رواية مصيبة زفافي الفصل الاول والثاني بقلم زهرة الربيع حصريه وجديده على مدونة أفكارنا

 رواية مصيبة زفافي الفصل الاول والثاني بقلم زهرة الربيع حصريه وجديده على مدونة أفكارنا 

رواية مصيبة زفافي الفصل الاول والثاني بقلم زهرة الربيع حصريه وجديده على مدونة أفكارنا 

انا مش عارفه انت ازاي مبسوطه ومرتاحه كده وانتي حامل ولسه ما اتجوزتيش ده لو الموضوع ده اتكشف هتروحي في داهيه 

ضحكت وهي بتحط المناكير بهدوء وقالت انتي هبله يا سهام يا حبيبتي ايه ما اتجوزتيش دي...انا كاتبه كتابي ا معملتش حاجه غلط ولا حرام 

سهام قالت بسرعه صح معملتيش حاجه حرام بس بيتهيألي ان الي عملتيه اكبر غلط ...لانكم قدام الناس ليه مخطوبين  انتو لسه فرحكم  متعملش صحيح فاضل عليه يومين  بس..لاكم  محدش ضامن الدنيا محدش له امان 

ابتسمت وقالت...الا نادر  ..نادر الأمان كلو وانا ضمناه اكتر من نفسي 

سهام اتنهدت وقالت.. لدرجادي 

قالت بابتسامه  وسعاده ..واكتر.. انا بعشقو  الاسم نادر وهو فعلا نادر... مبسوطه قوي اني حامل ونفسي افاجئه بالخبر ده اول ما نعمل الفرح وابقى في بيته 

سهام لطمت على خدودها بقوه وقالت يا مصيبتي منك هو انتي كمان لسه مقلتلوش انك حامل..يا فتون يا حببتي ما تنسيش ان اهلك صعايده حتى لو انتم عايشين في القاهره بس مش هيرضيهم ابدا لو عرفوا الموضوع ده وممكن يقطعوكي فيها 

فتون ضحكت وقالت ..للمره الالف يا بنتي انا كاتبه كتابي.. اقول لك حاجه ما توترينيش كده انا مش فاضيالك و 

لسه هتكمل رن التليفون بتاعها وردت وقالت بسعاده..حبيبي كنت لسه في سيرتك وحشتني يا نادر 

جالها صوته الي بتعشقه بيقول ..وانتي اكتر يا قلب نادر .بقول لك ايه المفروض ننزل نشتري شويه حاجات تاني في الجهاز هستناكي تحت البيت 

فتون قالت بابتسامه..حاضر نازله حالا 

نادر ابتسم وقال وانا هستناكي يا قلبي 

فتون قفلت معاه ولبست بسرعه وسهام بصت لها واتنهدت وقالت.. ربنا يهديكي قوليلو النهارده.. احكي له مش هتخسري حاجه اهو على الاقل يبقى عنده خبر بالموضوع 

فتون قالت ..مش هقوله دلوقتي انا قولتلك هقوله لما نروح بيتنا دلوقتي فيه حاجات هنجيبها وارجع 

مش هروح معاه الشقه اصلا مع ان ناقصها شوية تظبيطات 

سهام  بصت لها بغمزه وقالت تظبيطات برده 

فتون ضحكت وقالت.. لا والله تظبيطات اصلا الدكتوره منعاني من الي جيه في بالك  

ولسه هتطلع بعت لها مسج مكتوب فيها..البسي اوسع حاجه عندك .. عشان ما ارجعكش تغيريه 

فتون  ضحكت وبصت لنفسها في المرايه كانت لابسه لبس واسع اصلا وقالت...مجنون والله 

ونزلت جري وهي مبسوطه جدا 

وهيه نازله قابلها شاب في العشرينات وقال بضيق... ايه هو الباشا كلمك تاني ولا ايه 

فتون قالت بخنقه ملكش دعوه يا حسام نادر جوزي ويطلع معايا في اي وقت وبباك وماما  معندهمش مانع 

حسام بصلها بضيق وقال ..انا ابن خالك وليه الحق اتدخل وبعدين ما تفرحيش قوي بكلمة جوزي ده حتت كتب كتاب مش اكتر 

