سلفي عشان ما بيخلفش خلاني ابيع ولادي بقلم هويدا زغلول كامله وحصريه وجديده
وقبل ما نبدا الحكايه اعرفكم بنفسي
انا اسمي نهي واتجوزت في بيت عيله مع حماتي وابنها وجوزي محمد كان طيب اوي
وحنيه الدنيا كلها فيه وعمره ما جرحني بكلمة ولا زعلني ولا زعل اي حد منه
وفي يوم محمد قالي
محمد
صباح الخير يا نهي ايه التاخير دا كله دا انا صحيت ولبست وخلاص هاروح الشغل
نهي
ايه دا الساعة كام معلهش يا محمد والله
غصب عني طول اليل مش عارفة انام من معدتي شكلي اخد برد
محمد
ولا يهمك المهم انك تاخدي امي وتروحي عند الدكتور عشان تكشفي والفلوس عندك علي المكتب وانا هاعدي علي امي تحت واقولها تروح معاكي يلا سلام عليكم
ونزل محمد عند امه
محمد
صباح الخير يا ست الكل عامله ايه فطرتي ولا لسه نفطر سوا
ام محمد
صباح الخير يا حبيبي ربنا يرضيك انا فطرت من بدري مع اخوك مجدي ومراته انت مافطرتش ولا ايه
محمد
لا والله نهي تعبانة شوية ومعلهش هاتعبك خديها للدكتورة اللي في اخر الشارع
ام محمد
لا سلامتها يا ابني انا هاوديها وهاجعزلك لقمة افطر ومتشيلش هم اي حاجة
محمد
ومجدي صحي ليه بدري كده وراح فين هو ومراته
ام محمد
في دكتور كويس راح حجز عنده من يومين واخد مراته وراح يكشف عشان الخلفة ربنا يعوض عليه وعليك يا حبيبي بس والنبي
ما تقولش اني قولتك حاجة عشان هو واخد الامور بحساسية هو والحلوة مراته
محمد
ما تخافيش يا امي ربنا يكرمه ويديه الذريه الصالحة وبعدين والله في ناس بتقعد اكتر من كده وربنا بيكرمهم ايه يعني خمس سنين هو يحمد ربنا ويرضي وربنا هكرمه والله
ام محمد
والله يا ابني اخوك تاعب قلبي وفاكر انه ما فيش حد حاسس بيه ومراته التانية دماغها زي الزفت ربنا يهديهم
ومشي محمد علي شغله ونزلت نهي
نهي
صباح الخير يا ماما معلهش اتاخرت عليكي
انا هادخل المطبخ عشان اجهز الاكل اومال اسماء مرات مجدي فين
ام محمد
راحت هي وجوزها عند الدكتور ربنا يكرمهم وبكرمك يا بنتي وبعدين سيب شغل البيت
وتعالي اقعدي جنبي شكلك تعبان وبعد الطهر نروح للدكتورة
وفعلا راحوا عند الدكتورة وعرفوا ان نهي حامل وفي البيت
ام محمد بحزن
الف مبروك يا بنتي ربنا يتمم حملك علي خير ويعوض علي كل محتاج
نهي
ربنا يخليك ياماما هو حضرتك زعلانه ليه
عشان مجدي
ام محمد
ايوة يا بنتي بس نقول ايه ربنا ليه حكمة في كدة المهم مش عايزك تزعل من مجدي ولا مراته لو اتضايقوا اديهم عذرهم
عشان خاطري
نهي بحزن
حاضر يا ماما عشان خاطرك انتي ومحمد جوزي مش هازعل منهم ربنا يكرمهم ان شاءلله
ودخل مجدي ومراته
مجدي
السلام عليكم كنتوا فين ولا انتوا لسه خارجين ولا ايه
ام محمد
لا يا ابني احنا ليه جايين من بره مرات اخوك كانت تعبانة شويه وراحت للدكتورة
مجدي بخبث
الف سلامة عليك يا مرات اخويا عندك اية
ام محمد
ربنا يعوض عليك ويديك الذريه الصالحه مرات اخوك حامل
واسماء مرات مجدي اول ما سمعت الخبر طلعت علي اوطتها من غير ما تتكلم
