سكريبت ويبقى_الأمل بقلم_أمل_أحمد الجزء_الآۆلْ_والاخير حصريه وجديده على مدونة أفكارنا

 سكريبت ويبقى_الأمل بقلم_أمل_أحمد الجزء_الآۆلْ_والاخير حصريه وجديده على مدونة أفكارنا 

سكريبت ويبقى_الأمل بقلم_أمل_أحمد الجزء_الآۆلْ_والاخير حصريه وجديده على مدونة أفكارنا 

كتيرة القصص والحكايا يلي عم تحكي عن قدر الالم والمعاناة بموت الام وصدق يلي قال(ماتت امي ومات معها كل شيئ).. ومع هيك بضل الامل عايش فينا بانو نحيا حياة حلوة

انا سحر شعري اشقر وطويل.وعيوني بلون السما ماتت امي وانا عمري سنتين..ربيت بلا ام وحتى ما بتذكرها ابدا لامي وما بعرف شو يعني ام.. شخصيتي محبوبة بين الناس و مميزة ع طول ويلي زاد هالتميز هو تفوقي الدائم بالمدرسة.. كنت اهرب من حياتي المتعبة بدراستي..ربيت مع مرت اب ظالمة.ابي كان ع طول بشغلو ومانو فاضي ابدا للبيت ومرتو لابي تجبرت فيني..كانت حياتي معها سيئة جدا من ضرب لاهانة لعقاب..وما كان فيني احك لبابا خوف منها ومن ضربها

مشت الايام والسنين وحالي معا من سيئ لاسوا وانا كل ما حس حالي ما عاد فيني اتحملها اهرب ع غرفتي وبلش ادرس كانت الدراسة بالنسبة الي راحة كبيرة. لكن حتى هاي ما خلتني اتهنا فيها. كانت كل ما تشوف كتاب بئيدي يجن جنانها وما بدا ادرس او اتعلم بس بدا ضلني اخدما ولبي طلباتا وهي من جارة لجارة ومن مكان لمكان. حتى بابا ما كان بيعرف لوين بتروح.

اميرة..سحر لك يقصف عمرك وينك ويييييييينك

سحر..ئي خالتي جايي جاييي

اميرة..لك وينك شو عم تعملي وليي

سحر..والله عم ادرس خالتي عندي بكرة فحص

اميرة..تدرسي!!ئي مشي معي ع المطبخ ما في دراسة انا ماني مجبورة اطبخلك. ع المطبخ ركض

سحر..خالتي الله يخليكي والله هالفحص صعب كتير وانا هلأ لحتى فضيت ادرسلو. ليك شوفي انا اشتغلت كل البيت وجليت وما في شي غير الطبخ. دخيلك خليني ادرس

اميرة..اسمعي سحر فوتي ع المطبخ بلا ما خلي الشحاطة تعلم ع جسمك بسرعة ولي

سحر..حاضر خالتي

كانت الحياة معا لا تطاق ابدا وكلا ضغط نفسي وقهر وتعب

وبيوم اجت لعندي ع الغرفة وبغير عادتا عم تضحك وتحكي معي بهداوة

اميرة..سحر حبيبتي انت بنت حلوة كتير وانا بعتبرك متل بنتي يلي ربي حرمني اياها وما بردلك غير كل خير

سحر........ضليت ساكتة وانا متفاجئة بهالحكي يلي لاول مرة بسمعو منها

اميرة..سمعي سحر انا بدي مصلحتك.في عريس متقدملك.رح يعيشك ست الستات وينسيكي كل همك رح تعيشي معو ملكة.شب والو املاك ما بتاكلا النيران

سحر..بس خالتي انا لساتني صغيرة وما بدي اتزوج

اميرة..شو هالحكي هاد انت صرتي صبية والعين عليكي وهالشب ما بيتعوض

سحر..لا خالتي بعد بكير علي ما بدي اتزوح

اميرة..😠سمعي ولي فصعونة هالشب رح تتزوجي وبس يسالك ابوكي يا ويلك اذا بترفضي الا اشرب من دمك وما خليكي تتهني يوم واحد بحياتك

سحر..😢😢😢

اميرة..بكرة الشب رح ييجي مع اهلو ويا ويلك ان ما سمعتي كلمتي

ضليت طول الليل وانا عم ابكي واندب حظي كنت مشتاقة كتير لامي. مشتاقة احكيلا شو يلي عم يصير فيني.حسيت حالي رح موت من قهري ومن ضعفي.

