رواية عيشه تانيه بقلم خديجه أحمد الفصل الاول حتى الفصل الحادي والعشرون حصريه وجديده على مدونة أفكارنا
 |
رواية عيشه تانيه بقلم خديجه أحمد الفصل الاول حتى الفصل الحادي والعشرون حصريه وجديده على مدونة أفكارنا
داليدا بطله الروايه عندها 12 .سنه عيونها خضره و بشرتها قمحي و شعرها اشقر غامق ❤
مريم اخت داليدا عندها 15 سنه بيضاء و عيونها خضره وشعرها اسود
مروان اخوهم عنده 10 سنين عينه عسلي وبشرته بيضاء
باباهم عامر و مامتهم فريده
احمد بطل الروايه عنده 17 سنه عينه رمادي وبشرته بيضاء
علي اخو احمد عنده 14 سنه عينه عسلي وبشرته قمحي وعنده نمش خفيف
نبيله مامتهم
في يوم كانت داليدا و اخواتها راجعين من المدرسه
داليدا: اهلا ي عمتو امال فين ماما مش شيفاها يعني
ناديه بصت لأختها وبعد كده رجعت بصت لداليدا وسكتت
مريم بقلق لأن اول مره يرجعوا من المدرسه ميلاقوش مامتهم مستنياهم: في ايه ي عمتو ماما و بابا حصلهم حاجه ولا ايه؟!
مفيش رد
مريم: طب عمتو سميره قوليلي انتي....ماما و بابا فين
سميره بتوتر:ااا اصل.....
داليدا: اصل اي ي عمتو؟ في ايه ؟
سميره بعياط: مامتكم وباباكم عملوا حادثه
داليدا ودموعها خلاص هتنزل منها:ايوه طبب هم كويسين دلوقتي صح؟
سميره:اا...
ولسه هتكمل
ناديه بمقاطعه: هو احنا هنصبر عليهم كتير ولا ايه بصي ي حبيبتي منك ليها ابوكم وامكم ماتوا ف يلا كد مع السلامه تلموا شنطكوا عشان خالتكوا هتيجي تاخدكم
داليدا ومريم واقفين مصدومين ومش عارفين يستوعبوا اللي بتقوله
مريم فجأه حست بدوخه
داليدا وهي بتمسكها: م مريم انتي كويسه؟
مريم بتوهان : اه اه كويس...
وقبل م تكمل وقعت اغمى عليها
سميره جريت عليها وحاولت تفوقها و داليدا قعدت ف ركن كد وعماله تعيط وهي شايفه اختها بتروح منها ومش عارفه تعمل اي ولا تفكر ازاي صدمات كتيره مع بعضها مش عارفه تفكر ف حاجه كأن الدنيا اسودت ف وشها
ناديه بحقد: بقولك أيه ي سميره قلبك الرهيف دا مش هينفعك احنا متفقين ع كل حاجه سوا
سميره بعياط: انا هروح اوديها المستشفي البنت مش بتفوق
داليدا بتسرع وبكاء: انا هاجي معاكي
ناديه بأمر: لا ي حلوه انتي هتفضلي هنا
سميره خدت مريم وخرجت بره الڤيلا
ناديه وهي بتجيب داليدا من شعرها:انتي السبب في اللي هيحصلك دا ي داليدا
داليدا بعياط: هو في ايه ي عمتو انا مش فاهمه حاجه و بعدين شعري وجعني سبيه
ناديه وهي بترميها: انا هقولك في ايه،في أن اخويا ابويا وامي فضلوه عني انا واخواتي،طبعاا مهو الولد الوحيد ع تلت بنات،في ان هم كتبولوا كل حاجه بأسمه واحنا زي الكلاب عايشين في ملكه اللي هي اصلا المفروض بتاعتنا كلنا،
عيشه_تانيه
البارت التاني
عارفه في ايه كمان!،في ان انا لما سقطت امك عشان كانت حامل ف ولد و كنت عايزه احرق قلبها زي محرقت قلبي لما خلت اخوها ميوافقش انه يتجوزني لما شوفتيني و انا بوقعها من على السلم جريتي ع بوكي قولتيله وهو طبعا بيصدقك في كللل حاجه،طبعا م انتي شبه امك وخلتيه يفضل شايل مني طووول عمره،دا غير انه بيعامل جوزي ازبل معامله هو اه جوزي مش قد كدا برضه وكان بيغل منه شويه لكن هو معملش حسااب انه جوز اختههه!!
بت...انتي ختي من وقتي كتير سعاد يلا خديها ارميها في اي حته بعيد عن هنا
سعاد بطاعه: حاضر
ومسكت داليدا من ايديها وقالت
سعاد: يلا ي حبيبتي قبل اما خالتك تيجي
داليدا ببكاء واستغراب : هتوديني فين يعمتو
سعاد بنفاذ صبر : انتي لسه هتسألي
وراحت خبطاها ع دماغها واغم عليها
«««««في المستشفى»»»»»
سميره: خير يا دكتور مريم كويسه؟
الدكتور وهو بيطمنها: اه الحمدلله هي بس جالها صدمه عصبيه كتبتلها ع شويه مهدئات وهتبقى كويسه
سميره: يعني اقدر اخدها دلوقتي؟
الدكتور:اه طبعا تقدري
«««««في مكان بعيد جداً عن الڤيلا»»»»»»»
سعاد وهي بتفوق داليدا : يلا ي بت فوقي
داليدا وهي ماسكه دماغها وبتبص حوليها: اههه دماغي بتوجعني اوي.....ايه دا انا فين؟؟؟
سعاد بأستهزاء:انتي في الشارع ي حببتي
داليدا بعياط: اشمعااا اناا؟!،انا عملتلكم ايهه ليه بتعاقبوني على حاجه انا مليش ذنب فيها ليه
سعاد بحقد: ناديه هي اللي عايزه كدا انتي اصلا مش فرقالي تغوري ولا تروحي في داهيه،اه ولو حاولتي ترجعلنا مش هتعرفي لأنك لو حاولتي طول عمرك توصللنا مش هتقدري المكان بعييييد جدا ،يعني محدش هيقدر يساعدك ي حلوه
خلصت كلامها ومشيت من غير متلفت وراها
داليدا بتحاول تقوم عشان تلحقها ولكن كل م تحاول تقوم تدوخ و تقع مكانها تاني
«««««في الڤيلا»»»»»
مريم طلعت تستريح
سميره بزعيق: انتوا وديتوا البنت فينن؟!
ناديه وهي بتقلب ف الفون: رمناها في الشارع
سميره بعدم تصديق: رمتوهاا؟! ، يعني ايه؟ هو احنا مش متفقين ان احنا نوديهم لخالتهم وخلاص،انتوا مفيش في قلبكوا رحمه!
ناديه بشر: انا غيرت الاتفاق ومتنسيش كلنا ف الهوا سوا
سميره بغضب: حسبي الله ونعم الوكيل فيكوا ااا متقلوليش انك رميتي مروان كماننن؟!
