رواية تزوجت مريض نفسي بقلم الكاتبه لومي الدرنالويه حصريه وجديده وكامله جميع الفصول على مدونة أفكارنا
 |
رواية تزوجت مريض نفسي بقلم الكاتبه لومي الدرنالويه حصريه وجديده وكامله جميع الفصول على مدونة أفكارنا
شخصيات_القصه🌺
________________________
بطلة روايه : - لمار م2000 بنت سمحه بكل مثل قمر😻دبدوبه ام شدووق وجها مدور وبيضه حمره شعرها اسود مثل ليل طويل بكل لعند ركبها ناعم حرير وعيونها كبار وسعات سود ورموشها طوال شفايفها صغيرونات ورديات خشمها صغيرون وطولها 164 وجسمها حلوو مش دبه ولا رقيقه وسط ودلوعه وطيبه حنونه بمعنى كلمه❤وباقي شخصيتها تعرفوها ف قصه
•
•
عندها خوتها اصغر منها اصلن هيا اكبر وحده وشالت مسؤليه من هي صغيره بعد وفاة أمها☹ربت خواتها يالي اصغر منها وهنا
•
•
سحر م 2001 حتى هيا تشبه لمار بيضه حمره بس شعرها بني قصير تقص فيه وعيونها سود وقصيره وهي مشكلجيه وجالطه وديما ادير ف مشاكل مع مرت بوها ههههه
ومع خواتها حنونه وطيبه لان خواتها لمار و ايه خط حمر🚫
•
•
بعدها ايه اصغر وحده م2003 (هذي طبعا من جيلي😂❤) ايه هذي تشبه اختها سحر بس شخصيات مختلفه ايه هاديه بكل متحبش مشاكل وتحب خواتها وديما مبعده ع مشاكل تحب الوحده لان وفاة امها واجعها وقعدة فيها زي حاله نفسيه عشن كانت حياة امها مدلعتها
•
وابوهن مبطلهن ع دراسه قرن لعند سنه ثالثه اعدادي ويوقفن
•
❤وهن ثلاثه خوات وكلمه وحده مثل قوات المتحده❤
•
•
ومرت بوهن اسمها فايزه وليه كبيره وتكره لمار وخواتها وتمنالهن ف الشر☹💔 شريره بكل بمعنى الكلمه وديما ادير ف مشاكل بين لاب وبناته ع اتفه لاسباب☹💔وتبي تفتك منهن بأسرع طريقه☹💔وسعا تعرفوها اخر فايزه ف روايهه
•
•
ولاب اسمه عبدلله وهو طيب وحنون ع بناته بس فايزه سحراته وخششته ع حشيش وسكير🍻💔 وطرشق☹💔وقعد غير يسمع ف كلمتها وسعا تعرفوه ف روايه اخرا☹💔
•
•
ومريض نفسي يالي يبي يتزوج لمار☹❤
اسمه شهاب م89 وهو طويل عريض معضل اسمر شعره ناعم ويصبي فيه وسكسوكه خفيفه سوده وشنباته خفاف سود وعيونه كبار ورموشه كثيفات عيونه ي بنات فيهن لمعه يسحرك😻❤
وهو طبعا مريض نفسي ☹ ويحكي ف روحه😭وباقي تعرفوه ف روايهه☹😭💔 وهو من بنغازي ويحب لمار للموت يموت فيها وهو يبقا قريب فايزه من بعيد ويحق ف لمار كبد فيها وديما يفكر فيها ويبيها
(عارفين واجعني طرف شهاب😂😭❤ بس خساره مخرب عليه مرضه النفسي😭😭❤)
•
•
تبدا القصه
روايات لومي الدرناويه
______________________
شهاب: هيا انا نبي لمار ي ماما زوجيها ليا
ام شهاب زينب: ناعلي ي ولدي ايش نقولك بنت صغيره وكيف تبي اتحمل واحد كفيفك؟
شهاب بعياااط: ناااا نبببيي لمااااار ولاه نقتلل رووحححيييي
يخش اب شهاب ابراهيم: اسس شنو هرجه هذي
شهاب طنش شاربه يالي تحت ونزل حواجبه مثل طفل صغير زعلانه (هههه) وطلع للداره:
ابراهيم : ادوي يا وليه
زينب: يبي يتزوج بنت عبدلله الكبيره
ابراهيم: باهي وكنها
زينب : بنت اصغر منه ب10 سنين وكيف تبي اتحمل ولدي (وقعدة تبكي ع حالة ولدها)
ابراهيم حط يده ع كتف زينب :اسس ي وليه باهي انتي شايفه بنت
زينب: اها بنت كويسه ومشاءلله عليها وهو مكبد فيها ويبها توا يعيط انت سمعته
ابراهيم: وباهي خلينا ناخذوها له
زينب : بس البنت متقدرش ع حالة ولدنا سعا تطلب طلاق نا شايله هم البنت كيف تبي تعيش معاه وا وهو لو سيباته سعا ينجن اخرى
ابراهيم : لا لا خلينا ناخذوها له وسعا تمسكه وانشاءلله سعا نساندوها بنت
زينب تمسح ف دموعها : اانشاءلله
ابراهيم: وكلميهم باهي
زينب :اها به
•
•
زينب ام شهاب طيبه وحنونه وتحب وتعاني ف ولدها شهاب لله غالب عليها تعاني فيه من حالته نفسيه
ابراهيم اب شهاب راجل قوي شخصيه وكلمته مسموعه
وعند شهاب أخين واحد أسمه جهاد م87 متزوج
والاخر سفيان م91 أعزب
ومعنداش خوات
•
•
نرجعوو للقصه
فايزه : اهاا شخبارك…تمام وانتو …اكيدد …ههههه مرحبتين بيكم……انشاءلله …تم…باي
سحر خشت ع خواتها ف دار : القبجه ف من تكلم وتقول مرحبتين بيكم؟
لمار: اكيد تعزم ف هلها
سحر: ههههه عليك جوو سعا نكسد عليهم ههههه
ايه: ههههه هابا عليك انتي
لمار: ههههه بكل
روايات لومي الدرناويه
وبعدها يجو أهل شهاب وزينب تعرفت ع سحر وايه
زينب بحتت ف فايزه :وين الكبيره ؟
فايزه: اها ي لمار لمااار
لمار طلعت من كوجيته: نعم
فايزه: وهذي كبيرتي
سحر: كبيرتك ف عينك انشاءلله
فايزه قرصت سحر : احح توا نشوفي
ولمار تسلم ع زينب ف لحظه هذي سحر تقرص فايزه قررصه نين دمعن عيونها وطحتن سنونها ف بعضهن وبحتت ف سحر يالي صبت تضحك للكوجيته
زينب بحتت ف فايزه: كنهن عيونك دمعن؟
فايزه حركات بدع : ي حنه بنات فيسع ما كبرن صح مش بناتي بس نحس انهن بناتي من شحمي ولحمي لاني مربتيهن ونحبهن وهن عيوني وتوا يكبرن ويتزوجن
لمار معش عرفت من يزوجو ومشت للكوجنيه وسيبت زينب وفايزه يحكو
لمار حكتلهن: ع من يقصدن
سحر: الكشفه هذي من تبي انتزوج منا
ايه تبكي: ولله ي بنات مانبيش اتفارقن نحنا
لمار اضبطتها: لا لا
سحر جت تضبط حتى هيا: مستحيل نسيبو بعضنا سعا نبقو ي حناتي عوانز ع رقبت مرت بونا نين تموت ههههههه
ايه ولمار: ههههههههه
فايزه حكت مع عبدلله
عبدلله: بنت مزالت صغيره ي فايزه عمرها 17سنه
فايزه:لا ولله توا ماهي صغيره ي عبدوو خلاص كبيره وقد مسؤليه
عبدلله: لا لا مش موافق
فايزه جت تنحنس عليه: امغير هيا انت بروحه تزوجة مرتك مرحومه وعمرها 18سنه ها شن بينها وبين عمر بنتها
عبدلله ساكت: …
فايزه: اسمع راهو راجل كويس وعاقل راه ملقوش منه (وهيا خبيثه عارفه بحالة شهاب وتحايل ع عبدلله ولمار معندهاش العلم)
عبدلله؛ صح
