رواية ظل حب قديم الفصل الاول والثاني والثالث والرابع والخامس بقلم نيره وائل حصريه وجديده على مدونة أفكارنا
 |
رواية ظل حب قديم الفصل الاول والثاني والثالث والرابع والخامس بقلم نيره وائل حصريه وجديده على مدونة أفكارنا
_ انا بحبك
= وايه الجديد ما الكل بيحبني
_ ياربي على النرجسية
=انا جعانه
_ هجبلك شاورما دلوقتي بس ردي عليا الاول
_ طارق احنا صحاب
_لا إحنا مش صحاب أنا بحبك
فوقت من الذكرى دي و انا ببتسم كالعادة لما بتفكر اللي كان بينا
مسكت موبايلي و فضلت اقلب في صورنا قد ايه كنا حلوين
كانت كل حاجة وقتها حلوة لحد ما......
_ انت متغير معايا بقالك فترة و عمال تتحجج بالشغل
_ انا مش ناقص ضغط يا خديجة اقفلي دلوقتي
_دلوقتي انا بقيت ضغط
_ يبنتي ارحميني بقا
_ انت لسه منزل استوري و مردتش عليا... انت ملاحظ انك بقيت تتجاهلني
_ لا دا انتي دماغك تعبانه بجد
_انا دماغي... الو الو... طارق
قفل الخط في وشي وانا وقتها قررت اقفل بابي قصاده
كنت فاكرة انه هيجي يصالحني بس دا محصلش
استنيته ايام و شهور و سنة لكنه مجاش
و كل حاجه اتهدت في ثانية
مسكت موبايلي و فتحت الاكونت الفيك اللي براقبه منه
كان موجود في قايمة السيرش طبعاً
مغير صورة بروفايلة و لابس بدلة جميلة اوي
دخلت بسرعه عشان اتفرج على الصورة
بس اتجمدت لما شوفت اول بوست
كان عبارة عن " الحمدلله الذي بنعمته تتم الصالحات....... "
و تاريخ تعارفهم اللي كان وقتها معايا فيه
يعني معقول حبها و هو معايا معقول طارق كان بيخو'ني
حسيت كل حاجه وقفت من حواليا اكبر كوابيسي اتحققت
كنت عايزة اصر'خ واعيـ'ـط لكن محصلش حاجه من دا
اتجمدت زي التمثال و مقدرتش ادي اي رد فعل
شريط من الذكريات كان بيمر قدام عيني
بس لحظة ادراك ان كل الذكريات دي كد'ب
اترميت على سريري و نمت عشان اهر'ب من الواقع
نمت و انا بتمنى ميطلعش عليا نهار او يكون كل دا حلم
لكن طلع النهار عادي و طلعت مش بحلم
فتحت الاكونت تاني و انا بتأكد من اللي شوفته امبارح
و محستش بنفسي غير و انا برن عليه
اول ما سمعت صوته دمو'عي نزلت
مقدرتش انطق ولا حرف
قفلت الخط بسرعة وانهارت من العيا'ط
لأول مرة كنت اعيـ'ـط بالطريقة دي
لدرجة حسيت اني هستفر'غ قلبي
بعد عيا'ط دام يومين متواصلين قررت اطلع من البيت
روحت الكافيه اللي كنا دايما بنتقابل فيه
كنت باجي هنا كتير بعد ما سيبنا بعض على امل
اني اقابله بس دا مكنش بيحصل
طلبت قهوة و سرحت في كل اللي حصل
و انا مش قادرة انزل دمعـ'ـة
كأني استهلكت كل دمو'عي اليومين اللي فاتوا
فوقت لما لقيت حد بيشد كرسي و بيقعد قدامي
برفع راسي لقيته طارق
حسيت رعشة سرت في جسمي كله
كنت سامعه صوت دقات قلبي المتكـ'ـسر
_ ازيك
قالها بكل هدوء و ثبات
رديت بصوت مخنو'ق و لسان تقيل مش قادر ينطق الكلام
_ الحمدلله
_ انا خطبت
مثلت المفاجأة و ضحكت
_ ايدا بجد الف مبروك
وفجأة لقتني بزرغط معرفش طلعت مني ازاي
بصلي بصد'مة هو و كل اللي كان في الكافيه
والله حتى انا شخصياً اتصد'مت من رد فعلي
_ دا بجد
اتكلم بذهول
مقدرتش اعمل اي رد فعل غير اني ابتسم و بس
مسكت فنجان القهوة شربت و انا ببص للناحية التانيه
_انتي اللي ضيعتينا
اتكلم وهو بيحاول يحافظ على هدوءه و ثباته الانفعالي الغر'يب
ابتسمتله باستغر'اب
_اناااا
_ محدش وصلنا لهنا غيرك... انا'نيتك و غبا'ءك
مقدرتيش تستحمليني وانا مشغول امال لو بقيت عا'جز
ولا مر'يض كنتي هتعملي ايه
كنت بسمعله بصد'مة و انا مش مستوعبة اللي بيتقال
حسيت للحظة اني غلط و انه عند حق
لحد ما افتكرت التاريخ اللي كان في بوست الخطوبة
و محستش بنفسي غير وانا بدلق القهوة عليه
بصلي بصد'مه وهو بينفض القهوة من على قميصه
_ انتي اتجننتي
_ متخافش القهوة باردة مش هتحر'قك
بس لو قربت مني تاني انا هو'لع فيك يا طارق
مشيت بكل ثبات و برود لكن داخلياً انا كنت _طارق خطب
=يعني ايه خطب... انتي بتتكلمي بجد
هزيت اكتافي بقلة حيلة واتكلمت وانا بتنهد
_ حبها و هو معايا
=بتهزري صح ... انتي هادية كدا ازاي
_ مش عارفه... بس انا حاسه اني خلصت دموعي
كلها الاسبوع اللي فاتوا
_ يعني حزنتي عليه اسبوع بس
هزيت راسي بـ ايوا شربت بوق قهوة و كملت كلامي
_ انا خطوبتي اخر الشهر
لقيت مريم صحبتي بخت القهوة اللي ف بوقها و بصتلي بذهول
_ انتي بتقولي ايه
اتكلمت بتنهيدة
_رامي رجع من السفر
كملت كلامها وهي بتشاور بإيديها لورا
_ رامي مين.. رامي رامي انجلترا
هزيت راسي بـ ايوا
قبل 6 سنين
_ يعني انت هتسافر بجد
_ صدقيني هرجعلك
_ بس هتنساني يا رامي
_ بقولك ايه محدش متجوزك غيري... روحي ذاكري يلا
عندك ثانوية عامة
_ بس انا لسه في تانية
_ ولو عندك ثانوية برضو
_ حاضر يا دكتور
قولتها و انا بجري على بيتي لكني وقفت تاني
وانا حابسة دموعي بالعافية
_ رامي هترجع صح
رد عليا بابتسامة كلها حب
_ هرجع عشانك
رامي دا يبقى جاري و حب طفولتي
سافر هو و عيلته انجلترا
و من وقتها معرفتش عنه حاجه
اخباره اتقطعت كلها
حتى في الاجازات منزلوش مصر
بيتهم اتباع و سكنه ناس غيرهم
و اختفى بهدوء كأنه مكنش موجود في حياتي قبل كدا
هو غاب لكن جه مكانه طارق و محاه
_ خديجة انتي كدا بتعكي
اتنهدت و انا بحط فنجان القهوة على الترابيزة
_ طارق خلاص نساني وعاش حياته و انا كمان عايزة اعيش
و اظن مش هلاقي حد احسن من رامي
_ رامي كويس تمام مش هنختلف عليه
بس انتي لسه بتحبي طارق... رامي دا كان شغل عيال و مراهقين
_ مريم انا عايزة امسح طارق من حياتي ممكن تساعديني في دا
_ قوليلي اعمل ايه
_ تقومي تختاري معايا فستان الخطوبة يلا
قلت كلامي وانا بشدها من ايديها و بجري
جه يوم الخطوبة كل حاجه كانت بيرفكت
القاعة الديكور الفستان والبدلة
لكن انا الوحيدة اللي مكنتش كويسة
فكرت كتير اسيب كل حاجة و امشي
بس دا محصلش و اليوم كمل
لبست دبلة رامي و نهيت كل خيط
ممكن يوصلني بطارق
بس تقريباً كان للقدر رأي تاني...
(البارت الثاني)
" بعد مرور خمس سنين "
_ خديجة يبنتي مفيش خطوبة بتقعد 5 سنين
انتي بقا عندك 25 سنه هتتجوزوا امتى عايز افهم
_ لما رامي يكون نفسه هو لسه متخرج من 3 سنين
يعني ملحقش يابابا
_ هو راجل لو اتجوز على ال40 محدش ليه عنده حاجه
لكن انتي هتعنسي جمبه
_ يا بابا انا...
_ بلا بابا بلا ز'فت.... متحاوليش تقنعيني انك متعلقة بيه
انتي مشفتيهوش في الخمس سنين دول غير 3 مرات أصلاً
عمري ما شوفتك بتكلميه زي المخطوبين
دا احنا بنبعد ندا اختك عن التليفون بالعافية
ردت ندا والموبايل على ودنها
_ نعم يابابا بتنادي
_ اقفلي مع المحروس خطيبك وتعالي احضرينا هناا
قالها بابا بغيظ منها
_ يابابا يعني انت متضايق من ندا عشان مش بتبطل كلام
مع محمود خطيبها وانا متضايق مني عشان مش بكلم خطيبي
نرضيك ازاي طيب
_ خديجة انا كلمت رامي وقالي انه انتي اللي بتأجلي الفرح
الجملة دي طلعت من ماما خلتني فقدت النطق
كلهم كانوا بيبصوا ليا مستنين مني اي تبرير لكني مقدرتش اتكلم
_ ليه يا خديجة... ليه وانتي عارفه ان بابا مأجل جوازي انا محمود
لحد ما تتجوزي انتي الاول... ردي عليا ليه كدا
قالت كلامها بعصبـ'ـبية وز'عيق
وانا برضو مش عارفه ارد اقول ايه
مش عارفه ادافع عن نفسي ازاي من الهجو'م دا
انا اصلا معرفش بأجل الفرح ليه كل دا
_ الكلام دا صح يا خديجة
_ بابا انا....
قاطعني بعصـ'ـبية بيحاول انه يكتمها
_ لييه
ملقتش اجابة على اسألتهم
بس كان الند'م بيا'كلني
مش عشان اتخطبت لرامي لأ
عشان معطتش نفسي فرصة اني احز'ن على طارق
واتعافى منه.. عملت فيها جامدة و قولت مش هقف مكاني
و هبدأ من جديد بس الحقيقة اني كنت محتاجة هدنة
اتعافى فيها مكنش ينفع اشقلب حياتي كدا ف لحظة
_ ما تردي يا خديجة ساكتة ليه... فهمينا يا بنتي
_ ماما انا مش عايزة اسافر و رامي عايز العكس
_ ما احنا متفقين من زمان انك هتسافري معاه
_ وانا غيرت رأيي ومش عايزة اسافر
_يبقى الخطوبة دي تتفسخ
قالها بابا بعصبيـ'ـة وهو بيقوم من على الكرسي
مسكت ايديه بسرعه وانا بهز راسي بنفي
_ لا يا بابا ايه اللي انت بتقوله دا
_ مادام وصلت انه يقول لأمك كدا يبقى انتوا
مش عارفين تتفقوا و طالما وصلتوا لكدا
يبقى بلاها الجوازة دي
_ يا بابا استنى بس...
_ بتحبيه؟
سألني بابا بنبرة غريبة كأن السؤال دا اللي هيحسم كل حاجه
مردتش في الاول لكن هزيت راسي بـ ايوا
_ مش بتحبيه يا خديجة... مادام اترددتي كدا يبقى محبتهوش
بابا واجهني بالحقيقة اللي كنت بحاول انكر'ها طول الفترة اللي فاتت
الحقيقة اللي كنت بهرب منها
مقدرتش اتكلم ودخلت اوضتي
اترميت على سريري وانا بعيـ'ـط
انا اتخطيت كل اللي حصل زمان لكني مش سعيدة
كنت فاكره اني كسبت و رسمت لنفسي حياة جديدة
لكن الواضح ان كل دا كان وهم
قاطع تفكيري رنة موبايلي كان رامي
مردتش لأني مكنتش لاقيه كلام اقوله كالعادة
لبست و نزلت اتمشى شوية على البحر
اصل اسكندرية حلوة اوي في الشتاء
الدنيا كانت بتمطر و الناس كلها بتستخبى
الا انا كنت مكملة مشي وانا حاسة بمتعة غريبة
كأن المطر بيغسل قلبي من جوا
وقتها جت على بالي ذكرى قديمة
_ يا بنتي اثبتي تحت الشمسية بقا هنغرق بجد
جريت قدامه وانا بضحك
_ انت مش عارف انا بحب المطر قد ايه يا طارق
_ مش كل بنحبها لازم نجري وراها كدا
_دا مبدأك في الحياة يعني
_ دا مبدأي اللي بلغيه وانا معاكي
قالها وهو بيرمي الشمسية على الارض
وبيجري ورايا تحت المطر
فوقت من الذكرى دي وانا شايفة انعكاسي على ازاز الكافيه
اللي كنا دايما بنقعد فيه انا و طارق
كان شكلي غريب و على وشي ابتسامة مكسورة
دخلت الكافيه و طلبت قهوتي
كانت اول مرة ادخل فيها هنا من 5 سنين
كل حاجه هنا اتغيرت الديكور و العمال وكله
كنت فاكرة اني اتغيرت انا كمان لكن دا محصلش
لما سعيت عشان اكسب سعادة اضافية
كنت بهلك نفسي من جديد وانا مش حاسة
________________________
_ يا رامي ارجوك افهم انا مش عايزة اسافر
_ هو انا ليه كل ما اقولك عايزين نحدد الفرح تتحجي كل مرة
بحاجة شكل
_ يا رامي افهم انا ايه اللي يخليني اسيب بلدي و اهلى وصحابي
واروح اعيش في بلد غريبة مش هعرف اعيش ولا اتأقلم هناك
_ طيب ما دا كان اتفاقنا من الاول ايه اللي اتغير دلوقتي عايز افهم
_ انا غيرت رأيي ومش عايزة اسافر يا رامي
_ براحتك بس اعرفي انك كدا بتضيعينا
للحظة افتكرت طارق قالي نفس الكلمة قبل كدا
ليه دايما بيطلعوني انا اللي غلطانه
معقول العيب فيا انا بجد
_ مبسوطة بعد ما خطوبتك اتفسخت
_ ماما ارجوكي مفيش لزوم للكلام دا
انا نازلة اول يوم شغل في الشركة الجديدة
و مزاجي رايق مش عايزة اعكره
_ وهيفيدك ايه الشغل لما تفضلي قاعده جمبي يعني
_ ايه رأيك كدا
لفيت ليها افرجها اللبس و انا بضحك
عشان انهى الحوار دا لكن مفيش فايدة
بقالها شهرين من ساعه ما فسخت الخطوبة
بتقول نفس الكلام... انا عارفه انها صح
بس كل دا بيو'جعني اوي
طلعت على الشركة و انا بحاول اتفائل باليوم
من زمان نفسي في وظيفة كويسه زي دي
والنهاردة اخيراً حققتها
