 |
زوجوني مرات أخي
الجزء الرابع عشر والخامس عشر
والسادس عشر والسابع عشر
بقلمي الكاتبة لمياء رفعت
فارس: اخرجي ياندى بره بعد اذنك عشان عايز انام
ندى : لا مش هخرج الا لم طلقني
فارس: مش عايز اتعصب عليكي لحد دلوقت ولا عايز أعلي صوتي والناس بره تسمعني ف ياريت تدخلي الاوضة بتاعك علشان انا ماليش حمل ل كل ده وعشان ماعملش حاجه اندمك عليها ع وقفتك دي قدامي ادخلي اوضتك
ندى: اتوترت من طريقة كلامه وخرجت وراحت الاوضة بتاعتها
فارس: قاعد مضايق من نفسه.....وبيفكر ف نفسه ويقول انا غبي انا كان مالي ومال ده كله يوم مااتعلق ببنت واحبها وماتحبنيش انا غلط من البداية
_____________________
هدى: ياعلي انا لبست يلا
علي: وانا جاهز بس ابويا زمانه دلوقت في الغيط
هدى: احسن برضو عشان نقعد براحتنا
علي وهدى راحو الغيط عند محمود
علي: السلام عليكم يابويا عامل ايه
محمود: عليكم السلام ورحمة الله يابني اتفضل
هدى: عامل ايه ياعم محمود صحتك عامله ايه
محمود: الحمد لله بخير ياهدى تعالوا اقعدوا
علي: ايه يابويا يعني مش عامل شاي
محمود: كنت لسه هعمل دلوقت يابني بس ابن حلال كويس انكم جيتوا اهو نشرب مع بعض
هدى: والله ياعم محمود انا قولت اجي اقعد معاك شويه هنا من زمان مقعدناش مع بعض
محمود: سبحان من غير الأحوال
علي: شكلها دعواتك استجابت يابويا ههههههههه
محمود: ربنا يهدي يابني ويصلح الأحوال
هدى: بص ياحاج صلي علي النبي
محمود وعلي: عليه افضل الصلاة والسلام
هدى: انا عايزه اقولك على حاجه بس ياريت تخلي علي مايقطعنيش في الكلام عشان اعرف اخاد وادي معاك في الكلام وتفهم الا انا عايزه اقولوا
محمود: اتكلمي يابنتي
هدى: دلوقت ياعم محمود انت صرفت على بنتك احلام شئ وشويات لحد آخر مره رحت فتحتلها محل ب ١٠٠ الف ولا ب ١٥٠ وف الآخر جوزها حرقوا وفارس شرتله بيت
وانا دلوقت عايزه اسفر علي عشان أولاده بس هو مش معاه فلوس المفروض بقى زي مساعدت فارس واحلام تساعد كمان علي
علي: ايه ياولية ياخرفانة ده الا انتي قاعده تقوليه انتي جيباني معاكي هنا وجايه عشان الكلام البايخ ده اخص عليكي واحده معندهاش اصل
محمود: استنى ياعلي ياابني
علي: استنى ايه يابويا ماانت شايف الكلام الفارغ ده
محمود: بقولك استنى انت
محمود: بصي يامرات ابني اولا انا لم اساعد أحلام بنتي ده مش غلط ده ولية ومكسورة الجناح لا هي الا بتشتغل ولا هي الا موظفه ولا هي الا حد بيديها...يبقى لو ابوها مساعدهاش منيين يجيها
تاني حاجه فارس انا مشترتش ليه بيوت انا لم جوزته كده مرات المرحوم اخوه وحكمت فيه يايتجوز يااعمله مش ابني طول عمري الواد ماهانش عليه أبوه ووافق ادتله البيت صحيح التاني بتاعنا لكن انا مش مديهولوا عطف لسمح الله ولكن ده عرقه وشقاه في الغربة وانا يوم مااقبل عرق ابني ابقى راجل مفتري وظالم
علي: ابويا انت قاعد تشرح لمين شله مافهمت
محمود: اصبر ياعلي لم اتكلم قولتلك
محمود: وبالنسبه يامرات ابني ل علي انا اديلو عينيا من جوا وعلى فكره اسأليه واهو قدامك اهو عرضت عليه يسافر كذا مرة وهو رفض وقالي انا بشتغل في البلد مش هسافر وبعدين انا مديلو مبلغ فاتح بيه مشروع النجارة يبقى فين الفرق الا بعملوا بين أولادي
هدى: ياعم محمود...
علي قاطعها بالكلام... تلاته بالله العظيم كلمه تانيه ماتكوني مراتي ولا ع زمتي وقومي يلا على البيت انا غلطانة الا جبتك هنا قومي
وقام خد مراته ومشي.....والتفت ع محمود حقك عليا يابويا ومشي
محمود: استغفر الله العظيم من كل ذنب عظيم
____________________
منار :الووووووو ايوة ياندى معلش ممكن تيجي دلوقت ضروري
ندى: ليه في ايه
منار : هاتفهمي لم تيجي الأول اولادك فين وفارس
ندى : بيلعبوا اهو وفارس ف الاوضة
منار: طيب سبيهم وتعالي وماتعرفيش فارس
ندى: فهميني طيب
منار: لم تيجي
ندى: طيب نص ساعه وهكون عندك
______________
منار: فهمني طيب في ايه ياخالد
خالد: اصبري وهاتفهمي
شوية والجرس رن: منار فتحت اهلا ياندى اتفضلي
خالد: ازيك ياندى عامله ايه
ندى: الحمد لله بخير
ندى: معلش مش هقدر اقعد عشان سايبه الأولاد ف البيت
خالد: مش فارس ف البيت خلاص
ندى: ماهو مايعرفش اني خرجت
خالد: اقعدي طيب خمس دقايق
خالد: ندى انا عارف ماليش حق ادخل بينك وبين فارس لكن من حق الأخوه الا بيني وبين فارس تخليني اعمل اي حاجه
ندى: كمل
خالد: انتي بتحبيه
ندى: بخجل وبصت في الأرض
خالد: مش وقته ياندى الكسوف فارس مسافر خلاص لازم تدي لنفسك فرصة وبلاش تضيعي فارس من ايديكي لأن صدقيني مش هتلاقي زيه