فايزه صبت وجابت كاس سكير صبت وعطاته: امسك اشرب هذا هوو دواك
عبدلله قعد يشررب: اااههححح
فايزه: اسمع انت دلعت بناتك وسعا تبقا تقولك لا ي باتي ما لا راهو كويس ومناسب لها متعرضش ف نصيبها
عبدلله وهو سكران: اييييه خلاص قق قوو لي للأهل ععع عريس اننننا مو مو افقين
فايزه فرحت: يعني موافق موافق عند كلمتك
عبدلله طاح ع مرقد: ااا ههاا ي وو لليه (دااخ من كاس)
فايزه صبت تجري للتلفون وحكت مع زينب
زينب: يعني موافقين حتى بنت حكيتيلها ع حالة ولدي
فايزه: اي حكيتلها قالت موافقه عليه
زينب فرحت تسحب ان لمار موافق صح ع ولدها وهي متعرفش : خلاص معناتها سعا نكلم ابراهيم ونحدو موعد خطبه
فايزه: نقولك ي زينب
زينب فرحانه: نعم
فايزه: حددو موعد خطبه وقولولي تم
زينب: انشاءلله وانتي طيبه
فايزه: مع سلامه
زينب سكرت خط ومشت لل ابراهيم وحكتله انهم موافقين
ابراهيم: باهي تمام امتى نحدوو يوم الخطبه
ويخش عليهم شهاب: نا نبيها سبت
زينب وابراهيم انصدمو حش مندعم عليهم: طق باب قبل ما تخش يولد
شهاب بعصبيه: ناااا قلللت السسببت يا ماماا نبي انتزووجهاا
ابراهيم: توا انقولك السبت الفاتحه ويوم ثلاثاء الفرح ونخلووه فرح بسيط بيش يسكت
زينب: بس خلينا نشوفو اهل عروسه قبل
شهاب فرحان: يعني اتزوجوها ليا يوم ثلاث
زينب تمسح ع راس شهاب: اي ياولدي بس خليك معاها كويس
شهاب: حاضر ي امي
روايات لومي الدرناويه
وبعد يومين تتصل زينب بـ فايزه
زينب: ولا اسمحولنا عد قربنا فاتحه وفرح
فايزه فرحانه واشوي وطير هذي غمه وانزاحت مزالن اثنين: لا لا عادي موافقين اهم شي راحتكم
زينب: خلاص خبري كنتي وسلملي عليها
فايزه: انشاءلله يوصل سلامك
زينب: مع سلامه
فايزه: باي
فايزه سكرت خط وتزغرت: للللللللللللللللللوووووووولللللللللليييي
بنات سمعن صوتها وجن يجارن
لمار : ايش صاير؟؟
فايزه اضبطت لمار: الف مبرووك
سحر دفت فايزه من على لمار: عليش تباركيلها شن صاير احكي
ايه تبحت فيهم وساكته: …
فايزه تبوس ف خدود لمار: الف مبروك ي غمه خلاص سعا تتزوجي
لمار انصدمت: ااه شنوو
سسحر وايه صدمه: …؟
#تزوجة__مريض__نفسي💍❤
(حلقه 2)
•
•
#الكاتبه لومي الدرناويه ❤🌹
•
•
بنات سمعن صوتها وجن يجارن
لمار : ايش صاير؟؟
فايزه اضبطت لمار: الف مبرووك
سحر دفت فايزه من على لمار: عليش تباركيلها شن صاير احكي
ايه تبحت فيهم وساكته: …
فايزه تبوس ف خدود لمار: الف مبروك ي غمه خلاص سعا تتزوجي
لمار انصدمت: ااه شنوو
سحر وايه صدمه: …؟
روايات لومي الدرناويه
فايزه: زي ماسمعتي فاتحتك يوم سبت جاي وفرحك ثلاثاء ولاحسن ماتمشيش للبوك راهو موافق
لمار: امتى وكيف وكنكم ماخذيتو رائي ف موضوع
فايزه : مفيش داعي
سحر: كيف مفيش داعي
فايزه: حي طرف زي ماتقولن انتن شاب وسيم
لمار تبكي: وليش تبو اتزوجوني مزلت
فايزه: اسس فكيني منه جوو هذا
سجر بعصبيه: امشي اقلبي وجك ي مسقعه
فايزه : نا مسقعه ي جالطه
سحر بعصبيه :امشي راه سعا نجيك ونتفك زي ويش دجاج
فايزه مشت للدراها وتهز ف خصرها فرحانه هههه
ولمار خشت للدارها تبكي اصلن عارفه روحها مفيش حد حينفها ولا يديرها حل
سحر: اختي هياا اضحكي
لمار تبكي: كيف نبي نضحك وهم يبو يزوجوني غصبن عني
ايه تبكي حداها: اختتيي
سحر ماسكه دمعتها بسيف وماتبيش تضعف: هياا ي بنات سعا انديرو حل انا وياكن
لمار تبكي: كيف كيف ومعانا لفعه هذي توافق بدون رأينا حسبي لله ونعم الوكيل فيها
ايه تبكي : اها ولله حسبي لله ونعم الوكيل فيها
سحر : عارفات ف خاطري توا نخش عليها ف دار ونزيط فيها بكفوف ع وجها المسقع
لمار ضحكت: هههه
ايه ابتسمت: هه
سحر قعدة تضحك فيهن وتيغرلهن ف الجوو
تمشي سحر تخطم ع فايزع يالي طالعه من كوجينه وتحط رجلها قدام فايزه وهي تقلب حكه وطيح طيحت عدوك خههههه
سحر : هههههه تستاهلي بيش مره اخرا معش اديري حاجه دون علمنا ي لفعه (ومشت للدارها)
فايزه عصبت ومشت دارت ف وجها لبيز وسخنت بوهن وحرشاته ع بناته وهو يجي متغضب
يخش عليهن ف دار
عبدلله معصب: كنكن انشاءلله تنابشن
سحر : كن مادرنا شي
لمار صبت: خيرك يا باتي؟
ايه: اها نحنا قاعدات هنا مادرنا شي
عبدلله يعيط : ي فااايزه تعاالي
وتخش فايزه من ورا بوهن وعينها سوده وفمها دم: حقيت بناتك ايش ديرات فيا
لمار وسحر وايه انفجعن: كنك انتي زاد من دار فيك هكي
فايزه قعدة تبكي واطلع ف دموع تماسيح : حقيت ي عبدوو دايرات ارواحهن ماديرات شي خربن وجي ودنيتي
لمار وايه بحتن ف سحر: …
سحر: نقسم بالله مادرتلها هكي بس طيحتها
فايزه تبكي الخبيثه: ناعلي ي وجي بحتن ايش دارن فياا
لمار: اخس عليك ي كذابه مادرنالك شي كلا احلفي
فايزه تبكي : ناعلي نااا محد مصدقني مانقول فيت حسبي لله ونعم الوكيل فيكن انا عمري قصرت معاكن ف حاجه نا
سحر : توا نا ما قتلك شي فيت انك تحلفي اننا لمسناك
فايزه قعدة تعيط وتبكي حركاات بدع: نااعلي ما مجد مصدقني طلعت كذابه
سحر: تي احلفي اننا قربناك وبلا تكبير شورخ
فايزه ورا عبدلله وتبكي حركات : ناعلي تبي تضربني بحت بناتك ي عبدوو
عبدلله عصب وقعد يضرب ف بناته قطعهن
وفايزه بحركات: خلاص خلاص يلا ي روحي نمشو انتريحو نا ويك
عبدلله: نقسم بالله نسمع نفس نقتلكن ليله
وطلع ما فايزه يالي تهز ف خصرها فرحانه الواطيه
لمار واخواتها يتباكن
سحر تحرك ف جسمها وعيونها دمووع: اااخخ وااعره بكل ضربه
ايه تبكي : اااهه ولله مضومات لله لايسامحها الواطيه
لمار تحاول تصبي وتمسح ف دموعها : ااخخ ان لله مع صابرين خلينا نصبرو وانشاءلله ربي ياخذ حقنا
سحر : ااخخ لله بعطيها مررض
ايه تبكي: معقوله بابا يضربنا هكي (ونهارت بكااء)
تجي لمار تضبطها: اسس خلاص ي روحي
سحر قعدة تبحت ف خواتها واضبطتهن: خلص اسس
.
