رواية عشقت من اعتبروها اختي الفصل الثالث عشر والرابع عشر والخامس عشر والسادس عشر حصريه وجديده على مدونة أفكارنا
 |
رواية عشقت من اعتبروها اختي الفصل الثالث عشر والرابع عشر والخامس عشر والسادس عشر حصريه وجديده على مدونة أفكارنا
فهد حضنها جامد وغمض عينه… هششش نامي ياحبيبتي عشان مش هتتحركي من حضني ولا انا هقوم البس حاجه
قدس قلبها كان بيرفرف وبدق جامد من قربها ليه ومن كلمه حبيبتي دي وفضلت صاحيه شوي تبصلوا لحد ما نامت وهو حس بنتظام انفاسها علي صدره حضنها جامد ودفن وشه في رقبتها ونام 🌿🌿🌿🌿
الصبح
قدس صحت بتبص ملقتش فهد جنبها بتص لقته داخل الاوضه
فهد ببتسامه .. صباح الورد ياقمري
قدس بكسوف… صباح النور يابيه
فهد قعد جنبها علي السرير ومسك ايدها… طمنيني بقا عامله اي دلوقتي كويسه
قدس… اه الحمدلله ابعد شوي بقا
فهد بضحكه عاليه… ههههههه مكسوفه من مسكت ايدي دانتي كنتي نايمه في حضني وغمزلها
قدس بحراج عيونها دمعت.. ابعد طيب يابيه
فهد… مالك
قدس بعياط… انت دلوقتي اكيد شايفني مش كويسه عشان نمت في حضنك
فهد شدها لحضنه وطبطب عليها… اهدي انا مستحيل اشوفك مش كويسه وانتي مراتي يعني عادي تنامي في حضني
قدس بعياط… بس محدش يعرف اني مراتك ولا حتي ماما حنان يبقا ميف مراتك
فهد… اهدي طيب وكل حاجه هتعرفيها قريب اووي بطلي عياط بقا عشان بزعل لم بشوفك بتعيطي
قدس بعدت عنه ومسحت دموعها بايدها زي الاطفال… حاضر
فهد…. يخربيتك حتي وانتي بتعيطي خدودك وشفايفك حمر وبتخليني نفسي اتهور واعمل حاجه نفسي اعملها وغمزلها
قدس بتفكير.. حاجه اي اللي نفسك تتهور وتعملها
فهد بضحكه عاليا… ههههههههه هعرفك قريب ياقلبي يلا قومي بقا خدي دش عشان تروحي الجامعه
قدس… هوووف حاضر ابعد كدا وقامت من علي السرير ولسه هتمشي افتكرت اللي حصل امبارح بصت لفهد بحزن ونزلت راسها
فهد حس بيها وعرف انها بتفكر في اللي حصل امبارح قام وقف قدامها ومسك ايدها وقعدها علي السرير ورفع راسها
فهد… راسك دايما تفضل مرفوعه اوع تنزليها ابدا حتي لو اي حصل وعروق ايدو برزت من العصبيه واللي عمل كدا هخلهولك يندم علي اليوم اللي امه جابته فيه
قدس حست بخوف من نبره صوته… ابيه اهدي
فهد… متخافيش ويلا بقا يابت قومي جهزي نفسك عقبال مجهزلك الفطار عشان تروحي الجامعه
قدس… حاضر ياباشاا بس انا مش عايزه افطر
فهد… ده عند امك ياقدس في فطار غصب عنك ويلا عشان اوصلك
قدس… اشطااا يابرنس وقامت طلعت تجري علي بر
فهد بضحك… مجنونه والله وبيبص لقه قدس رجعت تاني باسته من خدوه وبحبك… انت احلي ابيه في حياتي وطلعت تجري من الكسوف علي بر
فهد حط ايدو علي خدو مكان البوسه وابتسم… هتتعاقبي علي البوسه دي ياقدس بس استني عليا وقام يجهز الفطار
ـــــــــــــــــــــــــــــــــــــــــ
حنان بصوت عاليا… انت يازفت قوم كفايه نوم
مروان… في اي ياماما بس وقالبه وشك ليه بس كدا ياست الكل
حنان… الزفته اختك من امبارح عماله ارن عليها مش بترد عليا ارن علي فاطمه تقولي نايمه هي رايحه تذاكر ولا تتخمد
مروان… اهدي طيب ياست الكل وهي اكيد هتيجي النهارده
حنان… والله انا تعبت اصلا من البت دي لو ابوك مكنش وصاني عليها قبل ما يموت مكنتش استحملت لحد دلوقتي
مروان بعصبيه… اي الكلام اللي بتقوليه ده ياماما
حنان بعصبيه… اي في اي انا زهقت وعايزه ارتاح شوي منها هي ابوها وامها يموتوا وانا افضل شيلها ده كله
مروان بصلها بعصبيه… انا اروح عند فهد وقام مشي بسرعه وقفل الباب بالجامد من عصبيته ونزل عند فهد خبط علي الباب
قدس كان فهد مقعدها جنبه وبياكل فيها
فهد… يلا اشربي البن بقا
قدس بقرف… لبن ياعع ياعع مش بحبه
فهد بحده… اشربي يلا
قدس بخوف… حاضر وحطت ايدها علي مناخيرها ولسه هتشرب الباب خبط
قدس بفرحه… ها ها ها قوم شوف مين
فهد… هتشربيه برضوا خليكي هنا لحد ما اشوف مين
فهد قام فتح الباب لاقي مروان
مروان… صبح صبح ياعمهم
فهد بقرق… انت عربجي ولا بلطجي ياض انت اي عمهم وصبح صبح ده
مروان… يعم هو في احلي من كدا اوع بس خليني ادخل وزاحه شوي ودخل قدس اول ما شافته فرحت