ومجدي وشه اتقلب ومردش وخرج لبرة
ونهي فضلت تعيط وطلعت هي كمان علي اوطتها ورجع محمد من الشغل
محمد
السلام عليكم يا امي ايه دا هو فين باقي البيت هو اخوي ومراته مارجعوش ولا ايه
ام محمد
لا يا حبيبي رجعوا بس والنبي وغلاوتي عندك مش عايزاك تزعل منه
محمد
بتقولي كده ليه وانا عمري ما هزعل من اخويا ابدا مهما حصل بس افهم في ايه
ام محمد
اصل نهي مراتك طلعت حامل وربنا يدمملها حملها ويكرمك بالذرية الصالحه واخوك لما عرف زعل وخرج ومراته طلعت ونهي فضلت تعيط واهو القرحة ما تمتش
محمد
هو دا اللي حصل معلهش مجدي اخويا غصب عنه وانا قبل اطلع لمراتي هاروح اجيب اخويا ونيجي نتعشي سوا كلنا لازم نحس ببعض يا امي
ام محمد
ربنا هكرمك وهديك علي قد نيتك الطيبة وهيزقك من اوسع ابوابه
وراح محمد لمجدي
محمد
ايه الحال يا اخويا عامل ايه وياريت يكون الدكتور طمنك ان شاءلله
مجدي
هو انا حالي يهم حد خلاص كل واحد ما بيحسش غير بنفسه
محمد
والله صح يا اخويا وانت نفسي يا ابن ابويا والله العظيم انا اكتر واحد في الدنيا حاسس بيك وموجوع عليك ويا ريت اللي في بطن مراتي كان ليك
مجدي
ربنا يقوملك مراتك بالسلامه واهو ابنك برضوا ابني ولا انت عندك راي تاني
محمد
طبعا ابنك وربنا هكرمك وهتخلف وعيالنا هيكونوا عندهم بدل الاب اتنين وبدل الام برضوا اتنين ويالا بينا نروح عشان خاطر امك اللي في البيت ونتعشي كلنا سوا
مجدي
لا احنا هنروح سوا بس انا هاخد عشا من بره ليا انا واسماء عشان هي دلوقتي زعلانة ومكسورة وانت خد اكل معاك لمراتك ويا ريت تفهمها بلاش حركات الحوامل قدام مراتي
محمد بزعل
من غير ما تقول با اخويا نهي عاقله وبتحس وبتقدر اللي حواليها وانت اكتر واحد عارفها
ورجعوا البيت
محمد
نهي يا احلي زوجة الف مبروك وربنا يسهل الحنل عليكي ويقومك ليا بالسلامة وميحرمنيش منك
نهي بتعيط
انا مش عايزة الحمل دا والله ما اعرف اني حامل وما كنتش متوقعة ردة فعل اخوك ومراته كل واحدة بتفرح باليوم دا الا انا هو ذنبي ايه
محمد
ذنبك انك مراتي واخويا ما بيخلفش لا هو ولا مراته وكتزعليش لو انتي مكانهم كنتي هاتعملي كده لازم نديهم عذرهم عشان خاطري وانت طيبة وسامحيهم عشان خاطري وبعدين كفاية عليك فرحتي انا دا انا مش حاسس بنفسي من كتر الفرحة
نهي
والله اللي مصبرني انت وحنيت قلبك وطيبتك وانا مش زعلانة بس الموقف كله كان غريب
محمد
خلاص انسي المهم تخلي بالك من نفسك ومن النونو اللي في بطنك وتاكلي كويس واهم حاجة تكبري دماغي من ناحية اخويا ومراته ونديهم عذرهم عشان خاطري
ومرت ايام حمل نهي في تعب نفسي واللي كان ممشي الدنيا وواقف جنب نهي محمد وامه وهما الاتنين كانوا بمساعدتها
وقبل ولادته نهي بايام
اسماء
قربتي تولدي قصدي حددلك ميعاد الدكتور للولادة
نهي
ايوة بعد اربعة ايام ويمكن تكون الولادة قيصري
اسماء
عادي انتي في نعمة كبيرة وربنا اداكي عالطول مافيهاش حاجة تولدي قيصري
