رواية عشق الروح الحلقة السادسة عشر حتى الحلقه السادسه والعشرون والاخيره حصريه وجديده على مدونة أفكارنا

 رواية عشق الروح الحلقة السادسة عشر حتى الحلقه السادسه والعشرون والاخيره حصريه وجديده على مدونة أفكارنا 

رواية عشق الروح الحلقة السادسة عشر حتى الحلقه السادسه والعشرون والاخيره حصريه وجديده على مدونة أفكارنا 

طرق علي باب غرفتها , اذنت للطارق بالدخول , وجدته عمر

ابتسمت له في هدوء

جلس امامها علي الفراش , سألها عن احوالها ثم 

صمت !

أيطرق باب غرفتها في مثل ذلك الوقت المتأخر من الليل ليسألها عن احوالها !

آسيا : مالك يا عمر ؟؟ عاوز تقول حاجة ؟؟؟

عمر : بصراحه اه , موضوع كده يخصك و عاوز فيه رأيك بعد ما تفكري علي مهلك

آسيا ( بتوجس) : موضوع ايه يا عمر ؟؟؟

عمر ( بهدوء ) : معتز كلمني و طلب ايدك مني يا آسيا ..

لوهله شعرت انها فقدت قدرتها علي الاستيعاب 

سألته بذهول عدم فهم 

- معتز ! طلب ايدي ازاي ؟!!

عمر ( بهدوء) : يعني عاوز يتجوزك يا آسيا

شعرت بخنجر مسموم غُرز في صميم قلبها المجروح , ليجرحه جرح اعمق اشد

اشتد ألم قلبها و ضاق صدرها و فقدت قدرتها علي التنفس بصوره طبيعية , صدرها بات يعلو يهبط في جنون

معتز يريدها زوجه له !! في حياتها لم تتخيل نفسها سوي زوجه لآدم فقط !!!

أيعقل ان تكون زوجه لغيره ؟!!

لكن هي من رفضت سماعه , هي من ابتعدت عنه , هي من لم تعطيه فرصة صممت علي النسان , هي من قسي قلبها 

لكن هو كذب عليها , هو خدعها , هو غشها , استهان بها و بمشاعرها 

استخف بعقلها 

لكن هل ما فعله يستحق منها ان تعاقبه تعاقب نفسها بهذة الطريقة ؟!!! من الممكن ان يكون له عذره اسبابه ؟؟؟ّ! 

لو سمعته فقط لكانت ارتاحت من حيرتها علي الاقل , لكانت وجدت سبباً منطقياً مقنعاً لما حدث له 

في رأسها الف سؤال , ما من اجابه 

لو سمعته فقط !!

منذ متي كانت بتلك القسوة و ذلك الغباء !!

افتقدته , اشتاقت اليه كثيراً , اشتاقت لصوته , لأهتمامه , لحنانه , لغيرته , لكلمه سيندريلا التي كان ينعتها بها , لكلمه " بحبك " حين كان تخرج من بين شفتيه لتغمرها بمشاعرهوجاء لم تذقها من قبل , لم تشعر بها الا معه

تحاول ان تبدو قويه , متماسكه , تدعي القسوة و البرود لكن ما بدالها عكس كل ذلك تماماً , بداخلها بركان مشتعل غضباً حزناً ألماً 

عقلها يكرهه قلبها يعشقه

عقلها يتمناه و قلبها يرفضه

صرااااع بداخلها كاد ان يقضي عليها

لم تشعر بدوعها و هي تنهمر علي وجنتيها

لم تري الألم الذي ظهر جلياً في عينها

لم تدرك ان عمر يراها في تلك الحاله و انها ليست وحيده في غرفتها !

لكنها لم تعد تتحمل , تحبه تكرهه في آن واحد 

تشتهي صفعه ثم ضمه الي صدرها بحنان !!!

اااااه يا آدم لقد قدتني الي الجنون !!

كان عمر يتابعها كل ذلك في صمت

في البدايه مندهشة مذهوله ثم حزينه ثم ظهر الألم جلياً في عينها ثم انهمرت دموعهل و انتفض جسدها

فقط لو يعلم ما بها ؟!!!

فقد قدرته علي الصبر اكثر من ذلك

افاقها من دوامه شرودها و آلامها بصوته القوي هو يقول 

- فيكي ايييه يا آسيا ؟!!!! بعد كل ده و بردو عاوزه تقنعيني انه مفيش حاجة !!!

افاقت علي صوته لتنظر اليه بذهول كأنها تسأله ما الذي اتي بك الآن !! 

لم تشعر بنفسها و هي ترتمي بين احضانه لتبكي بعنف

ضمها حنان ظل يربط علي ظهرها يهدئها الي ان هدأت قليلاً

ابتعدت عنه بهدوء و مسحت دموعها بكفيها حاولت رسم ابتسامه فوق شفتيها لتطمئنه فقط 

ثم قالت بهدوء عكس تماماً ذلك البركان الثائر بداخلها

- مفيش حاجة يا عمر , انا بس تعبانه و مخنوقة , موضوع معتز ده فاجئني و لخبطني , اناا....انا تايهه اوي مش عارفه المفروض اعمل ايه

عمر : ايه اللي تعبك , ايه اللي وجعك يا آسيا مخلي الألم يظهر في عنيكي كده ؟!!!

اخفضت بصرها , ابتعدت بعيونها عنه عينيه و لكن بعد فوات الاوان , لمح الألم في عينها انتهي الامر 

هل الألم بات واضحاً عينها الي تلك الدرجه ؟!!

اصبحت مكشوفه !!

تنهدت بعمق و اجابته بهدوء

- هبقي كويسه يا عمر صدقني , ماتخفش عليا 

تنهد بضيق

تُصر علي عدم اخباره , حاول كثيرأً لكنها عنيده , عنيده جداً

عمر : اللي يريحك يا آسيا , المهم فكري في طلب معتز انا مستني رأيك 

هزت رأسها بالايجاب بهدوء

قَبل جبينها اخبرها هامساً انه الي جوارها دائماً , في اي وقت تحتاجه سوف تجده

----------------------------------------------------- 

يموت ببطئ

ليس لحياته معني لا قيمه , هي الوحيده القادره علي اعاده الحياة اليه من جدبد , لكنها و بمنتهي البساطة قررت الابتعاد !!

جروح وجهه هي السبب , لأول مرة يكرهها !!! لم يكره تشوهه من قبل مثل ما هو يكرهه حالياً 

يتطلع الي صورها علي هاتفه في ألم و عذاب 

اشتقت اليك كثيراً حبيبتي , اموت بدونك 

سمع صوت الجرس 

قام بتثاقل ليفتح الباب , لابد انه علي , لا احد يزوره غيره

وجده هو بالفعل , فتح له الباب تركه واقفاً دون حتي ان يدعوه الي الدخول دخل هو و استلقي علي الاريكه

دخل علي ورائه اغلق الباب بهدوء

وقف امامه قائلا بصرامه 

علي : انت مش ناوي تفوق لنفسك بقي ؟!!!

آدم ( بسخريه مريره ) : هي فين نفسي دي ! روحي اخدتها مشيت .. ضاعت و ضعت

علي : لااا مضعتش و لا حاجة , مفيش حد بيموت ورا حد يا آدم , فوووووق بقي

آدم ( بغضب و شراسة ) : لاااا في يا علي .. في .. لما تبقي روحك متعلقه بحد و يروح روحك بتروح معاه

علي : هتفضل كده يعني ؟!!

آدم : عارف .. نفسي اوي اروحلها , امسكها من شعرها و اخليها تبص لي و تسمعني لحد ما اخلص كلامي , بعدين ... 

علي : بعدين ايه يا آدم ؟؟

آدم : بعدين اخدها في حضني !!! انا.. انا هعرف انسيها يا علي .. هعرف اداوي اي جرح سببته لها من غير قصد ... 

قام وقف بهدوء امام المرآه الكبيرة الموجوده ببهو الفيلا و ظل يتطلع الي صورته في المرآه 

- انا شكلي يخوف للدرجه يا علي ؟؟

باغت علي بالسؤال , لم يعرف بماذا يرد ؟!!

صمت..

ابتسم آدم بسخرية 

- بخوف مش كده !

نظر له علي باشفاق 

- كفايا تعذب في روحك يا آدم , ارحم نفسك .. لامش بتخوف مش بتخوف يا آدم !

التفت اليه قائلاً بمراره

- امال هي ليه خافت مني كده ؟!!

علي : اتفاجئت ! المفاجئة تعمل اكتر من كده يا آدم 

آدم : بس هي قالت بتحبني ! اللي بيحب بيسامح مش بيدبح !!! 

دبحتني ببعدها ....

وعدتني مش هتخذلني , خذلتني 

خذلتني لما مرضيتش تسمعني 

هي كمان كدبت عليا يا علي !

-----------------------------------------------------

- الوو

طارق : ازيك ؟؟

شروق ( بدهشة ) : ما احنا كنا بنتكلم علي الفيس , اتصلت ليه ؟؟

طارق : عشان اعرف مضايقه من ايه 

شروق : مين قالك اني مضايقه ؟!!

طارق : حسيت من طريقة كلامك 

شروق ( دون وعي ) : و اشمعني هو مبيحسش !!!

طارق ( بدهشة ) : هو مين ده ؟! أيمن ؟؟

صمتت..

علم ان تخمينه صحيحاً

تنهد بيأس 

طارق : انتوا علي طول بتتخانقوا كده يا شروق

شروق : ليه يا طارق كل الناس ممكن تحس بيا و تفهمني الا هو ؟!! جوزي اللي المفروض يكون اقرب حد ليا , ايعد حد عني .. ليه !!

طارق ( بهدوء) : ممكن ميكونش قاصد يبعد يا شروق , حاولي انتي تقربيه منك , احكي له عنك , شاركيه في كل حاجة تخصك حتي لو غصب عنه , بعد كده هيتعود علي قربك هو اللي هيسأل لوحده , هو اللي هيهتم من نفسه , الراجل بياخد وقت علي ما يتعود علي وجود ست في حياته , مسئوله منه مسؤليه كامله 

شروق ( بسخريه) : ايه هقحمه في حياتي بالعافيه يعني و هشحت منه الحب و الاهتمام !!

طارق : انا مقولتش كده بس ...

قاطعته ( بهدوء) : طارق بليز انا مش عاوزة اتكلم في الموضوع ده , قولي عملت ايه في الشهر العقاري ؟؟ 

يؤلما الحديث عن زوجها قاسي القلب متبلد المشاعر 

احياناً تتظاهر بالنسيان احياناً اخري لا تقوي علي خداع نفسها اقناعها انها ليست تعيسه ! ليست وحيده , ليست نادمه علي قبولها الزواج منه من البدايه ! 

-----------------------------------------------------

- فكرتي في طلب معتز يا آسيا ؟؟

آسيا : بفكر

سمية : يا بنتي فات اسبوع و انتي لسة بتفكري , الموضوع مش محتاج كل الوقت و التفكير ده 

لا تعلم حقاً في ماذا تفكر !!! 

هي المخطئة من البداية لأنها تعاملت معه بلطف , لكن ...

هي كل انثي تتعامل مع رجل بود و لطف تعني انها تحبه !!!

اخيرته قبلا انها لا تحبه , فما الذي تغير الآن ؟؟؟

آسيا ( بهدوء) : بكرة هرد عليكي يا ماما 

-----------------------------------------------------

- انتي مجنونة يا بنتي !!! بتفكري ف ايه ؟!! انتي مبتحبيش معتز , هتتجوزيه ازاي ؟!!

آسيا : عملت ايه اللي حبيته , مبقتش فارقه , علي الاقل ضامنه ان معتز بيحبني

شروق : و انتي ؟؟

آسيا : انا مش مهم 

شروق : مش مهم انك تتجوزي راجل مبتحبيهوش !!! آسيا الحياه مع راجل مش بتحبيه صعبه اوي , اصعب مما ممكن تتخيلي 

متضيعيش حياتك في لحظة عشان قرار متهور قررتيه في لحظة يأس , لو مش عاوزة آدم انتي حرة , بس بلاش معتز , هتظلميه و تظلمني نفسك

آسيا ( بتنهيده ) : تعبت من الوجع يا شروق , نفسي انسي 

شروق : و فكرك كده هتنسي آدم ! انتي كده هتبقي خاينه يا شروق 

صعقتها الكلمه !!!

خاينه !!!!

سألتها في ذهول كبير 

- خاينه ازاي ؟!!

آسيا : لما تتجوزي راجل و انتي قلبك مع راجل تاني تبقي بتخونيه يا آسيا 

الخيانه مش بس جسديه !!

خيانه القلوب اصعب انواع الخيانه

هتبقي بتخونيه بقلبك احساسك و عمرك ما هتقدري تنسي آدم لحظة واحده 

æ عمر ربنا ما هيسامحك علي اللي هتعمليه في معتز لو اتجوزتيه و انتي بتفكري في غيره , فكري بعقلك اللي لاغتيه من كتير شوفي هيوصلك لفين !

كلمات شروق كانت قوية , لاذعه , بمثابه صفعه قوية تلقتها آسيا علي وجهها لتجعلها تفيق من هول تفكيرها المُهلك !!

تفكيرها اصبح مُهلك حقاً

تريد ان تنسي رجل برجل اخر !!!

انتفضت من تفكيرها !! كيف اوصلها الي هذا ؟!!

متي اصبحت انانية الي هذة الدرجة !! 

حقاً آدم قادها للجنون !!

-----------------------------------------------------

اشتاق اليها كثيراً , التحمل بات فوق طاقته 

فقط يسمع صوتها , يعرف اخبارها 

لا يتطلع الي اكثر من ذلك !!

حتي الفيس بوك وضعته فيه في القائمه المحظورة !! 

شعر بوغز في قلبه , حاول تجنبه هو يُنشئ حساب جديد له علي الفيس بوك , عله يعرف اي خبرعنها

حساب جديد بأسم جديد مستعار ايضاً

بلهفه كتب اسمها في البحث و فتح حسابها 

ليس من ضمن قائمه الاصدقاء , لا يستطيع ان يري الكثير هي لا تقبل اي طلبات صداقة من اشخاص لا تعرفهم

كان هو استثنائها الوحيد 

يكفيه الآن ما يستطيع رؤيته في حسابها 

مهما كان ضئيلاً 

فجأة شعر بقلبه يهبط بين قدميه انفاسه تتسارع روحه تكاد تفارق جسده من تلك الجمله اللعينه التي قرأتها , كتبتها لها احدي صديقاتها

ضربته في مقتل !!! 

" الف مبروك يا آسيا ,, ربنا يتمملك علي خير اشوفك بالفستان الابيض قريب "

الحلقة السابعة عشر

يكفيه الآن ما يستطيع رؤيته في حسابها 

مهما كان ضئيلاً 

فجأة شعر بقلبه يهبط بين قدميه و انفاسه تتسارع و روحه تكاد تفارق جسده من تلك الجمله اللعينه التي قرأتها , كتبتها لها احدي صديقاتها

ضربته في مقتل !!! 

" الف مبروك يا آسيا ,, ربنا يتمملك علي خير و اشوفك بالفستان الابيض قريب "

رمش بعينه عده مرات يتأكد مما قرأه 

نعم قرأه جيداً , لكن لا يفهمه !!

ماذا يعني ذلك ؟!!!

تقدم اخر لخطبتها !!!!! ستتزوج غيره؟!!!

سيحتضنها غيره , سيقبلها غيره , ستغفو كل ليله بين ذراعي غيره !!!!!!!

لا لااا مستحيل لن تكون لغيره ابداً مهما حدث 

آسيا ملكه وحده , و هو تعلم ان يحافظ علي ممتلكاته بقوه 

لكن لا يعلم كيف !! هل يحق له ذلك ؟!

هل من حقه آسرها مع رجل مشوه بقيه حياتها !!

لا بد ان يضحي من اجل سعادتها , لكن....

لااااا كله الا تلك التضحية !! لن يتحملها , حقاً لن يتحملها

لن يحبها احد مثله , لن يهتم بها احد مثله , عنده هو فقط ستجد كل ما تريده 

فقط تأتي و ستري !!

هب واقفا و ظل يجوب حديقة الفيلا ذهاباً و اياباً بلا هداوه

كان ان يجن , لا يعلم ماذا عليه ان يفعل

ايحططفها ثم يعتصرها بين احضانه الدافئه و يقبلها قبله يبث لها فيه كل شوقه و هيامه و يجبرها علي ان تبقي الي جواره و قبل كل ذلك يأسرها بعقد قران , بحلقة ذهبيه تلمع في يدها اليسري 

ااااااااه يا حبيبتي اكاد احترق شوقأً اليكي و رغبه بك ِ, لما لا تشعرين بي ؟!! ايعقل ان تكوني قد محوتيني من ذاكرتك و قلبك بهذة السرعة !!!

صرخ صرخه مدويه علها تخرج بغضاً من غضبه المكبوت 

و اقسم بداخله انها لن تكون لغيره مهما حدث ..

----------------------------------------------------

صباح اليوم التالي ..

تقف في شرفه غرفتها شارده كعادتها

افاقتها والدتها من شرودها 

سمية : آسيا , خدي كلمي 

انتبهت و نظرت الي والدتها وجدتها ممسكه بهاتف المنزل 

آسيا : مين يا ماما ؟؟

سمية : ده معتز

آسيا ( بدهشة) : معتز !! بيتصل ليه ؟! انا لسه مقولتش ردي علي الموضوع

سمية : مش عارفه بقي , خدي كلميه و انتي تعرفي هو عاوزك في ايه

التقطت الهاتف من يد والدتها التي ذهبت الي الخارج لتتركها تتحدث بحريه 

وضعت الهاتف علي اذنها 

آسيا ( بهدوء) : ايوة يا معتز 

معتز : ازيك ؟؟ بكلمك علي موبايلك مقفول 

آسيا : اه معلش فاصل شحن و نسيت اشحنه

معتز : مممممم طب انا عامل لك مفاجأه صغيره كده

آسيا : مفاجئه ايه ؟!

معتز : هتبقي مفاجأة ازاي لو قولت لك ؟؟؟ هتعرفي بالليل , هعدي عليكي الساعه 8 , تكوني جاهزه و لابسه احلي فستان عندك , عاوزك شبه سيندريلا 

صعقتها الكلمة !!! سيندريلا !!!!

ليس من حق احد ان ينعتها بهذة الكلمة غيره فقط !!!

كيف يجروء ؟!!!! 

دون وعي منها هبت فيه صارخه 

- انت نسيت نفسك ؟!!!!! ازاي تقول لي الكلمة دي ؟!!! ازاي تتكلم معايا كده ؟!!!!

اسمع يا معتز , انت اخوياااا زيك زي عمر بالضبط , شيل اي اوهام تانيه من دماااغك , انت فاااهم ؟!!!!

انا عمري ما هحبك , عمري مااااا هحبك

كانت تقول كلماتها و هي تصرخ و تبكي دون وعي !!!

انفتح الباب فجأة لتطل منه سمية التي اقبلت نحوها في خوف و لهفه 

تري ابنتها تهزي و هي تصرخ و تبكي , و لا تعلم السبب !!!

حاولت تهدئها لكنها باتت تبكي دون توقف , امسكت الهاتف منها و حاولت محادثة معتز علها تفهم شئ لكنهت وجدته قد اغلق الخط !!!

ماذا حدث ؟!!!!

ظلت آسيا تبكي و تبكي كأنها قد افاقت للتو للجرم الذي كانت سوف ترتكبه في حق معتز قبل حقها ان وافقت علي تلك الزيجة

كانت ستحطم قلبها و قلبه و قلب آدم !!

اصبحتِ مُدمرة يا آسيا ! اصبحتِ تحرقي قلب كل من اقترب منكِ

هدأت قليلاً , فاستطاعت سمية ان تتحدث اليها قائله بقلق 

- ايه اللي حصل يا آسيا ؟؟ الحمد الله ان ابوكي و اخوكي مكنوش هنا و شافوكي بالحاله دي

آسيا ( بارهاق) : مفيش يا ماما انا بس ....انا مش عاوزة اتجوز معتز 

سمية (بدهشة) : محسساني ليه اننا غصبناكي ؟!! احنا ادناكي مهله تفكري و انتي اللي كنتي لسة مقررتيش و مفيش اي حد ضغط عليكي !

آسيا : عارفه يا ماما , بس ده قراراي خلاص

سمية : مش قبل ما اعرف معتز قالك ايه خلاكي تقولي له الكلام ده

ماذا تقول لها ؟!! قد اثار غضبها حنقها لأنه تجرأ و نعتها بكلمة لا تحق له ! من حق شخص اخر !! شخص لا يعلم احد عنه شئ سواها !!

اخرجتها انها من شرودها 

- قالك اايه يا آسياا ؟؟؟!

آسيا ( بارتباك ) : مفيش يا ماما هو .. اناا .. انا بس حسيت انه بيضغط عليا عشان كده اتعصبت

سمية ( بغضب) : حسيتي !!! حرام عليكي يا آسيا انتي بهدلتيه !! قالك ايه يعني عشان كل ده ؟!!!!

آسيا ( بذهول ) : هو انا عكيت اوي كده ؟!!

سمية ( بغضب ) : يعني مكنتيش حاسه بنفسك ؟!!! دخل البيت من بابه و اتقدم و سيبنا ليكي القرار , محدش ضغط عليكي و لا استعجلك , تكون دي اخرتها يا آسيا ؟!!! مش عاوزه تتجوزيه كنتي قووولي و احنا نتصرف بطريقتنا بس مش تجرحيه و تبهدليه كده !!!! اقول ايه انا لأختي دلوقتي , ابص في وشها ازاي ؟!!

آسيا ( بحزن) : مكنش قصدي يا ماما .. و الله ما كان قصدي 

سمية ( بضيق ) : بقالك فترة مش انتي , بتتصرفي تصرفات غريبه عنك و عن شخصيتك , ربنا يهديكي يا بنتي .. ربنا يهديكي !!

---------------------------------------------------

-لو كانت الكلمات تقتل لكان قتيلاً الآن !!

جرحته , آلمته , اهانته بشده !! 

كل ذنبه انه احبها !! هل الحب اصبح ذنباً ؟!! 

كانت مفاجأته لها بمناسبة عيد مولدها !! اعد لها حفلاً فاخراً في احدي الفنادق الكبري , حفلاً خاصاً لا يضم سواهما , كان ينوي ان يمطرها بكلمات الحب و الغزل , ان يراقصها , ان يخبرها بمدي

عشقه لها , ان يقدم لها الهدية الثمينه التي اشتراها لها و قد كلفته الكثير 

كل ذلك ذهب مع الريح

سحقت احلامه تحت اقدامها

حطمت فؤاده 

نالت من كرامته

كفي !! كفي ذلاً و هواناً , كفي لم يعد يتحمل المزيد من الألم

فليذهب الحب الي الجحيم , لن يجرح قلبه المسكين اكثر من ذلك !!

----------------------------------------------------

نظرت الي هاتفها وجدت أيمن المتصل

ابتسمت بسخرية

اخيراً تذكر انه له زوجة !!

اجابته في هدوء

- نعم 

أيمن : ازيك يا حبيبتي ؟؟

شروق ( بسخرية) : فكرك لو كان جرالي حاجة كنت عرفت يعني , معتقتش اخباري هتفرق معاك في حاجة

أيمن ( بغضب ) : ايه الكلام الاهبل اللي بتقوله ده ؟!!! انتي مفيش فايده فيكي بردو ؟!!

شروق ( بغضب اكبر ) : انت اللي مفيش فايده فيك , بتكرر تاااااني نفس اللي عملته !! يا اخي ده انت تقريبا بتتصل بيا مرة كل يومين !! قولت مش هتغيب و غبت تااااااااني , خلاص يا أيمن خلاااص , انا معدش عندي صبر اتحمل اكتر من كده , انت هتفضل معلقني كده لحد امتي ؟!!! لا مني حرم أيمن الشناوي و لا مني شروق بتاعه زمان , اللي دايماً منطلقة و بتضحك و تهزر , بقيت شايله الهم !! انت مضفتليش اي حاجة من ساعة ما اتجوزتك , انت اخدت مني !! اخدت مني كتير اوي يا أيمن 

أيمن ( بغضب و صوت عالٍ ) : يووووووووة , انتي بقيتي حاجة لاااا تطاق !! , كل مكالمة بخناقة و قرررف , انا غلطان اني كلمتك و عبرتك اصلاااً و مش هرجع مصر الا بمزاجي يا شروووق , بمزاااجي انااا و بس سااامعه !! و مش راجع دلوقتي خالص 

ثم اغلق الهاتف في وجهها بعنف 

ظلت تنظر الي الهاتف بعد ان اغلق الخط و لأول مرة لم تبكي !! لا يستحق ان تبكي من اجله , لن تذرف الدموع من اجله مجدداً 

----------------------------------------------------

حزينه .. لم تكن تنوي جرحه , جرحته دون قصد , لكن هي الاخري مجروحه !

تعلم ان معتز ليس هو من تسبب في جرحها , لكن... 

هو من وقع في طريقها الآن !! اذن ذلك هو خطأة , نعم لم يُحسن اطلاقاً اختيار الوقت ليطلب طلب كهذا 

ضحكت بسخريه مريره , لا تضحكي علي نفسك اكثر من ذلك يا آسيا , اي وقت لن يكون مناسباً ! 

قلبك معلق بشخص واحد .. هو مالك مفتاحه كما كتبتي في دفترك الوردي سابقاً 

شعرت بحنين غريب اليه ! اي شئ منه الآن عله يهدأ النار المتوهجة داخل قلبها شوقاً و حزناً

فتحت حسابها علي الفيس بوك لتبحث في الرسائل , تقرأ رسائلهم القديمة , اي ذكري منه تروي شوقها 

لكن قبل ان تفتح الرسائل لاحظت تلك الرسائله المتروكه لها علي صفحتها الشخصية

Noha Mohamed 

" الف مبروك يا آسيا ,, ربنا يتمملك علي خير و اشوفك بالفستان الابيض قريب "

نظرت الي الكلام بدهشة , المخبولة !!!

مبروك علي ماذا ؟!! و اي فستان ابيض ذلك الذي تتحدث عنه ؟!!!

مسحت الرساله بسرعه وامسكت بهاتفها هاتفت شروق

- الو

آسيا : الله يهدك يا شروق

شروق ( بدهشة ) : نعم ؟!!

آسيا : انتي قولتي لنهي ايه خلاها تكتب لي الهباب اللي

علي الوول ده ؟!!

شروق : كاتبه ايه انا بقالي فترة مش بفتح 

آسيا : و لا انا كمان بفتح , فتحت من شوية اتفاجئت انها كاتبه لي "الف مبروك يا آسيا ,, ربنا يتمملك علي خير و اشوفك بالفستان الابيض قريب " و طبعاً كومنتات كتير بتسأل في ايه !!

افهم بقي قولتي لها ايه انتي الوحيدة اللي ليكي كلام معاها اكتر واحده

شروق ( بأرتباك ) : يعني .. هي كانت بتكلمني و .. فرحانه اوي بالطيار اللي متقدملها ده وطالعه بيه السما و بعدين سألت عليكي بغلاسة كده و حسيتها بترمي كلام يعني علي انك لسة مرتبطيش ف.......

آسيا ( بغضب) : انطقي قولتي لها ايه

شروق : من غير عصبيه و لا شتيمة ... قولت لها ان معتز ابن خالتك اتقدم لك و انك بتفكري .. بس و الله العظيم ما قولت اكتر من كده , معرفش هي جابت منين بقي ان وافقتي و بتبارك و الجو ده , دي عبيطة !

آسيا ( بغضب) : هي بردو اللي عبيطة !!! حسبي الله و نعم الوكيييل

شروق : و الله ما كان قصدي يا آسيا , انا بس معجبنيش طرقه كلامها فحبيت افهمها انك بيتقدم لك ناس و انتي اللي بتفكري , معرفش انها هتتجنن و تكتب كده من قبل ما تتأكد !! 

آسيا : طيب طيب انا هدخل اوضح لهم الموضوع احسن كل واحد يخترع فيلم من دماغه و انتي تاني مرة اياااكي 

تتصرفي من دماغك كده و لا تخكي اي حاجة لأي حد خصوصااااً نهي , اللي انتي عارفه ان مفيش عمار بيني و بينها اصلاً , معرفش و الله انتي مصحباها علي ايه ؟!!

شروق : يا بنتي مش مصحباها و لا حاجة بينا كلام علي خفيف كده كل فترة مش زي ما انتي فاكره

آسيا : مليش فيه اناا

شروق : خلاص يا ابلة سماح المرة دي 

آسيا : ابلة في عينك اقفلي بقي احسن مش طيقاكي

-----------------------------------------------------

الو

طارق : ايوة يا شروق , ازيك ؟؟

شروق : تمام , انت عامل ايه ؟

طارق : تمام الحمدلله , بقولك 

شروق : ممممممممم قول

طارق : ينفع اقابلك بكرة و نحتفل حلاوة الارض ؟؟

شروق ( ضاحكة ) : نحتفل !

طارق : ايوة طبعاً , طلعتي محامية شاطرة والله مع اني كنت شاكك

شروق (بغضب) : كده ؟! طب احتفل مع نفسك بقي

طارق ( ضاحكاً) : خلاص خلاص بهزر , المهم هعدي عليكي بكرة الساعة 7 اوكي ؟

شروق : هنروح فين ؟

طارق : مكان جديد هيعجبك , خليه مفاجأة 

شروق : و هو كذلك 

-----------------------------------------------------

مكانها المفضل , النيل معشوقها , و مقعدها الخاص

تجلس وحيدة حزينه شارده

اشتاقت له حد الجنون 

قلبها يصرخ قومي حالاً و اتصلي به , استمعي اليه , اعطية فرصة واحدة و ارأفي بحالي !