قدس بفرحه… ميرووووو وحشنيييي وقامت لسه هتحضنه فهد وقف بينهم وبعصبيه…. انتي كنتي هتعملي اي
قدس بخوف…. مش هعمل حاجه هحض وقبل ما تكمل كلامها فهد مسكها من شعرها بغضب وبصوت عالي…. سمعيني بتقولي اي ياروح امك هتعملي اي
مروان… فهد اهدي
قدس بلعت ريقها بخوف من عصبيته ومش قادره تتكلم وبوجع…اااه اب. ابيه. ش. شعري
فهد ادرك انه ماسكها من شعرها ساب شعرها وبعصبيه.. ادخلي اوضتك بسرععهه امشيييي من وشيييييي
قدس جرت علي اوضتها وقفلت الباب وقعت تعيط وفهد قعد علي الكرسي وحط راسه بين ايدو
مروان قرب قعد جنبه وحط ايدو علي كتفه… اي اللي عملتوا ده
فهد بعصبيه… انت مش شايف كانت هتعمل اي
مروان… قدس زي اختي انت ناسي ان انا واختها الله يرحمه راضعين مع بعض يعني متجوزليش تجوزلك انت بس
فهد بحده… حتي لو اي متحضنش حد غيري ولا حد يلمسها غيري
مروان بهزار شوي عشان يلطف الجو… ياعم امال سايبها وبتختفي وتبعد عنها ليه لم مش عايزها غير ليك
فهد بحزن… عشان كنت عايز انسها وانسا حبها عشان صغيره ولسه طفله ومش هتتحمل عصبيتي ولا غيرتي عليها ولا غضبي وانا بخاف اعملها حاجه وانا متعصب ومش واعي للي بعملوا زي ما عملت دلوقتي
مروان…. قدس بتحبك صالحها وحاول عشان خاطرها تتحكم في نفسك وانت معاها قدس شافت كتير من وقت ما اتولدت حاول متجيش عليها انت كمان وفرحه يافهد
فهد بصلوا بحزن وبص في الارض
مروان بغمزه… انا هروح اطلع البس عقبال ما تصالحها عشان عايزك في موضوع
فهد ببتسامه… ماشي
مروان مشي وفهد كام خبط علي الاوضه اللي فيها قدس
فهد بحزن… قدس افتحي الباب
قدس بعياط… هتضربني طيب
فهد الكلمه وجعته لدرجه دي بتخاف منه بدل ما تتحامه فيه ويكون امانها
فهد بحزن… افتحي ياقدس مش هكلمك
قدس فتحت الباب بخوف ورجعت لوره… في اي ياب…
قطع كلامها وشدها لحضنه ودفن وشه في رقبتها وبحزن… حقك عليا انا اسف
قدس حضنته وبعياط… متخوفنيش منك تاني
فهد… حقك عليا وحضنها جامد لدرجه انها اتوجعت
قدس بوجع… ابيه براحه هتكسر عضمي كدا
فهد بعد عنها بسرعه وبحزن… حقك عليا انتي كويسه
قدس شافت في عينه لهفته عليها فبضحك… خلاص ياعم متخافش انا كويسه
فهد برفع حاجب علي الطفله اللي قدامه… ياعم
قدس بتبربش بعيونها زي الاطفال… اه ياثحبي
فهد بنفاذ صبر… بت انتي يلا من قدامي اطلعي اشربي البن خلينا نمشي
قدس… اععععععع برص برص
فهد لف عشان يشوفه وقدس طلعت تجري علي بر الشقه كلها
فهد بضحك علي تصرفاتها… يابنت المجنونه ماشي ياقدس لم نرجع بس وطلع ركب العربيه ومروان هو وقدس ومشي
بعد اسبوع من غير اي حاجه جديد حصلت
حنان… انتي يازفته قومي عشان تساعديني في البيت
قدس بنعاس… ياماما حرام عليكي النهارده الجمعه واجازه وانا فضلت سهرانه لبعد الفجر بذاكر
حنان بحده… وانا مالي بده كله قومي انتي هتفضلي عايشه كدا نصرف ونوكل ونربي ببلاش
قدس غمضت عينها جامد وحست بنقزه في قلبها وجعتها وداست علي شفايفها عشان متعيطش وحنان طلعت بر واول ما طلعت قدس فتحت عينها ودموعها كانت بتنزل لوحدها في نفس الوقت تلفونها رن باسم فهد مسحت دموعها وحاولت تبين صوتها انه كويس
قدس… اي يابيه
فهد… هو اي اللي اي يابيه اسمها صباح الخير الاول
قدس… صباح الخير
فهد… صباح النور طمنيني عليكي
قدس بحزن… الحمدلله
فهد حس من نبره صوتها انها مش كويسه… قدس مالك
قدس… ها مافيش يابيه ماللي مانا كويسه اهو
فهد… قدس دقيقتين وتكوني عندي تحت
قدس… مش فاضيه هقوم اساعد طنط حنان
فهد… طنط حنان اممم ماشي سلام
قدس… سلام
ـــــــــــــــــــــــــــــــــــــــــــ في مكان اخر في الصعيد
رفعت… ها يابوي هنفضل سيبين بنت اختنا كدا هناك لوحدها وسطت الشابين
هارون… اكيد لا ياولدي لازم نجيبها تعيش معانا اهنا بجا يامحمد يامحمد
محمد… اي ياجدي
هارون… جهز نفسك بكرا في العشياء هتروح تجيب قدس بنت عمتك هدي
محمد بفرحه… حاضر ياجدي حاضر بعد اذنك بجا عشان اروح اشوف شغلي
هارون… ماشي ياولدي روح
رفعت… ابوي هنجوز قدس لمحمد عشان ولاد عمها ميخدوش حقها صوح
هارون بتفكير… ان شاء الله ياولدي
يتبع….