نهي باستغراب
ربنا هيكرمك يا اسماء ان شاء الله قريب
اسماء
خلاص كل واحد اخد نصيبه وبعدين انا عايشة معاكم ايام ويمكن مجدي يحب يتجوز محدش اصلا بيحس بحد
نهي
ليه بتقولي كده دا البيت كله لا انا ولا جوزي ولا حتي امه حد فرح بالحمل بتاعي والفرحة هتفضل ناقصة لحد ربنا ماهيكرمكم
اسماء
اهو كله كلام كل واحد عايش حياته ومحدش بيحس بحد دا انا ومجدي النوم ده ما بنعرفلوش طريق وكل واحد فيكم نايم حد حاسس بينا
نهي
قولي الحمد لله وارضي انتي وجوزك والله وربنا هايرضيكم كل واحد في الدنيا ربنا بيديله نصيبه وبياخد خقه في الدنيا ظا بينقصش
وجه يوم ولادته نهي
مجدي
متقلقش يا محمد اوي كده هاتقوم بالسلامه بختك اداك عالطول ومتعبتش زي
محمد
ان شاءلله ربنا يديك نصيبك ويكرمك بحتة عيل بس بطل الكلام ده
مجدي
انا اللي هسمي الواد ولا عندك مانع او يكون مش من حقي
محمد باستغراب
لا يا اخويا حقك قولتلك قبل كده ابني هو ابنك انت اللي هتسميه يا مجدي بس ربنا يقوم نهي بالسلامة اتاخروا في العمليات اوي
وولدت نهي بس كانت تعبانة اوي بسبب الحاله اللي في البيت ماكنتش بتاكل كويس
مجدي
حمد لله عالسلامة يا مرات اخويا انا اللي هاسمي الواد هاسميه عبد الرحمن علي اسم ابويا ولا عنك مانع
محمد
لا نهي ماعندهاش مانع ربنا يكرمك وتسمي ابنك وانتي يا نهي ينفع كده قلة الغذا والاكل كنتي هاتروحي مني خلي بالك من نفسك عشان خاطري وعشان خاطر ابنك
ام محمد
لا كده كفايه لو ما اهتمتيش بصحتك ابنك هايتعب ولازم تاكلي كويس عشان الرضاعة
مجدي بزعل
ياريت تتكلموا في اللي انتوا عايزنه هنا وبلاش الكلام ده قدام اسماء مراتي عشان ماتزعلش
ام محمد بعصبية
هو انت مش شايف قدامك احنا محدش فينا بيجرحها بكلمه ولا بتكلم قدامها اصلا في المواضيع دي ربنا يهديك ويهديها ويعوض عليكم عشان احنا اللي تعبنا
ولما وصلوا البيت كانت مرات مجدي نازلة عياط اول ما دخلت نهي اغمي عليها
واخد محمد مراته لفوق ومجدي فضل يفوق في مراته وام محمد ماكانش عجبها تصرفات اسماء ومجدي
ام نهي
هوايه العذاب اللي انتي عايشه فيه دا سلفك يتكلم في المستشفي بطريقة زي الزفت مع جوزك ومراته التانية ميته نفسها من العياط ويغمي عليها قال لما انتي تدخلي البيت والواد ده لو بيحب اخوه كان فرح ليه مش يجرح فيكم بالكلام
محمد
في ايه يا حماتي بس دا اخويا وغصب عنه ومعلهش نستحمل بعض لحد ربنا ما يكرمه واذا كانت في حاجة زعلتك انتي او مراتي حقكوا عليا
ام نهي
سبحان الله تقول ربنا حط فيك الطيبة والحنية كلها وما اداش اخوك مجدي ولا حاجة
نهي
انا مش بقولك كفاية عليا محمد هو بيعوضني بكل حاجه ومش بيزعلني ابدا
وعدت الايام
مجدي
محمد يا اخويا انا عايز منك طلب لو نفذته تبقي فعلا بتحبني وخايف عليا وعايز مصلحتي
محمد
خير في ايه قلقتني وبعدين اللي انت عايزه لو معايا مش هاتخر عليك
مجدي
