سكريبت حبيبتي بالتبني البارت الأول بقلم زهرة الربيع حصريه وجديده على مدونة أفكارنا
 |
سكريبت حبيبتي بالتبني البارت الأول بقلم زهرة الربيع حصريه وجديده على مدونة أفكارنا
يعني كيف معوزنهاش دي بت هتبقو مبسوطين لو اترمت في الشوارع وحد غواها ولا اذاها مش دي عرضكم ولا ايه
واحد منهم بصلو بضيق وقال..اسمع يا قاسم بيه البت دي امها هربت منينا واتجوزت واحد من البندر مش موافقين عليه ..واحنا اتبرينا منها واعتبرنا نفسنا لا أهلها ولا نعرفها ...يعني هيه وامها اللي ميجوزلهاش غير الرحمه ميلزموناش..من ايام قبل موتها جابت البت وجات وقالت دي بتي واحنا مشيناها كيف دلوك بعد ما ماتت عايزنا نربولها بلوتها لا والف لا احنا منعرفهاش ولا هناخد البت ولو حكمت نقتلها هنقتلها
قاسم اتنهد لما ملقاش منهم اي امل رغم محاولاتو
وذاد الكلام في المجلس وصوتهم بدأ يعلى
قاسم وقف بغضب وقال..خلاص اكتمو...هيه البت اسمها ايه
واحد منهم قال بضيق..اسمها شوق جنابك
قاسم قال بحزم....شوق...تمام ..البت دي من اليوم مسأوله مني انا هدور على ابوها او اعمامها..وهرجعهالهم ولحد الوقت ده هتفضل في داري واعتبروني اتبنيتها ومن اهل بيتي غورو دلوك وابعتوهالي على اهنه
بقلم...زهرة الربيع
واحد منهم قال بدهشه..تتبناها....وتفضل في دارك ...كيف دي....
التاني غمزه وقال بسرعه...خير ما عملت يا عمده
...وربنا يجزيك خير بالاذن احنا.....ومشيو كلهم
اول ما طلعو واحد منهم قال باستغراب ..سكتني ليه كان لازم اقوله
التاني قال بضيق..ونقوله ليه خلينا نخلص من ورطتها وهو يعمل اللي عايزه ويتصرف بقى
اما قاسم اتنهد بأسف ووقف ونادى لواحد من الغفر وقال..اسمع يا اسماعيل...بعد شويه عيلة رشوان هيجيبو بنيه يتيمه هنه اسمها شوق ..خد بالك عليها واوعى تطلع على السطح لتوقع...ولو لقيتها بتبكي حايلها باي حاجه او خدها على الدكان وجبلها لعبه او حاجه تاكلها
الغفير قال..امر جنابك
قاسم كمل وقال ..جدي بايت في العزبه انا هعاود بدري مهتأخرش بس اكل البت كيف ما قولتلك ونيمها ولو عازت اي حاجه اديهالها دي بنيه يتيمه وأهلها كلهم مبهدلينها خد بالك ليها
الغفير قال ..حاضر يا عمده ....وقاسم مشي
بعد شويه جيه واحد ومعاه بنت جميله جدا اقل من عشرين سنه واول ما وصلها عند السرايا دفعها بغيظ وقال...خشي جوه مرمطتيني
شهقت بردح وقالت...الاهي تتمرمط كمان وكمان ..وتصحى في عز الصيف بردان ...وتفضل تتنطط زي ابو قردان.. قادر يا كريم
الراجل بصلها بغيظ ولسه هيتكلم جيه الغفير وقال..فيه ايه مين دي يا مصلحي
مصلحي زقها وقال بسرعه وارتباك..دي ضيفه العمده قولو دي شوق...سلام عليكم
وجري بسرعه قبل ما يسأله والغير كان بيبصلها بزهول من لبسها وشكلها وكانت بنت كبيره وكلها انوثه استغرب كلام العمده وقال بغباوه..ااا..اهلا..اهلا بضيفه العمده..العمده زمانو جاي...اا.. اوعي تطلعي على السطح ..و...و لو عايزه تاكلي قوليلي..ولو عيزاني اجبلك لعبه من الدكان اروح الجبهالك
كانت بتبصلو ورافعه شفتها لفوق بدهشه وضيق وقالت ...هو ايه يوم المجانين ده...اللعبه دي توديها لأمك لا مؤاخذه هيه بتعرف للعب..بالألعاب يعني
واتجاهلتو ودخلت وهيه بتبص للمكان بزهول واعجاب وقالت ايه القصر ده....هما الأتراك بيجو يصورو هنا
وبقت تلف في السرايا لحد ما دخلت اوضة قاسم وكانت فخمه ومنظمة اترمت على السرير ويقت تبص للمكان لحد ما راحت في النوم
بعد ساعات جيه قاسم ودخل بتعب وهو متجاهل الغفير اللي كان بيقول بتوتر ..جنابك فيه موضوع مهم .و
قاسم قاطعو وقال وهو طالع السلم... مش اهم من اني جعان واقع خليهم يجعهزو الاكل وهاخد حمام وانزل اسمع مواضيعك المهمه يا اسماعيل
قاسم راح اوضتو وفتح الباب ودخل بتعب وقلع العبايه ولسه هيقلع الجلابيه اتصدم بشوق نايمه على السرير بهدوء.
قرب منها باستغراب وقال...مين دي
احم..بت..انتي يا بت قومي فزي
بقلم...زهرة الربيع
شوق قامت بخضه وبصتلو بعيونها الوساع بدهشه
قاسم اتسعت عنيها وهو بيتأمل ملامحها باعجاب وقال..اللهم صلي على كامل النور..انتي مين يا زينه..ومن وين اتحدفتي علينا
شوق بصتلو بضيق وقالت...ده ايه المعاكس اللي على الريق دي..هو انتو مبتفطروش ...مبتسقسقوش في كباية شاي حتى
بصلها باستغراب من كلامها ولبسها ولهجتها مكانتش صعيديه قال باستغراب..اتكلمي عدل يابت...انتي مين وكيف دخلتي اوضتي كده
شوق بصتلو بصدمه وقالت..يا اختي اصغنن..هو انت العمده انت العمده ازاي ده انا افتكرتك راجل عجوز وماصدق بقى وهتقرفني
قاسم قال بخنقه...انتي بتقولي ايه ردي على سؤالي انتي ميين
شوق ضحكت بخفه وقالت....انا شوق...انا اللي باعتني ليك عيلة رشوان
قاسم اتسعت عنيه لحد ما كانو هيطلعو من مكانهم وهو بيبصلها من قوق لتحت بسرعه وصدمه وقال...شوق..هو انتي ال
قاطعتو وقالت بضحك..ايوووه انا اللي انت ادبست فيها... مبروك عليك انا ...والدلع والهنا ووووو
😂😂
الجديد الجامد والشديد الاسكربت ده روعه ارفعو الرتش انطلقوووو🏃♀️
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