ندى: على فكره فارس بيحب إيلين وهو قالي كده
خالد: طيب ثواني وطلع الفون من جيبوا وقال ل ندى ...ماتكلميش وفتح الاسبيكر
الووووووو ايوة يافارس قلقتني عليك انا قولت دي ندى قتلتك بعد ماخرجت مع منار ههههههههه
فارس: بس ياخالد انا جرحت ندى اوي وكدبت عليها وقولتلها اني بحب إيلين وقولتلها كلام ماكنش ينفع اني اقولهولها
خالد: طيب ليه يافارس ده كله
فارس: الا حصل بقى ياخالد انا خلاص اخدت قراري زي ماقولتلك هطلقها واسافر بلاش اعذبها معايه وهي مش بتحبني وكمان اعذب نفسي جنبيها
خالد: طيب وانت كده مفكر نفسك بتحبها مدام هتسيبها وتسافر
فارس:انا ماحبتش في حياتي حد غيرها بس خلاص كفايه لحد كده.... وهو بيتكلم دخل رامي وآدم الاوضة عمو ماما فين مش لاقيين ماما وهي مش ف البيت
فارس: سلام دلوقت ياخالد
ندى: ابتسمت وفرحت اوي ان فارس فعلا بيحبها
خالد: انا كده عملت الا عليا ادي لنفسك فرصة ياندى ولو بتحبي فارس بلاش تضيعيه من ايدك ويلا ع البيت علشان زي ماسمعتي اولادك بيدور عليكي وزمان فارس بيدور عليكي وبلاش تعرفي فارس انك كنتي هنا علشان مايزعلش مني وياخد موقف
ندى:ماتقلقش وشكرا بجد ياخالد وشكرا يامنار بجد ع وقفتكم جنبي وراحت ماشيه
_________________
منار: حضنت خالد: انت جميل اوي ياخالد بجد
خالد: وايه كمان
منار: واحلى حاجه في حياتي
خالد: وايه كمان
منار: وبحبك
خالد: اممم وايه كمان
منار: هههههه يارخم
خالد: هههههههههههههه ربنا يستر بس وفارس مايعرفش ان ندى كانت هنا
منار: اكيد مش هيعرف ندى مش غبيه يعني
_______________________
ندى فتحت الباب بالمفتاح الا معاها ودخلت البيت
فارس: كان واقف...مسك ايدها جامد وقالها كنتي فين
ندى: آآآآه ايدي بتوجعني سيب ايدي
فارس: بعصبيه بقولك كنتي فين انطقي وساب ايدها
ندى: قربت منه جامد.....وحطت ايدها ع صدره وبصوت واطي....وعايز تعرف ليه
فارس: بتوتر واستغرب من طريقتها
ندى: رد عايز تعرف ليه
فارس: بص بعيد وقالها كنتي فين ياندى
ندى: قربت منه اكتر.....وهفرق معاك يعني وهي لسه حاطه ايدها ع صدره ...رد عليا
فارس: مسك ايدها ونزلها من ع صدره وسابها وراح الأوضة
ندى : دخلت وراه الأوضة...ووقفت عند الباب وربعت ايديها وقالتله....ايه العصبيه دي كلها عشان خرجت
فارس: وهو قاعد ع السرير كان المفروض تقوليلي رايحه فين الأول ع الأقل عشان أولادك مش عشاني
ندى: راحت عنده وقعدت جنبه ع السرير طيب اسفه مش هتكرر المهم متزعلش مني
فارس: برفع حاجب وابتسامة خفيفه بستغراب ...و ده من ايه
ندى : من ايه ....امممممممم اقولك
فارس: قولي
ندى: لا مش هقولك وهروح انام وجات تقف تمشي فارس مسك ايديها
فارس: بصوت واطي كنتي عايزه تقولي ايه
ندى: بصوت طفولي ودلع ماقولتلك مش هقولك خلاص وجات تمشي
فارس: ندى: اول وآخر مرة تخرجي بالليل
ندى: حاضر...هروح بقى أنام
فارس: ماشي بس حابب اقولك ع حاجه
ندى: ايه
فارس: قام من ع السرير ووقف جنبها ومسك كتفها...على فكرة انا آسف
ندى: على ايه
فارس: على اي حاجه وجعتك من ناحيتي
ندى: ابتسمت وسابته وخرجت
____________________
فارس: شغل في الاوضة بتاعته أغنيه كاظم الساهر انسى العالم كله وانت بين احضاني.....انت بدنيا جميله انت بعالم تاني وحرفيا الجو كان جميل وكان هواء
ندى : كانت في اوضتها وسامعه الأغنيه وكانت مبسوطة
__________________
إلهام: محمود اخرت ليه كده النهاردة
يعني كنت بتروح بدري
محمود: مفيش ياالهام بس علي وهدى جو الغيط قعدو معايه شويه وبعد مامشوا رحت قعدت عند ناس معرفة
إلهام: وكانت جايه ليك ليه الحربايه دي اكيد زعلتك
محمود: عيب ياالهام دي برضو مرات علي مهم ان كان
إلهام: اوعى تكون قالتلك حاجه انا عارفه كلامها والله اروح افرج عليها الناس هناك واخلي اللي مايشتري يتفرج عليها
محمود: هههههههههههههه مش لدرجة ياالهام دي جات تقعد مع علي معايه في الغيط وبتقول جايه تمشي رجليها شويه
الهام: ماشي يامحمود ياخبر النهاردة بفلوس بكره يبقى ببلاش خليك ع راحتك المهم ادخل دلوقت احطلك العشا
محمود: لا ياالهام انا هدخل انام اكلت في الغيط الحمد لله
دخل محمود ينام وقفل النور ودموعه نزلت تجري ع المخده
ياااااه ياربي ع التعب الا انا فيه مبقاش فيه راحه خلاص مرات ابني جايه تورث فيا وبتحسسني اني عامل فرق في أولادي وانا كلهم عندي واحد ده انا ماطلعتش غير بيهم من الدنيا يارب لطفك بيا