بدأت اتعرف على الموظفين اللي هناك و اتقالي انه شغلي هيكون مشرف
عليه استاذ طارق مدير قسم الحسابات متفائلتش بالاسم بس قولت لا مش هعكر مزاجي برضو
قعدت على مكتبي و بدأت اشتغل وانا في قمة سعادتي
حقيقي انجازات الانسان في الشغل او الدراسة
بتبقى فرحتها لا توصف
خلصت الملف و كان ناقص استاذ طارق يراجعه
دخلت المكتب و اتكلمت بتوتر لأني كنت خايفة شغلي ميعجبهوش
_ استاذ طارق انا الموظفة الجديده كنت محتاجة حضرتك تراجع الملفات
دي عشان اسلمها
لف ليا بالكرسي و وقتها حسيت انه رجليا مش شايلاني
_ خديجة؟
(البارت التالت)
_ استاذ طارق انا الموظفة الجديده كنت محتاجة حضرتك تراجع الملفات
دي عشان اسلمها
لف ليا بالكرسي و وقتها حسيت انه رجليا مش شايلاني
_ خديجة؟
رجعت كام خطوة لورا و انا بحاول استوعب اللي شايفاه قدامي
_ط...طارق
نطقت اسمه و شفايفي بتر'تعش و دقات قلبي تكاد تكون مسموعة
انا كنت فاكرة اني اتخطيت بس مجرد ما شوفته رجعت خمس سنين لورا
_ اتفضلي اقعدي
قربت و انا بقدم رجل و بأخر التانية
قام وقف مد ايده يسلم عليا
حاولت اسيطر على ايدي اللي بترتعش
وسلمت عليه
_ عدى وقت كتير
قالها بإبتسامة
ساعتها بصتله بعد ما كنت بتجا'هل إني ابص لعينيه
_ احم... تشربي ايه
_ لا شكرا... بس ممكن حضرتك تراجع الملفات دي
اتكلمت بعملية عشان اتجنب انه يفتح اي كلام
_ تقدري تعدي عليا كمان نص ساعه تاخديهم
_ تمام
قومت عشان امشي وقبل ما اخرج من الباب
_خديجة
وقفت مكاني وانا بتنهد و لفيت ليه
_ نعم
_ خلاص
دا ايه الرخا'مة دي قلتها في سري و مشيت
اول ما طلعت من المكتب حسيت اني رجعت اتنفس تاني
دخلت الحمام اغسل وشي لكن لقتني بعـ'ـيط فجأة
بصيت على انعكاسي في المراية
حسيت اني رجعت 5 سنين لورا
اني لسه واقفة مكاني من وقتها
خبطت على وشي وانا بهز راسي بنفي
_ لا لا لا.... فوقي يا خديجة بطلي هـ'ـبل... فوقي
_______________________________
_ يعني طارق هو المشرف على شغلك
اتنهدت و انا بهز راسي بـ ايوا
_ خديجة يا حبيبتي انتي ليه حظك كدا في الحياة
_ مريم انا هتـ'ـجنن بجد
_ لا اتظبطي كدا دا زمان معاه دستة عيال
_ ايه
_ ايه انتي
_ يعني اتجوز
_اكيد يعني دول 5 سنين مش 5 شهور
_ بجد
خبطت بكف ايديها على دماغها
_انتي ازاي غبـ'ــية كدا
_ يا مريم انتي معايا ولا عليا
_ يا حبيبتي افهمي مينفعش تضعـ'ـفي دلوقتي لمجرد انك شوفتيه
_مش حوار ضعف هو بس فكرني بحاجات انا مكنتش عايزة افتكرها
بعدين وجوده معايا في نفس المكان موترني
_ خديجة انتي بقالك كتير اوي نفسك في الوظيفة دي
متضيعيهاش من ايدك و ركزي في شغلك... متخليش ماضيكي
يضيع مستقبلك
اتنهدت
_ و هو لسه هيضيعه
_ لو ضيع منك رامي يبقى مينفعش يضيع شغلك
مينفعش تخـ'ـسري كل حاجه يا خديجة
هزيت راسي بـ حاضر
كلام مريم فوقني من لخبطة اليوم كله
حقيقي وجود صاحب جمبك بيحبك و بيدعمك
و يخاف عليك دي نعمة كبيرة اوي
_____________________________
صحيت تاني يوم للشغل وانا واخدة قرار انه مفيش حاجه هتأثر عليا
هرمي كل حاجه ورا ضهري و اركز في شغلي وبس
_ استاذة خديجة... استاذ طارق عايزك في مكتبه
_دا ليه
_ مش عارف
طيب يا خديجة زي ما اتفقنا مفيش حاجه هتأثر علينا
اتعودي بقا على وجوده ما هو معاكي في نفس المكان
طبيعي هتشوفيه كتير
حاولت اشجع نفسي على قد ما اقدر
دخلت المكتب بثقة المرة دي
_افندم يا استاذ طارق... شريف قالي ان حضرتك طلبتني
_ ايوا اتفضلي اقعدي
قعدت قدامه بكل هدوء و عملية
كنت مختلفة كتير عن امبارح
_ تشربي ايه
_شكرا لسه شاربة قهوتي
_ احم... الملف دا خديه اشتغلي عليه النهارده
ولو محتاجه اي مساعدة تقدري تسأليني و....