رواية عشقت من اعتبروها اختي الحلقة الرابعة عشر
محمد بفرحه… حاضر ياجدي حاضر بعد اذنك بجا عشان اروح اشوف شغلي
هارون… ماشي ياولدي روح
رفعت… ابوي هنجوز قدس لمحمد عشان ولاد عمها ميخدوش حقها صوح
هارون بتفكير… ان شاء الله ياولدي 🌿🌿🌿🌿🌿
قدس قاعده في اوضتها سرحانه فهد دخل عندها وهو بيتحسب عشان حنان متشفهوش وتعملوا مرشح
فهد بستغراب… قدس ياقددددددس
قدس بخضه… اعوذ بالله من الشيطان الرجيم
فهد برفع حاجب… شوفتي عفريت ولا اي ياروح امك
قدس… مش قصدي ياعم بس خضتني
فهد… سرحانه في اي
قدس قامت مسكت ايدو وقعته علي السرير وقعدت قصاده وفضلت بصاله شوي وساكته
فهد … انا عارف اني حلو وخاطف قلوب ناس كتير بس مش هنفضل كدا حنان تدخل
قدس ضربته علي كتفه… ابيه نتلم وبدات تفرق ايدها في بعض
فهد حس انها متوتر فمسك ايدها… احكيلي عايزه تقولي اي
قدس… عايزه اعرف كل حاجه
فهد… اممم تمام بليل تنزليلي الساعه 1هعرفك كل حاجه
قدس… اممم هنزلك كيف الساعه 1
فهد… اتسحبي زي الحرميه زي زمان لما كنتي بتيجي اوضتي وتنامي في حضني عشان مش بتعرفي تنامي غير في حضني
قدس بصت في الارض بكسوف
فهد… هههههه متتكسفيش مهو انتي كنتي صغيره بس نفسي نرجع ايام وانتي صغيره وغمزلها
قدس…. ابيههههه اطلع بر
فهد…. هههههه اه صح بطلي تقوليلي يا ابيه دي
قدس برفع حاجب… لا يلا اطلع بر يابيه
فهد… ههههه ماشي ماشي وسابها وقاماشي ولسه هيفتح الباب ويمشي رجع باس قدس في خضها وطلع
قدس حطت ايدها علي خدها وحضنت المخده من الفرحه ورقدت علي السرير وبفرحه …. يالهووووي بحبك يابيه
ــــــــــــــــــــــــــــــــــــــــــــــ
كوثر… ها يارفعت عملت اي
رفعت بخبث… هههه اقنعت ابوي انه يجيبها ويجوزها لبنك محمد وبكدا هناخد ورثها
كوثر بضحك… ههههه عفارم عليك ياحبيبي ايو كدا الورث وكل حاجه لازك تكون لينا بس صح
رفعت… اي ياوليه تاني
كوثر…. فهد ابن عمها هيسيبها ولا هيمنعنا زي زمان
رفعت بتفكير… البنيه كملت ال18سنه ومن حقها تختار تعيش مع مين
كوثر… وانت واثق انها ممكن تواج انها تيجي معانا قنا
رفعت… هتوافق انها شاءلله وحتي لو موافقتش هشوف خطه واجيبها لحد اهنا انا وابوي هنسافرلها بكرا
كوثر… ماشي
ـــــــــــــــــــــــــــــــــــــــــــــــ
بليل الساعه 1
قدس طلعت من اوضتها وقفلت الباب براحه وبتتسحب عشان تطلع من الشقه ولسه هتفتح باب الشقه لقت اللي حط ايدو علي كتفها وهي اتجمدت مكانها من الخوف
مروان بصوت واطي وضحكه مكتومه… رايحه علي فين
قدس خدت نفسها ولفت ليه وضربته في كتفه بغيظ… ياشيخ منك لله قطعت خلفي حرام عليك اي
مروان… هههه رايحه فين
قدس بكسوف وبتفرق ايدها في بعضها بتوتر… اص. اصلا
مروان… ههههه ولا اصلا ولا مش اصلا رايحه لفهد صح
قدس بكسوف… اه
مروان ببتسامه… روحي طيب يلا بسرعه قبل ما ماما تصحي
قدس بفرحه حضنته… اشطااا ياقلبي
مروان بضحك…. اقسم بالله لو فهد شافنا دلوقتي ليدفنا مكانه اخلصي بسرعه
قدس بضحك… ههههه حصل ومجنون ويعملها سلام وطلعت تجري علي شقه فهد ونزلت لقت الباب مفتوح عرفت ان فهد اكيد سايبه مفتوح عشان انزل ادخل براحتي من غير مخبط
قدس بصوت واطي… ابيه فهد يابيه
وسمعت صوت فهد بيكلم حد في اوضه الجلوس بتبص لقته معتز
فهد بعصبيه… انت اتجننت يامعتز جواز اي وقرف اي هو علي اخر الزمن اتجوز عيله صغيره هو انا لسه هربي ولا اي ياعم بلا قرف
قدس سمعت كدا ونزلت دموعها منها غصب عنها من الصدمه وطلعت تجري علي فوق في شقتهم ودخلت اوضتها وقفلت الباب علي نفسها وترمت علي السرير تعيط