قتون ضحكت جامد وقالت.. حتت كتب كتاب حسستني ان احنا قرينا فاتحه ..لاخر مره هقولك خليك في حالك 

و سابته ومشيت واقف بغيظ

كان مستنيها شاي بطله جميله جدا واقف عند العربيه بتاعته وبيبص في الساعه بملل لحد ما شافها نازله ابتسم بسعاده وقال كل ده يا  فتون حرام عليكي يا بت ده انا اتصلت عليكي من نص ساعه 

فتون ضحكت وباسته من خده بسرعه وقالت.. انت وحشتيني اوي على فكره 

نادر شدها عليه وقال.. بجد انتي كمانوحشاني..وشدها عليه وقال..وحشاني بشكل ميتقالش بالكلام ابدا 

فتون ضحكت وبعدتو وقالت... لا لا لا مش هينفع النهارده خالص انا هشتري الحاجات وانت راح لوحدك الشقه ظبطها 

نادر استغراب وقال.. ليه يعني 

بقلم....زهرة الربيع

فتون  قالت.. اصل انا تعبانه وعازه ارتاح شويه 

نادر ضحك وشدها.. عليه وقال..يا بت ما انا هريحك اخر راحه وحياه عيونك 

ضحكتووبعدت وقالت..بس  يا نادر احنا في الشارع.. ايه الكلام ده ..يلا وزي ما قلت لك هنطلع نجيب الحاجات وبس خلاص كلها يومين وابقى بين اديك 

نادر ابتسم  وقال..ماشي يا ستي يومين هستناهم واشوفك هتروحي مني فين 

فتون ضحكت وقالت ماشي يلا بينا 

وطلعوا  على  السوق بسعاده وانبساط وعدى عليهم اليومين في تجهيزات الفرح..وكان نادر  بيكلمها كل دقيقتين ومبسوطين جدا 

يوم الفرح بالليل كانت عروسه زي القمر وحواليها اهلها بيزغردو بفرحه وسعاده 

سهام قرصتها في ركبتها وقالت...عقبالي يا رب 

فتون ضحكت و قالت يا رب يا سوسو عقبالك بجد 

ونزلت على السلم وكانت  تخطف الانظار وكان نادر واقف مستنيها واول ما شافها  ابتسم بسعاده وقرب عليها اخذها من ايدها وقال بهمس عند ودنها...انا لو مكان القمر الليله دي اتخبى 

فتون بصتلو بسعاده وضحكت بخفه وقالت بهمس...خف عليا شويه  ممكن ادوخ منك هنا في الفرح ومنظرنا يبقى مش تمام 

نلدر ضحك من قلبو وشدها من ايده في فرحه وطلع بيها  على  الصاله بسعاده  وطلعوا على المسرح 

و كانو صحباتها بيباركولها و اخر انبساط 

نادر فجأه اتوتر ووقف ومسك المايك وبصلها وابتسم وقال في المايك... فتون انا مش هقدر اكمل مستحيل اتجوزك 

اتسعت عيون الجميع بدهشه وصاحبتها لطمت على خدها 

انا فتون  ابتسمت و قالت.. نادر بلاش هزار بقى ده وقته 

بس صدمها لما قال بتاكيد ...هو فعلا مش وقته بس انا اسف اني اتاخرت مش هقدر اكمل معاكي 

بس كانت الصدمه الاكبر ليها وللحضور  لما قال قدام كل الموجودين ... بالنسبه للكام ليله اللي قضناهم سوا اعتبريهم هديه مني ليكي ووووو

البارت ٢ الجزء الاول

بالنسبه للكام ليله اللي قضناهم سوا اعتبريهم هديه مني ليكي 

امها ضربت على خدودها بقوه والناس كانت بتبص لفتون وبيتهامسوا عليها 

وهيه كانت  في حاله صدمه رهيبه وبتبص له بدموع ومش مصدقه الجمله اللي قالها قدام الناس 

امها قربت منها مسكتها من ذراعها وبقت تهزها بقوه وقالت بغضب ..صحيح الكلام ده صحيح الحيوان ده لمسك صحيح يافتون ردي علياااااا 

