ظننته_خالي البارت الاول حتي البارت الرابع والاخير بقلم ايمان شلبي كامله على مدونة أفكارنا
 |
ظننته_خالي البارت الاول حتي البارت الرابع والاخير بقلم ايمان شلبي كامله على مدونة أفكارنا
انت اتجن*نت يابني اتجن*نت عايز تتجوز بنت اختك ازاي فهمني انت اتجنن*ت !!!!
قالتها مامته بكل عص*بيه وهي ماس*كاه من هدومه وب*تهز فيه بعن*ف وج*نون ،من بعد ما قالها انا عايز اتجوز لا ويتجوز مين بنت أخته ،وهو في حد عاقل يقول الكلام ده ازاي لا عقل ولا دين ولا منطق يسمحله يقول الكلام ده !!
ايهاب ببرود : اه هتجوزها ،وبعدين مالك زعلانه اوي كده ايه يعني لما اتجوز مش كان نفسك تفرحي بيا ؟
امه ب*ج*نون وهي بتض*ربه اق*لام عشان تفوقه : افرح بيك ايه ،افرح بيك ازاي انت في وعيك ،تتجوز البت اللي بتقولك ياخالو ...
ايهاب وهو بيبصلها وبغموض : مش لو كنت خالها فعلا ؟!
امه بتوتر : ي يعني ايه ؟!
ايهاب : يعني قصدي انتي عارفاه كويس اوي ياماما ..
في ايه ياتيته صوتكم جايب لآخر الشارع ليه ؟!
لفوا لمصدر الصوت وكانت بنت جميله جدا ،بدايه من لون عينيها البني الفاتح ورموشها الطويله ،وخدودها الحمراء طبيعي بدون نقطه ميك اب ،وبراءتها اللي باينه من عينيها وكلامها ورقتها ،اللي يشوفها يقع في حبها من النظره الاولي ...
ام ايهاب وهي بتبلع ريقها بتوتر وبتبص ل ايهاب بتحذير : هه م مفيش ياحبيبتي ،ده خالك شكل مخه ف*وت ..
داليدا باستغراب : مش فاهمه ؟!
ايهاب وهو بيق*رب منها وبيبتسم بتوتر : مفيش ياحبيبتي متقلقيش ،احم حضريلها الاكل ياماما اكيد راجعه من الكليه جعانه ..
داليدا وهي بتزفر بتعب : انا واقعه من الجوع ياتيته
ام ايهاب وهي بتوزع نظراتها بين ايهاب وداليدا بتوتر وخاصه لايهاب اللي كان واقف قدام داليدا وحاط*ط ايده علي كتف*ها وهي كالعاده سانده رأسها علي ص*دره بتعب واطمئنان علي اساس خالها وزي باباها ،ماهو فعلا باباها اللي هو اللي مربيها من بعد موت باباها ومامتها وهي صغيره ..
ام ايهاب بتوتر وسرعه : ايهاب تعالي عايزاك ..
ايهاب وهو بيقعد علي الكنبه وداليدا في ح*ضنه وبيقول ببرود : مش قادر اقوم يا ياماما ..
ام ايهاب : ب بس
ايهاب بحده : خلاص ياماما ،حضري الاكل وبعدين نبقي نتكلم
دخلت مامته المطبخ تحضر الاكل وهي حاطه ايديها علي قلبها بخوف وتوتر أن السر اللي خبته طول السنين ديه يتكشف!
أما عن ايهاب فكان ساند ظهره علي الكنبه وداليدا سانده رأسها علي ص*دره ومحا*وطه خص*ره بصمت ..
كان في موضوع شاغل دماغها ومش عارفه تتكلم أو تفتح بوقها ،برغم حبها لإيهاب إلا أنها بتخاف تتكلم معاه في أي حوار من حوارات الارتباط ،تفتكر مره قالتله في واحد زميلي معجب بيا في الكليه وعايز يتقدملي ،الدنيا قامت مقعدتش ،خالها بي*غير عليها من الهواء الطائر تقريبا ،هي ساعات كتير تضايق من تصرفاتها ،ساعات تفسر تصرفاته انها تحكم زياده عن اللزوم ،بس هي بتحبه ،مش بتحس بالأمان غير في وجوده ،ماهو صحيح هو اللي مربيها ،يوم وفاه باباها ومامتها ،كانت عندها ١٠ سنين وهو في الوقت ده كان عنده ٢٠ سنه تفتكر أن هو اللي رباها ،هو اللي كان معاها طول الوقت ،كان دايما يحاول يخرجها من مود الاكتئاب والخوف ،كان دايما معاها ليل مع نهار ،مكانتش تنام غير في ح*ضنه ،وكأن ايهاب ابوها وامها وخالها وكل ماليها ،ساعات كتير تفضل بصالها بالساعات وهو نايم ،تسأل نفسها ليه ميكونش ده حبيبها مثلا مش خالها ، بتتمني في واحد نفس صفاته وصعب جدا تلاقيها ،تتمني حد يفهمها اكتر من نفسها بس برضو بتلاقي أن استحاله حد يفهمها غيره ...
ايهاب كان بيبصلها ومراقب تفاصيلها وهو بيحاول يستنتج هي عايزه تقول ايه !
ايهاب وهو بيتنهد : عايزه تقولي ايه ياداليدا ..
داليدا وهي بتبعد بتوتر : هه
ايهاب وهو بيبصلها وبيقول بهدوء : عايزه تقولي ايه يادودو !
داليدا وهي بتفرك ايديها بتوتر : ك كنت ع عايزه
ايهاب وهو بيس*حب كفها بين كفه وبيط*بطب عليه وهو بيحاول يطمنها : اتكلمي متخافيش ..
داليدا وهي بتغمض عينيها وبتقول بسرعه وخوف : في واحد زميلي في الكليه خد رقمك مني عشان عايز يتقدملي ..
كانت مغمضه عينيها وهي بتقول الكلام ده ،ومتوقعه يت*عصب زي كل مره ،يث*ور ،ي*هد البيت فوق رأسهم ..
فات دقيقه اتنين تلاته وهي لسه مغمضه عينيها وبتتنفس برعب حقيقي واتكونت حبات عرق فوق جبينها ...
بس انتي كتب كتابك الاسبوع الجاي ..
فتحت عينيها بصدمه وفتحت بوقها علي آخره باستغراب شديد في الوقت اللي كانت خارجه مامته من المطبخ وصينيه الاكل وقعت منها بصدمه هي كمان ..
داليدا وهي بتشاور علي نفسها وبصوت مهزوز : ك كتب كتابي انا ؟!
ايهاب وهو بيسند ظهره علي الكنبه وبيحط أيده تحت رأسه وبيتكلم ببرود : ايوه انتي وانا يادودو
داليدا قامت وقفت مره واحده وهي بتحاول تستوعب الجمله التانيه اللي اتقالتلها ،انتي وانا ؟! هو يقصد مين بالظبط قصده يعني أن كتب كتابنا احنا الاتنين في نفس اليوم ، ولا يقصد أن هما اللي هيتجوزوا ،ايه الج*نان ده ،ده شكل مخه ف*وت فعلا !!
الكلام ده كان بيدور في راسها وهي بصاله بصدمه الجمت لسانها !
داليدا وهي بتبص ل أم ايهاب وبتقول بصوت مهزوز وكله دموع : تيته هو بيقول ايه ؟! ا انتوا عاملين مقلب مش كده !