و عقلها يرفض صارخاً , سيكذب عليكِ مجدداً , سيخدعك مجدداً , لا تكوني غبيه و تنجرفي وراء قلبك الغبي و مشاعرك البلهاء

حسم ذلك الصراع الصوت العميق الدافئ الذي تسلل الي كل ذرة في كيانها ليشعرها برجفه قوية و يجعل الدماء تهرب من عروقها و هي تسمعه ينطق حروف اسمها بهدوء و بطئ و تشعر بأنفاسه الحارة خلفها مباشراً

انه هو .. حبيبها الجارح , روحها المسلوبة , قلبها الذي كاد ينفجر من شده دقاته منذ ان سمعت صوته 

لا يمكن ان تخطئ في صوته و احساسها به ابداً 

انه هو .. يقف خلفها مباشره .. انه آدم

الحلقة الثامنة عشر 

حسم ذلك الصراع الصوت العميق الدافئ الذي تسلل الي كل ذرة في كيانها ليشعرها برجفه قوية و يجعل الدماء تهرب من عروقها و هي تسمعه ينطق حروف اسمها بهدوء و بطئ و تشعر بأنفاسه الحارة خلفها مباشراً

انه هو .. حبيبها الجارح , روحها المسلوبة , قلبها الذي كاد ينفجر من شده دقاته منذ ان سمعت صوته 

لا يمكن ان تخطئ في صوته و احساسها به ابداً 

انه هو .. يقف خلفها مباشره .. انه آدم

اخذت نفساً مرتجفاً و استدارت له ببطئ , بطئ شديد كاد ان يقتله و يقتلها 

و ما ان استدارت له و هي جالسة فوق مقعدها لا تقوي علي الحراك و هو يقف امامها مباشراً , حتي رأته امامها , يرتدي نظارة سوداء كبيرة حجبت عيونه عنها و الكثير من ملامح وجهه , و يلف وشاحاً عريضاً حول عنقه رفعه قليلاً الي ذقنه و فمه فلم تعد تري سوي ملامح بسيطة جداً ظاهره من وجهه , لا يظهر فيها تشوهه

تنهدت بعمق و هي تشعر به يقترب منها ببطئ , الي ان جلس علي المقعد بجانبها 

شعر بانتفاضه جسدها و سمع صوت تسارع انفاسها من هول الانفعال

نظر امامه و هي انظارها مصوبه اليه مصعوقه 

قال بهدوء و هو مازال ناظراً امامه 

- ازيك يا آسيا ؟؟؟

سمع شهقه مكتومه خرجت منها دون قصد و هي تنظر اليه بمشاعر عاصفه

كاد قلبها ان يخرج من بين ضلوعها وهي تستمع الي صوته الذي اشتاقت اليه كثيراً , كثيراً جدااا 

التفت اليها ببطئ و تردد الي ان نظر اليها 

اااااااه خرجت منه هزت كيانها , لتخبرها كم يتألم , كم هو يشتاق اليها , كم هو يحتاج اليها 

بالرغم ان عيونه محجوبه عنها بذلك الحاجز الاسود الي انها شعرت بكل ما يحمله صدره , و يمكنها تخيل نظره عيونه لها الآن

سمعت صوته يقول بخفوت و نبرة الألم لا تترك صوته ابداً

- وحشتيني اووي

لم تستطع كبح دموعها اكثر من ذلك 

انهمرت دموعها علي وجنتيها 

لا تجد رداً مناسباً , لا تجد كلمات من الممكن ان تعبر عن ما تشعر به الآن 

و هو يحاول التحكم في اعصابه لأقصي درجه , قد يفقد السيطرة عليها في اي لحظة و يحملها و يهرب بها بعيداً 

بعيداً جداااا الي حيث لا يوجد سواهم

آدم ..

افاق من شروده علي صوتها الخفيض المرتعش الذي همس بأسمه بلهفه 

نظر اليها و نظرت اليه 

ما ذلك الحاجز الاسود اللعين ؟!!!!!! تريد ان تري عينااااه , تريد ان تقرأ ما بهم 

امتدت اناملها المرتعشه لتزيح النظارة السوداء من فوق عيونه

فامتدت انامله هو الاخر لتمسك بيدها ليمنعها من ازاحه النظارة

احساس الصعق بالكهرباء و نفس الاحساس الذي شعر به كل منهم ما ان تلامست ايدهم 

قشعريره تسري في جسد كل منهم 

احساس لا يمكن وصفه بكلام

كان هو اول من افاق من هول المشاعر العاصفة التي اطاحت بهم و رفع يدها الي فمة و قبلها برقه و ليقول بهدوء

- خليها كده احسن 

انتفض جسدها بصورة واضحة

ترك يدها بسرعه ليقول بصوت خفيض

- انا اسف ..

لقد اخطئت حبيبي انتفض جسدي ليس نفوراً منك بل شوقاً لك و رغبه بك و سعاده لوجودك بقربي !

همست بتحشرج 

- ليه يا آدم ؟؟؟

نظر اليها و قال بصوت يغزوه الألم 

- كنت خايف .. خايف اوي 

خفت تروحي مني لو صارحتك , خوفت كل لحظة حلوة معاكي تتحول لذكري 

كل واحد عنده سر جوا منه ومداريه

في حقيقه ومداريها عن اقرب الناس ليه

وانت اقرب حد ليا يا حبيبي لو عليا

كنت اقول لك بس خايف ايوه خايف واعمل ايه

كل ما اجي عشان اصارحك فجاءه انا بيمنعني صوتي

ده اللي انا بنيته في ليالي كل ده يتهد فوقي

كل مااتقدمت خطوه فـ لحظه برجع خطوتين

خايف احكي لك حقيقتي تيجي تسالني انت مين

آسيا ( بدموع) : قولت لك صارحتي و انا عمري ما هتخلي عنك 

تنهد بارهاق 

- بس اتخليتي يا آسيا

نظرت له بألم 

- عشان انت كدبت 

صمت و صمتت يحاول كل منهم الوصول لأعماق الاخر , التسلل الي داخله

آدم ( بهدوء ) : بس انا مكدبتش يا آسيا 

آسيا ( بغضب ) : كل ده و مكدبتش ؟!!

آدم : ايوة مكدبتش

آسيا و كأنها قد انتبهت للتو

- انت جيت هنا ازاي ؟! عرفت مكاني منين ؟!!

ابتسم لعيناها المتسائله و اجاب بهدوء

- زي ما جيت و شوفتك اول مرة قاعده في نفس المكان ده 

آسيا ( بذهول ) : انت شوفتني هنا قبل كده ؟!!!

آدم (بهدوء) : كتيير

آسيا ( بضعف) : انا تعبت .. انا مش فاهمه حاجة .. مش فاهمه حااجة خالص

آدم ( بحنان ) : و انا جاي عشان افهمك كل حاجة و مش عاوز منك حاجة غير انك تصدقيني و بس 

تنهد بعمق و ارجع رأسه للخلف و اغمض عيناه من وراء نظارته السوداء

و بات يقص عليها الجبال الجاثمه فوق صدره 

- انا بشوفك من زمااان قاعده في نفس المكان ده , لفتي نظري مره بعد مره , كنت دايماً بشوفك صدفه , انا كمان لما كنت بحس اني تعبان و مخنوق كنت باجي هنا 

بس كنت بفضل في العربيه مبنزلش منها , فمرة لمحتك , معرفش ايه خلاني انزل من العربية و اقف اتابعك من بعيد لحد ما مشيتي , تاني مرة جيت لاقيتك بردو , و عملت نفس الحاجة , نزلت العربية ووقفت اتابعك من بعيد لحد ما مشيتي 

حاجة غريبة كانت بتخليني اعمل كده , حسيت بقوه جوايا بتشدني ليكي يوم بعد يوم 

بقيت باجي مخصوص عشان اشوفك , كل مرة كنت بقرب منك اكتر , اقف في حته اقرب عشان اقدر اشوفك كويس , لحد ما حسيت ان متابعتك دي بقت حاجة اساسية في حياتي , لازم كل يوم اشوفك , عمري ما قدرت اتجرأ و اخليكي تشوفيني او اتكلم معاكي 

كنت عارف انك هتخافي مني ..هتصرخي في وشي.. هتقومي و تسيبيني 

زي ما ..........

سكت قليلاً و اكمل بألم 

- زي ما عملتي اول ما شوفتيني في المطعم

كانت تسمعه و الدموع تنهمر من عيونها انهاراً و هي مصعوقة باعترافاته 

- كنتي بتيجي كتير و فجأة بطلتي تيجي زي الاول , كنت هتجنن و اشوفك 

فضلت اجي كل يوووم علي امل اني اشوفك و مفيش فايده , عشت ايام وحشة اوي 

كأن حد بيسحب مني روحي بالبطئ , لحد ما جيتي و شوفتك و روحي اتردت لي تاني , و انتي ماشية مشيت وراكي بالعربية من غير ما تحسي لحد ما عرفت بيتك و سألت عنك 

كان نفسي تعرفيني الاول قبل ما تشوفيني عشان لما تشوفيني تقدري ... تقدري تقبليني علي الاقل 

ملاقتش غير النت .. عملت اكاونت وهمي من غير اي معلومات و فضلت وراكي لحد ما قبلتي تكلميني و انتي عارفه الباقي بقي 

اعتدل في جلسته و نظر اليها 

حبيتك من ساعه ما شوفتك قاعده لوحدك سرحانه قدام النيل

حبيتك من قبل ما اتكلم معاكي

حبيتك من قبل ما اعرف عنك اي حاجة 

كنت قافل قلبي و قلت عمري ما هحب تاني , اصلاً حياتي كانت انتهت و لولا ان الانتحار حرام كنت قتلت نفسي من زماان

بس مينفعش اخسر دنيتي و اخرتي كمان 

انتي اللي رجعتيني للحياه تاني , انتي اللي رجعتي لي روحي 

كان كل هدفي اعلقت بيا و اخليكي تحبيني قبل ما تشوفيني , كان نفسي تحبي روحي , تشوفيني من جوايا 

كل يوم كان خوفي بيزيد جوايا , خايف اما تعرفي الحقيقة تسيبيني , حاولت كتيييييييير اوي اصارحك بس مكنتش بقدر 

كنت مقدر خوفك و قلقك مني و انك مستحمله غموضي , بس انا كمان كنت بتعذب 

ارتفع صوت بكائها و ازداد نحيبها

لم يستطع التوقف , كان عليه ان يُكمل اعترافاته و يُزيح الحِمل الثقيل الجاسم فوق صدرة المسكين

صمت قليلاً ثم تابع

- انا مكديتش عليكي في ولا حاجة يا آسيا , كل حاجة قولتها لك كانت صح , بس ..... بس قبل 3 سنين من دلوقتي !!!

نظرت له بصدمه و قالت بعدم فهم من بين دموعها

- ازاي ؟!! مش فاهمه !

نظر اليها ثم و اجابها بهدوء 

- كانت حياتي ماشيه عاديه جداً , عايش مع ابويا و امي و اختي الوحيده , بشتغل في الصيدليه بتاعتي , ما انا مقولتلكيش اني خريج صيدله اصلاً , صورتي اللي بعتها لك دي قبل 3 سنين , كل اللي حكيته لكي كان مضبوط , مكدبتش في ولا حاجة 

الكل كان بيتعتمل مع آدم عشان شكله و بس , فلوسه و بس 

همست (باختناق) : و ايه اللي حصل من 3 سنين ؟؟؟

اغمض عيناه و هو يستعيد شريط الذكرايات التي لم تمحو من ذاكرته ابداً 

- كنا مسافرين الشالية بتاعنا في مارينا , انا و بابا و ماما و مريم , مريم اللي كانت قاعده جنبي و انا اللي كنت سايق , مكنتش نايم ..... 

صمت قليلاً ثم اكمل و صوته يزداد اختناقاً

-غفلت و انا سايق من غير ما احس , فوقت فجأة علي صوت صريخ مريم و هي بتقولي حاسب , بس ملحقتش ... مكنش في وقت اعمل اي حاجة .. كان قدامي مقطورة كبيرة , ملحقتش اتفاداها , خبط فيها و اتقلبت بينا العربية

سمعت صوت نحيبه !! 

اكمل بعذاب

اتقلبت بينا العربية كذا مرة , محستش بأي حاجة بعدها , فوقت بعد يومين في المستشفي و انا جسمي كله في الحبس و وشي مربوط بشاش 

بس مهمنيش , كان اهم حاجة عندي اطمن علي بابا و ماما و مريم 

بس ......

ازداد صوت نحيبه فجأه الي درجه موجعه , لم تستطع تحملها 

اكمل بصوت باكي 

ماتوا اول ما وصلوا المستشفي , ماتوا و انا السبب يا آسيا , انا اللي كنت سايق , انا اللي نمت و انا سايق , انا اللي عملت الحادثة , انا اللي المفروض اموت مش هما .. مش همااا

بكا مسموع و هو مطرق برأسه

اكمل بهمس و قد ارهقه ذلك الحديث كثيراً 

- انا فضلت في المستشفي اكتر من شهرين , لما شالوا الشاش من علي وشي اكتشفت اني اتشوهت , ازاي الشباك اللي جنبي دخل في وشي

رفع وجهه و نظر اليها 

حياتي ضاعت ... ابويا و امي و اختي راحوا في لحظة , و انا اللي موتهم

كل الناس اتخلت عني , الكل بعد عني , ملاقتش حد جنبي .. الا صاحب واحد بس , لولا وجوده جنبي اللي صبرني شوية انا مكنتش عارف انا هيحصل لي ايه 

انا حاسس اني مستاهلش اعيش اصلاً , ازاي اعمل عملية تجميل و يرجع شكلي تاني , و اعيش حياتي و اخرج و اسافر و اضحك و انا .... انااا ..........

لم يستطع الاكمال من شده بكاءه

بكاء المرآه آمر طبيعي

لكن .. عندما يبكي الرجل , معناها انه قد وصل الي اقصي درجات الألم و المعاناه

تناسوا وجودهم بمكان عام .. باح بكل ما في صدره , بكي كما لم يبكي امام احد يوماً 

اقتربت منه و هي تشعر بحنان هااائل نحوه

ظلمته و قست عليه و هو في امس الحاجة اليها !

كيف تركته ؟! كيف تخلت عنه ؟؟! لما لم تعطيه الفرصة لتسمعه ؟!! 

زادت من جراحه و الآمه دون قصد منها

اقتربت منه و رتبت فوق كتفه بحنان 

آسيا ( بهدوء) : آدم بص لي 

ظل مطرقاً برأسه

جذبته من ذراعه لينظر اليها 

ارتفع رأسه لكن لم ينظر اليها 

في حركه سريعه خاطفه انتزعت النظارات من فوق عيناه اجبرته علي النظر اليها

ظل ينظر اليها مستكيناً هادئاً و عيناه بحُمره الدم

امتدت اناملها ببطئ نحو عنقه و ازاحت الوشاح

ظهر وجهه كاملاً امامها 

بكل تشوهاته و جروحه

لكنها لم تجفل , لم تصرخ , لم تنفر منه 

طال عناق العيون بينهم 

غابت الشمس 

هدأت الحركة من حولهم كثيراً

فجأة امتدت اناملها لتتحسس وجهه !

تصلب وجهه تماماً من المفاجئة , و صارت هي تربت فوق جروحه برفق و تمرر اصابعها علي ملامح وجهه تحددها

بات صدره يعلو و يهبط من هول الانفعال

آسيا و هي تربت فوق جرحه 

- انا مبعدتش عنك عشان خُفت من شكلك يا آدم , انا بعدت عشان حسيت اني اتخدعت , صدمتي فيك كانت كبيره اوي , عشان صدقتك اوي و حبيتك اوي اووي 

نظر اليها بولع و امسك بيدها ليوقفها عن التجول فوق وجهه وعنقه دون ان يفلتها و همس بجنون

- بتحبيني .. بتحبيني يا آسيا 

هزت رأسها بالايجاب دون ان تنطق

اشتدت قبضته علي يديها و هو يقول بانفعال

- امال ليه هتكوني لغيري يا آسيا ؟؟؟؟؟ ليييييه ؟؟؟؟

نظرت له بدهشه و عدم فهم 

- هكون لغيرك ازاي ؟!

آدم (بجنون) : هتتجوزي غيري , هتبقي لغيري , حبتيه ازاي و انتي بتحبيني ؟!!!!

افلتت يدها منه بصعوبه و قالت بعذاب

- هو ميين ده ؟!!!! انا مبحبش غيرك و مش هكون لغيرك يا آدم 

هدأت انفاسه قاليلاً و نظر لها بعمق قائلا بصوت خفيض

- امال... صاحبتك اللي علي الفيس دي .. كانت كتبالك..

لم تدعه يكمل و قالت بهدوء و اتزان 

- ده معتز ابن خالتي كان متقدم لي و انا رفضت , هي فهمت غلط , فهمت اني وافقت 

تسارعت دقات قلبه و قال بترقب

- رفضتيه ليه ؟؟؟

ابتسمت بهدوء 

- انا لسة مجوباك علي السؤال ده علي فكرة

امسك يدها مجدداً و قال برجاء

- قوليها تاني , نفسي اسمعها منك تاني و تالت , قوليها يا آسيا 

رفعت يدها الاخري ووضعتها فوق يده الممسكة بيدها و قالت بهدوء 

انا مبحبش غيرك و مش هكون لغيرك يا آدم

ابتسم و عيونه دامعه 

بات يبكي و يضحك في آن واحد 

هم بالنطق لكنه شعر بعيون مصوبه تجاههم 

رفع وجهه وجده شاب يتابع الموقف باهتمام

صاح آدم بسخريه

- اجيب لك فشار و ترمس طيب عشان الفُرجة تحلي ؟!!!

التفتت آسيا وجدت عيون الشاب مصوبه نحوها 

امسكها آدم من مؤخره رأسها و ادارها نحوة و قال بتملك

- لما اكون معاكي متبصيش لغيري 

و صاح في الشاب بعنف

- ناوي تمشي و لا اجي انا افرجك علي فيلم اكشن ؟؟؟؟؟

نظر له الشاب بخوف و فر هارباً من امام ذلك الوحش الهمجي

نظرت آسيا له بدهشه 

- انت بتتحول دراكولا كده امتي ؟!

آدم ( بأبتسامه) : لما تكون حاجة تخصك بس ,لأنك اغلي و اهم و اجمل حد في حياتي 

آسيا ( بخجل ) : هترجع تكسفتس تاني ؟؟

آدم ( بأبتسامه ) : انا اسف يا سيندريلا 

--------------------------------------------------

اصطحبها طارق الي مطعم كلاسيكي رائع , يتناولون الطعام علي انغام الموسيقي الهادئه

شروق : وااااو المطعم ده تحفه يا طارق , و الميوزك فظيعه

طارق ( مبتسماً) : قولت لك هيعجبك 

شروق : والاكل كمان جميل اوي , انا هقوم اغسل ايدي

طارق : اتفضلي

هبت واقفة و فجأة تصلبت في مكانها !! ظلت تنظر الي نقطة ما امامها في ذهول

همس لها طارق بقلق 

- شروق .. شروق مالك في ايه ؟!! بتبصي علي ايه ؟؟؟

نظر الي حيث تنظرعله يفهم ما بها 

صُعق ... وجد أيمن يجلس علي الطاولة المقابله محتضناً فتاه شقراء ترتدي فستاناً قصيراً يُظهر اكثر مما يُخفي ويحادثها في اذنها بحديث خاص و هي تضحك بسعاده 

قبل ان ينظر لها ليتبين تأثير ما رأت عليها , وجد انظار أيمن و قد تصوبت نحوهم...

الحلقة التاسعة عشر

نظر الي حيث تنظر عله يفهم ما بها 

صُعق ... وجد أيمن يجلس علي الطاولة المقابله محتضناً فتاه شقراء ترتدي فستاناً قصيراً يُظهر اكثر مما يُخفي ويحادثها في اذنها بحديث خاص و هي تضحك بسعاده 

قبل ان ينظر لها ليتبين تأثير ما رأت عليها , وجد انظار أيمن و قد تصوبت نحوهم... 

عم السكون , تجمد الثلاثة للحظات يحاول كل منهم استيعاب ما يراه امام عينه الآن

كان أيمن اول من افاق من صدمته و توجه ناحيه شروق و طارق و جذب شروق من ذراعها بعنف و هدر بغضب 

- انتي بتعملي ايه هنااا يا ست هانم ؟!!! و مين اللي معاكي ده ؟!!!!

نظرت له بدهشة و هي لم تفق من صدمتها بعد

- انا بردو اللي بعمل ايه هنا ؟!!!! انت رجعت من امريكا امتي ؟!! و مين دي ؟!!!

هدر بصوت اعلي 

- انا اللي بسأل دبوقتيييي , ردي عليااا

تدخل طارق محاولاً تهدئه الوضع 

- ممكن تهدي بعد اذنك و توطي صوتك , الناس بدأت تبص علينا 

نظر له و الشر يتطاير من عيناه و قال بغضب مكبوت

- انت تخرس خااااالص , اصبر عليا دورك لسه مجاش 

و التفت الي شروق ثانيه التي تحررت من قبضته عليها اخيراً و صاحت بغضب

- انت بتحاسبي علي ااااايه ؟!!! ما تشوف نفسك عامل ايه الاول !!!! 

قبض علي ذراعها ثانيه بعنف و قال بنبره تهديد 

- انطقي حالاً يا شروق و قولي مين ده و اتقي شري 

امسكه طارق من ذراعه و قال بغضب مكبوت بحاول السيطرة عليه 

- ممكن تسيبها و توطي صووتك شويه و تدينا فرصه نتكلم

انا طارق ..............

لم يمنحه الفرصه كي يحمل تعريفه بنفسه و لكمه لكمه قويه طرحته ارضاً

و قبل ان يفيق من صدمته 

سحب أيمن شروق من يدها بعنف و خرج بها خارج المطعم و تتبعتهم تلك الفتاه الشقراء التي كان يجلس معها

قادها نحو سيارته و دفعها فيها بعنف و صاح في الفتاه الشقراء

- روحي انتي يا ماهي دلوقتي و انا هبقي اكلمك 

ودون كلمه اضافيه استقل السياره بجانب شروق و قادها بسرعه جنونيه 

طوال الطريق كانت شروق تبكي بهستيريا

- اييييه اللي انت عملته ده ؟!!!! ازااااي تضربه كده ؟!!!!! فضحتنا و فرجت علينا الناااس

أيمن صارخا فيها بغضب

- انتي تخرسي خااااااالص , انتي ليكي عين تنطقي اصلاً ؟!!!! مش عاوز اسمع نفسك لحد ما نوصل احسن لك يا شروق بدل ما ارتكب فيكي جريمه دلوقتي 

ظلت صامته تبكي دون توقف الي ان اوصلها منزلها 

ترجلت من السيارة و صعدت البناية مسرعه

- طيب طيييييب مين اللي بيخبط علي الباب كده ؟!!

فتحت شيرين الباب و فوجئت بشقيقتها

شيرين ( بدهشه ) : انتي بتخبطي كده ليه ؟!! مش معاكي المفتاح ؟!! و مالك حصل ايه ؟!! معيطة كده ليه ؟!!

شروق ( بنفس متقطع) : فين باباا ؟؟؟

و قبل ان تجيبها شيرين وجدت أيمن يقف خلفها مباشره 

دفعها للداخل و اغلق الباب

اتي محسن من حجرته علي صياحهم

محسن ( بقلق ) : في ايه ؟!! مالك يا شروق بتعييطي كده ليه ؟!! حصل ايه يا أيمن ؟!! و انت جيت امتي اصلاً ؟!!!!!!

همت شروق بالنطق لكن قاطعها أيمن هادراً بغضب و صوت عال 

- الهاااانم جايبها من مطعم , بتتعشي مع واحد معرفش يبقي مييين , ما انا اسافر اشتغل من هنا و الهانم تدور لي علي حل شعرهاااا

شروق ( بغضب و صوت عال ) : ااااااخرس , انا مسمحلكش تقول علياااا كده , انا اشروف منك و من 10 زيك و قبل ما تحاسبني علي تصرفاني شوف نفسك الاااااول بتعمل اايه .......

ما ان انهت جملتها حتي وجدت صفعه قويه علي وجهها كادت ان تسقطها ارضاً

وضعت يدها علي وجنتها مكان الصفعه و نظرت لوالدها و الدموع تغرق وجهها الجميل و قالت بصوت مذبوح

- انت بتضربني يا بابا ؟!!! عشانه ؟!!!! من قبل حتي ما تسمعني ؟!!!!

محسن : اللي تتصرف تصرفاتك دي و تقف تبجح في جوزها و تتكلم معاه بالاسلوب ده تستاهل اكتر من كده

شعرت بالدوار يلف رأسها من هول الصدمه و الظلم الذي وقع عليها , لا تصدق !!!! والدها الذي لم يرفع يده عليها يوماً يصفعها !!! دون حتي ان تعطيها فرصة لتبرر موقفها , لتدافع عن نفسها !!!! سمع منه فقط و لما لا يسمع منها هي الاخري ؟!!! لما لا يسأله كيف يقف امامه الآن و هو من الفترض ان يكون بأمريكا !! 

كادت ان تسقط لولا يد شيرين التي امتدت لتساعدها و هي تصيح بدموع

- حررررررام عليكوااااا , محدش مديها فرصة تتكلم لييييه ؟!!! عملت ايه يعني عشان ده كله ؟!!!!!! اسمعوا منها الاااااول

مالت عليها شروق و قالت بصوت خفيض متقطع

- شيرين...خديني..اوضتي

امسكت بيدها و سارت بها الي منتصف الطريق الي غرفتها لكن اوقفها صوت أيمن الذي بات تكرهه كثيراً

- مفيش خروج من البيت الا بأذي يا شروق , و مفيش خرحو غير معايااا اصلاً و طول ما انا مسافر مش هتشوفي الشارع , و لما نشوف بقي انا و لا انتي !!!!

التفتت اليه ببطئ و نظرت اليه بكره لم يراه في عينها يوماً , لو كانت النظرات تقتل لكان قتيلاً الآن , لو كانت المشاعر تُري لكان رأي كم تكرهه و تتمني اخفاءه من الوجود !!

والدها يحاول تهدئته !! يخبره ان يهدئ فقط و كل ما يريد سوف يحدث !!! 

لم تعد تتحمل اكثر من ذلك , ركضت الي غرفتها و بكت بعنف بكت و بكت و بكت الي انا راحت في ثبات عميق , تمنت الا تصحو مجدداً !

------------------------------------------------

الو

- ايوه يا ماهي

- يعني ايه يعني سيبتك من غير ما اوصلك و معكيش عربيه , شايفه الظروف كانت تسمح اوي اقولك اتفضلي يا حبيبتي اوصلك معانا !!! ده الحمدلله ان الموضوع عدي علي كده و اني مصدقت مسكت لها غلطة اقلب بيها الموضوع عليها 

- يوووووووووووة بقولك ايه انا مش ناقصك عشان تقلبيها لي مندبه , ما انتي اتنيلتي اخدتي تاكسي و روحتي اهووو محصلكيش حاجة و العاو مكلكيش 

- اه كده و اقفلي بقي بدل ما البخ اكتر , انتي يظهر نسيتي نفسك , فووووقي , ده انا مراتي مبتكلمنيش بالطريقه دي

- انتي ولا حاجة اصلاااً و اغلق الهاتف في وجهها 

زفر بضيق , يا لحظة السئ , دايماً ما كان يفعل ما يحلو له دون الخوف من ان يراه احد , الآن اصبح يخاف من تلك المدعوه زوجته , كيف تجرأت علي الخروج دون اذن منه ؟!! كيف تجرأت علي مواعده احدهم ؟!!

الا يكفيها انه يمنحه اسمه ؟!! الا يكفيها انها زوجة أيمن الشاذلي ؟!! لم تتجرأ اي فتاه من قبل علي مواعده احدهم طالما هو يواعدها , الآن تأتي تلك الحمقاء و تحطم القاعدة !!! تشعره انه لا شئ و رجل اخر اخد مكانه , رجل اخر ملئ عينها !!!!! 

شعر باهانه لكرامته و رجولته 

حقاً !!!! رجولته ؟!!! 

اين كانت تلك الرجوله و هو يترك زوجته بمفردها و يسافر لمواعده الفتيات و يتحجج بالعمل , اين كانت تلك الرجوله و هو يخونها في اليوم الواحد اكثر من مرة , اين كانت تلك الرجوله و هو يهملها و يتركها بالايام لا يعلم عنها شئ , و اين كانت تلك الرجوله و هو يجعلها تلجأ لغيره , تحكي لغيره تشكو لغيره

عذراً عزيزي .. مفهومك عن الرجوله خاطئ , خاطئ جداً 

------------------------------------------------ 

بعد ان اغلق الهاتف في وجهها القته علي الارض بعنف

لا تصدق مدي صفاقته و وقاحته !!

بعد كل ما ضحت به من اجله ! بعد كل ما فعلته في سبيل ارضاءه !

تحملت منه الكثير , لكن كفي ! 

لم تعد قادره علي تحمل المزيد من الانانية و انعدام المسئوليه , المزيد من الكذب و الاهانه و الخيانه , حياتها توقفت عليه سابقاً و لكن ان تدعها تتوقف عليه ثانيه !

------------------------------------------------ 

حبيبي المسكين , تحتاجني بشده , قد اكون تخليت عنك مرة دون قصد لكن وعد مني لن اتخلي عنك ثانيه

تحتاج للاهتمام و الحنان , تحتاج لمن يتوغل الي داخل اعماقك و يعالجك نفسياً بهدوء !

امسكت بهاتفها و طلبت رقمه و هي مبتسمه

- حبيبه آدم ..

اغمضت عيونها بهيام و تذوب عشقاً بسماع صوته و كلماته الرقيقه التي يمطرها بها

اجابته مبتسمه محبه , بل عاشقه !

- حبيب آسيا ..

صمت طويلاً حتي شكت انه اغلق الخط او لم يسمعها من الاساس

- آدم انت سامعني ؟؟

سألها بخفوت 

- انتي بتحبيني بجد يا آسيا ؟؟؟

ما ذلك الابله الذي يسأل اسئله حمقاء !

اجابته بهدوء

- بحبك يا آدم , بحبك اووي

شعر بروحه تُرد اليه من جديد , شعر بسعاده غامره , شعر ان الدنيا اخيراً اعطته وجهها بعد ان ادارت له ظهرها لسنين طويلة

- آدم..

