبة مرتك خرج هو و ضرب الباب درت الشيكولا في الخبز لفادي و نرجس و ديتهم معايا للدار عندي سمانتين زواج راجلي مالمحتش وجهو نعرف غير اسمو محمد و يخدم شاف كازيرنة لا جا في خطبة لا عقد... الخطبة قالت يماه عندو خدمة العقد كي ولا تاع البلدية افامي تاعنا جاب عقدلنا في الدار نهار العرس قالو راه يستنى فيكم في الدار كي رحت تاني مالقيت والو عجوزتي كل مرة تصبرني بكلمة عندو خدمة مشارجي مايقدرش يجي حتى وليت شاكة بلي ماكانش منو هاد الراجل قاع غير كي ولا يكلم في ولادو باه سمعت صوتو بصح وجهو لدرك مالمحتو ..... اسمي براءة عمري 27 سنة الي يشوفني يديرني في عمري 20 من ملامح وجهي جاية قصيرة و لاطاي تاعي مليحة معمرة اللازم... فيا شوي دوارة ماشي خارجة بزاف عينيا نوازات شواربي معمرين مانحبهمش قاع جاية عاقلة بزاف و حشامة المشكل الوحيد فيا اني بكماء( خرساء... ماتهدرش يعني 🙂) و السبب هو...
الحلقة 2
أنا لهذه اللحظة وكلما وضعت رأسي على الوسادة اتساءل! كيف خطفك الرحيل عني فجأة هكذا !؟ .. لم تـودعـنـي! لم تخبرني بأن تلك المحادثة كانت الأخيرة بيننا ... لم أضمك إلى صدري حتى يشبع منك ولم يملأ عطرك رئتاي حتى ! .... أنا حتى لم أقبلك ولم يسعفني الوقت حتى لأخبرك بأنني أحبك جدا ! وبأنك أعظم الأشياء في قلبي وأكثر شخص يع
يش في فكري وأكثر وجه سأفتقده طيلة حياتي 💔
الحلقة 2
عايلتي تتكون من ماما و بابا و التوأم تاعي براء اقرب انسان لقلبي حنا الوحيدين عند ماما و بابا بابا مدير ليسي متقاعد ماما قاعدة في الدار مدللينا فوق اللازم كبرنا مصاحبين غير بعضنا انا دايرة صاحبة وحدة زينب و براء كان عندو بزاف صحاب بصح نبقا انا صديقتو المقربة يحكيلي كلش قرينا مع بعض في كل المراحل حتى وصلنا للجامعة درنا نفس التخصص مالغري نقطتي كانت اكبر منو و نقدر ندير بيها تخصصات افضل بصح خيرت ندير كيفو كيما عياو فيا ماحبيتش حتى هو قالي ماتضيعيش مستقبلك علاجالي بصح اصريت على قراري دخلنا للجامعة بنفس التخصص و بدينا القراية و حنا ديما مع بعض الي يشوفنا يغير منا كانت العين ديما علينا خاطر تقريبا في كلش مع بعض في الكلاسة يقعد معايا يحب يقعد مع صحابو نتشنف عليه يديرلي خاطري و يبقى معايا كي نخرجو لبرا نرجعو كيفكيف يعني كلش كلش مع بعض عمرها مافرقتنا حاجة و لا تدابزنا على... صفحة الاحتاطية اجمل قصص وحكايات بقلم ليليا حاجة خاطر علابالنا حنا سند لبعض بعد ماما و بابا حتى في لافامي نص لبنات كانو يغيرو منا يقولولي علاه نتي خوك هكا و هكا و حنا خاوتنا هكا.... حتى للنهار الي ختمنا مشوارنا الدراسي نهائيا و درنا سوتنوس مع بعض فاتت رووعة لافامي كامل جات عندنا عمومي عماتي خوالي فرحولنا الناس كل و الحمدلله تخرجنا بمعدل ممتاز الاساتذة كامل كانو يحبونا و يحبو براء سيرتو كان ضحايكي و قصار يعرف كيفاش يهدر عكسي انا كنت حشامة و عاقلة صوتي ماتسمعيهش غير معاه هو في الدار نتقلب قاع..
#اتفاعلوو نحتاج 50 بارطاج وتعليقات 800 نكملهالكم هيا متبخلوووش
#عجوزتي
#للجميع
#تزوجت #بكماء.