______________________
فارس في الصباح دخل اخد شاور ولبس بنطلون جينز أسود ولبس قميص ابيض وشمر الكم لحد كوعه ورفع شعره لفوق وقعد ع السرير ب اللاب توب يكلم زميلته في الشغل ف تركيااا وكان بيسالها ع حال الشغل
ندى ف اوضتها اخدت شاور ولبست بنطلون جينز اسود ولبست بلوزة حمره وسابت شعرها كله ع ضهرها وحطت ميكب خفيف وراحت تجهز الفطار سمعت فارس ف الاوضة بيتكلم إنجليزي وبيضحك
ندى فتحت باب الأوضة بتاعته ف اللحظه دي فارس رفع عينيه في ندى
يلا اتفاعلوا بكومنتات بقى ومشاركة البوست ده بخمس جروبات
اليي حابب ينضم بجروب خاص بالروايات الكامله دا اللينك 👇👇👇👇👇👇
https://www.facebook.com/groups/895822724655868/?ref=shareيا بنات هاكملها انا 🌹
الفصل الخامس عشر: بقلمي الكاتبة لمياء رفعت
فارس: رفع عينيه ف ندى وسرح في جمالها
ندى : راحت عنده وقالتله...بتكلم مين ...؟
فارس: مرفعش عينيه من عليها وكان سارح فيها
ندى: فارس
فارس: هاااا
ندى: ده انت مش معايه خالص بقولك بتكلم مين وبصت ف اللاب توب شافته بيكلم بنت قاعده ع مكتب
ندى: اضايقت وحست بغيره وقربت منه وحطت ايدها ع كتفه
فارس بعد اللاب عنها وكمل كلام مع زميلته
ندى : اضايقت من طريقته وخرجت ع المطبخ تجهز الفطار
فارس: خلص كلام مع زميلته وراح عند ندى
____
فارس: وقف قدامها وماتكلمش
ندى : مالسه بدري ياكابتن
فارس: في ايه
ندى: بعصبيه هو انا قطعت عليك لدرجة عشان كده قفلت معاها
فارس: على فكره دي زميلتي ف الشغل
ندى: ولم هي زميلتك ف الشغل ماتعرفش تكلم معاها غير فيديو وكمان جيت جنبك بعدت اللاب بعيد عني
فارس: قرب منها وحط ايده ع رخامة المطبخ...واتكلم بهدوء علشان ماحبتش حد يشوفك وانتي بشعرك
ندى: ماهي بنت زييا زيها
فارس: بس الشركه مليانة شباب وجنبها ووراها كذا مكتب وهي بتكلمني
ندى: ماشي انا اصلا مااخدتش بالي اني مش لبسه الطرحة
فارس: ب إبتسامه خفيفه ورفع حاجبه لفوق ... و دلوقت كمان مش واخده بالك
ندى: اتكسفت وجات تخرج من المطبخ شدها ووقفها جنبه وحط ايده ع ضهرها وقالها.....ليه بتتهربي ياندى
الجرس رن_
فارس: أدخلي جو يا متخرجيش من المطبخ الا لم أشوف مين
ندى: ماشي هطلع اصحي الأولاد علشان يفطرو ويمشوا ع الحضانة
فارس : راح يفتح الباب كان عبد الرحمن وخالد سلموا ع فارس ودخلوا الصالون
خالد: عبد الرحمن جي يعزمك ع فرحه النهارده يافارس ولو في حاجه بينكم المسامح كريم
فارس: لا ابدا مفيش حاجه احنا صحاب وجيران
عبد الرحمن و ده العشم برضو ياخويا عشان كده جي أقولك ماتغبش ع فرحي النهارده انت وبيتك وبعد اذنك عشان ورايا كذا حاجه
فارس: طيب لم تشرب حاجه الأول
عبد الرحمن: لا معلش مش هقدر هروح اشوف الا ورايا السلام عليكم
فارس: عليكم السلام
خالد: وانا كمان ماشي ياصاحبي عشان منار مستنياني هوديها عند امها
فارس: ماشي ياحبيبي
عبد الرحمن وخالد مشوا وفارس قفل الباب وراهم
غيرت ندى لبسها وخرجت ندى من الاوضة هي والأولاد وعملتلهم السندوتشات وجات توديهم الحضانه
فارس: خليكي انتي انا هوديهم وهعدي ع أبويا اشوفوا
ندى: خلاص ماشي
____________________
علي: انتي ايه الا عملتيه ده عند ابويا وايه الكلام الفارغ ده الا انتي قولتيه انا مردتش اتكلم الا لم الأولاد يمشوا ع المدرسه انتي خلاص اتجننتي
هدى: اتجننت ايه ياراجل انت ده كله عشان عامله عليك وعلى اولادي وبيتي هو انت كلت بكلمتين ابوك الا خرف على اخر الزمن
علي: ضربها بالقلم ع وشها ..هي وصلت لسفاله دي كلها
هدى: انت بتضربني ياعلي
علي: اخرسي خالص والله انا ماصابر عليكي الا بسبب العيال ولومه العيال ماهتقعدي معايه يوم بعد كده ولا حتى ساعه واسمعي بعد كده اوعي تدخلي في حاجه ماتخصكيش لأن ابويا تعب فيا انا واخواتي ولحد النهارده انا واخواتي كلنا عنده واحد والخير الا انتي عايشه فيه ده كله حتى الدهب الا ف ايدك ده خير ابويا والكلام ده مش هتكلمه تاني
_____________________
إلهام: أحلام وديتي ولادك يابنتي الحضانة
أحلام آآآه ياماما وكنت بجهز الفطار علشان بابا
إلهام: هو أبوكي ماخرجش لسه ولا راح الغيط
أحلام: لا ياماما لسه نايم في الاوضة
إلهام: غريبة لم ادخل اشوفه
___________________
جرس الباب رن : أحلام فتحت
فارس: ازيك يااحلام عامله ايه
احلام: الحمد لله يافارس اتفضل
فارس: آمال ابويا وامي فين
أحلام: ماما لسه داخله دلوقت الاوضة تصحي بابا من النوم علشان يفطر
فارس: أول مره يأخر ف النوم انا رحت ليه الغيط مالقتهوش علشان كده جيت هنا اشوفه .....