فتون كانت متجمده ومش بترد عليها وبتبص لنادر بصدمه رهيبه 

نادر بص لها شويه ولسه هيمشي مسكت ايده وبقت تبص لعيونه بنظرات تدبح ودموعها بتقع على خدودها وقالت بصوت ضعيف...ليه 

نادر كان مش بينطق وسحب ايده ومشي من غير ما يرد عليها و اول ما بعد خطوات سمع صوت صرخه امها وقرايبها لما فتون وقعت على الارض مغمى عليها 

التفت لها وكان هيرجع بس ضم اديه بياس ومشي واول ما طلع من الصاله وقف عند العربيه بتاعته وبقى يفك الكرفته وزراير القميص الفوقانيه وبقى يبكي بالصوت مسموع ودموعه بتنزل بحزن شديد 

حط ايده على قلبه وكان حاسس بوجع  شديد جدا بس سمع صوت من وراه بيقول... برافو عليك بحب الناس اللي بتسمع الكلام بتريح وترتاح 

نادر  بصله وعنيه بتشع من الغضب وقرب عليه وقال بسرعه انا نفذت كل طلباتك اختي فين يا حسام 

حسام بصله بسخريه وقال متخيل اني ممكن اقول لك هي فين 

نادر بصلو  بغضب شديد ومسكه من القميص بتاعه وقال بزعيق.. ومتقوليش ليه..انا مش نفذت اللي انت قولته بالحرف الواحد..و خليتني فضحت مراتي قدام الناس كلها ..اخلص اتكلم نهله اختي  مريضه ومش بتستحمل البنت تعبانه هيه فين

الجزء التاني من البارت ٢

حسام  لف حواليه وقال لو اختك مريضه ومش بتستحمل وانت خايف عليها فعلا تنفذ باقي طلباتي 

نادر بلع ريقه وقال بدموع..هطلقها ..هطلقها حاضر بس رجع اختي الاول 

حسام قال بسرعه... لا يا حلو اختك مش هترجع غير لما انت تطلق انا مش بديلك امان..انا مش فتون 

نادر بصله بحقد شديد وقال.. انا مش فاهم انت تفكيرك ازاي كده ..ازاي عايز ترتبط بواحده غصب عنها ازاي عقلك يصورلك كده وانت اللي بنفسك قولت انك عارف ان في علاقه بيني وبينها واننا بنروح الشقه وانا مانكرتش وقلت كده قدام الناس زي ما قولتلي يبقى ازاي قادر... ايه ما عندكش كرامه ما عندكش دم مبتحسش 

حسام بصله بغضب شديد وقال لا عندي كرام وعندي دم بس هركنهم على جنب لحد ماتجوزها واحط ايدي على فلوسها الي سابهالها ابوها واظبط اموري وبعد كده هعرف ازاي احاسبها على رفضها ليا وهحاسبها كمان على ليالي الحرام اللي قضتهم معاك 

نادر ضحك بسخريه وسط دموعه وقال... حرام بلاش انت تتكلم على الحرام الكلمه دي ما تمشيش على لسانك اصلا ..فتون اشرف منك ومن 10 زيك ومعملتش حاجه غلط ولا حرام انا وفتون كاتبين كتابنا ولو مكناش حابين نعمل فرح كنت اقدر اخدها قدام الكل من ايدها يوم ما كتبنا الكتاب واروح بيها شقتنا عادي جدا لانها ببساطه مراتي وده اللي مش هتقدر تغيره..حتى لو  طلقتها غصب عني برده هتفضل مراتي مش بمزاجك تشيلها من على اسمي ولا بمزاجك تشيلني من قلبها

بكره الصبح هاجي اطلق زي ما انت عايز بمجرد ما اطلع من هنا الاقي اختي واقفه قدامي هنا قدام البيت والا لو كده كده هخسرها.. هخسرك كل حاجه يا حسام كل حاجه 

قال كده وطلع بالعربيه وهو بيلعن نفسه الف مره على  الموقف اللي حطها فيه مشي بسرعه ووقف في مكان معزول وبقى يفتكر اللي قالو ومنظرخا حس بدموعه بتحرق عيونه ومقدرش يمنع نفسو من الانهيار زعق بصوته وهو بيضرب الدركسبون وبيقول بدموع...سااااافل حيووااااان اناني ...ااااه ونزلت دموعه بحسره على امنياتو كلها اللي راحت في الارض 

عند فتون كانت الدكتوره خارجه من عندها وقالت.. يا جماعه اهدوا الي حصل ده طبيعي هيه شكلها اتوترت شويه واصلا ده بيحصل طبيعي في الشهووو 

بس قاطعتها سهام وقالت بسرعه... طيب يا دكتوره طيب  شكرا احنا فهمنا هي اصلا كانت متوتره فعلا 

الدكتوره استغربت انها قاطعتها كده بس اتوقعت ان اهل فتون ميعرفوش بحملها. 