ايهاب قام ووقف قدامها وهو بيسال ببرود وكأن اللي قاله من دقائق مش جن*ان : وايه يعني لما نتجوز انا وانتي بنحب بعض حصل ايه يعني ؟؟
داليدا وهي مبرقه عينيها بصدمه واستغراب من الج*نان اللي بيقوله ،لوهله كانت مفكره أن ده مجرد مقلب بس الظاهر أنه مجن*ون بجد وعايز يتعالج !
داليدا بعص*بيه : انت م*جن*وون ؟! تتجوز مين انت خالي عارف يعني ايه خالي ،دد ده انا مش بقولك غير يابابا ،ا انت عايز تجن*ني !!
كانت بتتكلم وهي بتترعش بتوتر وخوف وصدمه ،مشاعر كتيره متلخبطه في الوقت ده ،مكانتش قادره تفسر احساسها أو تعبر عن صدمتها من كلامه الغير منطقي بالمره !
ايهاب وهو بيربع أيده الاتنين وبيبصلها بجمود وهو رافع حاجب ومنزل التاني : انا مج*نون ؟!
داليدا وهي بتبصله بخوف وبراءه : ا اه مج*نون و وعايز تتعالج ياخالو ..
قالت جملتها وهي بتجري علي ام ايهاب وبتترمي في حضنها بخوف ..
تيته،الحقيني ،ا اتصلي بالمصحه تيجي تاخد خالو ده اتج*ن
ايهاب كان واقف يبصلها بغضب لاول مره في حياتها ترفع صوتها عليه أو حتي تقول لف*ظ خارج ،هي دايما بتخاف منه ،او بمعني تحترمه ،بس عذرها ،اي حد مكانها هيتصدم من اللي بيتقال !
ايهاب وهو بيبصلها من فوق لتحت وقال بتح*ذير وت*هدي*د : انا متج**نتش ولا حاجه ياحبيبتي ،واحنا هنتجوز إذا كان برضاكي أو غص*ب عنك ياداليدا !!
لاول مره قلبها يتن*فض بخ*وف كده ،لاول مره ايهاب يتكلم بالنبره المريبه ديه ،نبره كلها ته*ديد ووع*يد والاحري من كل ده تصميم علي شيئ استحاله يحصل لو السما انطبقت علي الارض !!!
امه وهي بتبعد داليدا عن حضنها ويتقرب منه بعص"*بيه وهي ب*تضربه قل*م : لا بقي انت ات*جنن*ت فعلا وانا اللي هرجعك لوعيك ..
ايهاب غمض عينه وضغط علي أيده ب*قوه كانت ظوافره غارزه في لح*م أيده وهو بيتنفس بكل غ*ضب وبيجز علي أسنانه مانع نفسه من أنه يض*ربها،دقيقه ي*ضر*بها !! يض*رب مين مامته،الست اللي ربته وسهرت الليالي وهو تعبان لأجل يبقي بخير،الست اللي كبرته وخلته راجل ،الست اللي استحملت كل حاجه واي حاجه عشان تربيه تربيه كويسه ،الست اللي لو خيروها بين الم*وت وهو تختار الم*وت من غير تفكير وتض*حي بنفسها ،يعني ايه يمد ايده عليها !!! هو للدرجادي اتج*نن ،للدرجادي قلبه اتحول لحجر !
امه وهي بتهزه بعصبيه : انت يابني ادم رد عليا ،انت ش*ارب ايه !!!
ايهاب وهو بيبصلها بغيظ : مش شارب حاجه يامدام انتصار
امه باستغراب اصله لاول مره يقولها كده : مدام انتصار ؟!
ايهاب : اه مدام انتصار مالك مستغربه ليه !
انتصار وهي بتض*ربه ك*ف اقوي وكأنها بتخرج توترها وخوفها من لحظه اكتشاف سرها في ض*ربه : انا امك ياحي*وان امكككككك ..
ايهاب بغضب وصراخ قدام وشها : امي بالتبني ،انا مش ابنك انتي متبنياني من دار ايتام ..
#ظننته_خالي. رغم قلت التفاعل بس انا وعتكم بنزلها تفاعل
#البارت_التاني
متبنياااك !!
ديه كانت جمله داليدا وهي واقفه توزع نظراتها بين ايهاب وانتصار ..
انتصار اللي الصدمه الجمت لسانها ،رمشت اكتر من مره بعينيها وهي بتبص لايهاب والدموع متجمعه في عينيها ،معقوله بعد كل السنين ديه السر يتكشف !
داليدا بدموع : ي يعني انت مش خالي ؟!
ايهاب وهو بيبصلها وبكل ثبات : لا
انتصار بتوتر : ا أنت ايه الكلام اللي بتقوله ده ،ا انت ابني م مين اللي قالك الكلام ال*فارغ ده !!
ايهاب وهو بيبصلها بعتاب وحزن : بابا ،او اللي كنت فاكره بابا قالي قبل ما يموت يا يامدام انتصار ..
انتصار حطت ايديها علي بوقها ودموعها نزلت علي خدها وهي بتقعد علي الكرسي اللي وراها بتعب وضعف وعتاب..
ليه كده ياسعيد ليه عملت كده ..
ايهاب وهو بيبص علي داليدا وقال بحده وص*رامه : حضري شنطه هدومك ياداليدا
داليدا وهي بتبصله بخوف وتوتر : ل ليه ؟!
ايهاب وهو بيجز علي أسنانه : ايه اللي ليه ،حضري شنطه هدومك عشان هنمشي من البيت ده ...
ام ايهاب بدموع ولهفه : لا لا يا ابني الله يخليك متمشيش ،انا أمك ياحبيبي ،ا انا اللي ربيتك ،ا انا اللي حبيتك اكتر من اي حد ،م متمشيش عشان خاطري ياايهاب ..
ايهاب وهو بيبصلها بجمود ،برغم ملامحه اللي مكانتش متآثره إلا أنه كان في ن*ار بتحرقه من جواه،هو بيحب انتصار اوي ،ماطبيعي هي مش مامته،ومين قال إن الام هي اللي بتخلف،الام هي اللي بتربي وتعلم وتكبر ...
ايهاب بنبره حزن وعتاب : ليه خبيتي عليا كل السنين ديه يام..
كان لسه هيقول كلمه "ماما" بس لسانه مطاوعهوش يقولها ،للاسف هي مش امه ومش من حقه يقولها ياماما دلوقتي ..
انتصار بدموع : ك كان غص*ب عني ياحبيبي ،و والله غ غ*صب عني ،ا رجوك ياايهاب يابني متمشيش انا مقدرش اعيش من غيرك والله ياحبيبي يابني انا امك ..
ايهاب بدموع : فين امي الحقيقيه ؟
انتصار وهي بتفرك ايديها بتوتر : ا امك م م*ات*ت
ايهاب بغضب : متكدبيش عليااااا فين امي الحقيقيه !!
انتصار بدموع وحرقه : ا امك ا امك تبقي خالتك
ايهاب باستغراب : خ خالتى؟؟
ام ايهاب : ا ايوه يابني ديه الحقيقه انا مش امك ،ا امك تبقي خالتك ..
ايهاب مكانش مصدق اللي بيتقاله ابدا ،يعني ايه امه تبقي خالته ،طب ليه تتخلي عنه وتسيب انتصار هي اللي تربيه ؟! هو طول عمره بيحب خالتو اوي ،حتي ساعات كان يستغرب نفسه أنه لما يبقي متضايق يجري علي حضنها هي ويشكيلها همه ميروحش لامه، كان يحس شعور غريب وهو في حضنها ،كان بيحس بآمان غريب مش بيلاقيه في أي ح*ضن تاني،بس ليه تتخلي عنه ،ل ليه يعيش كل السنين ديه في ك*دبه !!