إلهام: محمود مالك يامحمود في ايه مالك
فارس وأحلام جرو ع الأوضة أحلام..باانهيار بابا بابا مالك يابابا
والهام: بتعيط
فارس: بصوت عالي وعصبيه بس انتي وهي في ايه ماسمعش صوت حد فيكم
واتصل بالدكتور...شوية والدكتور جه
الدكتور: اتفضلوا اخرجوا كلكم علشان اعرف اكشف ع المريض وكان علي وصل
كلهم خرجوا لكن فارس وقف مع الدكتور
الدكتور: ماتقلقش دي غيبوبة سكر والحمد لله فاق منها ومن الواضح كان في حاجه زعلته جامد لأن الضغط عنده عالي
فارس: سكر ابويا عنده السكر
الدكتور: آآآآه بس لسه واصل الجسم قريب وهنتاكد برضو من التحليل هات العلاج ده وياريت ياخده بنتظام السلام عليكم وخرج
فارس: باس ع ايد أبوه....وبدموع الف سلامة عليك يابويا يارب كنت انا ولا انت
محمود: بصوت واطي ومش قادر يتكلم بعد الشر عليك ياابني ماتقلقش ابوك اسد يافارس وبلاش الدموع دي يابني ده انا بقول انت الا طالع ليا ف اخواتك قلبك قلب اسد وضحك معاه عشان فارس مايزعلش
الهام وعلي وأحلام دخلوا: الهام سلامتك يامحمود بعد الشر عليك
احلام: الف سلامة عليك يابابا
علي: أنهار من العياط وباس راسه ابوه انا السبب انا السبب يابويا سامحني
الهام: ارتاحت مراتك ياعلي ارتاحت يابني كده خلاص نارها بردت لم ابوك جاله السكر بسببها وكان هيروح فيها بسببها
محمود: عارفه ياالهام انا لو رحت فيها حق هايبقى انتي السبب ..بس ياعلي ياابني بس ده التعب ده من عند ربنا محدش ليه يد فيه
إلهام: وانا اقول الا تنقرص كانت رايحه ليك ليه الغيط امبارح انا قولت اكيد في حاجه
فارس: تعالي ياامي بره عوزك يلا
علي: سامحني يابويا
محمود: هسامحك على ايه ياواد ياعبيط انت مفيش حاجه حصلت ربنا يهدي سرك يابني
___________
فارس: في ايه ياامي ايه الغلط ده قدام علي دي ان نزلت ولا طلعت مرات علي يعني ماينفعش تغلطي فيها
إلهام: وعاجبك الا عملته يعني
فارس: لا مش عجبني بس انا ماليش كلام عليها ولا حتى انتي ياامي علي الا ليه حكم وكلام ع مراته احنا مندخلش وبعدين ياالهام احنا تربيتك يعني انتي تربينا تربية وانتي تعملي بغيرها
إلهام: شوف الواد يعني انا مش متربية ياولا
فارس: عيب عليكي ياالهام انا الا مش متربي هههههههههههههه
الهام: فشر ده انت تربيتي ياولا
فارس: خلاص بقى انتي اضره بس انا عارف نفسي
إلهام: بتقول ايه ياولا
فارس: لا مش بقول ههههههه
تليفون فارس رن
إلهام دخلت عند محمود
فارس: الوووووووو
ندى: اخرت ليه في حاجه
فارس: ابويا تعبان وكنت جايب ليه الدكتور
ندى: ماله بابا محمود الف سلامه عليه انا هاجي اشوفوا
فارس: اجي اخادك
ندى: لا ماتتعبش نفسك انا هاجي لوحدي وقفلت
_____________________
فارس: دخل الاوضة عند أهله
محمود يااسد ماتقوم عشان اقعد جنبك ده انا جي اسلم عليك ياراجل علشان همشي الصبح
الهام: تمشي فين يابني ده انت بقالك ياجي خمس سنين ماشوفتكش واول ماتيجي مالحقش اشبع منك يافارس ودموعها نزلت ع وشها
فارس: والله ياست الكل ماقدر اشوف دمعه من عينك تنزل
محمود: ليه يابني بس كده هتسافر ليه تاني
فارس: ماانت عارف ياحاج ده شغلي وماليش غيره اي دخل وبعدين انا اخدت ع السفر خلاص
علي: طيب تعال نفتح انا وانت اي مشروع هنا ف البلد وبلاش سفر
فارس: مش هينفع ياعلي صدقني انا خلاص اخدت ع السفر مقدرش اسيبه
جرس الباب رن: أحلام فتحت الباب وندى دخلت سلمت عليها ودخلوا الاوضة
ندى: السلام عليكم وسلمت ع الموجودين وباست ايد محمود سلامتك يابابا الف سلامه عليك
محمود: الله يسلمك يابنتي تعبتي نفسي وجيتي ليه بس
ندى: تعبت نفسي ايه يابابا المهم اني شوفتك بخير
محمود: تسلمي يارب يابنتي معلش هاتيلي كوباية الميه دي الا ع الطربيزه
ندى: عينيا يابابا حاضر
إلهام: برضو كانت بتعيط
فارس: خلاص ياامي وبعدين
إلهام: مش هاين عليا يافارس بعد السنين دي كلها وتسافر يابني وانت عوزني افرح لم تيجي تقولي يعني أنك مسافر الصبح
ندى: والدموع اتكونت في عينيها والكوباية وقعت في الأرض من ايديها اتكسرت
فارس: رفع عينيه في عينين ندى وندى دموعها خانتها وخرجت بره الاوضة ومشت
محمود: شوف مراتك ياابني شكلك كده ماكنتش معرفها انك ماشي
فارس: خرج بره الاوضة فين ندى يااحلام...ندى مشت وندهتلها مردتش ونزلت جري ع السلم
فارس: نزل يجري وراها وكانت ندى ماشيه في الشارع منهارة من العياط
فارس: ندى ندى استني ياندى
ندى : وصلت البيت بتاعهم اخر الشارع ودخلت اوضتها فارس دخل البيت ودخل وراها ندى كانت ف الاوضة ونايمة ع السرير ودموعها كلها ع وشها
فارس: قومها وشدها عليه ...في ايه ياندى ده انا قولت هاتفرحي لم أمشي مش ده الا كنتي بتتمنيه
ندى: بدموع ومش قادرة تكلم من العياط.....انا اصلا ماتمنتش حاجه من الدنيا غير انك تفضل جنبي
فارس: قام من جنبها ووقف ...تاني مره اسمع منك الكلام ده يا ندى وبرضو بتبعدي وكأني ماليش اي لازمة عندك
ندى: صدقني يافارس انا ..انا ..انا
فارس: انتي ايه يا ندى قوليها يا ندى انتي ايه
ندى: ولو قولتها مش هتبعد عني وتسافر
فارس: سكت
ندى: رد عليا زي مابكلمك مش هاتبعد عني وتسافر
فارس: لم أعرف الأول اذا كنتي حابه وجودي جنبك ولا لا ومتقبله اني ابقى جوزك فعلا ولا لا
ندى: مسحت دموعها وضحكت
فارس: هههههههه ده هبل صح
ندى: طيب وهو انت مش جوزي
فارس: بصراحة ماحستش الاحساس ده غير النهاردة
ندى: ازاي بقى
فارس: اممممممممم يعني لم قعدتي بشعرك قدامي استغربت صحيح لكن قولت اهو عملتني مش غريب عنها بس عارفه المصيبة في ايه
ندى: في ايه
فارس: احسن تكوني عملتيني اخوكي وقولتي عادي اسيب شعري قدامه
ندى: هههههههه
فارس: قرب منها وحط أيده ع خدها...تعرفي ان ضحكتك حلوة اوي
ندى: بخجل ولفتت ضهرها ليه
فارس: فارس دورها ليه ....فارس خايف اوي ياندى
ندى: من ايه
فارس: نفسي دلوقتي بجد افتحلك قلبي واقولك ع كل حاجه حاسس بيها وخايف تجرحيني زي ماعملتي قبل كده وصدقيني المره دي مش هقف ياندى تاني الوقفه دي
ندى: حطت ايدها ع شفايفه وقالتله...بس انا مش عاوزك تقول انت المره دي انا عايزه انا الا اقول مش انت
جرس الباب رن وكان تخبيط ورن جرس بشكل غير عادي
ندى: بخضه في ايه
فارس: استني اشوف في ايه
عبد الرحمن : الحق خالد بسرعه يافارس حد ضربه ع دماغه باازازة عملتله نزيف ع المخ واتنقل ع المستشفى
ليصلك البارت السادس عشر اتفاعلوا بكومنتات بقى ومشاركة البوست ده بخمس جروبات
🌺🌹🌺🌺🌺🌺🌺🌹🌺🌹🌺
الفصل السادس عشر: بقلمي الكاتبة لمياء رفعت
فارس: انت بتقول ايه ياعبد الرحمن ومستشفى ايه اتكلم بسرعة
عبد الرحمن: في مستشفى..........