ناديه بإستهزاء: لا هو معمليش حاجه ونتي اكتر واحده عارفه انا رميتها هي بذات ليه،وبعدين نتي هتشتغلي نفسك؟ انتي كنتي م
#عيشه_تانيه
البارت التالت
انتي كنتي معانه في كل حاجه و وافقتي برضه على كل حاجه فمترجعيش تحسبني علينا لأنك موافقه وراضيه وساكته
سميره بدموع: انا فعلا عملت كد بس انتي برضه اكتر واحده عارفه انا وافقت ليه
ناديه : ايوهه انتي فضلتي جوزك وعيالك على ولاد اخوكي ودا الصح
سميره بتأنب نفسها: انا غلطت غلطه كبيره اوي وعارفه اني عمري ما هقدر ارجع اللي راح بس اللي اقدر اعمله اني اروح واحكي لخالتهم على كلللل حاجه
ولسه هتتحرك
ناديه بتهديد: روحي.....روحي احكيلها على كل حاجه بس متنسيش تقوللها على كلل حاجه هي كد كد هتعرف ان داليدا مش موجوده ونتي طبعا عارفه اقصد بكل حاجه ايه...هتودي نفسك لحبل المشنقه بإيدك .......سيبك من اني هخلي جوزك عاطل عشان كدا كدا كلنا هندخل السجن... فكري ف عيالك اللي هيتيموا وهيتحرموا من حضن امهم طووول عمرهم
سميره سكتت بقله حيله وعنيها بتدمع
ناديه بسخريه: لازم يعني اقول نفس الكلمتين عشان تتخرسي وفجأه الخدامه جت: ي هوانم أخت الاستاذه فريده الله يرحمها وصلت
ناديه: خليها تدخل
إيمان لابسه اسود في اسود
إيمان: سلام عليكم
ناديه وسعاد وسميره: وعليكم السلام
ناديه بحزن مصطنع: البقاء لله
إيمان بضيق: في حياتك الباقيه،امال فين العيال
ناديه: فوق نايمين يعيني من الصدمه
إيمان بقلق: هو مروان عرف حاجه؟
سميره: لا لا معرفش حاجع جه من المدرسه طلع نام علطول
إيمان: طيب انا طالعه اشوفهم
سعاد وهي بتبص لناديه بخوف: انا مليش دعوه باللي جاي دا إيمان هتعرف ان داليدا مش موجوده وليليتنا هتبقا سوده
ناديه:متقلقيش هتصرف انا....خليكي كد جبانه
اما سميره ف راحت لأوضتها عشان متواجهش إيمان
ايمان: ايه يا ميرو انتي كويسه؟
مريم: اه يا خالتو متقلقيش شويه دوخه بس
وافتكرت اللي حصل وبدأت عينها تدمع
إيمان بتعجب : امال فين داليدا؟،انا دخلت لقيت مروان نايم بس ملقتش داليدا
مريم بأستغراب: ازاي انا سيباها تحت
إيمان: شفتيها بعد مرجعتي من المستشفى؟
مريم: لا بس كنت شيفاها قبل ما يغمى عليا وعمتو توديني المستشفى
دخلت عليهم ناديه بمقاطعه: مش موجوده
إيمان بأستغراب: مش موجوده ازاي؟وراحت فين؟
ناديه: مش عارفه هي اصلا مرجعتش معاهم من المدرسه
مريم بصدمه:ازاي انا شيفاها بعيني داليدا رجعت معانه،متصدقهاش يا خالتو فين داليدااا؟
عيشه_تانيه
البارت الرابع
إيمان: ما البت بتقول اهو انها رجعت معاهم
ناديه: والله انا قولتلك اللي عندي عايزه تصدقيني براحتك مش عايزه براحتك برضه،في الحالتين داليدا مش موجوده
مريم بعياط:فين اختي يا خالتو انا عيزاها
إيمان: متخفيش يقلبي هنلاقيها هتكون راحت فين يعني
ومسكت ناديه من هدومها وقالت:وديتي البت فين،قولي لأما اقسم بالله لدخلك السجن بإيدي
ناديه ببتسامه: هه وريني عرض كتافك ويلا خدي العيال وامشوا البيت مبقاش بيتكم
إيمان بأمر مريم قومي صحي اخوكي يلا وحضروا شنطكوا عشان لا يمكن نقعد في البيت القذر دا اكتر من كدا
ناديه سبتها ومشيت
««««««في شارع بعيد عن الڤيلا»»»»»»»
داليدا كانت قاعده في جنب في الشارع ودموعها على خدها
نبيله:مالك يا بنتي ايه اللي مقعدك كدا شكلك بنت ناس ومش وش بهدله
داليدا بصتلها بحزن ومردتش
نبيله وهي بطبطب عليها: طيب يا حبيبتي فين ماما وبابا
داليدا: م ماتوا
وانهارت من العياط
نبيله:ي حبيبتي يا بنتي
وخدتها بالحضن
ناديه:امال انتي عايشه مع مين دلوقتي يا قلبي
داليدا:.......
نبيله: شكلك مش عايزه تتكلمي دلوقت خلاص انا هاخدك معايه لغايه ما نشوف فين اهلك
اما داليدا ف مكنش قدامها اختيار تاني غير انها تروح معاها متعرفش هتروح فين او هيحصل فيها ايه كل اللي تعرفه انها مش عايزه ترجع تاني لعماتها
«««««««في قسم الشرطه»»»»»»»»
الضابط: تقدري يا استاذه تقدمي بلاغ بعد 48 من اختفائها
إيمان: بس يا فندم البنت تايهه انا متأكده
الضابط: يا استاذه ما يمكن تكون راحت هنا او هنا مش لازم يعني تكون تايهه...احنا ورانا مشاغل لو مظهرتش بعد يومين تعالي قدمي بلاغ و ان شاء الله نلاقيها
إيمان بحزن: طيب بس عندي طلب انا هوريك صورتها عشان يعني لو حد لقاها وجابها تكون عارف شكلها
الضابط:تمام
وبعد م وريته الصوره
الضابط: تمام ي استاذه لو لقينا بنت بالمواصفات دي هنتصل بحضرتك بس سيبي رقم موبايلك
إيمان: تمام شكرا لحضرتك
«««««««في ببت بعيد»»»»»»»
نبيله : اهو بيتي يارب يعجبك بس وتستريحي معانه
دخلت داليدا ونبيله قعدتها على الكنبه
نبيله : ها اسمك ايه يا قلبي؟
داليدا بحزن: اس اسمي داليدا
نبيله: الله اسمك جميل اوي
داليدا ابتسمت بحزن
نبيله: ايوه كدا اضحكي مفيش حاجه تستاهل زعلك،انا هدخل اجبلك اي هدوم من ولادي يمكن الاقي حاجه على مقاسك
#عيشه_تانيه
البارت الخامس
داليدل بخضه: هو حضرتك عندك اولاد؟!
نبيله : اه يا حبيبتي عندي ولدين ما شاء الله عليهم وهما كانوا بره وتلاقيهم راجعين في الطريق دلوقت
داليدا وهي بتمسح دموعها: اا انا آسفه انا لازم امشي دلوقت عشان مزعكوش
نبيله بتسرع: تمشي تروحي فين بس الدنيا خلاص بتليل ومش هينفع تخرجي دلوقت
داليدا رجعت قعدت على الكنبه وقالت : طبب خلاص همشي بكره
نبيله: اوعدك لما نلاقي عيلتك هتمشي علطول
اما نبيله ف دخلت تجبلها الهدوم
نبيله: اتفضلي يا حبيبتي يارب بس تيجي على مقاسك
داليدا خدت الهدوم ودخلت الاوضه
علي و احمد رجعوا من بره
علي : انا جعااااان
أحمد: هتفضل مفجوع كدا ديماً
اما داليدا ف خرجت من الاوضه بعد اما غيرت لقيتهم في وشها
برقت وهما برقوا و مش فاهمين حاجه
احمد: هو احنا دخلنا بيت غلط ولا ايه
علي: تقريبا كدا
نبيله خرجت من المطبخ: اهلا يا حبايبي نورتوا،سلموا على داليدا
علي بابتسامه: اا اهلا يا داليدا
و
داليدا ابتسمت
اما احمد ف كان مصدوم و مفتحش بوقه
نبيله بحده: سلم يا احمد على ضفيتنا داليدا
احمد بص بغضب ودخل اوضته
نبيله وهي بتحاول تلم الموضوع: طب اتفضلي يا حبيبتي و علي اقعد معاها عقبال محضر العشاء
علي بهزار: انا عارف انك اكيد اتضايقتي من رد فعل احمد
بس هو كدا بيتخانق مع دبان وشه
داليدا: عادي انا عذراه بس متقلقوش والله انا اول ما الاقي اهلي هرجع علطول
قالت كدا وعنيها دمعت
علي بابتسامه جذابه: طب ممكن تحكيلي ايه اللي حصلك
داليدا كانت متردده تقول ولا لا
علي بطمإنان: متقلقيش احنا هنا عشان نسعدك و اي حاجه هتقولهالي هتفضل سر بينا
داليدا بتمد صابعها: وعد؟
علي بابتسامه ومد صابعه: وعد
داليدا حكيتله على كل حاجه
«««««««في غرفه احمد و علي»»»»»»»
نبيله: واحنا من امتى يا احمد بنعامل الضيوف كدا؟
احمد بغضب: ضيوف ايه يا ماما بعد اللي حكتيه دا؟،بنت لاقتيها في الشارع صعبت عليكي تدخليها بيتنا متعرفيش اصلها ولا فصلها و لبستيها من لبسنا واللي زاد وغطى دخلتيها اوضه بابا الله يرحمه اللي بقالك اكتر من عشر سنين مفتحتهاش اسمي دا ايه يا ماما؟
نبيله بدموع: حنيه يا بني ايه متعرفاش ؟ ....غريبه مع اني مربياكوا عليها،البنت صعبت عليا وهي مش وش مرمطه وبعدين انت عارف انا قد ايه كان نفسي في بنت و ربنا ما اردش ويوم ميجيلي الفرصه ان يبقا ليا بنت تعمل كد يا احمد؟
#عيشه_تانيه
البارت السادس
احمد: يا امي احنا اظن مش مقصرين معاكي في حاجه غير ان البنت اكيد ليها اهل يدوروا عليها
قاطعهم فتح الباب
علي: انا عرفت ارار البت دي
نبيله بقلق: ايه عرفت مين اهلها ؟
علي حكالها على كل حاجه
علي: بس يا ستي وهي قالتلي انها مش عايزه ترجع تاني
خايفه من عماتها اوي
احمد قلبه حن بس برضه مش متقبل ان في واحده غريبه هتشاركه في امه
نبيله: الحمدلله يارب
علي بمزاح:والله كنت عارف انك هتفرحي عشان كان نفسك في بنت يا نيبو
نبيله : بس يا ولا
احمد: وبعدين يا ماما خلاص هتفضل عايشه هنا؟
نبيله: مش عارفه لسه احنا برضه نعمل اللي علينا ولو ملقناش اهلها خلاص يبقا خير وبركه
علي: طب ايه يا نيبو مش ناويه تأكلينا اي حاجه كدا انا هفطس من الجوع
نبيله بتذكر: هو احنا ناسيين حاجه؟
علي: حاجه زي ايه ؟
نبيله : احيه انتوا سيبين البت لوحدها بره
علي: احم نسيت
نبيله وهي بتقلع الشبشب وبتحدفو عليه: اجري يلا اقعد معاها عقبال محضر العشا
علي بضحكه : حاضر حاضر منا الحيطه المايله بتاعت البيت دا
ايمان: يلا يا حبايبي اطلعوا غيروا هدومكم عشان تاكلوا حاجه انتوا مكلتوش من الصبح
مراون ببراءه: خالتو امال فين ماما وبابا وبعدين ميرو زعلانه ليه ومش بترد عليا
ايمان بتوتر: م ماما وبابا سافروا يا حبيبي وهيجوا قريب
مروان: طب مخادوناش معاهم ليه؟
ايمان: بطل اسأله بقا يا مارو وروح غير هدومك عشان تاكل
مروان : حاضر
وطلع الاوضه يغير هدومه اما ايمان ف راحت تحضر الاكل
خالد ابن ايمان عنده 19 سنه عيونه عسلي و بشرته سمراء وعنده غمازتين
خالد وهو بيفتح باب الشقه: الله على ريحه الاكل
وبعد ما وقعت عينه على مريم
خالد: ايه دا احنا عندنا ضيوف ، وانا عمال اقول البيت منور ليه
مريم كانت بصه للأرض و عنيها بتنزل دموع بغزاره
خالد بخوف: مريومتي في ايه مالك؟!
