رواية زواج بالاجبار الفصل الاول بقلم الملكه للقصص حصريه وجديده على مدونة أفكارنا
 |
👈اي تشابه مع احداث قصة اخرى فهو صدفة فقط لانو القصة حقيقية 100% وصاحبة القصة راهي هنا معانا وبالدليل
الحلقة 01
قاعدة نطيب فالفطور ونستنا فخاوتي وبابا ينوضو يفطرو ويروحو يخدمو وجدت كلش وحطيت وستنيت يما تنوض باه تفطر وتشرب دواها حالتها الصحية مكان مكان وهاذا وش راها مقلقني ناضت كيما عوايدها مسكينة بسطر ولوجع عاونتها غسلت وفطرتها وشربتها دواها ورجعتها لبلاصتها بعد ماهزيت القش وهويت الدار مع كملت خرجت بما انو ساكنين فريف كان عندي جاجات وبطات مربتهم ومفوتا وقتي وما اجمل حياة الريف ،انا إلهام من الشرق وكنا نسكنو فالريف فعمري 28سنة نوصفلكم روحي شوية انا طفلا كيف لبنات بشرة بيضا وعينين مارون شعري نوار طويل ورطب كنت شوي سمينة (بسبة هاذ الشي عانيت من التنمر ) وطولي 1.60 ،كنت فتاة عادية طيبة القلب كل همي اني نهز يما لمريضة كنت هازة هم الدار انا لي نقضي كلش لاخاطر ميمتي مسكينة ديما مريضة،فدارنا حنا زوج بنات ختي لي كثرمني مزوجا وبولادها وخاوتي ثلاثة ذكورا مزالو بلا زواج ،كنا عايشين فالفقر والحمدلله جامي مدينا يدينا للغير عايشين على لقليل ومستورين والحمدلله ،حبست لقراية فالثانية متوسط بسبب التنمر لي عانيتو فوسط لي كانو يقراو معايا على لاطاي تاعي وعلى لبستي حنا كنا فقراء بزاف كيما قتلكم ولبسة كنت غير ندبر من ختي ومرات نلايم دراهم ونشري حاجة وعلاجال لاطاي تاعي يخرجو عليا غير الحيجابات ويلي يقراو معايا ديما يضحكو عليا حتى بطلت لاخاطر كرهت وتعبت نفسيتي حتى لقراية وكنت منحبش نقرا تالمو كرهت من التنمر(ومن هنا نوصيكم لانو اغلبيتكم امهات علمو ولادكم يتقبلو غيرهم وميجرحوش زملاءهم لاخاطر بزاف ضاع مستقبلهم بسبة التنمر) من هذاك نهار لي بطلت فيه وانا فدار قايمة بالدار من كلش وليت كشغل انا ام ثانية لاخاطر يما مريضة كيما حكيتلكم ،وانا نغسل فماعن لغدا كيما كل يوم سمعت تلفوني يڥيبري (vibreur)، مسحت يديا ورحت نجري بعد ماتأكدت بلي خاوتي رجعو يخدمو وبابا راقد صكرت الباب وهزيت" الو حمزة _وي عمري توحشتك_مام انا علاش مراكش تعيط_تعرفي فالعسكر عندي خدمة بزاف هذوين قعدت باه نعيطلك وديجا معنديش وقت بزاف عيطت نسقسي على حوالك برك ونرجع المهم يخي راكي بخير_ايه بخير ونتا وش حوالك_راني بخير متتقلقيش عليا المهم انا نرجع لخدمتي وغير نروح لدار نحكي ليما وبابا فموضوعنا كيما تفاهمنا عمري _ايه نشالله_تهلاي فروحك باي_باي" كوبيت عليه ولفرحة فعينيا الدنيا موسعتنيش لاخاطر راح نزوج حبيبي يلي من صغري وانا معاه صبرت معاه وراح يجي نهار يلي نكون مرتو بعد حب 13سنة ،نحكيلكم عليه هذا حمزة ولد خالتي وهو عسكري نحبو ملي كنت صغيرا وحتى هو يحبني كبرنا مع بعض يعني وكان ديما يقلي نوجد روحي ونخطبك والعام يجيب خوه حتى كملنا مع بعض تقريب 13سنة فلول كانت علاقتنا غير من بعيد ومع لوقت وكي كبرت ولينا نحكيو وزاد حبنا كثر وكثر ...
يتبع منقوله
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