الجزء3.4.5
الحلقة 3
نحتاج 50 بارطاج وتعليقات 800 نكملها هيا متبخلوش نشفى للميموار كيفاش في كل خطوة نستأذنو من بعض نتفاهمو مانتدابزوش... براء كيما عياو فيه صحابو يدير معاهم بصح ماحبش قالي ندير معاك تكمل فرحتي غير بيك نتي مام انا حللوني بنات ندير معاهم ماحبيتش كملنا الحفلة كي جينا مولين براء قال انا نروح مع صحابي عييت نحلل فيه يجي معايا هو يقلي خلي برك دوك نرجع و تشبعي مني ماكرهتيش مني اسيدي و يحضن فيا و بنات عمتي يقولولو اي كبيرة راك تجيح فيها قالهم عندي فرد اخت هاديك عينيا كي مانجيحهاش انا شكون يجيحها و انا نغزل فيهم حتى راح مع صحابو كي رجعنا للدار و راحو الناس طول بعدهم ماجاش عييت نكلم فيه تلفونو مغلوق كلمت ماما صاحبو الي هو ولد صفحة رسمية The Best Family خلتي قالها تفارقت معاهم من الصباح تقلقت عليه وليت نبكي و بابا خرج يحوس و يشوف في صحابو حتى كلمو في نيمرويا بيسك اخر وحدة كلمني انا قالولي بلي براء دار اكسيدو و مات اخر كلمة كنت نتوقع نسمعها مستحييييل ماقدرتش نصدق 💔..... مات توأمي مات خويا الوحيد مات سندي و كتافي بعد بابا مات الي كان ديما مونسني و منحي عليا الغبينة مات الانسان الي مايعز عليا والو يقلهم نحي عينيا و نعطيهم لبراءة مات محور حياتي تخطف في عز شبابو مازال ماشاف من الدنيا والو واش كان راح يصرا لوكان دار برايي و جا معايا و رجعنا كيفكيف للدار كيما موالفين واش كان راح يصرا كون ماراحش مع صحابو و اجلها لمرة اخرة تقولي انو قضاء و قدر و اجل بصح نهار تجيك في العزيز عليك تجهلي و ماتحصيش راسك واش ديري...
الحلقة 4
مافقتش على روحي حتى للنهار الي نضت فيه و عرفت بلي كنت في غيبوبة مدة شهر زدت هبلت كي عرفت بلي دفنو خويا عزيزي و انا ماشفتوش و ماودعتوش ماشفتوش اخر مرة و شبعت عيني بشوفتو و مليت صدري بريحتو... حرف ماقدرتش ننطقو من الصدمة و الضغط الي فوتو بعدما سمعت بموتو كنت علابالي حاجة عادية و الطبيب ماتولهش معايا علابالو انا مانيش حابة نهدر و انا صح ماكنت حابة نهدر مع حتى انسان رجعت للدار لقيت ماما في فراش ملاوحة و تعدد بابا غير قاعد في كرسي و تايه مايهدر مايتحرك عايلتنا تشتت بمعنى الكلمة مانقدرش نوصف بشاعة انك تفقدي الحاجة الي كانت محليتلك حياتك عمود داركم بعد باباك الجبل الي كنت نتسند عليه عليه كي نميل كانلي اكثر من اب فاتت هاديك الايام و انا كنت المتضرر الكبير من موت براء حاكمة شمبرتو و تريكوه و غير نبكي بصح الصوت ماكاش ماكنتش حابة نهدر مع حتى انسان براء هو الي كان يهدر معايا و يهدرني يعرفني حشامة و ... اجمل قصص وحكايات بقلم ليليا مانحبش نهدر بزاف راح هو مع شكون راح نهدر درك ؟؟ حتى للنهار الي جات جداتي عندنا كيما عيات تهدر فيا حابة نهدر معاها بصح ماقدرتش في هاد الفترة الي فاتت في الدار كلمة ماخرجت يما غير ملاوحة و بابا كيفكيف يديه الليل يجيبو الليل و انا حاكمة الشمبرة و قاعدة عييت حابة نهدر حابة نخرج صوتي والو حتى وليت نبكي و نشيرلهم بلي ماقدرتش نهدر داني بابا ديراكت للطبيب عطاولنا برية نفوتو عند طبيب الاعصاب يشوف الجهاز العصبي رحنا عندو و زدنا رحنا لطبيب نفسي تعين بلي فقدت القدرة على الكلام اثر الصدمة ومن اثار الغيبوبة و زدت هلكت روحي كي ماهدرتش درت ليسكانار لي راديو كلش بصح ماطلع عندي والو في الجهاز العصبي تاعي كان سليم...
الحلقة 5
بعثني طبيب الاعصاب عند الطبيب النفسي تشخصت حالتي بما يسمى البكم النفسي أو البكم الهستيري (Selective Mutism) يحدث نتيجة تلقي الشخص لصدمة او تعرضه لموقف مرعب مما يؤدي الي استجابة نفسية تجعله غير قادر على التحدث... في اغلب الحالات يكون هاد البكم مؤقت يتطلب العلاج النفسي و التأهيل اللغوي باه يرجع الشخص لحالتو الطبيعية و في حالتي انا بديت صح نتعالج و نحضر جلسات عند طبيب نفسي في ولايتنا بعد تقريبا اربع شهور لقيت بلي مافيهاش فايدة و رفضت رفض قاطع اني نرجع نتعالج كيما عياو فيا بكاو الدم باه نرجع انا عاندت و حلفت تعبت رايحة جاية و مافاد فيا والو و ديجا علواه راح نرجع نهدر شكون الي راح يهدر معايا ماما ولات في عالم وحدها تخدم حاجتها بسكات تحط الغذا و .... صفحة رسمية The Best Family العشاء تنقب معانا و تنوض تصلي و ترجع ترقد بابا كيفكيف ديما لبرا يحاول مايرجعش للدار لانها تاع الصح ولات تسبب اكتئاب الي صرالي انا في هاد الفترة ثاني دخلت في اكتئاب نقدر نقول عليه حاد حسيت حياتي وقفت بعد براء الحاجة الي نجي راح نديرها نقول كيفاش قلبي يعطيلي اني نديرها بلا بيه الماكلة كي نجي راح ناكل و نقول كيفاش يعطيلي قلبي اني ناكل بلا براء ياك كنت نستناه حتى يدخل باه نتغذا و نتعشى معاه حتى نولي راح نخرج نقول كيفاش نخرج بلا براء ياك ديما يخرجني هو عمرو مافارقني مايخلينيش نخرج وحدي يخرجني هو فوتت شهرين اكتئاب ضو الشمس ماشفتوش حاولت شحال من مرة ننتحر ينقذوني في اخر لحظة و رجعت نتعالج عند الطبيب النفسي على الاكتئاب
#اتفاعلوو نحتاج 50 بارطاج وتعليقات 800 نكملهالكم هيا متبخلوووش
#عجوزتي
#للجميع
#تزوجت #بكماء.
الجزء6.7.8
الحلقة 6
ماكمش طلعو في بارطاج وتعليقات لبنات بغتوني نحبس القصص هيا متبخلوووش ..و الحمدلله قدرت نتجاوز هاديك الفترة هاد الطبيب قد ما نشكروا مانوفيش حقو كان طبيب وشيخ في نفس الوقت يعطيلي اجوندا نكتبلو فيها ينصحني يوعيني يحاول يتفاهم معايا بكل الطرق كي لقاني غالقة كلش يوصل ليا انا قبل ما نتخرج كنت مخطوبة لولد جيرانا كان هابل عليا بأتم معنى الكلمة و انا كنت رافضة بقا يسمك على بابا لافامي تاعو ديما عندنا في الدار سيرتو يماه تحسب سكنت معانا كي قالو بابا الطفلة ماشي قابلة راح لعمومي لافامي تاعي كامل دارها في لخر استسلمت و قبلت كان فرحان ميت دار خطبة كبييرة و تحدد لادات تاع العرس كان بعد السوتنوس بثلاث شهر حاب غير رضايتي كان يشوفني لبرا مع براء يغير منو يقلي علاه انا صفحة رسمية The Best Family ماتهدريش معايا كيما خوك و ماتضحكيش معايا كيفو انا ماكنتش نحبو قلت ممكن الحب يجي بعد الزواج بعد موت خويا براء كي وقفت شوي على روحي و فقت على عمري جاني عظملي الاجر و راح ماهدرتش معاه قاع بعد مافقت بمرضي سمعو الناس كامل حتى هو جا لعندي نوقف معاك انا مانخليكش ديما وراك قابلك حتى ماتهدريش انا فرحت ماشي على خاطر وقف معايا ولا قلت نورمال هو تقبلني بمرضي ممكن صح نحبو بعد الزواج هاد الانسان وصلت حتى نقمت على روحي قلت كيفاس عاقل هكا و انا مانحبوش لكن بعد هدرتو هاديك بشهر بالتمام و الكمال نهار كنت رايحة للطبيب النفسي انا خارجة نلقى الطوموبيلات غالقة الكارتي الناس واقفة قدام دار انور ( خطيبي) تخلعت رحت نجري داخلة نشوف واش كاين عند الباب نسمع في بنات خوه الصغار يهدروا يقولو عرس عمي انور 💔....