انا بصراحة كل الفلوس اللي معايا خلصت علي الدكاترة وعايز اعمل عمليه حقن عشان اخلف وعايز منك 100الف جنيه
محمد
انا موافق بس العمليه مضمونه ولا تجربة وخلاص وتدي نفسك امل وبعدين انت عارف ايه اللي بيحصل
مجدي
اه انت خايف علي الفلوس انا ممكن اكتبلك ورقة او وصل امانة وهاردهملك
محمد
انا مش بتكلم علي الفلوس والفلوس دي لو ربنا كرمك انا مش عايزها انا خايف عليك انت يا ابن ابويا وهاديك الفلوس بكره هاروح البنك هاجيبهم ليك ومش عايز منك ورق ولا وصل امانة
وبعد ما اخد مجدي الفلوس
ام محمد
حرام عليك يا محمد اللي انت بتعمله دي فلوسك وشقاك طيب خلي جزء ليك
محمد
بس العمليه تنجح وربنا يكرمه وانا مش عاوز منه اي حاجه والله العظيم اليوم دا مستنيه علي اشد من الجمر
ام محمد
يا طيبة قلبك يا ابني ومين قالك ان العمليه هتنجح اولا اخوك عنده عيب خلقي ومش بيخلف ومراته التانية الرحم عندها ضيق ما بيشيلش عيال اخد شقاك وتعبك هيضيعه عالفاضي
محمد
المهم ما اقصرش معاه وهاقف جنبه لاخر يوم من عمري بس يهدي ويفهم اننا اكتر ناس حاسه بيه وخايفة عليه
ام محمد
منين يحس بكده من العقربه مراته اللي مخليه مش شايف غيرها وهما الاتنين اللي بيحسوا ببعض بس لكن امه واخوه لا
نهي
ما يهمش يا ماما المهم انه يعرف ان اخوه مش مقصر معاه وعايزيشوفه احسن واحد
ام محمد
اسمعي يا نهي انتي ابنك عنده سنتين دلوقتي تشيلي الوسيلة بتاعة منع الحمل وربنا يديك عيل تاني يوقف جنب اخوه
نهي
لالالالا انا مش هخلف غير لما ربنا يكرم مجدي ومراته انتي ناسيه اللي حصل زمان
ام محمد
لا مش ناسية بس انا شايفة اللي قدامي هاتي عيل تاني يوقف جنب اخوه ويسند ابوه ان شاء الله
محمد
امي انتي بتتكلمي بجد ومجدي هيعمل ايه لو نهي حملت تاني
ام محمد
هانقول غلطة برشام وبعدين اخوك قلبه قاسي عشان كده انا عايزه ربنا يديك عيال يخافوا علي بعض ويخافوا عليك يا محمد ياولدي
وفعلا ربنا كرم نهي ة وحملت للمرة التانية وفشلت عمليه الحقن بتاعة مجدي ومراته
اسماء
انا مش عارفة اشمعني انا اللي ما خلفتش
كل الناس ربنا كرمها الا انا ليه يا رب كده
ام محمد
ايه الكفر دا يا بت ما تقولي الحمدلله
وارضي باللي ادهلكم ربنا وارضوا بالنصيب عشان ربنا يكرمك
نهي
ان شاءلله ربنا يكرمك يارب ويديك من عنده من غير عمليات. ولا تعب ربنا ان اراد
يقول للشئ كن فيكون
اسماء
ايوة اتكلمي براحتك مين قدك بتخلفي من غير وجع قلب ماحدش حاسس بيا
ام محمد
احنا ما بنحسش بحدطيب يا حبيبتي خليكي مع ربنا اهو دا اللي بيحس بالناس يالا يا نهي روحي شوفي ابنك وجوزك
وتاني يوم
مجدي بزعل شديد
امي ملكيش دعوة بمراتي وتسيبوها في حالها عشان خاطري وكفاية كلام بتجرح
ام محمد
يا سلام داخل عليا حامي وكلامك ناشف
ايه مين اللي زعل مراتك ولا جرحها ما كلنا
حطينها فوق راسنا
مجدي
انتي شغاله روحي يا نهي شوفي ابنك واوعي الواد ودلوقتي هي كمان حامل تاني ومراتي ربنا اعلم بيها