تاني يوم ما خلتني اشتغل شي بالبيت 

اميرة..حبيبتي انت اليوم عروس روحي لغرفتك ارتاحي وشوفي الفستان يلي جبتلك اياه رح يطلع يجنن عليكي المسا بتلبسي وبتجهزي حالك

سحر..😔😔😔

المسا تحممت ولبست الفستان يلي جابتلي اياه..كان فستان زهر ومورد باحمر وقصير لعند الركبة..رفعت شعري وحطيت مكياج خفيف وقعدت استنا لوقت ما سمعت صواتن اجو

اميرة..ما شاء الله لك شو هالحلا يا مقصوفة بتاخدي العقل انا جهزتلك القهوة روحي ع المطبخ صبيها بالفناجين وتعي

سحر..حاضر

صبيت القهوة واخدتا وطلعت كانت مرة كبيرة بالعمر شوي قاعدة وحدا وحدة صبية بتشبها شكلا بنتا وكان الشب قاعد قبالن .فتت وضيفت القهوة

ام عمر..ما شاء الله تبارك الرحمن.الله يحميكي يا بنتي ربي يحرسك من العين

كان ابنها عمر شب حلو اسمر وطويل وعيونو وساع وسود وشعرو ساحل ومرجعو لورا ..كانت رتابتو ملفتة..ضلو ساكت طول الجلسة وما حكا ولا كلمة

وبعد ما راحو اجا بابا عندي ع غرفتي

بابا..شو يا روحي..كيف شفتي الجماعة ان شاء الله عجبوكي

سحر.......

بابا..سحر حبيبتي انت بتعرفي انا مالي غيرك وانت وحيدتي يعني انا ما رح اجبرك ع شي اذا مانك موافقة بلا منا لهالجازة.بس الشب كامل مكمل شفتي شب حلو ودارس وعندو بيت لحالو مجهز وما ناقصو شي غير الاملاك والاراضي يلي باسمو.. فكري يا بنتي وخذي راحتك

حضنتو لبابا وصرت ابكي بحضنو كان نفسي خبرو بكل شي عم تعملو مرتو.بس ما قدرت خفت كتير منا

مضيت طول الليل وانا عم فكر وانا عارفة بانو ما الي خيار تاني غير اني وافق..بلشت اقنع حالي بهالجازة وع امل تكون مهرب من حياتي مع مرت ابي وظلما.

وهيك تاني نهار حكيت لبابا باني موافقة ع عمر واميرة طار عقلا من الفرح وكانها هي يلي رح تخطب مو انا..تمت خطبتي من عمر. خطبنا شهرين ما شفتو فيهم غير مرتين مرة منن بابا عزمو ع الغدا ومرة تانية اجا معي ع السوق لحتى نجهز للعرس. ومن بعدا ما شفتو غير يوم عرسنا يلي الكل حكا فيه ع قد ما كنت طالعة حلوة فيه. مشى العرس وفتنا بيتنا 

عمر..مبروك يا عروس فوتي تحممي لحتا جهز العشا

تحممت ولبست قميص نوم عرسي وطلعت لعند عمر .اول ما شافني تلبك ووشو صار احمر وبعد عيونو عني

عمر..تعي تعشي يالله

تعشينا وضبيت العشا وفتت ع غرفتنا لقيت عمر بسابع نومة..نمت حدو وانا مرتاحة نفسيا

فقت الصبح ما لقيت عمر حدي.. قمت نضفت البيت وقعدت اتفرج ع التلفزيون وضليت هيك لاخر الليل وغفيت ع الكنبة وانا ماني حاسة ع حالي..صحيت ع صوت تسكيرة الباب كانت الساعة وحدة نص الليل