الحلقة 7
راسي حبس من التخمام بقيت واقفة ثما غير عينيا يدورو على الدار نشوف مع الناس تمشي رايحين جايين واحد ماتلفت شافني رجعت للدار محطمة مخذولة من انسان كان وعدني انو يوقف معايا في محنتي قبل شهر برك كان يوعد فيا نوقف معاك مانخليكش ووو دار شهر قدقد عرس ويكتا خطب ويكتا وجدو حالتهم ضحكت كي تفكرت بلي الصوالح الي كان موجدها لعرسنا باين تزوج بيها هادي هههه دخلت للدار نحيت صباطي خرجت يما بقات تشوف معايا و ساكتة عاودت دخلت لشمبرتها و غلقت الباب هبطو دموعي كركرت روحي لشمبرتي نبكي ماغاضتنيش انو خطيبي تزوج و لا غاضتني الغدرة كان ممكن يجي يقول مانقدرش نتزوج بيها والله بالقلب الصافي نورمال قابلة بيسك انا ديجا مانحبوش و نتمنالو الخير بصح ماشي لدرجة يركب عرسو و هو كان يمني فيا بهدرة ماراحش يكون قدها نص ساعة و دخل بابا للدار مقلق سمعتو يهدر مع ماما قالها الرخيس انور عرسو ركب و انا قبل سمانتين يهدر معايا نوقف مع صفحة ثانية اجمل قصص وحكايات بقلم ليليا براءة مانخليهاش وحدها في محنتها كي رحتلو درك قالي يما ماقبلتش نتزوجها بصح الا حبيت خليها عندك حتى نجي نديها دوزيام فام ناضت ماما تبكي دخلت عليا قاتلي رجعتي علاجال شوفتي العرس درتلها براسي و طاحو دموعي جات تحضن فيا مايستاهلكش الرخيس ربي فكك منو ماشي راجل ماعندوش كلمة بقات معايا هداك اليوم كامل هي و بابا حاطيني وسطهم و يحضنو و يبوسو حمدت ربي على نعمتو قلت ممكن كون تزوجتو راني تمرمدت معاه طلع ماعندوش كلمة...
الحلقة 8
بعد عام كامل من موت توأمي رجعت الحياة شويييا في الدار طبعا مارجعتش كيما قبل مي كومام كي رجعت ماما جمعت روحها جمعتنا معاها و احتواتنا انور سمعت بلي مرتو جابت طفلة انا بقا مشكل البكم تاعي مستمر معايا و تعايشت معاه نورمال في الاول دارنا يفهوني و نكتبلهم ديما هازة اجوندا في يدي نكتب فيها كنت نحس انو الانسان كي يكون ابكم احسن من يهدر و واحد مايقدر يفهمو نخبي مشاعري لنفسي و نحتفظ بيها في قلبي بصح مع مرور السنين عانيييت بزااف من هاد المشكل و اثر عليا المجتمع المحطم كي رجعت خالطت الناس ولاو يضحكو عليا يتنمرو نجي نريوندي عليهم نتفكر بلي راني مانهدرش البنات تاع لافامي الي كنت حاسبتهم يحبوني طلعو كامل كانو غايرين مني يستنولي في الطيحة ولاو يستشفاو فيا سيرتو كي تزوج انور و فتحت تلفوني بعد شهووور من موت براء لقيتهم كامل باعثين يضحكو عليا اغلبهم قالولي هادا الي كنتي تتقلشي على العرسان و تتقلشي على انور هاه راح و خلاك.... 4 سنين فوتتهم دمار نفسي فوق ماراني مريضة هوما كملو عليا نخرج نحوس على خدمة يعرفو بلي بكماء يردوني تجي وحدة تخطب صفحة رسمية The Best Family تقولها ماما بلي ماتهدرش تنوض في وجهها تروح مااحترموش مشاعر الناس علاه الانسان المرض دارو بيدو و هادي حقيقة في مجتمعنا للاسف الانسان يكون مريض في عوض مايكوراجيوه للعلاج يكملو عليه وليت باب الشارع مانعتبوش و مانخرجش بعد قررت ندير الجلباب و النقاب و درتهم على قناعة وليت نروح للجامع الي حدانا نسمع للدروس و نقرا القرآن بصمت و نرجع و كان القرآن الشافي لقلبي و بلسم لجروحي الي خلفها فيا الوقت و المجتمع
#اتفاعلوو نحتاج 50 بارطاج وتعليقات 800 نكملهالكم هيا متبخلوووش
#عجوزتي
#للجميع
#تزوجت #بكماء.