قالتها بهدوء و رقه لتقطع ذلك الصمت الرهيب

اجابها بنبرة عاشق

- انا مفيش كلام يقدر يوصف حبي ليكي , مفيش حاجة تقدر تعبر , انتي روحي اللي انا عايش بيها يا آسيا , فاهمه يعني ايه ؟؟ روحي ...

انا قبلك مكنتش عايش اصلاً و لا بعدك هعيش

رفقاً بقلبي حبيبي لم يعد قاد علي استيعاب كل تلك السعاده

اجابته بهدوء و السعاده مرتسمه علي كل معالم وجهها

- كفايا بكش و كلام حلو بقي , احسن اتعود علي كده

قولي 

آدم : اقولك ايه يا حبيبي 

آسيا : انت مين بياخد باله منك ؟؟ اقصد يعني مين بيغسل لك هدومك , بيعمل لك اكلك , كده يعني و انت عايش لوحدك 

اجابها ببساطة

- انا 

ردت بدهشه 

- بجد ! انت بتعرف تغسل و تعمل اكل ؟!

ضحك بخفوت و اجابها بهدوء

- اتعلمت .. مش عاوز اي حد يدخل الفيلا غريب .. مفيش غير علي صاحبي اللي بيجي لي بس 

شعرت بحنان العالم كله تجاه ذلك الكائن الوديع

قالت بحذر 

- طيب انت مش ناوي ترجع شغلك , الصيدليه اقصد 

صمت قليلا ثم قال بهدوء حزين

- بزمتك ينفع يبقي في دكتور صيدلي وشه مشوه كده ؟! دي الناس تخاف مني حتي

آلمها قلبها عليه بشده 

آسيا ( بخفوت) : طيب ليه يا آدم مفكرتش انك تعمل ....

قطع حديثها مكملاً بصوت قوي 

اني اعمل عمليات تجميل , مش كده ؟؟؟

لا يا آسيا , و متفتحيش معايا الموضوع ده تاني 

تحول في لحظة ! تعلم كم ان هذا الموضوع مؤلم و حساس بدرجة كبيرة بالنسبة له لكن .. لابد ان تتحدث معه فيه , لابد ان تقنعه , لن يفلح الامر هكذا ! لن يستطيع ممارسه حياته بشكل طبيعي , لن يوافق عليه اهالها من الاساس و هو مشوه هكذا ! تقدر هي حجم الألم الذي يعانيه و تتفهمه جيداً , لكن , لن يفهمه غيرها !

لابد ان يقتنع ان لا دخل له فيما حدث و ان ذلك قضاء الله الذي لا يمكن لأحد ردعه ابداً

لن يتفهم ذلك الآن , يحتاج القليل من الوقت .. ستصبر , لن تضغط عليه , ستظل دائما الي جواره

حاولت تغيير الموضوع 

- طيب بقولك يا حبيبي انا بعد شوية هنزل مع ريهام و البنات , عمر مسافر يومين اسكندرية عند واحد صاحبه و تارا و تمارا زهقانين اوي , هنخرجهم شوية 

صمت قليلا ثم قال برجاء

- طيب ممكن اطلب منك طلب ؟؟ 

آسيا : اكيد

آدم : ممكن تقولي لي هتخرجوا تروحوا فين ؟؟

آسيا ( بدهشه) : ليه ؟! 

آدم : وحشتيني اوي و نفسي اشوفك , انا مش هاجي جنبك و لا اكلمك خالص و الله انا هراقبكوا من بعيد بس و بردو اكون مطمن عليكي

لا تصدق ما تسمعه ! 

آسيا ( بذهول ) : بجد انت عاوز تعمل كده ؟!!

آدم ( بهدوء ) : و فيها ايه انا متعود اني اراقبك من بعيد , و بعدين مينفعش اكلمك و انتي معاكي مرات اخوكي و البنات 

آسيا : ايوة يا حبيبي .. بس ... خلاص خليها يوم تاني اكون لوحدي و اشوفك

آدم : وحشاني يا آسيا اوي , عشان خاطري , صدقيني مش هعمل لك اي مشكلة , هراقبكوا من بعيد بس , مش هتحسي بيا خالص .. ريحيني .. و يوم تاني تبقي لوحدك و اشوفك و نتكلم مع بعض 

ايعقل ان يوجد انسان في تلك الحياه بمثل هذه الروعه ؟!!!!! لا يريد ازعاجها لا يريد ان يسبب لها اي مشكله , فقط يريد ان يراقبها من بعيد كي يطمئن قلبه عليها و يُشبع شوقه بعض الشئ !

اجابته بهدوء مندهش 

- حاضر , اول ما اعرف هنروح فين هقول لك 

------------------------------------------------ 

خرجت من غرفتها بعد ارتداء ملابسها

ريهام انا جاهزة , انتي و البنات جهزتوا ؟؟

ريهام : انا لبست البنات و فاضل لي الطرحه بس , 5 دقايق و ابقي جاهزه

آسيا : طيب براحتك

- آسيا .. تعالي عاوزاكي شوية قبل ما تنزلي

آسيا : حاضر يا ماما 

دخلت الي الغرفه بصحبه والدتها و اغلقت الباب خلفها 

- خير يا ماما ؟؟

سمية ( بنظره عتاب ) : عرفتي معتز عمل ايه ؟

آسيا ( بقلق) : ايه ؟!!

سمية : كلم باباكي و فهمه ان قرار فسخ الخطوبة ده قرار مشترك انتوا الاتنين متفقين عليه عشان لاقيتوا انكوا مش متفقين و مش عارفين تتفاهموا في جاحات كتير 

و مجبش سيرة خالص عن الكلام اللي انتي قولتيه و لا حتي لخالتك

دلو ماء بارد سُكب فوق رأسها 

اخجلها ! خجلت من نفسها كثيراً , كيف لها ان تنساه بتلك البساطة ؟! كأنه عابر سبيل دخل الي حياتها و خرج منها دون ان تشعر

فوق جرحه و اهانته اصبح له دين في رقبتها 

انقذها و عفاها عن الحرج

لم يتفوه بكلمه مما حدث !

احترام و طيبه قلب لن تجد مثلهما يوماً

آسيا ( بخجل ) : صدقيني يا ماما مكنش قصدي الكلام اللي قولته و لا كان قصدي اجرحه , انا عارفه ان معتز انسان محترم و مفيش منه اتنين

سمية : و لما هو محترم و مفيش منه اتنين , رفضتيه ليه ؟!

آسيا ( بهدوء ) : عشان لما اتجوز لازم اتجوز واحد بحبه و معتز بالنسبه ليا زي اخويا يا ماما , بحترمه و بقدره جداً بس مش اتجوزه , بكره ربنا يرزقه ببنت الحلال اللي تحبه و تقدره و تصونه , و تكون احسن مني كمان , لأن معتز يستاهل كل خير.. 

انا هكلمه اعتذر له علي الكلام اللي انا قولته.. يا رب يسامحني 

------------------------------------------------

لا تقوي علي البكاء ولا الكلام و لا حتي الصراخ

تشبه الاموات الاحياء ! مات بها كل شئ ماعدها فلبها الذي مازال ينبض

حاول طارق مهاتفتها كثيراً لا ترد , آسيا هاتفتها فوق العشرون مرة دون رد

لا تأكل لا تشرب لا تتحدث حتي الي شيرين الجالسة الي جوارها و ترجوها ان تتفوه بأي شئ

آلم..ظلم.. كره .. نار تحرق قلبها !

------------------------------------------------

هاتفت آدم و اخبرته بمكان المول الذي سوف تذهب اليه مع ريهام و البنات

ظل يراقبها من بعيد و هي تشعر به , تشتم عطره 

لا تستطيع مقاومه احساس انه هنا دون ان تراه

هاتفته

- آدم 

- ريهام مع البنات في ال 

playing area 

و انا قولت لها هروح التواليت و راجعه

- انا بره عند ال

, اطلع ليparking

اقل من ثلاث دقائق ووجدته امامها

يغطي وجهه بالوشاح العريض الملتف حول رقيته كعادته

اقترب منها و امسك بيدها

آدم ( بلهفه ) : خير يا حبيبتي في حاجة ؟؟

آسيا ( مبتسمه ): لا حبيت اشوفك بس

نظر لها نظره عشق هزت كيانها 

امتدت اناملها الي عنقه و ازاحت الوشاح برفق لتري ملامح وجهه التي باتت تعشقها و لا تري بها اي تشوه

- انت كويس ؟؟

آدم : بقيت كويس بعد ما شوفتك

اخفضت رأسها بخجل 

رفع ذقنها اليه بهدوء 

نظرت اليه بعمق 

آدم : كل مره بحاول اداري وشي عنك و انتي بتكشفيه , ليه يا آسيا ؟؟

آسيا ( بحب) : عشان عاوزه اشوفه

آدم ( بترقب ) : مش بيخوفك , مش بتقرفي من شكله ؟؟

آسيا ( بثبات ) : ابداً

نظر اليها يتبين الصدق في عيونها لم يجد الا نظره عاشقه محبه 

رفع كفها و قربه الي فمه و قبله بهدوء

- بحبك يا عمري اللي جاي و روحي اللي اتردت لي و قلبي اللي بينبض بس بحبك 

--------------------------------------------------

جالسة القرفصاء فوق فراشها , الهاتف بجانبها 

لا ترد علي احد , لا تتحدث مع احد 

ظل الهاتف يرن برقم غريب بدون توقف

من المؤكد انه ليس أيمن , من الممكن ان يكون طارق !

زفرت بضيق و ردت 

- الوو

فاجئها صوت انثوي اول مرة تسمعه

- مين معايا 

- ماهي مين ؟!!

الحلقة العشرون

جالسة القرفصاء فوق فراشها , الهاتف بجانبها 

لا ترد علي احد , لا تتحدث مع احد 

ظل الهاتف يرن برقم غريب بدون توقف

من المؤكد انه ليس أيمن , من الممكن ان يكون طارق !

زفرت بضيق ردت 

- الوو

فاجئها صوت انثوي اول مرة تسمعه

- مين معايا 

- ماهي مين ؟!!

- الوقحه !!! كيف لها ان تهاتفها !!! ماذا تريد !

شروق ( بغضب ) : انتي مكلماني ليه ؟!!! عاوزه ايييه !!! لو علي أيمن خديه اشبعي بيه انا مبقتش عاوزاه خلاص

ماهي : طيب ممكن تهدي و تسمعيني , انتي معاكي حق تكرهيني و تشوفيني زباله و خطافة رجاله و كل حاجة , معاكي حق , انا عذراكي , مقدرش الومك , بس ارجوكي اسمعيني , من مصلحتك تسمعيني

شروق ( بدهشه) : مصلحتي ازاي يعني ؟!

ماهي : لما تسمعيني هتعرفي

شروق ( بنفاذ صبر) : اتفضلي قولي , سامعه 

ماهي ( بهدوء) : طبعا أيمن اتخانق معاكي و قلب الموضوع عليكي عشان يغلوش علي اللي عمله و المنظر اللي شوفتيه فيه معايا , و اكيد عمل فيها سبع رجاله في بعض منعك تخرجي عشان يُسبك الدور , 

انا عرفت اللي حصل منه هو اللي حكي لي عمل معاكي ايه لما روحتوا عندك البيت , و لعلمك هو مش فارق معاه انه شافك مع واحد ولا حاجة , لو مكنتيش شوفتيه وهو بس اللي شافك كان ممكن يعمل نفسه مش واخد باله اصلاً عشان متعكريش مزاجه و لا السهره الحلوه اللي كان هيسهرها معايا !! بس حظك انك شوفتيه و هو شاف انك شوفتيه , فعمل الشويتين دول عشان يغلوش علي الموضوع و يمسك عليكي غلطة مش اكتر

شروق ( بدهشة ) : انا مش فاهمه حاجة !! انتي مع مين !!! بتقولي لي الكلام ده ليه !! ايه مصلحتك ؟!

ماهي : كنت معاه بقيت معاكي و لما اكمل كلامي هتعرفي ايه مصلحتي

شروق ( بترقب ) : طيب كملي

ماهي : بصي انا هحكي لك الحكايه من الاول , بس لازم تعرفي ان مصلحتك معايا , صدقيني انا عاوزه اساعدك , انتي ضحيه زيي و متستهليش واحد زي أيمن , حاولي تفهمي الكلام اللي هقوله ليكي كويس و تحسي بيا عشان متظلمنيش انتي كمان

شروق ( بنفاذ صبر ) : قولي بقييي , انا مش فاهمه حاجة من الالغاز دي 

ماهي ( بتنهيده ) : هحكي لك 

- علاقتي بأيمن بدأت من تلت سنين , قابلته في أمريكا , كنت مسافره تبع الشركه اللي بشتغل فيها , شركه كبيره ليها فروع في كل الدول , كنت سكرتيره صاحب الشركه و دراعه اليمين زي ما بيقولوا , شوفت أيمن في ال meeting

كان صاحب الشركه اللي بشتغل فيها و انا وأيمن و المساعده بتاعته

كان بيبص لي اوي بنظرات غريبه مقدرتش افسرها , و بعد ما ال meeting 

خلص كان المفروض هنبات يوم في ال hotel اللي تم فيه ال meeting و

تاني يوم هنسافر , طلعت اوضتي و قعدت شويه , لاقيت موبايلي بيرن و أيمن اللي بيكلمني , معرفش جاب رقمي ازاي , قعد يقول لي انا معجب بيكي و عاوزك تسيبي شغلك و تشتغلي معايا , انا هديكي مرتب اكبر و ليكي مميزات اكتر و قعد يغريني , انا مكنتش مصدقه ان واحد زي أيمن الشناوي يعجب بيا انا ! كنت بريئه اوي و ملياش في حاجة , اخدت كل كلامه علي محمل الجد و صدقت انه معجب بيا و قدام شويه صدقت انه بيحبني و لما وعدني بالجواز صدقت بردو

كنت بفرح فرحه العبيط و اصدق كل حاجة بيقولها لي , عملت كل اللي قالي عليه , سيبت شغلي اشتغلت في شركته سكرتيره كان بيعاملني معامله مميزه لفتره لحد ما زهق مني 

بس كان بيشتاق لي بين كل فتره و التانيه

خلاني سيبت الشغل في الشركه بحجه انه مش عاوزني اتعب , جاب لي شقه ايجار جديد سكني فيها و كان بيديني مرتبي كأني لسة بشتغل بالضبط و يمكن ازيد , الصراحه الحاجه الوحيده اللي أيمن كريم فيها هي الفلوس ! الفلوس بس !

بدأت معاملته تتغير و انا كنت كل ده عايشه علي امل انه يوفي بوعده نتجوز , بِعد عني شوية بشوية لحد ما بِعد خالص , مبقاش بيكلمني و لا بشوفوا خالص , بيسافر كتير , كل ما اقول له عاوزه اشوفك يبعت لي فلوس يسكتني بيها 

كنت بحبه اوي و بُعده عني بيموتني بالبطئ , بس استحملت , كنت بستحمل انه بيكلم بنات قدامي , بيحب فيهم قدامي , كنت انا اللي بضبط له مواعيد غرامياته , كان مستعبدني , عارفه لما تقعدي تجلدي في حد و انتي كاتمه بوقه فمش سامعه صوت صريخه و آلمه و حتي لو كنتي سمعتي مش هيفرق معاكي في حاجة ! كان حبه اللي مسكتني , كنت بقول بيلف يلف و يرجع لي في الاخر , كان بيقول لي مش برتاح غير معاكي 

كان ساعات بياخدني معاه امريكا لما يجي له مزاج و كتير يسيبني هنا , كانت كل حاجة ماشيه حسب مزاجه و

انا صابره ساكته , لحد ما دبحني لما قالي انه هيتجوز

اتجننت و ثورت و عملت كل حاجه اقدر عليها عشان اقنعه ميتجوزش غيري , عارفه رد قالي ايه ؟؟

قال لي مش أيمن الشناوي اللي يتجوز واحده مشي معاها 

عاوزه تفضلي قاعده في الشقه زي ما انتي بتاخدي الفلوس اللي تكفيكي و زياده و من وقت للتاني هخرج معاكي , كان بها , مش عاوزه المركب اللي تودي و كده كده هتجوز و ده قراري مش هرجع فيه

حسيت ان سنين عمري اللي قضيتها معاه علي امل كداب انه يتجوزني راحت هدر , مرضتش اخسر كل حاجه , وافقت .. وافقت و انا حاسه برخص غريب محستوش قبل كده , كنت بصبر نفسي اني في يوم هبقي حرم أيمن الشناوي بس الامل ده اتبخر 

تستمع اليها وعينها تتسع في ذهول شئ فشئ , لا تستطيع استيعاب كل تلك الصدمات 

ظلت صامته تستمع في صمت مذهول

صمتت ماهي تلتقط انفاسها , كأنها تعبت من كل تلك الاعترافات وبحر الذكرايات المؤلمه

شروق ( بصدمه) : انا مش قادره اصدق !! ازاي ؟!! و اهلك كانوا فين !! ازاي سيبينك كده !! 

ماهي ( بصوت مختنق) : انا مليش حد , والدي ووالدتي متوفيين من زمان , اللي ربتني جدتي مامه بابا اتوفت و انا في ثانويه عامه و من ساعتها و انا معتمده علي نفسي اعتماد كلي , اتمرمط لحد ما وصلت للمكان اللي وصلت له ده , تعبت اوي و شوفت كتير في حياتي , كنت فاكره ان الدنيا اخيراً ضحكت لي بس بسرعه اوي ادتني ضهرها , ملحقتش افرح 

شروق ( بذهول ) : يعني انتي فضلتي تلت سنين مصحباه و بيخونك و يعرف غيرك و يحب عليكي و انتي اللي تضبطي له مواعيده الغراميه و اخرتها كمان اتجوز و كل ده ساكته و مستحمله ؟!! حب ايه ده ؟!!!!!! 

ماهي ( بألم) : ده ذل مش حب , انا كل يوم في ال تلت سنين دول كنت بفقد احترامي لنفسي اكتر , انا اتنازلت كتييييير و غلط كتير اوي بس صدقيني انا مش وحشه , انا كنت في حالي مليش في اي حاجه , هو اللي فتح عيني علي حاجات كتير مكنتش اعرفها , صحي مشاعر مدفونه جوايا مكنش ينفع تطلع ابداً بالشكل ده , ضعفت و فضلت اتنازل اتنازل و هو يقوي اكتر و يدوس عليا اكتر و يجرح فيا اكتر , لحد ما بقيت عباره عن " دميه" بيحركها وقت ما يحب 

يفضل بالشهور ميعرفش عني حاجه و لما اكلمه ميردش مهما كنت محتاجاه و هو وقت ما يجي له مزاجه يجي لي , يخرج معايا في المكان اللي يحدده , و يعمل كل اللي نفسه فيه و يرجع يرميني تاني 

كانت تقول اخر كلماتها بصوت باكي و ما ان انهت كلامها حتي بكت بصوت عالي

شروق و مازالت الصدمه مسيطرة عليا 

- انام ش قادره اتخيل انه طلع بالقذار دي !!!! الله ما قادره اصدق !!! 

انا...... انا مش عارفه اقول لك ايه !!!

انا مشاعري ناحيه أيمن ماتت من زمان , موتها من قبل ما تتولد و يمكن ده من فضل ربنا عليا , عشان متعلقش بيه و احبه و اتوجع بخيانته .. ضحكت بمراره اقصد خياناته

في الاخر مطلعني انا اللي خاينه ؟!!!!

في جبروت كده !!!!!

ماهي و قد هدأت قليلاً 

- أيمن مينفعش يتحب , انا اللي كنت غبيه و عميه و فضلت ارخص في نفسي لحد ما بقيت ارخص من الجزمه اللي بيلبسها 

انا ... انا نفسي ابقي كويسه , نفسي ارجع ماهي بتاعه زمان , بخاف و بضعف كل مره 

حاسه نفسي حقيره و زباله اوي 

انا مش عاوزاه يظلمك زي ما ظلمني 

آن الاوان اني اتحرر منه و ربنا وقعك في طريقي عشان اساعدك 

شروق ( بدهشه) : هتساعديني ازاي ؟؟

ماهي : هقول لك ..

---------------------------------------------- 

لو ان احدهم طعنها بنصل حاد لكان اهون عليها من ما سمعته و عرفته الآن !! 

كيف خُدعت فيه الي هذه الدرجه ؟!!!

تشعر بالغثيان كلما تذكرت حديث ماهي 

لكن الافظع و الابشع ما سمعته بعد ذلك !!

لن تستطيع الصمود اكثر من ذلك , تحتاج الي المساعده , تحتاج الي الدعم

طارق هو اول اسم لمع في ذهنها

امسكت بالهاتف بسرعه طلبت رقمه

- اخيراً انا كنت قلقان عليكي جدا !!

شروق ( بصوت باكي ) : طارق انا .. محتاجاك اووي

طارق ( بقلق) : مالك يا شروق ؟؟؟ هو أيمن عمل لك حاجه ؟؟؟!!

انهمرت الدموع من عيونها بغزاره , مجرد ذكر اسمه بات يشعرها بالتقزز و الغثيان , لا تقوي علي سماع اسمه

تكرهه , تكرهه حد الموت

طارق : شروق في ايه ؟!!

شروق : هحكي لك يا طارق , انا محتاجه مساعدتك اوي 

طارق : متقلقنيش اكتر من كده , احكي 

بعد ان قصت عليه كل ما قالته ماهي في مكالمتها 

طارق ( بذهول) : يا نهار اسود !!!! انا كنت عارف انه مش تمام بس متخيلتش انه للدرجه !!! 

شروق ( بصوت باكي) : امال انا اعمل ايه !!

طارق : طيب اهدي بس و كملي , هتساعدك ازاي ؟؟؟ 

شروق : اللي فات ده كوم و اللي جاي ده كوم تاني خالص 

الباشا طلع شغله مش مضبوط و ماهي معاها اوراق توديه في داهيه , ده غير ......

طارق : غير ايه , كملي

شروق ( بألم) : معاها صور فيديوهات ليه و هو في بارات و اماكن مشبوهه 

طارق ( بدهشه) : و هي جابت الصور الفيديوهات دي منين ؟!

شروق : حست انه هيغدر بيها حبت تأمن نفسهاا , سرقت الورق و الملفات دي من مكتبه و اتفقت مع شركات منافسه عليه بس لسه منفذوش اي حاجه , ده غير انها اجرت ناس تراقبوا و تصوروا في الاماكن المشبوهه اللي بيروحها

هي عاوزاني اساعدها في اننا نفضحه في شغله و هتديني كل الصور و الفيديوهات اللي معاها انتقم بيهم لكرامتي و افضحه قدام اهله و اهلي و اعرفهم مين فينا اللي خاين

طارق : و انتي هتسعديها ازاي !

شروق : هتديني الورق و الملفات اللي معاها و انا هعرف اتصرف بطريقتي , ثم تابعت بأسي

انت ناسي اني محاميه شاطره ولا ايه 

طارق : و انتي محتاجه مساعدتي في ايه بالضبط ؟

شروق : انت اللي هتبقي حلقه الوصل بيني و بينها , انا مش هقدر اخرج الفتره الجايه , و مش عاوزه اشكك أيمن فيا , عاوزاه يقتنع اني سمعت كلامه مش بخرج من البيت

طارق : كل اللي في ايدي اقدر اعمله هعمله عشانك يا شروق , عشان انتي اتظلمتي , متستاهليش اللي حصلك ده و متستاهليش انك تكوني علي ذمه واحد زي أيمن لدقيقه واحده 

شروق ( بثبات) : مش هفضل علي ذمته كتير , قريب .. قريب اوي هفضحه قدام كل الناس , و هتبقي نهايه أيمن الشناوي علي ايدي انا !

عفواً زوجي العزيز لقد نفذ رصيدك لدي , نفذ تماماً !

من الآن ستجد شروق اخيري , غير تلك الضعيفة المستكينه التي عرفتها من قبل !!! 

--------------------------------------------- 

هاتفته بصوت ملئ بالسعاده 

- حبيبتي فرحيني معاكي , مبسوطة من ايه كده ؟؟

آسيا : نفسي اعرف انت بتعرف منين اني مبسوطة ؟!

آدم (ضاحكاً) : تااني , ما قولت لك خلاص حفظت نبرات صوتك كلها , و صوتك بيقول انك فرحانه اوي كمان , فرحيني معاكي و قولي لي من ايه بقي ؟؟

آسيا ( بسعاده ) : بابا وافق اني اشتغل اخيرااااااا , مش مصدقه ان عمر قدر يقنعه !!

اصلا انا كنت اتكلمت مع عمر من اول ما جه و هو كل ده كان بيحاول يقنع بابا امبارح بالليل بس وافق 

انا طاااااااايره من السعاده مش قادره اوصف لك ازاي 

ظل صامتاً , فقط تستمع الي صوت انفاسه اللاهثه !!

آسيا ( بقلق ) : آدم ..! مالك ؟؟ انت كويس ؟؟؟

آدم ( بخفوت ) : هتشتغلي يا آسيا !

آسيا : ايوه ده حلمي من زمااان انت عارف قد ايه كان نفسي اشتغل من ساعه ما اتخرجت 

صمتت قليلاً ثم قالت بترقب

- مش فاهمه انا فين المشكله ؟؟!

تنهد بيأس و صمت

آسيا : آدم ..

آدم ( بصوت مختنق ) : نعم يا آسيا

آسيا ( بدهشه ) : حبيبي في ايه !! انت مش مبسوط ؟

آدم ( بخفوت ) : مبسوط عشان انتي مبسوطه

آسيا : امال مالك ؟؟؟!

آدم : مفيش 

آسيا : لا في ! قول لي , مالك يا حبيبي , انت هترجع تخبي عليا تاني ؟؟ 

اااااه يا حبيبتي , بماذا اخبرك ؟؟؟ 

اخبرك بأنني اغار عليكي بشده

اخبرك بأنني اخاف عليكي , كأن احدهم ينوي اختطافك مني

اخاف من اختلاطك و احتكاك بالأخرين ان تجدي من هو افضل مني , رجل بمعني الكلمه يستطيع اصطحابك الي اي مكان و انت مرفوعه الرأس , ليس مشوهاً دميماً مثلي ستخجلين ان ظهرتي معه في اي مكان !!

افاق من شروده علي صوتها الحنون الدافئ هو ينادي بآسمه الذي احبه منذ ان نطقته هي

تنهد بعمق و اجابها بهدوء

- مفيش يا حبيبتي انا بس خايف عليكي مش اكتر 

آسيا ( بشك ) : خايف من ايه يا آدم ! دي الشركه جنب البيت , ليه كلكوا بتعاملوني علي اني عيله صغيره كده ؟!

آدم : يا حبيبتي مش قصدي بس ده خوف عادي

آسيا : آدم متضيعش فرحتي بقي , انا مصدقت ان بابا وافق 

آدم : خلاص يا آسيا مش هتكلم 

آسيا : يوووه , طب افهم انت زعلان من ايه طيب ؟!!

آدم : مش زعلان من حاجة 

آسيا : طيب خلاص براحتك يا آدم , كنت فاكره انك هتفرح لفرحي بس طلعت غلطانه , انا هقفل دلوقتي عشان ماما بتناديني

اغلقت دون ان تمهله فرصه للرد

ليتك تعلمين كم اتعذب و كم اخشي فقدانك !

----------------------------------------------

في منزل شروق

آسيا : انا مش مصدقه ان أيمن طلع بالزباله دي !

شروق ( بقهر) : و رحمه امي لا تبقي نهايته علي ايدي 

آسيا ( بقلق ) : متخليش غضبك يعميكي يا شروق , انتي بتلعبي بالنار

شروق : النار دي اللي هحرقه بيها ان شاء الله 

آسيا : انتي واثقه في طارق ؟؟

شروق : مبثقش في غيره دلوقتي اصلاً

آسيا ( بقلق ) : ربنا يستر اللي هتعمليه ده ميتقلبش ضدك

شروق ( بابتسامه سخريه ممزوجه بالألم) : ضدي اكتر من كده ! ميتهيأليش اني هخسر حاجه اكتر من اللي خسره ساعه ما اتجوزته

----------------------------------------------

اول يوم عمل بعد ان قامت بالمقابله تم قبولها.. 

من بعد تلك المكالمه لم يتحدثوا ثانيه 

شعرت بالحزن الضيق الشديد

ألم يشتاق اليها ! ألم يشتاق الي سماع صوتها ؟؟؟ ما الذي فعلته حتي يعاقبها هكذا !!

تنهدت بضيق و خرجت من التاكسي الذي استقلته الي الشركه التي تبعُد عن منزلها خمسه عشر دقيقه

همت بدخول الشركه , الي انها فوجئت بمن يقف امامها و علي ثغره اروع ابتسامه

انها هو .. حبيبها .. آدم 

الحلقة الحادية و العشرون

تنهدت بضيق و خرجت من التاكسي الذي استقلته الي الشركه التي تبعُد عن منزلها خمسه عشر دقيقه

همت بدخول الشركه , الي انها فوجئت بمن يقف امامها و علي ثغره اروع ابتسامه 

انها هو .. حبيبها .. آدم

نظرت اليه بدهشه هو يقترب منها , الي ان صار امامها مباشره 

ابتسمت له بعتاب 

آدم (بمرح) : لا وحياه ابوكي انا مش قد البصات دي

آسيا ( بحزن) : كده يا آدم , متكلمنيش كل ده !

تنهد بعمق

آدم : انا آسف يا حبيبتي , وحشتيني اوي

آسيا : لو وحشتك كنت كلمتني

آدم : خلاص بقي ميبقاش قلبك اسود

آسيا و قد انتبهت لما يحمله

- ايه الكيس اللي في ايدك ده ؟؟؟

آدم ( بابتسامه) : ده ليكي 

مد يده لها بذلك الكيس البلاستيكي الذي يحمله

آسيا ( بطفوليه) : واااااو شوكلت 

آدم ( ضاحكاً) : و عصير كمان , اشربيه الاول و بعدين كلي الشوكلت

آسيا ( بابتسامه) : طيب اشمعني جبت لي جالاكسي ؟؟ عرفت منين اني بحبها ؟؟

آدم ( مبتسماً ) : عشان انا كمان بحبها 

نظرت له بعشق

- خدي بالك من نفسك كويس و ربنا معاكي في شغلك , ان شاء الله ترتاحي فيه و اول ما تنزلي هتلاقيني مستنيكي , هبقي موجود بس مش هكلمك 

آسيا ( بدهشه) : ليه !