مريم راحت وقفت قدامه وحضنته من غير مقدمات
خالد كان مصدوم لانها دايما كانت منفضاله
خالد: بس بس اهديي
وطبطب عليها بحنيه
مريم وهي في حضنه: مـ ماما وبابا يا خالظ
خالد بقلق: مالهم خالتي وعمو يا قلب خالد
مريم وهي بتشد على حضنه اكتر : مـ ماتووا يا خالددد
وانهارت من البكاء
خالد بصدمه: ماتوا ازاييي؟، وامتى مقولتليش ليههه؟!
مريم بصتله بسرحان وعنيها بتدمع ومش بترد
خالد عينه دمعت على محبوبته اللي بتعيط ومنهاره
وموت خالتو و عمه جه فجأه
خالد: خلاص خلاص يا قلب خالد اهدي كله هيعد
#عيشه_تانيه
البارت السابع
خالد: خلاص خلاص يا قلب خالد اهدي كله هيعدي هم اكيد في مكان احسن
مريم وهي بتصطنع الجمود: اكيد
خالد: بس لازم تغيري هدومك دي عشان تقعدي مرتاحه وتعالي يلا عشان تاكلي لقمه اكيد مكلتيش من الصبح
مريم بحزن: مش جايلي نفس...مش جايلي
خالد: لا يا حبيبتي لازم تاكلي عشان تعرفي تصلبي طولك
هزت مريم راسه بالموافقه وطلعت
«««««وهما متجمعين على السفر»»»»»»
خالد: امال فين داليدا مش بتاكل معانه يعني
مريم بعد ما تذكرت اختها واللي حصل عينها بدات تدمع تاني بعد ما كانت هديت
ايمان بحزن: بعدين يا خالد بعدين
خالد: بعدين ايه بس يا ماما وبعدين ازاي متقوليليش
وقبل ما يكمل قاطعته ايمان
ايمان: مش وقته يا خالد بعد اما ناكل هفهمك كل حاجه
خالد: تمام يا مااما،كلي يلا يا مريم طبقك متكلش منه حاجه
مريم : بحزن مليش نفس
خالد بإصرار: لا لازم تاكلي عشان خاطري
وبدأ يأكلها في بوقها بالعافيه
««««««««««عند داليدا»»»»»»»»
ناديه بحب: داليدا تحبي تفضلي معانه؟
داليدا بتردد: مـ مش عارفه
علي بإبتسامه: متخفيش انا واحمد هنبقى ليكي زي اخولتك بالظبط ومحدش هيقدر يكلمك نص كلمه
داليدا بتفكر: اممممم
داليدا بفرحه: موافقه
ناديه بسعاده: وانتي هتقبي زي بنتي اللي مخلفتهاش
احمد كان سامع الكلام من جوا واتنهد بغضب بس قرر انه ميتدخلش لأنه مش عايز يزعل مامته برضه
💗ليـــس كــــل سقـــوط نهــايــة".!
فـسـقـــوط المطــر اجـمـل بــداية💗"
يمكن كنا بنفتكر ان خلاص ان دي النهايه وان كل حاجه خلصت عند النهايه دي ،بس محدش يعرف ان دي لسه بدايه حياه سعيده بمشاكلها و حلاوتها
دا اللي حصل مع بطلتنا♥
النهايه مش ديما وحشه لا دي بتكون بدايه لحاجه احسن ربنا هو اللي مرتب كل حاجه وبيشيل العبد على قد مقدرته وربنا لما بيشيل عبده حمل بيبقى عارف ومتأكد انه هيعرف يعدي من الحمل دا ويلاقي اللي يساعده او حتى هيعدي الحمل دا لوحده
والله على كل شئ قدير♥
ودي برضه مش نهايه روايتي لا دي كانت البدايه لحاجه احلى♥
#عيشه_تانيه
البارت الثامن
«««««في الڤيلا»»»»»»»»
سميره: الو
ناديه:ايوه يا سميره
سميره: غريبه يعني اول مره تتصلي عليا من ساعه مسافرتوا
ناديه: مش عشان سواد عيونك يعني انا متصله اطمن ان الوضع مستتب ومفيش اي لبش عندك
سميره: كنت حاسه على العموم متقلقيش مفيش جديد و ايمان خلاص استسلمت للأمر الواقع وصدقت ان فعلا كتبلنا كل حاجه بأسمنا
««««««««««عند داليدا»»»»»»»»»»»
نبيله: انا قدمتلك في المدرسه وهتروحي مع علي واحمد بكره ان شاء الله
داليدا بفرحه: بجد شكرا لحضرتك اوي
علي: حضرتك ايه بس لو قولتيها تاني ممكن تولع فيا وفيكي
نبيله: انا هنا يا حبيبتي ماما يعني تقوليلي ماما
داليدا بابتسامه: حاضر يا ماما
نبيله: طالعه من بقك زي العسل
علي بمشاكسه: طب ايه يا نيبو مش هينوبنا من الحب جانب ولا ايه
نبيله بحده: بس يا واد
علي: حاضر سكت اهو
داليدا كانت بتبصلهم بحب قد ايه هما روحهم حلوه وقد ايه حست بالدفى وسطيهم بالرغم ان احمد مش بيطيقها بس لما بتبص في عينه بتحس ان حنيه العالم كله فيه بس يمكن مخبيها عشان هو شايل المسؤليه من وهو صغير
نبيله: سرحتي في ايه كد؟
داليدا: ها لا مفيش كنت بشكر ربنا ان لقيت عيله حنينه زيكم
علي بمرح وهو بيحط ايده وبيحاوط كتفها: متنكريش انا احن واحد في البيت دا صح يا ديدا
ظاليدا بضحكه: اماااال
علي وهو بيبصلها بنص عين: حاسك بتتريقي
داليدا : انا؟! لا ابدا
وبعد كد قالت في سرها: سامحني يارب
علي: بتقولي حاجه؟
داليدا : لا ولا حاجه بقولك منور
علي: اه بحسب،انا دخل اشوف الاستاذ احمد.اللي مبيخرجش من الاوضه بقاله كام يوم دا
««««««««««««في الاوضه عند احمد»»»»»»»»»
علي: وبعدين معاك يا بيبو
احمد بصله بغضب ومردش
علي: علفكره البنت طيبه وانت هتحبها علطول لو بس اديتها فرصه واتكلمت معاها واعتبرتها اختك بجد
احمد ببعض من الغضب: انا لغايه دلوقتي مش قادر اتأقلم مش عارف....حاسس اني مش واخد راحتي في بيتي
علي بهدوء: بص يا احمد انا مش عارف اقولك ايه بس اللي متأكد منه ان هي غلبانه وطيبه والدنيا جت عليها اوي ف بلاش نكون احنا والدنيا عليها،خليك حنين عليها يا احمد وعتبرها زي اختك عشان هي فاقده احساس الامان دا اوي
احمد بابتسامه: حاضر والله هحاول
«««««««««في شقه كبيره»»»»»»»»
مريم كانت قاعده على السرير وسانده ضهرها و قواعده فجأه الباب خبط
مريم : ادخل
خالد بحنيه: عامله ايه دلوقتي؟
مريم: الحمدلله
#عيشه_تانيه
البارت التاسع
مفيش اخبار عن داليدا
خالد: متقلقيش البوليس عامل اللي عليه وبيحاول معانه وان شاء الله نلاقيها
مريم بدموع: يا ترى هي فين دلوقتي عايشه ولا ميته؟،فرحانه ولا حزينه،شبعانه ولا جعانه.بردانه ولا دفيانه انا هتجنن عليها
خالد وهو بيطبط على ايدها: متقلقيش ربنا مش هيسيبها وان شاء الله هتكون بخير
مريم: اميين
««««««««عند داليدا»»»»»»»»»»
داليدا: يلا يلا اصحى اول يوم مدرسه اول يوم مدرسه
علي بنوم: امممممم،خمس دقائق بس
داليدا: يعم بطل كسل هنتأخر
علي وهو بيقوم بغضب: حرااام عليكي وبعدين اول يوم مدرسه ايه بس دا احنا مطحونين بقالنا شهر
داليدا : اول يوم مدرسه ليا معاكم،وبعدين انت نومك تقيل اوي
علي: ماشي يستي انا هروح ادخل الحمام صحي الواد اللي نايم دا
ومدهاش فرصه ترد وجري على الحمام
داليدا كانت متوتره اوي انها تصحيه ليتعصب بس بعد كدا اتشجعت وصحته
احمد بنوم: سبني بقا يا علي ابو رخامتك
داليدا غصب عنها ضحكت
احمد فتح عينه ببطئ لقى داليدا قدامه قام فجأه
احمد بتوهان: انتي مين؟
داليدا ببراءه: انا داليدا
احمد بتذكر: اه اه
واتكلم ببعض من الحده: وايه اللب خلاكي تصحيني؟!