تسريع الاحداث …
كانت حالة بنات تقطع القلب كان كل يوم بشكل هذا نين يجي يوم الفاتحه ف العشيه
لمار تصلي وتبكي ع سجادة صلاة لابسه محرمة صلاة ورديه كانت وعينها سوده من ضرب بوها وشاربها منتفخ وتبكي تصلي ف استخاره وكل ما تنزل تسجد عيونها ينزلن شلال ع سجادة صلاة
تخطم ايه تحق اختها تصلي وعيونها شلال بعد كملت صلاة جت اظبطتها: اسس ي روحي
لمار تبكي ع كتف ايه: معقوله يصير هكي بوي يزوجني بدري
ايه تبكي هسس ي روحي خلاص خلاص
وتسريع الاحداث …
انقريت الفاتحه
ولمار قعدة خطيبة شهاب
ويوم لاثنين مقابله شرعيه للـ شهاب ولمار
شهاب ف مربوعه ويتفرج ع ديكور مربوعه
لمار: بنات يعني نقدر نخش خايفه بعدها اكبر مني ي بنات ايش اندير (ودموعها شلال)
سحر مسحت دموع لمار: اسسس يلا توكلي ع لله وخشي
ايه تمسح ع ظهر لمار: خشي ي قلبي
فايزه تجي: هيا ي فرخه خشي ع راجل وهوا يراجي ف شكلك معفن
سحر: فيت انتي يالي وجك يجيب ستين يوم قبلي يلا اقلبي وجك
فايزه: اسكتي انتي بذات
سحر حطت ايديها ع خصرها: لا مش ساكته ايش اديري؟
لمار: اسس خلااص
ايه: خشي
لمار خشت عليه ومنزله راسها ع ارض
شهاب يبحت فيها وقلبه يدلف بلقوو : عع عيوني
لمار قعمزة ومرفعتش راسها بكل: …
شهاب قرب منها: ارفعي راسك
لمار اول مره ف حياتها تسمع صوت يجنن كا صوت شهاب كان خيالي كانت منزله راسها وسكوت
شهاب رفع راسها بيده: انتي ي القمر نحكي نا
لمار رفعت عيونها وجن ف عيون شهاب ذااابت من عيونه وتفصيل وجه وسكسوكته وشنبااته وكل شي فيه انسحرت بـ جمال متاعه: …
شهاب يرمش بعيونه: انتي سمحه
لمار ابتسمت: ههه
شهاب: اززك ليا
كان شهاب يحكي بـ عقاله ومرض نفسي مو مبين عشن ياخذ ف دواء نفسي ويحكي معاها بهدوء ولطافه وهيا انسحرت بيه
.
تسريع لاحداث
وف ليل كانت لمار طايحه ع مرقد وتلعب بشعرها وصورة شهاب ف مخيلتها وتقول ف اسمه بهمس: شهااب اسمك حلو وكل شي فيك يجنن شهاااب
وتجي سحر وترطز احذاها: حي حي خشينا ف عالم الحب
لمار صبت: ههههه
سحر قعمزة: احكيلنا ي حنه
لمار تربعت وتجي ايه ترقد ف كترها: ادوي هيا
لمار تتخيل ف شهاب ومبتسمه: ههه
سحر: اوو شورها قصه قبل مقابله كانت بدموع وحزن وبعد مقابله مبتسمه وفرحانه اكيد صايره حاجه احكي هههه
ايه: اها احكي ههههه
لمار: اخس تفكيركن بكل اسمعن (وحكتلهن عليه)
سحر: شوره طرف العطيب نين مطرشف بناتنا هههه ولا لا ي ايه
ايه : ههههه اها
لمار طاحت ع مرقد: يجنن ي بنات وحق ربي اااخخ
سحر: ناعلي ماعلي خشت عالم الحب هذي هههه انشالله ياربي يهنيك
ولمار طايحه ع مرقد تلعب بشعرها وتفكر ف رروحها مع شهاب وحياتهم الحلوى ومش عارفه ايش يصير من مصايب بعد زواج…
#تزوجة__مريض__نفسي💍❤
(حلقه 3)
•
•
#الكاتبه لومي الدرناويه ❤🌹
•
•
ولمار طايحه ع مرقد تلعب بشعرها وتفكر ف رروحها مع شهاب وحياتهم الحلوى ومش عارفه ايش يصير من مصايب بعد زواج…
يجي يوم ثلاثاء يوم الفرح
تسريع ألاحداث الفرح…
لمار تبي تطلع من حوش مع شهاب
ايه تبكي: اختي سعا نريفولك واجد
لمار تبكي: حتى نا ي قلبي
وسحر ماسكه دموعها بسيف متحبش انها تبقا ضعيفه ديما مبينه روحها قويه: انشالله ربي يهنيك ي اختي (واضبطت لمار ونزلت دمعتها ومسحتها طوول)
عبدلله يحكي بحزن: ربي يهنيك ي بنتي (وطلع)
لمار عيونها دمووع: باببا حبيبي
فايزه: يلا يلا خلص راجلك يراجي فيك خلاص ما انهسنا نحنا يلا كانو يزوجو فينا ف سن 16
سحر بعصبيه: هههه انتي صادقه زوجوك وانتي سن 48 ي معنزه اخسس
فايزه: تف عليك ي معفنه
سحر: وجك ي منحوسه لكن سعا اتشوفي عليها بااهي به
لمار مسحت دموعها: يلا ي بنات عانكن من ارواحكن
ايه: انشاءلله
لمار: وانتي ي سحر فكيني من عرايك مع فايزه
سحر: حاضر
عبدالله: هيا ي لمار اطلعي وراكم طريق (لانهن يبو يزفوها من درنه للبنغازي)
لمار حدة يد ع خد ايه ولاخره ع خد سحر: اني استودعتكن لله ي خواتي باي
تسريع الاحداث …خشت لمار شقتها صغيرونه كانت عباره عن مدخل صغير اول ما تخشي ع يدك اليمين مربوعه وع يدك يسار حمام تمشي لقدام الصاله وع يدك اليمين غرفة نومهم ولقدام كوجينه كانت شقه صغيرونه ع قصادهم
خشت لمار تبحت ف شقه اتفرج
و شهاب يحك ف راسه ومش عارف ايش يدير؟
لمار بحتت فيه وخشت للدار غيرت دبشها لبست روب حمر قصير بكل ومشبك كله بأسود من الظهر ومن لقدام مفتوح من عند الصدر سقمت روحها قعدة تبحت ف روحها ع مرآيـا
لمار: اوو سمحه ي لمار طالعه هههه
شهاب جا عند باب قعدة يبحت فيها ونزل نظره وقعد يهزب بعصبيه: تحشمي ع وجك
لمار ضربت نقص: كنك؟
شهاب منزل نظره وبعصيبه: شنوو لبس هذا تحشمي ي خرراه
لمار: مش انت راجلي عادي
شهاب بعياط: لا لا عيب عيب كن انتي ماتحشميش انا اتحشم حيوانه (وطلع من دار وطبق باب بقوو)
لمار قعدة تبحت ف روبها: كنه روب ؟؟مش هو راجلي ؟؟وعادي ولا نا غالطه؟؟ ومش هكي يلبسن عروسات؟!
وقعدة تبكي نين داخت بنووم
وهو قعد راقد ف نص صاله
وف صبح طولت بنووم لمار
وهو وعا وقعد يبي فطور خش عليها
شهاب يخبط فيها برجله: صبي صبي صبي
لمار وعيت : هااا
شهاب يعيط وبعصبيه : كيف مزلتي لابسه الخراه هذا تحشمي تحشمي وتديرلي فطوور توا صبي
لمار بهدوئ: باهي ناس تقول ع صبح صباح الخير
شهاب بعصبيه : صبي
لمار صبت: باهي بس كنك ؟!