فارس: طلع يجري ع المستشفى هو وعبد الرحمن
دخلوا المستشفى ومنار كانت واقفه قدام بابا العمليات بتعيط ومنهارة من العياط
فارس: خالد فين يامنار
منار: في العمليات قالوا حالته خطيرة
فارس: خبط ع الباب جنبه بزعل وكان حرفياااا هيموت على خالد
فارس: مين الا عمل فيه كده
منار: بدموع معرفش واحد كنت بشوفه معاه اسمه عمر.... خالد كان بيوصلني عند ماما واحنا رايحين ف الطريق قابله وقاله انت واخد معاك عبد الرحمن وعامل فيها مصلح اجتماعي ياروح امك ورايح توديه عند فارس بعد الا عملوا معانا وغلط في خالد راح خالد ضربه ولم الواد ده وقع ف الأرض كانت في ازازة في الأرض اخدها وضرب بيها فارس ع دماغه
فارس: ابن الكل،،،،،ب وحيات امي ماهسيبه وجه يطلع من المستشفى عبد الرحمن مسكوا....انا قبل ماجيلك البيت يافارس بلغت عليه الشرطة والشرطة راحت اخدته
فارس: بعصبيه وبلغت عنه ليه قبل ماامسح بيه الأرض واسيح دم،،ه زي ماعمل في خالد
الدكتور خرج من العمليات: فارس: خالد عامل ايه يادكتور
الدكتور: ماتقلقش الحمد لله بخير والحمد لله اننا قدرنا نسيطر على النزيف والحمد لله بعيد عن المخ بشوية ادعولوا يقوم بالسلامه
منار: الحمد لله....الحمد لله طيب انا عايزه ادخل اطمن عليه
الدكتور: ماينفعش قدامه لحد بكرة علشان تدخلوا عنده وياريت تروحوا بيتكم وتيجوا بكرة لأن قعدتكم هنا مالهاش لازمة
منار: لا مستحيل أمشي
الدكتور: بعد اذنكم
فارس: الحمد لله انها جات لحد كده تعالي يامنار معايه والصبح نيجي انا وانتي
منار: لا مش همشي واسيبوا يافارس مش هقدر
فارس: اهدي يامنار مفيش مكان نقعد فيه هنا والحمد لله انه عد مرحلة الخطر تعالي نروح يلا والصبح نيجي ومشوا مع بعض هم وعبد الرحمن
فارس: عبد الرحمن المفروض فرحك النهاردة
عبد الرحمن: لا طبعآ مستحيل اعمل فرح الا لم اطمن على خالد وراح حضن فارس وقاله ....سامحوني يافارس انا ماكنتش اعرف ان الواد ده مش كويس كده
فارس: الحمد لله انها جات لحد كده
عبد الرحمن: طيب بعد اذنك انا رايح اوقف ترتيبات الفرح النهاردة وهايبقى ع بكرة بإذن الله لم نطمن ع خالد
فارس: ماشي ياعبد الرحمن ربنا معاك
منار: احنا رايحين فين
فارس: عندي البيت هتنامي مع ندى النهاردة وبإذن الله الصبح نروح المستشفى
منار: مش عايزه اتقل عليكم
فارس: تتقلي ايه يامنار عيب الكلام ده يلا انزلي من العربية وصلنا
فارس: فتح البيت ودخل وكانت معاه منار
ندى: سلمت ع منار ...مالك يامنار بتعيطي ليه وانت يافارس سبت البيت مفتوح بعد ماجرس الباب رن ومشيت ورنيت عليك كتير مردتش عليا قلقتني بجد
فارس: خالد فى المستشفى تعبان شويه
ندى: الف سلامة عليه ماله
فارس: الأول ياندى خدي منار ترتاح في الاوضة علشان تعبانة
ندى: حاضر تعالي يامنار اتفضلي
دخلت منار اوضة الأطفال الا بينام فيها فارس
ودخلت نيمت أولادها ف اوضة النوم
فارس دخل أوضة الصالون ونام ع الكرسي
ندى: راحت لفارس الأوضة.....فارس يافارس
فارس: ايه ياندى
ندى: نايم ليه كده ع الكرسي
فارس: طيب هعمل ايه
ندى: ده ع أساس انك مالكش أوضة يعني تنام فيها
فارس: الاوضة بتاعتي نامت فيها منار.....وتليفونه رن
فارس_________المكالمة كانت انجليزي
المتصل:____________
فارس:___________وقفل السكة
ندى: في ايه
فارس: دي زميلتي بتأكد عليا الحجز الصبح وانا بقولها قدمي الاجازة يومين لظروف صعبه عندي ف مصر
ندى: وانت الابتسامة دي مش بتظهر ع وشك الا وانت بتكلم زميلتك دي ف الشغل
فارس: هههههههههههههه تقدري تقولي كده هي اقرب حد ليا ف تركيااا
ندى: ياسم...طيب اسيبك تكمل كلامك معاها
فارس: سكت
ندى: مالك يافارس
فارس: قلبي وجعني اوي ع خالد النهاردة
ندى: يعني زييا
فارس: مش فاهم؟
ندى: بكسوف وبصت ف الأرض
فارس: باايده رفعلها وشها لفوق...قولي عايزه تقولي ايه ياندى
ندى: كان قلبي وجعني اوي وكنت خايفه احسن تسافر الصبح وكمان كان نفسي تبقى معايه النهاردة طول النهار
فارس: ندى
ندى: ايه
فارس: ايه سبب قربك مني مع اني قولتلك كلام مش كويس يجرح اي بنت وكمان قولتلك اني بحب إيلين
ندى: بدموع....علشان انت لم قولتلي كده اتكلمت ع منار وكلمتها وكنت منهارة من العياط وخالد كان موجود ولم خرجت من البيت كنت عند خالد حتى لم كلمك ف التليفون كنت انا موجودة
فارس: وقف من ع الكرسي والتفت بضهره ل ندى
ندى: قربت منه وحطت ايدها ع ضهره...على فكرة خالد ربنا يقومه بالسلامة كان قاصد خير بينا يافارس وكمان انا اتعذبت بسبب كلامك
فارس: وهو برضو واقف بضهره ليها ...كنت فاكر ياندى انك حسيتي بيا وبمشاعري اتجاهك
ندى وقفت قدامه......فارس انت ظهرت في حياتي انا واولادي فجأة انا حتى ماكنتش اعرفك قبل مانتجوز لأنك كنت دايما مسافر وانا فعلا حياتي كلها كانت متدمرة .. موت إبراهيم وتعبي اللي كنت فيه وموت بابا والمسؤولية بااولادي.... عندي ضغط كبير ف حياتي....يافارس انا ماصدقت لقيتك ولقيت ضهر اتسند عليه وحبيت رجولتك وشجاعتك بدموع
فارس: يعني ياندى مش شيفاني غير ضهر وبس ليكي تتسندي عليه
ندى: لا مش بس كده ...انااااااااااا
فارس: وحط أيده ع خدها وقرب منها ...انتي ايه ياندى
ندى: بدموع انا بحبك اوي والله وحبيت كل حاجه فيك يافارس
فارس: اخدها ف حضنه وباسها من شفايفها وندى بدلته نفس شعوره
ومسحلها دموعها باايديه
ندى : مش هتسافر صح
فارس: قعد على الكرسي وقعد ندى ع رجليه...واخدها في حضنه وباس راسها....وقالها...خير ان شاء الله هرتب اموري وبإذن الله خير يا ندى
ندى: بلاش تسافر عشان خاطري
فارس: مشكلتي عندي ف السفر لأن دايما حياتي كلها ف السفر ومعنديش اي مشروع اعرفه اشغله هنا ف البلد
ندى: بصوت طفولي ماليش دعوة قولت مش هتسافر وخلاص
فارس: بمكر ..اسافر فين بس يابنتي ده انا لسه متجوز امبارح من لم قعدتي بشعرك قدامي
ندى: هههههههه وقامت من ع رجليه طيب تعالى ننام هتفضل سهران كده
فارس: طيب هنام فين
ندى: اممممم هخليك تنام معايه انا والأولاد لحد الصبح مفيش مشكله
فارس: عارفه ياندى انا لو ابويا وأهلي عرفوا اني بنام في أوضة لوحدي ممكن يموتوني
ندى: هههههههههههههه
فارس: هههههههه وطي صوتك يابنتي منار تقول علينا ايه
ندى: اسفه والله
فارس: اخدها في حضنه...تعرفي ياندى مش عايز اطلعك من حضني مهم حصل ...سامحيني على اي حاجه زعلتك مني ياندى
ندى: انا الا اسفه علشان تعبتك فعلا معايه
فارس: خلاص الا فات مات روحي انتي نامي دلوقت مع الاولاد وانا هنام علشان هقوم الصبح امشي مع منار المستشفى
ندى: طيب ماتيجي تنام معانا ف الاوضة هتنام هنا ازاي ف الصالون
فارس: برفع حاجب وابتسامة خفيفه ...يعني يوم ماتنايميني جنبك انام معاكي انتي والأولاد روحي ياندى نامي
ندى: ماشي هههههه تصبح ع خير
فارس: وانتي من اهل الخير
________________________
علي: هدى من الصبح تروحي لا ابويا تشوفيه انتي عارفه بسببك ايه الا حصله النهارده
هدى : هيكون حصل ايه
علي:_____________
هدى: وانا زنبي ايه انا الا قولتله اتعب
علي: عارفه يا هدى انا مش مغلطك بس بندم نفسي اني يوم ماتكلمت وقولت عايز هدى ابويا قالي بلاش هدى وماسمعتش كلامه وطلعتي قليلة الأصل
هدى: انت عايز ايه ياعلي
علي: الا انا عاوزو يابنت الناس مبقاش ينفع دلوقت خلاص انا في رقبتي اربع عيال منك وسابها وخرج
________________________
احلام: بابا عامل ايه دلوقتي
محمود: الحمد لله يابنتي بقيت احسن ....ماتعرفيش فارس مجاش يشوفني ليه النهارده
أحلام: سمعت يابابا ان خالد حد ضربه ع دماغه وف المستشفى
محمود: لا حول ولاقوة الا بالله حبيبي يابني ربنا يقومك بالسلامه ده خالد محترم وابن ناس طيبين وأخ ل فارس يعتبر
أحلام: ربنا يشفيه يارب
محمود: اللهم امين...بقولك يابنتي شغلتي المحل الجديد ولا لسه
احلام: لسه يابابا خايفه اشغله وبسام يعمل حاجه تانيه
محمود: الساتر ربنا يابنتي جمدي قلبك وانزلي وشغلي محلك عشان أولادك
أحلام: بدموع انا اتبهدلت معاه اوي يابابا من يوم ماتجوزت وبهدل اولادنا معانا وماكنش فيه الا الضرب ومش بيشتغل ومفيش الا الحريم والشرب
محمود: بس يابنتي معلش قولي الحمد لله وبصتك في وش أولادك بالدنيا كلها
احلام : الحمد لله يابابا
______________________
تاني يوم ف الصباح:
منار: بعد اذنك ياندى شوفي فارس علشان نمشي ع المستشفى
ندى: حاضر بس انا بجهز الفطار لم نفطر الأول
منار: لا معلش مش هقدر انا اكل حاجه الا لم اطمن على خالد
فارس: صحي من النوم وشعره كله كان ع وشه...صباح الخير
ندى ومنار: صباح الخير
فارس: دخل الاوضة بتاعته ودخل الحمام اخد شاور ولبس وخرج من الاوضة
ندى : فارس قول ل منار نفطر الأول وبعدين تمشوا ع المستشفى
فارس: وبعدين يامنار
منار: بدموع صدقني مش هقدر اكل حاجه غير لم اطمن ع خالد
فارس: خلاص يلا تعالي نمشي
منار: خرجت بره البيت وركبت العربيه
فارس : لسه بيخرج
ندى: فارس
فارس: ايه
ندى: امممممممم هتوحشني
فارس: اكيد انتي هتوحشيني اكتر
ندى: انت اصلا بتوحشني وانت معايه
فارس: ياندى صاحبي ف المستشفى ع فكره
ندى: ماشي هههههههه
فارس: سلام وقفل الباب وراه
ركب العربية وراح المستشفى هو ومنار
فارس: خالد عامل ايه يادكتور ينفع ندخل نشوفه دلوقت
الدكتور: آآآآه الحمد لله اتحسن تقدروا تدخلوا تشوفوه
دخلوا عند خالد الأوضة
منار : جريت ع خالد وبدموع حبيبي سلامتك ياحبيبي
خالد__
يلا اتفاعلوا بكومنتات بقى ومشاركة البوست ده بخمس جروبات وهبعتها حالا للمتفاعلين
القصه بجروبى
🌺🌹🌺🌹🌺🌹🌺🌹🌺🌹🌺
الفصل السابع عشر تفاعل ومشاركه دعم يابنات❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤
بقلم/ الكاتبة لمياء رفعت
خالد: الله يسلمك ياحببتي
فارس: عامل ايه يابطل دلوقت وباس راسه
خالد: الحمد لله ياخويا بخير
فارس: ليه ياخالد تقف مع عيل مش كويس زي ده وتاخد وتدي معاه ف الكلام لحد مايضربك
خالد: ماستحملتش يجيب سيرتك ياخويا
فارس: والله ماهسيب حقك حتى لو حصل ايه
منار: كانت بتعيط
خالد: خلاص يامنار وبعدين فيكي انا كويس خلاص مفيش حاجه
عبد الرحمن دخل: السلام عليكم عامل ايه ياخالد النهاردة
خالد: الحمد لله بخير ياعبدو
فارس: عبد الرحمن طلع جدع وصاحب صاحبه ده ماعملش الفرح بسببك امبارح وقال لم اطمن ع خالد
خالد: حبيبي ياعبدو الله يكرمك
الدكتور دخل : السلام عليكم
ردو السلام كلهم
الدكتور: عامل ايه النهاردة
خالد: الحمد لله بخير يادكتور بس دماغي تعباني شوية
الدكتور: ده الطبيعي ده ربنا بيحبك ان الدم والضربة كانت بعيدة عن المخ
فارس: طيب وهو ممكن يخرج امتى يادكتور
الدكتور: بإذن الله هايخرج بكره لكن لو حابين النهاردة مفيش مشكله لكن لازم يكون ف اهتمام
خالد: خلاص يبقى اخرج احسن يادكتور
الدكتور: مفيش مشكله بعد اذنكم
________________________
محمود: إلهام عايزه حاجه انا رايح الغيط دلوقت
إلهام: غيط ايه وانت تعبان ياراجل أولادك يزعلوا وكمان علشان صحتك
محمود: ياالهام انتي عارفه ماليش ف قعدة البيت
جرس الباب رن
إلهام فتحت الباب كان علي
إلهام: تعال ياحبيبي ادخل عامل ايه
علي: الحمد لله ياامي بخير
علي : عامل ايه يابويا ورايح فين كده ع الصبح
محمود: رايح الغيط يابني
علي: لو وراك حاجه انا اعملها لكن تروح ازاي وانت تعبان
محمود: ماانت عارف ياعلي يابني ماليش ف جو البيت
الهام: خلاص ياعلي ماانت عارف ابوك مدام قال هيخرج يبقى هيخرج
علي: طيب ماشي يابويا تعال نخرج سوا واروح اقعد معاك هناك
محمود: ماشي يابني يلا
علي بيفتح الباب عشان يخرج هو ومحمود شاف بسام كان لسه هيضرب الجرس
علي: انت ايه الا جابك هنا ياحيوا***ن
محمود: عيب ياعلي يابني ولاد الأصول المتربيين مش بيغلطوا ف حد حتى لو الحد الا قدامهم ده كل****ب
بسام: ههههههه ماشي ياحاج مقبولة مش هتقولي اتفضل
محمود: اتفضل وقعدو ف الصالون
إلهام: انت جي هنا ليه ياواد انت امشي أطلع بره بدل مااخلي الا يشتري يتفرج عليك دلوقت
محمود: بصوت عالي الهاااااااااااام ادخلي جوا
الهام: سكتت ودخلت
محمود: عايز ايه وادخل ف الموضوع يابسام
بسام: انا جي عايز مراتي وأولادي
علي: انت مالكش عندنا لا عيال ولا ليك حد هنا
محمود :مراتك مين ياابني انت جوزاك من بنتي باطل وحرام عليا واتحاسب قدام ربنا لو انا رجعتلك بنتي انت قولتلها كلمة انتي طالق بدل المرة تلاته
بسام: ماهو انا هاخد مراتي يعني هاخد مراتي وعيالي
محمود: بقى اسمع ياواد انت شغل التلات ورقات دول مش عليا انت لم لقيت معاها قرشين قولت تلف وتدور تاني حواليها....ده انت رميت بنتي وعيالها بدل المره كذا مره وكنت باجي عليها بسببك وقول معلش خلي بنتك تعيش وتربي عيالها مع جوزها لأن العيل من غير امه وابوه مايسواش لكن انت طلعت قليل الأصل وماتعرفش الأصول وبتعض الايد الا اتمدت ليك
بسام: ياحاج محمود ده انت راجل بتاع ربنا رجعلي مراتي وعيالي وانا هعيش بم يرضي الله
محمود: ماهو عشان انا راجل بتاع ربنا ماينفعش ارجعلك بنتي لأن عيشتك معاها باطل بعد كده ...انت فكرت يابسام يابني لم بقيت تزعل انت واحلام وتغضب وتضربها وتيجي دمعتها ع خدها فكرت ف نفسك انها مش هتلاقي لقمة في بيت أبوها ولا معندهاش رجاله تصونها لم بقيت اخليها ترجع معاك لكن فعلا اتقي شر من أحسنت إليه وكمان حابب اقولك حاجه انا ماطلعتكش من السجن علشانك انا طلعتك علشان أولادك مايجيش عليهم يوم يتقال ليهم ابوكم رد سجون ومايتعيروش بيك
وياريتك ع كده بتفهم ولا هاتفهم يلا اهو كله عند ربنا
بسام: انا ماشي بس قبل ماامشي بعرفك ياحاج اني هاخد عيالي
علي: اسمع لو لمست عيل من عيال اختي هكون شارب من دم***ك
بسام: خرج وقفل الباب وراه
علي: ايه الأشكال ده يابويا بس ماكان ماتلقح ف السجن والواحد مرتاح
محمود: سيبها لله يابني كل حاجه وليها اخر وكله عند ربنا
_________________________
ندى: رنت ع فارس
ندى: فارس اخرت ليه
فارس: بوصل خالد ومنار ع بيتهم علشان خالد خرج
ندى: طيب هو عامل ايه دلوقتي
فارس: الحمد لله كويس ...ثواني ياندى
ندى: معاك
فارس: براحه ياخالد انزل براحتك من العربية
منار: ع مهلك ياحبيبي
منار : فتحت البيت ودخلوا اوضة النوم ونام على السرير خالد
فارس: منار اعملي لخالد شربة خضار زي ماالدكتور قال وانا هنزل اجيب العلاج
منار: حاضر
خرج فارس وركب العربية وتليفونه رن
فارس: ايوة ياندى
ندى: انت نستني بتقولي ثواني وان ع التليفون ومكلمتنيش بعدها
فارس: ههههههه اسف بجد نسيت كنت بسند خالد
ندى: امممممم طيب انت جي
فارس: مش دلوقتي رايح اجيب علاج ل خالد من الصيدلية
ندى: خلاص براحتك
فارس: ندى
ندى: سكتت
فارس: حبيبي
ندى: نعم
فارس: مالك
مفيش بس انت اتأخرت
فارس: طيب اجهزي وهعدي اخادك نروح نجيب العلاج و تروحي تشوفي خالد
ندى: حاضر سلام
فارس وقف بالعربية قدام بيته وبقى يضرب كلكس العربية علشان ندى تخرج
ندى خرجت وركبت العربيه جنب فارس
فارس: بص في عنيها وابتسم إبتسامه خفيفه....كنتي وحشاني
ندى: بخجل وبصت ف الأرض علشان كده جيت ع طول
فارس: مقصدش اخر عليكي صدقيني وحط أيده ع وشها وقرب منها
ندى: زقته بعيد عنها...هههههه احنا ف العربيه يعني ف الشارع
فارس: طب وربنا لا انام عند خالد النهاردة وساق العربيه ومشي
ندى: ههههههههه
وقف قدام الصيدلية اخد العلاج ووصل عند خالد البيت
ندى: الف سلامة عليك ياخالد بعد الشر عليك
خالد: الله يسلمك ياندى شكرا ع وقفتكم مع منار وانا ف المستشفى
فارس: انا قولت شكلها الضربة قصرت ع دماغك
خالد: هههههههههههههه
فارس: يعني ايه يعني مش هنروح فرح عبد الرحمن ونولع الفرح انا وانت
خالد: انا قادر ادخل الحمام يابني لم هروح فرح عبد الرحمن ده انا مش قادر اصلب طولي
فارس: خلاص مدام كده يلا يامنار تعالي نامي عندنا النهاردة
خالد:لا كله الا منار ههههههههه
منار: لدرجه دي ياحبيبي مش عايز امشي من جنبك
خالد: طبعا ياحببتي آمال مين هيسندني وانا داخل الحمام ومين هياكلني لحد مااصحى
منار: ضربته ع صدره
خالد: آآآآه
منار: عوزني اقعد ليك خدامه
فارس: هههههههه معلش يامنار جوزك برضو استحملي
منار: وانا استحمل ليه انا اجاي انام ف الاوضة الا كنت نايمة فيها امبارح عندك يافارس
فارس: على جثتي وجثة خالد انك تطلعي من بيتك ايه الا بتقوليه ده عيب الواحده تسيب بيت جوزها
ندى: هههههههه لا خليها تيجي
فارس: تيجي فين اقعدي انتي...انتي مش عارفه حاجه الست مالهاش غير بيت جوزها صح ياخالد
خالد: بغمزة ماتسيبها يافارس تروح عندك تنام الليلة دي فيها ايه يعني الأخوات لبعضها
فارس: ومين قالك اصلا اني ليا اخوات
خالد: هههههههههههههه
ندى: وصلتها رسالة ع التليفون مكتوب فيها(انتي فين) من رقم مش مسجل عندها
ندى: استغربت وقالت ف نفسها ممكن الرساله تكون بالغلط
ندى: طيب بعد اذنكم انا همشي حاليا علشان الاولاد زمانهم ع وصول
فارس: طيب استني اجاي اوصلك وروح اشوف ابويا
فارس: لو احتجت حاجه ياخالد رن عليا ...وانتي يامنار لو بتفكري ترني عليا علشان تيجي تنامي عندي متحاوليش
منار: هههههههههههههه ماشي
فارس وصل ندى البيت ومشي عند والده الغيط
فارس: السلام عليكم
محمود وعلي: عليكم السلام ورحمة الله
سلم على علي وباس على ايد محمود عامل ايه يابويا النهاردة سامحني معرفتش اجاي اشوفك علشان خالد كان تعبان وفي المستشفى
محمود: عارف ياابني هو عامل ايه دلوقت
فارس: بخير الحمد لله هو ف بيته حاليا
علي: الكل***ب ده الا ضربه ضربه ليه
فارس________________
محمود: صحيح الواد ده من يومه راجل وابن أصول واهله ناس طيبين
فارس: معاك حق يابويا ربنا يقومه بالسلامة
فارس: مالك ياعلي ساكت ليه شكلك كده زعلان
علي: لا ابدا ياخويا مفيش حاجه
محمود: والله يافارس يابني حاسس بيه من الصبح بس مردتش اسأله علشان عارف انه مش هيجاوبني وف نفس الوقت انا عارف الا هو فيه وف دماغه
فارس: طيب ماتقولي ياحاج ايه الا ف دماغه وغمز بعينيه ل علي بهزار اكيد بتحب صح
علي: بعد اذنكم انا مروح البيت
فارس: استنى ياعلي ....علي
محمود : سيبه يافارس
فارس: انا بهزر معاه يابويا معرفش انه هيزعل
محمود: هو مش زعلان منك ياابني هو مفيش زعل مقصر في حيات علي قد هدى مراته
فارس: طيب والعمل يابويا
محمود: العمل عمل ربنا يابني انا يا ما قولتله هدى لا وصمم انه يخدها
فارس: ربنا يصلح حاله
محمود: بس انت مسافرتش يعني الصبح ولا مقدرتش تبعد عن خالد
فارس: هههههههههههههه فاهمك يامحمود والله
محمود: هو انا قولت حاجه غلط يابني بتضحك
فارس: عيب يامحمود ده انا تربية ايدك وبعدين ابنك صايع وعارف دماغك
محمود : بعد الشر عليك من الصياعة انا محدش مربي عياله زييا والحمد لله طلعتوا ولاد حلال
فارس: ماهو الا في بيته صايع حقه مش ضايع ياحاج هههههههههههههه
محمود: هههههههه انت شكلها قعدت القهاوي اليومين دول خيبتك
فارس: طيب بم اني اتعلمت الخايبه هروح اشوف مراتي وعيالي السلام عليكم
محمود: هههههههه ربنا يصلح حالك يابني عليكم السلام
___________________
فارس: وقف بالعربية ولسه بيفتح الباب بالمفتاح سمع صوت واحد ف البيت بيكلم ندى وبيقولها: يا ندى انتي اكتر واحده عارفه ف الدنيا اني بحبك
فارس:
ليصلك اشعار بالبارت الثامن عشر تفاعل ب20كومنت ومشاركة البوست ده بخمس جروبات
القصه بجروبى
يتبع