عند فهد
معتز بضحك…. هههههه امال اتجوزت قدس ليه بقا مهي صغيره
فهد عيونه لمعت… قدس دي حاجه تانيه خالص دي النفس اللي بتنفسه وروحي اللي عايش بيها والله مهم اقول مهقدر اوصفلك حبي ليها حب اي بس ده انا مهوس بيها وبدمنها
معتز بفرحه علي صحبه اللي عد مرحله العشق حتي… ههههه ربنا يخليكم لبعض همشي انا بقا
فهد…. تمام ماشي سلام
معتز… سلام ومشي وفهد بص علي ساعته لاقها داخله علي واحدها ونص بستغراب… هي اخرت ليه كدا يمكن بتحاول تنزل لسه ادخل اخد دش عقبال متيجي
الصبح
حنان… ايو مين جي اهو وقامت فتحت الباب وتصدمت اول ما لقت هارون جد قدس ورفعت عمها وابنه محمد
رفعت… اي هتفضلي بصالنا كدا كتير مش هدخلينا
حنان… ها لا كيف اتفضلوا اتفضلوا
هارون ورفعت ومحمد دخلوا قعدو في اوضه الجلوس
حنان… اعملكم اي تشربه
هارون… مش مستاهله احنا جينا نشوف قدس بنتنا وهنمشي
حنان… لا كيف ميصحش هعملكم شاي وهاجي بسرعه
رفعت.. تمام ماشي
حنان دخلت حطت الشاي علي النار ودخلت اوضه مروان بسرعه تصحي
حنان… انت يازفت قوم بسرعه
مروان بنعاس… في اي بس ياماما معنديش شغل النهارده سيبيني نايم
حنان… يازفت قوم هارون جد قدس بر هو وعمها وابنه وباينلهم جينا ياخدوها
مروان قام مفزوعه… يخدوها كيف
حنان… مش عارفه بس خالتها نواره كانت بتكلمني من كام يوم وبتلمحلي بالكلام ان هم عايزين يجوزها لمحمد ابن خالها رفعت
مروان… يالهووي يالهوووي كيف ده
حنان… في اي ياواد مالك بتولول زي الولايه ليه كدا
مروان… ها لا مافيش حاجه روحي شوفيهم عقبال مغير واطلعلهم
حنان… حاضر
مروان بعد ما حنان طلعت رن علي فهد
فهد بنعاس… في اي يازفت علي الصبح
مروان… الحقني
فهد اتعدل في قعدتوا وبفزع… في اي قدس كويسه
مروان… جد قدس هارون وابن عمها وعمها هنا
فهد… اممم مفهمتش برضو مفزوع ليه كدا
مروان وهو بيبلع ريقه من اللي هيعملوا اخوه… اصل اصل
فهد بعصبيه… اصلا اصلا اي متخلص ياض
مروان… اصلا امي بتقول ان خالت قدس كلمتها من كام يوم وعايزين يجوزه قدس لمحمد ابن خالها واحتمال يكونوا جاينا يخدوها
فهد بعصبيه… نعمممم ياروح امك ياخدو مين مراتي
مروان… فهد اهدي احنا بنقول احتمالات
فهد… اقفل اقفل انا جي عندكم دلوقتي
مروان… فهد اهدي فهد بس فهد قفل السكه في وشه
مروان استرها يارب وقام يلبس عشان يطلعلهم
وحنان كانت صحت قدس
قدس…. سلام عليكم
الجد… وعليكم السلام يابنتي
قدس قربت منهم وسلمت علي هارون
هارون بحب… كيفك يابنتي اتوحشتك اووي
قدس حست بالامان في حضنه وعينها خانتها ودمعت… وانت كمان اتوحشتني اووي ياجدي
الجد… العيون الحلوه دي مدمعش ابدت طمنيني عليكي
قدس مسحت دموعها… انا الحمدلله
الجد… يارب دايما ياحبيبتي
قدس… ازيك ياخلوا
رفعت… امنيح وانتي
قدس… الحمدلله ازيك يامحمد ولسه وسلمت عليه وفهد طلع في نفس الوقت وشافه وبصوت يهز المكان وبغضب… قدسسسس
قدس بتصلوا ببرود… نعم
فهد بستغراب… نعم
مروان جري وقف جنب فهد وبصوت واطي… فهد اهدي
مروان شرفتونا والله
هارون… الشرف لينا احنا ياولدي المهم احنا بصراحه جاينا ناخد قدس تعيش معانا
فهد بعصبيه… نعمممممم ومروان مسك ايدو بسرعه وضغط عليها
هارون بستغراب… في اي ياولدي
مروان بسرعه… مافيش حاجه ياجدي بس استغربنا وكمان هي مش هتقدر تعيش معاكم عشان جمعتها وعشانه كمان مينفعش
الجد… طيب تيجي تعيش معانا شوي وتبقا شوي هنا وشوي هنا
فهد… بس هي مش هتوافق
قدس وهي بصالوا وببرود… وموافقكش ليه موافقه ياجدي
يتبع….