شهاب عصب ويكرها من شعرها من دار للـ كوجينه: هيااا نبي فطوور
لمار تبكي: ااه شعري شعري
شهاب دفها للكوجينه : هياا
لمار خبطت ف غاز: احح
شهاب بعيااط وعصبيه: هياا تواا فطور
لمار خافت منه وقعدة ادير ف فطور
وشهاب يبحت فيها ودارت فطور خفيف دحي وشاهي زيتون جبنه
لمار حطت فطور: تفضل
شهاب بحت ف فطور وبحت فيها: ماعنديش نيه
لمار: ااه
شهاب بعصبيه: نااا شن قللت ع الخرااه يالي لبسته
لمار فطنت: ااه صح
وخشت للدار نوم تغير
شهاب ما فطرش وصبا طلع
لمار لبست توته ورديه ورفعت شعرها
طلعت مالقتش شهاب بحتت ف صفرة فطور لاقته مش فاطر حزنت 💔
نزل شهاب: صباح الخير (وخش للـ داره)
ابراهيم + زينب + سفيان: صباح النور
سفيان: توا هذا مش عريس ولازم يبقا مع عروسته
زينب: ااهه ي مرارتي لله غالب عنده هل حاله نفسيه مخربه عليه 💔
ابراهيم: انشالله ربي يشفيه
زينب: امين
سفيان: شن اسمها عروستنا
ابراهيم: لمار
سفيان: اها
زينب: نمشي نصبي نشوفها وايش داير معاها هذاكي
ابراهيم: اهاا اكيد
زينب صبت: يلا نرقاللها
لمار تفطر وتحكي ف روحها: توا هكي عيشة عروسه يعني؟؟ توا شهاب مايلمسنيش ولا كيف؟؟ وعيب فيا نا ولا فيه؟؟او نا منعرفش انتصرف؟! ياربي (وقعدة تبكي) نبي نروح للهلي وخواتي
وتسمع باب يطق
مسحت دموعها ومشت تفتح باب ع اساس هو شهاب
زينب: صباحوو ي عروسه
لمار حطت جمتها ورا وذنها: صباح النوار عميمه
زينب : ايش اخبارك
لمار : تمام خشي تفضلي حوش حوشك
زينب خشت لقت صفرة فطور قاعده
لمار : تفطري
زينب: لا لله يدوم توا غير فطرت
لمار شالت صفره ف كوجينه وقعمزة جنب عمتها
لمار: اا ي عمتي شهاب نزل تحت
زينب: اها
لمار عقدة حواجبها: …
زينب بحزن: لله غالب ي بنتي هذي هي حالته
لمار انصدمت: حاله اي حاله؟!
زينب: كيف حالته نفسيه نسيتي شهاب مريض نفسي
لمار جتها صدمه هنا ااه!!
زينب: كيف ممش عارفه ولا ايش
لمار: ……
#تزوجة__مريض__نفسي💍❤
(حلقه 4)
•
•
#الكاتبه لومي الدرناويه ❤🌹
•
•
زينب بحزن: لله غالب ي بنتي هذي هي حالته
لمار انصدمت: حاله اي حاله؟!
زينب: كيف حالته نفسيه نسيتي شهاب مريض نفسي
لمار جتها صدمه هنا ااه!!
زينب: كيف ممش عارفه ولا ايش
لمار منصدمه: كيف هو مريض نفسي يعني
زينب: كيف مش عارفـهه انتي؟ !
لمار ترمش بعيونها ومش مصدقهه :يعني نا #تزوجة_مريض_نفسي
زينب: كيف مش حاكيتلك امك
لمار تبكي: لا ولهي ماحكتلي يعني هذي نهايتي عند …(وسكتت فطنت للروحها)
زينب وجعهاا : لو مش راضيه ع زواج خلص سعا نجبلوك وراق طلاق بس بعد ست شهور
لمار : اسفه ي عمتي ولله ما كان قصدي
زينب جت مسحت ع ضهر لمار: اسمعي ي بنتي ولدي من هو صغير وهو سمحووح وناس كلها تعيط معاه من هو صغير وكبر وطلع مريض نفسي
لمار حزنت: عين منهم حتى هما مايذكروش اسم لله عليه
زينب تنهدت وصبت: لو مش راضيه ع ولدي انزلي قوليلي بيش نجهزولك اوراق طلاق بس تصبري معانا ست شهور عشن سمعتنا وسمعتك قدام ناس
لمار: خليك ي عميمه
زينب صبت: لا لا نمشي
وطلعت
ولمار حست بتأنيب ضمير وقعدة تبكي وتبكي نين داخت رقدت
وف حوش
فايزه تحكي وتضحك ف تلفون وحسها لنهاية شارع
جت خطمت سحر وقعدة تسمع ف كلام
ايه بصوت هادي: تعالي فيكنا منها اكيد تحكي مع واحد
سحر معصبه وتحكي بصوت واطي: اسس نبي نسمع مش مع راجل تحكي شوره موضوع مهم من ضحك وجو ال*&%$ خلينا نسمعو
ايه بصوت واطي: باهي نا مش شوري لو جا باتي
سحر بصوت واطي: باه اسس
ايه مشت للدار تفرج ع تلفزيون
فايزه ع تلفون تضحك: ههههههه ي حنه لو تعرفي ايش درت ههههه …ي حنه زوجة لمار للواحد مريض نفسي مطرشق هههه وهي معندهاش العلم تستاهل ههههه
سحر انصدمت: ااه مريض نفسي هذاك طرف مش معقوله لا لا
فايزه تحكي ف تلفون: زي ما قتلك هو م89 طرف وسيم بكل زي مهند ههههه …اها من بنغازي مريض نفسي سنه اخرا وينحط ف مصحه هههه
سحر وجعها كلام وعصبت: اخس هل *&%$ تزوج اختي للمريض نفسي ولله توا نوريك
فايزه تحكي ف تلفون : ههههه قالو مكبد فيها ونا قتلهم موافقين عليه وراضين عليه ههههه
وسحر نضرب باب دار بكارشو نين انفتح خاشه هجوووم ع فايزه مثل قواة متحده للتحرير من لارهاب 😂😂💔
فايزه مقعمزه ع حرف مرقد وطالقه شعرها يالي مليان ششيب هههه وتلعب بيه ورجل ع رجل وتحكي ف تلفون دايره روحها مراهقه زي بنات ههههه
فايزه انفجعت : اطلعي ي قليلة تربيه
سحر: علي طلااااق بثلاثه ماني طالعه نين انشبعك ضررب
فايزه تعيط: قتلك اكلعي نحكي ف تلفون ناا
سحر اتقبع ف اكمام ايديها : يلا يلا صبح صبح ي عمي حق هههههه
فايزه تعيط: اطلعي
وجت فايزه تبي تصبي تنهزم وتمسكها سحر وادفها ع مرقد نضام اغتصاب ههههه😂😂💔
وفايزه تبقا تعيط : يا نااعلي البنت اتعدى عليا ي نااااس ي عبدددلللله
وتقعمز سحر ع بطن فايزه وتبقا تضرب فيها كفوووف وشلفييط وتكر ف شعرها
وتجي ايه سمعت الهرجه: شنو هرجه هذي
ويالي ع تلفون قاعده تسمع ف عياك وصريخ وترعش خايفه مش عارفه الخبر شنو😂💔
ايه تمسك تلفون وا اول مره ف حياتها تمسك تلفون ومعش عرفت كيف اطفيه اشوي مسكاته وحطاته ف كبايت ميه
وسحر زااايييطه كفووف وضررب ف فايزه وهي تعيييط: ي بنت كلب ي متهت ال*&%$ اخس عليك اتزوجي اختي راجل مريض نفسي تفووو عليييك
وفايزه تعيط:اااااه اااايييه امسكي اختتكك
ايه تندم: حي حي خلاص ي سحر لله يربحك
سحر تتفل ع وج فايزه وتضرب: تفووو عليكك ي *&% اخس عليك ي *&%%
فايزه تعيط: اااااا عبددلله
ايه تبكي: خلاااص لو تحبيني ي سحرر قعدنا فضيحه قداام جيران
سحر تضرب ف فايزه بكفووف: طزز خليهم يسمعووو
ايه تكرر سحر: خلاص خلاص
سحر دهشانه: اووووه مسحت كبد سمحه هههه
ايه: ههههههه تستاهل هههه
فايزه ع مرقد عيونها لونه من تخت بنفسجياات وشاربها منتفخ وشعرها مصبي من كثرت اتنتيش ههههه قول شلطها ضي ههههه وصوتها مبحوح من عياط وصريخ : ااه ااه شن درت ف روحي نااا
ايه تمسك يد سحر: اوووه والفائزه هياا سحررر ههههههه
سحر : ههههههه
فايزه قعدة وصوتها مبحوح من صريخ وعياط : اه اه
وطلعن من دار خشن دارهن
سحر: هل ال *&%% تزوج لمار واحد مريض نفسي بحتي الوقاحة متاعتها لعند وين وصلت التافهه هذي اخخس
ايه بحزن: حرام ابدرعنا اختنا ايش دايره غادي
سحر: استرلله ربي يعينها هيا ماينخاف عليها بش هوا مريض نفسي وينخاف منه
ايه: استرلله انشالله خير بس توا ايش انديرو لو جا باتي؟!