وقف كلامه و هو بيمد ايده ناحيه عنيا
رجعت لورا بسرعة
رفع ايده بتوتر
_ كان في شعرة هتدخل في عيونك شلتها اهو
قالها و هو ماسك الشعرة في ايديه لاحظت وقتها دبلته
اللي في الشمال
دا طلع متجوز فعلاَ
_ علفكرة كان ممكن حضرتك تقولي بدل اللي عملته دا
قولتها بعصبية وانا باخد الملف من المكتب و بمشي بسرعة
من غير ما اديه فرصة يتكلم اصلا
_الو يا مريم
_ ايه يا ديچا اخبارك ايه
_ طلع متجوز
_ ما انا قولتلك يبنتي... ركزي في شغلك بقا
_ بس...
_خديجة ركزي في شغلك و بطلي هبـ'ـل
_ حاااااضر مقولتش حاجه انا
_ هننزل النهارده نجيب الفساتين اللي هنحضر بيها فرح داليا صح
_ يااااه دا انا كنت نسيت خالص
_ نتقابل بعد الشغل بقا
_ معرفتيش مين العريس الخفي دا اللي مش راضيه تقولنا عليه
_ مش عارفه والله بتقول خليها مفاجأة
_ ايوا هتتجوز توم كروز يعني ولا ايه
_ اخر الشهر هنتفرج كلنا... انا بس مستغربة من السرعه دي مخطوبة من شهر هتعمل الفرح دلوقتي ازاي
_ داليا من يومها مجنو'نة نتوقع منها اي حاجه عادي
_ حصل... طيب يلا كملي شغلك
_ اوك.. سلام
حاول اتجنبه لحد ما خلصت شغل اخيرا
مش هنكر اني فضلت مقفولة طول اليوم بعد ما عرفت انه متجوز
بس من الاول و انا كنت متوقعة دا فـ متفجأتش يعني
____________________________________
_ مريم ايه رأيك في الفستان دا
_ حلو اوي ادخلي جربيه كدا
_ طيب تعالي معايا انا مش عارفه البروڤا فين
كنا ماشين لحد ما لمحت طارق في المول
كان شايل بيبي على كتفه وجمبه واحدة ماسكة ايديه
حسيت اني اتجمدت مكاني نفس احساس يوم ما عرفت انه خطب
انك تسمع الحاجة من بعيد غير انك تشوفها حقيقة قدامك
اتقهرت على نفسي لأني الوحيدة اللي خسر'انه هنا
ضيعت 5 سنين من عمري على الفاضي
وضيعت رامي.. انا خسرت
_ خديجة انتي وقفتي ليه.... بتبصي على ايه
انتبهت ليها لما شدتني من دراعي بصتلها و خا'نتني دمعة
حاولت انها متنزلش لكن نزلت برضو
_ انتي بتعيـ'ـطي.. في ايه
سكتت لما انتبهت ليهم هي كمان
اخدتني و مشيت بعيد عنهم
_ خديجة اهدي احنا كنا عارفين من الاول
_ انا...... انا خسر'ت هو طلع عايش عادي
وانا خسر'ت
قلت كلامي و انا بتنـ'ـفض كلي و دمو'عي متعلقة في عيني
_ عيـ'ـطي يا خديجة متكتميش دموعك عيـ'ـطي
اخدتني في حضـ'ـنها و انا انها'رت
مش مجرد اني شفت الشخص الوحيد اللي حبيته متجوز و عنده عيلة
لكن عشان ادركت اني خسر'انة.. اني الوحيدة اللي ضيعت سنين عمري
على الفاضي
_____________________________________
_دخلت في اكتئا'ب بعد اللي حصل و فكرت كتير اسيب الشغل
لكن تراجعت لأني مش عايزة اخسر اكتر من كدا
النهارده فرح داليا صحبتي مكنتش عايزة احضر
لأني بروح الشغل بالعافية اصلا مش قادره اقابل ناس
ولا اشوف حد.. بس بعد الحاح مريم قررت اروح
لبست دريس سواريه اسود بس متوقعتش انه هيقترن بحظي يومها
كنت قاعدة بهزر و اضحك انا ومريم وشوية من صحابنا
لحد ما لقيت طارق و مراته في الترابيزه اللي قدامي
حاولت اتحكم في اعصابي عشان محدش يلاحظ
لكن فقدت اعصابي كلها لما داليا طلت هي وعريسها واللي كان رامي
(البارت الرابع)
وقفت على سطوح القاعة و انا بصر'خ بعلو صوتي
لحد ما لقيت صوت جاي من ورايا
_ اعذريني يوم زفافك مقدرتش افرح زيهم
مخطرش أبداً يوم في بالي اني ابقى واحد منهم
التفت لمصدر الصوت لقيته شاب غريب بيغني و بيضحك بعلو صوته
بصتله باستغراب قرب عليا وهو لسه بيضحك
_ حبيبك بيتجوز صح
__________________________
النهارده فرح داليا صحبتي مكنتش عايزة احضر
لأني بروح الشغل بالعافية اصلا مش قادره اقابل ناس
ولا اشوف حد.. بس بعد الحاح مريم قررت اروح
لبست دريس سواريه اسود بس متوقعتش انه هيقترن بحظي يومها
كنت قاعدة بهزر و اضحك انا ومريم وشوية من صحابنا
لحد ما لقيت طارق و مراته في الترابيزه اللي قدامي
حاولت اتحكم في اعصابي عشان محدش يلاحظ
لكن فقدت اعصابي كلها لما داليا طلت هي وعريسها واللي كان رامي
وقفت و انا بحاول استوعب اللي شايفاه قدامي
بدأت تيجي على بالي شوية ذكريات بينت ليا قد ايه كنت مغفلة
_ رامي احنا هنخرج النهارده صح
_ ايوا بقولك ايه ما تقولي لداليا تيجي معانا
_ اشمعنا
_ قصدي يعني داليا و مريم والشلة نخرج كلنا
_ اوك هكلمهم
-----------------------------------------
_ ايدا داليا انتي جايبة السلسلة دي منين
_ هاااا... دي عندي من زمان
_ اصل رامي معاه واحدة شببها بالظبط
_ اممم... دي قديمه اوي
----------------------------------------
_ هو انت بتبص لداليا كدا ليه
_ ببصلها ازاي يعني
_ مش عارفه حساك منسجم معاها اوي و طول القاعدة ضحك وهزار
_ في ايه يا خديجة انتي بتتكلمي كدا ليه
_ عشان قربكم دا مضايقني
_ انتي بتشكي فيا
_ رامي انا مقولتش كدا بس ياريت تخلي حدود شويه بينكم
------------
كل الذكريات دي جت على بالي و غيرها كتير
اكتشفت قد ايه انا كنت غبية طول الفتره دي
واتأكد من دا دلوقتي من نظرة داليا ليا و هي بتضحكلي بانتصار كأننا في حر' ب
حسيت اني عشت طول عمري في كد'بة
كدبة طارق اللي شايفاه قدامي بمراته
او كد'بة رامي اللي خا'ني مع صحبتي وبحضر فرحه دلوقتي
ضحكت و انا بسقف ليهم كأني بهنيهم على المسرحيه
اللي عملوها عليا كلهم
بعدها اتحول الضحك دا لهيستريا مبقتش قادرة اوقفه
طلعت من القاعة و انا حاسه انه رجليا مش شايلاني
دي كانت بمثابة ضر'بة قا'ضية ليا
اول ما خرجت من الباب طلعت اجري على تحت لكن لقيت السلم
مسدو من العمال جريت على فوق وانا مش عارفه رايحة فين لحد ما لقتني وصلت السطوح
وقفت عليه و انا بصر'خ بعلو صوتي و مش قادره استوعب اللي حصل كله
حاسة بنا'ر في قلبي و صدري بتحر'قني انها'رت و انا بعـ'ـيط
لحد ما لقيت صوت جاي من ورايا
_ اعذريني يوم زفافك مقدرتش افرح زيهم
مخطرش أبداً يوم في بالي اني ابقى واحد منهم
التفت لمصدر الصوت لقيته شاب غريب بيغني و بيضحك بعلو صوته
بصتله باستغراب قرب عليا وهو لسه بيضحك
_ حبيبك بيتجوز صح
رجعت كام خطوة لورا لقيته قرب اكتر
_ انت مين
قلتها و انا شفايفي بترعتش من العيا'ط
_ انا واحد زيك
_ ما انا عارفه انك واحد زيي امال هتكون عفريت يعني
حط ايده على بوقي يسكتني لأن صوتي كان عالي الي حد ما
وشاورلي اسكت بإيده التانيه و امشي معاه
كنت لسه هعترض لكن لقيت الامن طالع ف مشيت معاه
وقفنا على جمب علشان محدش يشوفنا
_ مفيش حد هنا
قالها راجل الامن و نزل تاني
اول ما عرفت انه نزل زقيته و وقفت بعيد
بعد عني و مشي اتجاه السور و هو بيضحك
لكن لقيته وقف مرة واحده و بدأ يصر'خ
حطيت ايدي على ودني
_ اسكت.... اسكت
نط وقف على السور
_ انت بتعمل ايه
بصلي و ضحك
_ خا'يفة عليا
_ ارجوك انزل
قلتها و انا بقرب عليه
شاورلي بإيديه اقف مكاني
_ تعرفي انا عمر ما حد خا'ف عليا
_ بس انا خا'يفة انزل
_ كد'ابة
لف وشه الناحية التانيه و فرد ايديه الاتنين
_ عمر ما الحياة ادتني حاجه انا عايزاها
وانا مبقتش عايز حياتي
قالها وهو بيغمض عنيه و كأنه بيستعد انه يرمي نفسه
جريت عليه وانا بصر'خ وشديته عليا
وقعنا احنا الاتنين على ارض السطوح
حط ايديه على ضهره بو'جع
_ انتي كدا بتنقذيني يعني
مسكت دماغي اللي كانت بتجيب د'م
و اتكلمت بعصـ'ـبية
_انت مجنو'ن... عايز تفرط في الروح اللي ربنا عطهالك
_ بس......