عمر.. ليش هون نايمة

سحر.. كنت عم استناك وغفيت

عمر.. قومي نامي بغرفتك انا بدي اتحمم وبلحقك 

سحر.. ما بدك تتعشا

عمر.. لا تعشيت برا

سحر.. طيب تصبح ع خير

عمر.. وانت من اهلو

مضيت اسبوع ع هالحالة.. طول النهار بالبيت لحالي وما عم اطلع وحتى عمر ما بييجي غير نص الليل

تعبت نفسيتي كتير وقررت يوما احك مع عمر واستنيتو لحتى روح

عمر.. مسا الخير.. ليش لساتك صاحية

سحر.. مسا النور.. كنت عم استناك

عمر.. خير في شي

سحر.. عمر بدي احك معك

عمر.. ئي تفضلي بس بسرعة لاني تعبان وبدي نام

سحر.. عمر انت ليش تزوجتني؟ يعني نحنا النا اسبوع متزوجين بس كل واحد فينا عايش لحالو.. وانا اعصابي تعبت طول النهار لحالي وانت ما عم ترجع غير باخر الليل

عمر.. خلص حقك علي. بكرة ببعثك لعند امي زيارة وبتتسلي معا

سحر.............. 

تاني نهار صحيت لقيتو عم يستناني بالصالون

سحر.. صباح الخير

عمر.. صباح النور.. يالله جهزي حالك لحتى وصلك

سحر.. بس عمر انا حابي تكون معي

عمر.. سحر انا مشغول كتير وما عم افضى بنوب رح حاول خلص شغلي بكير ومر عليكي

سحر.. ئي ماشي

وصلني لعند حماتي وراح ع شغلو

حماتي.. يا اهلا وسهلا بكنتي الحلوة .مع اني زعلانة منك

سحر.. هلا بيكي مرت عمو. بس ليش زعلانة

حماتي.. هيك اسبوع كامل ما اشوفك فيه لا انت ولا عمر

سحر.. حقك علي والله بس عمر ما عم يرجع غير اخر الليل وانا ما فيني اطلع لحالي 

حماتي.. ئي بسيطة حبيبتي اهلا وسهلا

مضيت هداك اليوم عند حماتي يلي كانت فرحانة كتير بشوفتي وبعتت ورا بنتا لحتى نكون كلنا سوا.. كانت القعدة معهم كتير حلوة وما عرفت كيف الوقت مرق

وع الساعة 10 اجا عمر وفات لعنا شرب قهوة ورجعنا ع بيتنا.. وتحجج بانو تعبان كتير وناام

بعد باسبوعين كان فتوح المدارس فقررت احك مع عمر لحتى ارجع ع المدرسة

سحر.. عمر انا حابة كمل دراستي من بعد ازنك

عمر.. ئي ليش لا بتتسلي وبتغيري جو اكتبيلي شو يلي لازمك لحتى جيبو

فرحت كتير لانو ما كنت متوقعة يوافق بهالسرعة 

سحر.. ماشي يسلمو

وهيك بلشت المدارس ورجعت لايام الدراسة وتناسيت همومي شوي.. وبيوم رجعت من المدرسة ولقيت عمر بالبيت متحمم وبدو يطلع

سحر.. مسا الخير

عمر.. اهلين سحر 

سحر.. ليه راجع بكير

عمر.. حسيت حالي تعبان شوي اجيت لحتى ارتاح وبدي ارجع

سحر.. شو هاي الريحة.. كانو عطر نسواني

عمر(متلبك).. ئي هاي اختي كانت جاي تعملنا زيارة وما لقيتك بالبيت قعدت شوي وروحت

سحر.........