ام محمد
يا شيخ حرام عليك وعليها وبلاش تسمعلها دا مرات اخوك شايلة اغلب شغل علي دماغها لوحدها وهي وحامل ومش حامل وانا يا ابني بجرح في مراتك لا اله الا الله
مجدي
مراتي اخويا بتخدم بيتها وعيالها ودلوقتي البيت بيتها وبيت عيالها ولا ايه خلاص احنا ضيوف عندكم
ام محمد
امشي يا مجدي من قدامي ربنا يهديك ويصلح حالك وانا والله ما هتكلم مع مراتك كلمه تاني وهليك ماشي وراها
وفعلا جه ميعاد ولاده نهي وكانت نهي اتفقت مع محمد انها هتولد عند امها
ام محمد
الف مبروك يا محمد ربنا كرمك بولد تاني يكون سند لاخوه وليك يا ابني
ودخل مجدي عليهم
مجدي
حمد لله على سلامة مراتك يا اخويا حمد الله علي سلامتك يا نهي ماتزعلش اني ما جيتش عالطول بس والله كان معايا شغل متاخر
محمد
ولا يهمك تعال شيل ابنك وسميه مش انت ابوه برضوا
نهي بصت لمحمد بزعل
مجدي
طبعا انا اللي هسميه وهايبقي ابني وهيكون اسمه ياسين ولا ايه ومعلهش يا اخويا ماينفعش مراتك تروح عند اهلها انا خليت اسماء مراتي تحهز كل حاجة في البيت وهنروح عالبيت عالطول
نهي بصت لمحمد
محمد
ماشي يا نهي هنبدا صفحة جديدة وبعدين مش هاقدر اسحمل بعدك انتي والعيال عني
ام محمد
من امتي الحنيه دي ومراتك كمان هتخدمها ايه دا كله والله هيموت ولي زي ما بيقولوا
مجدي
وانت مستغربة ليه يا امي الواحد بيزعل غصب عنه بس في الاول والاخر ملناش
غير بعض.
ومرت السنين
نهي
محمد قدمت لعبد الرحمن علي المدرسة
عشان نروح نجيب لبسه المدرسه والشنطة ان مستنيه اليوم دا
محمد بتوتر
بص يا نهي هو انا قدمتله علي المدرسة اللي قال عليها مجدي وهو كمان رايح يجيبله لبس المدرسه والشنطة
نهي
والله هو اخوك هيتحكم في مستقبل الواد المدرسة دي مش كويسه ومش مهتمين غير بالدروس الخصوصية وبس وبعدين انا اللي عايزة اجيب لبس ابني وافرح بيه
محمد
طيب يا مراتي هو كمان عايز يحس انه ابنه
بجد وبيجبله وبعدين لازم نراعي ظروفه
وبعد كده قدم مجدي لياسين في نفس المدرسه
مجدي
يالا خدوا يا عيال مصاريف المدرسه وبعد ما تيجوا هانروح نتفسح سوا ونسهر بره مش بكرة الجمعة نسهر براحتنا
نهي
ايه الفلوس دي كلها اللي هديتيها للعيال
الفلوس هتخرب العيال وبعدين هما عندهم امتحانات ما ينفعش يسهروا ولا يخرجوا غير لما الامتحانات تخلص
مجدي
اه اه حقك كل واحد حر في اولاده انا لو عندي اولاد ماكنتيش تقدري تقوليلي كده
نهي
لا علي فكرة لو كان غندك اولاد كنت هاقولك كده واكتر وبعدين المفروض انت تخاف علي مصلحتهم
محمد
نهي كفايه كده وانتوا يا عيال خدوا من عمكم المصروف وهايخدكم باليل يفسحكم
وبص مجدي لنهي نظرة كانه بقولها مليكش عليهم كلمه وانا اللي عايزه هاعمله
وبعد ما خرجوا
نهي
هو في ايه يا محمد انت شايف اللي بتعمله دا صح العيال كده مستقباهم هيضيع ومش هنعرف نربيهم كويس
محمد
براحة يا نهي شويه ايه كل ده العيال لسه صغيرين وعمهم فرحان بيهم وعايز يسعدهم