رواية عشقت من اعتبروها اختي الحلقة الخامسة عشر
فهد… بس هي مش هتوافق
قدس وهي بصالوا وببرود… وموافقكش ليه موافقه ياجدي🌿🌿🌿🌿🌿🌿
فهد بعصبيه… موافقه على اي انتي مستحيل تخرجي من هنا
قدس بحده… ليه كنت مين عشان تحكم عليا اخرج ولا مخرجش واروح فين ولا مارحش
محمد وقف وحاول يهدي بينهم… ياجماعه اهدي في اي وقرب من قدس… اهدي ياقدس ولف لفهد اللي عينه هيتتاير منها الشرار من قربه ليها… ممكن افهم فيها اي لم تيجي تقعد معانا كام يوم هي اتوحشتنا اووي وبص لقدس بحب فهد متحملش يسكت وقام ضربه بوكس في وشه وبعصبيه… هي مين دي اللي وحشتك ياروح امك ولسه هضربه تاني قدس وقفت قصاده بينه وبين محمد
قدس بجمود… ابيه انا مسمحلكش تكلم ابن خالي كدا ولا انك ترفع ايدك عليه
فهد بصدمه… متسمحليش اممم ماشي ياقدس وسابهم ومش وخبط الباب وره بعصبيه لدرجه انه كان هيتكسر
قدس لفت لمحمد… حقك عليا بس مش عارفه متعصب ليه كدا المهم ادخل اجهز نفسي واجي معاكم
حنان… اه استنوها لم تخلص واسفه علي اللي فهد ابني عملها
هارون… لا خلاص المهم يلا ياقدس ادخلي لمي خلجاتك خلينا نلحق القطر
قدس… حاضر ياجدي ودخلت اوضتها بحزن لمت لبسها وهي بتعيط من حالها ومن قلبها اللي وجعها مروان خبط ودخل عندها الاوضه
مروان… قدس فهميني في اي بينك انتي وفهد
قدس مستحملتش وترمت في حضنه تعيط
مروان وهو بيطبط عليه… اهدي ياحبيبتي وحكيلي في اي
قدس بعياط… توعدني طيب انك مش هتحكي لحد ابدا
مروان… اوعدك ياقلبي احكيلي
قدس حكتلوا كل حاجه من وقت معرفتها بخبر انها مراته لحد ما اللي سمعتوا امبارح بليل
مروان بعد تصديق اللي سمعته امبارح لانه عارف انه اخوه بيعشقه مش بيحبها بس فكيف يقول كدا
قدس… ها وانا مبقتش مصدقه اني مراته بعد اللي سمعته ومش قادره افضل موجوده هنا بعد اللي سمعتوا
مروان بطبط عليها بحنيه… طيب اهدي وانا هتكلم معا اشوف اي الحقيقه واي اللي قاله ده
قدس… انت وعدتني انك مش هتتكلم مع حد في اللي هقوله
مروان… بس ياقدس مينفعش نسكت
قدس… مروان ارجوك
مروان بنفاذ صبر… حاضر ياقدس وانا هسيبك تسافري معاهم كام يوم عشان نفسيتك تتحسن شوي وهترجعي علطول
قدس… حاضر امتحاناتي بعد 10ايام
مروان… تمام ياحبيبتي خلي بالك من نفسك
قدس… حاضر وقامت خدت شنتطها وطلعت ودعت حنان ومشت راحت قنا مع جدها وخالها وابن خالها
ــــــــــــــــــــــــ في قنا اول ما وصلوا
هارون بفرحه… نورتي بيتك يابنت الغاليه
قدس ببتسامه… منور بوجودك ياجدو
هارون بصوت عالي… بت ياصفيه
صفيه جرت جري… نعم ياهارون بيه
هارون… خدي شنطه قدس حطيها في اوضتها وجهزيلها واكل
صفيه… حاضر يابيه
كوثر وهي نازله من علي السلم… نورتي بيتك ياقدس
قدس بعد راحه… منور بوجودك يامرات خالي
كوثر قربت ليها وخدتها في حضنها وقدس حست ان في حاجه غريبها لانها عارفه انها مش بتحبها ومكانتش بتحب امها الله يرحمه
هارون… كفايه بقا ياكوثر سيبي قدس تطلع اوضتها ترتاح شوي عقبال الواكل ميجهز
كوثر… حاضر ياعمي
رفعت بسرعه… واد يامحمد روح وصل قدس لاوضتها عشان مش عرفها
قدس…. مش محتاجه خليه يرتاح
محمد بفرحه بسرعه… لا انا مرتاح طول ما انا جنبك
قدس بستغراب… كيف
محمد بسرعه… قصدي مرتاح طول ما شايف بنت خالتي وسطنا وكويسه
قدس… اممم تمام انا هروح ارتاح
محمد مشي معا ليوريها اوضتها
رفعت بخبث… يا اخير قدس بنت اختي جت تعيش معانا ياما نفسي اجوزها لمحمد ابني دي من ريحه اختي الله يرحمها
هارون بتفكير… اللي كاتبه ربنا هيكون ياولدي انا هروح اوضه المكتب شوي
بعد اسبوع
عدي الاسبوع من غير اي حاجه جديده غير ان محمد بيحاول يقرب من قدس وفهد اختفي من وقتها ومحدش يعرف حاجه
قدس… الو ياميرو عامل اي
مروان… الحمدلله بخير ياحبيبتي انتي عامله ايه