عمر.. يالله سلام

سحر.. الله معك

بعد بشوي رنت حماتي ع تلفوني

سحر.. اهلين مرت عمو كيفك

حماتي.. اهلين فيكي حبيبتي.حبيت اطمن عليكي لانو عرفت بانك عم تداومي بالمدرسة

سحر.. ئي والله يا مرت عمي ..والحمد لله وضعي ممتاز عم اتسلى كتير

حماتي.. منيح يا بنتي الله يوفقك. هاي اريج (اختو لعمر)هون وعم تسلم عليكي

سحر.. ئي سلمي عليها واعتزريلي منها لاني ما كنت بالبيت وقت اجت

حماتي.. وقت اجت!! ليش ايمت اجت

سحر.. اليوم كاينة عندي بالبيت وانا بالمدرسة

حماتي.. ئي اسم الله عليكي يا بنتي اريج من الصبح عندي وما راحت لمكان

سحر..ها. ئي يمكن انا ما فهمت ع عمر. سلميلي عليها

تفاجات بحك حماتي وما عرفت ليش عمر هيك حكا وقلبي نقزني

ومشت الايام يوم ارجع ع البيت لاقي حمرة ع الكاسات ويوم لاقي ريحة عطر ويوم..ويوم... وانا ساكتة وما عم احكي..ما كان هاممني شي لانو عمر ما كان يهمني بشي 

وبيوم كنت راجعة من المدرسة ع بكير. فتحت الباب وفتت وسمعت اصوات بغرفتي وكان الباب مشقوق.. رحت لحتى شوف ..وهون حطيت ايدي ع تمي وصرت ارجع لورا وانا جسمي كلو عم يرجف وطلعت من البيت وصرت امشي بالشوارع وانا عم ابكي وابكي وما كنت عرفانة لوين روح ولمين اشكي ما كنت حسناني اتحمل يلي شفتو.. ضليت اتفتل بالشوارع للمسا وبعدا رجعت ع البيت وتحممت ونمت 

تاني نهار صحيت ع بكير كالعادة ورحت ع المدرسة وانا لساتني مصدومة من يلي شفتو .. طول الوقت كنت شاردة وسرحانة وفجاة وحدة ماقدرت اتحمل وصرت ابكي من جواات قلبي.. تجمعو كل البنات علي والانسة وهني مصدومين من بكاي هيك فجاة ومن غير سبب حاولت الانسة تفهم مني لشو عم ابكي بس ما حكيت شي.. كنت مخنوقة كتير من يلي شفتو..اخدتني الانسة ع جنب وقعدت تحكي معي وتسالني لحتى انفجرت مرة وحدة

سحر..😢😢😢لك انا مانو هاممني عمر والله مانو هاممني اصلا كنت بعرف انو عم يخوني. لك كنت كل يوم شم ريحة سريري عطر نسوان.. والله كنت عرفاني انو عم يخوني ..بس ابي ابي 

الانسة.. كملي حبيبتي ليه سكتي

سحر.. 😢😢😢

الانسة.. شبو ابوكي

سحر.. ما بقدر احكي ما بقدر 

ورجعت ع البيت فورا وانا ماني حسناني وقف ع رجليي وعم فكر كيف بدي اخلص من المصيبة يلي انا فيها

تاني يوم صحيت بكير وعمر كان لساتو نايم ع الكنبة جهزت حالي قبل ما يصحى.

عمر.. سحر خير شو في ليه صاحية هيك بكير ولابسة

سحر.. مشتاقة لاهلي بدي روح لعندن

عمر.. ومدرستك

سحر..انا تعبانة اليوم ما بدي روح للمدرسة

عمر.. ئي متل ما بدك 

وصلني عمر لبيت اهلي وراح لشغلو. دقيت الباب واول ما شافتني مرت ابي تفاجات 

اميرة.. سحر!!