نهي
والله العظيم مش كده انا حاسه ان اخوك عايز يخرب العيال ويطلعهم بايظين وفاشلين
محمد
لا طبعا مستحيل مجدي اخوي يعمل كده
دول ولاده وهو بس فىحان بيهم وبيعوض بيهم قلة الخلفة وخصوصا بعد مراته اسماء ما اطلقت منه واتجوزت وخلفت
وفاتت سنين كتير
نهي
اصحي يا عبد الرحمن هاتتاخر علي كليتك
قوم انا جهزت الفطار وانت يا ياسين عندك مدرسه هاتتاخر عليها
عبد الرحمن
سيبيني هنام شويه مصدع وراسي تعبانة
وبعدين انا النهاردة هانزل الشغل عند عمي
نهي
شغل ايه اللي هتنزله انت هاتروح الجامعة
وبعد ما تخلص دراسه ابقي دور عالشغل
ياسين
صباح الخير يا ماما والله العظيم لو فضلتي تتكلمي معاه شهر ابنك خلاص
مقتنع بحاجة مش هيسمع كلامك
نهي
محمد ممكن تبعد اخوك عن العيال وخصوصا عبد الرحمن الواد كره الكلية وماسك في الشغل و الفلوس
محمد
حاضر يا نهي هاكلم مجدي عشان يخليه يروح الجامعة ويخلي باله من دراسته
نهي
انا تعبت الواد دا ابنك انت مش ابن مجدي
خاف علي ابنك بعدين دا بدا يشرب سجاير ولما اتكلمت معاه قالي ان اخوك هو اللي بيخليه يشرب معاه
ياسين
معلهش يا ماما كمان عمي عايزني انزل معاه الشغل في الاجازة وانا مش موافق
ومتخليش بابا يغصب عليا اشتغل معاه
نهي
وانت كاره الشغل مع عمك ليه في الاجازة
دا حتي بيديك انت بالذات مرتب كبير
ياسين
اه ما هو بيديني فلوس كتير وما يعرفش اني بديهالك هو فاكر اني بضيعها وبعدين ابنك عبد الرحمن بدا يمشي في سكة شمال
نهي
كل ده بتدبير عمك انا حاسة البني ادم ده مش طبيعي وابوك لا اخويا ما بيخلفش ودول ولاده طيب اعمل ايه باربي عيالي هايضيعوا كده
عبد الرحمن
صباح الخير يا عمي ايه هنسهر فين النهاردة
مجدي
ايه يا واد مش معاك جامعة النهاردة ما روحتش ليه وامك سابتك كده
عبد الرحمن
يوووه جامعة ايه يا عمي وبعدين امي تتكلم براحتها انا الجامعة مش هاروحها تاني ومش هو دا رائك
مجدي
برافو عليك هاتشتغل معايا وهاديك المرتب والفلوس اللي انت عايزها والنهاردة هاسهرك حتة سهرة روعة
محمد
صباح الخير يا مجدي ايه يا عم عبد الرحمن تصحي تيجي جري لهنا مزعل امك ليه يالا
روح عالجامعة
مجدي
في يا محمد داخل عالواد حامي ما تسيبه براحته هما اللي اتعلمه اخدوا ايه وبعدين خلي ياسين يجي يمسك الشغل مع اخوه في الاجازة
محمد
مستقبل الواد هيضيع يا مجدي هو بيسمع كلامك وبلاش السهر كل يوم والواد صغير علي الحجات دي
مجدي
الله الله هودا كلامك ولا كلام مراتك وبعدين انت خايف علي ابنك من اخوك
ليه هو زي ابني ولا عشان انا مش بخلف مليش الحق فيه
محمد
مين قال كده ماهو ابنك دا بيسمع كلامك اكتر مني وبيحبك اكتر مني انا
بس امه خايفة عليه وبعدين ياسين عليه امتحانات هيخلص وينزل معاك الشغل
وبعد ماروح محمد البيت
نهي
عملت ايه مع اخوك بخصوص العيال
محمد
ابنك عبد الرحمن مش عايز يكمل في الكلية واهو مع عمه بيقبض كويس وياسين بعد ما يخلص امتحانات ينزل مع عمه هما برضوا عياله ما تنسيش انه ما بيخلفش