آدم : عشان كده مش صح و وقفتي معاكي دي كمان دلوقتي مش صح , بس اعمل ايه كنتي وحشاني اوي ... 

اي حد ممكن يشوفك و يتكلم عليكي , و مفيش اسهل من الكلام اللي بيتألف , لازم تاخدي بالك من الحاجات دي كويس اوي يا آسيا , فهماني ؟؟

هزت رأسها بالايجاب دون ان تنطق

ابتسم لها بحنان 

- خدي بالك من نفسك يا حبيبتي و هتوحشيني الحبه دول لحد ما اشوفك بعد شغلك 

آسيا : طيب و انت هتروح فين دلوقتي ؟؟

آدم : هروح اقعد مع علي في المطعم

آسيا ( بابتسامه ) : اوكي 

هم بالانصراف , سار امامها بضع خطوات الا انه توقف فجأه انحني قليلاً و امسك بركبته

ركضت نحوه مسرعه انحنت الي مستواه و همست بقلق 

- آدم .. مالك يا حبيبي ؟؟ انت تعبان ؟؟؟

آدم ( بأبتسامه هادئه حتي يطمئهنا رغم ألم ساقه ) : انا كويس يا حبيبتي ما تخافيش

استقام ببطئ

- يلا روحي شغلك عشان متتأخريش 

آسيا ( بقلق ) : متأكد انك كويس و هتعرف تسوق ؟؟؟

آدم ( مبتسماً) : كويس .. متقلقيش

--------------------------------------------------

قاد سيارته بصعوبه الي ان وصل الي مطعم صديقه

دخل المطعم و عرج بسيط ظهر في مشيته لاحظه علي ما ان رآه

هم بمساعدته جلسوا علي اقرب طاوله

علي ( بقلق ) : مالك يا آدم ؟؟؟ رجلك رجعت توجعك تاني

آدم : مش عارف انا ببقي كويس و الألم يشد فجأه ليه

علي : عشان انت بترهق نفسك اوي يا آدم و داير ورا آسيا في كل حته !! و السواقه الكتير دي بتتعب اصلاً

آدم ( بتنهيده) : آسيا .. دي الحاجه الحلوه الوحيده اللي في حياتي

علي : طب و اخرتها 

آدم : اخره ايه ؟؟؟

علي : الوضع اللي انتوا فيه ده , هتفضل تراقبها من بعيد تتقابلوا في الدرا كده !!

آدم ( بارتباك) : اكيد لا

علي : تمام , ناوي علي ايه بقي ؟؟؟

آدم ( بعصبيه ) : انت عاوز توصل لأيه يا علي ؟؟؟!!! 

علي (بهدوء) : عاوز اوصل اللي انت فهمته يا آدم , بطل هروب بقي و واجه , دافع عن حبك , انت عارف كويس اوي ان اهل آسيا مش هيوافقوا عليك و انت .... انت يعني ...

آدم : انا مشوه كده , صح ؟؟؟ 

علي : يا آدم انا خايف عليك و مش عاوزك تتجرح تاني , انت ليه مصمم تعذب نفسك انت في ايدك الحل ؟؟؟!!! حتي رجلك مش راضي تروح للدكتور عشان تشوف سبب الوجع اللي بيجي لك كل شويه ده , انت بتعمل كده ليه انا نفسي افهم !!!!!

آدم ( بغضب) : انت مش هتبطل كلام في الموضوع ده بقيييي ؟!!!!! انا حرررر اعمل اللي انا عاوزه

علي ( بعصبيه ) : لا مش حرررر , مش حررر يا آدم , لما اشوفك بتأذي نفسك مينفعش اقف اتفرج عليك , لما اشوفك مصمم تعذب نفسك بذنب انت مرتكبوتش يبقي مينفعش اقف ساااكت 

آدم ( بألم) : ذنب مرتكبتوش

علي ( بتصميم) : ايوه ذنب مرتكبتوش , انت يعني كنت قاصد تعمل الحادثه , كنت قاصد تموت اهلك , كنت قاصد وشك يتشوه , فوق بقي يا آدم ,, فوووووق , ده قدر و مكتوب , ربنا كان مقدر ان ده يحصل , مينفعش تعترض علي قدره

آدم : نعم بالله , بس انا السبب , لو كنت فايق و مركز في الطريق مكنش ده حصل 

علي : تاني يا آدم !!! يا ابني ربنا كاتب لكل انسان عمره ما قبل ما يتولد , عمرهم و انتهي لحد كده , بطل تعذب في روحك بقيييي

آدم : قفل علي الموضوع ده يا علي احسن اسيبك و امشي , اروح في اي داهيه

علي : اهرب .. اهرب , ده اللي انت شاطر فيه مفيش فايده فيك ابداً 

ربنا يهديك يا آدم !

-------------------------------------------------- 

اعطت شروق رقم هاتف ماهي الي طارق حتي يكون علي تواصل معها

- الو 

- الو..صباح الخير , ماهي ؟؟؟ 

- صباح النور , ايوه انا , مين ؟؟ 

- انا .. طارق , هي شروق مقالتلكيش عليا ؟؟

- لا قالت لي 

- تمام , انا كنت عاوز اقابلك عشان اشوف الورق اللي معاكي

- مفيش مشكله 

- امتي الوقت اللي يناسبك ؟؟؟

- اي وقت 

- تمام , ممكن بعد ساعه في سيلنترو اللي في جامعه الدول , مناسب ليكي ؟؟

- اه مناسب , تمام

بعد ساعه تقابلا في الكافيه

فُتن بمظهرها , ممشوقه القوام , شعرها اشقر قصير يصل الي اذنيها , عيونها خضراء ذات رموش طويله خلابه

انها فاتنه بحق

ترتدي تنوره سوداء قصيره , بالكاد تصل ركبتها قميص حريري لونه احمر قاني حذاء اسود ذو كعب عالي رائحه عطرها نفاذه 

لم يستطع التدقيق في ملامحها عندما رأها سابقاً , انما الآن الوضع مختلف تماماً !

ماهي ( و هي يدها له للسلام ) : ازيك ؟؟؟

طارق : ها ! اه تمام الحمدلله .. انتي عامله ايه ؟!

ماهي ( بهدوء ) : كويسه , الحمدلله

طارق : تشربي ايه ؟؟ 

ماهي : ممكن كابتشينو

بعد ان طلب الطلبات من النادل

طارق : انا شروق حكت لي علي كل حاجه قولتيها لها

ماهي ( باحراج ) : عارفه

طارق : طيب ممكن توريني الورق اللي معاكي 

ماهي : اه طبعاً

طارق بعد ان تطلع الي الورق الذي احضرته 

طارق ( بدهشه) : انتي جبتي الورق ده منين !

ماهي : يعني شوية ورق من مكتبه شويه ورق جبته بمعارفي علاقاتي , في ناس كتير من مصلحتها أذيه أيمن

طارق : تهرب ضريبي رشاوي مخالفات قد كده , الله يخربيتك يا أيمن !!! ده طلع كارثه !!!

ماهي : أيمن اجدع واحد يرسم قناع الاحترام و الوقار هو مش كده ابداً , انا ادري واحده بيه 

طارق : شروق لازم تشوف الورق ده

ماهي : أيمن مانعها تخرج خلاها سابت الشغل من فتره بدون سبب 

طارق : انا هصور الورق ده علي الموبايل ابعته ليها علي الواتس 

ماهي : تمام 

طارق : هنبقي علي اتصال ببعض دايما نشوف هنقدر نعمل ايه بالورق ده 

--------------------------------------------------

- معتز 

معتز : نعم يا ماما

سميرة : بسم الله ما شاء الله , ايه الشياكه دي كلها ؟؟؟

معتز ( بابتسامه ) : شكلي حلو ؟؟؟

سميرة : ربنا يحميك و يحفظك يا ابني , قمر

بس الشياكة دي كلها رايح بيها علي فين ؟؟؟ 

معتز : خطوبه واحد صاحبي

سميرة ( بتنهيده) : عقبال ما افرح بيك يا حبيبي و اشيل ولادك

معتز ( بهدوء) : ان شاء الله

سميرة : هو لسه موضوع آسيا مأثر فيك يا معتز ؟؟

معتز ( بابتسامه ) : لا يا حبيبتي , هو محصلش نصيب و خلاص 

سميرة : يعني نسيت الموضوع ؟؟؟ 

معتز : ابقي كداب لو قولت لك نسيته خالص , من وقت للتاني بفتكر , بس مش متعقد يعني ولا مسبب لي ازمه , الحمدلله انا راضي ب اللي ربنا كاتبه و عارف انه شايل لي الخير

سميرة : ربنا يكملك بعقلك يا حبيبي يفرحني بيك

-------------------------------------------------- 

لفتت نظره تلك الفتاه الهادئه الجالسه علي احد الطاولات الجانبيه 

تشبه آسيا في هدوئها !

ظل يتتبعها بعينه و هو يري الاختلاف الواضح بينها بين باقي الفتيات , هي الوحيده التي لم ترقص تقريباً !

هي الوحيده التي ترتدي فستاناً محتشماً هادئاً و لا تصبغ وجهها بالعديد من ادوات التجميل التي تجعل الفتيات اشبه " بالبلياتشو "

هدوئها و بساطتها و حيائها كفيله بلفت انظار اي

" رجل" ايها ... راجل مش مان !!

الفتيات المحترمات اصبحن قلائل في ذلك الزمن ! 

ان تري فتاه بهيئتها في اي مناسبه يُعتبر شيئاً فريداً من نوعه و حاله تستحق التأمل !

--------------------------------------------------

مر اسبوعاً..

- علاقه آدم آسيا علي خير ما يُرام , تراه يومياً هي ذاهبه و عائده من عملها , تراه دون ان يتحدث اليها لكن يكفيها انها تشعر بوجوده بجانبها , لكن كلما حادثته بشأن موضوع عمليه التجميل تحول الي شخص اخر !! عصبي حد الجنون !! , اصبحت تخشي عليه من تلك العصبيه و تتجنب محادثته في ذلك الموضوع , رغم ان حياتها حياته متوقفه عليه ! 

- عاد عمر الي ألمانيا , تأثرت آسيا كثيراً بفراقه لكن وجود آدم الي جوارها هون عليها الامر كثيراً

-شروق علي اتصال دائم مع ماهي طارق 

- ماهي و طارق يتقابلا باستمرار و قريباً جداً سيقومون بتنفيذ ما اتفقا عليه مع شروق بشأن أيمن

- أيمن لم يحاول مهاتفتها ولا مرة بعد واقعه المطعم .. لكنها تعلم انه مازال موجود بمصر 

- معتز بين حين و اخر يفكر في تلك الفتاه التي رأها في حفل خطبه صديقه , مع ذلك لم يتجرأ يسأل صديقه عنها ولا مره

--------------------------------------------------

-الو

آدم ( بقلق) : ايوة يا حبيبتي , مال صوتك !

آسيا ( بصوت مختنق ) : مفيش يا آدم

آدم : مفيش ازاي !! انطقي يا آسيا في ايه متقلقنيش !

آسيا ( ببكاء ) : آدم ارجوووك اتصرف بقي , انا في واحد معايا في الشغل معرفش جاب رقم بابا منين كلمه انه عاوز يجي يتقدم لي !!!! انت لو فضلت بعنادك و سلبيتك دي انا هضيع من ايدك !!!

الحلقة الثانية و العشرون

-الو

آدم ( بقلق) : ايوة يا حبيبتي , مال صوتك !

آسيا ( بصوت مختنق ) : مفيش يا آدم

آدم : مفيش ازاي !! انطقي يا آسيا في ايه متقلقنيش !

آسيا ( ببكاء ) : آدم ارجوووك اتصرف بقي , انا في واحد معايا في الشغل معرفش جاب رقم بابا منين كلمه انه عاوز يجي يتقدم لي !!!! انت لو فضلت بعنادك و سلبيتك دي انا هضيع من ايدك !!!

صمت...صمت قاتل , لم تسمع من خلاله سوي صوت انفاسه المتسارعه 

افاق من صدمته قال بصوت غامض لا يحمل اي معني

- انا عاوز اشوفك ..دلوقتي

صمتت قليلاً تفكر في طلبه , الا انه صدمها بصوته الصارم هو يقول 

- دلوقتي يا آسيا , في المكان بتاعنا

آسيا ( بتنهيده) : حاضر يا آدم

--------------------------------------------------

بعد اقل من ساعه تقابلا في مكانهم المُفضل , امام النيل , جلسا علي مقعد آسيا 

كل صامتاً , شاردا , مر اكثر من نصف ساعه هم علي نفس ذلك المنوال

يجلس بجانبها , يتطلع امامه في شرود , و لا ينطق بحرف

احترقت اعصابها قلقاً

آسيا ( بحده) : انت جايبني هنا عشان تسمعني سكوتك ؟!!

التفت اليها ببطئ , نظر اليها و ظل صامتاً

آسيا ( بعصبيه) : ممكن تشيل النضارة دي و تبص لي كده تتكلم معايا زي الناس و تقول لي ايه رأيك في الكلام اللي انا قولتهولك !!!

ظل صامتاً لثوان دون ان ينطق او يخلع النظاره , ثم فجأه امتدت انامله و قبض علي ذراعها بقوه و قال بصوت صارم اجفلها هو يتحدث ببطئ مشدداً علي كل حرف ينطقه

- انتي..مش..هتكوني..ابداً..لحد..غيري..يا..آسيا

ظلت تنظر اليه مصدومه , بداخلها مشاعر و احاسيس كثيره متناقضه شعور خفي بالسعاده تسلل الي اعماقها و ارتسمت علي شفتيها علي هيئه ابتسامه هادئه

خفت قبضته من فوق ذراعها لكن لم يتركها

امتدت يدها الحره و ازاحت النظاره برفق من فوق عيونه و ظلت تنظر اليه مبتسمه

تحولت قبضته الي لمسات رقيقه تتجول فوق ذراعها

آدم : انتي بتضحكي علي ايه ؟؟؟؟

آسيا ( مبتسمه) : ده سر بيني و بين نفسي بقي

آدم : انا نفسك

ازاحت يده من فوق ذراعها برفق

آسيا : مش انت اللي بتقعد تقول لي لازم تحافظي علي نفسك شكلك و تحاسبي علي تصرفاتك عشان محدش يقول اي كلمه عليكي , بذمتك ينفع المنظر اللي احنا قاعدين فيه ده ؟؟؟

آدم ( ضاحكاً) : معاكي حق .. انا أسف , بس ساعات مبعرفش اسيطر علي نفسي و انا معاكي 

صمت قليلاً ثم تابع بجديه

- هترفضي الزفت اللي معاكي في الشغل ده يا آسيا , هتخلي باباكي يبلغه الرفض في التليفون , ميجيش البيت اصلاً , تمام ؟؟؟

آسيا ( بهدوء) : و لنفرض اني عملت كده مره , مش هقدر اعمل كده كل مره يا آدم !! 

آدم ( بعصبيه) : و انتي هيجي لك كل يوم عريس يعني ؟؟؟؟!!

آسيا : و انت هتستني لما يجي لي كل يوم عريس يا آدم عشان تتحرك و تاخد خطوه ؟!!!

زفر بضيق

- انتي عاوزه ايه يعني ؟؟؟؟

آسيا : انت عارف انا عاوزه ايه يا آدم

آدم ( بعصبيه ) : مش هعمل العمليه يا آسيا , انتي مش قولتي لي ان شكلي مش فارق معااااكي ؟؟؟؟؟؟ انك حباني كده زي ما انا ؟؟؟؟؟؟؟؟؟ ايه اللي اتغير دلوقتي ؟؟؟؟؟؟؟؟ 

آسيا ( بغضب ) : لو انا مش فارق معايا شكلك .. هيفرق مع الناااس , هيفرق مع اهلي , هيفرق في انك تعيش حياتك بشكل طبيعي , مش علي طول مستخبي ورا نضارة شمس مخبي وشك , هيفرق في انه يرجع لك ثقتك في نفسك تاني , ترجع شغلك , ترجع لحياتك يا آدددددم , فوق لنفسك بقي و بطل تحمل نفسك ذنب موت اهلك , ده قدر ربنا , بطل تعذب في نفسك و تعذبني معاااااك , انا تعبت !!

نظر اليها مصعوقاً

آدم : انتي اول مرة تكلميني بالطرية دي !!

آسيا : عشان تعبت يا آدم , بحاول مضايقكش بالكلام , ببحاول مضعطش عليك , بقول اصبر شويه و اديك وقتك , بس خلاص بقي , صبري نفذ , مش قادره اصبر اكتر من كده , هنفضل بالطريقة دي لحد امتي ؟؟؟؟ هنفضل نتقابل في الدرا كده لحد امتي ؟؟؟؟ 

آدم : انا بحبك و انتي عارفه كده عاوز اعيش عمري كله جنبك 

آسيا : جمييييييل , عملت ايه بقي عشان تعيش العمر كله جنبي ؟؟

تنهد بضيق صمت

آسيا : رد عليااا يا آدم , قول لي عملت ااايه عشاني ؟؟ عملت ايه عشان نفضل مع بعض ؟؟؟؟

آدم : انا عندي استعداد اجي اتقدم لأهلك دلوقتي حالاً , بس ... انا عارف انهم مش هيوافقوا 

آسيا : و لما انت عارف انهم مش هيوافقوا , مبتسعاش ليه انك تعمل الحاجات اللي تخليهم يوافقوا عليك ؟؟؟؟

آدم : انتي لييييه مش حاسه بياااا , ليييه مش قادره تفهميني !!!

آسيا : افهم اااايه و احس بأيه ؟؟؟!! فكرك لو اهلك كانوا موجودين دلوقتي كانوا هيبقوا راضيين اللي انت بتعملوا في روحك ده ؟؟؟؟؟؟

آدم : اناااااا السبب , استهتاري ضيع حياتهم كلهم , انا مستاهلش اعيش مبسوط يا آسياااا .. مستاهلش

آسيا : تاني هتقول انا السبب !! يظهر ان مفيش فاايده فيك , انت فاكر انك كده بتعاقب نفسك يعني ؟؟؟ تبقي غلطان يا آدم , انت بتعاقبني اناا 

آدم : لو بتحبيني هتقبليني زي ما انا 

آسيا : و انا قبلاك زي ما انت , لو اللي عندك ده حاجة ملهاش علاج صدقني كنت حاربت الدنيا كلها عشانك , و مهمنيش اي حاجه ولا اي حد , بس لما يبقي الحل و العلاج أدينا احنا اللي بنرفضه يبقي ده اسمه ايه !!

حتي رجلك , انت فاكرني مش واخده بالي انها بقالها فتره بتوجعك , ملامح وشك هي بتتألم انت فاكرني مش باخد بالي منها , بس انا واخده بالي اوي يا آدم .. انت تعبان , موجوع .. لو مأخدتش خطوه ايجابيه في حياتك هتبقي كمان وحيد !

آدم ( بصدمه) : وحيد .. ليه !!

آسيا ( بألم) : عشان انا مش هقدر استمر بالطريقه دي يا آدم

نظر اليها بصدمه ألم 

- هتسيبييني يا آسيا ؟؟؟؟

آسيا : انت اللي عاوزني اسيبك

آدم : عمررري , انا مقدرش اعيش من غيرك اصلاً

آسيا : يبقي تسمع كلامي و تعمل عمليه تجميل , تروح للدكتور بتاع رجلك .. لازم تبقي كويس يا آدم , لازم تخف .. لازم ترجع شغلك .. انا عاوزاك قوي مش عاوزاك ضعيف مكسور 

عاوزه اوريك للدنيا كلها اقولهم ده حبيبي اللي انا اختارته من بين الناس كلها 

مش عاوزه اشوفك في الدرا انا مستخبيه األف الف كدبه كدبه و انا نازله اقابلك 

عاوزاك..بس قدام الناس 

اعتقد ان دي ابسط حقوقي !

آدم : لو قولت لك اني مش هعمل العمليه يا آسيا , انا مرتاح كده !!

آسيا ( بغضب) : مرتاح اززززززززاي !!!! مرتاح انت وشك مشوه ممكن اي حد يشوفك يخاف منك ؟!!! مرتاح انت مبتقدرش تواجه الناس !!!! مرتاح انت تعبان موجوع مش عاوز تروح لدكتور يشوك رجلك فيها ايه ؟!!!!!! مرتاح و انت من غير شغل ؟؟؟؟؟ من غير هدف ؟؟؟ من غير امل !!!!! 

مرتاح انت بتشوفني سرقة , و بتراقبني من بعيد مش قادر تقرب مني عشان ملكش صفه !!!!

مرتاح ازززززززززاي قول لي !!!!!

آدم ( بألم) : مرتاح يا آسيا عشان لما ببص لوشي في المرايه و اشوف شكلي بحس اني اخدت عقابي كفرت و لو بحاجه صغيرة اوووي عن اللي انا سببته لناس ملهمش ذنب غير انهم وثقوا في واحد مستهتر , ضيع حياتهم في لحظة 

ضيعت حياه مريم اللي كانت بتحلم تدخل كليه فنون جميله تبقي رسامه كبيره و مشهوره

ضيعتها و ضيعت حلمها

حرمتها تعيش , حرمتها تحقق اللي كان نفسها تحققه

حرمت امي و ابويا من انهم يعيشوا يفرحوا بيها

بعد ده كله انا اعمل عمليه تجميل ارجع شغلي امارس حياتي بشكل طبيعي كأن شئ لم يكن , ازاااي !!!!! 

آسيا ( بصوت عالي) : يا ابني انت مجنوووووووون ؟!!!!! استغفر ربنااا , اييييه العبط اللي انت بتقوله ده !!!! يعني ايه ضيعت حياتهم و حرمتهم يعيشوا ؟!!!! هو انت اللي في ايدك الحياه الموت ولا في ايد ربنا !!!!!!!! مفيش حد بيعيش دقيقة زياده عن عمره , ده قدددددر و مكتووووووب افهم بقييييي

وضع يده علي فمها يكتم صراخها الغاضب

آدم : هششششششششش وطي صوتك ده فضحتينااا

نزعت يده من فوق فمها بعنف

- انت مش كنت لسة بتقول لي من شويه انتي مش هتكوني ابداً لحد غيري ؟؟؟؟ شكلي كده هبقي لغيرك يا آدم

هتف بجنون 

- ابداً ابداااااً , لو مكنتيش ليا مش هتبقي لغيري يا آسيا 

صُعقت من رده

آسيا : يعني عادي اني مبقاش ليك !!

آدم ( بألم ) : لا طبعاً , بس لو مش ليا مش هتبقي لغيري , ممكن استحمل انك متكونيش معايا , بس مش هستحمل لنك تكوني مع حد تاني ابداً ابداً

آسيا ( بغضب) : اااايه الانانيه دي ؟!!!!

آدم : اناني في حبك

آسيا ( بغضب) : متقولش حبك , انت مبتحبنيش يا آدم , الحب بيقوي مبيضعفش , اللي بيحب بيبقي مستعد يعمل اي حاجه عشان يفضل مع حبيبه , مش يبقي ضعيف سلبي مستسلم و سايب الحياه تجري من تحت رجليه و هو واقف يتفرج !!

اسمع يا آدم , قدامك فرصة لأخر الاسبوع تفكر مع نفسك و تشوف عاوز ايه

يا تعمل العمليه تروح لدكتور تعالج رجلك و ترجع شغلك يا اما.....

آدم : يا اما ايه يا آسيا ؟؟؟

آسيا ( بدموع) : يا اما تنساني خالص يا آدم ده اخر كلام عندي 

قالت جملتها التقطت حقيبتها و انصرفت من امامه مُسرعه حتي لا يري انهيارها الدموع التي انسابت علي وجنتيها ما ان اعطته ظهرها 

رحلت و تركته بلا روح ... عجز لثوان عن التقاط انفاسه , عجز عن الوقوف ليستقل سيارته يرحل 

بأيدي مرتعشه اخرج هاتفه من جيب بنطاله هاتف علي الذي اتي له علي الفور 

-------------------------------------------------- 

اوصله علي الي الفيلا و ساعده حتي صعد الي غرفته و استلقي فوق فراشه

علي ( بقلق) : آدم انت سخن شكلك ميطمنش , قوم خليني اخدك علي المستشفي 

آدم ( بارهاق) : انا كويس

علي : واضح فعلاً انك كويس , اهو اللي كنت خايف منه حصل , طبعاً مش محتاج اسألك حصل ايه لأني متخيل شكل الحوار

آدم : علي .. وحياه ابوك انا مش ناقصك , يا تقعد انت ساكت يا تتفضل تمشي 

تنهد علي بيأس ظل الي جواره طوال الليل 

--------------------------------------------------

في احد الكافيهات ..

طارق : كده معانا كل الورق المستندات مفاضلش غير التنفيذ

ماهي : بكرة الصبح هقدم بلاغ البلاخ للنائب العام

طارق : لا خليكي انتي بعيد , انا اللي هقدم البلاغ

ماهي ( بدهشة) : ليه ؟؟؟

طارق (بعفويه) : اخاف عليكي لا يأذيكي ولا يعمل فيكي اي حاجة , أيمن مش سهل 

ماهي ( بنبره الغير مُصدق) : تخاف عليا !! 

ضحكت بسخريه

- تصدق ان انا عمري ما حد خاف عليا قبل كده 

عارف , انا طول عمري كانت احلامي طموحاتي بسيطه اوي , كان نفسي يبقي عندي عيله بدل اللي اتحرمت منها , اتجوز واحد يحبني ابقي بحبه اخلف و يبقي عندي ولا د كتير , يبقوا عزوه و سند ليا في الدنيا 

كان نفسي اعيش حياه هادية مستقره

بس فعلاً ليس كل ما يتمناه المرء يدركه

متخافش عليا يا طارق انا هعرف احمي نفسي منه كويس كده كده هو هيعرف اني ورا اللي حصله ده شروق هتقول له بس في الوقت المناسب

طارق : مش هيقدر يمس منكوا شعره طول ما انا عايش 

نظرت له بأنبهار !! لم تري رجالاً في حياتها !! اشباه رجال ربما 

ماهي : طيب شروق تخصك و تعرفها , بس انا .. هتحميني ليه !

طارق : عشان مش من الرجوله اني اتخلي عن اي بنت محتاجه لمساعدتي حتي لو معرفهاش كويس مع اننا بقالنا فتره علي طول بنشوف بعض بنتكلم و تقريباً بقيت عارف عنك كل حاجه

ماهي : عارف يا طارق ان انت الوحيد اللي محسستنيش بالنفور مني مع انك متعرفش عني كل حاجة !! انا دايماً بشوف نظرات الاحتقار في عيون كل الناس نظرات الرغبه في عيون كل اللي عرفتهم !! 

نظر لها بعمق 

طارق ( بتنهيده ) : عشان انا شايف اللي جواكي اكتر يا ماهي , عارف انك من جواكي مش وحشه , انتي مش وحشة بس اتحطيتي في ظروف غلط , وسط ناس غلط , بتتصرفي غلط , بتلبسي غلط 

كل تصرفاتك غلط هي اللي بتدي الانطباع ده عنك 

انتي قدامك فرصة تبقي انسانه تانيه حياتك تغيريها للاحسن , يا ريت تستغلي الفرصة دي يا ماهي متضيعيهاش من اديكي

ماهي : انت عارف انك اول واحد يتكلم معايا بالطريقة دي

طارق : توعديني تتغيري ؟؟؟

ماهي : حاولت كتير معرفتش ! توعدني انت انك تساعدني تقف جنبي ؟؟

طارق ( مبتسماً) : اوعدك يا ماهي 

-------------------------------------------------

-صباح اليوم التالي تقدم طارق بموجب المستندات التي حصل عليها الخاضعه تحت يده ببلاغ للنائب العام و عندما تأكد النائب العام من صحة الاوراق و جديتها مطابقتها للتحقيقات , امر بوضع أيمن علي قوائم الممنوعين من السفر سرعه ضبطه احضاره و استكمال التحقيقات 

--------------------------------------------------

- شروق يا شرووق 

شروق : نعم يا بابا

محسن : عرفتي حصل ايه مع أيمن ؟؟؟

شروق ( بهدوء) : حصل ايه ؟؟؟

محسن : حد قدم فيه بلاغ للنائب العام اتهمه بالتهرب الضريبي رشوه الموظفين مخالفات تانيه كل ده بالورق و المستندات 

شروق ( ببرود) : طيب

محسن : ايه ده اللي طيب ؟!! مش هتروحي لجوزك ؟! 

شروق : اروح له اعمله ايه ؟!! و بعدين مش هو مانعني من الخروج ؟؟؟؟

محسن : هو ايه اللي تعملي له ايه ! انتي مش محاميه ؟؟؟ و كنتي شغاله في الشئون القانونيه في الشركه ؟؟؟ 

شروق : كنت , بعدين أيمن مش هيغلب اكيد جاب دسته محاميين 

محسن : ايه البرود الي انتي فيه ده !!! مش جوزك ده ؟!!

شروق : مش هروح لحد يا بابا , حضرتك عاوز تروح له روح لوحدك

محسن : انا رايح مع رفعت , لو سأل عليكي اقول له ايه ؟؟؟؟

شروق ( بسخريه ) : اطمن .. مش هيسأل 

--------------------------------------------------

- الوو

طارق : ايه الاخبار ؟؟؟؟

شروق : انت اللي تقولي لي ايه الاخبار ؟؟ظ

طارق : مفيش كله تمام , و هو ميعرفش مين اللي قدم فيه البلاغ ده اصلاً

شروق : تمام اوي , نفسي اوي في اللحظه اللي هقول له فيها اني ورا كله اللي جري له , نفسي اشوف رد فعله و لسه لما افضحه بالفيديوهات اللي معايا قدام اهله قدام ابويا اللي مد ايده عليا عشانه 

طارق : خلاص هانت اوي و هتخلصي من كابوس أيمن ده قريب .. قريب اوي

-------------------------------------------------- 

مر ثلاثه ايام ..