سحر.. صباح الخير

اميرة..ئي صباح النور .خير شو في شو جايبك بهالوقت

سحر.. خالتي انا واقعة بمشكلة كبيرة وبدي اياكي تساعديني

اميرة.. خير شو في

سحر..عمر..عمر زوجي عم يخوني

انخطف لونا لاميرة وحسيتا رح توقع بارضا

اميرة..لااا مستحيل عمر ما بيعملا

سحر..انا شفتو بعيني والله شفتو كانو سوا يا خالتي

اميرة.. وعرفتيها شي

سحر..لا ما عرفتا اول مرة بشوفا 

اميرة..يعني شفتي وشا

سحر..ئي شفتو بس ما عرفت مين بتكون

احكيلي شو لازم اعمل انا ماني عرفانة اتصرف وما الي غيرك

اميرة..تركي هالموضوع علي وانا رح حلو

اجا المسا عمر واخدني من بيت اهلي ع بيتنا 

سحر.. ما بدك تنام

عمر..هلأ بلحقك ..بدي احكي مع صاحبي بالشغل نامي انت لا تستنيني

سحر..ئي تصبح ع خير

عملت حالي نايمة.. وضل عمر ماسك التلفون وعم يكبس لوش الصبح وبعدا غفي ونام

طلعت انا وقتا ع الصالون وبكل هدووء سحبت التلفون وفتحتو وشفت محادثاتو لعمر.. وكانت كلا مع خالتي اميرة

اميرة.. عم تخوني يا عمر

عمر..لك ليه هيك عم تحكي حبيبتي

اميرة..اي حبيبة هاي.. لك انت بتلعب فيني

عمر.. لك ليش هيك عم تحكي

اميرة..سحر شافتكن سوا وهي خبرتني

عمر..مين شافت

اميرة..عم تسلبا علي

عمر..لك والله ما خنتك

اميرة.. انت واحد حقير ما عاد بدي شوفك

عمر..لك استني شوي

سحر.. هلا ارتحت شوي بس لازم اخلص من هالمصيبة للابد

ئي هي اميرة..اميرة يلي شفتا مع جوزي بغرفتي وع سريري.. ما استغربت تصرفا لاميرة ابدا طول عمرا وهي وسخة وما همني تصرف عمر لانو ما بعنيلي شي بس يلي كان قالبلي كياني هو ابي.. كيف مرتو خانتو واستغفلتو ..وكيف اجتن الجرأة يعملوها ببيتي..لازم حل المشكلة بهدوء من غير ما يدرى بابا لانو مستحيل يستحمل هيك شي.. المهم بهالوقت باني بعدتون عن بعض.. رحت يوما ع المدرسة وانا مرتاحة شوي وكنت ع طول عم فكر كيف بدي حل هالمشكلة ..قررت بانو لازم اسلبلو عقلو لعمر وما خليلو وقت لا لاميرة ولا لغيرا

روحت يوما درست دروسي وضبيت البيت ورتبتو وعطرتو وطبخت الطبخة يلي بحبا عمر ولبست فستان ابيض قصير دانتيل وحطيت مكياج خفيف ولبست اكسسوارات ناعمة وفردت شعري ع كتافي وقعدت استنا بعمر لحتى ييجي.. ضليت عم استنا للساعة 12 بالليل فات وهو متفاجئ بيلي عم يشوفو ..اول ما فات وقفت وحضنتو 

سحر.. يعطيك العافية

عمر ..الله يعافيكي.شو في شو المناسبة

سحر..يعني لازم يكون في مناسبة نحنا متزوجين وعايشين زي الاخوات وانا حابة نعيش زوج وزوجة

عمر...........

سحر..حضرتلك الحمام تحمم وتعا لحتى نتعشا

تحمم وتعشينا وكنت مقررة بانو هاللية رح تكون ليلة زواجي من عمر.. فات عمر ع غرفة النوم ومد حالو ع السرير وانا لبست قميص نوم خفيف ونمت حدو وحضنتو وهو كرجل ما قدر يتمالك نفسو وتمت ليلتنا متل اي تنين متزوجين ..وهي كانت اول ليلة النا كازواج

فقت الصبح لقيتو لعمر سرحان فيني

سحر..صباح الخير

عمر..صباح الورد..سبحانو ربي خلق فابدع.هيك كل هالمدة حارمتيني من هالجمال

سحر..انا يلي حارمتك.انا ع طول حدك بس انت يلي مو شايف

عمر..معك حق.خلص من اليوم رح فتحن منيح😊

ومن هاليوم بلشت حياة جديدة حلوة وهادية

كنت كل يوم فتش موبايلو لعمر ..بعد هالليلة بيومين شفت هالمحادثة

اميرة.. عمر.. لك مالك صوت ابدا وين غاطط

اميرة.. هلوووووو.. لك عمر.. شو زعلت مني.. خلص حبيبي ما عاد زعلك مرة تانية.. كلو منا لسحر يقصف عمراااا الهي