سحر: امم نطمروو ف حمام
ايه: انتي مجنونة شورك هههه سعا يكسر علينا باب حمام بعدها
سحر: انا عادي سعا انتحملها وانتي اقعدي فوق دولاب
ايه: اخخ ياربي الستره باهي نين يجي هو قبل بعدها نبدوو بس مسحتي كبدي صراحه ههههه
سحر: ههههه اها لو تعرفها لمار حتى هي ههههه سعا تضحك ههههه
ايه: اها ههههه
سحر تعايب ع فايزه : تدله بشعرها يالي مليان شيب تسحبه اصفر وناعم وهو عقاب ليفه بيضه ههههههه
ايه: هههههههه
سحر: وكرعيها يالي عروووق وكراميش تسحبهن بيض وسمان وهن قول متاعات شايب
تسعيني قريب يموت حتى شيباني خير منها ف كرعين
ايه ماتت ضحك: ههههههههه
نزلت زينب حزينه
ابراهيم: كنه وجك هكي ي وليه ماكنتي فرحانه لما رقيتي شن صار
زينب قعمزة اخذاه: طلعت بنت مش عارفه بحالة ولدنا
ابراهيم: ااه !؟ كييف
زينب: مرت بوها ماحكتلهاش عليه وهي معندهاش علم مسكينه
ابراهيم: باهي توا مهم عندنها العلم وهل هي راضيه عليه او لا
زينب: مش عارفه شن رائيها
ابراهيم: كيف !؟
زينب حكتله: ونزلت توا
ابراهيم: اهاا لله غالب توا بيدها القرار
زينب: اخخ وخلاص
عند لمار وعيت ع صوت باب
لمار صبت تجري فتحت لقاته …
لمار توترت من نظرت عيونه لها ورائحته فاايحهه …
#تزوجة__مريض__نفسي💍❤
(حلقه 5)
•
•
#الكاتبه لومي الدرناويه ❤🌹
•
•
وعند لمار وعيت ع صوت باب
لمار صبت تجري فتحت لقاته شهاب
لمار توترت من نظرت عيونه لها ورائحته فاااايحهه وسمحه ذاااابت: …
شهاب خش وقعمز ف صاله ويلعب بل مسند صلون: …
لمار سكرت باب وخشت بحتت فيه وقعد كلام عمتها زينب يلف ويدور ف بالها: (لله غالب ي بنتي هذي هي حالته ،كيف مش عارفه ولا ايش،لو مش راضيه ع ولدي انزلي قوليلي بيش نجهزولك اوراق طلاق بس تصبري معانا ست شهور عشن سمعتنا وسمعتك قدام ناس )
بـارت 5
لمار تمسح ع وجها وراسها قعمز ع حرف صلون تفكر وحطت ايديها ع وجها : ااخ ياربي صبرني ايش اندير نااا
شهاب حول ايديها من وجها: مع من تحكي انتي؟!
لمار رفعت عيونها فيه : نحكي مع روحي
شهاب يضحك: هههههه مجنونه تحكي مع روحك ههههه
لمار سرحت ف ضحكته كانت سمحه: هههه انت يالي مجنون
شهاب عقد حواجبه وبعصبيه: لاااء
لمار بحتت فيه: ههههه نجك لي تهبل وانت معصب
شهاب رفع حواجبه : ااوف
لمار فكرت ف عقلها (هو نفس طفل صغير يعني نقدر نحايل عليه ونمشيه كأني نربي ف طفل ولله من بدري وجعتني فيت امك ي شهاب حسيته وجعها)
شهاب: اووي وين سرحتي
لمار بحتت فيه: هههه لا لا نا زعلانه منك بس
شهاب: ااه ؟!
لمار طنشت شواربها : نا زعلانه منك عشن انت مافطرتش الصبح
شهاب: امم به خلاص سعا نفطر
لمار: باهي وشن رايك نبقو اصحاب
شهاب: امم به
لمار: نجك ليي كييوووت وحق ربي هههه
شهاب: ههههه انتي هبلا
لمار: ااه نا!!
شهاب: اها ههههه
لمار: شن رايك نمشو انديرو حاجه نكلوها
شهاب : بس نا مش جيعان كليت تحت مع امي وباتي
لمار: امم به
شهاب: نا توا نعسانه نمشي نرقد
لمار: به
شهاب صبا وفتح باب: …
لمار: وين ماشي
شهاب: نمشي نرقد
لمار: ما هنا ترقد انت
شهاب: بس مرقدي تحت
لمار: لا لا تعال خش ارقد هنا ف دار نوم بحت مرقد كبير ارقد
وشهاب خش وطااح رقد ع مرقد: اااه سمح بكل
لمار: هههه ارقد
مشت سكرت باب ودار حاجه للروحها تاكلها
عند سحر و ايه ومرت بوهن فايزه نشوفوهن ايش دارن 😂😂💔
ويخش بوهن يحق فايزه تبكي وماسكه شكارة تلج ادير ف وجها
عبدلله: كنك ي وليه من دار فيك هكي!!
فايزه بحركات بدع: بنتك ي عبدو بحت ايش دارت فيا هي بروحها هددت عليا (بس صراحه سحر مسحتلي كبدي حتى انا ههههه)
عبدلله: علي اصلها البنت هذ رايحه مستذكره
فايزه حركات بدع : خليها عنك نستاهل نا(وقعدة اطلع ف دموع تماسيح) ونا اصلن عمري قصرت معاهن بناتك بيش ايدرن هكي
عبدلله عصب وصبا: لله انوريها اصبري
وصبا
ايه ف دار : اس مش حس باتي جا
سحر تفتح دولابها وتبقا تلبس ف دبش ثقيل بسرعه: هيا هيا انشالله انطق بس
ايه قعمزة وحطت يدها ع خدها: ناعلي نااا عليك حاله قاعدين فيها
سحر تلبس وتثقل ف دبش : ولله كشفه هذي عندك ولله سعا نوريها ي ايه وسعا نخليها تخااف منا خووف حمر وقولي قالتها سحر بسس
وهو يخش عليهن بوهن عبدلله
عبدلله معصب: سحررر
سحر: نعم
عبدلله: كنك مع امك انتي شنو الخبر هذا معقوله تضربيها هكي
وبدا فيها بكرشوات وضرب
وسحر حاطه وجها ف مخده وزي يالي تبكي
ايه خافت ع اختها تموت قعدة تحزز: خلاص ي باتي خلاص قتلتها
عبدلله معصب يدف ايه بقوو نين تخبط ع دولاب وقعدة تبكي من قوو خبطه : اااه
عبدلله طلع: علي اصلكن ي قليلات التربيه تفوو عليكن ادهشن فيا يالي راجل كبير
وطلع وسكر باب بقوو
ايه تجي تحق ف سحر وجها ع مخده وتنهز تبكي جت برمتها ع جنبها وتلقا سحر ميته ضحكك
ايه : تضحكي ي بارده !!
سحر: وحق لله ما حسيت حاجه قعد شايب ويكبر وكل ما يكبر يضعف ههههههه
ايه: ابدرعنا او يا اما انتي معش اتحسي ههههه
سحر: هههههه ممكن وكشفه هذيك الصبر عليا بس
ايه حكت راسها ع مكان خبطه: احح
سحر جت مسكت راسها: راسك
ايه: دفني بقو لما كنت نحز عليك
سحر تحك لها: ناعلي ناا معش تحزي عليا بس توا بحتي راسك
ايه: عادي ما حسيتهاش ههههه
سحر: تقلدي فيا يعني
ايه: اممم يعني ههههههه
سحر: هههههه نجك لي
ايه: ولليا عارفه مرايفه ع لمار وحق ربي
سحر: حتى نا ااه
ومع لايام لمار كسبت شهاب دارت معاه صداقه مش زوجين قعدو اصدقاء
وكان يوم جمعه
لمار: هيا ي شهوبي ننزلو انتغدو تحت ليوم جمعه
شهاب: امم به
لمار : هيا امشي البس
ونزلو تحت
لمار مبتسمه وشهاب فرحان وماسك يد لمار
ابرهيم نغز زينب: بحتي
زينب بحتت ع باب وتحقهم وفرحت: يا هلا نورتو حووش
سفيان ع تلفون ولما سمع (يا هلا نورتو حوش) رفع عيونه يحق لمار وجها مدور وبيضه وجسمها مجسم وكيف لافه وشاحها ومنظرها كيوت مبتسمه وهو يبحت فيها كأن الوقت وقف انسحر اول مره يشوف بنت مثل جمالها❤ : طررف ززح
شهاب شاد يد لمار: ماما بحتي نا ولمار اصحاب
زينب فرحانه: ربي يحفظكم للبعض
ابراهيم: شن اخبارك ي بنتي
لمار سلمت ع ابراهيم: حمدلله ي عمي شن اخبار صحتك
ابراهيم: حمدلله
زينب: كيف حالك ليوم ي بنتي
لمار: حمدلله ولله
زينب: دوم ي حبيبتي
لمار: عزك ي عميمه
سفيان: ونا محد يسلم عليا
لمار علامة تعجب فوق راسها: !!
زينب: هذا ولدي صغير سفيان م91
لمار من بعيد: اها تشرفت بيك
سفيان انقهر قبل يبي يسلم عليها من قريب : بيك جوده ياا مرت خوي
لمار ابتسمت: …
شهاب: مااما نحنا ليوم عندكم
زينب: انتو ف اي وقت تعالو عادي المهم عندي ولدي يبقا فرحان (وبحتت ف لمار) وحتى انتي ي لمار تهمينا
لمار ابتسمت :…
وقعمزو قعدو يحكو وسفيان يشبح للـ لمار بنظرات شهوه وغيره من نظرات القذره ولمار خايفه منه ومن نظراته قعدة جنب شهاب
شهاب: هيا نمشي نوريك داري
لمار: اها هي
ومشو وراها داره وقعدو يهدرزو مع بعض
زينب: نجيهم ليا ي ربي
ابراهيم : ربي يحفظهم بس توا عرفتي قرار لمار هل هي موافقه ع حالته او لا
زينب : ولله مش عارفهه سعا نحكي معاها
لمار: اعيوني
شهاب: نعم
لمار: اسمع توا نبي نعدي نساعد الماما ف الغداء
شهاب: لا لا خليك
لمار: لا عيب هيا خليني نمشي اندير معاها وف عشيه وعد سعا نبقا معاك ونلعبو
شهاب: به
وطلعت لمار قعدة ف كوجينه ادير ف غداء
وزينب تصلي ف ظهر وابراهيم طلع يصلي ف جامع وشهاب راقد ف داره وسفيان يخش للكوجينه
سفيان ينسند ع باب كوجينه: …
لمار خاافت وبحتت فيه : …
#تزوجة__مريض__نفسي💍❤
(حلقه6)
•
•
#الكاتبه لومي الدرناويه ❤🌹
•
•
سفيان ينسند ع باب كوجينه: بلجوده بيك ي مرت خوي نورتي ولله
لمار خاافت وبحتت فيه : …
سفيان ياكل ف فول الخضر : امم صراحه حظ خويا سمح مريض نفسي وذوقه سمح طايح ف وحده درناويه جماااال نورتي ولله جوده بيك
لمار: معلش متقولش عليه مريض نفسي احترم نفسك
سفيان: اوووه لله الله ادافع عليه لله أوكبر
لمار بحتت فيه: لو عندك كرامه ف اطلع براا لو سمحت
سفيان يتنهق ويقرب: للله وعندها لساان
لمار رفعت موس: وخررر
سفيان يضحك: ههههه خوافه نبصر معاك كنك صدقتي ههههه معقوله نا اندير هكي ف مرت خوي ههههه
لمار نزلت موس وتحشمت:…
سفيان: هههه نبصر معاك بس نشوف فيك لكن ماشاءلله لقنكك درناويه وقوويه ربي يحفظك للخوي (وطلع)
لمار بحتت فيه وهو طالع ومنصدمه: شنو هذا بالله عليك هذا اخ!؟
سفيان طالع ومعصب: ااخخخ ي درناويه كما خليت نهايتك بين ايدي مايقعد اسمي سفيان
وتكمل زينب صلاة وتخش كوجينه
ولمار تفكر ف سفيان وكلامه مش متريحتله
زينب: حبيبتي
لمار انفجعت: ااه
زينب: كنك بسم لله
لمار: لا غير كنت سارحه
زينب: اها
وقعدة معاها ايدير ف خضره
زينب: شن قررتي
لمار: ف شنو؟
زينب: هههه ع شهاب تكملي معاه او لا
لمار سكتت اشوي: نكمل معاه
زينب: اه
لمار: اي عادي متقبلته بحالته هو مثثل طفل ونا حبيته يعني منقدرش بلاه
زينب فرحت وعيونها شلال دموع: تحكي جد ي بنتي
لمار جت تمسح ف دموعها: ليش تبكي
زينب: انشاءلله تلقيها ف ميزان حسناتك ي بنتي
لمار: خلص ي عميمه بلا بكااء
زينب : ههه ي هبلا هذين دموع فرحي
لمار : ههههه مش مغير هللا اخخ
زينب: هههه وبي يحفظك ولله ماعمري شفت مثل طيابتك كن غيرك راهي دايره فينا يوم
لمار: ههه
زينب: حتى ذوق ولدي حلوو صراحه ههه
لمار هنا اذكرت كلام سفيان (صراحه حظ خويا سمح مريض نفسي وذوقه سمح طايح ف وحده درناويه جماااال نورتي ولله جوده بيك)
وسرحت ف بحر تفكير
زينب: بنتي وينك كنك تشردي واجد
لمار: مش عارفه هههه ممكن حاله ههههه
زينب: ههههه نجك لي
وف عشيه جا أخ شهاب الكبير جهاد ومعاه زوجته مروه وا ولده صغير اسمه إبراهيم ع جده
تسريع الاحداث
وكان جوهم تمام يحكو يهدرزو وسفيان يفكر ف لمار منعجب بيها حب شهوات يالي عنده ولمار امبعده عليه لانها خايفه منه ومن حركاته
بس مرت جهاد مروه كانت تغار من لمار عشن هي صغيره وسمحه وتساعد ف زينب وتقوللها لله يربحك وهي تحقد انتو عارفين أنواع سلفات هذووم ف منهن ف كل عائله ههههه😉😂💔
وف حوش عبدلله
كان عبدلله مسافر برا حوش عنده شغل
سحر: ااااا فرصه ههههه
ايه: اه
سحر: ي هبلا سعا نمشي نكسد ع هذيك المتخوخمه
ايه: لا لا فكينا
سحر: تي امغير اصبري عليا سعا نربيها
ايه: فكينا ي سحر
سحر: اسس خليها شوري ي خوافهه
ايه بعصبيه: نا مش خوافهه
سحر: لا خوافه
وهن يحكن فايزه كانت تلم ف دبشها تبي تطلع شور هلهاا هههه خايفه من بنت سحر ههههه
سحر حقت فايزه طالعه بساكو وماسكه صاكو دبش
سحر: هاااا انتي وين ماشيه
فايزه طلعت تجري: حي حي
سحر مسكتها من محرمتها وانخنقت: ااااا ي بنت كلب
سحر: وين ماشيه ي *&#*
فايزه: اطلقي شن دخلك
سحر تبقا تقر فيها من حاجر الحوش: تعااالي
وتبقا سحر اتكر ف فايزه من محرماتها يالي مخنوقه من ف رقبتها وهي غضيبه فكتها وطلهت تبي تطلع من باب حوش جري وبدون محرمه المهم تفتك من بنت سحر ههههه
وتجي ايه ف طريقها وتسكر باب
ايه: وين ماشيه ي مرت باتي مزال بدري هههه
سحر انصدمت: صراحه معرفتكش هههههه
ايه: هههه هيا سكرت باب بيش تاخذي حقنا ي سحر (وغمزة بعينها)
فايزه خافت وقعدة تتجدا فيهنن: بنات حرام عليكن
سحر تقبع ف اكمامها: هههههه ضحكتيني
فايزه: سحورتي حبيبتي نا ايه نا نفس امكن
سحر: اسسس امي ماتت ومعش اتجيبي سيرتها ع لسانك الوسخ
فايزه جت للأ ايه لانها عرفتها قلبها طيب وحنونن: حبيبتي صح نا غلطت فيكن اسفه سامحنيي ي حبيباتي حرام عليكن (وقعدة اطيح ف دموع تماسيح)
سحر بعصبيه: ايه خشي جووا
ايه: لكن
سحر بعصبيه: خشششيييي
ايه خشت تجري
فايزه صبت: بعدها ي بنت ال*&&$*نا اكبر منك وضروري تحترميني بنت كيفك مش متربيه متقدرش عليا ايييوااه
سحر عصبت: باااهي سعا نوريك البنت يالي مش متربيه من هي
وتجي سحر تجري تضرب فايزه بكارشو نين طاحت وقعدة تعيط
فايزه : اااه ي بنت *&&$
سحر ترقب فوق منها كفوووف وطرايح نين عرفتها طريحه سمحه هههههه
سحر: عارفه ي مرت باتي لو تحرشيه عليا نا ولا ع وحده من خواتي نقسم بالله بعدها نخليك اتشيلي سلامي للموتى وتشوفي
فايزه طايحه ع ارض وكادمات ع وجها ودنيتها ويا حالها وياا مطراها هههه بس تستااهل
قعدة تبكي ودموعها سوود شلال
سحر : حي دموع سحرات سوود اخسس ي معفنه ي سحاره
فايزه تبكي بدموع تماسيح : …
سحر: تف عليك باهي
فايزه صبت بشويش بيش تخطا سحر :…
وسحر مشت للدار مع ايه ع تلفزيون
وعند لمار…
#تزوجة__مريض__نفسي💍❤
(حلقه7)
•
•
#الكاتبه لومي الدرناويه ❤🌹
•
•
وسحر مشت للدار مع ايه ع تلفزيون
وعند لمار رقيت للشقتها ومعاها شهاب ع مغرب
وهو ياخذ ف علاج
لمار ادور ف علاج: وين حطيته اني اها اهو لاكن مفيش اشوي ويكمل شهوبي
شهاب: نعم
لمار: من يالي يجبلك ف دواء
شهاب: ممم باتي او سفيان
لمار: معناتها ننزل للعمي لوطا
شهاب: اه
لمار عطاته دواء: خوذ وعدي ارقد تمام نين نجيك
شهاب: به
نزلت لمار من دروج وتحق سفيان خاش حوش ويدخن
سفيان منصدم : معقووله
لمار بحتت فيه ورفعت حاجب: ؟!
سفيان: قمر طالع ف نهار وااو خبر شين
لمار عصبت وخشت للعمها: عمي
ابراهيم كان تعبان: نعم
لمار: دواء شهاب ناقص
ابراهيم بحت ف زينب: وين سفيان سعا يجيبه
زينب: عمك تعب اشوي
لمار: لا عادي ولا يهمك مانيش زاره عليك
زينب: اوسيفا سفيان
سفيان يخش: نعم
زينب: هك سلم وليدي جيب دواء خوك
سفيان بحت ف لمار: وكنك ما عطيتيه ليا قبل شوي
لمار ما بحتش فيه: تمام نرقا نا نشوف شهاب
زينب : اها عدي
وطلعت لمار بعدها طلع سفيان للصيدليه
سفيان ركب ف سيارته ويسخن فيها ويفكر ف خطط شيطانيه : امم شن رايك ي مرت خوي نبدل علاج ونطرشقه لك بكل هههه وسعا تتعب منه وناخذك ي كبدي نااعللليي
يجي صاحبه معاذ : وين ي طيري
سفيان: شنجوك راكب
معاذ يركب ف سياره معاه: تمام سفيان وين سارح ههههه
سفيان ضحك: هههه ف مرت خوي درناويه
معاذ: اووو العب العب راجي! ! راك تقولي مرت شهاب!
سفيان: اها مرت شهاب
معاذ: مجنون هذك زوجتوه
سفيان: وخساره فيه اخرا بنت منحكيلكش عليا جمال وجسم وخجل خلاص نا معش انتحمل
معاذ: اوووو ولله العب العب به ايش تفكر
سفيان: نفكر انغير علاج ونجبله حبوب حشيش بدال علاج وهكي يطرشق رسمي ونحطوه ف مصحه وتبقا ف فرصه بيني وبينها
معاذ: امم ولله ع راحتك ي نصي
سفيان: هيا نمشو لل زعيم اكيد عنده حشيش
معاذ: هياا معاك ي نصي
خشت لمار شقه وحقت شهاب راقد لان علاج منوم
قعدة تبحت فيه وتلعب بشعره اتكيت احذاه وتتأمل ف تفاصيل وجه: نجك ليا وجق ربي انك طرف بس خساره حالتك نفسيه ( وهيا حساسه ومن قهرها ع شهاب قعدة تبكي عليه) انشالله ربي يشفيك مش معقوله واحد كيفك يصيرله هكي وقعدة تقرا عليه ف قرآن ❤
وبعد نص ساعه يجي سفيان ومغير علاج بل حشيش ( يعني كأن شهاب مش خوه بكل ف من نوعيه هذي اخ شرير بلاخص لما يبقى اناني ويبي الحاجه له هو بس ممكن يخليه حتى يقتل أمه وابوه واهله وخوته وانشالله ربي يهديهم )
يطق ع باب
لمار كانت راقده نوم خفيف سمعت صوت باب صبت حطت وشاح ع راسها
لمار: اني جايه
وفتحت باب وسفيان مبتسم: هلاا
لمار معندهاش نيه له كارهته : اهلين
سفيان عطاها علاج : تفضلي هذا علاج وقالي دكتور كل يوم عطيه منه
لمار: غيرو نظام
سفيان يكذب عليها: اها يلا امسكي
لمار خذت منه : تم شكرا تعبتك معاي
سفيان: لا عادي واي حاجه قوليلي انتي مرت خوي واختي القمر
لمار: اها
وبدون دوه واجده خشت وسكرت باب
ونزل سفيان تحت للمعاذ
معاذ: باهي وايش ادير توا
سفيان: سعا انرجو نين تعطيه حشيش ويطرشق عليها ونجي انا الاخ الحنون وسعا تجيني تبكي وتبي مساعده ونجي ناخذ منه يالي نبيه
معاذ: لاقنك ياما يبي يطلع منك ي نصي هههههه
سفيان: ههه اكيد نا سفيان
ولمار خشت بحتت ف ساعه: مزال بدري ع نوم خليني نكسد ع تلفزيون
حطت حشيش يالي تسحبه علاج ع دولاب
(حي ايش يصير ف شهاب لما ياخذهن😨💔)
وف يوم ثاني كانو زينب وابراهيم برا حوش
لمار عطت شهاب حشيش وهي مسكينه تسحبه العلاج
وبعدها بشوي شهاب يستكلب تلقائيا يبقا يحوس ف شقه يلقب فيها
لمار: شهاب كنك
شهاب: ششن دخلك
لمار : لاا هكي نا نزعل منك عليش تحوس
شهاب يجي للمار: به نبيك تبكي ابكي
لمار: ااه كنك ي شهاب
شهاب بعياط: قتلك نااا ابكي
لمار: كيف نبكي كنك طرشقت رسمي انت
شهاب يضربها بكف نين بكت منه : ااه ي ماما
شهاب : اووو ضربتها ضربتها
لمار تبكي: كنك ي شهاب اسملا
شهاب : توا اطلعي برا برا
لمار: وين
شهاب: برا حوشنا بكل بكل
لمار : شهاااب شنوو هكي
شهاب يمسكها من شعرها ويبقا يكر فيها وهي قصيرونه احذاه فيسع ما يتحكم فيها
لمار تبكي وتعيط : كنك ي شهاب حراام علييك
شهاب يكر فيها من شعرها ويدفها برا شقه: هياااا
لمار تبكي: حرام عليك ادير هكي
شهاب بعياط وحس عالي: اطلللعععييي
سفيان سمع صوته طلع يجري: اوي شنو جس عالي هذا وين قاعد انتا
شهاب: اسسكت انت
سفيان يبحت يحق لمار ع زاوية ساس وشعرها مفكوك وناعم وطوويل وقاعد ع وجها وتبكي وخاايفه من شهاب مووت
سفيان يكرر شهاب: معقوله ادير هكي فيها
ويمسكه ويدفه ف شقه جواا ويسكر عليه باب
سفيان: خليك جواا ي معفن
ويجي لل لمار يالي تبكي
سفيان مد يده: صبي
لمار بحتت فيه وصبت بروحها وتمسح ف دموعها : ليش يدير هكي
سفيان ساارح ف جمالها : اه❤؟!