قدس بحزن… اهو الحمدلله ابيه فهد لسه مرجعش برضوا
مروان بحزن… لا لسه ولسه قافل تلفونه برضوا
قدس… اممم ماشي المهم انا هاجي بكرا
مروان… تمام ياحبيبتي هتلاقيني عند سكه القطر مستنيكي
قدس… ميحرمنيش منك يارب ابقا سلملي علي طنط حنان
مروان… حاضر
قدس… سلام
مروان… سلام
قدس قفلت معا وترمت علي السرير وفتحت صوره فهد علي التلفون وقعدت تتامل في ملامحه ودموعها بتنزل… فينك وحشتني اووي مع اني زعلانه منك بس نفسي احضنك واحس بالامان اللي مش بحسه غير في حضنك وحشتني اووي يابيه وقعدت تعيط والباب خبط مسحت دموعها بسرعه وحاولت تظبط صوتها
قدس… ايو مين
محمد… انا محمد ياقدس مش هتنزلي عشان نتعشاء
قدس… ماشي انزل وانا جي وراك
محمد… تمام مستنيكي
محمد نزل وقدس قامت غسلت وشها ونزلت تحت وهي داخله اوضه المعيشه اللي بيتجمعوا فيه للاكل
رفعت… ها يابوي موافق بجواز قدس ومحمد
قدس وقفت متجمده من سماع الكلام
هارون… لم اخد رايها ياولدي
كوثر… وهي قدس هتلاقي احلي من ابني ولا اي يابوي
هارون… بس قدس ورفع نظره لاقي قصد واقفه علي اول الباب… واقفه ليه كدا ياحبيبتي تعالي
قدس قربت قعدت علي الكرسي اللي جنب جدها
كوثر… قدس انتي طبعا سمعتينا اي رايك
قدس بتوتر… ها اص اصلا
رفعت… اصلا اي
محمد بحب… قدس صدقيني انا بحبك وهحافظ عليكي والله
كوثر… اهو محمد بيحبك عايزه اي تاني
هارون… كفايه بقا وسبوها تفكر
قدس… اه سبوني افكر
كوثر… ماشي ياقدس فكري براحتك
تاني يوم قدس جهزت نفسها وودعتهم ورجعت اسكندريه ومروان جه خدها وروحوا البيت
مروان… قدس هنعمل اي فهد مش عارفين نوصلوا
قدس… مش عارفه يامروان وقعدت شوي وافتكرت المكان اللي فهد كان بياخدها ليه وهي صغيره في الغابه وافتكرت انه بيحب يجيه لم يكون متعصب وزعلان
قدس نطت بفرحه… لقيتها لقيتها
مروان بدهشه… لقيتي اي
قدس… عرفت فهد هيكون فين
مروان… فين
قدس… بص الاول ماما دلوقتي هتقوم تنام وكمان نص ساعه نطلع انا وانت وهقولك علي المكان وتوصلني
مروان… اممم ماشي اروح اجهز نفسي عقبال متغيري انتي طيب
قدس… اشطااا
بعد شوي
مروان وقدس بيسحبه وطلعوا من البيت خالص وركبه العربيه
مروان… ها ياستي هنروح فين
قدس… الغابه
مروان بصدمه… نعم الغابه ونعم اي فيها دي
قدس… بص فهد ليه بيت صغير هناك زي الكوخ وهو بيحب يختفي ويروح فيه ومره وداني فيه فانا عرفه فهنروح نشوفه هناك مش هنخسر حاجه
مروان… تمام ماشي وساق العربيه ومشي بعد شوي
مروان… قدس قدس
قدس… اي
مروان بتردد… انتي سامحتي فهد
قدس اخدت نفس طويل… لا بس سمعت كلامك وقولت لم اتكلم معا وافهم اي ليه قال كدا وكيف انا مراته
مروان… تمام
عند فهد في الكوخ
فهد… الو صوفي انتي فين
صوفي… انا خلاص اهو قدام الكوخ نفسي افهم ليه جينا هنا مشقتك حلوه
فهد… مش وقت كلام هقوم افتحلك فهد فتح ولاقي صوفي واقفه ولابسه فستان بمعني او ميتقالش عليه حتي قميص نوم بيكشف اكتر ما بيغطي واترمت في حضنه بفرحه… فهد وحشتني اووي
فهد بجمود… وانتي كمان ادخلي
صوفي دخلت وهي حاضنه فهد وبتلعب في ازرار قميصه
فهد بجمود… صوفي انا علي اخري وجايبك عشان افك شوي فشغلي اغاني ورقصيلي يلا
صوفي بدلع… من عيوني يافهودي وشغلت اغاني واتحزمت وبدات ترقص وتتمايع علي فهد وشدت فهد وحضنته وهي بترقص وفكت ازرار قميصه وخدته ودخلت الاوضه
قدس وصلت هي ومروان
مروان… ادينا وصلنا هنعمل اي دلوقتي
قدس بفرحه… النور جو شكله منور ومعنا كدا ان فهد جو بص انا معايا نسخه من مفتاح الكوخ هنفتحوا وندخل نعملوا مفاجاه بس ادخل انا الاول عقبال متقفل عربيتك
مروان… ماشي ياختي يلا
قدس نزلت من العربيه وفتحت الكوخ ودخلت بخطوات بطيئة عشان ميحسش بيها فهد وهي داخله سمعت صوت ضحك واحدها جو اتجمدت مكانها ومشت بخطوات بطيئة وفتحت الباب وتصنمت مكانها
يتبع….