داليدا كانت بتبصلهم وهي مصدومه من اللي بيتقال ،فجأه تكتشف أن خالها مش خالها ،وتكتشف أنه ابن خاله امها !!
ايهاب كان مصدوم لدرجه منطقش بكلمه واحده ،*قر*ب من داليدا وبص في عينيها بعيون مليانه دموع ووجع وق*هر وخ*ذلان ..واتكلم بحزن
يالا ياداليدا ،انا همشي ،هسيب العيله ديه ،ب بس مش هقدر اسيبك انتي ،هتيجي معايا مش كده !
داليدا كانت بتبصله بدموع وهي بتهز رأسها بهست*ريه وخوف ..
لا لا انت مش هتمشي ،لا ياخالو م محدش فينا هيمشي
ايهاب بغضب وهو بي*هبد علي الحيطه اللي وراها بغيظ : انا مش خاااالك
وق*رب وشه من وشها وقال بنبره تحذيريه كلها رع*ب : وانتي هتيجي معايا ياداليدا ،برضاكي أو غص*ب عنك هتيجي معايا ،مش بعد كل السنين اللي كنت بحبك فيها وبتمني لو كنتي تجوزيلي عشان اتجوزك ،حد غيري ياخدك ،انتي ملكي انا ياداليدا ،انا اللي ربيتك وانا اللي حبيتك اكتر من اي حد في الدنيا ..
داليدا لاول مره تخاف من نبره صوته ،لاول مره تبقي عايزه تهرب من قدامه ،لاول مره يخ*وفها بالشكل ده !
ايهاب بصراخ قدام وشها : يالا حضري هدومك
داليدا بخوف : ل لا انا مش هروح معاك في حته و ومش هتجوزك
ايهاب غمض عينيه واخد نفس طويل وك*شر عن أنيابه وش*دها من دراعها وقال وهو بيجز علي أسنانه ...
انا مش باخد رأيك أنا بآمرك وهتيجي معايا ودلووقتي ..
انتصار بص*رامه : انت مش هتاخدها معاك علي ج*ثتي ..
ايهاب لف وبصلها من فوق لتحت وبرفعه حاجب : محدش يتدخل ياانتصار هانم ...
وبنبره كلها تح*ذير وش*ر: لو منعتيني مش هيحصل كويس ،الناس كلها هتعرف الحقيقه وهف*ضحكم!
انتصار بصدمه : ه هت*فض*حنا ،ه هتف*ضح امك يا ايهاب ؟!
ايهاب بغضب : متقوليش أمي انتي مش امي ولا عمرك هتكوني أمي ولا هي حتي هتكون امي ،مفيش ام بتتخلي عن عيالها ابداااااا ،انا مش عايز اعرفكم تاني ..
قال جملته وهو بيس*حب داليدا من ايديها وبيخرج من البيت ..
داليدا وهي بتحاول الإفلات : سيب ايدي ،سيبني انا مش هاجي معاك الحقوووني
ايهاب بص*راخ انتفضت بسببه داليدا : اخرررررررسي وقسما بالله لو فتحتي بوقك ماهيحصل كويس ابدا انتي فاهمه !!
قال الاخره بزعيق اكبر وداليدا هزت راسها أكتر من مره بسرعه وخوف ونزلت معاه لتحت ...
فتح باب العربيه ودخلها وقفله بق*وه ولف يركب العربيه ويسوق لمكان هي مش عارفه فين ولا ايه مصيرها من بعد اللحظه ديه مع خالها أو بمعني اصح اللي كانت فاكراه خالها !
كان بيسوق بسرعه رهيبه وهو ضاغط بايده علي مقود العربية مفاصل أيده ابيضت من الغ*ضب ،وشه كان مكشر وعروق رقبته وأيده كانت بارزه ،كان نفسه في اللحظه ديه ي*نفجر من العياط ،كان نفسه يصرخ بأعلى صوته ،نفسه يخرج كل اللي جواه ،تخيل واحد عايش في ك*ذبه اكتر من ٣٠ سنه ويكتشف بين يوم وليله أن عيلته متبقاش عيلته!
داليدا بدموع وقلق : خ خالو انت كويس
ايهاب لف جسمه وبصلها بدموع متعلقه في عينيه ،لاول مره في حياتها تشوفه بالضعف ده...
اتنهد تنهيده طويله تحمل في طياتها الكثير وقال بضعف : لا مش كويس ياداليدا ،مش كويس وعمري ما هكون كويس من بعد النهارده ..
داليدا لم*ست كتفه وطبطبت عليه برقه : ا أنا عارفه أن اللي عرفته مكانش سهل ابدا ،ا اي حد مكانك هيكون مصدوم كده ،ب بس ا أنا ذنبي ايه يا ياخالو
ايهاب وهو بيوقف العربيه مره واحده حتي انها ارتدت لقدام وصوتت بخوف ...
ش*د ايديها بين ايديه وقال بغ*ضب الدنيا كله : انا مش خالك ،افهمي بقي انا مش خااااااااللك
داليدا بص*راخ ووجع : بس انا مش شيفاك غير خالي افهم انت بقي افهم اني مش هقدر اتأقلم علي الوضع الجديد !!
ايهاب بحده : هتتأقلمي ،لاننا رايحين نكتب الكتاب ودلوقتي ..
قال جملته وهو بيكمل سواقه بأقصي سرعته وهي مش قادره تستوعب اخر جمله قالها ،يعني معقوله ،كام دقيقه وهتكون مراته ،ده بدل ما يبقي هو وكيلها يوم فرحها علي حد تاني ،هيبقي هو جوزها،حياتها اتشقلبت ميه وتمنين درجه في لمح البصر ،حست أن الدنيا اس*ودت محستش بنفسها غير وهي بتفقد الوعي ...
بعد مرور ساعه بالتقريب ..
فتحت عينيها وهي حاسه بصداع ه*يف*رتك دماغها ،بصت يمين وشمال لقت نفسها في اوضه ،نايمه علي س*رير،انتفضت من الس*رير وهي بتبص يمين وشمال برع*ب حقيقي ،بصت علي هدومها لقت نفسها لابسه بيجامه لونها بينك وشعرها مفرود بعشوائية ...
حطت ايديها علي بوقها بصدمه ودموع وقامت تخرج من الأوضه ..
لسه هتخرج دخل ايهاب وهو لابس شورت لحد الركبه تيشرت كات مبين عضلات صدره وشعره مرفوع بعشوائية ..
ايهاب وهو بيحاوط وشها بحب : حمدالله علي السلامه يادودو
داليدا انكمشت في نفسها برع*ب وبصتله بخوف وهي بتسائله بتوتر : ا أنا فين ؟ و ومين اللي غيرلي هدومي
ايهاب وهو بيبص في عينيها بهيام : انتي معايا ياصغنن ، انتي مع جوزك حبيبك مش حد غريب
داليدا وهي بتهز رأسها بهستريه وبتبعد لورا : لا لا لا
ايهاب وهو بي*قرب منها بهدوء : اهدي ياداليدا أنا مش هعملك حاجه ..
داليدا بدموع : ا أنا عايزه امشي من هنا ،ا انا عايزه امشي مشيني من هنا
ايهاب وهو بيبصلها بحزن ،لاول مره تبقي خايفه من الخوف ده ،لاول مره يحس أنه شيطان بالنسبه ليها ...