داليدا بدموع: والله علي هو اللي قالي اصحيك
احمد صعبت عليه فقال بهدوء: طبب اتفضلي روحي البسي عشان منتأخرش
جريت داليدا على بره بسرعه
احمد بص لأثرها وابتسم
خرجت من الاوضه وكان شكلها قمر خالص كانت عامله دفيره فرنساويه ولابسه لبس المدرسه اللي كان عباره عن تيشرت لبني بأكمام وجيبه قصيره وتحتيها شراب طويل اسود شفاف
علي بإعجاب وبيصفر: الله على الحلاوه يا ديدا
اما احمد ف أهجب بشكلها برضه بس معلقش
داليدا بإبتسامه:شكرا
علي: يختي ديدا بتتكسف يلا يختي قدامي
ولا انت هتصاحبني ولا ايه
علي وهو بيمسكها من قفاها: بتقولي ايه يا اوزعه انتي؟
داليدا: بقول منور يا معلم
احمد ضحك
وبعد كدا قال ببعض من الحده: يلا عشان منتأخرش
اما داليدا ف تاهت في ضحكته ازاي الإبتسامة بتغير في شكل الانسان كدا
#عيشه_تانيه
البارت العاشر
داليدا: امال فين ماما نبيله؟
علي: راحت عزا لحد من قرايبها من بعيد وهتيجي بعد يومين
««««««««««عند ايمان»»»»»»»»»
مروان ببكاء: يعني ماما وبابا ماتوا يا مريم؟
مريم بتحاوط وشه بكفيها: ايوه يا حبيبي هم في مكان احسن دلوقت
مروان ببراءه: وحشوني اوي يا مريم وداليدا كمان وحشتني اوي
مريم خدته في حضنها وطبطبت عليه:وانا اكتر والله معلش كله هيعدي....هيعدي
خرجت بعد ما اتأكدت انه نام وقفلت الباب
خالد: قولتيله؟
مريم بحزن: اه..يعيني نام من كتر العياط
خالد: معلش هتعدي،اه بقولك شهر الاجازه خلص وانتي لازم تنزلي المدرسه بقا
مريم بحيره: مش عارفه مش حاسه اني هقدر اروح
خالد: لازم تروحي دا مستقبلك عمو وخالتو لو كانوا موجودين عمرهم ما هيبقوا مبسوطين وانتي موقفه حايتك كدا
مريم: طيب هروح ان شاء الله بكره
خالد: يا امي
ايمان: نعم يا خالد
خالد بتردد: كنت عايز اقولك حاجه
ايمان: اشجيني يا ابن بطني
خالد: اا انا بحب مريم
ايمان: ما انا عارفه
خالد: ها ازاي
ايمان: انت مش بتشوف شكلك لما بتشوفها عينك بطلع قلوب كدا
خالد بص بحرج: طيب انا عايز اتجوزها خلال شهر بالكتير
ايمان: انت اتجننت يا خالد دي لسه عندها 17 قنونا مينفعش اصلا
خالد بتسرع: لا يا امي 18 تمتهم خلاص وكدا كدا هنتجوز وهنفضل قاعدين معاكي لحد ما تتخرج وناخد شقه لوحدنا مش عايزها تحس انها لوحدها وان خلاص مبقاش ليها ضهر،عايزها تفضل حاسه بالأمان واتحس ان لسه ليها سند في الدنيا دي
ايمان: دا انت مرتب كل حاجه بقا بس افرض هي مش موافقه،مش بتحبك مثلا او مش مستعده تتجوز دلوقتي
خالد: انا متأكد ان عندها مشاعر من ناحيتي وانا هحاول خلال شهر ان شاء الله احببها فيا اكتر بس ادعيلي يا ماما انتي مش عارفه انا بحبها قد ايه
ايمان بحب: ربنا معاك يابني ويوفقك
خالد باس ايدها: ربنا يخليكي لينا ياست الكل
««««««««««««عند داليدا»»»»»»»»»»
داليدا بتعب: هو احنا مش هنوصل ولا إيه
علي: خلاص قربنا وبعدين مش انتي اللي اصريتي اننا نتمشى
داليدا: انا غلطاااانه فعلا تمشيه ايه بس انا حيلي اتهد
علي: اشيلك؟
داليدا بصتله من فوق لتحت:انت اهبل يلا؟
علي: بيقولوا هشيلك حليب يا لبن
داليدا : بس انا تقيله
علي بيشمر اكمام التيشرت وبيظهر عضلاته: دول مش جايين عياقه
ضحكت داليدا وقالت: طب ورينا يخويا
اما احمد ف كان خايف لتقع ف وقف وراها عشان لو وقعت يلحقها وفجأه ....
#عيشه_تانيه
البارت الحداشر11
فجأه اختل توازن علي وكانت داليدا هتقع مسكها احمد بسرعه وشالها والاول مره تيجي عينه في عينها قد ايه عينها جميله وتخطف اي حد يبصلها
داليدا: احم
احمد بتلعثم: خ خدي بالك بعد كدا
علي: بطللااااي مش معقوله انقذتها
احمد بصله بغضب
علي: خلاص يعم متقفش
فجأه وهم واقفين جه شابين من جمبهم وقال واحد منهم بصوت مسموع
الشاب1: شايف المزه اللي هناك دي
علب وأحمد بصوا لبعض وهزوا راسهم
احمد والأول مره يبتسم في وش داليدا
احمد: غمضي عينك تمام واوعي تفتحيها غير لما علي يقولك
داليدا بخوف: هتعملوا ايه
احمد إبتسامه: متشغليش بالك اسمعي وبس
ولف للشباب
احمد بنفي الابتسامع: هي مين دي اللي مزه؟
الشاب2: هيكون مين يعني هو في كام واحده هنا يا شبح
احمد: اممم شبح!.....طب انا هوريك الشبح دا هيعمل فيك ايه
الشاب2:اا..
وقبل ما ينطق كان قبضه احمد في بطنه بدأو يضربوا في بعض
علي: تعاللالي بقى انا عايز اتخانق من الصبح
احمد وعلي بعد م خلصوا ضرب
علي: بت ا ديدا تعالي اتفرجي
داليدا: نزلت ايديها من على عينها: هههههه ايه اللي انتوا عملتوا دا
علي كان قاعد عليهم هما الاتنين وماسك تفاحه ف ايده بياكل فيها
احمد: يلا عشان اتأخرنا
علي: شكرا يا شباب على التفاحه بس بعد كدا ابقوا قولوا لماما تحط تفاحه حمره مش صفره زي وشكم
اما داليدا كانت بتبصلهم بحب ازاي بقا ليها ضهر واخوات يحموها من اي حد ممكن يفكر يضايقها بنظره او بكلمه
«««««««في المدرسه»»»»»»»»»
علي: اهو يا ستي دا فصلك
داليدا بتوتر: انا خايفه اوي خايفه معرفش اكون صحاب هنا
علي: متخفيس انتي تتحبي اصلا ولو حد ضايقك بس ولا بصلك بصه معجبتكيش تعاليلي على طول انا في الفصل اللي جمبك
داليدا بإبتسامه: تمام
قعدت داليدا في دسك لوحدها
سلمى: اول يوم ليكي
داليدا ابتسمت وهزت راسها
سلمى مدت ايدها تسلم على داليدا: انا سلمى
داليدا وهي بتمد ايدها تسلم عليها: وانا اسمي داليدا
سلمى: بما ان انتي لسه جايه هنا جديد عادي نتصاحب؟
داليدا: اكيد
سلمى بمرح: اشطا المس دخلت نركز بقا معاها عشان هي شديده اوي
(سلمى بنت جميله بشرتها بيضاء عيونها بني غامق وشعرها بني فاتح وقصيره)
««««««««««في البريك»»»»»»»
حذيفه: كل دا حصل؟
احمد بسخريه: تخيل كل دا
حذيفه: عادي يا صحبي اهو بقا عندك اخت تملي عليكم البيت
احمد: المشكله بقى ان امي سافرت قال ايه عندها عزا وانا متأكد انها سافرت عشان......