رواية عشقت من اعتبروها اختي الحلقة السادسة عشر
قدس نزلت من العربيه وفتحت الكوخ ودخلت بخطوات بطيئة عشان ميحسش بيها فهد وهي داخله سمعت صوت ضحك واحدها جو اتجمدت مكانها ومشت بخطوات بطيئة وفتحت الباب وتصنمت مكانها 🌿🌿🌿🌿
ولفت وشها الجنب التاني بسرعه لم لاقت فهد راقد علي السرير ولابس شورت بس وجسمه من فوق عريان… ابيه ابيه
فهد قام فرق في عينه وبصدمه… قدس
قدس… اه انا هطلع استناك بر عقبال ما تلبس حاجه
اول ما قدس طلعت فهد خد نفس طويل وبصوت واطي…. اطلعي ياصوفي بسرعه البسي عقبال ما مشيهم
صوفي قربت منه بدلع وحطت ايدها علي صدره وبتمشيها عليه… بس انت وحشني اووي
فهد بعصبيه… صوفي مش وقتك خالص انا كفايه اني شوفت العربيه في اخر لاحظه
فلاش باك
فهد سمع صوت عربيه وقفت بر وصوفي حضنه وبتبوسه
فهد… صوفي في صوت عربيه بر
صوفي بدلع… نعملها اي خليك معايا بس
فهد… لا استني وبعدها شوي عنه وبص من الشباك لاقي قدس ومروان قاعدين في العربيه… بصدمه قدس
صوفي… في اي
فهد .. بسرعه استخبي في الحمام اخلصي وظبط السرير ورقد عليه ومثل انه نايم
بااااااك
صوفي… هوووف بقا بس مش هعديهالك وهنتقابل في الشقه
فهد… حاضر ولبس تيشرت وطلع وره قدس وساب صوفي تلبس في الاوضه
فهد بحده… جي ليه ياقدس هنا
قدس بحزن بس حاولت تداري… جي اشوفك يا ابيه
مروان وهو داخل من بر… الباشا اللي مختفي وقرب سلم علي فهد
فهد بحده وهو باصص في عيون قدس… مروان خد قدس وروحوا
قدس بعصبيه… وانا مش هروح غير لم اعرف كل حاجه
فهد… عايزه تعرفي اي
قدس… اعرف انت اتجوزتني كيف وليه
فهد ببرود… مش وقته
قدس بعصبيه قعدت مكانها… وانا مش همشي الا لم تقول يا ابيه
فهد بعصبيه… قدس مش وقت اعتراض وعند يلا امشي
قدس… مش همشي يا ابيه وهعرف كل حاجه دلوقتي
فهد بعصبيه… اتجوزتك عشان جدي الله يرحمه طلب كدا من ابوي عشان اهل مامتك ميخدوكيش وطلبوا مني كدا وانا مكنتش موافق بس ابوي غصب عليا وقالي لو متجوزتهاش مش هتكون ابني ولا اعرفه و
قدس بصدمه حطت ايدها علي ودنها… بس بس كفايه مش عايزه اسمع حاجه تاني وانهارت وقعت في الارض فهد جري عليها
فهد بخوف… قدس انتي كويسه
قدس زاحته… ابعد عني انا بكرهك
مروان قرب منها… قدس اهدي
قدس بعياط… هو متجوزني شفقه وخوف ووقفت مره واحدها… طلقني يافهد
فهد بعصبيه… اطلق مين انتي اتهبلتي
قدس… قولتلك تطلقني اي مش عايزك وبكرهك
فهد الكلمه وجعته اووي وقرب منها بهدو… قدس اهدي
قدس نفضت ايدو… قولتلك تبعد متلمسنيش ولفت لمروان… الكلام اللي سمعته طلع صح يامروان
فهد… كلام اي ده اللي سمعتيه
قدس… هههه مش محتاج تعرف مروان يلا روحني
فهد… هو اي اللي مش محتاج اعرف سمعتي اي واي حصل
قدس بزعيق… قولتلك مالكش دعوه بي ابعد عني بقا وطلعت تجري عليه بر ركبت العربيه ومروان جري ورها وركب جنبها
مروان… قدس اهدي
قدس.. روحني البيت ارجوك
مروان… حاضر بس اهدي
بعد اسبوعين
اخر يوم لقدس في الامتحانات ومشافتش فيهم فهد من وقت اللي حصل ومروحه هيك وفاطمه
فاطمه… قدس قدس قدسسسس
قدس… اي في اي بتزعقي زي البقره ليه كدا
فاطمه بصدمه… انا بقره ياقدس
قدس… هو في بنادم بيزعق كدا طيب
فاطمه… تصدقي انك واطيه يابت عبوشكلك ياعره مهو انا عليت صوتي عشان في واحدها سرحانه وعماله انادم عليها مش بترد سرحانه في اي ها وغمزتلها