-خرج خلالها أيمن بكفاله , و لم يحدد بعد موعد الجلسه الاولي في قضية الرشوه 

-انقطعت الاتصالات تماماً بين آدم آسيا , حتي انها لم تراه ولا مره اثناء ذهابها و عودتها من عملها , كان الألم يعتصر قلبها لكن ما باليد حيله !

لابد ان تصمد قليلاً حتي يعلم انها جاده هذه المره و انه يجب ان يتخذ قراراً ايجابياً في حياتهم

--------------------------------------------------

سمعت رنين هاتفها

رقم أيمن ..

ضحكت بسخريه ردت

- ايوه يا أيمن

أيمن : و الله كويس انك لسه فاكره اسمي

شروق : عاوز ايه ؟؟؟

أيمن : عاوز ايه ! انتي نايمه علي ودانك يا مدام و متعرفيش ايه اللي حصل لجوزك 

شروق ( بهدوء) : لا عارفه

أيمن : عارفه !! عارفه محاولتيش تيجي لي ولا مره 

شروق : اجي لك فين ! انت مش خرجت بكفاله 

أيمن : الله ! ده انتي متابعه و عارفه كل حاجه بقي 

شروق : طبعاً , بابا دايماً علي اتصال بعمو رفعت و بيعرف منه الاخبار و بيقول لي

أيمن : و لما انتي عارفه كل الاخبار و متابعه كده , مكلمتنيش ولا مره ليه ؟؟؟؟ 

شروق : و اكلمك ليه ؟؟

أيمن ( بسخريه ) : عادي , اصلي زي جوزك يعني 

شروق : مممممممممم.. زي جوزي .. طيب عامل ايه يا زي جوزي ؟؟؟

أيمن ( بغضب ) : انتي بتهزري ؟؟!!!

شروق ( بهدوء ) : لا بتكلم بجد اهو , معلش انا عارفه ان موضوع منعك من السفر ده مأثر في نفسيتك , مبتستحملش العيشه في مصر , مش بتبقي علي راحتك

أيمن ( بعصبيه) : انتي بتقولي اييييه ؟!!!! انتي ليكي اصلاً عين تنطقي تاني بعد اللي عملتيه !!!!!

شروق : ده علي اساس اني شوفتك في المطعم بتطعم المساكين يعني ؟؟؟؟؟ لو انت ليك عين تنطق يبقي انا كمان ليا عين اكيد

أيمن ( بذهول) : انتي اتجننتي يا شروق ؟؟!!!! من امتي بتكلميني بالاسلوب ده ؟!!!!

شروق : معلش بقي ما هي اللي تخرج من ورا جوزها و تقابل واحد تاني تتوقع منها اي حاجه

أيمن ( بغضب ) : انااااا هوريكييييي يا شروووق , اصبري عليا بس لما افوق لك و انا هربيكي من اول و جديد عشان يظهر ان ابوكي معرفش يربيكي

æ اغلق الهاتف في وجهها 

نظرت الي الهاتف بهدوء ابتسمت بسخريه

- بكره نشوف مين اللي هيربي مين يا أيمن يا شناوي !!!

-------------------------------------------------

-انتهت الُهله التي حددتها آسيا لآدم للتفكير

لم يهاتفها بعد !! كادت ان تجن !!!

قلبها يعتصر قلقاً شوقاً ألماً 

لم تشعر بنفسها الا و هي تمسك بالهاتف و تطلب رقمه

جرس ..جرس..جرس

صوتاً رجولياً غريباً !! من هذا ؟!!

ليس آدم حبيبها !!

آسيا ( بخوف) : مين معايا !!

- انا علي صاحب آدم

آسيا ( بلهفه) : علي !!! هو حصل حاجه ؟؟؟؟ آدم كويس ؟؟؟؟

علي ( بارتباك) : هو كويس الحمدلله ..هو بس.. هوو

آسيا ( بنفاذ صبر ) : هو ايييه يا علي .. انطق 

علي : آدم سافر يا آسيا .. و قبل ما يركب الطياره وصاني اقول لك حاجه .. انا كنت هكلمك بس انتي سبقتي اتصلتي 

صمت قليلاً كأنه يمهلها الفرصه ليجعلها تستوعب ما يقول

تحدث ثانيه بصوت حاول جاهداً ان يضفي عليه الهدوء

بيقول لك.. 

"-انتي خلاص مبقتيش ليه و مش هتكوني لغيره"

الحلقة الثالثة و العشرون

-آدم سافر يا آسيا .. و قبل ما يركب الطياره وصاني اقول لك حاجه .. انا كنت هكلمك بس انتي سبقتي و اتصلتي 

صمت قليلاً كأنه يمهلها الفرصه ليجعلها تستوعب ما يقول

تحدث ثانيه بصوت حاول جاهداً ان يضفي عليه الهدوء

بيقول لك.. 

"-انتي خلاص مبقتيش ليه و مش هتكوني لغيره"

ظلت صامته .. مذهوله .. لا تصدق ما تسمعه 

تركها .. سافر .. لم تصبح له .. لن تكون لغيره !!!

كيف ؟!!!!

هتفت فجأة بجنون

- سافر ازااااااااي ؟!!! و يعني ايه مبقتش ليه و مش هبقي لغيره دي ؟!!!!! 

علي : و الله معرف يا آسيا هو اللي قال لي قول لها كده

آسيا ( بجنون) : علي قول لي انك بتضحك عليا .. قول لي ان ده مش حقيقي , قولي لي ان آدم مسافرش و سابني .. قووووووووول يا علي

علي ( بحزن) : للأسف هي دي الحقيقة , معرفنيش غير في اخر لحظة , ملحقتش امنعه 

من صدمتها باتت تهزي كلام غير مفهوم و هي تبكي و تضحك في آن واحد !!

علي ( بقلق ) : آسيا .. آسياااا اهديييي و فوقيييي الله يخليكي انا مش ناقص

آسيا ( ببكاء ) : يعني كده خلاص ؟!!! 

سابني و كمان حكم عليا مبقاش لغيره ؟!!!!!

صرخت بغضب 

-انا مشفتش في حياتي حد , سلبي و اناني و ضعيف اكتر منه

علي : معذور يا آسيا , متظلويهوش انتي كمان , انتي متعرفيش هو كان متعلق بأهله ازاي و حصل له ايه بعد الحادثه , موتهم مأثر فيه فوق ما تتخيلي و مش بينسي و مش بيبطل يحمل نفسه الذنب , آدم تعبان اوي يا آسيا فوق ما اي حد ممكن يتصور

آسيا ( بغضب و بكاء ) : و هو مظلمنيش ؟!!!! لما خلاني احبه و علقني بيه و بعدين سابني مظلمنيش ؟؟؟؟!!! لما يحكم عليا ان مبقاش ليه و لا كمان لغيره مظلمنيش ؟!!! لو هو تعبان انا بموووت يا علي , انا عمري ما هسامحه علي اللي عمله فيا ده ابداً , لما هو مش عاوز يعيش حياته و مش عاوز يبقي سعيد و مش قادر ينسي , كان دخل في حياتي لييييييه ؟!!!! علقني بيه ليه ؟!!!! خلاني احبه لييييه ؟!!! 

صمتت قليلاً و تابعت بحرقه

- حرام عليه و الله العظيم حرام عليه

علي ( بحزن) : انا مش عارف اقول لك ايه , انتوا الاتنين صعبانين عليا اوي , يا ريت كان في ايدي حاجه اعملها و يا ريت كنت قدرت امنعه

مقاليش اي حاجه غير قبل معاد الطيارة بساعه , روحت له جري علي المطار بس مقدرتش امنعه

ساب لي موبايله و مفاتيح الفيلا و الصيدليه و كل حاجة تخصه هنا و قال لي انه تعبان , تعبان و محتاج يبعد

قال لي ان وجوده في حياتك مسببلكيش غير الحزن و التعاسه

آسيا ( بسخريه ) : و لما يسيبني و يسافر كده هيخليني ابقي مبسوطة و سعيده مش كده ؟!!

هو سافر فين يا علي ؟؟

علي (بهدوء) : لندن

آسيا ( بألم) : و مقلكش راجع امتي ؟؟؟

صمت .. لا يدري بماذا يُجيب , ألمها كثيراً و لا يستطيع يؤلمها اكثر

آسيا ( بدموع) : ايه مش راجع ؟!! 

علي : معرفش يا آسيا , مقليش حاجه و لما سألته مسافر ليه و راجع امتي مجاوبنيش , كل اللي قاله انه تعبان و محتاج يبعد

صمتت تماماً و لم يسمع سوي صوت انفاسها المتسارعه من هول الصدمه و الانفعال 

علي (بقلق) : آسيا انتي كويسه ؟؟؟ 

آسيا ( بخفوت ) : كويسه يا علي , انا لازم اقفل دلوقتي

اغلقت الخط دون ان تمهله فرصه للرد

ارتمت فوق فراشها تبكي بحرقه

لا تُصدق انه تخلي عنها بهذة البساطه !

ظهر فجأه و اختفي فجأه !!

كيف ستصبح حياتها من دونه ؟!! كيف لآسيا ان تكون بلا آدم ؟!!!

ارتفع صوت بكاءها الي درجه مُفزعه

اسرع اليها والدها و والدتها , وجودها منكبه علي وجهها تبكي و تشهق الي ان كادت تختنق

سمية ( بفزع ) : بسم الله الرحمن الرحيم .. مالك يا بنتي ؟!!!

صلاح : روحي هاتي لها كوبايه مايه 

اسرعت سميه و احضرت لها كوب من الماء

احتضنها والدها يشده

سميه : خدي يا آسيا اشربي , اهدي و اشربي يا حبيبتي متوجعيش قلبي عليكي اكتر من كده

ظلت تبكي و تبكي الي ان غابت عن الوعي

سمية ( بصراخ ) : بنتيييييييي

صلاح : هقوم اتصل بالدكتور بسرعه

بعد اقل من نصف ساعه , وصل الطبيب 

بعد الكشف عليها

- عندها صدمه عصبيه حاده , عملت لها خرس مؤقت

سمية ( بصدمة ) : يا لااااهوي !!! خرس !!!!

الطبيب : ده حاله مؤقته بس , اهم حاجه تبعدوها عن اي حاجه ممكن تضايقها او تخليها تنفعل و يا ريت تاخدوها تغير جو في اي مكان , ده هيساعدها كتير ان حالتها تتحسن

انا دلوقتي اديت لها مهدئ و هتنام للصبح 

صلاح : يعني الحاله دي هتستمر قد ايه يا دكتور ؟؟؟

الطبيب : مقدرش احدد , كل ده متوقف علي حالتها النفسيه , اهم حاجه الراحه و البُعد عن اي حاجه ممكن تضايقها

سمية ( ببكاء ) : و الله احنا ما نعرف ايه اللي ضايقها وصلها لكده اصلاً عشان نبعدها عنه

صلاح : خلاص يا سمية

شكر الطبيب و اوصله الي الباب 

و عاد الي غرفه آسيا وجد سمية تجلس علي الفراش بجوارها و هي تبكي 

سمية (ببكاء) : بنتي جري لها ايه يا صلاح , ليه بيحصل فيها كده

صلاح : استغفري ربنا و ادعي لها 

سمية : استغفر الله العظيم يا رب , ربنا يقومك بالسلامه يا حبيبتي 

صلاح : متعرفيش حصل ايه وصلها لكده ؟؟

سمية : والله ابداً , كانت كويسة و زي الفل , بس بقالها اسبوع متغيره و دايماً قاعده لوحدها و كل ما اقولها مالك , تقول لي مفيش حاجه انا كويسه

صلاح : استغفر الله العظيم يا رب , البنت دي مالها بس , شويه تبقي كويسة و شويه تتعب فجأة , الطف بينا يا رب 

-------------------------------------------------- 

مر يومان ..

تحاول شروق الاتصال بآسيا باستمرار , و لا تجد رداً !

تسرب القلق الي قلبها 

ارتدت ملابسها في عجله

شيرين : ايه ده انتي خارجه ؟!

شروق : اه , هروح لآسيا , بقالي يومين بكلمها و مش بترد عليا , قلبي مش مطمن , حاسه ان في حاجة

شيرين : طيب ما تكلميها علي البيت ؟؟؟

شروق : معرفش حاسه ان في حاجة , مش عاوزة اعرف من التليفون , هروح لها احسن

شيرين ( بتردد) : ايوة .. بس بابا ..

شروق : ماله ؟!

شيرين : لو جه و سأل عليكي اقوله روحتي فين ؟؟

شروق : قولي له روحت عند آسيا

شيرين : ما بلاش يا شروق عشان متحصلش مشاكل , طب كلمي أيمن قولي له الاول

شروق ( بغضب) : متجبيش سيرته تاني قدامي عشان بتعصب , انا رايحه و راجعه علي طول 

سلام

خرجت من المنزل سريعاً

شيرين ( بقلق) : " ربنا يستر و متحصلش مشاكل تاني يا رب "

-------------------------------------------------- 

دقت جرس المنزل..

سمية : شروق , اهلاً يا حبيبتي 

شروق (بقلق) : ازيك يا طنط ؟ و آسيا عامله ايه ؟؟ بقالي يومين بكلمها مش بترد !

سمية ( بتنهيده حزن ) : طيب ادخلي الاول

جلسوا في الصالون ..

شروق ( بقلق) : هو في ايه ؟؟؟!

سمية (بحزن) : آسيا حصلها خرس مؤقت و نفسيتها وحشه جداً

شروق ( بصدمه ) : ايه ؟!!! ليه ؟!!!!

سمية : و الله يا بنتي ما اعرف , فجأة سمعنا صوتها بتصرخ و تعيط , دخلنا عليها الاوضه و حاولنا نهديها مهديتش و اغم عليها , طلبنا لها الدكتور , قال ان عندها صدمه عصبيه عملت لها خرس مؤقت 

شروق : لا اله الا الله !!! طيب محدش كلمني قالي ليه ؟!!

سمية : والله اتلخمنا فيها يا شروق و مكنتش فايقه و لا مركزه اقول لأي حد , حتي سميرة اختي متعرفش لحد دلوقتي

شروق : ممكن اشوفها طيب

سمية : اه طبعا يا حبيبتي , يا ريت تحاولي تهديها او تعرفي منها مالها او اي حاجه , آسيا محتاجه ليكي اوي دلوقتي يا شروق 

شروق ( بحزن ) : و انا مش هسيبها خالص يا طنط , متقلقيش 

--------------------------------------------------

دخلت الي غرفتها بهدوء

وجدتها مستلقيه فوق فراشها محدقه في الفراغ

جلست بجانبها و نادتها بصوت هامس

- آسيا 

طنت انها لم تسمعها 

نادتها مجدداً بصوت اكثر وضوحاً

- آسيا 

التفتت لها ببطئ , الدموغ تغرق وجهها الجميل , عيونها العسليه ذابله , حُمره وجنتيها اختفت 

الألم مرتسم علي وجهها بوضوح

شروق ( بصدمه) : ايه كل ده يا آسيا ؟!!!!!!! حصل ايه عشان ده كله ؟!!!!!!

لم تدري آسيا الا و هي ترتمي بين احضان صديقتها تبكي بعنف

و شروق قلبها يتمزق ألماً علي صديقه عمرها

حاولت تهدئتها ببعض الكلمات الهامسه في اذنها , ظلت تربت علي ظهرها بحنان , الي ان هدأت 

اخرجتها من بين احضانها بهدوء و نظرت اليها

- حصل ايه يا آسيا ؟؟ ايه يا حبيبتي اللي يعمل فيكي كده ؟!! مفيش حاجه تستاهل كل ده !!

نظرت اليها بألم و الدموع تتسارع علي وجنتيها بلا توقف 

شروق ( بخفوت) : آدم ؟؟

هزت رأسها بالايجاب 

تنهدت بضيق

- عمل ايه تاني ؟! اجيب لك ورقه تكتبي لي ؟؟؟

هزت رأسها نفياً

- ما انا لازم اعرف ايه اللي حصل ؟! عمل فيكي ايه ؟!!

فتحت الدرج و اخرجت دفتر آسيا الوردي و ناولتها اياه

- خدي يا آسيا , اكتبي لي حصل ايه 

امسكت بدفترها و اخذت تقلب بين صفحاته و الدموع تزداد و شهقاتها تعلو

تري ذكرياتها معه امام عينها من جديد , منذ ان تعرفت عليه اول مره الي اخر لقاء

كل ذكري لها معه كتبتها هنا , كل احساس شعرت به تجتهه يوماً , كل امنيه تمنتها 

لم تستطع التحمل اكثر من ذلك

القت بالدفتر بعيداً و وضعت يدها فوق عينها و بكت بحرقه

ضمتها شروق مجدداً

- اهدي يا آسيا بقي , اهدي عشان خااطري , لو اعرف بس فيكي ايه ؟!!

ظلت تهدئها الي ان نامت بين احضانها 

وضعت رأسها فوق الوساده برفق و احكمت الغطاء عليها

استقامت واقفه , اعادت الدفتر الي مكانه في الدرج و امسكت بهاتف آسيا , اخرجت منه رقم آدم و سجلته علي هاتفها

--------------------------------------------------

يجلس في مطعمه شارداً , حزيناً علي حال صديقه

سمع رنين هاتف آدم الموضوع امامه علي الطاوله 

- يووووه انا نسيت اقفلك ! 

نظر الي الشاشه وجده رقماً غير مُسجل

رد بهدوء 

- الو

- احم , السلام عليكم , آدم معايا ؟؟؟

علي : لا آدم مسافر , انا علي صاحبه

شروق ( بصدمه) : ايه ؟!! سافر !! سافر فين ؟!!!!

علي : مين معايا الاول ؟؟

شروق : اناا..انا شروق صاحبه آسيا

علي ( بتنهيده) : آدم سافر لندن

شروق : ليه ؟!! و ازاي يسيب آسيا كده ؟!! دي حالتها وحشه اوي من ساعه ما سافر , اكيد سفره ده اللي عمل فيها كده , هو مش راجع تاني ؟!!!

علي : وحده وحده بس و فهميني الاول آسيا حصل لها ايه ؟؟

شروق : لا ابداً حاجة بسيطة , صدمه عصبيه عملت لها خرس مؤقت , عشان صاحبك ينبسط

علي ( بصدمه) : ايه !! لا حول ولا قوه الا بالله

شروق ( بحده ) : بلغ البيه باللي حصل عشان يشوف اخره تصرفاته وصلتها لأيه 

علي : انا مش عارف اوصل لآدم اصلاً

شروق (بحده) : انت هتستهبل ؟!!!! صاحبه و مش عارف توصل له ؟!!

علي (بغضب) : انا مستحملك و مقدر قلقك علي صاحبتك , بس كده اوفر بقي , انا مليش مصلحه اني اكدب او اخبي عليكي , زي ما آسيا صاحبتك آدم صاحبي و يهمني مصلحته , انا فعلاً معرفش عنه حاجة غير انه سافر لندن , لا عارف له عنوان ولا رقم تليفون ولا اي حاجة , مرضيش يقول لي اي حاجه , قال انه محتاج يبعد عن كل الناس

شروق (بندم) : انا اسفه و انا مش قصدي .. انا بس ..

علي (بهدوء) : انا مقدر خوفك و قلقك علي صاحبتك صدقيني , بس انا فعلاً معرفش حاجة 

شروق ( بحزن) : طيب ده رقمي , لو سمحت خليه معاك و لو عرفت اي حاجة عن آدم اتصل بيا فوراً , انت متعرفش آسيا حالتها وحشه ازاي , جايز اي حاجه عنه تحسن من حالتها شويه

اغلقت الهاتف و تنهدت بضيق

" مش عارفه ليه مش مكتوب لينا السعاده ابداً يا آسيا " 

- الشيك من فضلك ..

-------------------------------------------------- 

وصلت الي منزلها..

شيرين : اتأخرتي كده ليه ؟؟؟

شروق : روحت لآسيا و بعدين حسيت اني مخنوقه روحت قعدت في كافيه لوحدي شويه و جيت , حصل حاجه ؟

شيرين : بابا اتصل من شويه و سأل عليكي قولت له انك نايمه , ربنا يسامحني بقي , بس خوفت تحصل مشاكل تاني

شروق : طيب يا شيرين اديني جيت اهو , داخله اوضتي اغير

شيرين : مش هتقولي لي حصل ايه مع آسيا ؟؟ 

شروق : بعدين .. بعدين هحكي لك 

--------------------------------------------------

علمت سميرة بما حدث مع آسيا فذهبت كي تطمئن عليها بصحبه معتز

سمية : اهلاً يا سميرة نورتي ,

فيك الخير والله يا معتز

معتز ( مبتسماً) : متقوليش كده يا خالتو احنا اهل

سمية : ربنا يحميك يا حبيبي , ثواني و آسيا جايه تسلم عليكوا 

صدم من رؤيتها هكذا ! 

تحاكي الاموات في شحوبها !!

جلس معها في شرفه المنزل

معتز (بهدوء) : انا مش عاوز اعرف اللي حصل لك ده سببه ايه ولا هتكلم معاكي في اي حاجه قديمه انا حابب بس اقولك حاجه واحده

نظرت اليه بصمت كعادتها في الفتره السابقه , فأكمل بهدوء

- مفيش اي حاجه و لا اي حد في الدنيا يستاهل ان يحصل فيكي كده بسببه , كل حاجه بتعدي و اي جرح بيتنسي , الوقت كفيل انه يداوي كل الجروح , انا عارف انك مستغربه ان انا بالذات اللي بقول ليكي الكلام ده , صدقيني انا مش زعلان منك , انا يمكن اتوجعت شويه بس الوجع فوقني و قواني و وقفني علي رجلي من تاني , اوعي تخلي اي حاجة تكسرك يا آسيا .. اوعي 

انا طول عمري هفضل ابن خالتك و سندك .. و لو احتاجتي مني اي حاجة في اي وقت اوعي تترددي في انك تكلميني , اعتبريني زي عمر و انسي خالص اي مواضيع فاتت

انتي كان معاكي حق .. مينفعش ترتبطي بواحد مش حاسه ناحيته بأي مشاعر , كنتي هتظلمي نفسك و تظلميني , اللي حصل ده هو احسن حاجة ليكي و ليا , يمكن مفهمتش ده ساعتها او مكنتش فاهمه قبل كده 

بس انا دلوقتي فهمته و استوعبته كويس اوي 

توعديني يا آسيا انك تحاولي تتحسني و تخرجي من الحاله اللي انتي فيها دي و لو احتاجتي مني اي حاجة تطلبيها مني علي طول و متتردديش ؟؟

اومأت برأسها مبتسمه و الدموع تغرق وجهها ! 

--------------------------------------------------

يمر الوقت ببطئ , لا جديد ...

آسيا و حالتها كما هي لم تتحسن 

لا يوجد اي اخبار عن آدم و آسيا تكاد تموت شوقاً و قهراً !

وضع أيمن يزداد سوءاً يوم بعد يوم , و سمعته و سمعه الشركه انهارت تماماً

استدعاءات .. تحقيقات .. جلسات محكمه 

دوامه طويله يشعر انها كابوس لا يستطيع الخلاص منه !

--------------------------------------------------

يجلس في شرفه منزله يحتسي الشاي في هدوء و استرخاء

سمع رنين هاتفه , نظر الي الشاشه و ابتسم 

انها ماهي !

رد عليها بهدوء لكن افزعه صوتها الصارخ الباكي و هي تستنجد به و انقطع الخط بعد ذلك ..

😉😉😉😉😉😉😉😉

الحلقة الرابعة و العشرون

يجلس في شرفه منزله يحتسي الشاي في هدوء و استرخاء

سمع رنين هاتفه , نظر الي الشاشه و ابتسم 

انها ماهي !

رد عليها بهدوء لكن افزعه صوتها الصارخ الباكي و هي تستنجد به و انقطع الخط بعد ذلك ..

لم يشعر بنفسه الا و هو يهب واقفاً و يلتقط مفاتيح سيارته و ينزل الدرج جرياً و يقود سيارته في سرعه جنونيه الي منزلها الذي اخبرته بعنوانه قبل ذلك و الذي اوصلها اليه اكثر من مرة

في حقيقه الامر انه ليس منزلها , انه منزل أيمن الذي استأجره لها 

كان ذلك الامر يضايق طارق كثيراً و كان يريدها ان تترك منزله علي الفور لكن ذلك التصرف كان سيلفت انتباه أيمن اليها في ذلك الوقت تحديداً , ففضل التمهل الي ان ينتهوا من أيمن نهائيا ًلضمان عدم تعرضه لها قبل ان تتم محاكمته 

لكن يبدوا ان الرياح تأتي دائماً بما لا تشتهي السفن !

بعد اقل من عشر دقائق وصل الي البنايه التي تقطن بها 

لا يعلم اي دور تحديداً , لكنه سيسأل

لكن في حقيقه الامر , لم يحتاج الي السؤال

ما ان صعد الي البنايه حتي سمع اصوات عاليه 

صراخات نساء .. شتائم رجال !!!

صعد جرياً الي مصدر الصوت و وقف مصعوقاً من هول ما رأي !!!!

باب شقه مفتوح يقف امامه نصف سكان العماره تقريباً , بالداخل ... يا الله !!!!!

أيمن يجثوا علي ركبته و ماهي ملقاه امامه علي الارض و وجهها ملطخ بالدماء

و هناك مجموعه من الرجال يحاولون الامساك به !!!!

صرخات نساء و اصوات متداخله , منهم من يؤيد الدفاع عنها بأعتبارها انثي مهما ان كانت هويتها او افعالها و البعض الاخر يشمت و الاخر يشتم و يا للعجب هناك من يشاهد !! كأنه عرض مسرحي او فيلم معروض علي شاشه التلفاز !

دخل وسط الزحام و امسك بأيمن من ياقه قميصه و لكَمه لكمه قويه طرحته ارضاً و انهال عليه بالضرب , و ماهي تزحف علي الارض بعد ان تمزق ثيابها تبكي بعنف و تغطي جسدها بما تبقي من ملابسها الممزقه

تدخل الرجال و حاولوا ابعاد طارق عن أيمن , لكن كل محاولاتهم باتت بالفشل

كان يضربه بغل و حقد , رأي امامه كل ما فعله بشروق , و ماهي !!!!!

الحقيييييييير !! كيف له ان يضرب انثي بمثل هذه البشاعه ؟!!!!! حقاً انه لا يعلم عن الرجوله شيئاً !

- يا ابني سيبه , هي اللي تستاهل , ما هي اللي مرخصه نفسها و سيباه طاله نازل عليها في الشقه و لا كأنها شقه مفروشه , ربنا يعافينا من الاشكال دي , تستاهل كل اللي يجري لها 

كان ذلك صوت احد سكان العمارة المتجمعين 

شهقت ماهي شهقه عاليه , شهقه ألم و ضعف و انكسار

التفت اليها وجدها تنظر اليه برعب تستنجد به !!!

نظر الي الرجل و الشر يتطاير من عينه , ترك أيمن و التفت اليه هو الاخر و لكمه بقوه , لكمه اسالت الدماء من فمه و انفه

استغل أيمن الفرصه و قام من علي الارض يترنح و صاح بجنون

- بقي انت بقي البطل المنقذ اللي جاي تنقذ ماهي مني دلوقتي ؟!!!!!! دي و******** و متستهلش تعيش اصلاً و , الحنين اللي كان بيلف علي مراتي من وراياااااااا , اما وريتك ياااااا ******** مبقاش انااااا أيمن الشناوي 

التفت اليه و نظر اليه باستحقار

- طب ما انا قدامك اهو ؟؟؟ وريني بقي هتقدر تعمل ايه يا دكر ؟!!! مع اني اشك في الموضوع ده جدا ً !!!!!! و لما ماهي و******** امال انت تبقي ايه يا ابن ******** ؟!!!!! 

نظر اليه بغضب و جنون و قبل ان يهجم عليه سمعوا صوت سيارات الشرطة

حمداً لله , يبدوا ان احد من سكان العمارة قرر ان يقوم بدور ايجابي و ابلغ الشرطة و يتخلي عن دور المشاهد !!!!

هرج و مرج و فوضي

وصلت سياؤات الشرطة و صعدوا اللش الشقه

اصطحبوا معهم طارق و أيمن و ماهي و بعض من الشهود او المتفرجين ان صح القول

كانت ماهي في حاله مزريه

خلع طارق جاكيته ووضعه فوق كتفها و حاول قدر المستطاع تهدئتها دون جدوي , الي ان وصلوا الي قسم الشرطة

--------------------------------------------------

وصولوا الي قسم الشرطة ..

ماهي في حاله بكاء هستيري و ترتجف بشده , و أيمن وجهه ملطخ بالدماء و الكدمات

و طارق يحاول السيطرة علي اعصابه قدر المستطاع 

المقدم " مروان عز الدين " ..

- ممكن افهم ايه اللي حصل ؟؟؟؟ 

واحد واحد يتكلم 

و نظر الي ماهي 

- احكي انتي , ايه اللي حصل ؟؟؟ و يا ريت تحاولي تهدي شويه

حاولت الكلام لكنها لم تستطع و ظلت ترتجف بشده

طلب لها كوب من الماء تناولته بأيدي مرتجفه الي ان هدأت قليلاً

- ها ؟؟ هديتي شويه .. ممكن اسمع منك بقي ايه اللي حصل ؟؟؟

ماهي ( بصوت مرتجف , متقطع , يكاد يكون مسموع) : اناا..كنت قاعده في البيت ..عادي و فجأه لاقيته فتح الباب بالمفتاح ..انا كنت قاعده في الصالون..هجم عليا و مسكني من شعري ..قعد يضربني و يشتمني..عرفت افلت من ايده و اتصلت بطارق..ملحقتش اقول له حاجه و شد الموبايل من ايدي و قعد يضربني تاني..كنت بصرخ ..الجيران اتلموا علي صوتي..كسروا الباب..و حاولوا يحوشوني عنه..لحد ما طارق جه

كانت تقول اخر كلماتها ببكاء

هم أيمن بالحديث , قاطعه مروان بحده

- انت تخرس خااالص انا مأذنتلكش تتكلم

أيمن (بغضب) : انت ازاي تتكلم معايا كده ؟!!! انت مش عارف انا مين ولا ايه ؟!!!!! 

مروان (بسخريه) : هتكون مين يعني ان شاء الله ؟!!

أيمن : انا أيمن الشناووووي 

مروان :حصل لنا الرعب !!

ثم صاح فجأه بعنف

- انت اتجننت ؟!!!! أيمن الشناوي علي نفسك يا روح امك !!! انت هنااا في القسم مش في فيله بابي , تحط الجزمه في بوقك و مطنطقش الا لما اأذن لك بالكلام .. انت اصلاً وضعك زي الزفت و مش ناااقص , انت فاهم ولا لاااا ؟!!!!!

بُهت !! لم يتخيل ان يأتي عليه اليوم و يُعامل بمثل تلك الطريقه المُهينه !

صمت تماماً كتمثال حجري

التفت الي ماهي مجدداً

- قولتي لي دخل بالمفتاح ؟

- ايوه

- جاب المفتاح منين ؟؟؟

اطرقب برأسها خجلاً و اجابت بخفوت

- ما هي الشقة بتاعته اصلاً و انا قاعده فيها

- و مقعدك في شقته ليه ؟؟؟

اطرقت برأسها و لم ترد

كان طارق يستشيط غضباً , و مروان يتابع اسئلته بهدوء

هز رأسه متفهماً ثم تابع

- و ايه بقي السبب اللي خلاه يتجنن و يمد ايده عليكي بالمنظر ده ؟!!

صمتت قليلاً ثم اجابت بخفوت

- مش عارفه ! اسأله 

انفجر أيمن غضباً

- بقي مش عارفه انتي عملتي اييييه يا بنت ............

لم يدعه مروان يُكمل كلامه و هتف فيه صارخاً

- انا موجهتلكش ااااي كلام دلوقتي خاااالص , اقعد و حط جزمه في بوقك لحد ما اخلص استجوابهم يا هرميك برررررة !!

خير ما فعل , لانه ان لم يفعل لكان طارق هجم عليه الآن اوسعه ضرباً !

نظر مروان الي طارق الغاضب و تحدث بهدوء

- احكي لي انت بقي اللي حصل

زفر عده انفاس حاول بها ان يهدئ من روعه ثم اجاب 

- انا كنت قاعد في البيت عادي , موبايلي رن , لاقيتها ماهي بتكلمني و هي بتعيط و تصرخ و بتقول لي الحقني و الخط قطع بعد كده , روحت لها علي البيت جري , مكنتش اعرف اي شقه ولا اي دور , بس اول ما طلعت العماره سمعت صوت دوشه و زعيق و خناق و ستات بتصرخ , طلعت ورا مصدر الصوت , لايقت ..... لاقيت باب شقه ماهي مفتوح و ناس كتير اوي ملمومه قدام الشقه , دخلت وسطهم.... 

و نظر الي أيمن بحقد و غل و اكمل ضاغطاً علي اسنانه

-لاقيت الحيوان ده قاعد علي الارض و ماهي مرميه قدامه و هي وشها كله دم و الناس بتحاول تحوشه عنها 

مروان : ممممممممم , طيب و متعرفش عمل فيها كده ليه ؟؟؟

طارق (بحده) : معرفش , انا مفهمتش اي حاجه , روحت علي المنظر ده و بس

نقل مروان انظاره من طارق الي أيمن و سأله بسخريه واضحه

- و انت يا سبع الرجال , عملت فيها كده ليه ؟؟؟ في راجل محترم و عنده شويه دم يمد ايده علي بنت بالمنظر ده ؟!! ايه مستقوي بنفسك يعني ؟!! اهو جالت اللي عجنك و خلي منظرك عره !!!!

جز علي اسنانه محاولاً كبت غضبه الاعمي حتي لا يورط حاله بمشاكل اخري , يكفي ما عنده من مشاكل و قواضي

اكمل مروان بحده

- انطق ضربتها كده ليه ؟؟؟!!

زفر بضيق و رد بحده

- عشان خانتني !!!! عضت الايد اللي اتمدت لها , مسكنها في شقه مكنتش تحلم تدخلها اصلاً و بصرف عليها من غبر حساب , في الاخر حبت تنتقم مني لما رفضت اتجوزها عشان سمعتها اللي زي الهباب و سرقت ورق من شركتي و استعملته ضدي , لفقت لي تهم انا معملتهاش , كانت سكرتيرتي لفتره و عارفه كل اسرار شغلي و بشيل ورقي المهم فين , استغلته ضدي

شهقت ماهي بعنف و انهارت تماماً

يكفي كذباً , يكفي تجريحاً , يكفي جداعاااً

كفي كفي كفييي !!

صرخت صرخه مدويه و هتفت بجنون

كذب و الله العظيم بيكذب , سمعتي اللي زي الهباب دي هو السبب فيهااا , هو اللي خلاني اسيب شغلي في الشركه اللي كنت بشتغل فيها و اشتغل معاه بضعف مرتبي , اجر لي الشقه و صرف عليا كتير مش هنكر , انا عارفه اني غلط بس و الله العظيم كل الورق اللي قدمت للنيابه ده سليم , ملفقتلوش ولا تهمه , النيابه بنفسها اتأكدت من صحه الورق , انا تعبت منه و من القرف اللي كنت عايشه معاه فيه و فكرت اعمل حاجة واحده صح في حياتي من ساعه ما عرفته و اقدم الورق ده للنيابه و ارضي ضميري و اخلص منه و كنت ناويه اسيب الشقه و اقطع كل علاقتي بيه تماماً بس خُفت يشك ان انا ورا اللي حصل له ده و قولت استني لما يتحكم في القضيه احسن

جن جنونه و هجم عليها محلولاً ضربها مجدداً 

الا ان طارق وقف له بالمرصاد هذه المره و لم يجعله يمس شعره منها 

مروان (بغضب) : بسسسسسس انتوا فاكرين نفسكوا قاعدين فييييييييين هناااااا ؟!!!!!!

لو سمعت اي نفس دلوقتي هحطكوا كلكوا في الحبس , انتوا سامعين ولا لاااا ؟!!!

و التفت الي أيمن قائلاً بغضب

- و انت يا أيمن بيه , مطلوب علي ذمه قواضي تانيه و مش نااقص , موقفك زي الزفت لوحده و انا اقسم بالله لو حطيتك في دماغي مش هطلعك من هنا علي رجليك !!!

زفر بضيق و حاول التحكم في غضبه

نظر الي أيمن ..

- دلوقتي انا هعمل تعهد بعدم التعرض , هتمضي عليه من غير ما تفتح بوقك , و لو اتكررت و اتعرضت لها تاني و جيت لي هنااا , متلومش الا نفسك !!

و حول انظاره الي ماهي ..

و انتي انا هلم الموضوع عشان الفضايح و الشوشره

و نظر الي أيمن مجدداً

- و انت مش ناقص فضايح اكتر من كده يعني !!

ثم نظر الي ماهي مجدداً

قاعده في شقته من غير صفه , طالع نازل عليكي !! لو كان حد مكاني كان زمانه عمل محضر اداب دلوقتي !!!! بس انا هلم الدنيا 

ضربها في مقتل ! لو كان طعنها بنصل حاد في صميم قلبها لكان اهون عليها من سماع ذلك الكلام المُهين الجارح و خاصه امام طارق !!!

طارق الذي احترق بنار الغيره و القهر و الغضب الف مره خلال ذلك اليوم المشئوم !!

خرجوا من القسم , انتهي الامر , لكن ذكراه ابداً لن تنتهي , ابداً لن تمحو من ذاكرتها و لا ذاكرته هو ايضاً

سارت الي جواره .. مُحطمه , يائسه , مجروحه ..بلا روح !

نظر اليها بألم و حزن 

ارعبه شحوب وجهها , شعر باضطراب انفاسها و بجسدها يبتفض و قبل ان يسألها عن نا تشعر بها وجد رجلها تتهاوي من تحتها حتي كادت ان تسقط

اسرع بحملها قبل ان تسقط ارضاً و ادخلها الي سيارته و توجه بها الي اقرب مشفي

--------------------------------------------------

ظلت تجوب الغرفه ذهاباً و اياباً بقلق و توتر 

تتصل بماهي و طارق منذ اكثر من ثلاث ساعات و ما من رد !!

بدأ القلق يتسرب الي قلبها 

اين اختفوا !!!

" يا رب استر , انا قلبي مش مطمن ! "

--------------------------------------------------

ذهب بماهي الي اقرب مشفي

قاموا بمداواه جروحها و علقوا لها المحاليل

جلس الي جوارها يتأملها و هي نائمه 

كم بدت رقيقه هادئه بدون كل مستحضرات التجميل التي تصبغ بها وجهها 

تذكر شروق ! لابد انها قلقه الآن 

بحث عن هاتفه في جيوبه لم يجده 

نسيه في السياره حتماً

ترك ماهي لدقائق , بحث فيها عن هاتفه في السياره الي ان وجده و بالفعل وجد شروق قد اتصلت به فوق العشر مرات

اتصل بها قبل ان يصعد الي المشفي مجدداً و حكي لها ما حدث باختصار و صعد مجدداً الي غرفه ماهي , حتي ان استيقظت لا تجد نفسها وحيده !

-------------------------------------------------- 

لا تصدق ما سمعته للتو من طارق في الهاتف !!! 

كيف وصلت به الحقاره الي هذه الدرجه ؟!!!

الغضب الاعمي ظل يتصاعد بداخلها الي ان شعرت انها اصبحت مثل جمره متوهجه من النار من شده الغضب

اقسمت بداخلها انها سوف تنتقم منه شر انتقام 

عزيزي الرجل , لا تحاول العبث مع امرأه مجروحه

لأنك حتماً لن تستطيع تحمل عواقب رده فعلها !

--------------------------------------------------

انتظرت و انتظرت و انتظرت , الي ان اتت اللحظه التي انتظرتها طويلاً

محسن : انتي يا ست شروق

شروق (بهدوء) : نعم يا بابا

محسن (بغضب) : عرفتي اللي حصل مع أيمن ؟؟

شروق ( بثبات) : لا مبكلمهوش , هعرف منين يعني

محسن : اتخانق خناقه لرب السما و راح القسم و كانت ليله بس الحمدلله خرج منها علي خير بس تعبان و وشه كله مشلفط

شروق ( مصطنعه الدهشه) : بجد ؟؟؟ طب ايه سبب الخناقه ؟؟؟ و هو كويس دلوقتي ؟؟

محسن : معرفش رفعت قال لي كده بس في التليفون

شروق : طيب انا لازم اروح له عشان اطمن عليه 

محسن : اخيراً عقلتي 

شروق (بسخريه مُبطنه) : طبعاً يا بابا , مهما كان جوزي بردو !

محسن : طب اجهزي يلا عشان اخدك و نروح له 

شروق : عشر دقايق و تلاقيني جاهزه

دلفت الي غرفتها و ابتسامه عبث شيطانيه ارتسمت علي ثغرها 

ابدلت ملابسها في سرعه و اخرجت حقيبه صغيره خبأتها في دولابها كثيراً و حان الوقت الآن كي تفصح عن محتواياتها !

-------------------------------------------------- 

امام فيلا رفعت الشناوي ..

ترجلت من سياره والدها و دلفت الي الفيلارفعت الشناوي

قابلها والده و والدته بترحاب كبير , الي ان نزل أيمن من غرفته

نظر لها بضيق 

محسن : الف سلامه عليك يا حبيبي 

أيمن (باقتضاب) : الله يسلمك يا عمي

شروق ( بهدوء) : سلامتك يا أيمن

أيمن (بضيق) : كويس والله انك لسه فكره اني جوزك

شروق : و انا اقدر انسي بردو !

محسن : هي الخناقه دي كانت بسبب ايه يا ابني ؟!!

نظر الي شروق بعمق نظره متفحصه

- هو طارق يعرف ماهي منين يا شروق ؟؟؟؟

نظرت اليه قليلاً تستوعت سؤاله ثم فلتت منها ضحكه خافته لم تستطع كتمانها

محسن : ماهي مين و طارق مين ؟! انا مش فاهم حاجه ؟! انت فاهم حاجه يا رفعت ؟؟؟

رفعت : لا ! متفهمونا يا ولاد في ايه ؟! 

شروق (بهدوء) : مفيش يا عمي , اصل ماهي دي تبقي صاحبه أيمن

نظر لها الجميع بدهشه

أيمن (بغضب) : ما طارق كمان يبقي.......

شروق (بتحدي) : سكت ليه؟؟؟؟ يبقي ايه يا أيمن ؟؟؟ ايه عاوز تقول انه صاحبي ؟!!!

تؤ تؤ تؤ تؤ , شكلك وحش اوي يا أيمن و انت مطلع مراتك مصاحبه عليك كده

الجميع مصعوق مما يسمع اولهم أيمن !

محسن : شرووووووق !! انتي اتجننتي ؟!!! ايه اللي بتقوليه ده ؟!!!! 

شروق (بهدوء) : مش ده اللي أيمن قاله عني يا بابا و اللي حضرتك صدقته من غير حتي ما تسمع مني ؟؟؟

رفعت (بغضب) : في ااايه ؟!!! انا مش فاهم حاااجه

ليلي : في ايه يا أيمن ؟!! كلام ايه اللي شروق بتقوله ده ؟!!!

أيمن (بغضب) : اخرسيييي يا شروق

شروق (ضاحكه باستفزاز) : انا خرست كتير اوي يا أيمن و جه الوقت اللي لازم اتكلم فيه بقي

نظرت الي والدها

- أيمن مش هيقدر يقول سبب الخناقه يا بايا , انا جايه هنا عشان اقول السبب

محسن (بدهشه) و انتي عرفتي منين ؟!! و ايه حكايه طارق و ماهي دول ؟!!

شروق ( بابتسامه) : انا هقول لكم كل حاجه

أيمن (بغضب) : شرووووووووووووووق

انتي بتخرفي بتقولي ايه ؟!!! و ايه اللي هتقوله ده ؟!!!!

شروق : طيب ما تسمع الاول انا هقول اهو !

نظر اليها بغضب , بادلته بنظره سخريه و ازدراء

- ماهي دي تبقي صاحبه أيمن , او كانت صاحبته , معتقتش انها هتعرفه لسه تاني بعد اللي عملوا فيها ده ! 

صاحبته اللي شوفته معاها يوم ما شافني هو مع طارق , بس الحقيقه الاوضاع كانت مختلفه تماماً !! 

عمل الفيلم ده كله عشان يلبسني الغلط و يخرسني عشان مقدرش احاسبه ولا اقوله انت بتعمل ايه و جيت مصر امتي و ازاي متقوليش ! و الحقيقه خطته الجهنميه نجحت جداً

محسن (بغضب) : ميييين طارق ده اصلاً ؟!!!

شروق ( بهدوء و بساطه) : صديق ! قريب خطيب صاحبتي , شوفته مره في عيد ميلادها , عربيتي عطلت و آسيا كانت معايا و وصلنا البيت , عرف اني محاميه فكان بيستشرني في امور قانونيه لقضيه تخصه , اه كنا بنتكلم ساعات في امور متحصش القضيه و اه خرجت معاه كذا مره , انا عارفه ان ده مش صح بس الغلط مش عليا انا لوحدي !!

و نظرت الي أيمن بغل و غيظ

- الغلط علي جوزي اللي راميني هنا و داير يتصرمح بره !! الغلط علي جوزي اللي ميعرفش عني حاجه ولا بيسأل فيا و خلاني في وقت ضيقتي و احتياجي ألجأ لغيره , انا غلط اه بس هو السبب في الغلط ده !!

ليلي (بعصبيه) : كلام ايه اللي بتقوليه ده ؟!! يعني ايه سايبك و داير يتصرمح بره ؟!!! انتي متعرفيش انه بيسافر في شغل ؟!!!! و بدل ما تصونيه و تحافظي علي اسمه رايحه تعملي صداقات مع رجاله و تخرجي معاهم و تجيبي اللوم علي ابني ؟!!!!

ضحكت بسخريه مريره !

- شغل ؟!! طيب انا هوري حضرتك دلوقتي ابن حضرتك المحترم كان بيسافر يعمل ايه

نظرت في حقيبه يدها و اخرجت تلك الحقيبه الصغيره اللي خبأتها طويلاً

أيمن : ايه ده ؟!

شروق (بهدوء) : هتشوف دلوقتي ! 

اخرجت ال CD

و توجهت بهدوء الي جهاز ال DVD

الموضوع بجوار التلفاز و وضعت به ال CD

و اشعلت التلفاز , الجميع ينظر اليها بترقب

تعلقت العيون بشاشه التلفاز 

صمت .. اتساع العيون في رعب .. شهقه صدمه ..سكوون !!

ما شاهدوه كان فوق احتمالهم 

أيمن في بارات و اماكن مشبوهه , في حاله سكر شديده و يراقص الفتيات بطريقه تثير الغثيان !!

أيمن علي احد الشواطئ في احضان فتاه عاريه !!!!!

لم تمهلهم وقت لاستيعاب الصدمه و اخرجت العديد من الصور الفوتوغرافيه من تلك الحقيبه الصغيره اللعينه ! 

بها العديد من الصور لأيمن في اوضاع مُخله , لم تستطع امه النظر اليها اكثر من ذلك

اشاحت بوجهها و قالت بصدمه 

- ده ابني ؟!!!!!!!! انا مش مصدقه !!!!!

الانظار كلها اصبحت مصوبه نحو أيمن , تطلب منه تفسيراً , توضيحاً اي شيئ !!

لكنه وقف مصدوماً , مصعوقاً , لا يُبدي اي رده فعل

رفعت (بغضب و صدمه) : انطقققققق قول اي حااااجه , ايه اللي انا شوفته ده ؟!!!! معقول اللي شوفته ده حقيقي ؟!!!! معقول ابني الوحيد , سندي و ضهري في الدنيا , اللي مسلمه كل املاكي و فلوسي و انا واثق فيه وواثق انه هيحافظ علي اسمي و سمعتي و يكبرهم , يطلع منه كل ده ؟!!!!!!!!!!!

ردت شروق بهدوء

- للأسف يا عمي , ثقه حضرتك مطلعتش في محلها 

نظر اليها رفعت مصعوقاً , فتابعت بهدوء

كل الاوراق و المستندات اللي متقدمه في أيمن في النيابه دي سليمه , هو بيشكك فيها و بيبرئ نفسه و يقول انه متورط , بس الحقيقه ان مفيش ورقه من الاوراق دي فيها معلومه غلط

نظرت الي أيمن بقوه و تحدي

- طلعت غبي اووي يا أيمن ! غبي انك مخطرش علي بالك لحظه اني ممكن اكون انا اللي بساعد ماهي عشان نكشفك و نفضحك !!

ماهي اللي انت ضيعتها و دمرتها بحقارتك و انانيتك و غبائك

و انا .... انا خُنتني و جرحتني و حسستني بأسوء مشاعر ممكن تحس بيها اي ست !! 

اهماال و كدب و خيانه و حاجه تقرررررف !!!

و اخرتها بتتهمني انا كمان بالخيانه !!!!

صحيح ما هو الوسخ لازم يشوم كل الناس وسخه زيه !!!!!

عندما لم يتحمل المزيد , هجم عليها و رفعه يده لتستقر فوق وجنتها

لكن مهلاً , قبل ان تصل الصفعه اليها , كان محسن قد امسك بيده بشده و نظر اليه بغضب

- هتمد ايدك علي بنتي قدامي يا أيمن ؟!!

أيمن ( بغضب) : دي مراااتي انا حر اعمل فيها اللي انا عاوزه , و شكلك معرفتش تربيها كويس و انا بقي اللي هربيهااا

محسن (بغضب) : تربي ميييييين يا صاايع , مش لما تربي نفسك الاووول 

تدخل رفعت علي الفور

- اهدي يا محسن مش كده , اديله فرصه يتكلم

صاحت شروق بجنون بكل ما تحمله من غضب و قهر

- و انا محدش اداني فرصه اتكلم لييييه , محدش سمعني ليييييه ؟!!!!! ليه حكمتوا عليا من غير ما تدوني فرصه ادافع عن نفسي ؟!!!!!

محسن : اهدي يا شروق

أيمن : يعني انتي ورا كل اللي حصل لي ده ؟!!!

شروق : ايوووه اناا , انا اللي متفقه مع ماهي علي كل حاجه

رفعت : مستحيل !! انا مش قادر اصدق !!

شروق : انا اسفه يا عمي , مكنتش اتمني ابداً ان ده يحصل , حضرتك و طنط ليلي ناس محترمين بس للاسف ابنكوا هو اللي وصلني اعمل كده 

نظرت الي أيمن بتحدي

- ورقه طلاقي لو موصلتنيش خلال يومين يا أيمن , هيكون ليا تصرف تاني مش هيعجبك , انا بقول تقصر الشر و تطلقني بهدوء احسن و انت مش ناقص فضايح اكتر من اللي عندك 

أيمن (بغضب) : ده بٌعدددددددك , مش هطلقك يا شروق و اعلي ما في خيلك اركبيه

توقفوا عن الشجار فور سماعهم لصوت رفعت يصرخ بفزع

"ليلييييييييييييييييي"

--------------------------------------------------

بعد ان تحسنت حالتها اصطحبها الي احد الفنادق لتمكث بها الي ان يدبر لها سكناً امناً

ماهي : انت بتعمل معايا كده ليه يا طارق ؟؟

طارق : مش فاهم !

ماهي (بخجل) : يعني واقف جنبي و بتساعدني , رغم ...رغم كل اللي عرفته عني و....

لم يدعها تكمل ووضع يده فوق شفتيها برقه حتي يُسكتها ثم همس بخفوت

- ارجوكي يا ماهي انا مش عاوز اتكلم في اي حاجه قديمه , مش عاوز نفتح سيره الماضي خالص , انتي حياتك قبل اللحظه دي كلها ماضي ولازم تنسيه , انسيه يا ماهي و ساعديني انساه , ارجوكي

نظرت له بعدم فهم !

فنظر لها بابتسامه حانيه

- ما ترهقيش نفسك دلوقتي في التفكير في حاجات مش هتفيد , انتي لسه تعبانه و لازم ترتاحي , اطلعي اوضتك دلوقتي و انا هعدي عليكي الصبح ان شاء الله نفطر في اي مكان 

استقامت واقفه بعد ان اومأت برأسها له بهدوء و همت بالرحيل

الا انه امسكها من يدها اوقفها امامه 

نظرت له باستفهام , فابتسم لها بهدوء و قال بخفوت

- اوعي تخافي من اي حاجه طول ما انا موجود , دايماً هفضل جنبك , و مش هتخلي عنك ابداً

تنهدت بعمق , لأول مره تشعر بالراحه و الطمأنينه , تشعر انها ليست وحيده

بل لأول مره تشعر بأدميتها من الاساس !!!

-------------------------------------------------- 

يمضي الوقت ببطئ..

بطئ قاتل , مؤلم , مُدمر !

- اُصيبت ليلي بجلطه في القلب اثر الصدمه و الانفعال , و نُقلت الي المشفي علي الفور و كانت في حاله خطيره و الآن تمكث في المشفي منذ اسبوعاً الي ان استقرت حالتها بعض الشئ , و أيمن و رفعت الي جوارها دائماً

- طارق وفر لماهي سكناً مناسباً في بنايه في نفس الشارع الذي يقطن به حتي تكون قريبه منه دائماً

, اصبحت لا تشعر بالوحده ابداً , كيف تشعر و هو لا يتركها ابداً و دائماً الي جوارها !

- حاله آسيا تتحسن ببطئ شديد , لكنها مازالت عاجزه عن النطق و الاهم ان ألم قلبها لا يهدأ بل يزداد مع مرور الايام !

ذهبت شروق الي آسيا بصحبه شيرين كي تطمئن عليها

جلسوا في الصالون , تتحدث شروق الي آسيا بهدوء و هي تعلم انها تسمعها و تفهمها جيداً لكنها عاجزه عن الرد

سمعوا جرس الباب 

سميه (من داخل المطبخ) : افتحي يا آسيا انا ايدي مش فاضيه

شيرين : خليكي انتي يا آسيا , هفتح انا 

توجهت الي باب الشقه و فتحته , 

تطلع اليها الطارق بذهول كبير !!

شيرين (بدهشه) : انت بتبص لي كده ليه ؟!

نطق معتز بحروف مبعثره من اثر دهشته

- انتي مييين ؟!!!!

الحلقة الخامسه و العشرون

توجهت الي باب الشقه و فتحته , 

تطلع اليها الطارق بذهول كبير !!

شيرين (بدهشه) : انت بتبص لي كده ليه ؟!

نطق معتز بحروف مبعثره من اثر دهشته

- انتي مييين ؟!!!! 

ظلت صامته تتطلع اليه بدهشه لدهشته !

الي ان قاطع نظراتهم الصامته اقبال شروق عليهم

شروق : يا بنتي بقالي ساعه بقولك مين اللي.....

قطعت كلامها و هي تري مغتز يقف امامها

- معتز ! ازيك ؟

انت مالك واقف كده ليه ؟! ما تدخل !

و نظرت الي شيرين

-وسعي يا شيرين انتي كمان مالك متنحه كده ؟!

شيرين : هو اللي متنح من ساعه ما فتحت له والله !

افسحت شروق له المجال كي يدخل , و بعد ان دخل الي الصاله

وجد آسيا تجلس علي الاريكه تتطلع امامها بشرود

معتز : احم , ازيك يا آسيا ؟؟

انتبهت له , نظرت اليه و أومأت برأسها بابتسامه

معتز ( و هو ناظراً الي شيرين ) : انا كنت جاي اسلم عليكي و اطمن علي خالتي

قصدي .. اطمن عليكي و اسلم علي خالتي

نظرت له آسيا بدهش لأرتباكه 

شروق (ضاحكه) : في ايه يا معتز ؟!! 

مالك مش علي بعضك كده ؟!

معتز ( ناظراً الي شيرين ) : هي..مين دي ؟!

شروق : شيرين اختي ! ليه في حاجه ؟؟؟

شعرت شيرين بالخجل الشديد من انظار معتز المصوبه اليها

شيرين (بارتباك) : طيب انا داخله المطبخ لطنط اشوفها عاوزه حاجه

و فرت هاربه من امامهم

شروق : يا ابني كسفت البنت !!! مالك بتبص لها كده ليه ؟!!!

معتز : ها !! انا اسفه والله مش قصدي ..بس..اصالي انا بشبه عليها , لا لاا مش بشبه دي هيا !!

شروق : هي مين ؟!!

معتز : طيب ممكن تناديها اكلمها ؟؟؟

شروق : انت مش طبيعي النهارده يا معتز !!

معتز : معلش ناديها بس هسألها علي حاجه

شروق (بعدم فهم) : طيب

كل ذلك و آسيا تتابعهم في صمت

ذهبت شروق الي شيرين و احضرتها معها مجدداً

شروق : اهي شيرين , عاوز منها ايه بقي ؟؟

معتز (ناظراً الي شيرين) : هو انتي كنتي في فرح محمود و اسماء و كنتي لابسه فستان لونه اخضر , صح ؟؟

شيرين (بدهشه) : ايوه ! انت عرفت منين ؟!!

معتز (مبتسماً) : انا كنت في الفرح , انا صاحب محمود

شيرين : و انا صاحبه اسماء , هي اكبر مني يعني بس صاحبتي

معتز : ما انا شوفتك في الفرح هناك و حبيـ.... قصدي اُعجـ... قصدي يعنييي لفتي نظري و مكنتش اعرف انك اخت شروق !

ظلت شروق تحول انظارها بين الاثنين و هي علي وشك الانفجار من الضحك !!

هو مرتبك بطريقه تثير الضحك و هي تبتسم له كالبلهاء !!!

شروق : احم , طب ممكن تقعدوا بقي بدل الوقفه دي , ولا ايه رأيكوا ؟؟

شيرين (بارتباك) : ما ..انا كنت جوه و انتي اللي ندهتي عليا !! انا هروح اساعد طنط

و فرت هاربه من امامهم للمره الثانيه

بالأخص فرت هاربه من امام عيونه هو التي ظلت تتبعها دون توقف الي ان رحلت !

-------------------------------------------------- 

لم تستطع شروق الانتظار اكثر من ذلك علي ذمه أيمن ! هي تريد الخلاص منه بأسرع وقت ممكن

تعلم ان الظروف غير مناسبه و ان حاله ليلي الصحيه لا تسمح لها بمثل ذلك التصرف الآن الي ان تعود الي منزلها علي الاقل , لكنها ايضاً معذوره ! 

ذهبت الي المحامي و بدأت في اجراءات قضيه الخلع علي امل بانتهاء القضيه في اقرب وقت ممكن

أيمن لو اراد ان يطلقها لكان فعل , حاله ليلي تحسنت كثيراً عن سابق , لكنه وحده العِند و الكبر الذان يمنعاه من تطليقها , ان كنت عنيد فـ انا اعند منك بمراحك و بالنسبه للكبر فقد حان الوقت لتحطيم غرورك اللعين شر تحطيم !

-------------------------------------------------- 

ينتظرها في سيارته امام مدخل الفندق

وسيماً , انيقاً , مبتسماً

و ما ان رأها مقبله نحوه حتي اختفت ابتسامته ! و ظهر الضيق و الغضب جلياً علي وجهه

فتحت باب السياره و استقلت السياره الي جواره في هدوء

لاحظت ملامحه الغاضبه المتجهمه 

ماهي (بقلق) : مالك يا طارق ؟!

طارق (بغضب) : ايه الزفت اللي انتي لابساه ده ؟!!!

نظرت الي ذلك الفستان الذي ترتديه 

بدون اكمام يكشف عن ذراعيها بسخاء و قصير يكاد يلامس ركبتيها و ما ان جلست يرتفع ليكشف عن فخذيها بسخاء مماثل لسخاء ذراعيها العاريان !!

ماهي (بخوف) : ماله بس ؟! انت مش قولت لي البسي احلي حاجه عندك عشان انا عازمك في مكان حلو اوي ؟!

طارق (بغضب) : و هو ده احلي حاجه عندك ؟!! دق قميص نوم اللي انتي لابساه ده !!!

هو ايه علاقه ان يبقي شكلك حلو و لبسك حلو بأن جسمك يبقي مكشوف مش فاهم انا !!! 