ام فتون بقت تبصلهم بشك وقالت..كنتي عايزه تقولي حاجه ثانيه يا دكتوره نرمين 

سهام بصتلها برجاء والدكتوره قالت ..لا ما فيش انا كتبتلها شويه ادويه وان شاء الله تبقى بخير 

ثاني يوم كان المأذون تحت وطلعت والدة فتون تناديلها وقالت بغضب ...قومي يا اختي يلا..خليه يطلق ونخلص  قبل ما اعمامك في الصعيد يعرفوا وتبقى كارثه وفضيحه عليا وعلى اللي خلفوني 

فتون كانت في حاله صدمه رهيبه ولسه قاعده بالفستان ودموعها على خدها ومكياجها  نازل على وشها بصت لامها وقالت بزهول ودموع... انا ما عملتش حاجه للفضايح والمصايب يا ماما..انا كنت متجوزه ..انا ذنبي ايه انو طلع قذر 

بقلم...زهرة الربيع

امها شدتها من ايدها بغضب وقالت... لا ذنبك يا اختي مكنتش قادره تصبري لحد ما يتجوزك قدام الناس ازاي توافقيه على حاجه زي كده.. قومي معايا يلا وشدتها من ايدها ونزلت بيها بنفس هيئتها  وفضلو مستنيين نادر الي اتأخر جدا 

نادر بعد شويه دخل وابتسم بالعافيه وقال صباح الخير 

فتون رفعت عنيها ليه وهيه بتبصله بقوه وحقد 

نادر نزلت دمعه من عيونه مسحها بسرعه لما شاف هيئتها والماذون قال بنفاذ صبر..كويس انك جيت يا ابني يلا خلصنا بقى 

حسام كان واقف وبيبص للي بيحصل بفرحه شديده بس اتصدم لما نادر قال مش هطلق انا مش هطلق مراتي 

فتون وقفت واهلها بيبصواله بزهول شديد نادر قرب منها ومسك ايدها وقال فتون مراتي احنا كاتبين كتابنا مش هستنى اعمل  افراح هاخدها دلوقتي على بيتنا ولسه هيشدها من ايدها فتون زقت ايده بغضب وقالت بصراخ.. انت مجنون انت لا يمكن تكون طبيعي 

نادر شدها من ايده رغم الالم اللي جوه قلبه وجه طالع بيها حسام جري وراهم وهو بيقول سيبها ملكش دعوه بيها 

بس نادر ركبها في العربيه تحت زهول الجميع ومرضيش يسمع لاي حد 

حسام طلع وراه ولسه هيتكلم نادر بصلو  بغضب وقال استعد انت حسابك معايا طويل..كل دمعه  نزلت من عينيها هدفعك ثمنها وهدفع معاك علشان ما قدرتش احميها من ندالتك 

بقلم...زهرة الربيع

حسام بصلو بغضب وقال...طب و اختك مفكرتش فيها 

نادر ضحك بسخريه وقال..مش حابب اصدمك بس اختي عندي في بيتي.. لو كنت اعرف انك مضيفها في شقتك اللي في المعادي والدنيا تمام كده مكنتش قلقت للدرجه دي وبصلو بنظره ترعب وقال....وحزاري تفكر تقرب لها تاني  هتلاقي مفاجأت مش هتعجبك خالص 

قال كده وطلع على عربيه من غير ما يفهموا اي حاجه وهو جذب  شعره بزهول مش مصدق ازاي عرف المكان ومين قاله 

فتون كانت قاعده في العربيه غضب شديد  مش عايزه تروح معاه مكان بس في نفس الوقت عايزه تعرف ازاي حصل كل ده وليه عمل فيها كده فضلت ساكته ودموعها بتنزل بألم 