قدس بتوتر… ها ولا حاجه يلا انا هقوم اروح
فاطمه… خليكي شوي
قدس… لا مش قادره وماما حنان رنت عليا وقالتلي متاخريش
فاطمه… اممم ماشي
قدس سملت علي فاطمه وودعتها ومشيت روحت البيت
عند فهد
فهد… الو مروان انزلي شقتي تحت
مروان… حاضر جي اهو
فهد… تمام مروان نزل ودخل سلم علي فهد
مروان… وحشتني اووي اي الغيبه دي كلها
فهد… مروان احكيلي اي اللي قدس كانت تقصدو في اليوم ايا
مروان بتوتر… ها اص اصلا مع معرفش
فهد بنظره وبحده… مروان احكي يلا
مروان… اممم حاضر وحكي لفهد علي اللي قدس حكتهوله لم سمعت كلامه هو ومعتز فهد اتعصب وخبط ايدو في الحيط
فهد… غبي هتفضل طول عمرها غبيه مش بتستنا لحد متسمع الباقي دايما متسرعه
مروان… كيف فهمني
فهد… مش وقته هي فين دلوقتي
مروان… ممكن تكون وصلت فوق اصل جدها هاون جي يشوفها
فهد عيونه احمرت… لا متقولش انه جي ياخدها زي المره اللي فاتت
مروان… معرفش تعال نطلع نشوفهم اكيد جو
فهد… تمام يلا
ــــــــــــــــــــــــــــــــــــــ
قدس وصلت الشقه ودخلت وسمعت صوت جدها هارون فين اوضه الجلوس دخلت جري عشان تسلم عليه
قدس… جدو وحشتني اووي وحضنته
هارون بفرحه… حبيبت جدو عامله اي طمنيني عليكي
قدس… انا بخير طول ما انت بخير
محمد ببتسامه… ازيك ياقدس
قدس .. الحمدلله يامحمد عامل اي
محمد… الحمدلله بخير عامله اي في الامتحانات
قدس… الحمدلله عدت علي خير
فهد من ورهم بغير… اجبلكم اتنين لمون عشان تكملوا السهرايه
رفعت بحده… هو جري اي هي كل متتكلم مع ابني محمد تتكلم ليه كدا
هارون… اهدي يارفعت خلينا نخلص اللي احنا جينا عشانه ونمشي
حنان… حقكم عليا انا اتفضلوا اقعدو
الكل قعد وفهد مسك ايد قدس وشدها قعده جنبها بالغصب
فهد… قسم بالله لو فتحتي بوقك او اتكلمتي مع الواد الملزق ده متزعليش من تصرفي
قدس فرحت من قلبها انه غيران عليها وافتكرت اللي حصل وسكتت متكلمتش
هارون… بص بقا يافهد يابني انت وولدتك بما انك انت ابن عمها الكبير ومامتك هي اللي مربيها وزي امها فانا حي عشان اطلب ايد قدس لمحمد ابن ابني
فهد عروق ايدو ابيضت وبعصبيه…. نعمممممم ياروح امك
هارون بحده… اي قله الادب دي انت اهلك مربوكش ولا اي
مروان بتدخل… اهدو ياجماعه بس فهد اهدي
فهد… انت اتجننت انت التاني اهدي انت سامع بيقول اي
محمد… جدي مقالش حاجه غلط ثم ان العروسه هي اللي ليها رايها وانا طلبت ايدها وهي عندنا وقالتلي سبوني افكر لحد بعد الامتحان
فهد بص لقدس وعيونه احمرت ولو العين بتحر. ق كانت حر. قتها من الغضب وقدس شافت منظره خافت وبلعت ريقها وتمنت ان الارض تنشق وتبلعها دلوقتي وفهد مسكها من دراعها بالجامد
فهد بزعيق… اللي بيقوله ده حقيقي
قدس بخوف…. ا. ابيه اهدي ه. هو
فهد بعصبيه… انطقي حصل اللي قاله ده
قدس بتالم… ااه اه سيب ايدي طيب
محمد بعصبيه… متسيب ايدها ياجدع انت انت ملكش حق عليها
فهد بصلوا بعصبيه وساب قدس وقرب من محمد وعينها كلها شرار وضربه بوكس والكل جري علي محمد
فهد بعصبيه… ليا لحق ياروح امك عشان تبقا مراتي
يتبع
إللي خلص القراءه يدخل هيلاقي كل اللي بيدور عليه من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق