رواية جنون الهيام الاورنجية الحلقه الاولى بقلم إدمان سيما ... sima jarisse حصريه وجديده على مدونة أفكارنا
 |
رواية جنون الهيام الاورنجية الحلقه الاولى بقلم إدمان سيما ... sima jarisse حصريه وجديده على مدونة أفكارنا
أنا تهاني البنت اليتيمة لي تربيت بدون اهلي كي انا كي خويا الكبير ماما جابتنا نتيجة علاقة غير شرعية بعدها راحت وخلاتنا ... بصح خويا مدلي الحنان لي كنت فاقدتو من طرف والديا وكان هو كلشي بابا وماما وخويا وسندي في هذي الدنيا ... شاءت الاقدار وخويا يموت ويخليني ثما وين عشت الدمار الكلي وتربيت في الميتم .....
🍷♣️ ... انا زين الدين الابن الاوسط في عايلتي والابن المحبوب من صغري نشفى بلي تربيت على يد خويا جهاد الانسان القاسي لي ميرحمش بصح مام هكاك كبرني وقراني وخرجني راجل ودرت واش مداروش الشباب لي من الجيل تاعي .... جا نهار وين تلاقيت ببنت صغيرة في العمر بقات في بالي من هذاك الوقت وجذبني لون شعرها المميز لي خلاها محل تفكير بنسبة ليا وجا نهار لي جمعتنا فيه الصدفة وكانت احلى صدفة ....
🍷♣️ ...انا جهاد الابن الاكبر في عايلتي والابن لي ربى خمسة ذراري على يدو وتحملت المسؤولية تاعهم ........ ايه كمل يا جهاد ... إقتربو قليلا سأخبركم بسر : انا هو الذي سيغير مجرى الاحداث ويقلب الموزاين ... إفعلي ما تشائين وليفعل الجميع ما يشاء ولكن ... إحذرو فأنا لا ارحم 🍷
..... الهيام يفوق الحب والعشق بمراحل الهيام هو الجنون بحد ذاته 🤡 ... عندما يهيم الشيطان بملاكه 🤡 ..
قصة جديدة من قصص إدمان سيما .. نضن انو تعودتو على أسلوبي لي خارج على المألوف قصصي أبطالها من الواقع ولكن بأسلوبي نحب نرجعهم هكا يعني تقدرو تقولو نمزج بين الخيال والواقع باه نخرج إبداع 🔥 ليس له حدود .. قصتنا هذي تحكي على واقع مر لأحدى بنات بلادي قصة واقعية بنكهة خيالية ... ولي حاسبيني انا سيما مرا كبيرة يرحم والديكم انا هذا وين عمري 21 سنة 🤦♀️ نسحق القصة تطلع 5k باه نكمل هذا حق تعبي ياك .. ارائكم في القروب ضك نحطلكم الرابط لتحت .. لي متبانش التصفية مستمرة كل يوم نخرج شوي بسك نحب النشاط في قروبي باه نتحفز ونبدع أكثر 🔥 والقصة نحط يوم بيوم .....هي قصة من نووووع أخرررر
........ ♣️جنووووووووون الهيام ♣️
...الاورنجية 🥀 🔥
بقلم إدمان سيما ... sima jarisse 🍷
.... الساعة كانت 3 تاع العشية قاعدة في الطريطوار على طرف الطريق نشوف في طومبيلات رايحين وجايين معلابليش كيفاه ندير ضك ووين نروح معندي لا والي لا دلال ضايعة في هذي الدنيا بلا سند طفلة صغيرة 18 سنة عايشة هذا الهم كامل ... رجع بيا التفكير لعوام فاتو وقت كنت مع خويا رفيق .. دخلت نجري من الباب رفيييق رفيييق وينك قالي تهاني راني هنا روحت للشمبرة لقيتو يفرز فيها قتلو تخيل شحال ديت المعدل ضحك قالي كون نجيبها واش تمديلي قتلو ياوو نتا لي تمدلي ياك انا لي جبت مليح قالي روحي اسيدي اممم جبتي 16 قتلوووو لااااا غلطت غلطت جبت 18 طرت عليه حضنتو قتلو جيت انا الاولى في السيام تاعنا ضحك وبقى يدور بيا قالي ختييييي قراية وراح تخرج محامية في المستقبل ولا طبيبة قتلو ايه طبيبة في العكسر من بكري نحلم بيها قالي نشاله بربي وضحك قتلو انا جعت واش درت الفطور قالي شربة وسردين حسيت ريقي ساح قتلو ياااا نموت على السردين ومشيت للكوزينة بقيت نقلب في الكسرونات حتى جا قالي اقعدي ضك نحطلك .... بقيت نشوف فيه من بكري مدايرني بنتو قبل ختو مالغري بلاك حنا مش من نفس الاب وبلاك نكونو نفس الشي مكانوش عندنا وثائق ثابتين مي هكاك وقدر يسجلني نقرا وجارنا واحد مدير الميتم هو لي عاونو بزاف يكثر خيرو رغم كاين صعوبات في هذو المواضيع خاصة في بلادنا بصح قدرت نتسجل ونقرا كيما أقراني ولحد الان منعرفش هذيك لي ولدتنا يقولي أسمها برك " فاطمة الزهراء " بحكم هو يعرفها على حسب علمي .... فاتو ليام وانا عايشة بيا مع خويا كان يخدم خضار عندو طابلة في السوق يسترزق منها وانا نقرا كنت متفوقة بزاف في قرايتي حتى وحد الليلة قاعدة في الدار لحق المغرب ورفيق مجاش تحيرت عليه اول مرة يطول كان عندي تلفون حطبة نوكيا دارولي باه كي ندير الروطار في ليكول ولا يكونو عندنا دروس زيادة نعيطلو ومفلكسيلي فيه عشرلاف نبيبيلو وهو يعاودلي هذاك نهار عيطت عيطت مكانش تقريبا 30 ابال ومهزش عليا بدا الخوف يدخلني خاصة المغرب والليل طاح وانا صغيرة وحدي حتى طبطب الباب روحت نجري حسبتلي هو مالغري عندو المفتاح حليت ديركت بلا ما نسقسي شكون ولا نتاكدة لقيتو جارنا المدير قالي تهاني بنتي وجهو كان كحل وعينيه فيهم دموع حسيت ومحسيتش قتلو ااا عمو خويا رفيق من صباح نعطيلو مكان عليه حتى خبر تعيش شوفلي وينو ربي يسترلك ولادك قالي بنتي نقولك حاجة مي شدي روحك طاحو دموعي بلا ما نعرف واش كاين قتلو عمو متخلعنيش قالي خوك رفيق دار اكسيدو مع صاحبو وماتو في زوج .... منقدرش نوصف الشعور لي حسيت بيه منقدرش نوصف كيفاه رجليا بردو ولا كيفاه الدنيا ضلامت في دقيقة ومنقدرش نوصف الشعور كيف حسيت قلبي وقيل حبس من كثرة الشوك .. خويا لي رباني راح ؟؟ خويا لي كبرني وهو السند تاعي صاي خلاني كيما لي قبلو شكون بيا ؟؟ حالة صدمة تعرضت ليها من هذاك النهار ووليت منيش تهاني اصلا أسمي مهوش جاي عليا بسك من وقت زدت ما تهنيت كي الناس .... بنت الزنا .. معرفتش شكون بابا معرفتش شكون ماما وزاد راح خويا وانا عمري 13 سنة خلاني يتيمة وكي القفة بلا يدين .. من ثما مت ووليت إنسانة خلاف ولي زاد عليا انو جارنا المدير حب يخليني عندو بسك الدار لي كنا ساكنين فيها خويا كاريها وجارنا حب يدير الخير ومرتو الدوزيام دارت المشاكل وقالتو خير بيني وبينها وهو قالي تترباي في الميتم عندي ونتهلى فيك اكيد راح يخير مرتو ضك انا يتيمة ووشكون انا اصلا .... خمسة سنين فاتو خمسة سنين فاتو عليا عذاب خمسة سنين وانا يوم مكنت مليحة فيه عشت في بلاصة متعودتش عليها عوام وانا منهدر كي ناس ما ناكل كي ناس معندي صحبات حالتي كانت تشفي حتى القراية وحبستها مالغري جارنا يضل يهدر مي صاي برد القلب على كلش ... لحق النهار لي رجع عمري 18 سنة ونهار لي نتحرر فيه من قيود البلاصة هذي المشؤومة كنت فرحانة بزاف .. نضت صباح لميت قشي وعرفت من جارنا بلي نقدر نخرج عادي مدام بلغت السن القانوني مي هبطلي المورال وقت تفكرت مكانش بلاصة نروح ليها قلت خلي نجرب بلاك كشما نلقى ... خرجت من الشمبرة وروحت للبيرو تاعو سقسيت عليه قالولي مهوش هنا قعدت نستنى فيه حتى جا قالي بنتي صباح الخير قتلو صباح النور نهدر وحشمانة شغل ملي دخلت هنا تعقدت شوي قالي تهاني اليوم راح تخرجي منقدرش نزيد نخليك واذا خليتك يا ربي شهر قتلو حتى انا منيش حابة نزيد نقعد هنا حطلي برية توالي شفت فيه قتلو واش هذا وعاودت هبطت راسي قالي هذو دارهم وهذا مقدوري وواش كتب ربي مديتلك قتلو عمو انا منيش محتاجة قالي لا خوك دار فيا خير كبير من وقت كان صغير يعس بناتي مدايرهم كي خوتاتو وانا راكي تعرفي الظروف كون جيت نقدر نديك معايا تعيشي في دار معززة مكرمة قتلو ايه معليش ونضت قالي شدي دراهم مديت يدي علابلي راح نحتاجهم هزيتهم ومدلي وحد الوراقي خاصين بيا باه يكون عندي وثائق وروحت هازة كابتي لي فيها حوايج قلال مشيت من البلاصة لي تربيت فيها خمسة سنين كاملين وتهنيت منها بسك كانت بنسبة ليا حبس ... نمشي في الطريق ونشوف في الناس من ومن مش مامنة بلي صاي انا حرة فاتو عليا وحد الزوج نطق قالي حبة تشينة تمشي بصح زينك مكانش كيفو درت ليه نشوف وكملت طريقي خايفة نرجف لا كشما واحد يهدر معايا ولا يضربني هذي حالة اليتيم يحس روحو وحدو في غابة والناس كامل ذيابة يحوسو ينهشوه من كل بلاصة ... اول حاجة روحت للقهوة دخلت ليها والناس تتفرج فيا شغل حاجة غريبة وانا مش فايقة بروحي بلي القهوة تاع رجال وملازمش ندخل ليها شريت زوج حبات ميلفاي وقرعة جي وعاودت خرجت تحت نفس النظرات روحت لبلاصة مشي بعيدة من ثما مالغري مهيش جاردا مي فيها كراسا ونقدر نقعد فيها حطيت كابتي وهزيت البرية تاع دراهم خبيتها تحت التركيو تاعي نخاف يسرقوني قعدت ناكل ونخزر من ومن خايفة كي كملت شربت الجي ونضت حايرة وين نروح جا في بالي صاحب خويا رفيق الله يرحمو ( دعولو برحمة وجميع موتى المسلمين ) ايه سليمان يقدر يعاوني هزيت روحي طول ركبت في الكار وروحت.... وصلت قريب للسوق وقتلو حبس جبدت الصرف من جيبي ومديتلو وهبطت نمشي ونتفكر في خويا رفيق وقت كان هنا نحس ونتخيل فيه في كل شبر من هذا السوق طاحتلي الدمعة توحشتو بزاف كملت نسقسي على سليمان اذا راه هنا مي مكانش حتى تلاقيت بواحد كنت نعرفو بياا هو ثاني يبيع مع رفيق مي جامي هدرت معاه ولا هدر معايا جيست نتعارفو بلوجه هز راسو شاف فيا وبقى مركز وانا نفس الشي حط واش في يدو وقرب مني قالي مشي نتي خت رفيق ؟؟ تلفتلي الهدرة معرفتش واش نجاوب بطبعيتي وليت منيش إجتماعية بسيف باه خرج الكلام قتلو ا. يه وج.يت نحو.س على سلي.مان ( جيت نحوس على سليمان ) قالي شكون سليمان ااا متقوليش تحوسي على @@@ ( قالي واش يلقبوه في الحومة ) قتلو .ايه ه.ذاك هو قالي يحصراه يختي سليمان هذي مدة ملي داوه للحبس بلاك عندو عام حكمو عندو الكاشيات ريقي شاح في هذيك الدقيقة قالي مي نتي علاه تحوسي عليه مفهمتش ؟؟ قتلو انا ليوم خر.جت من الميتم ومعنديش وين نرو.ح بقى يشوف فيا قالي ارواحي معايا قتلو وين لالا منروحش دار ليا قالي فكريني بأسمك قتلو تهاني حط يدو على صدرو قالي كشما شفتي مني ولله غير راجل معاك تروحي تقعدي مع ميمتي ومرتي انا كنت نعرف خوك راجل وفحل مي حسباتلي كشما وين عرفتي لافامي تاعك نسيت السوجي سمحيلي بزاف قتلو اا عادي قالي تروحي معايا هيا دارنا مش بعيدة من هنا الصراحة انا خفت ومخفتش مالغري نعرفو مي هكاك وجاني شعور الخوف لي يجي اي واحد فلخر سلمت امري لربي وروحت معاه .. الدار مكانتش بعيدة من ثما وصلنا بلخف كانو ناس عاديين حل هو الباب وانا بقيت برا كي شاف فيا حسيتو فهمني دخل يعيط يماا يماا وينك يا ميمتي سمعتها تقولو واش قالها جا ضيف لعندنا قالتو شكون قالها خت صاحبي وعاود خرج ليا قالي ادخلي يا ختي ستغفرت وسميت بالله ودخلت نلقى يماه في الحوش وزادت خرجت مرا خلاف لابسة روبة زرقة ومدايرة لمياش كانت بزاف شابة وكرشها سابقتها قالتو يخاه وشكون هذي يا انور قالها اني رايح وهو تفهمكم هو خرج وهي جات تجري عندي بدات تبكي قالتي شكون نتي تعيشي اذا دخلتي لحياتنا وخربتيها ولله ما نسمحلك تعيشي ختي نحيت يدي مخلوعة ومش فاهمة واش تقصد دخلت يماه قالتها صبرينة اصبري نفهمو قالتي شكون نتي بنتي قتلها انا تهاني وولدك جابني هنا بسك ... بسك حبست مقدرتش نهدر قالتي يا بنتي انطقي قتلها خرجت من الميتم وجيت نحوس على سليمان صاحب خويا الله يرحمو ولقيت ولدك قالي نجيبك هنا معندكش دار وين تروحي شفت مرتو حسيت الروح رجعتلها قالتي ولله خلعتيني ارواحي مرحبا بيك راكي تبانيلي مش مليحة هيا الشمس حرقاتك بقات تجر فيا مسكينة دخلتني للدار وبضبط للكوزينة كانو حاطين الفطور قالتي اصبري نعيط لانور يجيب قرعة قازوز قتلها لالا قالتي اشش متهدري حتى حاجة بقيت حايرة فيها عرفتني في دقيقة راهي دير هكا جات لعجوز قعدت توالي قالتي هي ديما نحب الضياف تبسمتلها حكمت يدي قالتي منينك نتي شكون يماك شكون باباك حطيت راسي وبكيت قالتي بسم الله وشبيك يا بنتي قتلها انا معنديش والديا خويا كان يقولي بلي جينا من الحرام وميستهلوش كلمة والدين ماما جابت خويا منبعد جابتني انا قالتي وباباك قتلها منعرفش مي الحاجة لي متاكدة منها اني انا وهو خاوة من نفس الام قالتي وينو هو طاحو دموعي كثر قتلها ماااات في دقيقة حضنتني قالتي يعمري على بنتي مزالت صغيرة وعاشت هذا كامل حنا اهلك ولله ضك عفستي داري ما تخرجي منها الا ونتي عروسة .... من هذاك النهار وليت عايشة معاهم فات شهر كامل مساكن ما نقصو عليا والو كساوني دارولي شمبرة وحدي حتى خويا انور ميدخلش للدار بزاف باه يخليني على راحتي حسيت بلي عندي عايلة وحسيت بلي انور هو خويا الثاني كنت عايشة روعة وزدت سمنت وزينت ... بنسبة ليا انا حمد لله شابة ما خصني والو وخويا قالي خطرة بلي شعري نفسو تاع ماما هو اورونج وبيضة شوي وفيا نمش مام حواجبي نفس اللون تاع شعري عينيا مارو ومشفرين وشواربي عاديين الطول تاعي 1.62 يعني منيش طويلة مي الكور تقول مرا متزوجة وزيد عندي لاطاي شوي فازدة خاصة كرشي وخصري مي نلبس العريض متبانش .... نضت الصباح على صوت العياط والتعداد خلعت هزيت روحي بلخف وخرجت للحوش نلقى خالتي وصبرينة وزوج جيرانهم موالف يجيو ووحد لبنات قاعدين يصبرو فيهم روحت لصبرينة حكمتها قتلها واش كاين حضنتني قالتي يا تهاني انور انور تهموه وداوه للحبس ولاد الحرام حرقولي قلبي داروها بيه حسيت الدم جمد فيا قتلها علااه واش صرا قالتي لقاو عندو الغبرة وقالك تاعو داروها بيه ديما يتحلفو فيه مكنتش فاهمة على واه تهدر مي خفت بزااف وبديت نبكي معاها شي نص ساعة وحنا هكاك داخت زادو جاو لافامي تاعها داوها للسبيطار وراحت خالتي معاهم كي جات خارجة مدتلي المفتاح قالتي غلقي كامل الشومبرات وابقاي هنا مع هذو لبنات هاجر ودعاء وبلاكم تحلو لشي واحد قتلها ايه مي طمنوني قالتي ايه بنتي وخرجت تبكي غلقت الباب ورجعت لهذوك الزوج يخزرو فيا من الفوق لتحت جامي شفتهم جاو هنا قالتي وحدة نتي واش اسمك قتلها تهاني قالتي امم جامي سمعت اسم هكا مي شباب ونتي شابة انا دعاء وهذي هاجر قتلها الله يبارك قالتي تهاني علابلك بلي انور ضك مراحش يخرج قتلها علااه قالتي لازم شوي دارهم ومحامي شاطر قتلها وانا واش ندير قالتي على حساب ما عرفت نتي هي لي يهدرو ويقولو جات لدارو وقعدتي عندهم دار فيك الخير واذا حاب ترجعيلو خيرو عندنا خدمة ليك مقبيل كي شفتك تفكرت قتلها واش هذي الخدمة قالتي شوفي هي نخدمو في وحد الدار مولاها لاباس بيه وديما عندو ضياف يجيو ليه حنا نطيبو ونحطو ونظفو واش رايك كي قالتي هكا قلبي رتاح يعني ساهلة قتلها اوكي قالتي نروحو ضك مالا بقيت نخمم شوي زعما صح واش راني ندير ؟؟؟ قالتي ايي وين روحتي قتلها اا هاني هنا اصبري نبدل ونجي قالتي اوكي دخلت لبست سروال وليكات طويلة هزيت صاكي وخرجت حتى تلفون ومعنديش لقيتهم يهدرو دارت ليا قالتي واجدة قتلها ايه واجدة خرجنا وغلقت انا الباب قتلهم مي منطولوش قالتي وي باينة هزيتلها راسي وروحنا حكمنا البيس طريق كومبلي وانا قلبي يخبط اذا راني صحيحة ولا غالطة كي درت هذي الخطوة فاتت ربع ساعة وانا نسقسي فيهم وقتاه نوصلو بسيف باه وصلنا وهبطنا مشينا للدار قالتي دعاء ها هي كي شفتها كانت دو ايطاج والباب تاعها من الحطب وفيها الورد شابة بزاف قالتي ارواحي قتلها دعاء اني خايفة قالتي لاه تخافي يرحم والديك هيا حكمتني من يدي وداتني طبطو في الباب وانا قلبي راح يخرج حلت مرا كبيرة في العمر كي شفتها ستغربت واش دير هذي هنا قالتها دعاء خالتي صليحة هذي تهاني وراح تبدا تخدم هنا وقولي لهذاك السماط تاع إسحاق تعيشي حابين نريحو هذو الايامات وحنا غير مع طياب والشغل قالتها وشكونها هذي وكون ميحبش تعرفيه ضيافو عزاز قالتها يا خالتي خليها تخدم معاك وخلصيها الطفلة محتاجة دراهم دارت ليا قالتي بنت محتاجة دراهم قتلها ايه قالتي ارواحي مالا ونتوما روحو نزيدلكم يومين هو السيد يخدم معاكم بنية حابين تخدعوه راحو وخلاوني دخلتني هيا نشوف في دار شابة بزاف قالتي ارواحؤ دخلتني للكوزينة وبدات تسقسي فيا حكيتلها كلش قالتي مالا نقولك هذا إسحاق انا ربيتو وهو من كثرة يخدم الله يبارك عندو صحابو ويدير بزاف عرضات يسما نتي تعاونيني قتلها مي منعرفش بزاف قالتي نعلمك مشي مشكل ونهار يجي لعشية انا نخبرو بحكايتك هو ناس ملاح هزيتلها براسي وبدات توريلي في الدار وكيفاه مداير عجبتني روعة ... لحقت العشية وانا نخدم معاها وعرفت بلي دعاء وهاجر فنيانين وحد الشوي صونت تلفونها لقاتها دعاء هزت عليها منبعد مدتلي نحكي معاها قالتي خالتي وصبرينة راهم يحوسو عليك وحنا خبرناهم راح تخدمي قتلها اوكي كي نجي نزيد نفهمهم انا هكاك نهدر حتى تخبط الباب طرت من بلاصتي ومام خالتي صليحة قالتي يخاه واش صرا راحت تحل وانا وراها والباب يتخبط كي حلت طبعوه قريب ما طاحت كون مشديتهاش انا دخل وحد الجان وخسارة فيه كلمة شباب بلعت ريقي وانا نخزر فيه طويل ولابس سروال فاغ ميليار مع تريكو كحل وباسكات كحلة مداير ساعة فضية وشعرو مش طويل بزاف والكور تاعو عادي يبان وحد 25 سنة عيط في وجه خالتي قالها وينوووووووووو الكلب هذاااك وينووووو قالتو وشبيك زين الدين قالها خالتي صليحة شوفي عندي إسحاق كان يهدر مع رفيدة فهمتييييي كان مع ختي عرضي يهدر معاها وانا معلابليش درتو صاحبي قالتو محال هو يدير هكا رفيدة ختو قالها مهييييش كون جات صح ميهدرش معاهااااااا فهمتي دور وجهو لعندي وعقد حواجبو خزر فيا من الفوق لتحت لدرجة حسيتو غاس نطقت خالتي قالتو استغفر راه صاحبك عشيرك بشوي اولدي نحا عينو مني وهدر بكل هدوء قالها ضك نتفاهم معاه ضك وخرج هي وراه تعيط زين الدين .... بقات ريحتو في نيفي ونطقت " زين الدين 🥀"
يتبع
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