داليدا بش*راسه: انا بكرر**رهك ياخالو بكر**ررهك
ايهاب وهو بيبتسم بحزن : برضو لسه بتقولي ياخالو !
داليدا بدموع : ا ايوه ع عشان انت خالي ،خالي وبس
ايهاب وهو بيجز علي أسنانه بع*نف : أنا مش خالك .
داليدا بعند: لا خالي
ايهاب لف وخرج من الأوضه وقفل الباب وراه بالمفتاح قبل ما يفقد أعصابه عليها ويعمل تصرف هو مش عايزه ...
داليدا راحت عشان تفتح الباب لقته مقفول ...
داليدا وهي بتخبط علي الباب بغضب وعصبيه : افتح الباب افتح البااااااااب ...
فضلت اكتر من خمس دقائق تخبط وللاسف محدش فتح الباب ..
داليدا وهي بتعيط بحرقه : اعمل ايه يارب اعمل ايه ..
برقت عينيها مره واحده بفرحه وهي بتفتكر ان الفون بتاعها معاها في جيب الجاكيت ...
راحت تدور علي هدومها في كل مكان لحد ما لقت الجاكيت قربت منه واخدت الفون من الجيب وهي بتضغط علي عده ارقام ...
داليدا : ا الو
الو ايوه يافندم
داليدا بتوتر : ا الحقوني ي ياحضره الظابط ا أنا مخطوفه ،اللي خاطفني ابن خاله ماما و و اتجوزني غص*ب عنى،ا ارجوك الحقوني انا خايفه اوي
الظابط وهو بيحاول يهديها : اهدي اهدي حضرتك وعرفينا فين المكان بالظبط ..
داليدا بتوتر وخوف : م معرفش م معرفش فين المكان ..
انا أقولك فين المكان ..
لفت داليدا لمصدر الصوت بخوف وصدمه وكان ايهاب اللي واقف مربع أيده الاتنين وبيبصلها بحزن وعتاب ...
ايهاب بحزن : بتبلغي عني ياداليدا ؟!
داليدا بتوتر : ا أنا أنا
ايهاب بغموض: خدي العنوان
داليدا بخوف : ع عنوان ايه؟
ايهاب بابتسامه شريره : عنوان المكان اللي احنا فيه ،بس يارب يلحقوكي قبل ما تبقي مراتي رسمي مش علي ورق وبس
داليدا الفون وقع من ايديها وايهاب بيق*رب منها وهي بتر*جع لورا بخوف وتوتر ورع*ب حقيقي ودموع مغرقه وشها لحد ما وصل قدامها مباشره وقال بنبره مرعب*ه : الليله ليلتنا ياعروسه ..
#ظننته_خالي
#البارت_الثالث
لا لا لا ياخالو لا عشان خاطري لاااااااا
داليدا ،داليدا فوقي انا جمبك فوقي انتي كويسه داليدا ..
قامت من النوم بصت حواليها وهي بترمش عينيها أكتر من مره وبتتنفس برع*ب حقيقي ...
كان ايهاب قاعد علي طرف الس*رير ،بيبصلها بلهفه وقلق من عيونه ...
داليدا انتفضت من مكانها وزحف*ت لورا بخوف وهي بتهز رأسها بدموع وبتبص علي هدومها ...
داليدا بدموع : ل لا لا لا ياخالو انت متعملش فيا كده صح ،ص صح ياخالو انت متعملش فيا كده ..
ايهاب وهو بيبصلها بحزن وقلق علي حالها : اهدي ياداليدا ،اهدي انتي كويسه ..
داليدا وهي بتبصله بدموع وعتاب من عينيها : ا أنا بكره*ك،بكرر**رهك علي قد ما كنت بحبك ..
ايهاب اتنهد تنهيده طويله كلها وجع ،لاول مره يحس قلبه ات*شق لنصين ،لاول مره يتضايق كده ،لاول مره داليدا اللي كانت بتحبه اكتر من نفسها تقوله أنا بكره*ك !
ايهاب محبش يبين ضعفه واتكلم بكل برود : مش شرط تحبيني ياداليدا
داليدا قامت وقفت من بكل عص*بيه وقالت بغضب : انا مش هقعد معاك دقيقه واحده في المكان ده يا يا ايهاب بيه ..
بصلها وابتسم ابتسامه هاديه وغامضه واعجاب من ش*راسته*ا اللي لاول مره يشوفها وخاصه معاه ،هي دايما بتحترمه ،بتخاف تتكلم معاه أو حتي تقعد معاه في مكان واحد ،انما دلوقتي هي واقفه قدامه وبتتكلم وبكل شجاعه ،لاول مره يحس أن الطفله اللي رباها علي أيده نضجت ومبقتش تهاب حد ..
داليدا قالت جملتها وراحت نحيه الباب تفتحه ،لسه هتخرج ،الباب اتقفل بقوه وغض*ب ...
كانت واقفه ظه*رها لايهاب ،ص*درها بينزل وبيطلع بع*نف وخوف وتوتر لاول مره تحس انها متوتره التوتر الغريب ده !!
ايهاب وهو بيميل نحيه ودنها وبيتكلم بهمس ق*اتل : انسي انك تهربي ياداليدا،انسي اني اسيبك ابدا لو علي م*وتي ...
بلعت ريقها بخوف وغمضت عينيها بقوه،وهي حاسه لاول مره بشعور غريب ،شعور خوف لكنه امان في نفس الوقت ،ك*ره لكن قلبها عمره ما يكره*ه في نفس الوقت ،كان شعور متناقض مابين الحب والك*ره مش قادره تفسر اي شعور فيهم الصح !
أفضل الهدايا لأحبائكم
ايهاب بهمس مره تانيه لكن المره ديه بضعف وحزن : خليكي ياداليدا،خليكي معايا انا مليش دلوقتي غيرك ،الكل خ*ذلني ،الكل ك*ذب عليا ، الكل اتخل*ي عني،حتي انتي كمان ياداليدا،اكتر حد انا بحبه عايز تتخلي عني ؟
داليدا دموعها نزلت علي خدها ،لاول مره تحس انه ضعيف كده،متنكرش أن قلبها اتحرك من مكانه ،اشفقت عليه من جواها،كانت نفسها تفهم ليه مامته عملت كده ،نفسها تفهم هي ليه اتخلت عنه زمان ،للدرجادي هي قلبها ح*جر عشان تتعامل مع ابنها طول السنين ديه علي أنه ابن اختها ،طب ازاي قلبها طاوعها تكس*ره وتتخلي عنه زمان !!!
لفت ببطئ ،كان ايهاب بيعيط ،لا ده كان بيت*شحتف عياط ،اول مره تشوفه بيعيط بح*رقه كده ،هو عمل عشانها كتير ،ليه متساعدهوش وتقف معاه المره ديه ،هو كان اوقات زعلها بيحاول يخفف عنها وميسبهاش غير لما تكون كويسه،هو متخلش عنها زمان ،ليه هي تتخلي عنه !!
حاوط*ت وشه بين ايديها وبصت في عيونه وقالت بدموع : ا أنا مش هتخلي،عنك ياخ ...
كانت لسه هتقول ياخالو ،بس بطرت جملتها وبلعت ريقها وهي بتقول بهدوء :انا مش هتخلي عنك يا ايهاب ..
ايهاب زفر براحه ودموعه نازله علي خده واترمي في حض*نها ،وعيط ،عيط بحر*قه زي الاطفال ،فضل يقول كلام مش مفهوم وهو بيزيد من ضم*ه ليها ...