ماهي (بضيق) : انت عارف ان ده لبسي يا طارق

طارق ( بغضب ) : و اتفقنا انك هتتنيلي تغيريه !! اتفضلي انزلي غيري الهباب اللي عليكي ده و مشوفكيش لابسه بالمنظر ده تاني !!

نظرت اليه بدهشه و ضيق

اول مره يحتد عليها و يحدثها بتلك الطريقه 

صوته العالي , غضبه

لما كل ذلك ؟!!!

ماهي : انت بتزعق لي كده ليه ؟!

طارق : عشان مقدرش اخرج معاكي بالمنظر ده 

ماهي (بغضب) : ما انت كنت بتخرج قبل كده !!

طارق : كنننت مش دلوقتي

ماهي : و ايه بقي اللي اختلف زمان عن دلوقتي ؟

نظر اليها بعمق لفتره طويله , ثم تنهد و تحدث بهدوء

- انزلي يا ماهي غيري اللي انتي لابساه ده و انا هستناكي , يلا

نظرت اليه بعدم فهم لكنها انصاعت لطلبه

و بعد مرور عشرون دقيقه استقلت السياره بجانبه من جديد , لكن تلك المره بفستان طويل يصل الي كاحليها و عليه جاكت قصير بنصف اكمام 

ماهي (بهدوء) : ها ؟؟ كويس كده ؟؟

طارق ( بنظره رضا) : كويس جداً

و ظلوا صامتين الي ان وصلوا الي ذلك المطعم الكلاسيكي الفاخر 

ترجلوا من السياره و جلسوا علي احد الطاولات التي كانت محجوزه بأسم طارق مسبقاً

و بعد ان طلبوا طعام العشاء

نظر اليها وجدها شارده

طارق (بهدوء) : سرحانه في ايه ؟؟

ماهي (بتنهيده) : مفيش

طارق و قد امتدت يده لتلتقط يدها الموضوعه امامه علي الطاوله 

ضغط علي اناملها برفق و تحدث بهدوء

- انا اسف

ماهي : علي ايه ؟!

طارق : علي اني اتعصبت عليكي كده , انا فعلاً مكنتش اقصد , انا بس محبتش اشوفك لابسه حاجه كده

ماهي : ليه ؟!!

طارق ( بتنهيده ) : ناكل الاول و بعدين هجاوبك علي كل اسئلتك

تناولوا العشاء في صمت , كل منهم ينظر الي الاخر نظرات خاطفه و لا يجروء علي محادثته 

انتهوا من العشاء و بدأت اصوات الموسيقي الهادئه تنتشر في ارجاء المكان

فجأه وقف امامها و امتدت يده لتلتقط اناملها في حركه تأمرها بالوقوف امامه

امتثلت له بعدم فهم

سحبها من يدها برفق الي ساحه الرقص و بهدوء وضع يده علي خصرها و اخذ يتمايل بها علي انغام الموسيقي و هي مستسلمه له تماماً 

بعد قليل اسقطت رأسها فوق كتفه و هي تشعر براحه غريبه لقربه منها الي تلك الدرجه

همس في اذنها برقه 

- ماهي..

- مممممممم

- مش عاوزه تعرفي اجابه سؤالك ؟؟

- انهي واحد ؟؟

- اللي سألتيه في العربيه , ايه اللي اختلف زمان عن دلوقتي

صمتت قليلاً و شعرت بدقات قلبها تتسارع ثم سألته بترقب 

- ايه ؟؟؟

- عشان حبيتك 

و ازداد من ضمها الي صدره

شعرت بالارض تميد بها !! لم تستطع ان تتفوه بأي كلمه

صمت قليلا ثم سألها بهدوء و هو مازال يحكم ذراعيه حولها

- مش عاوزه تعرفي اجابه سؤالك التاني ؟؟

حاولت الكلام لكن صوتها ابي تماماً ان يخرج 

تولي هو الامر و اجابها دون ان ينتظر سماع ردها

- محبتش اشوفك لابسه حاجه كده عشان.. بغير عليكي ..و حاسس ان كل حاجه فيكي ملكي انا و بس

و زاد من ضمها اليه حتي كاد ان يسحقها بين ضلوعه

ما كان منها الا انها رفعت ذراعيها لتطوق بهما عنقه و تدفن وجهها اكثر في كتفه الصلبه لتقول بصوت مبحوح , متقطع من اثر الانفعال

- و انا كمان ... و انا كمان بحبك اوووي يا طارق !!

------------------------------------------------ 

حزينه علي حال صديقتها , تريد ان تفعل اي شئ لمساعدتها , سعادتها بل و روحها متعلقه بآدم وحده , لكن اين هو ؟!!

تنهدت بحزن و هي جالسه في شرفه منزلها تحتسي كوب النسكافيه

سمعت رنين هاتفها 

نظرت اليه و هو موضوع امامها علي الطاوله

وجدت المتصل علي !! وضعت كوب النسكافيه علي الطاوله امامها و التقطت الهاتف و اجابت في لهفه

- الووو , ايوه يا علي 

في اخبار عن آدم ؟!!

صمت قليلاً ثم سمعته يتحدث بهدوء

- لا انا معرفش اي حاجه عن آدم , انا كنت مكلمك عشان اطمن علي آسيا

تنهدت بحزن

- زي ما هي , اتحسنت شويه عن الاول كانت حالتها صعبه اوي بس بردو لسه مبتتكلمش

- انا هتجنن , نفسي اعرف اي حاجه عنه , اطمن عليه , مش عارف اوصله خالص

- طيب و بعدين ؟؟

- مش عارف !! انا تعبت لهم ! الحب بيقوي , بيدي امل , بيزود من رغبه الانسان في انه يعيش عشان يفضل مع حبيبه , معرفش ليه آدم ماشيه معاه بالعكس !!!

- عشان عاوز يعذب نفسه بأنه يحرم نفسه من الامل و القرب من حبيبتي , بس هو مش عارف انه مش بيعذب نفسه لوحده , هو بيقتلها معاه !!

- مش عارف اقولك ايه !

- قول يا رب يجمعهم تاني قبل ما قلوبهم من كتر البُعد و الجفا تقوي و تقسي !

------------------------------------------------

استمرت المكالمات بين علي و شروق كل فتره , يطمئن منها علي آسيا و تطمئن منه علي اخبار آدم و ما من جديد 

في الليل طرق باب غرفتها , اذنت للطارق وجدته والدها

شورق : خير يا بابا ؟ في حاجه ؟؟؟

محسن : كان في خبر كده لسه عارفه دلوقتي و قولت انك لازم تعرفيه

شروق ( بقلق) : خير يا بابا ؟!

محسن ( بحزن) : ليلي اتوفت من شويه 

شروق ( بصدمه و عدم تصديق ) : ليلي مين ؟!!

محسن : مامه أيمن

شهقت بعنف و صدمه

- لا اله الا الله , هي مش كانت بقت كويسه و رجعت البيت ؟!!!

محسن : ايوه , بس رجعت تعبت تاني فجأه و ملحقوش حتي ينقلوها المستشفي , اتوفت في الطريق

شروق ( بحزن ) : لا حول ولا قوه الا بالله , ربنا يرحمها يا رب

محسن ( بهدوء ) : الموت مفيهوش زعل ولا خلافات يا شروق , و مهما كان أيمن وحش بس في النهايه دي أمه , انتي مش متخيله حالته هو و رفعت عامله ازاي , و انتي مجربه وجع فراق الام , انا مش طالب منك تسامحيه بس علي الاقل اقفي جنبه في المحنه دي , انا عارف ان اللي بطلبه صعب , بس انا ربيتك صح و عارف ان قلبك ابيض , انا عاوزه يشوف شروق بنت الاصول اللي رغم كل الخلافات و المشاكل دي وقفت جنبه في محنته مهما كان هو وحش بس لسه جوزك طالما القضيه متحكمش فيها و القضايا التانيه القاضي اللي هيحكم فيها انتي خلاص انتي دورك انتهي لحد كده

شروق : تفتكر أيمن هيقبل اني ابقي جنبه و اساعده بعد ما عرف ان انا اللي عملت فيه كل ده ؟!!

محسن : جربي , عشان تبقي بنت اصول و عملتي اللي عليكي لأخر لحظة و انا متأكد ان ربنا هيعوضك و يجازيكي كل خير يا بنتي 

شروق ( بتنهيده حزن ) : حاضر يا بابا 

------------------------------------------------

لم تتخيل في حياتها ان تري أيمن بمثل هذا الضعف و الانكسار !!

كانت تشك في قبوله لدعمها و مساعدتها له في محنته , لكنها كانت مخطئه !!

كان ينظر اليها بحزن و جرح و ألم و رأت الندم في عيونه ايضاً

حقا !!!!!! اهو نادم علي كل ما فعله ؟!!!

انقضت ايام العزاء بكل ما تحمله من حزن و ألم , لم تتركه هو او رفعت لحظه

لا تتحدث في اي شئ مضي , فقط تواسيه و تهون عليه و للحق لولا وجودها بجانبه لكان حاله اصبح اسوأ بكثير مما هو عليه الآن

يا الله , كيف يتبدل حال الانسان بين لحظه و اخري الي هذه الدرجه ؟!!

افراق امه هو ما افاقه ؟؟ ام بقايا ضمير بداخله ؟؟؟

حقاً لا تعلم , كل ما تعلمه انها تري انسان مختلف تماماً عن ما عرفته سابقاً

لم تصدق الي الآن ذلك اليوم الذي اتي اليها فيه الي منزلها و طلب الحديث معها

" انا عارف اني حقير و زباله و واحده زيك تستاهل حد احسن مني بمراحل , انا عذبتك كتير و قسيت عليكي و ظلمتك , بس صدقيني موت امي كسرني اوي يا شروق , انا ممكن ابان بارد و معنديش احساس بس انا من جوايا مش كده و الوجع اللي حسيته بعد موت امي مقدرش اوصفه بكلام

وجع لفراقها ووجع لأنها ماتت و هي زعلانه مني 

بكي !!!! نعم أيمن يبكي !!!

هي قالت لي انها مسمحاني في اخر لحظه قبل ما تموت و طلبت مني اني اتغير و استغفر ربنا علي كل اللي عملته , بس انا من جوايا مش قادر انسي صدمتها فيا , مش قادر اصدق انها ماتت راضيه عني , و ترضي عني ازاي و ليه ؟!!!

انا معملتش حاجه صح في حياتي , كل تصرفاتي كانت غلط في غلط , بس الحاجه الوحيده الصح اللي للأسف ضيعتها مني كانت انتي يا شروق !!!

ايوه انتي الحاجه الوحيده الصح اللي في حياتي , بس انا مستاهلكيش و انتي متستاهليش واحد زيي , انتي نضيفه اوي و بريئه اوي عاوزه حد شبهك في نفس نقاءك مش حد يلوثك لمجرد وجوده في حياتك !! عشان كده انا مش هخليكي تستني في المحاكم , انا عارف انك نفسك تخلصي مني النهارده قبل بكره....

ملياش عين اطلب منك تسامحيني بس وحياه اغلي حاجه عندك حاولي , و انا صدقيني ربنا اخد و لسه هياخد حقك مني .."

ابتسم لها بعيون دامعه و قلب محطم و روح ميته و قبلها من جبينها و همس بأختناق بجانب اذنها 

... انتي طالق

لم تصدق انه مر علي ذلك اليوم اكثر من شهر و انها اصبحت حره الآن 

تتألم بشده لأجله و من داخلها تحاول حقاً مسامحته لكنها ابداً لن تقوي علي البقاء معه 

------------------------------------------------

حالتها كما هي

مازال مختفياً و مازالت تتألم

لكن النطق عاد اليها مجدداً , الا انها تفضل الصمت معظم الوقت

بعد معاناه اقنعت شروق آسيا بالسفر لتريح اعصابها قليلاً عل و عسي حالتها تتحسن 

سافر الجميع الي "مارينا" 

آسيا و سمية و صلاح , و شروق بصحبتها شيرين , و يا للعجب اصر معتز علي الذهاب معهم دون اي دعوه !!

اصطحبتها الي شاطئ البحر

صاحت فيها بغضب

- انتي مش عارفه اني بكره البحر ؟!!! جيباني هنا ليه ؟!! و اصلاً مفيش حد هنا خالص غيرنا !!

شروق (بهدوء) : القعده قدام البحر جميله و هتريح لك اعصابك , و انا اخترت المكان ده عشان فاضي و هادي كده

آسيا (بغضب ) : و انا مش عاوزه اريح اعصابي يا ستي , اووووووووف

تركتها و اسرعت الخطي , الا انها لم تتمكن من الابتعاد كثيراً

حتي شعرت بيد تطوقها من الخلف و تحملها في لحظه خاطفه بيد و تغطي لها عيونها باليد الاخري !!!!!!!!!!

الحلقه السادسة و العشرون

و الاخيرة 

الجزء الاول

تركتها و اسرعت الخطي , الا انها لم تتمكن من الابتعاد كثيراً

حتي شعرت بيد تطوقها من الخلف و تحملها في لحظه خاطفه بيد و تغطي لها عيونها باليد الاخري !!!!!!!!!!

شهقت بعنف من الخوف و اخذت تتلوي بين ذراعيه , الي انها كان يحملها باحكام 

شعرت به يسير بها , تنتفض رعباً و فزعاً

تحاول بكل قوتها الافلات من بين يديه , تحاول ان تنزع يديه من فوق عيونها كي تراه

الي انها في لحظه استكانت , استكانت تماماً , و هو يحملها و يسير بها دون ادني مقاومه منها , وضع يديه فوق قلبها ليستشعر دقاته المتسارعه , لابد انها تعرفت عليه حتي استكانت هكذا !!

الامر لا يحتاج الكثير من العناء , يكفيها فقط ان تشتم رائحته لتتعرف عليه , تستشعر بلمسته كي تتعرف عليه , حتي انفاسه التي تلفح بشره عنقها و هو يحملها تستطيع ان تتعرف عليه من خلالها !!

سار بها الي حيث لا تعلم , لكن يكفيها انها بين ذراعيه

شعرت به يهبط بها الي مكان ما ثم يصعد بها مره اخري , مازال يحكم وضع يديه فوق عيونها

هدوء.. لا يتخلله سوي صوت انفاس كلاهما 

بعد عده لحظات هبط برأسه و همس في اذنها بصوته الدافئ

-عرفتيني ؟؟؟

شعر بانتفاضه جسدها من ان سمعت صوته و همست بخفوت 

-آدم

ازاح يديه من فوق عيونها ببطئ و هو مازال يحملها , ظهرها ملتصق بصدره الذي يعلو و يهبط بجنون

وجدت نفسها في عرض البحر , علي سطح يخت ضخم

شعرت بالدوار يلفح رأسها , تكره البحر و تخشاه كثيراً

لكن ...

هو معها ! هو هنا .. الي جوارها

كانت مستعده للقاءه في عرين الاسد فقط لتراه و تطمئن عليه , تشعر دائماً انه طفلها و ليس حبيبها , طفلها الذي يحتاج الي حنانها و دعمها 

ظلت ساكنه , و لم تتجرأ علي الالتفات و النظر اليه و هو لم يتجرأ علي التفوه بحرف واحد اخر

فقط يستمتع بقربها

لكن بعد عده لحظات انزلها ببطئ الي ان لامست قدماها الارض

تقف ظهرها له , غاضبه و مشتاقه

تود ان تصفعه ثم تحتضنه !!

تضربه لعذاب كل ايام تركه لها ثم تقبله !!

مشاعر عاصفه , متضاربه , مجنونه

التفتت اليه ببطئ , وقفت امامه

تتطلع الي عيونه الظاهره من خلف الوشاح العريض الذي حجب ملامح وجهه كلها 

تعانقت عيونهم في حوار صامت 

همس بعد فتره

"وحشتيني"

"مكنتش سيبتني"

" ُخفت اظلمك "

" بُعدك عني هو اكبر ظلم ليا "

" مكنتيش قبلاني زي ما انا " 

" عمري ! "

" يعني بتحبيني ؟ "

" انت غبي !!!!! "

صمت قليلاً يستوعب معني جملتها

لم تمهله وقت للتفكير و سارعت تقول بانفعال 

" غبي مش حاسس انا قد ايه بحبك , بحبك لدرجه مخلياني مش شايفه غيرك في الدنيا و لما بتغيب دنيتي بتبقي فاااضيه , بحبك لدرجه مخلياني راضيه بيك و قابله بكل ظروفك و انا شيفاك في عيني احسن واحد في الدنياا !!! 

انا كان نفسي احركك , نفسي اشوف متمسك بيا قد ايه , مستعد تعمل ايه عشاني , بس انت معملتش حاجه , ضعيف و سلبي و انااني !! سيبتني و مشيت !

سيبتني و انا بموووت في كل لحظه في بُعدك عني "

بكت بحرقه و اشتد الدوار , كادت ان تسقط لولا انه سارع اليها و التقطها بين احضانه قبل ان تسقط ارضاً

نظرت اليه من خلف دموعها و همست بتحشرج

" انا بخاف من البحر"

" عارف "

" امال جايبني هنا ليه ؟! "

" عشان متخافيش من حاجه ابداً طول ما انا معاكي "

" و انت فين ؟! انت سيبتني "

" بس رجعت"

" خايفه تسيبني تاني " 

" مقدرش "

استعادت توازنها و ابتعدت عن احضانه بهدوء

" عملت ايه عشان تبقي معايا ؟! "

" عملت كتيير"

نظرت اليه بعدم فهم

امتدت انامله نحو الوشاح الملتف حول وجهه و ازاحه ببطئ شديد

كانت عيونها تتسع شئ فـ شئ

الي ان ازاحه تماماً و القي به فوق ارض اليخت

شهقت بعنف و نظرت اليه مبهوره غير مصدقه !!!

صرخت بأنفعال 

- آاااااااااادم !!!

لم تشعر بنفسها و الا هي تركض نحوه تحتضنه و تتعلق بعنقه و هي تبكي !

احتضنها بقوه كادت تحطم ضلوعها و ضلوعه معاً و ظل يربت فوق ظهرها بحنان عله يهدئ من ثوره انفعالها

آدم (هامساً في اذنها ) : بتعيطي ليه طيب ؟؟؟ 

آسيا ( و هي تدفن وجهها في كتفه ) : عشان بحبك

تأوه ضاحكاً و اخرجها من بين احضانه برفق و ظل يتطلع الي عيونها و هو ممسكاً بوجهها الجميل بين كفيه 

ظل ينظر اليها طويلاً مبتسماً لعيونها المحدقه به في انبهار , الي ان همس بخفوت

" بقيت عاجبك كده ؟ "

" انت عارف انك عاجبني من زمان , عشان انا حبيت ده (شارت الي قلبه) قبل ده ( اشارت الي وجهه الوسيم )

------------------------------------------------

يقود اليخت و هي تقف خلفه , تحتضنه من ظهره بشده كأنها تخشي فقدانه من جديد

و الهواء يلفح وجوههم المبتسمه 

التفت اليها مبتسماً و قد اوقف اليخت و سحبها من يدها ليجلسها بجواره علي الاريكه

" انت وقفت هنا ليه ؟ "

" خايفه ؟؟ " 

" لا " 

" طيب مبسوطه ؟؟ " 

" عمري ما كنت مبسوطه قد دلوقتي "

" انا أسف "

" علي ايه ؟! " 

" علي كل حاجه عملتها ضايقتك و جرحتك من غير ما اقصد , علي كل دمعه نزلت من عيونك بسببي "

كلماته ايقظت جروحها من جديد , فرحه رجوعه انستها ما فعله بها , لكن الآن ....

ابتعدت عنه فجأة

آدم ( بقلق ) : مالك يا حيبتي ؟! بعدتي عني ليه ؟؟

نظرت اليه بحزن

- عملت كده ليه ؟؟؟

رد عليها بدهشه

- عملت ايه ؟!

- ليه سافرت من غير ما تقول لي , ليه سيبتني اتعذب و انا فكراك مش راجع تاني , ليه مخلتنيش ابقي جنبك و انت بتعمل العمليه ؟!! 

نظر اليها بحزن

- عشان انا مكنتش رايح اعمل عمليه التجميل اصلاً يا آسيا

نظرت اليه بعدم فهم , فاقترب منها بهدوء

- انا هحكي لك كل حاجة

- احكي !

------------------------------------------------

" بعد اخر مره اتقابلنا فيها و المهله اللي ادتيهالي يا اعمل عمليه التجميل او انساكي , كنت حاسس اني بموت بالبطئ , مش قادر اخد قرار , لا قادر اعمل العمليه و لا هقدر ابعد عنك ..وجع رجلي زاد اوي لدرجه مبقتش قادر اتحملها , روحت للدكتور لوحدي من غير ما اقول لعلي مع انه دايماً كان بيتحايل عليا اروح , الدكتور صدمني ..قالي ان حاله رجلي اتدهورت جداً و لازم اعمل جراحه فوراً , و يُستحسن تبقي بره مصر و في نسبه كمان اني مقدرش امشي عليها تاني ... الدنيا اسودت في وشي اوي , ضاقت عليا اوي اوووي

كنت بعاهه واحده و بقيت بعاهتين ! 

مشوه و في احتمال ابقي مشلول كمان !! مش قادر امشي علي رجلي !! 

تعبت اوي , تعبت من كل حاجه و كنت محتاج ابعد , الألم هو الحاجه الوحيده اللي كانت بتحركني , ألم فظيع مكنش بينيمني الليل .. سافرت علي أمل اني اقدر اسكت ألم رجلي مع ان ألم قلبي كان اقوي بكتير

مقولتش لعلي غير قبل معاد الطياره بساعه , مكنتش عاوز اعذب حد معايا , 

سافرت و انا سايب قلبي هنا عندك و كنت فاقد الامل اني ارجع لك تاني و ارجع لك تعملي بيا ايه ؟!! قولت لعلي يقولك انك مبقتيش ليا عشان مكنش عندي امل اني هقدر ارجع امشي علي رجلي تاني , بس مكنتش قادر ابداً اتخيلك لغيري يا آسيا , انتي مينفعش تكوني لغيري اصلاً و لو انا منفعتش يبقي مش هتكوني لغيري !

انا عارف انها انانيه بس انا في حبك اكبر اناني و قولتها لك قبل كده 

المهم سافرت و عملت عمليه رجلي و مصدقتش نفسي لما الدكتور قال لي ان العمليه نجحت و اني هقدر امشي علي رجلي احسن من الاول , و بجلسات العلاج الطبيعي العرج الخفيف كمان راح 

حسيت بكرم لربنا و رحمته

حسيت ان ربنا بيديني امل و بياخد بأيدي 

حسيت ان ربنا رايد يقربني منك 

قعدت اتخيل شكل فرحتك لما تشوفيني بعد ما اكون عملت عمليه التجميل , اتخيلت حياتي معاكي , اتخيلت شكل ولادنا

صليت و دعيت ربنا كتير اوي و صحيت تاني يوم مقرر اني هعمل عمليه التجميل

كانوا اكتر من عمليه و قعدت كتير في اوضه العمليات و قعدت فتره علي ما فكيت الشاش من وشي

كل ده و انا ثقتي في ربنا انه هيجبر بخاطري عشان ارجع ليكي و انا سليم متهزتش ولا لحظه

مكنتش مصدق لما فكيت الشاش و شوفت وشي كده , هتصدقيني لو قولت لك اني حلمت بأمي و هو مبسوطة و بتضحك و بتقولي عيش حياتك يا آدم..

جبل و انزاح من علي صدري , حسيت ان امي راضيه عني و عن اللي عملته

و رجعت مصر من اسبوعين

"

نظرت اليه بدهشه

- و لما انت هنا من اسبوعين كلمتنيش ليه ؟ مجتليش ليه ؟!! و اصلاً عرفت ازاي اني هنا ؟!!!! 

نظر اليها و ابتسم لها ابتسامه حانيه

- مكنتش عاوز اجي لك غير و انا واقف علي رجلي و ضامن مستقبلي و حياتي معاكي

فتحت الصيدليه تاني و جيبت ليا انا و انتي بيت جميل اوي قريب من بيت اهلك عشان مبعدكيش عنهم

نظرت اليه مصعوقه !!!!

- جيبت لنا بيت ؟!!!

- ايوه , و متأكد انه هيعجبك

نظرت اليه بعشق هز كيانه ثم قالت بخفوت

- طيب و عرفت اني هنا ازاي ؟!

ابتسم لها بعبث 

- ما انا اللي متفق مش شروق تجيبك هنا اصلاً

آسيا (بصدمه) : شروق !!!

آدم : ايوون انا متفق مع شروق و علي , علي كل حاجه

- و هو علي هنا كمان ؟!!

- هنا و زمانه مع شروق دلوقتي 

- انتوا كلكوا عاملين فيلم عليا بقي ؟!!!!!

ضحك من قلبه لأول مره منذ ثلاث سنوات و عاد باليخت من حيث اتي ليبدأوا حياه جديده ..سعيده .. لا فاق ولا دموع فيها بعد اليوم

------------------------------------------------

- تفتكري آدم و آسيا بيعملوا ايه دلوقتي ؟؟

شروق (ضاحكه ) : الفرحه مش سيعاهم اكيد 

علي (بخبث) : و انا كمان الفرحه مش سيعاني

شروق (بدهشه) : ليه ؟! 

علي : اصلي بحب اقعد و انا شابف القمر اوي

شروق : قمر ايه ؟! احنا لسه الصبح !

علي : اه , ما انا القمر اللي اقصده بيطلع الصبح و بالليل

شروق : ده قمر ايه ده ان شاء الله ؟!

علي (بوضوح ) : انتي

اشتعلت وجنتيها بحُمره الخجل

علي (ضاحكاً) : انا مش بعاكس علي فكره , بس انتي شكلك حلو اوي النهارده

شروق (بخجل) : ميرسي

علي : تعرفي اني حبيت آدم دلوقتي اووي اكتر من الاول

شروق : اشمعني يعني ؟!

علي : عمل فيا جميل كبير 

شروق : ايه هو ؟!

علي : انه عرفني بالقمر اللي كنت بتكلم عنه من شويه 

شروق (بخجل شديد ) : احم , علي انت مش طبيعي النهارده علي فكره 

علي : لا بالعكس انا طبيعي جداً جداً

همت بالرد عليه الا انها سمعت رنين هاتفها

- ده طارق

و ردت علي الفور

- ايوه يا طارق

- بجد ؟!!!!

- اااالف مبروووووووووك و الله فرحت لكم اووي

- اكييد ان شاء الله و انا هكلم ماهي ابارك لها

- ان شاء الله 

- مع السلامه

علي : في ايه ؟؟

شروق (بسعاده) : طارق بيعزمني علي فرحه هو و ماهي , فرحت لهم اووي

علي : انا مستغربك جداً !

شروق : ليه ؟! 

علي : انك بتحبي ماهي !

شروق ( بتنهيده) : ماهي ملهاش ذنب يا علي , ماهي كانت ضحيه , هي كويسه اوي من جواها بس كانت محتاجه اللي ياخد بأيدها و الحمدلله ربنا بعته ليها

صمتت قليلاً ثم نظرت اليه 

علي : مالك بتبصي لي كده ليه ؟!

شروق : مستغربه نفسي !

علي : ليه ؟؟

شروق : اني حكيت ليك كل حاجه عني كده و انا مش من النوع اللي بيتكلم و يحكي عن نفسه لأي حد بسهوله

علي ( بخبث) : ما جايز انا مش اي حد

شروق : احنا... اتأخرنا اوي , انا هقوم اشوف شيرين

و فرت من امامه هاربه قبل ان تختفي من الخجل !

ابتسم لخجلها و تمتم بخفوت بصوت لم يسمعه الا هو

" و انتي كمان ربنا بعت لك اللي هياخد بأيدك و يعوضك يا شروق "

------------------------------------------------

يلازمها كظلها !

سعيده لقربه , مشاعر اول مره تشعر بها تنمو علي يديه

تكلم عن نفسه كثيراً و سألها الكثير عن نفسها , يريد الاقتراب منها و معرفه كل ما يخصها 

لكنها قلقه , حائره , لا تعلم ماذا يريد من هذا الاقتراب ؟!

معتز : شيرين ..شيرين 

شيرين : ها ؟!

معتز : سرحانه في ايه ؟!

شيرين : مفيش

معتز : طيب يلا بيندهوا لنا عشان نتغدي

------------------------------------------------

التف الجميع حول مائده الطعام في الحديقه

كانت آسيا تتطلع نحو شروق بغضب و شؤوق علي حافه الانفجار من الضحك

صلاح : انتي اختفيتي فين صحيح يا آسيا ؟؟؟ دورنا علييكي كتير و ملاقيناكيش

آسيا (بارتباك ) : مفيش يا بابا , كنت بتمشي شويه بس

سمية : كل ده بتتمشي ؟!

شروق : ايوه يا طنط ما هي راحت تتمشي لوحدها من غير ما تقول لي فـ لما جت خدتها و روحنا اتمشينا تاني عشان كنت زهقانه

نظرت اليها آسيا شزراً

لم تستطع شروق منع ضحكه ضغيره من الافلات منها

شيرين : ما تضحكينا معاكي

شروق : خليكي في حالك , صحيح انتي كنتي فين انتي كمان ؟! 

معتز : كانت قاعده علي المرجيحه اللي عند البيسين الكبير

شروق (بخبث) : مركز انت يا معتز

معتز (بارتباك) : لا ابداً , انا بس شوفتها .. شوفتها قاعده هناك فـ روحت اناديها عشان الغدا

شروق : ممممممممم ما هي بقت بتسرح كتير اصلها

شيرين (بغضب) : ما تاكلي و انت ساكته بقي

شروق (ضاحكه) : حاضر حاضر 

سميه : انا مش مرتاحه لك يا شروق 

شروق ( ضاحكة ) : ليه بس , و الله ده انا غلباانه

آسيا ( بغيظ) : غلبانه اووووي .. ثم همست بخفوت 

" صبرك عليا يا شروق " 

------------------------------------------------

انتهوا من تناول الطعام , جذبتها من ذراعها بشده جعلتها تتألم

- ماماا هروح انا و شروق نتمشي شويه

سميه : ايه حكايتكوا في التمشيه النهارده يا آسيا ؟!