#عيشه_تانيه
البارت الاتناشر12
عندها عزا وانا متأكد انها سافرت عشان تقربنا من بعض بس دا مش هيحصل
حذيفه: اما نيبو دي عليها شويه حركات عسلل
احمد بصله بغضب وسكت
حذيفه: احم يسطا في عيلين جايين علينا عنيهم بتطلع شرار
شويه وهينوروا في الضلمه
احمد بص وقال: جاهز يا زوز
حذيفه: هو بيجي من وراك غير المشاكل بس اعمل ايه نصيبي اني صحبك... جاهز يا زميلي
الشاب1: انت ضربت اخويا؟
احمد: انا؟ محصلش
الشاب1: ولا يا حمكشه الواد دا اللي ضربك؟
الشاب2: ايوه هو دا
وكمل بخبث: واللي جمبه كمان
حذيفه: اه يبن الكدابه طب تصدق حلال فيك الضرب
وبدأ الضرب وخناقه عنيفه بين الصبونه والليفه هيهيهيهي
الشاب1: ماشييي طب والله مهسيبكم
حذيفه: يعم غور وانت مفيش فيك حته سليمه كدا
احمد وهو بيعمل نفسه هيقوم يضربه تاني راح جري بسرعه
اما داليدا ف شافت اللي بيحصل من بعيد وجريت على احمد
داليدا بخضه: ايه دا انت اتعورت
احمد: ايه اللي جابك؟
داليدا: انا شوفتك من بعيد وانت متعصب وبتزعق ف قولت احي اشوف ايه اللي حصل
حذيفه بهمس لأحمد: مين المزه دي يلا
احمد بغضب: دي اختي يا كلب
حذيفه: احم مكنتش اعرف يخويا
داليدا طلعت منديل وبدأت تمسحله الدم وهو بيتجنب النظر في عيونها
احمد: خلاص كفايه وروحي شوفي صاحبتك اللي مستنياكي هناك دي
هزت راسها وقبل متمشي
احمد: استني
طلع فلوس من جيبه
احمد: مصروفك اهو وروحي اشتريلك حاجه من الكانتين عشان تفطري
داليدا لسه هتعترض
احمد بحده: يلا روحي لصاحبتك
حذيفه بسخريه: حنين انت اوي
احمد: عندك شك؟
حذيفه بضحك: لا طبعا
خلصوا وكانوا راجعين
احمد: علي انا رايح الورسه عندي شويه شغل هخلصهم وارجع
علي: خلصا انا وداليدا هنروح
داليدا باستفهام: هو احمد بيشتغل؟
علي: طبعا دا بيشتغل من وهو صغير من ساعت تقريبا ما باباه مات وعنده ورشه ورثها من باباه واهو بتسد في مصاريف البيت على المعاش بتاع نيبو وباباه بيمشوا البيت يعني
داليدا بمزاح: انت عمال تقول باباه باباه هو مش باباك انت كمان ولا ايه
علي اتنهد بحزن: كان نفسي يكون ابويا بس اهو محدش بيختار اهله
داليدا بستغراب: لحضه بس يعني انت واحمد مش اخوات؟
علي: اخوات من الام بس...بس ربنا يعلم انا بحبه ازاي هو اللي مربيني بعد م ابويا رماني لأمي ويدوبك بيبعت الفلوس كل اول شهر ومش بشوفه
داليدا بحزن عليه: انا اسفه اني فكرتك بحاجه بتوجعك
علي بمرح: ديدا تقول اللي نفسها فيه
دخلوا الشقه
#عيشه_تانيه
البارت التلتاشر 13
دخلوا الشقه وغيروا هدومهم وداليدا قررت تسخن الاكل عشان يتغدوا
داليدا واقفه ف المطبخ واحمد قاعد على كرسي ف المطبخ
داليدا وهي بتحضر في الاكل: هو النهارده ايه؟
علي:*****
داليدا ابتسمت بحزن وسكتت
علي: في حاجه ولا ايه؟
وبعدين افتكى وقال
علي: الا قوليلي يا داليدا عيد ميلادك امتى؟
داليدا بفرحه لما سألها السؤال لأن عيد ميلادها فعلا قرب:****
علي: دا بعد يومين يعني
داليدا رجعت هزت رأسها بحزن وسكتت
علي بحنيه: طب ايه اللي متضايقك
داليدا بدموع: م مفيش افتكرت بس ان انا كنت بحتفل بيه مع ماما وبابا واخواتي وعيلتي كلها
علي: وحشوكي؟
داليدا ببكاء: اوي اوي يا علي
علي بيطبط عليها: هم اكيد كمان انتي وحشتيهم واكيد هم بيدوروا عليكي دلوقتي وهيموتوا من القلق عليكي
داليدا: تفتكر؟
علي: اكيد
داليدا وهي بتحاول تغير الموضوع: متهربش بقا هتجيبلي ايه في عيد ميلادي؟
علي: لاااا دي مفاجأه
جه الليل واحمد ليه مرجعش
داليدا: احمد اتاخر اوي يا علي
علي: زمانه جي في الطريق دلوقتي
خبط الباب
علي: اهو تلاقيه رجع افتحي الباب
جريت دالبدا على الباب
احمد كان متبهدل وهدومه متبهدله على الاخر وكانت عينه حمره وكان في حاله لا يرثى لها
داليدا بخضه: انت كويس؟
احمد بتوهان: اه اه كويس بس عايز انام انام بس
داليدا: علي هو احمد كدا ديما ؟
علي وماسك الفشار وبيتفرج على التلفزيون: اه دا العادي بيجي من الشغل مهدود
داليدا: طيب اكل قبل متنام
احمد: لا انا هدخل اخد دش ونام علطول
ودخل من غير ميستنى ردها
علي: بت ا ديدا تعالي اتفرجي على الحته دي بتضحك اوي
داليدا بغضب: نص رواقانك دا ي اخي
علي: احسديني كمان احسديني
داليدا دخلت الاوضه وقفلت الباب ونامت
احمد خرج وهو حاطط الفوطه على كتفه ودخل اوضته
احمد: الو ايه يا زفت في حد يتصل دلوقت
حذيفه: تسلم يا ذوق كنت بتصل بس بشوفك هتيجي بكره ولا لا
احمد: مظنش امي جايه بكره وهتجيب معاها خالتي وعيالها ف قالتلي افضي نفسي بكره عشان نقعد معاهم
حذيفه بفرح: يعني هتجيب معاها بنت خالتك هنا
احمد: اه يا خفيف مش عارف بتحبها على ايه
حذيفه: ملكش دعوه انت،المهم انا جيلكم بكره هتغدى مع حماتي
احمد: انا مش عارف ايه قله الذوق دي انا اصلا مش عايز اشوف وشك
حذيفه: تسلم يا ذوق اعملوا اكل حلو بقا انا بقالي قد كدا مش باكل من ايد نيبو
احمد بضحكه: ماشي يعم وهنعملك محشي ونروق عليك
#عيشه_تانيه
البارت الاربعتاشر 14
احمد بضحكه: ماشي يعم وهنعملك محشي ونروق عليك
حذيفه: ايوا بقا هي دي الصحبه النافعه
داليدا بتخبط على الباب
احمد: ادخلي
داليدا: انت منمتش؟
احمد: هنام اهو
داليدا: طب انا هسخنلك الاكل تعال كل قبل ما تنام
احمد بسخريه: ايه خلاص قررتي اني هاكل؟
داليدا بحرج: انا مكنش قصدي انا بس..