داليدا اتصدمت من اللي بيحصل ،مدت ايديها تطبطب عليه برقه وهدوء ...
ايهاب وهو بيبعد عنها وبعيون حمراء من العياط : د داليدا
داليدا بدموع : ن نعم
ايهاب : انا اسف
داليدا باستغراب : علي ايه ؟!
ايهاب وهو بيبعد عنها وبيمسح دموعه وبندم: اسف اني خوفتك مني ،اسف اني ا اني كره*تك فيا
داليدا بسرعه ولهفه: انا مش بكرهك
ايهاب وهو بيتنهد بحزن : انا عايز اقولك حاجه ياداليدا
داليدا بخفوت وتوتر : ا ايه
ايهاب وهو بيديها ظهره وبيقول وهو بيتنفس بسرعه : ا أنا
داليدا وهي بتلف تقف قدامه وبتساله بخوف : انت ايه ياايهاب؟!
ايهاب وهو بيضغط علي أيده الاتنين بقوه وبيغمض عينيه وبيقول بسرعه : انا مش شغال في شركه زي ما انتوا عارفين ..
داليدا وهي بتبصله باستغراب وقلبها دق بخوف : ا اومال شغال ايه ؟!
ايهاب بحزن : انا الايد اليمين لطارق المليجي ...
داليدا بصدمه وعينيها مدمعه : ط طارق ،ط طارق تاجر الم*خد*رات ؟!
ايهاب : ايوه
نزلت بك*ف علي وشه وهي بتتنفس بعنف ودموع ...
داليدا بصراخ وجنون : انت حق**يرر حق*يير ياا ايهاب ،ا أنا اتخدعت فيك ،ا انت مش ايهاب اللي اعرفه انت ش*يطان ...
كانت بتتكلم وهي بتض*ربه فوق ص*دره وهو واقف زي الصنم ،متحركش انش واحد ،كان سايبها تخرج كل اللي جواها،هو عارف ان الصدمه ممكن تعمل اكتر من كده ،اصله جربها قبل كده ،جرب أنه يتصدم من اعز الناس ليه ،عشان كده مش مستغرب رد فعلها أو حتي زعلان منه ،حقها حياتها اتشقلبت ميه وتمنين درجه ،كانت عايشه في كذبه سنين طويله ،من نحيه أنه مش خالها ،ومن نحيه أنه تاجر مخد*رات !!
كان في صوت دوشه تحت ،داليدا وقفت اللي بتعمله وهي بتحاول تسمع مين اللي برا ،يمكن يكون حد يقدر ينقذها من ايهاب ،او بمعني اصح الش*يطان اللي واقف قدامها ...
ايهاب بعدها من قدامه وخرج مس*دس من جيبه وهو بيقرب من الباب وبيحط ودنه يحاول يسمع اي مصدر الصوت ؟!
داليدا حطت ايديها علي بوقها وبرقت بصدمه لما شافت المسدس في أيده وكانت لسه هتصوت بس ايهاب بصلها بصه رعب*تها وهو بيحط الم*سدس في وشها وبيقول بخفوت ونبره كلها تح*ذير : اخرسي
هزت راسها اكتر من مره بخوف ودموع وهو لسه حاطط ودنه علي الباب يحاول يعرف مصدر الصوت واللي كان بيقرب من الاوضه ...
باب الاوضه خبط ،داليدا انتفضت من مكانها وبصت لايهاب اللي كشر عن أنيابه ،وغمض عينه وكأن شخصيه الشيطان حلت في الوقت ده ...
شه*قت بع*نف وصدمه لما ش*دها من دراعها ووقفها قدامه وهو حاطط المس*دس علي دماغها وبيفتح الباب ..
ايهاب بح*ده.: وقسماً بالله لو حد قرب مني هفرغ المسدس في دماغها !
داليدا برقت بصدمه ،النهارده اكتر يوم تتصدم فيه الصدمات ديه ،بدايه من معرفتها أنه مش خالها ،للحظه الصعبه اللي هي فيها دلوقتي ،مصدومه من رده فعله ،معقوله ايهاب اللي كان اكتر واحد بتجري عليه وقت الخوف والحزن أو حتي الفرح يطلع كده ،معقوله بيهدد الشرطه لو قربت منه بجث*تها؟! ،طب ازاي تستوعب ،ده لو كان حد حلفلها أن ايهاب ممكن يعمل كده كانت استحاله تصدقه،معقوله يخذلها كده وبكل قس*وه وكأنه محبهاش يوم وكأن حبه كان حب مزيف طول السنين ديه !!!!
حقيقي صدمتها من كل اللي فات متجيش حاجه جنب اللي هي في دلوقتي !
احد الظابط وهو بيحاول يهديه بقلق : ا اهدي وسيب البنت، سيبها وسلم نفسك يا ايهاب افضلك ..
ايهاب وهو بيجز علي أسنانه بع*نف : مش هسيبها ،ومش هسلم نفسي ...
الظابط كان لسه هيقرب منه بس ايهاب ضغط علي الزناد وهو علي وشك يضرب الرصاصه في دماغها ...
وأقسم بالله لو قربت خطوه كمان هم*وتها ...
داليدا وهي بتتكلم بخوف : ه هت*مو*تني يا أيهاب
ايهاب بحده: اخررررسي
داليدا دموعها كانت نازله علي خدها وحست أن الدنيا اسودت في اللحظه ديه وفقدت الوعي بين ايديه ..
ايهاب بقلق وهو بيسيب المسدس وبياخدها في حضنه ...
داليدا ..
في اللحظه ديه الشرطه استغلت الموقف وكانوا هيقربوا من ايهاب بس ايهاب اخد المسدس من الأرض وحطه علي رأسه ...
لو حد قرب هم*وت نفسي ..
الظابط: ايهاب اللي بتعمله ده مش هيفيدك بحاجه ،انت لازم تسلم نفسك يا ايهاب
ايهاب كان بيبصلهم بشرود ودموع في نفس الوقت ،ضغط علي الزناد ونطق الشهاده ولسه هيضرب نار وقف وهو بيسمعها بتنادي عليه ....
ايهاب متعملش كده عشان خاطري ..
ايهاب بصلها بشرود وبص لكل اللي حواليه ،مر عليه شريط حياته من لحظه ماكان طفل ،مر وجود داليدا في حياته واللي ضاف لحياته معني جديد،مر حبه ليها ،خوفه عليها،غيرته،حبها اللي كان بيكبر جواه وهو بيسال نفسه كل يوم ازاي انا خالها وأحبها الحب ده وكأنها حبيبتي مش بنت اختي ،مر عليه اليوم اللي عرف فيه أن انتصار مش مامته،مر عليه صدمته اللي مقدرش يستوعبها حتي لحد الوقت ده! مرت حاجات كتير قدامه ،ومر قدامه كل الناس اللي بيحبهم واللي كلهم خ*ذلوه،محدش فيهم نصفه ،فيعيش ليه وخاصه أنه عارف أنه حتي البنت الوحيده اللي بيحبها ،بقت تكره بسبب اللي عرفته ....
ايهاب بخفوت ودموع وهو بيحط الم*سدس علي دماغه مره تانيه وبيضغط علي الزناد:سامحيني ياداليدا ،انا بحبك
لاااااااااااااااا ايهاااااب لاااااااا
#ظننته_خالي
#البارت_الرابع
داليدا ،داليدا فى ايه قومي داليدا ..