آسيا : احنا مش جايين هنا نتفسح ! شويه و راجعين

سارت بها الي ان ابتعدت عن الشاليه 

شروق : يا بنتي ااااايدي وجعتني , سيبيبني بقي

آسيا : انااا تعملي فيا كده ياا شرووق

شروق ( ضاحكة) : عملت ايه بس ؟!!

آسيا : تبقي عارفه ان آدم هنا كل ده و متقوليليش !!! 

و تعملي عليا الفيلم ده و تخلينا كلنا نسافر

شروق : انا مليش دعوه هو اللي طلب مني كده و حلفني مقولكيش

آسيا : والله !! و ايه حكايه علي ده كمان

شروق : ماله ؟! صاحب آدم

آسيا : ما انا عارفه انه صاحب آدم ايه علاقتك بيه

شروق (بارتباك) : مفيش ..علاقه ولا حاجه , هو آدم اتفق معايا بصفتي ..صاحبتك و اتفق معاه بصفته صاحبه , بس كده ..

آسيا : متأكده انه بس كده ؟

شروق : ايوه طبعاً امال ايه يعني , بقولك ايه سيبك مني انا و علي دلوقتي و قولي لي اتفقتي مع آدم علي ايه ؟؟

تنهدت و ابتسمت بسعاده

- هحدد له معاد يجي يقابل بابا اول ما نرجع القاهره 

------------------------------------------------

لم تتوقف اتصالاتهم و لقاءاتهم السريه الي ان انتهي الثلاثه ايام و عادوا الي القاهره 

حددت له موعد مع والدها الخميس القادم

لا يستطع احد وصف مدي سعاده كلاهما

- و اخييييييييرا الخميس الجاي هاجي بيتكم و اطلبك من اهلك و تبقي بتاعتي قدام الدنيا كلها

ضحكت من قلبها

آسيا : و اخيراً يا حبيبي

آدم : بقولك ايه بقي انا مش لسه هخطب و اجيب دباديب انا جبت اخري خلاص , انا اتفق مع باباكي علي كتب الكتاب علي طول و الفرح بعديه بأسبوع

آسيا : اسبوع ايه يت مجنون !!!

آدم : كتير صح ؟؟ انا بقول نخليها تلت ايام احسن

آسيا (ضاحكة) : والله مجنون 

آدم (بعشق) : مجنون بيكي من ساعه ما عرفتك 

------------------------------------------------

اليوم جلسه النطق بالحكم في قضية أيمن

مشاعر كثيره متضاربه بين شفقة و غضب

لكن لا وقت للتراجع الآن , هي فعلت الصواب 

عزمت امرها علي التوجه الي المحكمه بصحبه والدها

رأته يبتسم لها بحزن قبل ان ينطق القاضي بالحكم..

الحلقه السادسة و العشرون

و الاخيرة 

الجزء الثاني

" وبعد الاطلاع علي الاوراق وسماع الدفاع واقوال المتهمين والنظر في القضيه ..

حكمت المحكمة حضوراً علي المتهم ايمن رفعت الشناوى في قضيه التهرب الضريبي

بسدادها خلال مده يحددها القاضى وهي عشرون يوماً من تاريخ صدور الحكم و يوجد غرامة تأخيرية فى حالة تأخير سداد الرسوم المستحقة لمصلحة الضرائب

اما بالنسبة لقضية الرشوة فيحكم على المتهم بسنة مع الشغل, رُفعت الجلسة "

تنهدت بعمق .. لا تستطيع تحديد شعورها الآن , لقد نال ما استحقه , لكنها حزينه علي ما اصابه 

لم تظلمه بل هو من ظلم نفسه !

-----------------------------------------------------

انه الخميس 

اليوم المُنتظر 

داخل غرفه آسيا...

شروق : يا آسيا قاعده قدام المرايا بقالك تلت ساعات و ربنا طالعه حلوه و زي القمر , ده جاي يتقدم يا حبيبتي مش هتعملوا الفرح النهارده و الله و بعدين هو عارفك و شافك ميه مره قبل كده و قابلك بعبلك كده , مش مستاهله كل ده !!

آسيا (بغضب) : ممكن تنقطينا بسكاااتك

انتفضت ما ان سمعت صوت جرس الباب

شيرين (ضاحكه) : ده جرس الباب عادي , مالك اتخضيتي كده ليه ؟!

آسيا : آدم جيه !!

شروق : طيب ما الساعه 7 ده معاده !

آسيا : طيب طيب انا رايحه اشوفه

شروق : استني هناااا ! تشوفي مين , يا بت اتقلي و بلاش الدلقه السودا اللي انتي فيها دي , هما اكيد هيندهوا عليكي 

اصبري

آسيا : طب انا شكلي حلو ؟؟؟

شيرين : يوووووووووووووه ما تسيبيها تطلع لهم احسن

شروق : اسكتي يا بت 

و نظرت الي آسيا

و الله قمر , انتي مش لابسه ازرق اللون اللي هو بيحبه ؟؟

آسيا : ايوة

شروق : طب خلاص استهدي بالله كده بقي , و بطلي توتر

بعد قليل طلبت سميه من آسيا الحضور , جلسوا معاً قليلاً ثم تركوا آدم و آسيا بمفردهم في الصالون

آدم : بيدونا فرصه نتعرف علي بعض , قال يعني لسه محتاجين نتعرف

آسيا (بخجل) : بس يا آدم

آدم ( مبتسماً) : بس ايه القمر ده كله ؟!

آسيا : بجد ؟! شكلي حلو ؟؟ الفستان عجبك ؟؟

آدم : عندك شك ؟! انتي دايماً حلوة اصلاً

و بعدين كفايا ان الفستان ازرق

آسيا (ضاحكة) : ايوه قول كده بقي , كله عشان الازرق

آدم ( بهيام) : و اللي لابسه الازرق

آسيا : احم , طب احترم نفسك بقي احنا قاعدين في البيت , مش كده

آدم (ضاحكاً) : طب اعاكسك بره البيت عادي ؟؟

آسيا ( بغضب مصطنع) : خلاااص بقي يا آدم , اسكت 

و قول لي عمل ايه مع بابا ؟؟؟

آدم : مفيش يا سيتي كلمته عني و حكيت له كل ظروفي و كل حاجه عني و قولت له علي مكان الشقه و انها قريبه من هنا اوي عشان اخليه يطمن عليكي اكتر و بس

آسيا : صحيح الشقة , انا نفسي اشوفها اووي

نظر اليها و اتسعت ابتسامته

- هتشوفيها قريب , قريب اووي ان شاء الله هتيجي تنوريها عشان هي مش ناقصها غير وجودك فيها بس اصلاً

آسيا : نفسي اعرف لحقت تعمل كل ده امتي ؟!

آدم : عشان ابقي معاكي في اسرع وقت انا مستعد اعمل اي حاجه

آسيا : احم , انا بقول انادي بابا بقي احسن و كفايا تعارف لحد كده

آدم (ضاحكاً) : ليه السربعه دي ؟! لا يفتكروكي مش طيقاني ولا حاجة , اقعدي معايا شويه كمان 

----------------------------------------------------

بعد انصراف آدم

صلاح : والله شاب هايل , بس لازم اسأل عليه بردو

سمية : انا ارتحت له جداً, حسيته طيب و ابن ناس كده و شغله و ظروفه الماديه كويسة جداً , ده كفايا انه جايب لآسيا شقه قريبة من هنا

بس هو صعبان عليا اوي في موضوع اهله اللي كلهم ماتوا في حادثه ده

ابتلعت غُصه في حلقها و ردت بهدوء

آسيا : الله يرحمهم يا ماما

سميه : هو فعلاً كان وشه متشوه بعد الحادثه ؟!

آسيا (بذهول) : هو قال كده ؟!

صلاح : ايوة , هو مقالكيش ؟؟

آسيا : لا قال لي , بس يعني .. انا افتكرت انه مش هيقلكوا حاجه زي دي عاي اعتبار انه بقي كويس خلاص يعني 

صلاح : لا قال لنا علي كل حاجة حتي العمليه اللي عملها في رجله , الولد ده صبور و عنده اراده قويه اوي , انا احترمت صراحته جداً

ثم نظر اليها بعمق

- انا حاسس انك مرتاحه و مبسوطة يا آسيا , مش كدة ؟؟

اطرقت برأسها في خجل و لم ترد

صلاح (ضاحكاً) : ماشي يا ست المكسوفه انا بردو لازم اسأل عليه تاني و لو لاقيت كل اللي قال له مضبوط , هرد عليه ان شاء الله 

آسيا ( بلهفه) : امتي ؟؟

سمية ( بنصف عين ) : شوف البت ملهوفه ازااي

آسيا ( بخجل ) : ايه يا ماما , مش قصدي انا ..يعني بس ..عاوزه اعرف بابا هيرد عليه امتي مش اكتر

صلاح (ضاحكاً) : لما اسأل عليه الاول و اطمن من كل حاجه قالها ,, هرد عليه علي طول

---------------------------------------------------- 

هاتفته ما ان اصبحوا دلفت الي حجرتها

- كنت عندكوا من شويه , لحقت اوحشك ؟!

آسيا (ضاحكه) : كفايا هزار بقي

آدم : طيب طمنيني رأيهم فيا ايه ؟؟

آسيا : بيقولوا فيك شعر

آدم : بجد ؟!!

آسيا : اه والله , ماما حبيتك اوي 

آدم : حبيبتي حماتي دي والله

آسيا (ضاحكة) : لسة مبقتش حماتك

آدم : هتبقي قريب اوي ان شاء الله , بس طالما معجبين بيا كده , عمي مردش عليا ليه ؟!! ليه قال لي هنفكر و ارد عليك !

آسيا : اولاً عشان يسأل عليك بردو و يطمن من كل اللي قولته , ثانياً بقي مينفعش يقول موافقين كده من اول مره يشوفك يعني , لا تفتكيرنا مدلوقين عليك ولا حاجه

آدم (ضاحكاً) : يا سيتي انا اللي مدلوق بس يوافق

آسيا : هيوافق ان شاء الله , و هيرد عليك قريب اوي

آدم : يااا رب

آسيا (بخفوت) : آدم..

آدم (بصوت حالم ) : نعم يا حبيبتي 

آسيا : انا مبسوطة اوي انك صارحت بابا و اما بكل حاجه , يعني اقصد الحادثه .. و كده

آدم (بهدوء) : انا خليتك زمان كدبتي و خبيتي كتير عشاني يا آسيا , بس اوعدك مفيش كدب ولا اي حاجه هتستخبي بعد كده , اهلك هيبقوا اهلي ولازم يعرفوا كل حاجه و كده كده انا كنت متأكد ان باباكي هيسأل عليا و كنت حابب انه يسمع مني انا كل حاجة عني 

آسيا (بسعادة ) : انا فرحانه اووي يا آدم

آدم : ان شاء الله يا حبيبتي ربنا هيكمل فرحتنا قريب و يجمعنا مع بعض في بيت واحد في اقرب وقت

---------------------------------------------------

-هاتفت شروق ماهي لتبارك لها و تطمئن ان كانت تحتاج الي شئ

- الوو

شروق : اهلاً اهلاً بالعروسه

ماهي (ضاحكة ) : ازيك يا شروق ؟؟

شروق : انا فل المهم انتي يا عروسة عامله ايه ؟؟

ماهي : عامله محتاسة والله

شروق : ليه بس كده ؟؟

ماهي : لسة مخلصتش شرا الحاجات اللي عاوزه اجيبها , طارق مسربعني علي الاخر 

انا اسفه يا شروق انا عارفه انها قله ذوق مني و ان انا اللي كان المفروض اتصل اعزمك مع انك مش محتاجه عزومه اصلاً و كنت عاوزه رقم آسيا كمان عشان اكلمها , بس والله انا مربوكه جداً مش متخيله قد ايه

شروق : بلاش عبط يا بنتي احنا مفيش بينا الحاجات دي , ايه رأيك بقي اني هنزل معاكي انا و آسيا نشتري الحاجات اللي ناقصه و اهو بالمرة تعزمينا بنفسك يا سيتي

ماهي (بسعاده) : بجد يا شروق ؟؟

شروق : طبعاً بجد .. شوفي عاوزه تنزلي الساعه كام و انا هتفق مع آسيا و نيجي لك 

----------------------------------------------------

- الوو

آسيا : ايوة يا حبيبي , صباح الخير

آدم : صباح الفل

آسيا : انت لسه صاحي ؟؟

آدم : اه من شويه كده , كنت هفوق و اكلمك 

آسيا : كسوووول

آدم (ضاحكاً) : عشان نايم امبارح متأخر بس

آسيا : طيب انا شويه كده و نازله مع ماهي و شروق , نجيب مع مماهي الحلجلات اللي ناقصه عشان فرحها

آدم (بضيق) : هو باباكي مش ناوي يرد عليا بقي و فات يومين , كل ده بيسأل

آسيا (ضاحكة) : يا مفتري هو لحق

آدم : مش قادر اصبر اكتر يا آسيا 

آسيا : هانت يا حبيبي ان شاء الله

آدم : طيب ماتتأخريش و خلي موبايلك في ايدك عشان تسمعيه لما اكلمك

آسيا ( ضاحكة ) : حاضر يا افندم

----------------------------------------------------تقابل الفتيات في احد المولات الكبري و اشتروا كل ما تبقي من لوازم لحفل زفاف ماهي

ماهي : انا مش مصدقه اني جبت كل حاجه !!

شروق : احنا بننزل نجيب من الاخر علي طول

ماهي : ربنا يخليكوا لياا بجد انا مش عارفه من غيركوا كنت هعمل ايه

آسيا : ان شاء الله تبقي عروسه زي القمر و فرحك يبقي احلي فرح

ماهي ( بسعادة ) : يااا رب , اوعي ماتجيش يا آسيا

آسيا : لا ان شاء الله هاجي طبعاً , متقلقيش

----------------------------------------------------

هاتفته ما او وصلت الي منزلها

- عندي ليك خبر هيفرحك اووي انا لسه عرفاه دلوقتي حالااً

آدم (بلهفه) : باباكي قال انه موافق علياا , صح صح ؟؟

آسيا ( ضاحكه بسعادة ) : ايوون , و قال انه هيكلمك الصبح , بس مش هيقدر يتفق معاك علي اي حاجه لسه لحد ما يشوف ظروف عمر هيقدر ينزل امتي مصر و كده , بس هو موافق يعني و كلم عمر و قال له انه هيشوف ظروف شغله و يرد عليه

آدم (بسعاده) : يااااااااه اخيراااً 

بس اسمعي بقي انا هتفق مع باباكي لما يكلمني علي اننا نكتب الكتاب علي طول اول ما اخوكي يجي , ش هستني اكتر من كده انا , و يا ريت كمان نخلي كتب الكتاب و الفرح مع بعض

آسيا : يا عم المستعجل انت اصبر بس , نشوف ظروف شغل عمر و هيقدر ينزل امتي و اتفق مع بابا علي اللي يريحك

----------------------------------------------------

ليله الخميس ..

بدت كالبدر في ثوب زفافها الرقيق , الذي اختارته بعنايه فائقه لينول رضاء "طارق" 

زوجها الحبيب الذي عُقد قرانهم للتو

حفل زفاف راقي في احد الفنادق الكبري , السعاده المرتسمه علي وجوه كل من في الحفل هي سمته الاساسيه

همس في اذنها برقه اثناء رقصتهم " السلو"

- بحبك يا مراتي

نظرت اليه بعشق

- بحبك يا كل حاجه ليا في الدنيا , و ربنا يقدرني و اسعدك و افرحك زي ما انت السبب في الفرحه اللي انا فيها دي 

طال حوار العيون الصامت الذي لا يفهمه سوي كل منهما 

----------------------------------------------------نظر اليها بأنبهار و هي ترتدي ثوبها الابيض المزركش بورود زرقاء غايه في الرقه و النعومه

آسيا : انت هتفضل تبص لي كده كتير ؟

آدم (بحب) : مشوفتش احلي منك في الفرح و لا هشوف احلي منك في حياتي كلها

آسيا (بخجل) : انت مش هتبطل بقي كلامك ده , انا مش عارفه انت جاي الفرح بصفتك ايه اصلاً

آدم : بصفتي خطيبك , ايه مش خلاص باباكي وافق عليا , ربنا يهديه اخوكي بقي و ينزل مصر بسرعه عشان متهورش و اخطفك

آسيا (ضاحكه) : والله مجنون

آدم (مبتسماً) : بيكي 

----------------------------------------------------

ظلت تتطلع الي ماهي و طارق في الكوشه

وهي شارده في حياتها

منذ طلاقها من أيمن و هي تشعر بعلي يتقرب منها شيئاً فـ شئ , ترتاح لقربه و تحب تلميحاته و غزله .. لكنها خائفه

تجربتها السيئة مع الزواج باتت محفوره في ذاكرتها لن تنساها ابداً

تنهدت بضيق و حزن علي حالها

تتمني لو تنسي , نعم سامحت لكنها لم تتمكن من النسيان بعد 

تلك الذكري المؤلمه تعكر صفو حياتها

----------------------------------------------------انتهي الزفاف و طار العروسان الي باريس لقضاء شهر عسلهما الذي ربما يمتد لسنوات و ليس لشهر واحد فقط

استقلت سيارة آدم في الخلف 

و قبل ان يدير آدم محرك السيارة

فوجئ بعلي يقف امامه

آدم (بدهشه ) : علي !! انت ايه اللي جابك دلوقتي ؟! و عرفت منين مكان الاوتيل ؟؟؟

علي : عرفت من آسيا

آسيا : احم , انت مبتسترش ابداً

آدم : آسيا ! طب انا مش فاهم حاجه !

علي و هو ينظر الي شروق الجالسة في المقعد الخلفي للسياره

- مفيش حاجه , انا هعمل فيك خدمه و اسيبك مع آسيا شوية لوحدكوا و اخد شروق اوصلها البيت 

آدم (بدهشة) : لا والله !! جاي عشان تعمل فيا خدمة و توصل شروق البيت !!

علي ( مبتسماً) : ايوة

و فتح باب السيارة الخلفي و نظر اليها

- ممكن تتفضلي معايا

شروق ( بارتباك) : لا .. انا .. انا آدم هيوصلني

آسيا : لا انا عاوزه اقعد مع خطيبي شويه لوحدنا بعد اذنك , يلا من هنا علي هيوصلك

نظرت اليها شذراً

علي : يلا يا شروق انا هوصلك مش هاكلك يعني

نزلت معه و استقلت بجانبه سيارته علي مضض

----------------------------------------------------

في سيارة آدم و آسيا..

-انا مش فاهم حاجة ! 

آسيا : بجد مش فاهم 

آدم : اوعي يكووون !!! 

ااه يا ولاد الايه يا لذينه !!

آسيا (ضاحكة) : ايووة هو ده !

---------------------------------------------------

-في سيارة علي و شروق .. 

شروق : ممكن افهم بقي في ايه ؟!

علي (بهدوء) : عاوز اتكلم معاكي شوية

شروق : تتكلم في ايه ؟!

ابطل محرك السياره و نظر اليها

نظرت اليه بتساؤل

" انا بحبك و عاوز اتجوزك "

باغتها بتلك الجمله , رمشت بعينها عده مرات علها تستوعب ما سمعته للتو

شروق (بذهول) : قولت ايه ؟!

علي (بهدوء) : قولت بحبك و عاوز اتجوزك

صمتت تماماً و قد توقف قلبها عن العمل لعده ثواني ثم عاد ليخفق بجنون

علي : ايه يا شروق , معقول كل ده مكنتيش حاسة ؟!

شروق : كنت حاسة ..بس ..يعني....محدش بيقول حاجه زي كده بالطريقه دي ولا في المكان ولا الوقت ده ابداً !!

علي (ضاحكاً) : نحن نختلف عن الاخرون

نظر اليها قليلاً ثم تحدث بجديه

- بصي يا شروق انا من ساعه ما اتكلمت معاكي و شوقتك و انا معجب بيكي , منكرش اني اتصدمت لما حكيتي لي عنك و عرفت انك متجوزة , بس لما حكيتي لي اكتر و عرفت ان في مشاكل و انك هتطلقي , هديت شوية , فضلت صابر و ساكت و مخبي مشاعري طول الفترة اللي فاتت دي احتراماً لانك لسة علي ذمه واحد تاني , بس بعد كده خلاص بقي ...

شروق (بارتباك ) : يعني.. انت معندكش مشاكل مع اني مُطلقه ؟!

علي (بهدوء) : لا طبعاً و فيها ايه يعني ! ده نصيب و ربنا كاتب انه يحصل و بعدين انتي كان كتب كتاب بس مش جواز جواز 

شروق (بخجل) : احم , طيب و انت اهلك يعني .. مش هيبقي عندهم مشكله في الموضوع ده ؟

علي : لا اطلاقاً 

تنهدت بعمق

- انتي خايفه من تجربه الجواز تاني صح ؟؟

نظرت اليه بدهشه لاستطاعته قراءه افكارها بهذه السهوله

علي (بابتسامه حانيه) : متخافيش يا شروق و اوثقي فيا , انا اللي ربنا بعتني ليكي عشان يعوضك عن كل العذاب اللي شوفتيه , اوعدك اني هنسيكي كل الألم و الحزن اللي عيشتيه في حياتك كلها , ده وعد مني ليكي اتحاسب عليه قدام ربنا , وافقي بس و انتي تشوفي 

وافقت .. ووعدها , فصدق !

ها يا حلوين شجعوني بقي ده اخر يوم في القصه وقولولي رائيكو ؟؟

الحلقه السادسة و العشرون

و الاخيرة 

الجزء الثالث

بعد مرور ثلاثه اشهر ..

تجلس امامه علي طاوله في احد الكافيهات

- حسبي الله و نعم الوكييييييل

آسيا : في حاجه يا كابتن ؟!

آدم : طارق اتجوز و سافر شهر العسل و رجع ومراته حامل

و علي اتجوز و سافر شهر العسل و قرب يرجع و انا لسه قاعد هنا بشرب في عصير كوكتيل

آسيا (ضاحكة) : اتجوز من غير اخويا يعنيييي

آدم (بغضب) : كل ده مش عارف ياخد اجازة من شغله , انا خللت جنبكوا

آسيا : معلش خلاص هانت والله في احتمال كبير يقدر ينزل اخر الاسبوع الجاي , لو تمام هيأكد علينا اول ما يحجز

آدم : يا فرج الله

آسيا (برقه) : خلاص يا دومي بقي

آدم : بطلي دومي اللي بقيتي بتقوليها دي , عشان لو اتهورت عليكي العواقب هتبقي وخيمه

آسيا (ضاحكه) : عواقب و وخيمه , خلاص انا اسفه يا سيدي مش هدلعك تاني

آدم : يكون احسن بردو , بس ده لحد ما نتجوز بس ها و بعدها عاوز اشوف احلي دلع

آسيا (بخجل) : مش مؤدب

آدم (ضاحكاً) : انا مقولتش حاجه علي فكرة و بقول بعد الجوااز , ركزي شويه

-----------------------------------------------------

- طاارق يا طااارق

طارق : ايوة يا حبيبتي

ماهي : معلش حبيبي ممكن تجيب لي مايه , عطشانه اوي و مش قادره اقوم

طارق : يسلم لي القمر اللي بيتدلع

حاضر يا حبيبتي

احضر لها كوب الماء و جلس الي جوارها 

مالت برأسها الي كتفه , فحاوطها بذراعيه

طارق : قولي لي يا ماهي

ماهي : نعم يا حبيبي

طارق : لما انتي في الشهور الاولي و مش قادرة تجيبي كوبايه مايه , امال قدام شويه هتعملي فيا ايه ؟!!

ماهي : يوة يا طارق بقي , ما انا كل ما بقوم بدوخ

طارق (مبتسماً و هو يضع يده فوق بطنها بحنان ) : شكله هيطلع شقي حبيب بابي

ماهي ( و هي تضع يدها فوق يده الموضوعه فوق بطنها) : و ليه متقولش انها بنت ؟؟

طارق : يا سلاام , يا رييت , و انا اطول تطلع بنوته زي القمر شبه مامتها كده

ماهي (مبتسمه) : مبسوط معايا يا طارق ؟

طارق ( مشدداً من احتضانه لها) : اسعد واحد في الدنيا 

انتي مبسوطه معايا ؟؟

رفعت رأسها قليلاً و نظرت الي عينه بعمق

- مكنتش اعرف معني الانبساط و السعاده قبل ما اعرفك اصلاً

نظر لها طويلاً قبل ان يقبلها بعمق , قبله بث فيها كل ما يحمله قلبه لها من عِشق 

-----------------------------------------------------

تقدم معتز بطلب يد شيرين رسمياً من والدها 

الذي رفض بشده فكره ارتباطها قبل ان تنهي دراستها

يا الله !!! انها في عامها الاول , كيف له ان ينتظر اربع سنوات كامله !!!

فالعام الدراسي الاول مازال في بدايته !!

يبدوا انه من كُتب عليهم الاحتراق بنار حبهم !!

-----------------------------------------------------

أكد عمر موعد حجزه اخر الاسبوع المقبل

و اتفق آدم مع صلاح علي ان الزفاف و كتب الكتاب في نفس اليوم , لا قدره لديه علي الصبر اكثر من ذلك

الاستعدادات علي قدم و ساق للزفاف الاسطوري الخاص بآدم و آسيا و قد اشتري عمر لآسيا فستان الزفاف من ألمانيا

انبهرت آسيا بالمنزل الذي اشتراه لها آدم , حقاً لا ينقصه سوي وجودهم به

منزل رائع بحديقه جميله فُتنت بها ما ان رأتها

-----------------------------------------------------

- علي

علي : ايوة يا حبيبتي

شروق : مش هتشوف الفستان اللي جيبته عشان فرح آسيا

علي : اه طبعاً وريهوني

احضرته له 

- ها ؟؟ ايه رأيك ؟؟

نظر اليها بغضب 

- مش هتروحي بيه الفرح يا شروق 

شروق (بدهشه) : ليه بس ؟!

علي (مبتسماً) : عشان مخليكي حلوه بزياده

شروق : يووة يا علي , خضتني يا رخم 

ابتسم و اشار لها بأصبعه كي تذهب اليه 

دون تفكير ركضت اليه و ارتمت فوق صدره 

احاطها بذراعيه و احتضنها بشده

و همس في اذنها برقه

- وفيت بوعدي معاكي يا شروق ؟؟

رفعت رأسها اليه و نظرت له بعشق

- وفيت باكتر من وعدك كمان يا حبيب شروق 

-----------------------------------------------------

ليله زفاف آدم و آسيا

الكون بأكمله لا يسع فرحه كلاهما

اخيراً تحقق الحلم .. بعد عذاب و فراق و دموع 

يأتي الفرح و السعاده .. كرم الله كبير لأبعد الحدود و رحمته اكبر

ابداً ابداً لا يظلم الله احد من عبيده

فقط الصبر ..

ثقتك بربك هي من تجعلك تعيش سعيداً لانك واثق في اخياراته لك في الوقت الذي يحدده هو , لأنه اعلم منك بمصلحتك و اعلم بالخير لك منك !

ينتظرها اسفل السلم بشوق كاد يفتك بقلبه المسكين

متشوق لرؤيتا في فستان زفافها

متشوق لعقد قرانه عليها

متشوق لأسرها بدبلته الذهبيه الي اخر العمر

شهق بأنبهار ما ان رأها علي بدايه السلم متعلقه في يد والدها و تنزل درجات السلم درجه درجه

قلبه صار ينبض بعنف لا يُصدق انها علي بُعد درجتين فقط سوف تتعلق في ذراعه و تصبح ملكه !!

تبدوا تماماً كسندريلا في فستان زفافها كما كان يُطلق عليها سابقاً

وصلت الي عنده , استلمها من يد والدها .. تشبثت بذراعه 

و همس في اذنها برقه اذابتها

- اميرك تعب من كتر الانتظار يا سيندريلا

----------------------------------------------------- 

تتراقص بين احضانه بعد عقد القران , و اخيراً صارت ملكه 

اغنيته المفضله التي حلم ان يهديها لها يوما و قد تحقق حلمه

استنيت سنين كتير ليوم اللقا

واتمنيت اعيش معاك وافرح بقا

انا حبيت هواك عشان اجمل هوا

حلوة فى عينى الدنيا طول محنا سوا

يوم ورا يوم بنام واقوم على شوقى ليك

دة انا حسيت بحياتى لما لقيت عينيك

بحلم بيك .. بحلم بيك .. بحلم بيك

انا بحلم بيك

تعلقت بعنقه بشده و هي تهمس بانفعال عاطفي بحت ...

" بحبك يا آدم "

ما كان منه الا انه حملها في حركه خاطفه و ظل يدووور بها و هي تصرخ بسعااده و انفعال و الجميع في حاله دهشه مما يفعله ذلك العريس المجنون !!! 

الي ان انزلها ارضاً اخيراً و هو يتطلع الي عيونها بعشق

و قال بانفعال عاطفي مماثل تماماً لانفعالها 

" انا بعشقك يا روح آدم و حياته كلها "

--------------------------------------------------

بعد مرور عامان..

استطاعوا اخيراً اقناع محسن بزواج معتز و شيرين قبل ان تُكمل دراستها ,فهي متبقي لها سنه واحده الآن

مع وعد من معتز لمحسن انه ابداً لي يعطلها عن دراستها بالعكس سوف يكون داعماً لها دائماً

جميله , رقيقه , بسيطه كعادتها

لم تري عيونه عروس اجمل منها

التف الجميع حول معتز و شيرين لألتقاط صوره تذكاريه

علي و شروق و توأمهم آدم و آسر

طارق و ماهي و ابنتهم تاليا التي تشبه والدتها كثيراً

و اخيراً آدم و آسيا الحامل في شهرها الخامس في ذكر يبدو انه سيصبح مشاغب تماماً كوالده

                                تمت

بداية الروايه من هنا

🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺

اتفضلوا حضراتكم كملوا معنا هنا 👇 ❤️ 👇 

أجدد وأحدث الروايات من هنا

روايات كامله وحصريه من هنا

وكمان اروع الروايات هنا 👇

روايات جديده وكامله من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