عمر.. اهلين اميرة

اميرة.. واخيراا

عمر.. هالفترة مضغوط بالشغل وما عم افضى

اميرة.. وشو الجديد. مانت ع طول مشغول بس ولا مرة قطعتني هيك..انت زعلان اكيد

عمر.. لك خلص ماني زعلان حكيتلك مشغول

اميرة.. ئي خلص ما رح دايقك بخاطرك حبيبي

عمر.. الله معك

سحر.. يا ربي لك هاي رجعت تحك معو اااخ ايش رح اعمل يا رب ساعدني

كنت كل يوم البس وجهز حالي واستنا لعمر لحتى يرجع وعمر كان كتير مبسوط معي وعشنا لحظات كتير حلوة سوا.. وبيوم كنت عم فتش بموبايلو لعمر وشفت هالرسالة

اميرة.. حبيبي عمر كان يوم بجنن من زمان ما التقينا.. بس اوعك تقطعني هيك مرة تانية بجنن

حسيت بغصة بقلبي غصة كبيرة لاول مرة بحس فيها 

يوما ما نمت طول الليل وانا عم اتقلب وفكر بشي تاني لحتى حل مشكلتي وصحي علي عمر وانا عم اتقلب 

عمر.. سحر ..شبك ليه لهلأ صاحية

سحر.......

عمر.. لك شو في مانك سامعة عم احك معك

صارو دموعي ينزلو لوحدن. كنت كتير موجوعة .موجوعة من اميرة يلي من يوم عرفتا وهي بتكرهني من غير سبب وبتعملي مشاكل ع طول.. موجوعة من عمر يلي كنت مفكرتو رح يكون سندي .كنت مفكرة بانو رح يعوضني عن كل سنين الوجع يلي عشتا..كنت موجوعا ع بابا يلي ازا عرف اكيد ما رح يتحمل وما بعرف شو يلي رح يصيبو.. كان بركان جوات قلبي بركان من المشاعر.. كنت مكسورة كتير وموجوعة كتير

قرب علي عمر وحط راسي بحضنو 

عمر.. لك شبكي ليه عم تبكي

زدت بالبكي بمجرد ما حطيت راسي ع كتافو

عمر.. لك خلص اهدي اهدي شوي.. رح جبلك مي

سحر.. لااا ما تتركني ببترجاك. بدي ضل بحضنك ما بدي ابعد عنك.. انا تعبانة كتير

عمر.. حبيبتي لك خلص والله تعبتيلي قلبي بهالبكي

كان لاول مرة عمر بحكيلي حبيبتي. لاول مرة بضمني بهالطريقة ولاول مرة بحس معاه بهيك احساس.. مع انو هو يلي كان سبب بكاي ووجعي الا اني ارتحت كتير بحصنو حسيت باماان كبييير من سنين ما حسيتو من لما كنت صغيرة ونام بحضن بابا.. عمر كان حياتي كلا كان ابي واخي وامي وجوزي ورفيقي.. بفترة صغيرة دخل لقلبي وصار هو حياتي كلا

عمر.. ئي هديتي؟.. تعي لشوف ليش عم تبكي

سحر.. عمر انا تعبت كتير بحياتي. ماتت امي وانا صغيرة كتير ما شبعت منا ولا شبعت من حنانا وابي من يوم موتا مات قلبو معا واميرة الله يسامحا عزبتني كتير وظلمتني كتير. انا ماني متحملة ظلم وتعب جديد انا تعبت كتير كتير يا عمر.. يوم خطبتني ما كنت بدي اياك كنت بدي كمل دراستي بس اميرة هددتني واجبرتني وافق وما كان الي مهرب.. ومن لما ارتبطنا كنت بتمنا تكون الي سند بحياتي وتنسيني وجعي وتخفف عني.. عمر انا شفتكن ع سريري شفتا لاميرة ..مستحيل ما اعرفا لاميرة ..وشفت محادثاتكن سوا.. ما بعرف ايمت بلشت علاقتكن بس انا ما بستاهل منك تعمل فيني هيك انا ما اذيتك يا عمر وما عملتلك شي وبابا ما بيستاهل منك ومن اميرة هيك معاملة.. عاملك متل ابنو وما قصر معك ورضي باميرة مع انا ما بتجيب ولاد ورفض يتزوج عليها وعم يغيب ايام لحتى يرضيها ويعيشها بالعز يلي عايشة فيه