حاول يتكلم لكن معطتش ليه فرصة
_كنت عايز تمو'ت كا'فر... ازاي تعمل في نفسك كدا
اتكلم بصوت عالى وهو بيحاول يسكتني
_ بس انا مكنتش هنتـ'ـحر
_ ايه
_ ايه انتي... بحاول اسكتك من بدري و انتي مش بتوقفي كلام
قرب عليا مسك راسي و هو بيبص على الجر'ح اللي في جبهتي
_ بيو'جعك
هزيت راسي بنفي
_ بطلي كد'ب دي بتنز'ف
خلع الكرافت بتاعه و ربط بيها راسي
_ انت بتعمل ايه
_ بربط الجر'ح عشان يوقف د'م
_ هو انت بجد مكنتش هتنط
_ ممكن اكون با'ئس و غبـ'ـي بس مش لدرجة اني انهي حياتي
_ امال كنت واقف كدا ليه
_ كنت بشم هوا
قالها و هو بيهز اكتافه بضحك
ضحكت على حركته
_ انت مجنو'ن
هز راسه بـ ايوا و قام وقف و مد ليا ايديه
مسكت ايديه و وقفت
_ تسمحيلي بالرقصة دي
بصتله بعدم فهم شاور بإيديه على ودانه
_سامعة المزيكا دي
_ فين دي
_ مش مهم انا سامعها
قالها وهو بيشدني عليه و بيرقص
_ لا دا انت مجنو'ن بجد
ضحك وهو بيلفني وبيكمل ر'قص
_ بطلي كلام و استمعتي باللحظة
مسكت كتفه و انا بسند عليه
_ كان نفسي استمتع بس انا دوخت
_ احم... حيث كدا نطلع على المستشفى
قالها و هو بيشلني
_ انت بتعمل
_ اهدي عشان متقلبش على السلم دلوقتي
_نزلني طيب
_ انزلك ايه دا انتي عنيكي بتقلب هتمو'تي مني
حاولت ازقه وانزل لكن مقدرتش حسيت ان كل حاجه حواليا بتسود
بعدها اغمى عليا
_____________________
صحيت بعد فترة لقتني على سرير مستشفى و متعلقلي محلول
حطيت ايدي على دماغي بو'جع لقيتها ملفوفة بشاش
افتكرت اللي حصل كله و المجنو'ن اللي قابلته
حتى في الانهيا'ر فشـ'ـلت
_ هو اي حد ضغطه يوطى يمو'ت كدا
قالها وهو داخل الاوضة و بيضحك
_ انت لسه هنا
_ ليه هو حد قالك اني وا'طي
_ مش بتعرف تتكلم زي الناس أبداً
_ للاسف لا
_ انا عايزة اروح
(البارت الخامس)
_ المحلول خلص يلا بينا
نزلنا من المستشفى و وقفنا في الكراچ
_ حزري عربيتي مين في دول
قالها و هو بيشاور على 3 عربيات جمب بعض
_ و دا وقت فوازير دلوقتي
_ انجزي خمني
_ نستبعد المرسيدس و الـ Jeep فـ غالباً زوبا اللي هناك دي
شاورت على عرببة صغيرة و متكسرة
ضحك وهو بيدور العربية بريموت
و طلعت المرسيدس
_وااااااو
قلتها وانا ببص للعربية بذهول
ضحك و غمزلي
_ يلا اركبي
ركبت معاه و فضل طول الطريق مشغل اغاني و بيرقص
_انتي بتبصيلي كدا ليه
_ انت ازاي كدا
_ يعني ايه
_ من شويه كنت بتنتـ'ـحر و دلوقتي بتغني و تر'قص
_ قلتلك مكنتش هنتـ'ـحر
_ طيب ممكن موبايلك اعمل مكالمه
ناولني الموبايل واللي كان من غير باسورد
اول ما فتحته شوفت صورتي و انا مغمي عليا
ودماغي مربوطة بالكرافت كان شكلي غبي و يضحك في نفس الوقت
_ ايداااااا
قولتها وانا ببصله بصد'مة لقيته شد مني الموبايل و ما'ت ضحك
_ واضح انك مجنو'ن بجد
_ لو حولنا كل مآساة في حياتنا لكوميديا صدقيني هتكون مشاكلنا اهون بكتير
_ هات الموبايل
_ تؤ تؤ
_ يا مجنو'ن
_ نرجع لموضوعنا.... يعني عندك انا مثلاً رجعت من السفر لقتني معزوم على فرح حبيبتي
طلعت على السطوح اشم هوا لقيتك قدامي و حتى معرفتش انها'ر بسببك
_ علفكره بقا انا اللي معرفتش انها'ر بسبب انك طلعت
_ طيب يلا ننها'ر سوا....ذكريات كداااا'ااابة والاشوا'ق كداااا'اابة
_ صوتك و'حش بجد
_ ايوا ايوا عارف
سندت راسي على الشباك و بدأت افكر في اللي حصل كله لكن قاطعني صوته المزعج
_ كنتي بتحبيه؟
اتنهدت
_ كان خطيبي و هي كانت صحبتي
_ اووووه..... هي الحاجات دي لسه موجوده في الواقع
فكرتها في الافلام بس
_ وانا كنت فاكره زيك كدا بس الواضح انه حياتي اتقلبت فيلم هندي
_ وصلنا
_ شكراً يا...