الجزء9.10.11.12
الحلقة 9
لبنات نزيدكم حلقات هدو ونشوف معاكم نلقى 50 بارطاج وتعليقات 600 نكملها منلقاش والله نحبسها والقصة نتاع نجود تاني نزيد اشوي ونحطلكم حلقات نلقى فيها بارطاج 50 نكملها منلقاش حتى هيا نحبسها واني حلفت هيا متبخلوووش ..انور قبل ما ندير الجلباب و النقاب و نروح للجامع كان ديما يتبع فيا و هو ببنتو و مرتو كرهتو في الدم لمزية ماكنتش نحبو يضل يلحق فيا نديك دوزيام فام احسن ماتبقاي هكا شكون راح يديك حتى و نتي بكوشة و تتقلشي على العباد وين راكي طايرة بيها عقليتك وليت ديما نشوفو نبدل طريقي ينوض يعاير فيا قدام خلق ربي و انا مانقدرش حتى نهدر ولا نسكتو تولي غير دموعي تجري على خدي كي درت الجلباب تهنيت منو شويا الشهر الاول قاع ماعرفنيش حتى للنهار الي لقاني خارجة من الدار و عرفني رجع لعادتو حتى للنهار الي حكيت عليه لبابا لايم عمومي و ولادهم و راحو عطاولو طريحة ماينساهاش في حياتو بعد شهر عاود ولا يهدد فيا هاد المرة قالي الا تلاقيتك في الشارع والله نهزك نديك واحد مايجيبلك خبر حتى مرضك يعاوني ماتقدريش تعيطي وليت نخاف نرجف حكمت الدار مازدتش خرجت صفحة رسمية The Best Family و لا رجعت للجامع حتى الخدمة كنت حابة نخدم تراجعت لوين نخرج و هداك الكلب يستنى فيا حكمت الدار وليت قاعدة مع ماما و صاي نقرا قرآني نحكم كتاباتي نقرا بعد موت براء و البكم تاعي انعزلت على العالم و قطعت علاقاتي مع الناس كاملين غلقت كامل مواقع التواصل القديمة الي عندي و درت جدد مافيهم حتى انسان في الواقع نتعامل غير ماما و بابا في الدار و وحدة فاميلتنا مرا كبيرة تجي لعندنا فقط هوما كي يروحو لتجمعات دار جدي يعياو يحللو مانروحش يروح بابا يوصل ماما و يرجع يبقا معايا كنت نحس اني قيدتهم معايا بصح الله غالب ماشي بيدي...
الحلقة 10
و هكدا فاتت اربع سنين من حياتي بدون ماننطق حرف من غير الانين فقط ولا في عمري 27 سنة و كانت عندنا وحدة فاميلة بابا تكون بنت عمتو كانت ديما تجي عندنا مرا كبيرة تحبني بزاااف هي الي قدرت تخرج ماما من قوقعتها و هي الي اقترحت عليا ندخل للجامع نقرا و نحي ضيقة روحي و واقفت كي ولاو لافامي بايرة و بكوشة بلا خدمة ولا مستقبل مالغري ماكنتش نقابلهم مي توصلني هدرتهم بالنسبة ليهم حياتي صاي توقفت انا الي كنت نرفض في العرسان الي يجي نردو نقول مازلت صغيرة ولاو هوما يرفضو فيا بصح ماكنتش دايرة هاد الحاجة في راسي بزاف كان اخر همي اني ندخل انسان جديد لحياتي في هاد الفترة بصح روماركيت بلي ماما و بابا ماكلين همي بزاف بيسك بابا بعد موت براء ولا عندو السكر و من قبل عندو لاطونسيو و ديما يقلي كي نموت لمن نخليك خوك الي كنت ساند ظهري عليه راح خلاني... صفحة ثانية اجمل قصص وحكايات بقلم ليليا حتى لنهار خطبتني هادي المرا لوليدها الارمل رفضت و ماحبيتش واش ذنبو هو حتى يدي وحدة بكوشة كيفي و هي تمت ورايا اقنعتني بكلمة راهو قابل و نورمال بصح السيد لا حضر خطبة لا حضر عقد لاجا في عرس فوتت عرسي و الناس تتغامز وحدة تقلها بكوشة و دات شاف كازيرنة خممي نتي على روحك كرهوني في حياتي عرسي فوتو مرار في مرار و كملو عليا الي يتسمى راجلي الي مانعرف عليه والو من غير اسمو محمد و سمعت من لبنات في العرس بلي شاف كازيرنة و جات عندي بنت عمي تقلي ماتخمميش والله غير يطلقك يموت و يفنى على مرتو و ماعاودش وراها الزواج شهرين و يرجعك زادت كملت على مابيا و طلع كلامها صح 💔