كنت عم احكي وعمر مصدوم ودموعو ع طرف عينو

سحر.. عمر بترجاك انا بعمري ما حسيت بالامان بعد بابا الا معك ..عمر انا ..انا ..انا حبيتك وكتير كمان بترجاك بعد عن اميرة وخلينا نعيش سوا ..لانو انا ما رح اقدر كفي معك ازا ما بعدت عنا

عمر... سحررر.. ما بعرف شو بدي احكيلك ..انا انبليت باميرة.. وما عم اعرف اتركا.. عم تلحقني وتحاصرني بكل مكان ..علاقتي باميرة من زمان من قبل ما نخطب وهي يلي اقترحت الخطبة لحتى نوخذ راحتنا اكتر وما بتعرف انو احنا عم انام سوا.. ازا عرفت رح تجن

سحر.. عمر المهم انت قلبك وين وشو بدك.. اميرة مانا مهمة رح ساعدك وخلصك منا 

عمر.. انا حبيتك من اول يوم شفتك فيه ..شفت فيكي الطهر والعفة والبراءة ..كنت بالنسبة الي ملاك ونازل من السما وما كنت حابب المسك لحتى ما وسخك لاني بعرف قديش انا واحد وسخ وما بستاهلك

سحر.. لا تحك هيك عمر..نحنا بشر وبنغلط المهم نعترف بغلطنا ونبعد عنو 

عمر.. يا الله قديش الفرق بينك وبينا لاميرة لك انت ما في منك ..بوعدك من بعد اليوم كون الك وبس

وبالفعل بعد هاليوم كانت اميرة ع طول تبعث لعمر وتتصل فيه وهو ابدا ما يرد ..ليوم وبالسهرة دق بابنا

سحر.. مين بدو يكون جاي بهالوقت!!

عمر.. ما بعرف..رح شوف مين

فتح عمر الباب وكانت اميرة

عمر.. اميرة!!

اميرة.. مرحبا صهري.. كيفك

عمر.. اهلين اهلا وسهلا

سحر.. اهلا وسهلا

اميرة.. فيكي حبيبتي ..شو باينتكن سهرانين

سحر.. ئي والله.. اليوم عمر رجع من شغلو بكير وحبينا نعمل سهرة خاصة

اميرة.. ئي تتهنو حبيبتي.. ما رح طول عليكن كنت مارة اطمن عليكي.. صرلك مدة ما اجيتي وقلقت عليكي

سحر.. مشغولة بدراستي لا تخافي علي

اميرة.. ئي كتير منيح.. شو ما بدك تشربيني قهوة

سحر.. ئي من عيوني ولوو

رحت ع المطبخ لحتى اعمل قهوة ووقفت ورا الباب لاسمع شو بدون يحكو

اميرة.. شو استاز عمر باينتك صدقت حالك انك متجوز وعايش براحتك ..لك وانا عم قول وين هالغيبة اتاريك مع ست الحسن

عمر.. اميرة. سحر مرتي وحلالي وعلاقتي معا هي الصح مو علاقتي معك.. كل علاقتنا كانت غلط

اميرة.. لك هلأ تزكرت انها غلط.. لك النا سنين سوا.. لك زوجتك اياها لحتى نقرب لبعض اكتر مو لحتى تتركني

عمر.. اميرة سحر ما بتستاهل اني خونا وعمي كمان ما بستاهل اني خونو

اميرة.. هيك لكااان.. ئي ماشي يا عمر ان ما خليتك تندم وسحر من بكرة رح تطلقها فهمان

عمر.. ئي لا تحلمي بهالحكي هاد

اميرة.. وواثق من حالك كتير ..هلأ بنشوف.. سحر سحرررر

سحر.. ئي خالتي خير شبكي معصبة

اميرة.. ضبي تيابك ومشي معي

سحر.. لوين؟!