قامت منف*وضه من علي الس*رير وج*سمها كله عرق ،وهي بتتنفس بسرعه ور*عب وحاطه ايديها علي قلبها ،وهي بتفتكر الحلم الغريب اللي حلمته ده،لحظه قولتي حلم ؟!
داليدا بذهول ودموع : هو م*ات؟
امها باستغراب : هو مين اللي م*ات
داليدا وهي بتبص لمامتها بدموع وحرقه : خ خالو ، ت توء ايهاب ايهاب اللي كنت فاكراه خالي !
امها وهي بتحط ايديها علي جبينها تشوفها سخنه ولا لا : انتي كويسه يابنتي،ولا انتي لسه نايمه وبتحلمي ولا ايه حكايتك ؟!
داليدا وهي بتقول بخفوت : بحلم !!!
مسحت دموعها ولفت بصت لمامتها وهي بتسألها بذهول وصدمه : يعني ايهاب مم*اتش !
امها باستغراب اكبر: ايهاب مين يابنتي ؟!
داليدا : ايهاب ابن اختك
امها وهي بتضرب كف علي كف بجنون : لا حول ولا قوه الا بالله الروايات كلت مخك
داليدا وهي بتقوم تقف علي السرير وبجنون : يعني ،يعني ايهاب مش ابن خاله امي ،ومش تاجر مخ*درات ؟! نهار ملهوش الوان ،يعني ايهاب عايش !!
امها وهي بت*رمي شبشب طاير في وشها: ايهاب مين يابنت العبيطه فوقي ،انتي سنجل بائسه محدش معبرك ياب*ومه هو انتي بتدي لحد فرصه يق*ربلك و...
داليدا بمقاطعه: بسسسس والله مانتي مكمله سيبيلي انا الطلعه ديه ..
ده انتي كل اللي يكلمك ياخد بلوك ،وترجعي تقولي هو احنا مش بنتحب ليه ياجماعه ،وهتتحبي ازاي ياختي وانتي بتصدي كل حد يكلمك ،ها هترتبطي وتحبي ازاي يا آخره صبري م*نك لله الضغط علي عليا ...
وبصت لمامتها،وسالتها وهي بتقفل عينيها نص قفله: الضغط علي ولا لسه يامزه ؟؟
امها وهي بتبصلها بقرف وبتخرج من الاوضه وهي بتقول بغيظ: كت*ها ن*يله اللي عايزه خلف ..
داليدا قعدت علي السرير وهي بتفتكر الحلم ،وايهاب ،اللي كان في الحلم ،برغم انها متعرفش مين ايهاب ده ولا حتي شافته قبل كده ،بس كانت حاسه بآمان غريب في الحلم ،وفي نفس الوقت كانت مق*هوره لأنها اكتشفت أنه تاجر مخدرات،اكتر حاجه كانت وجعاها في الحلم أنه م*ات..
داليدا بشرود : ياتري مين ايهاب ده ،وليه حلمت بيه ،اشمعنا انا بالذات اللي حلمت بيه ؟؟
اتنهدت تنهيده طويله وقامت تاخد شاور وبعدها خرجت لبست هدومها عشان تروح الشغل ،صحيح نسيت اعرفكم ،الدكتوره داليدا ،عندها ٢٥ سنه متخرجه من كليه الطب بتشتغل في عياده صاحب باباها ،عايشه مع مامتها،وباباها عندها اخ اكبر منها بيشتغل ظابط ....
خرجت من الأوضه عشان تنزل الشغل ..
امها : يالا يابنتي تعالي افطري
داليدا من غير نفس : لا ياماما مش جعانه ،انا هنزل الشغل ..
امها : بس
داليدا بضيق : خلاص ياماما معلش انا مش قادره اكل ..
فتحت الباب ونزلت وراحت علي الشغل ..
احد الممرضات وهي بتجري علي داليدا : دكتوره داليدا تعالي بسرعه في واحد متصاب ..
داليدا بسرعه وهي بتجري : حضرولي اوضه العمليات بسرعه ..
دخلت داليدا وكانت لسه هتدخل تغير هدومها وقفت مكانها بصدمه لما شافت اخوها واقف وهدومه كلها د*م وعيونه حمراء من كتر الدموع ...
عمر في ايه ؟!
قالتها داليدا بلهفه وقلق وهي بتقرب من اخوها ..
عمر بدموع : داليدا الحقي ايهاب ياداليدا ،
داليدا بصدمه : ا ايهاب مين ،ا ايهاب
عمر : ايهاب صاحبي ،ا اكتشف بعد سنين طويله أنه مش عايش مع عيلته الحقيقيه وحاول ين*تحر ..
حطت ايديها علي بوقها ،مكانتش مستوعبه ابدا اللي بيحصل ،يعني معقوله معظم الحلم اللي حلمته كان صح ،ط طب معقوله ايهاب اللي كان في الحلم هو ،هو صاحب اخوها ،الصدمه شلت عقلها عن التفكير !
فضولها وقلقها خلاها تجري علي اوضه العمليات ...
بصت علي الشخص اللي كان نايم علي السرير ،بينزف بشده ،
بالرغم من قلقها وصدمتها أن اللي نايم هو ،هو ايهاب اللي كان في الحلم ،الا أنها حاولت تجمع قوتها،حاولت تثبت عشان تقوم بشغلها علي اكمل وجه وتنفذ مريض ...
فاتت ساعه ورا التانيه وداليدا هي الدكتوره المشرفه علي حالته ،وبفضل ربنا اولا وبعدين فضلها قدروا يتحكموا في النزيف ..
داليدا وهي بتزفر براحه : الحمدلله
ولفت للممرضين وقالت بحذر : يفضل تحت المراقبه ٢٤ ساعه واي جديد تعرفوني
الممرضه : تمام يادكتور ..
داليدا اتنهدت وبصتله بحزن ،هو صعبان عليها اوي ،في الحلم عايش في كذ*به ،وحتي في الواقع طلع عايش في ك*ذبه !!
بس اللي كانت مستغرباه أنه ليه هي بالذات تحلم بيه ،طب ليه كان بيقولها في الحلم متسبنيش ،الف ليه وليه جت في بالها ومكانتش لاقيه اجابه واحده تريح بالها ..
خرجت من الأوضه وأخوها قرب منها بلهفه وقلق ..
ها ياداليدا طمنيني
داليدا بابتسامه هاديه : اهدي الحمد لله صاحبك بخير ،قدرت اوقف النزيف ،بس هيفضل تحت الملاحظه ٢٤ ساعه لحد ما يفوق ..
عمر وهو بيزفر براحه : الحمد لله
داليدا بفضول : ه هو ايه اللي حصل بالظبط
عمر وهو بيتنهد : هحكيلك ...
داليدا : طب تعالي في مكتبي ..
راحوا علي المكتب وعمر قاعد ساند رأسه علي المكتب بتعب ...
داليدا بشفقه: انت كويس ياعمر
عمر بتنهيده طويله وكلها حزن : لا
داليدا بحنان : ط طب ايه اللي حصل
عمر : ايهاب صاحبي اكتشف بعد تلاتين سنه أنه مش عايش عيلته الحقيقيه
داليدا وهي بتبلع ريقها بتوتر : ا ازاي يعني
عمر : زي الناس ،هو كان في دار ايتام وهو طفل ،وهما اتبنوه ...
داليدا : ط طب ميعرفش مين عيلته الحقيقيه ؟!
عمر وهو بيهز رأسه : لا للاسف
داليدا : ط طب مامته ا أو يعني اللي كان فاكرها مامته،متعرفش أنه حاول ينت*حر !
