رواية زواج الشفقه الحلقه الأولي بقلم ميليسا حصريه وجديده على مدونة افكارنا
 |
رواية زواج الشفقه الحلقه الأولي بقلم ميليسا حصريه وجديده على مدونة افكارنا
دخلت لدار شديت تيليفون نعيط ونعاود قلت بلاك يهز عليا بصح والو عيطت تقريبا 20 آبال بصح محبش يهز ضاق فيا النفس علابالي راه يدير فيها بلعاني اصلا من يوم يومو حابب يطلقني ونا لاصقة كي الڨرادة مش حبا فيه بصح مجبورة معنديش وين نروح...
قعدت يمات ونا على أعصابي مبعد قلت خلي نعيط لخويا نفهموو بشوي بلاك يقنع عيطتلو رفد عليا بديتها معاه بشوي مبعد حكيتلو لحكاية على ضربة قالي انا ماعندو مادخلني شوفي مع راجلك يشوفلك حل والدار ماعندك وين راح تجي يخي علابالك راني قريب نخطب وحايب ندي راحتي مع مرتيي شوفي مع باباك وليكيداني بلهدرة وكوبا في وجهي....
حطيت تيليفون اذن الضهر توضيت وصليت ودعيت ربي يفرج علياا ونضت درت تشكشوكة تاع لبصل كليت ورقدت...
نضت جوايه الربعة هكذاك توضيت وصليت ورحت درت قهوة نحيت بيها وجيع راسي مبعد دخلت لشمبرتي كملت خيطت القندورة لي قاتلي عليهاا جارتي (سعيدة) كي كملتها بيبتلها فتيليفون عاودتلي قاتلي ادا كملتيها نجي نديها ونشايخوو شوي قتلها مرحبا راهي واجدة...
فرزت الصالون ووجدتلها القندورة تاعها عاودت قهوة جديدة وحطيت معاها حبات قاطوو طيبتهم باش نفطر، بيهم الصباح...
قعدت نتفرج فتليفيزيون حتى طبطب لباب سلمت عليا ودخلت قعدت معاها فصالون وهدرة تجيب هدرة وحكيتلها وش قالي سلفي لكبير بحسن نية يعني وهي اصلا علابالها بضروفي وكون ماشي هي كانت تواسيني وتجي ساعة ساعة تطل علياا وندردرش معاها كون هبلت...
قاتليي ادا مالقيتيش وين تروحي انا عندي الحل... قتلها وااش هوو الحل... بصح لازم تطلقي... نطلق؟؟ مريضة نتي ولله يا بابا غير يذبحني وزيد وين نروح كون نطلق خوياا قالي راني راح نتزوج ومانيش حايب ديرونجموو... قاتلي انتي اطلقي وساهل لحاال راه كاين عندي سلفي لكبير أرمل وعندو زوج ذكورة ورااه عندوو بزاف يحوس على إمراة ونتوقع كي نهدرلو عليك ويزيد يشكرلو راجلي فييك ماهوش راح يرفض...
تبكمت مالقيت مانقول وليت بدلتلها الموضوع زدنا منشرنا شوي فلجيران وراكم تعرفو بوليتيك نساء مبعد هزت القندورة تاعها عطاتلي وش كتب ربي وراحت لدارهاا...
دخلت خبيتهم فلخزانة ورحت تفتفت لعشااء درت روز سكرت الكيكوطة اذن المغرب ورحت صليت ودعيت ربي يسهليي يكفيني الشقى لي عانيتوو سنين في عز شبابي تغبنت بزاف حابة نفرح ويالوكان نهار...
كي كملت هزيت السجادة سمعت تيليفوني يصوني رحت هزيتوو لقيتوو حسان فرحت هزيت عليه... قتلوو سلام قاالي واش تحتاجي قتلو سمعت واش حابين يديرو خاوتك قالي ايه علابالي وااش راكي حابتني ندير هذا حقهم قتلو كيفاه يبيعولي داري (بحسن نيةة) ويتلاح فياا قالي نتي واقيلا حاسبتها ورث باباك داركم مطيشينك وحصلتي في ز### اناا كرهت من ر### روحي شوفي حيااتك راكي طالق بثلاث قتلك ألف مرة بصح نتي ماكيش حابة تفهمي روحك اناا مانيش حابك راني عندي حياتي ومشاغلي ديتك ماخذة في خاطر المرحومة والمرحومة ضك مااتت فهمتيي مااتت...
وكوبا في وجهي طحت على ركايبي سجدت ودعييت قتلو ياربي لقد مسني الضر وأنت أرحم الراحمين...
يتبع
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