نادر اتنهد بحزن وقال .. انا اكيد مش هينفع اقولك اسف بس كل اللي هقولك اني ..اني محبتش قدك في حياتي يا فتون 

فتون بصتله بدموع و قالت ..امم ما انا عارفه شفت الحب ده امبارح شوفته في اللي عملته واللي قلتهولي قدام الناس ...بس عادي الغلط مش غلطك..انا اللي حيوانه واستاهل لاني وثقت في واحد زباله زيك 

قالت كده وبصت قدامها وهو اتنهد وشاف ان ما فيش فايده من الكلام معاها دلوقتي فضل سايق وهو ساكت لحد ما وصلو شقتهم 

اول ما دخلوا بصت للمكان بدموع المكان اللي كانوا بيجهزوه حته حته بايديهم وبقت تفتكر اللي لحظاتهم سوا ..عدى قدامها شريط ذكرياتها في المكان ده..وجات في بالها ذكرى مؤلمه وهي بتبص على الاوضه بتاعه النوم ..بقت تستحقر نفسها وهي فاكره لحظه ضعفها معاه 

فلاش باك 

كانت واقفه على الكرسي بتنظف المكان ورجلها زلقت ولسه هتق ع لقتو  واقف وراها وسندها بقت بين ايديه قعدوا على السرير وهي بين ايديه وبتبص لعيونه 

نادر بص لعيونها بابتسامه جميله وقال..انا بحبك قوي 

فتون ابتسمت وقالت انا كمان 

نادر ارتبك من قربها وقربها ليه في لحظه جميله جمعتهم 

فتون رفعت عيونها ليه برجاء وقالت..نادر لا  ما ينفعش كده غلط لو سمحت 

نادر بص لعيونها  وقال ...نادر مش قادر مش قادر خالص.. ما تخافيش مني يا فتون  انا جوزك انا ممكن اخون نفسي وانت لا اوعي يا بت تكوني مش واثقه فيا 

ابتسمت وقالت بسرعه..لا..لا واثقه فبك اكتر من نفسي

ابتسم بسعاده وقال...وانا عمري ما اخون الثقه دي يا قلبي واستسلمت بين اديه

فاقت من شرودها وغمضت عنيها بعنف وهي فاكره اللحظه دي وبتلعن نفسها عليها 

نادر شاف نظرتها للاوضه ودموعها  قرب منها وحاوطها باديه وقال ...الي بتفكري فيه ده  اجمل لحظات حياتنا مش عايز في يوم يكون سبب وجعك حاولي تنسي اللي حصل ارجوكي ..بلاش نظرات الحسره اللي شايفها في عيونك بلاش الندم ده 

فتون دفعته بغضب وبعدت خطوات وبصتله وقالت بزهول ...ندم...هه..لا يا  نادر الموضوع مبقاش موضوع ندم وبس.. انا بقيت بستحقر نفسي اني سمحت لك تلمسني وتذلني بالطريقه دي ..وبكل سهوله تقولهالي قدام الناس.. ونزلت دموعها بغزاره وقالت...تقولي الكام مره اللي كنا فيها سوا اعتبريهم  هديه مني قدام كل الناس قلتلي كده قدام اهلي واصحابي  ... يوم فرحي 

نادر نزل عيونه في الأرض وفتون كملت وقالت...عملت كده ليه يا نادر ..للحظات فكرت ان انت واحد وسخ كنت بتتسلى وكنت ناوي تسيبني من الاول..ده الي اقنعت نفسي بيه وقولت واخيرا لقيت سبب للي انت عملته معايا...طيب  رجعت ليه..وليه  مطلقتنيش  انا جيت معاك من غير رفض علشان  اسالك وانت مضطر تجاوبني يا نادر 

نادر رفع راسه بدموع مكانش قادر يتكلم وقال... نهله 

فتون بصتلو باستغراب وقالت.. نهله اختك .. ايه داخل نهله باللي بقوله وووووو

يتبع 

🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺

اتفضلوا حضراتكم كملوا معنا هنا 👇 ❤️ 👇 

روايات كامله وحصريه من هنا

وكمان اروع الروايات هنا 👇

روايات جديده وكامله من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