نهي
الموضوع ده حجة بتاعته عشان يتحكم فيك انت وعيالك ويضيع مستقبلهم اخوك
قلبه مش ابيض ومليان حقد وسواد
محمد
كفايه يا نهي لحد كده دا اخويا برضوا
وهوما قصرش مع ولادك وانا من يوم ما طهري وجعني وهو المسؤول عن العيال
ومصاريفهم وبيشتغلوا معاه
نهي
احنا بعنا الولاد يا محمد ليه وهو بيبع ويشتري فيهم براحته وانت عارف كده كويس وبتكدب نفسك واخوك واخد حجة
انه ما بيخلفش ستار للي بيعمله في العيال
محمد
اسكتي وما تتكلميش في الموضوع دا تاني وبعدين احنا ما بعناش عيالنا هما مع ابوهم التاني
وعدت 6شهور
ياسين
انا جيبت مجموع كويس اهو وعايز ادخل كليه طب زي ما وعدني يا بابا انت وماما
نهي
طبعا يا حبيبي هتتدخل الكليه اللي انت عايزها وان الله هاتكون احسن دكتور في الدنيا كفاية علينا خيبة اخوك الكبير
محمد
طيب روح لعمك وانا هاجي معاك ونشوف يقولنا ايه و نشوف نقدملك امتي
وعند مجدي في الشغل
محمد
ابن اخوك وابنك جاب مجموع كبير وعايز يدخل طب ايه رايك نقدمله من بكرة صح
مجدي
لا احنا مش قد مصاريف الطب وبعدين ما يدخل كليه التجارة عشان يمسك الادارة بتاعة الشركة بتاعتي
محمد
هو انت مش عايز تدخله عشان الفلوس طيب ما انا اديتك زمان الفلوس من غير حساب ولا ايه
مجدي
وانت من يوم ما طهرك وجعك وانا اللي بصرف علي بيتك وعيالك ومش معايا تاني ليك او لابنك وياسين هايجي يشتغل اهلا مش هايجي يبقي يبنسي انه ليه قرش يصرف عليه ولو هيدخل كليه يبقي تجارة وبس
محمد
ياااه يا اخويا انت ايه اللي بتعمله دا دول ولادك زيما هما ولادي مش ده كلامك ولا ايه
مجدي
انا ما عنديش عيال انا واحد ما بيخلفش
وعيالك انا مليش دعوة تاني بيهم من هنا ورايح واطلع انت كمان بره من هنا
ورح محمد وهو مش حاسس برجليه
نهي
امك الله يرحمها كان معاها حق اخوك مش كويس ومريض نفسي مش طبيعي
كنت بقولك كده مش بتصدقني ابنك عبد الرحمن مش عارفين طريقه
ياسين
انا عارف يا امي عبد الرحمن فين هو بيسهر في كازينوهات وبيتعاطي ممنوعات
من فترة ودلوقتي قاعد عند واحد صاحبه
نهي
انت بتقول ايه ابنك بيضيع يا محمد يارب ايه الللي انا عملته في عيالي هو عشان سلفي ما بيخلفش ابيع ولادي
محمد
كفايه يا نهي انا مش ناقص ومش مصدق اللي بيحصل الكبير ضاع ومشي في طريق ما ملوش رجوع والتاني مستقبله بيضع بسبب حاجة مليش ذنب فيها
نهي
اسمع يا محمد انا سكت زمان بس من هنا ورايح انا اللي هاشتري ولادي وهاقف ليهم ووراهم اسمع يا ياسين تجيب اخوك البيت با اي طريقة وهنعالجه من اللي فيه وانت هاتدخل الكليه اللي عايزها انا كنت وارثة حتة ارض من امي ومخليتش حد يعرف عنها حاجة حتي ابوك ودلوقتي هابيعها ليك انت واخوك
محمد
ياااااه يا نهي كلمك كله كان معاك حق فيه بس انا اللي ما كنتش شايف يالا يا ياسين نجيب اخوك ونصلح اللي حصل
وفعلا رجعنا وعشنا حياه جديده
وبكده تكون خلصت قصتنا