احمد بمقاطعه: خلاص هخرج اكل
داليدا بإبتسامه: تمام
احمد سرح ف ضحكتها اللي تسحر كل حاجه فيها حلوه حتى زعلها كلها كدا على بعضها قمر
فاق من تفكيره على صوتها
داليدا: يلا انا سخنت الاكل
احمد: تمام
خرج وقعد على الكرسي اللي في المطبخ وقدامه داليدا
احمد وهو بياكل: امال فين علي
داليدا بضحكه: نام وهو بيتفرج على الفيلم ووقع من على الكنبه حاولت اشيله احطه على الكنبه بس تقيل اوي
احمد: هههه مشكله الواد دا
داليدا: ربنا يخليكو لبعض انا اكتشفت انه بيحبك اوي على الرغم انك مش اخوه
احمد بتعجب: هو قالك؟
داليدا بابتسامه: اه انت مشفتهوش وهو بيتكلم عليك قد ايه شفت في عينه حبه ليك
احمد: وانا والله بحبه اوي دا اخويا الوحيد عمري م جه في بالي انه ابن جوز امي ديما بعتبره اخويا
داليدا: شكله شايل هم كتير في عينه بس بيخفيه بضحكه وبجنانه اللي مجننا بيه هو اصلا اللي عامل حس للبيت من غير البيت مش هيبقا في روح انا فعلا بعتبره اخويا يمكن هو اقرب كمان من اخويا الحقيقي
احمد: انتي كان عندك اخ؟
داليدا بابتسامه:ايوه مروان صغنون عنده عشر سنين كنت بحبه اوي كنت بعامله كأنه ابني مش اخويا وهو كان بيحبني اوي
احمد: مش عايزه ترجعيله؟
سكتت شويه وردت
داليدا: مش عارفه يمكن مش مستعده ارجع دلوقتي اكيد هيبقا في خناقات دايره بين عماتي وخالتو انا مش عايزه نفس اليوم يتكرر تاني
احمد: مبسوطه معانه؟
داليدا: اوي ماما نبيله بتعاملني حلو اوي كأنها مامتي بظبط وعلي ديما واقف جنبي وبيعاملني كأني اخته وهو طيب اوي
احمد:وانا؟
داليدا بصتله بصمت وسكتت
احمد بسخريه: للدرجادي انا وحش لدرجه مش قادره حتى تقولي احساسك من ناحيتي
داليدا بتوتر: لا والله انا بس مكنتش بتعامل معاك كتير وانت الصراحه بتعاملني ببرود اوي كأنك مش حابب وجودي سعات كتير كنت بفكر امشي عشانك بس برجع اقول هروح فين لما امشي ومصيري ايه ف برجع اكتم في نفسي واسكت احساس ان يكون غير مرغوب فيكفي مكان وحش اي
احمد بحزن: انا عارف اني معاملتي ليكي كانت وحشه بس غصب عني تخيلي كدا..
#عيشه_تانيه
البارت الخمستاشر 15
««««في اليوم التالي»»»»»
ادم: واد ي علوه اصحىى يلااا انا جيتت
علي بنوم: ح حاضر خمسه بس
ادم: تمامم
وراح جاب مايه ورش على وشه
علي بصدمه: اهه يبنلل
ادم ببراءه: ايه ايه هتشتم ابن خالتك ولا اي
علي بسخريه: لا هو انا اقدر...المهم ايه اللي جابك يلا انت مش وراك مدرسه
ادم: م انا قولت بقى اجي اشوف ابن خالتي وكمان بنت خالتي اللي لسه مشفتهاش....كلام في سرك هي مزه؟
علي وهو بيحدفه بالمخده: احلى من اختك يلا
ادم: طب متزقش بس يا عم ويلا عشان هنفطر
««««««في اوضه داليدا»»»»
ملك: بس اوضتك حلوه اوي
داليدا بابتسامه: دا من ذوقك
ملك: مبسوطه هنا؟
داليدا: اوي اوي مش بحس خالص انهم مش اخواتي وان ماما نبيله دي مش مامتي
ملك: طب يلا عشان مستنينا برا على السفره
علا: قوليلي بقا ي داليدا عامله ايه في المدرسه
داليدا: ا الحمدلله
علي بهمس لآدم: امك مش هتسيب البت في حالها وهتفضل نازله فيها اسأله
ادم: حصل بجد
اما ملك ف كانت معظم الوقت مركزه مع علي
بعض م خلصوا فطار
ادم للجميع: اي رأيكم نخرج كلنا النهارده
نبيله: اخرجوا انتوا يا حبايبي انا وامك هنقعد ولا اي يا علا
علا: اه اه هنفضل قاعدين اخرجوا انتوا واتهنوا
ادم: اتفقنا يلا كل واحد يروح يلبس
احمد بتسرع: انا مش هاجي معاكم
ادم باعتراض: دا ليه ان شاء الله
احمد ببرود: ورايا شغل مش فاضي
داليدا ببراءه: ليه بس دي الخروجه هتكون حلوه
احمد: احم طب هفكر روحوا البسوا انتوا
««الكل راح يجهز»»
««««««عند ايمان»»»»»»
ايمان: ها عملت ايه مع مريم
خالد بحزن: عمال المح لها وهي عامله نفسها من بنها
ايمان: خلاص يا بني لو هي بتحبك كانت اديتك وش لكن شكلها....
خالد بحزن: شكلها ايه يا امي؟،ايه مش بتحبني لا مستحيل هي اكيد بتحبني انا بشوف حبها في عينها لما بتكلم معاها ومش هضيعها من ايدي ومش هتبقى لحد غيري يا ماما
ايمان بحده: فوق يا خالد لو هي مش بتحبك متعلق نفسك بيها وعيش حياتك انت لسه شاب وياما هتقابل بنات اشكال والوان في حياتك
خالد: يوووه بقا انا ماشي وسيبلك الاوضه كلها
نزل الريسبشن وقعد بغضب وحط وشه بين كفوف ايده و مش واخد باله ب مريم اللي قاعده ومستغربه هو متعصب من ايه
مريم بهدوء: مالك؟ شكلك متضايق
خالد بابتسامه باهته: تعملي ايه يا مريم لو اللي بتحبيه مش بيحبك
مريم بضحكه: ايه يا خلود انت بتحب ولا اي؟
خالد: اه بحب واحده اوي اوي بس .....
#عيشه_تانيه
البارت الستاشر 16
مريم: وهي بقا بتحبك؟
خالد بتفكير: مش عارف مش عارف خالص ...مش عارف هل هي بتحبني ومخبيه ولا مش بتحبني ومنفضالي ولا اي بظبط
مريم فهمت انه بيتكلم عليها قربت منه بهدوء
مريم وهي بتبصله في عينه: يمكن هي مش مستعده دلوقتي يعني مثلا عايزه الاول تركز في مستقبلها وتتخرج وبعد كدا تفكر في الموضوع
خالد بابتسامه امل: يعني هي ممكن تفكر فيا بعد م تتخرج
مريم بابتسامه: اكيد
خالد كان قلبه هيطير من الفرحه اخيرا عرف ردها هي اه مقلتهاش صريحه لكن هو كان فاهم انها تقصد كل كلمه قالتها وهو ممكن يستناها العمر كله مش بس لما تتخرج
حذيفه بيفرك في عينه وبيصحى بيبص في الساعه
حذيفه بصدمه: احيه انا كنت مفروض ابقا عند احمد من الصبح وبعدين في ام الزهايمر دا
فجأه فونه رن
حذيفه: الو يسطا
احمد بعصبيه: انت يا زفت اتأخرت ليه
حذيفه: معلش يسطا والله راحت عليا نومه
احمد: طب انجز عشان احنا خارجين
حذيفه: انا شكلي هتأخر ف قولي رايحين فين وهجيلكم على هناك
احمد: اشطا احنا هنروح ملاهي*****
حذيفه بسخريه: ملاهي؟ انا حذيفه طول بعرض هروح ملاهي
احمد: ونبي نقطنا بسكاتك حبيبه القلب هي اللي
مقترحه وداليدا شبطت برضه ف قولنا نوديهم وخلاص
حذيفه: اه طلاما ملوكه هي اللي مختاره يبقا هنروح يعني هنروح
احمد: يعم اتلهي
داليدا: الله دي كبيره اوي
ملك: ايوه وفيها العااب كتيير اوي نبدا بأي لعبه؟
داليدا وبتشاور على لعبه خطيره : اي رأيك في دي
ملك: حلوه دي اشطا يلا نركبها
داليدا باستغراب: اي انتوا مش هتركبوا معانه ولا ايه
علي وهو ماسك في ايد احمد:ل لا روحوا انتوا احنا هنجيب ايس كريم ونستناكم هنا
ادم وهو بيهمس لعلي في ودنه:اقولها انك بتخاف من المرتفعات
علي: اكتم يلا لو سكت هجيبلك ايس كريم بتلات ادوار
ادم: وحياه امك
علي: وحياه امي بس متفضحنيش كارزمتي هتضيع في الارض
ادم: خلاص متخفش المهم تبقى قد كلامك
علي: عيب عليك
حذيفه من وراهم: بتعملوا ايه
علي بخضه: يعم خضتني
حذيفه بغمزه: انا سمعت كل حاجه
علي: اهو دا اللي كان ناقص
حذيفه: بقا كدا ماشي انا هروح اقولهم انك بتخاف من المرتفعات
علي بابتسامه مصطنعه: هه تعالى بس يا زوز وخليك تلعب مع حبيبه القلب