لمار بحتت فيه لاقته سارح فيها لمت شعرها: شكرا
وجت تبي تخش للشقتها
سفيان: تبي تخشيله
لمار: راجلي وضروري نشوفه ضروري يعني ناخذ منك اذن
سف
يان حقد مش هكي كان يالي يريده: به تم ونا تحت لو تبيني
ونزل
ولمار قاعده ع باب شقه وطق ع شهاب
وهو يفتح باب: هااا روحتي ي ابله
لمار خشت وخايفه خشت للكوجنيه وطلعت علاج قعدة تقرا تبي تلقا مهدئ هي تعرف تقرا عربي لانها قاريه لعند ثالثه اعدادي واشوي تقرا كلمات انجليزيات
وسفيان كان امغير لاصرف متاعات علاط بل اصرف حشيش
ولقيت مهدئ وهوو حشيش (حي ي هبلا هذا سعا يطرشق عليك بكل 😱💔 )
خذت منه وكباية ميه: شهوبي
شهاب: كنك
لمار: خوذ دواك
شهاب: ماااانببييش نااا ( احسن حاجه ي شهاب متخذش 😉✋)
لمار بزعل: هياا عشن خاطري( لا ي لمار راهو حشيش مش علاج ي هبلا 😱🚫💔)
شهاب بعياط: لااا معناتها لااا (احسن 😉)
لمار حطته احذاه وخشت ( لا ي هبلا ماكنتيش تحطيه احذااه) وخشت للدارها تبكي مزالت ضربه وجعتها
شهاب يبحت ف ميه وحبه
ويسمك … 😱💔
#تزوجة__مريض__نفسي💍❤
(حلقه 8)( ما قبل لاخييره )
•
•
#الكاتبه لومي الدرناويه ❤🌹
•
•
شهاب يبحت ف ميه وحبه
ويسمك كبايته ميه وحبه وياخذهن يشربهن 😱💔
ويبدا عد لافندي شهاب ينكلب بمعنى كلمه😔😨
يخش ع لمار يالي راقده تبكي
شهاب بعيااط: رااقده
لمار خافت منه وتمسح ف دموعها وحس هادي : كنك ي عيوني خذيت دواك
شهاب بعصبيه وعياط: وانتي من بيش نااخذ رايك
لمار خايفه من كلابته : لا مش هكي بس تكلم بشويش ليش عياط وعصبيه
شهاب يقرب منها : منك منك منك
لمار خافت وتبقا تبكي زي طفله صغيره يالي تخوفها تبقا تبكي لمار هيا نفسها: كنك ي شهاب بسم لله
شهاب يكرها شووره: انتي تسحبيني مطرشق
لمار تبكي: لا لا
شهاب بعصبيه وهياط ف وجها: تسحبيتي مطرشق
لمار تبكي: لا لا انت مش مطرشق انت حبيبي شهوبي
شهاب بعصبيه: سعا نووريكك
ويبقا يعتدي عليها ويمزط ف دبشها يالي عليها وهي تعيط وتبكي وتجدا فيه وتفك ف روحها
لمار: لا ي شهاب حرام عليك
شهاب يعتدي عليها: ااا نتي تحقي فييا مطررشق ونا مشش مطرشق وسعا تثبتلك
لمار تبكي وتفك ف روحها: حوول
وعند سحر و أيه
كانن مقعمزات سحر ترسم رسامه وايه تكتب مذكراتها وتخش عليهن فايزه
سحر بحتت فيها: كنك شن تبي
فايزه: جايه نعتذر منكن ي بنات
سحر: هذي مسرحيه جديده
فايزه بحزن: لا ولله ماهي مسرحيه جديده نحكي من جدي اني اسفه ع ي بنات ع كل يالي درته فيكن
ايه بحتت ف فايزه بعدها ف سحر : اممم
سحر صبت من مكانها: خلص مسامحينك نا وايه بس ع قصة لمار وانك زوجتيها للمريض نفسي وابدرعنا ايش صاير فيها ف هذي مش مسامحينك عليها دنيا واخره وربي هو يالي سعا يحاسبك
فايزه وجها حزين ومش عارفين مسرحيه جديده زي ما قالت سحر😂 او تحكي من جدها
سحر: بس اسمعي
فايزه بحتت ف سحر: ها
سحر: لو تطلع هذي مسرحية من مسرحياتك قسم بالله ي مرت باتي ماني راحمتك ونخليكوتذوقي الويل
فايزه: لا لا خير انشاءلله
سحر: انشالله (وتبحت ف فايزه لفوق لتخت بقرف)
وعند لمار تفك ف روحها وتمسك مزهريه يالي ع مرقد جنبها وتطلقها ع راس شهاب بقووو
طاح ع جنب ثاني من مرقد يحك ف راسه
وهي صبت تجري لبست لبسه اخرا وتبكي وايديها يرعشن ودنيتها حتى كرعيها معد عرفت كيف تمشي عليهن كويس من خووف فتخت باب شقه وقعدة تنزل وكرعيها مرقدات معش عرفت كيف تمشي علهين من خوف وتسمع حس شهاب يعيط
شهاب بعياط وصريخ: لمااااااررر
لمار خافت قعدة تنزل بسرعه
وسفيان يلبس ف جاكته ويبي يطلع للمعاذ وتخش ف صدره لمار وعيونها شلال دموع
سفيان بحت فيها: كنك
لمار ع صدر سفيان وتبكي وترعش: ششش شش هههاب
سفيان بحت فيها وهي ترعش بين ايديه زي طفله واظبطها للصدره فررصه لا تعووض عند سفيان 😂💔
لمار مغمضه عيونها وراسها جواا ع صدر سفيان ويديها يرعشن جوا معاها ف جاكت سفيان شمت عطر سفيان يالي فايح قوووي ودخان رائحه اوو 🙈❤ حست بأيدين ورا ظهرها يشدن فيها للحضن سفيان بقوو وعيت هنا وخرت من عليه
سفيان بحت : فيها تعالي اشربي ميه بلكي تصحصحي
وخش للكوجينه جاب كبايت ميه شربها وبخ ع وجها
لمار قعمزة ع صالون وتبكي وجنبها سفيان
لمار تبكي : نبي ننطلق منه هذا حتى شهر ما قدرة نصبر معاه عطوني خلوني نطلق
سفيان: امغير استهدي بالله ي لمار ( ناعلي قولولي صح هذا كلام سفيان مش مصدقهه😱😂😂💔)
لمار تبكي وع خشت ابراهيم وزينب
زينب انصدمت من لمار يالي حالتها حاله وتبكي: خيرك ي لمار
لمار تبكي:…
ابراهيم بعصبيه: انت دايرها حاجه
سفيان: لا مش انا ولدك
زينب تمسح ع ظهر لمار: احكي ي لمار شن صار
لمار تحكليهم وترعش وتبكي: ونا توا نبي نطلق منه ي عمتي ولله مانقدر عليه
ابراهيم بحت ف زينب: خلاص به تم سعا نجهزلك أوراقكك بس عطينا ثلاث ايام
سفيان فررح بيش تبقا له وصبا بيش يحكي يبشر صاحبه معاذ: نمشي نا للصاحبي تبوني اتصلو بيا تمم
ابراهيم: به
زينب: توا فوق هو
لمار تبكي: اها
ابراهيم: هذا خلص سعا نحطه ف مصحه ي زينب ونبقو انزور فيه اما يبقا بشكل هذا سعا نبقو همي نضلمو ف بنت
زينب قعدة تبكي : …
سفيان: نصي
معاذ: نصيصي شن صار
سفيان : طرشق لافندي وسعا ينحط ف مصحه
معاذ: هذا عائق وتفكيت منه به ولمار
سفيان: اشوي اشوي لمار
معاذ: بس متحسش بذنب
سفيان: ف شنو
معاذ: ع خوك مش حرام عليك
سفيان: تي هيا لا حرام لا شي نا نشتغل للمصلحتي اوبس
معاذ: ربي يهديك وخلاص ي نصي
سفيان: كنك ي نصي تبي اديرلي فيها جوو شيوخ ونكد
معاذ: لا ي نصي مش هكي كان قصدي
سفيان: هيا ي &%% ديما تنكد ع #$%* النم
معاذ: امغير استهدي
سفيان: تي *&%$#
معاذ صبا: خلاص راحتك نمشي نا ي نصي تبي حاجه قولي باي( وطلع )
وسفيان قعد بروحه يفكر
وف ليل
ابراهيم: اسمع ي سفيان ليوم كلمت مصحه طرابلس وحكيتلهم ع شهاب
سفيان: باهي ونا ايش وظيفتي
ابراهيم : انك تمشي تشيله للطرابلس تحكه غادي
سفيان : وانت ايش ادير وجهاد وين
ابراهيم: نبي اندير اوراق طلاق للمار وجهاد مش فاضي عنده شغل مش كيفك لا شغله ولا عمله
سفيان : باهي تم انشاءلله
شهاب كان راقد ورابطينه بيش مايدير حاجه
لمار تجي تبكي فوق من راسه : ناعلي نا ياناري فيك ي شهاب خساره
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