_ أمير
قالها بإبتسامة بينت غمازاته
_ شكراً يا أمير
كنت هنزل من العربية لكن وقفني
_ معرفتش اسمك
_ خديجة
_ عاشت الاسامي يا ديچا
_ اه صح فاتورة المستشفى
_ الاصابة دي كانت بسببي فـ حساب الفاتورة عليا
_ بس...
_مفيش بس دا واجبي
_ بجد شكرا.. عن اذنك
طلعت البيت لقيت صحابي كلهم فوق
اول ما شافوني اتخضوا من شكلي و طبعاً اكلت تهز'يق كتير
لأني اختفيت لكن عدت بسلام لما شافوا دماغي
قضينا الليل هزار وضحك
و مريم باتت معايا
عدا كام يوم و بدأت اتأقلم كنت كل ما اتضايق و افتكر اللي حصل
يجي على بالي أمير المجنون و اضحك
اقترن بذكرى بشـ'ـعة لكن خلاها ذكرى تضحك في نفس الوقت
نزلت الشركة و كالعادة طارق ناداني مكتبه
مكنتش طايقة اشوفه لكن روحت غـ'ـصب عني
_ نعم يا استاذ طارق
_ خديجة انا مش متجوز
_ اييييه؟
نزلت الشركة و كالعادة طارق ناداني مكتبه
مكنتش طايقة اشوفه لكن روحت غـ'ـصب عني
_ نعم يا استاذ طارق
_ خديجة انا مش متجوز
_ اييييه؟
_ انا محبتش غيرك
_ انت بتقول ايه
وقف قدامي وهو بيتسم
_ انتي وحشتيني اوي
رجعت كام خطوة لورا وهو فضل يقرب لحد ما اتخبطت في المكتب
_خديجة ردي عليا متسكتيش كدا
_ابعد عني
قولتلها و انا بمشي لكن وقفني تاني وهو بيشد دراعي
ز'قيته وانا بز'عق
_قولتلك سيبني
اتخبطت في المكتب و القهوة وقعت عليه والواضح انها كانت سخنة
_ المرة اللي فاتت قولتلك لو قربت مني تاني هحر'قك يا طارق
مسك دراعه بأ'لم و قرب عليا
_ بقالك خمس سنين بتحر'قي قلبي مش كفاية لحد كدا
_ انت كدا'ب
قولتها و طلعت من المكتب قبل ما يتكلم تاني
مفرحتش لما قالي انه مش متجوز بالعكس اتلخبطت اكتر
مليون فكرة كانت في دماغي اهمهم ان كدا ممكن يكون ليا فرصة جديدة مع طارق ولا لأ
انا مشاعري ناحيته خلصت لكن مقدرتش اتخطاه
طيب هو معقول اكون غلط و اكون لسه بحبه؟!
------------------------
_ مش متجوز ازاي يعني
_ مش عارفه يا مريم انا هتجـ'ـنن
_ لما كنا في الفرح طلع يدور عليكي معانا لكن انا زعقـتـ'ـله
وقولتله يروح لمراته و يسيبك في حالك و قتها كان هيقول حاجه
بس انا سبته و مشيت من غير ما يكمل كلامه معقول كان هيقول
انه مش متجوز
_ امال مين اللي كانت معاه في الفرح و الدبلة اللي في ايديه
انا مبقتش فاهمه حاجه
_ والله ولا انا بس اكيد مش هيكد'ب يعني
_ انا تعبـ'ـت يا مريم
_ لا بقولك ايه اجمدي كدا... بس هو انتي ممكن ترجعيله تاني
_ سألت نفسي السؤال دا النهارده و مكنتش لاقية اجابة
لحد ما افتكرت خيا'نته وقولت مستحيل
_ كوين يا ديچا انتي كوين
قضيت بقية اليوم مع مريم و طلعت من عندها بليل
وانا في طريقي للبيت كنت ماشية سرحانه لحد ما سمعت صوت حد بينادي عليااااا
التفت لمصدر الصوت و لقيته امير المجنو'ن
اول ما وقفت مشي ناحيتي وهو بيبتسم
_ ازيك
يتبع.....
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