حذيفه: وحياه طنط نيبو
علي بنفاذ صبر: اي موضوعكم النهارده كل شويه وحياه طنط نيبو...وحياه طنط نيبو يا عم
حذيفه: خلصانه لما ينزلوا من اللعبه خليها تركب معايه الترامبول
#عيشه_تانيه
البارت السبعتاشر 17
علي: ههه كان على عيني بس للأسف كلنا بنحب الترامبولين وهنركبها
حذيفه: يعني ايه متشوف اخوك يا احمددد
احمد بلامبالاه وهو عمال يقلب في الفون:اعمله اللي هو عايزه يا علي
حذيفه: هو انا ابن اختك يبني
احمد بعدم فهم: لا
حذيفه وهو بيهز فيه: اومااال بتعامل اميي كد ليهه
جه من وراهم مريم وملك وعمالين يضحكوا على منظرهم
حذيفه اول ما شاف ملك عدل هدومه كدا
حذيفه: اي رأيك يا ملك نركب الترامبولين
كلهم بصولوا
حذيفه بتوتر: ااقصد يعني كلنا هنركبها يعني
داليدا: اوكي انا بحب الترامبولين برضه
ملك ببرود: لا انا مش هركبها هقعد استناكم هنا
حذيفه بمرح: لو هتقعدي انا هقعد معاكي
ملك بتروح قدامه وبتنفخ ف وشه وخبَّطِت في الارض وخدت داليدا وراحوا عند الترامبولين
حذيفه بص لأثرها بحزن وسكت
ادم حس ان حذيفه اتضايق هو عارف ان حذيفه بيحب ملك بس هو كمان متأكد ان ملك مش بتحبه ودا اللي مزعله هو حذيفه برضه يعتبر صاحبه ومتضايق عشانه
ادم: طب ايه يلا نركب معاهم
حذيفه بحزن: لا روح انت انا هروح اجيب مايه
علي: خلاص روح انت واحمد وانا هروح مع حذيفه نجيب مايه
احمد: اشطا متتأخروش
علي: شكلك متضايق
حذيفه بضحكه جانبيه: عادي متعود وبعدين امي وابويا مختارونيش... في واحده هتختارني؟
علي بتعجب: انت ازاي بتفكر كدا يسطا مش معنى ان امك وابوك سبوك زمان انك كدا مكروه وانك مش هتلاقي حد يحبك بالعكس دا انت هتلاقي اللي يقدرك وربنا هيجبر بخاطرك ...طب انت عارف ملك اهي بنت خالتي بس اقسم بالله متستاهلك
حذيفه بابتسامه حزينه: المشكله اننا نحب حد محبناش صعبه اوي دي
علي صعب علي حذيفه وقرر انه يساعده ويخلي ملك تحبه
علي:متفقدش الامل بص انا ممكن ااساعدك
حذيفه باستفهام: تساعدني ازاي يعني
علي: انت الاول لازم تتأكد هي بتكنلك مشاعر ولا لا
حذيفه بتركيز: اه وبعدين
علي: انا هساعدك تعرف لو فعلا في مشاعر من ناحيتها ليك لكن لو مفيش بلاش تعلق نفسك بيها اكتر من كدا وشوف حياتك
حذيفه: تمام هعرف بقا ازاي انها عندها مشاعر من ناحيتي
علي: انا هقولك......
رجع حذيفه وعلي ليهم بعد م جابوا ازايز المايه
قعدوا يلعبوا على الترامبولين وحذيفه مكنش بيبص ل ملك خالص
فجأه همس علي لحذيفه وقال: الخطه A يلا
حذيفه عمل نفسه ان حد بيتصل بيه
حذيفه بابتسامه: ايوه يا قلبي،كان نفسي بس تتعوض انتي بليل فاضيه.طيب خلاص يبقا بليل تمام تمام سلام ي قلب
#عيشه_تانيه
كل دا كان تحت نظرات ملك اللي كانت مستغربه اوي هو بيكلم مين يا ترى ولحق يحب واحده غيرها بالسرعه دي
ملك بغضب: يلا داليدا نغير اللعبه
داليدا: ليه بس مهي حلوه اهي
ملك: خلاص خليكي انتي انا هروح
داليدا بتسرع:ااستني بس خلاص هاجي معاكي
داليدا: اي الحكايه بقا؟
ملك بعدم فهم: ايه
داليدا بغمزه: شكلك بتحبيه
ملك : اا هو مين
داليدا: هحاول اصدق انك متعرفيش مع ان الموضوع باين زي الشمس...علي
ملك: هو هو باين اوي كدا
داليدا: اوي اوي الصراحه
ملك بحزن: تخيلي انتي ختي بالك وهو لسه
(هنخلي علي عنده 16 وملك عندها 16 برضه)
داليدا: ازاي يعني
ملك: يعني هو ديما بيعاملني كأني اخته مش اكتر من كدا وعمره م شاف حبي ليه
داليدا: اممم طب وحذيفه
ملك ببرود: ماله
داليدا: يشيخهه دا هيموت عليكي
ملك: عارفه بس انا مبحبوش هو الحب بالعافيه
داليدا: لا مش بالعافيه بس متفضليش سيباه كدا متعلق ف حباال دايبه
ملك: انا بعمل كل حاجه عشان يبعد عني بس هو شكله مبيزهقش
داليدا: ودا مش بيلفت نظرك لحاجه؟
ملك: حاجه زي ايه يعني
داليدا: بيحبك اوي لدرجه انه شايفك بتصديه ومع ذلك مبيتهدش وبيفضل يحاول تاني ااتديله فرصه
ملك: مفيش في قلبي غير علي هو حبي الوحيد وانا مش مستعده ادي لحذيفه فرصه وانا متاكده اني بحب واحد غيره واني مستحيل احبه ف ليه اظلمه معايه .....سيبك انتي انا حاسه بحاجه كدا
داليدا بعدم فهم: حاجه ايه
ملك: احمد
داليدا: ماله
ملك: شايفه كدا نظرات رايحه وجايه كدا
داليدا: مستحيل احمد اخويا وعلي كمان اخويا احبه ايه لا لا طبعا
ملك: شوفتي انا مقولتش حاجه اهو انتي اللي قولتي
داليدا: طب اسكتي يا مصيبه وشيلي من دماغك الافكار دي
ملك: بكره ترجعي وتقولي ملك قالت
احمد: يلا هنروح الدنيا ليلت عشان ميقلقوش علينا
حذيفه: انا هروح انا بق يسطا
احمد: اشطا لما تروح ابقى كلمني
حذيفه: اشطا سلام ي علوه
علي: سلام ي حبيب اخوك
ادم: مع ان دا دلعي انا بس اشطا سلام ي زوز
حذيفه سلم عليهم كلهم ومشي من غير ميبص ل ملك خالص
داليدا: هو انا ليه حاسه ان في حاجه غلط
ملك: عادي فكك
رجعوا كلهم البيت
«««««عند حذيفه»»»»»»
كان بيصلي ومنهار من العياط
حذيفه لنفسه: يارب لو فيها خير قربها مني ولو مليش خير فيها بعدها عني وخرج حبها من قلبي يارب انت اكتر حد عارف انا بحبها قد ايه
««««««عند احمد»»»»»
نبيله: حمدلله على السلامه
#عيشه_تانيه
«««««عند احمد»»»»»
نبيله: حمدلله على السلامه
احمد وهو بيبوس ايدها: الله يسلمك يا ست الكل
نبيله: مالك يا ولا شكلك فايق كد وفرحان
احمد: اي تكرهي دا يا امي
نبيله: لا يا حبيبي يارب كد تفضل مبسوط ديما
احمد: طيب انا هدخل اريح شويه
«««««««في اوضه داليدا»»»»»»
داليدا: سرحانه في ايه؟
ملك بعد م فاقت من شرودها: لا مفيش...انا هروح اشرب
داليدا: ماشي
ملك راحت تجيب مايه وكان في حاجه شاغله تفكيرها
علي من ورااها: الجميل سرحان في ايه
ملك بخضه: يعم في حد يخض حد كداا
علي:ههه بس متوهيش ايه اللي شاغل بالك كد بقالك نص ساعه واقفه نفس الوقفه دي
ملك: ها لا مفيش
علي: طب كنت عايز اقولك على حاجه
ملك اتوترت شويه وفي حجات كتيره جت ف بالها يعني هل هيقولي انه بيحبني ولا هيحكيلي عن واحده بيحبها ولا هيقول حاجه مش مهمه افكار كتيره قعدت تفكر فيها
علي: روحتي فين يا بنتي
ملك: ها معاك قول كنت عايز تقول ايه
علي: حذيفه يا ملك
ملك بتصطنع الغباء: ماله
علي: انتي عارفه كويس انه بيحبك
ملك بزهق: عارفه وانا مش بحبه
علي: وانا برضه كنت حاسس بس ليه متحاوليش تديلوا فرصه و
ملك بمقاطعه: هو كل شويه حد يقولي اديله فرصه هي المشاعر دي بتهدر كد عادي... انا مش مستعده اني ادخل حد حياتي وديلوا مشاعر مش موجوده اصلا
علي: بعيدا عن مين اللي قالك تديلوا فرصه زي م انا قولتلك بس مش دا ممكن يكون فعلا صح و كلنا عندنا حق وانك تديلوا فرصه الا بقى لو انتي بتحبي حد تاني
علي بغمزه: كدا الوضع يختلف
ملك بدأت تتوتر اكتر: اا اه
علي بتعجب: بتحبي؟
ملك بدموع: اه بحب هو الحب حرام بس المشكله...