عمر بغل وحقد : عرفت
داليدا باستغراب من جح*ودها: و ولما هي عرفت ازاي متجيش تتطمن عليه ! ،ده اللي بيربي ك*لب أو قطه بيبقوا خايفين عليهم لما بيتعبوا،للدرجادي قلبها حجر ؟!
عمر بكره: واكتر ،واكتر ياداليدا
داليدا وهي بتطبطب عليه برقه: متقلقش ياحبيبي ان شاء الله هيكون كويس ،يالا قوم روح البيت وكل لقمه وغير هدومك ونام شويه ..
عمر.: لا طبعا ،انا مش هسيب ايهاب صاحبي
داليدا : حبيبي انا موجوده هنا صدقني لو حصل اي حاجه هبلغك علي طول ،بس انت لازم ترتاح عشان تقدر تقف مع صاحبك ،يالا اسمع الكلام وقوم روح ..
عمر وهو بيتنهد بقله حيله : حاضر ،داليدا
داليدا : نعم ياحبيبي؟!
عمر بحزن : خلي بالك من ايهاب
داليدا بدون وعي : في عينيا
عمر هز رأسه وخرج من الأوضه وهي سندت ايديها الاتنين علي المكتب واتنهدت بقله حيله ...
كان جواها فضول تعرف حكايته اكتر ،كانت عايزه تعرف هو ليه أهله بعد كل السنين ديه يعرفوه أنه مش ابنهم ،طب حتي ليه بعد ما حاول ينتحر محدش يعبره ،او يخاف عليه ،محدش يبقي ملهوف يتطمن عليه،وكأنهم ماصدقوا أنه ،انه ي*موت ؟! افتكرت في الوقت ده الحلم وافتكرت لما قالها ،متسبنيش ..
داليدا بحزن : مش هسيبك يا ايهاب ،استحاله اسيبك من بعد النهارده ..
كملت داليدا شغلها وهي كل شويه تدخل اوضه ايهاب تتطمن عليه ،كانت مستغربه نفسها اوي ،لاول مره تبقي خايفة علي
حد كده
امممممم امممم
داليدا كانت في الأوضه واتنفضت من مكانها وهو بيحرك رأسه وبيقول كلام مش مفهوم وهو بيحاول يفتح عينه ...
داليدا بقلق: ا ايهاب ،ايهاب انت سامعني !
فتح عينيه ببطئ ،رمشت اكتر من مره وهو بيحاول يفتح عينه ،لحد ما شاف داليدا بوضوح ...
ايهاب بتعب : ا انتي مين ؟!
داليدا بتوتر : ا انا ،ا انا دكتور داليدا المشرفه علي حالتك ..
ايهاب وهو بيتنفس بتعب : ه هو انا مم*وتش ليه
داليدا بلهفه وخوف : بعد الشر عليك
ايهاب بسخريه وتعب : و وهو في شر اكتر من اللي انا فيه ؟!
قالها وهو بيحاول يقوم من مكانه ...
داليدا وهي بتقرب منه بقلق : ا انت رايح فين ؟!
ايهاب بتوهان وتعب : م مش عارف ،صحيح تعرفي انا رايح فين
داليدا وهي بتقرب منه بشفقه وبتحاول تعدله: ارتاح بس عشان الجرح ميفتحش تاني ..
ايهاب بسخريه وحزن : خليه يفتح ،خليني ام*وت،ا اعيش ليه ؟!
داليدا كانت بتبص في عينيه بشفقه ،مدت ايديها من غير وعي تمسح دموعه اللي نزلت علي خده وقالت بهمس ..
انا معاك ..
ايهاب وهو بيبصلها وبهمس : انتي مين ؟!
داليدا: داليدا ،ا اخت عمر صاحبك
ايهاب بابتسامه وهو بيبصلها وبهمس: يااا كبرتي ياداليدا ،اخر مره شوفتك كنتي لسه في ابتدائي..
داليدا وهي بتبعد عنه بتوتر ووشها كله احمر : ا انت ك كنت بتيجي عندنا زمان ؟!
ايهاب وهو بيتنهد: ايوه
داليدا بتوتر: ط طب ثواني هنادي حد من الممرضين يساعدني عشان نعدلك
كانت لسه هتمشي بس ايهاب ش*دها من ايديها قبل ما تخرج وقال بهدوء : متناديش حد يا داليدا ،انا همشي
داليدا بتوتر وزعيق :ه هتمشي ،تروح فين انت مج*نون ؟!
ايهاب : لولا أني تعبان انا كنت عرفتك مين الم*جن*ون،بس افوق،وهعرفك يا ياصغنن ..
داليدا وهي يتشد ايديها من ايديه بغيظ : نينينيني انا مش صغنن ياعسل ،انا عندي٢٣ سنه
قالت جملتها وخرجت الفون بتاعها من جيب البالطو ورنت علي عمر .
عمر بلهفه : الو داليدا ايهاب كويس
داليدا : اهدي ياعمر اهدي صاحبك كويس ،بس شكل مخه ف*وت .
عمر باستغراب : ليه !
داليدا : اصله عايز يقوم يمشي
عمر بصدمه : ايه ،طب اقفلي انا جاي حالا ..
ايهاب كان بيبصلها ببرود وسخريه لحد ما خلصت ...
داليدا وهي بتبصله بغيظ : اهو جايلك اللي هيربيك يا استاذ ايهاب
ايهاب وهو بيضحك بسخريه : والله ؟! عمر اللي هيربيني مش كده
داليدا بغرور : طبعا
ايهاب هز رأسه بسخريه وحاول يفك المحلول اللي فى أيده ويقوم ...
داليدا بغضب وهي بتقرب منه : انت بتعاند ليه يابني ادم انت لسه في مرحله الخطر وممكن تنزف ..
ايهاب بحده وهو بيبص في عينيها: سيبيني يادكتوره ،افضلك ،افضل ما اعمل تصرف مش هيعجبك ..
داليدا بشجاعه وعناد : هتعمل ايه يعني ؟! هت*ض*ربني بال*نار ولا هتخطفني زي الحلم وتتجوزني غص*ب عني واكتشف في الاخر انك بتشتغل مع طارق المليجي !!
ايهاب باستغراب : حلم ايه وااخطفك ايه وطارق المليجي مين ،انتي عب*يطه يابت !!
داليدا بخفوت: ايه اله*طل اللي انا بقوله ده ،صحيح ماهو هيعرف منين اني كنت بحلم حلم عجيب كله تخريف في تخريف ،انا حلي الوحيد اني منمش تاني عشان كده خطر عليا ،خايفه احلم مره اني بطير علي طبق مكرونه بالكبده ...
ايهاب باستغراب : انتي بتقولي ايه يابت انتي ؟!
داليدا بتوتر : ا احم لو سمحت احترمني شويه ،واتهد بقي ها اتهد بدل ما اخليهم يدوك بنج ونخلص من الهيصه ديه ...
قالت جملتها وكانت لسه هتخرج لقت اخوها داخل الأوضه بلهفه وفرح ..
ايهاب حمدالله علي سلامتك ..
داليدا وهي بتبصله بغيظ وشموخ : اهو جالك اللي هيربيك اهو ،انا خارجه ،عقل صاحبك ياعمر عشان خلقي ضيق ها عقله ...
قالت جملتها وخرجت وهي ب*تد*بدب في الأرض ب*غيظ وايهاب بيبصلها بذهول وصدمه ...
ايهاب لعمر : هي عب*يطه ولا ايه ؟!
عمر بضحك : اه واقعه علي دماغها وهي صغيره
ايهاب : ديه هوبه خالص ..
عمر وهو بيقرب منه وبحزن: حمد لله علي سلامتك يا صاحبي ،كده برضو كده تقلقني عليك ،عايز تم*وت وتسيبني يا ايهاب
ايهاب وهو بيتنهد تنهيده كلها وجع وحزن : اللي عرفته مكانش سهل ابدا ياعمر ،ابدا ،تخيل تبقي عايش ٣٠ سنه مع عيله مش عيلتك ،ولما تكتشف انهم مش عيلتك وتروح تواجههم وته*ددهم انك هتن*تحر لو مقالوش فين عيلتك الحقيقيه ،ياخدوا الموضوع بسخريه ،ويتخلوا عنك بكل سهوله ،انا في ن*ار جوايا ياعمر ...
ايهاب كان بيقول الكلام ده وهو بيعيط ،عمر اخده في حضنه وطبطب عليه بشفقه ،هو صاحبه الوحيد دلوقتي ...
يالهويي ياسااتر يارب الطف بينا يارب ايه اللي انا شيفاه ده نهار ملهوش الوان حد ينادي حد ...
ديه كانت جمله داليدا اللي خرجت من الاوضه ووقفت ورا الباب وكانت سامعه كل حرف أيهاب قاله واشفقت عليه وقررت تدخل تعمل جو من البهجة عشان تخفف عنه...
ايهاب وهو بيبعد عن عمر بغيظ: اوعي ياعمر ،اوعي متمسكنيش ..
عمر بقلق وخوف : ا اهدي ياصاحبي معلش امسحها فيا ،مانا قولتلك دماغها لاس*عه ..
داليدا وهي بتشه*ق بعن*ف : انا دماغي لاسعه
عمر بضحكه صفراء وهو بيجز علي أسنانه : اخرسي هي*بلعك
داليدا بتوتر وهي بتبلع ريقها : هو بي*بلع بني ادمين ؟!
عمر بخفوت : ممكن يبلعني انا شخصيا
داليدا : ياماااامي اللهم احفظنا يارب ..
ايهاب وهو بيتنهد بضيق : عمر انا عايز امشي من هنا ..
عمر : بس انت لسه تعبان ياايهاب..
ايهاب : مش هقدر اقعد هنا دقيقه واحده ياعمر الله يخليك خرجني من هنا ...
عمر : طب هو ينفع يخرج ويكمل علاج من البيت ياداليدا ..
داليدا : ايوه بس محتاج رعاية طبية
عمر : تمام مانتي معانا
داليدا باستغراب : مش فاهمه
عمر : ما ايهاب هيجي معانا البيت طبعا
ايهاب : بس
عمر بصرامه : مش عايز اسمع اعتراض ياايهاب ..داليدا
داليدا بتوتر من فكره أنه هيكون معاهم في البيت : ن نعم
عمر : خلصي إجراءات الخروج عشان نمشي
داليدا : حاضر
مر يوم ورا التاني والعيله كلها كانت بتهتم بايهاب،بالرغم من أنه كان زعلان علي فق*دان عائلته اللي ربته إلا أن عيله داليدا محسستهوش بكده ابدا بل بالعكس ،كانوا دايما معاه وفي ظهره وبيحاولوا يخففوا عنه حتي داليدا اللي معظم الوقت كانت بتتخ*انق معاه علي اي سبب بس هي من جواها كانت مشفقه عليه وبدأت تحبه ،او هي اصلا حبته من ساعه الحلم ..
بعد مرور أسبوعين ..
كانت داليدا رايحه الشغل كالعاده وخرجت من الأوضه مكانش فيه حد ،سمعت صوت في أوضته ،كانت الساعه ٨ الصبح ...
بلعت ريقها وهي بتقرب من الاوضه: هو ايه اللي مصحيه ده ،احم أما اخبط كده يمكن يكون تعبان
خبطت الباب وهو فتحلها ،كان لابس هدوم خروج..
داليدا بتوتر : ا احم صباح الخير
ايهاب بهدوء.: صباح النور ياداليدا
داليدا : ه هو انت رايح فين ؟!
ايهاب بابتسامه هادئه: انا همشي كفايه عليكوا اوي كده انا تقلت عليكوا
داليدا الدموع اتجمعت في عينيها وقالت بتوتر : ه هتمشي ؟!
ايهاب : ايوه انا الحمد لله بقيت كويس ،ان الآوان امشي بقي !
داليدا وهي بتهز رأسها بدموع : ل لا
ايهاب باستغراب وقلق : انتي بتعيطي
داليدا بدموع : م متمشيش يا ايهاب
ايهاب بهمس: ليه
داليدا بتوتر : ع عشان ع عشان
ايهاب بتساؤل: انتي بتحبيني ياداليدا ؟!
داليدا وهي بتفرك ايديها بتوتر : ا انا
ايهاب وهو بي*رفع وشها بايديه : لو قولتيها هفضل ..
داليدا وهي بتبص في عينيه وبدموع : ا أنا بحبك يا ايهاب ،بحبك من زمان اوي ،من قبل ما اشوفك،بحبك من وانت في حلمي
ايهاب باستغراب : وانا في حلمك ؟!
داليدا وهي بتضحك برقه : اه ياخالو
ايهاب بضحك : كمان خالو ؟!
داليدا : هتصدقني لو قولتلك اني حلمت أنك خالي وبعدين ابن خاله مامتي وبعدين جوزي ،وكنت تاجر مخ*درات قد الدنيا ،وبعدين و
ايهاب : وبعدين ايه ؟!
داليدا بدموع : وبعدين انت انت*حرت
ايهاب بمرح : ايه الحلم المضحك ده يابنتي ،انتي شويه شويه وهتقوليلي حلمت أني سايقه طبق كشري
داليدا بضحك : ههههههههههههه تصدق بالله مره حلمت بكده !
ايهاب :. امممممم ده أنا شكلي هتدبس
داليدا باستغراب : هتدبس في ايه
ايهاب وهو بيهز،راسه بيأس: ياعمررر
عمر كان في أوضته بيلبس هدومه وخرج من الاوضه باستغراب: في ايه ياايهاب مالك علي الصبح ..
ايهاب : في اني عايز اتجوز اختك ياعم
عمر : ياسااتر للدرجادي مستغني
عن حياتك
ايهاب : الحب يا اميررر
عمر بغيظ : طب احترمني طب
ايهاب : ياعم اتلقح انت اصلا مهزق
عمر : احم حبيبي يابا الله يخليك
داليدا : افهم من كده انك موافق ياعمر
عمر بتريقه :اه ياختي البيت كله موافق
داليدا باستغراب : ايه ده هما يعرفوا منين ؟!
عمر بضحك : انتوا مفض*وحين ياعسل
داليدا : يبقي على بركه الله المآذون ياااااا لولولولولولولي
وجودك بس في الدنيا ونس واصحاب وتحويشه❤️
طبعا كل ده خيال من وحي الكاتبه اللي هي انا ،ومفيش اي حاجه من ديه ممكن تحصل أو حد فينا ممكن يحلم بحد ويحبه ويلاقيه في الواقع ،وايهاب ده شخصيه خياليه ولو اني بكراش عليه 😂🙂
تاني حاجه حابه اشكركم جدا جدا علي كل كومنت لطيف اتكتب وفرحني واسفه اني مش بقدر ارد علي حد بس كلكم في قلبي جدا وبحبكم ❤️❤️❤️
تمت
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
الوسوم:
روايات وقصص