اميرة.. لك شو لوين.. ع بيتنا ..شو بدك فيه لهالخاين

سحر.. انا هون بيتي مو عندك

اميرة.. لك هاد خانك وع فراشك لك نسيتي كيف شفتيهن نسيتي؟

سحر.. مستحيل انسا بكل حياتي

اميرة.. ئي لكن مشي معي ..

ومسكتني اميرة من ئيدي وشدتني بكل قوتا.. سحبت ايدي منا وصرخت فيها.. لك اتركيني.. بكفي بكفي اتركيني عيش حياتي شو بدك فيني ..لك كنت بنت صغيرة وما سلمت منك لك عزبتيني وعاملتيني كعدوة من غير سببب ..لك بكفي لهون وبسسسس.. وع فكرة انا بعرفا منيح يلي كانت مع عمر.. وازا حاولتي مرة تانية توقفي بطريقي وطريق جوزي كل الصور والمحادثات رح سلما لبابا ..ووقتا بتعرفي شو رح يكون مصيرك

كانت اميرة مصدومة كتير بيلي سمعتو وما قدرت تطلع ولا حرف من تما وتخربطت بحالي.. بس بس انت ما ما هيك حكيتيلي

سحر.. ئي ما حكيتلك باني عرفتك وعرفت قديش انت وحدة وسخة لدرجة انك عم تنامي مع زوجي بسريري.. ما قلتلك لاني جبااانة ..ئي جبانة لك طول عمري جبنانة وما بقدر واجهك باغلاطك ..حكيتلك لعلا وعسا حن قلبك شوي وحسيتي بوجعي وبعدتي عن زوجي وحياتي.. لك انا بشو غلطت معك بشووووو ..لك ما فكرتي بيوم تحطيني بحضنك ما فكرتي بيوم تحني علي ولو شوي.. لك والله والله كنت حطيتك بعيوني.. لك ما كنت بدي منك غير حضن دافي ..ما كنت بدي منك غير تخففي وجعي ..لك بكفي يا اميرة بكفي.. انا ما عدت جبانة سحر الجبانة خلص ماتت مااااااتتت وانا هلا مرتو لعمر ..عم استمد كل قوتي منو واياكي تقربي عليه والا رح اكشفك قدام بابا ..بعدي عن حياتنا بكفي خلص

جرت حالا جر اميرة وطلعت من عنا 

اول ما سكرت الباب انا انهرت ووقعت بارضي

عمر.. انت احلا انسانة بالكون.. لك ما توقعتك بهالقوة هاي

سحر.. ولا انا كنت متخيلة بيوم واجها لاميرة.. طول عمري وانا بخاف منا وببعد عنا لحتى ما واجها.. كل هالقوة يا عمر هي منك والك

حضني عمر وهو فرحان كتير.. لك ربي يقدرني وعوضك عن كل شي شفتيه 

من بعد هاليوم اميرة ما عاد طلع صوتا ولا قربت علينا ونحنا ما احتكينا فيها ابدا ..عمر كان بشغلو يلي ما بخلص وانا كنت بدراستي واليوم يلي نمل فيه نروح لعند حماتي ربي يسعدا او نطلع شي مشوار.. مرت الايام وكملت دراستي ونجحت بالبكالوريا وفرحتنا كانت كبيرة كتير انا وعمر.

يوما اخدنا حلو ورحنا لعند حماتي يلي كان طاير عقلا فيني واحتفلنا سوا .. 

ومن بعدا درست بالجامعة علم نفس وتخرجت وبهالفترة طبعا صار عندي ولاد تنين ربي يسعدهم وما يحرمني منهم ..جاد وجود.. وحياتي مع عمر من حلو لاحلى

هاي هي قصتي باختصار.. الحياة قسيت علي كتير بس تحملت وتحملت وقاومت وما استسلمت لحتى وصلت للحياة يلي انا فيها

انتهت

🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺

اتفضلوا حضراتكم كملوا معنا هنا 👇 ❤️ 👇 

روايات كامله وحصريه من هنا

وكمان اروع الروايات هنا 👇

روايات جديده وكامله من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