علي: ايه المشكله؟
ملك ببكاء: هو مش حاسس بمشاعري خالص
علي: طب اهدي بس عادي وبعدين انتي لسه صغيره هتقابلي ناس كتير وتحبي ناس اكتر
ملك: عمري م هحب حد قد ما حبيته
علي: طيب قوليلي هو مين وعرفتيه ازاي يمكن اساعدك
ملك: مش هتعرف
علي: يستي متنقيش بس قولي يمكن اعرف اساعد باي حاجه
ملك ببكاء اكتر وبدأت تترعش: اا اا
علي: قولي متخفيش
ملك ببكاء: انت يا علي
علي وهو بيحاول يستوعب: انا ايه؟
مردتش عليه وجريت على اوضه داليدا وهي بتمسح دموعها
اما علي ف كان واقف مصدوم ومش مستوعب اللي قالته
دخل اوضته هو وعلي ومليون سؤال بيجي ف باله امتى وازاي وبقالها قد ايه بتحبه وهيعمل ايه في صاحبه اللي بيحبها لما يعرف ان هي بتحبه هو ومش بتحب صاحبه
احمد: مالك يابني تايه كد ليه
#عيشه_تانيه
البارت العشرين20
احمد: مالك يابني تايه كد ليه
علي كان ساكت ومش بيرد
احمد: يبني مالك
علي بص لأحمد شويه واتكلم بحزن: ت تعمل اي لو في واحده بتحبك وصحبك بيحبها
احمد: يعني على حسب لو انا بحبها وهي بتحبني اكيد صاحبي هيتفهم الامر اما بقى لو هي بتحبني وانا مش بحبها ف مش هديها وش خالص
علي مكنش عايز يشرح لأحمد اكتر من كد عشان احمد ميشكش في حاجه
علي: ط طب انا هنام
وغطى وشه بالغطا
احمد باستفهام: واد ي علي في حاجه حصلت ومش عايز تحكيها ولا ايه
علي من تحت البطانيه: متشغلش بالك تصبح على خير
احمد: وانت من اهل الخير
ورجع احمد يمسك الفون وكأنه كان بيكلم حد وبيضحك
««««««عند ايمان»»»»»
ايمان: الو ايوا ي سليم
سليم: ايوا يا حبيبتي بقولك انا نازل مصر الاسبوع دا
ايمان وهي بتقف بفرحه: بجد يا حبيبي ترجع بالسلامه ان شاء الله وحشتنى اوي
سليم: وانتوا كمان والله هقفل بس دلوقت عشان عندي شغل
ايمان بحب: ماشي يلا سلام سلام
مريم بغمزه: كنتي بتكلمي مين يا ميمي وفرحانه اوي كدا
ايمان بهزار: بس يابت دا عمك سليم اتصل وقال انه هينزل مصر
مريم بضحكهه: ايوااا بقى يا ميميي عشان كدا ضحكتك كانت شبرين
ايمان وهي بتقلع الشبشب: امشي يابت من هنا
مريم: خمسه جد بس ي خالتو
ايمان وهي بتحط الشبشب على الارض: قولي ي مريوم
مريم بحزن: برضه مفيش اخبار عن داليدا
ايمان معرفتش ترد وبصت على الارض بحزن
مريم هزت رأسها بحزن بعد م فهمت ان مفيش حاجه جديده وطلعت غرفتها كان مروان نازل على السلم ومريم طالعه
مروان: مريم
مريم:.....
وطلعت من غير م ترد
مروان: في ايه ي خالتو مريم زعلانه ليه
ايمان بتوتر: مفيش حاجه ي حبيبي متشغلش بالك انت المهم اعملك حاجه تاكلها
«««««««عند داليدا »»»»»»»
علي:امال فين خالتو وملك وادم
نبيله: روحوا
علي ف نفسه: الحمدلله انهم مشيوا مكنتش هعرف اقعد مرتاح بعد اللي حصل
علي: فين البت ديدا
نبيله: نايمه لسه مصحيتش
علي وهو بيرفع كم التيشرت: استعن ع الشقا بالله
نبيله بضحكه: صحيها براحه ي واد عشان متقومش مفزوعه
علي بخبث: عيب عليكي يا نيبو تعرفي عني كد برضه
نبيله: دا انا معرفش عنك غير كدت
علي من الاوضه: دا العشم برضه
داليدا بتصحى وبتصوت
علي كان بيضحك وفطساان من كتر الضحك
نبيله بخضه: عملت في البتت ايهه يلاا
علي ببرأه: معملتشش حاجه مكنتش راضيه تصحى روحت جايب جردل المايه وهوب على وشها بس
نبيله وهي
#عيشه_تانيه
البارت الواحد وعشرين 21
نبيله وهي بتقلع الشبشب: طب برا يلا براا
علي جري على بره قبل م نيبو تتهور😂
نبيله: معلش ي قلبي قةمي غيري هدومك دي ليجيلك برد
داليدا وهي بتقوم من على السرير: والله لورييك ي عليي الكلبب
علي وبيطلع وشه من الباب: سمعتك علفكره
داليدا بغضب: نينيني
بعد ربع ساعه
خرجت داليدا
من الحمام بعد م استحمت وغيرت هدومها
داليدا وهي بتنشف شعرها بالفوطه: امال فين احمد
علي: في الشغل
داليدا: هو مش انهارده السبت مش مفروض اجازه؟
علي: م انا قولتله كدا برضه قالي زهقان وهنزل افتح الورشه يمكن يجيلو زبون ولا حاجه
داليدا بحزن: اممم
علي باستفهام: في حاجه مضيقاكي ولا اي
داليدا بتصنع الابتسامه: لا لا مفيش انا بس وحشتني المدريه وعايزه اروح عشان اشوف صحبتي
علي: اوعا بقىى في اول يوم تروحي بقى ليكي صحبهه
داليدا بتكبر وهي بتطير شعرها ل ورا: ايواا اماال
علي بضحكه: ماشي ي عم الوااثق
ومسك الفون وعينه جت على التاريخ
علي في نفسه: احييه دا عيد ميلاد داليدا كان امبااارح غبيي غبيي
داليدا كانت شيفاه مبرق ف التلفون وفيه حاجه غريبه
داليدا بغمزه: مالك ي علووشه مبرق في ايه كدا
علي وهو بيحدفها بالمخده: قولتلكك متقوليشش الدلع دا تاني
داليدا باستفزاز: يختي علوشه كماان بيتعصبب
علي بضحكه بيحاول يكتمها: بتت هش من هنا اناا نازل
داليدا وهي بتمسك في ايده: خودني معااك
علي: هه كان على عيني بس رايح اقابل واحد صحبي ف اكيد مش هاخدك معايه
مدهاش فرصه للرد وباسها من خدها
علي: يلاا سلاام ي ديدااا
وقفل الباب وخرج
داليدا بغضب: ماااشي ي علوشه
نبيله: مالك متضايقه ليه
داليدا: مفيش
ودخلت الاوضه وهي حزينه ازاي مفتكروش عيد ميلادها دا حتى علي اللي هو اقرب حد ليها حاليا نسي وماما نبيله اللي هي بتحاول على قد م تقدر متخلهاش تحس ب انها مش بنتها برضه نسيت نامت من كتر التفكير
«««««نرجع كد بالزمن لإمبارح يوم عيد ميلاد داليدا
في بيت ايمان»»»»»
مريم: خالد
خالد: عيونو
مريم بتوتر: كنت عايزه اعمل عيد ميلاد لداليدا
خالد بتعجب: هو انتوا لقتوها؟
مريم بتوتر اكثر: لا بس انا حابه اني اعمل عيد ميلادها هي اه مش موجوده معانه بس اكيد هتحس بينا عارفه كلامي ممكن ميبقاش عاقل بس انا حابه اعمل كدا وكنت عيزاك تساعدني نجهز للحفله
خالد بحب: اللي انتي تؤمري بيه خالد كله تحت ايدك اطلبي وانا انفذ
مريم بابتسامه: تمام بص هنعمل.......
يتبع
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