الحلقة 11
كي جا الكورتاج تاني ماكاش هنا صاي توسوست قالت راهو يستنى في الدار كيفاش هادي يستنى في الدار؟ سكتت و صليت على النبي و رحت الراجل تاني ماكاش دخل عندي عجوزتي قاتلي جاتو خدمة راح مزروب ممكن غدوا يرجع رحت للدار هبلت هادي كيفاش الراجل ماكاش حتى باهنهدر معاها ماكاش كيفاس هي ماتعرفش تقرا وليت على سعدي سكتت و رقدت و ماعرف حتى واحد بلي السيد ماكاش الصباح رجعو عندي الدار قاتلهم عندو خدمة راح ليوم الصباح كي شافتني تخلعت فيها قاتلي باه مايتحيروش ماماك و باباك يوم بعد يوم الراجل ريحتو ماكانش عجوزتي كل يوم تقولبني بكلمة راه يخدم عندو اشارج في الخدمة حتى فوتت سمانتين من عرسي عندو و وجهو ماشفتوش لا فوطو لا حقيقة.. باباه ميت ملي كان صغير..صفحة رسمية The Best Family هو الكبير في خاوتو كي دا الباك دخل في الجيش باه يخدم على خاوتو و يماه و صح دار التاويل لعمرو درك هو قراد في الجيش الدار الي بناها ليماه روووووعة خاوتو دايرلهم حوانت تلفونات و معرسلهم كامل و عايشين كل واحد عندو ايطاج فوق يماه غير هو داير دار مع يماه بصح بابها وحدها و كلش هوما لاباس عليهم من الناحية المادية ماشي لدرجة الثراء ولا اغنياء نورمال يعني مايخصهم والو عايشين غاية هادا راجلي الكبير في خاوتو عندو 3 خاوة ذكورة كامل متزوجين و 4 بنات زوج متزوجين و زوج لا خاوتو كي البنات كي الذكور كامل ماشاء الله و هادا الي طمني قلت باين يكون كيفهم
الحلقة 12
كي دخلت لدراهم لقيت بلي صاحب براء واحد كان يقرا معانا طلع سلفي الصغير كامل ههه نهار شوفتو تشوكيت و هو يقلي كنت نستنى غير وقتاه تجي نشوفك نهار الي شفتو تفكرت براء نضت نبكي ماحبيتش نسكتلهم رقدت على دمعتي ماكليت والو هادي الربعة سنين قاع و لا يوم نسيت خويا كل يوم نتفكرو مرة نبكي كي نتفكر بلي صاي ماراحش نزيد نشوفو مرة نضحك نتفكر مواقفنا مع بعض كل يوم ندعيلو بالرحمة و لا يوم و لا صلاة نسيتو فيها كل صلاة ندعيلو ربي يرحمو بعد العرس بثلاث ايام راحو الناس من عندهم ماولاش يجو و احسن بالنسبة ليا بيسك كنت نسمع في كلام الي يجو يباركو يوسوسو في عجوزتي كيفاش محمد طول و عرض تجيبيلو وحدة كيما هادي تقول طفلة صغيرة ماتبانش قاع 27 و زيد ماتهدرش بكوشة هادي يكمل يربيها مع ولادو صفحة ثانية اجمل قصص وحكايات بقلم ليليا ماشي تربيهملو بصح عجوزتي كانت صح واقفة معايا تقلهم ماعندو ماخصها الا على الزين زينة و شاطرة و الا على الهدرة قالها الطبيب عاجلا و لا آجلا راح ترجعي تهدري و ديجا محمد قابلها انا ماعندو مادخلني كنت نرتاح كي نسمعها تقول بلي هو قابل و ماعلاباليش بلي هو اكبر معارض لهادا العرس تعرفت عليهم اكثر كي كمل صاي العرس و الناس ماولاتش تجي عايلتو كاملة يهبببلو روعة حاجة وحدة سلافاتي في ثلاثة منعرف واشبيهم عليا...متنساوش .
يتبع
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